ମୁଖ୍ୟ ଅଭିଯୁକ୍ତକୁ ଧରିଲା କେନ୍ଦ୍ରାପଡ଼ା ସ୍ୱତନ୍ତ୍ର ପୋଲିସର ସ୍ୱତନ୍ତ୍ର ଟିମ୍
ପଟ୍ଟାମୁଣ୍ଡାଇ, ୮/୮: ପଟ୍ଟାମୁଣ୍ଡାଇ ଯୁବତୀଙ୍କ ମୃତ୍ୟୁ ମାମଲାରେ ପୋଲିସ ମୁଖ୍ୟ ଅଭିଯୁକ୍ତକୁ ଅଟକ ରଖିଛି। ଚେନ୍ନାଇରୁ ଯୁବତୀଙ୍କ ପୁରୁଷ ବନ୍ଧୁଙ୍କୁ ଧରିଛି କେନ୍ଦ୍ରାପଡ଼ା ପୋଲିସର ସ୍ୱତନ୍ତ୍ର ଟିମ୍। ଯୁବତୀଙ୍କ ପୁରୁଷ ବନ୍ଧୁ, କେନ୍ଦ୍ରାପଡ଼ା ଜିଲ୍ଲାର ବିଲିକାନା ପଞ୍ଚାୟତ ଅନ୍ତର୍ଗତ ତେରୋଇ ଗ୍ରାମର ବାସିନ୍ଦା ପ୍ରମୋଦ ବେହେରା ବୋଲି ଚିହ୍ନଟ କରାଯାଇଛି। ତାଙ୍କୁ ଅଧିକ ପଚରାଉଚରା ପାଇଁ କେନ୍ଦ୍ରାପଡ଼ା ଅଣାଯାଉଛି।
ଅଗଷ୍ଟ ୬ ତାରିଖରେ କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ କାଠିଆପଡ଼ା ଗାଁର ଯୁକ୍ତ ତିନିରେ ପଢୁଥିବା ଜଣେ ଯୁବତୀ ନିଜ ଉପରେ କିରୋସିନ ଢାଳି ନିଆଁ ଲଗାଇ ଦେଇଥିବା ଅଭିଯୋଗ ହୋଇଥିଲା। ପରେ ସେ ଗୁରୁତର ଭାବେ ପୋଡ଼ିଯାଇ ମୃତ୍ୟୁବରଣ କରିଥିଲେ।
ଯୁବତୀଙ୍କ ବାପାଙ୍କ କହିବାନୁଯାୟୀ, ଜଣେ ଯୁବକ ତାଙ୍କ ଅଶ୍ଳୀଳ ଫଟୋ ଏବଂ ଭିଡିଓ ଲିକ୍ କରିବାକୁ ବ୍ଲାକମେଲ କରୁଥିବାରୁ ସେ ଅତ୍ୟନ୍ତ ମାନସିକ ଚାପରେ ଥିଲେ। ତେଣୁ ପରିବାର ଲୋକେ ଥାନାରେ ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆ ଯାଇନଥିଲା। ସେ ଅଭିଯୋଗ କରିଥିଲେ ଯେ ଅଭିଯୁକ୍ତ ତାଙ୍କୁ ୬ରୁ ୮ ମାସ ଧରି ମାନସିକ ଚାପ ପକାଉଥିଲେ। ଏହି ଅଭିଯୋଗ ପରେ ପୋଲିସ ଖୋଜାଖୋଜି ଆରମ୍ଭ କରିଥିଲା ଏବଂ ପ୍ରମୋଦଙ୍କୁ ଚେନ୍ନାଇରୁ ପାଇଥିଲା।
No comments:
Post a Comment