COASTAL NEWS Odia 675
ଆଳି ନ୍ୟାୟାଳୟ ର ନୂତନ ଗୃହ ପ୍ରବେଶ ଉତ୍ସବ
ଆଳି - ବର୍ଣ୍ଣାଢ୍ୟ ପରିବେଶ ରେ ଆଳି ନ୍ୟାୟାଳୟ ର ନୂତନ ଗୃହ ପ୍ରବେଶ ଅବସରରେ ସାଂପ୍ରତିକ ନ୍ୟାୟିକ ବ୍ୟବସ୍ଥାରେ ଆଇନଜୀବୀମାନେ ଅଧିକ ସାଧନା, ଅଧ୍ୟୟନ ଜାରି ରଖିଲେ ନିଜେ ବୃତ୍ତିଗତ ସଫଳତା ପାଇବା ସହ ନ୍ୟାୟ ବ୍ୟବସ୍ଥା ବିକଶିତ ହୋଇପାରିବ। ତେବେ ନ୍ୟାୟିକ ବ୍ୟବସ୍ଥାରେ କେବଳ ବିଚାରପତି ଚାହିଁଲେ ସବୁକିଛି ହୋଇ ପାରିବ ନାହିଁ। ଏଥିପାଇଁ ବାର୍ ଆସୋସିଏସନ ଓ ଆଇନଜୀବୀମାନଙ୍କ ଗୁରୁତ୍ବପୂର୍ଣ୍ଣ ଭୂମିକା ରହିଛି।’
କେନ୍ଦ୍ରାପଡ଼ା ଜିଲ୍ଲା ଆଳି ବିଚାର ବିଭାଗୀୟ ପ୍ରଥମ ଶ୍ରେଣୀ ଅଦାଲତ( ଜେଏଏଫସି) ର ନବ ନିର୍ମିତ କୋର୍ଟ ଗୃହର ଉଦ୍ଘାଟନ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି ନ୍ୟାୟମୂର୍ତ୍ତି ସୁଭାଶିଷ ତାଳପତ୍ର ଏହା ପ୍ରକାଶ କରିଛନ୍ତି । ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ହାଇକୋର୍ଟର ବିଚାରପତି ତଥା କେନ୍ଦ୍ରାପଡ଼ା ଆଡମିନିଷ୍ଟ୍ରେଟିଭ ଜଜ୍ ଜଷ୍ଟିସ ଏସ.କେ.ପାଣିଗ୍ରାହୀ, ଓଡ଼ିଶା ହାଇକୋର୍ଟ ବିଚାରପତି ତଥା କୋର୍ଟ ବିଲ୍ କମିଟିର ଚେୟାରମ୍ୟାନ ଜଷ୍ଟିସ ବି.ଆର.ଷଡ଼ଙ୍ଗୀ ପ୍ରମୁଖ ଉଦବୋଧନ ଦେଇଥିଲେ। କେନ୍ଦ୍ରାପଡ଼ା ଜିଲ୍ଲା ସେସନସ ଜଜ ବିଶ୍ବଜିତ ମହାନ୍ତି ସ୍ଵାଗତ ଭାଷଣ ଦେବା ସହିତ ଚଳିତ ମାସ ୧୫ ତାରିଖଠାରୁ ଏହି ନୂତନ ଗୃହରେ ଅଦାଲତ କାର୍ଯ୍ୟକ୍ଷମ ହେବ ବୋଲି କହିଥିଲେ।
ଆଳି ବାର ଆସୋସିଏସନର ସଭାପତି ଚିରଞ୍ଜୀବ ଦାସ ଏଠାରେ ଫ୍ୟାମିଲି କୋର୍ଟ ପ୍ରତିଷ୍ଠା ପାଇଁ ପ୍ରସ୍ତାବ ରଖିଥିବା ବେଳେ ସଂପାଦକ ଅକ୍ଷୟ ମଲିକ ଧନ୍ୟବାଦ ଅର୍ପଣ କରିଥିଲେ। ଆଳି ବ୍ଲକ ଅନ୍ତର୍ଗତ ସ୍କୁଲ କଲେଜ ର ଛାତ୍ରଛାତ୍ରୀ ଶିକ୍ଷକ ଅଞ୍ଚଳର ବିଭିନ୍ନ ଅନୁଷ୍ଠାନ ର ସମାଜସେବୀ ତଥା ବୁଦ୍ଧିଜିବୀ ମାନେ ଏହି ସମାବେଶରେ ଯୋଗଦାନ କରିଥିଲେ l
No comments:
Post a Comment