ଟ୍ରକ ଡ଼୍ରାଇଭର ସମେତ ୪ ଗିରଫ
ମାଲକାନଗିରି, ୨୨/୦୭: ସୋମବାର ଦିନ ମାଲକାନଗିରିରେ ନାବାଳିକାଙ୍କୁ ଗଣ ଦୁଷ୍କର୍ମ କରିବା ଅଭିଯୋଗରେ ପୋଲିସ ଚାରି ଜଣଙ୍କୁ ଗିରଫ କରିଛି। ଏକ ନିର୍ଜନ ସ୍ଥାନରେ ଜଣେ ଟ୍ରକ୍ ଡ୍ରାଇଭରଙ୍କ ଦ୍ୱାରା ଝିଅଟିକୁ ଦୁଷ୍କର୍ମ କରାଯାଇଥିଲା।
ସୂଚନା ଅନୁଯାୟୀ, ମାଲକାନଗିରି ହେଡକ୍ୱାଟର୍ସ ଓ ଜୟପୁର କୁ ସଂଯୋଗ କରୁଥିବା ବିଜା ଘାଟର ମୁଖ୍ୟ ରାସ୍ତାରୁ ଝିଅଟିକୁ ଉଦ୍ଧାର କରାଯାଇଥିଲା। ସୋମବାର ଦିନ ଝିଅଟି ତାଙ୍କ ବନ୍ଧୁଙ୍କ ଜନ୍ମଦିନ ପାର୍ଟିକୁ ଯାଇଥିଲେ। ହେଲେ, ସେ ଘରକୁ ଫେରି ନଥିଲେ ଏବଂ ପରିବାର ସଦସ୍ୟମାନେ ତାଙ୍କୁ ଖୋଜାଖୋଜି କରିଥିଲେ। ପରେ ମାଲକାନଗିରି ଏବଂ ଜୟପୁର ମୁଖ୍ୟ ରାସ୍ତାର ଏକ ନିର୍ଜନ ସ୍ଥାନରୁ ତାଙ୍କୁ ଉଦ୍ଧାର କରାଯାଇଥିଲା।
ଏହି ମାମଲାରେ ଜଣେ ଟ୍ରକ୍ ଡ୍ରାଇଭରଙ୍କ ସମେତ ଚାରି ଜଣଙ୍କୁ ଗିରଫ କରାଯାଇଛି। ସୂତ୍ର ଅନୁଯାୟୀ, ପରିବାର ଝିଅଟିକୁ ଖୋଜୁଥିବା ସମୟରେ କିଛି ସ୍ଥାନୀୟ ଲୋକ ଟ୍ରକ୍ ଡ୍ରାଇଭର ଏବଂ ଝିଅଟିକୁ ଘଟଣାସ୍ଥଳରେ ଦେଖିଥିବା ଖବର ଦେଇଥିଲେ।
No comments:
Post a Comment