ଆଜି ସୃଷ୍ଟି ହେବ ଲଘୁଚାପ, ଏହାର ପ୍ରଭାବରେ ଆଜିଠୁ ବଢ଼ିବ ବର୍ଷାର ପରିମାଣ

COASTAL NEWS ODIA 936

ଆଜି ସୃଷ୍ଟି ହେବ ଲଘୁଚାପ, ଏହାର ପ୍ରଭାବରେ ଆଜିଠୁ ବଢ଼ିବ ବର୍ଷାର ପରିମାଣ

ଭୁବନେଶ୍ୱର : ଭଞ୍ଜ ବିହାରୀ ମହାନ୍ତି - ଆଜି ବଙ୍ଗୋପସାଗରରେ ସୃଷ୍ଟି ହେବ ଲଘୁଚାପ । ପୂର୍ବ କେନ୍ଦ୍ରୀୟ ଓ ସଂଲଗ୍ନ ଉତ୍ତରପୂର୍ବ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ସମ୍ଭାବନା ରହିଛି । ପରେ ୱେଲମାର୍କଡ ଲୋ ପ୍ରେସରରେ ପରିଣତ ହେବ । ପରବର୍ତ୍ତୀ ୪୮ ଘଣ୍ଟାରେ ଉତ୍ତରପଶ୍ଚିମ ଦିଗରେ ଗତି କରି ଉତ୍ତର ଓଡ଼ିଶା ଓ ପଶ୍ଚିମବଙ୍ଗ ଉପକୂଳରେ ପହଞ୍ଚିବ । ଏହାର ପ୍ରଭାବରେ ଆଜିଠୁ ବଢ଼ିବ ବର୍ଷା ପରିମାଣ। ୩ ତାରିଖ ଯାଏ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବ । କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି ।

ଆଜି ପ୍ରବଳ ବର୍ଷା ପାଇଁ କେନ୍ଦୁଝର, ମୟୂରଭଞ୍ଜ, ବାଲେଶ୍ବର ଓ ଭଦ୍ରକ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏଥିସହ ୨୧ ଜିଲ୍ଲାର ବିଭିନ୍ନ ସ୍ଥାନରେ ବିଜୁଳି, ଘଡ଼ଘଡ଼ି ସତର୍କତା ଜାରି କରାଯାଇଛି । ୩୦ ତାରିଖରୁ ବର୍ଷାର ପରିମାଣ ଓ ବିସ୍ତୃତି ବଢ଼ିବ। ଆସନ୍ତା ୪ ଦିନ ଯାଏ ରାଜ୍ୟର ବିଭିନ୍ନ ସ୍ଥାନରେ ଘଡ଼ଘଡ଼ି ସହ ସ୍ବଳ୍ପରୁ ମଧ୍ୟମ ଧରଣର ବର୍ଷା ହେବ।୧ ଓ ୨ ତାରିଖରେ ପ୍ରବଳରୁ ଅତି ପ୍ରବଳ ବର୍ଷା ପାଇଁ କିଛି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଦିଆଯାଇଛି ।

ଆଜିର ରାଶିଫଳ

COASTAL NEWS ODIA 935

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ସେପ୍ଟେମ୍ବର ମାସ ୨୯ ତାରିଖ ୨୦୨୩ ମସିହା(ଶୁକ୍ରବାର)*

*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉ପାରିବାରିକ ଜୀବନରେ ବୁଝାମଣା ନେଇ ତିକ୍ତତା ଦେଖାଦେଇପାରେ । ଶିଳ୍ପ, ବାଣିଜ୍ୟ, ବ୍ୟବସାୟ, ପରିବହନ ପାଇଁ ଦିନଟି ବହୁତ ଶୁଭଙ୍କରୀ ହେବ । ବହୁଦିନରୁ ହଜି ଯାଇଥିବା ବା ଚୋରି ଯାଇଥିବା ଜିନିଷରହଠାତ୍‌ ଖୋଜ ଖବର ପାଇପାରନ୍ତି।*

*✧═════•❁❀❁•═════✧*

*🌹ବୃଷ🌹👉ଦାମ୍ପତ୍ୟ କଳହର ଅବସାନ ଘଟିବ ଓ ସନ୍ତାନଙ୍କ ଉନ୍ନତିରେ ଖୁସି ହେବେ।ବ୍ୟବସାୟରେ ଉନ୍ନତି ସହିତ ବାସସ୍ଥାନ ବା ଯାନବାହାନର ନବୀକରଣର ସୁଯୋଗ ଓ ଶୁଭଫଳ ପ୍ରାପ୍ତି ହେବ। ବୃତ୍ତିଗତ କର୍ମକୁ ଅଧିକ ଗୁରୁତ୍ଵ ଦେଇ ଚାକିରି କ୍ଷେତ୍ରରେ ଉନ୍ନତି କରିପାରିବେ। ଆକସ୍ମିକ ଅର୍ଥ ଲାଭହେବ।* 

*✧═════•❁❀❁•═════✧*

*🌹ମିଥୁନ🌹👉ଆଜି  ପିଲାମାନଙ୍କ ସମସ୍ୟା ଦୁଶ୍ଚିନ୍ତାର କାରଣ ହୋଇପାରେ । ଭଲ ସମ୍ପର୍କ ରହିଥିବା ବନ୍ଧୁଟି ପରିସ୍ଥିତି ଚାପରେ ପଡ଼ି ଦୂରେଇଯିବା କାରଣରୁ ମନରେ ଅସ୍ଥିରତା ସୃଷ୍ଟି ହୋଇପାରେ ।ସାଙ୍ଗଠନିକ କାର୍ଯ୍ୟରେ ନେତୃତ୍ୱ ନେଇ ପ୍ରଶଂସିତ ହେବେ ।  ଜମିଜମା ରେ ରହିଥିବା ସମସ୍ୟା ଦୂରୀଭୂତ ହୋଇଯିବ ।*

*✧═════•❁❀❁•═════✧*

*🌹କର୍କଟ🌹👉ଆଜି ସ୍ବାସ୍ଥ୍ୟରେ ଅବନତି ପରିଲକ୍ଷିତ ହେବା ଆଶଙ୍କା ରହିଛି। ଅନାବଶ୍ୟକ ଖର୍ଚ୍ଚ କରିବାକୁ ବାଧ୍ୟ ହେବେ। ଘରର ବରାଦ ଅନୁଯାୟୀ ଫେରିବା ବାଟରୁ କିଛି ନୂଆ ଜିନିଷ ଘରକୁ ଆଣିପାରନ୍ତି। ସଂଗଠନ ଓ ରାଜନୀତି କ୍ଷେତ୍ରରେ ଶୁଭଫଳ ପାଇବେ।* 

*✧═════•❁❀❁•═════✧*

*🌹ସିଂହ 🌹👉ଆଜି ସାଧାରଣ କଥାକୁ କେନ୍ଦ୍ରକରି ପରିବାରରେ ଝଡ଼ ଉଠିପାରେ । ସାମାଜିକ ସ୍ତରରେ ନିଜ ଲୋକଙ୍କୁ ମନେଇ କାର୍ଯ୍ୟସାଧନ କରିବେ। ଆଜି ବଜାର ସଉଦା କିଣିବାରେ ସତର୍କ ନ ହେଲେ ଠକାମିରେ  ପାଇପାରନ୍ତି। କାରଣ ନ ଥାଇ ମଧ୍ୟ ଦୋଷୀ ସାବ୍ୟସ୍ତ ହେବେ*, 

*✧═════•❁❀❁•═════✧*

*🌹କନ୍ୟା🌹👉ଆଜି ଆର୍ଥିକ ଅନଟନ ଜନିତ ମାନସିକ ଦ୍ୱନ୍ଦ୍ୱର ଅବସାନ ଘଟିବ ସ୍ବାସ୍ଥ୍ୟ ସମସ୍ୟା ନେଇ ଚିନ୍ତିତ ହୋଇପାରନ୍ତି । ଅଟକି ରହିଯାଇଥିବା କାମଟିକୁ ପୂର୍ଣ୍ଣାଙ୍ଗ ରୂପ ଦେବେ । ପାରିବାରିିକ ସମସ୍ୟାର ସମାଧାନ ଘଟିବ, ଏ ଦିଗରେ ଜଣେ ବନ୍ଧୁଙ୍କ ସାହାଯ୍ୟ କାମକୁ ଆସିବ।* 

*✧═════•❁❀❁•═════✧*

*🌹ତୁଳା🌹👉ଆଜି ପରିବାରରେ  ସମସ୍ୟା ବଢ଼ିପାରେ । ବିଭିନ୍ନ ପ୍ରକାର ବାଧାବିଘ୍ନ ଓ ସମସ୍ୟା ଲାଗି ରହୁଥିବା କାରଣରୁ ପ୍ରତ୍ୟେକ କ୍ଷେତ୍ରରେ ନେଗେଟିଭ୍‌ ଚିନ୍ତାଧାରା ମନକୁ ଆକ୍ରାନ୍ତ କରିବ। ବ୍ୟବସାୟ, ପରିବହନ ଓ ବାଣିଜ୍ୟରେ ପ୍ରତିବନ୍ଧକ ସୃଷ୍ଟି ହୋଇପାରେ।*

*✧═════•❁❀❁•═════✧*

*🌹ବିଛା🌹👉କର୍ମକ୍ଷେତ୍ରରେ ବିଭିନ୍ନ ପ୍ରକାର ଅପ୍ରୀତିକର ପରିସ୍ଥିତି ସୃଷ୍ଟିର ଆଶଙ୍କା ରହିଛି । ଆତ୍ମୀୟମାନେ ସମାଲୋଚନା କରିପାରନ୍ତି। ବହୁ ଦିନରୁ ଆଶା କରିଥିବା କାମଟିରେ ସୁଯୋଗ ପାଇଲେ ମଧ୍ୟ ସଦ୍‌ ବ୍ୟବହାର କରିବା କଷ୍ଟକର ହେବ ସହ ବିଫଳ ହୋଇପାରନ୍ତି ।*

*✧═════•❁❀❁•═════✧*

*🌹ଧନୁ🌹👉ଆଜି ଆପଣଙ୍କୁ କୌଣସି ନୀଚ ଜାତିର ବ୍ୟକ୍ତିବିଶେଷ ପରୋକ୍ଷ ଭାବେ ଆକ୍ଷେପ କରିପାରନ୍ତି। ଆନୁଷ୍ଠାନିକ କ୍ଷେତ୍ରରେ ଆକସ୍ମିକ ଭାବରେ ଉଚ୍ଚ ସମ୍ମାନ ଓ ବସ୍ତ୍ରଭୂଷଣ ପ୍ରାପ୍ତି ଯୋଗ ରହିଛି । ଅସାବଧାନତା କାରଣରୁ କୌଣସି ଜିନିଷ ହରାଇପାରନ୍ତି।*

*✧═════•❁❀❁•═════✧*

*🌹ମକର🌹👉ଆଜି ଆକସ୍ମିକଭାବରେ ବନ୍ଧୁମାନଙ୍କ ସହ ଭ୍ରମଣ କରିପାରନ୍ତି । ପାଖ ପଡୋଶୀ କିମ୍ବା ସହକର୍ମୀଙ୍କ ଆଭ୍ୟନ୍ତରୀଣ ବ୍ୟାପାରରେ ମୁଣ୍ଡ ପୂରାନ୍ତୁ ନାହିଁ। ପାରଷ୍ପରିକ ଉତ୍ତମ ବୁଝାମଣା କାରଣରୁ ପାରିବାରିକ ପରିସ୍ଥିତି ଠିକ୍‌ ରହିବ। ବାଣିଜ୍ୟରେ ଆଶା କରୁଥିବା ଫଳ ପାଇବେନାହିଁ ।ବ୍ୟୟ ଅଧିକ ହେବ।*

*✧═════•❁❀❁•═════✧*

*🌹କୁମ୍ଭ🌹👉ପାରସ୍ପରିକ ମତଭେଦ କାରଣରୁ ଅଫିସରେ କାମଗୁଡ଼ିକ ଶେଷ ପର୍ଯ୍ୟାୟକୁ ଯିବା ପୂର୍ବରୁ କୌଣସି ଅଘଟଣ ଘଟିପାରେ। ଘରୋଇ କଥାରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପୂର୍ବରୁ ପରିବାର ସହ ଆଲୋଚନା କଲେ ଭଲ ହେବ। ଅର୍ଥୀକକ୍ଷେତ୍ରରେ ସଫଳତା ନିଶ୍ଚିତ ମିଳିବ।*

*✧═════•❁❀❁•═════✧*

*🌹ମୀନ🌹👉କର୍ମକ୍ଷେତ୍ରରେ ନିଜର ପ୍ରାଧାନ୍ୟକୁ ଜାହିର କରିବାକୁ ଯାଇ ଅପଦସ୍ଥ ହୋଇପାରନ୍ତି। ସତ୍‌ସଙ୍ଗ ପ୍ରତି ମନ ବଳିବ ଏବଂ ସାହିତ୍ୟ, ସାମ୍ବାଦିକତା କ୍ଷେତ୍ରରୁ ସୁଫଳ ପାଇବେ। ପରିବହନ, ପ୍ରଶାସନ ସ୍ତରରେ କାର୍ଯ୍ୟ ସାଧନ କିମ୍ବା ଆଶା ପୂରଣ ହେବାରେ ଜଣେ ବନ୍ଧୁ ସାହାଯ୍ୟ କରିବେ।*

*✧═════•❁❀❁•═════✧*

ଅଜା ନାତୁଣୀର ସମ୍ପର୍କ ଯୋଡି ଯୁକ୍ତ ଦୁଇ ଛାତ୍ରୀଙ୍କୁ ଆବଦ୍ଧ ଘରେ ରଖି ବଳାତ୍କାର ଅଭିଯୋଗ

COASTAL NEWS ODIA 934

ଅଜା ନାତୁଣୀର ସମ୍ପର୍କ ଯୋଡି ଯୁକ୍ତ ଦୁଇ ଛାତ୍ରୀଙ୍କୁ ଆବଦ୍ଧ ଘରେ ରଖି ବଳାତ୍କାର ଅଭିଯୋଗ 

କନ୍ଧମାଳ - ଭଞ୍ଜ ବିହାରୀ ମହାନ୍ତି - ଅଜବ ଏ ଦୁନିଆ! ଅଜବ ଏ ସମ୍ପର୍କ! କିଛି ଛାଡ଼ିଲେନି। ଅଜା ନାତୁଣୀର ସମ୍ପର୍କକୁ କଳଙ୍କିତ କରିଦେଲେ। କଲେଜ ଯାଉଥିବା ନାବାଳିକାକୁ ନାତୁଣୀ ବୋଲି କହି ଡାକିନେଲା। ମେଡ଼ିସିନ୍‌ ଖୁଆଇ ତାଙ୍କ ସହିତ ବଳପୂର୍ବକ ଶାରୀରିକ ସମ୍ପର୍କ ରଖିଲା ଅଜା। ଦିନେ କି ଦୁଇ ଦିନ ନୁହେଁ, ଲଗାତର ଭାବେ ୧୦ ଦିନ ଧରି ନାବାଳିକାଙ୍କ ସହିତ ଶାରୀରିକ ସମ୍ପର୍କ ରଖିଲା। ଏପରି ଲୋମହର୍ଷଣକାରୀ ଘଟଣା ଘଟିଛି କନ୍ଧମାଳ ଜିଲ୍ଲାରେ। ପୀଡ଼ିତାଙ୍କ ଅଭିଯୋଗ କ୍ରମେ ପୁଲିସ୍‌ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।

କୋଟଗଡ଼ ଅଞ୍ଚଳରେ ଏକ ଘରୋଇ କଲେଜରେ ଯୁକ୍ତ ଦୁଇରେ ପାଠ ପଢ଼ନ୍ତି ରୀମା(ଛଦ୍ମନାମ)। ପ୍ରତିଦିନ କଲେଜ ଯିବା ଆସିବା ବେଳେ ନକୂଳ ପରାସେଠ ନାମକ ଜଣେ ବ୍ୟକ୍ତି ତାଙ୍କୁ ନାତୁଣୀ ବୋଲି ଡାକି ଥଟା ମଜା କରନ୍ତି। ରୀମା ସେଥିପ୍ରତି ବିଶେଷ ଧ୍ୟାନ ନଦେଇ କେବଳ ହସିଦେଇ କଲେଜ ପଳାଇ ଯାଆନ୍ତି। ରୀମାଙ୍କ ସେହି ହସରେ ଫିଦା ହୋଇଯାଇଥିଲେ ନକୂଳ। ଦିନେ ରୀମାଙ୍କୁ ବଳପୂର୍ବକ ବସ୍‌ରେ ବସାଇ ନେଇଥିଲେ। ସେହି ସମୟରେ ସେ ଧମକଚମକ ଦେଇଥିବାରୁ ଭୟରେ ଚୁପ୍‌ରେ ରହିଥିଲା।

ରୀମାଙ୍କୁ ନକୂଳ ବ୍ରହ୍ମପୁର ନେଇଯାଇଥିଲା। ସେଠାରେ ଗୋଟିଏ ନିଛାଟିଆ ଘରେ ଦଶ ଦିନ ଧରି ରଖିଥିଲା। ସେହିଠାରେ ନାବାଳିକାଙ୍କ ସହିତ ସେ ବଳପୂର୍ବକ ଶାରୀରିକ ସମ୍ପର୍କ ରଖୁଥିଲା। ଶାରୀରିକ ସମ୍ପର୍କ ରଖିବା ପୂର୍ବରୁ ଗରମ ପାଣିରେ ଗୋଟିଏ ମେଡିସିନ୍‌ ଖାଇବାକୁ ଦେଉଥିଲା। ମେଡିସିନ୍‌ ନଖାଇଲେ ଧମକଚମକ ଦେଉଥିଲା। ମାଡ଼ ମାରୁଥିଲା। ତେଣୁ ଜୀବନ ବିକଳରେ ରୀମା ମେଡିସିନ୍‌ ଖାଇବାକୁ ବାଧ୍ୟ ହେଉଥିଲେ। ତା’ପରେ ତାଙ୍କ ସହିତ ଶାରୀରିକ ସମ୍ପର୍କ ରଖିଥିଲା ନକୂଳ। ଆଉ ତାଙ୍କ ଶରୀରର ବିଭିନ୍ନ ଅଙ୍ଗରେ ସେ ହାତ ମାରୁଥିବା ପୀଡ଼ିତା ଅଭିଯୋଗ କରିଛନ୍ତି।

ସେପଟେ ଝିଅ ଘରକୁ ନଫେରିବାରୁ ପରିବାର ଲୋକେ କୋଟଗଡ଼ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ପୁଲିସ୍‌ ମାମଲା ରୁଜୁ କରି ନକୂଳ ଘରକୁ ଯାଇଥିଲା। ଆଉ ତାଙ୍କ ପରିବାର ଲୋକଙ୍କୁ ଜେରା କରିଥିଲା। ପୁଲିସ୍‌ ଗଲା ପରେ ପରିବାର ଲୋକେ ଏନେଇ ନକୂଳକୁ ଫୋନ୍‌କରି କହିଥିଲେ। ଏହାପରେ ଅର୍ଥାତ ଗତ ୧୭ ତାରିଖରେ ରୀମାଙ୍କୁ ବସ୍‌ରେ ବସାଇ ଚମ୍ପଟ ମାରିଲା ନକୂଳ।

ପୀଡ଼ିତା ନାବାଳିକାଟି ବାଲିଗୁଡ଼ାରୁ କୌଣସି ପ୍ରକାରେ ନିଜ ଘର ଲୋକଙ୍କୁ ଫୋନ କରି ଘଟଣା ବାବଦରେ ଜଣାଇଥିଲେ। ପରିବାର ଲୋକ ଯାଇ ତାକୁ ବାଲିଗୁଡ଼ାରୁ ନିଜ ଘରକୁ ଆଣିଥିଲେ। ତା’ପରେ ପୀଡ଼ିତା କୋଟଗଡ଼ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ପୁଲିସ୍‌ ୧୧୬/୨୩ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି। ଅଭିଯୁକ୍ତ ନକୂଳକୁ ଗିରଫ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି ପରିବାର ଲୋକ।

ପୂର୍ବ କେନ୍ଦ୍ରୀୟ-ଉତ୍ତର ବଙ୍ଗୋପସାଗରରେ ଆସନ୍ତା ୨୪ ଘଣ୍ଟା ଭିତରେ ଲଘୁଚାପ କ୍ଷେତ୍ର ସୃଷ୍ଟି ହେବ

COASTAL NEWS ODIA 933

ପୂର୍ବ କେନ୍ଦ୍ରୀୟ-ଉତ୍ତର ବଙ୍ଗୋପସାଗରରେ ଆସନ୍ତା ୨୪ ଘଣ୍ଟା ଭିତରେ ଲଘୁଚାପ କ୍ଷେତ୍ର ସୃଷ୍ଟି ହେବ

ଭୁବନେଶ୍ବର - ଭଞ୍ଜ ବିହାରୀ ମହାନ୍ତି - ପୂର୍ବ କେନ୍ଦ୍ରୀୟ-ଉତ୍ତର ବଙ୍ଗୋପସାଗରରେ ଆସନ୍ତା ୨୪ ଘଣ୍ଟା ଭିତରେ ଲଘୁଚାପ କ୍ଷେତ୍ର ସୃଷ୍ଟି ହେବ। ଏହା ପୂର୍ବରୁ ଆଜି ଘୂର୍ଣ୍ଣିବଳୟ ସୃଷ୍ଟି ହୋଇଛି। ସମ୍ଭାବ୍ୟ ଲଘୁଚାପ ପରବର୍ତ୍ତୀ ସମୟରେ ଘନୀଭୂତ ହୋଇ ସୁଦୃଶ୍ୟ ଲଘୁଚାପ କ୍ଷେତ୍ରରେ ପରିଣତ ହେବ। ଏହାର ପ୍ରଭାବରେ ୩୦ ତାରିଖରୁ ଅକ୍ଟୋବର ୩ ତାରିଖ ସକାଳ ସାଢ଼େ ୮ଟା ଯାଏଁ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ସେଥିପାଇଁ ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ସତର୍କ ସୂଚନା ଜାରି କରିଛନ୍ତି।

ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ଜାରି କରିଥିବା ବୁଲେଟିନ୍‌ ଅନୁସାରେ ୨୪ ଘଣ୍ଟା ଭିତରେ ମାଲକାନଗିରି, କୋରାପୁଟ, ରାୟଗଡ଼ା, କନ୍ଧମାଳ, ଗଜପତି, ଝାରସୁଗୁଡ଼ା, ସୁନ୍ଦରଗଡ଼, ସମ୍ୱଲପୁର, ଦେବଗଡ଼, କେନ୍ଦୁଝର, ମୟୂରଭଞ୍ଜ, ଅନୁଗୋଳ, ବାଲେଶ୍ୱର ଓ ଭଦ୍ରକ ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ବଜ୍ରପାତ ସହ ଘଡଘଡ଼ି ମାରିବାର ସମ୍ଭାବନା ରହିଛି। ସେଥିପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି।

୨୯ ତାରିଖରେ କେନ୍ଦୁଝର, ମୟୂରଭଞ୍ଜ, ବାଲେଶ୍ୱର ଓ ବାଲେଶ୍ୱର  ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ସବୁ ଜିଲ୍ଲାରେ ୭ରୁ ୧୧ ସେଣ୍ଟିମିଟର ପର୍ଯ୍ୟନ୍ତ ବର୍ଷା ହୋଇପାରେ। ସେହିପରି ବଜ୍ରପାତ-ଘଡ଼ଘଡ଼ି ନେଇ ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ଖୋର୍ଦ୍ଧା, ପୁରୀ, ନୟାଗଡ଼, ଗଞ୍ଜାମ, ଗଜପତି, ମୟୂରଭଞ୍ଜ, କେନ୍ଦୁଝର, ଅନୁଗୋଳ, ଢେଙ୍କାନାଳ, ସୁନ୍ଦରଗଡ଼, କନ୍ଧମାଳ, ମାଲକାନଗିରି, କୋରାପୁଟ ଓ ରାୟଗଡ଼ା ଜିଲ୍ଲାକୁ ସତର୍କ ସୂଚନା ଜାରି ହୋଇଛି। ସେଥିପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି।

୩୦ ତାରିଖରେ ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ଖୋର୍ଦ୍ଧା, ମୟୂରଭଞ୍ଜ, କେନ୍ଦୁଝର, ଅନୁଗୋଳ, ଢେଙ୍କାନାଳ, ସୁନ୍ଦରଗଡ଼, ଦେବଗଡ଼ ଓ ସମ୍ୱଲପୁର ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ସବୁ ଜିଲ୍ଲାରେ ୭ରୁ୧୧ ସେଣ୍ଟିମିଟର ପର୍ଯ୍ୟନ୍ତ ବର୍ଷା ହୋଇପାରେ। ସେଥିପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି।

ଅକ୍ଟୋବର ୧ ତାରିଖରେ ମୟୂରଭଞ୍ଜ, କେନ୍ଦୁଝର,ଅନୁଗୋଳ, ସୁନ୍ଦରଗଡ଼, ଦେବଗଡ଼, ସମ୍ୱଲପୁର,ବରଗଡ଼, ଝାରସୁଗୁଡ଼ା, ସୋନପୁର ଓ ବଲାଙ୍ଗିର ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ସବୁ ଜିଲ୍ଲାରେ ୭ରୁ ୨୦ ସେଣ୍ଟିମିଟର ପର୍ଯ୍ୟନ୍ତ ବର୍ଷା ହୋଇପାରେ। ସେଥିପାଇଁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି। ଏହାଛଡ଼ା ନବରଙ୍ଗପୁର, ନୂଆପଡ଼ା, କଳାହାଣ୍ଡି, କନ୍ଧମାଳ, ବୌଦ୍ଧ, କଟକ, ଢେଙ୍କାନାଳ, ଯାଜପୁର, ଭଦ୍ରକ ଓ ବାଲେଶ୍ୱର ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ପ୍ରବଳ ବର୍ଷାହେବାର ସମ୍ଭାବନା ରହିଛି। ଏହି ସବୁ ଜିଲ୍ଲାରେ ୭ରୁ ୧୧ ସାଣ୍ଟିମିଟର ପର୍ଯ୍ୟନ୍ତ ବର୍ଷା ହୋଇପାରେ। ସେଥିପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି।

୨ ତାରିଖରେ ନବରଙ୍ଗପୁର, ନୂଆପଡ଼ା, ବଲାଙ୍ଗିର, ଝାରସୁଗୁଡ଼ା ଓ ସୁନ୍ଦରଗଡ଼ ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ସବୁ ଜିଲ୍ଲାରେ ୭ରୁ ୨୦ ସେଣ୍ଟିମିଟର ପର୍ଯ୍ୟନ୍ତ ବର୍ଷା ହୋଇପାରେ। ସେଥିପାଇଁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି। ଏହାଛଡ଼ା ମାଲକାନଗିରି, କୋରାପୁଟ, କନ୍ଧମାଳ, ବୌଦ୍ଧ, ସୋନପୁର, ସମ୍ୱଲପୁର, ଦେବଗଡ଼, ଅନୁଗୋଳ, କେନ୍ଦୁଝର ଓ ମୟୂରଭଞ୍ଜ ଜିଲ୍ଲାରେ ଗୋଟିଏରୁ ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ସବୁ ଜିଲ୍ଲାରେ ୭ରୁ ୧୧ ସେଣ୍ଟିମିର ପର୍ଯ୍ୟନ୍ତ ବର୍ଷା ହୋଇପାରେ।

ବୃଦ୍ଧା ମହିଳାଙ୍କୁ ଅସଦାଚରଣ ଅଭିଯୋଗ

COASTAL NEWS Odia 932

ବୃଦ୍ଧା ମହିଳାଙ୍କୁ ଅସଦାଚରଣ ଅଭିଯୋଗ

କିଶନନଗର - ବୃଦ୍ଧା ମହିଳାଙ୍କୁ ଅସଦାଚରଣ ଉଦ୍ୟମ । ଥାନାରେ ହେଲା ଅଭିଯୋଗ । ଏଭଳି ଘଟଣା ଘଟିଛି କଟକ ଜିଲ୍ଲା କିଶନନଗର ଥାନା ମୁରକୁଣ୍ଡି ଗ୍ରାମରେ । ମୁରକୁଣ୍ଡି ଗ୍ରାମର ଜଣେ ମହିଳା ମହାନଦୀ ପଠାରେ ପରିବା ତୋଳିବା ସମୟରେ କିଶନନଗର ଥାନା ଗୋଠମୀରା ଗ୍ରାମର ଗେଟମ ଦେହୁରୀ ମହିଳା ଜଣକୁ ଅସଦାଚରଣ କରିବାପାଇଁ ଉଦ୍ୟମ କରିବା ସମୟରେ ମହିଳାଜଣକ ଗୁରୁତର ହୋଇଛନ୍ତି । 

ଗୁରୁତର ଅବସ୍ଥାରେ ପରିବାର ଓ ସ୍ତାନୀୟ ଲୋକେ ଉଦ୍ଧାର କରି ଚିକିତ୍ସା ପାଇଁ ସାଲେପୁର ମେଡିକାଲକୁ ନେଇଥିଲେ । ମହିଳା ଜଣକଙ୍କ ମୁହଁରେ ଆଘାତ ଲାଗିବା ସହ ଦାନ୍ତମଧ୍ୟ ଭାଙ୍ଗି ଗଳି ପଡିଥିବାର ସୂଚନା ମିଳିଛି । ମହିଳା ଜଣକ ପାଟି କରିବାରୁ ଘଟଣା ସ୍ଥଳରେ ସ୍ଥାନୀୟ ଲୋକେ ପହଁଚି ଗେଟମକୁ ମାଡ଼ ମାରିବା ସହ କାବୁ କରି କିଶନନଗର ପୋଲିସର ଜିମା ଦେଇଥିଲେ । 

କିଶନନଗର ପୋଲିସ ଗେଟମକୁ ଥାନାରେ ଅଟକ ରଖି ପଚରାଉଚରା କରୁଥିବାର ସୂଚନା ମିଳିଛି । ସୂଚନାମୁତାବକ ମହିଳା ଜଣକ ଗେଟମ ଦେହୁରୀଙ୍କ ବିରୁଦ୍ଧରେ କିଶନନଗର ଥାନାରେ ଅଭିଯୋଗ ଆଗରୁ କରିଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ମହିଳାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି । 

ଚନ୍ଦ୍ର ଓ ସୂର୍ଯ୍ୟ ମିଶନ ପରେ ଏବେ ଶୁକ୍ରରେ ପହଞ୍ଚିବ ଭାରତ

COASTAL NEWS Odia 931

ଚନ୍ଦ୍ର ଓ ସୂର୍ଯ୍ୟ ମିଶନ ପରେ ଏବେ ଶୁକ୍ରରେ ପହଞ୍ଚିବ ଭାରତ

ନୂଆଦିଲ୍ଲୀ - ଭଞ୍ଜ ବିହାରୀ ମହାନ୍ତି - ଚନ୍ଦ୍ରଯାନ ୩ ଓ ଆଦିତ୍ୟ ଏଲ୍ ୧ ପରି ସଫଳ ମିଶନ ପରେ ଏବେ ଇସ୍ରୋର ନଜର  ଶୁକ୍ର ଗ୍ରହ ଉପରେ। ଶୁକ୍ର ଗ୍ରହ ଉପରେ ଗବେଷଣା ଆରମ୍ଭ କରିବ ISRO, ଚନ୍ଦ୍ର , ସୂର୍ଯ୍ୟ  ମିଶନର ଐତିହାସିକ ସଫଳତା ପରେ ବର୍ତ୍ତମାନ ଶୁକ୍ର ମିଶନ ପାଇଁ ପ୍ରସ୍ତୁତ ହେଉଛି 'ଇସ୍ରୋ' । ଇଣ୍ଡିଆନ୍ ସ୍ପେସ୍ ରିସର୍ଚ୍ଚ ଅର୍ଗାନାଇଜେସନ୍ ଅଧ୍ୟକ୍ଷ ଏସ ସୋମନାଥ କହିଛନ୍ତି ଯେ ସୌର ମଣ୍ତଳରେ ସବୁଠାରୁ ଉଜ୍ଜ୍ୱଳ ଗ୍ରହ ଶୁକ୍ରରେ ରିସର୍ଚ୍ଚ କରିବା ପାଇଁ ଇସ୍ରୋରେ  କାର୍ଯ୍ୟ ଆରମ୍ଭ ହୋଇଯାଇଛି । ଆଗକୁ ଆରମ୍ଭ ହେବାକୁ ଥିବା ଏହି ମିଶନ ପାଇଁ ପେ ଲୋଡ୍ ବିକଶିତ ହୋଇସାରିଛି। ଦିଲ୍ଲୀର ଭାରତୀୟ ଜାତୀୟ ବିଜ୍ଞାନ ଏକାଡେମୀକୁ ସମ୍ବୋଧିତ କରିବା ବେଳେ ଇସ୍ରୋ ମୁଖ୍ୟ ଏନେଇ ସୂଚନା ଦେଇଥିଲେ ।

ଶୁକ୍ର ଏକ ଆକର୍ଷଣୀୟ ଗ୍ରହ ଏବଂ ଏହାର  ତଥ୍ୟ ମହାକାଶ ବିଜ୍ଞାନ କ୍ଷେତ୍ରରେ ଅନେକ ସମସ୍ୟାର ସମାଧାନ କରିବାରେ ସହାୟକ ହେବ । ଶୁକ୍ର ଏକ ରୋମାଞ୍ଚକ ଗ୍ରହ ଏବଂ ଏହାର ବାୟୂମଣ୍ତଳ ମଧ୍ୟ ରହିଛି । କିନ୍ତୁ ଏହାର ବାୟୁମଣ୍ଡଳୀୟ ଚାପ  ପୃଥିବୀ ଠାରୁ ୧୦୦ ଗୁଣ ଅଧିକ ଏବଂ ଏହା ଏସିଡରେ ପରିପୂର୍ଣ୍ଣ । ଏହାର ପୃଷ୍ଠକୁ ପ୍ରବେଶ କରିବା ଅସମ୍ଭବ । ଏହାର ପୃଷ୍ଠଭୂମି କଠିନ କି ନୁହେଁ ତାହା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ ।

ତେବେ ଏଠାରେ ଏତେ ବାୟୁମଣ୍ଡଳୀୟ ଚାପ ରହିବା ପଛରେ କ’ଣ କାରଣ ରହିଛି  ଏକଥା ଜାଣିବା ପାଇଁ ଏହି ମିଶନର ପ୍ରଥମ ଲକ୍ଷ।  ସୌର ମଣ୍ଡଳର ଉତ୍ପତ୍ତି ବିଷୟରେ ପୁଙ୍ଖାନୁପୁଙ୍ଖ ଜାଣିବାକୁ ହେଲେ ଶୁକ୍ର ବିଷୟରେ  ମଧ ଅଧ୍ୟୟନ ଜରୁରୀ ଏବଂ ଏହି ଶୁକ୍ରଯାନ ୪ ବର୍ଷ ପର୍ଯ୍ୟନ୍ତ ଶୁକ୍ର ଗ୍ରହର ଅଧ୍ୟୟନ କରିବବୋଲି କହିଛନ୍ତି ଇସ୍ରୋ ମୁଖ୍ୟ। ତେବେ ପୃଥିବୀ ଦିନେ ଶୁକ୍ର ଗ୍ରହ ପରି  ପରିବରତ୍ତିତ  ହୋଇପାରେ  ବୋଲି ଆସଙ୍କା କରିଛନ୍ତି ଇସ୍ରୋ ମୁଖ୍ୟ। ଲକ୍ଷ ଲକ୍ଷ ବର୍ଷ ପୂର୍ବରୁ  ପୃଥିବୀ ମଧ ଶୁକ୍ର ଗ୍ରହ ପରି ଥିଲା  ଏବଂ ଏଥିରେ ଜୀବନ ସତ୍ତା ନଥିଲା। କିନ୍ତୁ  ସମୟ କ୍ରମେ ପୃଥିବୀର ବାଯୁ ମଣ୍ଡଳରେ ପରିବର୍ତ୍ତନ  ହେଲା। ତେବେ ଆଗକୁ ଶୁକ୍କର  ମଧ୍ୟ ଏପରି ପରିବତ୍ରନ ହେବାର  ସମ୍ଭାବନା ରହିଛି  ଏବଂ ଏଥିରେ ଜୀବନ ସତ୍ତା ସୃଷ୍ଟି ହୋଇପାରେ ବୋଲି ଆଶା କରିଛନ୍ତି ଏସ୍ ସୋମନାଥ କହିଛନ୍ତି । 

ପ୍ରକାଶ ଥାଉକି ପୃଥିବୀ ଏବଂ ସୂର୍ଯ୍ୟର ନିକଟତମ ଗ୍ରହ ହେଉଛି ଶୁକ୍ର ।

ଯଦି ପୃଥିବୀ ୨ ମିନିଟ୍‌ ଘୂରିବା ବନ୍ଦ କରିଦେବ, ତେବେ କ’ଣ ଘଟିବ ଜାଣନ୍ତି କି

COASTAL NEWS ODIA 930

ଯଦି ପୃଥିବୀ ୨ ମିନିଟ୍‌ ଘୂରିବା ବନ୍ଦ କରିଦେବ, ତେବେ କ’ଣ ଘଟିବ ଜାଣନ୍ତି କି

 

ଭୁବନେଶ୍ବର - ଭଞ୍ଜ ବିହାରୀ ମହାନ୍ତି- ପୃଥିବୀ ପୃଷ୍ଠରେ ଦିନ ଏବଂ ରାତି କିପରି ଘଟେ କିମ୍ବା ବର୍ଷଗୁଡ଼ିକ କିପରି ବଦଳେ ସେ ବିଷୟରେ ଜାଣିବା ଆବଶ୍ୟକ । ଏହି ପୂରା ପ୍ରକ୍ରିୟା ପୃଥିବୀର ଅକ୍ଷରେ ଘୂର୍ଣ୍ଣନ ଏବଂ ସୂର୍ଯ୍ୟର ଘୂର୍ଣ୍ଣନ ଉପରେ ନିର୍ଭର କରେ। ପୃଥିବୀ ସର୍ବଦା ଘୂରିଥାଏ। ଏହି କାରଣରୁ ସମୟ ସବୁବେଳେ ବଢିଥାଏ। କେବେ ଭାବିଛନ୍ତି ଯଦି ପୃଥିବୀ ହଠାତ୍‌ ନିଜ ଅକ୍ଷରେ ଘୂର୍ଣ୍ଣନ ବନ୍ଦ କରିଦିଏ ତେବେ କ’ଣ ଘଟିବ? ଯଦି ନା ତେବେ ଜାଣନ୍ତୁ ଏ ସମ୍ପର୍କରେ 

ସୋସିଆଲ ମିଡିଆ ପ୍ଲାଟଫର୍ମ କୋରାରେ ଲୋକମାନେ ସେମାନଙ୍କର ପ୍ରଶ୍ନ ପଚାରନ୍ତି ଏବଂ ଅନ୍ୟ ୟୁଜରମାନେ ସେମାନଙ୍କୁ ଉତ୍ତର ଦେଇଥାନ୍ତି। ସମ୍ପ୍ରତି ଏହି ପ୍ଲାଟ୍‌ଫର୍ମରେ ଜଣେ ବ୍ୟକ୍ତି ପଚାରିଛନ୍ତି, ପୃଥିବୀ ୨ ମିନିଟ୍‌ ପାଇଁ ଘୂର୍ଣ୍ଣନ ବନ୍ଦ କଲେ କଣ ହେବ? କିଛି ଲୋକ ଏହି ପ୍ରଶ୍ନର ଉତ୍ତର ଦେଇଛନ୍ତି ଏବଂ ପୃଥିବୀ ଘୂର୍ଣ୍ଣନ ବନ୍ଦ କଲେ କଣ ହେବ ବୋଲି ନିଜ ପଦ୍ଧତିରେ ବ୍ୟାଖ୍ୟା କରିଛନ୍ତି। ଅମିତ ନାମକ ଜଣେ ବ୍ୟକ୍ତି କହିଛନ୍ତି- ଯଦି ପୃଥିବୀ ମାତ୍ର ୨ ମିନିଟ୍‌ ପାଇଁ ଘୂର୍ଣ୍ଣନ ବନ୍ଦ କରେ, ତେବେ ଦୃଶ୍ୟ ଭୟଙ୍କର ହେବ, କାରଣ ପୃଥିବୀ ନିଜ ଅକ୍ଷରେ ଘଣ୍ଟା ପ୍ରତି ୧୦୦୦ ମାଇଲ ବେଗରେ ଘୂର୍ଣ୍ଣନ କରିଥାଏ। ପୃଥିବୀ ଘୂର୍ଣ୍ଣନ ବନ୍ଦ କରିବା ମାତ୍ରେ ଘଣ୍ଟା ପ୍ରତି ୧୦୦୦ ମାଇଲ ବଳ ଦ୍ୱାରା ଆମକୁ ପୂର୍ବ ଆଡ଼କୁ ନିକ୍ଷେପ କରାଯିବ। ଯଦି ପୃଥିବୀ ସବୁଦିନ ପାଇଁ ଘୂର୍ଣ୍ଣନ ବନ୍ଦ କରେ ତେବେ ପୃଥିବୀର ଗୋଟିଏ ଭାଗରେ ଦିନ ଏବଂ ଅନ୍ୟ ପଟେ ରାତି ରହିବ। ଏହି କାରଣରୁ, ଗୋଟିଏ ଅଂଶର ତାପମାତ୍ରା ବୃଦ୍ଧି ପାଇବ ଏବଂ ଅନ୍ୟ ଅଂଶ ଥଣ୍ଡା ରହିବ।

ନୀତୀଶ ନାମକ ଜଣେ ୟୁଜର କହିଛନ୍ତି, ପୃଥିବୀ ଘୂର୍ଣ୍ଣନ ବନ୍ଦ କରିବାର କାରଣ ହେଉଛି ପୃଥିବୀର ନିଜସ୍ବ ମାଧ୍ୟାକର୍ଷଣ ଶକ୍ତି ସମାପ୍ତ ହେବ। ଯଦି ଏହା ୨ ମିନିଟ୍‌ରୁ କମ୍‌ ସମୟ ପର୍ଯ୍ୟନ୍ତ ଘଟେ ତେବେ ସୂର୍ଯ୍ୟଙ୍କ ମାଧ୍ୟାକର୍ଷଣ ଶକ୍ତି ହେତୁ ପୃଥିବୀ ଅତି ଉଚ୍ଚ ବେଗରେ ଗତି କରିବ। ଏହା ସୂର୍ଯ୍ୟର ମଧ୍ୟଭାଗକୁ ଗତି କରିବ ଏବଂ କିଛି ସମୟ ମଧ୍ୟରେ ଏହା ସୂର୍ଯ୍ୟର ମଧ୍ୟଭାଗରେ ପ୍ରବେଶ କରିବ ଏବଂ ସମଗ୍ର ପୃଥିବୀ ସୂର୍ଯ୍ୟଙ୍କ ନିକଟରେ ଅବଶୋଷିତ ହେବ।

ଏଗୁଡ଼ିକ ଲୋକଙ୍କ ଉତ୍ତର ଥିଲା। କିନ୍ତୁ ବିଜ୍ଞାନ ପ୍ରକୃତରେ କ’ଣ କହୁଛି । ଜ୍ୟୋତିର୍ବିଜ୍ଞାନ ଏବଂ ବିଜ୍ଞାନ ସହ ଜଡ଼ିତ ଏକ ଓ୍ବେବସାଇଟ୍‌ ସ୍ପେସ୍‌ ଡଟ୍‌ କମ୍‌ରେ ଏହି ପ୍ରଶ୍ନର ଉତ୍ତର ଦିଆଯାଇଛି। ଏଥିରେ କୁହାଯାଇଛି ଯେ, ଯଦିଓ ଏହା ସମ୍ଭବ ନୁହେଁ, କିନ୍ତୁ ଯଦି ପୃଥିବୀ ଘୂର୍ଣ୍ଣନ ବନ୍ଦ କରେ ତେବେ ଦିନରାତି ବନ୍ଦ ହୋଇଯିବ। ଯଦି ପୃଥିବୀ ସୂର୍ଯ୍ୟ ଚାରିପଟେ ଘୂରି ବୁଲିବ, ତେବେ ସେଠାରେ ୬ ମାସ ଦିନ ଏବଂ ୬ ମାସ ରାତି ହେବ। ପୃଥିବୀର ଚୁମ୍ବକୀୟ କ୍ଷେତ୍ର ନଷ୍ଟ ହେତୁ ମହାକାଶରୁ ଆସୁଥିବା ବିକିରଣ ପୃଥିବୀରେ ପହଞ୍ଚିବ ଏବଂ ଲୋକଙ୍କ ସ୍ବାସ୍ଥ୍ୟ ଖରାପ ହେବ। ଏହା ପ୍ରାଣୀ ଜଗତର ଧ୍ୱଂସର କାରଣ ହେବ l

ମିଳିଲା ଅଷ୍ଟମ ମହାଦେଶ, ସୂଚନା ଦେଲେ ବୈଜ୍ଞାନିକ

COASTAL NEWS ODIA 929

ମିଳିଲା ଅଷ୍ଟମ ମହାଦେଶ, ସୂଚନା ଦେଲେ ବୈଜ୍ଞାନିକ

 

ଭୁବନେଶ୍ବର - ଭଞ୍ଜ ବିହାରୀ ମହାନ୍ତି - ଆମେ ପୂର୍ବରୁ ଜାଣିଛେ ବିଶ୍ୱରେ ୭ଟି ମହାଦେଶ ରହିଛି। ମାତ୍ର ଭୂବିଜ୍ଞାନୀଙ୍କର ଏକ ଛୋଟ ଦଳ ବିଶ୍ୱର ଅଷ୍ଟମ ମହାଦେଶ ଆବିଷ୍କାର କରିଛନ୍ତି, ଯାହାର ନାମ ଜିଲାଣ୍ଡିଆ। 

ବୈଜ୍ଞାନିକମାନେ ସୂଚନା ଦେଇଛନ୍ତି ଯେ, ଏହି ମହାଦେଶ ଗୋଣ୍ଡଓ୍ବାନା ନାମକ ଏକ ମହାଦେଶର ଅଂଶ ଅଟେ। ପ୍ରାୟ ୧୦୫ ନିୟୁତ ବର୍ଷ ପୂର୍ବେ ଜିଲାଣ୍ଡିଆ ଗୋଣ୍ଡଓ୍ବାନା ଠାରୁ ଅଲଗା ହୋଇଥିଲା। ଜେଲାଣ୍ଡିଆ ପ୍ରଥମେ ୧୬୬୨ ମସିହାରେ ଡଚ୍‌ ବଣିକ ତଥା ନାବିକ ଆବେଲ ତସମାନଙ୍କ ଦ୍ୱାରା ଆବିଷ୍କୃତ ହୋଇଥିଲା।

ନିଖୋଜ କାନାରା ବ୍ୟାଙ୍କ ମ୍ୟାନେଜର୍‌ ତପନ ସାହୁଙ୍କ ମିଳିଲା ପତ୍ତା

COASTAL NEWS ODIA 928

ନିଖୋଜ କାନାରା ବ୍ୟାଙ୍କ ମ୍ୟାନେଜର୍‌ ତପନ ସାହୁଙ୍କ ମିଳିଲା ପତ୍ତା

କଟକ : ଭଞ୍ଜ ବିହାରୀ ମହାନ୍ତି - ବଡ଼ମ୍ବା କାନାରା ବ୍ୟାଙ୍କ ମ୍ୟାନେଜର୍‌ ତପନ ସାହୁଙ୍କ ପତ୍ତା ମିଳିଲା। ଗଞ୍ଜାମ ଜିଲ୍ଲା ଗିରିଶୋଲା ନିକଟରେ ତପନଙ୍କୁ ଧରିଲା ପୋଲିସ୍। ବ୍ୟାଙ୍କ ମ୍ୟାନେଜର ନିଖୋଜ ନେଇ ଥାନାରେ ଅଭିଯୋଗ ହୋଇଥିଲା। ପୋଲିସ ମୋବାଇଲ୍‌ ଟ୍ରାକ୍‌ କରି ତପନଙ୍କୁ ଧରିବାରେ ସଫଳ ହୋଇଛି। ପୋଲିସ ତାଙ୍କୁ ଅଧିକ ପଚରାଉଚରା କରୁଛି।

ସୂଚନାଯୋଗ୍ୟ ଯେ, ତପନଙ୍କ ଘର ଗଞ୍ଜାମ ଜିଲ୍ଲା ବ୍ରହ୍ମପୁର ଅଞ୍ଚଳରେ। ସୋମବାର ସେ ବାଙ୍କୀ କଳାପଥରରୁ ବଡ଼ମ୍ବା ଆସୁଥିବା ସମୟରେ ବାଟରେ କେଉଁଠି ନିଖୋଜ ହୋଇଯାଇଥିଲେ । କଟକ ଜିଲ୍ଲା ବଡ଼ମ୍ବା କାନାରା ବ୍ୟାଙ୍କ ବ୍ରାଞ୍ଚ ମ୍ୟାନେଜର ତପନ ସାହୁ ନିଖୋଜ ନେଇ ବୈଦେଶ୍ବର ଥାନାରେ ଏତଲା ଦିଆଯାଇଥିଲା ।

ଟ୍ୟୁସନ ସାରି ଫେରୁଥିବା ବେଳେ ଏକ ନାବାଳିକା ଝିଅ ନିଖୋଜ

COASTAL NEWS Odia 927

ଟ୍ୟୁସନ ସାରି ଫେରୁଥିବା ବେଳେ ଏକ ନାବାଳିକା ଝିଅ ନିଖୋଜ

ଭଦ୍ରକ  – ଭଞ୍ଜ ବିହାରୀ ମହାନ୍ତି - ଟ୍ୟୁସନ ସାରି ଫେରୁଥିବା ବେଳେ ଏକ ନାବାଳିକା ଝିଅ ନିଖୋଜ ହୋଇଯାଇଛି ବୋଲି ବାଂଶଡା ଥାନାରେ ଅଭିଯୋଗ ହୋଇଛି । ପ୍ରାପ୍ତ ଖବରରୁ ଜଣାଯାଇଛି ବାଂଶଡା ଥାନା ଅର୍ନ୍ତଗତ ନଛିବିନ୍ଧା ଗ୍ରାମର ଜୈନିକା ନାବାଳିକା ଗତକାଲି ଟ୍ୟୁସନକୁ ଯାଇଥିବା ବେଳେ ଆଉ ଘରକୁ ଫେରି ନଥିଲା । ସଂପୃକ୍ତ ଝିଅର ବାପା ନିଜର ବନ୍ଧୁବାନ୍ଧବ ଙ୍କ ଘରେ ବହୁ ଖୋଜା ଖୋଜି ପରେ ମଧ୍ୟ ନ ପାଇବାରୁ ବାଧ୍ୟ ହୋଇ ବାଂଶଡା ଥାନାରେ ଏକ ଲିଖିତ ଅଭିଯୋଗ କରିଛନ୍ତି । 

କୌଣସି ସୂତ୍ରରୁ ଖବର ପାଇ ଝିଅ ର ବାପା ଜାଣିବାକୁ ପାଇଛନ୍ତି ସେହି ଅଂଚଳର ଏକ ପୁଅ ତାଙ୍କର ନାବାଳିକା ଝିଅକୁ ଜୋର ଜବରଦସ୍ତ ନେଇ ଯାଇଛନ୍ତି । ତୁରନ୍ତ ତାଙ୍କର ନାବାଳିକା ଝିଅକୁ ଉଦ୍ଧାର କରିବାକୁ ସେ ପୁଲିସ ପ୍ରଶାସନ ପାଖରେ ଅଭିଯୋଗ କରିଛନ୍ତି । ଏ ନେଇ ବାଂଶଡା ଥାନାଧିକାରୀଙ୍କୁ ପଚାରିବାରୁ ସେ ଖୁବ ଶୀଘ୍ର ସଂପୃକ୍ତ ନାବାଳିକାକୁ ଉଧାର କରିବାକୁ ପ୍ରତିଶ୍ରୁତି ଦେଇଛନ୍ତି ।

ଜେରକ୍ସ ଦୋକାନୀଙ୍କୁ ଫାଇନ୍ : ୩ ଟଙ୍କା ପାଇଁ ଗଣିବେ ୨୫ ହଜାର ତଣ୍ଡ

COASTAL NEWS Odia 926

ଜେରକ୍ସ ଦୋକାନୀଙ୍କୁ ଫାଇନ୍ : ୩ ଟଙ୍କା ପାଇଁ ଗଣିବେ ୨୫ ହଜାର ତଣ୍ଡ

ସମ୍ବଲପୁର  : ଭଞ୍ଜ ବିହାରୀ ମହାନ୍ତି - ୩ ଟଙ୍କା ପାଇଁ ୨୫ ହଜାର ଫାଇନ୍ । ଜେରକ୍ସ ଦୋକାନୀଙ୍କୁ ୨୫ ହଜାର ଟଙ୍କାର ଫାଇନ ଦେବାକୁ କହିଛନ୍ତି ଖାଉଟି ଅଦାଲତ । ଘଟଣାଟି ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଏପରି ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲାରେ। ସମ୍ବଲପୁରରେ ଜଣେ ଜେରକ୍ସ ଦୋକାନୀଙ୍କୁ ୨୫ ହଜାର ଟଙ୍କା ଫାଇନ କରିଛନ୍ତି ଜିଲ୍ଲା ଖାଉଟି ଅଦାଲତ । ମାସେ ଭିତରେ ଟଙ୍କା ନଦେଲେ ୯ ପ୍ରତିଶତ ସୁଧ ସହ ଟଙ୍କା ଦେବାକୁ ପଡ଼ିବ ବୋଲି ରାୟରେ ଉଲ୍ଲେଖ ରହିଛି ।

ସୂଚନା ଅନୁସାରେ ସମ୍ବଲପୁରର ଜଣେ ବରିଷ୍ଠ ସାମ୍ବାଦିକ ପ୍ରଫୁଲ୍ଲ କୁମାର ଦାସ ଗତ ଏପ୍ରିଲ ୨୮ ତାରିଖରେ ଜେରକ୍ସ କରିବାକୁ ଯାଇଥିଲେ । ଗୋଟିଏ କପିକୁ ଜେରକ୍ସ କରି ୫ ଟଙ୍କା ଦେଇଥିଲେ । ଗୋଟିଏ କପି ଜେରକ୍ସ କରିବା ପରେ ବଳକା ୩ ଟଙ୍କା ଫେରାଇନଥିଲେ ଦୋକାନୀ । ତାଙ୍କୁ ଗ୍ରାହକ ଟଙ୍କା ମାଗିବାରୁ ଯୁକ୍ତିତର୍କ କରିବା ସହ ଦୁର୍ବ୍ୟବହାର କରିଥିବା ଅଭିଯୋଗ କରିଥିଲେ । ପରେ ଦୋକାନୀ ଜଣକ ୫ ଟଙ୍କା ଫେରାଇବା ସହ ଭିକାରୀକୁ ଦାନ କରିଦେଲି ବୋଲି କହିଥିଲେ। 

ଏହାକୁ ନେଇ ଖାଉଟି ଅଦାଲତଙ୍କ ଦ୍ବାରସ୍ଥ ହୋଇଥିଲେ ଗ୍ରାହକ । କୋର୍ଟ ମାମଲାର ଶୁଣାଣି କରି ଦୋକାନୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଦୋକାନୀ ଜଣକ କୌଣସି ରସିଦ କିମ୍ବା ବିଲ୍ ନ ଦେଇ ଅସାଧୁ ଉପାୟରେ ବ୍ୟବସାୟ କରୁଥିବା ଦର୍ଶାଇଛନ୍ତି । ବଳକା ୩ ଟଙ୍କା ଫେରସ୍ତ ସହ ୩୦ ଦିନ ମଧ୍ୟରେ ଆବେଦନକାରୀଙ୍କୁ ୨୫ ହଜାର ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି। ନିର୍ଦ୍ଦିଷ୍ଟ ସମୟ ମଧ୍ୟରେ ଜରିମାନା ନଦେଲେ ବାର୍ଷିକ ୯ ପ୍ରତିଶତ ହାରରେ ସୁଧ ଦେବାକୁ କହିଛନ୍ତି।

୫୩ ସ୍ଥାନରେ ଏନ୍‌ଆଇଏ ଚଢ଼ାଉ

COASTAL NEWS Odia 925

୫୩ ସ୍ଥାନରେ ଏନ୍‌ଆଇଏ ଚଢ଼ାଉ

ନୂଆଦିଲ୍ଲୀ - ଆତଙ୍କବାଦୀ, ଗ୍ୟାଙ୍ଗ୍‌ଷ୍ଟର ଓ ଡ୍ରଗ୍ଧ ଚାଲାଣକାରୀଙ୍କ ଅସାଧୁ ମେଣ୍ଟ ଉପରେ ବୁଧବାର ଜାତୀୟ ତଦନ୍ତକାରୀ ସଂସ୍ଥା (ଏନ୍‌ଆଇଏ) ପକ୍ଷରୁ ବଡ଼ କାର୍ଯ୍ୟାନୁଷ୍ଠାନ ନିଆଯାଇଛି। ୫ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳର ୫୫ଟି ସ୍ଥାନରେ ଏହି ଫେଡେରାଲ ଏଜେନ୍ସି ଚଢ଼ାଉ କରିଛି।

ତାଲିକାଭୁକ୍ତ ଆତଙ୍କବାଦୀ ଅର୍ଶ ଦଲ୍ଲାଙ୍କ ସହଯୋଗୀ ଓ ଅନେକ ଦୁର୍ଘ୍ୟନ୍ତ ଗ୍ୟାଙ୍ଗ୍‌ଷ୍ଟରଙ୍କ ବିରୋଧରେ ଚାଲିଥିବା ମାମଲାର ଖୋଳତାଡ଼ ପାଇଁ ପଞ୍ଜାବ, ହରିୟାଣା, ରାଜସ୍ଥାନ, ଉତ୍ତରାଖଣ୍ଡ, ଉତ୍ତର ପ୍ରଦେଶ, ଦିଲ୍ଲୀ ଓ ଚଣ୍ଡିଗଡ଼ରେ ଚଢ଼ାଉ ବେଳେ ବନ୍ଧୁକ, ଅନ୍ୟ ଅସ୍ତ୍ରଶସ୍ତ୍ର, ଡିଜିଟାଲ ଉପକରଣ ଏବଂ ଆପତ୍ତିଜନକ ସାମଗ୍ରୀ ଜବତ କରାଯାଇଛି।

ଏହି ଗ୍ୟାଙ୍ଗ୍‌ଷ୍ଟରମାନେ ପାକିସ୍ତାନ, ୟୁଏଇ, କାନାଡା, ପର୍ତ୍ତୁଗାଲ ସମେତ ଆଉ କେତେକ ଦେଶର ଆତଙ୍କବାଦୀ ସଙ୍ଗଠନଗୁଡ଼ିକ ସହ ଯୋଗସୂତ୍ରରେ ରହି ଡ୍ରଗ୍ଧ ଚାଲାଣ କରୁଥିଲେ ବୋଲି ଜଣେ ଏନ୍‌ଆଇଏ ଅଧିକାରୀ ସୂଚନା ଦେଇଛନ୍ତି।

ଟଙ୍କିକିଆ ଚାଉଳ ପାଇଁ ୧୪କିମି ଯାତ୍ରା

COASTAL NEWS Odia 924

ଟଙ୍କିକିଆ ଚାଉଳ ପାଇଁ ୧୪କିମି ଯାତ୍ରା

 

ପାତ୍ରପୁର :  ଭଞ୍ଜ ବିହାରୀ ମହାନ୍ତି - ଗଞ୍ଜାମ ଜିଲା ପାତ୍ରପୁର ବ୍ଳକରେ ବହୁ ଆଦିବାସୀ ଗ୍ରାମ ଦୁର୍ଗମ ପାହାଡ ଅଞ୍ଚଳରେ ରହିଛି। ଏହି ସବୁ ଗ୍ରାମ ମଧ୍ୟରୁ ବହୁ ଗ୍ରାମକୁ ଏବେ ବି ରାସ୍ତା ସାତ ସପନ ପାଲଟିଛି। ଫଳରେ ଆଦିବାସୀ ଲୋକଙ୍କୁ ବିଭିନ୍ନ କାର୍ଯ୍ୟ ପାଇଁ ଦୁର୍ଗମ ପଥରେ ମାଇଲ ମାଇଲ ଦୂର ଚାଲିବାକୁ ପଡୁଛି। ବହୁ ଆଦିବାସୀ ଗ୍ରାମର ଲୋକମାନେ ଟଙ୍କିକିଆ ଚାଉଳ ସଂଗ୍ରହପାଇଁ ୧୦ରୁ ୨୦ କିମିର ଦୂର ଅତିକ୍ରମ କରୁଛନ୍ତି।

ପାତ୍ରପୁର ବ୍ଲକର ବୁରାତାଲ ପଞ୍ଚାୟତର ବଡ଼ ଅଞ୍ଚୁପା ଏବଂ ସାନ ଅଞ୍ଚୁପା ଗ୍ରାମ ମହେନ୍ଦ୍ରତନୟା ପାହାଡ଼ ଉପରେ ରହିଥିବା ବେଳେ ପଞ୍ଚାୟତ ଠାରୁ ଦୁଇ ଗ୍ରାମର ଦୂରତା ୧୪କିଲୋମିଟର। ବୁରାତାଲ ପଞ୍ଚାୟତଟି ପାହାଡ ଉପରେ ରହିଥିବା ବେଳେ ଲୋକଙ୍କ ଯାତାୟାତ ପାଇଁ ଭଲ ରାସ୍ତା ଟିଏ ନଥିବା ଯୋଗୁଁ ପାହାଡ ତଳ ୭ କିଲୋମିଟର ଦୂର ଡୁଡୁକାବାଡ ନିକଟରେ ପଡ଼ିକାର୍ଡ ରେ ସାମଗ୍ରୀ ବଣ୍ଟନ କରାଯିବା ସହିତ ପଞ୍ଚାୟତର ବିଭିନ୍ନ କାର୍ଯ୍ୟ ସମ୍ପାଦନ ହେଉଛି। 

ଡୁଡୁକାବାଡଠାରୁ ବଡ଼ ଅଞ୍ଚୁପା, ସାନ ଅଞ୍ଚୁପା ପ୍ରାୟ ୧୪ କିଲୋମିଟର ଦୂରତା ହୋଇ ଥିବା ବେଳେ ଲୋକମାନେ ପଞ୍ଚାୟତରୁ ବିଭିନ୍ନ ସାମଗ୍ରୀ ମୁଣ୍ଡରେ ଧରି ଘାଟି ରାସ୍ତାରେ ଚାଲିଚାଲି ଫେରିଥାନ୍ତି। ଦୁଇ ଗ୍ରାମ ମଧ୍ୟରୁ ବଡ଼ ଅଞ୍ଚୁପା ଗ୍ରାମ ପଞ୍ଚାୟତ ର ସର୍ବ ବୃହତ୍ ଗ୍ରାମ। ଗ୍ରାମରେ ୧୨୦ ପରିବାରର ୬୦୦ରୁ ଊର୍ଦ୍ଧ୍ବ ଆଦିବାସୀ ବସବାସ କରନ୍ତି। ଗ୍ରାମକୁ ଜିନିଷ ନେବାକୁ ହେଲେ ଗଜପତି ସୀମା ମାଡା ପର୍ଯ୍ୟନ୍ତ ଅଟୋରେ ଯିବା ପରେ ପାହାଡ଼, ଘାଟି ଓ ମାଟି ରାସ୍ତାରେ ଚାଲିଚାଲି ବହୁ କଷ୍ଟରେ ଯିବାକୁ ପଡୁଛି। ଟଙ୍କିକିଆ ସାମଗ୍ରୀ ପରିବହନ ପାଇଁ ଲୋକମାନେ ଗ୍ରାମରୁ ଘାଟି ରାସ୍ତା ରେ ମାଡା ଆସିବା ପରେ ସେଠାରୁ ଅଟୋ ଭଡ଼ା କରି ଡୁଡୁକାବାଡ ଯାଇ ସେହିଠାରୁ ପୁଣି ଜିନିଷ ଧରି ଫେରିଆନ୍ତି। 

ଏହି ପାହାଡିଆ ଅଞ୍ଚଳରେ ଲୋକମାନେ ପଡି କାର୍ଡ ରେ ଜିନିଷ ସଂଗ୍ରହ ସହ ଭତ୍ତା ଏବଂ ବିଭିନ୍ନ କାର୍ଯ୍ୟ ପାଇଁ ଡୁଡୁକାବାଡ ଆସି ଥାଆନ୍ତି।ତେବେ କାର୍ଯ୍ୟ ରେ ବିଳମ୍ବହେଲେ ଫେରିବା ବେଳେ ରାତି ହୋଇଗଲେ ଜଙ୍ଗଲ ରାସ୍ତାରେ ଯିବାକୁ ପଡିଥାଏ। ଗ୍ରାମକୁ ରାସ୍ତା ନିର୍ମାଣ ପାଇଁ ବାରମ୍ବାର ଦାବି ପରେ ଜଙ୍ଗଲ ମଧ୍ୟରେ ବହୁ ଗଛ କାଟି ମାଟି ରାସ୍ତା ନିର୍ମାଣ ହୋଇଥିଲା। ବର୍ଷାରେ ମାଟି ଧୋଇ ଖାଲଖମା ହେବା ସହ ଲଟାବୁଦା ମାଡ଼ିଯାଇଥିବାରୁ ଯାତାୟାତରେ ସମସ୍ୟା ଦେଖାଦେଇଛି।

ପଞ୍ଚାୟତର ବଡ଼ ଗ୍ରାମ ହୋଇ ଥିବା ସତ୍ତ୍ବେ ବଡ଼ଅଞ୍ଚୁପାକୁ ପକ୍କା ରାସ୍ତା ଟିଏ ନଥିବାରୁ ରୋଗୀ ,ପ୍ରସବ ପାଇଁ ଯାଉଥିବା ମହିଳା ସହିତ ସାଧାରଣ ଜନତା ଡାକ୍ତରଖାନା, ବ୍ଲକ୍ ସହିତ ବିଭିନ୍ନ ସ୍ଥାନକୁ ଯିବାକୁ ବହୁ ଅସୁବିଧାର ସମ୍ମୁଖୀନ୍ ହୋଇଥାନ୍ତି। ଗାଁକୁ ରାସ୍ତା ନିର୍ମାଣପାଇଁ ଗ୍ରାମବାସୀ ବାରମ୍ବାର ନିବେଦନ କରିବା ସତ୍ତ୍ବେ ସେଥିପ୍ରତି କର୍ତ୍ତୃପକ୍ଷ ଦୃଷ୍ଟି ଦେଉନଥିବା ଅଭିଯୋଗ ହେଉଛି। ଏହି ଦୁଇ ଗ୍ରାମ ସହିତ ରାସ୍ତା ନଥିବା ଗ୍ରାମକୁ ତୁରନ୍ତ ରାସ୍ତା ନିର୍ମାଣ କଲେ ଗାଁବାସୀ ଉପକୃତ ହୋଇପାରିବେ ବୋଲି ମତ ପ୍ରକାଶ ପାଉଛି।

୧୦ରୁ ଘରୋଇ ବସ୍ ଧର୍ମଘଟ

COASTAL NEWS Odia 923

୧୦ରୁ ଘରୋଇ ବସ୍ ଧର୍ମଘଟ

 

ଭୁବନେଶ୍ୱର : ଭଞ୍ଜ  ବିହାରୀ ମହାନ୍ତି - ରାଜ୍ୟ ସରକାରଙ୍କ ‘ଲକ୍ଷ୍ମୀ’ ବସ୍ ଯୋଜନାକୁ ବିରୋଧ କରି ନିଖିଳ ଓଡ଼ିଶା ଘରୋଇ ବସ ମାଲିକ ସଂଘ ଆସନ୍ତା ଅକ୍ଟୋବର ୧୦ରୁ ରାଜ୍ୟବ୍ୟାପୀ ଅନିର୍ଦିଷ୍ଟ କାଳ ପର୍ଯ୍ୟନ୍ତ ଧର୍ମଘଟ କରିବାକୁ ଘୋଷଣା କରିଛି। ବୁଧବାର ଅନୁଷ୍ଠିତ ସଂଘର ସାଧାରଣ ପରିଷଦ ବୈଠକରେ ଏହି ନିଷ୍ପତ୍ତି ହୋଇଥିବା ନେଇ ସାଧାରଣ ସମ୍ପାଦକ ଦେବେନ୍ଦ୍ର ସାହୁ ସୂଚନା ଦେଇଛନ୍ତି। ସୂଚନାେଯାଗ୍ୟ ଯେ ଆସନ୍ତା ୨ ତାରିଖରେ ମାଲକାନଗିରିରେ ଲକ୍ଷ୍ମୀ ବସ୍ ଯୋଜନାର ଶୁଭାରମ୍ଭ ହେବାକୁ ଯାଉଛି । ସେହିଦିନ କେବଳ କୋରାପୁଟ, ମାଲକାନଗିରି, ଜୟପୁର ଓ ନବରଙ୍ଗପୁରକୁ କୌଣସି ଘରୋଇ ବସ୍ ଚଳାଚଳ କରିବ ନାହିଁ। ଏହା ପରେ ଅକ୍ଟୋବର ୧୦ରୁ ସାରା ରାଜ୍ୟରେ ଅନିର୍ଦିଷ୍ଟ କାଳ ପର୍ଯ୍ୟନ୍ତ ବସ ଧର୍ମଘଟ ଚାଲିବ।

ନିଖିଳ ଓଡ଼ିଶା ଘରୋଇ ବସ୍ ମାଲିକ ସଂଘ ସାଧାରଣ ସମ୍ପାଦକ ଦେବେନ୍ଦ୍ର ସାହୁ କହିଛନ୍ତି, ଲକ୍ଷ୍ମୀ ଯୋଜନାରେ ବସ୍‌ ନ କିଣି ଆମ ବସକୁ ଲିଜ୍‌ରେ ନେଇ ଚଲାଇବାକୁ ସରକାରଙ୍କୁ ପ୍ରସ୍ତାବ ଦେଇଥିଲୁ। ୩ ମାସ ହେଲା ସରକାରଙ୍କ ସହ ଏ ନେଇ ଆଲୋଚନା ମଧ୍ୟ ହେଇଥିଲା। ରାଜ୍ୟ ସରକାର ବସମାଲିକଙ୍କ ସ୍ବାର୍ଥକୁ ଉପେକ୍ଷା କରି ଲକ୍ଷ୍ମୀ ଯୋଜନାରେ ବସ୍‌ ସେବା ଆରମ୍ଭ କରିବାକୁ ଯାଉଛନ୍ତି। ଯଦି ରାଜ୍ୟ ସରକାର ଲକ୍ଷ୍ମୀ ଯୋଜନାରେ ବସ ଚଳାଇବେ, ଆମେ କେଉଁଠି ବସ୍‌ ଚଳାଇବୁ? ଏହି ଯୋଜନାରେ ସରକାର ରାଜ୍ୟ ବାହାର ସଂସ୍ଥାକୁ ମାଲେମାଲ କରିବାକୁ ବସିଥିବା ବେଳେ ଆମକୁ ବରବାଦ କରିବା ପାଇଁ ଯୋଜନା କରୁଛନ୍ତି। ମୋ’ ବସ ଓ ଲକ୍ଷ୍ମୀ ବସ ପାଇଁ ସ୍ୱତନ୍ତ୍ର ମାର୍ଗଦର୍ଶିକା ନ ଆସିଲା ପର୍ଯ୍ୟନ୍ତ ବସ୍‌ ଧର୍ମଘଟ ଜାରି ରହିବ ବୋଲି ଶ୍ରୀ ସାହୁ କହିଛନ୍ତି।

ଭାରତରେ ୪୦ ପ୍ରତିଶତରୁ ଅଧିକ ବରିଷ୍ଠ ନାଗରିକ ଗରିବ

COASTAL NEWS Odia 922

ଭାରତରେ ୪୦ ପ୍ରତିଶତରୁ ଅଧିକ ବରିଷ୍ଠ ନାଗରିକ ଗରିବ

 

ଜେନେଭା,୨୮।୯ : ଭଞ୍ଜ ବିହାରୀ ମହାନ୍ତି - ମିଳିତ ଜାତିସଂଘର ଏକ ନୂତନ ରିପୋର୍ଟ ସାମ୍ନାକୁ ଆସିଛି। ଯେଉଁଥିରେ କୁହାଯାଇଛି ଭାରତର ୪୦ ପ୍ରତିଶତରୁ ଅଧିକ ବରିଷ୍ଠ ନାଗରିକ ଗରିବ ଗୋଷ୍ଠୀରେ ଅଛନ୍ତି। ଏହି ରିପୋର୍ଟରେ ଦର୍ଶାଯାଇଛି ସେମାନଙ୍କ ମଧ୍ୟରୁ ପ୍ରାୟ ୧୮.୭ ପ୍ରତିଶତ ଆୟ ବିନା ବଞ୍ଚନ୍ତି।

ୟୁଏନଏଫପିଏର ଇଣ୍ଡିଆ ଏଜିଂ ରିପୋର୍ଟ ୨୦୨୩ ଅନୁଯାୟୀ, ବରିଷ୍ଠ ନାଗରିକମାନଙ୍କ ମଧ୍ୟରେ ଏହି ଦାରିଦ୍ର୍ୟର ସ୍ତର ସେମାନଙ୍କ ଜୀବନଶୈଳୀ ତଥା ସ୍ବାସ୍ଥ୍ୟସେବା ଉପରେ ପ୍ରଭାବ ପକାଇବାର ଆଶଙ୍କା ରହିଥାଏ। ରିପୋର୍ଟରେ କୁହାଯାଇଛି ୧୭ଟି ରାଜ୍ୟରେ ଏହି ଅନୁପାତ ଜାତୀୟ ସ୍ତରରୁ ଅଧିକ ରହିଛି। ଉତ୍ତରପ୍ରଦେଶରେ ଏହା ୧୯.୩ ପ୍ରତିଶତ ଥିବାବେଳେ ଲାକ୍ଷାଦ୍ୱୀପରେ ଏହା ୪୨.୪ ପ୍ରତିଶତ ରହିଛି। ସେମାନଙ୍କ ମଧ୍ୟରେ ମହିଳାମାନଙ୍କର ଆୟୁଷ ଅଧିକ ଥାଏ, ଯାହା ଅନେକ ଦେଶରେ ଶୈଳୀ ସହିତ ସମାନ ଅଟେ। 

ରାଜସ୍ଥାନ, ହରିୟାଣା, ଗୁଜରାଟ, ଉତ୍ତରାଖଣ୍ଡ, କେରଳ, ହିମାଚଳ ପ୍ରଦେଶ ଏବଂ ଜମ୍ମୁ-କଶ୍ମୀରର ଭଳି ରାଜ୍ୟରେ ୬୦ବର୍ଷରୁ ଅଧିକ ମହିଳାଙ୍କ ଜୀବନ ପ୍ରତ୍ୟାଶା ୨୦ ବର୍ଷରୁ ଅଧିକ ହୋଇଥିବାରୁ ସେମାନଙ୍କ ସାମାଜିକ ତଥା ଅର୍ଥନୈତିକ ଉନ୍ନତି ପାଇଁ ଚିନ୍ତା ବଢ଼ାଇଥାଏ।

୨୦୧୪ ରୁ ୨୦୨୧ ପର୍ଯ୍ୟନ୍ତ କର୍ପୋରେଟ ସାମାଜିକ ଦାୟିତ୍ୱ ଅନ୍ତର୍ଗତ ବରିଷ୍ଠ ନାଗରିକଙ୍କ ପାଇଁ ୧୨୫୯.୬ ବିଲିୟନ ଟଙ୍କା ଖର୍ଚ୍ଚ ହୋଇଥିବା ରିପୋର୍ଟରେ ଦର୍ଶାଯାଇଛି, ଯାହା ସାତ ବର୍ଷ ମଧ୍ୟରେ ୧୮୨ ପ୍ରତିଶତ ବୃଦ୍ଧି ହୋଇଛି।

ଏକତରଫା ପ୍ରେମର ପରିଣତି ଛାତ୍ରୀଙ୍କୁ ଅପହରଣ ; ଯୁବକ ଗିରଫ

COASTAL NEWS Odia 821

ଏକତରଫା ପ୍ରେମର ପରିଣତି ଛାତ୍ରୀଙ୍କୁ ଅପହରଣ ; ଯୁବକ ଗିରଫ

ଆଳି - ଆଳି ବ୍ଲକ ଅନ୍ତର୍ଗତ ଜୁଅଣିଆ ପଞ୍ଚାୟତ ର ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ କରିଥିବା ଅଭିଯୁକ୍ତ ଯୁବକଙ୍କୁ ଆଳି ପୁଲିସ ଗିରଫ କରି କୋର୍ଟ ଚାଲାଣ କରିଛି ଓ ପୀଡିତା ଙ୍କୁ ତାଙ୍କ ପରିବାରକୁ ହସ୍ତାନ୍ତର କରାଯାଇଛି । ଜାମିନ ନାମଞ୍ଜୁର ହେବାରୁ ଅଭିଯୁକ୍ତକୁ ବାରିମୂଳ ଜେଲକୁ ପଠାଇ ଦିଆଯାଇଛି।

ପୀଡ଼ିତାଙ୍କ ମା’ଙ୍କ ଅଭିଯୋଗ ଅନୁଯାୟୀ ଜୁଅଣିଆ ପଞ୍ଚାୟତ ହଦୁଆ ଗ୍ରାମର ବାପୁନି ଜେନା ଓରଫ ଦିଲ୍ଲୀପ ସ୍ଥାନୀୟ ଅଞ୍ଚଳର ଜଣେ ଦଶମ ଶ୍ରେଣୀ ଛାତ୍ରୀ (୧୫) ଙ୍କୁ ଗତ ୧୯ ତାରିଖ ଦିନ ଗଣେଶ ପୂଜା ପାଇଁ ସ୍କୁଲ୍‌କୁ ଯାଉଥିବା ବେଳେ ତାଙ୍କୁ ବଳପୂର୍ବକ ବାପୁନିର ସହଯୋଗୀ ହଦୁଆ ଗ୍ରାମର ହଳିଆ ଜେନା ସଂପୃକ୍ତ ଛାତ୍ରୀଙ୍କୁ ଜୋର ଜବରଦସ୍ତ ବାପୁନି ସହ ଏକ ବୁଲେଟ୍‌ ମୋଟର ସାଇକେଲ ରେ ବସାଇ ଫେରାର୍ କରାଇବାରେ ସହାୟକ ହୋଇଥିଲା । 

ବାପୁନି ଦ୍ରୁତ ଗତିରେ ଗାଡ଼ି ଚଳାଇ ଛାତ୍ରୀଙ୍କୁ ନେଇ ବିଂଝାରପୁର ଆଡ଼କୁ ପଳାଇଥିଲା । ଛାତ୍ରୀଙ୍କ ମା’ ସ୍ଥାନୀୟ ସରପଞ୍ଚଙ୍କ ସହାୟତାରେ ଖୋଜାଖୋଜି କରି ନପାଇବାରୁ ଆଳି ଥାନାର ଦ୍ବାରସ୍ଥ ହୋଇଥିଲେ । ପୁଲିସ ଅଭିଯୋଗ ଆଧାରରେ ଆଇଆଇସି ସବ୍ୟସାଚୀ ଶତପଥୀଙ୍କ ନିର୍ଦ୍ଦେଶ କ୍ରମେ ତଦନ୍ତକାରୀ ଅଧିକାରୀ ପି.କେ. ପଟ୍ଟନାୟକ ଅନୁସନ୍ଧାନ କରି ଅଭିଯୁକ୍ତ ଓ ପୀଡ଼ିତାଙ୍କୁ କଟକର ଏକ ଘରୋଇ ହସ୍ପିଟାଲରୁ ଉଦ୍ଧାର କରିଥିଲେ।

ପୀଡିତା ଙ୍କୁ ତାଙ୍କ ପରିବାରକୁ ହସ୍ତାନ୍ତର କରାଯାଇଛି 

ମହାକାଶଯାତ୍ରୀଙ୍କୁ ସ୍ଵାଭାବିକ ହେବା ପାଇଁ ୩ ବର୍ଷ ସମୟ ଲାଗେ

COASTAL NEWS Odia 920

ମହାକାଶଯାତ୍ରୀଙ୍କୁ ସ୍ଵାଭାବିକ ହେବା ପାଇଁ ୩ ବର୍ଷ ସମୟ ଲାଗେ

ନୂଆଦିଲ୍ଲୀ - ପୃଥିବୀର ବାୟୁମଣ୍ଡଳର ବାହାରେ ଥିବାବେଳେ, ମହାକାଶଚାରୀଙ୍କ ମସ୍ତିଷ୍କରେ ତରଳ ଭର୍ଭି କୋଷଗୁଡ଼ିକ ଓବିସ୍ତାର କରି ମାଇକ୍ରୋଗ୍ରାଭିଟି ସହିତ ଖାପ ଖୁଆଇ କାର୍ଯ୍ୟ କରେ କିନ୍ତୁ ମହାକାଶଯାତ୍ରାରୁ ପରେ, ଏହି ସଂରଚନାଗୁଡିକ ସ୍ବାଭାବିକ ଅବସ୍ଥାକୁ ଫେରିବାକୁ ତିନି ବର୍ଷ କିମ୍ବା ଅଧିକ ସମୟ ମଧ୍ୟ ଲାଗିଥାଏ। 

ଅନୁସନ୍ଧାନକାରୀମାନେ ଏହି ତଥ୍ୟକୁ ଭଲଭାବେ ବିଶ୍ଳେଷଣ କରି ବୈଜ୍ଞାନିକ ତଥ୍ୟ ପ୍ରକାଶ କରିଛନ୍ତି । ଗବେଷଣାରୁ ଜଣାପଡ଼ିଛି ଯେ ମହାକାଶଚାରୀମାନେ ସେମାନଙ୍କର ମସ୍ତିଷ୍କ ପୁନର୍ବାର ମହାକାଶରେ ରହିବାକୁ ପ୍ରସ୍ତୁତ ହେବା ପୂର୍ବରୁ ଅଧିକ ସମୟ ବିଶ୍ରାମର ଆବଶ୍ୟକ କରିଥା'ନ୍ତି । ମହାକାଶରେ ସାମାନ୍ୟ ମାଧ୍ୟାକର୍ଷଣରେ ମସ୍ତିଷ୍କର କେନ୍ଦ୍ରରେ ଥିବା ତରଳ ପଦାର୍ଥ ଯୋଗୁଁ ଜଣେ ମହାକାଶଚାରୀଙ୍କ ମସ୍ତିଷ୍କରେ ପ୍ରଭାବ ପଡ଼ିଥାଏ। ତେଣୁ ଯାତ୍ରାରୁ ଫେରିବା ପରେ ମହାକାଶଯାତ୍ରୀଙ୍କୁ ସ୍ଵାଭାବିକ ହେବା ପାଇଁ ୩ ବର୍ଷ ସମୟ ଲାଗେ ବୋଲି ଫ୍ଲୋରିଡା ବିଶ୍ବବିଦ୍ୟାଳୟର ମହାକାଶ ବିଜ୍ଞାନୀ ରାଚେଲ ସେଡଲର କହିଛନ୍ତି । 

ଏହି ଗବେଷକ ତାଙ୍କ ଦଳ ସହ ମିଶି ୩୦ ଜଣ ମହାକାଶଚାରୀଙ୍କୁ ସାମିଲ କରି ମିଶନ ପୂର୍ବରୁ ଏବଂ ପରେ ଏମଆରଆଇ ମସ୍ତିଷ୍କ ସ୍କାନ ଯାଞ୍ଚ କରିବାରୁ ବିଶ୍ଳେଷଣ ଦର୍ଶାଇଲା ଯେ ମହାକାଶରେ ରହଣି ଯେତେ ଅଧିକ ସମୟ ଚାଲିବ, ମସ୍ତିଷ୍କ ଆଭ୍ୟନ୍ତରୀଣ କୋଷ ମଧ୍ଯ ସେଇଭଳି ଭାବେ ସମ୍ପ୍ରସାରିତ ହେବ । ଦୁଇ କିମ୍ବା ତିନି ସପ୍ତାହ ମହାକାଶରେ ରହି ଫେରୁଥିବା ମହାକାଶଚାରୀଙ୍କ ମସ୍ତିଷ୍କ ସେଭଳି ଭାବେ ପ୍ରଭାବିତ ହୋଇନଥିଲା କିନ୍ତୁ ଯେଉଁମାନେ ଦୁଇ ମାସରୁ ଅଧିକ ସମୟ ସେଠାରେ ରହି ଫେରୁଥିଲେ, ସେମାନଙ୍କଠାରେ ଅଧିକ କୋଷ ସମ୍ପ୍ରସାରଣ ହୋଇଥିବା ଲକ୍ଷ୍ୟ କରିଥିଲେ ଗବେଷକଦଳ। 

ମସ୍ତିଷ୍କ ଉପରେ ମହାକାଶ ଯାତ୍ରାର ଚାପ ସମ୍ପର୍କିତ ତଥ୍ୟ ହାସଲ କରିବା ପରେ ନାସା ସ୍ଥିର କରିଛି ଯେଉଁ ଲୋକମାନଙ୍କୁ ମଙ୍ଗଳ ଗ୍ରହକୁ ପଠାଇବାକୁ ଲକ୍ଷ୍ୟ ରଖାଯାଇଛି, ସେମାନେ ଦୁଇ ବର୍ଷର ରହଣି ପରେ ପୃଥିବୀକୁ ଫେରିବେ।

ଇରାକରେ ବିବାହ ମଣ୍ଡପରେ ଅଗ୍ନିକାଣ୍ଡ ବରକନ୍ୟାଙ୍କ ସହ ଜଳିଗଲେ ୧୦୦ରୁ ଅଧିକ ଅତିଥି

COASTAL NEWS Odia 920

 ଇରାକରେ ବିବାହ ମଣ୍ଡପରେ ଅଗ୍ନିକାଣ୍ଡ

ବରକନ୍ୟାଙ୍କ ସହ ଜଳିଗଲେ

୧୦୦ରୁ ଅଧିକ ଅତିଥି 

ବାଗଦାଦ - ଉତ୍ତର ଇରାକର ହାମୁନିୟା ସହରରେ ଏକ ବିବାହ ଉତ୍ସବ ଚାଲିଥିବା ବେଳେ ଅଗ୍ନିକାଣ୍ଡ ଘଟି ୧୦୦ରୁ ଅଧିକ ଲୋକଙ୍କ ମୃତ୍ୟୁ ହେବା ସହିତ ୧୫୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି। ଆହତମାନଙ୍କ ଅବସ୍ଥା ଗମ୍ଭୀର ରହିଥିବାରୁ ମୃତ୍ୟୁସଂଖ୍ୟା ଆହୁରି ବୃଦ୍ଧି ପାଇବାର ଆଶଙ୍କା ବଢାଇଛି। 

ମିଳିଥିବା ଖବର ଅନୁସାରେ ଇରାକ୍ର ମୋସୁଲ ସହରର ନିକଟସ୍ଥ ଅଞ୍ଚଳ ହେଉଛି ହାସ୍ନାନିୟା ଅଞ୍ଚଳ । ଯେଉଁଠି ଅଧିକାଂଶ ଭାବେ ଖ୍ରୀଷ୍ଟିଆନ ସଂପ୍ରଦାୟର ଲୋକ ବସବାସ କରିଥାଆନ୍ତି। ମଙ୍ଗଳବାର ରାତିରେ ଏଠାକାର ଏକ ବିବାହ ମଣ୍ଡପରେ ବିବାହ ଉତ୍ସବ ଚାଲିଥିବା ବେଳେ ଅଚାନକ ଭାବେ ମଣ୍ଡପରେ ନିଆଁ ଲାଗି ଯାଇଥିଲା। ନିଆଁର ବେଗ ଏତେ ତୀବ୍ର ଥିଲା ଯେ, ନିମିଷକ ମଧ୍ୟରେ ସମଗ୍ର ହଲ୍ ହୁତହୁତ ହୋଇ ଜଳିଥିଲା। 

ଏହି ସମୟର ଏକ ଭିଡିଓ ଦୃଶ୍ୟ ଭାଇରାଲ ହୋଇଥିବା ବେଳେ ନିଆଁର ପ୍ରଖରତା କେତେ ଥିଲା ତାହା ସ୍ପଷ୍ଟ ହୋଇଛି।ଆହତମାନଙ୍କୁ ସ୍ଥାନୀୟ ହସ୍ପିଟାଲଗୁଡିକରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି। ତେବେ ଅଗ୍ନିକାଣ୍ଡର କାରଣ କଣ ଥିଲା ତାହା ସ୍ପଷ୍ଟ ହୋଇ ନାହିଁ ।

ଆଜିର ରାଶିଫଳ

COASTAL NEWS Odia 918

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଡ:ବାୟୁନନ୍ଦନ ମିଶ୍ର*  

 

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉: ସମସ୍ତଙ୍କୁ ସାଙ୍ଗରେ ନେଇ ଆଗକୁ ବଢ଼ିବା ନିଷ୍ପତି ସଫଳ ସାବ୍ୟସ୍ତ ହେବ। କ୍ୟାରିଅର ଗଢ଼ିବା ଲାଗି ଭଲ ସୁଯୋଗ ପାଇବେ। ଓକିଲଙ୍କୁ ପୁରୁଣା ମକଦ୍ଦମାରେ ସଫଳତା ମିଳିବ। ବେପାରରେ କୌଣସି ନୂଆ ଅନୁବନ୍ଧ ହୋଇପାରେ।* 

*✧═════•❁❀❁•═════✧*

*🌹ବୃଷ🌹👉: ପ୍ରଭୁଙ୍କ କୃପା ଦୃଷ୍ଟି ଆପଣଙ୍କ ଉପରେ ରହିଛି। ଆପଣଙ୍କୁ ଉନ୍ନତିର କୌଣସି ଭଲ ସୁଯୋଗ ମିଳିବ। ଆର୍ଥିକ ରୂପେ ଆପଣ ମଜଭୁତ ରହିବେ। ସନ୍ତାନଙ୍କ ପକ୍ଷରୁ କୌଣସି ଖୁସି ଖବର ପାଇବେ। ପାରିବାରିକ ଜୀବନ ଶାନ୍ତିମୟ ହେବ।* 

*✧═════•❁❀❁•═════✧*

*🌹ମିଥୁନ🌹👉: ଧ୍ୟାନ ଓ ଯୋଗ ମାଧ୍ୟମ ରେ ଆପଣଙ୍କ ଭାବନା ଉପରେ ନିୟନ୍ତ୍ରଣ ରଖିବାରେ ଶିକ୍ଷା ଲାଭ କରିବେ। ଆପଣଙ୍କର କୌଣସି ଜରୁରୀ କାମ ସମାପ୍ତ କରିବାରେ ସଫଳ ହେବେ। ମହିଳାମାନଙ୍କ ଲାଗି ଦିନଟି ଭଲ ରହିବ।* 

*✧═════•❁❀❁•═════✧*

*🌹କର୍କଟ🌹👉: ସକାରାତ୍ମକ ମନୋଭାବରେ ରହନ୍ତୁ, କାମ କରିବା ସହଜ ହେବ। ବ୍ୟବସାୟର ନୂଆ ଗ୍ରୁପରେ ଯୋଡ଼ିବାର ବିଚାର କରିବେ। ସାମାଜିକ କାର୍ଯ୍ୟରେ ମହତ୍ବପୂର୍ଣ୍ଣ ଭୂମିକା ନିର୍ବାହ କରିବେ। ଛାତ୍ରଙ୍କୁ ପରିଶ୍ରମର ସୁଫଳ ମିଳିବ।*

*✧═════•❁❀❁•═════✧*

*🌹ସିଂହ🌹👉: ଆପଣଙ୍କ ମନ ପ୍ରସନ୍ନ ରହିବ। ଆପଣଙ୍କ କାମ ପାଇଁ ଆର୍ଥିକ ସହାୟତା ମିଳିବ। ଗଣମାଧୢମ ଓ ସ˚ଚାର କ୍ଷେତ୍ରରେ କାମ କରୁଥିବା ବ୍ୟକ୍ତି ବିଶେଷଙ୍କର ପ୍ରଗତି ହେବ। ପରିବାର ଲୋକଙ୍କ ସହିତ ସୁଖଦ ସମୟ ବିତେଇବେ।* 

*✧═════•❁❀❁•═════✧*

*🌹କନ୍ୟା🌹👉: ଆର୍ଥିକ ଲାଭ ପାଇଁ ସୁନ୍ଦର ଦିନଟିଏ। ନୂଆ ପରିଯୋଜନାରେ କାମ କରିବେ। ଆପଣଙ୍କ କାମରେ ସବୁ ଲୋକ ଖୁସି ରହିବେ। ବ୍ୟବସାୟୀଙ୍କୁ ନୂଆ ନିବେଶରେ ଲାଭ ହେବ। ଛାତ୍ରଙ୍କ ମନରେ ବିଭିନ୍ନ ପ୍ରକାର କଥା ଘୂରି ବୁଲିବ।* 

*✧═════•❁❀❁•═════✧*

*🌹ତୁଳା🌹👉: କାମ ଧନ୍ଦା ମାମଲାରେ ପରିସ୍ଥିତି ବଢ଼ିଆ ରହିବ। ଇଲେକଟ୍ରୋନିକ୍ସ ବ୍ୟବସାୟୀଙ୍କୁ ପ୍ରଚୁର ଲାଭ ମିଳିବ। ଖେଳାଳିମାନେ ସୁନାମ ଅର୍ଜନ କରିବେ। ସନ୍ତାନ ଆପଣଙ୍କୁ କୌଣସି ଭଲ ଖବର ଶୁଣାଇବେ। ପାରିବାରିକ ଜୀବନ ସୁଖମୟ ହେବ।* 

*✧═════•❁❀❁•═════✧*

*🌹ବିଛା🌹👉: ନିଜକୁ ଊର୍ଜାବାନ ଅନୁଭବ କରିବେ। କୌଣସି ଅନୁଭବୀ ବ୍ୟକ୍ତିଙ୍କର ରାୟ ଆପଣଙ୍କ ଲାଗି ବଢ଼ିଆ ସାବ୍ୟସ୍ତ ହେବ। ବ୍ୟବସାୟରେ ନୂଆ ଚୁକ୍ତିପତ୍ର ହେବ। ଦାମ୍ପତ୍ୟ ଜୀବନରେ ତାଳମେଳ ଓ ମଧୁରତା ବଜାୟ ରହିବ।* 

*✧═════•❁❀❁•═════✧*

*🌹ଧନୁ🌹👉: କାମ ପ୍ରତି ଆପଣଙ୍କ ଉତ୍ସାହ ବୃଦ୍ଧି ହେବ। ପଇସା ଚିନ୍ତା ଦୂର ହେବ। କଳାକାରଙ୍କୁ ଫିଲ୍ମର ସୁଯୋଗ ମିଳିବ। ଅଫିସରେ ଆପଣଙ୍କର ସହଯୋଗୀ ଆପଣଙ୍କୁ ସାହାଯ୍ୟ ମାଗିବେ। ପ୍ରିୟ ବନ୍ଧୁଙ୍କ ସହିତ ଆପଣଙ୍କ ସମ୍ବନ୍ଧ ଭଲ ରହିବ।* 

*✧═════•❁❀❁•═════✧*

*🌹ମକର🌹👉: ଆପଣଙ୍କ ମନୋବଳ ଦୃଢ଼ ରହିବ। ଆପଣଙ୍କର କୌଣସି କାମ ବାଧା ପ୍ରାପ୍ତ ହେବ ନାହିଁ। ରାଜନୀତି କ୍ଷେତ୍ରରେ ଥିବା ବ୍ୟକ୍ତି ବିଶେଷଙ୍କୁ କୌଣସି ନୂଆ ଦାୟିତ୍ବ ମିଳିପାରେ। ପରିବାର ସଦସ୍ୟମାନଙ୍କ ସହିତ ଉତ୍ତମ ବୁଝାମଣା ରହିବ ।*

*✧═════•❁❀❁•═════✧*

*🌹କୁମ୍ଭ🌹👉: ଆପଣଙ୍କ ଉପରେ ଭରସା ରଖନ୍ତୁ ଏବ˚ ନିଜ ବୁଦ୍ଧିରେ ଆଗକୁ ବଢ଼ନ୍ତୁ। କୌଣସି ଜରୁରୀ କାମରେ ଭାଇ ଭଉଣୀଙ୍କ ସହଯୋଗ ପ୍ରାପ୍ତ ହେବ। ବ୍ୟବସାୟକୁ ନେଇ ଭଲ ସଉଦା ହେବାର ସମ୍ଭାବନା। ପ୍ରିୟତମଙ୍କଠାରୁ ଉପହାର ପାଇବେ।* 

*✧═════•❁❀❁•═════✧*

*🌹ମୀନ🌹👉: ଦିନଟି ଆପଣଙ୍କ ପାଇଁ ଉତ୍‌ଥାନ ପତନ ଲାଗି ରହିବ। ବ୍ୟବସାୟରେ ପ୍ରତିଯୋଗୀ ମନୋଭାବ ପରିତ୍ୟାଗ କରନ୍ତୁ। ପିଲା ଦିନର ସାଙ୍ଗଙ୍କ ସହିତ ସାକ୍ଷାତ୍‌ ଆଲୋଚନା ହେବ। ବୈବାହିକ ଜୀବନ ଖୁସିରେ ଭରା ରହିବ।*

*✧═════•❁❀❁•═════✧*

ଇତିହାସ ରଚିଲେ ଶୁବମନ ଗିଲ୍

COASTAL NEWS Odia 917

ଇତିହାସ ରଚିଲେ ଶୁବମନ ଗିଲ୍

ଇନ୍ଦୋର - ତେନ୍ଦୁଲକର-କୋହଲିଙ୍କୁ ପଛରେ ପକାଇ ଶୁବମନ ଗିଲ୍ କଲେ ବିଶ୍ୱ ରେକର୍ଡ ଅଷ୍ଟ୍ରେଲିଆ ବିପକ୍ଷରେ ଇନ୍ଦୋରରେ ଖେଳାଯାଉଥିବା ଦ୍ୱିତୀୟ ଦିନିକିଆ ମ୍ୟାଚରେ ଗିଲ୍ ୯୭ ବଲରେ ୧୦୪ ରନ ସଂଗ୍ରହ କରିଥିଲେ। ଦିନିକିଆରେ ଏହା ତାଙ୍କର ଷଷ୍ଠ ଶତକ। ସେହିପରି ଅଷ୍ଟ୍ରେଲିଆ ବିପକ୍ଷରେ ଏହା ଗିଲଙ୍କ ପ୍ରଥମ ଶତକ ଥିଲା ।

ଏବର୍ଷ ଦମଦାର ଫର୍ମରେ ଅଛନ୍ତି ଯୁବ ବ୍ୟାଟ୍ସମ୍ୟାନ୍ ଶୁଭମନ ଗିଲ୍। ମ୍ୟାଚ୍ ପରେ ମ୍ୟାଚ୍, ଆଶ୍ଚର୍ଯୟଜନକ ଭାବେ ନୂ‍ଆ ନୂଆ ରେକର୍ଡ ନିଜ ନାମରେ କରୁଛନ୍ତି ଗିଲ୍। ଆଜି ଇନ୍ଦୋରରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଦ୍ୱିତୀୟ ଦିନିକିଆରେ ଆଉ ଏକ ଶତକ ନିଜ ନାମରେ କରିଛନ୍ତି ଶୁବମନ ବାଜି ମାରିଛନ୍ତି । ଶତକ ସହ ଆଉ ଏକ ବଡ଼ ରେର୍କଡ ମଧ୍ୟ ସେ ତାଙ୍କ ନାମରେ କରିଛନ୍ତି। ଏଥର ଗିଲ୍ ସଚିନ ତେନ୍ଦୁଲକର, ବିରାଟ କୋହଲି, ହାସିମ୍ ଆମଲା ଓ ବାବର ଆଜମଙ୍କ ପରି ଷ୍ଟାର ଖେଳାଳିଙ୍କୁ ପଛରେ ପକାଇ ବିଶ୍ୱ ରେକର୍ଡ କରିଛନ୍ତି ଗିଲ୍।

ଇନ୍ଦୋରରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଉଥିବା ଦ୍ୱିତୀୟ ଦିନିକିଆରେ ଗିଲ୍ ୯୭ ବଲରେ ୧୦୪ ରନ ସଂଗ୍ରହ କରିଥିଲେ। ଦିନିକିଆରେ ଏହା ତାଙ୍କର ଷଷ୍ଠ ଶତକ। ସେହିପରି ଅଷ୍ଟ୍ରେଲିଆ ବିପକ୍ଷରେ ଏହା ଗିଲଙ୍କ ପ୍ରଥମ ଶତକ । ଦିନିକିଆ କ୍ରିକେଟ ଇତିହାସରେ ୩୫ ଇନିଂସରେ ୧୯୦୦ ରନ କରିବାରେ ଗିଲ୍ ବିଶ୍ୱର ପ୍ରଥମ ବ୍ୟାଟ୍ସମ୍ୟାନ୍ । ସେ ସଚିନ ତେନ୍ଦୁଲକର, ବିରାଟ କୋହଲି, ବାବର ଆଜମ, ହାସିମ ଆମଲାଙ୍କ ଭଳି ଖେଳାଳିଙ୍କୁ ପଛରେ ପକାଇ ଏହି ଉପଲବ୍ଧି ନିଜ ନାମରେ କରିଛନ୍ତି। 

 ସେହିପରି ଚଳିତ ବର୍ଷ ଏହା ହେଉଛି ଗିଲଙ୍କ ପଞ୍ଚମ ଶତକ । ସେ ଏକ କ୍ୟାଲେଣ୍ଡର ବର୍ଷରେ ପାଞ୍ଚ କିମ୍ବା ଅଧିକ ଶତକ ସ୍କୋର କରିବାରେ ସପ୍ତମ ଭାରତୀୟ ବ୍ୟାଟ୍ସମ୍ୟାନ୍ ହୋଇଛନ୍ତି । ତାଙ୍କ ପୂର୍ବରୁ ବିରାଟ କୋହଲି, ରୋହିତ ଶର୍ମା, ସଚିନ ତେନ୍ଦୁଲକର, ରାହୁଲ ଦ୍ରାବିଡ, ସୌରଭ ଗାଙ୍ଗୁଲି ଏବଂ ଶିଖର ଧାୱନ ଏହି ସଫଳତା ହାସଲ କରିଛନ୍ତି ।

ଜାନୁଆରି ୨୨ରେ ରାମ ମନ୍ଦିର ପ୍ରତିଷ୍ଠା ହେବ

COASTAL NEWS Odia 916

ଜାନୁଆରି ୨୨ରେ ରାମ ମନ୍ଦିର ପ୍ରତିଷ୍ଠା ହେବ 

ନୂଆଦିଲ୍ଲୀ, ୨୬/୯: ତିନି ମହଲା ବିଶିଷ୍ଟ ଅଯୋଧ୍ୟା ରାମ ମନ୍ଦିର ତଳ ମହଲାର ନିର୍ମାଣ କାର୍ଯ୍ୟ ଆସନ୍ତା ଡିସେମ୍ବର ଶେଷ ସୁଦ୍ଧା ସମ୍ପନ୍ନ ହେବ ଏବଂ ଆସନ୍ତାବର୍ଷ ଜାନୁଆରି ୨୨ ତାରିଖରେ ପ୍ରାଣପ୍ରତିଷ୍ଠା ହେବ ବୋଲି ମନ୍ଦିର ନିର୍ମାଣ କମିଟିର ଅଧ୍ୟକ୍ଷ ନୃପେନ୍ଦ୍ର ମିଶ୍ର କହିଛନ୍ତି। 

ମଙ୍ଗଳବାର ଗଣମାଧ୍ୟମକୁ ସୂଚନା ଦେଇ ଶ୍ରୀ ମିଶ୍ର କହିଛନ୍ତି ଯେ, ଜାନୁଆରି ୨୦ରୁ ୨୪ ମଧ୍ୟରେ ହେବାକୁ ଥିବା ପ୍ରାଣ-ପ୍ରତିଷ୍ଠା କାର୍ଯ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗ ଦେବା ଆଶା କରାଯାଉଛି। ତେବେ ଅନ୍ତିମ ତାରିଖଟି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏ ପର୍ଯ୍ୟନ୍ତ ସୂଚିତ କରାଯାଇ ନାହିଁ । 

ଶ୍ରୀ ମିଶ୍ର ଆହୁରି କହିଛନ୍ତି ଯେ, ମନ୍ଦିର ଚୂଡ଼ାରେ ଏପରି ଏକ ଜିନିଷ ଲଗାଯିବ, ଯାହାଦ୍ଵାରା ପ୍ରତିବର୍ଷ ରାମନବମୀ ଦିନ ଶ୍ରୀବିଗ୍ରହଙ୍କ କପାଳରେ ସୂର୍ଯ୍ୟକିରଣ ପଡ଼ିବ। ବେଙ୍ଗାଲୁରୁରେ ଏହା ନିର୍ମାଣ କରାଯାଉଛି ଏବଂ ବୈଜ୍ଞାନିକମାନେ ତାହାର ତଦାରଖ କରୁଛନ୍ତି। ଏଥିପାଇଁ ସେଣ୍ଟ୍ରାଲ ବିଲ୍‌ ରିସର୍ଚ୍ଚ ଇନ୍‌ଷ୍ଟିଚ୍ୟୁଟ୍, ରୁରକି ଏବଂ ପୁଣେର ଏକ ପ୍ରତିଷ୍ଠାନ କମ୍ପ୍ୟୁଟରୀକୃତ ପ୍ରୋଗ୍ରାମ୍ ତିଆରି କରିଛନ୍ତି। ସୂଚନାଯୋଗ୍ୟ, ସୁପ୍ରିମ୍‌କୋର୍ଟଙ୍କ ୨୦୧୯ର ରାୟ ପରେ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ମାର୍ଗ ପ୍ରଶସ୍ତ ହୋଇଥିଲା

୭ ମେଡିକାଲ କଲେଜ ପ୍ରତିଷ୍ଠା ପାଇଁ କେନ୍ଦ୍ର ଦେଇଛି ୬୬୦ କୋଟି

COASTAL NEWS Odia 915

୭ ମେଡିକାଲ କଲେଜ ପ୍ରତିଷ୍ଠା ପାଇଁ କେନ୍ଦ୍ର ଦେଇଛି ୬୬୦ କୋଟି 

ଭୁବନେଶ୍ବର - ରାଜ୍ୟରେ ଘରୋଇ ହସ୍ପିଟାଲ ଭାବେ କିଏମ୍‌ ସମ ଓ ଆଇଏମ୍ଏସ ବ୍ୟତୀତ ରାଜ୍ୟ ସରକାର  ଜିଲ୍ଲାରେ ମେଡିକାଲ କଲେଜ ସ୍ଥାପନ ପାଇଁ ଲକ୍ଷ୍ୟ ରଖିଛନ୍ତି।ଇତିମଧ୍ୟରେ ରାଜ୍ୟରେ କାର୍ଯ୍ୟକ୍ଷମ ହୋଇଥିବା ୭ଟି ମେଡିକାଲ କଲେଜ ପାଇଁ କେନ୍ଦ୍ର ସରକାର ୬୬୦ କୋଟି ଟଙ୍କା ପ୍ରଦାନ କରିଛନ୍ତି। ଏଥିରେ ରାଜ୍ୟ ସରକାରଙ୍କ ଅବଦାନ ରହିଛି ୪୪୦ କୋଟି |

ବିଧାନସଭାରେ ରାଜ୍ୟ ସ୍ବାସ୍ଥ୍ୟ ମନ୍ତ୍ରୀ ଦେଇଥିବା ସୂଚନା ଅନୁସାରେ, ରାଜ୍ୟରେ ପୁରୀ, ବାଲେଶ୍ବର, ବାରିପଦା, କୋରାପୁଟ, ବଲାଙ୍ଗୀର, ଯାଜପୁର ଓ କଳାହାଣ୍ଡି ଜିଲ୍ଲାରେ ମେଡିକାଲ ପ୍ରତିଷ୍ଠା କରାଯାଇଛି। ଏଥିପାଇଁ ସମୁଦାୟ ୧୧ଶହ କୋଟି ଟଙ୍କା ଖର୍ଚ୍ଚ ହେବ। ଏ ପର୍ଯ୍ୟନ୍ତ ୭୭୨ କୋଟି ଟଙ୍କା ଖର୍ଚ୍ଚ ହୋଇଛି । ରାଜ୍ୟରେ ସରକାରୀ ମେଡିକାଲ କଲେଜ ସଂଖ୍ୟା ୧୧କୁ ବୃଦ୍ଧି ପାଇଛି। ଏଥିରେ ସମୁଦାୟ ୧୫୫୦ ଏମ୍‌ବିବିଏସ୍ ସିଟ୍ ରହିଛି। ଏତଦବ୍ୟତୀତ ରାଜ୍ୟରେ ଏମ୍‌ସ, ଭୁବନେଶ୍ବରକୁ ବାଦ୍ ଦେଲେ ୬ଟି ଘରୋଇ ମେଡିକାଲ କଲେଜ ରହିଛି। ଏମାନଙ୍କର ସିଟ୍ ସଂଖ୍ୟା ହେଉଛି ୯୭୫ । ସମ୍ ହସ୍ପିଟାଲରେ ମଧ୍ୟ ୨୫୦ ଲେଖାଏ ମେଡିକାଲ ସିଟ୍ ରହିଛି l

ରାଜ୍ୟରେ ଏବେ ୨୫୨୫ଟି ଏମ୍‌ବିବିଏସ୍ ସିଟ୍ ରହିଛି । ଏଥିରେ ଏସ୍‌ସିବି ଓ ଏମ୍‌କେସିଜି ମେଡିକାଲରେ ସର୍ବାଧିକ ୨୫୦ ଲେଖାଏ ସିଟ୍ ଅପରପକ୍ଷରେ ରାଜ୍ୟରେ ମେଡିକାଲ କଲେଜକୁ ବାଦ୍ ଦେଲେ ସରକାରୀ ମେଡିକାଲରେ ସମୁଦାୟ ୧୦,୭୭୪ ଡାକ୍ତର ପଦବି ରହିଛି। ଏଥିରେ ୯୩୨୦ଜଣ ଡାକ୍ତର କାର୍ଯ୍ୟରତ ଥିବା ବେଳେ ୧୪୫୪ ପଦବି ଖାଲି ରହିଛି । 

ନୂତନଭାବେ ୫ହଜାରଟି କନିଷ୍ଠ-କ ବର୍ଗ ପାହ୍ୟାର ଡାକ୍ତର ପଦବି ସୃଷ୍ଟି କରିଛନ୍ତି। ଫଳରେ ସମୁଦାୟ ମଞ୍ଜୁରିପ୍ରାପ୍ତ ଡାକ୍ତରୀ ପଦବି ସଂଖ୍ୟା ୧୫,୭୭୪କୁ ବୃଦ୍ଧି ପାଇଛି । ଏହା ସହ ରାଜ୍ୟରେ ସମୁଦାୟ ୨୮,୨୮୫ ମଞ୍ଜୁରିପ୍ରାପ୍ତ ନସିଂ ଅଫିସର ପଦବି ଥିବା ବେଳେ ସେଥିରୁ ୧୭,୩୫୮ ଖାଲି ରହିଛି। ଯାହାକି ସମୁଦାୟ ପଦବିର ୬୧% । କେବଳ ନସିଂ ଅଫିସର ନୁହେଁ, ରାଜ୍ୟରେ ଫାର୍ମାସିଷ୍ଟ ପାଇଁ ୩୪୯୦ ପଦବି ଥିବା ବେଳେ ୯୯୮, ଏଲ୍ଟି ପାଇଁ ୨୨୩୫ ପଦବିରୁ ୯୧୫, ରେଡିଓଗ୍ରାଫର ପାଇଁ ୬୯୫ ପଦବି ଥିବା ବେଳେ ୩୭୮ ପଦବି ଖାଲି ପଡ଼ିଥିବା ସରକାରଙ୍କ ପକ୍ଷରୁ କୁହାଯାଇଛି । ବିଧାନସଭା ପ୍ରଶ୍ନୋତ୍ତର କାର୍ଯ୍ୟକ୍ରମ ରେ ବିଧାୟକ ସୌମ୍ୟରଂଜନ ପଟ୍ଟନାୟକ, ନିତ୍ୟାନନ୍ଦ ଗଣ୍ଡ ଓ ଭୂପିନ୍ଦର ସିଂହ ଏ ସଂପର୍କିତ ପ୍ରଶ୍ନ ର ଉତ୍ତର ରେ ସରକାର ପ୍ରକାଶ କରିଛନ୍ତି ।