AFFILIATE MARKETING

https://binomo.com?a=90810425bb57&t=0

Tuesday, August 18, 2026

ବନ୍ୟା ବିପନ୍ନଙ୍କ ପାଇଁ ହଜାରେ କୋଟିର ପ୍ୟାକେଜ ଘୋଷଣା କଲେ ମୁଖ୍ୟମନ୍ତ୍ରୀ

ରନ୍ଧା, ଶୁଖିଲା ଖାଦ୍ୟ ସହ ରିଲିଫ୍ ଚାଉଳ ଯୋଗାଣ ଜାରି ରହିବ: ମୁଖ୍ୟମନ୍ତ୍ରୀ

ଭୁବନେଶ୍ୱର - ରାଜ୍ୟର ବିଭିନ୍ନ ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରି କ୍ଷୟକ୍ଷତିର ଗ୍ରାଉଣ୍ଡ ଜିରୋ ସମୀକ୍ଷା କରିବା ପରେ ବଡ଼ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ପ୍ରାରମ୍ଭିକ ଆକଳନ ଆଧାରରେ ବନ୍ୟା ପ୍ରଭାବିତଙ୍କ ପାଇଁ ହଜାର କୋଟି ଟଙ୍କାର ୧୦ ସୂତ୍ରୀ ପ୍ୟାକେଜ୍‌ ଘୋଷଣା କରାଯାଇଛି। ଚୂଡ଼ାନ୍ତ କ୍ଷୟକ୍ଷତି ରିପୋର୍ଟ ଆସିବା ପରେ ପ୍ୟାକେଜ୍‌ର ପରିମାଣ ଆହୁରି ବଢ଼ିପାରେ ବୋଲି ସେ କହିଛନ୍ତି।

ବନ୍ୟାରେ ସର୍ବାଧିକ ପ୍ରଭାବିତ ଚାଷୀ, ମତ୍ସ୍ୟଜୀବୀ, ପଶୁପାଳକ, ହସ୍ତଶିଳ୍ପୀ ଏବଂ ଅନ୍ୟ କ୍ଷତିଗ୍ରସ୍ତଙ୍କୁ ପ୍ୟାକେଜ୍‌ ମାଧ୍ୟମରେ ସହାୟତା ଯୋଗାଇ ଦିଆଯିବ। ବିଶେଷକରି କୃଷି କ୍ଷେତ୍ରର କ୍ଷୟକ୍ଷତି ପୂରଣ ସହ ଚାଷୀଙ୍କୁ ପରବର୍ତ୍ତୀ ଚାଷ ପାଇଁ ଆବଶ୍ୟକ ସହାୟତା ଦିଆଯିବ।

୩୩ ପ୍ରତିଶତ କିମ୍ବା ତା’ଠାରୁ ଅଧିକ ଫସଲ କ୍ଷତି ହୋଇଥିଲେ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ଆର୍ଥିକ ସହାୟତା ମିଳିବ। ଅଣସେଚିତ ଜମି ପାଇଁ ହେକ୍ଟର ପିଛା ୮,୫୦୦ ଟଙ୍କା ଏବଂ ଜଳସେଚିତ ଜମି ପାଇଁ ହେକ୍ଟର ପିଛା ୧୭,୦୦୦ ଟଙ୍କା ସହାୟତା ଦିଆଯିବ।

ସେହିପରି ୧୨ ମାସୀ ଫସଲ କ୍ଷତିଗ୍ରସ୍ତ ହୋଇଥିଲେ ହେକ୍ଟର ପିଛା ୨୨,୫୦୦ ଟଙ୍କା ଆର୍ଥିକ ସହାୟତା ମିଳିବ। ବନ୍ୟାରେ ଫସଲ ନଷ୍ଟ ହୋଇଥିବା ଚାଷୀଙ୍କୁ ଧାନ ଓ ଅଣଧାନ ବିହନ କିଣିବା ପାଇଁ ମଧ୍ୟ ସରକାର ଆର୍ଥିକ ସହାୟତା ଦେବେ।

କ୍ଷତିଗ୍ରସ୍ତ ଚାଷୀଙ୍କୁ ମାଗଣା ପନିପରିବା ମିନି କିଟ୍‌ ଯୋଗାଇ ଦିଆଯିବ। ବନ୍ୟା ପରେ ରୋଗପୋକ ଯୋଗୁଁ ଫସଲରେ ହେଉଥିବା କ୍ଷତି ପାଇଁ ୭୫ ପ୍ରତିଶତ ସବସିଡି ଦିଆଯିବ।

ବନ୍ୟାରେ କ୍ଷତିଗ୍ରସ୍ତ ଉଠା ଜଳସେଚନ ପ୍ରକଳ୍ପଗୁଡ଼ିକର ମରାମତି ଯୁଦ୍ଧକାଳୀନ ଭିତ୍ତିରେ କରାଯିବ। ଏହାଦ୍ୱାରା ଆଗାମୀ ଚାଷ ଋତୁରେ ଚାଷୀମାନେ ଯେପରି ଜଳସେଚନ ସମସ୍ୟାର ସମ୍ମୁଖୀନ ନହୁଅନ୍ତି, ସେଥିପାଇଁ ତ୍ୱରିତ ପଦକ୍ଷେପ ନିଆଯିବ।

ପୋଖରୀ, ଡଙ୍ଗା ଓ ମାଛଧରା ଜାଲ ନଷ୍ଟ ହୋଇଥିଲେ ମଧ୍ୟ କ୍ଷତିଗ୍ରସ୍ତଙ୍କୁ ଆର୍ଥିକ ସହାୟତା ମିଳିବ। ଏହା ଦ୍ୱାରା ବନ୍ୟାରେ ପ୍ରଭାବିତ ମତ୍ସ୍ୟଜୀବୀମାନେ ପୁଣିଥରେ ନିଜ ଜୀବିକା ଆରମ୍ଭ କରିପାରିବେ।

ବନ୍ୟାରେ ପ୍ରାଣୀ ସମ୍ପଦ କ୍ଷତିଗ୍ରସ୍ତ ହୋଇଥିଲେ ସେଥିପାଇଁ ମଧ୍ୟ ସରକାରଙ୍କ ପକ୍ଷରୁ କ୍ଷତିପୂରଣ ସହାୟତା ଯୋଗାଇ ଦିଆଯିବ। ପଶୁପାଳନ ଉପରେ ନିର୍ଭରଶୀଳ ପରିବାରଗୁଡ଼ିକୁ ବନ୍ୟା ପରେ ଆର୍ଥିକ ଭାବେ ସହାୟତା କରିବା ଉପରେ ସରକାର ଗୁରୁତ୍ୱ ଦେଇଛନ୍ତି।

ବନ୍ୟାରେ କ୍ଷତିଗ୍ରସ୍ତ ଏବଂ ଇଚ୍ଛୁକ ଚାଷୀଙ୍କ ସ୍ୱଳ୍ପମିଆଦି ଖରିଫ ଋଣକୁ ମଧ୍ୟମମିଆଦି କୃଷି ଋଣରେ ପରିବର୍ତ୍ତନ କରାଯିବ। ଫଳରେ ବନ୍ୟା ଯୋଗୁଁ ଚାଷ ନଷ୍ଟ ହୋଇଥିବା ଚାଷୀଙ୍କ ଉପରେ ତୁରନ୍ତ ଋଣ ପରିଶୋଧର ଚାପ କିଛିଟା ହ୍ରାସ ପାଇବ।

ବନ୍ୟାରେ ହସ୍ତଶିଳ୍ପ କ୍ଷତିଗ୍ରସ୍ତ ହୋଇଥିବା ଲୋକଙ୍କୁ ୫,୦୦୦ ଟଙ୍କାର ଆର୍ଥିକ ସହାୟତା ମିଳିବ। ଏହା ଦ୍ୱାରା ବନ୍ୟା ପ୍ରଭାବିତ ହସ୍ତଶିଳ୍ପୀମାନେ ନଷ୍ଟ ହୋଇଥିବା ସାମଗ୍ରୀ ଓ କାର୍ଯ୍ୟ ଉପକରଣକୁ ପୁଣିଥରେ ବ୍ୟବସ୍ଥିତ କରି ଜୀବିକା ଆରମ୍ଭ କରିପାରିବେ।

ବନ୍ୟା ପ୍ରଭାବିତ ଅଞ୍ଚଳରେ ରିଲିଫ୍ କାର୍ଯ୍ୟ ଜାରି ରହିବ ବୋଲି ମୁଖ୍ୟମନ୍ତ୍ରୀ ସ୍ପଷ୍ଟ କରିଛନ୍ତି। ସ୍ଥିତି ସ୍ୱାଭାବିକ ହେବା ପର୍ଯ୍ୟନ୍ତ ପ୍ରଭାବିତ ଲୋକଙ୍କୁ ରନ୍ଧା ଖାଦ୍ୟ, ଶୁଖିଲା ଖାଦ୍ୟ ସହ ରିଲିଫ୍ ଚାଉଳ ଯୋଗାଣ ଜାରି ରହିବ। ଆବଶ୍ୟକତା ଅନୁଯାୟୀ ରିଲିଫ୍ ଓ ପୁନରୁଦ୍ଧାର କାର୍ଯ୍ୟକୁ ଆହୁରି ବ୍ୟାପକ କରାଯିବ।

ମୁଖ୍ୟମନ୍ତ୍ରୀ କହିଛନ୍ତି ଯେ ବନ୍ୟା କ୍ଷୟକ୍ଷତିର ପ୍ରକୃତ ଚିତ୍ର ଜାଣିବା ପାଇଁ ଗ୍ରାଉଣ୍ଡ ସର୍ଭେର ଗୁରୁତ୍ୱ ଅଧିକ। ଏଥିପାଇଁ ସେ ନିଜେ ବନ୍ୟା ପ୍ରଭାବିତ ଅଞ୍ଚଳ ବୁଲି ସ୍ଥିତି ଅନୁଧ୍ୟାନ କରିଥିବା କହିଛନ୍ତି। ପ୍ରାରମ୍ଭିକ ଆକଳନ ଆଧାରରେ ବର୍ତ୍ତମାନ ହଜାର କୋଟି ଟଙ୍କାର ପ୍ୟାକେଜ୍‌ ଘୋଷଣା ହୋଇଛି। ଜିଲ୍ଲାସ୍ତରୀୟ ଏବଂ ଗ୍ରାଉଣ୍ଡ ସର୍ଭେର ଚୂଡ଼ାନ୍ତ ରିପୋର୍ଟ ମିଳିବା ପରେ କ୍ଷୟକ୍ଷତିର ପରିମାଣ ଅନୁଯାୟୀ ପ୍ୟାକେଜ୍‌ର ଅର୍ଥରାଶି ଆହୁରି ବଢ଼ିବାର ସମ୍ଭାବନା ରହିଛି।

ବନ୍ୟା ପରେ ଚାଷୀ ଓ ଅନ୍ୟ ପ୍ରଭାବିତ ବର୍ଗଙ୍କ ଜୀବନଜୀବିକାକୁ ପୁଣିଥରେ ସ୍ୱାଭାବିକ କରିବା ଏହି ପ୍ୟାକେଜ୍‌ର ମୁଖ୍ୟ ଲକ୍ଷ୍ୟ। ତୁରନ୍ତ ରିଲିଫ୍ ସହ କୃଷି, ମତ୍ସ୍ୟଚାଷ, ପଶୁପାଳନ ଓ ଅନ୍ୟ ଜୀବିକା କ୍ଷେତ୍ରର ପୁନରୁଦ୍ଧାର ଉପରେ ସରକାର ଫୋକସ୍‌  କରିଛନ୍ତି।

No comments:

COASTAL NEWS

FRIENDS TOOLS AND APPLICATION S

1. Friends Image Compressor (FIC) Reduce JPG, PNG and WebP file sizes while balancing image quality. Useful for websites, email ...