ଭୁବନେଶ୍ବର ରେ ଜ୍ୟାକେଟ୍ ପିନ୍ଧା ସମ୍ଭ୍ରାନ୍ତ ଚୋର

COASTAL NEWS ODIA 1575

ଭୁବନେଶ୍ବର ରେ ଜ୍ୟାକେଟ୍ ପିନ୍ଧା ସମ୍ଭ୍ରାନ୍ତ ଚୋର 

 

ଭୁବନେଶ୍ୱର - (CNO) ସାବଧାନ୍ ରାଜଧାନୀ ରେ ମାତିଛନ୍ତି ଜିନ୍ସ-ଜ୍ୟାକେଟ ପିନ୍ଧା ସମ୍ଭ୍ରାନ୍ତ ଚୋର । ଘରେ ପଶି ବୁଲାଉଛନ୍ତି କଳାକନା । ମୁହଁରେ ମାସ୍କ ପିନ୍ଧି ଘରେ ନଥିବାବେଳେ କଳା କନା ବୁଲାଉଛନ୍ତି । ଏମିତି କିଛି ଘଟଣା ଘଟିଛି ରାଜଧାନୀର ମଞ୍ଚେଶ୍ୱର ରେଲଓ୍ୱେ କଲୋନୀରେ । 

ଖବର ଅନୁସାରେ ଗତକାଲି ମଞ୍ଚେଶ୍ୱର ରେଲୱେ କଲୋନୀର B 15/2 କ୍ୱାର୍ଟର୍ସରେ ରହୁଥିବା ରଞ୍ଜନ କୁମାର ସିଂହଙ୍କ ପରିବାର ଘରେ ନଥିଲେ । ଏହାର ସୁଯୋଗ ନେଇ 3 ଜଣ ଜିନ୍ସ ଜ୍ୟାକେଟ୍ ପିନ୍ଧା ସ୍ମାର୍ଟ ଚୋର ବିଳମ୍ବିତ ରାତିରେ ତାଙ୍କ ଘରେ ପଶିଥିଲେ ଏବଂ 28 ହଜାର ଟଙ୍କା ସହ ସୁନାଗହଣା ଲୁଟିନେଇଥିଲେ । ସିସିଟିଭିରେ ଲୁଟ୍‌ ସମୟର ସମସ୍ତ ଦୃଶ୍ୟ କଏଦ ହୋଇଛି । 

ଚୋରି ଟଙ୍କା ବାବଦରେ ଘର ମାଲିକ ରଞ୍ଜନ କୁମାର ସିଂହ ଥାନାରେ ଏତଲା ଦେଇଛନ୍ତି । ପୋଲିସ ସିସି ଟିଭି ଫୁଟେଜକୁ ଆଧାର କରି ତଦନ୍ତ ଜାରି ରହିଛି । ଘଟଣାରେ ବାହାର ରାଜ୍ୟର ଲୁଟେରା ଗ୍ୟାଙ୍ଗ ଥିବା ସୂଚନା ମିଳିଛି । 

  

ଗତ ଦୁଇ ମାସ ଭିତରେ ରାଜଧାନୀର ବିଭିନ୍ନ ସ୍ଥାନରୁ ଲୁଟପାଟର ଖବର ସାମ୍ନାକୁ ଆସୁଛି । ହେଲେ ଏ ପର୍ଯ୍ୟନ୍ତ ଚୋରଙ୍କୁ ଧରିବାରେ ବିଫଳ ହେଉଛି କମିଶନରେଟ୍ ପୋଲିସ ।