ଏନ୍ ଡି ଏ ପ୍ରାର୍ଥୀଙ୍କୁ ସମର୍ଥନ କରିବ ନାହିଁ ବିଜେଡି: ମହେଶ
ଭୁବନେଶ୍ୱର, ୮/୮: ଆଗକୁ ଆସୁଛି ଉପରାଷ୍ଟ୍ରପତି ନିର୍ବାଚନ। ଏହାରି ଭିତରେ ବିଜୁ ଜନତା ଦଳ ରଖିଛି ବଡ଼ ମତ। ଉପରାଷ୍ଟ୍ରପତି ନିର୍ବାଚନରେ ଏନଡିଏ ସମର୍ଥିତ ପ୍ରାର୍ଥୀଙ୍କୁ ସମର୍ଥନ ଦେବାକୁ ସ୍ପଷ୍ଟ ଭାବରେ ମନା କରିଦେଇଛି ବିଜୁ ଜନତା ଦଳ।
ବରିଷ୍ଠ ବିଜେଡି ନେତା ମହେଶ ସାହୁ ଶୁକ୍ରବାର ଦଳର ମତକୁ ନିଶ୍ଚିତ କରି କହିଛନ୍ତି ଯେ ବିଜେଡି ‘ଏନଡିଏ ପ୍ରାର୍ଥୀଙ୍କୁ କୌଣସି ପ୍ରକାରେ ସମର୍ଥନ କରିବ ନାହିଁ। ପୂର୍ବରୁ ରାଷ୍ଟ୍ରପତି ପ୍ରାର୍ଥୀ ଓଡ଼ିଶାର ଝିଅ ଥିଲେ ବୋଲି ଆମେ ସମର୍ଥନ କରିଥିଲୁ। କିନ୍ତୁ ଏଥର ସେ ପରିସ୍ଥିତି ନାହିଁ। ଏଥର ବିଜେପିକୁ ନିଶ୍ଚିତ ବିରୋଧ ହେବ ବୋଲି କହିଛନ୍ତି ମହେଶ।
ସେ ଆହୁରି ସ୍ପଷ୍ଟ କରିଛନ୍ତି ଯେ ୱାକଫ ବୋର୍ଡ ପ୍ରସଙ୍ଗ ଭଳି ବର୍ତ୍ତମାନ ପରିସ୍ଥିତି ନାହିଁ, କିନ୍ତୁ ଉପରାଷ୍ଟ୍ରପତି ନିର୍ବାଚନ ଉପରେ ବିଜେଡ଼ିର ନିଷ୍ପତ୍ତି ଦୃଢ଼ ରହିଛି। ତେବେ ବିଜେଡ଼ି ପକ୍ଷରୁ ଏପର୍ଯ୍ୟନ୍ତ କୋୖଣସି ବିଧିବଦ୍ଧ ଘୋଷଣା କରାଯାଇନାହିଁ। ଅନ୍ୟପଟେ ମହେଶ ସାହୁଙ୍କ ବୟାନ ଉପରେ ବିଜେପି ମଧ୍ୟ କୌଣସି ପ୍ରତିକ୍ରିୟା ରଖି ନାହିଁ।
No comments:
Post a Comment