୧୦ ମୃତ, ୩୦ରୁ ଉର୍ଦ୍ଧ୍ବ ନିଖୋଜ
ଚୀନ, ୮/୮: ଚୀନର ଉତ୍ତର-ପଶ୍ଚିମ ଗାନସୁ ପ୍ରଦେଶରେ ହଠାତ୍ ବନ୍ୟା ପାଣି ମାଡ଼ି ଆସିବା ଫଳରେ ଅତି କମରେ ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ ୩୩ ଜଣ ନିଖୋଜ ଅଛନ୍ତି। ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି।
ଗୁରୁବାର ଠାରୁ ମୁସଳଧାର ବର୍ଷା ଯୋଗୁଁ ବେଶୀ ପ୍ରଭାବିତ ହୋଇଛି ୟୁଜୋଙ୍ଗ କାଉଣ୍ଟି। ଯାହା ଫଳରେ ଏହି ଅଞ୍ଚଳର ଲାନଝୋଉ ସହରରେ ହଠାତ୍ ବନ୍ୟା ଆସିବା ସହ ଭୂସ୍ଖଳନ ହୋଇଛି। ଝଡ଼ବର୍ଷା ଯୋଗୁଁ ଜିଙ୍ଗଲଙ୍ଗ ପର୍ବତ ଅଞ୍ଚଳରେ ବିଦ୍ୟୁତ୍ ଏବଂ ଫୋନ୍ ସେବା ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଛି। ଯାହା ଫଳରେ ଚାରୋଟି ଗ୍ରାମର ୪,୦୦୦ ରୁ ଅଧିକ ବାସିନ୍ଦା ବାହ୍ୟ ଜଗତରୁ ବିଚ୍ଛିନ୍ନ ହୋଇଛନ୍ତି। ଉଦ୍ଧାରକାରୀ ଦଳ ଫସି ରହିଥିବା ଲୋକଙ୍କୁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ କରୁଛନ୍ତି।
ବନ୍ୟା ଆସିବା ଫଳରେ ରାସ୍ତା ଗୁଡ଼ିକ କ୍ଷତିଗ୍ରସ୍ତ ହୋଇଛି, ଗଛ ଭାଙ୍ଗି ଯାଇ ରାସ୍ତା ଅବରୋଧ ହୋଇଥିବାର ନଜର ଆସିଛି। ପ୍ରବଳ ବର୍ଷା ଯୋଗୁଁ ବିମାନ ଉଡ଼ାଣ ମଧ୍ୟ ବାଧାପ୍ରାପ୍ତ ହୋଇଛି – ବୁଧବାର ଗ୍ୱାଙ୍ଗଜୁର ବାଇୟୁନ୍ ବିମାନବନ୍ଦରରୁ ୩୬୦ରୁ ଅଧିକ ବିମାନ ଉଡାଣ ବାତିଲ ହୋଇଛି। ଏବଂ ୩୦୦ରୁ ଉର୍ଦ୍ଧ୍ବ ବିମାନ ବିଳମ୍ବରେ ଉଡାଣ କରିଛି।
No comments:
Post a Comment