୨ ଜନଜାତି ଶିଶୁଙ୍କୁ ମିଳୁନି ଖାଦ୍ୟ

COASTAL NEWS ODIA 1275

୨ ଜନଜାତି ଶିଶୁଙ୍କୁ ମିଳୁନି ଖାଦ୍ୟ

 

 

ମହାକାଳପଡ଼ା : (CNO) ଭଞ୍ଜ ବିହାରୀ ମହାନ୍ତି - ଭାରତବର୍ଷରେ କୌଣସି ଶିଶୁ ଉପବାସରେ ନ ରହିବେ ସେଥିପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ଯୋଜନାରେ ବିପୁଳ ଅର୍ଥ ବ୍ୟୟ ହେଉଛି। ବିଶେଷ କରି ଜନଜାତି ବର୍ଗର ଲୋକମାନଙ୍କର ବିକାଶ ପାଇଁ ସରକାର କହୁଥିବାବେଳେ ଏହାର ବାସ୍ତବ ସ୍ଥିତି କିନ୍ତୁ ଓଲଟା। ଜନଜାତି ବର୍ଗର ଶିଶୁମାନଙ୍କ ବିକାଶ ପାଇଁ ବିଭିନ୍ନ କାର୍ଯ୍ୟାଳୟରେ ପ୍ରଶାସନିକ ଅଧିକାରୀ ନିଯୁକ୍ତି ପାଇଛନ୍ତି। ମାତ୍ର ସେମାନଙ୍କ ଦାୟିତ୍ୱହୀନତା ପାଇଁ ମା’ ଛେଉଣ୍ଡ ୨ ଯମଜ ଶିଶୁ ଖାଦ୍ୟ ନ ପାଇ ଭୋକରେ ଆଉଟୁ ପାଉଟୁ ହେଉଛନ୍ତି। ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳୁଛି କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ପେଟଛେଲା ପଞ୍ଚାୟତର ଶବରପଡ଼ାରେ। ମା’ ଛେଉଣ୍ଡ ୨ ଯମଜ ଶିଶୁ କାଞ୍ଚନ ଭକ୍ତାଙ୍କ ଘରେ ଜେଜେ ମା’ଙ୍କ କୋଳରେ ଆଶ୍ରା ନେଇଛନ୍ତି।

ମୟୂରଭଞ୍ଜ ଜିଲା ବାରିପଦା ଅଞ୍ଚଳର ଅଞ୍ଜଳି ଭକ୍ତା (୪୫)ଙ୍କ ସ୍ବାମୀଙ୍କ ମୃତ୍ୟୁ ହୋଇଗଲା ପରେ ପୁଅ ବାମନଙ୍କ ସ୍ତ୍ରୀ ନୀଳିମା ଭକ୍ତା ୨ ଯମଜ ସନ୍ତାନ ଜନ୍ମ ଦେଇଥିଲେ। ୩ ମାସ ପରେ ନୀଳିମା ଆରପାରିକୁ ଚାଲିଗଲେ। ନିରାଶ୍ରୟା ଅଞ୍ଜଳି ନିଜର ବାପ ଘର ମହାକଳପଡ଼ା ବ୍ଲକ ଶବରପଡ଼ାକୁ ବର୍ଷେ ପୂର୍ବେ ଆସି ଭାଉଜ କାଞ୍ଚନଙ୍କ ପାଖରେ ଆଶ୍ରା ନେଇଛନ୍ତି। ଭାବିଥିଲେ ଶାଶୁ ଘର ଅପେକ୍ଷା ବାପଘରେ ଭଲରେ ଚଳିବେ। ତେବେ ବାପଘରେ ପହଞ୍ଚତ୍ଲା ପରେ ଅଞ୍ଜଳିଙ୍କ ଦୁଃଖ ୨ଗୁଣ ହୋଇଗଲା। କାରଣ ବାପଘରେ ଖାଇବାକୁ ଖୁଦ ମୁଠେ ନ ଥିବାରୁ ଅଞ୍ଜଳିଙ୍କ ପକ୍ଷେ ଚଳିବା କଷ୍ଟକର ହୋଇପଡ଼ୁଛି। ତେବେ ଏହି ୨ ଯମଜ ନାତୁଣୀନାତିଙ୍କ ମୁହଁରେ ଆହାର ଦେବାକୁ ଚିନ୍ତା ଘାରିଛି। ଅପରପକ୍ଷରେ ଅଞ୍ଜଳିଙ୍କ ପୁଅ ବାମନ ଦାଦନ ଖଟିବାକୁ ବାହାରକୁ ଯାଇଛନ୍ତି। ହେଲେ ପୁଅ ସହ ଆଉ ଯୋଗାଯୋଗ ହୋଇପାରିନାହିଁ ବୋଲି ମା’ ଅଞ୍ଜଳି କହିଛନ୍ତି। ଅଞ୍ଜଳି ବହୁ କଷ୍ଟରେ ଚଳୁଥିବା ବେଳେ ୨ଯମଜ ଶିଶୁଙ୍କ ମୁହଁରେ ମୁଠାଏ ଆହାର ଦେବାକୁ ସକ୍ଷମ ନୁହନ୍ତି। ଅପରପକ୍ଷରେ ଦେଢ଼ବର୍ଷ ଶିଶୁର ଓଜନ ଅନୁସାରେ ଶାରୀରିକ ବିକଶିତ ହେଉ ନ ଥିବା ଦେଖିବାକୁ ମିଳୁଛି। ଏମାନେ ବର୍ଷେ ଧରି ଏଠାରେ ବସବାସ କରୁଥିଲେ ମଧ୍ୟ ସମନ୍ବିତ ଶିଶୁ ବିକାଶ ବିଭାଗ ପକ୍ଷରୁ କିପରି ଏଥିପ୍ରତି ଦୃଷ୍ଟି ପଡ଼ିଲା ନାହିଁ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଯେଉଁ ସମୟରେ ୨ ଶିଶୁଙ୍କ ଶାରୀରିକ ବିକାଶ ପାଇଁ ପୁଷ୍ଟିକର ଖାଦ୍ୟ ଯଥା ଛତୁଆ, ଅଣ୍ଡା ଆଦିି ଆବଶ୍ୟକ ରହିଛି ତାହା ଏମାନଙ୍କ ନିକଟରେ ସାତ ସପନ ପାଲଟିଛି। ବାସି ପଖାଳକୁ ତୋରାଣିରେ ଚକଟି ଏହି ୨ ଶିଶୁଙ୍କୁ ଖାଦ୍ୟ ରୂପେ ଦିଆଯାଉଛି ବୋଲି ଆଈ ମା’ ଅଞ୍ଜଳି କହିଛନ୍ତି।

କାର୍ତ୍ତିକ ମାସ ଆରମ୍ଭ ସହ ପୂଜା ପାଇବେ ମା’ ଗଜଲକ୍ଷ୍ମୀ

COASTAL NEWS ODIA 1274

କାର୍ତ୍ତିକ ମାସ ଆରମ୍ଭ ସହ ପୂଜା ପାଇବେ ମା’ ଗଜଲକ୍ଷ୍ମୀ

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ଦଶହରା ସରିଲା, ଦିନକ ପରେ କାର୍ତ୍ତିକ ମାସ ଆରମ୍ଭ ସହ ପୂଜା ପାଇବେ ମା’ ଗଜଲକ୍ଷ୍ମୀ । ମାସେ ଧରି ଆମିଷ ଛାଡିବେ ଲୋକ। ତେଣୁ ଆଜି ଶୁକ୍ରବାରରେ ଆମିଷ ବଜାରରେ ପ୍ରବଳ ଭିଡ଼। କାର୍ତ୍ତିକ ପରେ ତ ଛାଡ଼ଖାଇ ହୁଏ । ହେଲେ ଲାଗୁଛି ଇଏ କାର୍ତ୍ତିକ ପୂର୍ବର ଛାଡ଼ଖାଇ। ତେଣୁ ଆଜି ବିଭନ୍ନ ଆମିଷ ବଜାରରେ ଲୋକଙ୍କ ଗହଳି ଜମୁଛି ।

ଭୁବନେଶ୍ୱର ହେଉକି ପୁରୀ କିମ୍ବା ବ୍ରହ୍ମପୁର ସବୁଠି ଆମିଷ କିଣିନେବାକୁ ଦୋକାନରେ ଖଚାଖଚ ଭିଡ଼ । ଗ୍ରାହକଙ୍କ ମନଜାଣି ବେପାରୀ ବାହାରୁ ମାଛ ମାଂସ ଆମଦାନୀ କରିଛନ୍ତି । କାର୍ତିକ ମାସ ଆରମ୍ଭ ହେଉଥିବାରୁ ପ୍ରାୟ ଅନେକ ଲୋକଙ୍କ ଘରେ ମାସେ କାଳ ଆମିଷ ପଶିବନି । ଆଜି ଆମିଷ ଖାଇବାର ଶେଷ ଦିନ ଥିବାରୁ ଲୋକଙ୍କ ମଧ୍ୟରେ ଘରକୁ ଆମିଷ କିଣିନେବାକୁ ରୁଚି ରହିଛି । ଆଜି ବ୍ରହ୍ମପୁର ମାଛ ବଜାରରେ ଗ୍ରାହକଙ୍କ ଚାହିଦାକୁ ଦୃଷ୍ଟିରେ ରଖି ବେପାରୀ ସଜେଇ ରଖିଛନ୍ତି ଭଳିକି ଭଳି ମାଛ, କଙ୍କଡ଼ା, ଚିଙ୍ଗୁଡ଼ି, ଚିକେନ୍ ଓ ମାଂସ ।

ଚୀନ ରେ ବିଲେଇ ମାଂସ

 COASTAL NEWS ODIA 1273

ଚୀନ ରେ ବିଲେଇ ମାଂସ 

ଚୀନ - (CNO) ଭଞ୍ଜ ବିହାରୀ ମହାନ୍ତି - ଦୁନିଆର ପ୍ରାୟତଃ ସବୁ ଦେଶର ଲୋକମାନେ ଜୀବ ଯନ୍ତୁ ଖାଇଥାନ୍ତି । ଚିକେନ୍-ମଟନ୍ ବ୍ୟତୀତ ଗାଈ, ହରିଣ, ଠେକୁଆ ପରି ପଶୁଙ୍କୁ ଖାଇବାକୁ ଲୋକେ ଭଲ ପାଆନ୍ତି । କିନ୍ତୁ ପଶୁ ମାଂସ ଖାଇବା କଥା ଆସିଲେ ଚୀନ୍ ସହ କୌଣସି ଦେଶ ପ୍ରତିଯୋଗିତା କରି ପାରିବେ ନାହିଁ । କାରଣ ଏଠାରେ ଏପରି କୌଣସି ଜୀବ ନଥିବ ଯାହାର ମାଂସ ଲୋକମାନେ ଖାଇ ନଥିବେ । ଲୋକମାନେ ସାପ, ବିଛା ଠାରୁ ଆରମ୍ଭ କରି କୁକୁର ଏବଂ ବିଲେଇ ପର୍ଯ୍ୟନ୍ତ ସବୁକିଛି ଖାଇଥାନ୍ତି । ତେବେ ବିଲେଇ ସହ ଜଡିତ ଏକ ଖବର ବର୍ତ୍ତମାନ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଚୀନରେ ପାଖାପାଖି ୧୦୦୦ ବିଲେଇଙ୍କୁ ଉଦ୍ଧାର କରାଯାଇଛି । ଏହି ବିଲେଇଙ୍କୁ ମାରି ସେମାନଙ୍କ ମାଂସ ଜନସାଧାରଣଙ୍କୁ ବିକ୍ରି କରାଯାଉଥିଲା । ସବୁଠାରୁ ଆଶ୍ଚର୍ଯ୍ୟ କଥା ହେଉଛି ବିଲେଇ ମାଂସକୁ ଚିକେନ୍-ମଟନ୍ ଏବଂ ଘୁଷୁରି ମାଂସ କହି ବିକ୍ରି କରାଯାଉଥିଲା ।

ରିପୋର୍ଟ ଅନୁସାରେ ଜ୍ୟାଙ୍ଗଜିଆଗ୍ୟାଙ୍ଗ ପୋଲିସକୁ କିଛି ଆନିମାଲ ଆକ୍ଟିଭିଷ୍ଟ ସୂଚନା ଦେଇଥିଲେ ଯେ ଶହ ଶହ ବିଲେଇଙ୍କୁ ଟ୍ରକରେ ଚାଲାଣ କରାଯାଉଛି । ସୂଚନା ପାଇବା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଟ୍ରକଗୁଡ଼ିକୁ ଜବତ କରିଥିଲା । ପ୍ରଥମେ ଆନିମାଲ ଆକ୍ଟିଭିଷ୍ଟ ଶ୍ମଶାନ ନିକଟରେ ଅନେକ ବନ୍ଦ ବାକ୍ସ ପାଇଥିଲେ, ଯେଉଁଥିରେ ବିଲେଇମାନେ ଥିଲେ । ପ୍ରାୟ ୬ ଦିନ ଧରି ଆନିମାଲ ଆକ୍ଟିଭିଷ୍ଟମାନେ ସେହି ଟ୍ରକଗୁଡିକର ପିଛା କରିଥିଲେ ଏବଂ ଯେତେବେଳେ ସେମାନେ ଜାଣିବାକୁ ପାଇଥିଲେ ଯେ ବିଲେଇମାନଙ୍କୁ ଟ୍ରକରେ ଚାଲାଣ କରାଯାଉଛି, ସେମାନେ ତୁରନ୍ତ ପୋଲିସକୁ ଏ ବିଷୟରେ ଜଣାଇଥିଲେ।

ରିପୋର୍ଟରେ ଦାବି କରାଯାଇଛି ଯେ ବିଲେଇମାନଙ୍କୁ ମାରିବା ପରେ ସେମାନଙ୍କ ମାଂସ ଦେଶର ଦକ୍ଷିଣ ଭାଗକୁ ଯୋଗାଇ ଦିଆଯାଉଥିଲା ଯେଉଁଠାରେ ଏହାକୁ ଘୁଷୁରି କିମ୍ବା ମଟନ୍ ମାଂସ କହି ବିକ୍ରି କରାଯାଉଥିଲା । ପୋଲିସ ପ୍ରାୟ ୧୦୦୦ ବିଲେଇଙ୍କୁ ଉଦ୍ଧାର କରିଛି। ଜଣେ ଆନିମାଲ ଆକ୍ଟିଭିଷ୍ଟ କହିଛନ୍ତି ଯେ ଏହି ବିଜନେସ୍‌ ଦ୍ୱାରା ୧ ପାଉଣ୍ଡ ବିଲେଇ ମାଂସ ଅର୍ଥାତ୍ ପ୍ରାୟ ୪୫୦ ଗ୍ରାମ ମାଂସକୁ ୩୦୦ ଟଙ୍କାରେ ବିକ୍ରି କରାଯାଉଥିଲା । ଗୋଟିଏ ବିଲେଇର ଓଜନ ପ୍ରାୟ ୪ ରୁ ୫ ପାଉଣ୍ଡ ପର୍ଯ୍ୟନ୍ତ ହୋଇଥାଏ ।

ରିପୋର୍ଟ ଅନୁଯାୟୀ, ପୋଲିସ ଏବଂ ଆନିମାଲ ଆକ୍ଟିଭିଷ୍ଟମାନେ ବିଲେଇମାନଙ୍କୁ ନିକଟସ୍ଥ ଆଶ୍ରୟସ୍ଥଳକୁ ପଠାଇଛନ୍ତି । ଯଦି ବିଲେଇମାନଙ୍କୁ ମାରିବା ପରେ ସେମାନଙ୍କ ମାଂସ ବିକ୍ରି କରାଯିବା ପ୍ଲାନ୍‌ ସଫଳ ହୋଇଥାନ୍ତା, ତେବେ ଅଭିଯୁକ୍ତମାନେ ୧୭ ଲକ୍ଷରୁ ଅଧିକ ଟଙ୍କା ରୋଜଗାର କରିଥାନ୍ତେ । ବର୍ତ୍ତମାନ ସୁଦ୍ଧା ଏହି ମାମଲାରେ କେହି ଗିରଫ ହୋଇଛନ୍ତି କି ନାହିଁ, କିମ୍ବା ଏମାନେ ଗୃହପାଳିତ କିମ୍ବା ବାହାର ବିଲେଇ ତାହା ଜଣା ପଡିନାହିଁ । ତେବେ ଏଭଳି ଘଟଣା ଚୀନରେ ପ୍ରଥମ ନୁହେଁ। ପୂର୍ବରୁ ମଧ୍ୟ ଏଭଳି ଅନେକ ଘଟଣା ସାମ୍ନାକୁ ଆସିଛି ।

ଚଳିତ ବର୍ଷ କୁମାର ପୂର୍ଣ୍ଣିମାରେ ଏକମାତ୍ର ରାହୁଗ୍ରସ୍ତ ଖଣ୍ଡଗ୍ରାସ ଚନ୍ଦ୍ରଗ୍ରହଣ

COASTAL NEWS ODIA 12 72

ଚଳିତ ବର୍ଷ କୁମାର ପୂର୍ଣ୍ଣିମାରେ ଏକମାତ୍ର ରାହୁଗ୍ରସ୍ତ ଖଣ୍ଡଗ୍ରାସ ଚନ୍ଦ୍ରଗ୍ରହଣ

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ଆଉ ଦିନକ ପରେ କୁମାର ପୂର୍ଣ୍ଣିମା । କୁମାର ପୂର୍ଣ୍ଣିମାରେ ପଡ଼ୁଛି ଚନ୍ଦ୍ରଗ୍ରହଣ । ଚଳିତ ବର୍ଷ କୁମାର ପୂର୍ଣ୍ଣିମାରେ ଏକମାତ୍ର ରାହୁଗ୍ରସ୍ତ ଖଣ୍ଡଗ୍ରାସ ଚନ୍ଦ୍ରଗ୍ରହଣ ହେବ । ଗ୍ରହଣ ସ୍ପର୍ଶର ୯ଘଂଟା ପୂର୍ବରୁ ଅର୍ଥାତ ପାକତ୍ୟାଗ ସମୟ ଅପରାହ୍ନ ୪ଟା ୪ମିନିଟ୍ ୫୫ ସେକେଣ୍ଡରୁ ଆରମ୍ଭ ହୋଇ ରାତି ୨ଟା ୨୪ ମିନିଟ୍ ୨ ସେକେଣ୍ଡ ପର୍ଯ୍ୟନ୍ତ ରହିବ । କୁମାର ପୂର୍ଣ୍ଣିମା ଦିନ ଚନ୍ଦ୍ରଗ୍ରହଣ ପଡ଼ୁଥିବାରୁ ଚନ୍ଦ୍ରପୂଜା ଓ ଆଂଜୁଳା ଟେକିବାକୁ ନେଇ ଦ୍ୱନ୍ଦ୍ୱ ଦେଖାଦେଇଛି । କୁଆଁରୀ ଝିଅମାନଙ୍କ ପାଇଁ ଏହା ଏକ ବଡ଼ ପର୍ବ । ଏହି ଦିନ କୁମାରୀମାନେ ସକାଳୁ ଗାଧୋଇ ନୂଆ ଲୁଗା ପିନ୍ଧନ୍ତି । ଗୁଆ, ଖଇ, ଫଳ ଓ ଫୁଲ ଆଦିରେ ଆଞ୍ଜୁଳି ଟେକି ସୂର୍ଯ୍ୟଙ୍କୁ ପୂଜା କରନ୍ତି । ସଞ୍ଜ ହେଲେ ତୁଳସୀ ଚଉରା ମୁଳରେ ଜହ୍ନି ଫୁଲରେ କୋଠି ଚାଉଳ ପିଠଉରେ ଜହ୍ନ ତିଆରି କରନ୍ତି ଏବଂ କଳସ ସ୍ଥାପନ କରି ପୂଜା କରନ୍ତି । ଜହ୍ନ ଉଇଁଲେ ଜହ୍ନି ଫୁଲ, ଫଳ ଓ ଖଇ ଆଦି ଆଞ୍ଜୁଳି ଟେକନ୍ତି । ତେଣୁ ଏହି ଦିନ ଚନ୍ଦ୍ରଗ୍ରହଣ ପଡ଼ୁଥିବାରୁ ପୂଜାବିଧି ନେଇ ଦ୍ୱନ୍ଦ୍ୱ ଦେଖାଦେଇଛି । ସେପଟେ ଶ୍ରୀମନ୍ଦିରରେ ଗ୍ରହଣ ସ୍ପର୍ଶ ହେବା ମାତ୍ରେ ସ୍ୱତନ୍ତ୍ର ନୀତିକାନ୍ତି ଆରମ୍ଭ ହୋଇଥାଏ । ଏହା ଶ୍ରୀମନ୍ଦିରର ସ୍ୱତନ୍ତ୍ରତା । ଏହି ଦିନ ଚକ୍ରରାଜ ସୁଦର୍ଶନ ଚାରି ଆଶ୍ରମ ପରିକ୍ରମା କରିଥାନ୍ତି । ଗ୍ରହଣ ସ୍ପର୍ଶ ସମୟରୁ ହିଁ ଶ୍ରୀମନ୍ଦିରରେ ଶ୍ରୀଜୀଉଙ୍କ ସ୍ନାନ, ଗ୍ରହଣ ଖଇକୋରା ଭୋଗ ନୀତି ସମ୍ପନ୍ନ ହେବ ।

ଅପରାହ୍ନ ୪ଟା ୪ ମିନିଟ୍ ୫୫ ସେକେଣ୍ଡରୁ ପାକତ୍ୟାଗ

ରାତି ୨ଟା ୨୪ ମିନିଟ୍ ୨ ସେକେଣ୍ଡ ପର୍ଯ୍ୟନ୍ତ ପାକତ୍ୟାଗ

ଗ୍ରହଣର ୯ଘଂଟା ପୂର୍ବରୁ ପାକତ୍ୟାଗ

ପାକତ୍ୟାଗ, ଅନ୍ନ ଭୋଜନ ଓ ଦେବନୀତି ନିଷେଧ

ଗ୍ରହଣ ସ୍ପର୍ଶ ସମୟ ରାତି ୧ଟା ୪ ମିନିଟ୍ ୫୫ ସେକେଣ୍ଡ

ଗ୍ରହଣ ସର୍ବମୋକ୍ଷ ରାତି ୨ଟା ୨୪ ମିନିଟ୍ ୨ ସେକେଣ୍ଡ

ଗ୍ରହଣର ଅବଧି ୧ଘଂଟା ୧୯ ମିନିଟ୍ ୭ ସେକେଣ୍ଡ

ରୋଗୀଣା ବାପାଙ୍କୁ ଟ୍ରଲିରେ ୩୫ କିମି ବୋହିଲେ ଦଶମ ଶ୍ରେଣୀରେ ପଢ଼ୁଥିବା ଝିଅ

COASTAL NEWS ODIA 1271

ରୋଗୀଣା ବାପାଙ୍କୁ ଟ୍ରଲିରେ ୩୫ କିମି ବୋହିଲେ ଦଶମ ଶ୍ରେଣୀରେ ପଢ଼ୁଥିବା ଝିଅ

ଭଦ୍ରକ - (CNO) ଭଞ୍ଜ ବିହାରୀ ମହାନ୍ତି - ରୋଗୀଣା ବାପାଙ୍କୁ ଟ୍ରଲିରେ ୩୫ କିମି ବୋହିଲେ ଦଶମ ଶ୍ରେଣୀରେ ପଢ଼ୁଥିବା ଝିଅ! ଖାଲି ବୋହିଲେନି, ମେଡ଼ିକାଲ୍‌ରେ ଭର୍ତ୍ତି କଲେ ଓ ଡାକ୍ତରଙ୍କୁ ଦେଖାଇଲେ। ଭଦ୍ରକରୁ ଆସିଛି ଏପରି ବିଚଳିତ କରିଲା ଭଳି ଚିତ୍ର। ଯାହା ବୁଦ୍ଧିଜୀବୀଙ୍କ ହୃଦୟକୁ ଦୋହଲାଇ ଦେଇଛି। ଆଉ ସରକାର କରିଥିବା ମାଳମାଳ ଯୋଜନାକୁ କାଠଗଡାକୁ ଟାଣିଛି!

ଧୁଷୁରୀ ଥାନା ନଦୀଗାଁର ଶମ୍ଭୁନାଥ ସେଠୀ ପେଶାରେ ଜଣେ ଟ୍ରଲି ଚାଳକ। ଟ୍ରଲି ଚାଳନା କରି ଯାହା ରୋଜଗାର କରନ୍ତି, ସେଥିରେ ଚଳେ ପୂରା ପରିବାର। ହେଲେ ଗତ ୨୨ ତାରିଖରେ ତାଙ୍କ ଉପରେ ଆକ୍ରମଣ ହୋଇଥିଲା। ଜମିବାଡ଼ି ବାବଦକୁ ନେଇ ତାଙ୍କୁ କିଛି ଅସାମାଜିକ ବ୍ୟକ୍ତି ଆକ୍ରମଣ କରିଥିଲେ। ଯେଉଁଥିପାଇଁ ଶମ୍ଭୁନାଥ ସେଠୀଙ୍କ ହାତ ଭାଙ୍ଗି ଯାଇଥିଲା। ଉଠି ପାରୁନଥିଲେ। ଅସହ୍ୟ ଯନ୍ତ୍ରଣା ହେଉଥିଲା।

ବାପାଙ୍କ ଯନ୍ତ୍ରଣାକୁ ଦେଖି ସହ୍ୟ କରିପାରୁନଥିଲେ ଦଶମ ଶ୍ରେଣୀରେ ପଢୁଥିବା ଝିଅ ସୁଜାତା ସେଠୀ। ସାହି ପଡ଼ିଶାଙ୍କୁ କେତେ ନେହୁରା ହୋଇଥିଲେ। ହେଲେ କେହି ଶୁଣିଲେନାହିଁ। ପାଖରେ ମୋବାଇଲ୍‌ ନାହିଁ। ଆମ୍ୱୁଲାନ୍ସ ପାଇଁ ୧୦୨ ଓ ୧୦୮କୁ ଫୋନ୍‌ କରିବାକୁ ସାହି ପଡ଼ିଶାଙ୍କୁ କେତେ ଗୁହାରୀ କରିଥିଲେ ସୁଜାତା।

ସବୁଆଡୁ ନିରାଶ ହେବା ପରେ ବାପାଙ୍କ ଟ୍ରଲିକୁ ଶେଷ ଭରସା ଭାବିଲେ ସୁଜାତା। ଯନ୍ତ୍ରଣାରେ ଜର୍ଜରିତ ହେଉଥିବା ବାପାଙ୍କୁ ନିଜ ଟ୍ରଲିରେ ଶୋଆଇ ଘରଠାରୁ ୧୩ କିମି ଦୂରରେ ଥିବା ଧାମନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ସେଠାରେ ତାଙ୍କର ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେବା ପାଇଁ ପରାମର୍ଶ ଦେଇଥିଲେ ଡାକ୍ତର। ତା’ପର ଦିନ ଅର୍ଥାତ ୨୩ ତାରିଖରେ ଧାମନଗରରୁ ବାପାଙ୍କୁ ଧରି ଟ୍ରଲିରେ ଭଦ୍ରକ ଅଭିମୁଖେ ବାହାରିଥିଲେ ସୁଜାତା। ଦୀର୍ଘ ୨୨ କିମି ଟ୍ରଲିରେ ଯାତ୍ରା କରିବା ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚିଲେ ସୁଜାତା।

ବାପା ଶମ୍ଭୁଙ୍କୁ ମେଡ଼ିକାଲ୍‌ରେ ଭର୍ତ୍ତି କରିଥିଲେ। ଚିକିତ୍ସା କରିବା ପାଇଁ ଡାକ୍ତରଙ୍କୁ କାକୁତି ମିନତି ହୋଇଥିଲେ। ଏହା ପରେ ଡାକ୍ତର ତାଙ୍କର ଚିକିତ୍ସା କରିଥିଲେ। ମାତ୍ର ଅସ୍ତ୍ରୋପଚାର କରିନଥିଲେ। ୭ ଦିନ ପରେ ଅସ୍ତ୍ରୋପଚାର କରାଯିବ ବୋଲି ଡାକ୍ତର କହିଥିଲେ। ଏଥିସହ ତାଙ୍କୁ ଡିସଚାର୍ଜ କରିଦେଇଥିଲେ। ତେଣୁ ଆଜି ବାପାଙ୍କୁ ଟ୍ରଲିରେ ଧରି ଘରକୁ ଫେରୁଥିଲେ ସୁଜାତା। ବ୍ୟସ୍ତବହୁଳ ରାସ୍ତାରେ ଏପରି ଚିତ୍ର ଦେଖି କିଛି ଗଣମାଧ୍ୟମ ପ୍ରତିନିଧି ତାଙ୍କୁ ଅଟକାଇ ପଚାରି ଥିଲେ। ତା’ପରେ ସବୁ ବଖାଣିଥିଲେ ସୁଜାତା। ଝିଅଠାରୁ ସବୁ କଥା ଶୁଣିବା ପରେ ହତବାକ ହୋଇଥିଲେ ଗଣମାଧ୍ୟମ ପ୍ରତିନିଧି।

ବାପା-ଝିଅଙ୍କ ସହିତ ଗଣମାଧ୍ୟମ ପ୍ରତିନିଧିମାନେ କଥାବାର୍ତ୍ତା ହେଉଥିବା ବେଳେ ସେଠାରେ ପହଞ୍ଚିଥିଲେ ଭଦ୍ରକ ବିଧାୟକ ସଂଜୀବ ମଲ୍ଲିକ ଓ ପୂର୍ବତନ ବିଧାୟକ ରାଜେନ୍ଦ୍ର ଦାସ। ବାପ-ଝିଅଙ୍କଠାରୁ ସବୁ କଥା ଶୁଣିବା ପରେ ବିଧାୟକ ସଞ୍ଜୀବ ମଲ୍ଲିକ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଫୋନ୍‌ କରିଥିଲେ। ବିଧାୟକଙ୍କ ଫୋନ୍‌ କଲ ପାଇ ଘଟଣା ସ୍ଥଳରେ ପହଞ୍ଚିଥିଲେ ଜିଲ୍ଲାମୁଖ୍ୟ ଚିକିତ୍ସାଧିକାରୀ। ଏଥିପାଇଁ ଜିଲ୍ଲା ଚିକିତ୍ସାଧିକାରୀଙ୍କୁ ତାଗିଦ କରିଥିଲେ।

ବିଧାୟକଙ୍କ ତାଗିଦ୍‌ ପରେ ଶମ୍ଭୁଙ୍କୁ ପୁଣି ଥରେ ମେଡ଼ିକାଲ୍‌ରେ ଭର୍ତ୍ତି କରାଯାଇଛି। ଆସନ୍ତା ଶନିବାର ତାଙ୍କର ଅସ୍ତ୍ରୋପଚାର କରାଯିବ। ସବୁ ପ୍ରକାର ସହାୟତା ଦିଆଯିବ ବୋଲି ବିଧାୟକ ପ୍ରତିଶ୍ରୁତି ଦେଇଛନ୍ତି।

ଆଜିର ରାଶିଫଳ

COASTAL NEWS ODIA 1270

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ  ୨୭ ତାରିଖ ୨୦୨୩ ମସିହା(ଶୁକ୍ରବାର)*

*✧═════•❁❀❁•═════✧*

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹👉ମେଷ*

*ଆଜି ପରିବହନ ତଥା ବାଣିଜ୍ୟ, ବ୍ୟବସାୟରୁ ସନ୍ତୋଷଜନକ ସୁଫଳ ପାଇବେ । କଳା, ସାହିତ୍ୟ,  କ୍ରୀଡ଼ା ତଥା ଚଳଚ୍ଚିତ୍ର ପ୍ରଭୃତି କ୍ଷେତ୍ରରେ ଉନ୍ନତି ହେବ ।ପୂରାତନ ସମସ୍ୟାର ଅନ୍ତ ଘଟିବ। ନିଜଋଣ ପରିଶୋଧକରି ଆମତ୍ତୃପ୍ତି ଲାଭ କରିପାରନ୍ତି।* 

*✧═════•❁❀❁•═════✧*  

*🌹👉ବୃଷ*

*ଆଜି କର୍ମକ୍ଷେତ୍ରରେ ସହକର୍ମୀମାନଙ୍କୁ ସାହାଯ୍ୟ କରି ଆତ୍ମସନ୍ତୋଷ ଲାଭ କରିବେ। ସମ୍ପତ୍ତିକୁ କେନ୍ଦ୍ରକରି ବିବାଦ ଦେଖାଦେଇ ପାରେ ପ୍ରତିଯୋଗିତାରେ ସଫଳତା ପାଇବେ । କୌଣସି  ଜିନିଷ କିମ୍ବା ଜମିଜମା କିଣିବା ସକାଶେ ଖର୍ଚ୍ଚାନ୍ତ ହେବାକୁ ପଡ଼ିପାରେ।*

*✧═════•❁❀❁•═════✧*  

*🌹👉ମିଥୁନ*

*ଆଜି ନୂତନ କର୍ମସଂସ୍ଥାନ ପାଇଁ ମନ ବଳିବ ଏବଂ ବ୍ୟବସାୟ ବାଣିଜ୍ୟ କ୍ଷେତ୍ରରେ ଉଚ୍ଚଫଳ ପ୍ରାପ୍ତି ହୋଇପାରେ । ପ୍ରତ୍ୟେକ କ୍ଷେତ୍ରରେ ବିଳମ୍ବଜନିତ କାରଣରୁ ମନସ୍ତାପ କରିବେ । ଅବଶ୍ୟ ଆର୍ଥିକ ଦିଗରୁ ଉପକୃତ ମଧ୍ୟ ହେବେ ,ଏପରିକି ବକେୟା ମଧ୍ୟ ପାଇପାରନ୍ତି।* 

*✧═════•❁❀❁•═════✧*  

*🌹👉କର୍କଟ* 

*ଆଜି  ହଠାତ୍ କାୈଣସି ଶୁଭଖବର ପାଇ ବିସ୍ମୟ ପ୍ରକାଶ କରିବେ । ବିଶେଷ ଭ୍ରମଣ ଯୋଗୁ କ୍ଳାନ୍ତି ଅନୁଭବ କରିବେ।ବନ୍ଧୁମାନଙ୍କ ଆଦର କାର୍ଯ୍ୟରେ ସଫଳତା ପୃଷ୍ଠଭୂମି ହୋଇପାରେ। ସ୍ବାସ୍ଥ୍ୟ ପ୍ରାୟତଃ ଭଲ ରହିବା ସାଙ୍ଗକୁ କଳ୍ପନା ବିଳାସୀ ହୋଇପାରନ୍ତି।* 

*✧═════•❁❀❁•═════✧*  

*🌹👉ସିଂହ*

*ଆଜି ଆପଣ କର୍ମକ୍ଷେତ୍ରରେ ଧୀରପାଣି ପଥର କାଟେ ନୀତିରେ କାମକରି ଅଭିଳଷିତ ଜିନିଷ ହାସଲ କରିବେ। ସାମାଜିକ ସ୍ତରରେ ମଧ୍ୟ ସମ୍ମାନ ଲାଭ  ହେବ। ମନ ଭୁଲାଣିଆ ପଦେ ମଧୁର କଥାରେ ବିମୋହିତ ହୋଇ ଅନ୍ୟମାନଙ୍କ ଦ୍ୱାରା ସହଜରେ ପ୍ରଭାବିତ ହୋଇପାରନ୍ତି।* 

*✧═════•❁❀❁•═════✧*  

*🌹👉କନ୍ୟା*

*ଆଜି ପ୍ରତ୍ୟେକ କ୍ଷେତ୍ରରେ ଅନ୍ୟ ମାନଙ୍କ ମତକୁ ଅଗ୍ରାଧିକାର ଦେଇ କାମ କଲେ ଅପେକ୍ଷାକୃତ ସଫଳତା ପାଇବେ। ଆର୍ଥିକ ସମସ୍ୟା ଯୋଗୁ ବ୍ୟସ୍ତ ରହିବାକୁ ପଡ଼ିପାରେ।ଦୁଃଖକୁ ମନରେ ରଖି ମୁହଁରେ ହସ ଫୁଟାଇ କର୍ମକ୍ଷେତ୍ରରେ ଅବତୀର୍ଣ୍ଣ ହେବେ।* 

*✧═════•❁❀❁•═════✧*  

*🌹👉ତୁଳା*

*ଆଜି ଅନ୍ୟ ଦ୍ୱାରା ପ୍ରଭାବିତ ହୋଇ ଭୁଲ୍‌ ମାର୍ଗର ଅନୁସରଣ କଲେ ଅସୁବିଧାର ସମ୍ମୁଖୀନ ହେବାର ସମ୍ଭାବନା ରହିଛି । କର୍ମକ୍ଷେତ୍ରରେ ଭୁଲ୍‌ ଖବର ପାଇ ସାମୟିକ ଭାବରେ ବିବ୍ରତ ହୋଇପାରନ୍ତି। ଜଣେ ବନ୍ଧୁ ସାହାଯ୍ୟର ପ୍ରତିଶ୍ରୁତି ଦେବେ।ବିବାଦୀୟ ଘଟଣାର ସମାଧାନରୁ ଆଶ୍ୱସ୍ତି ଲାଭ କରିବେ।* 

*✧═════•❁❀❁•═════✧*  

*🌹👉ବିଛା*

*ଆଜି ଯାତ୍ରା ସମୟରେ ଅନ୍ୟମନସ୍କତା କାରଣରୁ କେତେକ ଭୁଲ୍‌ କରିପାରନ୍ତି।  ଜମିଜମା ସମ୍ବନ୍ଧୀୟ ବିବାଦୀୟ ପରିସ୍ଥିତି ଭିନ୍ନରୂପ ନେଇପାରେ । ନୈରାଶ୍ୟ ଜନକ ସ୍ଥିତିରୁ ମାନସିକ କଷ୍ଟ ଅନୁଭବ କରିବେ। ବନ୍ଧୁ ମାନଙ୍କ ଅସଂଯତ କାର୍ଯ୍ୟକଳାପ ଆପଣଙ୍କ ପାଇଁ ସମସ୍ୟାକୁ ବଢ଼ାଇଦେବ।* 

*✧═════•❁❀❁•═════✧*  

*🌹👉ଧନୁ*

*ଆଜି  ଅତୀତ ସ୍ମୃ ତି ରୋମନ୍ଥନ କରି ମାନସିକ ଅବସାଦ ବୃଦ୍ଧି ପାଇବା ଯୋଗୁ କୌଣସି କାମ ଉତ୍ସାହପ୍ରଦ ହେବ ନାହିଁ। ସ୍ବାସ୍ଥ୍ୟ ସମସ୍ୟା ମଧ୍ୟ ମାନସିକ ଅସୁସ୍ଥତାର ଅନ୍ୟ ଏକ କାରଣ ହୋଇପାରେ। ଆପଣଙ୍କ କାର୍ଯ୍ୟ ଓ ଚିନ୍ତାଧାରା ନିଜ ଲୋକମାନଙ୍କ ମନରେ ଭିନ୍ନ ଭାବ ପୋଷଣ କରିପାରେ।* 

*✧═════•❁❀❁•═════✧*  

*🌹👉ମକର*

*ଆଜି ପରିବାରରେ ଭୁଲ୍‌ ବୁଝାମଣାରୁ ଅଶାନ୍ତିକର ପରିବେଶ ସୃଷ୍ଟି ହେବା ଆଶଙ୍କା ରହିଛି । ଭ୍ରମଣ ସୁଯୋଗ ଲାଭ ହେବ। ଇଚ୍ଛାବିରୋଧୀ ପରିସ୍ଥିତିର ସମ୍ମୁଖୀନ ହୋଇ ଆପଣଙ୍କ କଠୋର ବାକ୍ୟ ନିଜ ଲୋକମାନଙ୍କୁ ଆଘାତ ଦେଇପାରେ ।ଯାତ୍ରା ସମୟରେ ସତର୍କତା ଅବଲମ୍ବନ କରନ୍ତୁ।* 

*✧═════•❁❀❁•═════✧*  

*🌹👉କୁମ୍ଭ*

*ଆଜି ନୀଚବ୍ୟକ୍ତି ଦ୍ୱାରା ପ୍ରଭାବିତ ହୋଇ ଅସମ୍ମାନିତ ହୋଇ ପାରନ୍ତି।ନିକଟସମ୍ପର୍କୀୟ ମାନଙ୍କ ଦ୍ୱାରା ସାହାଯ୍ୟ ଲାଭକରି ପ୍ରତ୍ୟେକ କାମକୁ ନିର୍ବିଘ୍ନରେ ସମାପନ କରିପାରିବେ । ପରିବାରର ଆବଶ୍ୟକତା ପୂରଣ କରିବା ସକାଶେ ଧାର ଉଧାର କରିବାକୁ ପଡ଼ିପାରେ।* 

*✧═════•❁❀❁•═════✧*  

*🌹👉ମୀନ*

*ଆଜି ଭଲ ସମ୍ପର୍କ ନ ଥିବା ସମ୍ପର୍କୀୟମାନେ ଈର୍ଷାପରାୟଣ ହୋଇ ପ୍ରତିକୂଳ ମନ୍ତବ୍ୟ ପ୍ରଦାନ କରିବେ।ସ୍ବାସ୍ଥ୍ୟର କ୍ରମୋନ୍ନତି ସାଙ୍ଗକୁ ଇଚ୍ଛା ମୁତାବକ ମୂଲ୍ୟବାନ ଜିନିଷ ପ୍ରାପ୍ତ ହୋଇ ସାମୟିକ ଆନନ୍ଦ ଅନୁଭବ କରିପାରନ୍ତି। ଆପଣ ଭୋଗବିଳାସ ପ୍ରତି ଆକୃଷ୍ଟ ହେବେ*

*✧═════•❁❀❁•═════✧*

ଭାରତର ଆଠ ପୂର୍ବତନ ନୌସେନା ଯବାନଙ୍କୁ ଫାଶୀ ଦଣ୍ଡାଦେଶ ଦେଲେ କତାର କୋର୍ଟ

COASTAL NEWS ODIA 12

ଭାରତର ଆଠ ପୂର୍ବତନ ନୌସେନା ଯବାନଙ୍କୁ ଫାଶୀ ଦଣ୍ଡାଦେଶ ଦେଲେ କତାର କୋର୍ଟ

 

 

ନୂଆଦିଲ୍ଲୀ,୨୬।୧୦: (CNO) ଭଞ୍ଜ ବିହାରୀ ମହାନ୍ତି - କତାରର ଏକ କୋର୍ଟ ୮ ଜଣ ଭାରତୀୟ ନୌସେନା ଯବାନଙ୍କୁ ମୃତ୍ୟୁଦଣ୍ଡ ଦେଇଛନ୍ତି। ଏହି ସମସ୍ତ ଭାରତୀୟଙ୍କୁ ଏକ ବର୍ଷରୁ ଅଧିକ ସମୟ ଧରି ଜେଲରେ ରଖାଯାଇଥିଲା। କୋର୍ଟଙ୍କ ଏହି ନିଷ୍ପତ୍ତିରେ ଭାରତ ସରକାର ଆଶ୍ଚର୍ଯ୍ୟ ପ୍ରକଟ କରିଛନ୍ତି। ଏହି ପ୍ରସଙ୍ଗରେ ବୈଦେଶିକ ମନ୍ତ୍ରଣାଳୟ କହିଛି ଯେ ଆମେ ବିସ୍ତୃତ ନିଷ୍ପତ୍ତି ପାଇଁ ଅପେକ୍ଷା କରିଛୁ।

ଭାରତ ସରକାର କହିଛନ୍ତି ଯେ କୋର୍ଟଙ୍କ ନିଷ୍ପତ୍ତିକୁ ନେଇ ଆମେ ଅତ୍ୟନ୍ତ ଚକିତ ହୋଇଛୁ। ଏହି ପ୍ରସଙ୍ଗରେ ଭାରତ ସମସ୍ତ ଆଇନଗତ ବିକଳ୍ପ ଅନୁସନ୍ଧାନ କରୁଛି ବୋଲି ବିବୃତ୍ତିରେ କୁହାଯାଇଛି। ତେବେ ଭାରତ କିମ୍ବା କତାର ସରକାର ଆନୁଷ୍ଠାନିକ ଭାବେ ଜଣାଇ ନାହାଁନ୍ତି ଯେ ଏହି ଆଠ ଜଣଙ୍କ ବିରୋଧରେ କେଉଁ ଅଭିଯୋଗ ରହିଛି।

ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଆମର ପ୍ରାଥମିକ ସୂଚନା ରହିଛି ଯେ ଅଲ କହର କମ୍ପାନୀର ୮ ଜଣ ଭାରତୀୟ କର୍ମଚାରୀଙ୍କ ସହ ଜଡିତ ଏହି ମାମଲାରେ କତାର କୋର୍ଟ ଗୁରୁବାର ଏହାର ରାୟ ଦେଇଛନ୍ତି। ମନ୍ତ୍ରଣାଳୟ କହିଛି ଯେ ଆମେ ଉକ୍ତ ପରିବାରର ସଦସ୍ୟ ଏବଂ ଆଇନ ଟିମ ସହ ଯୋଗାଯୋଗରେ ଅଛୁ ଏବଂ ସମସ୍ତ ଆଇନଗତ ବିକଳ୍ପ ଅନୁସନ୍ଧାନ କରୁଛୁ।

ମଣିଷ ନା ରୋବର୍ଟ! ବ୍ୟାଟେରୀ ଦ୍ୱାରା ବଞ୍ଚିଛନ୍ତି ମହିଳା, ଚାର୍ଜ ସରିଗଲେ ଚାଲିଯିବ ଜୀବନ

COASTAL NEWS ODIA 1268

ମଣିଷ ନା ରୋବର୍ଟ! ବ୍ୟାଟେରୀ ଦ୍ୱାରା ବଞ୍ଚିଛନ୍ତି ମହିଳା, ଚାର୍ଜ ସରିଗଲେ ଚାଲିଯିବ ଜୀବନ

 

ଆମେରିକା - (CNO) ଭଞ୍ଜ ବିହାରୀ ମହାନ୍ତି - ଆମେରିକାର ଜଣେ ମହିଳା ଏକ ଦୁର୍ଲଭ ହୃଦ ରୋଗରେ ଆକ୍ରାନ୍ତ ହୋଇଛନ୍ତି, ଯେଉଁ କାରଣରୁ ତାଙ୍କ ପଲ୍ସକୁ ଚଳାଇବା ପାଇଁ ବ୍ୟାଟେରୀର ଆବଶ୍ୟକ ପଡୁଛି। ଯଦି ଏହି ମହିଳାଙ୍କ ବିଷୟରେ କୁହାଯାଏ ଯେ ତାଙ୍କ ଜୀବନ ବ୍ୟାଟେରୀ ଉପରେ ନିର୍ଭର କରେ। ୩୦ ବର୍ଷିୟ ସୋଫିଆ ହାର୍ଟ ବୋଷ୍ଟନ ସହରର ବାସିନ୍ଦା। ସୋଫିଆ ଲେଫ୍ଟ ଭେଣ୍ଟ୍ରିକୁଲାର ଆସିଷ୍ଟ ଡିଭାଇସ’ (ଏଲଭିଏଡି) ପାଇଁ ଅସ୍ତ୍ରୋପଚାର କରିଛନ୍ତି, ଯାହା ମାଧ୍ୟମରେ ସେ ମେଶିନ ସାହାଯରେ ନିଶ୍ୱାସ ନେଉଛନ୍ତି।

ସୋଫିଆଙ୍କୁ ଇରିବର୍ଷିବଲ ଡାଇଲେଟେଡ କାଡିଓମାଓପେଥି ନାମକ ଏକ ରୋଗ ଅଛି। ଏହା ହୃଦୟ ମାଂସପେଶୀର ଏକ ରୋଗ। ଏହି କାରଣରୁ ତାଙ୍କ ହୃଦୟ ଚାଲିବାରେ ସକ୍ଷମ ନୁହେଁ ଏବଂ ଏଥିପାଇଁ ତାଙ୍କ ଶରୀରରେ ଏକ ହୃଦସ୍ପନ୍ଦନ ଉପକରଣ ସ୍ଥାପନ କରାଯାଇଛି। ସୋଫିଆ ତାଙ୍କ ଜୀବନ ସହ ଜଡିତ ଏହି ଗୁରୁତ୍ୱପୂର୍ଣ୍ଣ ସୂଚନାକୁ ସୋସିଆଲ ମିଡିଆରେ ଦେଇଛନ୍ତି। ସେ ମଧ୍ୟ ସମଗ୍ର ବିଶ୍ୱର ଲୋକଙ୍କ ଠାରୁ ସମର୍ଥନ ଗ୍ରହଣ କରୁଛନ୍ତି ଏବଂ ଲୋକମାନେ ବଞ୍ଚିବା ପାଇଁ ତାଙ୍କ ସାହସକୁ ଅଭିବାଦନ ଜଣାଉଛନ୍ତି।

ଓଲଟିଲା ଯାତ୍ରୀବାହୀ ବସ୍‌‌ ; ୫ ମୃତ

COASTAL NEWS ODIA 1267

ଓଲଟିଲା ଯାତ୍ରୀବାହୀ ବସ୍‌‌ ; ୫ ମୃତ

 

ମୁମ୍ବଇ : (CNO) ଭଞ୍ଜ ବିହାରୀ ମହାନ୍ତି - ମହାରାଷ୍ଟ୍ରର ବୀଡରେ ମର୍ମନ୍ତୁଦ ଦୁର୍ଘଟଣା ଘଟିଥିବା ନେଇ ଗୁରୁବାର ଖବର ମିଳିଛି। ଗୁରୁବାର ସକାଳେ ଏକ ବସ୍‌‌ ଓଲଟି ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୨୨ ଜଣ ଲୋକେ ଆହତ ହୋଇଛନ୍ତି। ମୁମ୍ବଇରୁ ବୀଡ ଯାଉଥିବା ଏକ ଦ୍ରୁତ ଗତି ବସ୍‌‌ ଅନିୟନ୍ତ୍ରିତ ହୋଇ ଓଲଟି ପଡିଥିଲା। ପୁଲିସ ଠାରୁ ମିଳିଥିବା ସୂଚନାନୁଯାୟୀ, ବସ୍‌‌ଟି ଦ୍ରୁତ ଯାଉଥିବାରୁ ଅନିୟନ୍ତ୍ରିତ ହୋଇ ଓଲଟି ପଡିଥିଲା। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛି।

ବସ୍ ମାଲିକ ସଂଘ-ସରକାରଙ୍କ ଆଲୋଚନା ସଫଳ, ଆଉ ହେବନି ଧର୍ମଘଟ

COASTAL NEWS ODIA 12

ବସ୍ ମାଲିକ ସଂଘ-ସରକାରଙ୍କ ଆଲୋଚନା ସଫଳ, ଆଉ ହେବନି ଧର୍ମଘଟ

ଭୁବନେଶ୍ୱର  : (CNO) ଭଞ୍ଜ ବିହାରୀ ମହାନ୍ତି - ରାଜ୍ୟରେ ଧର୍ମଘଟକୁ ଓହ୍ଲାଇବେ ନାହିଁ ଘରୋଇ ବସ୍ ମାଲିକ ସଂଘ । ଘରୋଇ ବସ ମାଲିକ ସଂଘ ଓ ରାଜ୍ୟ ସରକାରଙ୍କ ମଧ୍ୟରେ ଆଜି ଆଲୋଚନା ସଫଳ ହୋଇଛି । ଧର୍ମଘଟ ନିଷ୍ପତ୍ତିରୁ ଓହରିଛି ଘରୋଇ ବସ୍ ମାଲିକ ସଂଘ। ତାଙ୍କ ଦାବି ହେଉଛି ବ୍ଲକରୁ ଜିଲ୍ଲାକୁ ଗଡିବ ଲକ୍ଷ୍ମୀ ବସ । ସେମାନଙ୍କ ଦାବିକୁ ବିଚାର କରାଯାଉଛି । ୩୦ ତାରିଖ ସୁଦ୍ଧା ଲିଖିତ ଭାବରେ ଦାବି ଉପସ୍ଥାପନ କରିବ ସଂଘ । ଆସନ୍ତା ୩୧ ତାରିଖରୁ ଧର୍ମଘଟ ହେବନି, ସ୍ୱାଭାବିକ ଭାବେ ବସ ଚାଲିବ ବୋଲି ମନ୍ତ୍ରୀ କହିଛନ୍ତି ।

ସେପଟେ ସରକାରଙ୍କ ଲକ୍ଷ୍ମୀ ବସ୍ ଚଳାଚଳକୁ ବାଲେଶ୍ଵର ଘରୋଇ ବସ୍ ମାଲିକ ସଂଘ ସମର୍ଥନ କରିଛି । ରାଜ୍ୟ ବସ୍ ମାଲିକ ସଂଘ ଦ୍ୱାରା ନିଆଯାଇଥିବା ବସ୍ ଚଳାଚଳ ବନ୍ଦ ନିଷ୍ପତ୍ତିକୁ ବିରୋଧ କରାଯାଇଛି । ଯଦି ରାଜ୍ୟ ସଂଘ ଓ ସରକାରଙ୍କ ମଧ୍ୟରେ ଆଲୋଚନା କରାଯାଇ ନୀତିଗତ ତଥା ଉଚିତ ନିଷ୍ପତ୍ତି ନିଆଗଲେ ଆମେ ସ୍ବାଗତ କରିବୁ ବୋଲି ବାଲେଶ୍ଵର ଘରୋଇ ବସ୍ ମାଲିକ ସଂଘ ସଭାପତି ବାଦଲ ଦାସ କହିଛନ୍ତି । ଲୋକଙ୍କ ସ୍ୱାର୍ଥ ପାଇଁ ହେଉଥିବା ଯୋଜନାକୁ ରାଜ୍ୟ ସଂଘ ବିରୋଧ କଲେ ଆମେ ସମର୍ଥନ ଦେବୁ ନାହିଁ । ଲକ୍ଷ୍ମୀ ଯୋଜନାରେ ସରକାର ବ୍ଲକ୍‌ରୁ ପଞ୍ଚାୟତକୁ ରିହାତି ଦରରେ ବସ୍ ଚଳାଚଳ ପାଇଁ ଯେଉଁ ନିଷ୍ପତ୍ତି ହୋଇଛି, ଏହାଦ୍ୱାରା ଘରୋଇ ବସ୍‌ଗୁଡ଼ିକର ବ୍ୟବସାୟ ପ୍ରଭାବିତ ହେବ ନାହିଁ ।

ମୃତ୍ୟୁ ସହ ସଂଘର୍ଷ କରି ଆଖବୁଜିଲେ ଅଧ୍ୟାପକ

COASTAL NEWS ODIA 1266

 ମୃତ୍ୟୁ ସହ ସଂଘର୍ଷ କରି ଆଖବୁଜିଲେ ଅଧ୍ୟାପକ

ଝାରସୁଗୁଡ଼ା - (CNO)  ଆଖୁ ବୁଜିଲେ ଛାତ୍ରଙ୍କ ମାଡ଼ରେ ଗୁରୁତର ହୋଇ ଦୀର୍ଘ ୨ ମାସ ଧରି ଚିକିତ୍ସାଧୀନ ଥିବା ଅଧ୍ୟାପକ । ଝାରସୁଗୁଡା ଜିଲ୍ଲା ଏଚ କଣ୍ଟାପାଲି କଲେଜରେ ଛାତ୍ରଙ୍କ ମାଡରେ ଗୁରୁତର ଥିବା ଅଧ୍ୟାପକ ଅମିତ କୁମାର ବାରିକଙ୍କ ଆଜି ଚିକିତ୍ସାଧୀନ ଅବସ୍ଥାରେ ବୁର୍ଲାର ଭୀମସାର ମେଡିକାଲରେ ମୃତ୍ୟୁ ହୋଇଥିବା ତାଙ୍କ ପରିବାର ସଦସ୍ୟଙ୍କ ପକ୍ଷରୁ ସୂଚନା ମିଳିଛି

|

ଗତ ଫେବୃଆରୀ 22 ତାରିଖରେ ରାଜେଶ କୁମାର ସହିସ ନାମକ ଜଣ ଛାତ୍ର ବିଳମ୍ବରେ କ୍ଲାସକୁ ଆସିଥିବାରୁ ଅଧ୍ୟାପକ ଅମିତ ତାଙ୍କୁ ତାଗିଦ କରିଥିଲେ । ଏହାପରେ ଛାତ୍ର ସହ ଯୁକ୍ତିତର୍କ ହେବା ସହ ଛାତ୍ରଜଣକ ଅଧ୍ୟାପକ ଅମିତଙ୍କୁ ଆକ୍ରମଣ କରିଥିଲା ।

ଫଳରେ ଅଧ୍ୟାପକଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ସେହି ଦିନଠାରୁ ଗୁରୁତର ଅଧ୍ୟାପକ ବୁର୍ଲା ମେଡିକାଲରେ କୋମା ଅବସ୍ଥାରେ ଚିକିତ୍ସିତ ହେଉଥିଲେ । 

ଦୀର୍ଘ ୨ ମାସ ଧରି ମୃତ୍ୟୁ ସହ ସଂଘର୍ଷ କରିବା ପରେ   ତାଙ୍କର ବୁର୍ଲା ମେଡ଼ିକାଲରେ ମୃତ୍ୟୁ ଘଟିଛି । ଅଧ୍ୟାପକଙ୍କ ପରିବାର ଲୋକେ ଅଭିଯୁକ୍ତ ଛାତ୍ର ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏହାସହ ମୃତ ଅଧ୍ୟାପକଙ୍କ ପରିବାରର 

କୌଣସି ସଦସ୍ୟଙ୍କୁ କଲେଜରେ ଚାକିରି ଦେବାକୁ ମଧ୍ୟ ସେମାନେ ଦାବି କରିଛନ୍ତି ।

ଘଟଣା ସମ୍ପର୍କରେ ସ୍ଥାନୀୟ SDPO ନିର୍ମଳ ମହାପାତ୍ର କହିଛନ୍ତି, ''ଫେବୃଆରୀ 22 ତାରିଖରେ ପିକେଏସ୍ଏସ୍ ସ୍ନାତକ ମହାବିଦ୍ୟାଳୟରେ ଛାତ୍ର ରାଜେଶ ବିଳମ୍ବରେ ଆସିଥିବାରୁ ଅଧ୍ୟାପକ ଅମିତ କୁମାର ତାଙ୍କୁ ଶ୍ରଣୀରେ ପ୍ରବେଶ ପାଇଁ ଅନୁମତି ଦେଇ ନଥିଲେ । ଏହାକୁ ନେଇ ଛାତ୍ର ଓ ଅଧ୍ୟାପକଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତ୍‌କ୍ଷିପ୍ତ ହୋଇ ରାଜେଶ ଅଧ୍ୟାପକ ଅମିତ ବାରିକଙ୍କ ବାମପଟ କାନରେ ଏକ ଶକ୍ତ ମୁଥ ମାରିଥିଲେ । ଫଳରେ ଅଧ୍ୟାପକ ଜଣକ ଚେତାଶୂନ୍ୟ ହୋଇ ତଳେ ପଡ଼ିଯାଇଥିଲେ । ତାଙ୍କ ନାକ ଓ କାନରୁ ରକ୍ତସ୍ରାବ ହୋଇଥିଲା । ଆହତ ଅବସ୍ଥାରେ ତାଙ୍କୁ ତୁରନ୍ତ ଝାରସୁଗୁଡ଼ା ସମଲେଶ୍ବରୀ ହସ୍ପିଟାଲରେ ଭର୍ତ୍ତି କରାଯାଇଥିଲା|ତାଙ୍କ ମୁଣ୍ଡରେ ଗଭୀର ଆଘାତ ଲାଗି ରକ୍ତ ଜମାଟ ବାନ୍ଧି ହୋଇଥିବାରୁ ଅସ୍ତ୍ରୋପଚାର ପାଇଁ ଡାକ୍ତରମାନେ ବୁର୍ଲା ନେବାକୁ ପରାମର୍ଶ ଦେଇଥିଲେ । 

ତାଙ୍କୁ ସମ୍ବଲପୁରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ଅଧ୍ୟାପକଙ୍କ ଅବସ୍ଥା ସଙ୍କଟାପନ୍ନ ରହିଥିଲା । ୨୨ ତାରିଖ ସନ୍ଧ୍ୟାରେ ଦୀର୍ଘ ସମୟ ଧରି ଅମିତ ବାରିକଙ୍କ ଅସ୍ତ୍ରୋପଚାର କରାଯାଇଥିଲା । ଅସ୍ତ୍ରୋପଚାର ସଫଳ ହେବା ସତ୍ତ୍ବେ ୭୨ଘଣ୍ଟା ଯାଏଁ କିଛି କହିବା ସମ୍ଭବ ନୁହେଁ ବୋଲି ଡାକ୍ତର ସୂଚନା ଦେଇଥିଲେ ।

ଏହି ଘଟଣାକୁ ମାସ ମାସ ବିତି ଯାଇଥିଲେ ମଧ୍ୟ ସ୍ବାସ୍ଥ୍ୟ ଅବସ୍ଥାରେ କୌଣସି ପ୍ରକାର ଉନ୍ନତି ପରିଲକ୍ଷିତ ହୋଇନଥିଲା । ଯାହା ଫଳରେ ପରିବାର ଲୋକେ ଚିନ୍ତିତ ହୋଇପଡ଼ିଥିଲେ ।କଲେଜ କର୍ତ୍ତୃପକ୍ଷଙ୍କ ପକ୍ଷରୁ ଘଟଣା ସମ୍ପର୍କରେ ଥାନାରେ ଅଭିଯୋଗ କରିଥିଲେ । ଅଭିଯୋଗ ଅଧାରରେ IPC ଦଫା ୩୦୭ ରେ ଛାତ୍ରକୁ ଗିରଫ କରି କୋର୍ଟ ଚାଲାଣ କରାଯାଇଥିଲା ।

ବର୍ତ୍ତମାନ ଅଭିଯୁକ୍ତ ଛାତ୍ର ବେଲରେ ଥିବା ସୂଚନା ମିଳିଛି । ଆଜି ଅଧ୍ୟାପକ ଜଣକଙ୍କ ମୃତ୍ୟ ହୋଇଥବା ଏହି ଦଫା ୩୦୭ ପରିବର୍ତ୍ତେ ଏହା ୩୦୨ ଭାବେ ଲାଗୁ ହେବ ।

ନଦୀରେ ଗଳି ପଡ଼ିଥିଲେ ନାଉରିଆ ବିକ୍ରମ କେଶରୀ ଜାଲି

COASTAL NEWS ODIA 1264

ନଦୀରେ ଗଳି ପଡ଼ିଥିଲେ ନାଉରିଆ ବିକ୍ରମ କେଶରୀ ଜାଲି

କୃଷ୍ଣପ୍ରସାଦ- (CNO) ଭଞ୍ଜ ବିହାରୀ ମହାନ୍ତି - ନାଉରିଆ ବେଉସାରୁ ବର୍ଷ ବର୍ଷ ଧରି ପରିବାରର ପେଟ ପୋଷୁଥିଲେ। ତେଣୁ ରାତି ପାହିଲେ ଅକାତ କାତ ପାଣିରେ ଆହୁଲା ମାରି ଯାତ୍ରୀଙ୍କୁ ନଦୀ ପାର କରିଥାନ୍ତି। ସବୁ ଦିନ ପରି ଗତକାଲି ବି ସଅଳ ଉଠି ଚାଲି ଯାଇଥିଲେ ନଦୀକୁ । ଭାବିଥିଲେ ଦୁଇ ପଇସା ଧରି ଘରକୁ ଫେରିବେ। ମାତ୍ର ସବୁ ଗଣନା ଭୁଲ୍‌ ହୋଇଗଲା।

ଯାତ୍ରୀଙ୍କୁ ଧରି ଡଙ୍ଗା ନେଇ ଆଗକୁ ବଢ଼ୁଥିବା ବେଳେ ହଠାତ୍‌ ମଝି ନଦୀରେ ଗଳି ପଡ଼ିଥିଲେ ନାଉରିଆ ବିକ୍ରମ କେଶରୀ ଜାଲି। ଦୀର୍ଘ ସମୟ ଖୋଜାଖୋଜି କରିବା ପରେ ତାଙ୍କ ମୃତଦେହ ଉଦ୍ଧାର କରାଯାଇଛି। ଘଟଣା ଘଟିଛି ଚିଲିକା ଗଣ୍ଡରେ।

ବିକ୍ରମ ପୁରୀ ଜିଲ୍ଲାର କୃଷ୍ଣପ୍ରସାଦ ବ୍ଲକ୍‌ ସାତପଡ଼ା ଘାଟରୁ ୫ ଜଣ ଟୁରିଷ୍ଟଙ୍କୁ ଧରି ଏକ ଡଙ୍ଗା ଚିଲିକାରେ ଡଲଫିନ୍ ଦେଖାଇବା ପାଇଁ ମଗରମୁହଁ ନିକଟକୁ ଯାଇଥିଲେ। ମଝି ଚିଲିକାରେ ଅର୍ଥାତ ଚିଲିକା ଗଣ୍ଡରେ ହଠାତ ସେ ଡଙ୍ଗାରୁ ଗଳି ପଡ଼ିଥିଲେ। ଜୀବନ ବଞ୍ଚାଇବା ପାଇଁ ଡଙ୍ଗାରେ ଥିବା ପର୍ଯ୍ୟଟକମାନେ ଆର୍ତ୍ତ ଚିତ୍କାର କରିଥିଲେ। ଖବର ପାଇ ସ୍ଥାନୀୟ ଡଙ୍ଗା ଚାଳକମାନେ ଟୁରିଷ୍ଟମାନଙ୍କୁ ଉଦ୍ଧାର କରିଥିଲେ। ହେଲେ ବିକ୍ରମଙ୍କର କୌଣସି ପତ୍ତା ମିଳି ନଥିଲା। ଦୀର୍ଘ ସମୟ ଖୋଜାଖୋଜି କରିବା ପରେ ତାଙ୍କ ମୃତଦେହ ଉଦ୍ଧାର କରାଯାଇଥିଲା। ବିକ୍ରମଙ୍କ ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି।

ବାକି ଟଙ୍କା ନ ଦେବାରୁ ମହିଳାଙ୍କୁ ବଳାତ୍କାର

COASTAL NEWS 1263

ବାକି ଟଙ୍କା ନ ଦେବାରୁ ମହିଳାଙ୍କୁ ବଳାତ୍କାର

 

 

ଗୋପ- (CNO) ଭଞ୍ଜ ବିହାରୀ ମହାନ୍ତି - ୨୬ା୧୦- ବାକି ଟଙ୍କା ପରିଶୋଧ ନ କରିବାରୁ ଗୋପ ଥାନା ଅଞ୍ଚଳରେ ଜଣେ ୪୫ ବର୍ଷୀୟା ବିବାହିତା ମହିଳା ବଳାତ୍କାରର ଶିକାର ହୋଇଛନ୍ତି। ଏ ନେଇ ଗୋପ ଥାନାରେ ଲିଖିତ ଅଭିଯୋଗ ହୋଇଛି। ତେବେ ଅଭିଯୋଗ ଅନୁଯାୟୀ ପୋଲିସ କଠୋର ଦଫା ଲଗାଇବା ପରିବର୍ତ୍ତେ କୋହଳ କରିବା ଏବଂ ଅଭିଯୁକ୍ତଙ୍କୁ ଛାଡ଼ିଦେଇଥିବା ପୀଡ଼ିତା ଅଭିଯୋଗ ଆଣିଥିବାବେଳେ ନ୍ୟାୟ ପାଇଁ ଏସ୍‌ପିଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି।

ଅଭିଯୋଗ ଅନୁଯାୟୀ, ପୀଡ଼ିତା ଜଣକ ସ୍ଥାନୀୟ ବଜାରରେ ଥିବା ଏକ ଦୋକାନରୁ କିଛି ଗୃହ ନିର୍ମାଣ ସାମଗ୍ରୀ ବାକିରେ ଆଣିଥିଲେ। ସାମଗ୍ରୀ ବାକିରେ ଆଣିବା ପାଇଁ ସ୍ଥାନୀୟ ଗ୍ରାମର ବଳିଆ ପ୍ରଧାନ(୫୦) ମଧ୍ୟସ୍ଥ ହୋଇଥିଲେ। ପୀଡ଼ିତା ବାକି ଟଙ୍କା ପରିଶୋଧ ନ କରିଥିବାରୁ ଏକମାସ ପୂର୍ବେ ତାଙ୍କ ଘରେ କେହି ନ ଥିବାର ସୁଯୋଗ ନେଇ ତାଙ୍କୁ ବାଲିଆ ବଳାତ୍କାର କରିଥିଲେ। 

ତେବେ ଲୋକଲଜ୍ଜା ଭୟରେ ପୀଡ଼ିତା ନୀରବ ରହିଥିଲେ। ଗତ ୨୨ ତାରିଖ ରାତି ୯ଟାରେ ପୁନର୍ବାର ବଳିଆ ପୀଡ଼ିତାଙ୍କ ଘରେ ପହଞ୍ଚି ବାକି ଟଙ୍କା ପରିଶୋଧ କରିବା କଥା କହିବା ସହ ବଳାତ୍କାର ଉଦ୍ୟମ କରିଥିଲେ। ଏହି ସମୟରେ ପୀଡ଼ିତା ଜୋରରେ ପାଟି କରିବାରୁ ଅଭିଯୁକ୍ତ ଘଟଣାସ୍ଥଳରୁ ଚମ୍ପଟ ମାରିଥିଲେ। 

ପରେ ପୀଡ଼ିତା ତାଙ୍କ ସ୍ବାମୀଙ୍କୁ ଜଣାଇବା ସହ ଗୋପ ଥାନାରେ ଅଭିଯୋଗ କରିଥିଲେ। ପୋଲିସ ଅଭିଯୁକ୍ତଙ୍କୁ ଡାକି କେବଳ ପଚରାଉଚରା କରି ଛାଡ଼ି ଦେଇଥିଲା। ପରେ ପୋଲିସ ଏକ ମାମଲା (ନଂ. ୪୧୦/୨୩) ରୁଜୁ କରି ପୀଡ଼ିତାଙ୍କୁ ଡାକ୍ତରୀ ମାଇନା ପାଇଁ ପଠାଇଥିଲେ ମଧ୍ୟ ଦଫା କୋହଳ ଲଗାଇଥିଲା। 

ଅଭିଯୁକ୍ତ ବଳିଆ ପୀଡ଼ିତାଙ୍କ ପୁଅଙ୍କଠାରୁ ବାକି ଟଙ୍କା ଲାଗି ବାଇକ୍‌ ଛଡ଼ାଇ ରଖିଥିଲେ। ପୀଡ଼ିତାଙ୍କ ପୁଅକୁ ପୋଲିସ ବାଇକ୍‌ ଦେଇ ନ ଥିବା ଅଭିଯୋଗ ହୋଇଛି। ପୋଲିସ ପୀଡ଼ିତାଙ୍କ ବୟାନ ରେକର୍ଡ ନ କରାଇବା ଘଟଣା ସମସ୍ତଙ୍କୁ ଚକିତ କରିଛି। ଏ ନେଇ ଗୋପ ଥାନା ଅଧିକାରୀ ମହେଶ୍ୱର ସେଠୀଙ୍କୁ ପଚାରିବାରେ ମାମଲାର ତଦନ୍ତ ଚାଲିଛି ବୋଲି ସେ କହିଛନ୍ତି।

ଝିଅ ବୋଲି ଦର୍ଶାଇ ନପୁଂସକଙ୍କୁ ବିବାହ କରି ବିବାହର ପ୍ରଥମ ରାତିରେ ବର ଅବସାଦଗ୍ରସ୍ତ

COASTAL NEWS ODIA 1262

ଝିଅ ବୋଲି ଦର୍ଶାଇ ନପୁଂସକଙ୍କୁ ବିବାହ କରି ବିବାହର ପ୍ରଥମ ରାତିରେ ବର ଅବସାଦଗ୍ରସ୍ତ 

ମୋରାଦାବାଦ୍ :(CNO) ମୋରାଦାବାଦ୍ ରେ ତୃତୀୟ ଲିଙ୍ଗ ସହିତ ବିବାହର ଜାଲିଆତି ମାମଲା ସାମ୍ନାକୁ ଆସିଛି। କିନ୍ନର କୁ ଝିଅ ଭାବେ ଦର୍ଶାଇ ବିବାହ କରି ଦିଆ ଯାଇଥିଲା । ବିବାହ ରାତିରେ ବର ଜାଣିବାକୁ ପାଇଲା ଯେ ସେ କାହାକୁ ବିବାହ କରିଛନ୍ତି ।  

ଉତ୍ତରପ୍ରଦେଶର ମୋରାଦାବାଦ୍ ଜିଲ୍ଲାର ଠାକୁରୱାଡା ପୋଲିସ ଷ୍ଟେସନ ଅଞ୍ଚଳରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି।  ପୋଲିସଠାରୁ ମିଳିଥିବା ସୂଚନା ଅନୁଯାୟୀ,  ଯୁବକ ଜଣକ 2019 ମସିହାରେ ବିବାହ କରିଥିଲେ | ସେ ଯାହାକୁ ବିବାହ କରିଥିଲେ ସେ ବାସ୍ତବରେ ଜଣେ ଟ୍ରାନ୍ସଜେଣ୍ଡର ଥିଲେ |  

ବିବାହ ରାତିରେ ସେ ଜାଣିବାକୁ ପାଇଲେ ଯେ ତାଙ୍କ ପତ୍ନୀ ଜଣେ ମହିଳା ନୁହଁନ୍ତି ବରଂ ଟ୍ରାନ୍ସଜେଣ୍ଡର।  ସେ ଏ ବିଷୟରେ ଜାଣିବା ମାତ୍ରେ ସେ ଏହାକୁ ବିରୋଧ କରିଥିଲେ।  

ପରେ ଟ୍ରାନ୍ସଜେଣ୍ଡର ପତ୍ନୀ ତାଙ୍କୁ ଦୁର୍ବ୍ୟବହାର କରି ପିଟିଥିଲେ।  ତାଙ୍କ ବିଷୟରେ ଏକ ଅଶ୍ଳୀଳ ଭିଡିଓ ମଧ୍ୟ କରିଥିଲେ।  ଏହି ଘଟଣାରେ ବିବ୍ରତ ହୋଇ ଯୁବକ ଜଣକ ଡିପ୍ରେସନରେ ପଡ଼ିଥିଲେ।  ଟ୍ରାନ୍ସଜେଣ୍ଡର ପତ୍ନୀ ତାଙ୍କୁ ବ୍ଲାକମେଲ କରିବା ସହ  ଟଙ୍କା ଦାବି କରିଥିଲେ ।

ଗତ କିଛି ବର୍ଷ ଧରି ହଇରାଣର ସମ୍ମୁଖୀନ ହୋଇଥିବା ଯୁବକ ଶେଷରେ ସାହସ ଦେଖାଇ ପୋଲିସ ନିକଟରେ ଅଭିଯୋଗ କରିଥିଲେ।  ଏହି ଘଟଣା ପରେ ଯୁବକ ଜଣକ ତାଙ୍କ ଟ୍ରାନ୍ସଜେଣ୍ଡର ପତ୍ନୀ, ଶାଶୁ, ଭାଉଜଙ୍କ ବିରୋଧରେ ଠକେଇ ଏବଂ ବ୍ଲାକମେଲିଂ ମାମଲା ଦାୟର କରିଛନ୍ତି।  ଏହି ଘଟଣା ସାମ୍ନାକୁ ଆସିବା ପରେ ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ଏବଂ ଏହି ଘଟଣାରେ କଡା କାର୍ଯ୍ୟାନୁଷ୍ଠାନ ଦାବି କରୁଛନ୍ତି।

ଗତ ଚାରି ବର୍ଷ ଧରି ନିର୍ଯାତନାର ସମ୍ମୁଖୀନ ହୋଇଥିଲେ |

ପୀଡିତା ଯୁବକ ଠାକୁର ପୋଲିସ ଷ୍ଟେସନ ରେ ପ୍ରକାଶ କରିଛନ୍ତି ଯେ ଗତ ଚାରି ବର୍ଷ ଧରି ସେ ତାଙ୍କ ଟ୍ରାନ୍ସଜେଣ୍ଡର ପତ୍ନୀଙ୍କ ଦ୍ୱାରା ନିର୍ଯ୍ୟାତନା ଭୋଗୁଛନ୍ତି।  ସେ 2019 ରେ କରୋନା ପୂର୍ବରୁ ବିବାହ କରିଥିଲେ, ଯାହା ପରେ ସେ ବିବାହ ରାତିରେ ଏହା ବିଷୟରେ ଜାଣିଥିଲେ |  ଏହା ପରେ ସେ ତାଙ୍କୁ ଧମକ ଦେବା ଜାରି ରଖିଥିଲେ ଏବଂ ଅଶ୍ଳୀଳ ଭିଡିଓ କରି ତାଙ୍କୁ ବ୍ଲାକମେଲ କରିବା ଆରମ୍ଭ କରିଥିଲେ।  କିନ୍ତୁ ଯେତେବେଳେ ଯୁବକ ଆଉ ସହି ପାରିଲା ନାହିଁ, ସେତେବେଳେ ସେ ତାଙ୍କ ଅଭିଯୋଗ ନେଇ ପୋଲିସ ଷ୍ଟେସନ କୁ ଯାଇଥିଲେ।

ପୋଲିସ ଏକ ମାମଲା ରୁଜୁ କରିଥିଲା l ବର୍ତ୍ତମାନ ପୀଡିତ ଯୁବକଙ୍କ ଅଭିଯୋଗରେ ପୋଲିସ ଟ୍ରାନ୍ସଜେଣ୍ଡର ପତ୍ନୀ, ଶାଶୁ, ଶ୍ୱଶୁର ଏବଂ ଭାଉଜଙ୍କ ବିରୋଧରେ ଠକେଇ ଓ ବ୍ଲାକମେଲିଂ ମାମଲା ରୁଜୁ କରିଛି।  ପୋଲିସକୁ ସୂଚନା ଦେବାବେଳେ ଯୁବକ ଜଣକ କହିଥିଲେ ଯେ ତାଙ୍କ ପତ୍ନୀ ଟ୍ରାନ୍ସଜେଣ୍ଡର ବୋଲି ଜାଣିବା ମାତ୍ରେ ସେ ତାଙ୍କୁ ଏକ ମିଥ୍ୟା ମାମଲାରେ ଜଡ଼ିତ କରି ଜେଲକୁ ପଠାଇବାକୁ ଧମକ ଦେବା ଆରମ୍ଭ କରିଥିଲେ।  ଏହି ଭୟ ଯୋଗୁଁ ଯୁବକ ଜଣକ ଚୁପ୍ ରହିଲେ ଏବଂ ଚାରି ବର୍ଷ ପର୍ଯ୍ୟନ୍ତ ଏ ବିଷୟରେ କାହାକୁ କିଛି କହି ନଥିଲେ |

 

ତମାଖୁମୁକ୍ତ ଗାଁ ଅଭିଯାନରେ ଓଡ଼ିଶା ଶ୍ରେଷ୍ଠ

COASTAL NEWS ODIA 1261

ତମାଖୁମୁକ୍ତ ଗାଁ ଅଭିଯାନରେ ଓଡ଼ିଶା ଶ୍ରେଷ୍ଠ

 

 

ଭୁବନେଶ୍ୱର, ୨୬।୧୦ (CNO) ଭଞ୍ଜ ବିହାରୀ ମହାନ୍ତି - ତମାଖୁମୁକ୍ତ ଗାଁ ଅଭିଯାନରେ ସାରା ଦେଶରେ ଓଡ଼ିଶା ଶ୍ରେଷ୍ଠ ସ୍ଥାନ ହାସଲ କରିଛି। ଏହା ଟବାକୋ ଫ୍ରି ୟୁଥ୍‌ କ୍ୟାମ୍ପେନ-୨୦୨୩ ଅଧୀନରେ ହୋଇଥିଲା। ଏହି ଅଭିଯାନ ଗତ ଜୁଲାଇ ଓ ଅଗଷ୍ଟ ପର୍ଯ୍ୟନ୍ତ ଚାଲିଥିଲା। ଭାରତ ସରକାରଙ୍କ ପକ୍ଷରୁ ଓଡ଼ିଶାକୁ ଏହି ପୁରସ୍କାର ଦିଆଯାଇଛି। 

ସାରା ଦେଶରେ ପ୍ରଥମ ରାଜ୍ୟ ଭାବେ ଓଡ଼ିଶାରେ ଟବାକୋମୁକ୍ତ ଗାଁ ଅଭିଯାନ ଆରମ୍ଭ ହୋଇଥିଲା। ଏଥିରେ ପଞ୍ଚାୟତିରାଜ ବିଭାଗକୁ ସରପଞ୍ଚଙ୍କ ଜରିଆରେ କୋଟପା ଆଇନକୁ ଗାଁରେ କାର୍ଯ୍ୟକାରୀ କରିବାକୁ ସ୍ବାସ୍ଥ୍ୟ ବିଭାଗ ଚିଠି କରିଥିଲା। ଏ ଯାଏ ୫୪ ପଞ୍ଚାୟତ ଟବାକୋ ମୁକ୍ତ ଘୋଷଣା ହୋଇସାରିଛି। ଆହୁରି ୧୧୪ ପଞ୍ଚାୟତରେ ଏହି କାମ ଚାଲିଛି। ଏଥିସହ ସାରା ରାଜ୍ୟରେ ସଫଳତାର ସହ ଟବାକୋମୁକ୍ତ ସ୍କୁଲ ଅଭିଯାନ ଚାଲିଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛି।

କର୍ଣ୍ଣାଟକରେ ମର୍ମନ୍ତୁଦ ସଡକ ଦୁର୍ଘଟଣା ; ୧୨ ମୃତ

COASTAL NEWS ODIA 1260

କର୍ଣ୍ଣାଟକରେ ମର୍ମନ୍ତୁଦ ସଡକ ଦୁର୍ଘଟଣା ; ୧୨ ମୃତ

 

ଚିକ୍କବଲ୍ଲାପୁର : (CNO) ଭଞ୍ଜ ବିହାରୀ ମହାନ୍ତି - କର୍ଣ୍ଣାଟକର ଚିକ୍କବଲ୍ଲାପୁର ଦେଇ ଯାଇଥିବା ୪୪ ନମ୍ବର ଜାତୀୟ ରାଜପଥରେ ଗୁରୁବାର ସକାଳେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ରାଜପଥରେ ଠିଆ ହୋଇଥିବା ଏକ ସିମେଣ୍ଟ ମିକ୍ସର୍‌‌ ଟ୍ରକ ସହିତ ଏକ କାର୍‌‌ ଧକ୍କା ହୋଇ ପ୍ରାୟ ୧୨ ଜଣଙ୍କ ମୃତ୍ୟୁ ଘଟିଛି। ଜଣେ ଗୁରୁତର ମଧ୍ୟ ହୋଇଛନ୍ତି। ମୃତକଙ୍କ ମଧ୍ୟରେ ମହିଳା ମଧ୍ୟ ରହିଛନ୍ତି ବୋଲି ପ୍ରାଥମିକ ତଦନ୍ତରୁ ଜଣାପଡିଛି। 

ଗୁରୁତର ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। କାର୍‌‌ରେ ଥିବା ଯାତ୍ରୀମାନେ ବାଗେପଲ୍ଲୀରୁ ବେଙ୍ଗାଲୁରୁ ଆଡକୁ ଯାଉଥିବା ସମୟରେ ବେଙ୍ଗାଲୁରୁ-ହାଇଦ୍ରାବାଦ ରାଜପଥରେ ଆଜି ସକାଳ ପ୍ରାୟ ୭ଟା୧୫ରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ଯାତ୍ରୀମାନେ ଆନ୍ଧ୍ରପ୍ରଦେଶର ପେଙ୍କୋଣ୍ଡା ଜିଲାରୁ ଆସିଥିଲେ ବୋଲି ସୂଚନା ମିଳିଛି। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛି।

ଆଜିର ରାଶିଫଳ

COASTAL NEWS ODIA 1259

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ  ୨୬ ତାରିଖ ୨୦୨୩ ମସିହା(ଗୁରୁବାର)*

*✧═════•❁❀❁•═════✧*

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

 *✧═════•❁❀❁•═════✧*

*ମେଷ🌹👉:-ଅନେକ ଦିନରୁ ଚେଷ୍ଟା କରୁଥିବା କାମରେ ଆଜି ସଫଳତା ମିଳିବ।ସାହସିକ ପଦକ୍ଷେପ ନେଇ ପ୍ରସଂସିତ ହେବେ।   ସ୍ବାସ୍ଥ୍ୟରେ ବିଶେଷ ଉନ୍ନତି ପରିଲକ୍ଷିତ ହେବାରୁ ମନୋବଳ ବୃଦ୍ଧି ପାଇବ। କେତେକ କ୍ଷେତ୍ରରେ ଭଲ କଥା କହିଲେ ମଧ୍ୟ ବନ୍ଧୁ ତାହାକୁ ଭୁଲ୍‌ ଦୃଷ୍ଟିକୋଣରୁ ବିଚାର କରି କ୍ଷୁବ୍ଧ ହୋଇପାରନ୍ତି।*

*✧═════•❁❀❁•═════✧*

*ବୃଷ🌹👉:-ଆଜି ଧାର୍ମିକ ଅନୁଷ୍ଠାନରେ କିମ୍ବା ବନ୍ଧୁବର୍ଗଙ୍କ ସକାଶେ ଖର୍ଚ୍ଚାନ୍ତ ହୋଇପାରନ୍ତି। ଭ୍ରମଣ ହେତୁ ମନ ପ୍ରଫୁଲ୍ଲ ରହିବ। ଏକ ନୂତନ ପରିବେଶ ମଧ୍ୟରେ ମିତ୍ରତା ବନ୍ଧନରେ ଆବଦ୍ଧ । ବ୍ୟବସାୟ, ବାଣିଜ୍ୟ, ସାହିତ୍ୟ,କଳା , ସାମ୍ବାଦିକତା,  ପ୍ରଶାସନ ଓ ପରିବହନରେ ସମସ୍ୟା ଦୂର ହେବ।*

*✧═════•❁❀❁•═════✧*

*🌹ମିଥୁନ🌹👉:-ଆଜି କର୍ମକ୍ଷେତ୍ରର ସ୍ଥଗିତକାର୍ଯ୍ୟ ସହଜରେ ସମ୍ପନ୍ନ । ସାଧାରଣ କଥାରେ ଯୁକ୍ତିତର୍କ କଲେ କଳହକୁ ନିମନ୍ତ୍ରଣ କରିପାରନ୍ତି। ସରକାରୀ ସ୍ତରରେ ଉପରିସ୍ଥଙ୍କ ଦ୍ୱାରା ପ୍ରେରିତ ହୋଇ ଦୂରସ୍ଥାନକୁ ଯାତ୍ରା କରିବାକୁ ପଡିପାରେ। ପରିବାରର ଅବସ୍ଥା ଦେଖି ବ୍ୟବସ୍ଥା କରିବା ଭଲ ହେବ।*

*✧═════•❁❀❁•═════✧*

*🌹କର୍କଟ🌹👉:-ଆଜି ସନ୍ତାନଙ୍କର କୌଣସି ବିଷୟକୁ ନେଇ ଚିନ୍ତିତ ରହିପାରନ୍ତି। ବନ୍ଧୁଙ୍କ ବ୍ୟବହାରରେ ବିପରୀତ ପ୍ରତିକ୍ରିୟା ପରିଲକ୍ଷିତ ହେବ, ଯାହାକି ମାନସିକ ଚିନ୍ତାକୁ ବଢ଼ାଇପାରେ। ବାଣିଜ୍ୟ, ବ୍ୟବସାୟ ଓ ପରିବହନ କ୍ଷେତ୍ରରେ ଉନ୍ନତମାନର ଫଳ ପାଇବେ। ରାଜନୀତି ଓ ସାଂଗଠନିକ କ୍ଷେତ୍ରରେ ଲକ୍ଷ୍ୟହାସଲ କରିପାରିବେ।*

*✧═════•❁❀❁•═════✧*

*🌹ସିଂହ🌹👉:-ଆଜି ଯେଉଁ କାମରେ ହାତଦେବେ ନିଶ୍ଚିତ ସଫଳତା ହାସଲ କରି ପାରିବେ। ପାରିବାରିକ ଜୀବନର ସୁଖ, ସୌହାର୍ଦ୍ଦ୍ୟକୁ ନଷ୍ଟକରିପାରେ। ନୂତନ ନିଯୁକ୍ତି , ସ୍ଥାନାନ୍ତର ସକାଶେ ସାଧାରଣ ବ୍ୟସ୍ତତା ମଧ୍ୟରେ ଆଜିର କାର୍ଯ୍ୟ ସମ୍ପାଦିତ ହେବ। ବ୍ୟବସାୟ, ଜମିଜମାର ବକେୟା କାର୍ଯ୍ୟକୁ ପୂର୍ଣ୍ଣାଙ୍ଗ କରିପାରିବେ ।*

*✧═════•❁❀❁•═════✧*

*🌹କନ୍ୟା🌹👉:-ଆଜି ପ୍ରତ୍ୟେକ କାମ ପଛକୁ ପକାଇ ବନ୍ଧୁଙ୍କ କାମକୁ ପ୍ରଥମେ କରିବେ କିନ୍ତୁ କର୍ମ କ୍ଷେତ୍ରରେ ନିକଟସ୍ଥ ବ୍ୟକ୍ତିମାନଙ୍କୁ ସରଳ ବିଶ୍ୱାସ କରି ଠକି ଯିବେ। ଅତୀତ ଘଟଣା, ସ୍ବାସ୍ଥ୍ୟହାନି କିମ୍ବା ବନ୍ଧୁଙ୍କ ସହ ମନୋମାଳିନ୍ୟ ଯୋଗୁ ମନ ଉଦାସ ରହିବ। ମହିଳାମାନେ କୌଣସି ଶୁଭ କାମରେ ଯୋଗ ଦେଇ ଖୁସି ମନେଇବେ।*

*✧═════•❁❀❁•═════✧*

*🌹ତୁଳା🌹👉:-ଆଜି ଅର୍ଥ ସମ୍ପର୍କକୁ ନେଇ ପାରିବାରିକ କଳହର ହୋଇପାରେ। ଆନୁଷ୍ଠାନିକ କାମରେ ଆସନ୍ତାକାଲିର କାର୍ଯ୍ୟକ୍ରମ ସକାଶେ କର୍ମବ୍ୟସ୍ତତା ବଢିଯିବ। ଯାତ୍ରା ସମୟରେ ସତର୍କତା ଅବଲମ୍ବନ ନ କଲେ ଅସୁବିଧାରେ ପଡିପାରନ୍ତି। ଦୀର୍ଘଦିନରୁ ରହିଆସିଥିବା ଶତ୍ରୁ ଉପଦ୍ରବ କେତେକାଂଶରେ କମିଯାଇପାରେ।*

*✧═════•❁❀❁•═════✧*

*🌹ବିଛା🌹👉:-ଆଜି ନୂଆ ନୂଆ କାମ, ନୂତନ ଚିନ୍ତା ଓ ଆଲୋଚନା ମଧ୍ୟରେ ଦିନଟିକୁ ଅତିବାହିତ କରିବେ।  ନିଜ କର୍ମରେ ଅବହେଳା କରିପାରନ୍ତି। ପୂର୍ବରୁ ଆଲୋଚନା କରି ଥିବା ଅନୁଯାୟୀ ବନ୍ଧୁ ଙ୍କ ଠାରୁ ଆପଣଙ୍କ ପ୍ରାପ୍ୟ ଅବଶ୍ୟ ପାଇବେ। ପାରିବାରିକ ସମସ୍ୟାକୁ ସୁଧାରିବାକୁ ଯାଇ ମନ ଭୁଲାଣିଆ କଥା କହି ପରିସ୍ଥିତିକୁ ସମ୍ଭାଳି ନେବେ।*

*✧═════•❁❀❁•═════✧*

*🌹ଧନୁ🌹👉:-ଆଜି ପାରିବାରିକ ସ୍ଥିତି, ଭ୍ରାତୃ ସମ୍ପର୍କ ପ୍ରାୟତଃ ଭଲ ରହିବ। ରାଜନୈତିକ ସ୍ତରରେ ସମସ୍ୟାର ସରଳ ସମାଧାନ ହୋଇ ପରିସ୍ଥିତି ସ୍ବାଭାବିକ ହେବ। ମୂଲ୍ୟବାନ ଜିନିଷ କ୍ରୟ କରିବା ସକାଶେ ମନ ବଳାଇପାରନ୍ତି। କଳା, ସାହିତ୍ୟ, ସାମ୍ବାଦିକତା ଓ ଖେଳକୁଦରେ ପ୍ରଶଂସା ପାଇବେ।*

*✧═════•❁❀❁•═════✧*

*🌹ମକର🌹👉:-ଆଜି ମାନସିକ ସ୍ଥିତି ପ୍ରାୟତଃ ଭଲ ରହିବ। ପିଲାମାନଙ୍କ ବୈବାହିକ ସମ୍ବନ୍ଧ ନେଇ ନୂତନ ବନ୍ଧୁ ପ୍ରସ୍ତାବ ସ୍ଥିରୀକୃତ ହେବ। ସଙ୍ଗଠନ, ରାଜନୀତି କ୍ଷେତ୍ରରେ ଲୋକ ସମ୍ପର୍କ ବଢ଼ିବ। ବନ୍ଧୁଙ୍କ ଦ୍ୱାରା ପ୍ରେରିତ ହୋଇ ଦୂରଯାତ୍ରା କରିବାକୁ ପଡ଼ିପାରେ।*

*✧═════•❁❀❁•═════✧*

*🌹କୁମ୍ଭ🌹👉:-ଆଜି ପରିସ୍ଥିତିରେ ପଡି ଆର୍ଥିକ ଅନଟନ, କାର୍ଯ୍ୟହାନି, ବିଭିନ୍ନ ପ୍ରକାରର ସମସ୍ୟା ମନକୁ ଆନ୍ଦୋଳିତ କରିପାରେ। ଯାହା କହିବା ପାଇଁ ଭାବୁଥିବେ ତାହା ବନ୍ଧୁଙ୍କ ମୁହଁ ସାମ୍ନାରେ ପ୍ରକାଶ କରିପାରିବେ ନାହିଁ। ଦାୟିତ୍ୱ କ୍ରମେ ବୃଦ୍ଧି ପାଇବ ଏବଂ ଆଜିର ଯାତ୍ରା ସଫଳ ହେବ। ମାଲି ମକଦ୍ଦମାରେ ଏକ ପ୍ରକାର ଆଶ୍ୱସ୍ତିଲାଭ କରିବେ।*

*✧═════•❁❀❁•═════✧*

*🌹ମୀନ🌹👉:-ଆଜି ଦୀର୍ଘଦିନର ବାଦବିବାଦର ଆପୋସ ସମାଧାନ ଘଟିବ। ପରିବାରରେ ଲାଗି ରହିଥିବା ଦୀର୍ଘଦିନର ଅଶାନ୍ତି ଦୂର ହେବାରେ ବନ୍ଧୁ ସାହାଯ୍ୟ କରିବେ। ମନକଥା ମନରେ ରଖି ବନ୍ଧୁଙ୍କ ସକାଶେ କାମ କରିବାକୁ ବାଧ୍ୟ ହେବେ।ବାଣିଜ୍ୟ, ପରିବହନରେ ଲାଭ କରିପାରିବେ।*

*✧═════•❁❀❁•═════✧*

ରାଜନୀତିକୁ ଆସିଲେ କେଉଁଠୁ ଲଢିବେ ଭି. କେ ପାଣ୍ଡିଆନ୍

COASTAL NEWS ODIA 1258

ରାଜନୀତିକୁ ଆସିଲେ କେଉଁଠୁ  ଲଢିବେ ଭି. କେ ପାଣ୍ଡିଆନ୍

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ୨୦୨୪ରେ ରାଜନୈତିକ ଡେବ୍ୟୁ କରିବେ କି ଭି. କେ ପାଣ୍ଡିଆନ୍ ? ସକ୍ରିୟ ରାଜନୀତିକୁ ଆସିଲେ କେଉଁଠୁ ଲଢ଼ିବେ ? ଆଇଏଏସ୍ ଚାକିରିରୁ ଭି. କେ ପାଣ୍ଡିଆନ୍ ଭିଆରଏସ୍ ନେବା ପରେ ରାଜ୍ୟ ରାଜନୀତିରେ ଏଭଳି ଚର୍ଚ୍ଚା ଜୋର ଧରିଛି । ତାଙ୍କର ରାଜନୈତିକ କର୍ମକ୍ଷେତ୍ର କେଉଁଟା ହେବ ? ଓଡ଼ିଶାରେ ଦୁଇଟି ଜିଲ୍ଲା ସହ ବିଶେଷ ଭାବରେ ପାଣ୍ଡିଆନଙ୍କର ସଂପୃକ୍ତି ରହିଛି । ପ୍ରଥମ ଜିଲ୍ଲା କେନ୍ଦ୍ରାପଡ଼ା । ପତ୍ନୀ ସୁଜାତା ଆର୍. କାର୍ତ୍ତିକେୟନଙ୍କ ଘର କେନ୍ଦ୍ରାପଡ଼ା ଜିଲ୍ଲାରେ । ତେଣୁ ସେଠାକାର ଜ୍ବାଇଁ ସେ ।

କିଛି ମାସ ତଳେ ଜିଲ୍ଲା ଗସ୍ତ ବେଳେ କେନ୍ଦ୍ରାପଡ଼ାରେ ପାଣ୍ଡିଆନକୁ ଜ୍ବାଇଁ ପୁଅ ଭଳି ଚର୍ଚ୍ଚା ମିଳିଥିଲା । ଭବ୍ୟ ସ୍ବାଗତ ସମ୍ବର୍ଦ୍ଧନା ଦେଇଥିଲେ ସ୍ଥାନୀୟ ଲୋକ । କେନ୍ଦ୍ରାପଡ଼ାରେ ୧ ଲକ୍ଷ କୋଟି ଟଙ୍କା ବ୍ୟୟରେ ଷ୍ଟିଲ ପ୍ଲାଣ୍ଟ ପ୍ରତିଷ୍ଠା କରିବେ ଆର୍ସେଲର ମିତ୍ତଲ-ନିପ୍ପନ ଷ୍ଟିଲ । ମୁଖ୍ୟମନ୍ତ୍ରୀ ଜାପାନ ଗସ୍ତରେ ଯାଇ ପ୍ରକଳ୍ପ ନେଇ ଆଲୋଚନା କରିଥିଲେ । କେନ୍ଦ୍ରାପଡ଼ା ଗସ୍ତରେ ଅଭିଯୋଗପତ୍ର ଗ୍ରହଣ ବେଳେ ପାଣ୍ଡିଆନ୍ କହିଥିଲେ, ମୁଖ୍ୟମନ୍ତ୍ରୀଙ୍କ ଜାପାନ ଗସ୍ତରେ ମୁଖ୍ୟ ଫୋକସ ଥିଲା କେନ୍ଦ୍ରାପଡ଼ା ।  

ପାଣ୍ଡିଆନଙ୍କ ସହ ବିଶେଷ ଭାବରେ ଜଡ଼ିତ ଥିବା ଆଉ ଗୋଟିଏ ଜିଲ୍ଲା ହେଲା ଗଞ୍ଜାମ । ତାଙ୍କର କର୍ମଭୂମି ଥିଲା । ୨୦୦୭-୨୦୧୧ ଯାଏ ଗଞ୍ଜାମ ଜିଲ୍ଲାପାଳ ଥିଲେ ପାଣ୍ଡିଆନ୍ । ୪ ବର୍ଷ ସେଠାରେ କାମ କରିଛନ୍ତି । ସେଠାରେ ତାଙ୍କର ବେଶ ଲୋକପ୍ରିୟତା ଓ ଗ୍ରହଣୀୟତା ମଧ୍ୟ ରହିଛି। ସେ ଜିଲ୍ଲାପାଳ ଥିବା ବେଳେ ନରେଗା କାମ ପାଇଁ ଗଞ୍ଜାମକୁ ଦୁଇ ଥର ଶ୍ରେଷ୍ଠ ଜିଲ୍ଲାର ମାନ୍ୟତା ମିଳିଥିଲା । ପାଣ୍ଡିଆନ ଗଞ୍ଜାମ ଜିଲ୍ଲାରେ ମହିଳା ସଶକ୍ତିକରଣକୁ ଅଧିକ କ୍ରିୟାଶୀଳ ବି କରାଇଥିଲେ ।

୧୦ ବର୍ଷରୁ ଅଧିକ ଚାକିରି ଥିବା ବେଳେ ଭିଆରଏସ୍ ନେବା ଓ ଏହାର ୨୪ ଘଣ୍ଟାରେ ପାଣ୍ଡିଆନଙ୍କୁ କ୍ୟାବିନେଟ ପାହ୍ୟାର ଦାୟିତ୍ୱ ମୁଖ୍ୟମନ୍ତ୍ରୀ ଦେବା ପରେ ୨୦୨୪ରେ ରାଜନୈତିକ ମୈଦାନକୁ ଓହ୍ଲାଇବା ଚର୍ଚ୍ଚାକୁ ଅଧିକ ଖୋରାକ ଯୋଗାଇଛି । ୨୪ରେ ବିଜେଡିର ଏକ ପ୍ରମୁଖ ଚେହେରା ଭାବେ ଉଭା ହେବେ କି ପାଣ୍ଡିଆନ ? ସୁପ୍ରିମୋ ନବୀନ ପଟ୍ଟନାୟକଙ୍କ ପରେ ବିଜେଡିର ‘ସେକେଣ୍ଡ ଇନ କମାଣ୍ଡ’ ଭାବେ ଭୂମିକା ତୁଲାଇବେ କି ? ଶେଷ ନିଷ୍ପତ୍ତି ନେବେ ନବୀନ । 

ମଦ ବୋତଲ ଠିପିରେ ଫସିଲା ନାଗ

COASTAL NEWS ODIA 1257

ମଦ ବୋତଲ ଠିପିରେ ଫସିଲା ନାଗ

ବାଙ୍କୀ : (CNO) ଭଞ୍ଜ ବିହାରୀ ମହାନ୍ତି - ମଦ ବୋତଲ ଠିପିରେ ଫସିଲା ନାଗ ସାପ । ଖବର ପାଇ ଉଦ୍ଧାର କଲା ସ୍ନେକ ହେଲ୍ପ ଲାଇନ । ତେବେ ମିଳିଥିବା ଖବର ମୁତାବକ, କଟକ ଜିଲ୍ଲା ବାଙ୍କୀ ବିଜ୍ଞାପିତ ଅଞ୍ଚଳ ପରିଷଦର ଏକ ଦୋକାନ ପଛପଟେ ପ୍ରାୟ ଚାରି ଫୁଟ୍ ଲମ୍ବର ଏକ ନାଗ ସାପ ଦେହରେ ମଦ ବୋତଲ ଠିପି ରହିଯାଇଥିଲା ।

ଏକାବେଳକେ ତିନି ତିନିଟି ଠିପି ସାପଟିର ଶରୀରରେ ଫସିରହିଥିଲା । ଯାହାଫଳରେ ସେ ଭଲରେ ଚଳପ୍ରଚଳ ହୋଇନପାରି ଛଟପଟ ହେଉଥିବାର ଦେଖିବାକୁ ପାଇଥିଲେ ସ୍ଥାନୀୟ କିଛି ଲୋକେ। ଏନେଇ ଜାଣିବା ପରେ ସେମାନେ ତୁରନ୍ତ ସ୍ନେକହେଲପ ଲାଇନକୁ ଖବର ଦେଇଥିଲେ । ଖବର ପାଇବା କ୍ଷଣି ବାଙ୍କୀ ସ୍ନେକ ହେଲପ ଲାଇନ ସଂଯୋଜକ ଲଳିତ ମୋହନ ପଣ୍ଡା ଘଟଣାସ୍ଥଳରେ ପହଞ୍ଚି ନାଗ ସାପଟିକୁ ଦେଖି ସେଠାରୁ ବାହାରକୁ ଆଣି ଦେଖିଥିଲେ।

ତେବେ ସାପଟି ଖାଦ୍ୟ ଖୋଜିବାକୁ ଯାଉଥିବା ବେଳେ ମଦ ବୋତଲ ଠିପି ଭିତରେ ଫସି ଯାଇଥିଲା କୁହାଯାଉଛି । ଠିପି ଭିତରେ ଫସି ସେ ନା କୁଆଡେ ଯାଇ ପାରୁଥିଲା ନା ବୋତଲ ଠିପିଟି ତା ଶରୀରରୁ ବାହାରୁଥିଲା । ତେଣୁ ବାଧ୍ୟ ହୋଇ ସ୍ନେକହେଲ୍ପ ଲାଇନ ସଂଯୋଜକ କୌଶଳ କ୍ରମେ ସାପଟିକୁ ଧରି ପ୍ଲାଷ୍ଟିକ ଠିପିକୁ ସାପ ଦେହରୁ କାଟି କାଟି ବାହାର କରିଥିଲେ। ତେବେ ଶେଷରେ ସାପଟିକୁ ପ୍ରାକୃତିକ ଆବାସ ସ୍ଥଳୀରେ ଛଡା ଯାଇଛି। ତିନି ଗୋଟି ବୋତଲ ଠିପି ବେକ ଠାରୁ ଅଳ୍ପ ଦୂରରେ ଲାଗି ରହିଥିଲା । ଯଦିଓ ଆଉ ଦିନେ ଏଭଳି ଅବସ୍ଥାରେ ରହିଥିଲେ ସାପଟି ଖାଇବାକୁ ନ ପାଇ ନିଶ୍ଚିତ ଭାବେ ମୃତ୍ୟୁ ବରଣ କରିଥାନ୍ତା ।

ଏଣୁ ଲୋକମାନେ ବିୟର, କିମ୍ବା କୌଣସି ଡ୍ରିଙ୍କସ୍ ପିଇବା ପାଇଁ ଯଦି କିଣୁଛନ୍ତି, ତେବେ ପିଇ ସାରିବା ପରେ ତାକୁ ଡଷ୍ଟବିନ୍ ରେ ପକାନ୍ତୁ । କେବେ ହେଲେ ବି ଜଙ୍ଗଲ ବା ଖୋଲା ପରିବେଶରେ ଫୋପାଡନ୍ତୁ ନାହିଁ । ନହେଲେ ଆପଣ ମାନଙ୍କ ଖାମଖିଆଲ ମନୋଭାବ ପାଇଁ ନିରୀହ ଜୀବଜନ୍ତୁ ଙ୍କୁ କଷ୍ଟ ସହିବାକୁ ପଡିପାରେ ।

ଅନ୍ୟ ଦେଶ ର ଯାତ୍ରୀଙ୍କୁ ମାଗଣା ପର୍ଯ୍ୟଟନ ଭିସା ପ୍ରଦାନ କରିବ ଶ୍ରୀଲଙ୍କା

COASTAL NEWS ODIA 1256

ଅନ୍ୟ ଦେଶ ର ଯାତ୍ରୀଙ୍କୁ ମାଗଣା ପର୍ଯ୍ୟଟନ ଭିସା ପ୍ରଦାନ କରିବ ଶ୍ରୀଲଙ୍କା

କଲମ୍ବୋ: (CNO) ରୁଣଗ୍ରସ୍ତ ଦ୍ୱୀପପୁଞ୍ଜ ଦେଶରେ ପର୍ଯ୍ୟଟନ କ୍ଷେତ୍ରର ପୁନ  ନିର୍ମାଣ ଉଦ୍ୟମ ମଧ୍ୟରେ ଭାରତ ଏବଂ ଅନ୍ୟ ଦେଶରୁ ଯାତ୍ରୀଙ୍କୁ ମାଗଣା ପର୍ଯ୍ୟଟନ ଭିସା ପ୍ରଦାନ କରିବାକୁ ଶ୍ରୀଲଙ୍କା କ୍ୟାବିନେଟ୍ ଏକ ନୀତି ଅନୁମୋଦନ କରିଛି। ବୈଦେଶିକ ମନ୍ତ୍ରୀ ଅଲି ସାବ୍ରି ମଙ୍ଗଳବାର ଏହା କହିଛନ୍ତି।  

ବୈଦେଶିକ ମନ୍ତ୍ରୀ ସାବ୍ରି ଏକ ବିବୃତ୍ତିରେ କହିଛନ୍ତି ଯେ ଏହା ମାର୍ଚ୍ଚ 31, 2024 ପର୍ଯ୍ୟନ୍ତ ପାଇଲଟ୍ ପ୍ରକଳ୍ପ ଭାବରେ କାର୍ଯ୍ୟକାରୀ ହେବ।  ତୁରନ୍ତ ପ୍ରଭାବ ସହିତ ଭାରତ, ଚୀନ୍, ରୁଷ, ମାଲେସିଆ, ଜାପାନ, ଇଣ୍ଡୋନେସିଆ ଏବଂ ଥାଇଲ୍ୟାଣ୍ଡର ଯାତ୍ରୀମାନଙ୍କ ପାଇଁ କ୍ୟାବିନେଟ୍ ମାଗଣା ପ୍ରବେଶ ଅନୁମୋଦନ କରିଛି।  ଏହି ଦେଶଗୁଡିକର ପର୍ଯ୍ୟଟକମାନେ ଶ୍ରୀଲଙ୍କା ପରିଦର୍ଶନ ପାଇଁ କୌଣସି ଶୁଳ୍କ ବିନା ଭିସା ପାଇପାରିବେ |

2019 ରେ ଇଷ୍ଟର ଦିବସରେ ବୋମା ବିସ୍ଫୋରଣ ପରେ ଶ୍ରୀଲଙ୍କାରେ ପର୍ଯ୍ୟଟକଙ୍କ ଆଗମନ ହ୍ରାସ ପାଇଥିଲା।  ଏହି ବିସ୍ଫୋରଣରେ 11 ଜଣ ଭାରତୀୟଙ୍କ ସମେତ 270 ଜଣଙ୍କର ମୃତ୍ୟୁ ଘଟିଥିବା ବେଳେ 500 ରୁ ଅଧିକ ଲୋକ ଆହତ ହୋଇଛନ୍ତି।  ତୁରନ୍ତ ଆରମ୍ଭ ହୋଇଥିବା ପାଇଲଟ୍ ପ୍ରକଳ୍ପ ମାର୍ଚ୍ଚ 31, 2024 ପର୍ଯ୍ୟନ୍ତ ବୃଦ୍ଧି କରାଯିବ ବୋଲି ମନ୍ତ୍ରୀ କହିଛନ୍ତି।  ଏହାପୂର୍ବରୁ ମାର୍ଚ୍ଚରେ ଶ୍ରୀଲଙ୍କା ବୈଦେଶିକ ମନ୍ତ୍ରୀ ଅଲି ସାବ୍ରି କହିଥିଲେ ଯେ ଭାରତ ସହ ତାଙ୍କ ଦେଶର ସମ୍ପର୍କ 'ଆମର ବୈଦେଶିକ ନୀତିରେ ଅନ୍ୟତମ।'

ଏହି ଦେଶଗୁଡିକର ପର୍ଯ୍ୟଟକମାନେ ବର୍ତ୍ତମାନ କୌଣସି ଶୁଳ୍କ ବିନା ଶ୍ରୀଲଙ୍କାକୁ ଭିସା ପାଇପାରିବେ, ଯାହା ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଅଟେ |  ଭାରତ ଏୈତିହାସିକ ଭାବରେ ଶ୍ରୀଲଙ୍କାକୁ ଆସୁଥିବା ପର୍ଯ୍ୟଟନର ମୂଳ ଉତ୍ସ ହୋଇଆସୁଛି।  ପିଟିଆଇ ରିପୋର୍ଟ ଅନୁଯାୟୀ, ସେପ୍ଟେମ୍ବର ତଥ୍ୟରେ ଭାରତ 30,000 ରୁ ଅଧିକ ଆଗମନ ସହ ଆଗୁଆ ରହିଛି, ଯାହା ସମୁଦାୟର 26% ଅଟେ, ଚାଇନାର ପର୍ଯ୍ୟଟକମାନେ 8,000 ରୁ ଅଧିକ ଆଗମନ ସହିତ ଦ୍ୱିତୀୟ ବୃହତ୍ତମ ଗୋଷ୍ଠୀ ଗଠନ କରିଛନ୍ତି।

1948 ମସିହାରେ ବ୍ରିଟେନରୁ ସ୍ଵାଧୀନତା ହାସଲ କରିବା ପରଠାରୁ ଗୁରୁତର ଅର୍ଥନୈତିକ ଆହ୍ଵାନ ସହ ସଂଗ୍ରାମ କରୁଥିବା ଶ୍ରୀଲଙ୍କା ବର୍ତ୍ତମାନ ରାଷ୍ଟ୍ରପତି ରାଜପକ୍ସାଙ୍କ ଇସ୍ତଫା ଦାବିରେ ବିରୋଧ କରି ରାଜନୈତିକ ଅସ୍ଥିରତାର ସମ୍ମୁଖୀନ ହୋଇଛି।

ଶେଷ ହେଲା ମା’ଙ୍କ ଶାରଦୀୟ ପୂଜା ଓ ରାବଣ ପୋଡ଼ି

COASTAL NEWS ODIA 1255

ଶେଷ ହେଲା ମା’ଙ୍କ ଶାରଦୀୟ ପୂଜା ଓ ରାବଣ ପୋଡ଼ି 

 

ଭୁବନେଶ୍ବର: (CNO) ଭଞ୍ଜ ବିହାରୀ ମହାନ୍ତି - ଶାରଦୀୟ ଦୁର୍ଗାପୂଜା ମଙ୍ଗଳବରା ରାତିରେ ସଂପନ୍ନ ହୋଇଛି। ଅସତ୍ୟ ଉପରେ ସତ୍ୟର ବିଜୟ ହୋଇଛି। ଭୁବନେଶ୍ବର, ଖୋର୍ଦ୍ଧା, ବଲାଙ୍ଗୀର, ସମ୍ବଲପୁର, ବରଗଡ଼ର ସୋହେଲା ସମେତ ରାଜ୍ୟର ବିଭିନ୍ନ ସ୍ଥାନରେ ରାବଣ ପୋଡ଼ି ଆୟୋଜନ ହୋଇଛି। 

ଦଶହରା ଅବସରରେ ଶ୍ରଦ୍ଧାଳୁମାନେ ମା’ ଦୁର୍ଗାଙ୍କୁ ଦିନସାରା ପୂଜାର୍ଚ୍ଚନା କରିବା ପରେ ସନ୍ଧ୍ୟାରେ ଦର୍ଶକମାନେ ରାବଣ ପୋଡ଼ିର ମନୋରମ ଦୃଶ୍ୟକୁ ଉପଭୋଗ କରିଛନ୍ତି। ବାଣ ଓ ଆତାସବାଜୀର ଶବ୍ଦକୁ ଆଖି ଆଗରେ ଦେଖି ଖୁସି ଅନୁଭବ କରିଛନ୍ତି। 

ମା’ଙ୍କ ଶାରଦୀୟ ପୂଜା ଶେଷ ହୋଇଥିବା ବେଳେ ଆସନ୍ତାକାଲି (ଅକ୍ଟୋବର ୨୫) ଭସାଣି ହେବ। ବିଭିନ୍ନ ସ୍ଥାନରେ ପୂଜା ଆୟୋଜକ ଓ ପ୍ରଶାସନର ସୁବିଧା ଅନୁସାରେ ମା’ଙ୍କର ଭସାଣ ହେବ।

ଆଜିର ରାଶିଫଳ

COASTAL NEWS ODIA 1254

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ  ୨୫ ତାରିଖ ୨୦୨୩ ମସିହା(ବୁଧବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉:-ଆଜି ପରିବାରରେ ସନ୍ଦେହ ଓ ଭୁଲ୍‌ବୁଝାମଣା ସୃଷ୍ଟି ହୋଇପାରେ । ନୈରାଶ୍ୟର ଛାୟା ଆଚ୍ଛାଦିତ ମନ ନିଷ୍ପତ୍ତି ନେବାରେ ଦ୍ୱନ୍ଦ୍ୱରେ ପଡିବ। ଅଫିସରେ କୌଣସି ବିଷୟ ନେଇ ବୁଝାମଣାରେ ତିକ୍ତତା ସୃଷ୍ଟି ହୋଇପାରେ। ଆଲୋଚନା, ଆନୁଷ୍ଠାନିକ କାମରେ ଦ୍ୱନ୍ଦ୍ୱ ଦୂର ହୋଇପାରେ।*

*✧═════•❁❀❁•═════✧*

*🌹ବୃଷ🌹👉:-ଆଜି ଧନ ଓକାର୍ଯ୍ୟହାନୀ ହୋଇପାରେ। ସତର୍କତାର ସହ ମାପିଚୁପି କହୁଥିଲେ ମଧ୍ୟ କିଛି ନା କିଛି ଅଭିଯୋଗର କୈଫିୟତ ଦେବାକୁ ପଡିପାରେ। ଜମିଜମା, କଚେରି ମାମଲା, ଆଲୋଚନା ସଭା ଓ ଲେଖାପଢ଼ା ଦିଗରୁ ଉପକୃତ ହେବେ । ସନ୍ତାନଙ୍କ ବିଷୟ ଚିନ୍ତା କରି ମନ ଭଲ ଲାଗି ନ ପାରେ।*

*✧═════•❁❀❁•═════✧*

*🌹ମିଥୁନ🌹👉:-ଆଜି ବନ୍ଧୁମାନଙ୍କ ସାହାଯ୍ୟରୁ ମାନସିକ ଦ୍ୱନ୍ଦ୍ୱର ଅବସାନ ଘଟିବ । ଜଣେ ଆତ୍ମୀୟଙ୍କ ସହଯୋଗ ଦ୍ୱାରା ଅର୍ଥଲାଭ ଓ ସମ୍ମାନ ସାଙ୍ଗକୁ ବାଲ୍ୟବନ୍ଧୁଙ୍କ ସାନ୍ନିଧ୍ୟ ଲାଭ କରି ଖୁସି ରହିବେ । ଶିଳ୍ପ, ବାଣିଜ୍ୟ, ବ୍ୟବସାୟ ଓ ପରିବହନ କ୍ଷେତ୍ରରେ ସାମାନ୍ୟ ପ୍ରତିବନ୍ଧକ ଦେଖାଦେଇପାରେ।*

*✧═════•❁❀❁•═════✧*

*🌹କର୍କଟ🌹👉:-ଆଜି ଅଫିସ୍‌ କାମରେ ଭାବପ୍ରବଣବଶତଃ ବିରକ୍ତିକର କଥା କହି ଅପଦସ୍ଥ ହୋଇପାରନ୍ତି । ପରକଥାରେ ପ୍ରଭାବିତ ଭୁଲ୍‌ ମାର୍ଗର ଅନୁସରଣ କରିପାରନ୍ତି। ଜମିଜମା କାରବାର, ସତ୍‌ସଙ୍ଗ କିମ୍ବା ଧର୍ମାନୁଷ୍ଠାନ ଦିଗରୁ ପ୍ରେରଣା ଲାଭ କରିପାରନ୍ତି। ନିକଟ ସମ୍ପର୍କୀୟମାନଙ୍କ ସହ ମିତ୍ରତା ସ୍ଥାପନ କରିପାରନ୍ତି।*

*✧═════•❁❀❁•═════✧*

*🌹ସିଂହ🌹👉:-ଆଜି ବ୍ୟୟବୃଦ୍ଧି ଓ ଦୂରଯାତ୍ରା ପାଇଁ ମାର୍ଗ ସୁଗମ ହେବ। କିନ୍ତୁ ଶନିଙ୍କ ସମ୍ବନ୍ଧ ଜନିତ ମାନସିକ ଅବସାଦ ବଢ଼ିବା କାରଣରୁ କୌଣସି କାମ ଉତ୍ସାହପ୍ରଦ ନ ହୋଇପାରେ । ଈର୍ଷାପରାୟଣ ବ୍ୟକ୍ତିଙ୍କ ମିଥ୍ୟା ଗୁଜବରେ ଆତଙ୍କିତ ହୁଅନ୍ତୁ ନାହିଁ । ମାଲିମକଦ୍ଦମା କିମ୍ବା ବିବାଦୀୟ ଘଟଣାରେ ସନ୍ତୋଷଜନକ ଫଳ ପାଇବେ।*

*✧═════•❁❀❁•═════✧*

*🌹କନ୍ୟା 🌹👉:-ଆଜି ଯେଉଁ କାମରେ ହାତ ଦେବେ, ସେଥିରେ ସଫଳତା ଅବଶ୍ୟମ୍ଭାବୀ । ଆକସ୍ମିକ ଭାବରେ ଦୂରସ୍ଥାନକୁ ଯାତ୍ରା କରିବାକୁ ପଡ଼ିପାରେ ଏବଂ ପରିସ୍ଥିତିରେ ପଡି ଖର୍ଚ୍ଚାନ୍ତ ହେବେ।ଆଜି ଦିନଟି ଦେହଭଲ ରହିବା ସହିତ  ମନ ଆନନ୍ଦିତ  ରହିବ।*

*✧═════•❁❀❁•═════✧*

*🌹ତୁଳା🌹👉:-ଆଜି ବିଳାସବ୍ୟସନ ମଧ୍ୟରେ ଦିନଟିକୁ ଅତିବାହିତ କରିବେ। ହସ୍ତା ନକ୍ଷତ୍ର ସକାଶେ ସକାଳୁ ସକାଳୁ ଧାର, କରଜ କିମ୍ବା ପୂର୍ବ ଶତ୍ରୁତା ସାମୟିକ ଆଲୋଚନାର କେନ୍ଦ୍ରବିନ୍ଦୁ ହେବାର ସୂଚନା ରହିଛି। ପରିବାର ଭିତରେ ସମସ୍ୟା ସମାଧାନ ପାଇଁ ଚେଷ୍ଟା କରିବେ।  ସଙ୍ଗୀତ ଓ ନୃତ୍ୟ ସାଙ୍ଗକୁ ଧର୍ମକାର୍ଯ୍ୟରେ ନିଜକୁ ନିୟୋଜିତ କରିବେ।*

*✧═════•❁❀❁•═════✧*

*🌹ବିଛା🌹👉:-ଆଜି ବିଭିନ୍ନ ପ୍ରକାରର କଳ୍ପନାଜଳ୍ପନା ମନରେ ଆଲୋଡ଼ନ ସୃଷ୍ଟି ହେବ। ଦୀର୍ଘ ସମୟର କାର୍ଯ୍ୟବ୍ୟସ୍ତତା ହେତୁ କ୍ଳାନ୍ତି ଓ ଅବସାଦ ଅନୁଭବ କରିପାରନ୍ତି। ସେବା ଓ ପରୋପକାର ହେତୁ ସାମାଜିକ ପ୍ରତିଷ୍ଠା ବଢ଼ିବ। କୌଣସି ବନ୍ଧୁଙ୍କ ସାହାଯ୍ୟ, ସହଯୋଗ ଓ ଆତ୍ମୀୟତାରେ ଉତ୍‌ଫୁଲ୍ଲିତ ହୋଇପାରନ୍ତି।*

*✧═════•❁❀❁•═════✧*

*🌹ଧନୁ🌹👉:-ଆଜିର ଆପଣଙ୍କ କର୍ମକ୍ଷେତ୍ରରେ ପ୍ରତିକୂଳ ପରିସ୍ଥିତିର ଚାପ କ୍ରମଶଃ ବଢ଼ିପାରେ। କୌଣସି ବନ୍ଧୁଙ୍କ ଦ୍ୱାରା ପ୍ରତାରିତ ହେବାର ବହୁତ ସମ୍ଭାବନା ରହିଛି। ଉତ୍ତରାଷାଢ଼ା ନକ୍ଷତ୍ର ପ୍ରତିବେଶୀଙ୍କ ସହ ସମ୍ପର୍କ ମଧୁର ରଖିବା ପାଇଁ ଚେଷ୍ଟା କରି କେତେକାଂଶରେ ଉପକୃତ ହେବେ। ଦୀର୍ଘ ଦିନର ମଉଳି ଯାଇଥିବା ଆଶା ପୁଣି ଉଜ୍ଜୀବିତ ହେବ।*

*✧═════•❁❀❁•═════✧*

*🌹ମକର🌹👉:-ଆଜି ଆପଣ କୌଣସି ନୂତନ କର୍ମରେ ଉତ୍ସାହିତ ରହିବେ। କର୍ମକ୍ଷେତ୍ରରେ ପୃଷ୍ଠ ସାହାଯ୍ୟ ଲାଭକରି ମନୋବଳ କ୍ରମଶଃ ବୃଦ୍ଧି ପାଇବାର ଆଶା ରହିଛି । ଫେରନ୍ତା ବାଟରେ ଅସାବଧାନତାବଶତଃ ଦ୍ରବ୍ୟ ନଷ୍ଟ ହୋଇପାରେ। ବିବାଦୀୟ ଘଟଣାରେ ବନ୍ଧୁଙ୍କ ମଧ୍ୟସ୍ଥତାରେ ଫଇସଲା ହୋଇଯିବ।*

*✧═════•❁❀❁•═════✧*

*🌹କୁମ୍ଭ🌹👉:-ଆଜି ଜଣେ ବନ୍ଧୁଙ୍କ ସାହାଯ୍ୟକୁ ଭୁଲି ପାରିବେ ନାହିଁ। ଘର ସାଜସଜ୍ଜାରେ,  ଆନୁଷ୍ଠାନିକ କାମରେ, ନୃତ୍ୟ ଓ ସଙ୍ଗୀତରେ ମଜ୍ଜି ରହିପାରନ୍ତି। ଆର୍ଥିକ ଦିଗ ଭଲ ରହିବ ଓ କୌଣସି ଜନହିତକର କାମରେ ତାହାକୁ ବିନିଯୋଗ କରିବା ପାଇଁ ଚିନ୍ତା କରିବେ। ପ୍ରତ୍ୟେକ କ୍ଷେତ୍ରରେ  ସତର୍କ ରହି କାମକରିବା ଭଲ ହେବ।*

*✧═════•❁❀❁•═════✧*

*🌹ମୀନ🌹👉:-ପ୍ରତ୍ୟେକ କର୍ମ ରେ ଶୁଭଫଳ ପାଇବେ। କିନ୍ତୁ ପାରିବାରିକ ଦିଗରୁ କେତେକ ବ୍ୟତିକ୍ରମ ସୃଷ୍ଟି ହେବାର ସମ୍ଭାବନା ରହିଛି। ଯେତେ ଭଲ କାମ କଲେ ମଧ୍ୟ କର୍ମକ୍ଷେତ୍ରରେ ସମାଲୋଚିତ ହୋଇପାରନ୍ତି। ବାଣିଜ୍ୟ, ରାଜନୀତି ଓ ପ୍ରଶାସନ କ୍ଷେତ୍ରରେ ଲକ୍ଷ୍ୟ ହାସଲ କରିବେ।*

*✧═════•❁❀❁•═════✧*