ଖ୍ରୀଷ୍ଟିଆନ ମିଶିନାରି ୟୁନିଟ କବଳରେ ନୀରିହ ଜନଜାତି
ଖଇରପୁଟ ୨/୮(ଦର୍ଶନ ନ୍ୟୁଜ୍): ମାଲକାନଗିରି ନିରୀହ ଆଦିବାସୀଙ୍କ ସରଳତାର ସୁଯୋଗ ନେଇ ଧର୍ମାନ୍ତରୀକରଣ କରାଯାଉଛି ଓ ଫାଇଦା ନେଉଛି ଖ୍ରୀଷ୍ଟିଆନ ମିଶିନାରି ୟୁନିଟ। ବଣ୍ଡା ଅଞ୍ଚଳରେ ଆନ୍ଧ୍ରର ଏକ ମିଶୀନାରି ୟୁନିଟ ସକ୍ରିୟ ଥିବା ଅଭିଯୋଗ କରିଛନ୍ତି ଅଞ୍ଚଳବାସୀ।
ଆଦିମ ଜନଜାତି ବଣ୍ଡା ମାନଙ୍କୁ ନାନା ପ୍ରକାର ପ୍ରଲୋବନ ଦେଖେଇ ଧର୍ମାନ୍ତରୀକରଣ କରାଇ କୁନି କୁନି ପିଲଙ୍କ ହାତରେ ବହି ବଦଳରେ ବାଇବେଲ ଧରାଇ ଦିଆଯାଉଛି । ଏହାକୁ ଘୋର ବିରୋଧ କରିଛନ୍ତି ବଣ୍ଡା ସମାଜ ।
ଏଭଳି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା, ଖଇରପୁଟ ବ୍ଲକର ବଣ୍ଡାଘାଟିରେ । ଏବେ ବଣ୍ଡା ଘାଟିରେ ଧର୍ମ ପରିବର୍ତ୍ତନ ର କାୟା ବିସ୍ତାର କରିବାରେ ଲାଗିଛି । ଅଳ୍ପ କିଛି ଦିନ ଭିତରେ ବଣ୍ଡା ଘାଟିର ବଣ୍ଡା ମଣିଷ ମାନଙ୍କୁ ଧର୍ମାନ୍ତରୀକରଣ କରିବାରେ ସଫଳ ହେବାକୁ ଯାଉଛି ଖ୍ରୀଷ୍ଟିୟାନମାନେ । ଗାଁକୁ ଗାଁକୁ ଯାଇ ଜନସେବା ନାଁରେ ଲୋକଙ୍କୁ ପ୍ରଲୋବନ ଦେଖାଇ ପିଲାମାନଙ୍କୁ ପାଠ ପଢ଼େଇବା ବାହାନାରେ ସେମାନଙ୍କୁ ବହି ବଦଳରେ ହାତରେ ବାଇବଲ ଧରେଇ ଦିଆଯାଉଛି । ଯାହା ଫଳରେ କୁନି କୁନି ପିଲାମାନେ ସ୍କୁଲ ନଯାଇ ଏବେ ଚର୍ଚ୍ଚ ମୁହାଁ ହେବାରେ ଦେଖିବାକୁ ମିଳିଛ
ଆଦିମ ବଣ୍ଡା ଜନଜାତୀଙ୍କ ବେଶଭୂଷ ଓ ପର୍ବପର୍ବାଣି ଅନ୍ୟ ସମାଜ ଠାରୁ ଅଲଗା । ନିହାର ଢଙ୍ଗରେ ପର୍ବ ପର୍ବାଣୀ ପାଳନ କରିଥାନ୍ତି । ସେମାନଙ୍କ ମୁଖ୍ୟ ଦେବତା ହେଉଛି ଡଙ୍ଗର ଦେବତା । କେଉଁ କାଳରୁ ସେମାନେ ଡଙ୍ଗର ଦେବତାଙ୍କୁ ପୂଜା କରି ଆସୁଛନ୍ତି ଏବଂ ଭାଇ ଚାରା ହୋଇ ଚଳି ଆସୁଛନ୍ତି । ସମାଜ ସେବା ନାଁରେ ଏମାନଙ୍କୁ ଧର୍ମ ପରିବର୍ତ୍ତନ କରାଯାଉଛି । ଧୀରେ ଧୀରେ ବଣ୍ଡା ସମାଜ ନଷ୍ଟ ହେବାରେ ଲାଗିଲାଣି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି । ସରକାର ଏଥିପ୍ରତି ଦୃଷ୍ଟି ଦେଇ ବଣ୍ଡା ସମାଜକୁ ସୁରକ୍ଷିତ ରଖିବାକୁ ବଣ୍ଡା ସମାଜ ତରଫରୁ ଅନୁରୋଧ କରାଯାଉଛି । ତେବେ ସରକାର ଧର୍ମାନ୍ତରୀକରଣ ରଖିବାରେ କେତେ ସକ୍ଷମ ହେଉଛି ତାହା ଦେଖିବାର ବାକି ରହିଲା ।
No comments:
Post a Comment