କେଜାଣି କଣ ହେଇଛି,
ଗାଁ ଜମିଦାର ରବି ବାବୁ ଏବେ,
ନିତିଆ କୁ ଦେଖି ଜଳୁଛି,
କହିଲେ କହିବେ କହୁଛି...
ରବି ବାବୁ ପୁଅ ବିଦେଶୀ କମ୍ପାନୀ,
ଅଫିସର ଗୋଟେ ହୋଇଛି।
ଦଶ ବର୍ଷରେ ଦରମା ଅର୍ଥରେ,
ଖାଉଛି ପିଉଛି ବୁଲୁଛି॥
ସାଇଡ଼ ବେପାର କରିବାକୁ ଯାଇ,
ରେଳ ଗାଡି ଗୋଟେ କିଣିଛି।
କ୍ରେଡିଟ୍ କାର୍ଡ ରୁ ଟଙ୍କା କଟିଯାଏ,
ପକେଟ କୁ ଭାରି ବାଧୁଛି॥
ରେଳ ଗାଡି ରୁଟ୍ ପରମିଟ ପାଇଁ,
ଜୋର୍ ସୋର୍ ସେ ଲାଗିଛି।
ପରମିଟ ମିଳୁନି କ୍ରେଡିଟ୍ କାର୍ଡ଼,
ପଇସା ତ କାଳ ହୋଇଛି॥
କହିଲେ କହିବେ କହୁଛି,
କେଜାଣି କଣ ହେଇଛି!
ଗାଁ ଜମିଦାର ରବି ବାବୁ ଏବେ,
ନିତିଆ କୁ ଦେଖି ଜଳୁଛି॥
ନୁଆ ବିଜିନେସ୍ ଧରିଛି,
ମହାରାଷ୍ଟ୍ର ରୁ ଆଳୁ ଆଣି ଏବେ,
ଭୁବନେଶ୍ବର ରେ ବିକୁଛି।
କମ୍ପିଟିସନ୍ ସେ କରୁଛି॥
ଚାଳିଶ ଟଙ୍କାରେ ଆଳୁ ଆଣି ସିଏ,
ତିରିଶ ଟଙ୍କାରେ ବିକୁଛି।
କେତେ ଯେ ପ୍ରସଂଶା ପାଉଛି!
ଘରେ ରହୁନାହିଁ ସକାଳରୁ ରାତି,
ବ୍ୟବସାୟ ପାଇଁ ଯାଉଛି।
ଭିକାରୀଙ୍କ ସଙ୍ଗେ ମିଶି ଏବେ ସିଏ,
ଭିକ୍ଷା ବୃତ୍ତି କୋର୍ସ କରୁଛି॥
ଯେତେ ଯେ କାଙ୍ଗାଳି ଭିକାରୀଙ୍କୁ ସିଏ,
ଷ୍ଟାର୍ ହୋଟେଲ୍ ରେ ଖୋଉଛି।
ଭିକାରୀ ବିଦ୍ୟା ସେ ଶିଖୁଛି,
ବଡ଼ ଅଫିସର ହୋଇଛି॥
କହିଲେ କହିବେ କହୁଛି,
କେଜାଣି କଣ ହେଇଛି!
ଜମିଦାର ପୁଅ ଅଫିସର ହେଲେ ,
ନିତିଆ କୁ ଦେଖି ଜଳୁଛି॥
ନିପଟ ଗାଉଁଲି ନିତାଇ ବେହେରା,
ପାଠ ଠାରୁ ବହୁ ଦୁରରେ।
ପାଠ ନପଢାଇ ପୁଅକୁ ତାର,
ଖଟେଇଲା ନେଇ ବିଲରେ॥
ପୁଅ ତାର ଆଜି ବମ୍ବେ ସହରରେ,
ପାଣି ପାଇପ୍ କାମ କରୁଛି।
ହାଡ଼ ଭଙ୍ଗା କାମ କରି ସେ ପିଲାଟା,
ତିରିଶ ହଜାର ଟଙ୍କା ପାଉଛି॥
ରବି ବାବୁ ପୁଅ ଦିନକୁ ଖର୍ଚ୍ଚ ସେ,
ମାସେ ଖଟି ଖଟି ପାଉଛି।
ଘରଭଡା ଖାଇ ଖୋରାକ୍ ତାହାର,
ଆଠ ନ ହଜାର ଲାଗୁଛି॥
ହାତେ ଦି ହଜାର ରଖୁଛି,
ମାସ ପୁରୀ ଗଲେ କୋଡ଼ିଏ ହଜାର,
ଘରକୁ ପଠେଇ ଦେଉଛି॥
ନିତିଆ ବେହେରା ବଳକା ଅର୍ଥରେ,
ପକ୍କା ଘର ଟିଏ କରିଛି।
ଛାତ ରେ ହାଉଆ ଖାଉଛି,
ପୁଅ ପଇସାରେ ନୂଆ ସାଇକେଲ,
କିଣି ଏବେ ହିରୋ ସାଜିଛି॥
କେଜାଣି କଣ ହେଇଛି,
ଗାଁ ଜମିଦାର ରବି ବାବୁ ଏବେ,
ନିତିଆ କୁ ଦେଖି ଜଳୁଛି...
କହିଲେ କହିବେ କହୁଛି,
କେଜାଣି କଣ ହେଇଛି...
କପାଳରେ ପାଠ ନଥିଲେ କି ହେଲା,
ସମର୍ପଣ ଭାବ ଥିଲେ ,
ମାଟିରୁ ମଣିଷ ଉଠିପାରେ,
ଆଶୀର୍ବାଦ ଭାଗ୍ୟ ଥିଲେ ॥
କେଜାଣି କଣ ହେଇଛି...
ଗାଁ ଜମିଦାର ରବି ବାବୁ ଏବେ,
ନିତିଆ କୁ ଦେଖି ଜଳୁଛି...
କହିଲେ କହିବେ କହୁଛି...
No comments:
Post a Comment