ଗୁଳି ବିନିମୟ ଜାରି
କିସ୍ତୱାର, ୧୦/୮: ଜମ୍ମୁ ଓ କାଶ୍ମୀରର କିସ୍ତୱାର ଜିଲ୍ଲାରେ ରବିବାର ମିଳିତ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଆରମ୍ଭ ହୋଇଛି।
ନାଗ୍ରୋଟା ମୁଖ୍ୟାଳୟସ୍ଥିତ ସେନାର ହ୍ୱାଇଟ୍ ନାଇଟ୍ କର୍ପସ X ରେ କହିଛି, “୧୦ ଅଗଷ୍ଟ ସକାଳେ କିସ୍ତୱାରର ଦୁଲ୍ ଅଞ୍ଚଳରେ ଏକ ଗୁପ୍ତ ସୂଚନା ଆଧାରରେ ଅପରେସନ୍ କରୁଥିବା ସମୟରେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଅପରେସନ୍ ଜାରି ରହିଛି”।
ସୂଚନାଯୋଗ୍ୟ, କାଶ୍ମୀରର କୁଲଗାମ ଜିଲ୍ଲାର ଅଖଲ ଦେବସର ଜଙ୍ଗଲ ଅଞ୍ଚଳରେ ପ୍ରାୟ ୧୦ ଦିନ ଧରି ଆତଙ୍କବାଦୀ ବିରୋଧୀ ଅଭିଯାନ ଚାଲିଛି। ଏପର୍ଯ୍ୟନ୍ତ ଏହି ଅଭିଯାନରେ ଜଣେ ସ୍ଥାନୀୟ ଆତଙ୍କବାଦୀ ନିପାତ ହୋଇଥିବା ବେଳେ ଦୁଇ ଜଣ ସେନା ଯବାନ ସହିଦ ହୋଇଛନ୍ତି ଏବଂ ଚାରି ଜଣ ସୈନିକ ଆହତ ହୋଇଛନ୍ତି ଏବଂ ସେମାନଙ୍କୁ ହସ୍ପିଟାଲରେ ଚିକିତ୍ସା କରାଯାଉଛି। ଲୁଚି ରହିଥିବା ଆତଙ୍କବାଦୀମାନଙ୍କୁ ଧରିବା ପାଇଁ ସେନା ରୁଦ୍ର ହେଲିକପ୍ଟର, ଡ୍ରୋନ ଏବଂ ପାରା କମାଣ୍ଡୋ ନିୟୋଜିତ କରିଛି।
No comments:
Post a Comment