COASTAL NEWS ODIA 1576
ସୁପ୍ରିମକୋର୍ଟଙ୍କ ଐତିହାସିକ ରାୟ କାଶ୍ମୀରରୁ ‘୩୭୦ ଧାରା’ ଉଚ୍ଛେଦ ବୈଧ
ନୂଆଦିଲ୍ଲୀ - (CNO) କାଶ୍ମୀରରୁ ‘୩୭୦ ଧାରା’ ଉଚ୍ଛେଦକୁ ବୈଧ କହିଲେ ମୁଖ୍ୟ ବିଚାରପତି ସୁପ୍ରିମକୋର୍ଟଙ୍କ ଐତିହାସିକ ରାୟ । ଜମ୍ମୁ-କାଶ୍ମୀରରୁ '୩୭୦ ଧାରା' ଉଚ୍ଛେଦକୁ ବୈଧ ଏବଂ ଧାରା ଉଚ୍ଛେଦ ସମ୍ପୂର୍ଣ୍ଣ ରୂପେ ଆଇନ ସମ୍ମତ ବୋଲି କହିଲେ ସୁପ୍ରିମକୋର୍ଟ ମୁଖ୍ୟ ବିଚାରପତି ଜଷ୍ଟିସ ଡି.ୱାଇ ଚନ୍ଦ୍ରଚୂଡ । କେନ୍ଦ୍ର ସରକାରଙ୍କ'୩୭୦ ଧାରା' ଉଚ୍ଛେଦ ନିଷ୍ପତ୍ତିକୁ ଚ୍ୟାଲେଞ୍ଜ କରି ସୁପ୍ରମକୋର୍ଟଙ୍କ ଦ୍ୱାରସ୍ଥ ହୋଇଥିଲେ NC, PDP ସମେତ ଏକାଧିକ ଆବେଦନକାରୀ ।
ତାଙ୍କର ରାୟରେ ସୁପ୍ରିମକୋର୍ଟ କହିଛନ୍ତି, ଜାମ୍ମୁ କାଶ୍ମୀରରେ କେବଳ ଭାରତର ସମ୍ବିଧାନ ଲାଗୁ କରାଯିବ । ସେହିପରି ଆସନ୍ତା ୩୦ ସେପ୍ଟେମ୍ବର ୨୦୨୪ ସୁଦ୍ଧା ଜାମ୍ମୁ କାଶ୍ମୀରରେ ନିର୍ବାଚନ କରାଇବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ଯାହା ପରେ ଜାମ୍ମୁ କାଶ୍ମୀରକୁ ଏକ ରାଜ୍ୟ ଭାବେ ମାନ୍ୟତା ମିଳିପାରିବ । ସେହିପରି ଲଦାଖ କେନ୍ଦ୍ରଶାସିତ ଅଞ୍ଚଳ ଭାବେ ସ୍ଥିତି ବଜାୟ ରହିବ । ସୂଚନାଥାଉ ଯେ, ଜମ୍ମୁ-କଶ୍ମୀରକୁ 370 ଏବଂ 35A ମାଧ୍ୟମରେ ଦିଆଯାଇଥିବା ବିଶେଷ ଅଧିକାର କେନ୍ଦ୍ର ସରକାରଙ୍କ ଦ୍ୱାରା ଅଗଷ୍ଟ 5, 2019 ରେ ରଦ୍ଦ କରାଯାଇଥିଲା।
ଜାମ୍ମୁ କାଶ୍ମୀରର ନେତା ଫାରୁକ୍ ଅବଦୁଲ୍ଲା, ଓମାର ଅବଦୁଲ୍ଲା, ଗୁଲାମନବୀ ଆଜାଦ୍ ଅସନ୍ତୋଷ ପ୍ରକାଶ କରିଥିଲେ । ଏହାକୁ ଆଜାଦ ମେହବୁବା ମୁଫତି ଏବଂ ଅନ୍ୟମାନେ ବିରୋଧ କରିଥିଲେ । ଧାରା 370ର ଅପସାରଣକୁ ବିରୋଧ କରୁଥିବା ଆବେଦନକାରୀମାନେ ଯୁକ୍ତି ଉପସ୍ଥାପନ କରିଥିଲେ ଯେ 1957 ପରେ, ଧାରା 370 ବିଧାନସଭାର ଅନୁମୋଦନ ବିନା ହଟାଯାଇପାରିବ । Article 370: 'ଆଜିର ନିଷ୍ପତ୍ତି କେବଳ ଆଇନଗତ ନିଷ୍ପତ୍ତି ନୁହେଁ; ଏହା ଏକ ଆଶାର କିରଣ, ଉଜ୍ଜ୍ୱଳ ଭବିଷ୍ୟତର ପ୍ରତିଜ୍ଞା' ସୁପ୍ରିମକୋର୍ଟଙ୍କ ନିଷ୍ପତ୍ତି ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଉପରେ ପ୍ରଭାବ ପକାଇପାରେ ଯାହା ଗତ ଚାରି ବର୍ଷ ମଧ୍ୟରେ କେନ୍ଦ୍ର ସରକାର ନେଇଛନ୍ତି।
ଧାରା ୩୭୦ ଜାମ୍ମୁ କାଶ୍ମୀରକୁ ବିଶେଷ ଅଧିକାର ପ୍ରଦାନ କରୁଥିଲା ଯେଉଁଥିରେ ଜାମ୍ମୁ କାଶ୍ମୀର ନିଜସ୍ୱ ଆଇନ ତିଆରି କରିପାରିବ, କେନ୍ଦ୍ରର ଏହା କରିବାର ଅଧିକାର ନାହିଁ । ଧାରା ୩୭୦ ଅନୁଯାୟୀ ଜାମ୍ମୁ କାଶ୍ମୀର ଅର୍ଥ, ପ୍ରତିରକ୍ଷା ଏବଂ ବୈଦେଶିକ ବ୍ୟାପାର ବ୍ୟତୀତ ନିଜସ୍ୱ ଆଇନ ତିଆରି କରିପାରିବ। ସୂଚନାଥାଉ ଯେ, ଧାରା ୩୭୦ ରଦ୍ଦ ହେବା ପରେ କେନ୍ଦ୍ର ସରକାର ଜାମ୍ମୁ କାଶ୍ମୀରକୁ ଦୁଇଟି ୟୁନିଅନରେ ବିଭକ୍ତ କରିଥିଲେ।
ଗୋଟିଏରେ ଲଦାଖ ଏବଂ ଅନ୍ୟଟିରେ ଜାମ୍ମୁ କାଶ୍ମୀର । ଲଦାଖକୁ ଏକ ୟୁନିଅନ୍ ଟେରିଟୋରି କରାଯାଇଛି , ଯେଉଁଠାରେ କୌଣସି ବିଧାନସଭା ହେବ ନାହିଁ, ଜାମ୍ମୁ କାଶ୍ମୀରରେ ବିଧାନସଭା ହେବ। ଉଭୟ ୟୁନିୟନ ଅଞ୍ଚଳ ହେବ ଯାହାର ପ୍ରଶାସନ କେନ୍ଦ୍ର ସରକାରଙ୍କ ଦ୍ୱାରା ନିଯୁକ୍ତ ଏଲଜି ଙ୍କ ମାଧ୍ୟମରେ ପରିଚାଳିତ ହେବ ।
No comments:
Post a Comment