ଆୟବର୍ହିଭୂତ ସଂପତ୍ତି ଠୁଳ ଅଭିଯୋଗରେ ନବରଙ୍ଗପୁର ଅତିରିକ୍ତ ଉପଜିଲ୍ଲାପାଳ ପ୍ରଶାନ୍ତ ରାଉତ ଗିରଫ
କୁବେର ଅତିରିକ୍ତ ଉପଜିଲ୍ଲାପାଳ ଗିରଫ। ଆୟବର୍ହିଭୂତ ସଂପତ୍ତି ଠୁଳ ଅଭିଯୋଗରେ ନବରଙ୍ଗପୁର ଅତିରିକ୍ତ ଉପଜିଲ୍ଲାପାଳ ପ୍ରଶାନ୍ତ ରାଉତ ଗିରଫ। ଆଜି ତାଙ୍କୁ ସୁନ୍ଦରଗଡ଼ ଭିଜିଲାନ୍ସ କୋର୍ଟରେ ହାଜର କରାଯିବ । ଏଥିପାଇଁ ତାଙ୍କୁ ସୁନ୍ଦରଗଡ଼ ଆଣିଛି ଭିଜିଲାନ୍ସ । ଆୟଠାରୁ ୫ଶହ ପ୍ରତିଶତରୁ ଅଧିକ ସଂପତ୍ତିର ମାଲିକ ପ୍ରଶାନ୍ତ । ତାଙ୍କ ପାଖରେ ୫ରୁ ୬ଟି ବେନାମୀ ଆକାଉଣ୍ଟ ରହିଛି । ତାଙ୍କର ୫କୋଟିରୁ ଅଧିକ ଟଙ୍କାର ସଂପତ୍ତି ଠାବ ହୋଇଛି। କେବଳ ନଗଦ ଟଙ୍କା ମିଳିଛି ୩କୋଟିରୁ ଅଧିକ।
ଭୁବନେଶ୍ୱରରେ ଘର ସହ ୫ଟି ପ୍ଲଟ ଓ ୨ଟି ଦାମୀ କାର ଠାବ ହୋଇଛି। ରେଡ ବେଳେ ପ୍ରଶାନ୍ତଙ୍କ ଅଚଳାଚଳ ସଂପତ୍ତି ଦେଖି ଚକିତ ହୋଇଥିଲା ଭିଜିଲାନ୍ସ। ଏତେ ପରିମାଣର ନଗଦ ଟଙ୍କା ଦେଖି ତାଜୁବ ହୋଇଥିଲେ ତଦନ୍ତକାରୀ ଅଧିକାରୀ। ଟଙ୍କା ସହ ଜବତ ହୋଇଛି ସୁନା ଅଳଙ୍କାର ଓ ସୁନା ବିସ୍କୁଟ । ଗତକାଲି ପ୍ରଶାନ୍ତଙ୍କ ନବରଙ୍ଗପୁର ସ୍ଥିତ ସରକାରୀ ବାସଭବନ ଓ ଅଫିସ ସମେତ ୯ଟି ସ୍ଥାନରେ ଏକକାଳୀନ ଚଢଉ କରିଥିଲା ଭିଜିଲାନ୍ସ । ଓଡ଼ିଶା ଭିଜିଲାନ୍ସ ଇତିହାସରେ ଏହା ଦ୍ୱିତୀୟ ସର୍ବବୃହତ ଟଙ୍କା ଜବତ ଘଟଣା ବୋଲି ଜଣାପଡ଼ିଛି ।
୧୯୯୬ ମସିହାର OAS ଅଧିକାରୀ ପ୍ରଶାନ୍ତ ରାଉତ । ଯାଜପୁର, କେନ୍ଦ୍ରାପଡ଼ାର ତହସିଲଦାର ଭାବରେ କାର୍ଯ୍ୟ କରିଥିଲେ । ବାଲେଶ୍ୱର, ବରଗଡ, ଯାଜ୍ପୁର, କଟକ ଓ କେନ୍ଦ୍ରାପଡାର ବିଡିଓ ଥିଲେ । ୨୦୧୮ରେ ସୁନ୍ଦରଗଡ଼ ଜିଲ୍ଲା ବିସ୍ରା ବ୍ଲକ୍ ବିଡ଼ିଓ ଥିବା ବଳେ ଏକ ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଗିରଫ ହୋଇଥିଲେ । ଏହାପରେ ଚାକିରିରୁ ନିଲମ୍ବିତ ହୋଇଥିଲେ । ପୁଣି ଥରେ ତାଙ୍କୁ ୨୦୨୦ରେ ଅତିରିକ୍ତ ଉପ ଜିଲ୍ଲପାଳ ଭାବେ ନବରଙ୍ଗପୁରରେ ଅବସ୍ଥାପିତ କରାଯାଇଥିଲା ।
No comments:
Post a Comment