ଇଏ କେମିତିକା ବାହାଘର। ବୁଢ଼ା ବର ହାତରେ କସି କନିଆଁର ଜୀବନ।
ଘଟଣାଟି ନିଶ୍ଟୟ ଖଟକା ଲାଗୁଛିନା। ଏପରି ଏକ ଆଶ୍ଚର୍ଯ୍ୟକର ଘଟଣା ସାମ୍ନାକୁ ଆସିଛି ହ୍ରାଇଦ୍ରାବାଦର ତେଲେଙ୍ଗାନାରୁ। ଯେଉଁଠାରେ ଜଣେ ୧୩ ବର୍ଷୀୟ ନାବାଳିକା ଝିଅର ବିବାହ ଜଣେ ୪୦ ବର୍ଷୀୟ ପୁରୁଷଙ୍କ ସହ ହୋଇଥିଲା।
ଘଟଣାଟି ରଙ୍ଗା ରେଡ୍ଡୀ ଜିଲ୍ଲାର। ଝିଅଟିକୁ ବାହା କରାଇବା ପାଇଁ ତାଙ୍କ ମାଆ ରାଜି କରାଇଥିଲେ ଏବଂ ଅଭିଯୁକ୍ତ ବ୍ୟକ୍ତି ତାଙ୍କ ପ୍ରଥମ ସ୍ତ୍ରୀଙ୍କ ସମ୍ମୁଖରେ ନାବାଳିକା ଝିଅ ସହ ସାତ ଫେରା ନେଇଥିଲା।
ଆଶ୍ଚର୍ଯ୍ୟର କଥା ହେଉଛି ଏହି ବିବାହ ମେ ମାସରେ ହୋଇଥିଲା। କିନ୍ତୁ ଯେତେବେଳେ ଝିଅଟି ତାଙ୍କ ଶିକ୍ଷୟିତ୍ରୀଙ୍କୁ ସବୁକିଛି କହିଲା ସେତେବେଳେ ଘଟଣାଟି ସାମ୍ନାକୁ ଆସିଲା।
ଝିଅଟିର ଶିକ୍ଷୟିତ୍ରୀ ତୁରନ୍ତ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଏବଂ ପୋଲିସକୁ ଖବର ଦେଇଥିଲେ। ଏହା ପରେ ପୋଲିସ ଚଢାଉ କରି ଅଭିଯୁକ୍ତଙ୍କ କବଳରୁ ନାବାଳିକାକୁ ଉଦ୍ଧାର କରିଥିଲା ଏବଂ ତାଙ୍କୁ ‘ସଖି କେନ୍ଦ୍ର’କୁ ନେଇଯାଇଥିଲା।
ପୋଲିସ ତଦନ୍ତରୁ ଜଣାପଡିଛି ଯେ ପୀଡିତା ତାଙ୍କ ମାଆ ଏବଂ ଭାଇଙ୍କ ସହ ଏକ ଭଡା ଘରେ ରହୁଥିଲେ। ମାଆ ଘରମାଲିକଙ୍କୁ କହିଥିଲେ ଯେ ସେ ତାଙ୍କ ଝିଅର ବିବାହ କରିବାକୁ ଚାହୁଁଛନ୍ତି।
ଏହା ପରେ ଜଣେ ମଧ୍ୟସ୍ଥି ୪୦ ବର୍ଷୀୟ ଶ୍ରୀନିବାସ ଗୌଡଙ୍କ ସହିତ ବିବାହ ସ୍ଥିର କରିଥିଲେ। ଅଭିଯୁକ୍ତଙ୍କ ପ୍ରଥମ ସ୍ତ୍ରୀଙ୍କ ଉପସ୍ଥିତିରେ ମେ ମାସରେ ବିବାହ ହୋଇଥିଲା।
ଜିଲ୍ଲା ଶିଶୁ ସୁରକ୍ଷା ଅଧିକାରୀ ପ୍ରବୀଣ କୁମାର କହିଛନ୍ତି ଯେ ନାବାଳିକା ଝିଅଟି ଗତ ଦୁଇ ମାସ ଧରି ଅଭିଯୁକ୍ତଙ୍କ ସହିତ ରହୁଥିଲା।
ସେ କହିଛନ୍ତି, “ଯଦି ତଦନ୍ତରୁ ପ୍ରମାଣିତ ହୁଏ ଯେ ଝିଅଟିକୁ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରାଯାଇଥିଲା, ତେବେ ଅଭିଯୁକ୍ତଙ୍କ ବିରୁଦ୍ଧରେ POCSO ଆଇନ ଅନୁଯାୟୀ ମାମଲା ମଧ୍ୟ ରୁଜୁ କରାଯିବ।”
ପୋଲିସ୍ ଅଭିଯୁକ୍ତ ସ୍ୱାମୀ, ତାଙ୍କ ପ୍ରଥମ ସ୍ତ୍ରୀ, ପୀଡିତାଙ୍କ ମାଆ, ମଧ୍ୟସ୍ଥି ଏବଂ ବିବାହ କରିଥିବା ପୂଜାରୀଙ୍କୁ ବାଲ୍ୟବିବାହ ନିରୋଧ ଆଇନ ଅନୁଯାୟୀ ଗିରଫ କରିଛି।
ପୋଲିସ ଇନ୍ସପେକ୍ଟର ପ୍ରସାଦ କହିଛନ୍ତି ଯେ ଘଟଣା ଦର୍ଶାଉଛି ଯେ ରାଜ୍ୟ ସରକାରଙ୍କ ପ୍ରୟାସ ସତ୍ତ୍ୱେ, ବାଲ୍ୟବିବାହ ମାମଲା ଏବେ ବି ଘଟୁଛି।
:ବର୍ତ୍ତମାନ ପୀଡିତାଙ୍କୁ ‘ସଖି ସେଣ୍ଟର’ରେ ସୁରକ୍ଷିତ ରଖାଯାଇଛି ଏବଂ ତାଙ୍କ ମାନସିକ ଅବସ୍ଥାକୁ ଉନ୍ନତ କରିବା ପାଇଁ ବିଶେଷଜ୍ଞଙ୍କ ଏକ ଦଳ ତାଙ୍କୁ ପରାମର୍ଶ ଦେଉଛନ୍ତି। ପ୍ରଶାସନ ଅଭିଯୁକ୍ତଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶ୍ରୁତି ଦେଇଛି
No comments:
Post a Comment