ସମୁଦି samuduni

ସମୁଦୁଣୀଙ୍କୁ ଚିଠି !

                

ସମୁଦୁଣୀ ! ମୋର ନମସ୍କାର ନେବ,

ଚିଠିଟିଏ ଆଜି ଲେଖୁଛି,

ବୋହୁ ବିରୁଦ୍ଧରେ, ଅଭିଯୋଗ ନୁହେଁ,

ଜଣାଉଛି ଯାହା ଦେଖୁଛି !

ସମୁଦୁଣୀ ତୁମେ, କେଉଁ ଇସ୍କୁଲରେ,

ପାଠ ପଢ଼େଇଲ ଝିଅକୁ,

ଭଲ କଥାଟିଏ, କହୁଥିଲେ ମଧ୍ୟ,

ନେଇ ଯାଉଅଛି ଦିହକୁ !

ଦିନସାରା ବସି, ଟିଭି ଦେଖୁଅଛି,

ଶାଶୁଟା ବିଚରା ଖଟୁଛି,

ସଞ୍ଜ ହେଲାପରେ, ଖାଇ ଶୋଉଛି ଯେ,ଦିନ ବାରଟାରେ ଉଠୁଛି !

ମୋବାଇଲ ଫୋନ୍, କାନରୁ ହଟୁନି,                                 

ଚୁପୁଚୁପୁ କହି ହସୁଛି,

ଯାହା ସାଥେ ଆମ, ଭଲ ପଡୁନାହିଁ,

ତାହା ଘରେ ଯାଇ ବସୁଛି !

ଶାଢ଼ୀ ପିନ୍ଧା ତାକୁ, ଶିଖେଇନ ବୋଧେ,କହିଲେ  ଫାଇଟି କରୁଛି,

ନାଇଟି ଗୋଟିଏ ବେକଠାରୁ ଗୋଡ଼, ଗଳେଇ ଖାଲି ବୁଲୁଛି ।

ଚପଲ ମଡ଼େଇ, ପଶି ଯାଉଅଛି,

ରୋଷେଇ ଘରର ଭିତରେ,

ଶାଶୁ ଶ୍ୱଶୁର ଦିଅରଙ୍କ ପ୍ରତି,

ସ୍ନେହ ନାହିଁ ତାର ଚିତ୍ତରେ !

ପଟେ ପଟେ ଚୁଡ଼ି, ହାତରେ ପିନ୍ଧୁଛି,

ଘାଆ ହୋଇଯିବ କହୁଛି,

ସିନ୍ଥିରେ ସିନ୍ଦୁର ଜମା ଲଗାଉନି,                                

ଟିକିଲି ଗୋଟାଏ ନାଉଛି !

ଗୋଡ଼ ଆଙ୍ଗୁଠିରେ, ଝୁଣ୍ଟିଆ ପିନ୍ଧୁନି,

କହୁଛି ମୋଜାରେ ଲାଗିବ,

କିଛି କାମ ତାକୁ, କରିବାକୁ ଦେଲେ,

ନାକ ଫୁଲେଇକି ରାଗିବ !

ଉପର-ବେଳାରେ, ଭ୍ୟାନିଟି ଝୁଲେଇ,ପଟ୍ଟାମୁଣ୍ଡାଇ କୁ ଯାଉଛି,

ଗୁପୁଚୁପୁ, ଚାଟ୍, ମୋମୋ, ଦହିବରା,ପେଟ ପୂରେଇକି ଖାଉଛି !

ପୁନେଇଁ, ସଂକ୍ରାନ୍ତି, ସୋମ, ଗୁରୁବାର,ଆମିଷରେ ନାହିଁ ବାରଣ,

ପରିବାର ମଧ୍ୟେ, ସୁଖ, ଶାନ୍ତି ନାହିଁ,                

ସବୁ ଅନର୍ଥର କାରଣ !

ଯେଉଁ ରାଗ ତୁମ, ଆମଠାରେ ଅଛି,

ଝିଅ ଦ୍ୱାରା ଦେଲ ଶୁଝେଇ,

ଆର ମାସେ ଝିଅ, ତୁମ ଘର ଗଲେ,

ତାକୁ ଟିକେ ଦେବ ବୁଝେଇ !

ତୁମେ ମଧ୍ୟ ଜଣେ ନାରୀ ଓ଼ ଗୃହିଣୀ,

ଏ କଥା ଭାବିବ ମନରେ,

ମଣିଷ-ପଣିଆ, ବ୍ୟବହାରେ ଥାଏ,

ନ ଥାଏ ସେ ସବୁ ଧନରେ !

ଖୋଲା ଚିଠିଟିଏ, ଲେଖି ପଠେଇଲି,ଲଫାପା ମୁହଁକୁ ନ ମୁଦି,

ଚିଠି ପଢି କେବେ, ରାଗ କରିବନି,

*ଇତି  ତୁମର "ସମୁଦି"* !                   

*ଵି :ଦ୍ର.*

 *ସମୁଦୁଣୀ ଙ୍କ ଉତ୍ତର  !*

*ସମୂଦି!*

କାଲି ନୁହେଁ ଏବେ ଚିଠି ମୁଁ ଲେଖୁଛି

ଚିହ୍ନି ନାହଁ ମୋତେ ତୁମେ,

କଅଣ ଭାବିଲ   କଅଣ ଲେଖିଛ

ଭାବିଛ କି ଟିକେ ମନେ ?

ଝିଅ ବାହା ଦେଇ ପସ୍ତେଇ ହଉଛି 

ଏତେ କମ୍ପ୍ଲେନ୍ କରୁଛ ?

ଆପଲ୍ ଫୋନ୍ କୁ ଧରି ଶିଖିଲନି  

ପୋଷ୍ଟ କାର୍ଡ ରେ ଲେଖିଛ ? 

ଲଜ୍ଜା ଟିକେ ନାହିଁ ମୁହଁକୁ ତୁମର  

ସ୍କୁଲ ପାଟିରେ ପଶୁନି, 

ମାନ୍ଧାତା ଅମଳ  ଇସ୍କୁଲ୍ କହୁଛ 

ଯୁକ୍ତାକ୍ଷର ବି ଦିଶୁନି ।

ଗୁଡ଼ ମର୍ଣ୍ଣିଂ  ଲେଖି ଆସୁନାହିଁ 

ନମସ୍କାର ତୁମ ରଖ,

କମ୍ପ୍ଲେନ କେତେ ଯେ କରୁଛ

ସାମାନ୍ୟ କଟସି ଶିଖ ।

ଏଇ ଫେବ୍ରୁଆରି ଗଲା କାଲି ମୋର 

ଛୟାଳିଶି ମୋତେ ହେଲା, 

କେକ୍ କଟା ଫଟୋ, ଲିଚୁ ଲାଇଟ୍ ର ଭିଡିଓ ଛାଡିଛି ଗଲା ।

ଷାଠିଏ ବରଷ ଟପିଲା ତୁମକୁ 

ଧିକ ମୋ ଲାଇଫ ହେଲା,  

କାହାକୁ କହିବି ମୁହଁ ଲୁଚାଉଛି 

ବୁଢ଼ା ସମୁଦି ମିଳିଲା ।

ତୁମେ କି  ବୁଝିବ  ଜେନେରେସନ ଗ୍ଯାପ୍  ମଡର୍ଣ୍ଣ ବୋହୁଙ୍କ କଥା, 

ଏଇ କେତେ ବର୍ଷ ବିଭାଘର ହେଲା 

ଏତେ ଶୀଘ୍ର ମୁଣ୍ଡ ବ୍ୟଥା ? 

ଜିଦ୍ କଲ ତୁମେ ସାମ୍-ସଙ୍ଗ ଟିଭି 

ମାସକ ମଧ୍ୟରେ ନେବେ , 

ଅଲିଅଳି ଝିଅ ଦେଖିବନି ମୋର 

ଗାଁ ବାଲା ଆସି ଦେଖିବେ ? 

ଯାଜପୁରି ଝିଅ ମୋ କେନ୍ଦ୍ରାପଡ଼ା ବୋହୁ ସହଜେ  ଥଣ୍ଡା ପଡିଲା,

ଭୋର୍ ବାରଟାରେ  ଉଠିଲା ବେଳକୁ ତୁମ ପ୍ରାଣ ଛାଡିଗଲା ? 

ଡିମାଣ୍ଡ ତୁମର ପୁଅ କରି ଥିଲେ 

ଆଇ ଫୋନ ଟାଏ ଦବ,   

ମୁଣ୍ଡ ଟା ତୁମର ବେକାର ବିନ୍ଧୁଛି 

ପଇସା କିପରି ଉଠିବ ? 

ରାତି ନ ପାହୁଣୁ  ଦାଣ୍ଡ କମ୍ପୁଅଛି  

ସମସ୍ତ ଙ୍କ ସହ କଳି,  

କା ' ସାଥେ ପଡନ୍ତା  କିପରି ଭାବୁଛ 

ଝିଅ ମୋ ପାରୁନି ଚଳି ।

ରମାଦେବୀ ଛାତ୍ରୀ, ଶାଢ଼ୀ ପିନ୍ଧା ପିନ୍ଧି କୋର୍ସ ରେ ତାଙ୍କର ନାହିଁ, 

ନାଇଟି ଲେହେଙ୍ଗା ଯୁଗ ଚାଲିଅଛି 

ଏତିକି ଶିଖିଲ ନାହିଁ ? 

ରୋଷେଇ ଘରଟା ଖାଲି ବାଲି ମାଟି 

ଚପଲ ମାଡ଼ୁଛି ଝିଅ,  

ପାଦ ଧୂଳି ହେବ ଜାଣି ପାରୁନ କି 

କିପରି ଚାଲିବ କୁହ ? 

ଯୌତୁକ ଡିମାଣ୍ଡ ଲିଷ୍ଟ ରେ ନଥିଲା 

ସେନେହ ହାଣ୍ଡିଏ ପାଇଁ, 

ଶ୍ୱଶୁର ଶାଶୁ ଦିଅର ମୁଣ୍ଡରେ 

ଘସିଥାନ୍ତା ଏଠୁ ନେଇ ।

ବୋଝେ ବୋଝେ ଚୂଡି ପିନ୍ଧିବା ପାଇଁ କି ଡାକ୍ତର ମନା କରୁଛି, 

ସିନ୍ଦୁରଟା ପରା କେବଳ ପାରଦ 

କେମିଷ୍ଟ୍ରି ବହିରେ ସେ ପଢିଛି ।

ମାଇଚିଆ ତୁମେ ଗୋଡ଼କୁ ଦେଖୁଛ 

ଝୁଣ୍ଟିଆ ଅଛିକି ନାହିଁ,

ଗାଆଁରେ ଶୁଣିଲେ କଅଣ କହିବେ 

ଟିକିଏ ଚେତିଲ ନାହିଁ ? 

ଛବିଶି ବରଷ ଝିଅକୁ ମୋହର 

ବେଶି ତ ବଳେଇ ନାହିଁ, 

ସକ ତାର ଦେଖିବା ପାଇଁକି ଦେହରେ କି ଯାଉ ନାହିଁ ? 

ଲଜ୍ଜା ନାହିଁ ଟିକେ ଭାନିଟି ନେବନି 

ଅଖାଟାଏ ଧରି ଯିବ ? 

ବରା ଗୁପ୍ ଚୁପ୍ ଖାଇବନି ଆଉ 

ଏଣ୍ଡୁରି ପିଠା ଖାଇବ ? 

ସମୁଦୁଣି ଆମ ଏଣ୍ଡୁଳ ଝିଅ ଏଣ୍ଡୁରି ପିଠା ଖାଇଚି l

ସେ ଯାହା ଖାଇଲେ ମୋ ଝିଅ ଖାଇବ କୋଉ ଶାସ୍ତ୍ରେ ଲେଖା ହୋଇଛି l

ମାଛ ମାଂସ ଅଣ୍ଡା ପ୍ରୋଟିନରେ ଭରା 

ଦେହ ପାଇଁ ହିତକର,  

ପିଲାଟି ଦିନରୁ  ଝିଅ ମୋ ଖାଇଛି 

*ରଖ ତୁମ ଗୁରୁ ବାର* ।

ଫାଲତୁ କଥାକୁ କହିବନି ତୁମେ  

ମୋ ରାଗ ଜାଣିନା ତମେ, 

ସମାସ୍କନ୍ଦ ବନ୍ଧୁ ନୁହେଁ କେବେ ତୁମେ 

ପସ୍ତଉଛୁ ଆଜି ଆମେ ।

ଲେଖିବନି ଆଉ  କହିଦେଲି ସଫା 

କୋଓଟ୍ ଦେଖେଇ ଦେବି,

ଚିହ୍ନି ନାହଁ ମୋତେ ରୂପ ମୋ ଦେଖିନା ଛଇ ମୁଁ ଛଡେଇ ଦେବି ।

*ତୁମ ବଇଁଶୀ ବଜେଇ ଦେବି*

 ଇତି         ‌                   

 *ସମୁଦୁଣୀ*😂😂😜