ଆଳି ରେ ବହୁତ୍ ବିକାଶ ହେଲା

ଆଳି ରେ ବହୁତ୍ ବିକାଶ ହେଲା

ଲୋପ ହୋଇଥିବା ରାଜତନ୍ତ୍ର ଏଠି ଚେର ମାରିଲା l

ବାଲି ବିକ୍ରି ହେଲା ପାଣି ବିକ୍ରି ହେଲା ନେତାଙ୍କ ଇଜ୍ଜତ୍ ନିଲାମ ହେଲା ll

ଆଳି ରେ ବହୁତ୍ ବିକାଶ ହେଲା

ଦରିଦ୍ର ଲୋକର ଅବୋଧ ପିଲାଟା ନେତା ହୋଇଲା l

ବାପା ବିକୁଥିଲା ଖଡ଼ା ଶାଗ ହାଟେ ପୁଅ ଚାରି ଚକା ଗାଡି ଚଢିଲା ll

ଆଳି ରେ ବହୁତ ବିକାଶ ହେଲା

ଥୋକ ମୂଲ୍ୟରେ ବୁଲେଟ୍ ଗାଡି କିଣା ହୋଇଲା l

ଗରିବଙ୍କ ପାଇଁ ଆବାସ ଘରକୁ କିଏସେ ନେଲା ll

ଆଳି ରେ ବହୁତ୍ ବିକାଶ ହେଲା

ମୃତ ପ୍ରାୟ ହୃତ ରାଜତନ୍ତ୍ର ଏଠି ଲଟେଇ ଗଲା l

ଯିଏ ଯାହା ପାରୁ ପର୍ଯ୍ୟନ୍ତ ପାରିଲା ସବୁ ଲୁଟିଲା ll

ଆଳି ରେ ବହୁତ୍ ବିକାଶ ହେଲା

କଂଗ୍ରେସ ସମୟେ ହୋଇଥିବା ରାସ୍ତା ରମ୍ପା ହୋଇଲା l

ସରପଞ୍ଚ ପେଞ୍ଚ ମାରି ଧନ କୁବେର ହେଲା l

ଦାମୀ ଦାମୀ ଚାରି ଚକିଆ ଗାଡିର ମାଲିକ ହେଲା ll

ଆଳି ରେ ବହୁତ୍ ବିକାଶ ହେଲା

ପାଟି ଯେ ଖୋଲିବ ତା ତଣ୍ଟି କାଟିବେ ଶାସକ ପିଲା l

ଶାସନ ଢ଼ିଲା କୁ ଏ ସବୁ ପାଲା l

ବ୍ଲକ ରେ ସବୁ ବ୍ଲାକ୍ ହେଉଛି କୋଟି କୋଟି ଟଙ୍କା ଚଳୁ ହୋଇଲା ll

ଆଳି ରେ ବହୁତ୍ ବିକାଶ ହେଲା

ମେଡିକାଲ ଅଛି ଡାକ୍ତର ନାହାନ୍ତି ରୋଗୀ ବାଉଳା l

ମାଗଣା ଔଷଧ ପ୍ରେସକ୍ରିପସନ କିଏ ବିକି ଖାଇଲା l

ଗରିବ ବିଚରା କଟକ ଯାଉଛି ହୋଇ ଘାଇଲା ll

ନେତା ଢ଼ିଲା ସ୍ୱାସ୍ଥ୍ୟ ବିଭାଗ ଢ଼ିଲା

କରୋନା କାଳରେ କୋଟି କୋଟି ଟଙ୍କା ଚଳୁ ହୋଇଲା l

ସରପଞ୍ଚ ଏଠି କୋଟିପତି ହେଲେ

କାଗଜରେ ସବୁ କିଣା ହୋଇଲା ll

ଏକ୍ସ ରେ ମେସିନ୍ କିଏ ବିକିଲା

କଂଗ୍ରେସ କାଳରେ ନଦୀ ସେତୁ ସବୁ ଗଢା ହୋଇଲା l

ସିଂହପୁର ଠାରୁ ଚାନ୍ଦବାଲି ଯାଏ ସଂଯୋଗ ହେଲା l

ଗାଁ ଗହଳି ରୁ ରାଜରାସ୍ତା ଯାଏ ଜାଲ ପରି ରାସ୍ତା ବିଛେଇ ହେଲା l

ରିପ୍ୟାରୀଙ୍ଗ ନାମେ କୋଟି କୋଟି ଟଙ୍କା କିଏ ଖାଇଲା ll

ଆଳି ରେ ବହୁତ୍ ବିକାଶ ହେଲା

ନଖି ନାନୀ ପୁଅ ବୁଲେଟ୍ ଚଢ଼ିକି ରଡି ଛାଡ଼ିଲା l

ଗାଁ ଗହଳରେ ପାନ ଦୋକାନରେ ମଦ ମିଳିଲା l

ଗ୍ରାମେ ଗ୍ରାମେ ସବୁ ପ୍ରକଳ୍ପ ଅର୍ଥ ଲୁଟ୍ ହୋଇଲା l

ଭୋଟ୍ ପାଇବା ପାଇଁକି ନୋଟ୍ ଜମା ହୋଇଲା ll

ଆଳି ରେ ବହୁତ୍ ବିକାଶ ହେଲା

କପର୍ଟୀ ବ୍ଯାଙ୍କ ରେ କୋଟି କୋଟି ଟଙ୍କା ଚଳୁ ହୋଇଲା l

ନେତା ଖାଇଗଲେ କର୍ମୀ ଖାଇଗଲେ କର୍ମଚାରିଙ୍କର ଚାନ୍ଦି ହୋଇଲା l

ପୁରୀରେ ଘରକୁ ଭୁବନେଶ୍ବର ରେ ଗୋଟା ଗୋଟା ଘର କିଣା ହୋଇଲା l

ଆଳି ରେ ବହୁତ୍ ବିକାଶ ହେଲା 

ଜମି ଗୁଡା ସବୁ ପଡିଆ ହେଲା l 

ବାପା ଖାଉ ଅଛି ମାଗଣା ଚାଉଳ ପୁଅ ମଦ ପିଇ ନେତା ହୋଇଲା l

କୃଷି ବିଭାଗଟା ସମ୍ପୂଲ ରହିଛି ଚାଷବାସ ସବୁ ଚୂଲୀକୁ ଗଲା l

ଜଳସେଚନ ବିଭାଗ ଇତିହାସେ ଗଲା ଠିକାଦାରଙ୍କର୍ ଚାନ୍ଦ ଉଇଁଲା ll

ଆଳି ରେ ବହୁତ୍ ବିକାଶ ହେଲା 

ପୁରୁଣା ଘରରେ ରଙ୍ଗ ମାରି ଦେଇ ଫାଇବ ଟି ନାମରେ ବାଜା ବାଜିଲା l

ସ୍କୁଲ୍ ରହିଛି ମାଷ୍ଟର ନାହାନ୍ତି ପ୍ରାଇଭେଟ୍ ସ୍କୁଲ ଭାଗ୍ୟ ଉଇଁଲା l

ମଧ୍ୟାହ୍ନ ଭୋଜନ ବଣ୍ଟନ କାମଟା କାଗଜେ କାଗଜେ ସମାପ୍ତ ହେଲା ll

ଆଳି ରେ ବହୁତ୍ ବିକାଶ ହେଲା 

ଶ୍ମସାନ କୁ କରି ଖେଳର ପଡିଆ ଲକ୍ଷ ଲକ୍ଷ ଟଙ୍କା ଚଳୁ ହୋଇଲା l

ଆଳି ବାସୀଙ୍କର କରମ ଢ଼ିଲା 

ପାଟି ଯେ କରିବ ତା କରମ ବାମ ଚତୁର୍ଥ ସ୍ତମ୍ଭକୁ ମାଡ ହୋଇଲା ll

ଆଳି ରେ ବହୁତ୍ ବିକାଶ ହେଲା

..

..