COASTAL NEWS ODIA 1516
ଷ୍ଟକହମ୍ ରେ ହେବ ବିଶ୍ବର ସର୍ବପ୍ରଥମ କାଠର ସହର
ସ୍ଵିଡେନ - (CNO) ସ୍ଵିଡେନ ରାଜଧାନୀ ଷ୍ଟକହମ୍ ରେ ବିଶ୍ବର ସର୍ବପ୍ରଥମ କାଠର ସହରନିର୍ମାଣ କରାଯିବ ବୋଲି ସୂଚନା ମିଳିଛି । ରିପୋର୍ଟ ଅନୁସାରେ ସ୍ଵିଡେନ ରାଜଧାନୀ ଷ୍ଟକହମ୍ ରେ ହେବ ବିଶ୍ବର ସର୍ବପ୍ରଥମ କାଠର ସହର । ଏହାକୁ ଡ୍ୟାନିସ ଷ୍ଟୁଡିଓ ହେନିଂ ଲାସେନ ଏବଂ ସୁଇଡେନ ଫିର୍ମ ୱାଇଟ୍ ଆର୍କିଟେକ୍ଟର ଡିଜାଇନ କରିବେ । ୨୦୨୫ ନିର୍ମାଣ କାର୍ଯ୍ୟ ଆରମ୍ଭ ହେବ । ୨୦୨୭ ଭିତରେ ଏହା ସମ୍ପୂର୍ଣ୍ଣ ହେବ ବୋଲି ଆଶା ପ୍ରକଟ କରାଯାଇଛି । ସହରର ସମସ୍ତ ଜିନିଷ କାଠରେ ତିଆରି କରାଯିବ ବୋଲି ଜଣାପଡ଼ିଛି।
ଷ୍ଟକ୍ହୋମର ଦକ୍ଷିଣ-ପୂର୍ବ ଅଞ୍ଚଳରେ ତିଆରି ହେବାକୁ ଥିବା ଏହି ସହର ପ୍ରାୟ ୨୫୦ ହଜାର ବର୍ଗ କି.ମି. ଅଞ୍ଚଳରେ ପରିବ୍ୟାପ୍ତ ହେବ । ଏହି ସହରରେ ୭ହଜାର ଅଫିସ, ୨ହଜାର ଘର ତିଆରି କରାଯିବ। ଏଥିସହ ରେଷ୍ଟୁରାଣ୍ଟ, ଦୋକାନ ଏବଂ ପାର୍କ ମଧ୍ୟ ନିର୍ମାଣ କରାଯିବ । ଏହି ସ୍ଥାନରେ ପୂର୍ବରୁ ୫୦୦ରୁ ଅଧିକ କମ୍ପାନୀ କାର୍ଯ୍ୟ କରୁଛି । ନିକଟରେ ସ୍ବିଜରଲାଣ୍ଡ, ଅଷ୍ଟ୍ରେଲିଆ ଭଳି ଦେଶରେ ଆକାଶ ଛୁଇଁଥିବା କାଠର କୋଠା ନିର୍ମାଣ କରାଯାଇଛି । ପ୍ରକାଶ ଯେ, ଗତବର୍ଷ ସିଙ୍ଗାପୁରରେ ୪୬୮ ହଜାର ବର୍ଗଫୁଟ ଅଞ୍ଚଳର କଲେଜ ପରିସର ଉଦ୍ଘାଟନ କରାଯାଇଥିଲା ।
No comments:
Post a Comment