ଗାଡ଼ି କିଣିବା ପରେ ଅନେକ ଲୋକ କାରରେ ବିଭିନ୍ନ ପ୍ରକାରର ଉପକରଣ ଲଗାନ୍ତି । ସେହିଭଳି ଏକ ଉପକରଣ ହେଉଛି ଡ୍ୟାଶକ୍ୟାମ୍, ଯାହା ଆଜିକାଲି ସୁରକ୍ଷା ପାଇଁ ନିହାତି ଉପଯୋଗୀ
/kanak/media/media_files/2025/07/30/dashcam-2025-07-30-17-16-15.jpg)
କନକ ବ୍ୟୁରୋ : ଜୀବନରେ ଗୋଟିଏ ଗାଡ଼ି କିଣିବାର ସ୍ବପ୍ନ ପ୍ରାୟତଃ ସମସ୍ତଙ୍କର ଥାଏ । ଆଉ ଗାଡ଼ି କିଣିବା ପୂର୍ବରୁ ହିଁ କାରରେ କେଉଁ ପ୍ରକାରର ଉପକରଣ ଲଗାଇବେ ଏ କଥା ଉପରେ ଗୁରୁତ୍ବ ଦେଇଥା’ନ୍ତି ଚାଳକ । ଗାଡ଼ି କିଣିବା ପରେ ଅନେକ ଲୋକ କାରରେ ବିଭିନ୍ନ ପ୍ରକାରର ଉପକରଣ ଲଗାନ୍ତି । ସେହିଭଳି ଏକ ଉପକରଣ ହେଉଛି ଡ୍ୟାଶକ୍ୟାମ୍, ଯାହା ଆଜିକାଲି ସୁରକ୍ଷା ପାଇଁ ବହୁତ ଅଧିକ ପସନ୍ଦ କରାଯାଉଛି । ଯାହା ସୁରକ୍ଷା ଦୃଷ୍ଟିରୁ ବହୁତ ଭଲ । ତେବେ ଆସନ୍ତୁ ଜାଣିବା କ’ଣ ଏହି ଡ୍ୟାଶକ୍ୟାମ୍ ଏବଂ ଏହା କିଣିବା ପୂର୍ବରୁ କେଉଁ କଥା ଉପରେ ଗୁରୁତ୍ବ ଦିଆଯିବା ଦରକାର ।
/filters:format(webp)/kanak/media/media_files/2025/07/30/bengaluru-man-attempts-to-stage-2025-07-30-16-45-07.jpg)
ଡ୍ୟାଶକ୍ୟାମ୍ କ'ଣ ହୋଇଥାଏ ?
ଡ୍ୟାଶକାମ୍ ହେଉଛି ଏକ ପ୍ରକାରର କ୍ୟାମେରା, ଯାହାକୁ ଗାଡ଼ିର ଡ୍ୟାଶବୋର୍ଡ କିମ୍ବା ୱିଣ୍ଡଶିଲ୍ଡରେ ସହଜରେ ଲଗାଯାଇପାରିବ । ଗାଡ଼ିରେ ଯାତ୍ରା କରିବା ସମୟରେ ଏହାର ସାହାଯ୍ୟରେ ବାହାର ଭ୍ୟୁକୁ ରେକର୍ଡ କରାଯାଏ । ଯାହା ଦ୍ୱାରା କୌଣସି ଦୁର୍ଘଟଣା ସମୟରେ ଗାଡ଼ିରେ ବସିଥିବା ଲୋକଙ୍କୁ ବହୁତ ସାହାଯ୍ୟ ମିଳିଥାଏ ।
ଡ୍ୟାଶକ୍ୟାମ୍ କାହିଁକି ଲଗାଇବେ?
ଗାଡ଼ି କିଣିବା ପରେ ଲୋକମାନେ ଏହାକୁ ସୁରକ୍ଷିତ ରଖିବା ପାଇଁ ଅନେକ ପ୍ରକାରର ଉପକରଣ ଲଗାନ୍ତି । କିନ୍ତୁ ଗାଡ଼ି ଚଳାଇବା ସମୟରେ ଯଦି ଦୁର୍ଘଟଣା ଘଟିଯାଏ ତେବେ ନିଜକୁ ନିର୍ଦ୍ଦୋଷ ପ୍ରମାଣ କରିବା ବହୁତ କଷ୍ଟକର ହୋଇଯାଏ । ଏପରି ପରିସ୍ଥିତିରେ ବଜାରରେ ଡ୍ୟାଶକ୍ୟାମ୍ ମିଳିଥାଏ ଯାହାକୁ ଗାଡ଼ିରେ ସହଜରେ ଲଗାଯାଇପାରିବ ।
କିଣିବା ପୂର୍ବରୁ ଧ୍ୟାନ ଦିଅନ୍ତୁ :
ଯଦି ଆପଣ ମଧ୍ୟ ଆପଣଙ୍କ ଗାଡ଼ି ପାଇଁ ଡ୍ୟାଶକ୍ୟାମ୍ କିଣିବାକୁ ମନସ୍ଥ କରିଛନ୍ତି ତେବେ କିଛି କଥା ଜାଣି ରଖନ୍ତୁ । ବଜାରରେ ଅନେକ ପ୍ରକାରର ଡ୍ୟାଶକ୍ୟାମ୍ ମିଳିଥାଏ କିନ୍ତୁ ଭଲ କ୍ୱାଲିଟି ଏବଂ ଅଧିକ ବଡ଼ ବ୍ୟାଟେରୀ ସହିତ ଅଧିକ ଷ୍ଟୋରେଜ୍ କ୍ଷମତା ଥିବା ଡ୍ୟାଶକ୍ୟାମ୍ ବହୁତ ଉପଯୋଗୀ ହୋଇଥାଏ । ଭଲ କ୍ୱାଲିଟି ହେତୁ ରେକର୍ଡ କରାଯାଇଥିବା ଭିଡିଓରେ ଅନ୍ୟ ଗାଡ଼ିଗୁଡ଼ିକର ସୂଚନା ନେବା ବହୁତ ସହଜ ହୋଇଯାଏ । ଏହା ସହିତ ଅଧିକ ଷ୍ଟୋରେଜ୍ ଥିବା ହେତୁ ବହୁତ ପୁରୁଣା ଭିଡିଓ ମଧ୍ୟ ଦେଖିପାରିବେ ।
ଏହି କଥାଗୁଡ଼ିକ ଉପରେ ମଧ୍ୟ ଧ୍ୟାନ ଦିଅନ୍ତୁ :
ବଜାରରେ ଅନେକ ପ୍ରକାରର ଫିଚର୍ସ ସହିତ ଡ୍ୟାଶକ୍ୟାମ୍ ମିଳିଥାଏ କିନ୍ତୁ ୱାୟାରଲେସ୍ କନେକ୍ଟିଭିଟି, ଜିପିଏସ୍ ଏବଂ ଡିସପ୍ଲେ ସହିତ ଆସୁଥିବା ଡ୍ୟାଶକ୍ୟାମ୍ ବ୍ୟବହାର କରିବା ବହୁତ ଅଧିକ ସହଜ ହୋଇଥାଏ ।
ଏହାର ମୂଲ୍ୟ କେତେ ?
କ୍ୱାଲିଟି ଏବଂ ଫିଚର୍ସ ଅନୁସାରେ ଅନେକ କମ୍ପାନିଗୁଡ଼ିକ ତରଫରୁ ଡ୍ୟାଶକ୍ୟାମ୍ କିଣାଯାଇପାରିବ । ଅନଲାଇନ୍ ସହିତ ବଜାରରେ ଏହାର ମୂଲ୍ୟ ପ୍ରାୟ ତିନି ହଜାର ଟଙ୍କାରୁ ଆରମ୍ଭ ହୋଇଯାଏ । ଏହାପରେ ଫିଚର୍ସ ବଢ଼ିବା ସହିତ ମୂଲ୍ୟରେ ମଧ୍ୟ ବୃଦ୍ଧି ହୋଇଯାଏ ।
No comments:
Post a Comment