ମୟୁରଭଞ୍ଜ ଜିଲ୍ଲାର ଶୂଳିଆପଦାରେ ୫ ଗୋରୁ ଗାଡ଼ି ଜବତ, ୧୩ ଗିରଫ

COASTAL NEWS ODIA 1568

ମୟୁରଭଞ୍ଜ ଜିଲ୍ଲାର ଶୂଳିଆପଦାରେ ୫ ଗୋରୁ ଗାଡ଼ି ଜବତ, ୧୩ ଗିରଫ

ଶୂଳିଆପଦା - (CNO) - ମୟୁରଭଞ୍ଜ ଜିଲ୍ଲା ର ଶୂଳିଆପଦା ପୁଲିସ ବିଶେଷ ସୂତ୍ରରୁ ଖବର ପାଇ ଚଢ଼ଉ କରି ୫ଟି ଗୋରୁ ବୋଝେଇ ଗାଡ଼ି ଜବତ କରିଥିବାବେଳେ ୧୩ ଜଣଙ୍କୁ ଗିରଫ କରିଛି। ସ୍ଥାନୀୟ ପୁଲିସ ପୂର୍ବରୁ ଗୋରୁ ମାଫିଆଙ୍କ ଉପରେ ନଜର ରଖୁଥିଲା । ବିଶେଷ ସୂତ୍ରରୁ ଖବର ପାଇ ଗତକାଲି ବିଳମ୍ବିତ ରାତିରେ ଛକି ବସିଥିଲାବେଳେ ଏଭଳି ବଡ଼ ସଫଳତା ହାସଲ କରିଛି । ପଶ୍ଚିମବଙ୍ଗ ସୀମାନ୍ତ ନେକଡ଼ାଗେଞ୍ଜା ନିକଟରୁ ୫ଟି ପିକ୍ଵପ୍ ଭ୍ଯାନ ରେ ମୋଟ ୫୬ଟି ଗୋରୁଙ୍କୁ ପୁଲିସ ଉଦ୍ଧାର କରିଛି l ଉଦ୍ଧାର ହୋଇଥିବା ଗୋରୁ ମାନଙ୍କୁ ଡାକ୍ତରୀ ପରୀକ୍ଷା ପରେ ସେମାନଙ୍କୁ ଗୋଶାଳାକୁ ପଠାଇବାର ବ୍ୟବସ୍ଥା କରାଯାଇଛି । 

ଗୋଚାଲାଣରେ ବ୍ୟବହାର ହୋଇଥ‌ିବା ୫ଟି ପିକ୍‌ଅପ୍ ଭ୍ୟାନକୁ ପୁଲିସ ଥାନାରେ ଅଟକ ରଖୁଥ‌ିବାବେଳେ ଗାଡ଼ି ନଂ ଓଡ଼ି୧୧ ୪୨୨୭ର ଚାଳକ ବାରିପଦା, ୱାଲିଗଞ୍ଜର ଦେବାଶିଷ ପାଣିଗ୍ରାହୀ ଓ ଖଲାସୀ ମଧୁବନର ରବି ମହାନ୍ତ, ଓଡ଼ି ୧୧ଜେଡ ୫୬୫୪ର ଚାଳକ ବାରିପଦା ହଡହଡିଆର ଦୟାନିଧୂ ଦାସ ଓ ଖଲାସି ବଡ଼ସାହି କାଦୁଆଲବନ୍ଧର ଶିବ ବିନ୍ଧାଣି, ଓଡ଼ି ୧୧ୟୁ ୩୭୦୪ର ଚାଳକ ବଡ଼ସାହି କଦଳିଆପାଳର ପୂର୍ଣ୍ଣଚନ୍ଦ୍ର ସିଂ ଓ ଖଲାସି ସେହି ଅଞ୍ଚଳର ପ୍ରଭାକର ସୋରେନ, ଓଡ଼ି ୨୨ଏ ୦୧୬୭ର ଚାଳକ ବଡ଼ସାହି ବାଲିଯୋଡ଼ାର ଡାକ ସିଂ ଓ ଖଲାସି ସେହି ଅଞ୍ଚଳର ଦୀନବନ୍ଧୁ ସିଂ ଅନ୍ୟ ଜଣେ କଦଳୀପାଳର ସୁନ୍ଦର ମୋହନ ସୋରେନ l

ସେହିପରି ଓଆର ୧୧ଜି ୩୪୨୧ର ଚାଳକ ବାରିପଦା ସିନ୍ଦୁରଗୌରାର ପ୍ରଶାନ୍ତ ମହାନ୍ତ ଓ ଖଲାସି ବାଲିଜୋଡାର ଆକାଶ କୁମାର ମହାନ୍ତ ଏବଂ ଗୋରୁ ବୋଝେଇ ଗାଡିକୁ ସୁରକ୍ଷା ଦେଉଥ‌ିବା ବାଇକ ଓଡ଼ି ୧୧ଏସ ୯୪୦୪ର ଚାଳକ ବଡ଼ସାହି ହରିପୁର ଅଞ୍ଚଳର ଅଜିତ ଧଳକୁ ପୁଲିସ ଗିରଫ କରିଛି। ସେହିପରି ଏହି ଗୋଚାଲଣର ମୁଖ୍ୟ ଅଭିଯୁକ୍ତ କହାଯାଉଥ‌ିବା ଶୁଳିଆପଦା ବ୍ଲକ ଚଉଲଡ଼ହଣୀ ଅଞ୍ଚଳର ସୁଜିତ ମହାପାତ୍ର ଓରଫ ନାଣ୍ଡୁକୁ ମଧ୍ୟ ପୁଲିସ ଗିରଫ କରିଛି।

https://m.facebook.com/groups/212193425873812/?ref=share&mibextid=NSMWBT

https://whatsapp.com/channel/0029VaB0hy5DjiOTybpcH72y