ବରଗଡ଼, ୦୩/୧୧: ଜଣେ ସ୍ୱାସ୍ଥ୍ୟ କର୍ମୀଙ୍କଠାରୁ UPI ମାଧ୍ୟମରେ ୭୦୦୦ ଟଙ୍କା ଲାଞ୍ଚ ନେଲା ବେଳେ ଗିରଫ କରିଛି ଭିଜିଲାନ୍ସ। ବରଗଡ଼ ଜିଲ୍ଲାର ବରପାଲିର କମ୍ୟୁନିଟି ହେଲ୍ଥ ସେଣ୍ଟର (CHC)ରେ ନିଯୁକ୍ତ ଆକାଉଣ୍ଟାଣ୍ଟ ଶେଖର ଚନ୍ଦ୍ର ସାହୁ ଏବଂ ପିଅନ ତମନ୍ନା ସାହୁଙ୍କୁ ଗିରଫ କରିଛି ଭିଜିଲାନ୍ସ।
ନିକଟରେ ପଦୋନ୍ନତି ପାଇଥିବା ଜଣେ ପୁରୁଷ ସ୍ୱାସ୍ଥ୍ୟ କର୍ମୀ ଗତ ତିନି ମାସ ଧରି ଅଭିଯୁକ୍ତ ଆକାଉଣ୍ଟାଣ୍ଟଙ୍କୁ ବକେୟା ଦରମା ମଞ୍ଜୁର ପାଇଁ ତାଙ୍କ ଫାଇଲ୍ ପ୍ରକ୍ରିୟାକରଣ କରିବାକୁ ଅନୁରୋଧ କରୁଥିଲେ। କିନ୍ତୁ, ଆକାଉଣ୍ଟାଣ୍ଟ ଏବଂ ପିଅନ ୭୦୦୦ ଟଙ୍କା ମାଗି ଆସୁଥିଲେ।
ଯାହା ଫଳରେ ଅଭିଯୋଗକାରୀ ଭିଜିଲାନ୍ସକୁ ଜଣାଇଥିଲେ। ପୂର୍ବ ଯୋଜନା ମୁତାବକ ଫୋନପେ ମାଧ୍ୟମରେ ଲାଞ୍ଚ ଗ୍ରହଣ କରୁଥିବା ସମୟରେ ଭିଜିଲାନ୍ସ ଟିମ୍ ଉଭୟ ଅଭିଯୁକ୍ତଙ୍କୁ ଧରିଥିଲେ। ଉଭୟଙ୍କୁ ଗିରଫ କରାଯାଇଥିଲା,ଏବଂ ସେମାନଙ୍କ ମୋବାଇଲ୍ ଫୋନ୍ ଜବତ କରାଯାଇଥିଲା। ଏଥିସହ ଆୟ ବହିର୍ଭୂତ ସମ୍ପତ୍ତି ଯାଞ୍ଚ କରିବା ପାଇଁ ଆକାଉଣ୍ଟାଣ୍ଟଙ୍କ ସହିତ ଜଡିତ ତିନୋଟି ସ୍ଥାନରେ ତଲାସ ଚାଲିଛି।
No comments:
Post a Comment