‘ଜମି ହରାଉଥିବା ଲୋକଙ୍କୁ ବିକଳ୍ପ ସୁଯୋଗ ଦିଆଯିବ’
ଭୁବନେଶ୍ୱର, ୧୧/୮: ପ୍ରାକୃତିକ ବିପର୍ଯ୍ୟୟ ଯୋଗୁଁ ଯେଉଁମାନେ ନିଜର ଜମି ସମ୍ପତ୍ତି ହରାଇବେ ସେମାନଙ୍କୁ ଜମି ଯୋଗାଇ ଦେବେ ସରକାର। ଏ ନେଇ ସୂଚନା ଦେଇଛନ୍ତି ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ।
ମନ୍ତ୍ରୀ କହିଛନ୍ତି, ସବୁ ଜିଲ୍ଲାର କଲେକ୍ଟରମାନଙ୍କୁ ଖୁବ୍ ଶୀଘ୍ର ପ୍ରଭାବିତ ବ୍ୟକ୍ତିବିଶେଷଙ୍କ ବିଷୟରେ ବିସ୍ତୃତ ରିପୋର୍ଟ ଦାଖଲ କରିବାକୁ କୁହାଯିବ। ଏହି ରିପୋର୍ଟ ଆଧାରରେ, ସରକାର ଏକ ଚୂଡ଼ାନ୍ତ ନିଷ୍ପତ୍ତି ନେବେ।
ମନ୍ତ୍ରୀ କହିଛନ୍ତି, ୧୯୮୨ ମସିହାରୁ ନିଆଳି ପ୍ରାକୃତିକ ବିପର୍ଯ୍ୟୟର ସାମ୍ନା କରି ଆସୁଛି। ବଡ଼ମ୍ବା ଭଳି ସ୍ଥାନରେ ବନ୍ୟା ଯୋଗୁଁ ବ୍ୟାପକ ଭୂମି କ୍ଷତି ହୋଇଛି, ଚାଷ ଜମି ନଦୀ ଗର୍ଭରେ ମିଶିଯାଇଛି। ତେଣୁ ପ୍ରଭାବିତ ବ୍ୟକ୍ତିମାନେ ଆର୍ଥିକ କ୍ଷତିପୂରଣ ବଦଳରେ ହରାଇଥିବା ଜମି ବଦଳରେ ଜମି ପାଇବେ। ନଗଦ କ୍ଷତିପୂରଣ ପ୍ରଦାନ କରିବା ଦ୍ୱାରା ପ୍ରାୟତଃ ପରିମାଣ ଶୀଘ୍ର ଖର୍ଚ୍ଚ ହୋଇଥାଏ। ଅନେକ ଆଦିବାସୀ ସମ୍ପ୍ରଦାୟ ଟଙ୍କା ଅପେକ୍ଷା ଜମିକୁ ପସନ୍ଦ କରନ୍ତି,” ପୂଜାରୀ କହିଛନ୍ତି।
ନୂଆ ବିସ୍ଥାପନ ଓ ଥଇଥାନ ନୀତି ଆସିବ। ନୂଆ ନୀତି ଆଣିବାକୁ ସରକାରୀ ସ୍ତରରେ ପ୍ରକ୍ରିୟା ଆରମ୍ଭ ହୋଇଛି। କ୍ଷତିଗ୍ରସ୍ତ ଚାହିଁଲେ କ୍ଷତିପୂରଣ ବଦଳରେ ପ୍ରକଳ୍ପରେ ଅଂଶୀଦାର ରହିପାରିବେ। ଜମି ହରାଉଥିବା ଲୋକଙ୍କୁ ବିକଳ୍ପ ସୁଯୋଗ ଦିଆଯିବ। ଜମି ବଦଳରେ ଜମି ବି ସରକାର ଯୋଗାଇ ଦେବେ। କ୍ଷତିପୂରଣ ଜାଗାରେ ସେହି ପରିମାଣରେ ଅଂଶୀଦାର ରହିବେ। ଲୋକ ଯେଉଁ ବିକଳ୍ପ ଦେବେ ସେହି ଅନୁସାରେ ହେବ। ସରକାର କାହା ଉପରେ କୌଣସି ନିଷ୍ପତ୍ତି ଲଦିବେ ନାହିଁ ବୋଲି ମନ୍ତ୍ରୀ କହିଛନ୍ତି।
No comments:
Post a Comment