COASTAL NEWS Odia 909
ଗୋବରୀରେ କୁମ୍ଭୀର ଆତଙ୍କ
କେନ୍ଦ୍ରାପଡ଼ା ସଦର,- : କେନ୍ଦ୍ରାପଡ଼ା ବ୍ଲକ୍ ଅନ୍ତର୍ଗତ ଓସ୍ତପୁର, ବାରୋ, କଂସାର, ଗଣ୍ଡାକିଆ ଗ୍ରାମଗୁଡିକ ଗୋବରୀ ନଦୀ କୂଳରେ ଅବସ୍ଥିତ । ଏହିସବୁ ଗ୍ରାମର ଲୋକମାନେ ଗୋବରୀ ନଦୀରେ ଦୈନନ୍ଦିନ ଗାଧୋଇବା ସହିତ ସେହି ନଦୀର ଜଳକୁ ପାନୀୟଜଳ ଭାବେ ବ୍ୟବହାର କରି ଆସୁଛନ୍ତି ।
ପ୍ରାୟ ୧୫ରୁ ୨୦ଦିନ ହେବ ଗୋବରୀ ନଦୀକୁ ୪୦ରୁ ୫୦ଟି କୁମ୍ଭୀର ପଶିଆସି ଗାଧୁଆ ତୁଠରେ ଜଗିରହି ଲୋକଙ୍କୁ ଟଣା ଓଟରା କରିବା ସହିତ ସେମାନଙ୍କୁ ନଦୀ ଭିତରକୁ ନେଇ ମାରିଦେବାକୁ ଉଦ୍ୟମ କରୁଛନ୍ତି । ଏହିସବୁ କୁମ୍ଭୀର ଭିତରକନିକାର ପ୍ରଜନନ କେନ୍ଦ୍ରରୁ ଛାଡି ଦିଆଯିବା ଫଳରେ ସେମାନେ ବିଭିନ୍ନ ନଦୀକୁ ପଶିଆସି ଲୋକ ଓ ଗାଈଗୋରୁଙ୍କ ଜୀବନ ପ୍ରତି ବିପଦ ସୃଷ୍ଟି କରୁଛନ୍ତି । ଏବେ ଚାଷ ସମୟରେ ଚାଷୀମାନେ କେନାଲ କିମ୍ବା ନଦୀ ପାର ହୋଇ ହଳବଳଦ ନେଇ ଚାଷଜମିକୁ ଯାଇପାରୁନାହାଁନ୍ତି ।
ତେଣୁ ଭିତରକନିକା ନଦୀରୁ ଗୋବରୀ ନଦୀକୁ ଆସୁଥିବା ଜଳସ୍ରୋତର ମୁହାଣରେ ତାରବାଡ ଦେଇ କୁମ୍ଭୀରମାନେ ଯେପରି ଏହି ନଦୀକୁ ଆସି ନପାରିବେ ଏବଂ ଯେଉଁ କୁମ୍ଭୀରଗୁଡିକ ଗୋବରୀ ନଦୀକୁ ଆସିଯାଇଛନ୍ତି ସେମାନଙ୍କୁ ଧରିନେବା ପାଇଁ ଏବଂ ଗୋବରୀ ନଦୀକୂଳରେ ଥିବା ଗ୍ରାମଗୁଡିକର ଗାଧୁଆ ତୁଠରେ ତାରବାଡ ଦେବା ପାଇଁ କଂସାର ଗ୍ରାମପଞ୍ଚାୟତର ସମିତି ସଭ୍ୟ ସରୋଜକାନ୍ତ ଜେନା,ରାଜନଗର ବନ୍ୟପ୍ରାଣୀ ବିଭାଗ ଡିଏଫ୍ଓଙ୍କୁ ଭେଟି ଦାବି କରିଛନ୍ତି ।
No comments:
Post a Comment