COASTAL NEWS Odia 717
ବାଚସ୍ପତି ନିର୍ବାଚନରେ ଅନୁପସ୍ଥିତ ରହିବା ପାଇଁ କଂଗ୍ରେସ ସମସ୍ତ ବିଧାୟକ ଙ୍କ ନିଷ୍ପତ୍ତି
ଭୁବନେଶ୍ୱର - ଆସନ୍ତା ୨୧ ତାରିଖରେ ରାଜ୍ୟ ବାଚସ୍ପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ । ଏଥିପାଇଁ ୧୮ ତାରିଖରେ ପ୍ରାର୍ଥୀପତ୍ର ଦାଖଲର ଦିନ ଧାର୍ଯ୍ୟହୋଇଛି । ମାତ୍ର ୨୦ ତାରିଖରେ ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଳନ ହେବାକୁ ଯାଉଛି । ୨୧ ତାରିଖରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହେବ ।
ଏହିଦିନ ପଶ୍ଚିମ ଓଡ଼ିଶାର ସମସ୍ତ ଅଧିବାସୀ ଦେଶ ବିଦେଶରୁ ଘରକୁ ଆସିଥାନ୍ତି ଓ ସବୁ କାର୍ଯ୍ୟକ୍ରମକୁ ପଛରେ ପକାଇ ସପରିବାର ନବାନ୍ନ ଭକ୍ଷଣ କରିଥାନ୍ତି। ତେଣୁ କଂଗ୍ରେସ ବିଧାୟକଗଣ ନିଜ ଅଞ୍ଚଳରେ ଉପସ୍ଥିତ ରହୁଥିବାରୁ ବାଚସ୍ପତି ନିର୍ବାଚନରେ ଅଂଶଗ୍ରହଣ କରିପାରିବେ ନାହିଁ ବୋଲି ପିସିସି ମିଡିଆ ସେଲ୍ର ଅଧ୍ୟକ୍ଷ ଗଣେଶ୍ବର ବେହେରା ସୂଚନା ଦେଇଛନ୍ତି।
ଶ୍ରୀ ବେହେରା କହିଛନ୍ତି ଯେ ନୂଆଁଖାଇ ପାଇଁ ରାଜ୍ୟ ସରକାର ୨ଦିନ ସରକାରୀ ଛୁଟି ଘୋଷଣା କରିଥାନ୍ତି । ମାତ୍ର ଚଳିତବର୍ଷ ସରକାର ଗୋଟିଏ ଦିନ ଛୁଟି ଘୋଷଣା କରିଛନ୍ତି । କିନ୍ତୁ ସରକାର ଏକ ବୃହତ ଧାର୍ମିକ ଅନୁଷ୍ଠାନ କୁ ଅଣଦେଖା କରି ଛୁଟୀ ଦିନରେ ବାଚସ୍ପତି ନିର୍ବାଚନ ପାଇଁ ସମୟ ନିର୍ଘଣ୍ଟ ସ୍ଥିର କରିଛନ୍ତି ତେଣୁ କଂଗ୍ରେସ ବିଧାୟକଗଣ ବାଚସ୍ପତି ନିର୍ବାଚନରେ ଯୋଗ ଦେଇପାରିବେ ନାହିଁ ବୋଲି ଶ୍ରୀ ବେହେରା ପ୍ରକାଶ କରିଛନ୍ତି ।
No comments:
Post a Comment