ଫାଶୀ ଦଣ୍ଡ ନିଷ୍ଠୁର, ବର୍ବର, ଦୀର୍ଘକାଳୀନ ଯନ୍ତ୍ରଣାଦାୟକ
ନୂଆଦିଲ୍ଲୀ, ୧୫/୧୦: ଆଜି ସୁପ୍ରିମକୋର୍ଟ ଭାରତରେ ଦିଆଯାଉଥିବା ସର୍ବୋଚ୍ଚ ଦଣ୍ଡ ଫାଶୀ ଦଣ୍ଡାଦେଶକୁ ନେଇ ପ୍ରଶ୍ନ କରିଛନ୍ତି। ମୃତ୍ୟୁଦଣ୍ଡରେ ଥିବା ଦୋଷୀମାନଙ୍କୁ ମୃତ୍ୟୁଦଣ୍ଡ ଦେବା ପାଇଁ ଘାତକ ଇଞ୍ଜେକ୍ସନର ବିକଳ୍ପ ବ୍ୟବହାର ପାଇଁ କହିଛନ୍ତି।
କୋର୍ଟ ପାରମ୍ପରିକ ଫାଶୀ ବ୍ୟବସ୍ଥାକୁ ଘାତକ ଇଞ୍ଜେକ୍ସନ ଦ୍ୱାରା ବଦଳାଇବା ପାଇଁ ନଚେତ୍ ଦୋଷୀ ବ୍ୟକ୍ତିମାନଙ୍କୁ ଦଣ୍ଡାଦେଶ ନେଇ ବାଛିବାର କ୍ଷମତା ଦେବା ପାଇଁ ଏକ ଜନସ୍ୱାର୍ଥ ମାମଲାର ଶୁଣାଣି କରୁଥିଲେ।
“ଅତି କମରେ ଦୋଷୀ ମାନଙ୍କୁ ଦଣ୍ଡ ବାଛିବା ପାଇଁ ବିକଳ୍ପ ଦେବା ଉଚିତ୍। ସେମାନେ ଘାତକ ଇଞ୍ଜେକ୍ସନ ଚାହାଁନ୍ତି ନା ଫାଶୀ ଚାହାଁନ୍ତି। ଘାତକ ଇଞ୍ଜେକ୍ସନ ଶୀଘ୍ର, ମାନବୀୟ ଏବଂ ସଭ୍ୟ। କିନ୍ତୁ ଫାଶୀ ତାହାର ବିପରୀତ, ଯାହା ନିଷ୍ଠୁର, ବର୍ବର ଏବଂ ଦୀର୍ଘକାଳୀନ ଯନ୍ତ୍ରଣା ଦାୟକ।,” ଆବେଦନକାରୀଙ୍କ ପକ୍ଷରୁ ଉପସ୍ଥିତ ଓକିଲ ରିଷି ମାଲହୋତ୍ରା କହିଛନ୍ତି। ଏହା ମଧ୍ୟ ଦର୍ଶାଯାଇଥିଲା ଯେ ସାମରିକ ବାହିନୀରେ ଏପରି ବିକଳ୍ପ ଦିଆଯାଇଥାଏ।
ତେବେ, ସରକାରୀ ପ୍ରତିପକ୍ଷ କହିଥିଲେ ଯେ ଏହି ବିକଳ୍ପ ‘ସମ୍ଭାବ୍ୟ ନୁହେଁ’।
ତା’ପରେ ବିଚାରପତି ବିକ୍ରମ ନାଥ ଏବଂ ବିଚାରପତି ସନ୍ଦୀପ ମେହେଟ୍ଟାଙ୍କ ଖଣ୍ଡପୀଠ ଏକ ମୌଖିକ ପର୍ଯ୍ୟବେକ୍ଷଣ କରିଥିଲେ ଯେ, ସରକାର ‘ସମୟ ସହିତ ହେଉଥିବା ପରିବର୍ତ୍ତନ ସହିତ ବିକଶିତ ହେବାକୁ ପ୍ରସ୍ତୁତ ନୁହେଁ’।
“ସମସ୍ୟା ହେଉଛି ଯେ ସରକାର ବିକଶିତ ହେବାକୁ ପ୍ରସ୍ତୁତ ନୁହଁନ୍ତି … ଫାଶୀ ଦଣ୍ଡାଦେଶ ଏକ ବହୁତ ପୁରୁଣା ପ୍ରକ୍ରିୟା। ସମୟ ସହିତ ଜିନିଷଗୁଡ଼ିକ ପରିବର୍ତ୍ତନ ହୋଇଛି।”
ଏହି ସମୟରେ, ସରକାରଙ୍କ ପକ୍ଷରୁ ଉପସ୍ଥିତ ବରିଷ୍ଠ ଓକିଲ ସୋନିଆ ମାଥୁର କହିଥିଲେ ଯେ କଏଦୀମାନଙ୍କୁ ପସନ୍ଦ ପ୍ରଦାନ କରିବା ନୀତିଗତ ନିଷ୍ପତ୍ତି ସହିତ ଜଡିତ।
ଏହା ପରେ ମାମଲାକୁ ନଭେମ୍ବର ୧୧ ପର୍ଯ୍ୟନ୍ତ ସ୍ଥଗିତ ରଖାଯାଇଛି।
ସୂଚନାଯୋଗ୍ୟ, ଆବେଦନକାରୀ କହିଥିଲେ ଯେ ବର୍ତ୍ତମାନର ଅଭ୍ୟାସରେ ‘ଦୀର୍ଘକାଳୀନ ଯନ୍ତ୍ରଣା ରହୁଛି। ଏହାକୁ ଘାତକ ଇଞ୍ଜେକ୍ସନ, କିମ୍ବା ଫାୟାରିଂ ସ୍କ୍ୱାଡ୍, ବିଦ୍ୟୁତ୍ ଆଘାତ କିମ୍ବା ଗ୍ୟାସ୍ ଚାମ୍ବର ସହିତ ବଦଳାଯାଉ, ଯେଉଁଥିରେ ଜଣେ ବ୍ୟକ୍ତି କିଛି ମିନିଟ୍ ମଧ୍ୟରେ ମୃତ୍ୟୁବରଣ କରିପାରିବେ।
କିନ୍ତୁ ଫାଶୀ ଦ୍ୱାରା ମୃତ୍ୟୁର ସମ୍ପୂର୍ଣ୍ଣ ବିପରୀତ, ଯେଉଁଥିରେ ୪୦ ମିନିଟ୍ ସମୟ ଲାଗିପାରେ।
ଆବେଦନକାରୀ ଏହା ମଧ୍ୟ ଦର୍ଶାଇଥିଲେ ଯେ ଆମେରିକାର ୫୦ଟି ରାଜ୍ୟରୁ ୪୯ଟି ଘାତକ ଇଞ୍ଜେକ୍ସନ ବ୍ୟବହାର କରୁଛନ୍ତି।
No comments:
Post a Comment