ଛାତରେ ଧକ୍କା ହେଲା ଭାରତୀୟ ସେନାର MIG-21 ବିମାନ; ଦୁଇ ଜଣ ମହିଳା ମୃତ; ଗୁରୁତର ଅବସ୍ଥାରେ ପାଇଲଟ୍ ହସ୍ପିଟାଲରେ ଭର୍ତ୍ତି---
ନୂ୍ଆଦିଲ୍ଲୀ,୦୮/୦୫: ଭାରତୀୟ ସେନାର ମିଗ୍-୨୧ ଲଢ଼ୁଆ ବିମାନ ସୋମବାର ସକାଳେ ରାଜସ୍ଥାନର ହନୁମାନଗଡ଼ ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ବିମାନଟି ସୁରତଗଡରୁ ଉଡ଼ାଣ ଭରିଥିଲା। ପାଇଲଟ୍ ଆକାଶଛତା ସାହାଯ୍ୟରେ ବିମାନରୁ ଡେଇଁ ନିଜ ଜୀବନ ରକ୍ଷା କରିଥିଲେ। ତେବେ ହେଲିକପ୍ଟରଟି ଏକ ଘରର ଛାତ ଉପରେ ଖସିପଡିବାରୁ ଏଥିରେ ଜଣେ ମହିଳା ଓ ଜଣେ ପୁରୁଷଙ୍କ ମୃତ୍ୟୁ ହୋଇଛି। ବର୍ତ୍ତମାନ ବାୟୁସେନା ପକ୍ଷରୁ କୌଣସି ସୂଚନା ଦିଆଯାଇନାହିଁ।
ଘଟଣାକୁ ନେଇ ସ୍ଥାନୀୟ ପୋଲିସ ଷ୍ଟେସନର ଥାନା ଅଧିକାରୀ କହିଛନ୍ତି ଯେ, ପାଇଲଟଙ୍କୁ ଏୟାରଲିଫ୍ଟ କରାଯାଇଛି। ପାଇଲଟଙ୍କ ପାଇଁ ବାୟୁସେନାର Mi 17 ପଠାଯାଇଛି। ତେବେ ଯେଉଁ ଛାତରେ ମିଗ୍-୨୧ ଦୁର୍ଘଟଣା ହୋଇଛି, ସେଠାରେ ତିନିଜଣ ମହିଳା ଏବଂ ଜଣେ ପୁରୁଷ ଉପସ୍ଥିତ ଥିଲେ। ସେମାନଙ୍କ ମଧ୍ୟରୁ ଜଣେ ମହିଳା ଏବଂ ଜଣେ ପୁରୁଷଙ୍କର ମୃତ୍ୟୁ ହୋଇଛି। ଏଥିସହ ଅନ୍ୟ ଦୁଇଜଣ ମହିଳାଙ୍କୁ ଡାକ୍ତରଖାନା ପଠାଯାଇଛି।
ଚଳିତ ବର୍ଷ କେତେ ବିମାନ ଦୁର୍ଘଟଣା ହେଲାଣି:
ସୂଚନାଥାଉକି, ଏହି ଦୁର୍ଘଟଣା ପୂର୍ବରୁ ଜାନୁଆରୀ ମାସରେ ରାଜସ୍ଥାନର ଭରତପୁରରେ ଟ୍ରେନିଂ ସମୟରେ ଦୁଇଟି ଭାରତୀୟ ବାୟୁସେନା ଯୁଦ୍ଧ ବିମାନ ସୁଖୋଇ ଏସୟୁ -୩୦ ଏବଂ ମିରାଜ ୨୦୦୦ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ଜଣେ ପାଇଲଟ ପ୍ରାଣ ହରାଇଥିଲେ। ଗୋଟିଏ ବିମାନ ମଧ୍ୟପ୍ରଦେଶର ମୋରେନାରେ ଦୁର୍ଘଟଣାଗ୍ରସ୍ତ ହୋଇଥିବା ବେଳେ ଅନ୍ୟଟି ଦୁର୍ଘଟଣାଗ୍ରସ୍ତ ହୋଇ ରାଜସ୍ଥାନର ଭରତପୁରରେ ଅବତରଣ କରିଥିଲା। ଏଥି ସହିତ ଗତ ସପ୍ତାହରେ ଜାମ୍ମୁ କାଶ୍ମୀରର କିସ୍ବଓ୍ବାର୍ଡ ଜିଲ୍ଲାରେ ଏକ ଭାରତୀୟ ସେନାର ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଏପ୍ରିଲରେ କୋଚିରେ ଆଉ ଏକ ଦୁର୍ଘଟଣା ଘଟିଥିଲା ଯେତେବେଳେ କୋଷ୍ଟଗାର୍ଡ ହେଲିକପ୍ଟର ଟ୍ରେନିଂ ସମୟରେ ଅବତରଣ କରୁଥିଲେ।
No comments:
Post a Comment