ମୁମ୍ବାଇ, ୫/୯: ଦେଶର ଆର୍ଥିକ ରାଜଧାନୀ ମୁମ୍ବାଇକୁ ପୁଣି ବୋମା ଧମକ। ବିସ୍ଫୋରଣରେ ମୁମ୍ବାଇକୁ ଦୋହଲାଇ ଦେବାକୁ ଧମକ। ହ୍ୱାଟ୍ସ୍ ଆପ୍ରେ ମୁମ୍ବାଇ ପୋଲିସକୁ ଲସ୍କର-ଏ-ଜିହାଦୀ ସଂଗଠନ ନାଁରେ ଆସିଛି ଧମକ।
ସହରରେ ୩୪ଟି ବୋମା ଲଗାଯାଇଥିବା ଧମକ ମିଳିଛି। ୩୪ଟି ଗାଡ଼ିରେ ୩୪ଟି ବୋମା ଖଞ୍ଜା ଯାଇଥିବା ଧମକ। ପୋଲିସର ସୂଚନା ଅନୁଯାୟୀ, ମେସେଜ ପଠାଇଥିବା ବ୍ୟକ୍ତି ନିଜକୁ “ଲସ୍କର-ଏ-ଜିହାଦି” ବୋଲି ପରିଚୟ ଦେଇଥିଲେ ଏବଂ କହିଥିଲେ ଯେ ୧୪ ଜଣ ପାକିସ୍ତାନୀ ଆତଙ୍କବାଦୀ ଭାରତରେ ପ୍ରବେଶ କରିଛନ୍ତି। ଧମକରେ ଏହା ମଧ୍ୟ ଦାବି କରାଯାଇଥିଲା ଯେ ୪୦୦ କିଲୋଗ୍ରାମ ଆରଡିଏକ୍ସ ବିସ୍ଫୋରଣ କରାଯିବ, ଯାହା ଫଳରେ “ଏକ କୋଟି ଲୋକଙ୍କ” ମୃତ୍ୟୁ ହେବାର ସମ୍ଭାବନା ରହିଛି।
ମୁମ୍ବାଇ ପୋଲିସ ଏହି ଘଟଣାର ତଦନ୍ତ କରୁଛନ୍ତି ଏବଂ ମେସେଜ ପଠାଇଥିବା ବ୍ୟକ୍ତିଙ୍କୁ ଖୋଜିବା ଆରମ୍ଭ କରିଛନ୍ତି। ମୁମ୍ବାଇରେ ୧୦ ଦିନିଆ ଗଣେଶ ଉତ୍ସବ ପାଳନ ହେଉଥିବା ବେଳେ ଲୋକଙ୍କ ମଧ୍ୟରେ ଉତ୍ସାହ ରହିଛି। ତେଣୁ ପ୍ରମୁଖ ସ୍ଥାନଗୁଡ଼ିକରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ଏବଂ ବିଭିନ୍ନ ସ୍ଥାନରେ କମ୍ବିଂ ଅପରେସନ୍ କରାଯାଉଛି। ପୋଲିସ ମୁମ୍ବାଇବାସୀଙ୍କୁ ଗୁଜବ ଉପରେ ବିଶ୍ୱାସ ନ କରିବାକୁ ଏବଂ କୌଣସି ସନ୍ଦେହଜନକ କାର୍ଯ୍ୟକଳାପ ବିଷୟରେ ରିପୋର୍ଟ କରିବାକୁ ମଧ୍ୟ ନିବେଦନ କରିଛି।
No comments:
Post a Comment