ମାଂସ ଖାଇବା ପାଇଁ ବରଯାତ୍ରୀ କଲେ ଝଗଡ଼ା, ଶେଷରେ ବାହା ହେବାକୁ ରୋକ ଠୋକ ମନା କଲା କନ୍ୟା
ସମ୍ବଲପୁର: ଖାସି ମାଂସ ପାଇଁ ଭାଙ୍ଗିଗଲା ବାହାଘର । ଶିଶୁପାଳ ହୋଇ ଫେରିଲା ବର । ଏପରି ଏକ ଘଟଣା ଦେଖିବାକୁ ମିଳିଛି ସମ୍ବଲପୁର ସହର ଧମା ଅଞ୍ଚଳରେ। ଧମା ଅଞ୍ଚଳର ଜଣେ ଯୁବତୀଙ୍କ ବାହାଘର ସୁନ୍ଦରଗଡ଼ ଜିଲ୍ଲାର ଜଣେ ଯୁବକଙ୍କ ସହ ସ୍ଥିର ହୋଇଥିଲା । ସମ୍ବଲପୁରର ଏକ ବିବାହ ମଣ୍ଡପରେ ଚାଲିଥିଲା ବାହାଘର । ବାଜା, ରୋଷଣୀ ସହ କନ୍ୟା ଘରେ ପହଞ୍ଚିଥିଲେ ବରଯାତ୍ରୀ। ଆରମ୍ଭ ହୋଇଥିଲା ଖିଆପିଆ। ହେଲେ ମାଂସ ଅଧାରୁ ସରି ଯାଇଥିବାରୁ ଆରମ୍ଭ ହୋଇଯାଇଥିଲା ଝଗଡ଼ା।
କନ୍ୟା ଘର ଲୋକ ଏକ ଢାବାରୁ ମାଂସ ଆଣି ଖାଇବାକୁ ଦେଇଥିଲେ। ହେଲେ ବର ପକ୍ଷ ନ ମାନିବାରୁ ଝିଅର ବାପା ଓ ମାମୁ ବରପକ୍ଷଙ୍କ ହାତଗୋଡ଼ ଧରି ନେହୁରା ହୋଇଥିଲେ । ଏପରି ଘଟଣା ଦେଖି ବାହା ହେବାକୁ ରୋକଠୋକ୍ ମନା କରିଦେଇଥିଲା କନ୍ୟା। ଆଉ ଶିଶୁପାଳ ହୋଇ ଘରକୁ ଫେରିଥିଲା ବର। ସମ୍ବଲପୁରରେ ଏହି ଘଟଣା ଏବେ ଚର୍ଚ୍ଚାର ବିଷୟ ହୋଇଛି।
No comments:
Post a Comment