କର୍ଣ୍ଣାଟକ କାଉଣ୍ଟିଂ ଅପଡେଟ୍; ପଛରେ ପଡ଼ିଲା ଶାସକ ବିଜେପି, ୧୧୫ଟି ଆସନରେ ଆଗରେ କଂଗ୍ରେସ---
ବେଙ୍ଗାଳୁରୁ: କର୍ଣ୍ଣାଟକରେ ଜାରି ରହିଛି ବିଧାନସଭା ଭୋଟ୍ ଗଣତି । ଧୀରେ ଧୀରେ ଚିତ୍ର ସ୍ପଷ୍ଟ ହେବାରେ ଲାଗିଛି । ବର୍ତ୍ତମାନ ସମୟରେ ବିଜେପିକୁ ମାତ୍ ଦେଇ କଂଗ୍ରେସ ଆଗରେ ରହିଛି । କଂଗ୍ରେସ ୧୧୫ଟି ଆସନରେ ଆଗରେ ରହିଥିବା ବେଳେ ଶାସକ ବିଜେପି ୭୪ଟି ବିଧାନସଭା କ୍ଷେତ୍ରରେ ଆଗରେ ରହିଛି । ସେହିପରି ଜେଡିଏସ ୩୦ଟି ଆସନ ଓ ଅନ୍ୟାନ୍ୟ ୫ଟି ଆସନରେ ଆଗରେ ଚାଲୁଛି ।
କର୍ଣ୍ଣାଟକରେ ଶାସକ ବିଜେପି ପୁଣି ଥରେ ଗଡ଼ ଜିତିବାକୁ ଜୋରଦାର ପ୍ରୟାସ କରୁଥିବା ବେଳେ କଂଗ୍ରେସ ପରିବର୍ତ୍ତନ ଦିଗରେ ଲଢେଇ ଜାରି ରଖିଛି । ଆଜତକ୍-ଆକ୍ସିସ୍ ମାୟ ଇଣ୍ଡିଆ ଏକଜିଟ୍ ପୋଲ ଅନୁଯାୟୀ, କଂଗ୍ରେସକୁ ବହୁମତ ମିଳିବାର ସମ୍ଭାବନା ରହିଛି । ସେପଟେ ଏଥର ମଧ୍ୟ ଜେଡିଏସ ପୁଣି ଥରେ କିଙ୍ଗ ମେକର ସାଜି ପାରେ ବୋଲି କୁହାଯାଉଛି ।
ନିର୍ବାଚନ ଆୟୋଗଙ୍କ ଓ୍ବେସାଇଟ୍ ମୁତାବକ, ୨୨୪ଟି ବିଧାନସଭା ଆସନରୁ ୨୨୩ଟିରେ ଗଣତି ଜାରି ରହିଛି । ଏଥିମଧ୍ୟରୁ କଂଗ୍ରେସକୁ ୧୧୪, ବିଜେପି ୭୧ଆସନରେ ଆଗରେ ରହିଛି । ସେହିପରି ଜେଡିଏସ ୩୨ ଓ ଅନ୍ୟାନ୍ୟ ୬ଟ ସିଟରେ ଆଗରେ ରହିଛନ୍ତି । ବର୍ତ୍ତମାନ ସୁଦ୍ଧା କଂଗ୍ରେସକୁ ୪୩.୪ ପ୍ରତିଶତ ଏବଂ ବିଜେପିକୁ ୩୬.୪ ପ୍ରତିଶତ ଭୋଟ୍ ମିଳିଛି ବୋଲି ନିର୍ବାଚନ ଆୟୋଗ ସୂଚନା ଦେଇଛନ୍ତି ।
No comments:
Post a Comment