ଆଜିଠାରୁ ମତ୍ସ୍ୟଜୀବୀଙ୍କୁ ସମୁଦ୍ର ମଧ୍ୟକୁ ବାରଣ
କୋଣାର୍କ,୧।୧୧: ନଭେମ୍ବର ୧ରୁ ମେ ୩୧ ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ମଧ୍ୟକୁ ବାରଣ କରାଯାଇଛି। ଅଲିଭ୍ ରିଡ୍ଲେ କଇଁଛଙ୍କ ମିଳନ ଓ ଅଣ୍ଡାଦାନ ଋତୁ ଆରମ୍ଭ ହେବାକୁ ଯାଉଛି। ଅଣ୍ଡାଦାନ ପାଇଁ ଏମାନେ ହଜାର ହଜାର ସଂଖ୍ୟାରେ ସମୁଦ୍ରକୂଳକୁ ଆସିବେ। ସମୁଦ୍ର କୂଳରୁ ୨୦ କିଲୋମିଟର ପର୍ଯ୍ୟନ୍ତ ଡଙ୍ଗା କିମ୍ବା ଟ୍ରଲର୍ ଚଳାଚଳ କରିପାରିବ ନାହିଁ।
ପୁରୀର ଦେବୀ ମୁହାଣରୁ କେଳୁଣୀ ମୁହାଣ ସହ ବଙ୍ଗୋପସାଗରରେ ମାଛଧରା ଉପରେ କଟକଣା କରାଯାଇଛି। ଏହି କଟକଣା ନ ମାନିଲେ ମେରାଇନ୍ ଫିସିଂ ରେଗୁଲେସନ ଆକ୍ସ (ଏମଫ୍ରା) ଅନୁଯାୟୀ ଡଙ୍ଗା ଓ ଟ୍ରଲର ଜବତ କରାଯିବ ତେବେ ମତ୍ସ୍ୟଜୀବୀଙ୍କ ପରିବାର ପ୍ରତିପୋଷଣ କରିବାକୁ ପରିବାର ପିଛା ୧୫ ହଜାର ଟଙ୍କା ପ୍ରଦାନ କରାଯିବା କଇଁଛ କିଭଳି ସୁରକ୍ଷିତ ଅଣ୍ଡାଦାନ କରିବେ ସେ ନେଇ ମତ୍ସ୍ୟ ବିଭାଗ ଓ ବନ ବିଭାଗ ପକ୍ଷରୁ ବ୍ୟବସ୍ଥା କରାଯାଇଛି ଚଳିତବର୍ଷ ପୁରୀ ଜିଲ୍ଲାର ଉପକୁଳରେ ୧୩ଟି ହାଚେରି କରାଯାଇଛି।
ତେବେ ମାଛମରା କଟକଣା ହେବା ନୂଆ କଥା ନୁହେଁ ବରଂ ପ୍ରତ୍ୟେକ ବର୍ଷ ଏହି ଅଣ୍ଡାଦାନ ଋତୁରେ କଟକଣା କରାଯାଏ। କିନ୍ତୁ ଶହଶହ ଟ୍ରଲର ସମୁଦ୍ରରେ ବୁଲୁଥାଏ। ଯାହା ଫଳରେ ପ୍ରତ୍ୟେକ ବର୍ଷ ଏହି ଋତୁରେ ହଜାର ହଜାର କଇଁଛଙ୍କର ମୃତ୍ୟୁ ହେବା ନଜିର ରହିଛି।
ସାମୁଦ୍ରିକ ମତ୍ସ୍ୟ ବିଭାଗ ଓ ବନ ବିଭାଗ ସହିତ ମେରାଇନ୍ ପୁଲିସ ପକ୍ଷରୁ ମିଳିତ ଭାବରେ ସମୁଦ୍ରରେ ପାଟ୍ରୋଲିଂ କରାଯିବ। ନିଷିଦ୍ଧାଞ୍ଚଳରେ ବେଆଇନ ଟ୍ରଲର ପ୍ରବେଶ କଲେ ଓମଫ୍ରା ଆଇନ ବଳରେ ଟ୍ରଲର ଜବତ କରାଯିବ ତେବେ କେବଳ ପାରମ୍ପରିକ ମତ୍ସ୍ୟଜୀବୀମାନଙ୍କୁ ମାଛ ଧରିବାକୁ ଅନୁମତି ଦିଆଯାଇଛି। ସେହିଭଳି କଟକଣା ସମୟରେ ବେଆଇନ ଟ୍ରଲର ଚାଲୁଥିବାରୁ ପ୍ରତିବର୍ଷ ଅଲିଭ ରିଡ୍ଲେଙ୍କ ଗଦାଗଦା ମୃତଦେହ ଦେଖିବାକୁ ମିଳୁଛି।
ଯାହାକୁ ନେଇ ପରିବେଶବିତମାନେ ଉଦ୍ବେଗ ପ୍ରକାଶ କରିଛନ୍ତି ବନ ବିଭାଗ, ସାମୁଦ୍ରିକ ମତ୍ସ୍ୟ ବିଭାଗ ଓ ସାମୁଦ୍ରିକ ଥାନା ମଧ୍ୟରେ ସମନ୍ବୟ ରହୁ ନଥିବାରୁ ଏହି ସବୁ ଅନିୟମିତତା ବର୍ଷ ବର୍ଷ ଧରି ଚାଲିଛି।
No comments:
Post a Comment