COASTAL NEWS ODIA 1369
କିଙ୍ଗ କୋହଲିଙ୍କ ୩୫ ତମ ଜନ୍ମଦିନରେ ଟିମ ଇଣ୍ଡିଆ ଦେଲା ବିଜୟର ଉପହାର
କୋଲକାତା,୫।୧୧: (CNO) ଭଞ୍ଜ ବିହାରୀ ମହାନ୍ତି - ବିରାଟ କୋହଲିଙ୍କ ୪୯ତମ ଶତକ ଏବଂ ଶ୍ରେୟାସ ଆୟରଙ୍କ ୭୭ରନର ଇନିଂସ ପରେ ଟିମ ଇଣ୍ଡିଆର ରବିନ୍ଦ୍ର ଜାଡେଜାଙ୍କ ‘ପଞ୍ଚ’ ସହିତ ଦକ୍ଷିଣ ଆଫ୍ରିକା (ଇଣ୍ଡିଆ ବନାମ ସାଉଥ ଆଫ୍ରିକା) କୁ ୨୪୩ ରନରେ ପରାସ୍ତ କରିଛି।
ଆଇସିସି କ୍ରିକେଟ ବିଶ୍ୱକପ ୨୦୨୩ରେ ଆୟୋଜକ ଦଳ ଭାରତ ପାଇଁ ଏହା କ୍ରମାଗତ ଅଷ୍ଟମ ବିଜୟ। ଟେବୁଲ ଟପ୍ପର ପାଇଁ ଲଢେଇରେ ଭାରତୀୟ ଟିମ ଦକ୍ଷିଣ ଆଫ୍ରିକାକୁ କୌଣସି ଚାନ୍ସ ନେବାକୁ ଦେଇନଥିଲା। ଭାରତୀୟ ବ୍ୟାଟ୍ସମ୍ୟାନମାନେ ପ୍ରଥମେ ସାଉଥଆଫ୍ରିକା ବୋଲରମାନଙ୍କୁ ଭଲ ସାମ୍ନା କରିଥିଲେ।
ଏହା ପରେ ଭାରତୀୟ ବୋଲରମାନେ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନମାନଙ୍କୁ ଚମତ୍କାର ବୋଲିଂ ସହିତ ପ୍ୟାଭିଲିୟନକୁ ପଠାଇ ଏକ ବଡ଼ ବିଜୟ ହାସଲ କରିଥିଲେ। ଏହି ବିଜୟ ସହିତ ଭାରତ ୮ ଟି ବିଜୟରୁ ୧୬ ପଏଣ୍ଟ ହାସଲ କରିଛି ଏବଂ ଟିମ ଇଣ୍ଡିଆ ପଏଣ୍ଟ ଟେବୁଲରେ ଏକ ନମ୍ବର ସ୍ଥାନରେ ନିଜର ସ୍ଥିତିକୁ ମଜବୁତ କରିଛି।
୩୨୭ ରନର ଲକ୍ଷ୍ୟକୁ ପୂରଣ କରିବାକୁ ଯାଇ ଦକ୍ଷିଣ ଆଫ୍ରିକା ଦଳ ୨୭.୧ ଓଭରରେ ୮୩ରନ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ଦକ୍ଷିଣ ଆଫ୍ରିକାର ବହୁତ ଖରାପ ଆରମ୍ଭ ହୋଇଥିଲା ଏବଂ ଦଳ ମୋଟ ୪୦ ରନରେ ୫ ୱିକେଟ ହରାଇଥିଲା।
No comments:
Post a Comment