ଲ୍ୟାଣ୍ଡମାଇନ ବିସ୍ପୋରଣ: ଟ୍ରେନ ଚଳାଚଳ ପ୍ରଭାବିତ
କୋଇଡ଼ା, ୩/୮: ସହିଦ୍ ସପ୍ତାହରେ ରେଲୱେ ଟ୍ରାକ୍ ଉଡ଼ାଇଲେ ମାଓବାଦୀ। ଲ୍ୟାଣ୍ଡମାଇନ୍ ବିସ୍ଫୋରଣରେ ରେଲୱେ ଟ୍ରାକ୍ ଉଡ଼ାଇଛନ୍ତି। ବିମଳାଗଡ଼ ସେକ୍ସନ କରମପଦା-ରେଞ୍ଜଡ଼ା ମଝିରେ ବିସ୍ଫୋରଣ ହୋଇଛି। ସଂପୃକ୍ତ ଟ୍ରାକ୍ରେ ଟ୍ରେନ୍ ଚଳାଚଳ ପ୍ରଭାବିତ ହୋଇଛି। ଘଟଣାସ୍ଥଳରେ ପୋଲିସ ମୁତୟନ କରାଯାଇଛି।
ସୁନ୍ଦରଗଡ଼ ଜିଲ୍ଲାରେ ମାଓବାଦୀଙ୍କ ଦ୍ୱାରା ରେଳ ଟ୍ରାକରେ ବିସ୍ଫୋରଣ ପରେ ଆଜି ହାଓଡ଼ା-ମୁମ୍ବାଇ ରୁଟ୍ ଦେଇ ଟ୍ରେନ୍ ଚଳାଚଳ ପ୍ରଭାବିତ ହୋଇଛି।
ଏହି ଘଟଣା ପାଞ୍ଚଟି ରାଜ୍ୟ ଯଥାକ୍ରମେ ଓଡ଼ିଶା, ଝାଡ଼ଖଣ୍ଡ, ବିହାର, ପଶ୍ଚିମବଙ୍ଗ ଏବଂ ଛତିଶଗଡ଼ରେ ମାଓବାଦୀ ମାନେ ସହିଦ ସପ୍ତାହ ପାଳନ କରିବା ଅବସରରେ ଏହି ଅଘଟଣ ଘଟିଛି। ସୁରକ୍ଷା କର୍ମୀମାନେ ବିସ୍ଫୋରଣ ସ୍ଥାନରୁ ପ୍ରାୟ ଏକ କିଲୋମିଟର ଦୂରରେ ମାଓ ପୋଷ୍ଟର ମଧ୍ୟ ପାଇଛନ୍ତି, ଯାହା ମାଓବାଦୀ ଗୋଷ୍ଠୀର ସମ୍ପୃକ୍ତିକୁ ନିଶ୍ଚିତ କରିଛି।
ରେଳ ସୁରକ୍ଷା ବଳ (RPF) ଏବଂ ରେଳ ସୁରକ୍ଷା ସ୍ୱତନ୍ତ୍ର ବାହିନୀ (RPSF) ବିଶ୍ରା, ଭାଲୁଲତା ଏବଂ ଜରାଇ ଷ୍ଟେସନରେ ମୁତୟନ କରାଯାଇଛି। ଏହି ଷ୍ଟେସନଗୁଡ଼ିକରେ ନଜର ରଖାଯାଉଛି। ସରକାରୀ ରେଳବାଇ ପୋଲିସ (GRP) ସମେତ ସୁରକ୍ଷା ବାହିନୀକୁ ହାଇ ଆଲର୍ଟରେ ରଖାଯାଇଛି।
No comments:
Post a Comment