ମହାପ୍ରଭୁ ଶ୍ରୀଜଗନ୍ନାଥ ମନ୍ଦିରର ରତ୍ନଭଣ୍ଡାର ଖୋଲା ଯିବାର ପ୍ରକୃଷ୍ଟ ସମୟ ହେଉଛି ରଥଯାତ୍ରା

 COASTAL NEWS ODIA 1191

ମହାପ୍ରଭୁ ଶ୍ରୀଜଗନ୍ନାଥ ମନ୍ଦିରର ରତ୍ନଭଣ୍ଡାର ଖୋଲା ଯିବାର ପ୍ରକୃଷ୍ଟ ସମୟ ହେଉଛି ରଥଯାତ୍ରା

ପୁରୀ - (CNO) ଭଞ୍ଜ ବିହାରୀ ମହାନ୍ତି - ‘ମହାପ୍ରଭୁ ଶ୍ରୀଜଗନ୍ନାଥ ମନ୍ଦିରର ରତ୍ନଭଣ୍ଡାର ଖୋଲା ଯିବାର ପ୍ରକୃଷ୍ଟ ସମୟ ହେଉଛି ରଥଯାତ୍ରା। କାରଣ ରଥଯାତ୍ରା ପରେ କିଛି ମାସ ମଧ୍ୟରେ ସେଭଳି କୌଣସି ବିଶେଷ ପର୍ବପର୍ବାଣୀ ନଥାଏ। ଯାତ୍ରୀ ଏବଂ ଦର୍ଶନାର୍ଥୀଙ୍କ ସଂଖ୍ୟା ମଧ୍ୟ ଅପେକ୍ଷାକୃତ କମ୍‌ ଥାଏ।’

ବିରୋଧୀ ବିଜେପି ରତ୍ନ ଭଣ୍ଡାର ଖୋଲିବା ନେଇ ଗଜପତି ମହାରାଜାଙ୍କୁ ଭେଟି ଦାବି କରିଥିଲା। ତା’ପରେ ଗତକାଲି ପ୍ରେସ ବିବୃତ୍ତି ମାଧ୍ୟମରେ ରତ୍ନଭଣ୍ଡାର ଖୋଲିବା ନେଇ ଗଜପତି ମହାରାଜା ଏହି ସୂଚନା ଦେଇଛନ୍ତି।

ସେ କହିଛନ୍ତି, ଆସନ୍ତା ୨୦୨୪ ରଥଯାତ୍ରା ସମୟରେ ଶ୍ରୀମନ୍ଦିରର ବାହାର ଓ ଭିତର ରତ୍ନଭଣ୍ଡାର ଖୋଲାଯାଉ। ସେଠାରେ ଗଚ୍ଛିତ ଥିବା ମୂଲ୍ୟବାନ ସମ୍ପତ୍ତିର ଗଣତି କରାଯାଉ। ଏହାସହ ଏଏସଆଇ ଦ୍ୱାରା ରତ୍ନଭଣ୍ଡାର ମରାମତି ସମ୍ପର୍କିତ କାର୍ଯ୍ୟ କରାଯାଉ। ଏନେଇ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯିବ।

ଗଜପତି ମହାରାଜ କହିଛନ୍ତି, ଏହି କାର୍ଯ୍ୟ ପାଇଁ ରଥଯାତ୍ରା ହିଁ ପ୍ରକୃଷ୍ଟ ମସୟ ହୋଇପାରିବ। କାରଣ ଏହାପରେ କିଛି ମାସ ମଧ୍ୟରେ ସେଭଳି କୌଣସି ବିଶେଷ ପର୍ବପର୍ବାଣୀ ନଥାଏ। ଯାତ୍ରୀ ଏବଂ ଦର୍ଶନାର୍ଥୀଙ୍କ ସଂଖ୍ୟା ମଧ୍ୟ ଅପେକ୍ଷାକୃତ କମ୍ ଥାଏ। ବର୍ତ୍ତମାନ ସମୟରେ କିମ୍ବା ଆଗାମୀ କିଛି ମାସ ମଧ୍ୟରେ ରତ୍ନଭଣ୍ଡାର ଖୋଲିବା ଉଚିତ ହେବନି। ଆସନ୍ତା ରଥଯାତ୍ରା ପୂର୍ବରୁ ରତ୍ନ ଭଣ୍ଡାର ଖୋଲାଗଲେ ମହାପ୍ରଭୁଙ୍କ ନୀତିକାନ୍ତି ଓ ସେବାପୂଜା ପ୍ରଭାବିତ ହୋଇପାରେ। ଏଥିସହ ଶ୍ରୀମନ୍ଦିରରେ ଏବେ ଭକ୍ତଙ୍କ ସମାଗମ ହେଉଥିବାରୁ ଦର୍ଶନରେ ମଧ୍ୟ ବାଧା ଉପୁଜିପାରେ।

ଗଜପତି ପ୍ରେସ ବିବୃତ୍ତିରେ ଆହୁରି ଉଲ୍ଲେଖ କରିଛନ୍ତି ଯେ, ASI ଅଧିକ୍ଷକ ଯଥାଶୀଘ୍ର ରତ୍ନଭଣ୍ଡାର କାନ୍ଥର ଲେଜର ସ୍କାନିଂ କରିବେ। ରତ୍ନଭଣ୍ଡାରର ବର୍ତ୍ତମାନର ସ୍ଥିତି ପରଖିବା ପାଇଁ ସ୍କାନିଂ ଭିତର ବେଢ଼ା ପଟୁ ହେବ। ହାଇକୋର୍ଟ କିମ୍ବା ସୁପ୍ରିମକୋର୍ଟର ଅବସରପ୍ରାପ୍ତ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ଏକ ସ୍ୱତନ୍ତ୍ର କମିଟିର ପ୍ରତ୍ୟକ୍ଷ ତତ୍ତ୍ୱାବଧାନରେ ରତ୍ନଭଣ୍ଡାରରେ ଗଚ୍ଛିତ ମୂଲ୍ୟବାନ ସମ୍ପତ୍ତିର ଗଣତି ଓ ତାଲିକା ପ୍ରସ୍ତୁତି କରାଯିବା ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯିବ।

ଶ୍ରୀଜଗନ୍ନାଥ ମନ୍ଦିର ଅଧିନିୟମ ୧୯୬୦ ଧାରା ୦୬ ଅନୁଯାୟୀ ରତ୍ନଭଣ୍ଡାର ଖୋଲାଯିବା ସଂପର୍କରେ ରାଜ୍ୟ ସରକାର ଉପଯୁକ୍ତ ନିର୍ଦ୍ଦେଶନାମା ଜାରି କରିବାକୁ ଅନୁରୋଧ କରାଯିବ ବୋଲି ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଥିଲା। ହାଇକୋର୍ଟ ମଧ୍ୟ ପରିଚାଳନା କମିଟିର ନିଷ୍ପତ୍ତିକୁ ସଠିକ ବୋଲି ଗ୍ରହଣ କରିଛନ୍ତି ବୋଲି ଗଜପତି ମହାରାଜା ସୂଚନା ଦେଇଛନ୍ତି।

ଗଜପତିଙ୍କ ପ୍ରେସବିବୃତ୍ତି ନେଇ ବିଜେପି ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ। ରତ୍ନ ଭଣ୍ଡାର ଖୋଲିବା ନେଇ କିଛି ଦିନ ତଳେ ବିଜେପିର ଏକ ଟିମ୍‌ ଗଜପତି ମହାରାଜଙ୍କୁ ଭେଟି ଦାବି କରିଥିଲେ। ସେହିପରି କଂଗ୍ରେସ ମଧ୍ୟ ରତ୍ନ ଭଣ୍ଡାର ଖୋଲିବାକୁ ଦାବି କରିଆସୁଛି।

ଦଦରା ଚାଳ ଛପର ଘରେ ବିତୁଛି ସୀତାଙ୍କ ଜୀବନ

COASTAL NEWS ODIA 1190

ଦଦରା ଚାଳ ଛପର ଘରେ ବିତୁଛି ସୀତାଙ୍କ ଜୀବନ

 

  

 ମହାକାଳପଡ଼ା,୨୦ା୧୦( CNO) - ଭଞ୍ଜ ବିହାରୀ ମହାନ୍ତି -ପରିଣତ ବୟସରେ ସମାଜରେ ବହୁ ଅସହାୟ ବୃଦ୍ଧାବୃଦ୍ଧମାନେ ଅଛନ୍ତି ଦୁଇ ଓଳିରେ ଦୁଇ ମୁଠା ଖାଇବାକୁ ପାଉ ନାହାନ୍ତି। ପରିଣତ ବୟସରେ ନିଜ ଜନ୍ମ କଲା ପୁଅମାନେ ପର କରିବା ପରେ ଅତି ଅସହାୟ ଭାବେ ଜୀବନ ଜିଇଁବାକୁ ସଂଗ୍ରାମ କରିବାକୁ ପଡୁଛି। 

ଜଣେ ଅସହାୟ ଆଦିବାସୀ ବୃଦ୍ଧା ଦଦରା ଚାଳ ଛପର ଘରେ ଜୀବନ ବିତାଉଥିବା ବେଳେ ତାଙ୍କ ଭତ୍ତା ମଧ୍ୟ ମିଳୁ ନ ଥିବା ଅଭିଯୋଗ ହୋଇଛି। ଏଭଳି ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ନାଞ୍ଜୁରା ପଞ୍ଚାୟତର ଆଦିବାସୀ ଅଧ୍ୟୁଷିତ ସାନ୍ତାଳିପଡ଼ା ପାଣିଖିଆର ସୀତା ହେମ୍ବ୍ରମ (୬୫)ଙ୍କ କ୍ଷେତ୍ରରେ। ଆଖିକୁ ଭଲ ସେ ଦିଶୁନି। କିଛିବର୍ଷ ପୂର୍ବେ ସ୍ବାମୀ ପିରୁ ହେମ୍ବ୍ରମଙ୍କ ମଅତ୍ୟୁ ପରେ ସୀତାଙ୍କ ଦୁଇଗୁଣ ଦୁଃଖ କଷ୍ଟ ବଢ଼ି ଯାଇଛି। ନିଜ ଜନ୍ମ କଲା ୨ ପୁଅ ପର କରି ଅଲଗା ରହୁଛନ୍ତି। ହେଲେ ସୀତା ଦୁଃଖ କଷ୍ଟରେ ଜୀବନ ଅତିବାହିତ କରୁଛନ୍ତ। 

ନିକଟ ରେ ଘଞ୍ଚ ଜଙ୍ଗଲ ଥିବାରୁ ସାରେ ସରୀସୃପ ଓ ବନ୍ୟ ଜୀବଜନ୍ତୁଙ୍କ ଉପଦ୍ରବ ଦେଖିବାକୁ ମିଳୁଛି। ଯେଉଁ ନୁଆଁଣିଆ ଚାଳ ଝୁମ୍ପୁଡ଼ି ଘରେ ସୀତା ରହୁଛନ୍ତି ବର୍ଷାଦିନରେ ଅତି ଦହନୀୟ ଅବସ୍ଥାରେ କାଳାତିପାତ କରୁଛନ୍ତି। ସୀତାଙ୍କ ରାଶନ କାର୍ଡ, ଆବାସ ଯୋଜନା ଗୃହ ନାହିଁ, ବିଧବା ଭତ୍ତା ସାତ ସପନ ପଲଟିଛି। ମାଲିକ ଘରେ ପରିଣତ ବୟସ ରେ ଘର ପାଇଟି କାମ କରି ନିଜ ପେଟ ଚାଖଣ୍ଡେ ପୋଷୁଛନ୍ତି। ଯାହା ଖୁଦ ଚାଉଳ ମିଳେ ଘରକୁ ନେଇ ହାଣ୍ଡିରେ ଫୁଟାଇ ପଖାଳ ଭାତ ସାଙ୍ଗକୁ ଜଙ୍ଗଲି ଶାଗ ଖାଇ ଜୀବନ ବିତାଉଛନ୍ତି। ଅପର ପକ୍ଷରେ ସୀତା ନିରକ୍ଷର ହୋଇଥିବାରୁ ସରକାରୀ ଯୋଜନା ପହଞ୍ଚତ୍ ପାରୁନି ବୋଲି ସ୍ଥାନୀୟ ଲୋକେ କହିଛନ୍ତି।

ସରକାରୀ ଜନ କଲ୍ୟାଣ ମୂଳକ ଯୋଜନା ଏହି ସାନ୍ତାଳିପଡ଼ାରେ ପହଞ୍ଚତ୍ ପାରୁନି ବୋଲି ଗ୍ରାମର ଲୋକେ କହିଛନ୍ତି। ଏହି ସାନ୍ତାଳିପଡ଼ାରେ ୫୦ପରିବାରର ୨୦୦ ଲୋକ ବସବାସ କରୁଥିବା ଜଣାପଡ଼ୁଛି। ଏମାନଙ୍କ ମୂଳ ବାସିନ୍ଦା ମୟୂରଭଞ୍ଜ ଜିଲାର ଠାକୁରମୁଣ୍ଡା, ବୈସିଙ୍ଗୀ, କପ୍ତିପଦା, ରାଇରଙ୍ଗପୁର, ବହଳଦା, ବାରିପଦା, ଉପରବେଢ଼ା, କରଞ୍ଜିଆ ଆଦି ଅଞ୍ଚଳରୁ ଶହେ ବର୍ଷ ପୂର୍ବେ ପୂର୍ବଜମାନେ ଆସି ବସବାସ କରୁଥିବା ଏମାନେ କହିଛନ୍ତି। 

ଏହି ଅସହାୟ ଗରିବ ସୀତା ହେମ୍ବ୍ରମଙ୍କୁ ଆବାସ ଯୋଜନା ଗୃହ, ବିଧବା ଭତ୍ତା, ରାଶନ କାର୍ଡ ଯୋଗାଇ ଦେବାକୁ ସ୍ଥାନୀୟ ଲୋକମାନଙ୍କ ମଧ୍ୟରେ ସୁନା ମାରାଣ୍ଡି , ବାଣ୍ଠୁ ମଣ୍ଡଳ , ଚରଣ ଟୁଡୁ, ଶଙ୍କର ମାରାଣ୍ଡି, ଜୟରାମ ମଣ୍ଡଳ, ଲବ ମାରାଣ୍ଡି, କୁସ ମାରାଣ୍ଡି ପ୍ରମୁଖ ଦାବି କରିଛନ୍ତି। ତୁରନ୍ତ ଜିଲା ପ୍ରଶାସନ ହସ୍ତକ୍ଷେପ କରିବା ପାଇଁ ପଡ଼ାର ଲୋକମାନେ ଦାବି କରିଛନ୍ତି। ଦୁର୍ଦ୍ଦିନରେ ଜୀବନ ବିତାଉଥିବା ବୃଦ୍ଧାଙ୍କ ସଂକ୍ରାନ୍ତରେ କେନ୍ଦ୍ରାପଡ଼ା ଜିଲାପାଳ ଅମୃତ ଋତୁରାଜଙ୍କ ଦୃଷ୍ଟି ଆକର୍ଷଣ କରାଯାଇଛି।

ଆଳିରେ ଆମ ଓଡ଼ିଶା, ନବୀନ ଓଡ଼ିଶା ଉଦ୍‌ଘାଟିତ

COASTAL NEWS ODIA 1189

ଆଳି ମିନି ଷ୍ଟାଡିୟମ ଠାରେ ଆମ ଓଡ଼ିଶା, ନବୀନ ଓଡ଼ିଶା  କାର୍ଯ୍ୟକ୍ରମ

ଆଳି, (CNO) ଆଳି ବ୍ଲକ ଅନ୍ତର୍ଗତ ଆଳି ମିନି ଷ୍ଟାଡିୟମ ଠାରେ ଆମ ଓଡ଼ିଶା, ନବୀନ ଓଡ଼ିଶା  କାର୍ଯ୍ୟକ୍ରମରେ ଆଳି ପଞ୍ଚାୟତ ସମିତି ଅଧ୍ୟକ୍ଷ ମନୋରଞ୍ଜନ ସାମଲ ଉପସ୍ଥିତ ଥିଲେ। ଆଳି ବ୍ଳକର ୩୪ ପଞ୍ଚାୟତ ଲାଗି ୧୭ କୋଟି ଟଙ୍କା ମଞ୍ଜୁର ସହ ଗ୍ରାମ ପଞ୍ଚାୟତ ର ଉନ୍ନତୀକରଣ କାର୍ୟ ଲାଗି ଅନୁଦାନ ମିଳିଛି। ଏହି କାର୍ଯ୍ୟକ୍ରମରେ ଆଳି ବିଡିଓ ମିନତି ଜଗଦେବ, ତହସିଲଦାର ଦେବୀ ପ୍ରସାଦ ଆଚାର୍ଯ୍ୟ, ଥାନା ଅଧିକାରୀ ସବ୍ୟସାଚୀ ଶତପଥୀ, ବ୍ଲକ ବିଜେଡି ବିଜେଡି ସଭାପତି ସନାତନ ମିଶ୍ର, ଉପାଧ୍ୟକ୍ଷ ପ୍ରତିନିଧ୍ ହିମାଂଶୁ ବାରିକ, ଜିଲା ପରିଷଦ ସଦସ୍ୟ ଭୀଷ୍ମ ମହାନ୍ତି, ସଙ୍ଗଠକ ପ୍ରଦ୍ୟୁମ୍ନ ଦାଶ, କେଦାରନାଥ ବେହେରା, ପୁରୁଷୋତ୍ତମ ପଲାଇ, ବିଜୁ ମହିଳା ଜନତା ଦଳ ସଭାପତି ଅନୁରାଧା ପାଢ଼ୀ, ଦେମାଳ ସରପଞ୍ଚ ରିତାରାଣୀ ପରିଡ଼ାଙ୍କ ସମେତ ବ୍ଲକର ୩୪ ପଞ୍ଚାୟତର ସରପଞ୍ଚ, ସମିତିସଭ୍ୟ, ମିଶନ ଶକ୍ତିର କାର୍ଯ୍ୟକର୍ତ୍ତା ଓ ମହିଳାମାନେ ଉପସ୍ଥିତ ଥିଲେ। 

ଆଳିରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମକୁ ଭିସି ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିଥିଲେ। ମୁଖ୍ୟମନ୍ତ୍ରୀ କହିଥିଲେ, ଓଡ଼ିଶାର ଲୋକମାନଙ୍କର ଉନ୍ନତି ଓ ବିକାଶ ପାଇଁ ଏହା ଏକ ସଫଳ ପଦକ୍ଷେପ। ଏଥିରେ ସମସ୍ତଙ୍କର ସହଯୋଗ ରହିବା ଉଚିତ। କାର୍ଯ୍ୟକ୍ରମକୁ ସଂଯୋଜନା କରୁଥିବା ୫-ଟି ସଚିବ ଭି. କେ. ପାଣ୍ଡିଆନ କହିଥିଲେ, ଓଡ଼ିଶାର ବିକାଶ ସ୍ବପ୍ନ ଭଳି ପ୍ରତୀୟମାନ ହେଲେ ହେଁ ଏବେ ଏହା ଓଡ଼ିଶା ବିକାଶର ବାସ୍ତବ ଚିତ୍ର। 

ଆଳି ନିର୍ବାଚନମଣ୍ଡଳୀର ଅଭୂତପୂର୍ବ ଉନ୍ନତି ହୋଇଥିବା କଥା ଆଳି ବିଧାୟକ ତଥା ଶକ୍ତିମନ୍ତ୍ରୀ ପ୍ରତାପ କେଶରୀ ଦେବ ରାଜକନିକାଠାରେ ଏହି କାର୍ଯ୍ୟକ୍ରମରେ ଉପସ୍ଥିତ ରହି ତାଙ୍କ ବକ୍ତବ୍ୟରେ କହିଥିଲେ। ଆଳି ମିନି ଷ୍ଟାଡିୟମ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ବ୍ଲକ ଚେୟାରମ୍ଯାନ ମନୋରଞ୍ଜନ ସାମଲ ଓଡିଶା ସରକାରଙ୍କ ବିକାଶ ର ବାର୍ତ୍ତା ଦେଇଥିଲେ l

ଜମିବାଡ଼ି ମାମଲାରେ ଖୁଡି ହତ୍ୟା ମାମଲାରେ ପୁତୁରାକୁ ଆଜୀବନ କାରାଦଣ୍ଡାଦେଶ

COASTAL NEWS ODIA 1188

ଜମିବାଡ଼ି ମାମଲାରେ ଖୁଡି ହତ୍ୟା ମାମଲାରେ ପୁତୁରାକୁ ଆଜୀବନ କାରାଦଣ୍ଡାଦେଶ 

On ଜମିବାଡ଼ି ମାମଲାରେ ଖୁଡି ହତ୍ୟା ମାମଲାରେ ପୁତୁରାକୁ ଆଜୀବନ କାରାଦଣ୍ଡାଦେଶ

ବାରିପଦା:(CNO)ମୟୂରଭଞ୍ଜ ଜିଲ୍ଲାର ଗୋରୁମହିଷାଣୀ ଥାନା ଅନ୍ତର୍ଗତ ଚାମୁଡାଡିହି ଗ୍ରାମରେ ଜମିବାଡ଼ି ମାମଲା ନେଇ ଖଣ୍ଡାରେ ଖୁଡିକୁ ହତ୍ୟା କରିଥିବା ମାମଲାରେ ଅଭିଯୁକ୍ତ ପୁତୁରାକୁ ଆଜି ରାଇରଙ୍ଗପୁର କୋର୍ଟରେ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି । ସୂଚନାଯୋଗ୍ୟ ୧୬/୩/୨୦୧୯ତାରିଖ ଦିନ ଗୋରୁମହିଷାଣୀ ଥାନା ଅନ୍ତର୍ଗତ ଚାମୁଡାଡିହି ଗ୍ରାମରେ ଅପରାହ୍ନରେ ପୁତୁରା ଧ୍ରୁବ କାଳନ୍ଦୀ (୪୫) ଖୁଡିଙ୍କ ସହ ଯୁକ୍ତିତର୍କ ଓ ଗଣ୍ଡଗୋଳ କରିଥିଲା ।ଧ୍ରୁବ କାଳନ୍ଦୀ ରାଗ ଓ କ୍ରୋଧ ସମ୍ଭାଳି ନପାରି ଘରୁ ଏକ ଧାରୁଆ ଖଣ୍ଡା ଆଣି ଖୁଡି ରାଇମଣି କାଳନ୍ଦୀ (୬୫)ଙ୍କ ମଥାରେ ଚୋଟ ମାରିଥିଲା ।ରକ୍ତ ଜୁଡୁବୁଡୁ ଅବସ୍ଥାରେ ରାଇମଣି ଟଳି ପଡ଼ିଥିଲା । ତାଙ୍କୁ ରାଇରଙ୍ଗପୁର ହସ୍ପିଟାଲ ଅଣାଯାଇଥିଲା । ଡାକ୍ତର ମୃତ ଘୋଷଣା କରିଥିଲେ ।

ଏହାକୁ ଥାନାରେ ଲିଖିତ ଅଭିଯୋଗ ହୋଇଥିଲା ।ପୋଲିସ କେଶ ମାମଲା ୧୬/୨୩ ରୁଜୁ କରି ତଦନ୍ତ କରିଥିଲା ।ଆଜି ରାଇରଙ୍ଗପୁର କୋର୍ଟରେ ଅତିରିକ୍ତ ଜିଲ୍ଲା ଓ ଦୌରାଜଜ ଦୀପକ କୁମାର ପୋଲିସର ତଦନ୍ତ ରିପୋର୍ଟ ପାରିପାର୍ଶ୍ବିକ ଘଟଣା ଏବଂ ୧୮ ଜଣ ସାକ୍ଷୀଙ୍କ ବୟାନ ଭିତ୍ତିକରି ଧ୍ରୁବ କାଳନ୍ଦୀକୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡ ଏବଂ ୫୦୦୦ ଟଙ୍କା ଜୋରିମାନା ଅନାଦେୟ ୬ ମାସ ଜେଲ ଦଣ୍ଡରେ ଦଣ୍ଡିତ କରିଛନ୍ତି । ସରକାରଙ୍କ ତରଫରୁ ସରକାରୀ ଓକିଲ ଏପିପି ପଙ୍କଜ ଦାସ ମାମଲା ଲଢ଼ୁଥିଲେ ।

କୃଷକମାନଙ୍କ ପାଇଁ ଖୁସି ଖବର!

COASTAL NEWS ODIA 1187

.

କୃଷକମାନଙ୍କ ପାଇଁ ଖୁସି ଖବର!  

ବର୍ତ୍ତମାନ କୀଟନାଶକ ଫସଲର ମୂଳ ଉପରେ ଆକ୍ରମଣ କରିବ ନାହିଁ, 

UPCSR ଏହି  ସମାଧାନ ବାହାର କରିଛି |

ଉତ୍ତରପ୍ରଦେଶ - (CNO) ଉତ୍ତରପ୍ରଦେଶ ଆଖୁ ଅନୁସନ୍ଧାନ ପରିଷଦର ବ ବୈଜ୍ଞାନିକମାନେ ଏଭଳି ପଦ୍ଧତି ପ୍ରସ୍ତୁତ କରିଛନ୍ତି।  ବିହନ ବୁଣିବା ସମୟରେ ଏହାକୁ କ୍ଷେତରେ ପ୍ରୟୋଗ କରି ଫସଲ ମଞ୍ଜି ବୁଣିବା ଦ୍ଵାରା ସୁରକ୍ଷିତ ରହିବ |ଫସଲର ମୂଳରେ କୌଣସି କୀଟନାଶକ ପ୍ରୟୋଗ କରିବା ଆବଶ୍ୟକ ପଡିବ ନାହିଁ ଓ ଫସଲ ମୂଳରେ କ୍ଷତିକାରକ ରୋଗ ପୋକ ଲାଗିବାର ସମ୍ଭାବନା ରହିବ ନାହିଁ ଏବଂ ଉତ୍ପାଦନ ମଧ୍ୟ ବହୁଗୁଣିତ ହେବ |

ଏହି ଉଦ୍ଭାବନ ବିଷୟରେ ସୂଚନା ଦେଇ ଚିନି ଗବେଷଣା ପରିଷଦର ବୈଜ୍ଞାନିକ ଗବେଷଣା ଅଧିକାରୀ ଡ: ସୁନୀଲ ବିଶ୍ୱକର୍ମା କହିଛନ୍ତି ଯେ ବଭାରିଆ ବ୍ୟାସିଆନା ଏବଂ ମେଟାରହିଜିୟମ୍ ଆନିସୋପଲି ନାମକ ଦୁଇଟି ଫୁଙ୍ଗିକୁ ମିଶ୍ରଣ କରି ଅନୁସନ୍ଧାନ କରୁଥିବା ବୈଜ୍ଞାନିକମାନେ ଏକ ମିଶ୍ରଣ ପ୍ରସ୍ତୁତ କରିଛନ୍ତି |  ଏହି ମିଶ୍ରଣକୁ ଫସଲର ମୂଳରେ ପ୍ରୟୋଗ କଲେ ମୂଳ ଉପରେ ଆକ୍ରମଣ କରୁଥିବା କୀଟ ଙ୍କୁ ପ୍ରଭାବଶାଳୀ ଭାବରେ ନିୟନ୍ତ୍ରଣ କରିଥାଏ |  ଏହା ସଂପୂର୍ଣ୍ଣ ଅର୍ଗାନିକ ଅଟେ | ଏହା ଅର୍ଗାନିକ ହୋଇଥିବାରୁ  ଏହା ମାଟିର ସ୍ୱାସ୍ଥ୍ୟ ବଜାୟ ରଖିବାରେ ସହାୟକ ହେବ |ଚାଷୀ କୀଟନାଶକ ପ୍ରୟୋଗରୁ ମୁକ୍ତି ପାଇବେ |

 

ଆଖୁ ଅନୁସନ୍ଧାନ ପରିଷଦ ଯେଉଁ ଅର୍ଗାନିକ ମିଶ୍ରଣ ପ୍ରସ୍ତୁତ କରିଛନ୍ତି, ଏହାର ସାହାଯ୍ୟରେ ଟର୍ମାଇଟ୍ସ ଏବଂ ରୁଟ୍ ବୋରର୍ କୀଟ ଯାହାକି ଫସଲର ମୂଳ ଉପରେ ଆକ୍ରମଣ କରେ ଏବଂ ଅନ୍ୟ ଭୂତଳ କୀଟପତଙ୍ଗ ଯାହା ଫସଲକୁ ନଷ୍ଟ କରେ ଏହି  ଅର୍ଗାନିକ  ଉତ୍ପାଦ ସହିତ ଫଳପ୍ରଦ ଭାବରେ ନିୟନ୍ତ୍ରଣ କରାଯାଇପାରିବ |

ମିଳୁନି ରାସନ ସାମଗ୍ରୀ ଡିଲର୍‌ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି

COASTAL NEWS ODIA 1186

ମିଳୁନି ରାସନ ସାମଗ୍ରୀ

ଡିଲର୍‌ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି

ଆଳି -; ଆଳି ବ୍ଲକ ଦଶିପୁର ପଞ୍ଚାୟତର ସରକାରୀ ଖାଉଟି ସାମଗ୍ରୀ ବିତରଣ କରୁଥିବା ଡିଲର୍ ପୀତାମ୍ବର ବେହେରା ଗତ ୨୦୨୧ ମସିହାର କେନ୍ଦ୍ର ସରକାରଙ୍କ ପକ୍ଷରୁ ଯୋଗାଇ ଦିଆଯାଇଥିବା ଖାଉଟି ସାମଗ୍ରୀ ଏଯାଏ ରାସନକାର୍ଡଧାରୀଙ୍କୁ ପ୍ରଦାନ କରି ନ ଥିବା ଅଭିଯୋଗ ହୋଇଛି।

ଏ ସମ୍ପର୍କରେ ଦଶିପୁର ର ଖାଉଟିକାରଧାରୀମାନେ ବାରମ୍ବାର ଆଳି ବିଡିଓଙ୍କୁ ଲିଖିତ ଅଭିଯୋଗ କରିଥିଲେ ମଧ୍ଯ କୌଣସି ପ୍ରତିକାର କରାଯାଉନାହିଁ। ତେଣୁ ସେମାନେ ସଂପୃକ୍ତ ଖାଉଟି ସାମଗ୍ରୀ ବିତରକ ଡିଲରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି। 

ଖାଉଟିକାର୍ଡଧାରୀଙ୍କ ପକ୍ଷରୁ ବିବେକାନନ୍ଦ ଦାଶ, ଅମୂଲ୍ୟ ମଳିକ, ବୁଲାକର ମଲିକ, ରମେଶ ମଲିକ, ଅକ୍ଷୟ ମଲିକ, ପୁଷ୍ପକ ମଲିକ, ରମେଶ ସାହୁ, ଶ୍ରୀନିବାସ ପରିଡା, ଚିତ୍ତ ମହାନ୍ତି, ଜୟଦେବ ବରଜ, ମୋହନ ସାହୁ, ରବୀନ୍ଦ୍ର ପଣ୍ଡା ପ୍ରମୁଖ ଜିଲ୍ଲାପାଳଙ୍କୁ ଏହି ଦାବିପତ୍ର ପ୍ରଦାନ କରିଥିଲେ।

ବଡ଼ାମ୍ବୀଳା ଗ୍ରାମ ପଞ୍ଚାୟତରେ ମୋ ସେବା କେନ୍ଦ୍ର ଉଦ୍‌ଘାଟିତ

COASTAL NEWS ODIA 1185

ବଡ଼ାମ୍ବୀଳା ଗ୍ରାମ ପଞ୍ଚାୟତରେ ମୋ ସେବା କେନ୍ଦ୍ର ଉଦ୍‌ଘାଟିତ

ଆଳି, ୧୮।୧୦  ବୁଧବାର ଆଳି ବ୍ଲକ ବଡ଼ାମ୍ବିଳା ପଞ୍ଚାୟତ କାର୍ଯ୍ୟାଳୟରେ ମୋ ସେବା କେନ୍ଦ୍ର ଉଦଘାଟିତ ହୋଇଯାଇଛି।କାର୍ଯ୍ୟକ୍ରମରେ ମୁଖ୍ୟଅତିଥ୍ ଭାବେ ଆଳି ବ୍ଲକ ଅଧ୍ୟକ୍ଷ ମନୋରଞ୍ଜନ ସାମଲ ଓ ମୁଖ୍ୟବକ୍ତା ଭାବେ ଜିଲା ପରିଷଦ ସଭ୍ୟ ଭୀଷ୍ମ ମହାନ୍ତି ଯୋଗ ଦେଇ ଲୋକମାନେ ଏହି ସେବାକେନ୍ଦ୍ର ଦ୍ଵାରା କିପରି ଉପକୃତ ହେବେ ସେ ବିଷୟରେ ସମ୍ୟକ ଧାରଣା ଦେଇଥିଲେ l 

ଓଡିଶା ସରକାରଙ୍କ ବହୁମୁଖି କାର୍ଯ୍ୟକ୍ରମ ଓ ସରକାରୀ ଯୋଜନାକୁ ଜନ ସାଧାରଣ ହାତ ପାହାନ୍ତାରେ ପହଞ୍ଚେଇବା ଉଦ୍ଦେଶ୍ୟରେ ମୋ ସେବା କେନ୍ଦ୍ର ଉପୋଭୋକ୍ତା ମାନଙ୍କ ସରକାରୀ ସହାୟତା ପାଇବା ବ୍ୟବସ୍ଥାକୁ ସୁଗମ କରିବା ପାଇଁ ମୋ ସେବା କେନ୍ଦ୍ର ଉଦିଷ୍ଟ I ସରକାର ଆପଣଙ୍କ ଘର ଦ୍ୱାରରେ ମୋ ସେବା କେନ୍ଦ୍ରର ପ୍ରକୃତ ଉଦ୍ଦେଶ୍ଯ ବୋଲି ବକ୍ତାମାନେ ମତବ୍ୟକ୍ତ କରିଥିଲେ । 

ସାମାଜିକକର୍ମୀ ବିଜୟ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ସମ୍ମାନୀତ ଅତିଥି ଭାବେ ବଡ଼ାମ୍ବୀଳା ଗ୍ରାମ ପଞ୍ଚାୟତ ର ସରପଞ୍ଚ ସଚଳା ମହୀ , ସମିତି ସଭ୍ୟ ବଂଶୀଧର ପଣ୍ଡା ଏବଂ ମୋ ସେବା କେନ୍ଦ୍ରର ଜିଲା ପରିଚାଳକ ହମଦ ପାତ୍ର ଯୋଗ ଦେଇଥିଲେ। କେନ୍ଦ୍ର ପରିଚାଳକ ଦୀପକ ନାୟକ ଧନ୍ୟବାଦ ପ୍ରଦାନ କରିଥିଲେ। ବିଦ୍ୟୁଲତା ରାଉତ, ସ୍ବାଭିମାନ ଜେନା, ଓମ୍ ପ୍ରକାଶ ରାଉତ, ଶୁଭମ ମହାନ୍ତି, ଶ୍ରଦ୍ଧାଞ୍ଜଳି ନନ୍ଦ, ରାକେଶ ଦାଶ ଓ ନାୟକ ଏଣ୍ଟରପ୍ରାଇଜେସ କର୍ମକର୍ତ୍ତାମାନେ ସଭା ପରିଚାଳନା କରିଥିଲେ I

ଆଜିର ରାଶିଫଳ

COASTAL NEWS ODIA 1184

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 ଅଦ୍ୟ ଅକ୍ଟୋବର ମାସ  ୨୦ ତାରିଖ ୨୦୨୩ ମସିହା(ଶୁକ୍ରବାର)

  ✧*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌷ମେଷ🌹👉:-ଆଜି ବନ୍ଧୁଙ୍କ ସହ ଯାତ୍ରା ଆରମ୍ଭ କରି ଖୁସି ମନେଇବେ। ବକେୟା ଅର୍ଥ ଲାଭ, ଶାରୀରିକ ସୁସ୍ଥତା, ବନ୍ଧୁଙ୍କ ପରାମର୍ଶ କାମକୁ ଆସିବ। ପ୍ରତିଦ୍ୱନ୍ଦ୍ୱିତା କିମ୍ବା ପ୍ରତିଯୋଗିତାରେ ସଫଳତା ମିଳିବ। ଅଫିସ୍‌ କାମରେ ଯୁକ୍ତିଯୁକ୍ତ କଥା କହି ବିବାଦ ଭିତରକୁ ପଶିଯାଇପାରନ୍ତି।*

*✧═════•❁❀❁•═════✧*

*🌷ବୃଷ🌹👉:-ଆଜି ସହକର୍ମୀ କିମ୍ବା ପଡ଼ୋଶୀଙ୍କ ସାହାଯ୍ୟ, ସମର୍ଥନ ଲାଭ କରାଇବ। ଆପଣ ଭଲ କଥା କହିଲେ ମଧ୍ୟ ଅନ୍ୟମାନେ ଭୁଲ୍‌ ବୁଝିବେ। ବାରମ୍ବାର ଚେଷ୍ଟା ବିଫଳତା ଜନିତ ମନରେ ସବୁବେଳେ ଟେନ୍‌ ସନ ଲାଗି ରହିବ। ଆକସ୍ମିକ ଆବଶ୍ୟକତା କାରଣରୁ ଖର୍ଚ୍ଚ ପରିମାଣ ବୃଦ୍ଧି ପାଇବ।* 

*✧═════•❁❀❁•═════✧*

*🌷ମିଥୁନ🌹👉:-ଆଜି ଆପଣଙ୍କ କଥାବାର୍ତ୍ତା ଓ ବ୍ୟବହାର ଅନ୍ୟମାନଙ୍କ ପସନ୍ଦଯୋଗ୍ୟ ନ ହେବା କାରଣରୁ ସମସ୍ୟା ଉପୁଜିପାରେ। ବିଭିନ୍ନ ପ୍ରକାର ଧନ୍ଦା କରିବା ସକାଶେ ବନ୍ଧୁମାନେ ପ୍ରୋତ୍ସାହିତ କରିପାରନ୍ତି। ନି କଟସ୍ଥ ଜଣାଶୁଣା ବ୍ୟକ୍ତି ମାନଙ୍କ ଦ୍ୱାରା ପରିବହନ କ୍ଷେତ୍ରରେ ସମସ୍ୟା ସମାଧାନ ହେବ।* 

*✧═════•❁❀❁•═════✧*

*🌷କର୍କଟ🌹👉:-ଆଜି ନିଜ ପରିସରରେ ସାଧାରଣ କଥାକୁ ବଡ଼ କରି ନିକଟସ୍ଥ ବ୍ୟକ୍ତି ଜଣେ କଳହର ମାତ୍ରାକୁ ବଢ଼ାଇବେ। ଅବଶ୍ୟ ପରକ୍ଷଣରେ ପରସ୍ପର ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ କରିବାରେ ସମର୍ଥ ହେବେ । ସରକାରୀ ସ୍ତରରୁ ହଠାତ୍‌ ଆଶା କରୁଥିବା ଶୁଭ ଖବର ଶୁଣି ଖୁସି ହେବେ।*

*✧═════•❁❀❁•═════✧*

*🌷ସିଂହ🌹👉:-ଆଜି ଯେତେ ପ୍ରକାର ସୁବିଧା ସୁଯୋଗ ସୃଷ୍ଟି ହେଲେ ମଧ୍ୟ ଅନ୍ୟମାନେ ସନ୍ତୁଷ୍ଟ ହେବେ ନାହିଁ ବରଂ ଓଲଟି ନିନ୍ଦାଗାନ କରିବେ। ଘରେ ବନ୍ଧୁମିଳନ ଓ ନୂତନ ଅତିଥିଙ୍କ ଆଗମନ ଯୋଗୁ ହସଖୁସିର ସୁଅ ଛୁଟିବ। ମାଲିମକଦ୍ଦମା,ଜମିଜମା ସମସ୍ୟା, ଚୁକ୍ତିପତ୍ର ପ୍ରଭୃତିରେ ସୁଫଳ ପାଇବେ।*

*✧═════•❁❀❁•═════✧*

*🌷କନ୍ୟା🌹👉:-ଆଜି ଅର୍ଥ, ସମ୍ମାନ ଓ ବିଳାସବ୍ୟସନ ଦିଗ ପାଇଁ ବହୁତ ଭଲ ହେବ। ବହୁ ଦିନରୁ ଟଙ୍କା ବାକି ରଖିଥବା ଲୋକଟି ଆପଣଙ୍କୁ ଖୋଜି ଖୋଜି ଶେଷରେ ଘରେ ଆସି ଟଙ୍କା ଦେଇଯାଇପାରେ। ଆଗାମୀ ମାଙ୍ଗଳିକ କାମ ସକାଶେ ଗୃହସଜ୍ଜା,ଗାଡ଼ି ମରାମତି, ପୁରୁଣା ଘରକୁ ସଜାଡ଼ିବାରେ ମନୋନିବେଶ କରିପାରନ୍ତି।*

*✧═════•❁❀❁•═════✧*

*🌷ତୁଳା🌹👉:-ଆଜି  ଦିନଟି ଆପଣଙ୍କ ପାଇଁ ବହୁ ଶୁଭଦାୟକ ରହିବେ।କୌଣସି କାମ ସ୍ଥଗିତ ରହିବ ନାହିଁ କିନ୍ତୁ ହସ୍ତା ନକ୍ଷତ୍ର ସକାଶେ ମାନସିକ ଅଶାନ୍ତି ଲାଗି ରହିବା କାରଣରୁ କୌଣସି କାମ ଉତ୍ସାହପ୍ରଦ ହେବ ନାହିଁ। ଅବଶ୍ୟ ମାଲିମକଦ୍ଦମାରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇଯିବ।*

*✧═════•❁❀❁•═════✧*

*🌷ବିଛା🌹👉:-ଆଜି ମନ ଖୁସି ରହିଲେ ମଧ୍ୟ କାର୍ଯ୍ୟବ୍ୟସ୍ତତା ଅନୁଭବ କରିବେ । ଜ୍ୟେଷ୍ଠା ନକ୍ଷତ୍ର ଅଭାବ ଦୂରେଇବାର ପ୍ରୟାସକଲେ ମଧ୍ୟ ଧାର କରଜ କରି ଆବଶ୍ୟକତା ଚଳାଇନେବେ। କ୍ରୀଡ଼ା, କଳା କ୍ଷେତ୍ରରେ ସମସ୍ୟାର ସରଳ ସମାଧାନ କରିପାରିବେ। ବିଭିନ୍ନ ପ୍ରକାର କୌଶଳ ଅବଲମ୍ବନକରି ଲକ୍ଷ୍ୟପୂରଣରେ ସମର୍ଥ ହୋଇପାରନ୍ତି।*

*✧═════•❁❀❁•═════✧*

*🌷ଧନୁ🌹👉:-ବନ୍ଧୁଙ୍କ ମନାନ୍ତର କାରଣରୁ ମନ ଭଲ ନ ଥିବା ହେତୁ କୌଣସି କାମରେ ମନଯୋଗୀ ରହିପାରିବେ ନାହିଁ। ତେଣୁ ମନ ଖୁସିରେ ରହିପାରିବେ ନାହିଁ। ଶିଳ୍ପ, ବାଣିଜ୍ୟକାରବାର କ୍ଷେତ୍ରରେ ବେଶ୍‌ ଖୁସୀ ରହିବେ। ରାଜନୀତିରେ ଓ ସାଙ୍ଗଠନିକ କ୍ଷେତ୍ରରେ ବହୁତ ଜନକଲ୍ୟାଣ କାମ ହାତକୁ ନେଇ ପ୍ରଶଂସିତ ହୋଇପାରନ୍ତି।*

*✧═════•❁❀❁•═════✧*

*🌷ମକର🌹👉:-ଆଜି ବନ୍ଧୁ ଓ ପାରିବାରିକ ସମର୍ଥନରେ ଅଗ୍ରଗାମୀ ହୋଇପାରନ୍ତି ।ସାଧାରଣ କଥାକୁ ନେଇ ସମ୍ପର୍କୀୟ ମାନଙ୍କ ଆକ୍ଷେପୋକ୍ତି ମନରେ ଭାବାନ୍ତର ସୃଷ୍ଟି କରିବ । ବିଳାସବ୍ୟସନ ଦ୍ରବ୍ୟକ୍ରୟ ପ୍ରତି ବିଶେଷ ଅନୁରକ୍ତି ଜାଗ୍ରତହେବା ସହ ଏହାକୁ ସଫଳକରିବାର ମଉକା ପାଇପାରିବେ।*

*✧═════•❁❀❁•═════✧*

*🌷କୁମ୍ଭ🌹👉:-ଆଜି ପରିବାରରେ ସନ୍ଦେହ ଓ ଭୁଲ୍‌ ବୁଝାମଣା ହେତୁ ସମସ୍ୟା ବଢ଼ିପାରେ। ଦୂରସ୍ଥାନକୁ ଯାତ୍ରା ନୂତନ କର୍ମନିଯୁକ୍ତି ପାଇଁ ଅନୁକୂଳ ବାତାବରଣ ସୃଷ୍ଟି ହୋଇପାରେ  ବ୍ୟବସାୟରେ ବକେୟା ଅର୍ଥ ଆଦାୟ କରିବାରେ ସକ୍ଷମ ହେବେ। ଭୂସମ୍ପତ୍ତିକୁ କେନ୍ଦ୍ରକରି ପରିବାର ସଦସ୍ୟଙ୍କ ମଧ୍ୟରେ କଳହର ସୂଚନା ରହିଛି ।*

*✧═════•❁❀❁•═════✧*

*🌷ମୀନ🌹👉:-ଆଜିର ବାଣିଜ୍ୟ, ବ୍ୟବସାୟ, ମାଲି ମକଦ୍ଦମାରେ ସଫଳତା ପାଇବେ। କିନ୍ତୁ ସଙ୍ଗଠନ ଓ ନୂତନ ସମ୍ପର୍କ ସ୍ଥାପନ କ୍ଷେତ୍ରରେ କାରବାରରେ କିଛିଟା ସାମୟିକ ସମସ୍ୟା ଲାଗି ରହିବ। କଳା, ପ୍ରଶାସନ ଓ ରାଜନୈତିକ କ୍ଷେତ୍ରରେ ସ୍ଥିତିକୁ ସୁଦୃଢ଼ ରଖିବାରେ ସମର୍ଥ ହେବେ।*

*✧═════•❁❀❁•═════✧*

ଭାରତର କ୍ରମାଗତ ଚତୁର୍ଥ ବିଜୟ ବିରାଟ କୋହଲିଙ୍କ ଆଶ୍ଚର୍ଯ୍ୟଜନକ ଶତାବ୍ଦୀ ବାଂଲାଦେଶକୁ ପରାସ୍ତ କରିଛି

COASTAL NEWS ODIA 1183

ଭାରତର କ୍ରମାଗତ ଚତୁର୍ଥ ବିଜୟ 

ବିରାଟ କୋହଲିଙ୍କ ଆଶ୍ଚର୍ଯ୍ୟଜନକ ଶତକ ବାଂଲାଦେଶକୁ ପରାସ୍ତ କରିଛି

ପୁଣେ - (CNO) ଭାରତ ବନାମ ବାଂଲାଦେଶ ହାଇଲାଇଟ୍: ଆଇସିସି ODI ବିଶ୍ୱକପର 17 ତମ ମ୍ୟାଚ ପୁଣେରେ ଭାରତ ଏବଂ ବାଂଲାଦେଶ ମଧ୍ୟରେ ଖେଳାଯାଇଥିଲା।  ଏହି ମ୍ୟାଚରେ ବାଂଲାଦେଶ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା।  ଟାନଜିମ ହାସନ ଏବଂ ଲିଟନ୍ ଦାସ ଦଳକୁ ଅର୍ଦ୍ଧଶତକୀୟ ଇନିଂସରେ ଅସୁବିଧାରୁ ବାହାର କରିଥିଲେ।  ଦଳ 8 ୱିକେଟ୍ ପାଇଁ 256 ରନ୍ ସଂଗ୍ରହ କରିଥିଲା।  

ବିରାଟ କୋହଲି ଏକ ଚମତ୍କାର ଶତକ ହାସଲ କରି  ଦଳକୁ 7 ୱିକେଟ୍ ବିଜୟରେ ଆଗେଇ ନେଇଥିଲେ।  ରୋହିତ ଶର୍ମା ଏବଂ ଶୁଭମାନ ଗିଲ ଭାରତ ରନ୍ ସଂଗ୍ରହ ଯାତ୍ରା ଦ୍ରୁତ ଭାବେ ଆରମ୍ଭ କରିଥିଲେ।  53 ରନ୍ ସ୍କୋର କରିବା ପରେ ଶୁଭମନ୍ ଆଉଟ୍ ହୋଇଥିବାବେଳେ ରୋହିତ 48 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ।

ଏହି ମ୍ୟାଚରେ ବାଂଲାଦେଶର ନିୟମିତ ଅଧିନାୟକ ଶାକିବ ଅଲ ହାସନ ଆହତ କାରଣରୁ ମ୍ୟାଚ ଖେଳୁ ନାହାଁନ୍ତି।  ତାଙ୍କ ସ୍ଥାନରେ ନାଜମୁଲ ହୁସେନ୍‌ଙ୍କୁ ଅଧିନାୟକତ୍ୱ ଦିଆଯାଇଛି।  ଟସ୍ ଜିତିବା ପରେ ସେ କହିଥିଲେ ଯେ ଏହା ମୋ ଏବଂ ମୋ ପରିବାର ପାଇଁ ଗର୍ବର ମୁହୂର୍ତ୍ତ।  ଏହି ୱିକେଟ୍ ସତେଜ ଦେଖାଯାଉଛି |  ଆମେ ପ୍ରଥମେ ବ୍ୟାଟିଂ କରି ଭଲ ସ୍କୋର କରିବାକୁ ଚାହୁଁଛୁ |  ଶାକିବଙ୍କ ସ୍ଥାନରେ ନାସୁମ୍ ଖେଳୁଛି |  ଏଥି ସହିତ ଟାସ୍କିନଙ୍କ ସ୍ଥାନରେ ହାସନ ମହମୁଦଙ୍କୁ ଏକ ସୁଯୋଗ ମିଳିଛି।  ଭାରତୀୟ ଦଳରେ କୌଣସି ପରିବର୍ତ୍ତନ ହୋଇନାହିଁ।

ରୋହିତ ଶର୍ମାଙ୍କ ଟିମ୍ ଇଣ୍ଡିଆ ବର୍ତ୍ତମାନ ପର୍ଯ୍ୟନ୍ତ ବିଶ୍ୱକପ୍ 2023 ରେ ହାରିନାହିଁ |  ଭାରତ ପ୍ରଥମ ତିନୋଟି ମ୍ୟାଚ୍ ଜିତିଥିବାବେଳେ ବାଂଲାଦେଶ ତିନୋଟି ମ୍ୟାଚ୍ ମଧ୍ୟରୁ କେବଳ ଗୋଟିଏ ମ୍ଯାଚ ଜିତିଛି।  ବିଶ୍ୱକପ ଇତିହାସରେ ଏପର୍ଯ୍ୟନ୍ତ ଦୁଇ ଦଳ ମଧ୍ୟରେ 4 ଟି ମ୍ୟାଚ୍ ଖେଳାଯାଇଛି।  ଗତ ତିନୋଟି ମ୍ୟାଚରେ ଭାରତ ଜିତିଛି।  

16 ବର୍ଷ ପୂର୍ବେ 2007 ବିଶ୍ୱକପରେ ବାଂଲାଦେଶ ଭାରତକୁ ପରାସ୍ତ କରିଥିଲା।  25 ବର୍ଷ ମଧ୍ୟରେ ଭାରତରେ ଭାରତ ବିପକ୍ଷରେ ବାଂଲାଦେଶର ଏହା ପ୍ରଥମ ODI |  ଏହାପୂର୍ବରୁ 1998 ରେ ବାଂଲାଦେଶ ଦଳ ମୁମ୍ବାଇର ୱାନ ଖେଡେ ଷ୍ଟାଡିୟମରେ ଭାରତର ମୁହାଁମୁହିଁ ହୋଇଥିଲା ।

ଭାରତର ଖେଳାଳି 11 - ରୋହିତ ଶର୍ମା (କ୍ୟାପଟେନ୍ ), ଶୁଭମନ ଗୀଲ୍, ବିରାଟ କୋହଲି,  ଶ୍ରେୟସ୍ ଆୟାର , କେ ଏଲ୍रा ରାହୁଲ୍ (ୱିକେଟ କିପର ), ହାର୍ଦିକ ପାଣ୍ଡ୍ୟା , ରବିନ୍ଦ୍ର ଜାଡେଜା , ସାର୍ଦ୍ଧଳ ଠାକୁର , ୟସପ୍ରୀତ୍ ବୁମରାହ, କୁଲଦୀପ ଯାଦବ , ମହମ୍ମଦ ଶିରାଜ l

ବାଂଲାଦେଶର ଖେଳାଳୀ -11: ତାଞ୍ଜିଦ୍ ହାସନ୍, ଲିଟନ୍ ଦାସ, ନାଜମୁଲ ହୁସେନ୍, ନାସୁମ୍ ଅହମ୍ମଦ, ତାହିଦ୍ ହରିଡେ, ମୁଶଫିକୁର ରହୀମ (ୱିକେଟ୍ କିପର), ମେହେଡି ହାସନ ମିରାଜ, ମହମୁଦୁଲ୍ଲା, ହାସନ ମହମୁଦ, ଶୋରିଫୁଲ ଇସଲାମ, ମୁସ୍ତାଫିଜୁର ରହମାନ।

ସୈତାନକୁ ମିଳିଲା ଫାଶୀ ଦଣ୍ଡାଦେଶ

COASTAL NEWS ODIA 1182

ସୈତାନକୁ ମିଳିଲା ଫାଶୀ ଦଣ୍ଡାଦେଶ

ସୁନ୍ଦରଗଡ଼ - (CNO) ଭଞ୍ଜ ବିହାରୀ ମହାନ୍ତି - ସୈତାନକୁ ମିଳିଲା ଫାଶୀ ଦଣ୍ଡାଦେଶ । ସୁନ୍ଦରଗଡ଼ ପକସୋ କୋର୍ଟ ଶୁଣାଇଲେ ଐତିହାସିକ ରାୟ । ୨୦୧୬ରେ ସୁନ୍ଦରଗଡ ଟାଉନଥାନା ଅଞ୍ଚଳରେ ଜଣେ ୪ ବର୍ଷର ଶିଶୁ କନ୍ୟାକୁ ଅପହରଣ କରି ଦୁଷ୍କର୍ମ ପରେ ହତ୍ୟା ମାମଲାର ରାୟ ଆସିଛି । ଆଉ ଦୋଷୀକୁ ଫାଶୀ ଦଣ୍ଡାଦେଶ ଶୁଣାଇଛନ୍ତି ପକ୍ସୋ କୋର୍ଟର ଜଜ୍ ମହେନ୍ଦ୍ର କୁମାର ସୂତ୍ରଧାର ।(ନାବାଳିକା ଦୁଷ୍କର୍ମ ଓ ହତ୍ୟାକାରୀକୁ ଫାଶୀ ଦଣ୍ଡାଦେଶ ସୁନ୍ଦରଗଡ଼ ପକସୋ କୋର୍ଟଙ୍କ ଐତିହାସିକ ରାୟ ପୀଡ଼ିତା ପରିବାରକୁ ୧୦ ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ) ୭ ବର୍ଷ ତଳର ଏହି ଘଟଣା, ଆଜି ବି ଶୁଣିଲେ ଛାତି ଥରିଯିବ । ସଇତାନର କୁକର୍ମ ଜାଣିଲେ ସଭ୍ୟ ସମାଜର ମୁଣ୍ଡ ତଳକୁ ନଇଁଯିବ । 

(ଅକ୍ଟୋବର ୨୧, ୨୦୧୬ ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ଡେଙ୍ଗିଭାଡ଼ି) ସଞ୍ଜୀବ କେରକେଟା । ମଣିଷ ନୁହେଁ, ମଣିଷ ରୂପରେ ସଇତାନ । ରାତିରେ ମାଆ ପାଖରେ ଶୋଇଥିବା ୪ ବର୍ଷ ବୟସର ଶିଶୁକନ୍ୟାକୁ ଉଠାଇ ନେଇଥିଲା ସଂଜୀବ । 

ଡେଙ୍ଗିଭାଡ଼ିର ଲକ୍ଷ୍ମୀ ଓରାମ ନିଜ ଘରେ ତାଙ୍କ ଦୁଇ ଝିଅଙ୍କ ସହ ଶୋଇଥିଲେ । ହଠାତ ତାଙ୍କ ୪ ବର୍ଷର ଝିଅ ଗାଏବ ହୋଇଯାଇଥିଲା । ଆଉ ତା’ପରେ ଯାହା ହୋଇଥିଲା, ତାହା ଥିଲା ଅତ୍ୟନ୍ତ ହୃଦୟ ବିଦାରକ, ଯାହାକୁ ଶବ୍ଦରେ ବର୍ଣ୍ଣନା କରିବା କଷ୍ଟ । କୁନିଝିଅକୁ ଅପହରଣ କରି ଏକ ନିର୍ମାଣଧୀନ କୋଠାରେ ଦୁଷ୍କର୍ମ କରିଥିଲା ସଇତାନ ସଂଜୀବ । କେବଳ ସେତିକି ନୁହେଁ, ଅତି ନିର୍ମମ ଭାବେ ତାକୁ ହତ୍ୟା କରିବାକୁ ପଛାଇ ନଥିଲା ଜହ୍ଲାଦ ।

ଘଟଣାର ୩ ଦିନ ପରେ ଶିଶୁର ଅର୍ଦ୍ଧଗଳିତ ମୃତଦେହ ଉଦ୍ଧାର କରିଥିଲା ସୁନ୍ଦରଗଡ଼ ଟାଉନ ଥାନା ପୁଲିସ । ସଂଜୀବକୁ ଗିରଫ କରିବା ପରେ ଦୋଷ ସ୍ୱୀକାର କରି୍ଥିଲା ଅଭିଯୁକ୍ତ । ତା’ ବିରୋଧରେ ଅପହରଣ, ଦୁଷ୍ମର୍ମ ଓ ହତ୍ୟା ଅଭିଯୋଗରେ ମାମଲା ଦାୟର ହୋଇଥିଲା । ସଂଜୀବ ଜଣେ ଦାଗୀ ଅପରାଧୀ । ଧର୍ଷଣ, ଡକାୟତି ମାମଲାରେ ପୂର୍ବରୁ ବି ସେ ଜେଲ ଯାଇଥିଲା । କିନ୍ତୁ ଏହି ବର୍ବର ଘଟଣା କେବଳ ସୁନ୍ଦରଗଡ଼ରେ ନୁହେଁ, ସାରା ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଥିଲା ।

ଏହି ସଙ୍ଗୀନ ମାମଲାର ବିଚାର କରିଥିଲେ ସୁନ୍ଦରଗଡ଼ ପକସୋ କୋର୍ଟ । ୭ ବର୍ଷର ବିଚାର ପରେ ନାବାଳିକା ଦୁଷ୍କର୍ମ ଓ ହତ୍ୟା ମାମଲାରେ ରାୟ ଶୁଣାଇଛନ୍ତି ବିଚାରପତି ମହେନ୍ଦ୍ର କୁମାର ସୂତ୍ରଧର । ସଂଜୀବକୁ ଦୋଷୀ ସାବ୍ୟସ୍ତ କରିବା ସହ ମୃତ୍ୟୁ ଦଣ୍ଡ ଶୁଣାଇଛନ୍ତି ବିଚାରପତି । ଏହା ସହ ପୀଡ଼ିତା ପରିବାରକୁ ୧୦ ଲକ୍ଷ ଟଙ୍କା ସହାୟତା ରାଶି ପ୍ରଦାନ ପାଇଁ ଜିଲ୍ଲା ଆଇନ ସେବା ପ୍ରାଧିକରଣକୁ ନିର୍ଦ୍ଦେଶ ଦେଇଛନ୍ତି କୋର୍ଟ ।

ରାଜଧାନୀରେ ଅପରାଧୀ ସକ୍ରିୟ ସୁରକ୍ଷାକର୍ମୀଙ୍କୁ ଖଣ୍ଡାରେ ହାଣିଲେ

COASTAL NEWS ODIA 1181

ରାଜଧାନୀରେ ଅପରାଧୀଙ୍କ ଆତଙ୍କରାଜ ସୁରକ୍ଷାକର୍ମୀଙ୍କୁ                           ଖଣ୍ଡାରେ  ହାଣିଲେ

ଭୁବନେଶ୍ୱର - ୧୮।୧୦ ( CNO ): ରାଜଧାନୀରେ ଅପରାଧୀ ଏବେ ସକ୍ରିୟ । ମଙ୍ଗଳବାର ରାତିରେ ଜଣେ ସୁରକ୍ଷାକର୍ମୀଙ୍କୁ ଖଣ୍ଡାରେ ହାଣି ଦୁବୃତ୍ତ ଫେରାର ହୋଇଛନ୍ତି । ଆହତ ସୁରକ୍ଷାକର୍ମୀ ହେଲେ ଭଦ୍ରକ ଅଞ୍ଚଳର ଗୌରାଙ୍ଗ ଦାସ । ଏକ ଘରୋଲ ଡାକ୍ତରଖାନାରେ ସେ ଚିକିତ୍ସାଧୀନ ଅଛନ୍ତି ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ବି ରହିଛି । 

ଅଭିଯୋଗ ପରେ ବଡ଼ଗଡ଼ ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।ନିକଟରେ ଲାଗିଥିବା ଚିତ୍ର ଉତ୍ତୋଳନ ଯନ୍ତ୍ର (ସିସିଟିଭି) ଫୁଟେଜକୁ ଆଧାର କରି ଅଭିଯୁକ୍ତଙ୍କୁ ଧରିବା ଲାଗି ଉଦ୍ୟମ ଜାରି ରଖିଛି I ମୋବାଇଲ ଲୁଟ୍‌କୁ ବିରୋଧ କରିବାରୁ ଦୁର୍ବୃତ୍ତମାନେ ଖଣ୍ଡାରେ ଆକ୍ରମଣ କରିଥିବା ପ୍ରାଥମିକ ତଦନ୍ତରୁ ପୁଲିସ ଜାଣିବାକୁ ପାଇଛି। ସୂଚନାଯୋଗ୍ୟ, କେ- ୱାନ୍ ସିକ୍ୟୁରିଟି ଏଜେନ୍ସିରେ ଗୌରାଙ୍ଗ ସୁରକ୍ଷାକର୍ମୀ ଭାବେ କାମ କରୁଥିଲେ। ସବୁ ଦିନ ଭଳି ମଙ୍ଗଳବାର ସେ ପୁରୀ ବାଇପାସ୍ ରାସ୍ତାର ମଙ୍ଗରାଜ ପଏଣ୍ଟ ନିକଟରେ ଥିବା ଏକ  ବିଦ୍ୟୁତ୍‌ଳିତ ଯାନ ଶୋ'ରୁମ୍ ରେ କାର୍ଯ୍ୟରତ ଥିଲେ। 

ରାତି ପ୍ରାୟ ୧୨ଟାରେ ୨ଟି ମୋଟର ସାଇକଲରେ ୪ଜଣ ଦୁର୍ବୃତ୍ତ ଶୋ’ରୁମ୍ ନିକଟରେ ଅଟକିଥିଲେ। ଗୌରାଙ୍ଗଙ୍କୁ ପିଇବା ପାଇଁ ପାଣି ମାଗିଥିଲେ ପାଣି ନେଇ ଆସିବା ମାତ୍ରେ ଦୁର୍ବୃତ୍ତମାନେ ତାଙ୍କ ମୋବାଇଲ ଫୋନ୍ ନେବା ଲାଗି ଛଡ଼ାଇଥିଲେ। ବିରୋଧ କରିବାରୁ ସେମାନେ ଖଣ୍ଡାରେ ତାଙ୍କୁ ଆକ୍ରମଣ କରିଥିଲେ ଜୀବନ ବଞ୍ଚାଇବା ଲାଗି ଗୌରାଙ୍ଗ ପ୍ରାଣବିକଳରେ ଦୌଡ଼ିଥିଲେ । ଦୁର୍ବୃତ୍ତମାନେ ଗୋଡ଼ାଇ ଗୋଡ଼ାଇ ତାଙ୍କୁ ଚୋଟ ପରେ ଚୋଟ ମାରିଥିଲେ।ଯାହାଫଳରେ ଗୌରାଙ୍ଗଙ୍କ ମୁଣ୍ଡ ଓ ଶରୀରର ବିଭିନ୍ନ ସ୍ଥାନରେ କ୍ଷତ ହୋଇଥିଲା। ରକ୍ତ ଜୁଡୁବୁଡୁ ଅବସ୍ଥାରେ ସେ ତଳେ ପଡ଼ିଯାଇଥିଲେ। ପରେ ଦୁର୍ବୃତ୍ତମାନେ ଆଖୁ ପିଛୁଳାକେ ସେଠାରୁ ଫେରାର ହୋଇ ଯାଇଥିଲେ। ଅନ୍ୟ କର୍ମଚାରୀମାନେ ଘଟଣା ସମ୍ପର୍କରେ ପୁଲିସ ନିୟନ୍ତ୍ରଣ କକ୍ଷକୁ ଖବର ଦେଇଥିଲେ। 

ପିସିଆର ପହଞ୍ଚି ଗୌରାଙ୍ଗଙ୍କୁ ଉଦ୍ଧାର କରି ରାଜଧାନୀ ଚିକିତ୍ସାୟରେ ଭର୍ତ୍ତି କରିଥିଲେ। ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ଏକ ଘରୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଅସାମାଜିକ ଯୁବକଙ୍କ ଦୌରାତ୍ମ୍ଯ ରୁ ରକ୍ଷା ପାଇଁ ସମ୍ପୃକ୍ତ ଅଞ୍ଚଳରେ ପୁଲିସ ପଇଁତରା କଡ଼ାକଡ଼ି କରାଯିବାକୁ ସାଧାରଣରେ ଦାବି ହୋଇଛି ।

ଆଜିର ରାଶିଫଳ

COASTAL NEWS ODIA 1180

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ ୧୯ ତାରିଖ ୨୦୨୩ ମସିହା(ଗୁରୁବାର)*

*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉ଆଜି ଆଗରୁ ବାକିରହିଥିବା କାମକୁ ତ୍ୱରାନ୍ବିତ କରିବା ସକାଶେ ନିଷ୍ପତ୍ତି ନେଇପାରନ୍ତି। ଆର୍ଥିକ ସ୍ବଚ୍ଛଳତା ଫେରି ପାଇବେ ସତ ମାତ୍ର ଆଶା କରିଥିବା ଦିଗରୁ ଅର୍ଥ ପ୍ରାପ୍ତି ହେବ ନାହିଁ। ବୃଥା ବିବାଦ, ଟଣା ଓଟରା ମଧ୍ୟରେ ଆଗକୁ ଯାଇପାରିବେ ନାହିଁ।*

*✧═════•❁❀❁•═════✧*

*🌹ବୃଷ🌹👉ବାଣିଜ୍ୟ, ସନ୍ତାନଙ୍କ ସମସ୍ୟା ସମାଧାନ ହେବ । ବିବାଦ, ଚୋରି, ବୃଥାଟନଜନିତ ଅପବ୍ୟୟର ସୀମା ଟପିଯିବ। ଗୃହସୀମା, ଗାଡି ମୋଟର, ପ୍ରତିଦ୍ୱନ୍ଦ୍ୱିତା କ୍ଷେତ୍ରରେ ମାନସିକ ଉତ୍ତେଜନା ଓ ଉଦ୍‌ବେଗ ବଢିପାରେ।*

*✧═════•❁❀❁•═════✧*

*🌹ମିଥୁନ🌹👉ଆଜି ଆକସ୍ମିକ ଭାବରେ କେତେକ ସାଧାରଣ ଘଟଣାକୁ କେନ୍ଦ୍ରକରି ପରିବାରରେ ବିବାଦୀୟ ପରିସ୍ଥିତି ସୃଷ୍ଟି ହେବ। ଶତ୍ରୁତା, ରୋଗପୀଡା କିମ୍ବା ଋଣ ପରିଶୋଧଜନିତ ଅର୍ଥବ୍ୟୟ କରିବେ କିନ୍ତୁ କର୍ମ କ୍ଷେତ୍ରରେ ସୁନ୍ଦର ସୁଯୋଗ ପ୍ରାପ୍ତ ହେବ।* 

*✧═════•❁❀❁•═════✧*

*🌹କର୍କଟ🌹👉ଆତ୍ମୀୟ ସ୍ବଜନଙ୍କ ସହ କଳହ ହୋଇପାରେ ।ଭଲ ଚିନ୍ତା କଲେ ମଧ୍ୟ ଅନ୍ୟମାନେ ଆପଣଙ୍କ ମନୋଭାବକୁ ସହଜରେ ବୁଝି ପାରିବେ ନାହିଁ। କିନ୍ତୁ ଭାଗ୍ୟଭାବସ୍ଥ ମଙ୍ଗଳ ପ୍ରଭାବରେ ଅପୀଡାଦଥିବା କାମଗୁଡିକ ସୁରୁଖୁରୁରେ ସମ୍ପନ୍ନ ହେବ।*

*✧═════•❁❀❁•═════✧*

*🌹ସିଂହ🌹👉ଆଜି ଆପଣଙ୍କ ପରିବାର ଓ ବନ୍ଧୁ ସମ୍ପର୍କ କ୍ଷୁଣ୍ଣ ହୋଇପାରେ । କିନ୍ତୁ ଉପରିସ୍ଥ ଅଧିକାରୀଙ୍କ ଅନୁକମ୍ପାରୁ ଅଫିସରେ ସହାନୁଭୂତିର ସହ ବନ୍ଧୁଙ୍କ ଅବଦାନ ଅବିସ୍ମରଣୀୟ ରହିବ। ଦିନଟି ପୀଡାଦାୟକ*

*✧═════•❁❀❁•═════✧*

*🌹କନ୍ୟା🌹👉ଆଜି ନୂତନ କର୍ମାରମ୍ଭ ପାଇଁ ଆନୁଷଙ୍ଗିକ ଖୋରାକ ଯୋଗଇବ। ଫଳରେ ଆପଣଙ୍କ ସହକର୍ମୀ ଅଯାଚିତ ଭାବରେ ସହଯୋଗର ହାତ ବଢାଇପାରନ୍ତି। ପରିବାର ସଦସ୍ୟଙ୍କ ସ୍ବାସ୍ଥ୍ୟ ତଥା ପାରିବାରିକ ସମସ୍ୟାର ତ୍ୱରିତ ସମାଧାନ ପାଇଁ ଚିନ୍ତା କରିବେ।*

*✧═════•❁❀❁•═════✧*

*🌹ତୁଳା🌹👉ଆଜି ପାରିବାରିକ ଅବସ୍ଥାରେ ସାମାନ୍ୟ ଉନ୍ନତି ପରିଲଖିତକ ହେବାରୁ ଆଶ୍ୱସ୍ତି ଅନୁଭବ କରିବେ। ବ୍ୟବସାୟରେ ବିଭିନ୍ନ ପ୍ରକାରର ସମସ୍ୟା ଦେଖାଦେଇପାରେ। ସ୍ବାସ୍ଥ୍ୟ, ପରିବାର, କର୍ମକ୍ଷେତ୍ରସମ୍ପର୍କି ଆଲୋଚନା ପାଇଁ ସମୟ ପ୍ରାୟତଃ ଅନୁକୂଳ ରହିବ।*

*✧═════•❁❀❁•═════✧*

*🌹ବିଛା🌹👉ଆଜି ସୁ ଭୋଜନ ଓ ଧନଲାଭ ହେବ ଅଫିସରେ ଦୃଢ ପଦକ୍ଷେପ ନେଇ କାର୍ଯ୍ୟ ହାସଲ କରିବା ସହ ବ୍ୟବସାୟ, ବାଣିଜ୍ୟ କ୍ଷେତ୍ରରେ ସମସ୍ୟା ଦୂରହେବ ।କୌଣସି ଜଣାଶୁଣା ବ୍ୟକ୍ତିଙ୍କ ପ୍ରତିରୋଧ ଆଶାକୁ ପ୍ରତିହତ କରିପାରେ।*

*✧═════•❁❀❁•═════✧*

*🌹ଧନୁ🌹👉 ଆଜି ଦିନରେ ମନ ଭଲ ରହିବ ନାହିଁ । ପ୍ରତ୍ୟୁଷ ଯାତ୍ରାରେ ଦେବ ଦର୍ଶନ ସାଙ୍ଗକୁ ଭ୍ରମଣ ସୁଯୋଗ ଜୁଟିବ।ସତ୍‌ କାମରେ ବ୍ୟୟ କରିବା ସହ ବନ୍ଧୁମାନଙ୍କ ଶୁଭଚିନ୍ତକ ଭାବରେ କାମ କରିବାରେ ଆଗ୍ରହ ପ୍ରକାଶ କରିପାରନ୍ତି।* 

*✧═════•❁❀❁•═════✧*

*🌹ମକର🌹👉ଆଜି ପ୍ରତ୍ୟେକ କ୍ଷେତ୍ରରେ ପୂର୍ବଶତ୍ରୁତା ପ୍ରତି ସତର୍କ ରହି କାମ କରିବା ଭଲ ହେବ। ସାମାନ୍ୟ ବଚସା ପରେ ଯାଇ ବକେୟା ଅର୍ଥ ଆଦାୟ କରିବାରେ ସକ୍ଷମ ହୋଇପାରନ୍ତି।ବନ୍ଧୁଙ୍କ ଅନୁରାଗ ପ୍ରତି ମନରେ ଦୁର୍ବଳତା ଆସିପାରେ।*

*✧═════•❁❀❁•═════✧*

*🌹କୁମ୍ଭ🌹👉ଆଜି ଅର୍ଥଲାଭ ହେବ କିନ୍ତୁ ସାମାନ୍ୟ ସମସ୍ୟାର ସମ୍ମୁଖୀନ ହେବାକୁ ପଡିବ। ଶିଳ୍ପ, ବାଣିଜ୍ୟ, ବ୍ୟବସାୟ, ପରିବହନ, ନିର୍ମାଣ, କଚେରି ମାମଲାରେ ଉନ୍ନତି ପରିଲକ୍ଷିତ ହେବ। ସାମୟିକ ଭାବରେ କଚେରି ମାମଲା ବିଷୟ ନେଇ ଚିନ୍ତିତ ରହିପାରନ୍ତି।*

*✧═════•❁❀❁•═════✧*

*🌹ମୀନ🌹👉:-ବନ୍ଧୁଙ୍କ ଅନୁରୋଧରେ ଆନୁଷ୍ଠାନିକ କାମରେ ଖଟଣି ବଢିଯିବ କିନ୍ତୁ ଆଶାନୁରୂପ ସଫଳତା ପାଇବେ ନାହିଁ।  କୌଣସି ସହକର୍ମୀଙ୍କୁ ପ୍ରତୀକ୍ଷା କରି ଦେଖା ପାଇବେ ନାହିଁ। ବ୍ୟବସାୟିକ ଦୃଷ୍ଟିକୋଣରୁ ଦିନଟି ପ୍ରୀତିପ୍ରଦ ରହିବ।*

*✧═════•❁❀❁•═════✧*

ଖବର ଆଜିର

COASTAL NEWS ODIA 1179

*ଖବର ଆଜିର* 

୧-ସଂକ୍ଷିପ୍ତ ଭୋଟର ତାଲିକା ସଂଶୋଧନ ଚଳିତ ମାସ ୨୭ରୁ ଡିସେମ୍ବର ୯ ପର୍ଯ୍ୟନ୍ତ ଚାଲିବ।

୨-ବଙ୍ଗୋପସାଗରରେ ଆସୁଛି ଆଉ ଏକ ଲଘୁଚାପ, ଏ ବର୍ଷ ଦୁର୍ଗାପୂଜାକୁ ଲଘୁଚାପ ଭସାଇବା ନେଇ ଆଶଙ୍କା।

୩-ଭୁବନେଶ୍ଵରରୁ ଗୌହାଟିକୁ ଉଡ଼ିବ ବିମାନ, ଅକ୍ଟୋବର ୨୯ରୁ ପ୍ରତିଦିନ କରିବ ଚଳାଚଳ।

୪-ଭୁବନେଶ୍ୱର:ପାର୍ବଣରେ ବୁଲିବେନି ଭିକାରୀ, ରାସ୍ତାକଡ଼ କିମ୍ବା ମନ୍ଦିର ସାମ୍ନାରେ ଦେଖିଲେ ଉଠାଇ ନେବ ବିଏମସି ସ୍କ୍ୱାର୍ଡ।

୫-ଇଣ୍ଡିଆନ ଆଇଡଲ୍ -୧୪ରେ ଓଡ଼ିଆ ଡାକ୍ତର ରୋହନ ବିଶ୍ବାଳ ଗୋଲ୍ଡେନ ଟିକେଟ ସହ ଶୋ ରେ ଥିଏଟର ରାଉଣ୍ଡକୁ ଉନ୍ନୀତ।

୬-ଆସନ୍ତା ୨୦ରୁ ରାଜ୍ୟରେ ଶୀତ ଆରମ୍ଭ। ତାପମାତ୍ରା ୨ରୁ ୪ ଡିଗ୍ରୀ କମିବ।

୭-ଏସୀୟ କ୍ରୀଡ଼ା ବିଜେତା କିଶୋର ଜେନାଙ୍କୁ ସମ୍ବର୍ଦ୍ଧିତ କଲେ ମୁଖ୍ୟମନ୍ତ୍ରୀ, ପ୍ରଦାନ କଲେ ଦେଢ଼ କୋଟି ଟଙ୍କାର ଚେକ୍।

୮-ଚନ୍ଦ୍ରଶେଖରପୁର:୪ଟି ଘରେ କଳାକନା ବୁଲାଇଲେ ଲୁଟିଆ, କୋଟିଏ ଟଙ୍କାର ସମ୍ପତ୍ତି ନେଇଗଲେ।

୯-ଆସନ୍ତା ୨୦ରୁ ଭୁବନେଶ୍ବର ୟୁନିଟ୍ ୧ ପରିବା ହାଟ ବନ୍ଦ, ରାଜଧାନୀରେ ଉପୁଜିପାରେ ପରିବା ସଙ୍କଟ।

୧୦-'ମୋ ମାଟି ମୋ ଦେଶ' କାର୍ଯ୍ୟକ୍ରମ:୨୮ରେ ରାଜଧାନୀରେ ଏକାଠି ହେବ ସଂଗୃହିତ ମାଟି କଳସ।

୧୧-ଜଗତସିଂହପୁର: ଦଶତୁଠରେ ଗାଧୋଇବା ବେଳେ ନଦୀ​‌ରେ ଭାସିଯାଇ ୨ ଜଣଙ୍କ ମୃତ୍ୟୁ।

୧୨-ଆନନ୍ଦପୁର:ବାଇକ ଆରୋହୀଙ୍କ ଉପରେ ଚଢ଼ିଗଲା ଲୁହାପଥର ବୋଝେଇ ଟ୍ରକ, ଘଟଣାସ୍ଥଳରେ ଦୁଇ ମୃତ।

୧୩-ଅନୁଭବଙ୍କ ଛାଡ଼ପତ୍ର ଆବେଦନକୁ ଗ୍ରହଣ କଲେ ହାଇକୋର୍ଟ, ବର୍ଷାଙ୍କୁ ନୋଟିସ୍ ଜାରି।

୧୪-ବାଲେଶ୍ୱରରେ ବେଆଇନ୍ ମଦ ଭାଟିରେ ଚଢ଼ଉ, ୨୫ ଲକ୍ଷ ଟଙ୍କାରୁ ଊର୍ଦ୍ଧ୍ୱ ଟଙ୍କାର ପୋଚ ଜବତ

୧୫-୨୦୩୫ ସୁଦ୍ଧା ସ୍ପେଶ୍ ଷ୍ଟେସନ୍ , ୨୦୪୦ ସୁଦ୍ଧା ଚନ୍ଦ୍ରରେ ପହଞ୍ଚିବ ମଣିଷ: ଇସ୍ରୋ ପାଇଁ ଲକ୍ଷ୍ୟ ଧାର୍ଯ୍ୟ କଲେ ପ୍ରଧାନମନ୍ତ୍ରୀ ମୋଦୀ।

୧୬-ଜାତୀୟ ଚଳଚ୍ଚିତ୍ର ପୁରସ୍କାର ପ୍ରଦାନ: ୱାହିଦା ରେହମାନଙ୍କୁ ଦାଦା ସାହେବ ଫାଲକେ ପୁରସ୍କାର,ପ୍ରତୀକ୍ଷା ଶ୍ରେଷ୍ଠ ଓଡ଼ିଆ ଫିଲ୍ମ।

୧୭-ଦିଲ୍ଲୀରେ ଆୟୋଜିତ ହେଲା ନ୍ୟାସନାଲ ପିଲ୍ମ ପୁରସ୍କାର ଉତ୍ସବ । ଆଲିଆ ଭଟ୍ଟ ଓ ଅଲ୍ଲୁ ଅର୍ଜୁନଙ୍କୁ ଶ୍ରେଷ୍ଟ ଅଭିନେତ୍ରୀ ଓ ଅଭିନେତା ପୁରସ୍କାର, ‘ରକେଟ୍ରି’ କୁ ମିଳିଲା ଶ୍ରେଷ୍ଠ ଚଳଚିତ୍ର ସମ୍ମାନ।

୧୮-ସମଲିଙ୍ଗୀଙ୍କୁ ସୁପ୍ରିମକୋର୍ଟଙ୍କ ବଡ଼ ଝଟ୍‌କା; ସ୍ୱାମୀ-ସ୍ତ୍ରୀ ସାଜି ପାରିବେନି ପୁରୁଷ-ପୁରୁଷ କି ନାରୀ-ନାରୀ।

୧୯-ତାମିଲନାଡ଼ୁର ଦୁଇ ବାଣ କାରଖାନାରେ ବିସ୍ଫୋରଣ; ୧୮ ମୃତ।

୨୦-ହମାସ ଆତଙ୍କୀଙ୍କୁ ନିପାତ କରୁଛି ଇସ୍ରାଏଲ ଗ୍ରାଉଣ୍ଡ ଫୋର୍ସ ! ଖୋଜି ଖୋଜି ମାରୁଛି।

୨୧-ବିଶ୍ବକପ୍: ଦକ୍ଷିଣ ଆଫ୍ରିକା ବିପକ୍ଷରେ ନେଦରଲାଣ୍ଡସ୍ ର ଐତିହାସିକ ବିଜୟ।

ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଓଡିଶାର ରାଜ୍ୟପାଳ

COASTAL NEWS ODIA 1178 

ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଓଡିଶାର ରାଜ୍ୟପାଳ

ଭୁବନେଶ୍ବର - (CNO) ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଓଡିଶାର ରାଜ୍ୟପାଳ ଏବଂ ବିଜେପି ନେତା ଇନ୍ଦ୍ର ସେନା ରେଡ୍ଡୀ ନାଲୁଙ୍କୁ ତ୍ରିପୁରାର ରାଜ୍ୟପାଳ ଭାବେ ନିଯୁକ୍ତ କରାଯାଇଛି।  ଏହି ପରିପ୍ରେକ୍ଷୀରେ ରାଷ୍ଟ୍ରପତି ଭବନ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇଛି।

ରଘୁବର ଦାସ ବର୍ତ୍ତମାନ ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ଏବଂ 2014 ରୁ 2019 ପର୍ଯ୍ୟନ୍ତ ଝାଡଖଣ୍ଡର ମୁଖ୍ୟମନ୍ତ୍ରୀ ଥିଲେ।  ଇନ୍ଦ୍ର ସେନା ରେଡ୍ଡୀ ନାଲୁ ତେଲେଙ୍ଗାନାର ଜଣେ ବିଜେପି ନେତା।

ପ୍ରକାଶ ଥାଉକି ରାଷ୍ଟ୍ରପତି ଦ୍ରୌପଦୀ  ମୁର୍ମୁଙ୍କ ତରଫରୁ ଏହି ନିଯୁକ୍ତି ଦିଆଯାଇଛି।  ଏହା ମଧ୍ୟ କୁହାଯାଇଛି ଯେ ରଘୁବର ଦାସ ଏବଂ ନାଲୁ ନିଜ ଦାୟିତ୍ ଗ୍ରହଣ କରିବା ଦିନଠାରୁ ଉଭୟ ପଦବୀରେ ନିଯୁକ୍ତି କାର୍ଯ୍ୟକାରୀ ହେବ।

ବର୍ତ୍ତମାନର ଓଡିଶା ରାଜ୍ୟପାଳ ପ୍ରଫେସର ଗଣେଶ ଲାଲଙ୍କ ସ୍ଥାନରେ ରଘୁବରଦାସ ସ୍ଥାନ ପାଇବେ।  25 ମଇ 2018 ରେ ପ୍ରଫେସର ଲାଲ ରାଜ୍ୟପାଳ ଭାବରେ ନିଯୁକ୍ତ ହୋଇଥିଲେ।  ସେ ଚାରି ଦିନ ପରେ 29 ମଇରେ ଶପଥ ନେଇଥିଲେ।  ସେ ସତ୍ୟପାଲ ମଲିକଙ୍କ ସ୍ଥାନ ନେଇଥିଲେ, ଯିଏକି ବିହାର ଏବଂ ଓଡିଶାର ଅତିରିକ୍ତ ଦାୟିତ୍ୱ ତୁଲାଉଥିଲେ।  ଯଦିଓ ତାଙ୍କର ବର୍ଷର କାର୍ଯ୍ୟକାଳ ସମାପ୍ତ ହୋଇଛି, ତଥାପି ତାଙ୍କ ଉତ୍ତରାଧିକାରୀ ଘୋଷଣା କରାଯାଇ ନାହିଁ।

ଆସନ୍ତା ୨୦ରେ ବସ ଧର୍ମଘଟ ଡକରା: ଲକ୍ଷ୍ମୀ ଯୋଜନାକୁ ବିରୋଧ କରି ବନ୍ଦ ଡାକରା ଦେଲା ଘରୋଇ ମାଲିକ ସଂଘ

COASTAL NEWS ODIA 1177

ଆସନ୍ତା ୨୦ରେ ବସ ଧର୍ମଘଟ ଡକରା: ଲକ୍ଷ୍ମୀ ଯୋଜନାକୁ ବିରୋଧ କରି ବନ୍ଦ ଡାକରା ଦେଲା ଘରୋଇ ମାଲିକ ସଂଘ

ଭୁବନେଶ୍ବର -(CNO) -ଭଞ୍ଜ ବିହାରୀ ମହାନ୍ତି - ପୂଜା ବେଳେ ଘରକୁ ଯିବାକୁ ହେବେ ହଇରାଣ! ଆସନ୍ତା ୨୦ରେ ବସ ଧର୍ମଘଟ ଡକରା । ଲକ୍ଷ୍ମୀ ଯୋଜନାକୁ ବିରୋଧ କରି ବସ ଧର୍ମଘଟ ଡାକରା । ପୁଣି ଧର୍ମଘଟ ଡାକରା ଦେଲା ବସ ମାଲିକ ସଂଘ । ଘରୋଇ ବସ ମାଲିକ ସଂଘ ସମ୍ପାଦକ ଏନେଇ ବୟାନ ଦେଇ କହିଛନ୍ତି, ଲକ୍ଷ୍ମୀ ଯୋଜନା ଆମ ପାଇଁ କ୍ଷତିକାରକ । 

ଏଭଳି ଭୁଲ ସ୍କିମକୁ ସରକାର ବନ୍ଦ କରନ୍ତୁ । ଆମର ଇଚ୍ଛା ନଥିଲେ ବି ବନ୍ଦ ନିଷ୍ପତ୍ତି ନେଇଛୁ । କାଲି ସୁଦ୍ଧା ନିଷ୍ପତ୍ତି ନେଲେ ଆମେ ବନ୍ଦରୁ ଓହରିବୁ । ବନ୍ଦ ନିଷ୍ପତ୍ତି ପାଇଁ ଆମେ ଲୋକଙ୍କୁ କ୍ଷମା ମାଗୁଛୁ । ପୂଜା ବେଳେ ଧର୍ମଘଟ କରିବା ଆମର ଉଦ୍ଦେଶ୍ୟ ନୁହେଁ । ପୂଜା ସହ ବନ୍ଦର କୌଣସି ସମ୍ପର୍କ ନାହିଁ । ନୂଆ ବସ ଦେବାକୁ ଆମକୁ କୁହାଗଲା । ଆମେ କେଉଁଠୁ ଟଙ୍କା ଆଣି ନୂଆ ବସ ଯୋଗାଇବୁ ।

ହୃଦଘାତର କାରଣ

COASTAL NEWS ODIA 1176

ହୃଦଘାତର କାରଣ 

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ଆଜିକାଲି ଅଧିକାଂଶ ଲୋକେ ହୃଦ୍‌ଘାତର ଶିକାର ହେଉଛନ୍ତି। ହୃଦ୍‌ଘାତ ଯୋଗୁ ଜଣେ ବ୍ୟକ୍ତିଙ୍କ ହଠାତ୍‌ ମୃତ୍ୟୁ ହୋଇ ଯାଉଛି। ତେବେ ଅନେକ କାରଣ ଯୋଗୁ ଏହି ହାର୍ଟ ଆଟାକ ହୋଇଥାଇପାରେ। କିନ୍ତୁ କେବେ କୌଣସି ଫୁଲ ଏହି ହାର୍ଟ ଆଟାକ୍‌ ବା ହୃଦ୍‌ଘାତର କାରଣ ହୋଇପାରେ ବୋଲି ଶୁଣିଛନ୍ତି କି? ଗବେଷଣାରୁ ଜଣାପଡିଛି ଯେ, ଏଭଳି ଏକ ଫୁଲ ଅଛି, ଯାହା ଦ୍ୱାରା ହୃଦ୍‌ଘାତ ହେଉଥିବା ବୈଜ୍ଞାନିକମାନେ ଦାବି କରିଛନ୍ତି।

'ଫକ୍ସଗ୍ଲୋବ'। ଏହା ଏକ ବେଶ୍‌ ଲୋକପ୍ରିୟ ଫୁଲ। ୟୁରୋପ ଓ ଏସିଆରେ ଅଧିକାଂଶ ସ୍ଥାନରେ ଏହି ଫୁଲ ଫୁଟେ। ଏହା ଏକ ବିଶେଷ ପ୍ରଜାତିର ଫୁଲ ଗଛ, ଯାହାର ଫୁଲଗୁଡିକ ବେଶ୍‌ ସୁନ୍ଦର। ହର୍ବାଲ ଚିକିତ୍ସା କ୍ଷେତ୍ରରେ ଏହି ଫୁଲର ବ୍ୟବହାର ବହୁଳ ରୂପେ କରାଯାଏ। ଏହି ଫକ୍ସଗ୍ଲୋବ ଫୁଲର ଅନ୍ୟ ନାମ ହେଉଛି 'ଡିଜିଟଲିସ'। ତେବେ ଏହି ପ୍ରସିଦ୍ଧ ଫୁଲଟି ହୃଦ୍‌ଘାତର କାରଣ ସାଜିପାରେ। ନିକଟରେ ବୈଜ୍ଞାନିକମାନେ ଏଭଳି କିଛି ଦାବି କରିଛନ୍ତି।

ଏହି ଫୁଲ ଦେଖିବାକୁ ଯେତିକି ସୁନ୍ଦର ସେତିକି ବିପଦଯୁକ୍ତ ମଧ୍ୟ। ଫକ୍ସଗ୍ଲୋବ ଫୁଲରେ ଡିଗୋକ୍ସିନ୍ ଭଳି ଶକ୍ତିଶାଳୀ ଯୌଗିକ ପଦାର୍ଥ ରହିଛି । କେବଳ ସେତିକି ନୁହେଁ ଏଥିରେ ଏକ ପ୍ରକାର କାର୍ଡିଆକ୍ ଗ୍ଲାଇକୋସାଇଡ୍ ପଦାର୍ଥ ରହିଛି ଯାହା ହୃଦୟ ଉପରେ ବେଶ୍‌ ଶକ୍ତିଶାଳୀ ପ୍ରଭାବ ପକାଇଥାଏ।

ଏକ ସୁସ୍ଥ ହୃଦୟ ହଜାର ହଜାର କୋଶିକା ମାଧ୍ୟମରେ ପୂରା ଶରୀରରେ ରକ୍ତ ସଞ୍ଚାଳନ କରିଥାଏ। ଲାଇଭ ସାଇନ୍ସ ରିପୋର୍ଟ ଅନୁସାରେ ଏହି କୋଶିକାର ଝିଲ୍ଲିରେ ଭିନ୍ନ ଭିନ୍ନ ପ୍ରକାରର ଅୟାନ ଚ୍ୟାନେଲ ଟ୍ରାନ୍ସପୋର୍ଟ ହୋଇଥାଏ, ଯାହା ସୋଡିୟମ, ପୋଟାସିୟମ ଏବଂ କ୍ଲୋରାଇଡ୍ ପରି କଣିକାକୁ ସକ୍ରିୟ କରିଥାଏ। ଏହା ଦ୍ୱାରା ଶରୀରରେ ସୋଡିୟମ ଓ ପୋଟାସିୟମର ମାତ୍ରା ଠିକ୍‌ ରହିଥାଏ।

ଡକ୍ଟର ଓ୍ୱାଙ୍ଗଙ୍କ କହିବା ଅନୁସାରେ, ସମସ୍ତ ଫକ୍ସଗ୍ଲୋବ ପ୍ରଜାତିର ଫୁଲ କିଛି ମାତ୍ରାରେ କାର୍ଡିଆକ୍ ଗ୍ଲାଇକୋସାଇଡ୍ ଉତ୍ପାଦନ କରନ୍ତି। ଏହା ଜଣେ ବ୍ୟକ୍ତିର ହୃଦୟ ଉପରେ ବେଶ୍‌ ପ୍ରଭାବ ପକାଇଥାଏ। କାର୍ଡିଆକ୍ ଗ୍ଲାଇକୋସାଇଡ୍ ଓ ଫୁଲରୁ ବାହାରୁ ଥିବା ଯୌଗିକ ପଦାର୍ଥ ଡିଗକ୍ସିନ ଯୋଗୁ ବ୍ୟକ୍ତିର ହୃଦୟକୁ ସଞ୍ଚାଳନ ହେଉଥିବା ରକ୍ତ କୋଶିକା ଉପରେ ପ୍ରଭାବ ପଡିଥାଏ। ଫଳରେ ହଠାତ୍‌ ହୃଦ୍‌ସ୍ପନ୍ଦନ ବଢ଼ିଯାଏ। ଏଥିଯୋଗୁ ହୃଦ୍‌ଘାତ ମଧ୍ୟ ହୋଇପାରେ ବୋଲି ଡାକ୍ତର ଓ୍ୱାଙ୍ଗ କହିଛନ୍ତି। ଯଦି କୌଣସି ବ୍ୟକ୍ତି ଭୁଲ୍‌ରେ ଫକ୍ସଗ୍ଲୋବ ଗଛର କୌଣସି ଅଂଶ କିମ୍ବା ଫୁଲ ଖାଇ ନିଅନ୍ତି ତେବେ ତାଙ୍କୁ ତରନ୍ତ ହସ୍ପିଟାଲରେ ଭର୍ତ୍ତି କରିବାକୁ ଡାକ୍ତର ପରାମର୍ଶ ଦେଇଛନ୍ତି।

ଖାକିରେ ଲାଗିଲା କଳଙ୍କ : ଏଏସଆଇ ଓ ହୋମଗାର୍ଡ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ; ଉଭୟଙ୍କୁ କୋର୍ଟଚାଲାଣ

COASTAL NEWS ODIA 1175

ଖାକିରେ ଲାଗିଲା କଳଙ୍କ : ଏଏସଆଇ ଓ ହୋମଗାର୍ଡ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ; ଉଭୟଙ୍କୁ କୋର୍ଟଚାଲାଣ

 

 

ମୟୁରଭଞ୍ଜ - (CNO) - ଭଞ୍ଜ ବିହାରୀ ମହାନ୍ତି  ପୁଣି ଖାକିରେ ଲାଗିଲା ଦାଗ । ଜଣେ ପୋଲିସ ଏଏସଆଇ ଓ ଜଣେ ହୋମଗାର୍ଡ ନାବାଳିକାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏପରି ଲଜ୍ଜାଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଜାମଦା ଥାନା ଅଞ୍ଚଳରେ । ଅଭିଯୋଗ ପରେ ଘଟଣାକୁ ଚପାଇବାକୁ ଉଦ୍ୟମ କରାଯାଇଥିବା ବେଳେ ଶେଷରେ ଦୁଇ ଜଣଙ୍କୁ ବାନ୍ଧିଛି ପୋଲିସ । ମୟୁରଭଞ୍ଜ ଜାମଦା ଥାନାର ଏଏସଆଇ ଆନନ୍ଦ ମାଝୀ ବ୍ଳକ ହେଡକ୍ୱାର୍ଟରରେ ଏକା ରହୁଥିଲେ ।

ସେହି ଅଞ୍ଚଳର ଜଣେ ୧୭ ବର୍ଷୀୟ ନାବାଳିକା ଏଏସଆଇଙ୍କ କ୍ୱାର୍ଟର୍ସରରେ କାମ କରୁଥିଲେ । ସୁଯୋଗ ପାଇ ଏଏସଆଇ ନାବାଳାକାଙ୍କ ସହ ଦୁଷ୍କର୍ମ କରିଥିଲେ । ଘଟଣା ସମ୍ପର୍କରେ ଜାଣିବା ପରେ ନାବାଳିକାଙ୍କ ପିଉସୀ ଥାନାରେ ଏତଲା ଦେଇଥିଲେ । ସେହିପରି ୧୩ ତାରିଖରେ ଥାନାର ହୋମଗାର୍ଡ ଜାମଦା ବ୍ଳକ ଗୁଳନ୍ଦା ଗାଁର ଦେବାନନ୍ଦ ପାତ୍ରଙ୍କ ନାଁରେ ମଧ୍ୟ ନାବାଳିକା ଦୁଷ୍କର୍ମ ଅଭିଯୋଗ ଆସିଥିଲା । ତାଙ୍କୁ ମଧ୍ୟ ପୋଲିସ ଗିରଫ କରିଛି । ତଦନ୍ତ ପରେ ଉଭୟଙ୍କୁ କୋର୍ଟଚାଲାଣ କରାଯାଇଛି ।

ଯାମଦା ଥାନାର ଏଏସଆଇ ଆନନ୍ଦ ମାଝି ଜଣେ ନାବାଳିକାଙ୍କୁ ନିର୍ଯାତନା ଦେଇ ଗିରଫ

COASTAL NEWS ODIA 1174

ଯାମଦା ଥାନାର ଏଏସଆଇ ଆନନ୍ଦ ମାଝି ଜଣେ ନାବାଳିକାଙ୍କୁ ନିର୍ଯାତନା ଦେଇ ଗିରଫ 

 

ରାଇରଙ୍ଗପୁର,୧୮।୧୦ (CNO) - ଭଞ୍ଜ ବିହାରୀ ମହାନ୍ତି - ମୟୂରଭଞ୍ଜ ଜିଲା ଯାମଦା ଥାନାର ଏଏସଆଇ ଆନନ୍ଦ ମାଝି ଜଣେ ନାବାଳିକାଙ୍କୁ ନିର୍ଯାତନା ଦେଇ ଗିରଫ ହେବା ଘଟଣା ଚର୍ଚ୍ଚାର ବିଷୟ ହୋଇଛି। 

ସୂଚନା ଅନୁଯାୟୀ, ପ୍ରଥମ ସ୍ତ୍ରୀଙ୍କ ମୃତ୍ୟୁପରେ ଏଏସଆଇ ମାଝି ଜଣେ ନାବାଳିକାଙ୍କୁ ଘରକୁ ଆଣି ତାଙ୍କ ସହିତ ଶାରୀରିକ ସମ୍ପର୍କ ରଖି ଆସୁଥିଲେ। ପରବର୍ତ୍ତୀ ସମୟରେ ସେ ନିର୍ଯ୍ୟାତନା ଦେଉଥିବା ନେଇ ନାବାଳିକାଙ୍କ ପିଉସୀ ଯାମଦା ଥାନାରେ ଅଭିଯୋଗ କରିଥିଲେ। 

ଏନେଇ ପୋଲିସ ପକ୍ସୋ ଆକ୍ଟରେ ଏକ ମାମଲା(ନଂ.୮୩/୨୩) ରୁଜୁ କରି ଏଏସଆଇ ମାଝିଙ୍କୁ ମଙ୍ଗଳବାର କୋର୍ଟଚାଲାଣ କରିଛି। ବାରିପଦାସ୍ଥିତ ପକ୍ସୋ କୋର୍ଟରେ ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ସୂଚନା ମିଳିଛି।

ଆଜିଠୁ ଆରମ୍ଭ ହେଉଛି ଶିମିଳିପାଳରେ ବାଘ ଗଣନା

COASTAL NEWS ODIA 173

ଆଜିଠୁ ଆରମ୍ଭ ହେଉଛି ଶିମିଳିପାଳରେ ବାଘ ଗଣନା

କରଞ୍ଜିଆ - (CNO) ଭଞ୍ଜ ବିହାରୀ ମହାନ୍ତି - ଆଜିଠୁ ଆରମ୍ଭ ହେଉଛି ଶିମିଳିପାଳରେ ବାଘ ଗଣନା। ଶିମିଳିପାଳ ଉତ୍ତର ଓ ଦକ୍ଷିଣ ସମେତ ବାରିପଦା, ରାଇରଙ୍ଗପୁର ଏବଂ କରଞ୍ଜିଆ ସବଡିଭିଜନର ସାତକୋଶିଆ, ବିଶୋଇ ଓ କପ୍ତିପଦା ଆଦି ଅଂଚଳରେ ମଧ୍ୟ ବାଘ ଗଣନା କରାଯିବ। ତିନୋଟି ପର୍ଯ୍ୟାୟରେ ଏହି ବାଘ ଗଣନା କରାଯିବ।

୨୦ ତାରିଖ ପର୍ଯ୍ୟନ୍ତ ସାଇନସର୍ଭେ, ୨୫ ରୁ ୨୮ ତାରିଖ ଯାଏଁ ଲାଇନ ଟ୍ରାନଜେଟ ଏବଂ ୧ରୁ ୨୫ ନଭେମ୍ବର ଯାଏଁ କ୍ୟାମେରା ଟ୍ରାପିଙ୍ଗ ମାଧ୍ୟମରେ ବାଘ ଗଣନା କରାଯିବ ବୋଲି ଶିମିଳିପାଳ ଉପ ନିର୍ଦ୍ଦେଶକ କହିଛନ୍ତି। ଏହି ସର୍ଭେ ମାଧ୍ୟମରେ ବନ କର୍ମଚାରି ମାନେ ଜଙ୍ଗଲରେ ରହିଥିବା ପାଦଚଲା ରାସ୍ତା ଓ ବନ୍ୟଜନ୍ତୁଙ୍କର ଯିବା ଆସିବାର ବାଟ ଉପରେ ନଜର ରଖିବେ। ବାଘର ରାମ୍ପୁଡା, ପାଦ ଚିହ୍ନ, ମଳ ଓ କେଉଁରାସ୍ତାରେ କେଉଁ ବନ୍ୟଜନ୍ତୁ ଯାଆସ କରୁଛି ତାହାର ଡାଟାବେଶକୁ ସଂଗ୍ରହ କରିବେ।

ତୃତୀୟ ପର୍ଯ୍ୟାୟରେ ହେବାକୁ ଥିବା କ୍ୟାମେରା ଟ୍ରାପିଙ୍ଗରେ ଶିମିଳିପାଳରେ ଚିହ୍ନଟ ହୋଇଥିବା ବିଭିନ୍ନ ସ୍ଥାନରେ ୫୦୦ ରୁ ଊର୍ଦ୍ଧ୍ୱ କ୍ୟାମେରାକୁ ଲଗାଯିବ। ଯେଉଁଥିରେକି ବାଘ ଙ୍କ ଫୋଟୋ ଚିତ୍ରକୁ ନେଇ ବାଘଙ୍କ ସଂଖ୍ୟା, ବାଘଙ୍କ ଗତିବିଧି ଆଦିକୁ ଆକଳନ କରାଯିବ।

ଜାନୁୟାରୀ ପର୍ଯ୍ୟନ୍ତ ବିଭିନ୍ନ ପର୍ଯ୍ୟାୟରେ ହେବାକୁ ଥିବା ଏହି ବାଘ ଗଣନା କାର୍ଯ୍ୟକ୍ରମରେ ୨୦୦ ରୁ ଊର୍ଦ୍ଧ୍ୱ ବିଟ୍ ହାଉସ ଅଂଚଳରେ ୭୦୦ ରୁ ଊର୍ଦ୍ଧ୍ୱ କର୍ମଚାରୀ ନିୟୋଜିତ ହେବେ।

ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ରେ ୪୫୦୦ରୁ ଅଧିକ ଲୋକଙ୍କ ମୃତ୍ୟୁ

COASTAL NEWS ODIA 1172

ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ରେ ୪୫୦୦ରୁ ଅଧିକ ଲୋକଙ୍କ ମୃତ୍ୟୁ

ଇସ୍ରାଏଲ - (CNO) ଭଞ୍ଜ ବିହାରୀ ମହାନ୍ତି - ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ଥମିବା ନାଁ ଧରୁନି। ଏହି ଯୁଦ୍ଧରେ ଏଯାବତ ୪୫୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇ ସାରିଲାଣି। ଏପରି ସ୍ଥିତିରେ ଗତ ରାତିରେ ମଙ୍ଗଳବାର ଗାଜାର ଏକ ହସ୍ପିଟାଲ ଉପରେ ଏୟାର ଷ୍ଟ୍ରାଇକ୍‌ ହେବାରୁ ପ୍ରାୟ ୫ଶହରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଛି। ଆଜି ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ଇସ୍ରାଏଲ ଗସ୍ତ ଥିବା ବେଳେ ତାହା ପୂର୍ବରୁ ଏପରି ଆକ୍ରମଣକୁ ସବୁ ମହଲରେ ନିନ୍ଦା କରାଯାଇଛି।

ଗତ ରାତିରେ ଗାଜାର ମଧ୍ୟ ଭାଗରେ ଥିବା ଅଲ ଅହଲି ହସ୍ପିଟାଲ ଉପରେ ମଙ୍ଗଳବାର ବିଳମ୍ବିତ ରାତିରେ ଏହି ଏୟାର ଷ୍ଟ୍ରାଇକ୍‌ ହୋଇଛି। ଯୁଦ୍ଧରେ ଗୁରୁତର ହୋଇଥିବା ବହୁ ସଂଖ୍ୟାରେ ଲୋକେ ଉକ୍ତ ହସ୍ପିଟାଲରେ ଭର୍ତ୍ତି ହୋଇଥିଲେ। ଏଥିସହ ବହୁ ଶରଣାର୍ଥୀ ବି ସେଠାରେ ଆଶ୍ରୟ ନେଇଥିଲେ । ଏଡି ରକେଟ ମାଡ ପରେ ହସ୍ପିଟାଲରେ ଥିବା ବହୁ ସଂଖ୍ୟାରେ ରୋଗୀଙ୍କ ସମେତ ଅନ୍ୟମାନଙ୍କ ମୃତ୍ୟୁ ହୋଇଥିବା ଗାଜା ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି।

ଇସ୍ରାଏଲ ସେନା ଏହି ଆକ୍ରମଣ କରିଥିବା ହମାସ ଦାବି କରୁଥିବା ବେଳେ ଇସ୍ରାଏଲ ପ୍ରଧାନମନ୍ତ୍ରୀ କିନ୍ତୁ ଏହାକୁ ଅସ୍ୱୀକାର କରିଛନ୍ତି। ଗାଜା ଉପରେ ହୋଇଥିବା ଏହି ବର୍ବର କାଣ୍ଡ ପଛରେ ଆତଙ୍କବାଦୀଙ୍କ ହାତ ଥିବା ବେଳେ ଏଥିରେ ଇସ୍ରାଏଲ ସେନା ସମ୍ପୃକ୍ତ ନାହିଁ ବୋଲି ନେତାନ୍ୟୁହା ଦାବି କରିଛନ୍ତି।

ଏହି ଭୟଙ୍କର ବୋମା ବିସ୍ଫୋରଣ ନିମନ୍ତେ ଇସଲାମିକ ଜେହାଦ ଦାୟୀ ବୋଲି କହିଛି ଗୁଇନ୍ଦା ସଂସ୍ଥା IDF । ଶତ୍ରୁ ପକ୍ଷ ଦ୍ୱାରା ଇସ୍ରାଏଲ ଉପରେ ଘନ ଘନ ରକେଟ ମାଡ଼ ହେଉଥିବା ବେଳେ ସେଥିରୁ ଗୋଟିଏ ଟାର୍ଗେଟ ଫେଲ୍‌ କରିବାରୁ ହସ୍ପିଟାଲ ଉପରେ ପଡ଼ି ଯାଇଥିଲା। ତେଣୁ ଗାଜାର ହସ୍ପିଟାଲ ଉପରେ ହୋଇଥିବା ଆକ୍ରମଣ ପଛରେ ଇସଲାମିକ ଜିହାଦ ଆତଙ୍କବାଦୀ ସଙ୍ଗଠନର ହାତ ଥିବା IDF ଦାବି କରିଛି ।

ଏହି ଆକ୍ରମଣ ନିମନ୍ତେ ସାଉଦି ଆରବ, ବହରିନ, ଜୋର୍ଡାନ, ତୁର୍କୀ ପରି ଦେଶ ଇସ୍ରାଏଲକୁ ଦାୟୀ କରିଛନ୍ତି। ଏହି ଆକ୍ରମଣ ପରେ ପରେ ୟୁଏଇ ଓ ଋଷ ପକ୍ଷରୁ ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦର ଜରୁରୀ ବୈଠକ ଡକାଯାଇଛି।

ଏହି ଆକ୍ରମଣକୁ WHO ନିନ୍ଦା କରିଛି। WHO ଜାରି କରିଥିବା ବିବୃତିରେ କହିଛି, ଉକ୍ତ ହସ୍ପିଟାଲରେ ବହୁ ଗୁରୁତରଙ୍କ ଚିକିତ୍ସା ଚାଲିଥିବା ବେଳେ ବହୁ ଶରଣାର୍ଥୀ ବି ଆଶ୍ରୟ ନେଇଥିଲେ। ଏଥିସହ ରୋଗୀଙ୍କ ଯତ୍ନ ନେବା ପାଇଁ ବି ବହୁ ଲୋକ ସେଠାରେ ଥିଲେ। ମାତ୍ର ଗତ ରାତିରେ ହୋଇଥିବା ଏୟାର ଷ୍ଟ୍ରାଇକ୍‌ରେ ମେଡିକାଲରେ ଥିବା ଶହ ଶହ ଲୋକଙ୍କ ମୃତ୍ୟୁ ହୋଇ ସାରିଛି। ଏହା ଖୁବ୍‌ ନିନ୍ଦନୀୟ ।

ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ଜୋ ବାଇଡେନ ଏହି ଆକ୍ରମଣ ଘଟଣାକୁ ନେଇ ଖୁବ୍‌ ଦୁଃଖିତ ଥିବା କହିଛନ୍ତି।  

ମା ନୂହେଁ ରାକ୍ଷସୀ

COASTAL NEWS ODIA 1171

ମା ନୂହେଁ ରାକ୍ଷସୀ

କନ୍ଧମାଳ - (CNO) ଭଞ୍ଜ ବିହାରୀ ମହାନ୍ତି - ମା’ କୋଳ ପିଲା ପାଇଁ ସବୁଠି ସୁରକ୍ଷିତ ସ୍ଥାନ। ମା’ର ପଣତକାନି ପିଲାକୁ ସବୁ ବିପଦରୁ ରକ୍ଷା କରିଥାଏ। ମା’ ପାଖରେ ଥିବା ବେଳେ କୌଣସି ବିପଦ ପିଲାଙ୍କ ପାଖ ମାଡ଼ି ନଥାଏ। କାରଣ ନିଜ ଜୀବନକୁ ବାଜି ଲଗାଇ ମା’ ପିଲାକୁ ରକ୍ଷା କରିଥାଏ। ହେଲେ ଏଠାରେ ଆମେ ଯେଉଁ ମାଆ କଥା କହିବାକୁ ଯାଉଛୁ ସେ ନିଜ ପିଲା ପାଇଁ ପାଲଟି ଯାଇଛି ରାକ୍ଷସୀ। ନିଜ ୪ବର୍ଷର ଝିଅକୁ ମାରି ଜଙ୍ଗଲରେ ପୋତି ଦେଇଛି। ପୁଲିସ ଅଭିଯୁକ୍ତ ମା’ ପଦ୍ମିନୀ ଦଣ୍ଡିଆଙ୍କୁ ଅଟକ ରଖିଛି। ଏପରି ହୃଦୟ ବିଦାରକ ଘଟଣା ଘଟିଛି କନ୍ଧମାଳ ଜିଲ୍ଲା ସାରଙ୍ଗଡ ଥାନା ଅନ୍ତର୍ଗତ ଗୁଟିଙ୍ଗିଆ ଗାଁରେ। ମୃତ ନାବାଳିକା ଜଣଙ୍କ ହେଲେ ସୁରେଖା ଦଣ୍ଡିଆ।

 

ସୂଚନା ଅନୁଯାୟୀ, ପଦ୍ମିନୀ ଗୁଟିଙ୍ଗିଆ ଗ୍ରାମର ରାକେଶଙ୍କୁ ବିବାହ କରିଥିଲେ। ବିବାହର ପରେ ପାରିବାରିକ ଅଶାନ୍ତି ଲାଗି ରହିଥିଲା। ଏଥିପାଇଁ ଗତ ୪ବର୍ଷ ହେଲା ପଦ୍ମିନୀ ନିଜ ବାପ ଘରେ ରହୁଥିଲେ।

ଗତ ଶନିବାର ଦିନ ପଦ୍ମିନୀ ନିଜ ୪ବର୍ଷର ଝିଅ ସୁରେଖାକୁ ନେଇ କେଉଁ ଆଡେ ପଳାଇ ଯାଇଥିଲେ। ପରିବାର ଲୋକେ ତାଙ୍କୁ ବହୁତ ଖୋଜାଖୋଜି କରିଥିଲେ, ହେଲେ ପାଇ ନଥିଲେ। ସୋମବାର ପୁଣି ପଦ୍ମିନୀ ବାପଘରକୁ ପଳାଇ ଆସିଥିଲେ। ହେଲେ ଝିଅ ତାଙ୍କ ସାଙ୍ଗରେ ନଥିଲେ। ଏନେଇ ପଦ୍ମିନୀଙ୍କ ବାପା ନାତୁଣୀ ବିଷୟରେ ପଚାରିଥିଲେ। ପଦ୍ମିନୀ ଝିଅକୁ ମାରି ଜଙ୍ଗଲରେ ପୋତି ଦେଇଥିବା କହିଥିଲେ। ଏନେଇ ପଦ୍ମିନୀଙ୍କ ବାପା ପୁଲିସକୁ ଖବର ଦେଇଥିଲେ। ପୁଲିସ ପଦ୍ମନୀଙ୍କୁ ଥାନାରେ ଅଟକ ରଖି ପଚରାଉଚରା କରିଥିଲା। ଝିଅକୁ ମାରି ଜଙ୍ଗଲରେ ପୋତି ଦେଇଥିବା ପଦ୍ମନୀ ପୁଲିସ ଆଗରେ କହିଥିଲେ। ପୁଲିସ ଗତକାଲି ଜଙ୍ଗଲରୁ ନାବାଳିକାଙ୍କ ଗଳିତ ମୃତଦେହ ଉଦ୍ଧାର କରିଥିଲା।

କେଉଁ କାରଣ ପାଇଁ ପଦ୍ମିନୀ ଝିଅକୁ ହତ୍ୟା କଲେ ତା’ର କାରଣ ଜଣାପଡ଼ିନାହିଁ। ପୁଲିସ ପଦ୍ମିନୀଙ୍କୁ ଅଟକ ରଖି ପଚରାଉଚରା କରୁଛି। ଏପରି ଘଟଣାକୁ ଅଞ୍ଚଳବାସୀ ନିନ୍ଦା କରିଛନ୍ତି।

COASTAL NEWS ODIA 1170

ପୂର୍ବତନ ସରପଞ୍ଚ ଜଇରାମ ଜେନାଙ୍କ ଘରେ ଭିଜିଲାନ୍ସ

ଭୂଇଁପୁରରେ ସକାଳ ସାଢେ ୫ରୁ ୬ଟା ପର୍ଯ୍ୟନ୍ତ ହେଲା ଖୋଳତାଡ଼

ଆଳି,୧୭/୧୦(ନି.ପ୍ର): ଭୂଇଁପୁର ପଞ୍ଚାୟତର ନେଇ ଏଭଳି ହୋଇଥିବା ସ୍ଥାନୀୟ ଅଞ୍ଚଳରେ

ପୂର୍ବତନ ସରପଞ୍ଚ ଜଇରାମ ଜେନାଙ୍କ ଘରେ ଚର୍ଚ୍ଚା ହେଉଛି। ତେବେ ଚଢ଼ଉ ସମ୍ପର୍କରେ

ଆଜି ଭିଜିଲାନ୍ସ ଚଢ଼ଉ ହୋଇଛି। କ'ଣ ପାଇଁ ଭିଜିଲାନ୍ସ ଟିମକୁ ପଚରା ଯାଇଥିଲେ ବି କୌଣସି

ଭିଜିଲାନ୍ସ ଚଢ଼ଉ କରିଛି ସେନେଇ କୌଣସି ପ୍ରତିକ୍ରିୟା ମିଳିପାରିନି ।

ସୂଚନା ମିଳିପାରିନି । ହେଲେ ଠିକାକାମ ଅବା

ବ୍ୟାବସାୟିକ କାରବାରରେ କିଛି ହେରଫେର

ସମୟ ସକାଳ ସାଢେ ୫ଟା। ଗୋଟିଏ

ଧଳାରଙ୍ଗର ବଲେରୋ ଗାଡ଼ି ସହ ଆଳି ପୁଲିସ

ଟିମ୍ ପହଞ୍ଚିଥିଲା ପୂର୍ବତନ ସରପଞ୍ଚ ଶ୍ରୀ ଜେନାଙ୍କ

ଘରେ। ଶାସକ ଦଳର ଜଣେ ଛାମୁଆ ନେତା

ଭାବେ ପରିଚିତ ଶ୍ରୀ ଜେନାଙ୍କ ଘରକୁ ସକାଳୁ

ପୁଲିସ ଆସିଥିବା ଖବର ନିଆଁ ଭଳି ପ୍ରଚାର

ହୋଇଯାଇଥିଲା। ଖବର ପାଇ ସ୍ଥାନୀୟ ଲୋକେ

ଓ ବିଭିନ୍ନ ଗଣମାଧ୍ୟମର ପ୍ରତିନିଧୂ ଶ୍ରୀ ଜେନାଙ୍କ

ଘର ସମ୍ମୁଖରେ ପହଞ୍ଚିଥିଲେ। ପୂର୍ବତନ

ସରପଞ୍ଚଙ୍କ ଘର ସମ୍ମୁଖରେ ଉପସ୍ଥିତ ଥିବା

ପୁଲିସ କର୍ମଚାରୀଙ୍କୁ ପଚାରିବାରୁ କେନ୍ଦ୍ରାପଡ଼ାରୁ

ଭିଜିଲାନ୍ସ ଟିମ୍ ଆସିଥିବା ଜଣାପଡ଼ିଥିଲା। ପ୍ରାୟ

ଅଧଘଣ୍ଟା କାଳ ଭିଜିଲାନ୍ସ ଟିମ୍ ଘର ଭିତରେ

ରହି ଖୋଳତାଡ଼ କରିଥିଲା। ସକାଳ ୬ଟା

ବେଳକୁ ଭିଜିଲାନ୍ସ ଟିମ୍ ଘର ଭିତରୁ

ବାହାରିଥିଲେ।

ପୂର୍ବତନ ସରପଞ୍ଚଙ୍କ ଘରକୁ ବଡ଼ସକାଳୁ

କ'ଣ ପାଇଁ ଆସିଥିଲେ, କ'ଣ ପାଇଁ ଚିଡ଼ଉ

ହେଉଥିଲା ବୋଲି ଭିଜିଲାନ୍ସ ଅଧିକାରିଣୀଙ୍କୁ

ପଚାରିବାରୁ ସେ କିଛି କହିବାକୁ ମନା

କରିଥିଲେ। ଗଣମାଧ୍ୟମ ପ୍ରତିନିଧିଙ୍କୁ

ଆଡ଼େଇଯାଇ ସିଧା ବଲେରୋରେ ବସି

ପଳାଇଥିଲେ। ଅଳି ପୁଲିସକୁ ମଧ୍ୟ ଭିଜିଲାନ୍ସ

ଟିମ୍ ଆସିବାର କାରଣ ସମ୍ପର୍କରେ ପଚାରିଥିଲେ

ବି କିଛି ଉତ୍ତର ମିଳିନଥିଲା । ତେବେ ଆଜି

ଭିଜିଲାନ୍ସ ବିଭାଗ ଅଧିକାରିଣୀଙ୍କ ସହ ଫୋନରେ

ଯୋଗାଯୋଗ ପାଇଁ ଉଦ୍ୟମ କରାଯାଇଥିଲେ ବି

ସେ ଫୋନ ଗ୍ରହଣ କରିନଥିଲେ।

ତେବେ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା

ଅନୁସାରେ, ପୂର୍ବତନ ସରପଞ୍ଚ ଶ୍ରୀ ଜେନା

ଠିକାକାମ ସହ ବିଭିନ୍ନ ବ୍ୟବସାୟରେ ସମ୍ପୃକ୍ତ।

ଠିକାକାମ ଅବା ବ୍ୟବସାୟିକ କାରଣକୁ ନେଇ

ଚଢ଼ଉ ହୋଇଥାଇପାରେ ବୋଲି ସନ୍ଦେହ

କରାଯାଉଛି । ତେବେ ବଡ଼ସକାଳୁ ଭିଜିଲାନ୍ସ

ଟିମ୍ ଆସିବା ଓ ମାତ୍ର ଅଧଘଣ୍ଟାଏ ଭିତରେ

ପଳାଇଯିବାକୁ ନେଇ ନାନା ଆଲୋଚନା

ହେଉଛି । ଏହି ପ୍ରସଙ୍ଗରେ ଭିଜିଲାନ୍ସ ବିଭାଗ ମୁହଁ

ଖୋଲିବାପରେ ସତ ସାମ୍ନାକୁ ଆସିବ।