ଆଜିର ତାରିଖ ୧୬ ଅଗଷ୍ଟ ର ଏୈତିହାସିକ ଘଟଣାବଳୀ

ଭାରତୀୟ ଇତିହାସର ଏକ କଳା ଦିନ

ଆଜିର ତାରିଖ ୧୬ ଅଗଷ୍ଟ ୨୦୨୫

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ରଜନୀ କୋଠାରୀ (୧୬ ଅଗଷ୍ଟ ୧୯୨୮ – ୧୯ ଜାନୁଆରୀ ୨୦୧୫) ଭାରତର ଜଣେ ପ୍ରସିଦ୍ଧ ଶିକ୍ଷାବିତ୍, ଲେଖକ, ରାଜନୀତି ବିଶେଷଜ୍ଞ ଥିଲେ। ସେ ୧୯୬୩ ମସିହାରେ ‘CSDS’ ପ୍ରତିଷ୍ଠା କରିଥିଲେ। ଏହା ସାମାଜିକ ବିଜ୍ଞାନ ଏବଂ ମାନବିକତା ସହିତ ଜଡିତ ଦିଲ୍ଲୀ ସ୍ଥିତ ଏକ ଗବେଷଣା ପ୍ରତିଷ୍ଠାନ।

୨. କୋଟଲା ବିଜୟ ଭାସ୍କର ରେଡ୍ଡୀ (୧୬ ଅଗଷ୍ଟ ୧୯୨୦ – ୨୭ ସେପ୍ଟେମ୍ବର ୨୦୦୧) ଜଣେ ଭାରତୀୟ ଜାତୀୟ କଂଗ୍ରେସ ରାଜନେତା ଏବଂ ଆନ୍ଧ୍ର ପ୍ରଦେଶର ପୂର୍ବତନ ୯ମ ମୁଖ୍ୟମନ୍ତ୍ରୀ ଥିଲେ। ସେ ଦୁଇଥର ରାଜ୍ୟର ମୁଖ୍ୟମନ୍ତ୍ରୀ ଥିଲେ।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଚେତନ ପ୍ରତାପ ସିଂହ ଚୌହାନ (୨୧ ଜୁଲାଇ ୧୯୪୭ – ୧୬ ଅଗଷ୍ଟ ୨୦୨୦) ଜଣେ ଭାରତୀୟ କ୍ରିକେଟର ଥିଲେ। ସେ ଭାରତୀୟ କ୍ରିକେଟର ପୂର୍ବତନ ଅଧିନାୟକ ସୁନୀଲ ଗାଭାସ୍କରଙ୍କ ସାଥୀ ଥିଲେ।

୨. ଅଟଳ ବିହାରୀ ବାଜପେୟୀ (୨୫ ଡିସେମ୍ବର ୧୯୨୪ – ୧୬ ଅଗଷ୍ଟ ୨୦୧୮) ଭାରତର ସବୁଠାରୁ ଲୋକପ୍ରିୟ ପ୍ରଧାନମନ୍ତ୍ରୀ। ନରସିଂହ ରାଓଙ୍କ ପରେ, ୧୯୯୬ରେ, ଅଟଳ ବିହାରୀ ବାଜପେୟୀ ମାତ୍ର ୧୩ ଦିନ ପାଇଁ ପ୍ରଧାନମନ୍ତ୍ରୀ ହୋଇଥିଲେ। ଏହା ପରେ, ୧୯୯୮ରେ ଅନୁଷ୍ଠିତ ନିର୍ବାଚନ ମାଧ୍ୟମରେ, ସେ ପୁଣି ଥରେ ପ୍ରଧାନମନ୍ତ୍ରୀ ହୋଇଥିଲେ।

୩. ଗୁରଦିଆଲ ସିଂହ (୧୦ ଜାନୁଆରୀ ୧୯୩୩ – ୧୬ ଅଗଷ୍ଟ ୨୦୧୬) ଜଣେ ପ୍ରସିଦ୍ଧ ପଞ୍ଜାବୀ ସାହିତ୍ୟିକ ଥିଲେ। ତାଙ୍କୁ ୧୯୯୯ ମସିହାରେ ‘ଜ୍ଞାନପୀଠ ପୁରସ୍କାର’ ପ୍ରଦାନ କରାଯାଇଥିଲା। ଅମ୍ରିତା ପ୍ରୀତମଙ୍କ ପରେ ଗୁରଦିଆଲ ସିଂହ ଦ୍ୱିତୀୟ ପଞ୍ଜାବୀ ସାହିତ୍ୟିକ ଥିଲେ, ଯାହାକୁ ‘ଜ୍ଞାନପୀଠ ପୁରସ୍କାର’ ଦିଆଯାଇଥିଲା।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:

୧୮୧୯ – ପିଟରଲୁ ହତ୍ୟାକାଣ୍ଡ: ଇଂଲଣ୍ଡର ମାଞ୍ଚେଷ୍ଟରରେ, ଶାନ୍ତିପୂର୍ଣ୍ଣ ଭାବେ ସାଂସଦୀୟ ସଂସ୍କାର ପାଇଁ ଆନ୍ଦୋଳନ କରୁଥିବା ଜନତାଙ୍କ ଉପରେ ସୈନ୍ୟମାନେ ଆକ୍ରମଣ କରିଥିଲେ। ଏହି ଘଟଣାରେ ୧୫ ଜଣ ମୃତ୍ୟୁବରଣ କରିଥିଲେ ଏବଂ ଶହ ଶହ ଲୋକ ଆହତ ହୋଇଥିଲେ। ଏହା ବ୍ରିଟିଶ ଇତିହାସରେ ଏକ ଗୁରୁତ୍ୱପୂର୍ଣ୍ଣ ଘଟଣା ଭାବେ ଗଣାଯାଏ।

୧୮୫୮ – ପ୍ରଥମ ଟ୍ରାନ୍ସଆଟଲାଣ୍ଟିକ ଟେଲିଗ୍ରାଫ ସନ୍ଦେଶ: ଯୁକ୍ତରାଷ୍ଟ୍ରର ରାଷ୍ଟ୍ରପତି ଜେମ୍ସ ବୁଚାନାନ ଏବଂ ବ୍ରିଟେନର ରାଣୀ ଭିକ୍ଟୋରିଆ ମଧ୍ୟରେ ପ୍ରଥମ ଟ୍ରାନ୍ସଆଟଲାଣ୍ଟିକ କେବୁଲ ମାଧ୍ୟମରେ ସନ୍ଦେଶ ଆଦାନପ୍ରଦାନ ହୋଇଥିଲା। ଏହା ଯୋଗାଯୋଗ ଇତିହାସରେ ଏକ ମାଇଲଖୁଣ୍ଟ ଥିଲା।

୧୯୪୬ – ଡାଇରେକ୍ଟ ଆକ୍ସନ ଡେ (Direct Action Day): ଭାରତର ଅବିଭକ୍ତ ବଙ୍ଗଳାରେ, ମୁସଲିମ ଲିଗର ନେତୃତ୍ୱରେ ପାକିସ୍ତାନ ଗଠନ ପାଇଁ ଆନ୍ଦୋଳନ ଆରମ୍ଭ ହୋଇଥିଲା। ଏହି ଦିନ କଲିକତାରେ ହିନ୍ଦୁ-ମୁସଲମାନ ମଧ୍ୟରେ ହିଂସା ହୋଇଥିଲା, ଯାହା ଫଳରେ ହଜାର ହଜାର ଲୋକଙ୍କର ମୃତ୍ୟୁ ଘଟିଥିଲା। ଏହା ଭାରତୀୟ ଇତିହାସରେ ଏକ ଦୁଃଖଦ ଘଟଣା ଭାବେ ଚିହ୍ନିତ।

୧୯୬୦ – ସାଇପ୍ରସର ସ୍ୱାଧୀନତା: ସାଇପ୍ରସ ବ୍ରିଟିଶ ଶାସନରୁ ସ୍ୱାଧୀନତା ପ୍ରାପ୍ତ କରି ଏକ ସ୍ୱାଧୀନ ରାଷ୍ଟ୍ର ହୋଇଥିଲା।