COASTAL NEWS ODIA 1609
କୋବି ପାଇଁ ମା’କୁ ମାଡ ଘଟଣା, ଗିରଫ ହେଲା ନିଷ୍ଠୁର ପୁଅ
କେନ୍ଦୁଝର - (CNO) କୋବି ଚୋରି ଅଭିଯୋଗରେ ମା'କୁ ଖୁଣ୍ଟିରେ ବାନ୍ଧି ବାଡେଇବା ଘଟଣା । ଆଜି ନୁଷ୍ଠୁର ପୁଅକୁ ଗିରଫ କରି କୋର୍ଟରେ ହାଜର କରିଛି ପୋଲିସ । ତେବେ ଏହି ଖବରଟି ଫଟୋ ସହ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ନିଜ ତରଫରୁ ଏକ ମାମଲା ରୁଜୁ କରି ଏପରି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ଖବର ଅନୁଯାୟୀ କେନ୍ଦୁଝର ଜିଲ୍ଲା ଚମ୍ପୁଆ ଥାନା ଅନ୍ତର୍ଗତ ସରସପାରି ଗାଁର ଶତ୍ରୁଘ୍ନ ମହନ୍ତ ନିଜ ମା'ସୁଭଦ୍ରା ମହନ୍ତଙ୍କୁ କୋବି ଚୋରି ଅଭିଯୋଗରେ ପ୍ରଥମେ ନିର୍ମମ ଭାବେ ମାଡ଼ ମାରିଥିଲେ । ଏହାପରେ ତାଙ୍କୁ ଘର ବାହାରେ ଥିବା ଏକ ବିଦ୍ୟୁତ ଖୁଣ୍ଟରେ ବାନ୍ଧି ଦେଇଥିଲେ । ଯାହା ଫଳରେ ତାଙ୍କର ସ୍ୱାସ୍ଥ୍ୟବସ୍ଥା ବିଗିଡି ଯାଇଥିଲା । ବର୍ତ୍ତମାନ ସୁଭଦ୍ରା ମହନ୍ତ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି ।
ବିଦ୍ୟୁତ ଖୁଣ୍ଟରେ ବାନ୍ଧି ଥିବା ବୃଦ୍ଧାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ନିଜ ତରଫରୁ ଆକ୍ସନ ନେଇଥିଲା ଏବଂ ନିଜ ତରଫରୁ ଏକ ମାମଲା ରୁଜୁ କରିଥିଲା । ସୁଭଦ୍ରାଙ୍କ ବଡ଼ ପୁଅ କରୁଣାଙ୍କ ଏକ ଅଜଣା ରୋଗରେ ମୃତ୍ୟୁ ହେବା ପରେ ସେ ସାନ ପୁଅ ସହ ରହୁଥିଲେ ।
No comments:
Post a Comment