COASTAL NEWS Odia 821
ସଇତାନ ସ୍ୱାମୀ
କରଞ୍ଜିଆ - ( ଭଞ୍ଜ ବିହାରୀ ମହାନ୍ତି.) ସଇତାନ ସ୍ୱାମୀ। ନିଜ ସ୍ତ୍ରୀକୁ ହତ୍ୟା କରି ଅଖାରେ ପୂରାଇ ଜଙ୍ଗଲରେ ଭିଙ୍ଗି ଦେଲା। ୩ଦିନ ପରେ ମହିଳାଙ୍କ ମୃତଦେହ ଜଙ୍ଗଲରୁ ଉଦ୍ଧାର କରିଛି ପୁଲିସ। ଘଟଣା ଘଟିଛି ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ବିଶିପୁର ଗାଁରେ। ମୃତ ମହିଳା ଜଣଙ୍କ ହେଲେ ନିରୁପମା ମହାନ୍ତ। ପୁଲିସ ମଧୁସୂଦନ ମହାନ୍ତଙ୍କୁ ଅଟକ ରଖି ପଚରାଉଚରା କରୁଛି।
ଗତ ୩ ଦିନ ହେବ ନିରୁପମା ନିଖୋଜ ଥି8uଲେ। ଏନେଇ ନିରୁପମାଙ୍କ ବାପଘର ଲୋକେ ଥାନାରେ ଅଭିଯୋଗ କରିଥିଲେ। ପୁଲିସ ଘଟଣା ତଦନ୍ତ କରିବା ସହ ମଧୁସୂଦନଙ୍କୁ ପଚରାଉଚରା କରିଥିଲା। ମଧୁସୂଦନ ନିରୁପମାଙ୍କ ହତ୍ୟା କରି ଜଙ୍ଗଲରେ ଫିଙ୍ଗି ଦେଇଥିବା ମାନିଥିଲେ। ପୁଲିସ ଆଜି ଠାକୁରମୁଣ୍ଡା ରାସ୍ତା ନିକଟ ଜଙ୍ଗଲରୁ ଏକ ଅଖା ଭିତରୁ ନିରୁପମାଙ୍କ ଗଳିତ ମୃତଦେହ ଉଦ୍ଧାର କରିଛି। ଏହାସହ ମଧୁସୂଦନଙ୍କୁ ପଚରାଉଚରା କରୁଛି।
କେଉଁ କାରଣ ପାଇଁ ମଧୁସୂଦନ ନିଜ ସ୍ତ୍ରୀକୁ ହତ୍ୟା କରି ଜଙ୍ଗଲରେ ଫିଙ୍ଗିଦେଲେ ତାର କାରଣ ଜଣାପଡ଼ିନାହିଁ। ପାରିବାରିକ କଳହ ନା ଆଉ କିଛି ରହିଛି ତାହା ଜଣାପଡ଼ିନାହିଁ। ପୁଲିସ ଘଟଣାର ତଦନ୍ତ କରୁଛି।
No comments:
Post a Comment