ପୁରୀ ପାଇଁ ଚର୍ଚ୍ଚାରେ ମୋଦୀ ଓ ନବୀନ

COASTAL NEWS ODIA 1134

ପୁରୀ ପାଇଁ ଚର୍ଚ୍ଚାରେ ମୋଦୀ ଓ ନବୀନ

ପୁରୀ - (CNO ): ଆଗାମୀ ସାଧାରଣ ନିର୍ବାଚନରେ ପୁରୀରୁ ପ୍ରତିଦ୍ବନ୍ଦିତା କରିପାରନ୍ତି ନରେନ୍ଦ୍ର ଦାମୋଦରଦାସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜେପି ଲୋକସଭା ପ୍ରାର୍ଥୀଭାବେ ପ୍ରଧାନମନ୍ତ୍ରୀ ମୋଦୀ ପୁରୀରୁ ପ୍ରତିଦ୍ବନ୍ଦିତା ନିମନ୍ତେ ଆଗ୍ରହୀ ଥିବା ଦଳୀୟ ବିଧାୟକ ଜୟନ୍ତ କୁମାର ଷଡ଼ଙ୍ଗୀ ଗୁରୁବାର ମୋଦୀଙ୍କ ଇଚ୍ଛା ସମ୍ପର୍କରେ ସେ ଗଣମାଧ୍ୟମକୁ ସୂଚନା ଦେଇଛନ୍ତି। 

ସେହିପରି ପୁରୀ ବିଧାନସଭା ନିର୍ବାଚନମଣ୍ଡଳୀରୁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ବାଚନ ଲଢ଼ିବେ ବୋଲି ଦଳର ଜଣେ ସଭ୍ୟ ଦଇତାପତି ରାମକୃଷ୍ଣ ଦାସ ମହାପାତ୍ର କହିଛନ୍ତି। ଏହାକୁ ଦୃଷ୍ଟିରେ ରଖ୍ ଶ୍ରୀଜଗନ୍ନାଥ ଅନ୍ତର୍ଜାତୀୟ ବିମାନ ବନ୍ଦର, ଶ୍ରୀମନ୍ଦିର ଚତୁଃପାର୍ଶ୍ୱ ପରିକ୍ରମା ମାର୍ଗ, ଶ୍ରୀଜଗନ୍ନାଥ ବଲ୍ଲଭ ମଠରେ ଶ୍ରୀଜଗନ୍ନାଥ ତୀର୍ଥଯାତ୍ରୀ କମ୍ପ୍ଲେକ୍ସ ଆଦି ନିର୍ମାଣ କରାଯାଉଥିବା ସେ କହିଛନ୍ତି । ଏହାଛଡ଼ା ନବୀନ ଯଦି · ପୁରୀରୁ ପ୍ରାର୍ଥୀ ହୁଅନ୍ତି ଦଳର ସମସ୍ତ କର୍ମୀ ତାଙ୍କ ପାଇଁ କାର୍ଯ୍ୟ କରିବେ ଏବଂ ନବୀନଙ୍କର ବିପୁଳ ବିଜୟ ହେବ ବୋଲି ଶ୍ରୀ ଦାସମହାପାତ୍ର କହିଛନ୍ତି । 

ବିଧାୟକ ଜୟନ୍ତ କହିଛନ୍ତି ପୁରୀରେ ଯେଉଁସବୁ ପ୍ରକଳ୍ପ କାର୍ଯ୍ୟକାରୀ ହେଉଛି ସବୁଥ୍‌ରେ କେନ୍ଦ୍ର ସରକାରଙ୍କ ଅନୁଦାନ ରହିଛି । ଦଳ ଯଦି ତାଙ୍କୁ ପୁଣିଥରେ ପ୍ରାର୍ଥୀ କରେ ସେ ନବୀନଙ୍କ ବିରୋଧରେ ନିର୍ବାଚନ ଲଢ଼ିବାକୁ ପ୍ରସ୍ତୁତ ଥିବା କହିଛନ୍ତି । ତେବେ ପ୍ରଧାନମନ୍ତ୍ରୀ ଶ୍ରୀ ମୋଦୀ ଏବଂ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ପୁରୀରୁ ନିର୍ବାଚନ ଲଢ଼ିବା ନେଇ ଦୁଇ ରାଜନୈତିକ ଦଳ ପକ୍ଷରୁ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ଘୋଷଣା କରାଯାଇ ନାହିଁ।

୨୦୧୯ ନିର୍ବାଚନରେ ପୁରୀ ଲୋକସଭା ନିର୍ବାଚନମଣ୍ଡଳୀରୁ ବିଜେଡି ପ୍ରାର୍ଥୀ ପିନାକୀ ମିଶ୍ର ବିଜୟୀ ହୋଇଥିଲେ। ତାଙ୍କୁ କଡ଼ା ଟକ୍କର ଦେଇଥିଲେ ବିଜେପି ପ୍ରାର୍ଥୀ ଡା. ସମ୍ବିତ କୁମାର ପାତ୍ର |୨୦୨୪ ନିର୍ବାଚନରେ ପିନାକୀ ଆଉ lଲୋକସଭା ପ୍ରାର୍ଥୀ ହେବାକୁ ଚାହୁଁ ନଥିବା ଚର୍ଚ୍ଚା ହେଉଛି । ସେ ରାଜ୍ୟସଭା ଯିବାକୁ ଆଗ୍ରହୀ ଥିବା ଜଣାପଡ଼ିଛି । ସେହିପରି ବିଜେଡିର ଦୁର୍ଗଭାବେ ପରିଚିତ ପୁରୀ ବିଧାନସଭା ନିର୍ବାଚନ ମଣ୍ଡଳୀରୁ ୨୦୧୯ରେ ବିଜେପି ପ୍ରାର୍ଥୀ ଜୟନ୍ତ କୁମାର ଷଡ଼ଙ୍ଗୀ ଜିତିଥିଲେ। 

ଦଳର କିଛି ତୁଙ୍ଗ ନେତାଙ୍କ ଅନ୍ତର୍ଘାତୀ କାର୍ଯ୍ୟ ଯୋଗୁଁ ପୂର୍ବତନ ବାଚସ୍ପତି ମହେଶ୍ବର ମହାନ୍ତିଙ୍କୁ ପରାଜୟର ସ୍ବାଦ ଚାଖୁବାକୁ ପଡ଼ିଥିଲା। ଆଗାମୀ ନିର୍ବାଚନ ପାଇଁ ମହେଶ୍ବରଙ୍କ ପୁଅ ସୁନିଲ ରାଜନୀତିକୁ ଓହ୍ଲାଇ ଥିବାବେଳେ ଯୁବ ବିଜେଡି ରାଜ୍ୟ ଉପ ସଭାପତି ଶୁଭାଶିଷ ଦଳୀୟ ପ୍ରାର୍ଥୀ ହେବାକୁ ଲବି ଚଳାଇଛନ୍ତି। ତେଣୁ ନବୀନ ଯଦି ପୁରୀରୁ ନିର୍ବାଚନ ଲଢ଼ନ୍ତି ତାହେଲେ ଦଳର ସମସ୍ତ କର୍ମୀ ଏବଂ ନେତା ତାଙ୍କ ପାଇଁ କାର୍ଯ୍ୟ କରିବେ । 

ପିନାକୀ ଯଦି ରାଜ୍ୟସଭା ଯିବେ ତାଙ୍କ ସ୍ଥାନରେ ବିଜେଡି ନୟାଗଡ଼ ବିଧାୟକ ଡ. ଅରୁଣ ସାହୁ କିମ୍ବା ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟଙ୍କୁ ଲୋକସଭା ପ୍ରାର୍ଥୀ କରିବା ସମ୍ଭାବନା ରହିଛି।

ଭୁବନେଶ୍ୱରରେ ସମ୍ପତ୍ତି ପାଇଁ ଝିଅ ବୃଦ୍ଧା ମହିଳାଙ୍କୁ ହତ୍ୟା ଅଭିଯୋଗ

COASTAL NEWS ODIA 1133

ଭୁବନେଶ୍ୱରରେ ସମ୍ପତ୍ତି ପାଇଁ ଝିଅ ବୃଦ୍ଧା ମହିଳାଙ୍କୁ ହତ୍ୟା ଅଭିଯୋଗ  

ଭୁବନେଶ୍ବର - (CNO) ଏକ ଲୋମହର୍ଷଣକାରୀ ଘଟଣାରେ ଭୁବନେଶ୍ୱରର ମଞ୍ଚେଶ୍ୱର ଅଞ୍ଚଳରେ ଜଣେ ବୃଦ୍ଧା ମହିଳାଙ୍କୁ ତାଙ୍କ ଝିଅ ହତ୍ୟା କରିଥିବା ଅଭିଯୋଗ ହୋଇଛି।  ମୃତକଙ୍କ ସ୍ୱାମୀ ସତ୍ୟନାରାୟଣ ଜିତବାବୁ (85) ମଞ୍ଚେଶ୍ୱର ପୋଲିସ ନିକଟରେ ଏକ ଲିଖିତ ଅଭିଯୋଗ ଦାଖଲ କରିବା ପରେ ଏହି ଘଟଣା ସାମ୍ନାକୁ ଆସିଛି ।

ଜିତବାବୁ, ତାଙ୍କର ତିନି ପୃଷ୍ଠାର ଏଫ୍ଆଇଆର୍ ରେ ବର୍ଣ୍ଣନା କରିଛନ୍ତି ଯେ ତାଙ୍କ ଝିଅ ସୁଜାତା ଜିତ କିପରି ତାଙ୍କ ପତ୍ନୀ ପ୍ରତୀଭା ରାଣୀ ଙ୍କୁ ଷଡଯନ୍ତ୍ର କରି ହତ୍ୟା କରିଛନ୍ତି।

ଅଭିଯୋଗକାରୀଙ୍କ କହିବାନୁସାରେ, ସତ୍ୟନାରାୟଣ ତାଙ୍କ ପତ୍ନୀ ପ୍ରତୀଭାଙ୍କ ନାମରେ ଏକ ଇଣ୍ଡଷ୍ଟ୍ରିଆଲ୍ ପ୍ଲଟ୍ କିଣିଥିଲେ ଯେଉଁଠାରେ ସେ 'ବଜରଙ୍ଗ ପ୍ରିଣ୍ଟିଂ ପ୍ରେସ୍' ନାମକ ଏକ ପ୍ରିଣ୍ଟିଂ ପ୍ରେସ୍ ଚଳାଉଥିଲେ।  ସତ୍ୟନାରାୟଣ ତାଙ୍କ ହୋମଗାର୍ଡ ଏବଂ ଭୁବନେଶ୍ୱରର ନୟାପଲ୍ଲୀରେ ଅବସ୍ଥିତ ଏକ ଜମିକୁ ତାଙ୍କ ପ୍ରିଣ୍ଟିଂ ପ୍ରେସ ପରିଚାଳନା ପାଇଁ ନିଜ ସହର ବରିପଡାସ୍ଥିତ ଅନ୍ୟ କୃଷି ଜମି ସହିତ ବିକ୍ରି କରିଥିଲେ।

ଯେତେବେଳେ ସମୟ ଆସିଲା, ସତ୍ୟନାରାୟଣ, ବୃଦ୍ଧାବସ୍ଥା ହେତୁ, ପ୍ରେସ ପରିଚାଳନାକୁ ତାଙ୍କ ଝିଅ ସୁଜାତା ଜିତଙ୍କୁ ହସ୍ତାନ୍ତର କରିବାକୁ ନିଷ୍ପତ୍ତି ନେଇଥିଲେ।  ଅବଶ୍ୟ,  ସୁଜାତା ପ୍ରିଣ୍ଟିଂ ପ୍ରେସ୍ ପରିଚାଳନାରେ ବିଫଳ ହୋଇଥିଲେ, ଫଳସ୍ୱରୂପ ବ୍ୟବସାୟରେ ବାଧା ସୃଷ୍ଟି ହୋଇଥିଲା, ଯେପରି ଅଭିଯୋଗକାରୀ ତାଙ୍କ ଏଫ୍ଆଇଆର୍ ରେ ଦର୍ଶାଇଥିଲେ ।

 ପ୍ରିଣ୍ଟିଂ ପ୍ରେସର ନବୀକରଣ ପାଇଁ ତାଙ୍କର ଶେଷ ପ୍ରୟାସରେ ସତ୍ୟନାରାୟଣ ଏବଂ ତାଙ୍କ ପତ୍ନୀ ଏକମାତ୍ର ପୁଅ ରୁଦ୍ରନାରାୟଣ ଜିତବାବୁ ଛଦ୍ମନାମ ଆଲୋକଙ୍କୁ ପ୍ରେସ ହସ୍ତାନ୍ତର କରିବାକୁ ନିଷ୍ପତ୍ତି ନେଇଥିଲେ।  ତେବେ ସୁଜାତା ଏହାକୁ ପସନ୍ଦ କରୁନଥିଲେ ତଥା ଏହାକୁ ସେ ଦୃଢ ବିରୋଧ କରିଥିଲେ ଏବଂ ଗୁଣ୍ଡା ଲଗାଇ ପରିବାରର ସମସ୍ତ ସଦସ୍ୟଙ୍କୁ ମଧ୍ୟ ମାଡ ମାରିଥିଲେ।

ସେ ପଳାଶୁଣୀ ର ବିଭୂତି ଭୂଷଣ ପଣ୍ଡାଙ୍କ ସହ ହାତ ମିଳାଇ ବିଭିନ୍ନ ଅନ୍ୟାୟ ପ୍ରଣାଳୀ ବ୍ୟବହାର କରି ମୋର ସମ୍ପତ୍ତି ଛଡ଼ାଇବା ପାଇଁ ଗଣମାଧ୍ୟମ ସହିତ ଷଡଯନ୍ତ୍ର ଆରମ୍ଭ କରିଥିଲେ।  ସେମାନେ ଅନ୍ୟାୟ ଉପାୟ ବ୍ୟବହାର କରି ମୋତେ ମୋ ବାସଭବନରୁ ଘଉଡାଇବାକୁ ଯୋଜନା କରିଥିଲେ, ଯାହା ପରେ ମୁଁ ମୋ ବାସଭବନ ଛାଡି ମୋ ପୁଅ ସହିତ ରହିବାକୁ ବାଧ୍ୟ ହୋଇଥିଲି ବୋଲି ଅଭିଯୋଗକାରୀ କହିଛନ୍ତି।

ତଥାପି, ସୁଜାତା ମୋ ପତ୍ନୀ (ତାଙ୍କ ମା) ଙ୍କ ସହ ଦୁର୍ବ୍ଯବହାର କରୁଥିଲେ ।  ଯେତେବେଳେ ମୁଁ ଏବଂ ମୋ ପୁଅ ତାଙ୍କୁ ଭେଟିବାକୁ ଚେଷ୍ଟା କଲୁ , ସେ ସୁରକ୍ଷା କର୍ମୀଙ୍କୁ ଆମ ଆପାର୍ଟମେଣ୍ଟରୁ ବାହାର କରିଦେବାକୁ ନିର୍ଦ୍ଦେଶ ଦେଇଥିଲେ।  ପରେ, ଆମ ଭାଉଜ ଆମକୁ ତୁରନ୍ତ କ୍ୟାପିଟାଲ୍ ହସ୍ପିଟାଲକୁ ଯିବାକୁ ସୂଚନା ଦେଇଥିଲେ କାରଣ ମୋ ପତ୍ନୀ ଅଗଷ୍ଟ 16, 2023 ରେ ଗୁରୁତର ଥିଲେ।

କ୍ୟାପିଟାଲ ହସ୍ପିଟାଲରେ ପହଞ୍ଚି ମୁଁ ମୋ ପତ୍ନୀଙ୍କୁ ମୃତ ବୋଲି ଜାଣିବା ପାଇଁ ପାଇଥିଲି , କିନ୍ତୁ ତାଙ୍କ ମୃତ୍ୟୁର କାରଣ କେହି ଜାଣି ନ ଥିଲେ, ଯାହା ସନ୍ଦେହଜନକ ମନେହୁଏ।  ଅଧିକନ୍ତୁ ଡାକ୍ତରଖାନାରେ ମୋତେ ମୋ ପତ୍ନୀଙ୍କ ମୃତଦେହ ଦେଖିବାକୁ ଦିଆଗଲା ନାହିଁ ବୋଲି ଅଭିଯୋଗକାରୀ ଅଭିଯୋଗ କରିଛନ୍ତି।

ଆଜିର ରାଶିଫଳ

COASTAL NEWS ODIA 1132

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ ୧୪ ତାରିଖ ୨୦୨୩ ମସିହା(ଶନିବାର)*

*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

*✧═════•❁❀❁•═════✧*

*🌷ମେଷ🌷👉: ବହୁଦିନଧରି ଆଶା ରଖିଥିବା ଯାତ୍ରାଟି ସଫଳ ହେବାକୁ ଯାଉଛି । ଏହା ଆପଣଙ୍କ କାର୍ଯ୍ୟ ସମ୍ପର୍କିତ ହୋଇପାରେ । ଏହି ଯାତ୍ରା ଆପଣଙ୍କ ସଫଳତା ଓ ପୁରଷ୍କାର ଆଣିପାରେ । ଭ୍ରମଣ ସମୟରେ ନିଜର ମୁଲ୍ୟବାନ ଜିନିଷ ଗୁଡିକଖୁ ଜତ୍ନରେ ରଖିବା ଉଚିତ ହେବ ।*

*✧═════•❁❀❁•═════✧*

*🌷ବୃଷ🌷👉 : ଆଜି ଆପଣ କିଛି ସମୟଧରି ଚାଲୁଥିବା ଝଗଡାର ସମସ୍ୟାକୁ ସମାଧାନ କରି ଶାନ୍ତିର ନିଶ୍ୱାସ ନେବେ । ଆପଣ ଘରେ ରହିକରି ଘର ଲୋକଙ୍କ ସହିତ କଥାବାର୍ତ୍ତା କରନ୍ତୁ ଏବଂ ଖୁବ ମଜା କରନ୍ତୁ ।ଏହି ଛୋଟ ଦୁଇଟି କଥା ଆପଣଙ୍କ ସମ୍ପର୍କକୁ ଆହୁରୀ ଦୃଢ କରିବ ।*

*✧═════•❁❀❁•═════✧*

*🌷ମିଥୁନ🌷👉 : ଆଜି ଆପଣ କୌଣସି ପ୍ରକାର ମନୋରଞ୍ଜନ କରିବାକୁ ଇଛାକରିବେ , କିନ୍ତୁ କାର୍ଯ୍ୟଭାର ଆପଣଙ୍କର ରାସ୍ତାରେ ବାଧା ହୋଇପାରେ । ଆପଣ ଏ ଦୁଇଟି ମଧ୍ୟରେ ସନ୍ତୁଳନ ରକ୍ଷା କରିବାକୁ ଆଜି ସଫଳ ହେବେ।*

*✧═════•❁❀❁•═════✧*

*🌷କର୍କଟ🌷👉 : ଆଜି ଆପଣ କୌଣସି ଉତ୍ସବ ପାଇଁ ପ୍ରସ୍ତୁତ ହୋଇଯାଆନ୍ତୁ । ବନ୍ଧୁ ଏବଂ ସମ୍ପର୍କୀୟ ମାନେ ମିଶି ବହୁତ ମଜା କରିବେ ,ଯାହା ଆପଣଙ୍କ ସ୍ମୃତିରେ ସବୁଦିନ ପାଇଁ ଅଭୂଲା ହୋଇଯିବ ।ଆଜିର ଦିନଟି ପରସ୍ପର ସହିତ ବହୁତ ଖୁସି କରିବାର ଦିନ ।*

*✧═════•❁❀❁•═════✧*

 *🌷ସିଂହ🌷👉: ଆଜି ବୋଧହୁଏ ଆପଣଙ୍କୁ କୌଣସି ମିତ୍ର କିମ୍ବା ସହଯୋଗୀଙ୍କର ସାହାଯ୍ୟ ମିଳିବ ନାହିଁ । ଏଥିପାଇଁ ଆପଣ ନିରାଶ ହୋଇପଡ଼ିପାରେ।ପୂର୍ବରୁ ସଂଚିତ ଧନନାଷ ଓ ଅଯଥା ବିବାଦ ହେବାକାରଣରୁ ମନଭଲରହିବ ନାହିଁ।* 

*✧═════•❁❀❁•═════✧*

*🌷କନ୍ୟା🌷👉: ଆଜି ଆପଣଙ୍କ ମଜ୍ଜା ଓ ଆରାମର ଦିନ । ସାମାଜିକ ରୀତିନୀତି ଆଜି ଆପଣଙ୍କ ପାଇଁ ବହୁତ ଆନନ୍ଦ ନେଇକି ଆସିବ । ଆପଣଙ୍କ ଜୀବନରେ ବର୍ତ୍ତମାନ ସମୟରେ ଯେଉଁ ପରିବର୍ତ୍ତନ ସବୁ ଆସିଛି, ସେଥିରୁ ମଧ୍ୟ ଆପଣଙ୍କୁ ବହୁତ ଖୁସି ମିଳିବ ।*

*✧═════•❁❀❁•═════✧*

*🌷ତୁଳା🌷👉: ଆଜି ଆପଣଙ୍କୁ ନିଜର ଚ଼େଷ୍ଟାର ଫଳ ମିଳିବ, ଯେଉଁଥିରେ କି ଆପଣଙ୍କର ଜୀବନ ହିଁ ବଦଳିଯିବ ଏବେ ଆପଣ ଏବଂ ଆପଣଙ୍କ ପରିବାର ଲୋକେ ପରସ୍ପରକୁ ସହଜରେ ବୁଝିପାରୁଛନ୍ତି । ନିଜର ଚ଼େଷ୍ଟାକୁ ବଜାୟ ରଖନ୍ତୁ ଏବଂ ଖୁସି ଜୀବନର ମଜା ନିଅନ୍ତୁ ।*

*✧═════•❁❀❁•═════✧*

*🌷ବିଛା🌷👉: ବ୍ୟସ୍ତ ହୋଇ କୌଣସି ମହତ୍ତ୍ୱପୂର୍ଣ୍ଣ ନିଷ୍ପତ୍ତି ନିଅନ୍ତୁ ନାହିଁ । ଏହି ସମୟଟା ବୋଧହୁଏ ଆପଣ ଚ଼ିନ୍ତା ଗ୍ରସ୍ତହୋଇ କଟାଉଛନ୍ତି । ବ୍ୟସ୍ତ ହୁଅନ୍ତୁ ନାହିଁ ପରିସ୍ଥିତି ଏଭଳି ହେବ ଆପଣ ଆପେ ଆପେ ଏହି ଚ଼ିନ୍ତାରୁ ମୁକ୍ତ ହୋଇଯିବେ ।*

*✧═════•❁❀❁•═════✧*

*🌷ଧନୁ🌷👉 : ଆଜି ଆପଣଙ୍କ ଘରେ କୌଣସି ବ୍ୟକ୍ତିଙ୍କ ସହ କଳହ ହୋଇପାରେ ।ଏଥି ପାଇଁ ଆପଣ ନିଜ କଥା ଓ କ୍ରୋଧକୁ ନିୟନ୍ତ୍ରଣରେ ରଖନ୍ତୁ ।ଯଦି ଆପଣ ଶାନ୍ତ ରହିବେ ତେବେ ଭବିଷ୍ୟତର ବହୁ ଘରୋଇ ସମସ୍ୟାକୁ ସମାଧାନ କରିପାରିବେ ।*

*✧═════•❁❀❁•═════✧*

*🌷ମକର🌷👉 : ନିଜର କୌଶଳ ଏବଂ ସାହସକୁ ପାଥେୟ କରି ଆପଣଙ୍କ ରାସ୍ତାରେ ଆସୁଥିବା ସବୁ ବାଧାବିଘ୍ନକୁ ଆପଣ ସମାଧାନ କରିବେ । ଆପଣଙ୍କର ଏହି ଆସାଧାରଣ ନକ୍ଷତା ଯୋଗୁଁ ବାଧାବିଘ୍ନ ସବୁ ଆପେ ଦୂରେଇଯିବ ।*

*✧═════•❁❀❁•═════✧*

*🌷କୁମ୍ଭ🌷👉 : ସାମାନ୍ୟ ବିବ୍ରତ ରହିବେ । ଦାଇତ୍ତ୍ୱର ସହ ଅନ୍ୟାନ୍ୟ କାର୍ଯ୍ୟକରିବାରେ ଅସୁବିଧା ହୋଇପାରେ । ବଂଧୁ ମାନଙ୍କସହ ଫୋନ ମାଧ୍ୟମରେ ବାର୍ତ୍ତାଳାପ କିଛି ସମୟ କଟିପରେ । ଗୁରୁତ୍ତ୍ୱପୂର୍ଣ୍ଣ କାର୍ଯ୍ୟକୁ ସ୍ଥଗିତ ରଖନ୍ତୁ ନାହିଁ ।*

*✧═════•❁❀❁•═════✧*

*🌷ମୀନ🌷👉 : ଆଜି ହଠାତ୍ ଆପଣଙ୍କ ଘରକୁ ଅତିଥି ଆସିପାରନ୍ତି । ସେମାନଙ୍କୁ ସ୍ୱାଗତ ପାଇଁ ଆପଣ ପ୍ରସ୍ତୁତ ହୋଇ ରୁହନ୍ତୁ । ଆଜି ଆପଣ ଯେତେ ବ୍ୟସ୍ତ ରହିଲେ ମଧ୍ୟ ସାମାଜିକ ଉତ୍ସବରେ ନିଶ୍ଚୟ ଭାଗ ନିଅନ୍ତୁ ,କାରଣ ଏମିତି ସୁଯୋଗ ବାରମ୍ବାର ଆସେ ନାହିଁ ।*

*✧═════•❁❀❁•═════✧*

ବିଜେଡିର ମିଶ୍ରଣ ପର୍ବ ବିଜେପି ଛାଡି ବିଜେଡିରେ ମିଶିଲେ ମହୁ ପଞ୍ଚାୟତ ର ୧୦ ପରିବାର

COASTAL NEWS ODIA 1131

ବିଜେଡିର ମିଶ୍ରଣ ପର୍ବ ବିଜେପି ଛାଡି ବିଜେଡିରେ ମିଶିଲେ ମହୁ ପଞ୍ଚାୟତ ର ୧୦ ପରିବାର

ମହୁ,୧୩ା୧୦( ଦେବପ୍ରସାଦ ନନ୍ଦ ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଓ ଆଳି ବିଧାୟକ ତଥା ଶକ୍ତିମନ୍ତ୍ରୀ ପ୍ରତାପ କେଶରୀ ଦେବଙ୍କ ଦୃଢ ସାଂଗଠନିକ ନେତୃତ୍ୱ ଉପରେ ଆସ୍ଥା ପ୍ରକଟ କରି ଆଳି ବ୍ଲକ ମହୁ ପଞ୍ଚାୟତର ୧୦ ପରିବାର ବିଜେପି ଛାଡି ବିଜେଡିରେ ସାମିଲ ହୋଇଛନ୍ତି । 

ବିଜେଡି ଯୁବନେତା ତଥା ସମାଜସେବୀ ରଶ୍ମିରଞ୍ଜନ ପାତ୍ରଙ୍କ ନେତୃତ୍ୱରେ ଜଗନ୍ନାଥ କଣ୍ଠ, ସରୋଜ କୁମାର, ରବୀନ୍ଦ୍ର ତରାଇ, ସଂଜୀତ ତ୍ରିପାଠୀ, ଟୁକୁନା ମଳିକ, ପ୍ରଦୀପ ସାହୁ, ଦୟାନିଧି ଦାଶ ପ୍ରମୁଖ ଗୁରୁବାର ଆଳି ରାଜବାଟୀରେ ଯାଇ ବିଧାୟକ ତଥା ଶକ୍ତିମନ୍ତ୍ରୀ ପ୍ରତାପ ଦେବଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଥିଲେ । ଏମାନଙ୍କୁ ମନ୍ତ୍ରୀ ଦଳକୁ ସ୍ୱାଗତ କରିବା ସହ ବିଜେଡିର ଜନହିତକର ଯୋଜନା ସମ୍ପର୍କରେ ଲୋକଙ୍କୁ ଅବଗତ କରାଇବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଷଷ୍ଠଥର ମୁଖ୍ୟମନ୍ତ୍ରୀ ଭାବେ ନିର୍ବାଚିତ କରିବାକୁ ତୃଣମୂଳସ୍ତରରେ କାମ କରିବାକୁ ପରାମର୍ଶ ଦେଇଥିଲେ ।

ଭୋଗରାଇ ସମୁଦ୍ର କୂଳରୁ ୧୩ ଫୁଟର ଘଡିଆଳ କୁମ୍ଭୀର ଉଦ୍ଧାର

COASTAL NEWS ODIA 1130

ଭୋଗରାଇ ସମୁଦ୍ର କୂଳରୁ ୧୩ ଫୁଟର ଘଡିଆଳ କୁମ୍ଭୀର ଉଦ୍ଧାର

ଭୋଗରାଇ: CNO - ବାଲେଶ୍ଵର ଜିଲ୍ଲା ଭୋଗରାଇ ବ୍ଲକର ସମୁଦ୍ର କୂଳରୁ ଏକ ବିଶାଳକାୟ ଘଡିଆଳ କୁମ୍ଭୀର ଉଦ୍ଧାର କରାଯାଇଛି । ଗୁରୁବାର ଭୋର ସମୟରେ ୧୩ ଫୁଟ ଲମ୍ବର ଏହି କୁମ୍ଭୀରକୁ ଦେଖି ମତ୍ସ୍ୟଜୀବୀ ମାନେ ଫାଶ ପକାଇ ବାନ୍ଧିବା ସହ ବନ ବିଭାଗକୁ ଖବର ଦେଇଥିଲେ। 

ଶୁକ୍ରବାର ସକାଳେ ବନ ବିଭାଗ କର୍ମଚାରୀ ମାନେ ଡଙ୍ଗାରେ ଯାଇ କୁମ୍ଭୀରଟିକୁ ଉଦ୍ଧାର କରି ବିଚିତ୍ରପୁର ଇକୋ ଟୁରିଜିମ (ଖଡିବିଲ)କୁ ନେଇଥିଲେ। ସେଠାରୁ ପିକଅପ ଭେନ ଯୋଗେ ଜଳେଶ୍ଵର ବନ୍ୟପ୍ରାଣୀ ବନାଞ୍ଚଳ ରେଞ୍ଜ କାର୍ଯ୍ୟାଳୟକୁ ନିଆଯାଇଛି। ସେଠାରୁ ନନ୍ଦନକାନନ ପ୍ରାଣୀ ଉଦ୍ୟାନ କିମ୍ବା ଟିକରପଡା ସାତକୋଶିଆ କୁମ୍ଭୀର ସଂରକ୍ଷଣ କେନ୍ଦ୍ରକୁ ନିଆଯିବ ବୋଲି ବନବିଭାଗ ତରଫରୁ ସୂଚନା ମିଳିଛି।

କୁମ୍ଭୀଟିର ଲମ୍ବ ୧୩ ଫୁଟ ହୋଇଥିଲା ବେଳେ ଓଜନ ୧ କୁଇଣ୍ଟାଲରୁ ଅଧିକ ହେବ ବୋଲି ବନ ବିଭାଗ ସୂଚନା ଦେଇଛି। ଏହି କୁମ୍ଭୀରଟି ଘଡିଆଳ ପ୍ରଜାତିର, ଏମାନଙ୍କୁ ଅନୁଗୁଳ ଜିଲ୍ଲାର ଟିକରପଡା ସାତକୋଶିଆ କୁମ୍ଭୀର ସଂରକ୍ଷଣ କେନ୍ଦ୍ରରେ ପାଳନ କରାଯାଉଛି। ଏମାନେ କେବଳ ମାଛ ଓ ଛୋଟ ଛୋଟ ଜଳଜୀବକୁ ଖାଇ ଥାଆନ୍ତି। ଏହି ଘଡିଆଳ କୁମ୍ଭୀରଟି ବନ୍ୟା ପାଣିରେ ଭାସି ଆସିଥିବା ଅନୁମାନ କରାଯାଉଛି ବୋଲି ବନ ବିଭାଗ ପକ୍ଷରୁ ସୂଚନା ଦିଆଯାଇଛି।

ଡେଙ୍ଗୁ ବ୍ୟାପୁ କି ମ୍ୟାଲେରିଆ; ଏଠାରେ କିନ୍ତୁ ମଶା ମାରିବା ପାପ

COASTAL NEWS ODIA 1129

ଡେଙ୍ଗୁ ବ୍ୟାପୁ କି ମ୍ୟାଲେରିଆ; ଏଠାରେ କିନ୍ତୁ ମଶା ମାରିବା ପାପ

 

ଭୁଟାନ୍ବ - (CNO) ଭଞ୍ଜ ବିହାରୀ ମହାନ୍ତି - ର୍ତ୍ତମାନ ସମୟରେ ସମଗ୍ର ଭାରତରେ ଡେଙ୍ଗୁ ନିଜ କାୟା ବିସ୍ତାର କରିଛି। ତାପମାତ୍ରା ସାଙ୍ଗକୁ ବର୍ଷା ଯୋଗୁ ମଶାଙ୍କ ପ୍ରାର୍ଦୁଭାବ ବଢ଼ିଥିବାରୁ ଲୋକେ ଏହି ରୋଗରେ ପୀଡ଼ିତ ହେଉଛନ୍ତି। ତେବେ ଆଜି ଆମେ ଦୁନିଆର ଏକ ଏଭଳି ଦେଶ ବିଷୟରେ କହିବୁ ଯେଉଁଠି ମଶା ମାରିବା ପାପ। ମ୍ୟାଲେରିଆ ବ୍ୟାପୁ ଅଥବା ଡେଙ୍ଗୁ, ଯଦି ସରକାରୀ ଅଧିକାରୀ କୌଣସି ଔଷଧ ସ୍ପ୍ରେ କରିବା ଲାଗି ଅଞ୍ଚଳରେ ପହଞ୍ଚନ୍ତି ତେବେ ଲୋକେ ତାଙ୍କୁ ଘଉଡାଇ ଦିଅନ୍ତି। ସେଠାକାର ବାସିନ୍ଦା କିନ୍ତୁ ଗୋଟିଏ ବି ମଶା ମାରନ୍ତି ନାହିଁ। ଆଶ୍ଚର୍ଯ୍ୟ ଲାଗିଲେ ବି କଥାଟି ସତ।

ଯେଉଁ ଦେଶରେ ମଶା ମାରିବା ପାପ, ସେଇଟି ହେଲା ଆମ ପଡ଼ୋଶୀ ଦେଶ ଭୂଟାନ। ଭୂଟାନରେ ବୌଦ୍ଧ ଧର୍ମ ପାଳନ କରାଯାଇଥାଏ। ଏଥିଯୋଗୁ ଏଠାରେ କୌଣସି ବି ଜୀବଙ୍କୁ ହତ୍ୟା କରିବା ପାପ ବୋଲି କୁହାଯାଏ। ଏଣୁ ମଶାଙ୍କୁ ମାରିବା ଲାଗି ସରକାରୀସ୍ତରରେ ତତ୍ପରତା ବୃଦ୍ଧି ପାଇଲେ ଲୋକେ ହଙ୍ଗାମା କରିଥାନ୍ତି।

ଡାକ୍ତରଙ୍କ ଘରୁ ପୁଳା ପୁଳା ଟଙ୍କା ଯବତ୍

COASTAL NEWS ODIA 1128

ଡାକ୍ତରଙ୍କ ଘରୁ ପୁଳା ପୁଳା ଟଙ୍କା ଯବତ୍ 

ପାରାଦୀପ - (CNO) ଭଞ୍ଜ ବିହାରୀ ମହାନ୍ତି - କୋଟିପତି ଡାକ୍ତର ରାଜେନ୍ଦ୍ର ନାରାୟଣ ପାଣିଗ୍ରାହୀଙ୍କୁ ଗତକାଲିଠୁ ଘାଣ୍ଟୁଛି ସିବିଆଇ। ବର୍ତ୍ତମାନ ସୁଦ୍ଧା ତାଙ୍କ ଘରୁ ପୁଳା ପୁଳା ଟଙ୍କା ମିଳିବା ସହ ଫରେନ କରେନ୍ସି ଜବତ କରାଯାଇଛି। ଏହାସହ ରାଜେନ୍ଦ୍ରଙ୍କ ଘରୁ ଲକ୍ଷ ଲକ୍ଷ ଟଙ୍କାର ଦାମୀ ବିଦେଶୀ ମଦ ଓ ଦାମୀ ସିଗାରେଟ ସିବିଆଇକୁ ମିଳିଛି। ଯାହାକୁ ଦେଖି ତାଜୁବ ହୋଇଯାଇଛନ୍ତି ସିବିଆଇ ଅଧିକାରୀ। ଆଜିବି ରାଜେନ୍ଦ୍ରଙ୍କୁ ମରାଥନ୍‌ ଜେରା କରୁଛି ସିବିଆଇ।

ଜାହାଜର କ୍ରିଉ ମେମ୍ବରଙ୍କୁ କୋଭିଡ୍ କ୍ଲିୟରାନ୍ସ ସାର୍ଟିଫିକେଟ ଦେବାକୁ ଆର୍‌.ଏନ୍ ପାଣିଗ୍ରାହୀ ଉକ୍ତ ଶିପିଂ ଏଜେଣ୍ଟଙ୍କୁ ମାଗିଥିଲେ ଲକ୍ଷେରୁ ଅଧିକ ଟଙ୍କା। ୭୦ ଜଣ କ୍ରିଉ ମେମ୍ବରଙ୍କୁ କୋଭିଡ୍ କ୍ଲିୟରାନ୍ସ ସାର୍ଟିଫିକେଟ ଦେବାକୁ ଜଣ ପିଛା ୧୫୦୦ ଟଙ୍କା ଲେଖାଏଁ ଦେବାକୁ କହିଥିଲେ।

ଗତକାଲି ଶିପିଂ ଏଜେଣ୍ଟଙ୍କ ଠାରୁ ରାଜେନ୍ଦ୍ର ୫୦ ହଜାର ଟଙ୍କା ଲାଞ୍ଚ ଦେଉଥିଲେ। ଏହି ସମୟରେ ଛକି ରହିଥିବା ସିବିଆଇ ଅଧିକାରୀ ନାରାୟଣ ଲାଞ୍ଚ ନେବାବେଳେ ମାଡ଼ି ବସିଥିଲେ। ତାଙ୍କ ଠାରୁ ଲାଞ୍ଚ ଟଙ୍କା ଜବତ କରିବା ସହ ୧୦ ଜଣିଆ ସିବିଆଇ ଟିମ୍‌ ଡକ୍ଟର ଆର୍‌.ଏନ୍ ପାଣିଗ୍ରାହୀଙ୍କୁ ପଚରାଉଚରା କରିଥିଲେ।

ଏହାସହ ଗତକାଲି ରାଜେନ୍ଦ୍ରଙ୍କ ପାରାଦୀପରେ ଅଫିସ୍ ସମେତ ଜେ.ବି କଲୋନୀରେ ଥିବା କ୍ୱାର୍ଟର୍ସ ଓ ହାଉସିଂ ବୋର୍ଡ କଲୋନୀରେ ଥିବା ଭଡ଼ା ଘରେ ମଧ୍ୟ ଚଢ଼ାଉ କରାଯାଇଥିଲା। ଚଢ଼ାଉବେଳେ ଦୁଇଟି ଘରୁ ଲକ୍ଷ ଲକ୍ଷ ଟଙ୍କାର ଦାମୀ ବିଦେଶୀ ମଦ ଓ ଦାମୀ ସିଗାରେଟ ମିଳିଛି। ଏହାସହ ବିଛଣା ତଳୁ, ବାଥରୁମରୁ କୋଟିଏ ପାଖାପାଖି ଟଙ୍କା ସହ ବିପୁଳ ପରିମାଣର ଫରେନ କରେନ୍ସି ଜବତ କରାଯାଇଛି। 

ପାରାଦୀପ ବ୍ୟତୀତ ବାଲେଶ୍ୱର ଓ କଟକରେ ଥିବା ଘରେ ମଧ୍ୟ ସିବିଆଇ ଚଢ଼ାଉ କରି ବିପୁଳ ଟଙ୍କା ଓ ସୁନା ଅଳଙ୍କାର ଜବତ କରିଥିବା ସୂଚନା ମିଳିଛି। ଏହାସହ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଏବଂ କମ୍ପ୍ୟୁଟର ହାର୍ଡ ଡିସ୍କ ସିବିଆଇ ଜବତ କରିଛି।

ଟ୍ରେନ୍‌ ଭିତରେ ଆଖିବୁଜା ଗୁଳିମାଡ଼

COASTAL NEWS ODIA 1127

ଟ୍ରେନ୍‌ ଭିତରେ ଆଖିବୁଜା ଗୁଳିମାଡ଼

ରାଞ୍ଚି -( CNO ) ଭଞ୍ଜ ବିହାରୀ ମହାନ୍ତି - ଟ୍ରେନ୍‌ ଭିତରେ ଆଖିବୁଜା ଗୁଳିମାଡ଼ । ଭୟଭୀତ ହୋଇ ଇଆଡ଼େ ସିଆଡ଼େ ଦୌଡ଼ିଲେ ଯାତ୍ରୀ। ଏଥିରେ କେହି ମୃତାହତ ହୋଇ ନ ଥିବା ବେଳେ ସମ୍ପୃକ୍ତ ଅଭିଯୁକ୍ତଙ୍କୁ ବାନ୍ଧିଛି ପୁଲିସ୍‌। ଏପରି ଏକ ଘଟଣା ସିୟାଲଦହ ଏକ୍ସପ୍ରେସରେ ଗତକାଲି ଘଟିଛି।

ଗତକାଲି ଟ୍ରେନ୍‌ଟି ଝାଡ଼ଖଣ୍ଡ ରାଜଧାନୀ ରାଞ୍ଚିରେ ଯାଉଥିବା ବେଳେ ହଠାତ୍‌ ଗୁଳିର ଶବ୍ଦ ଶୁଣିବାକୁ ମିଳିଲା। ଏହା ଶୁଣି ଯାତ୍ରୀମାନେ ଭୟଭୀତ ହୋଇ ଜୀବନ ବିକଳରେ ଇଆଡ଼େ ସିଆଡ଼େ ଦୌଡ଼ିବାକୁ ଲାଗିଲେ।

 

ପୁଲିସ୍‌ ସୂଚନା ପାଇ ତୁରନ୍ତ ଉକ୍ତ ଟ୍ରେନ୍‌ରେ ପହଞ୍ଚି ଉକ୍ତ ଯୁବକଙ୍କୁ କାବୁ କରିବା ସହ ଟ୍ରେନ୍‌ରୁ ନେଇ ଯାଇଥିବା ଜଣାଯାଇଛି। ଉକ୍ତ ବ୍ୟକ୍ତିଙ୍କ ରକ୍ତ ନମୁନା ପରୀକ୍ଷା ପାଇଁ ପଠାଯାଇଥିବା ବେଳେ ସେ ନିଶାସକ୍ତ ଥିଲେ ବି ନାହିଁ ତାହା ସ୍ପଷ୍ଟ ହୋଇନି।

ଏହି ଘଟଣା ପରେ ଟ୍ରେନ୍‌ରେ ଥିବା ଅନ୍ୟ ଯାତ୍ରୀମାନେ ଭୟଭୀତ ହୋଇ ଯାଇଥିବା ବେଳେ ତନ ତନ କରି ଟ୍ରେନ୍‌କୁ ଯାଞ୍ଚ କରିବାକୁ ଦାବି କରିଥିଲେ। ଏହାକୁ କେନ୍ଦ୍ର କରି ଷ୍ଟେଶନରେ ଚାପା ଉତ୍ତେଜନା ଦେଖାଦେଇଥିଲା।

ଏହିପରି ଏକ ଘଟଣା ଗତ ଜୁଲାଇ ୩୧ ତାରିଖରେ ଘଟିଥିଲା। ଆରପିଏଫ କନଷ୍ଟେବଳ ଚେତନ ସିଂ ଚୌହାନ ଜୟପୁର- ମୁମ୍ବାଇ ସୁପରଫାଷ୍ଟ ଏକ୍ସପ୍ରେସରେ ଆଖିବୁଜା ଗୁଳି ଚଳାଇଥିଲେ। ଏଥିରେ ତାଙ୍କ ଉପରିସ୍ଥ ଅଧିକାରୀଙ୍କ ସମେତ ୩ ଜୀବନ ଚାଲି ଯାଇଥିଲା।

୬ ମାସ ଗଲାନି, ଭାଙ୍ଗିଗଲା ଡ୍ରେନ୍‌

COASTAL NEWS ODIA 1126

୬ ମାସ ଗଲାନି, ଭାଙ୍ଗିଗଲା ଡ୍ରେନ୍‌

 

ବଇଣ୍ଡା,୧୩ା୧୦ ( CNO) ଭଞ୍ଜ ବିହାରୀ ମହାନ୍ତି -) ଅନୁଗୋଳ ଜିଲା କିଶୋରନଗର ବ୍ଲକ ବଇଣ୍ଡା ଅଞ୍ଚଳରେ ନିର୍ମାଣ କରାଯାଉଥିବା ଡ୍ରେନ୍‌ କାର୍ଯ୍ୟ ନିମ୍ନମାନର ହେଉଥିବା ଅଭିଯୋଗ ହୋଇଛି। ଆବଶ୍ୟକ ପରିମାଣର ଲୁହାରଡ୍‌ ଦିଆଯାଇ ନ ଥିବା ଯୋଗୁ କେତେକ ସ୍ଥାନରେ ଡ୍ରେନ ଭାଙ୍ଗିବା ଆରମ୍ଭ କଲାଣି। ଏହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ବଇଣ୍ଡା ବିଦ୍ୟୁତ୍‌ ବିଭାଗ କାର୍ଯ୍ୟାଳୟ ନିକଟରେ ନିର୍ମାଣ ହୋଇଥିବା ଡ୍ରେନର ଛାତ ଭୁଶୁଡି ପଡିଛି। ଏକ ୪ ଚକିଆ ଯାନ ଯାଉଥିବା ବେଳେ ଡ୍ରେନର ଉକ୍ତ ସ୍ଥାନ ଭାଙ୍ଗିପଡିଥିଲା। ନିର୍ମାଣକୁ ୬ ମାସ ନ ପୂରୁଣୁ ଡ୍ରେନ୍‌ ଭାଙ୍ଗିଯିବା ନିମ୍ନମାନର କାମକୁ ଦର୍ଶାଉଛି ବୋଲି କଦଳୀମୁଣ୍ଡା ଗ୍ରାମବାସୀ ଗୁରୁବାର ଜିଲାପାଳଙ୍କୁ ଏକ ଅଭିଯୋଗପତ୍ର ମାଧ୍ୟମରେ ଅବଗତ କରାଇଛନ୍ତି।

ଅଭିଯୋଗରେ ଗ୍ରାମବାସୀ ଉଲ୍ଲେଖ କରିଛନ୍ତି, କଟକ-ସମ୍ବଲପୁର ୫୫ ନମ୍ବର ଜାତୀୟ ରାଜପଥର ୪ ଲେନ କାମ ବଇଣ୍ଡା ଅଞ୍ଚଳରେ ଚାଲିଛି। ଅତ୍ୟନ୍ତ ମନ୍ଥର ଗତିରେ କାମ କରାଯାଉଥିବାବେଳେ ଉଭୟ ପାର୍ଶ୍ୱରେ ଡ୍ରେନ ନିର୍ମାଣ ଶେଷ ହୋଇନାହିଁ। ଶରଧାମୁଣ୍ଡାଠାରୁ କଦଳୀମୁଣ୍ଡା ୩ କି.ମି. ରାସ୍ତାର ଦୁଇ ପାର୍ଶ୍ୱରେ ମାତ୍ର ୫୦ ପ୍ରତିଶତ ଡ୍ରେନ୍‌ କାମ ସରିଛି। କିନ୍ତୁ ଏଥିରେ ଆବଶ୍ୟକ ପରିମାଣର ଲୁହାରଡ୍‌ ଲଗାଯାଇ ନାହିଁ। 

ବିଳମ୍ବିତ ରାତିରେ ଏହି କାମ କରାଯାଉଥିବା ବେଳେ ଜାତୀୟ ରାଜପଥ ବିଭାଗର କୌଣସି ଅଧିକାରୀ ତଦାରଖ କରୁ ନ ଥିବାରୁ ନିମ୍ନମାନର କାମ କରାଯାଉଥିବା କଦଳୀମୁଣ୍ଡା ଗ୍ରାମବାସୀ ଅଭିଯୋଗ କରିଛନ୍ତି। ୬ ମାସ ହେବ ଡ୍ରେନ କାମ ହୋଇଥିବା ବେଳେ ଏବେ ତାହା ଭାଙ୍ଗି ଯାଉଥିବାରୁ ଏହାର ଭବିଷ୍ୟତକୁ ନେଇ ଆଶଙ୍କା ଦେଖାଦେଇଛି। ତୁରନ୍ତ ଏଥିପ୍ରତି ଅନୁଗୋଳ ଜିଲାପାଳ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି l

କାମରେ ଲାଗୁନି ପବ୍ଲିକ ପାର୍କ

COASTAL NEWS ODIA 1125

କାମରେ ଲାଗୁନି ପବ୍ଲିକ ପାର୍କ

 

ଚମ୍ପୁଆ,୧୩ା୧୦ : ଭଞ୍ଜ ବିହାରୀ ମହାନ୍ତି - (CNO) କେନ୍ଦୁଝର ଜିଲା ଚମ୍ପୁଆ ବିଜ୍ଞାପିତ ଅଞ୍ଚଳ ପରିଷଦର ୧୩ ଗୋଟି ୱାର୍ଡବାସୀଙ୍କ ଶାରୀରିକ, ମାନସିକ ଅଭିବୃଦ୍ଧି ଓ ଆମୋଦ ପ୍ରୋମଦ ପାଇଁ ନିର୍ମାଣ ହୋଇଥିବା ପାର୍କ କାମରେ ଲାଗୁନାହିଁ। ମୁଖ୍ୟମନ୍ତ୍ରୀ କର୍ମ ତତ୍ପର ଅଭିଯାନ ଅନୁଯାୟୀ ଗୃହ ଏବଂ ସହର ଉନ୍ନୟନ ବିଭାଗ ଦ୍ୱାରା ପବ୍ଲିକ ପାର୍କ ନିର୍ମାଣ ହୋଇଥିଲା। ନିର୍ମାଣ କାର୍ଯ୍ୟ ପ୍ରାୟ ୬ ମାସ ପୂର୍ବେ ଶେଷ ହୋଇଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ଫାଟକରୁ ତାଲା ଖୋଲାଯାଉ ନ ଥିବାରୁ ସେଥିରେ କଳଙ୍କି ଲାଗିଗଲାଣି।

ସୂଚନା ଅନୁଯାୟୀ, ୧୩ ଗୋଟି ୱାର୍ଡ ପାଇଁ ଏନ୍‌ଏ୍‌ସି ପକ୍ଷରୁ ୨୫ ଲକ୍ଷ୍ୟ ବ୍ୟୟ ଅଟକଳରେ ୭ ଗୋଟି ପବ୍ଲିକ ପାର୍କ ନିର୍ମାଣ କରାଯାଇଛି। ଆବଶ୍ୟକ ସରଞ୍ଜାମ ପ୍ରାୟ ସବୁ ପାର୍କରେ ଲାଗିସାରିଥିବା ବେଳେ ଆଜି ପର୍ଯ୍ୟନ୍ତ ତାହା ଖୋଲୁନାହିଁ। କେତେକେ ସ୍ଥାନରେ ନିର୍ମାଣର କିଛିଦିନ ପରେ ପାଚେରି ଗଡ଼ିଯାଇଥିଲେ ମଧ୍ୟ ତାହାର ପୁନରୁଦ୍ଧାର କରାଯାଇ ନ ଥିବାରୁ ପାର୍କ ମଧ୍ୟରେ ପଡ଼ିଥିବା ପେଭର ବ୍ଲକ୍‌ ଉପରେ ଘାସ ମାଡ଼ିଗଲାଣି। ଏପରିକି ପାର୍କ ମଧ୍ୟରେ ବଣବୁଦା ହୋଇଗଲାଣି। 

ଏ ପଟେ ୱାର୍ଡବାସୀଙ୍କ ସ୍ବାସ୍ଥ୍ୟକୁ ଗୁରୁତ୍ୱ ଦେଉଥିବା ଏନଏସି ବିଭାଗ କେଉଁ କାରଣ ପାଇଁ ଏହା ଖୋଲୁନାହିଁ ତାହା ୱାର୍ଡବାସୀଙ୍କୁ ଆଶ୍ଚର୍ଯ୍ୟ ଚକିତ କରିଛି। ସିଏମ୍‌ଏମ୍‌ ଅନନ୍ତ ଚରଣ ସାହୁ କହିଛନ୍ତି, ଏହା ଖୋଲିବା ପାଇଁ ଆମେ ଇଓଆଇ ବାହାର କରିଛୁ। ଏହା ମିଶନ ଶକ୍ତି ଗ୍ରୁପକୁ ଦିଆଯିବା ସହ ମାସିକ ରକ୍ଷଣା ବେକ୍ଷଣ ପାଇଁ ୩ ହଜାର ଟଙ୍କା ପ୍ରଦାନ କରାଯିବ। ଖୁବ୍‌ ଶୀଘ୍ର ଏହା ୱାର୍ଡବାସୀଙ୍କ କାମରେ ଆସିବ ବୋଲି କହିଛନ୍ତି।

ଆଇଟି ରେଡ କଂଗ୍ରେସ ନେତା ଙ୍କ ଘରୁ ମିଳିଲା ୨୧ ପେଟି ଭର୍ତ୍ତି ଟଙ୍କା

COASTAL NEWS ODIA 1124

ଆଇଟି ରେଡ କଂଗ୍ରେସ ନେତା ଙ୍କ ଘରୁ ମିଳିଲା ୨୧ ପେଟି ଭର୍ତ୍ତି ଟଙ୍କା 

ବାଙ୍ଗାଲୁରୁ - ଭଞ୍ଜ ବିହାରୀ ମହାନ୍ତି - ରାତି ଅଧରେ ଚାଲିଥିଲା ଆଇଟି ରେଡ । ଆଉ ରେଡ କରୁ କରୁ ଯାହା ଦେଖିଲେ ଅଧିକାରୀଙ୍କ ଆଖି ଖୋସି ହୋଇଗଲା। ଗୋଟିଏ ଫ୍ଲାଟରୁ ଏକ କି ଦୁଇ ନୁହେଁ, ମିଳିଲା ୨୧ ପେଟି ଭର୍ତ୍ତି ଟଙ୍କା। ଆୟକର ବିଭାଗ ପକ୍ଷରୁ ଉକ୍ତ ଟଙ୍କା ଜବତ କରି ନିଆଯାଇଛି।

ଏହି ଫ୍ଲାଟ ବାଙ୍ଗାଲୁରୁର କଂଗ୍ରେସ ନେତା ପୂର୍ବ ପାର୍ଷଦ ଅଶ୍ୱଥମ୍ମାଙ୍କର ଜଣେ ସମ୍ପର୍କୀୟଙ୍କର ବୋଲି ଜଣାଯାଇଛି। ଆୟକର ବିଭାଗ ପକ୍ଷରୁ ପୂର୍ବ ପାର୍ଷଦଙ୍କ ଘର ସମେତ ବିଭିନ୍ନ ସ୍ଥାନରେ ଥିବା ତାଙ୍କ ସମ୍ପର୍କୀୟଙ୍କ ଘରେ ବି ଗତକାଲି ଚଢ଼ାଉ କରାଯାଇଥିଲା। ଆରଟି ନଗରସ୍ଥିତ ସମ୍ପର୍କୀୟଙ୍କ ଘରେ ଚଢ଼ାଉ ବେଳେ ସେଠାରୁ ୨୧ ପେଟି ଭର୍ତ୍ତି ଟଙ୍କା ମିଳିଛି। ଏହି ଟଙ୍କାର ପ୍ରକୃତ ପରିମାଣ କେତେ ଜଣା ଯାଇ ନ ଥିବା ବେଳେ ଆୟକର ବିଭାଗ ପକ୍ଷରୁ ତାହାକୁ ଜବତ କରାଯାଇଛି।

ଏନେଇ କଂଗ୍ରେସ ନେତାଙ୍କ ମତାମତ ମିଳି ପାରି ନାହିଁ। ତେବେ ଏତେ ଟଙ୍କା କାହାର କେଉଁଠି ଆସିଲା ତାହା ତଦନ୍ତ ଆରମ୍ଭ କରିଛି ଆୟକର ବିଭାଗ । ଏହି ଘଟଣାରେ ଯିଏ ବି ଦୋଷୀ ସାବ୍ୟସ୍ତ ହେବେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି।

ପାହାଡ଼ ଚଢ଼ି ଚିଠି ବାଣ୍ଟୁଛନ୍ତି ପୋଷ୍ଟ ମାଷ୍ଟର

COASTAL NEWS ODIA 1123

ପାହାଡ଼ ଚଢ଼ି ଚିଠି ବାଣ୍ଟୁଛନ୍ତି ପୋଷ୍ଟ ମାଷ୍ଟର 

 

ମୋହନା,୧୩ା୧୦: ଭଞ୍ଜ ବିହାରୀ ମହାନ୍ତି - ଡାକ ସେବା ବ୍ରିଟିଶ ଅମଳରୁ ଆରମ୍ଭ ହୋଇଥିବା ବେଳେ ବହୁ ପୁରାତନ କାଳରୁ ଲୋକଙ୍କୁ ଏହି ସେବା ଯୋଗାଇ ଆସୁଛି। ଜନସାଧାରଣଙ୍କୁ ସଞ୍ଚୟ ଖାତା, ପୁନଃ ସଂଘଟିତ ଜମା ଖାତା, ମାସିକ ଆୟ ଖାତା, ସୁକନ୍ୟା ସମୃଦ୍ଧି ଯୋଜନା ଓ ପେନସନ ସ୍କିମ୍‌ ସମେତ ବିଭିନ୍ନ ପ୍ରକାର ସେବା ଯୋଗାଇ ଆସୁଥିବା ବେଳେ ଦୁର୍ଗମ ଅଞ୍ଚଳରେ ଏହି ସମସ୍ତ ସେବା କିଭଳି ଚାଲିଛି ତାର ବାସ୍ତବ ଚିତ୍ର ସାମ୍ନାକୁ ଆସିଛି। କେଉଁଠି ପୋଷ୍ଟ ମାଷ୍ଟରଙ୍କୁ ଗଛ ମୂଳେ ବସି ଲୋକଙ୍କୁ ସେବା ଯୋଗାଉଛନ୍ତି ତ ଗାଁକୁ ରାସ୍ତା ନ ଥିବାରୁ ଘାଟି ପାହାଡ ଚଡ଼ି ଚିଠି ବାଣ୍ଟୁଛନ୍ତି। 

ଏହା ଦେଖିବାକୁ ମଳିଛି ଗଜପତି ଜିଲା ମୋହନା ବ୍ଲକର ମଳାସପଦର ପଞ୍ଚାୟତ। ବର୍ତ୍ତମାନ ଡାକ ସେବା ପାଇଁ ଗ୍ରାହକଙ୍କ ସମସ୍ତ କାମ ଅନଲାଇନରେ ଡାଟା ପଞ୍ଜିକରଣ କରିବାକୁ ପଡୁଥିବା ବେଳେ ଯେଉଁଠି ନେଟୱର୍କ ସୁବିଧା ନାହଁ ସେହି ସବୁ ସ୍ଥାନରେ ପୋଷ୍ଟ ମାଷ୍ଟରଙ୍କୁ ନାହିଁ ନ ଥିବା ହଇରାଣ ହେବାକୁ ପଡୁଛି। ମୋହନା ଉପ ଡାକ ଅଫିସ ଅଧୀନରେ ୯ ଗୋଟି ଶାଖା ଡାକ ଘର ରହିଥିବା ବେଳେ ଅଧିକାଂଶ ସ୍ଥାନରେ ନେଟୱାର୍କ ସୁବିଧା ନ ଥିବାରୁ ଗ୍ରାହକଙ୍କୁ ଠିକ୍‌ ସମୟରେ ସେବା ଯୋଗାଇବା ସମ୍ଭବ ହେଉନାହିଁ। 

ମୋହନା ବ୍ଲକ ମଳାସପଦର ପୋଷ୍ଟ ମାଷ୍ଟର ଫୁଲସି ମଣ୍ଡଳ କହିବା ଅନୁସାରେ ନିଜ ଅଞ୍ଚଳରେ ନେଟୱାର୍କ ନ ଥିବାରୁ ଗାଁ ଠାରୁ ୨୦ କିମି ଯାଇ ଏକ ଗଛ ମୂଳେ ବସି ଅନଲାଇନରେ ଗ୍ରାହକଙ୍କ ଡାଟା ଏଣ୍ଟ୍ରି କରୁଛନ୍ତି। ଦିନକୁ ଦୁଇ ଥର ନିଜ ଗାଁରୁ ୨୦ କିମି ଯାତ୍ରା କରି ଲୋକଙ୍କୁ ସେବା ଯୋଗାଉଛନ୍ତି। କେବଳ ସେତିକି ନୁହଁ, ବିଭିନ୍ନ ଗାଁକୁ ଯାତାୟାତ ପାଇଁ ଭଲ ରାସ୍ତା ନାହିଁ। ଡାକ ବ୍ୟାଗ୍‌ ଆସିବା ପରେ ପୋଷ୍ଟ ପିଅନ ନ ଥିବାରୁ ନିଜେ ଘାଟି ପାହାଡ ଚାଲି ଲୋକଙ୍କ ଚିଠି ବାଣ୍ଟିବାକୁ ପଡୁଛି। ନେଟୱାର୍କ ସୁବିଧା ଥିଲେ ସୁବିଧାରେ ନିଜ ପୋଷ୍ଟ ଅଫିସରେ ବସି ଅନଲାଇନ୍‌ କାମ କରି ଲୋକଙ୍କୁ ସେବା ଯୋଗାଇ ପାରିଥାନ୍ତେ।

ଇସ୍ରାଏଲରୁ 212 ଭାରତୀୟଙ୍କୁ ନେଇ ଯାଉଥିବା ବିମାନ 'ଅପରେସନ୍ ଅଜୟ' ଅଧୀନରେ ପ୍ରଥମ ବିମାନ ଦିଲ୍ଲୀରେ ପହଞ୍ଚିଲା |

COASTAL NEWS ODIA 1122

ଇସ୍ରାଏଲରୁ 212 ଭାରତୀୟଙ୍କୁ ନେଇ ଯାଉଥିବା ବିମାନ 'ଅପରେସନ୍ ଅଜୟ' ଅଧୀନରେ ପ୍ରଥମ ବିମାନ ଦିଲ୍ଲୀରେ ପହଞ୍ଚିଲା |

ନୂଆଦିଲ୍ଲୀ - ( CNO.) 212 ଭାରତୀୟ ନାଗରିକଙ୍କୁ ନେଇ ଇସ୍ରାଏଲରୁ ଆସିଥିବା ପ୍ରଥମ ବିମାନ ଭାରତରେ ପହଞ୍ଚିଛି। ଇସ୍ରାଏଲ ଏବଂ ହାମାସ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ଭାରତ ସରକାର ଅପରେସନ୍ ଅଜୟ ଆରମ୍ଭ କରିଛନ୍ତି, ଯାହା ଅଧୀନରେ ଭାରତୀୟ ନାଗରିକମାନଙ୍କୁ ଇସ୍ରାଏଲରୁ ଭାରତକୁ ଅଣାଯାଉଛି।

ଯାତ୍ରୀମାନେ ଇସ୍ରାଏଲରୁ ଭାରତକୁ ପ୍ରଥମ ବିମାନରେ ଆସିଛନ୍ତି ।

 ହାମାସ ସହିତ ଯୁଦ୍ଧ ମଧ୍ୟରେ ଇସ୍ରାଏଲର ବିଭିନ୍ନ ସହରରେ ଫସି ରହିଥିବା ଭାରତୀୟ ନାଗରିକମାନଙ୍କୁ ସ୍ଥାନାନ୍ତର କରିବା କାର୍ଯ୍ୟ ଆରମ୍ଭ ହୋଇଛି।  ଏଥିପାଇଁ ଭାରତ ସରକାର 'ଅପରେସନ୍ ଅଜୟ' ଆରମ୍ଭ କରିଛନ୍ତି।  ଏହି ଅପରେସନ ଅଧୀନରେ 212 ଭାରତୀୟଙ୍କୁ ନେଇ ଇସ୍ରାଏଲର ବେନ ଗୁରିଅନ ବିମାନବନ୍ଦରରୁ ପ୍ରଥମ ବିମାନ ଦିଲ୍ଲୀରେ ପହଞ୍ଚିଛି।  ଇସ୍ରାଏଲ୍ ସମୟ ଅନୁଯାୟୀ, ଭାରତୀୟ ନାଗରିକଙ୍କ ଦ୍ୱାରା ଭରପୂର ଏହି ବିମାନଟି ରାତି 9 ଟାରେ ବେନ୍ ଗୁରିଅନ୍ ବିମାନବନ୍ଦରରୁ ବିମାନ ଉଡ଼ାଣ କରିଥିଲା।  ଏହି ବିମାନରେ 212 ଯାତ୍ରୀଙ୍କୁ ନେଇ ଏୟାର ଇଣ୍ଡିଆ ବିମାନ ଶୁକ୍ରବାର ସକାଳ ପ୍ରାୟ 6 ଟାରେ (ଭାରତୀୟ ସମୟ) ଦିଲ୍ଲୀରେ ପହଞ୍ଚିଛି।  କେନ୍ଦ୍ର ମନ୍ତ୍ରୀ ରାଜୀବ ଚନ୍ଦ୍ରଶେଖର ଦିଲ୍ଲୀ ବିମାନ ବନ୍ଦରରେ ଭାରତୀୟ ନାଗରିକଙ୍କୁ ସ୍ୱାଗତ କରିଛନ୍ତି।

 ଇସ୍ରାଏଲ ଏବଂ ହାମାସ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧ ପରେ ଇସ୍ରାଏଲରେ ଫସି ରହିଥିବା ଲୋକଙ୍କୁ ସାହାଯ୍ୟ କରିବା ପାଇଁ ଭାରତ ସରକାର ଅପରେସନ୍ ଅଜୟ ଆରମ୍ଭ କରିଛନ୍ତି।  ବାସ୍ତବରେ, ଅକ୍ଟୋବର 7 ରେ ଯୁଦ୍ଧ ଆରମ୍ଭ ହେବା ପରେ ଏୟାର ଇଣ୍ଡିଆ ତୁରନ୍ତ ପ୍ରଭାବ ସହିତ ଇସ୍ରାଏଲରୁ ଏହାର ସମସ୍ତ ବିମାନ ବନ୍ଦ କରିଦେଇଥିଲା, ଏହି କାରଣରୁ ଅନେକ ଭାରତୀୟ ନାଗରିକ ଇସ୍ରାଏଲରେ ଅଟକି ରହିଥିଲେ, ଯେଉଁମାନେ ଭାରତକୁ ଫେରିବାକୁ ପଡୁଥିଲା।  ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଅପରେସନ୍ ଅଜୟ ଅଧୀନରେ, ଭାରତ ସରକାର ଇସ୍ରାଏଲରୁ ଆଣିଥିବା ଲୋକଙ୍କଠାରୁ କୌଣସି ପ୍ରକାରର ଭଡା ନିଆଯାଉ ନାହିଁ। ଇସ୍ରାଏଲରେ ପ୍ରାୟ 18 ହଜାର ଭାରତୀୟ ମୂଳ ଲୋକ ବାସ କରନ୍ତି।

ତେଲ ଅଭିବର ବିମାନବନ୍ଦରରେ ଭିଡ଼ |

ଅପରେସନ୍ ଅଜୟ ଅଧୀନରେ ଭାରତକୁ ଆସୁଥିବା ବିମାନରେ ଆସିବା ପାଇଁ ଇସ୍ରାଏଲର ତେଲ ଅଭିବ ବିମାନବନ୍ଦରରେ ବହୁ ସଂଖ୍ୟାରେ ଲୋକ ଅପେକ୍ଷା କରିଛନ୍ତି ।  ବହୁ ସଂଖ୍ୟାରେ ପ୍ରତ୍ୟାବର୍ତ୍ତନକାରୀ ହେଉଛନ୍ତି ଭାରତୀୟ ଛାତ୍ର।  ଇସ୍ରାଏଲରେ ପାଠ ପଢୁଥିବା ଛାତ୍ର ଶୁଭମ୍ କୁମାର କହିଛନ୍ତି ଯେ ଯୁଦ୍ଧ ଆରମ୍ଭ ହେବା ପରଠାରୁ ଅଧିକାଂଶ ଭାରତୀୟ ଛାତ୍ର ନର୍ଭସ ଥିଲେ।  କିନ୍ତୁ ତା’ପରେ ହଠାତ୍ ଆମେ କିଛି ଲିଙ୍କ୍ ଦେଖିଲୁ, ଯେଉଁଥିରେ ଭାରତୀୟ ଦୂତାବାସ ଦ୍ଵାରା ଜାରି ବିଜ୍ଞପ୍ତି ରହିଥିଲା ​​|  ଏହା ଆମର ମନୋବଳ ବଢାଇଲା ଏବଂ ଆମକୁ ଫେରିବାକୁ ଉତ୍ସାହିତ କଲା |ସରକାରଙ୍କୁ ଅଶେଷ ଅଶେଷ ଧନ୍ୟବାଦ l ଆମେ ଗର୍ବିତ ଯେ ଆମେ ଭାରତୀୟ l

ଦୁନିଆର ଅଭିଶପ୍ତ ପାର୍କ, ଦିନରେ ବି ଯିବାକୁ ଭୟ କରନ୍ତି ଲୋକେ

COASTAL NEWS ODIA 1121

ଦୁନିଆର ଅଭିଶପ୍ତ ପାର୍କ, ଦିନରେ ବି ଯିବାକୁ ଭୟ କରନ୍ତି ଲୋକେ

ଆମେରିକା - ଭଞ୍ଜ ବିହାରୀ ମହାନ୍ତି - ଦୁନିଆରେ ଏମିତି ଅନେକ ସ୍ଥାନ ଅଛି ଯେଉଁଠାରେ ଆତ୍ମା ବାସ କରନ୍ତି । ଏଭଳି ସ୍ଥାନକୁ ଯିବା ପାଇଁ ଲୋକେ ଭୟ କରନ୍ତି । ବେଳେବେଳେ ଏହି ସ୍ଥାନ ବିଷୟରେ ଶୁଣିଲେ ଲୋକଙ୍କ ଲୋମ ଟାଙ୍କୁରି ଉଠେ । କାରଣ ଏଭଳି ସ୍ଥାନରେ କିଛି ରହସ୍ୟମୟୀ ଘଟଣା ଘଟିଥାଏ, ଯାହା ବିଷୟରେ ବଡ଼ ବଡ଼ ବୈଜ୍ଞାନିକମାନେ ମଧ୍ୟ ସନ୍ଧାନ କରି ପାରନ୍ତିନି । ଏପରି ସ୍ଥାନକୁ ରାତିରେ କଣ, ଲୋକେ ଦିନରେ ବି ଯିବାକୁ ଭୟ କରନ୍ତି । ତେବେ ଆସନ୍ତୁ ଜାଣିବା ଏଭଳି ଏକ ରହସ୍ୟମୟୀ ପାର୍କ ବିଷୟରେ । ଯେଉଁଠାରେ ରାତି ହେଲେ ଆତ୍ମାଙ୍କ ପ୍ରକୋପ ବଢ଼ିଯାଏ ।

ଆମେରିକାର ପଶ୍ଚିମ ଭର୍ଜିନିଆର ପ୍ରିନ୍ସଟନ୍ ସହରରେ ‘ଲେକ୍‌ ଶାଉନି ଆମ୍ୟୁଜମେଣ୍ଟ ପାର୍କ’ ରହିଛି, ଯାହାକୁ ଅଭିଶପ୍ତ ବୋଲି କୁହାଯାଏ । କାରଣ ଏଠାରେ ୬ ଜଣ ଶିଶୁଙ୍କର ମୃତ୍ୟୁ ହୋଇଥିଲା । ଏହି ଭୟାବହ ମୃତ୍ୟୁ ପରେ ଏହି ପାର୍କ ବନ୍ଦ କରାଯାଇଥିଲା । ବହୁ ବର୍ଷ ଧରି ଏହା ନିର୍ଜନ ସ୍ଥାନ ଭାବେ ପଡ଼ି ରହିଛି । ଅନେକ ଲୋକ ଏହାକୁ ଦୁନିଆର ସବୁଠାରୁ ହଣ୍ଟେଡ ଆମ୍ୟୁଜମେଣ୍ଟ ପାର୍କ କୁହନ୍ତି । କାରଣ ଅନେକଙ୍କ ମତରେ ଏହି ପାର୍କ ଏକ ଶ୍ମଶାନ ଉପରେ ନିର୍ମିତ ହୋଇଥିଲା ।

ଦ ସନ୍‌ ରିପୋର୍ଟ ଅନୁସାରେ ଏହି ପାର୍କ ଶାଉନି ହ୍ରଦ କୂଳରେ ପ୍ରଥମେ ୧୯୨୦ ମସିହାରେ ଜଣେ ବ୍ୟବସାୟୀ କାନଲି ସ୍ନିଡୋଙ୍କ ଦ୍ୱାରା ଖୋଲା ଯାଇଥିଲା, ଯାହା ୧୯୮୮ ମସିହାରେ ବନ୍ଦ ହେବା ପୂର୍ବରୁ ୬୨ ବର୍ଷ ପର୍ଯ୍ୟନ୍ତ ଚାଲୁଥିଲା । ଅଭିଶପ୍ତ ଭୂମି ହୋଇଥିବାରୁ ଏଠାରେ ହଠାତ୍ ମୃତ୍ୟୁ ହୋଇଥିବା ସ୍ଥାନୀୟ ଲୋକମାନେ କୁହନ୍ତି ।

ଏହି ପାର୍କରେ ଏପରି ଅନେକ ଘଟଣା ଘଟିଛି ଯାହା ବିଷୟରେ ଜାଣିଲେ ଲୋକଙ୍କ ଲୋମ ଟାଙ୍କୁରି ଉଠେ । ଲୋକେ ଭୟରେ ଥରିବାକୁ ଲାଗନ୍ତି । ଏଠାରେ ଏକ ଛୋଟ ବାଳକର ଦୁଃଖଦ ମୃତ୍ୟୁ ହୋଇଥିଲା । ପିଲାଟି ପାର୍କରେ ଥିବା ସୁଇମିଂ ପୁଲରେ ବୁଡ଼ି ଯାଇଥିଲା । ଦୀର୍ଘ ସମୟ ପରେ ବାଳକର ଶରୀର ସୁଇମିଂ ପୁଲରେ ଭାସୁଥିବା ଲୋକେ ଦେଖିବାକୁ ପାଇଥିଲେ । ସେହି ସମୟରେ ପାର୍କର ମାଲିକମାନେ ଏହି ପୁଲକୁ ବାଲିରେ ଭର୍ତ୍ତି କରି ଦେଇଥିଲେ ।

ଏଠାରେ ଏକ ୩ ବର୍ଷର ଝିଅର ମଧ୍ୟ ମୃତ୍ୟୁ ଘଟିଥିଲା । ସେ ଲିଫ୍ଟରେ ଚାପି ଯାଇଥିଲା । ଅନ୍ୟ ଏକ ବାଳକ ଝୁଲଣାରେ ଖେଳୁଥିବା ବେଳେ ଦୁର୍ଘଟଣା ଘଟିଥିଲା ଏବଂ ତାର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା । ଏହାପୂର୍ବରୁ ୧୯୩୪ ମସିହାରେ ଜଣେ ମହିଳାଙ୍କୁ ପାର୍କ ବାହାରେ ଗୁଳି କରାଯାଇଥିଲା । ୧୯୬୬ ମସିହାରେ ଏଭଳି ଅଜବ ଦୁର୍ଘଟଣା ଘଟୁଥିବା ଯୋଗୁଁ ପାର୍କ ସବୁଦିନ ପାଇଁ ବନ୍ଦ ହୋଇଯାଇଥିଲା ।

ବନ୍ଦ ହେବାର ୨୦ ବର୍ଷରୁ ଅଧିକ ସମୟ ପରେ, ଏହି ପାର୍କରେ ପ୍ରତ୍ନତାତ୍ତ୍ୱିକ ଖନନ କରାଯାଇଥିଲା ଯେଉଁଥିରେ ଅଧିକ ଆଶ୍ଚର୍ଯ୍ୟଜନକ କଥା ସାମ୍ନାକୁ ଆସିଥିଲା । ପାର୍କକୁ ଖୋଳିବା ପରେ ପାଖାପାଖି ୧୩ଟି ମୃତଦେହ ଉଦ୍ଧାର ହୋଇଥିଲା, ଯେଉଁଥିରେ ଅଧିକାଂଶ ଶବ ଶିଶୁଙ୍କ ଶବ ଥିଲା । ଏହା ପରେ ଏଠାରେ କାର୍ଯ୍ୟ ବନ୍ଦ କରାଯାଇଥିଲା । ଏହି ସ୍ଥାନ ଏବେ ବନ୍ଦ ରହିଛି । ସନ୍ଧ୍ୟା ହେବା ମାତ୍ରେ ଲୋକମାନେ ଏହି ସ୍ଥାନ ଦେଇ ଯିବାକୁ ମଧ୍ୟ ଭୟ କରନ୍ତି ।

ଆଜିର ରାଶିଫଳ

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ ୧୩ ତାରିଖ ୨୦୨୩ ମସିହା(ଶୁକ୍ରବାର)*

*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉: ଆଜି ଦିନଟି ଶୁଭଫଳଦାୟୀ ଅଟେ। ଶାରୀରିକ, ମାନସିକ ସ୍ଵାସ୍ଥ୍ୟ ଉତ୍ତମ ରହିବ, ଉତ୍ସାହିତ ରହିବେ। ନୂଆ କାର୍ଯ୍ୟର ଶୁଭାରମ୍ଭ କରିବା  ପାଇଁ ସମୟ ଅନୁକୂଳ ଅଟେ। ପରିଜନମାନଙ୍କ ସହିତ ସମୟ ଆନନ୍ଦପୂର୍ବକ ବିତିବ। ଧାର୍ମିକ କାର୍ଯ୍ୟଗୁଡ଼ିକରେ ଖର୍ଚ୍ଚ ହୋଇପାରେ।*

*✧═════•❁❀❁•═════✧*

*🌹ବୃଷ🌹👉 : କମ ସମୟରେ ଅଧିକ ଲାଭ ପାଇବା ବିଚାରରେ ଆପଣ ଫସି ନ ଯାଆନ୍ତୁ, ଧ୍ୟାନ ରଖିବେ। କୋର୍ଟ-କଚେରୀ ବିଷୟରେ ନ ପଡ଼ିବାପାଇଁ ଉପଦେଶ। ପରିବାରରେ ସୁଖ-ଶାନ୍ତି ରହିବ। ନୂଆ କାର୍ଯ୍ୟର ପ୍ରାରମ୍ଭ ଆଜି କରି ପାରିବେ। ଆକସ୍ମିକ ଧନଲାଭ ହେବ।*

*✧═════•❁❀❁•═════✧*

*🌹ମିଥୁନ🌹👉 : ସନ୍ତାନ ସମ୍ବନ୍ଧୀତ ଶୁଭ ସମାଚାର ଆପଣଙ୍କୁ ମିଳିବ। ପୁରୁଣା ତଥା ପିଲାଦିନର ମିତ୍ରମାନଙ୍କର ଭେଟରେ ମନ ପ୍ରସନ୍ନ ହେବ। ନୂଆ ମିତ୍ର ମଧ୍ୟ ବନିବାର ସମ୍ଭାବନା ଅଛି। ବ୍ୟବସାୟ ଏବଂ ଆର୍ଥିକ ରୂପରେ ଲାଭ ହେବ। ମଧ୍ୟାହ୍ନ ପରେ ସମ୍ଭାଳିକରି ଚାଲିବାକୁ ଉପଦେଶ।*

*✧═════•❁❀❁•═════✧*

*🌹କର୍କଟ🌹👉 : ଆଜିର ବ୍ୟବସାୟ କ୍ଷେତ୍ରରେ ଅଧିକାରୀଗଣଙ୍କର କୃପାଦୃଷ୍ଟି ଆପଣଙ୍କ ପ୍ରଗତିର ମାର୍ଗ ଖୋଲିବ। ବ୍ୟାପାରରେ ଆୟ ବଢ଼ିବାର ସମ୍ଭାବନା ଅଛି। ପିତା ଏବଂ ବଡ଼ଙ୍କର ଆଶୀର୍ବାଦରେ ଲାଭ ହେବ। ମଧ୍ୟାହ୍ନ ପରେ ମିତ୍ରମାନଙ୍କଠାରୁ ହେବ। କୌଣସି ସାମାଜିକ ପ୍ରସଙ୍ଗରେ ଉପସ୍ଥିତ ରହବାକୁ ପଡ଼ିପାରେ।*

*✧═════•❁❀❁•═════✧*

*🌹ସିଂହ🌹👉 : ଅଧିକାରୀମାନଙ୍କ ସହିତ ବାଣୀ ଏବଂ ବ୍ୟବହାରରେ ନିୟନ୍ତ୍ରଣ ରଖିବେ। ବ୍ୟାପାରରେ ବିଘ୍ନ ଆସିବାର ଆଶଙ୍କା ଅଛି। ମଧ୍ୟାହ୍ନ ପରେ ବ୍ୟବସାୟିକ କ୍ଷେତ୍ରରେ ଆପଣଙ୍କପାଇଁ ପରିସ୍ଥିତି ଅନୁକୂଳ ରହିବ। ଅଧିକାରୀଗଣ ଆପଣଙ୍କ କାର୍ଯ୍ୟରେ ସନ୍ତୋଷ ଅନୁଭବ କରିବେ। ଆର୍ଥିକ ଦୃଷ୍ଟିରୁ ଲାଭ ହେବ।*

*✧═════•❁❀❁•═════✧*

*🌹କନ୍ୟା🌹👉 : ଆଜି କ୍ରୋଧ ଏବଂ ବାଣୀ ଉପରେ ନିୟନ୍ତ୍ରଣ ରଖନ୍ତୁ। ସ୍ଵାସ୍ଥ୍ୟର ଧ୍ୟାନ ରଖିବେ। ସରକାର ବିରୋଧୀ ପ୍ରବୃତ୍ତିଗୁଡ଼ିକରୁ ଦୂରରେ ରୁହନ୍ତୁ। ପରିଜନମାନଙ୍କ ସହିତ କଳହର ପ୍ରସଂଗ ବନିପାରେ। ଈଷ୍ଟ ଦେବତାଙ୍କର ଶରଣରେ ସମସ୍ୟାଗୁଡ଼ିକର ନିବାରଣ ହେବ।* 

*✧═════•❁❀❁•═════✧*

*🌹ତୁଳା🌹👉 : ସକାଳେ ହିଁ ମିତ୍ରମାନଙ୍କ ସହିତ ବୁଲିବାକୁ, ଖାଇବା ପିଇବା ଏବଂ ମନୋରଞ୍ଜନରେ ଦିନ ବିତିବ। ଭାଗିଦାରୀ ସହିତ ସମ୍ବନ୍ଧ ଭଲ ରହିବ ପରନ୍ତୁ ମଧ୍ୟାହ୍ନ ପରେ ଆପଣଙ୍କୁ ପ୍ରତିକୂଳତାର ସାମନା କରିବାକୁ ପଡ଼ିପାରେ। ସ୍ଵାସ୍ଥ୍ୟର ଧ୍ୟାନ ରଖିବେ। ଆକସ୍ମିକ ଖର୍ଚ୍ଚ ହୋଇପାରେ।*

*✧═════•❁❀❁•═════✧*

*🌹ବିଛା🌹👉 : ଆଜି ଆତ୍ମବିଶ୍ଵାସ ସହିତ ପ୍ରତ୍ୟେକ କାର୍ଯ୍ୟକୁ ଆପଣ ସଫଳତାରେ ପ୍ରସ୍ତୁତ କରିବେ। ଗୃହସ୍ଥ ଜୀବନରେ ସୁଖ ଏବଂ ଶାନ୍ତି ରହିବ। ଶାରୀରିକ ସ୍ଵାସ୍ଥ୍ୟ ଭଲ ରହିବ। ସ୍ଵଭାବରେ ଉଗ୍ରତା ରହିବ ସେଥିପାଇଁ ବାଣୀ ଉପରେ ନିୟନ୍ତ୍ରଣ ରଖିବେ। ମିତ୍ର ଏବଂ ସ୍ନେହୀଜନମାନଙ୍କ ସହିତ ଯାତ୍ରା କିମ୍ବା ପର୍ଯ୍ୟଟନର ଯୋଗ ଅଛି।*

*✧═════•❁❀❁•═════✧*

*🌹ଧନୁ🌹👉 : ମାନସିକ ରୂପରେ ଆପଣଙ୍କର ଭାବୁକତାର ମାତ୍ରା ଅଧିକ ରହିବ। ବିଦ୍ୟାର୍ଥୀଗଣ ଆଜି ବିଦ୍ୟାଭ୍ୟାସ ଏବଂ କ୍ୟାରିୟର ସମ୍ବନ୍ଧିତ ବିଷୟଗୁଡ଼ିକରେ ସଫଳତା ପ୍ରାପ୍ତ କରି ପାରିବେ। ଘରର ବାତାବରଣରେ ସୁଖ-ଶାନ୍ତି ରହିବ। ବ୍ୟବସାୟରେ ସଫଳତା ପ୍ରାପ୍ତ ହେବ।*

*✧═════•❁❀❁•═════✧*

*🌹ମକର🌹👉 :ପାରିବାରିକ ଜୀବନରେ ଶାନ୍ତି ବନାଇରଖିବା ପାଇଁ ନିରର୍ଥକ ବାଦ-ବିବାଦ କରନ୍ତୁ ନାହିଁ। ଧନ ଏବଂ ପ୍ରତିଷ୍ଠାରେ ହାନି ନ ହେଉ, ଏହାର ଧ୍ୟାନ ରଖିବେ। ମଧ୍ୟାହ୍ନ ପରେ ଆପଣଙ୍କ ସ୍ଵଭାବରେ ଭାବୁକତା ବଢ଼ିପାରେ। ଆପଣଙ୍କ ରଚନାତ୍ମକ କ୍ଷମତାରେ ବୃଦ୍ଧି ହେବ।*

*✧═════•❁❀❁•═════✧*

*🌹କୁମ୍ଭ🌹👉: ଆଜି ଆବଶ୍ୟକ ନିର୍ଣ୍ଣୟ ନେବା ପାଇଁ ବୈଚାରିକ ଦୃଢତାକୁ ସର୍ବ ପ୍ରଥମ ସ୍ଥାନ ଦେବାକୁ ହେବ। ମିତ୍ରମାନଙ୍କ ସହିତ ସାକ୍ଷାତକରିବେ ଏବଂ ଏହି ସାକ୍ଷାତ ଆନନ୍ଦଦାୟୀ ରହିବ। ଛୋଟ ଯାତ୍ରାର ଆୟୋଜନ ହୋଇପାରେ। ଭାଇମାନଙ୍କ ସହିତ ସମ୍ବନ୍ଧରେ ନିକଟତା ଆସିବ।*

*✧═════•❁❀❁•═════✧*

*🌹ମୀନ🌹👉: ଆଜି କ୍ରୋଧ ଏବଂ ବାଣୀ ଉପରେ ନିୟନ୍ତ୍ରଣ ରଖନ୍ତୁ। ନକାରାତ୍ମକ ବିଚାର ମନରେ ଆସିବାକୁ ଦିଅନ୍ତୁ ନାହିଁ। ଖାଇବା ପିଇବାରେ ମଧ୍ୟ ନିୟନ୍ତ୍ରଣ ରଖିବେ। ମଧ୍ୟାହ୍ନ ପରେ ଆପଣ ବୈଚାରିକ ସ୍ଥିରତା ସହିତ ନିଜ ହାତକୁ ଆସିଥିବା କାର୍ଯ୍ୟଗୁଡ଼ିକୁ ସମ୍ପୂର୍ଣ୍ଣ କରି ପାରିବେ।*

*✧═════•❁❀❁•═════✧*

ଘରେ ପଶି ମହିଳାଙ୍କୁ ହତ୍ୟାର ପର୍ଦ୍ଦାଫାସ

COASTAL NEWS ODIA 1120

ଘରେ ପଶି ମହିଳାଙ୍କୁ ହତ୍ୟାର ପର୍ଦ୍ଦାଫାସ

ବ୍ରହ୍ମପୁର : ଭଞ୍ଜ ବିହାରୀ ମହାନ୍ତି - ବ୍ରହ୍ମପୁର ନୀଳକଣ୍ଠନଗରରେ ଘରେ ପଶି ମହିଳାଙ୍କୁ ହତ୍ୟାର ପର୍ଦ୍ଦାଫାସ । ଘର ଡ୍ରାଇଭର ହତ୍ୟାକାରୀ। ଘର ଭିତରେ ପଶି ମାଲିକାଣୀଙ୍କୁ ହତ୍ୟା କରିଥିଲା ଡ୍ରାଇଭର। ଏନେଇ ବ୍ରହ୍ମପୁର SDPO ସୂଚନା ଦେଇଛନ୍ତି। ଗଞ୍ଜାମ ଜିଲ୍ଲା ଗୋଷାଣୀ ନୂଆଗାଁ ଥାନା ନୀଳକଣ୍ଠ ନଗରରେ ଏହି ହତ୍ୟାକାଣ୍ଡ ଘଟିଛି । ମୃତକ ହେଲେ ସୌଦାମିନୀ ରଥ । ସେ ଶିଶୁ ସୁରକ୍ଷା କମିଟିର ଜଣେ ସଦସ୍ୟ ଥିଲେ।

ଗତକାଲି ବିଳମ୍ବିତ ରାତିରେ ଘରେ ଏକୁଟିଆ ଥିଲେ ସୌଦାମିନୀ । କାହା ସହ ମୋବାଇଲ ଫୋନରେ କଥା ହେଉଥିବା ବେଳେ ଡ୍ରାଇଭର ଆକ୍ରମଣ କରିଥିଲା। ଡ୍ରାଇଭରକୁ ଅଟକ ରଖି ଅଧିକ ଖୋଳତାଡ କରୁଛି ଗୋଷାଣୀ ନୂଆଗାଁ ଥାନା ପୋଲିସ । ତେବେ କଣ ପାଇଁ ମାଲିକାଣୀଙ୍କ ହତ୍ୟାକାରୀ ସାଜିଲା ଡ୍ରାଇଭର ସେନେଇ ତନାଘନା ଜାରି ରହିଛି।

ମହାକାଶକୁ ମାନବ ପଠାଇବା ଦିଗରେ ପାଦେ ଆଗେଇଲା ଭାରତ

COASTAL NEWS ODIA 1118

ମହାକାଶକୁ ମାନବ ପଠାଇବା ଦିଗରେ ପାଦେ ଆଗେଇଲା ଭାରତ

ନୂଆଦିଲ୍ଲୀ :  ଭଞ୍ଜ ବିହାରୀ ମହାନ୍ତି - ମହାକାଶକୁ ମାନବ ପଠାଇବା ଦିଗରେ ପାଦେ ଆଗେଇଲା ଭାରତ । ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ଗଗନୟାନ ମିଶନକୁ ଜୋରଦାର କରିଛି । ଆସନ୍ତା ୨୧ ତାରିଖରେ ପ୍ରଥମ ଟେଷ୍ଟ ଫ୍ଲାଇଟ୍ ପଠାଇବ ଇସ୍ରୋ । ଏ ନେଇ ବିଜ୍ଞାନ ଏବଂ ପ୍ରଯୁକ୍ତି ରାଷ୍ଟ୍ରମନ୍ତ୍ରୀ ଜିତେନ୍ଦ୍ର ସିଂ ମଙ୍ଗଳବାର  ଏହି ସୂଚନା ଦେଇଛନ୍ତି ।

ଆନ୍ଧ୍ରପ୍ରଦେଶର ଶ୍ରୀହରିକୋଟା ସ୍ଥିତ ସତୀଶ ଧୱନ ସ୍ପେସ୍‌  ସେଣ୍ଟରରୁ ଟେଷ୍ଟ ଭେହିକଲ ଡେଭେଲପ୍‌ମେଣ୍ଟ ଫ୍ଲାଇଟ୍‌ ଟିଭି-ଡି୧କୁ ଉତ୍‌କ୍ଷେପଣ କରାଯିବ । ମନ୍ତ୍ରୀ ଜିତେନ୍ଦ୍ର ସିଂଙ୍କ ସୂଚନା ଅନୁସାରେ, ଏହି ଟେଷ୍ଟରେ କ୍ରୁ ମଡ୍ୟୁଲକୁ ଆଉଟର ସ୍ପେସ୍‌ରେ ଲଞ୍ଚ୍‌ କରାଯିବା ସହ ପୃଥିବୀକୁ ଫେରାଇଆଣିବା ଏବଂ ବଙ୍ଗୋପସାଗରରେ  ଟଚ୍‌ଡାଉନ୍‌ ପରେ ଏହାକୁ ରିକଭର କରାଯିବା ଆଦି କାର୍ଯ୍ୟକ୍ରମ ରହିଛି ।

ହିମସ୍ଖଳନ ସଂସ୍ପର୍ଶରେ ୪୦ ଯବାନ ସେନା ବାହିନୀର ଉଦ୍ଧାର କାର୍ୟ ଜାରି

COASTAL NEWS ODIA 1117

  ହିମସ୍ଖଳନ ସଂସ୍ପର୍ଶରେ ୪୦ ଯବାନ ସେନା ବାହିନୀର ଉଦ୍ଧାର କାର୍ୟ ଜାରି 

ଲଦାଖ - ଭଞ୍ଜ ବିହାରୀ ମହାନ୍ତି - ଲଦାଖରେ ଭାରତୀୟ ସେନାର କଣ୍ଟିଜେଣ୍ଟ୍ ହିମସ୍ଖଳନ ସଂସ୍ପର୍ଶରେ ଆସିଛି। ଏଥିରେ ୩ ଜଣ ଯବାନ ନିଖୋଜ ଥିବା ଜଣାଯାଇଛି। ଦୁର୍ଘଟଣାରେ ନିଖୋଜ ଥିବା ଯବାନମାନଙ୍କୁ ଯୁଦ୍ଧକାଳୀନ ଭିତ୍ତିରେ ଖୋଜା ଚାଲିଛି। ସେପଟେ ଜଣେ ଯବାନ ସହିଦ ହୋଇଛନ୍ତି। ଏହି ଦୁର୍ଘଟଣା କାର୍‌ଗିଲର କୁନ୍ ପର୍ବତରେ ଘଟିଛି। ଏଠାରୁ ଭାରତୀୟ ସେନାର ସହିଦ ଯବାନଙ୍କ ମୃତଦେହ ଉଦ୍ଧାର କରାଯାଇଛି।

ଏବେ ବି ୩ ଜଣ ଯବାନ ବରଫ ତଳେ ଦବି ରହିଛନ୍ତି। ସେନା ସେମାନଙ୍କୁ ଖୋଜିବାରେ ଲାଗିପଡ଼ିଛି। ଲଦାଖରେ ସେନାର ଏକ ଯୁଦ୍ଧ ବିଦ୍ୟାଳୟ (HAWS) ଅଛି। ଭାରତୀୟ ସେନାର ଆର୍ମି ଆଡଭେଞ୍ଚର ୱିଙ୍ଗ ସହ ଜଡିତ ଲୋକମାନେ ନିୟମିତ ଟ୍ରେନିଂ ପାଇଁ ମାଉଣ୍ଟ କୁନ୍ ନିକଟରେ ଉପସ୍ଥିତ ଥିଲେ। ଏହି ସମୟରେ ପାଖାପାଖି ୪୦ ଯବାନ ହିମସ୍ଖଳନ ସଂସ୍ପର୍ଶରେ ଆସିଥିଲେ।

୪ ଜଣ ଯବାନ ବରଫରେ ଫସି ଯାଇଥିଲେ। ବାକି ଯବାନମାନେ ଉଦ୍ଧାର ପାଇଯାଇଥିଲେ। ଏବେ ୪ ଜଣଙ୍କ ମଧ୍ୟରୁ ଜଣେ ସହିଦ ହୋଇଥିବା ସୂଚନା ରହିଛି। ବରଫରେ ଫସି ରହିଥିବା ଯବାନମାନଙ୍କୁ ଉଦ୍ଧାର କରିବା ପାଇଁ ସେନା କାର୍ଯ୍ୟ କରୁଛି। ପାଗ ଖରାପ ଥିବାରୁ ରିଲିଫ ଏବଂ ଉଦ୍ଧାର କାର୍ଯ୍ୟରେ ସମସ୍ୟା ଉପୁଜୁଛି।

ଏହା ପୂର୍ବରୁ ମଧ୍ୟ ଯବାନମାନଙ୍କ ସହିତ ଏଭଳି ଦୁର୍ଘଟଣା ଘଟିଛି। ଚଳିତ ବର୍ଷ ଫେବୃଆରୀରେ ଜମ୍ମୁ-କାଶ୍ମୀରର ଗୁଲମର୍ଗରେ ଏକ ବଡ଼ ଧରଣର ହିମସ୍ଖଳନ ହୋଇଥିଲା। ଏଥିରେ ପୋଲାଣ୍ଡର ଦୁଇ ପର୍ଯ୍ୟଟକଙ୍କର ମୃତ୍ୟୁ ଘଟିଥିଲା। ବରଫରେ ଫସି ରହିଥିବା ୨୧ଜଣଙ୍କୁ ପରେ ଉଦ୍ଧାର କରାଯାଇଥିଲା।

ପ୍ରଥମ ସ୍ତ୍ରୀକୁ ହତ୍ୟା କରି ୧୫ ବର୍ଷ ଜେଲଦଣ୍ଡ ପରେ ଦ୍ଵିତୀୟ ପତ୍ନୀ ହତ୍ୟା l ବଦଳିଲାନି ମାନସିକତା l

COASTAL NEWS ODIA 1116

ପ୍ରଥମ ସ୍ତ୍ରୀକୁ ହତ୍ୟା କରି ୧୫ ବର୍ଷ ଜେଲଦଣ୍ଡ ପରେ ଦ୍ଵିତୀୟ ପତ୍ନୀ ହତ୍ୟା l ବଦଳିଲାନି ମାନସିକତା l

ଜୟପୁର  : ଭଞ୍ଜ ବିହାରୀ ମହାନ୍ତି - ପ୍ରଥମ ସ୍ତ୍ରୀକୁ ହତ୍ୟା କରି ଜେଲ୍‌ ଯାଇଥିଲା। ୧୫ ବର୍ଷ ଜେଲଦଣ୍ଡ ପରେ ମଧ୍ୟ ବଦଳିଲାନି ମାନସିକତା । ଜେଲ୍‌ରୁ ଆସିଲା ପରେ ପୁଣି ଦ୍ୱିତୀୟ ସ୍ତ୍ରୀଙ୍କୁ ହତ୍ୟା କଲା । କୋରାପୁଟ୍‌ ଜିଲ୍ଲା ଜୟପୁର ସହରାଞ୍ଚଳରେ ଏଭଳି ବୀଭତ୍ସ ହତ୍ୟାକାଣ୍ଡ ଘଟିଛି। ଏନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଅଭିଯୁକ୍ତ ହତ୍ୟାକାରୀକୁ ଗିରଫ କରି କୋର୍ଟ ଚାଲାଣ କରିଛି।

ସୂଚନା ଅନୁସାରେ ଖାଇବାରେ ବିଳମ୍ବ ହେବାରୁ ଡଙ୍ଗାଗୁଡ଼ାଗାଁର ଭଗତ ହରିଜନ ତା ଦ୍ୱିତୀୟ ପତ୍ନୀ କୁସୁମା ହରିଜନଙ୍କୁ ଅତି ନିର୍ମମ ଭାବେ କାଠ ଫାଳିଆରେ ପିଟି ହତ୍ୟା କରିଥିଲା। ପରେ ଘର ଛାଡ଼ି କେଉଁ ଆଡେ ପଳାଇ ଯାଇଥିଲା। ଏନେଇ ତାଙ୍କ ପୁଅ ଥାନାରେ ଲିଖିତ ଅଭିଯୋଗ କରିଥିଲେ। ଘଟଣା ସ୍ଥଳରେ ଟାଉନପୋଲିସ ସହ ସାଇଣ୍ଟିଫିକ ଟିମ ତଦନ୍ତ ପରେ ହତ୍ୟାକାରୀ ସ୍ବାମୀ ଭଗତ ହରିଜନକୁ ବୋରିଗୁମ୍ମାରୁ ଗିରଫ କରିଛି ଜୟପୁର ପୋଲିସ। ଜେଲ ଫେରନ୍ତା ସ୍ବାମୀ ବାରମ୍ବାର ଦ୍ୱିତୀୟ ସ୍ତ୍ରୀକୁ ନିର୍ଯ୍ୟାତନା ଦେବା ସହ ଶେଷରେ କାଠଫାଳିଆ ହତ୍ୟା କରିଥିବା କହିଛନ୍ତି ଟାଉନଥାନା ଅଧିକାରୀ ସତ୍ୟାନନ୍ଦ ବେହେରା ।

ଅଭିଯୋଗରୁ ପ୍ରକାଶ, ପୂର୍ବରୁ ଭଗତ ହରିଜନ ତାଙ୍କ ପ୍ରଥମ ସ୍ତ୍ରୀଙ୍କୁ ହତ୍ୟା କରିଥିଲା। ସେଥିପାଇଁ ସେ ଗିରଫ ହୋଇ ଜେଲ୍‌ ଯାଇଥିଲା। ୧୫ ବର୍ଷ ଧରି ଜେଲ୍‌ରେ ଥିଲା। ହେଲେ ବଦଳି ନଥିଲା ତା ମାନସିକତା।

ଭୁବନେଶ୍ବରର ଶ୍ରୀ ହସ୍ପିଟାଲ ରେ ଅଭାବନୀୟ କାଣ୍ଡ

COASTAL NEWS ODIA 1115

ଭୁବନେଶ୍ବରର ଶ୍ରୀ ହସ୍ପିଟାଲ ରେ ଅଭାବନୀୟ କାଣ୍ଡ 

ଭୁବନେଶ୍ୱର  :ଭଞ୍ଜ ବିହାରୀ ମହାନ୍ତି - ହସ୍ପିଟାଲ ଭିତରେ ପଶିଲେ ଡାକ୍ତରଙ୍କୁ ନିର୍ଦ୍ଧୁମ ଛେଚିଲେ। ସିକ୍ୟୁରିଟିଙ୍କ ପାଖରୁ ଆରମ୍ଭ କରି ଯାହାକୁ ପାରିଲେ ତାକୁ ମାରିଲେ। କିଛି ସମୟ ପାଇଁ ଆତଙ୍କ ସୃଷ୍ଟି ହେଲେ ଭୁବନେଶ୍ବରର ଶ୍ରୀ ହସ୍ପିଟାଲ ଭିତରେ। କିଛି ଦୁର୍ବୃତ୍ତ ମାନେ ବିନା କାରଣରେ ହସ୍ପିଟାଲ ଭିତରକୁ ପଶି ରୋଗୀଙ୍କୁ ଟ୍ରିଟମେଣ୍ଟ କରୁଥିବା ଡ଼ାକ୍ତର , ନର୍ସ ଆଉ ଅନ୍ୟ ଷ୍ଟାଫଙ୍କୁ ନିର୍ଦ୍ଧୁମ ମାଡ଼ ମାରିଥିଲେ। 

ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି। ଏନେଇ ବଡଗଡ ଥାନାରେ ହସ୍ପିଟାଲ ତରଫରୁ ଏକ ମାମଲା ରୁଜୁ ହୋଇଛି।

ଆନନ୍ଦ ବିହାରରୁ ଚାଲୁଥିବା 12506 ଡାଉନ୍ ନର୍ଥ ଇଷ୍ଟ ଏକ୍ସପ୍ରେସ, ଦୁର୍ଘଟଣାଗ୍ରସ୍ତ

COASTAL NEWS ODIA 1114

ଆନନ୍ଦ ବିହାରରୁ ଚାଲୁଥିବା 12506 ଡାଉନ୍ ନର୍ଥ ଇଷ୍ଟ ଏକ୍ସପ୍ରେସ, ଦୁର୍ଘଟଣାଗ୍ରସ୍ତ

ବିହାର :  ( CNO) ଆନନ୍ଦ ବିହାରରୁ ଚାଲୁଥିବା 12506 ଡାଉନ୍ ନର୍ଥ ଇଷ୍ଟ ଏକ୍ସପ୍ରେସ, ବିହାରର ବୁକ୍ସାର ଏବଂ ଆରା ଷ୍ଟେସନ ମଧ୍ୟରେ ରଘୁନାଥପୁର ଷ୍ଟେସନ ନିକଟରେ ଲାଇନ୍ ଚ୍ୟୁତ ହୋଇଥିଲା ​​|  ଅନେକ ବଗି ଓଲଟି ପଡିଥିଲା ​​l ରାତିରେ 'ଖାଦ୍ୟ ଖାଇବା ପରେ ଯାତ୍ରୀ ମାନେ ଶୋଇ ପଡିଥିଲେ ... ହଠାତ୍ ଭୟଙ୍କର ଶବ୍ଦ ହେବା ସହିତ ବଗି ଗୁଡିକ୍ଓ ଲାଇନ୍ଲ ଚ୍ୟୁତ ହୋଇ ଓଲଟି ପଡିଲେ ', ଉତ୍ତର ପୂର୍ବ ଏକ୍ସପ୍ରେସର ଯାତ୍ରୀ ତାଙ୍କ କାହାଣୀ ବର୍ଣ୍ଣନା କରିଥିଲେ|

 

ଏ ପର୍ଯ୍ୟନ୍ତ ଏହି ଦୁର୍ଘଟଣାରେ ଚାରିଜଣଙ୍କର ମୃତ୍ୟୁ ହୋଇଥିବା ଜଣା ଯାଇଛି ।  ଏହି ସଂଖ୍ୟା ବୃଦ୍ଧି ହୋଇପାରେ |  ବକ୍ସାର ଡିଏମ ଅନସୁଲ ଅଗ୍ରୱାଲ କହିଛନ୍ତି ଯେ 80 ରୁ 100 ଲୋକ ଆହତ ହୋଇଛନ୍ତି।  କେତେକଙ୍କୁ ପାଟନାକୁ ରେଫର୍ କରାଯାଇଛି।  ଏହି ଦୁର୍ଘଟଣାର ଭୟଙ୍କର ଚିତ୍ର ସାମ୍ନାକୁ ଆସିଛି।

ଟ୍ରେନରେ ଯାତ୍ରା କରୁଥିବା କିଛି ଯାତ୍ରୀ ସେମାନଙ୍କ ଅସୁବିଧା ବିଷୟରେ ବର୍ଣ୍ଣନା କରିଛନ୍ତି।  ମହମ୍ମଦ ନାସିର ନାମକ ଜଣେ ଯାତ୍ରୀ କହିଥିଲେ ଯେ ଆମେ ଦୁଇଜଣ ବ୍ୟକ୍ତି।  B7 ବଗିରେ ଥିଲୁ |  ଆମେ ଶୋଇଥିଲୁ |  ଘଟଣାଟି କିପରି ଘଟିଲା ତାହା ଜଣା ପଡିନାହିଁ।  ଖାଇବା ପରେ ଶୋଇବାକୁ ଗଲୁ |  ହଠାତ୍ ବଗିଟି ଓଲଟି ପଡିଲା |

ବିହାର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ କହିଛନ୍ତି ଯେ ଆମେ ସମସ୍ତ ଅଧିକାରୀ, ସ୍ୱାସ୍ଥ୍ୟ ବିଭାଗ ଏବଂ ବିପର୍ଯ୍ୟୟ ବିଭାଗର ଅଧିକାରୀଙ୍କ ସହ କଥା ହୋଇଛୁ।  ବୁକ୍ସାର, ଆରା ଏବଂ ପାଟନା ଡାକ୍ତରଖାନାକୁ ସତର୍କ ସୂଚନା ଜାରି କରାଯାଇଛି।  ସୁରକ୍ଷା ବଳ, NDRF, SDRF ମଧ୍ୟ ଘଟଣାସ୍ଥଳକୁ ପଠାଯାଇଛି।  ଆମର ପ୍ରାଥମିକତା ହେଉଛି ଯଥାସମ୍ଭବ ଲୋକଙ୍କ ଜୀବନ ବଞ୍ଚାଇବା |  ଆମେ ହେଲ୍ପଲାଇନ ନମ୍ବର ମଧ୍ୟ ଦେଇଛୁ |

ଅନ୍ୟ ଜଣେ ଯାତ୍ରୀ କହିଥିଲେ ଯେ ତାଙ୍କୁ କାଟିହାର ଯିବାକୁ ଥିଲା ।  ସେ ଶୋଇଥିଲେ ହଠାତ୍ଉ ଭୟଙ୍କର ସବଦ କରି  ଟ୍ରେନ୍ ଟି ଦୁଇ ସେକେଣ୍ଡରେ ଓଲଟି ପଡିଲା |  ସେ ସେତେବେଳେ ଏସି କୋଚରେ ଥିଲେ।

ଏଠାରେ ଦୁର୍ଘଟଣା ପରେ ବୁକ୍ସାର ଜିଲ୍ଲା ପ୍ରଶାସନର ଟିମ୍ ନିକଟସ୍ଥ ଲୋକଙ୍କ ସହ ଜଡିତ ଅଛନ୍ତି।  NDRF ଏବଂ SDRF ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି।  ରିଲିଫ ଉଦ୍ଧାର କାର୍ଯ୍ୟ ଚାଲିଛି।

ପାଣିରେ ପଡ଼ିଲା ୧୦ କୋଟି ଟଙ୍କା, ବଣ୍ଟାଯାଇପାରିଲାନି `ମୋ ସାଇକେଲ’

COASTAL NEWS ODIA 1113

ପାଣିରେ ପଡ଼ିଲା ୧୦ କୋଟି ଟଙ୍କା, ବଣ୍ଟାଯାଇପାରିଲାନି `ମୋ ସାଇକେଲ’

ଭୁବନେଶ୍ବର - ଭଞ୍ଜ ବିହାରୀ ମହାନ୍ତି - ସରକାର କା ମାଲ୍ ଦରିଆ ମେଁ ଡାଲ, ନୀତିରେ ଚାଲିଛି ମୋ ସାଇକେଲ ପ୍ରକଳ୍ପ ପାଣିରେ ପଡ଼ିଲା ୧୦ କୋଟି ଟଙ୍କା, ବଣ୍ଟାଯାଇପାରିଲାନି `ମୋ ସାଇକେଲ’ । ଘୋଷଣାର ୮ ମାସ ପରେ ବି ତିଆରି ହୋଇପାରିଲା ନାହିଁ SOP । ସ୍ମାର୍ଟ ସିଟିର ୨୪ଟି ପ୍ରକଳ୍ପରୁ `ମୋ ସାଇକେଲ’ ଥିଲା ଗୋଟିଏ ପ୍ରକଳ୍ପ । 

ଶହ ଶହ ୟାର୍ଡରେ ପଡ଼ିଛି ଅଚଳ ସାଇକେଲ, ଉଡ଼ିଯାଇଛି ବାରକୋଡ୍। କେନ୍ଦ୍ର ଓ ରାଜ୍ୟର ଅଧା-ଅଧା ଅନୁଦାନରେ ହୋଇଥିଲା ସ୍ମାର୍ଟସିଟି ପ୍ରୋଜେକ୍ଟ।ସାଇକେଲ ଧରି ସହରରେ ବୁଲିବା ସ୍ଵପ୍ନ ସାକାର ହୋଇ ପାରିଲା ନାହିଁ ସ୍ଵପ୍ନ ରେ ରହିଗଲା l କୋଟି କୋଟି ଟଙ୍କା ସ୍ଵାହା l ଏହି ଟଙ୍କା ହୁଏତ ଅନ୍ୟ କୌଣସି ଗରିବ କଲ୍ୟାଣ ଯୋଜନାର କାର୍ଯ୍ୟକାରିତା ରେ ବିନିଯୋଗ ହୋଇ ପାରିଥାନ୍ତା l ଅଫିସର ଙ୍କ ଖାମଖିଆଲ ନୀତି ପାଇଁ ଏତେ ଟଙ୍କା ବରବାଦ l ନା ସରକାର ତତ୍ପର ନା ବିରୋଧୀ l