ସୀମା ପାର ପ୍ରେମ କାହାଣୀ ଭାରତ ଆସିଲେ ପାକିସ୍ତାନୀ

COASTAL NEWS ODIA 1565

ସୀମା ପାର ପ୍ରେମ କାହାଣୀ ଭାରତ ଆସିଲେ ପାକିସ୍ତାନୀ ଯୁବତୀ 

 

ନୂଆଦିଲ୍ଲୀ - (CNO) ପାକିସ୍ତାନ ଓ ଭାରତ ମଧ୍ୟରେ ସୀମା ପାର ପ୍ରେମ କାହାଣୀର ଆଉ ଏକ ଘଟଣା ପଦାକୁ ଆସିଛି। ଯୁବକ ଭାରତର ହୋଇଥିବା ବେଳେ ଯୁବତୀ ଜଣକ ପାକିସ୍ତାନ ର କରାଚି ସହରରେ l ଘଟଣାଟି ହେଉଛି ବାହା ହେବା ଲାଗି ଜଣେ ପାକିସ୍ତାନୀ ଯୁବତୀ ସୀମା ପାର ହୋଇ ଭାରତ ଆସିଛନ୍ତି। ଭାରତକୁ ଆସିଥିବା ପାକିସ୍ତାନୀ ଯୁବତୀ ଜଣଙ୍କ ହେଉଛନ୍ତି ଜାଭେରିଆ ଖାନୁମ୍ । ଖାନୁମଙ୍କ ଘର ପାକିସ୍ତାନ କରାଚିରେ। ସେ ତାଙ୍କ ପ୍ରେମିକ କଲକାତାର ସମୀର ଖାଁଙ୍କୁ ବିବାହ କରିବେ । ବିବାହ ଲାଗି ଖାନୁମ୍ ୪୫ ଦିନିଆ ଭିସାରେ ଭାରତ ଆସିଛନ୍ତି। 

https://m.facebook.com/groups/212193425873812/?ref=share&mibextid=NSMWBT

ଖାନୁମ୍ ଅମୃତସରର ଅଟାରୀ ସୀମା ଦେଇ ଭାରତ ମାଟିରେ ପହଞ୍ଚିବାମାତ୍ରେ ଖାନୁମଙ୍କୁ ତାଙ୍କ ଭାବୀ ସ୍ଵାମୀ ସମୀର ଓ ତାଙ୍କ ପରିବାର ସଦସ୍ୟ ସ୍ଵାଗତ କରିଥିଲେ। ସମୀରଙ୍କୁ ବିବାହ ନିମନ୍ତେ ଖାନୁମ୍ ଭାରତ ଆସିବା ଲାଗି ପୂର୍ବରୁ ଦୁଇଥର ଭିସା ଆବେଦନ କରିଥିଲେ। ମାତ୍ର ତାଙ୍କର ଭିସା ଆବେଦନକୁ ଅଗ୍ରାହ୍ୟ କରିଦିଆଯାଇଥିଲା। ପରେ କରୋନା ମହାମାରୀ ପାଇଁ ସେମାନଙ୍କ ବିବାହ ଅଟକି ଯାଇଥିଲା । 

ପ୍ରାୟ ୫ବର୍ଷ ଅପେକ୍ଷା ପରେ ଖାନୁମ୍‌ଙ୍କୁ ଭାରତ ଆସିବା ଲାଗି ଅନୁମତି ମିଳିଛି । ଭିସା ମିଳିଥିବାରୁ ଖାନୁମ୍ ଭାରତ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ଯେ ସମୀରଙ୍କ ସହିତ ତାଙ୍କର ୫ ବର୍ଷ ହେଲା ପ୍ରେମ ସମ୍ପର୍କ ରହିଛି । ଶେଷରେ ସେମାନେ ବିବାହ ହେବାକୁ ନିଷ୍ପତ୍ତି ନେଇଛନ୍ତି । ଏହା ପୂର୍ବରୁ ସୀମା ହାଇଦରଙ୍କ ପ୍ରେମ କାହାଣୀ ଚର୍ଚ୍ଚାର ବିଷୟ ହୋଇଥିଲା ।

https://whatsapp.com/channel/0029VaB0hy5DjiOTybpcH72y