ଧାମରା ସ୍ଥିତ ଅବଦୁଲ କଲାମ ଦ୍ୱୀପରୁ ଅଗ୍ନି ପ୍ରାଇମ ମିସାଇଲର ସଫଳ ପରୀକ୍ଷଣ
ନୂଆ ପିଢିର ବାଲିଷ୍ଟିକ ଅଗ୍ନି ପ୍ରାଇମ ମିସାଇଲର ସଫଳ ପରୀକ୍ଷଣ । ଗତକାଲି ରାତି ୭ଟା ୩୦ ମିନିଟରେ ଧାମରା ସ୍ଥିତ ଅବଦୁଲ କଲାମ ଦ୍ୱୀପରୁ ହୋଇଛି ପରୀକ୍ଷଣ । ପୂର୍ବରୁ ଏହାର ୩ଟି ସଫଳ ପରୀକ୍ଷଣ ହୋଇଛି । ଏବେ ଏହାର ପ୍ରଥମ ପ୍ରି ଇଣ୍ଡକ୍ସନ ନାଇଟ ଲଞ୍ଚ୍ କରାଯାଇଛି ।
ଫ୍ଲାଇଟ ଟେଷ୍ଟରେ ଏହାର ସମସ୍ତ ଉଦ୍ଦେଶ୍ୟ ସଫଳ ହୋଇଛି । ସଫଳତାର ସହ ସମସ୍ତ ଟାର୍ଗେଟକୁ ଧ୍ୱଂସ କରିଛି ଅଗ୍ନି ପ୍ରାଇମ ମିସାଇଲ । ମିସାଇଲକୁ ଟ୍ରାକ କରିବାକୁ ରାଡାର, ଇଲେକ୍ଟ୍ରୋ ଅପ୍ଟିକାଲ ଟ୍ରାକିଂ ସିଷ୍ଟମ ସହ ଟର୍ମିନାଲରେ ୨ଟି ଡାଉନରେଞ୍ଜ ଜାହାଜ ମୁତୟନ କରାଯାଇଥିଲା ।
ଏହି ସଫଳତା ପାଇଁ DRDOକୁ ଶୁଭେଚ୍ଛା ଜଣାଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଅଗ୍ନି ପ୍ରାଇମ ମିସାଇଲ ଅଗ୍ନି ସିରିଜର ନୂଆ ପିଢିର ମିସାଇଲ । ଏହି ମିସାଇଲ ଏକା ସଙ୍ଗରେ ଶତ୍ରୁର ଏକାଧିକ ଟାର୍ଗେଟକୁ ଧ୍ୱଂସ କରିପାରିବ।
No comments:
Post a Comment