କେନ୍ଦ୍ରକୁ ସହାୟତା ମାଗିଲେ ମୁଖ୍ୟମନ୍ତ୍ରୀ
ଚଣ୍ଡିଗଡ଼, ୧/୯: ଅଗଷ୍ଟ ୧ ତାରିଖରୁ ଅବିରତ ବର୍ଷା ହେବା ଫଳରେ ପଞ୍ଜାବରେ ଭୟଙ୍କର ବନ୍ୟା ଆସିଛି। ବନ୍ୟାରେ ଏପର୍ଯ୍ୟନ୍ତ ୨୯ ଜଣଙ୍କର ମୃତ୍ୟୁ ହୋଇଛି। ୧୨ଟି ଜିଲ୍ଲାରେ ୨.୫ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଛନ୍ତି। ପଠାନକୋଟରେ ସର୍ବାଧିକ କ୍ଷତିଗ୍ରସ୍ତ ହୋଇଛି, ସେଠାରେ ୬ ଜଣଙ୍କର ମୃତ୍ୟୁ ହୋଇଛି।
ପ୍ରବଳ ବର୍ଷା ଯୋଗୁଁ ବନ୍ୟା ଘଟିଛି। ହିମାଚଳ ପ୍ରଦେଶ ଏବଂ ଜମ୍ମୁ ଏବଂ କାଶ୍ମୀରରେ ବର୍ଷା ଯୋଗୁଁ ସତଲେଜ୍, ବ୍ୟାସ୍ ଏବଂ ରବି ନଦୀର ଜଳସ୍ତର ବୃଦ୍ଧି ପାଇଛି।
ସେନା, NDRF, SDRF ଏବଂ ପଞ୍ଜାବ ପୋଲିସ ୧୫,୦୦୦ରୁ ଅଧିକ ଲୋକଙ୍କୁ ଉଦ୍ଧାର କରିଛନ୍ତି। ଗୁରୁଦାସପୁର, ଫିରୋଜପୁର ଏବଂ ଅମୃତସରରେ ଅନେକ ଲୋକଙ୍କୁ ଉଦ୍ଧାର କରାଯାଇଛି।
ପ୍ରାୟ ୧,୦୪୪ ଗାଁ ପାଣି ଘେରରେ ଅଛି। ପ୍ରାୟ ୯୬,୦୦୦ ହେକ୍ଟର ଫସଲ କ୍ଷତିଗ୍ରସ୍ତ ହୋଇଛି। ଅନେକ ପଶୁ ମଧ୍ୟ ମୃତ୍ୟୁବରଣ କରିଛନ୍ତି। ପାଣି କମିବା ପରେ ସମ୍ପୂର୍ଣ୍ଣ କ୍ଷୟକ୍ଷତି ବିଷୟରେ ଜଣାପଡ଼ିବ।
ତେବେ ମୁଖ୍ୟମନ୍ତ୍ରୀ ଭଗବନ୍ତ ସିଂହ ମାନ କେନ୍ଦ୍ରୀୟ ରିଲିଫ୍ ପାଣ୍ଠିରୁ ୬୦ ହଜାର କୋଟି ଟଙ୍କା ସହାୟତା ରାଶି ମାଗିଛନ୍ତି।
No comments:
Post a Comment