‘ମନ୍ କୀ ବାତ୍’ ମୋ ପାଇଁ ଆସ୍ଥା, ପୂଜା ଓ ବ୍ରତ: ନରେନ୍ଦ୍ର ମୋଦୀ
ପ୍ରଧାନମନ୍ତ୍ରୀଙ୍କ ୧୦୦ତମ ମନ କୀ ବାତ
ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୧୦୦ତମ ମନ କୀ ବାତ କାର୍ଯ୍ୟକ୍ରମ ପ୍ରସାରିତ ହେଇଯାଇଛି। ଦେଶର ୪ ଲକ୍ଷ କେନ୍ଦ୍ରରେ ପ୍ରସାରିତ ହୋଇଛି। ଏହାସହିତ ରାଜ୍ୟର ବିଭିନ୍ନ ସ୍ଥାନରେ ମଧ୍ୟ ଏହି କାର୍ଯ୍ୟକ୍ରମ ପ୍ରସାରଣ। ନ୍ୟୁୟର୍କସ୍ଥିତ ଜାତିସଂଘ କାର୍ଯ୍ୟାଳୟରେ ମଧ୍ୟ ମନକୀ ବାତ ପ୍ରସାରିତ ହୋଇଛି।
ରେଡିଓ ଓ ଦୂରଦର୍ଶନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ୧୦୦ତମ ‘ମନ୍ କୀ ବାତ୍’ ମନର କଥା କହିଥିଲେ। ‘ମନ କୀ ବାତ୍’ର ୧୦୦ତମ ଏପିସୋଡ୍ରେ ଆପଣମାନଙ୍କଠାରୁ ଶୁଭେଚ୍ଛା ପାଇଛି। ଆପଣମାନଙ୍କଠାରୁ ଲକ୍ଷାଧିକ ଚିଠି ପାଇଛି, ମୋତେ ଏହା ଅଭିଭୂତ କରିଛି। ‘ମନ୍ କୀ ବାତ୍’ରେ କୋଟି କୋଟି ଲୋକ ଯୋଡ଼ି ହୋଇଛନ୍ତି। ‘ମନ୍ କୀ ବାତ୍’ ମୋ ଭାବନା ଓ କର୍ତ୍ତବ୍ୟ ସହ ଯୋଡ଼ି ହୋଇ ରହିଛି’ ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି।
ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ‘ମନ୍ କୀ ବାତ୍’ ଜନ ଆନ୍ଦୋଳନରେ ପରିଣତ ହୋଇଛି। କୋଟି କୋଟି ଲୋକଙ୍କ ସହ ଯୋଡ଼ି ହୋଇ ରହିବା ମୋର ଉଦେଶ୍ୟ ରହିଥିଲା। ମୁଁ ଆପଣମାନଙ୍କଠାରୁ ଦୂରରେ ନୁହେଁ ନିକଟରେ ରହିଛି। ଦେଶର ବିଶିଷ୍ଟ ବ୍ୟକ୍ତିଙ୍କଠାରୁ ମୁଁ ପ୍ରେରଣା ପାଇଛି। ‘ମନ୍ କୀ ବାତ୍’ ମୋ ପାଇଁ ଆସ୍ଥା, ପୂଜା ଓ ବ୍ରତ। ‘ମନ୍ କୀ ବାତ୍’ ମୋ ପାଇଁ ଆସ୍ଥା, ପୂଜା ଓ ବ୍ରତ ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି। ‘ମନ୍ କୀ ବାତ୍’ ମୋ ମନର ଆଧ୍ୟାତ୍ମିକ ଯାତ୍ରା। ‘ମନ୍ କୀ ବାତ୍’ କାର୍ଯ୍ୟକ୍ରମ ଅନେକ ଥର ମୋତେ ଅତି ଭାବୁକ କରିଛି’। ଆମେ ଅନ୍ୟମାନଙ୍କ ଗୁଣକୁ ପ୍ରଶଂସା କରିବା ସହ ତାଙ୍କୁ ଉତ୍ସାହିତ କରିବା ବୋଲି କହିଛନ୍ତି ପ୍ରଧାନମନ୍ତ୍ରୀ।
ପ୍ରଧାନମନ୍ତ୍ରୀ ୨୦୧୪ ଅକ୍ଟୋବର ୩ରୁ ଆରମ୍ଭ ହୋଇଥିଲା ପ୍ରଥମ ମନକୀ ବାତ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାସିକିଆ ରେଡ଼ିଓ ବାର୍ତ୍ତା ଆଜି ଲୋକପ୍ରିୟତା ଶୀର୍ଷରେ। ବିଦେଶରେ ମଧ୍ୟ ଦେଖିଲେ ଲକ୍ଷ ଲକ୍ଷ ଲୋକ ଦେଶପ୍ରେମୀ। ଡି.ପ୍ରକାଶ ରାଓଙ୍କୁ ମନେ ପକାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ୧୦୦ତମ ଏପିସୋଡରେ ସ୍ଥାନ ପାଇଲେ ଓଡ଼ିଶାର ଡି.ପ୍ରକାଶ ରାଓ।
No comments:
Post a Comment