୨ ମାସରେ ପାକିସ୍ତାନର ୧୨୪୦ କୋଟି ଟଙ୍କାର କ୍ଷତି
ନୂଆଦିଲ୍ଲୀ, ୧୦/୮: ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ କରିଥିଲା ଅପରେସନ ସିନ୍ଦୂର। ଏହି ଅପରେସନ ପୂର୍ବରୁ ଭାରତ ସିନ୍ଧୁ ଜଳ ଚୁକ୍ତି ବାତିଲ କରିଥିଲା ଭାରତ। ଏହାର ପ୍ରତିବାଦରେ ପାକିସ୍ତାନ ତା’ର ଆକାଶପଥ ଭାରତ ପାଇଁ ବନ୍ଦ କରିଥିଲା। ତେବେ ଏଥିପାଇଁ କିଛି କମ୍ ଆର୍ଥିକ କ୍ଷତି ସହିବାକୁ ପଡ଼ିନି ପାକିସ୍ତାନକୁ। ପାକିସ୍ତାନକୁ ପ୍ରବଳ ଆର୍ଥିକ କ୍ଷତି ସହିବାକୁ ପଡ଼ିଛି। ପାକିସ୍ତାନ ବିମାନବନ୍ଦର କର୍ତ୍ତୃପକ୍ଷ (PAA) ମାତ୍ର ଦୁଇ ମାସରେ ୧,୨୪୦ କୋଟି ଟଙ୍କା (PKR 4.1 ବିଲିୟନ)ରୁ ଅଧିକ କ୍ଷତି କରିଛି ବୋଲି ପାକିସ୍ତାନ ପ୍ରତିରକ୍ଷା ମନ୍ତ୍ରଣାଳୟର ଏକ ସରକାରୀ ବିବୃତ୍ତିକୁ ଉଦ୍ଧୃତ କରି ଡନ୍ ରିପୋର୍ଟ କରିଛି।
ରିପୋର୍ଟ ଅନୁଯାୟୀ, ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖୱାଜା ମହମ୍ମଦ ଆସିଫ୍ ନିଶ୍ଚିତ କରିଛନ୍ତି ଯେ ୨୪ ଏପ୍ରିଲରୁ ଲାଗୁ ହୋଇଥିବା ଏହି ନିଷେଧ ଯୋଗୁଁ ଦେଶକୁ ଅତିରିକ୍ତ ରାଜସ୍ୱରେ ବ୍ୟାପକ କ୍ଷତି ସହିବାକୁ ପଡିଛି।
୨୪ ଏପ୍ରିଲରୁ ୩୦ ଜୁନ୍ ମଧ୍ୟରେ ଓଭରଫ୍ଲାଇଂ ଚାର୍ଜରୁ ଏହି ରାଜସ୍ୱ ହ୍ରାସ ପାଇଛି, ଯାହା ଦୈନିକ ୧୦୦-୧୫୦ ଭାରତୀୟ ବିମାନକୁ ପ୍ରଭାବିତ କରିଛି ଏବଂ ଡନ୍ ଅନୁଯାୟୀ ପାକିସ୍ତାନର ପରିବହନ ବିମାନ ଟ୍ରାଫିକ୍ ପ୍ରାୟ ୨୦ ପ୍ରତିଶତ ହ୍ରାସ କରିଛି। ପାକିସ୍ତାନ ଭାରତୀୟ ବିମାନ ପାଇଁ ତାର ଆକାଶ ମାର୍ଗକୁ ଅଗଷ୍ଟ ୨୪ ପର୍ଯ୍ୟନ୍ତ ବନ୍ଦ କରିଛି। ସେହିପରି ଭାରତ ମଧ୍ୟ ପାକିସ୍ତାନ ବିମାନ ପାଇଁ ଅଗଷ୍ଟ ମାସ ଶେଷ ସପ୍ତାହ ପର୍ଯ୍ୟନ୍ତ ତା’ର ଆକାଶପଥକୁ ବନ୍ଦ କରିଛି।
No comments:
Post a Comment