COASTAL NEWS ODIA 1798 ୱାନ୍ ବାର୍ ୱାନ୍ ଇଲେକସନ କ୍ରମେ ଆଳି ବାର୍ ଆସୋସିଏସନର ନିର୍ବାଚନ

COASTAL NEWS ODIA 1798

ୱାନ୍ ବାର୍ ୱାନ୍ ଇଲେକସନ  କ୍ରମେ ଆଳି ବାର୍ ଆସୋସିଏସନର ନିର୍ବାଚନ ଫଳାଫଳ 

ଆଳି - (CNO) ଅଲ ଇଣ୍ଡିଆ ବାର ଆସୋସିଏସନ ର ନିଷ୍ପତ୍ତି ଅନୁଯାୟୀ ୱାନ୍ ବାର୍ ୱାନ୍ ଭୋଟ କ୍ରମେ  ତା ୩୦/୦୨୦୨୪ ରିଖ ଶନିବାର ଦିନ ଆଳି ବାର୍ ଆସୋସିଏସନ୍ ର ନିର୍ବାଚନରେ  ସଭାପତି ପ୍ରାର୍ଥୀ ଆଳି ଆଗ୍ରୋ ପ୍ରଡ୍ୟୁସର କମ୍ପାନୀ ଲିମିଟେଡ ର ନିର୍ଦ୍ଦେଶକ ତଥା ବରିଷ୍ଠ ଆଡଭୋକେଟ ପ୍ରମୋଦ କୁମାର ରାୟ ନିକଟତମ ପ୍ରତିଦ୍ୱନ୍ଦି ଆଡଭୋକେଟ ବସନ୍ତ କୁମାର ନାୟକ ଙ୍କ ଠାରୁ ୨ଖଣ୍ଡ ଭୋଟ୍ ବ୍ୟବଧାନରେ ବିଜଯ ଲାଭ କରିଛନ୍ତି l  

ସମ୍ପାଦକ ଆଡଭୋକେଟ ନୃସିଂହ ଚରଣ ଦୀକ୍ଷିତ ନିକଟତମ ପ୍ରତିଦ୍ୱନ୍ଦି ଆଡଭୋକେଟ ଅକ୍ଷୟ କୁମାର ମଲିକ ଙ୍କ ଠାରୁ ୧୩ ଖଣ୍ଡ ଭୋଟ୍  ବ୍ୟବଧାନରେ ଜିତି ଯାଇଛନ୍ତି , ଉପ ସଭାପତି ଆଡଭୋକେଟ ସୁଶାନ୍ତ କୁମାର ଦୀକ୍ଷିତ ନିକଟତମ ପ୍ରତିଦ୍ୱନ୍ଦି ଆଡଭୋକେଟ ଭିକାରୀ ଚରଣ ସାମଲ ଙ୍କ ଠାରୁ ୯ ଖଣ୍ଡ ଭୋଟ ବ୍ୟବଧାନ  ରେ ବିଜଯ ଲାଭ କରିଥିବା ବେଳେ ଯୁଗ୍ମ ସମ୍ପାଦକ ଆଡଭୋକେଟ ପ୍ରଶାନ୍ତ କୁମାର ସାମଲ ନିକଟତମ ପ୍ରତିଦ୍ୱନ୍ଦି ଆଡଭୋକେଟ ଅଜୟ ସେଠୀ ଙ୍କ ଠାରୁ ୧୭ ଖଣ୍ଡ ଭୋଟ ବ୍ୟବଧାନ ରେ ବିଜେତା ହୋଇଛନ୍ତି l

ସହ ସମ୍ପାଦକ ଆଡଭୋକେଟ ସୂର୍ଯ୍ୟମଣି ସାମଲ, ଏକ୍ଜିକ୍ୟୁଟିଭ ସଦସ୍ୟ ଆଡଭୋକେଟ ଅଣାକାର ବାରିକ, ଲାଇବ୍ରେରୀୟାନ ଆଡଭୋକେଟ ପ୍ରଦୀପ ଦାସ ପ୍ରମୁଖ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି ।   

COASTAL NEWS ODIA ଆଜି ରାଜ୍ୟବ୍ୟାପୀ ବାର ଆସୋସିଏସନ୍‌ ନିର୍ବାଚନ; ୱାନ ବାର୍‌ ୱାନ ଭୋଟ ପଦ୍ଧତିରେ ୧୫୩ଟି ବାରରେ ନିର୍ବାଚନ

COASTAL NEWS ODIA

ଆଜି ରାଜ୍ୟବ୍ୟାପୀ ବାର ଆସୋସିଏସନ୍‌ ନିର୍ବାଚନ; ୱାନ ବାର୍‌ ୱାନ ଭୋଟ ପଦ୍ଧତିରେ ୧୫୩ଟି ବାରରେ ନିର୍ବାଚନ 

ଭୁବନେଶ୍ବର - (CNO) ଆଜି ରାଜ୍ୟବ୍ୟାପୀ ବାର ଆସୋସିଏସନ୍‌ କର୍ମକର୍ତ୍ତା ନିର୍ବାଚନ । ୱାନ ବାର୍‌ ୱାନ ଭୋଟ ପଦ୍ଧତିରେ ୧୫୩ଟି ବାରରେ ନିର୍ବାଚନ ଅନୁଷ୍ଠିତ ହେବ । ଭୁବନ ଓ କେନ୍ଦ୍ରାପଡାକୁ ଛାଡ଼ି ଅନ୍ୟ ସମସ୍ତ ବାରରେ ନିର୍ବାଚନ ହେବ । 

ରାଜ୍ୟରେ ୪୦ ହଜାରରୁ ଅଧିକ ଆଇନଜୀବୀ କରିବେ ମତଦାନ । ସକାଳ ୮ ଟାରୁ ଦିନ ୩ ପର୍ଯ୍ୟନ୍ତ ଭୋଟ ଗ୍ରହଣ କରାଯିବ । ନିୟମ ମୁତାବକ ଜଣେ ଆଇନଜୀବୀ କେବଳ ଗୋଟିଏ ବାର ପାଇଁ ମତ ଅଧିକାର ସାବ୍ୟସ୍ତ କରି ପାରିବେ ।

ସମସ୍ତ ବାର ଆସୋସିଏସନର ସଭାପତି, ଉପ ସଭାପତି, ସମ୍ପାଦକ, ଯୁଗ୍ମ ସମ୍ପାଦକ, ସହକାରୀ ସମ୍ପାଦକ ସହ କାର୍ଯ୍ୟକାରୀ ସଦସ୍ୟ ଭଳି ବିଭିନ୍ନ ପଦ ପଦବୀ ଲାଗି ନିର୍ବାଚନ ଅନୁଷ୍ଠିତ ହେଉଛି ।

COASTAL NEWS ODIA 1796 ଚାନ୍ଦବାଲି ସବୁଠୁ ଉତ୍ତପ୍ତ ସହର ଦିନ 11.30 ସୁଦ୍ଧା ଜଳିଲାଣି ଓଡ଼ିଶା

COASTAL NEWS ODIA 1796

ଚାନ୍ଦବାଲି ସବୁଠୁ ଉତ୍ତପ୍ତ ସହର ଦିନ 11.30 ସୁଦ୍ଧା ଜଳିଲାଣି ଓଡ଼ିଶା

ଭୁବନେଶ୍ବର - (CNO) କଲବଲ କଲାଣି ତାତି । ପ୍ରଚଣ୍ଡ ଖରା ସାଙ୍ଗକୁ ପ୍ରବଳ ଖରାରେ ଅସ୍ତବ୍ୟସ୍ତ ହୋଇପଡ଼ିଛି ଜନଜୀବନ । ଏପରିକି ଦିନ 11.30 ସୁଦ୍ଧା 36 ଡିଗ୍ରୀ ଟପିଛି ତାପମାତ୍ରା । ଏହା ସହ ପାରଦ ଆହୁରି ଉପରମୁହାଁ ହୋଇପାରେ ହୋଇପାରେ ବୋଲି ଆକଳ କରିଛି ପାଣିପାଗ ବିଭାଗ । 

ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗର ସୂଚନା ଅନୁସାରେ ଆଜି ଦିନ 11.30 ସୁଦ୍ଧା ଚାନ୍ଦବାଲି ପାଲଟିଛି ସବୁଠାରୁ ଉତ୍ତପ୍ତ ସହର । ଏଠାରେ ତାପମାତ୍ରା 36.2 ଡିଗ୍ରୀ ରହିଥିବା ବେଳେ ଭୁବନେଶ୍ୱର ଓ କେନ୍ଦୁଝରରେ 36 ଡିଗ୍ରୀ ଛୁଇଁଛି ପାରଦ । ସେହିପରି ଝାରସୁଗୁଡ଼ା ରେ 35.4 ଡିଗ୍ରୀ, ସମ୍ବଲପୁରରେ 35.2 ଡିଗ୍ରୀ, ହୀରାକୁଦରେ 34.6 ଡିଗ୍ରୀ, ବାଲେଶ୍ୱରରେ 34.2 ଡିଗ୍ରୀ, ରାଉରକେଲାରେ 33.4 ଡିଗ୍ରୀ, ପୁରୀରେ 32.4 ଡିଗ୍ରୀ, ପାରାଦ୍ୱୀପରେ 31.4 ଡିଗ୍ରୀ ଓ ଗୋପାଳପୁରରେ 30.8 ଡିଗ୍ରା ରହିଛି ତାପମାତ୍ରା । 

ଆଭ୍ୟନ୍ତରୀଣ ଓଡ଼ିଶାରେ ଆସନ୍ତା ଦୁଇ ଦିନ ମଧ୍ୟରେ ପାରଦ 40 ଡିଗ୍ରୀଟପିପାରେ । ଗତ ଦୁଇ ଦିନରେ ଅଧିକାଂଶ ସ୍ଥାନରେ ତାପମାତ୍ରା 2-3 ଡିଗ୍ରୀ ବୃଦ୍ଧି ହୋଇଥିବା ବେଳେ ଆଗକୁ ଆହୁରି ବଢିବ । ସେପଟେ ତାପମାତ୍ରା ବୃଦ୍ଧି ଓ ଜଳୀୟବାଷ୍ଫପୂର୍ଣ୍ଣ ବାୟୁର ପ୍ରଭାବ ଯୋଗୁଁ ଆସନ୍ତା 3 ଦିନ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀର ପ୍ରଭାବ ରହିବା ନେଇ ପାଣିପାଗ କେନ୍ଦ୍ର ସତର୍କ ସୂଚନା ଜାରି କରିଛି । 

ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର ଓ ଯାଜୁପୁର ଆଦି ଜିଲ୍ଲାରେ କାଳବୈଶାଖୀ ଯୋଗୁଁ ବିଜୁଳି ଘଡ଼ଘଡ଼ି ସହ ଏହି ଜିଲ୍ଲାଗୁଡ଼ିକରେ ବର୍ଷା ଆଶଙ୍କା ରହିଛି । ଏହାକୁ ଦୃଷ୍ଟିରେ ରଖି ପାଣିପାଗ କେନ୍ଦ୍ର ଏହି ଜିଲ୍ଲାଗୁଡ଼ିକ ପାଇଁ ୟେଲୋ ଆଲର୍ଟ ଜାରି କରିଛି । ସେହିପରି ଝାରସୁଗୁଡ଼ା, ସମ୍ବଲପୁର, ଦେବଗଡ଼, କେନ୍ଦୁଝର ଆଦି ଜିଲ୍ଲାରେ ମଧ୍ୟ ସ୍ୱଳ୍ପ ବର୍ଷା ସାଙ୍ଗକୁ ବିଜୁଳି ଘଡ଼ଘଡ଼ି ହେବାର ଆଶଙ୍କା ରହିଛି । 

COASTAL NEWS ODIA 1790 SSC ରେ କରନ୍ତୁ ଚାକିରୀ, ତୁରନ୍ତ କରନ୍ତୁ ଆବେଦନ

COASTAL NEWS ODIA 1795

 SSC ରେ କରନ୍ତୁ ଚାକିରୀ, ତୁରନ୍ତ କରନ୍ତୁ ଆବେଦନ

ଭୁବନେଶ୍ବର - (CNO) ଷ୍ଟାଫ୍ ସିଲେକ୍ସନ କମିଶନ (SSC) ରେ ଚାକିରି ଖୋଜୁଥିବା ଯୁବକମାନଙ୍କ ପାଇଁ ସୁବର୍ଣ୍ଣ ସୁଯୋଗ । ଏନେଇ ଏକ ବିଜ୍ଞପ୍ତି ପ୍ରକାଶ କରିଛି । ଚୟନ ହେଲେ ମାସକୁ ଏକ ଲକ୍ଷ ଟଙ୍କାରୁ ଅଧିକ ଦରମା ମିଳିବ । ଯୋଗ୍ୟ ଓ ଆଗ୍ରହୀ ପ୍ରାର୍ଥୀମାନେ SSC ର ଅଫିସିଆଲ୍ ୱେବସାଇଟ୍ ssc.gov.in କୁ ଯାଇ ଅନ୍‌ଲାଇନ୍ ଆବେଦନ କରିପାରିବେ।

ଗୁରୁତ୍ୱପୂର୍ଣ୍ଣ ତାରିଖ:

ଅନ୍‌ଲାଇନ୍ ଆବେଦନ ଆରମ୍ଭ ୨୮ ମାର୍ଚ୍ଚ ୨୦୨୪ରୁ ଆରମ୍ଭ ହେଉଥିବା ବେଳେ ଅନ୍‌ଲାଇନ୍ ଆବେଦନ ୧୮ ଏପ୍ରିଲ୍ ୨୦୨୪ ରେ ଶେଷ ହେବ ।

ସର୍ବନିମ୍ନ ମାସିକ ଦରମା ୩୫,୪୦୦ ଟଙ୍କା ହୋଇଥିବା ବେଳେ ସର୍ବାଧିକ ମାସିକ ଦରମା ୧,୧୨,୪୦୦ ଟଙ୍କା ।

ଖାଲି ପଦବୀ:

ସୀମା ସଡକ ସଂଗଠନ (BRO), ଜଳ ଶକ୍ତି ମନ୍ତ୍ରାଳୟର ବ୍ରହ୍ମପୁତ୍ର ବୋର୍ଡ, କେନ୍ଦ୍ରୀୟ ଜଳ ଆୟୋଗ (CWC), କେନ୍ଦ୍ରୀୟ ଲୋକ ନିର୍ମାଣ ବିଭାଗ (CPWD) ସହିତ ଅନ୍ୟାନ୍ୟ ବିଭାଗରେ ଜୁନିଅର ଇଂଜିନିୟର ପଦବୀ ଖାଲି ପଡ଼ିଛି । ଏହି ସବୁ ବିଭାଗରେ ମୋଟ୍ ୯୬୮ଟି ପଦବୀ ପୂରଣ ହେବ।

Job in SSC

ବୟସ ସୀମା:

CPWD ଓ CWC ପଦ ପାଇଁ ସର୍ବାଧିକ ବୟସ - ୩୨ ବର୍ଷ

ଅନ୍ୟାନ୍ୟ ପଦ ପାଇଁ ସର୍ବାଧିକ ବୟସ - ୩୦ ବର୍ଷ

ବୟସ ଗଣନା ୦୧।୦୮।୨୦୨୪ ଅନୁସାରେ ହେବ

ଆବେଦନ ଶୁଳ୍କ:

ମହିଳା/SC/ST/PwD - ଦେୟମୁକ୍ତ

ଅନ୍ୟମାନେ - ୧୦୦ ଟଙ୍କା

ଚୟନ ପ୍ରକ୍ରିୟା:

ଲିଖିତ ପରୀକ୍ଷା

ସାକ୍ଷାତକାର

ଡକ୍ୟୁମେଣ୍ଟ୍ ଯାଞ୍ଚ୍

COASTAL NEWS ODIA 1794 ରାସ୍ତାରେ ରିଲ୍ କରିବା ପଡିଲା ମହଙ୍ଗା, ଗିରଫ ହେଲେ ୨ ଯୁବତୀ ଓ ଜଣେ ଯୁବକ

COASTAL NEWS ODIA 1794

ରାସ୍ତାରେ ରିଲ୍ କରିବା ପଡିଲା ମହଙ୍ଗା, ଗିରଫ ହେଲେ ୨ ଯୁବତୀ ଓ ଜଣେ ଯୁବକ 

ନୂଆଦିଲ୍ଲୀ - (CNO) ରାସ୍ତାରେ ରିଲ୍ କରିବା ପଡିଲା ମହଙ୍ଗା, ଗିରଫ ହେଲେ ଦୁଇ ଯୁବତୀ । ଏହା ପୂର୍ବରୁ ସେ ଦେଶର ରାଜଧାନୀ ଦିଲ୍ଲୀ ମେଟ୍ରୋରେ ରିଲ୍ ବନାଉଥିବାର ଦେଖିବା ପାଇଁ ମିଳିଥିଲା । ଯାହା ପରେ ବର୍ତ୍ତମାନ ପୋଲିସ ଉଭୟଙ୍କୁ ଗିରଫ କରିଛି । ଟ୍ରାଫିକ ନିୟମ ପାଳନ ନକରିବାରୁ ପୋଲିସ ପ୍ରଥମେ 33 ହଜାର ଟଙ୍କା ଚାଲାଣ  କାଟିଥିଲା, ଯାହା ପରେ ଦୁଇ ଯୁବତୀ କହିଥିଲେ ଚାଲାଣ ଭରିବା ପାଇଁ ତାଙ୍କ ପାଖରେ ଟଙ୍କା ନାହିଁ । 

ଭାଇରାଲ ହେଉଥିବା ଏହି ଦୁଇ ଯୁବତୀଙ୍କ ନାଁ ହେଉଛି ପ୍ରୀତି ମୌର୍ଯ୍ୟ ଏବଂ ଭିନିତା । ସ୍କୁଟି ଚଳାଉଥିବା ପୁଅର ନାମ ହେଉଛି ପୀୟୁଷ । ଏହି ଦୁଇ ଯୁବତୀ ପ୍ରଥମେ ଦିଲ୍ଲୀ ମେଟ୍ରୋରେ ରିଲ୍ ବନାଉଥିଲେ ପରେ ନୋଏଡା ରାସ୍ତାରେ ବାଇକ୍ ରେ ଷ୍ଟଣ୍ଟ୍ କରୁଥିବାର ଦେଖିବା ପାଇଁ ମିଳିଥିଲା । ଯାହା ରରେ ପୋଲିସ ୮୦ ହଜାର ଚାଲାଣ କାଟିବା ସହ ଉଭୟ ଝିଅ ଓ ଜଣେ ପୁଅଙ୍କ ବିରୋଧରେ ଏକ ମାମଲା ରୁଜୁ ମଧ୍ୟ କରିଥିବା ନେଇ ସୂଚନା ରହିଛି । 

ଏକ ଜାତୀୟ ଗଣମାଧ୍ୟମ ସହ ଆଲୋଚନା କରି ଉକ୍ତ ଯୁବତୀ କହିଛନ୍ତି, ରିଲ୍ ଭାଇରାଲ ହେବା ପରେ ପୋଲିସ ସେମାନଙ୍କୁ ଥାନାକୁ ଡାକି ପଚରାଉଚରା କରିଥିଲା । ଏବଂ ଏକ ମାମଲା ରୁଜୁ କରିବା ପାଇଁ ମଧ୍ୟ କହିଥିଲା ଯାହା ପରେ ୨ ଯୁବତୀ ତାଙ୍କ ପାଖରେ ଟଙ୍କା ନଥିବା କଥା କହିଥିଲେ । ଏବଂ ପୋଲିସକୁ କ୍ଷମା ମାଗିଥିଲେ । 

ଅଘୋଷିତ ମେଣ୍ଟ

COASTAL NEWS ODIA 1793

ଅଘୋଷିତ ମେଣ୍ଟ

ଭୁବନେଶ୍ବର - (CNO) ଦୁଇ ଦିନ ତଳେ ଓଡ଼ିଶାରେ ବିଜେପି ୧୮ ଲୋକସଭା ପାଇଁ ସାଂସଦ ପ୍ରାଥି ତାଲିକା ଘୋଷଣା କରିଥିଲା। ଆଜି ଶାସକ ବିଜେଡ଼ି ୭୨ ବିଧାନସଭା ଆସନ ଓ ୧୫ ଲୋକସଭା ଆସନରେ ପ୍ରାଥି ତାଲିକା ଘୋଷଣା କଲା। ଦୁଇ ତାଲିକାକୁ ଆକଳନ କଲେ ସ୍ପଷ୍ଟ ବାରିହେଇ ପଡୁଛି ଯେ ଏହା ବିଜେପି ଓ ବିଜେଡ଼ି ମଧ୍ୟରେ ସମ୍ପୂର୍ଣ୍ଣ ଭାବରେ ଆସନ୍ତା ନିର୍ବାଚନ ପାଇଁ ଅଘୋଷିତ ମେଣ୍ଟ।

୨୦୧୯ ସାଧାରଣ ନିର୍ବାଚନ ଯେଉଁ ଆଧାରରେ ଲଢ଼ିଥିଲେ ୨୦୨୪ ମଧ୍ୟ ସେହି ଆଧାରରେ ଲଢ଼ିବେ। ୨୦୧୯ ଅପେକ୍ଷା ଏଥର ଅଧିକ ଲୋକସଭା ଆସନରେ ବିଜେପି ପ୍ରାଥି ଜିତିବେ ଓ ବିଧାନସଭା କ୍ଷେତ୍ରରେ ଅଧିକା ଆସନରେ ବିଜେଡ଼ି ଜିତିବ।

ଏହା ଏକ ସମ୍ପୂର୍ଣ୍ଣ ରାଜନୈତିକ ରଣନୀତି। ପ୍ରଥମେ ଦୁଇ ଦଳ ମେଣ୍ଟ ଚର୍ଚ୍ଚା ସାମ୍ନାକୁ ଆଣି ଭୋଟରଙ୍କୁ ବିଚଳିତ କଲେ। ଦୀର୍ଘ ଦିନ ଧରି ଦୁଇ ଦଳର କର୍ମୀ ଓ ଭୋଟରଙ୍କୁ ବ୍ୟସ୍ତତା ଭିତରେ ରଖିଲେ। ତା ପରେ ଦୁଇ ଦଳ ସ୍ଵଭାଵ ସୁଲଭ ରାଜନୈତିକ ଢଙ୍ଗୀରେ ଆଗ ପଛ ହୋଇ ଘୋଷଣା କଲେ ମେଣ୍ଟ ହବନି। ୨୧ ଲୋକସଭା ଓ ୧୪୭ ବିଧାନସଭା ଏକା ଏକା ଲଢ଼ିବେ। ତା ପରେ କର୍ମୀ ଓ ଭୋଟରଙ୍କୁ ଆଖିଦୃଶିଆ ଓ ଅତି ଚତୁରତାର ସହିତ ଏପରି ପ୍ରାଥି ତାଲିକା ଘୋଷଣା କଲେ ଯେ ଅତି ନିବିଡ଼ତାର ସହିତ ଅନୁକ୍ଷଣ କଲେ ସ୍ପଷ୍ଟ ବାରି ହେଇ ପଡୁଛି ଯେ ଦୁଇ ଦଳ ମଧ୍ୟରେ ଅଘୋଷିତ ମେଣ୍ଟ। 

ବିଜେଡ଼ି ଯେଉଁ ୧୫ ସାଂସଦ ପ୍ରାଥି ତାଲିକା ଘୋଷଣା କରିଛି ସେଇ ୯ ବିଜେଡ଼ି ସାଂସଦ ପ୍ରାଥି ଜିତିବା ମୁସ୍କିଲ। ଉଦାହରଣ ସ୍ୱରୂପ ଭୁବନେଶ୍ୱରରୁ ବିଜେପି ଘୋଷଣା କରିଥିଲା ଅପରାଜିତା ଷଡ଼ଙ୍ଗୀଙ୍କ ନାଁ। ଯିଏ ଏବେ ସାଂସଦ ଅଛନ୍ତି ଓ ପୁଣି ସାଂସଦ ହେବେ ବୋଲି ରାଜନୀତି ପାଣିପାଗ କହୁଛି। ତାଙ୍କ ବିରୁଦ୍ଧରେ ବିଜେଡ଼ି ପ୍ରାଥି ଦେଲା ମନ୍ମଥ ରାଉତରାୟ। ତାଙ୍କ ବାପା ବରିଷ୍ଠ କଂଗ୍ରେସ ନେତା ସୁର ରାଉତରାୟ। ତେଣୁ ମନ୍ମଥଙ୍କୁ ବିଜେଡ଼ି ଟିକଟ ଦେଇ ବଳି ପକାଇଲା ଖୋଦ ବିଜେଡ଼ି। 

କେନ୍ଦ୍ରାପଡ଼ାରୁ ବିଜେପି ସାଂସଦ ପ୍ରାଥିଙ୍କ ବିରୁଦ୍ଧରେ ଲଢ଼ିବେ ଅଂଶୁମାନ ମହାନ୍ତି। ଉପରୁ ଖେଳ ହେଇଛି ବୈଜୟନ୍ତ ଜିତିବାର ଅଛି। ତେଣୁ ଅଂଶୁମାନ ମହାନ୍ତି ବିଜେଡ଼ି ସାଂସଦ ପ୍ରାଥି ହେଇଛନ୍ତି। ଦୁଇ ଦଳ ଆଉ ଗୋଟିଏ ବଡ଼ ଚକମା ଦେଖାଇଛନ୍ତି ଓଡ଼ିଶାବାସୀଙ୍କୁ। 

ସମ୍ବଲପୁରରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବିରୁଦ୍ଧରେ ବିଜେଡ଼ିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ନିର୍ବାଚନ ଲଢ଼ିବେ। ରାଜ୍ୟବାସୀଙ୍କୁ ଜଣାଇଦିଆଗଲା ଆମେ ପ୍ରମୁଖ ବିରୋଧୀ। ପ୍ରଣବ ଓରଫ ବବି ଦାସ ଦଳ ଓ ଦଳର ସୁପ୍ରିମୋଙ୍କ ପାଇଁ ୨୦୨୪ ପାଇଁ ରାଜନୈତିକ ତ୍ୟାଗ କଲେ। ନିର୍ବାଚନରେ ସିଏ ହାରିବେ ଓ ତା ପରେ ସେ ଆହୁରି କ୍ଷମତାଶୀଳ ହେବେ ଏଥିରେ ଦ୍ୱିମତ ନାହିଁ।

୭୨ ବିଧାନସଭା କ୍ଷେତ୍ରରେ ବିଜେଡ଼ି ପ୍ରାଥି ତାଲିକା ଘୋଷଣା କରିଛି। ୯୫ ପ୍ରତିଶତ ବିଜେଡ଼ି ବିଧାୟକ ଟିକଟ ଅକ୍ଷୁର୍ଣ୍ଣ ରହିଛି। ଏହା ପରେ ବିଜେପି ତାର ତାଲିକା ପ୍ରକାଶ କରିବ। ଏହାପରେ ଆହୁରି ସ୍ପଷ୍ଟତା ଆସିଯିବ ଅଘୋଷିତ ମେଣ୍ଟର। ମେଣ୍ଟ ବିରୁଦ୍ଧରେ ଲଢ଼ୁଥିବା ବିଜେପି ରାଜ୍ୟସଭାପତି ମନମୋହନ ସାମଲ, ସାଂସଦ ଅପରାଜିତା ଷଡ଼ଙ୍ଗୀ, ବୈଜୟନ୍ତ ପଣ୍ଡା, ସମ୍ବିତ ପାତ୍ର ଏ ସମସ୍ତେ ଅନାୟାସରେ ନିର୍ବାଚନ ଜିତିବେ। 

ତେଣୁ ସାପ ମରିବ ନାହିଁ କି ଲାଠି ଭାଙ୍ଗିବ ନାହିଁ ନୀତିରେ ୨୦୨୪ ନିର୍ବାଚନ ବୈତରଣୀ ପାର କରିବାକୁ ଦୁଇ ଦଳ ଗୋଟିଏ ଭଲ ରାଜନୈତିକ ଡ୍ରାମାର ପୃଷ୍ଠଭୂମିର ପ୍ରତିଷ୍ଠା କରି ସାରିଛନ୍ତି ବୋଲି ଜନସାଧାରଣରେ ମତ ପ୍ରକାଶ ପାଉଛି। ଦୁଇ ଦଳର ସମ୍ପୂର୍ଣ୍ଣ ପ୍ରାଥି ତାଲିକା ପ୍ରକାଶ ପରେ ସ୍ପଷ୍ଟ ଚିତ୍ର ସାମ୍ନାକୁ ଆସିଯିବ। ୧୪ ସାଂସଦ ଓ ୪୫ ବିଧାୟକ ଆସନ ବିଜେପି ଖାତାକୁ ଯିବାର ରଣନୀତି ଓ ବାକି ବିଜେଡ଼ି ଖାତାକୁ ଯିବାର ରଣନୀତି।

COASTAL NEWS ODIA ଖୁବ୍ ଶୀଘ୍ର ଆସିପାରେ ବିଜେପି ବିଧାନସଭା ପ୍ରାର୍ଥୀ ତାଲିକା

COASTAL NEWS ODIA 1792

ଖୁବ୍ ଶୀଘ୍ର ଆସିପାରେ ବିଜେପି ବିଧାନସଭା ପ୍ରାର୍ଥୀ ତାଲିକା

ଭୁବନେଶ୍ୱର (CNO) ରାଜ୍ୟ ବିଧାନସଭା ନିର୍ବାଚନ ପାଇଁ ସାମ୍ନାକୁ ଆସୁଛି ପ୍ରାର୍ଥୀ ତାଲିକା । ଗତକାଲି ବିଜେଡ଼ି ଏହାର 72 ଜଣିଆ ପ୍ରାର୍ଥୀ ତାଲିକା ଘୋଷଣା କରିସାରିଛି । ଏହା ସହ କେତେକ ଲୋକସଭା ଆସନ ପାଇଁ ମଧ୍ୟ ପ୍ରାର୍ଥୀ ଦେଇସାରିଛି ଦଳ । କିନ୍ତୁ ପଛରେ ପଡ଼ିଯାଇଛନ୍ତି ବିଜେପି ଓ କଂଗ୍ରେସ ।

ଏଥି ମଧ୍ୟରେ ଖୁବ୍ ଶୀଘ୍ର ବିଜେପି ଏହାର ବିଧାନସଭା ପ୍ରାର୍ଥୀ ତାଲିକା ଘୋଷଣା କରିପାରେ । ବିଧାନସଭା ସମେତ ବାକି ଥିବା ଲୋକସଭା ଆସନ ପାଇଁ ମଧ୍ୟ ପ୍ରାର୍ଥୀ ତାଲିକା ଆସିପାରେ । ରାଜ୍ୟ ବିଜେପି ସଭାପତି ମନମୋହନ ସାମଲ ପୁଣି ଦିଲ୍ଲୀ ଯାଇଛନ୍ତି । ତାଙ୍କ ସହ ମାନସ ମହାନ୍ତି ବି ଦିଲ୍ଲୀ ଯାଇଛନ୍ତି ।

ଆଜି ଉଭୟ ଦିଲ୍ଲୀରେ କେନ୍ଦ୍ରୀୟ ନେତୃତ୍ୱ ସହ ଆଲୋଚନା କରିଛନ୍ତି । ବିଧାନସଭା ପ୍ରାର୍ଥୀ ତାଲିକା ସହ ବାକିଥିବା 3 ଲୋକସଭା ଆସନ, ଯାଜପୁର, କଟକ ଓ କନ୍ଧମାଳ ଟିକେଟ ନେଇ ପ୍ରାର୍ଥୀଙ୍କ ବିଷୟରେ ଆଲୋଚନା ହେବାର ଅଛି ।

COASTAL NEWS ODIA 1791 ବିଧାନସଭା ଓ ଲୋକସଭା ପ୍ରାର୍ଥୀ ଘୋଷଣା କଲା ବିଜେଡ଼ି

COASTAL NEWS ODIA 1791

ବିଧାନସଭା ଓ ଲୋକସଭା ପ୍ରାର୍ଥୀ ଘୋଷଣା କଲା ବିଜେଡ଼ି

ଭୁବନେଶ୍ବର - (CNO) ବିଜେଡି ଦଳର ସୁପ୍ରିମୋ ନବୀନ ପଟ୍ଟନାୟକ ଆଜି ଦୀର୍ଘ ୧୫ଦିନ ପରେ ଭିଡିଓ ମାଧ୍ୟମରେ ଗଣମାଧ୍ୟମକୁ ଆସି ଉଭୟ ବିଧାନସଭା ଓ ଲୋକସଭା ଆସନ ପାଇଁ ନିଜର ଦଳୀୟ ପ୍ରାର୍ଥୀ ଘୋଷଣା କରିଛନ୍ତି । ପ୍ରଥମ ପର୍ଯ୍ୟାୟରେ ଦଳ ୭୨ ବିଧାନସଭା ଓ ୯ ଲୋକସଭା ପାଇଁ ପ୍ରାର୍ଥୀଙ୍କ ନାଁ ଘୋଷଣା କରିଛି ଦଳ । ସମ୍ବଲପୁରରୁ ପ୍ରାର୍ଥୀ ହେଲେ ପ୍ରଣବ ପ୍ରକାଶ ଦାସ ।ବିଧାନସଭା ସହ ଲୋକସଭା ପାଇଁ ପ୍ରାର୍ଥୀଙ୍କ ତାଲିକା ଘୋଷଣା କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ।

କାହାକୁ କେଉଁଠୁ ମିଳିଲା ଟିକେଟ୍ ?

ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା 

କଳାହାଣ୍ଡି - ଲମ୍ବୋଧର ନିଆଳ

ସମ୍ବଲପୁର - ପ୍ରଣବ ପ୍ରକାଶ ଦାସ

ସୁନ୍ଦରଗଡ - ଦିଲ୍ଲୀପ ତିର୍କୀ

ମୟୂରଭଞ୍ଜ - ସୁଦାମ ମାର୍ଣ୍ଡି

କେନ୍ଦ୍ରାପଡା - ଅଂଶୁମାନ ମହାନ୍ତି

ନବରଙ୍ଗପୁର - ପ୍ରଦୀପ ମାଝୀ

ଭୁବନେଶ୍ୱର - ମନ୍ମଥ ରାଉତରାୟ

କୋରାପୁଟ - କୌଶଲ୍ୟା ହିକ୍କକା

ଆସ୍କା - ରଞ୍ଜିତା ସାହୁ

ବିଧାନସଭା ପ୍ରାର୍ଥୀ

ବିଷମ କଟକ - ଜଗନ୍ନାଥ ସାରକା

ଗୁଣୁପୁର - ରଘୁନାଥ ଗମାଙ୍ଗ

ରାୟଗଡା - ଅନୁସୂୟା ମାଝୀ

ବରଗଡ - ଦେବେଶ ଆଚାର୍ଯ୍ୟ

ବିଜେପୁର - ରୀତା ସାହୁ

ଅତାବିରା - ସେହ୍ନାଙ୍ଗିନୀ ଛୁରିଆ

ଭଟଲି - ସୁଶାନ୍ତ ସିଂ

ଜଳେଶ୍ୱର - ଅଶ୍ୱିନୀ କୁମାର ପାତ୍ର

ବସ୍ତା - ସୁବାସିନୀ ଜେନା

ଭଣ୍ଡାରୀପୋଖରୀ - ସଞ୍ଜୀବ ମଲ୍ଲିକ

ଭଦ୍ରକ - ପ୍ରଫୁଲ ସାମଲ

ବାସୁଦେବପୁର - ବିଷ୍ମୁବତ୍ର ରାଉତରାୟ

ଧାମନଗର - ଡକ୍ଟର ସଞ୍ଜୟ କୁମାର ଦାସ

ଚାନ୍ଦବାଲି - ବ୍ୟୋମକେଶ ରାୟ

ବିଜ୍ଞାରପୁର - ପ୍ରମିଳା ମଲ୍ଲିକ

ଧର୍ମଶାଳା - ପ୍ରଣବ ବଳବନ୍ତରାୟ

ଯାଜପୁର - ସୁଜାତା ସାହୁ

ସୁକିନ୍ଦା - ପ୍ରୀତିରଞ୍ଜନ ଘଡେଇ

ଢେଙ୍କାନାଳ - ସୁଧୀର ସାମଲ

କାମାକ୍ଷାନଗର - ପ୍ରଫୁଲ କୁମାର ମଲ୍ଲିକ

ପରଜଙ୍ଗ - ନୃସିଂହ ସାହୁ

ପାଲଲହଡା - ମୁକେଶ ପାଲ

ଛେଣ୍ଡିପଦା - ସୁଶାନ୍ତ କୁମାର ବେହେରା

ସୋନପୁର - ନିରଞ୍ଜନ ପୂଜାରୀ

ଲୋଇସିଂହା - ନିହାର ରଞ୍ଜନ ବେହେରା

ପାଟଣାଗଡ - ସରୋଜ ମେହେର

ବଲାଙ୍ଗୀର - କଳିକେଶ ନାରାୟଣ ସିଂହଦେଓ

ଟିଟିଲାଗଡ - ଟୁକୁନି ସାହୁ

ନୂଆପଡା - ରାଜେନ୍ଦ୍ର ଢୋଲକିଆ

ଉମରକୋଟ - ନବୀନା ନାୟକ

ଝରିଗାଁ - ରମେଶ ଚନ୍ଦ୍ର ମାଝୀ

ନବରଙ୍ଗପୁର - କୌଶଲ୍ୟା ପ୍ରଧାନୀ

ଡାବୁଗାଁ - ମନୋହର ରନ୍ଧାରୀ

ଲାଞ୍ଜିଗଡ - ପ୍ରଦୀପ କୁମାର ଦିଶାରୀ

ଜୁନାଗଡ - ଦିବ୍ୟଶଙ୍କର ମିଶ୍ର

ଧର୍ମଗଡ - ପୁଷ୍ପେନ୍ଦ୍ର ସିଂ ଦେଓ

ଭବାନୀପାଟଣା - ଲତିକା ନାୟକ

ଜି ଉଦୟଗିରି - ସାଲୁଗା ପ୍ରଧାନ

କଣ୍ଟାମାଳ - ମହିଧର ରଣା

ବୌଦ୍ଧ - ପ୍ରଦୀପ କୁମାର ଅମାତ

ବଡମ୍ବା - ଦେବୀ ପ୍ରସାଦ ମିଶ୍ର

ବାଙ୍କୀ - ଦେବୀରଞ୍ଜନ ତ୍ରିପାଠୀ

ଆଠଗଡ - ରଣେନ୍ଦ୍ର ପ୍ରତାପ ସ୍ୱାଇ

କଟକ ଚୌଦାର - ସୌଭିକ ବିଶ୍ୱାଳ

ନିଆଳି - ପ୍ରମୋଦ ମଲ୍ଲିକ

କଟକ ସଦର - ଚନ୍ଦ୍ରସାରଥୀ ବେହେରା

ପାଟକୁରା - ଅରବିନ୍ଦ ମହାପାତ୍ର

ଆଳି - ପ୍ରତାପ ଦେବ

ରାଜନଗର - ଧ୍ରୁବ ସାହୁ

ମହାକାଳପଡା - ଅତନୁ ସବ୍ୟସାଚ୍ଚୀ ନାୟକ

ପୁରୀ - ସୁନୀଲ ମହାନ୍ତି

ବ୍ରହ୍ମଗିରି - ଉମାକାନ୍ତ ସାମନ୍ତରାୟ

ସତ୍ୟବାଦୀ - ସଞ୍ଜୟ ଦାସବର୍ମା

ପିପିଲି - ରୁଦ୍ର ପ୍ରସାଦ ମହାରଥୀ

ଜଟଣୀ - ବିଭୂତି ବଳବନ୍ତରାୟ

ରଣପୁର - ସତ୍ୟନାରାୟଣ ପ୍ରଧାନ

ଦଶପଲ୍ଲା - ରମେଶ ଚନ୍ଦ୍ର ବେହେରା

ନୟାଗଡ - ଅରୁଣ ସାହୁ

ଭଞ୍ଜନଗର - ବିକ୍ରମ କେଶରୀ ଆରୁଖ

ପୋଲସରା - ଶ୍ରୀକାନ୍ତ ସାହୁ

କବିସୂର୍ଯ୍ୟନଗର - ଲତିକା ପ୍ରଧାନ

ଛତ୍ରପୁର - ସୁବାଷ ଚନ୍ଦ୍ର ବେହେରା

ସୋରଡା - ସଂଘମିତ୍ରା ସ୍ୱାଇଁ

ହିଞ୍ଜିଳି - ନବୀନ ପଟ୍ଟନାୟକ

ଗୋପାଳପୁର - ବିକ୍ରମ କୁମାର ପଣ୍ଡା

ଦିଗପହଣ୍ଡି - ବିପ୍ଲବ ପାତ୍ର

ଚିକିଟି - ଚିନ୍ମୟ ନନ୍ଦ ଶ୍ରୀରୂପଦେବ

କୋଟପାଡ - ଚନ୍ଦ୍ରଶେଖର ମାଝୀ

କୋରାପୁଟ - ରଘୁରାମ ପୋଡାଲ

ମାଲକାନଗିରି - ମାନସ ମାକାମ୍ବୀ

କାଶୀପୁର - ବଦ୍ରିନାରାୟଣ ପାତ୍ର

ପାଟଣା - ଜଗନ୍ନାଥ ନାୟକ

ଆଳି ବ୍ଲକ ଅନ୍ତର୍ଗତ ଗୌଡପାଟଣା ଗ୍ରାମରେ ଅଗ୍ନିକାଣ୍ଡ

COASTAL NEWS ODIA 1783

ଆଳି ବ୍ଲକ ଅନ୍ତର୍ଗତ ଗୌଡପାଟଣା ଗ୍ରାମରେ ଅଗ୍ନିକାଣ୍ଡ 

ଆଳି - (CNO) ଗତକାଲି ବିଳମ୍ବିତ ରାତିରେ ଅଚାନକ ଭାବରେ ଅଗ୍ନିକାଣ୍ଡ ଘଟି ଆଳି ବ୍ଲକ ଅନ୍ତର୍ଗତ ଗୌଡ ପାଟଣା ଗ୍ରାମର ଶିଶିର କୁମାର ଦାସ ଙ୍କ ଗୋଟିଏ ବଖରା ଘର ଜଳି ଯାଇ ଭସ୍ମୀଭୂତ ହୋଇଯାଇଛି l 

ଅକସ୍ମାତ୍ ଅଗ୍ନିକାଣ୍ଡ ଘଟି ଘରଟି ହୁତହୁତ୍ ହୋଇ ଜଳୁଥିବା ବେଳେ ପାଖ ବଜାର ଓ ଗାଁ ଲୋକେ ଦେଖିପାରି ଘରଲୋକ ଙ୍କୁ ଡାକିଥିଲେ l ଖବର ପାଇ ଅଗ୍ନିଶମ ବିଭାଗ ତତ୍ପରତାର ସହିତ ଏହି ଅଗ୍ନିକୁ କାବୁ କରିବାରେ ସଫଳ ହୋଇଥିଲେ l 

ଏହି ଅଗ୍ନିକାଣ୍ଡ ଫଳରେ ସେ ଘରେ ଥିବା ଆସବାବ ପତ୍ର ସହିତ ଗୋଟିଏ ଇଲେକ୍ଟ୍ରିକ ସ୍କୁଟର ଓ ଚାରି ଗୋଟି ସାଇକେଲ ସମ୍ପୂର୍ଣ୍ଣ ଭାବରେ ଜଳି ଯାଇ ଭସ୍ମୀଭୂତ ହୋଇ ଯାଇଛି l ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ଭସ୍ମୀଭୂତ ହୋଇଯାଇଥିବା ବେଳେ ସରକାରୀ ସହାୟତା ପାଇଁ ଅଗ୍ନିକାଣ୍ଡରେ କ୍ଷତିଗ୍ରସ୍ତ ଶିଶିର ଦାସ ଆଳି ତହସିଲଦାର ଙ୍କ ନିକଟରେ ଅଭିଯୋଗ କରିଛନ୍ତି l ସଦର ଆର ଆଇ ଘଟଣାସ୍ଥଳରେ ପହଞ୍ଚି କ୍ଷୟକ୍ଷତିର ଆକଳନ କରିଛନ୍ତି l

COASTAL NEWS ODIA 1789 ଓଡିଶାରେ ଲୋକସଭା ମତଦାନ ପାଇଁ ବିଜେପି 18 ଜଣ ପ୍ରାର୍ଥୀଙ୍କ ନାମ ପ୍ରକାଶ କରିଛି ; ଚାରିଜଣ ସାଂସଦଙ୍କୁ ଏହି ତାଲିକାରୁ ବାଦ୍ ଦିଆଯାଇଛି |

COASTAL NEWS ODIA 1789

ଓଡିଶାରେ ଲୋକସଭା ମତଦାନ ପାଇଁ ବିଜେପି 18 ଜଣ ପ୍ରାର୍ଥୀଙ୍କ ନାମ ପ୍ରକାଶ କରିଛି ;  ଚାରିଜଣ ସାଂସଦଙ୍କୁ ଏହି ତାଲିକାରୁ ବାଦ୍ ଦିଆଯାଇଛି |

ନୂଆଦିଲ୍ଲୀ - (CNO) ବିଜେପି କେନ୍ଦ୍ରୀୟ କମିଟି ଓଡ଼ିଶାର 21 ଟି ଲୋକସଭା ଆସନ ମଧ୍ୟରୁ 18 ଜଣ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି।  ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀ ରୁ ପ୍ରତିଯୋଗିତା କରିବାକୁ ଧର୍ମେନ୍ଦ୍ର ପ୍ରଧାନ ଙ୍କ ନାମ ଘୋଷଣା କରାଯାଇଛି ।  

ଓଡିଶାରେ ଲୋକସଭା ମତଦାନ ପାଇଁ ବିଜେପି 18 ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି ;  ଚାରୋଟି ଷ୍ଟାଣ୍ଡିଂ ସାଂସଦ ଙ୍କୁ ଏହି ତାଲିକାରୁ ବାଦ୍ ଦିଆଯାଇଛି |

ରବିବାର ଦିନ ଓଡିଶାର 21 ଟି ଲୋକସଭା ଆସନ ମଧ୍ୟରୁ 18 ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିବାବେଳେ ଚାରିଜଣ ଷ୍ଟାଣ୍ଡିଂ ସାଂସଦଙ୍କୁ ତାଲିକାରୁ ହଟାଇ ଦିଆଯାଇଛି । କଟକ, ଜାଜପୁର ଏବଂ କନ୍ଧମାଳ ଲୋକସଭା ନିର୍ବାଚନମଣ୍ଡଳୀ ପାଇଁ ପ୍ରାର୍ଥୀଙ୍କ ନାମ ଏପର୍ଯ୍ୟନ୍ତ ସ୍ଥିର କରାଯାଇ ନାହିଁ। କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମ୍ବଲପୁର ଆସନରୁ ପ୍ରତିଦ୍ୱନ୍ଦ୍ୱିତା କରିବେ।

ପାର୍ଟିରେ ଚାରିଜଣ ମହିଳା - ଆପାରାଜିତା ଷଡଙ୍ଗୀ (ଭୁବନେଶ୍ୱର), ସଂଗୀତା କୁମାରୀ ଦେଓ (ବଲାଙ୍ଗୀର), ମାଳବିକା କେଶରୀ ଦେଓ (କାଲାହାଣ୍ଡି) ଏବଂ ଅନୀତା ସୁଭଦର୍ଶନି (ଆସ୍କା) ନିର୍ବାଚନମଣ୍ଡଳୀ ପାଇଁ ପ୍ରାର୍ଥୀ ଭାବେ ମନୋନୀତ ହୋଇଛନ୍ତି ।

ଏଥର ବିଜେପି ଟିକେଟରୁ ବଞ୍ଚିତ ହୋଇଥିବା ସାଂସଦମାନେ ହେଉଛନ୍ତି ସୁରେଶ ପୂଜାରୀ (ବରଗଡ), କେନ୍ଦ୍ର ମନ୍ତ୍ରୀ ବିଶ୍ଵେଶ୍ଵର ଟୁଡୁ (ମୟୂରଭଞ୍ଜ), ନୀତୀଶ ଗଙ୍ଗ ଦେବ (ସମ୍ବଲପୁର) ଏବଂ ବସନ୍ତ ପଣ୍ଡା (କଳାହାଣ୍ଡି )।

ଦଳ ପୂଜାରୀଙ୍କ ସ୍ଥାନରେ ପ୍ରଦୀପ ପୁରୋହିତଙ୍କୁ ମନୋନୀତ କରିଥିବାବେଳେ ସମ୍ବଲପୁରରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନୀତୀଶ ଗଙ୍ଗ ଦେବଙ୍କ ସ୍ଥାନ ନେଇଛନ୍ତି।

ରାୟରଙ୍ଗପୁର ବିଧାୟକ ନବ ଚରଣ ମାଜି ମୟୂରଭଞ୍ଜ ଆସନରେ ବିଶ୍ଵେଶ୍ଵର ଟୁଡୁଙ୍କ ସ୍ଥାନ ନେଇଛନ୍ତି।  କାଲାହାଣ୍ଡି ଲୋକସଭା ଆସନରେ ବସନ୍ତ କୁମାର ପଣ୍ଡାଙ୍କ ସ୍ଥାନରେ ମାଳବିକା କେଶରୀ ଦେଓଙ୍କୁ ନୂତନ ପ୍ରାର୍ଥୀ କରାଯାଇଛି।

ବର୍ତ୍ତମାନ ସାଂସଦମାନେ ହେଉଛନ୍ତି ଜୁଆଲ ଓରାମ (ସୁନ୍ଦରଗଡ), ପ୍ରତାପ ଚନ୍ଦ୍ର ଷଡଙ୍ଗୀ (ବାଲେଶ୍ବର), ସଂଗୀତା କୁମାରୀ ସିଂ ଦେଓ (ବଲାଙ୍ଗୀର) ଏବଂ ଆପାରାଜିତା ଷଡଙ୍ଗୀ (ଭୁବନେଶ୍ୱର)।

ଅନ୍ୟ ବିଜେପି ପ୍ରାର୍ଥୀମାନେ ହେଉଛନ୍ତି ଅନନ୍ତ ନାୟକ (କେନ୍ଦୁଝର), ଅଭିମନ୍ୟୁ ସେଠୀ (ଭଦ୍ରକ), ରୁଦ୍ର ପାଣି (ଢେଙ୍କାନାଳ), ବୈଜୟନ୍ତ ପଣ୍ଡା (କେନ୍ଦ୍ରାପଡା), ବଳଭଦ୍ର ମାଝୀ (ନବରଙ୍ଗପୁର), ବିଭୁ ତରାଇ (ଜଗତ୍ସିଂହପୁର), ସମ୍ୱିତ ପାତ୍ର (ପୁରୀ)  ପ୍ରଦୀପ ପାଣିଗ୍ରାହୀ (ବରହମପୁର) ଏବଂ କାଲିରାମ ମାଝି (କୋରାପୁଟ) | 

COASTAL NEWS ODIA 1790 ଆଜି ପବିତ୍ର ଦୋଳ ପୂର୍ଣ୍ଣିମା; କାହିଁକି ପାଳନ ହୁଏ ଏହି ପର୍ବ ?

COASTAL NEWS ODIA 1790

ଆଜି ପବିତ୍ର ଦୋଳ ପୂର୍ଣ୍ଣିମା; କାହିଁକି ପାଳନ ହୁଏ ଏହି ପର୍ବ ?

ଭୁବନେଶ୍ବର - (CNO) ଆଜି ପବିତ୍ର ଦୋଳ ପୂର୍ଣ୍ଣିମା । ଗାଁ ଗାଁରେ ଜମୁଛି ଦୋଳ ମେଲଣ। ଗାଁକୁ ଗାଁ, ସାହିକୁ ସାହି ବୁଲି ବୁଲି ଭୋଗ ଖାଇବା ସହ ରଙ୍ଗବେରଙ୍ଗ ଅବିରରେ ହୋଲି ଖେଳିବେ ଦୋଳ ଗୋବିନ୍ଦ । ଏହି ଅବସରରେ ଅନେକ ସ୍ଥାନରେ ବାଡ଼ିଖେଳ ମଧ୍ୟ ହେବ।

ଦୋଳ ପୂର୍ଣ୍ଣିମା ଅବସରରେ ବିଭିନ୍ନ ସ୍ଥାନରେ ବାଡ଼ିଖେଳ ମଧ୍ୟ ଯାଉଛି । ସେପଟେ ଦୋଳ ପୂର୍ଣ୍ଣିମା ଅବସରରେ ଆଜି ଶ୍ରୀମନ୍ଦିରରେ ଅନୁଷ୍ଠିତ ହେଉଛି ସ୍ୱତନ୍ତ୍ର ନୀତିକାନ୍ତି । ରାଜରାଜେଶ୍ବର ବେଶ ବା ସୁନାବେଶରେ ଆଜି ଭକ୍ତଙ୍କୁ ଦର୍ଶନ ଦେବେ ମହାପ୍ରଭୁ । ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ନୀତି ନିର୍ଘଣ୍ଟ ହୋଇଛି । ସୁନାବେଶରେ ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ବିଶେଷ ଧ୍ୟାନ ଦେଇଛି ପ୍ରଶାସନ । ଦୋଳ ପୂର୍ଣ୍ଣିମା ଅବସରରେ ଶ୍ରୀଜୀଉଙ୍କ ଚଳନ୍ତି ପ୍ରତିମା ଦୋଳଗୋବିନ୍ଦ, ଭୁଦେବୀ ଓ ଶ୍ରୀଦେବୀ ଦୋଳବେଦୀକୁ ବିମାନରେ ବିଜେ କରିବେ ।

ଦୋଳ ପୂର୍ଣିମା 

ଓଡ଼ିଶାରେ ଫଗୁ ଦଶମୀରୁ ଦୋଳ ଯାତ୍ରା ଆରମ୍ଭ ହୋଇଥାଏ । ଏହାର ଗୁରୁତ୍ୱ ବୈଷ୍ଣବ ଧର୍ମ ପରମ୍ପରାର ପ୍ରଚାର ଓ ପ୍ରସାର ସହିତ ଅଙ୍ଗାଙ୍ଗୀ ଭାବେ ଜଡ଼ିତ । ତେବେ ଏହା ମୁଖ୍ୟତଃ ଗ୍ରାମ ଗ୍ରାମ ମଧ୍ୟରେ, ଗୋଷ୍ଠୀ ଗୋଷ୍ଠୀ ମଧ୍ୟରେ, ବ୍ୟକ୍ତି ବ୍ୟକ୍ତି ମଧ୍ୟରେ ଏକ ସ୍ନେହ, ସଦ୍‌ଭାବ ଓ ପାରମ୍ପାରିକ ସୌହାର୍ଯ୍ୟର ପରିଚାୟକ ପର୍ବ ଭାବରେ ପାଳିତ ହୋଇଥାଏ ।

କାହିଁକି ପାଳନ ହୁଏ ଏହି ପର୍ବ ?

ଦୋଳ ସହିତ ବିଭିନ୍ନ ପୁରାଣର କାହାଣୀ ସଂଯୁକ୍ତ ହୋଇରହିଛି । ଗୋଟିଏ ପଟେ ରାଧା-କୃଷ୍ଣ ପ୍ରେମ ଗାଥାର ଭବ୍ୟ ଉତ୍ତାଳ ଉତ୍ତରଣ ଓ ଅନ୍ୟ ପକ୍ଷରେ ଅନ୍ୟାନ୍ୟ ପୌରାଣିକ ଆଖ୍ୟାନର ଗୁନ୍ଥନ । ରଙ୍ଗର ରଙ୍ଗୀନ ଖେଳ ଓ ହୋଲିକା ଦହନର ଅଗ୍ନି ଔଜ୍ଜଲ୍ୟ ଏ ଉଭୟ ଦୁଷ୍ଟ ଶକ୍ତି ଉପରେ ଶୁଭଙ୍କର ପ୍ରତୀକର ବିଜୟକୁ ଏହି ପର୍ବ ସହିତ ସମ୍ମିଳିତ କରି ରଖିଛି । ଶ୍ରୀରାଧା - ଶ୍ରୀକୃଷ୍ଣଙ୍କ ପ୍ରେମପ୍ରଣୟର ଲୀଳା, ଦୋଳ ଓ ରଙ୍ଗର ଖେଳ ବ୍ୟତୀତ ଅନ୍ୟଯେଉଁ ସବୁ ଆଖ୍ୟାନ ଉପାଖ୍ୟାନ ଏହି ଦୋଳ-ହୋଲି ଯୁଗ୍ମପର୍ବ ଦିବସ ସହିତ ସଂପୃକ୍ତ । ପୁଣି କେତେକଙ୍କ ମତରେ ପ୍ରବଳ ପରାକ୍ରମୀ ରାକ୍ଷସ ମେର୍ଦ୍ଧାସୁରର ମୃତ୍ୟୁର ଭଗବାନ କାରଣ ହୋଇ ପୃଥିବୀରୁ ପାପର ମାତ୍ରା ହ୍ରାସ କରିଥିବା ଯୋଗୁଁ ଏହିପର୍ବ ଆୟୋଜିତ ହୋଇଥିଲା ।

ଓଡ଼ିଆ ପଞ୍ଜିକା ଅନୁସାରେ ଫାଲଗୁନ ମାସର ପୂର୍ଣ୍ଣିମା ତିଥି ଦୋଳ ପୂର୍ଣ୍ଣିମା ନାମରେ ଅଭିହିତ। ଫାଲଗୁନ ଶୁକ୍ଳ ଦଶମୀ ତିଥିଠାରୁ ଦୋଳଯାତ୍ରା ସାଧାରଣତଃ ଆରମ୍ଭ ହୋଇଥାଏ । ଏହି ପର୍ବର ମୁଖ୍ୟ ଆରାଧ୍ୟ ଠାକୁର ରାଧା ଓ କୃଷ୍ଣଙ୍କ ନିକଟରେ ଏହି ଦିନଠାରୁ ଅବିର ଅର୍ପଣ କରାଯାଇଥାଏ । ରାଧାକୃଷ୍ଣଙ୍କ ଯୁଗଳମୂର୍ତ୍ତି ଛୋଟ ଛୋଟ ବିମାନରେ ମହାଡମ୍ବର ସହକାରେ ଗ୍ରାମର ପ୍ରାୟ ପ୍ରତ୍ୟେକଙ୍କ ଦ୍ୱାରକୁ ନିଆଯାଇଥାଏ । ପ୍ରାୟତଃ ପ୍ରତ୍ୟେକ ଦ୍ୱାରରେ ଠାକୁରଙ୍କୁ ଭୋଗ ଅର୍ପଣ କରାଯିବା ସଙ୍ଗେସଙ୍ଗେ ପୁରୋହିତଙ୍କୁ ମଧ୍ୟ ଦକ୍ଷିଣା ଦିଆଯାଇଥାଏ । 

ଠାକୁରଙ୍କ ଉଦ୍ଦେଶ୍ୟରେ ପ୍ରତ୍ୟେକ ଦ୍ୱାରରେ ଅର୍ପିତ ଭୋଗକୁ ଦ୍ୱାରୀ ଭୋଗ କୁହାଯାଇଥାଏ । ଦୋଳପୂର୍ଣ୍ଣମୀ ଦିନ ସାଧାରଣତଃ ଠାକୁରମାନଙ୍କୁ ମନ୍ଦିରର ଦକ୍ଷିଣପୂର୍ବ ଦିଗରେ ନିର୍ମିତ ହୋଇଥିବା ଏକ ମଣ୍ଡପ ଉପରକୁ ନିଆଯାଇଥାଏ । ସେହି ମଣ୍ଡପର ନାମ ଦୋଳ ମଣ୍ଡପ । ସେଠାରେ ପୂଜାର୍ଚ୍ଚନା କରାଯିବା ସଙ୍ଗେସଙ୍ଗେ ଠାକୁରମାନେ ଦୋଳି ଖେଳନ୍ତି ଓ ସେଠାରେ ନାଲି ଅବିର ଅର୍ପଣ କରାଯାଇଥାଏ ।

ସାରା ଓଡ଼ିଶାର ପୁରପଲ୍ଲୀ ଫଗୁ ଦଶମୀଠାରୁ ଦୋଳଯାତ୍ରାର ଉତ୍ସାହ ଉଦ୍ଦୀପନାରେ ଝୁମି ଉଠେ । ଗାଁ ଗାଁରେ ରାଧାକୃଷ୍ଣ ମନ୍ଦିରରେ କିମ୍ବା ଶ୍ରୀଜଗନ୍ନାଥ ମନ୍ଦିରରେ ଚଳନ୍ତି ପ୍ରତିମାକୁ ଦୋଳା ବା ବିମାନରେ ବସାଇ ଗ୍ରାମ ପରିକ୍ରମା ଆରମ୍ଭ କରାଯାଏ ଏବଂ ଦୁଆର ଦୁଆର ବୁଲି ଭୋଗ ଖାଆନ୍ତି ଠାକୁରେ । 

ଏହା ଏପରି ଏକ ସାମୁହିକ ଉତ୍ସବରେ ପରିଣତ ହୋଇଛି ଯେ ଖୋର୍ଦ୍ଧା ନିକଟବର୍ତ୍ତୀ କେତେକ ଗ୍ରାମରେ ଯଥା- ଗଡ଼ବାଣି, ମାଣିକଗୋଡାରେ - ଯେଉଁଠାରେ ମୁସଲମାନ ଦଳବେହେରା ରାଜାଙ୍କଦ୍ୱାରା ନିଯୁକ୍ତ ହେଇଥିଲେ ବା ହିନ୍ଦୁ ଦଳବେହେରା ପରବର୍ତ୍ତୀ ସମୟରେ ମୁସଲମାନ ଧର୍ମ ଗ୍ରହଣ କରିଥିଲେ - ସେମାନଙ୍କୁ ଦୁଆରେ ମଧ୍ୟ ପ୍ରଭୁ ଭୋଗ ଖାଇଥାନ୍ତି ।

ସେହିପରି ଶୈବପୀଠ ସହିତ ବୈଷ୍ଣବ ଭକ୍ତ ଓ ପୀଠର ସୌହାର୍ଯ୍ୟ ବୃଦ୍ଧିରେ ଦୋଳ ମେଲଣ ଓ ଦୋଳ ମଣ୍ଡପ ସାହାଯ୍ୟ କରିଥାଏ । ସାଧାରଣତଃ ଶୈବ, ଶାକ୍ତ କିମ୍ବା ଅନ୍ୟ ନିର୍ବିବାଦୀୟ ପୀଠରେ ବା ତାଙ୍କ ନିକଟରେ ଆୟୋଜିତ ହୋଇଥାଏ ଦୋଳ ମେଲଣ । ସେଠାରେ ପଞ୍ଚରାତ୍ର ବ୍ୟାପୀ ଚାଚେରୀରେ ସନ୍ଧ୍ୟାଠାରୁ ମଧ୍ୟରାତ୍ର ପର୍ଯ୍ୟନ୍ତ ଗ୍ରାମ ପରିକ୍ରମା ଓ ପରିଭ୍ରମଣ କରୁଥିବା ରାଧାକୃଷ୍ଣଙ୍କ ବିମାନ ଆସି ସାମୟିକ ରହିଥାଏ । ସାରା ଓଡ଼ିଶାର ବିଭିନ୍ନ ସ୍ଥାନରେ ଏହି ମେଲଣର ଅନନ୍ୟ ପରମ୍ପରା, ଐତିହ୍ୟ ଓ ନାମକରଣ ରହିଛି ।

ତେବେ ମୁଖ୍ୟତଃ ଏହି ଦୋଳ ମେଲଣ ତିନି ଭିନ୍ନ ଭିନ୍ନ ପ୍ରକାରର

ଫାଲଗୁନର ରାଜଦୋଳ ମେଲଣ, ଅର୍ଥାତ ଫଗୁ (ଶୁକ୍ଳପକ୍ଷ) ଦଶମୀଠାରୁ ଫଗୁଣ ପୂର୍ଣ୍ଣିମା ପର୍ଯ୍ୟନ୍ତ ।

ପଞ୍ଚୁଦୋଳ ମେଲଣ , ପାଞ୍ଚଦିନ ଅର୍ଥାତ ଫଗୁଣ ପୂର୍ଣ୍ଣିମାଠାରୁ ଚୈତ୍ରମାସ କୃଷ୍ଣ ପଞ୍ଚମୀ ପର୍ଯ୍ୟନ୍ତ ।

ଦଶଦୋଳ, ଦଶଦିନ ବ୍ୟାପୀ ମେଲଣ ଅର୍ଥାତ ଫଗୁଣ ପୂର୍ଣ୍ଣିମାଠାରୁ ଆରମ୍ଭ ହୋଇ ଚୈତ୍ର କୃଷ୍ଣ ନବମୀ ପର୍ଯ୍ୟନ୍ତ ।

ବାସ୍ତବରେ କହିବାକୁ ଗଲେ ଏହି ରାଜଦୋଳ ଉତ୍ସବ ଅର୍ଥାତ ଫଗୁଦଶମୀଠାରୁ ସମସ୍ତ ସମସ୍ତ ବୈଷ୍ଣବ ପୀଠରେ ଝୁଲଣ ମଣ୍ଡପରେ ଦୋଳିରେ ଝୁଲନ୍ତି କିମ୍ବା ସୁସଜ୍ଜିତ ବିମାନରେ ବିଜେ କରନ୍ତି ଶ୍ରୀରାଧାକୃଷ୍ଣ ଯୁଗଳ ମୂର୍ତ୍ତି ।

ଓଡ଼ିଶାର ବହୁ ପର୍ବ ପରି ଦୋଳ ଚାଚେରୀ ଆଉ ମେଲଣ ଉଭୟ ଯାତ୍ରା ଓ ସ୍ଥାନୀୟ ସମାବେଶର ଉଲ୍ଲେଖଯୋଗ୍ୟ ସମ୍ମିଶ୍ରଣ। ଶ୍ରୀ ଚୈତନ୍ୟ ଜୟନ୍ତୀ ଭାବରେ ସଂକୀର୍ତ୍ତନ, ଖୋଳ, କରତାଳର ଏହା ମହାଉତ୍ସବ ରୂପେ ପରିଗଣିତ । ଅବଶ୍ୟ, ଶ୍ରୀକୃଷ୍ଣ ଓ ଶ୍ରୀଜଗନ୍ନାଥଙ୍କ ମଧ୍ୟରେ ଅଭେଦ୍ୟତା ସ୍ଥାପିତ ହୋଇଥିବାରୁ କେତେକ ଝୁଲଣ ମଣ୍ଡପ ବା ପୀଠରେ ଶ୍ରୀକୃଷ୍ଣଙ୍କ ସ୍ଥାନରେ ଜଗନ୍ନାଥଙ୍କ ମୂର୍ତ୍ତି ଶୋଭାପାଇଥାଏ ।

COASTAL NEWS ODIA ଚନ୍ଦ୍ରୟାନ-୩ ଅବତରଣ ସ୍ଥଳକୁ ଏବେ ‘ଶିବ ଶକ୍ତି' ନାମରେ ମିଳିଲା ମଞ୍ଜୁରି, ପିଏମ ମୋଦି କରିଥିଲେ ଆବେଦନ

COASTAL NEWS ODIA 1788

ଚନ୍ଦ୍ରୟାନ-୩ ଅବତରଣ ସ୍ଥଳକୁ ଏବେ ‘ଶିବ ଶକ୍ତି' ନାମରେ ମିଳିଲା ମଞ୍ଜୁରି, ପିଏମ ମୋଦି କରିଥିଲେ ଆବେଦନ  

ନୂଆଦିଲ୍ଲୀ - (CNO) ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ)ର ଚନ୍ଦ୍ରଯାନ-୩ ଅଭିଯାନର ବିକ୍ରମ ଲ୍ୟାଣ୍ଡର ଚନ୍ଦ୍ରରେ ଅବତରଣ କରିଥିବା ସ୍ଥାନର ଆନ୍ତର୍ଜାତିକ ଜ୍ୟୋତିର୍ବିଜ୍ଞାନ ସଂଘ (ଆଇଏୟୁ)ର ଅନୁମୋଦନ ପରେ ଆନୁଷ୍ଠାନିକ ଭାବେ 'ଶିବ ଶକ୍ତି' ନାମରେ ନାମିତ କରାଯାଇଛି । 

ଭାରତର ଚନ୍ଦ୍ରୟାନ -୩ ର ସଫଳ ଅବତରଣ ବିଶ୍ୱର ସମସ୍ତ ଦେଶର ସ୍ପେସ ଏଜେନ୍ସିଗୁଡ଼ିକୁ ଆଶ୍ଚର୍ଯ୍ୟ କରିଥିଲା । ଏହି ସଫଳତା ପରେ, ୨୬ ଅଗଷ୍ଟ ୨୦୨୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚନ୍ଦ୍ରୟାନ -୩ ର ଅବତରଣ ସ୍ଥାନକୁ 'ଶିବ ଶକ୍ତି ପଏଣ୍ଟ' ବୋଲି କହିଥିଲେ । 

ଅବତରଣ ସ୍ଥଳକୁ 'ଶିବ ଶକ୍ତି' ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିବାର ପ୍ରାୟ ସାତ ମାସ ପରେ ଏହି ମଞ୍ଜୁରି ମିଳିଛି । ଚନ୍ଦ୍ରାୟନ -୩ ୧୪ ଜୁଲାଇ ୨୦୨୩ରେ ଲଞ୍ଚ କରାଯାଇଥିଲା । 

ଏହା ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ଏକ ଖଠଗ୩-ଗ୪ ରକେଟରେ ଉତକ୍ଷେପଣ କରାଯାଇଥିଲା । ବିକ୍ରମ ଲ୍ୟାଣ୍ଡର ଅଗଷ୍ଟ ୨୩ ରେ ସା ୫ଟା ୪ ରେ ଚନ୍ଦ୍ର ପୃଷ୍ଠରେ ପାଦ ଦେଇଥିଲା । ଏହାର ମୋଟ ମୂଲ୍ୟ ୬୧୫ କୋଟି ଟଙ୍କା ଥିଲା । 

COASTAL NEWS ODIA 1787 ଆସିବ ପ୍ରାର୍ଥୀ ତାଲିକା ବିଜେପି ଦଳ ସଂଶୟ ର ହେବ ଶେଷ

COASTAL NEWS ODIA 1787

ଆସିବ ପ୍ରାର୍ଥୀ ତାଲିକା ବିଜେପି ଦଳ ସଂଶୟ ର ହେବ ଶେଷ

ନୂଆଦିଲ୍ଲୀ - (CNO) ଦିଲ୍ଲୀ ବିଜେପି ମୁଖ୍ୟାଳୟରେ ବିଳମ୍ବିତ ରାତି ଯାଏ ଚାଲିଲା ଦଳର କେନ୍ଦ୍ରୀୟ ନିର୍ବାଚନ କମିଟି ବୈଠକ । ଏହି ବୈଠକରେ ଓଡ଼ିଶା ବାବଦରେ ଆଲୋଚନା ହୋଇଥିବା ସୂଚନା ଦେଇଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ଓଡ଼ିଶାର ପଲିଟିକାଲ ସିଚ୍ୟୁଏସନ ଓ ଷ୍ଟ୍ରାଟେଜି ବାବଦରେ ଆଲୋଚନା ହୋଇଥିବା ବୈଠକ ପରେ ଗଣମାଧ୍ୟମକୁ କହିଛନ୍ତି ମନମୋହନ ସାମଲ ।

ଗତକାଲି ବିଳମ୍ବିତ ରାତି ପର୍ଯ୍ୟନ୍ତ ଚାଲିଥିବା ବିଜେପି ସିଇସି ବୈଠକରେ ଓଡ଼ିଶା ସମେତ ଉତ୍ତରପ୍ରଦେଶ, ପଶ୍ଚିମବଙ୍ଗ, ରାଜସ୍ଥାନ ଓ ଆନ୍ଧ୍ରପ୍ରଦେଶର ପ୍ରାର୍ଥୀ ତାଲିକା ବାବଦରେ ଆଲୋଚନା ହୋଇଥିବା ସୂଚନା ମିଳିଛି। ଆଜି ଏହି ସବୁ ରାଜ୍ୟ ପାଇଁ ବିଜେପି ପ୍ରାର୍ଥୀ ତାଲିକା ଜାରି କରିପାରେ । ଗତକାଲି ରାତିରେ ବିଜେପିର ଶୀର୍ଷ ନେତାଙ୍କୁ ନେଇ ୩ ଘଣ୍ଟା ଧରି ବସିଥିବା ବୈଠକରେ ପ୍ରାର୍ଥୀ ତାଲିକା ଚୂଡ଼ାନ୍ତ ହୋଇଥିବା ସୂଚନା ମିଳିଛି ।

ସିଇସି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରମୁଖ ଯୋଗ ଦେଇଥିଲେ । ତେବେ ଓଡ଼ିଶାର ସମସ୍ତ ୨୧ ଲୋକସଭା ଆସନ ଉପରେ ଚର୍ଚ୍ଚା ହୋଇଥିବା ସୂଚନା ମିଳିଛି ।

ଖବର ସରବରାହ ସଂସ୍ଥା ANI ସୂତ୍ରରୁ ମିଳିଥିବା ଖବର ଅନୁଯାୟୀ ସମ୍ବଲପୁର ଲୋକସଭାରୁ ଧର୍ମେନ୍ଦ୍ର ପ୍ରଧାନ, ପୁରୀ ଲୋକସଭା ଆସନରୁ ସମ୍ବିତ ପାତ୍ର ଓ ଭୁବନେଶ୍ୱର ଲୋକସଭା ଆସନରୁ ଅପରାଜିତା ଷଡ଼ଙ୍ଗୀଙ୍କୁ ପ୍ରାର୍ଥୀ କରାଯାଇପାରେ । ତେବେ ଦୁଇ ଜଣ ସାଂସଦ ତାଲିକାରୁ ବାଦ ପଡ଼ିଥିବା ANI ସୂତ୍ରରୁ ଖବର ମିଳିଛି ।ଅନ୍ୟପଟେ କଂଗ୍ରେସର ଚତୁର୍ଥ ପର୍ଯ୍ୟାୟ ଲୋକସଭା ପ୍ରାର୍ଥୀ ଘୋଷଣା। ଚତୁର୍ଥ ପର୍ଯ୍ୟାୟରେ ଉତ୍ତରପ୍ରଦେଶ, ମଧ୍ୟପ୍ରଦେଶ, ମହାରାଷ୍ଟ୍ର ଓ ତାମିଲନାଡୁ ସମେତ ୧୨ଟି ରାଜ୍ୟର ୪୬ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ । 

ପ୍ରମୁଖ ନେତାଙ୍କ ମଧ୍ୟରେ ବାରାଣସୀରୁ ଲଢ଼ିବେ ୟୁପି କଂଗ୍ରେସ ସଭାପତି ଅଜୟ ରାୟ। ସେଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ପ୍ରତିଦ୍ବନ୍ଦ୍ବୀତା କରିବେ ଅଜୟ। ଦିଗବିଜୟ ସିଂ ମଧ୍ୟପ୍ରଦେଶ ରାଜଗଡ଼ରୁ ଏବଂ ଦାନିଶ ଅଲି ଉତ୍ତରପ୍ରଦେଶ ଅମରୋହାରୁ ପ୍ରାର୍ଥୀ ହେବେ ।

...

COASTAL NEWS ODIA କେଜ୍ରିୱାଲ କୋଟି କୋଟି ଭାରତୀୟଙ୍କ ହୃଦୟ ଭଙ୍ଗିଛନ୍ତି, କହି ବର୍ଷିଲେ ଆନ୍ନା ହଜାରେ

COASTAL NEWS ODIA 1786

କେଜ୍ରିୱାଲ କୋଟି କୋଟି ଭାରତୀୟଙ୍କ ହୃଦୟ ଭଙ୍ଗିଛନ୍ତି, କହି ବର୍ଷିଲେ ଆନ୍ନା ହଜାରେ

ନୂଆଦିଲ୍ଲୀ - (CNO) ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫ ପରେ ସମାଜସେବୀ ଆନ୍ନା ହଜାରେଙ୍କ ବିବୃତ୍ତି ସାମ୍ନାକୁ ଆସିଛି। ସେ ପ୍ରେସ ନୋଟରେ କହିଛନ୍ତି, 'ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ମୋତେ ଅତ୍ୟନ୍ତ ଦୁଃଖିତ କରୁଛି । 

ସବୁଠାରୁ ବଡ ବିଡମ୍ବନାର ବିଷୟ ଯେ ଜନଲୋକପାଲ ଆନ୍ଦୋଳନରେ ମୋର ସହଯୋଗୀ ଥିବା କେଜ୍ରିୱାଲଙ୍କୁ ଏକ ଦୁର୍ନୀତି ମାମଲାରେ ଗିରଫ କରାଯାଇଛି। କୋଟି କୋଟି ଭାରତୀୟଙ୍କ ବିଶ୍ୱାସକୁ ଭାଙ୍ଗି ଦେଇଛନ୍ତି କେଜ୍ରିୱାଲ ।

ଆନ୍ନା ହଜାରେ କହିଛନ୍ତି, 'ଏଭଳି ଆଚରଣ ଦ୍ୱାରା ଲୋକମାନେ ସାମାଜିକ ଆନ୍ଦୋଳନରେ କାର୍ଯ୍ୟ କରୁଥିବା କର୍ମୀଙ୍କ ଉପରେ ଆତ୍ମବିଶ୍ୱାସ ହରାଇବେ। ଏହା ସ୍ପଷ୍ଟ ହୋଇଯାଇଛି ଯେ ଏକ ପବିତ୍ର ଆନ୍ଦୋଳନ ରାଜନୈତିକ ଲାଭ ପାଇଁ ବ୍ୟବହୃତ ହୋଇଥିଲା ।

ଆନ୍ନା କହିଛନ୍ତି, 'ଏହି ଘଟଣାରେ ମୁଁ ଆଶ୍ଚର୍ଯ୍ୟ ଏବଂ ନିରାଶ ହୋଇଛି। ଶେଷ ପର୍ଯ୍ୟନ୍ତ ଏହି ଘଟଣାର ଅନୁସନ୍ଧାନ କରାଯିବା ଉଚିତ୍। ମୁଁ ଆଶା କରୁଛି ଯେ ପୁଙ୍ଖାନୁପୁଙ୍ଖ ଅନୁସନ୍ଧାନ ପରେ ସତ୍ୟ ଜନସାଧାରଣଙ୍କ ନିକଟରେ ପହଞ୍ଚିବ ଏବଂ ଦୋଷୀକୁ ଦଣ୍ଡ ଦିଆଯିବ। ସେ କହିଛନ୍ତି, ଦୁଃଖର ବିଷୟ ଯେ ରାଜନୈତିକ ଅଭିଳାଷ ପାଇଁ ଏକ ଆନ୍ଦୋଳନ ନଷ୍ଟ ହୋଇଯାଇଥିଲା। ଆଜି ସେହି ଆନ୍ଦୋଳନର ରାଜନୈତିକ ବିକଳ୍ପ ମଧ୍ୟ ବିଫଳ ହୋଇଛି। ଏହା ଦୁର୍ଭାଗ୍ୟଜନକ ।

COASTAL NEWS ODIA 1785 ହୀରାକୁଦରେ ବ୍ୟାପୁଛି ଝାଡ଼ାବାନ୍ତି: ଜଣେ ମୃତ, ୪୯ ଆକ୍ରାନ୍ତ

COASTAL NEWS ODIA 1785

ହୀରାକୁଦରେ ବ୍ୟାପୁଛି ଝାଡ଼ାବାନ୍ତି: ଜଣେ ମୃତ, ୪୯ ଆକ୍ରାନ୍ତ 

ହୀରାକୁଦ - (CNO) ହୀରାକୁଦରେ ବ୍ୟାପୁଛି ଡାଇରିଆ । ମିଳିଥିବା ସୂଚନା ଅନୁସାରେ, ଡାଇରିଆରେ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୪୯ ଜଣ ଗୁରୁତର ଆକ୍ରନ୍ତ ହୋଇଛନ୍ତି । ସେମାନଙ୍କ ମଧ୍ୟରୁ ୫ ଅବସ୍ଥା ଅଧିକ ବିଗିଡିବାରୁ ତାଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି । ସେହିପରି ହୀରାକୁଦ ମେଡିକାଲରେ ଅନେକଙ୍କର ଚିକିତ୍ସା ଜାରି ରହିଛି । ସ୍ୱତନ୍ତ୍ର ଡାକ୍ତରୀ ଟିମ୍ ଗ୍ରାଉଣ୍ତ ସ୍ଥିତିରେ ପହଞ୍ଚ ସ୍ଥିତି ଅନୁଧ୍ୟାନ କରିବେ । ସେହିପରି ଜଳ ନମୁନା ସଂଗ୍ରହ କରି ପରୀକ୍ଷା ପାଇଁ ପଠା ଯାଇଛି ଏନେଇ ସୂଚନା ଦେଇଛନ୍ତି ସମ୍ବଲପୁର ଜଲସ୍ୱାସ୍ଥ୍ୟ ADMO । 

ସୂଚନା ଅନୁସାରେ, ହୀରାକୁଦ ସହରର ନ୍ୟୁ ମାର୍କେଟ୍ କଲୋନି, ମାଛପଡ଼ା, ଗୁରୁଦ୍ୱାରାପଡ଼ା, ଗୌଡ଼ପଡ଼ା, କାଲୋପଡ଼ା ଅଞ୍ଚଳରେ ଛାଡାବାନ୍ତି ସଂକ୍ରମଣ ବ୍ୟାପିବାରେ ଲାଗିଛି । ତେବେ ଦୂଷିତ ପାନୀୟ ଜଳ ପାଇଁ ଡାଇରିଆ ବ୍ୟାପୁଥିବା ସନ୍ଦେହ କରାଯାଉଛି । ମୋବାଇଲ୍ ହେଲଥ ୟୁନିଟ୍ ବର୍ତ୍ତମାନ ସ୍ଥିତି ଉପରେ ନଜର ରଖିଛି । ସ୍ୱାସ୍ଥ୍ୟ ବିଭାଗ ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ, ପିଇବା ପାଣି ପାଇଁ ଡାଇରିଆ ବ୍ୟାପିବାରେ ଲାଗିଛି । ପାଣିକୁ ବିଶୁଦ୍ଧ କରାଯାଉ ନାହିଁ । ପ୍ରାୟ ୪ଟି ସ୍ଥାନରୁ ପାନୀୟ ଜଳ ନମୂନା ସଂଗ୍ରହ କରାଯାଇ ଟେଷ୍ଟା ପାଇଁ ପଠାଯାଇଛି ଏହାସହ ସ୍ୱାସ୍ଥ୍ୟ ବିଭାଗର ଟିମ୍ ଡୋର ଟୁ ଡୋର ବୁଲି ଲୋକଙ୍କୁ ସତର୍କ ରହିବା ପାଇଁ ସୂଚନା ଦେଉଛି । 

ନିର୍ବାଚନ 2024: ମେଣ୍ଟରେ ଲାଗିଲା ବିରାମ, ଆଜି ଠୁ ସରଗରମ ହେବ ପ୍ରଚାର ମୈଦାନ

COASTAL NEWS ODIA

ନିର୍ବାଚନ 2024: ମେଣ୍ଟରେ ଲାଗିଲା ବିରାମ, ଆଜି ଠୁ ସରଗରମ ହେବ ପ୍ରଚାର ମୈଦାନ 

ଭୁବନେଶ୍ବର - (CNO) ଆଉ ଦିନ କେଇଟା ପରେ ରାଜ୍ୟରେ ହେବ ମତଦାନ । ଏ ନେଇ ତାରିଖ ଘୋଷଣା ହୋଇଥିଲେ ମଧ୍ୟ ରାଜନୈତିକ ମହଲରେ ପ୍ରଚାର ମୈଦାନ ଖାଲି ପଡ଼ିଥିଲା । ରାଜ୍ୟରେ ବିଜେପି-ବିଜେଡ଼ି ମେଣ୍ଟ ହେବା ନେଇ ଜୋରଦାର ଚର୍ଚ୍ଚା ମଧ୍ୟରେ ଘାଣ୍ଟି ହୋଇ ଦ୍ୱନ୍ଦରେ ଥିଲେ ଉଭୟ ଦଳର ନେତା ଓ କର୍ମୀ । 

ଗତକାଲି(ଶୁକ୍ରବାର) ମେଣ୍ଟ ନେଇ ଚିତ୍ର ସ୍ପଷ୍ଟ ହେବା ପରେ ଆଜି ଠାରୁ ଜୋରଦାର ହେବ ପ୍ରଚାର । ବିଜେପି-ବିଜେଡ଼ି ମେଣ୍ଟ ଚର୍ଚ୍ଚାରେ ଗତକାଲି ଲାଗିଥିଲା ବିରାମ । ବିଜେପି ରାଜ୍ୟର ସମସ୍ତ 21 ଲୋକସଭା ଓ 147 ବିଧାନସଭା ଆସନରେ ଏକାକୀ ଲଢିବ ବୋଲି ସ୍ପଷ୍ଟ କରିଥିଲେ ରାଜ୍ୟ ବିଜେପି ସଭାପତି ମନମୋହନ ସାମଲ । 

ଏହା ପରେ ବିଜେଡ଼ି ମଧ୍ୟ ଏକାକୀ ଲଢିବ ବୋଲି ବାର୍ତ୍ତା ଦେଇଛନ୍ତି ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ମେଣ୍ଟ ହେବାକୁ ନେଇ ଦୁଇ ଦଳ ମଧ୍ୟରେ ଆଲୋଚନା ହେଉଥିବା ବୋଲି ଅନେକ ସୂଚନା ରହିଥିଲା । ମେଣ୍ଟ ହେଲେ କାହା ଭାଗରେ କେଉଁ ଆସନ ପଡ଼ିବ, କେଉଁ ଆସନରୁ କେଉଁ ଦଳ କାହାକୁ ପ୍ରାର୍ଥୀ କରିବ ସେ ନେଇ ଦ୍ୱନ୍ଦରେ ଥିବାରୁ ତୃଣମୂଳ ସ୍ତରରେ ନେତା ମାନେ ପ୍ରଚାର ମଧ୍ୟ କରିପାରୁନଥିଲେ । 

ଏହା ସହ କୌଣସି ଦଳ ପ୍ରାର୍ଥୀ ତାଲିକା ଘୋଷଣା ନ କରିବା ମଧ୍ୟ ପ୍ରଚାର ମୈଦାନ ଖାଲି ପଡ଼ିବାର ଆଉ ଏକ ବଡ଼ କାରଣ । କିନ୍ତୁ, ବର୍ତ୍ତମାନ ସମସ୍ତ ଚିତ୍ର ସ୍ପଷ୍ଟ ହେବା ପରେ ରାଜ୍ୟ ରାଜନୀତି ବେଶ୍ ଚଳଚଞ୍ଚଳ ହୋଇଉଠିଛି । ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ପ୍ରତ୍ୟେକ ଦିନ ଦୁଇ - ତିନି ସଂସଦୀୟ କ୍ଷେତ୍ରର ସମୀକ୍ଷା କରିବା ସହ ସ୍ଥାନୀୟ ବିଧାୟକ ଓ ନେତାଙ୍କ ସହ ଆଲୋଚନା କରୁଛନ୍ତି । 

ଅପରପକ୍ଷରେ ବିଜେପି ମଧ୍ୟ ଏହାର ପ୍ରାର୍ଥୀ ତାଲିକା ପ୍ରସ୍ତୁତ କରି ଚୂଡ଼ାନ୍ତ କରିବାକୁ କେନ୍ଦ୍ର ନେତୃତ୍ୱଙ୍କ ନିକଟରେ ଦାଖଲ କରିଥିବା ଜଣାପଡ଼ିଛି । ଏହା ବାଦ୍ ବିଜେଡ଼ି-ବିଜେପି ମଧ୍ୟରେ ମେଣ୍ଟ ହେଲେ ଫାଇଦା ନେବାକୁ ଆଶା ରଖିଥିବା କଂଗ୍ରେସ ମଧ୍ୟ ଏହାର ରଣନୀତି ପ୍ରସ୍ତୁତ କରିସାରିଛି । ନିକଟରେ କଂଗ୍ରେସ କହିଥିଲା, ଦଳ ପ୍ରାର୍ଥୀ ତାଲିକା ପ୍ରସ୍ତୁତ କରି ରଖିଛି । 

ବିଜେପି ଓ ବିଜେଡିର ମେଣ୍ଟକୁ ନେଇ ସସପେନ୍ସ ରହିଥିବାରୁ କଂଗ୍ରେସ ମଧ୍ୟ ଜଗି ରହି ମୈଦାନକୁ ଓହ୍ଲାଇବା ଠିକ୍ ହେବ ବୋଲି ବିଚାର କରିଥିଲା । ଏବେ କିନ୍ତୁ ମେଣ୍ଟ ଚର୍ଚ୍ଚାରେ ପୂର୍ଣ୍ଣଛେଦ ପଡିଥିବାରୁ ତିନି ଦଳ ଖୁବଶୀଘ୍ର ପ୍ରାର୍ଥୀ ଘୋଷଣା କରିପାରନ୍ତି ।

COASTAL NEWS ODIA 1782 ଏକ୍ସାଇଜ୍ ପଲିସି ମାମଲା: ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଅଫିସର ଙ୍କ ଦ୍ଵାରା ଦିଲ୍ଲୀ ସିଏମ କେଜ୍ରିୱାଲଙ୍କୁ ଗିରଫ

COASTAL NEWS ODIA 1782

ଏକ୍ସାଇଜ୍ ପଲିସି ମାମଲା: ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଅଫିସର ଙ୍କ ଦ୍ଵାରା ଦିଲ୍ଲୀ ସିଏମ କେଜ୍ରିୱାଲଙ୍କୁ ଗିରଫ 

 

ନୂଆଦିଲ୍ଲୀ - (CNO) ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଟିମ୍ ଗୁରୁବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଏକ ଏକ୍ସାଇଜ୍ ନୀତି ସହ ଜଡିତ ମନି ଲଣ୍ଡରିଂ ମାମଲାରେ ଗିରଫ କରିଛି।

ଗଣମାଧ୍ୟମ ରିପୋର୍ଟ ଅନୁଯାୟୀ, ଏନଫୋର୍ସମେଣ୍ଟ ନିର୍ଦ୍ଦେଶାଳୟ ର ଏକ  12 ଜଣିଆ ଇଡି ଅଧିକାରୀ ଆଜି ସନ୍ଧ୍ୟାରେ କେଜ୍ରିୱାଲଙ୍କ ବାସଭବନରେ ପହଞ୍ଚି ତାଙ୍କୁ ସର୍ଚ୍ଚ ୱାରେଣ୍ଟ ସହିତ ଡାକରା ଦେଇଥିଲେ।  କେଜ୍ରିୱାଲ ପୂର୍ବରୁ ଏହି ମାମଲାରେ ଏଜେନ୍ସିର ଏକାଧିକ ସମନ ଛାଡିଥିଲେ।  କେଜ୍ରିୱାଲଙ୍କ ଗିରଫ ପରେ ଗଣମାଧ୍ୟମ ସହ କଥାବାର୍ତ୍ତା କରୁଥିବାବେଳେ ଏଏପିର ଆତିଶି କହିଛନ୍ତି ଯେ ଅରବିନ୍ଦ କେଜ୍ରିୱାଲ ଦିଲ୍ଲୀର ମୁଖ୍ୟମନ୍ତ୍ରୀ ଅଟନ୍ତି ଏବଂ ରହିବେ।

ଦିଲ୍ଲୀ ସିଏମଙ୍କ ବାସଭବନ ବାହାରେ ରାପିଡ୍ ଆକ୍ସନ୍ ଫୋର୍ସ (ଆରଏଫ୍) ମଧ୍ୟ ନିୟୋଜିତ କରାଯାଇଛି।  ଦିଲ୍ଲୀର ମଦ ନୀତି ମାମଲାରେ ତାଙ୍କୁ ଦିଆଯାଇଥିବା ଇଡି ସମନ ସଂପର୍କରେ କେଜ୍ରିୱାଲଙ୍କୁ ବାଧ୍ୟତାମୂଳକ କାର୍ଯ୍ୟରୁ କୌଣସି ମଧ୍ୟବର୍ତ୍ତୀକାଳୀନ ସୁରକ୍ଷା ଦେବାକୁ ମନା କରିଦେବା ପରେ ଇଡି ଦ୍ୱାରା ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।  

ନୂତନ ମଧ୍ୟବର୍ତ୍ତୀକାଳୀନ ଆବେଦନ ଉପରେ ଇଡି ପକ୍ଷରୁ ଉତ୍ତର ମାଗି ହାଇକୋର୍ଟ କହିଛନ୍ତି ଯେ ଆମେ ମଧ୍ୟବର୍ତ୍ତୀକାଳୀନ ସହାୟତା ପ୍ରଦାନ କରିବାକୁ ଇଚ୍ଛୁକ ନୁହଁ।  ଏହି ବେଞ୍ଚ ଏପ୍ରିଲ୍ 22 ରେ ଆମ୍ ଆଦମୀ ପାର୍ଟି (AAP) ନେତାଙ୍କ ଆବେଦନକୁ ତାଲିକାଭୁକ୍ତ କରିଛି ଯେତେବେଳେ ଡାକରାକୁ ଚ୍ୟାଲେଞ୍ଜ କରୁଥିବା ତାଙ୍କର ମୁଖ୍ୟ ଆବେଦନ ଶୁଣାଣି ପାଇଁ ସ୍ଥିର ହୋଇଛି ଏବଂ ଏହାର ପ୍ରତିକ୍ରିୟା ଦାଖଲ କରିବାକୁ ଇଡିଙ୍କୁ କହିଛି।

କେଜ୍ରିୱାଲଙ୍କ ଲିଗାଲ୍ ଟିମ୍ ଆଜି ସନ୍ଧ୍ୟାରେ ଦିଲ୍ଲୀ ହାଇକୋର୍ଟ ଙ୍କ ଆଦେଶ ବିରୋଧରେ ସୁପ୍ରିମକୋର୍ଟଙ୍କ ନିକଟକୁ ଯାଇଥିଲେ।  ତେବେ ଗଣମାଧ୍ୟମର ରିପୋର୍ଟ ଅନୁଯାୟୀ, ଶୁକ୍ରବାର ସକାଳ ପୂର୍ବରୁ ଇଡି ରେଡ୍ ଉପରେ କେଜ୍ରିୱାଲଙ୍କ ଆବେଦନ ଶୁଣାଣି ହେବ ନାହିଁ।  ଗଣମାଧ୍ୟମର ରିପୋର୍ଟ ଅନୁଯାୟୀ, କେଜ୍ରିୱାଲ ଶୁକ୍ରବାର ଦିନ ସୁପ୍ରିମକୋର୍ଟଙ୍କ ନିକଟରେ ଆବେଦନ କରିବେ।

COASTAL NEWS ODIA 1781 କଂଗ୍ରେସ ବ୍ୟାଙ୍କ ଆକାଉଣ୍ଟ ହେଲା ଫ୍ରିଜ୍, ସରକାରଙ୍କୁ ଟାର୍ଗେଟ୍ କଲେ ମଲ୍ଲିକାର୍ଜୁନ ଖଡଗେ

COASTAL NEWS ODIA 1781

କଂଗ୍ରେସ ବ୍ୟାଙ୍କ ଆକାଉଣ୍ଟ ହେଲା ଫ୍ରିଜ୍, ସରକାରଙ୍କୁ ଟାର୍ଗେଟ୍ କଲେ ମଲ୍ଲିକାର୍ଜୁନ ଖଡଗେ  

ନୂଆଦିଲ୍ଲୀ - (CNO) ଗୁରୁବାର ଦିନ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ କହିଛନ୍ତି ଦାବି କରିଛନ୍ତି ଯେ, କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରାଯାଇଛି । କଂଗ୍ରେସ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିପାରିବ ନାହିଁ ଶାସକ ଦଳ ଏପରି କରିଛି ବୋଲି ସେ କହିଛନ୍ତି ।

କଂଗ୍ରେସ ମୁଖ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଖଡଗେ କହିଛନ୍ତି, ଆମକୁ ଦେଶର ଗଣତନ୍ତ୍ର ବଞ୍ଚାଇବାକୁ ପଡିବ ଏବଂ ଏଥିପାଇଁ ସମସ୍ତଙ୍କୁ ସମାନ ସୁଯୋଗ ମିଳିବା ଉଚିତ। ସେ ଆହୁରି ମଧ୍ୟ କହିଛନ୍ତି ଯେ, ଦେଶର ସମ୍ବଳ, ଗଣମାଧ୍ୟମ ଏବଂ ସାମ୍ବିଧାନିକ ତଥା ନ୍ୟାୟିକ ଅନୁଷ୍ଠାନ ଉପରେ ସରକାରଙ୍କ ନିୟନ୍ତ୍ରଣ ରହିଛି ।  ଗଣତାନ୍ତ୍ରିକ ମୂଲ୍ୟବୋଧ ପାଇଁ ଭାରତ ପରିଚିତ । 

ଏଠି ପ୍ରତ୍ୟେକ ନାଗରିକ ଭୋଟ୍ ଦେବାକୁ ଆଗ୍ରହୀ । ବର୍ତ୍ତମାନ ପର୍ଯ୍ୟନ୍ତ ନିରପେକ୍ଷ ନିର୍ବାଚନ ଅନୁଷ୍ଠିତ ହୋଇଆସୁଛି । ଖଡଗେ କହିଛନ୍ତି, ତେବେ ପ୍ରତ୍ୟେକ ରାଜନୈତିକ ଦଳକୁ ସମାନ ସୁଯୋଗ ମିଳିବା ଉଚିତ । ହେଲେ ବିଜେପି ସରକାର ସମ୍ବଳ, ଗଣମାଧ୍ୟମ, ସାମ୍ବିଧାନିକ ଏବଂ ନ୍ୟାୟିକ ଅନୁଷ୍ଠାନଗୁଡ଼ିକୁ ଉପରେ କବଜା କରି ବସିଛି ବୋଲି ସେ ଦାବି କରିଛନ୍ତି । ସମସ୍ତଙ୍କୁ ସମାନ ସୁଯୋଗ ମିଳିବା ଉଚିତ୍ । 

କଂଗ୍ରେସ ସଭାପତି ଅଭିଯୋଗ କରିଛନ୍ତି ଯେ, ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ଗ୍ରହଣ କରାଯାଇଥିବା ନିର୍ବାଚନ ବଣ୍ଡର ବିବରଣୀ ଆଶ୍ଚର୍ଯ୍ୟଜନକ ଏବଂ ଲଜ୍ଜାଜନକ। ଏହା ଦେଶର ଭାବମୂର୍ତ୍ତିକୁ ନଷ୍ଟ କରୁଛି । ଗତ ୭୦ବର୍ଷ ମଧ୍ୟରେ ନ୍ୟାୟପୂର୍ଣ୍ଣ ନିର୍ବାଚନ ଆସୁଛି ।

ଏକ ସୁସ୍ଥ ଗଣତନ୍ତ୍ରର ପ୍ରତିଛବି ସୃଷ୍ଟି ହୋଇଥିଲା, କିନ୍ତୁ ଆଜି ଏହା ଉପରେ ପ୍ରଶ୍ନବାଚି ସୃଷ୍ଟି ହେଉଛି । ସେ ଆହୁରି କହିଛନ୍ତି ଯେ, ବର୍ତ୍ତମାନର ସରକାର ନିଜ ଆକାଉଣ୍ଟରେ କୋଟି କୋଟି ଟଙ୍କା ଭରିବାରେ ଲାଗିଛି । ଅନ୍ୟପକ୍ଷରେ ଖଡଗେ କହିଛନ୍ତି, ଯେ ଆମର ବ୍ୟାଙ୍କ ଆକାଉଣ୍ଟ ଫ୍ରିଜ୍ ହୋଇଯାଇଥିବା କାରଣରୁ ଆମେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିପାରିବୁ ନାହିଁ । ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଆମକୁ ସମାନ ସୁଯୋଗ ଦିଆଯାଉ ନାହିଁ। ଏହା ଶାସକ ଦଳର ଏକ ପ୍ଲାନ୍ । 

ଗଣତନ୍ତ୍ରକୁ ବଞ୍ଚାଇବାକୁ ହେଲେ ସମସ୍ତଙ୍କୁ ସମାନ ସୁଯୋଗ ମିଳିବା ଉଚିତ୍ । ସେ ଆହୁରି ମଧ୍ୟ ଅଭିଯୋଗ କହିଛନ୍ତି, ବିଜେପି ଯେଉଁ ଉପାୟରେ କିଛି କମ୍ପାନୀଠୁ ଟଙ୍କା ନେଇଛି ସେ ବିଷୟରେ ମୁଁ ଆଲୋଚନା କରିବା ପାଇଁ ଚାହେଁ ନାହିଁ । ବର୍ତ୍ତମା ଏହି ମାମଲା ସୁପ୍ରିମକୋର୍ଟରେ ରହିଛି ଏବଂ ଆଶା କରିଛୁ ଖୁବ୍ ଶୀଘ୍ର ସଠିକ୍ ଏବଂ ସତ୍ୟ ରିପୋର୍ଟ ପ୍ରକାଶ ପାଉ । କୌଣସି ରାଜନୈତିକ ଦଳ ଆୟକର ଅଧୀନରେ ଆସେ ନାହିଁ।

COASTAL NEWS ODIA 1780 ବିଜେଡ଼ି-ବିଜେପି ମେଣ୍ଟ ଚର୍ଚ୍ଚା: ‘କିଛି ବି ହେଇପାରେ, ନିଷ୍ପତ୍ତି ନେବେ ରାଷ୍ଚ୍ରୀୟ ଅଧ୍ୟକ୍ଷ ଅମିତ ଶାହା

COASTAL NEWS ODIA 1780

ବିଜେଡ଼ି-ବିଜେପି ମେଣ୍ଟ ଚର୍ଚ୍ଚା: ‘କିଛି ବି ହେଇପାରେ, ନିଷ୍ପତ୍ତି ନେବେ ରାଷ୍ଚ୍ରୀୟ ଅଧ୍ୟକ୍ଷ ଅମିତ ଶାହା 

ନୂଆଦିଲ୍ଲୀ - (CNO) ଓଡ଼ିଶାର ପୁରପଲ୍ଲୀରେ ବିଜେଡ଼ି-ବିଜେପି ମେଣ୍ଟ ଚର୍ଚ୍ଚା: ଲୋକସଭା ଓ ରାଜ୍ୟ ବିଧାନସଭା ନିର୍ବାଚନ ପୂର୍ବରୁ ଓଡ଼ିଶା ରାଜନୀତିରେ ଗତ କିଛି ଦିନ ହେବ ଜୋର୍ ଧରିଛି ମେଣ୍ଟ ଚର୍ଚ୍ଚା । ରାଜ୍ୟରେ ଶାସକ ବିଜେଡ଼ି ଓ ବିରୋଧୀ ବିଜେପି ମେଣ୍ଟ ହେବା ନେଇ ଅନେକ ଚର୍ଚ୍ଚା ହେଉଛି । ଯଦିଓ ଗତ ଦୁଇ ତିନି ଦିନ ଧରି ଏହା ସାମାନ୍ୟ ଥଣ୍ଡା ପଡ଼ିଯାଇଥିଲା, କିନ୍ତୁ ଦୁଇ ଦଳର ପ୍ରମୁଖ ନେତାଙ୍କ ବୟାନ ଏହାକୁ ପୁଣି ଉଜ୍ଜିବିତ କରିଛି । ପୁଣି ମେଣ୍ଟ ଚର୍ଚ୍ଚା ଆରମ୍ଭ ହେବା ସମୟରେ ଏକ ବଡ଼ ବୟାନ ଦେଇଛନ୍ତି ବିଜେପିର କେନ୍ଦ୍ର ନେତା ଅମିତ ଶାହା । 

ମେଣ୍ଟ ବିଷୟରେ ଏକ ପ୍ରଶ୍ନରେ ଶାହା କହିଛନ୍ତି, 'କିଛି ବି ହେଇପାରେ । ଆଗ ଏ ନେଇ ନିଷ୍ପତ୍ତି ହେଇଯାଉ ।' ଶାହାଙ୍କ ଏପରି ବିବୃତ୍ତି ପରେ ବିଜେଡି ସହ ବିଜେପିର ମେଣ୍ଟ ଚର୍ଚ୍ଚା ପୁଣି ରାଜ୍ୟ ରାଜନୀତିକୁ ସରଗରମ କରିଛି । ଏକ ଗଣମାଧ୍ୟମର କାର୍ଯ୍ୟକ୍ରମରେ ସାମିଲ ହୋଇ ଅମିତ ଶାହା ବଡ଼ ବୟାନ ଦେଇଛନ୍ତି । 'କିଛି ବି ହୋଇପାରେ । ଏ ନେଇ ରାଷ୍ଟ୍ରୀୟ ଅଧ୍ୟକ୍ଷ ନିଷ୍ପତ୍ତି ନେବେ ।' ଏହା ସହ ସେ କହିଛନ୍ତି ମେଣ୍ଟ ହେଲେ ବିଜେଡି ସହ ଲଢିବୁ । ନ ହେଲେ ରାଜ୍ୟରେ ସରକାର ଗଢିବା ଲାଗି ବିଜେପି ଏକାକୀ ଲଢିବ ।  

ବିଜେଡି ବିଜେପି ମେଂଟ ହେବ ନା ନାହିଁ । ଏଇ ଗୋଟିଏ ପ୍ରଶ୍ନର ଉତରକୁ ଅନାଇ ରହିଛି ସାରା ଓଡିଶା । ଦୁଇ ଦଳର ନେତା ଓ କର୍ମୀ ମଧ୍ୟ ଦ୍ୱନ୍ଦ୍ୱରେ ରହିଛନ୍ତି । ବିଜେପି ଓ ବିଜେଡିର ଶୀର୍ଷ ନେତୃତ୍ୱ ମେଂଟ ନେଇ ମୁହଁ ଖୋଲୁ ନାହାନ୍ତି । ଏତିକି ବେଳେ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଫାଇଭ-ଟି ଅଧ୍ୟକ୍ଷ ଭିକେ ପାpଣ୍ଡିଆନ୍ କହିଛନ୍ତି, ବୃହତର ସ୍ୱାର୍ଥ ଦୃଷ୍ଟିରୁ ମେଂଟ ହେଉଛି । ଯଦିଓ ନିର୍ବାଚନ ଜିତିବା ପାଇଁ ଉଭୟ ମେଂଟ ଆବଶ୍ୟକ କରୁନାହାନ୍ତି । କିନ୍ତୁ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ବନ୍ଧୁତା ନୀବିଡ ଏବଂ ବୃହତର ସ୍ୱାର୍ଥ ଦୃଷ୍ଟିରୁ ଦୁହେଁ ଏକାଠି ହେଉଥିବା କଥା କହିଛନ୍ତି ।

ବିଜେଡି-ବିଜେପି ମେଂଟକୁ ନେଇ ଚର୍ଚ୍ଚା ଭିତରେ, ଭି.କେ.ପାଣ୍ଡିଆନଙ୍କ ଜାତୀୟ ଗଣମାଧ୍ୟମ ନେଟୱର୍କ-୧୮ କନକ୍ଲେଭରେ ଭାଗ ନେଇ ଦେଇଥିବା ଏହି ବୟାନ ପୁଣି ଥରେ ପ୍ରସଙ୍ଗକୁ ତାଜା କରିଛି । ବିଜେଡି-ବିଜେପି ମଧ୍ୟରେ ଏବେ ବି ମେଂଟ ସମ୍ଭାବନା ରହିଛି, ବୋଲି ପାଣ୍ଡିଆନଙ୍କ ବୟାନରୁ ବାରି ହୋଇପଡୁଛି । ମେଂଟକୁ ବିଜେଡିର ଶୀର୍ଷ ନେତା ମୁହଁ ଖୋଲୁ ନଥିବାବେଳେ, ପାଣ୍ଡିଆନ ପ୍ରଥମ ଥର ପାଇଁ ଏହି ପ୍ରସଙ୍ଗରେ ମୁହଁ ଖୋଲିଛନ୍ତି । ମେଂଟ ହେବ କି ନାହିଁ ସିଧାସଳଖ କିଛି କହି ନଥିଲେ ବି ସସପେନ୍ସକୁ ଆହୁରି ବଢ଼ାଇଛନ୍ତି । ନଜର ପକାନ୍ତୁ କଣ କହିଲେ, ପାଣ୍ଡିଆନ..

ମେଂଟକୁ ନେଇ ପାଣ୍ଡିଆନଙ୍କ ପ୍ରତିକ୍ରିୟା

– ନିର୍ବାଚନ ଗଣିତକୁ ପ୍ରଭାବିତ କରିବା ପାଇଁ ଜଣେ ମେଂଟ କରିଥାଏ

– ବିଜେଡି ଓଡ଼ିଶାରେ ସରକାର ଗଢ଼ିବାକୁ ବିଜେପିର ସହଯୋଗ ଆବଶ୍ୟକ କରୁନି

– ବିଜେପି କେନ୍ଦ୍ରରେ ସରକାର ଗଢ଼ିବାକୁ ବିଜେଡିର ସହାୟତା ଆବଶ୍ୟକ କରିନପାରେ

– ନବୀନ ଓଡ଼ିଶାରେ ମୁଖ୍ୟମନ୍ତ୍ରୀ, ମୋଦୀ ଦେଶର ପ୍ରଧାନମନ୍ତ୍ରୀ ହେଉଛନ୍ତି

– ଦୁଇ ଜଣଙ୍କ ମଧ୍ୟରେ ଭଲ ବନ୍ଧୁତ୍ୱ ରହିଛି

– ରାଜନୀତିରୁ ଉଦ୍ଧ୍ୱର୍ରେ ବୃହତ୍ତର ସ୍ୱାର୍ଥ ଦୃଷ୍ଟିରୁ ଦୁଇ ବନ୍ଧୁ ଏକାଠି ହୋଇପାରନ୍ତି

– କଣ ହେବ ଖୁବଶୀଘ୍ର ଜଣାପଡିବ ?

ମେଂଟକୁ ନେଇ ବିଜେପିର ଶୀର୍ଷ ନେତୃତ୍ୱ ନିଷ୍ପତି ନେବେ ବୋଲି ଭାରତୀୟ ଜନତା ପାର୍ଟିର ରାଜ୍ୟ ସ୍ତରୀୟ ନେତା ଓ ପ୍ରଭାରୀ କହୁଛନ୍ତି ।  

ମେଂଟ ସମ୍ପର୍କରେ ବିଜେଡି ସୁପ୍ରିମୋ ନବୀନପଟ୍ଟନାୟକ ନିଷ୍ପତି ନେବେ ବୋଲି ବିଜେଡି ନେତାମାନେ କହୁଛନ୍ତି । ଅନ୍ୟପଟେ ଉଭୟ ଦଳର ଛାମୁଆ ସଂଗଠନ, ତୃଣମୂଳ ସ୍ତରର ନେତା ଓ କର୍ମୀ ମେଂଟକୁ ନେଇ ଦ୍ୱନ୍ଦ୍ୱରେ ଅଛନ୍ତି । ଆଉ ଏତିକିବେଳେ ପାଣ୍ଡିଆନ ଦିଲ୍ଲୀରେ ମେଂଟକୁ ନେଇ ଏଭଳି କହିବା ପରେ କଟାକ୍ଷ କରିଛି କଂଗ୍ରେସ । ଏପଟେ ୧୪୭ ବିଧାନସଭା ଓ ୨୧ ଲୋକସଭା ଆସନରେ ବିଜେପି ଏକାକୀ ଲଢିବା ପାଇଁ ପ୍ରସ୍ତୁତ ହେଉଥିବା ବେଳେ ପ୍ରଧାନମନ୍ତ୍ରୀ ଓ ରାଷ୍ଟ୍ରୀୟ ଅଧ୍ୟକ୍ଷ ଚାହିଁଲେ ମେଂଟ ହୋଇପାରେ ବୋଲି କହିଛନ୍ତି ବିଜେପି ବିଧାୟକ ।

ତେବେ ପ୍ରାୟ ଦୁଇ ସପ୍ତାହ ଧରି ଚାଲିଥିବା ମେଂଟ ଚର୍ଚ୍ଚା ଏବେ ଭିନ୍ନ ଏକ ମୋଡ଼ରେ ପହଂଚିଛି ଯେତେବେଳେ ଫାଇଭ୍-ଟି ଅଧ୍ୟକ୍ଷ ଭି.କେ ପାଣ୍ଡିଆନଙ୍କ ବୟାନ ଆସିଛି ।

ରାଜ୍ୟରେ ବିଜେପିର ଆସନକୁ ନେଇ ଶାହା କହିଛନ୍ତି, 'ନିଶ୍ଚିତ ଭାବେ ଲୋକସଭା ଓ ବିଧାନସଭାରେ ଆମ ସଂଖ୍ୟା ବଢ଼ିବ । ଓଡ଼ିଶାରେ ଆମ ଶକ୍ତିରେ ବଡ଼ ଅଭିବୃଦ୍ଧି ହେବ । ଏହା ବାଦ୍ ଦିନକ ପୂର୍ବରୁ 5ଟି ଅଧ୍ୟକ୍ଷ ଭିକେ ପାଣ୍ଡିଆନ ଦେଇଥିବା ମନ୍ତବ୍ୟକୁ ନେଇ ଶାହା କହିଛନ୍ତି, 'ସବୁ ମେଣ୍ଟ ଆବଶ୍ୟକତା ପାଇଁ ହୁଏନି । ଅନେକ ସମୟରେ ଅନେକ ଦଳ ଆମକୁ ବିଭିନ୍ନ ପ୍ରସଙ୍ଗରେ ସମର୍ଥନ ଦେଇଛନ୍ତି । ରାଷ୍ଟ୍ରର ହିତ ପାଇଁ ଆମକୁ ଅନେକ ଦଳ ସମର୍ଥନ ଦେଇଛନ୍ତି । ଏହାରି ଗଣତନ୍ତ୍ରର ସୁନ୍ଦରତା ।' 

ଦିନକ ପୂର୍ବରୁ 5ଟି ଅଧ୍ୟକ୍ଷ ଭି କେ ପାଣ୍ଡିଆନ୍ ଗଣମାଧ୍ୟମର ଏକ କାର୍ଯ୍ୟକ୍ରମରେ ସାମିଲ ହୋଇ ମେଣ୍ଟ ଉପରେ ମଧ୍ୟ ବୟାନ ଦେଇଥିଲେ । ରାଜ୍ୟରେ ବିଜେଡ଼ିକୁ ସରକାର ଗଢିବାକୁ ବିଜେପିର ଆବଶ୍ୟକତା ନାହିଁ କିମ୍ବା କେନ୍ଦ୍ରରେ ବିଜେପିକୁ ସରକାର ଗଢିବା ପାଇଁ ବିଜେଡ଼ିର ଆବଶ୍ୟକତା ନାହିଁ । ଯଦି ମେଣ୍ଟ ହୁଏ, ତେବେ ବୃହତ୍ତର ସ୍ୱାର୍ଥ ଦୃଷ୍ଟିରୁ ହୋଇପାରେ ବୋଲି କହିଥିଲେ ପାଣ୍ଡିଆନ୍ । 

ଏହା ପରେ ଅମିତ ଶାହାଙ୍କ ଏପରି ବୟାନ ରାଜ୍ୟରେ ଦୁଇ ଦଳ ମଧ୍ୟରେ ମେଣ୍ଟ ହେବା ଚର୍ଚ୍ଚାକୁ ଆହୁରି ଖୋରାକ୍ ଯୋଗାଇଛି । ତେବେ ଆଜିକାଲି ମଧ୍ୟରେ ଏ ନେଇ ଚିତ୍ର ସ୍ପଷ୍ଟ ହୋଇପାରେ ବୋଲି ମଧ୍ୟ ସୂଚନା ରହିଛି । ଦୁଇ ଦଳ ମେଣ୍ଟ କରିବେ ନା ଏକାକୀ ନିର୍ବାଚନୀ ମୈଦୀନକୁ ଓହ୍ଲାଇବେ ତାହା ଉପରେ ରହିଛି ସମସ୍ତଙ୍କ ନଜର ।

COASTAL NEWS ODIA 1779 ମେଣ୍ଟ ନିଶ୍ଚିତ, ସରିଲା ଆସନ ବୁଝାମଣା, ମୋଦି ନବୀନଙ୍କ ମିଳିତ ଘୋଷଣାକୁ ଅପେକ୍ଷା

COASTAL NEWS ODIA 1779

ମେଣ୍ଟ ନିଶ୍ଚିତ, ସରିଲା ଆସନ ବୁଝାମଣା, ମୋଦି ନବୀନଙ୍କ ମିଳିତ ଘୋଷଣାକୁ ଅପେକ୍ଷା 

ଭୁବନେଶ୍ବର - (CNO) ଓଡିଶାରେ ମେଣ୍ଟ ହେବ, ଏହି ଚର୍ଚ୍ଚା କିଛିଦିନ ଧରି ନିରବତା ପରେ ଏବେ ପୁଣି ସକ୍ରିୟ ହୋଇ ଉଠିଛି। ନୂଆଦିଲ୍ଲୀରେ ଏହି ଚର୍ଚ୍ଚା ଅଧିକ ପରିଲକ୍ଷିତ ହୋଇଛି। ରାଜ୍ୟରେ ବିଜେଡି ବିଜେପି ମେଣ୍ଟ ହେବ। ବର୍ତ୍ତମାନ ତାହା ଶେଷ ପର୍ଯ୍ୟାୟରେ ପହଞ୍ଚିଛି ବୋଲି ବିଶେଷ ସୁତ୍ରରୁ ଜଣାପଡିଛି।

ଦୀର୍ଘଦିନ ଧରି ଆସନ ବୁଝାମଣା ନେଇ ବିଜେଡି ବିଜେପି ମଧ୍ୟରେ ଚାଲିଥିଲା ତର୍କ ବିତର୍କ।

ଫଳରେ ଏହା ଚୁଡାନ୍ତ ରୂପ ନେଇ ପାରୁ ନ ଥିଲା। ବର୍ତ୍ତମାନ ବିଜେପିର ଶୀର୍ଷ ନେତୃତ୍ବଙ୍କର ଚାପ ପରେ ରାଜ୍ୟ ବିଜେପି ରାଜି ହୋଇଥିବାର ଜଣାପଡିଛି।

ଦିଲ୍ଲୀର ଏକ ପ୍ରଭାବଶାଳି ସୁତ୍ର ଅନୁସାରେ ଦୁଇ ଦଳ ଆସନ ଭାଗବଣ୍ଟା ଫର୍ମୁଲାକୁ ଅନ୍ତିମ ରୂପରେଖ ଦେଇସାରିଛନ୍ତି। ସେହି ଅନୁଯାୟୀ ଲୋକସଭା ନିର୍ବାଚନରେ ଓଡ଼ିଶାର ମୋଟ ୨୧ଟି ଆସନ ମଧ୍ୟରୁ ବିଜେପି ୧୪ ଟିରେ ପ୍ରତିଦ୍ୱନ୍ଦୀତା କରିବ। ଆଉ ବିଜେଡି ୭ଟି ଆସନରେ ନିଜର ପ୍ରାର୍ଥୀ ଦେବ ବୋଲି ରାଜି ହୋଇଛି। ପୂର୍ବରୁ ବିଜେଡି ଲୋକସଭା ପାଇଁ ଅଧିକ ଆସନ ଦାବୀ କରୁଥିଲା।

ସେହିପରି ରାଜ୍ୟ ବିଧାନସଭାର ୧୪୭ ଟି ଆସନ ମଧ୍ୟରୁ ଶାସକ ବିଜେଡି ୧୦୬ ଟି ଆସନରେ ପ୍ରାର୍ଥୀ ଦେବ। ସହଯୋଗୀ ବିଜେପି ୪୧ ଟି ଆସନରେ ପ୍ରାର୍ଥୀ ଦେବାକୁ ଯାଉଛନ୍ତି। ତେବେ ଉଭୟ ଦଳ ନବୀନ ପଟ୍ଟନାୟକଙ୍କୁ ଏହି ମେଣ୍ଟର ନେତା ଏବଂ ଭାବି ମୁଖ୍ୟମନ୍ତ୍ରୀ ଭାବରେ ଭୋଟଦାତାଙ୍କ ନିକଟରେ ଉପସ୍ଥାପନ କରିବେ ବୋଲି ସ୍ଥିର କରାଯାଇଛି।

ତେବେ ମନ୍ତ୍ରୀ ପଦ ନେଇ କୌଣସି ଚୁଡାନ୍ତ ନିଷ୍ପତି ହୋଇପାରି ନ ଥିବାର ଜଣାପଡିଛି। ହେଲେ ନିର୍ବାଚନ ପରେ ଉଭୟ ଦଳ ମିଶି ମନ୍ତ୍ରୀ ମଣ୍ଡଳରେ ସାମିଲ ହେବା ନେଇ ଚିନ୍ତା କରିବେ ବୋଲି ଜଣାପଡିଛି। କାରଣ ବିଜେଡି କୌଣସି ପ୍ରକାରରେ ରାଜ୍ୟ ମନ୍ତ୍ରୀ ମଣ୍ଡଳରେ ବିଜେପିକୁ ସାମିଲ କରିବ ନାହିଁ ବୋଲି ଅଡି ବସିଛି। ତେବେ ତାହା ଭୋଟ ଗଣତି ପରେ ନିଷ୍ପତି ହେବ ବୋଲି କୁହାଯାଇଛି।

ଏହି ମେଣ୍ଟକୁ ନେଇ ବିଳମ୍ବ ହେବାର କାରଣ ହେଲା ଯେ, ବିଜେପି ଅଧିକ ସଂଖ୍ୟାରେ ବିଧାନସଭା ଆସନ ନେବା ପାଇଁ ଅଡି ବସିଥିଲା। ସେଥିପାଇଁ ମନମୋହନ ମେଣ୍ଟ ନେଇ କୌଣସି ସୂଚନା ଦେଉ ନ ଥିଲେ। ତେବେ ବିଜେଡି ଏଥିରେ କୌଣସି ପ୍ରକାରରେ ରାଜି ହେଲା ନାହିଁ। ଦଳ ୧୦୦ ରୁ ଉର୍ଦ୍ଧ ଆସନରେ ଲଢେଇ କରିବା ପାଇଁ ବିଜେପିର ଶୀର୍ଷ ନେତୃତ୍ବଙ୍କ ନିକଟରେ ଜିଦି ଧରି ବସିଲା। ଶେଷରେ ବିଜେପିର ଶୀର୍ଷ ନେତୃତ୍ବଙ୍କ ଚାପ ପରେ ରାଜ୍ୟ ବିଜେପି ସବୁ କଥାରେ ରାଜି ହୋଇଥିବାର ଜଣାପଡିଛି।

ବର୍ତ୍ତମାନ ଆସନ ବୁଝାମଣା ପରେ ଏହା ମିଳିତ ଭାବେ ଘୋଷଣା କରାଯିବ। ସେଥିପାଇଁ ବିଜେପି ତରଫରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଜେଡି ତରଫରୁ ନବୀନ ପଟ୍ଟନାୟକ ମିଳିତ ଭାବେ ଏହାକୁ ଘୋଷଣା କରିବେ ବୋଲି ନିଷ୍ପତି ହୋଇଛି। ଏ ନେଇ ଦିନ ଧାର୍ଯ୍ୟ କରାଯାଇ ନ ଥିଲେ ମଧ୍ୟ ଖୁବ ଶିଘ୍ର ଘୋଷଣା ହେବ ବୋଲି କୁହାଯାଇଛି। ତେବେ ଏ ନେଇ ଉଭୟ ଦଳ ତରଫରୁ କୌଣସି ସୂଚନା ମିଳିପାରି ନାହିଁ।

ଆଜିର ଖବର

COASTAL NEWS ODIA 1778

ସକାଳର ଖବର, ୧୮-ମାର୍ଚ୍ଚ-୨୦୨୪, ସୋମବାର

➡️୧-ଦୀର୍ଘ ୪୯୫ ବର୍ଷର ସଂଘର୍ଷ ପରେ ଅଯୋଧ୍ୟାରେ ନବନିର୍ମିତ ମନ୍ଦିରରେ ପ୍ରଥମ ହୋଲି ଖେଳିବେ ରାମଲଲ୍ଲା । ସୂଚନା ଦେଲେ ଶ୍ରୀରାମ ଜନ୍ମଭୂମିର ପୂଜକ ଆଚାର୍ଯ୍ୟ ସତ୍ୟେନ୍ଦ୍ର ଦାସ l

➡️୨-ଘରଭଡ଼ା ଭତ୍ତା ସଂଶୋଧନ କଲେ ରାଜ୍ୟ ସରକାରl ଏଣିକି ମୂଳ ବେତନର ୧୬ ପ୍ରତିଶତ ଘରଭଡ଼ା ଭତ୍ତା ପାଇବେ ସରକାରୀ କର୍ମଚାରୀ l

➡️୩-ଏଣିକି ଫେକ୍ ନ୍ୟୁଜ ଉପରେ ରହିବ ନିର୍ବାଚନ କମିସନଙ୍କ ନଜର l ମିଛ ଖବର ପ୍ରଚାର କଲେ ନିଆଯିବ କାର୍ଯ୍ୟାନୁଷ୍ଠାନ l

➡️୪-ଓଡ଼ିଶା ଚକ୍ଷୁ ସେବା କ୍ୟାଡର’ ଗଠନ କଲେ ରାଜ୍ୟ ସରକାର, ସଂକଳ୍ପନାମା ଜାରି କଲା ସ୍ୱାସ୍ଥ୍ୟ ବିଭାଗ l

➡️୫-ଭୁବନେଶ୍ୱର-ବିଶାଖାପାଟନମ୍ ବନ୍ଦେ ଭାରତ ଏକ୍ସପ୍ରେସ ଟ୍ରେନ୍ ସେବା ଗତକାଲିଠାରୁ ଭୁବନେଶ୍ୱର ରେଳ ଷ୍ଟେସନରୁ ହେଲା ଆରମ୍ଭ । ସୋମବାର ବ୍ୟତୀତ ଏହି ଟ୍ରେନ୍ ସେବା ସବୁ ଦିନ ଉପଲବ୍ଧ ହେବ।

➡️୬-କଟକରେ ଆରମ୍ଭ ହେଲା ପଖାଳ ଦିବସ ପାଳନ, ଜିଆଇ ଟ୍ୟାଗ୍‌ ଦାବି କରି ଏଣିକି ସପ୍ତାହେ ଯାଏଁ ପାଳିବେ କଟକିଆ l

➡️୭-ଲୋକସଭା ନିର୍ବାଚନର ତାରିଖ ଘୋଷଣା ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ କ୍ୟାବିନେଟ୍ ମନ୍ତ୍ରୀଙ୍କୁ ଦେଲେ ଖାସ୍ ନିର୍ଦ୍ଦେଶ, କହିଲେ ନୂତନ ସରକାରର ପ୍ରଥମ ୧୦୦ ଦିନ ଏବଂ ଆଗାମୀ ୫ ବର୍ଷ ପାଇଁ ରୋଡମ୍ୟାପ୍ ପ୍ରସ୍ତୁତ କରିବାକୁ l

➡️୮-କାଳବୈଶାଖୀ ବର୍ଷା ସମ୍ଭାବନା, ୧୯ ଓ ୨୦ ପାଇଁ ଚେତାବନୀ ଜାରି କଲା ପାଣିପାଗ କେନ୍ଦ୍ର l ୪୦ରୁ ୫୦ କିମି ବେଗରେ ବହିପାରେ ପବନ l

➡️୯-ନିର୍ବାଚନ ପାଇଁ ଏଣିକି ବନ୍ଦ ରହିବ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ l ଏନେଇ ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଦିଆଗଲା ସୂଚନା l

➡️୧୦-ଗଣତି ପ୍ରକ୍ରିୟାରେ ନିର୍ବାଚନ କମିସନଙ୍କ ହେଲା ସଂଶୋଧନ, ଏଣିକି ଅରୁଣାଚଳ ଓ ସିକିମରେ ଭୋଟ୍ ଗଣତି ଜୁନ୍ ୪ ତାରିଖ ପରିବର୍ତ୍ତେ ଜୁନ୍ ୨ରେ ହେବ l

➡️୧୧-ବ୍ରହ୍ମପୁର ଶୀତଳାପଲ୍ଲୀ ସମ୍‌ ମଲ୍ଟି ସ୍ପେସିଆଲଟି ହସ୍ପିଟାଲରେ ନିଃଶୁଳ୍କ ବନ୍ଧ୍ୟା ଦୋଷ ଚିକିତ୍ସା ଶିବିର ହେଲା ଅନୁଷ୍ଠିତ l

➡️୧୨-ଇ-କମର୍ସ କମ୍ପାନୀ ଫ୍ଲିପ୍‌କାର୍ଟକୁ ଲାଗିଲା ଶକ୍ତ ଝଟ୍‌କା, ମାର୍କେଟ ଭାଲ୍ୟୁ ୪୧ ହଜାର କୋଟି ହେଲା ହ୍ରାସ l

➡️୧୩-ମଣିପୁରରୁ ଆରମ୍ଭ ହୋଇଥିବା ମୁମ୍ବାଇରେ ଶେଷ ହେଲା କଂଗ୍ରେସ ନେତା ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା l

➡️୧୪-ମଥୁରା ‘ଲଡୁ ହୋଲି’ରେ ଦଳାଚକଟା ଯୋଗୁଁ ଅନେକ ଶ୍ରଦ୍ଧାଳୁ ହେଲେ ଆହତ, ୨ ଜଣ ଗୁରୁତର l

➡️୧୫-ଗୁଜରାଟ ବିଶ୍ୱ ବିଦ୍ୟାଳୟରେ ବିଦେଶୀ ଛାତ୍ରଙ୍କୁ ମାର୍‌ପିଟ ଘଟଣାରେ ୨ଜଣ ହେଲେ ଗିରଫ, ୧୫ ଜଣଙ୍କ ବିରୋଧରେ ହେଲା ମାମଲା ରୁଜୁ l

➡️୧୬-ଋଷ୍‌ରେ ପୁଣିଥରେ ଭ୍ଲାଦିମିର ପୁଟିନ୍ ରାଷ୍ଟ୍ରପତି ହେବା ନିଶ୍ଚିତ। ଏନେଇ ଆରମ୍ଭ ହେଲା ପ୍ରସ୍ତୁତି। ନିର୍ବାଚନରେ ଋଷରେ ପ୍ରଥମ ଥର ପାଇଁ ଅନଲାଇନ୍ ଭୋଟ୍ ବ୍ୟବସ୍ଥା ହୋଇଛି।

➡️୧୭-ଆାମେରିକା ରାଷ୍ଟ୍ରପତି ନିର୍ବାଚନ ପାଇଁ ପ୍ରଚାର ସରଗରମ ହେଉଥିବା ବେଳେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଲେ ଯେ ଯଦି ସେ ନଭେମ୍ବରରେ ହେବାକୁ ଥିବା ରାଷ୍ଟ୍ରପତି ନିର୍ବାଚନରେ ବିଜୟୀ ନ ହୁଅନ୍ତି ତେବେ ଆମେରିକୀୟ ଗଣତନ୍ତ୍ରର ଅନ୍ତ ଘଟିବ ଏବଂ ସମଗ୍ର ଦେଶରେ ରକ୍ତପାତ ହେବ।

➡️୧୮-ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଗତକାଲି ଖେଳାଯାଇଥିବା WPL ଫାଇନାଲ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦିଲ୍ଲୀ କ୍ୟାପିଟାଲ୍ସକୁ ୮ ଓ୍ବିକେଟରେ କଲା ପରାସ୍ତ  l ପ୍ରଥମ ଥର ପାଇଁ ଜିତିଲା ଟାଇଟଲ୍ l

➡️୧୯-ଆୟର୍ଲାଣ୍ଡ ବ୍ୟାଟର୍‌ଙ୍କ ବିଶ୍ୱ ରେକର୍ଡ।  ଭାଙ୍ଗିଲେ ବାବରଙ୍କ ରେକର୍ଡ। ଅନ୍ତର୍ଜାତୀୟ ଟି-୨୦ରେ ୪୦୦ ଚୌକା ମାରିବାରେ ପ୍ରଥମ ବ୍ୟାଟର ହେଲେ ପଲ୍ ଷ୍ଟ୍ରିର୍ଲିଂ। 

➡️୨୦-ଅଶ୍ୱିନଙ୍କୁ ସମ୍ମାନିତ କଲା TNCA: ମିଳିଲା ୫୦୦ ସ୍ୱର୍ଣ୍ଣମୁଦ୍ରା ସହ କୋଟିଏ ଟଙ୍କାର ଚେକ୍ l ଇଂଲଣ୍ଡ ବିପକ୍ଷ ୫ ମ୍ୟାଚ୍ ଟେଷ୍ଟ ସିରିଜରେ ସର୍ବାଧିକ ୨୬ଟି ୱିକେଟ୍ ସେ ନେଇଥିଲେ। 

*📌ବି. ଦ୍ର : ଆମର ନୂଆ ହ୍ଵାଟ୍ସଆପ ଚ୍ୟାନେଲ ରେ ଯୋଡି ହେବାକୁ ଚାଁହୁଥିଲେ ଏହି https://whatsapp.com/channel/0029Va55L4h1t90flMIEIw26 ଲିଙ୍କକୁ କ୍ଲିକ କରିକି ଜୋଏନ ହେଇ ପାରିବେ ll*

*➡️ଦୟାକରି ଧ୍ୟାନ ଦିଅନ୍ତୁ, ଯଦିଓ ସକାଳର ଖବରକୁ ପ୍ରସ୍ତୁତ କରିବାରେ ପୂର୍ଣ୍ଣ ଯତ୍ନ ନେବାକୁ ଚେଷ୍ଟା କରାଯାଇଛି, ତଥାପି, କୌଣସି ଘଟଣା, ତାରିଖ କିମ୍ବା ଅନ୍ୟାନ୍ୟ ତ୍ରୁଟି ପାଇଁ ମୁଁ ଦାୟୀ ନୁହେଁ ।।*

*🔅ଆଜି ଶ୍ରୀ ହରି ଜୟନ୍ତୀ ll*

*🔅ଆଜି ଜାତୀୟ ଅଶୁଭ ମୁହୂର୍ତ୍ତ ଦିବସ ll*

*🔅ଆଜି ବୈଶିକ ପୁନଃଚକ୍ରଣ ଦିବସ ll*

*🔅ଆଜି ଜାତୀୟ ବାୟୋଡିଜେଲ୍ ଦିବସ ll*

*🔅ଆଜି ସର୍ବୋଚ୍ଚ ବଳିଦାନ ଦିବସ ll*

*🔅ଆଜି ବିଶ୍ୱ ମାଂସ ବହିଷ୍କାର ଦିବସ ll*

*🔅ଆଜି ଅଭିନେତା ଶ୍ରୀ ଶଶି କପୁରଙ୍କ ଜନ୍ମ ବାର୍ଷିକୀ ll*

*📌ବି. ଦ୍ର : ପ୍ରତ୍ୟେକ ଦିନ ପ୍ରତି ମୁହୂର୍ତ୍ତର Update News ଏବଂ ଏହିଭଳି ନିଉଜ ସର୍ବପ୍ରଥମେ ପାଇବା ପାଇଁ ଆମର NEWS ଗ୍ରୁପରେ ଅଂଶଗ୍ରହଣ କରିବାକୁ ଇଛୁକ ବନ୍ଧୁ ମାନେ ଆମସହ ଯୋଗାଯୋଗ କରିପାରିବେ l ମୋ : 9438253184 ll*

          *ll ଆପଣଙ୍କ ଦିନ ମଙ୍ଗଳମୟ ହେଉ ll*

                *ll ଶୁଭ ସକାଳ,ସୁପ୍ରଭାତ ll*