ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ହସ୍ପିଟାଲରେ ଭର୍ତ୍ତି

 COASTAL NEWS Odia 592

ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ହସ୍ପିଟାଲରେ ଭର୍ତ୍ତି 

ନୂଆଦିଲ୍ଲୀ - କଂଗ୍ରେସ ନେତ୍ରୀ ତଥା ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ହସ୍ପିଟାଲରେ ଭର୍ତ୍ତି ହୋଇଛନ୍ତି। ଛାତିରେ ସଂକ୍ରମଣ ପରେ ତାଙ୍କୁ ଦିଲ୍ଲୀର ସାର୍‌ ଗଙ୍ଗାରାମ ହସ୍ପିଟାଲରେ ଭର୍ତ୍ତି କରାଯାଇଛି। ଡାକ୍ତରମାନଙ୍କ ସ୍ୱତନ୍ତ୍ର ଟିମ୍‌ ତାଙ୍କ ସ୍ୱାସ୍ଥ୍ୟ ଉପରେ ନଜର ରଖିଛି। ଡାକ୍ତରଙ୍କ ଅନୁସାରେ, ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ସୋନିଆଙ୍କୁ ଶନିବାର ସନ୍ଧ୍ୟାରେ ହସ୍ପିଟାଲରେ ଆଡ୍‌ମିଟ କରାଯାଇଥିଲା।

ତେବେ ଏ ନେଇ ହସ୍ପିଟାଲ ପକ୍ଷରୁ ମଧ୍ୟ ଏକ ବୟାନ ଜାରି କରାଯାଇଛି। ଏଥିରେ କୁହାଯାଇଛି ଯେ ସୋନିଆ ଗାନ୍ଧିଙ୍କୁ ଏହି ସମସ୍ୟା ଦୀର୍ଘ ଦିନରୁ ରହିଛି। ସେ ରୁଟିନ୍‌ ଚେକ୍‌ଅପ ପାଇଁ ହସ୍ପିଟାଲରେ ଭର୍ତ୍ତି ହୋଇଛନ୍ତି। ପୂର୍ବରୁ ମଧ୍ୟ ତାଙ୍କୁ ଅନେକ ଥର ସ୍ୱାସ୍ଥ୍ୟଗତ ସମସ୍ୟା କାରଣରୁ ହସ୍ପିଟାଲରେ ଭର୍ତ୍ତି କରାଇବାକୁ ପଡ଼ିଛି।

ଚଳିତ ବର୍ଷ ମାର୍ଚ୍ଚ ୩ରେ ପ୍ରବଳ ଜ୍ୱର ହେତୁ ସୋନିଆ ଗଙ୍ଗାରାମ ହସ୍ପିଟାଲରେ ଭର୍ତ୍ତି ହୋଇଥିଲେ। ସେହି ସମୟରେ ଚେଷ୍ଟ୍‍ ମେଡିସିନ୍‌ର ଡାକ୍ତର ଅରୂପ ବସୁ ଓ ତାଙ୍କ ଟିମ୍‌ ସୋନିଆଙ୍କ ଚିକିତ୍ସା କରିଥିଲେ। ସେତେବେଳେ ତାଙ୍କର କିଛି ଟେଷ୍ଟ୍‍ ମଧ୍ୟ ହୋଇଥିଲା।

ଜାନୁୟାରୀରେ ମଧ୍ୟ ଭାଇରାଲ୍‌ ଇନ୍‌ଫେକ୍ସନ ଯୋଗୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଇବାକୁ ପଡ଼ିଥିଲା। ଏଭଳି ସ୍ଥିତିରେ ରାହୁଲ ଗାନ୍ଧି ମା’ଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ଭାରତ ଯୋଡ଼ା ଯାତ୍ରା ଛାଡ଼ି ଆସିଥିଲେ। ସେହି ସମୟରେ ପାଖାପାଖି ୧ ସପ୍ତାହ ପର୍ଯ୍ୟନ୍ତ ସୋନିଆ ଗାନ୍ଧିଙ୍କୁ ହସ୍ପିଟାଲରେ ରହିବାକୁ ପଡ଼ିଥିଲା।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ଅମର ରହିବେ ସୂର୍ଯ୍ୟନାରାୟଣ

 COASTAL NEWS Odia 591

ଅମର ରହିବେ ସୂର୍ଯ୍ୟନାରାୟଣ 

ଭୁବନେଶ୍ୱର  : ବିଧାନସଭାର ପୂର୍ବତନ ବାଚସ୍ପତି, ପୂର୍ବତନ ମନ୍ତ୍ରୀ ତଥା ବିଜେଡିର ବରିଷ୍ଠ ନେତା ସୂର୍ଯ୍ୟନାରାୟଣ ପାତ୍ରଙ୍କ ପରଲୋକ ହୋଇଛି । ମୃତ୍ୟୁବେଳକୁ ତାଙ୍କୁ ୭୫ ବର୍ଷ ହୋଇଥିଲା । ଦୀର୍ଘଦିନ ଧରି ସେ ଅସୁସ୍ଥ ଥିଲେ । ଭୁବନେଶ୍ୱରର ଏକ ଘରୋଇ ହସପିଟାଲରେ ଶନିବାର ସନ୍ଧ୍ୟା ୭ଟା ୩୧ ମିନିଟ ସମୟରେ ତାଙ୍କର ପରଲୋକ ହୋଇଛି । ବରିଷ୍ଠ ନେତାଙ୍କ ବିୟୋଗ ପରେ ପରିବାର ଲୋକେ ତାଙ୍କ ଚକ୍ଷୁ ଦାନ କରିଥିବା ସୂଚନା ମିଳିଛି। ତାଙ୍କର ଗୋଟିଏ ପଟ ଚକ୍ଷୁ ଦାନ କରାଯାଇଛି। ବଞ୍ଚିଥିବା ବେଳେ ସୂର୍ଯ୍ୟ ଚକ୍ଷୁ ଦାନ କରିବାକୁ କହିଥିଲେ। ମୃତ୍ୟୁ ପରେ ବଡ଼ ପୁଅ ବିପ୍ଳବ ପାତ୍ରଙ୍କ ଅନୁମତି ପରେ ଭୁବନେଶ୍ୱର ପଟିଆରେ ଅବସ୍ଥିତ ଏଲ. ଭି ପ୍ରସାଦ ଆଇ ଇନଷ୍ଟିଚ୍ୟୁଟ ପକ୍ଷରୁ ତାଙ୍କର ଆଖି ସଂଗ୍ରହ ହୋଇଛି । ବର୍ତ୍ତମାନ ଆଖିର ଲେନ୍ସ ଡାକ୍ତରଖାନାରେ ରହିବା ପରେ ପ୍ରକ୍ରିୟା ମୁତାବକ ଏହାକ ଅନ୍ୟକୁ ଦାନ କରାଯିବ ବୋଲି ସୂଚନା ମିଳିଛି।

ରାଷ୍ଟ୍ରପତି ଦ୍ରୌପଦୀ ମୁର୍ମୁ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ତାଙ୍କ ବିୟୋଗରେ ଶୋକ ପ୍ରକାଶ କରଛନ୍ତି । ଏବେ ତାଙ୍କ ମରଶରୀରକୁ ଭୁବନେଶ୍ୱର ନୟାପଲ୍ଲୀ ସ୍ଥିତି ବାସଭାବନରେ ଶେଷଦର୍ଶନ ପାଇଁ ରଖାଯାଇଛି । ବହୁ ବିଶିଷ୍ଟ ବ୍ୟକ୍ତି ତାଙ୍କର ଶେଷଦର୍ଶନ କରିଛନ୍ତି । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୂର୍ଯ୍ୟନାରାୟଣ ପାତ୍ରଙ୍କ ଶେଷ ଦର୍ଶନ କରିବା ନେଇ ସୂଚନା ରହିଛି । ଏହା ପରେ ତାଙ୍କ ମରଶରୀରକୁ ପ୍ରଥମେ ବିଧାନସଭା, ଲୋକସେବା ଭବନ ଓ ପରେ ଶଙ୍ଖ ଭବନ ନିଆଯିବ । ଶେଷରେ ମରଶରୀରକୁ ତାଙ୍କ ନିର୍ବାଚନ ମଣ୍ଡଳୀ ଦିଗପହଣ୍ଡି ନିଆଯାଇ ସେଠାରେ ଶେଷକୃତ୍ୟ କରାଯିବ ।

ସୂଚନା ଯୋଗ୍ୟ ଗଞ୍ଜାମ ଜିଲ୍ଲା ଦିଗପହଣ୍ଡି ନିର୍ବାଚନ ମଣ୍ଡଳୀରୁ ବିଜେଡିର ସେ ବିଧାୟକ ଥିଲେ। ସେ ଓଡ଼ିଶା ବିଧାନସଭାକୁ ୭ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି। ମୋହନାରୁ ୪ ଥର ଓ ଦିଗପହଣ୍ଡିରୁ ୩ ଥର ବିଧାୟକ ଭାବେ ନିର୍ବାଚିତ ହୋଇଥିଲେ। ନିଜ ରାଜନୈତିକ କ୍ୟାରିୟରରେ ସେ ଜଙ୍ଗଲ ଓ ପରିବେଶ, ମତ୍ସ୍ୟ ଓ ପଶୁସଂପଦ, ଶକ୍ତି, ବିପର୍ଯ୍ୟୟ ପ୍ରଶମନ, ସୂଚନା ଓ ଲୋକସଂପର୍କ, ଖାଦ୍ୟ ଯୋଗାଣ, ରାଜସ୍ବ ଆଦି ଅନେକ ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ ଭାବେ ଦାୟିତ୍ବ ତୁଲାଇଥିଲେ। ୧୯୯୦ରେ ସେ ପ୍ରଥମେ ଗଜପତି ଜିଲ୍ଲା ମୋହନାରୁ ବିଧାୟକ ଭାବେ ନିର୍ବାଚିତ ହୋଇଥିଲେ। ପରେ ୧୯୯୫, ୨୦୦୦, ୨୦୦୪ରେ ସେ ମୋହନାରୁ ବିଜୟ ଲାଭ କରିଥିଲେ। ପରେ ଦିଗପହଣ୍ଡି ନିର୍ବାଚନ ମଣ୍ଡଳୀରୁ ୨୦୦୯, ୨୦୧୪ ଓ ୨୦୧୯ ରେ ସେ ବିଜୟୀ ହୋଇଥିଲେ। ଷୋଡ଼ଶ ବିଧାନସଭାରେ ୨୦୧୯ ଜୁନ୍ ୧ରୁ ୨୦୨୨ ଜୁନ୍ ୪ ତାରିଖ ପର୍ଯ୍ୟନ୍ତ ବାଚସ୍ପତି ହୋଇଥିଲେ। ଜଣେ ଲୋକପ୍ରିୟ ଓ ଅମାୟିକ ବ୍ୟକ୍ତିତ୍ବ ଭାବେ ସୂର୍ଯ୍ଯ ପାତ୍ର ପରିଚିତ ଥିଲେ।

ଚୋରଣୀ ବିରାଡ଼ି

 COASTAL NEWS Odia 590

ଚୋରଣୀ ବିରାଡ଼ି 

ଭୁବନେଶ୍ବର - ମଣିଷ ଚୋରି କରିବା ଶୁଣିଥିବେ। କିନ୍ତୁ ଏକ ବିଲେଇ ଯେ, ଚୋରି କରେ ତାହା ଜାଣି ଆଶ୍ଚର୍ଯ୍ୟ ହେବେ। ମାତ୍ର ଭାଇରାଲ ହେଉଥିବା ଭିଡିଓ ଦେଖିଲେ ବିଶ୍ୱାସ କରିବେ। ଗୋଟିଏ ବିଲେଇ ବ୍ୟାଗ୍‌ରୁ କିପରି ଢଙ୍ଗରେ ପର୍ସ ଚୋରି କରୁଛି ତାହା ଭିଡିଓରୁ ଦେଖିବାକୁ ମିଳିଛି। ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି।

ବିଲେଇଟି ଦେଖିବା ପାଇଁ ବହୁତ ସୁନ୍ଦର ଅଟେ। ସେ ଧଳା ଏବଂ କଳା ରଙ୍ଗର। ଭିଡିଓରେ ଏହି ବିଲେଇକୁ ‘ଦୁନିଆର ସବୁଠାରୁ ବିଲେଇ ଚୋରଣୀ’ ବୋଲି ବର୍ଣ୍ଣନା କରାଯାଇଛି। ଏହା ବ୍ୟତୀତ ଏହି ବିଲେଇ କଳା ବ୍ୟାଗରୁ ଟଙ୍କା ଚୋରି କରିଥିବା ଚତୁର ଉପାୟରେ ଆପଣ ମଧ୍ୟ ଦେଖିପାରିବେ। ଟଙ୍କା ଚୋରି କରିବା ପରେ ବିଲେଇ କୌଣସି ପାଟି ନ କରି ଘଟଣାସ୍ଥଳରୁ ଚାଲିଯାଉଛି।

ଭିଡିଓରେ ଏକ କଳା ବ୍ୟାଗ୍‌  ଚେୟାରରେ ରଖାଯାଇଥିବା ଦେଖିବାକୁ ମିଳିଛି। ଏହା ପୂର୍ବରୁ ଖୋଲା ଅଛି। ବିଲେଇଟି ସେହି ବ୍ୟାଗ୍‌ରେ ମୁହଁ ପୂରାଉଛି। ବହୁତ ସମୟ ପରେ ସେ ପାଟିରେ ଏକ ପର୍ସ ଧରି ବ୍ୟାଗରୁ ବାହାରୁଛି। ଏହା ପରେ ବିଲେଇ ଟେବୁଲ ଦେଇ ଚଟାଣରେ ପହଞ୍ଚି ତା’ପରେ କବାଟ ଦେଇ ବାହାରକୁ ଯାଏ। ବିଲେଇ ଏହା କରିବା ଅତ୍ୟନ୍ତ ଆଶ୍ଚର୍ଯ୍ୟଜନକ ମନେହୁଏ ।

‘ପୋଷା କଲେକ୍ଟିଭ’ ନାମକ ଏକ ୟୁଟ୍ୟୁବ୍‌ ଚ୍ୟାନେଲ ଏହି ଭିଡିଓ ପୋଷ୍ଟ କରିଛି। ୧୦ ଘଣ୍ଟା ପୂର୍ବରୁ ପୋଷ୍ଟ ହୋଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା ୮ ହଜାରରୁ ଅଧିକ ଲୋକ ଦେଖିସାରିଲେଣି। ଏହି ଭିଡିଓଟି ‘ଚୋରି ଭାବରେ, ବିଲେଇ ମାଲିକଙ୍କ ବ୍ୟାଗରୁ ଟଙ୍କା ଚୋରି କରିଛି।’ ଶୀର୍ଷକ ସହିତ ଶେୟାର କରାଯାଇଛି। ଏହି ଭିଡିଓଟି ମାତ୍ର ୧୮ ସେକେଣ୍ଡର ଅଟେ। ଏହାର ଅର୍ଥ ବିଲେଇ ମାତ୍ର ୧୮ ସେକେଣ୍ଡରେ ଏହି ଚୋରି କରିଥିଲା।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ବିଜେପି ପକ୍ଷରୁ ପଞ୍ଚାୟତ ଅଫିସ୍ ସମ୍ମୁଖରେ ଗଣଆନ୍ଦୋଳନ

 COASTAL NEWS Odia 589

ବିଜେପି ପକ୍ଷରୁ ପଞ୍ଚାୟତ ଅଫିସ୍ ସମ୍ମୁଖରେ ଗଣଆନ୍ଦୋଳନ

ଆଳି - ରାଜ୍ୟ ସରକାରଙ୍କ ଦୁର୍ନୀତି, ଭ୍ରଷ୍ଟାଚାରକୁ ବିରୋଧ କରି ଭାଜପା ପକ୍ଷରୁ ପ୍ରତି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଗଣ ଆନ୍ଦୋଳନ ଆରମ୍ଭ ହୋଇଛି । ଏହି ଅବସରରେ ଶନିବାର ଆଳି ନିର୍ବାଚନ ମଣ୍ଡଳୀ ଆଳି ବ୍ଲକର ନୂଆପଡା ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଭାଜପାର ଆଳି ନିର୍ବାଚନ ମଣ୍ଡଳୀ ସଂଯୋଜକ ରଶ୍ମିରଞ୍ଜନ ବେହୁରାଙ୍କ ନେତୃତ୍ବରେ ଅନୁଷ୍ଠିତ ଏହି ଗଣଆନ୍ଦୋଳନରେ ପୂର୍ବତନ ବିଧାୟକ ଦୋଳଗୋବିନ୍ଦ ନାୟକ, ବ୍ରଜସୁନ୍ଦର ଭୂୟାଁ, ଆଶାଲତା ପଟ୍ଟନାୟକ ପ୍ରମୁଖ ଯୋଗଦେଇ ରାଜ୍ୟ ସରକାର ଦିନକୁ ଦିନ ଦୁର୍ନୀତିର ଗନ୍ତାଘର ପାଲଟିଛନ୍ତି ବୋଲି ଅଭିଯୋଗ କରିଥିଲେ। ପ୍ରଧାନମନ୍ତ୍ରୀ ଆବାସ ଗୃହ ପାଇବାରୁ ପ୍ରକୃତ ହିତାଧ୍ୟାକାରୀ ବାଦ ପଡୁଥିବା ବେଳେ ଥିଲାବାଲାଙ୍କୁ ଆବାସ ଦିଆଯାଉଛି, ବାର୍ଦ୍ଧକ୍ୟ, ବିଧବା ଭତ୍ତା ଯୋଜନାରେ ଯୋଗ୍ୟ ହିତାଧିକାରୀ ସାମିଲ କରିବାରେ ଟାଳଟୁଳ ନୀତି ଅବଲମ୍ବନ କରିବା, ଖାଉଟି କାର୍ଡରୁ ପ୍ରକୃତ ହିତାଧ୍ୟାକାରୀ ବଞ୍ଚିତ ହେବା ସହିତ ରାଜ୍ୟର ପ୍ରତି ପଞ୍ଚାୟତକୁ ଆସୁଥିବା କେନ୍ଦ୍ରୀୟ ଅନୁଦାନକୁ ଯେପରି ଭାବେ ମିଳିମିଶି ହଡ଼ପ କରିବାରେ ଲାଗିଛନ୍ତି ଏଥୁରେ ରୋକ ଲାଗିବା ଆବଶ୍ୟକ ବୋଲି ସମସ୍ତ ନେତୃମଣ୍ଡଳୀ ମତପୋଷଣ କରିଛନ୍ତି । ରାଜ୍ୟ ସରକାର ଦୁର୍ନୀତିରୁ ନ ଦୂରେଇଲେ ଆଗାମୀ ଦିନରେ ଆନ୍ଦୋଳନ ଜୋରଦାର ହେବ ବୋଲି ଭାଜପା କର୍ମୀ ମାନେ ଚେତାବନୀ ଦେଇଛନ୍ତି । ଏହି କାର୍ଯ୍ୟକ୍ରମରେ ମଣ୍ଡଳ ସଭାପତି ରାଜେନ୍ଦ୍ର ସାମଲ,ଇନ୍ଦ୍ରମଣୀ ସାହୁ,ଅମିୟ ରାଉତ, ଅଶ୍ବିନୀ ଦାସ, ଅତୁଲ ସାହୁ ପ୍ରମୁଖଙ୍କ ସମେତ ଶତାଧିକ ବିଜେପି କର୍ମୀ ସାମିଲ ହୋଇଥିଲେ ।

 ହୋଇଛି । ଏହି ଅବସରରେ ଶନିବାର ଆଳି ନିର୍ବାଚନ ମଣ୍ଡଳୀ ଆଳି ବ୍ଲକର ନୂଆପଡା ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଭାଜପାର ଆଳି ନିର୍ବାଚନ ମଣ୍ଡଳୀ ସଂଯୋଜକ ରଶ୍ମିରଞ୍ଜନ ବେହୁରାଙ୍କ ନେତୃତ୍ବରେ ଅନୁଷ୍ଠିତ ଏହି ଗଣଆନ୍ଦୋଳନରେ ପୂର୍ବତନ ବିଧାୟକ ଦୋଳଗୋବିନ୍ଦ ନାୟକ, ବ୍ରଜସୁନ୍ଦର ଭୂୟାଁ, ଆଶାଲତା ପଟ୍ଟନାୟକ ପ୍ରମୁଖ ଯୋଗଦେଇ ରାଜ୍ୟ ସରକାର ଦିନକୁ ଦିନ ଦୁର୍ନୀତିର ଗନ୍ତାଘର ପାଲଟିଛନ୍ତି ବୋଲି ଅଭିଯୋଗ କରିଥିଲେ। ପ୍ରଧାନମନ୍ତ୍ରୀ ଆବାସ ଗୃହ ପାଇବାରୁ ପ୍ରକୃତ ହିତାଧ୍ୟାକାରୀ ବାଦ ପଡୁଥିବା ବେଳେ ଥିଲାବାଲାଙ୍କୁ ଆବାସ ଦିଆଯାଉଛି, ବାର୍ଦ୍ଧକ୍ୟ, ବିଧବା ଭତ୍ତା ଯୋଜନାରେ ଯୋଗ୍ୟ ହିତାଧିକାରୀ ସାମିଲ କରିବାରେ ଟାଳଟୁଳ ନୀତି ଅବଲମ୍ବନ କରିବା, ଖାଉଟି କାର୍ଡରୁ ପ୍ରକୃତ ହିତାଧ୍ୟାକାରୀ ବଞ୍ଚିତ ହେବା ସହିତ ରାଜ୍ୟର ପ୍ରତି ପଞ୍ଚାୟତକୁ ଆସୁଥିବା କେନ୍ଦ୍ରୀୟ ଅନୁଦାନକୁ ଯେପରି ଭାବେ ମିଳିମିଶି ହଡ଼ପ କରିବାରେ ଲାଗିଛନ୍ତି ଏଥୁରେ ରୋକ ଲାଗିବା ଆବଶ୍ୟକ ବୋଲି ସମସ୍ତ ନେତୃମଣ୍ଡଳୀ ମତପୋଷଣ କରିଛନ୍ତି । ରାଜ୍ୟ ସରକାର ଦୁର୍ନୀତିରୁ ନ ଦୂରେଇଲେ ଆଗାମୀ ଦିନରେ ଆନ୍ଦୋଳନ ଜୋରଦାର ହେବ ବୋଲି ଭାଜପା କର୍ମୀ ମାନେ ଚେତାବନୀ ଦେଇଛନ୍ତି । ଏହି କାର୍ଯ୍ୟକ୍ରମରେ ମଣ୍ଡଳ ସଭାପତି ରାଜେନ୍ଦ୍ର ସାମଲ,ଇନ୍ଦ୍ରମଣୀ ସାହୁ,ଅମିୟ ରାଉତ, ଅଶ୍ବିନୀ ଦାସ, ଅତୁଲ ସାହୁ ପ୍ରମୁଖଙ୍କ ସମେତ ଶତାଧିକ ବିଜେପି କର୍ମୀ ସାମିଲ ହୋଇଥିଲେ ।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar #बीजेपी 

ସାହୁପଡା ରେ ଗୋଚର ଜମି ଉଚ୍ଛେଦ

 COASTAL NEWS Odia 588

ସାହୁପଡା ରେ ଗୋଚର ଜମି ଉଚ୍ଛେଦ 

ଆଳି - ଆଳି ତହସିଲ ଅନ୍ତର୍ଗତ ସାହୁପଡ଼ା ଗ୍ରାମର କେତେଜଣ ବ୍ୟକ୍ତି ଦୀର୍ଘଦିନ ହେବ ଜବରଦଖଲ କରିଥିବା ଗୋଚରଜମିକୁ ସୋମବାର ପ୍ରଶାସନ ପକ୍ଷରୁ ଉଚ୍ଛେଦ କରାଯାଇଛି। ସୂଚନା ଅନୁଯାୟୀ,ଏହି ମୌଜାର ଖାତା ନଂ. ୫୪୪,ପ୍ଲଟ ନଂ. ୬୧୩ କିସମ ଗୋଚର ଜମି ଜବରଦଖଲରେ ରହିଥିଲା। ରାଜୀବ ମୁଦୁଲି ଓ ଅଞ୍ଜନ ମହାନ୍ତି ନାମକ ୨ ଜଣ ବ୍ୟକ୍ତି ଏ ସମ୍ପର୍କରେ ୨୦୨୨ ନଭେମ୍ବର ୨୮ରେ ଉଚ୍ଚ ନ୍ୟାୟାଳୟରେ ଡବ୍ଲୁପିସି ନଂ. ୩୧୬୯୨/୨୨ରେ ଏକ ଜନସ୍ବାର୍ଥ ମାମଲା ଦାଏର କରିଥିଲେ।ଉଚ୍ଚ ନ୍ୟାୟାଳୟ ନିର୍ଦ୍ଦେଶକ୍ରମେ ଦଖଲ କରିଥିବା ଅଧିକାରୀ ଖଣ୍ଡୁଆଳ, ଦିଜେନ୍ଦ୍ରଜେନା, ଆଲୋକ ଜେନା, ସରୋଜଖଣ୍ଡୁଆଳ, ଅଚ୍ୟୁତାନନ୍ଦ ରାଉଳ, ଜଗବନ୍ଧୁ ରାଉଳ ଓ ଗୌରହରି ରାଉଳଙ୍କୁ ଉଚ୍ଛେଦପାଇଁ ନୋଟିସ ହୋଇଥିଲା । ସୋମବାର ପ୍ରଶାସନ ପକ୍ଷରୁ ଏମାନଙ୍କ ଦଖଲରେଥିବା ଜାଗାକୁ ଉଚ୍ଛେଦ କରାଯିବା ସହ ଅଚ୍ୟୁତାନନ୍ଦଙ୍କ ଏକ ଚାଳ ଘରକୁ ଭାଙ୍ଗି ଦିଆଯାଇଛି। ଏହି ଉଚ୍ଛେଦରେ ଅତିରିକ୍ତ ତହସିଲଦାର ମାନସ ରଞ୍ଜନ ସ୍ବାଇଁଙ୍କ ନେତୃତ୍ୱରେ ରାଜସ୍ୱ ନିରୀକ୍ଷକ କରୁଣାକର ମଲିକଙ୍କ ସହ ଅନ୍ୟ କର୍ମଚାରୀ ଭାଗନେଇଥିଲେ। ଆଳି ଥାନା ପୋଲିସ ଏସ୍‌ଆଇ ପ୍ରଦୋଷ ପଟ୍ଟନାୟକଙ୍କ ଉପସ୍ଥିତ ରହି ଆଇନ ଶୃଙ୍ଖଳା ରକ୍ଷା କରିଥିଲେ।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ବିରିୟାନି ନମିଳିବାରୁ ଭୟଙ୍କର ଗଣ୍ଡଗୋଳ

 COASTAL NEWS Odia 587

ବିରିୟାନି ନମିଳିବାରୁ ଭୟଙ୍କର ଗଣ୍ଡଗୋଳ 

ବିରିୟାନି ନମିଳିବାରୁ ଭୟଙ୍କର ଗଣ୍ଡଗୋଳ 

ପାକିସ୍ତାନ - ବିରିୟାନିରେ ମିଳିଲାନି ମଟନ । ଆଉ ମଟନ ନମିଳିବାରୁ ହେଲା ଭୟଙ୍କର ଗଣ୍ଡଗୋଳ । ବିବାହ ଭୋଜି ଖାଇବା ସମୟରେ ଖାଇବାରେ ମଟନ ନମିଳିବାରୁ ଅତିଥିଙ୍କର ରାଗ ମୁଣ୍ଡକୁ ଚଢ଼ିଗଲା । ଆଉ ପରେ ଏପରି କିଛି ହୋଇଥିଲା ଯାହା ଆପଣ ବିଶ୍ୱାସ କରି ପାରିବେନି ।

ବିବାହ ଭୋଜିରେ ଅତିଥିମାନଙ୍କ ପାଇଁ ସ୍ୱାଦିଷ୍ଟ ଭୋଜନ ରନ୍ଧା ଯାଇଥାଏ । ତେବେ ବର୍ତ୍ତମାନ ବିରିୟାନି ଟ୍ରେଣ୍ଡିଂରେ ଚାଲୁଛି । ତେଣୁ ବିବାହ ସମାରୋହରେ ମେନ କୋର୍ସ ବିରିୟାନି ରଖାଯାଉଛି । ତେବେ ଏହି ବିରିୟାନୀକୁ ନେଇ ଏକ ବିବାହରେ ବଡ଼ ଧରଣର ଗଣ୍ଡଗୋଳ ହୋଇଥିଲା । ସାମାନ୍ୟ ବିରିୟାନି ପାଇଁ ପରସ୍ପରକୁ ମାରପିଟ କରିବାକୁ ପଛାଇଲେନି କିଛି ଅତିଥି । ଯାହାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି । ‘ଘର କେ କଲସ’ ନାମକ ଏକ ଟ୍ଵିଟର ଆକାଉଣ୍ଟରୁ ଏହି ଭିଡିଓ ସେୟାର କରାଯାଇଛି ।

ଏଭଳି ଏକ ବିଚିତ୍ର ଘଟଣା ପାକିସ୍ତାନରୁ ସାମ୍ନାକୁ ଆସିଛି । ଏକ ବିବାହ ସମାରୋହରେ ବିରିୟାନି ନମିଳିବାରୁ ଭୟଙ୍କର ଗଣ୍ଡଗୋଳ ହୋଇଥିଲା ଯାହାର ଭିଡିଓ ବିର୍ତ୍ତମାନ ଭାଇରାଲ ହେଉଛି । ପୂର୍ବରୁ ଟ୍ୱିଟର ଭାବରେ ଜଣାଶୁଣା ବର୍ତ୍ତମାନ X ନାମକ ସୋସିଆଲ ମିଡିଆ ପ୍ଲାଟଫର୍ମରେ ଏହି ଛଅ ମିନିଟର ଭିଡିଓ ପୋଷ୍ଟ କରାଯାଇଛି । ବିବାହ ସମାରୋହରେ ଯୋଗ ଦେଇଥିବା ଜଣେ ବ୍ୟକ୍ତିଙ୍କ ବିରିୟାନିରେ ପର୍ଯ୍ୟାପ୍ତ ପରିମାଣର ମଟନ୍ ନଥିଲା, ଫଳରେ ଗଣ୍ଡଗୋଳ ଆରମ୍ଭ ହୋଇଥିଲା ଏବଂ ଲୋକମାନେ ପରସ୍ପର ଉପରେ ଚେୟାର ଫିଙ୍ଗି ଝଗଡ଼ା କରୁଥିଲେ ।

ଭାଇରାଲ ହୋଇଥିବା ଭିଡିଓରେ ଏକ ଧଳା ଟେଣ୍ଟ ନିର୍ମାଣ କରାଯାଇଥିଲା ଯେଉଁଥିରେ ମହିଳା ଏବଂ ପୁରୁଷଙ୍କ ଖାଇବା ସ୍ଥାନକୁ ଅଲଗା କରାଯାଇଥିଲା । ଭିଡିଓରେ ଝଗଡ଼ା ସେତେବେଳେ ଆରମ୍ଭ ହୋଇଥିଲା ଯେତେବେଳେ ଜଣେ ବ୍ୟକ୍ତି ଖାଇବା ଟେବୁଲ ନିକଟକୁ ଆସି ଜଣେ ଅତିଥିଙ୍କ ଟୋପି କାଢ଼ି ଫୋପାଡି ଦେଇଥିଲେ । କିଛି ସମୟ ମଧ୍ୟରେ ସେହି ସ୍ଥାନରେ ପରିବେଶ ଭୟଙ୍କର ହୋଇଥିଲା ଏବଂ ଅତିଥିମାନେ ପରସ୍ପରକୁ ଚେୟାର ଫୋପାଡ଼ି ମାରିବାକୁ ଆରମ୍ଭ କରିଥିଲେ । କିଛି ମହିଳା ପରିସ୍ଥିତିକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ ମଧ୍ୟ । ତେବେ କିଛି ସମୟ ପରେ ପରିସ୍ଥିତି ନିୟନ୍ତ୍ରଣକୁ ଆସିଥିଲା ।

ଯଦିଓ ଝଗଡା କାହିଁକି ହୋଇଛି ତାହାର କୌଣସି ସ୍ପଷ୍ଟ କାରଣ ନାହିଁ, କିନ୍ତୁ ଘର କେ କଲେସ ନାମକ ଆକାଉଣ୍ଟରୁ ଭାଇରାଲ ହୋଇଥିବା ଏହି ପୋଷ୍ଟରେ ବିରିୟାନି ନମିଳିଥିବାରୁ ଗଣ୍ଡଗୋଳ ହୋଇଥିବା କୁହାଯାଇଛି । ବୋଲ୍ଟନର ରେଜିଣ୍ଟ ହଲରେ ଏହି ଘଟଣା ଘଟିଥିବା ଜଣାଯାଇଛି । ଏହି ଘଟଣା ୨୯ ଅଗଷ୍ଟ ୨୦୨୩ରେ, ୮ଟା ୪ ମିନିଟ ସମୟରେ ପୋଷ୍ଟ କରାଯାଇଛି । ସେୟାର ହେବା ପରଠାରୁ ଏହି କ୍ଲିପ୍ କୁ ୩ ଲକ୍ଷରୁ ଅଧିକ ଥର ଦେଖାଯାଇଛି । ଅନେକ ଲାଇକ୍ ସହ ୟୁଜରମାନେ କମେଣ୍ଟ ମଧ୍ୟ ଦେଉଛନ୍ତି ।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ମାତ୍ର ୩୨ ବର୍ଷ ହେଲେ ମଧ୍ୟ ୯୬ ପିଲାଙ୍କ ବାପା

 COASTAL NEWS Odia 486

  ମାତ୍ର ୩୨ ବର୍ଷ ହେଲେ ମଧ୍ୟ ୯୬ ପିଲାଙ୍କ ବାପା

ଆମେରିକା - ଆପଣ ଥରେ ଭାବନ୍ତୁ, ଜଣେ ପୁରୁଷ ନିଜ ଜୀବନ କାଳ ମଧ୍ୟରେ କେତେ ପିଲା ଜନ୍ମ କରି ପାରିବ? ୨, ୩, ୬ କିମ୍ବା ୯ .. ଆମେ ଏତିକି ସଂଖ୍ୟ ଏଥିପାଇଁ କହୁଛୁ କାରଣ ଆଗ କାଳରେ ଜଣ ଜଣଙ୍କର ୮, ୯ ଟି ପିଲା ଜନ୍ମ ହେଉଥିଲେ । ସେତେବେଳେ ଜୀବନଶୈଳୀ ଯେହେତୁ ପୁରା ଅଲଗା ଥିଲା ତେଣୁ ଏତିକି ପିଲା ଜନ୍ମ ହେବା ପରେ ବି ବାପା ମାଙ୍କ ସ୍ୱାସ୍ଥ୍ୟ ଠିକ ରହୁଥିଲା । କିନ୍ତୁ ଆଜି କାଲି ର ଲାଇଫଷ୍ଟାଇଲ ତ ପୁରା ବଦଳିଗଲାଣି । ଏବେ ଛୁଆ ଜନ୍ମ ଆଗରୁ ଫ୍ୟାମିଲି ପ୍ଲାନିଂ ହେଉଛି ।ଅତି ବେଶୀ ରେ କାହାର ୨ ରୁ ୩ ପିଲା ଆପଣ ଦେଖୁଥିବେ । କିନ୍ତୁ ଦୁନିଆରେ ଏମିତି ଜଣେ ବ୍ୟକ୍ତି ଅଛନ୍ତି ଯାହାର ମୋଟ ୯୬ଟି ସନ୍ତାନ ଅଛନ୍ତି । ବୟସ ବେଶୀ ବି ନୁହେଁ । ମାତ୍ର ୩୨ ବର୍ଷ । ଏତେ କମ ବୟସ ହେଲେ ସୁଦ୍ଧା ସେ ୯୬ଟି ପିଲା ର ସେ ବାପା ବନିଛନ୍ତି । ତାଙ୍କ ଫଟୋ ଦେଖିଲେ ଆପଣ ବିଶ୍ୱାସ କରିବେନି କିନ୍ତୁ ଘଟଣା ଟି ଆଶ୍ଚର୍ଯ୍ୟ ଲାଗିଲେ ବି ଏକଦମ ସତ ।

ଛୁଆ ଜନ୍ମ ହେବା ପରେ ସେ ସବୁ ପିଲାଙ୍କୁ ଦେଖିନଥିଲେ ଓ ଜାଣି ବି ନଥିଲେ ।କିନ୍ତୁ ଯେତେବେଳେ ସେ ସେମାନଙ୍କୁ ଭେଟିବାକୁ ଚିନ୍ତା କଲେ, ସେତେବେଳେ ତାଙ୍କୁ ଚାକିରି ଛାଡିବାକୁ ପଡିଲା ।

୯୬ ପିଲାଙ୍କ ବାପାଙ୍କ ବୟସ ମାତ୍ର ୩୨ ବର୍ଷ । ଏବେ ଯାଏ କେବଳ ସେ ୨୫ ଜଣକୁ ଭେଟିଛନ୍ତି । ଯୁବକ ଜଣଙ୍କ ଆମେରିକାର ଜର୍ଜିଆ ଷ୍ଟେଟ୍ ୟୁନିଭରସିଟି ରେ ସାଇକୋଲୋଜି ବିଭାଗର ଛାତ୍ର ଥିଲେ।ପ୍ରକୃତରେ ସେ କଲେଜ ଦିନରୁ ଦମ୍ପତିଙ୍କୁ ବାପା ମା ହେବାରେ ସାହାଯ୍ୟ କରିବା ଆରମ୍ଭ କରିଥିଲେ ଏବଂ ତାଙ୍କର ୬ ବର୍ଷ ଅଧ୍ୟୟନ ସମୟମଧ୍ୟରେ ସେ ୯୬ ପିଲାଙ୍କ ବାପା ହୋଇ ଯାଇଥିଲେ। ଯେଉଁ ବ୍ୟବସ୍ଥାକୁ ଆମେ ସ୍ପର୍ମ ଡୋନେଟ କହିଥାଉ । ଏବେ ଆପଣ ବୁଝିପାରୁଥିବେ ନିଶ୍ଚୟ । ଏହା କରିବା ପଛରେ ତାଙ୍କର ଏକ କାରଣ ମଧ୍ୟ ଥିଲା ।

ରିପୋର୍ଟ ଅନୁଯାୟୀ, ଡାଇଲନ୍ ଷ୍ଟୋନ୍-ମିଲର୍ ତାଙ୍କର ୬ ବର୍ଷର ପାଠପଢ଼ା ସମୟରେ ଟଙ୍କା ରୋଜଗାର କରିବା ପାଇଁ Sperm donation କରିଥିଲେ। ସେ ପ୍ରତ୍ୟେକ ଥର ପାଇଁ ୮୨୦୦ ଟଙ୍କା ଚାର୍ଜ କରୁଥିଲେ । ଏହିପରି ଟଙ୍କା ରୋଜଗାର କରି ନିଜ ଆବଶ୍ୟକତା ଅନୁସାରେ ଖର୍ଚ୍ଚ କରୁଥିଲେ । ୧୮ ବର୍ଷ ହେବା ପରେ ଡାଇଲନ୍ Sperm bank କୁ ତାଙ୍କ ସୂଚନା ସେୟାର କରିବାକୁ ଅନୁମତି ଦେଇଥିଲେ । ସେବେଠାରୁ ସେ ନିଜ ବାଇଲୋଜିକାଲ ପିଲାମାନଙ୍କୁ ଭେଟିବା ଆରମ୍ଭ କଲେ । ୨୦୨୦ ମସିହାରେ ପ୍ରଥମ ଥର ପାଇଁ, ଡାଇଲାନ୍ ତାଙ୍କର ୬ ବର୍ଷର ଝିଅ ଓ ତା’ର ଭଉଣୀଙ୍କୁ ଭେଟିଥିଲେ । ଦୁହେଁ ତାଙ୍କର ହିଁ ଝିଅ ଥିଲେ।

ଯେତେବେଳେ ସେ ତାଙ୍କର Sperm bank ID କୁ ଫେସବୁକ୍ ଗ୍ରୁପ୍ ସହିତ ଯୋଡିଥିଲେ, ସେତେବେଳେ ସେ ଏପରି ଅନେକ ବାପା ମା ଙ୍କୁ ଭେଟିଥିଲେ ଯାହାଙ୍କୁ ସେ ସାହାଯ୍ୟ କରିଥିଲେ । ବର୍ତ୍ତମାନ ପର୍ଯ୍ୟନ୍ତ ସେ ତାଙ୍କର ୨୩ ଟି ବାଇଲୋଜିକାଲ୍ ସନ୍ତାନଙ୍କୁ ଭେଟିଛନ୍ତି । ସେ ଏହି କାମ ପାଇଁ ଚାକିରି ଛାଡି ଦେଇଛନ୍ତି ଓ ବର୍ତ୍ତମାନ ପର୍ଯ୍ୟନ୍ତ ପିଲାମାନଙ୍କ ସନ୍ଧାନରେ ୯୦୦୦ ମାଇଲ୍ ଯାତ୍ରା କରିସାରିଲେଣି । ତାଙ୍କ ପାଖରେ ନାମ, ବୟସ ଏବଂ ପିଲାମାନଙ୍କର ଠିକଣାର ଏକ ସମ୍ପୂର୍ଣ୍ଣ ତାଲିକା ଅଛି, ଯାହା ସାହାଯ୍ୟରେ ସେ ତାଙ୍କର ବାଇଲୋଜିକାଲ ପିଲାମାନଙ୍କୁ ଖୋଜୁଛନ୍ତି ।

ବାପା ମା ର ସୋଭାଗ୍ୟ ପାଇବା କିଛି ଜଣକ କ୍ଷେତ୍ରରେ ମିଳିନଥାଏ । ସେମାନଙ୍କ ଆଶାକୁ ନିରାଶ ନକରି ଡାଇଲନ୍ ଙ୍କ ଏହି ପଦକ୍ଷେପ ନିହାତି ପ୍ରଶଂସା ଯୋଗ୍ୟ । ନିଜ ସ୍ପର୍ମ ଡୋନେଟ କରି ସେ ଅନ୍ୟ ମାନଙ୍କୁ ଗୋଟିଏ ଭଲ ପରିବାର ଦେଇଛନ୍ତି । ଯାହାକୁ ନେଇ ସେ ଏବେ ଚର୍ଚା ରେ ଅଛନ୍ତି ।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ଚୀନରୁ ଏକ ଛାତିଥରା ଘଟଣା

 COASTAL NEWS Odia 585

ଚୀନରୁ ଏକ ଛାତିଥରା ଘଟଣା

ଚୀନ - ଚୀନରୁ ଏକ ଛାତିଥରା ଘଟଣା ସାମ୍ନାକୁ ଆସିଛି । ଏଠାରେ ଜଣେ ମା’ ତା’ ନବଜାତକକୁ ହତ୍ୟା କରିବା ପାଇଁ ଷଡଯନ୍ତ୍ର ରଚିଥିଲା, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ଖବରରୁ ଜଣାପଡ଼ିଛି ଯେ ଜଣେ ଗର୍ଭବତୀ ମହିଳା ଛୁଟି କାଟିବା ପାଇଁ ସାଉଥ୍ ଓ୍ଵଷ୍ଟେ ଚୀନର ନଗରପାଳିକା ଚୋଙ୍ଗକିଙ୍ଗ୍ ଆସିଥିଲେ। ଏଠାରେ ସେ ଏକ ଆବାସିକ ବିଲ୍ଡିଂର ଲିଫ୍ଟରେ ଶିଶୁକୁ ଜନ୍ମ ଦେଇଥିଲେ। ଲୋକେ ଯେପରି ଜାଣିପାରିବେ ନାହିଁ, ସେଥିପାଇଁ ମହିଳା ନିଜ ଦେହରେ ଏବଂ ଶିଶୁ ଦେହରେ ଲାଗିଥିବା ରକ୍ତକୁ ସଫା କରିବା ସହ ଲିଫ୍ଟରେ ପଡ଼ିଥିବା ରକ୍ତକୁ ମଧ୍ୟ ଟିସୁ ସାହାଯ୍ୟରେ ସଫା କରିଦେଇଥିଲେ।

ଏହାପରେ ସେ ନିଜ ନବଜାତକକୁ ଡଷ୍ଟବିନ୍‌ରେ ଫିଙ୍ଗି କିଛି ଟିସୁ ପେପରକୁ ସେଥିରେ ପକାଇ ଦେଇଥିଲେ, ଯଦ୍ଦ୍ଵାରା ଶିଶୁଟି ଡଷ୍ଟବିନ୍‌ରେ ପଡ଼ିଛି ବୋଲି କେହି ଜାଣିପାରିବେ ନାହିଁ। ଏହି ଘଟଣା ଅଗଷ୍ଟ ୨୧ରେ ଘଟିଥିଲା।

ମହିଳା ଜଣକ ସୁଟ୍‌କେଶ ଧରି ଲିଫ୍ଟରେ ଚଢିଥିଲେ। ଏହାପରେ ଲିଫ୍ଟରେ ସେ ଶିଶୁକୁ ଜନ୍ମ ଦେଇଥିଲେ। ରାତି ୮.୪୭ରେ ମହିଳା ନିଜ ନବଜାତକକୁ ଧରି ଲିଫ୍ଟରୁ ବାହିରିଥିଲେ ଏବଂ ସେଠାରେ ଏକ ଡଷ୍ଟବିନ୍‌ରେ ଶିଶୁଟିକୁ ଫିଙ୍ଗି ଦେଇଥିଲେ।

ତେବେ ବିଲ୍ଡିଂରେ ରହୁଥିବା କିଛି ଲୋକଙ୍କ ନଜର ଯେତେବେଳେ ଡଷ୍ଟବିନ୍ ଉପରେ ପଡ଼ିଥିଲା, ସେତେବେଳେ ସେମାନେ ସଙ୍ଗେ ସଙ୍ଗେ ଶିଶୁକୁ ସୁରକ୍ଷିତ ଭାବେ ଉଦ୍ଧାର କରିଥିଲେ ଏବଂ ତୁରନ୍ତ ହସ୍ପିଟାଲ ନେଇଯାଇଥିଲେ। ସୂଚନା ଅନୁସାରେ, ଶିଶୁଟି ଏବେ ସୁସ୍ଥ ଅଛି। ପୋଲିସ ଘଟଣାର ତଦନ୍ତ କରୁଛି।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ସ୍ଲିପ ମୋଡରେ ରୋଭର ପ୍ରଜ୍ଞାନ

 COASTAL NEWS Odia 584

ସ୍ଲିପ ମୋଡରେ ରୋଭର ପ୍ରଜ୍ଞାନ 

ନୂଆଦିଲ୍ଲୀ : ଶୋଇ ପଡିଲା ରୋଭର ପ୍ରଜ୍ଞାନ। ମିଶନ ପୂରା କରିବା ପରେ ସ୍ଲିପ ମୋଡରେ ରୋଭର ପ୍ରଜ୍ଞାନ । ଶିବଶକ୍ତି ପଏଣ୍ଟ ଠାରୁ ୧୦୧.୪ମିଟର ବାଟ ଅତିକ୍ରମ କରି କାମ ଶେଷ କରିଛି । ରୋଭର ପ୍ରଜ୍ଞାନକୁ ଚନ୍ଦ୍ରପୃଷ୍ଠରେ ସୁରକ୍ଷିତ ସ୍ଥାନକୁ ନେଇ ସ୍ଲିପ୍ ମୋଡ୍ ରେ ରଖିଛି ଇସ୍ରୋ । ଏଥିରେ ଲାଗିଥିବା ଉଭୟ ପେଲୋଡ୍ ଏପିଏକ୍ସଏସ ଓ ଏଲଆଇବିଏସକୁ ବନ୍ଦ କରିଦିଆଯାଇଛି । ଏହି ପେଲୋଡରୁ ଡାଟା ଲ୍ୟାଣ୍ଡର ଜରିଆରେ ପୃଥିବୀ ପର୍ଯ୍ୟନ୍ତ ପହଞ୍ଚା ଯାଇଛି। ରୋଭରରେ ଥିବା ବ୍ୟାଟେରୀ ସଂପୂର୍ଣ୍ଣ ଚାର୍ଜରେ ରହିଛି ।

ଏହାକୁ ଏହିଭଳି ଦିଗରେ ରଖାଯାଇଛି ସେପ୍ଟେମ୍ବର ୨୨ରେ ଯେତେବେଳେ ଚନ୍ଦ୍ରରେ ପରବର୍ତ୍ତୀ ସୂର୍ଯ୍ୟୋଦୟ ହେବ , ସେତେବେଳେ ସୂର୍ଯ୍ୟର ଆଲୋକ ଏହାର ସୌର ପ୍ୟାନେଲ ଉପରେ ପଡିବ । ସେପ୍ଟେମ୍ବର ୨୨ ପରେ ପୁଣି ସ୍ବାଭାବିକ ଭାବେ କାର୍ଯ୍ୟ କରିବ ବୋଲି ଇସ୍ରୋ ଆଶା ରଖିଛି । ଲ୍ୟାଣ୍ଡର ଓ ରୋଭର ଉପରେ ଇସ୍ରୋ ଟିମ ନଜର ରଖିଛି । ଏଯାଏ ଉଭୟଙ୍କର ସ୍ଥିତି ସ୍ବାଭାବିକ ରହିଛି । ଅଗଷ୍ଟ ୨୩ରେ ଚନ୍ଦ୍ରଯାନ-୩ ଚନ୍ଦ୍ରର ଦକ୍ଷିଣ ମେରୁରେ ସଫଳତା ପୂର୍ବକ ସଫ୍ଟଲ୍ୟାଣ୍ଡି କରିଥିଲା।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ଜଗତ୍ସିଂହପୁର ଜିଲାରେ ପୁଷ୍ଟିକର ଖାଦ୍ୟ ଯୋଗାଣ ନିମ୍ନମାନର

 COASTAL NEWS Odia 583

ଜଗତ୍ସିଂହପୁର ଜିଲାରେ ପୁଷ୍ଟିକର ଖାଦ୍ୟ ଯୋଗାଣ ନିମ୍ନମାନର

ଜଗତ୍‌ସିଂହପୁର, ୩ା୯- ଜଗତସିଂହପୁର ଜିଲାର ପାଖାପାଖି ୩୧,୪୬୭ ଶିଶୁ, ୨୨୮ ଦୁର୍ବଳ ଶିଶୁ, ୧୦,୩୫୧ ଗର୍ଭବତୀ ଓ ପ୍ରସୂତି ମହିଳାଙ୍କୁ ପରିପୂରକ ପୁଷ୍ଟିକର ଖାଦ୍ୟ ଯୋଗାଇଦିଆଯାଉଥିବା ନେଇ ସରକାରୀ ଭାବେ ଦର୍ଶାଯାଉଛି। ବାସ୍ତବରେ କିନ୍ତୁ ପ୍ରତ୍ୟେକଙ୍କ ପାଖରେ ଏହା ପହଞ୍ଚତ୍ପାରୁନାହିଁ। ଏହାବାଦ୍‌ ଖାଦ୍ୟ ପରିମାଣ ଏବଂ ମାନ କମ୍‌ କରାଯାଇ ବାର୍ଷିକ ଏକାଧିକ କୋଟି ଟଙ୍କାର ଦୁର୍ନୀତି ହୋଇଥିବା ଅଭିଯୋଗ ହୋଇଛି। ଏ ସମ୍ପର୍କରେ ଉଚ୍ଚସ୍ତରୀୟ ତଦନ୍ତ କରାଗଲେ ଲୁଚି ରହିଥିବା ରହସ୍ୟ ପଦାକୁ ଆସିବ ବୋଲି ଦାବି ହେଉଛି।

ଅତୀତରେ ଏହି ଯୋଜନାରେ ଯୋଗାଇ ଦିଆଯାଉଥିବା ଡାଲି ଏବଂ ଚାଉଳରେ ବ୍ୟାପକ ଦୁର୍ନୀତି ହୋଇଥିଲା। ଏହାକୁ ଏଡ଼ାଇବା ପାଇଁ ରାଜ୍ୟ ସରକାର ୨୦୧୧ରୁ ଛତୁଆ ଯୋଗାଇ ଆସୁଛନ୍ତି। କିନ୍ତୁ ଏଥିରେ କୌଣସି ସୁଧାର ଆସୁନାହିଁି । ଜଗତ୍‌ସିଂହପୁର ଜିଲାର ୮ଟି ବ୍ଲକରେ ୧୨ଟି ସ୍ବୟଂ ସହାୟକ ଗୋଷ୍ଠୀ(ଏସ୍‌ଏଚ୍‌ଜି) ଏହି ପୁଷ୍ଟିକର ଖାଦ୍ୟ ଯୋଗାଇ ଆସୁଛନ୍ତି। ଜିଲା ସମାଜ ମଙ୍ଗଳ କାର୍ଯ୍ୟାଳୟରୁ ମିଳିଥିବା ସୂଚନା ଅନୁଯାୟୀ, ବଣ୍ଟନର ସୁବିଧା ଦୃଷ୍ଟିରୁ ଭିନ୍ନଭିନ୍ନ ରଙ୍ଗର ପ୍ୟାକେଟ୍‌ରେ ଅଙ୍ଗନୱାଡି କେନ୍ଦ୍ର ମାଧ୍ୟମରେ ଛତୁଆ ଯୋଗାଇ ଦିଆଯାଉଛି। କିନ୍ତୁ ନିର୍ଦ୍ଦିଷ୍ଟ କେତେକ ସ୍ବୟଂ ସହାୟକ ଗୋଷ୍ଠୀକୁ ବାଦ୍‌ ଦେଲେ ଅଧିକାଂଶ ଗୋଷ୍ଠୀର ଲାଭଖୋର ମନୋଭାବ ଯୋଗୁ ବାସ୍ତବ ଲକ୍ଷ୍ୟ ପୂରଣ ହୋଇପାରୁ ନାହିଁି । ଛତୁଆ ପ୍ରସ୍ତୁତକାରୀ ସଂସ୍ଥାଗୁଡିକ ଓଜନରେ ଅର୍ଥାତ୍‌ ମାସିକ ଲକ୍ଷାଧିକ ପ୍ୟାକେଟ୍‌ ଛତୁଆରେ ସିଧାସଳଖ ବାଟମାରଣା କରୁଛନ୍ତି। ଏବାବଦରେ ବାର୍ଷିକ ବହୁ ଟଙ୍କାର ବାଟମାରଣା ହେଉଛି। କେବଳ ଓଜନରେ ନୁହେଁ, ଗୁଣାତ୍ମକ ମାନରେ ମଧ୍ୟ ବ୍ୟତିକ୍ରମ ଲକ୍ଷ୍ୟ କରାଯାଉଛି। ଗହମ, ବୁଟ, ଚିନାବାଦାମ ଏବଂ ଚିନିର ଭାଗ ଠିକ୍‌ ରହୁନି। ସରକାରୀ ଭାବେ ଏସ୍‌ଏଚ୍‌ଜିଗୁଡ଼ିକୁ କିଲୋଗ୍ରାମ ପିଛା ୨ ଟଙ୍କା ଦରରେ ଗହମ ଯୋଗାଣ ହେଉଛି। ବଜାରରେ ଏହା ଉପଲବ୍ଧ ହେଉ ନ ଥିବା ବେଳେ ଯେଉଁଠି ମିଳୁଛି ଅଧିକ ଦରରେ ବିକ୍ରି ହେଉଛି। ଫଳରେ ଏହାର ଚାହିଦା ଅଧିକ ରହୁଛି। ଏହାର ସୁଯୋଗରେ ଗୋଷ୍ଠୀଗୁଡିକ ବର୍ଦ୍ଧିତ ଦରରେ ଗହମ ବିକି ବେଶ ଲାଭବାନ ହେଉଛନ୍ତି। ଏଥିସହ ଚିନି, ବୁଟ ଏବଂ ଚିନାବାଦାମ ବାବଦରେ ବାର୍ଷିକ ପାଖାପାଖି ଏକାଧିକ କୋଟି ଟଙ୍କାର ହେରଫେର ହେଉଛି। ଜିଲାରେ ଏକାଧିକ ମହିଳା ସ୍ବୟଂ ସହାୟକ ଗୋଷ୍ଠୀ ଦୀର୍ଘ ବର୍ଷ ଧରି ଛତୁଆ ଯୋଗାଇ ଆସୁଛନ୍ତି । ପ୍ରକୃତରେ ଦେଖିବାକୁ ଗଲେ ଏହି ଏସ୍‌ଏଚ୍‌ଜି ନାମରେ ଅନେକ ପ୍ରଭାବଶାଳୀ ଲୋକ ଏହାକୁ ନିୟନ୍ତ୍ରଣ କରୁଛନ୍ତି । ସେମାନେ ବିଭାଗୀୟ ଅଧିକାରୀମାନଙ୍କ ସହ ବୁଝାମଣା କରି ମନଇଚ୍ଛା କାରବାର ଚଳାଇଛନ୍ତି । ଅତୀତରେ ଜଗତ୍‌ସିଂହପୁର ପଞ୍ଚାୟତ ସମିତି ବୈଠକରେ ଉପସ୍ଥିତ ସଭ୍ୟାସଭ୍ୟମାନେ ଏହି ପ୍ରସଙ୍ଗ ଉଠାଇ ହୋହଲ୍ଲା କରିଥିଲେ। ସେମାନେ କହିଥିଲେ, ବର୍ଷାଧିକ କାଳହେବ ନିର୍ଦ୍ଦିଷ୍ଟ ଗୋଷ୍ଠୀକୁ ଛତୁଆ ଉତ୍ପାଦନ ଏବଂ ଯୋଗାଣ ଦାୟିତ୍ୱ ଦିଆଯାଇଛି। ମାତ୍ର ଏଗୁଡିକର ମାନ ନିର୍ଦ୍ଧାରଣ କିମ୍ବା ତଦାରଖ ହେଉ ନାହିଁ । କେବଳ ଛତୁଆ ଯୋଗାଉଥିବା ଏସ୍‌ଏଚ୍‌ଜିଗୁଡ଼ିକର ଅବଧି ପ୍ରତିବର୍ଷ ନବୀକରଣ କରାଯାଉଛି । ଏଥିସହ ପ୍ରତି ମାସରେ ଷ୍ଟେଟ୍‌ ଲାବୋରେଟୋରିକୁ ସାମ୍ପଲ ପରୀକ୍ଷା ପାଇଁ ପଠାଯାଉଛି କି ନାହିଁ ଜଣାପଡୁନାହିଁ। ଏହାଦ୍ୱାରା ଶିଶୁ, ଗର୍ଭବତୀ ଏବଂ ପ୍ରସୂତିଙ୍କ ସହ ଖେଳ ଖେଳାଯାଉଛି। ତେଣୁ ପ୍ରତି ପଞ୍ଚାୟତରେ ଷ୍ଟାଣ୍ଡିଂ କମିଟି ଗଠନ କରାଯାଉ।

ପୂର୍ବତନ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ପରଲୋକ

 COASTAL NEWS Odia 582

ପୂର୍ବତନ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ପରଲୋକ

 

ଭୁବନେଶ୍ବର: ପୂର୍ବତନ ମନ୍ତ୍ରୀ ତଥା ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ପରଲୋକ ହୋଇଯାଇଛି। ଦିଗପହଣ୍ଡିର ବର୍ତ୍ତମାନ ବିଧାୟକ ସୂର୍ଯ୍ୟନାରାୟଣ ପାତ୍ର ଆଉ ନାହାନ୍ତି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ସେ ଗଞ୍ଜାମ ଜିଲା ଦିଗପହଣ୍ଡି ବିଧାନସଭା କ୍ଷେତ୍ରରୁ ପ୍ରତିନିଧିତ୍ୱ କରୁଥିଲେ। ୭ଥର ବିଧାୟକ ଭାବେ ନିର୍ବାଚିତ ହୋଇଥିବା ସୂର୍ଯ୍ୟ ନାରାୟଣ ପାତ୍ରଙ୍କ ୭୫ ବୟସରେ ପରଲୋକ ହୋଇଛି। ‘ସୂର୍ଯ୍ୟ ପାତ୍ର’ ଓ ‘ଆନ୍ନା’ ଭାବେ ଜଣାଶୁଣା ସୂର୍ଯ୍ୟନାରାୟଣ ପାତ୍ର ରାଜ୍ୟରେ ମନ୍ତ୍ରୀ, ବାଚସ୍ପତି ଏବଂ ବିଜେଡି ଦଳର ବିଭିନ୍ନ ପଦପଦବୀରେ ରହି ସଫଳତାର ସହ କାର୍ଯ୍ୟ କରି ପ୍ରଶଂସିତ ହୋଇଛନ୍ତି।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ଘନଘନ ବିଜୁଳିରେ ଥରିଲା ରାଜଧାନୀ

 COASTAL NEWS Odia 581

ଘନଘନ ବିଜୁଳିରେ ଥରିଲା ରାଜଧାନୀ

ଭୁବନେଶ୍ବର - ଘନଘନ ବିଜୁଳିରେ ଥରିଲା ରାଜଧାନୀ ଭୁବନେଶ୍ୱର। ଘଣ୍ଟାଏରେ ଭୁବନେଶ୍ୱର ସହରରେ ମାରିଛି ୪୨ ହଜାରରୁ ଅଧିକ ଥର ବିଜୁଳି। ଏଥିରେ କେହି ମୃତାହତ ହୋଇନଥିଲେ ମଧ୍ୟ ରାଜଧାନୀବାସୀ ଭୟଭୀତ ହୋଇଛନ୍ତି। ସେପଟେ ଲଗାଣ ବର୍ଷାରେ ଭାସିଛି ଦ୍ୱୈତନଗରୀ।

ଆଜି ଅପରାହ୍ନ ପ୍ରାୟ ଦୁଇଟା ବେଳେ ଭୁବନେଶ୍ୱର ଆକାଶରେ ଘୋଟି ଆସିଥିଲା କାଳାହାଣ୍ଡିଆ ମେଘ। ପ୍ରଥମେ ଝିପିଝିପି ବର୍ଷା ହୋଇଥିଲା। ତା’ପରେ ଆରମ୍ଭ ହୋଇଥିଲା ବଜ୍ରପାତ। ଗୋଟିଏ ପରେ ଗୋଟିଏ ବିଜୁଳି ମାରିଥିଲା। କଳାହାଣ୍ଡିଆ ମେଘ ଭିତରେ ଆଲୋକିତ ହୋଇଯାଇଥିଲା ରାଜଧାନୀର ଆକାଶ। ମିଳିଥିବା ସୂଚନା ଅନୁସାରେ ପ୍ରାୟ ଏକ ଘଣ୍ଟାରେ ୪୨ ହଜାର ଥର ବିଜୁଳି ମାରିଛି। ପରେ ମେଘର ପରିମାଣ ବଢ଼ିଥିଲା।

ରାଜଧାନୀରେ ନିର୍ଧୁମ ଛେଚିଥିଲା ବର୍ଷା। ପ୍ରାୟ ଦେଢ଼ଘଣ୍ଟା ଧରି ବର୍ଷା ଲାଗି ରହିଥିଲା। ଆଜି ରାଜଧାନୀରେ ୧୨୬ ମିଲିମିଟର ବର୍ଷା ହୋଇଛି। ଜଳାର୍ଣ୍ଣବ ହୋଇ ପଡ଼ିଛି ରାଜଧାନୀର ରାସ୍ତାଘାଟ। ରାସ୍ତା ଉପରେ ଆଣ୍ଠୁଏ ଉଚ୍ଚର ପାଣି ପ୍ରବାହିତ ହେଉଛି। ଲଗାଣ ବର୍ଷା ଯୋଗୁ ଇସ୍କନ ମନ୍ଦିର ଆଗ, ଲକ୍ଷ୍ମୀସାଗର, ଓଲ୍‌ଡ ଟାଉନ୍‌, ନୟାପଲ୍ଲୀ ପ୍ରମୁଖ ଅଞ୍ଚଳରେ ବର୍ଷା ପାଣି ଜମି ରହିଛି। ଜୀବନଯାତ୍ରା ପ୍ରବାହିତ ହୋଇଯାଇଛି। ଓଭରବ୍ରିଜ୍‌ ତଳ ଆଶ୍ରୟ ସ୍ଥଳ ପାଲଟିଛି।

ସେପଟେ ରୁପାର ସହର କଟକର ଅବସ୍ଥା ବେହାଲ ହୋଇଛି। ରାସ୍ତାରେ ଜମିଛି ଆଣ୍ଠୁଏ ଉଚ୍ଚର ବର୍ଷା ପାଣି। ଜୀବନ ଯାତ୍ରା ଏକ ପ୍ରକାର ଠପ୍‌ ହୋଇଛି। ଲୋକମାନେ ଘରୁ ବାହାରିବା ପାଇଁ ସୁରକ୍ଷିତ ମଣୁନାହାନ୍ତି। ପାଣି ନିଷ୍କାସନ ପାଇଁ ମହାନଗର ପକ୍ଷରୁ ଉଦ୍ୟମ ଜାରି ରହିଛି। ଆଜି କଟକରେ ୯୫.୮ ମିଲିମିଟର ବର୍ଷା ହୋଇଛି।

ବର୍ଷା କେବଳ ଦ୍ୱୈତନଗରରେ ହୋଇନାହିଁ। ରାଜ୍ୟର ବିଭିନ୍ନ ଅଞ୍ଚଳରେ ହୋଇଛି ବଜ୍ରପାତ ଓ ବର୍ଷା। ଏଥିରେ ଯାଇଛି ୪ରୁ ଅଧିକ ଜୀବନ। ଏହାଛଡ଼ା ଅନେକ ଗୁରୁତ ଆହତ ହୋଇ ମେଡ଼ିକାଲ୍‌ରେ ଚିକିତ୍ସିତ ହେଉଛି। ବର୍ଷା ୫ ତାରିଖ ପର୍ଯ୍ୟନ୍ତ ଲାଗି ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ଚନ୍ଦ୍ରଯାନ ୩ର ରୋଭର ପ୍ରଜ୍ଞାନ ଚନ୍ଦ୍ରରେ ନୂଆ ରେକର୍ଡ ସୃଷ୍ଟି କରିଛି

  COASTAL NEWS Odia 580

ଚନ୍ଦ୍ରଯାନ ୩ର ରୋଭର ପ୍ରଜ୍ଞାନ ଚନ୍ଦ୍ରରେ ନୂଆ ରେକର୍ଡ ସୃଷ୍ଟି କରିଛି

ନୂଆଦିଲ୍ଲୀ - ଭାରତୀୟଙ୍କ ପାଇଁ ଶନିବାର ଡବଲ ଖୁସି ଆଣି ଦେଇଛି ଇସ୍ରୋ। ଆଜି ଇସ୍ରୋ ବେଶ ସଫଳତାର ସହ ତା’ର ପ୍ରଥମ ସୌର ମିଶନ ଆରମ୍ଭ କରିଛି। ଆଦିତ୍ୟ-ଏଲ ୧ ଆଜି ଦିନ ୧୧.୫୦ରେ ସୂର୍ଯ୍ୟ ଅଭିମୁଖେ ଉଡ଼ାଣ ଭରିଛି। ସେହିପରି ଦ୍ୱିତୀୟ ଘଟଣାରେ ଚନ୍ଦ୍ରଯାନ ୩ର ରୋଭର ପ୍ରଜ୍ଞାନ ଚନ୍ଦ୍ରରେ ନୂଆ ରେକର୍ଡ ସୃଷ୍ଟି କରିଛି।

ଜହ୍ନ ରାଇଜରେ ରୋଭର ପ୍ରଜ୍ଞାନ ୧୦୦ ମିଟର ରାସ୍ତା ଅତିକ୍ରମ କରିଥିବା ଇସ୍ରୋ ପକ୍ଷରୁ ସୂଚନା ଦିଆଯାଇଛି। ୧୦୦ ମିଟର ଯାତ୍ରା କରିବା ପରେ ପ୍ରଜ୍ଞାନ ଥକି ପଡ଼ିନି। ସେ ଆଗକୁ ବଢ଼ିବାରେ ଲାଗିଛି।

ପ୍ରଜ୍ଞାନର ଏପରି ସଫଳତା ପରେ ଇସ୍ରୋ ଗୋଟିଏ ଟ୍ୱିଟ କରିଛି। ଏଥିରେ ଲେଖିଛି ଯେ “ଚନ୍ଦ୍ରଯାନ ୩ ମିଶନ: ପ୍ରଜ୍ଞାନ ୧୦୦* ବା ନଟଆଉଟ। ଏସବୁ ମଧ୍ୟରେ ପ୍ରଜ୍ଞାନ ରୋଭର ଚନ୍ଦ୍ରରେ ଏପର୍ଯ୍ୟନ୍ତ ୧୦୦ ମିଟର ଦୂରତା ଅତିକ୍ରମ କରି କ୍ରମାଗତ ଭାବେ ଆଗକୁ ବଢ଼ି ଚାଲିଛି।”

ଇସ୍ରୋ ମୁଖ୍ୟ ଏସ୍‌ ସୋମନାଥ କହିଛନ୍ତି ଯେ ରୋଭର ଓ ଲ୍ୟାଣ୍ଡରକୁ “ସ୍ଲିପ ମୋଡ”ରେ ରଖିବା ପ୍ରକ୍ରିୟା ଦିନେ କିମ୍ବା ଦୁଇ ଦିନ ମଧ୍ୟରେ ଆରମ୍ଭ ହେବ। କାରଣ ସେମାନଙ୍କୁ ଖୁବଶୀଘ୍ର ଚନ୍ଦ୍ରର ଅନ୍ଧକାରମୟ ସ୍ଥିତିକୁ ସାମ୍ନା କରିବାକୁ ହେବ ବୋଲି ସେ କହିଛନ୍ତି।

ଜୁଲାଇ ୧୪ରେ LVM-3 ଯୋଗେ ଚନ୍ଦ୍ରପୃଷ୍ଠକୁ ଯାଇଥିଲା ଚନ୍ଦ୍ରଯାନ-୩ । ଶତୀଶ ଧାୱନ ପରୀକ୍ଷଣ କେନ୍ଦ୍ରରୁ ଇସ୍ରୋ ଏହାକୁ ଉତକ୍ଷେପଣ କରିଥିଲା। ବିଶ୍ୱର ପ୍ରଥମ ରାଷ୍ଟ୍ର ଭାବେ ଭାରତ ଅଗଷ୍ଟ ୨୩ରେ ଦକ୍ଷିଣ ମେରୁରେ ନିଜର ଚନ୍ଦ୍ରଯାନ-୩କୁ ସଫ୍ଟ ଲ୍ୟାଣ୍ତିଂ କରି ନୂଆ ଅଧ୍ୟାୟ ସୃଷ୍ଟି କରିଥିଲା।

ଏହାପରେ ଲ୍ୟାଣ୍ଡର ବିକ୍ରମରୁ ରୋଭର ପ୍ରଜ୍ଞାନ ବାହାରି ଜହ୍ନ ରାଇଜର ତଥ୍ୟ ସଂଗ୍ରହ କରିବାରେ ଲାଗିଛି।

୭ ବର୍ଷରେ ୯ଟି ପିଲା ଜନ୍ମ କରି ଚର୍ଚ୍ଚାକୁ ଆସିଛନ୍ତି ମହିଳା,ଜନ୍ମ କରିବେ ଦଶମ ସନ୍ତାନ

 COASTAL NEWS Odia 579

୭ ବର୍ଷରେ ୯ଟି ପିଲା ଜନ୍ମ କରି ଚର୍ଚ୍ଚାକୁ ଆସିଛନ୍ତି ମହିଳା,ଜନ୍ମ କରିବେ ଦଶମ ସନ୍ତାନ

ଅଷ୍ଟ୍ରେଲିଆ - ୭ ବର୍ଷରେ ୯ଟି ଛୁଆ । ପୁଣି ଥରେ ହୋଇଛନ୍ତି ପ୍ରେଗନାଣ୍ଟ । ଏକଥା ଶୁଣିଲେ ଆପଣଙ୍କୁ ନିଶ୍ଚୟ ଆଶ୍ଚର୍ଯ୍ୟ ଲାଗୁଥିବ । ଆଜିର ସମୟରେ ଗୋଟିଏ ପିଲାକୁ ସମ୍ଭାଳିବା ମୁସ୍କିଲ ହେଉଥିବା ବେଳେ ୯ ଟି ପିଲାକୁ ସମ୍ଭାଳିବା କେତେ ଯେ କଷ୍ଟକର ବ୍ୟାପାର ତାହା କଳ୍ପନା ମଧ୍ୟ କରିହେବ ନାହିଁ । କିନ୍ତୁ ଜଣେ ମହିଳା ମାତ୍ର ୭ ବର୍ଷରେ ୯ଟି ପିଲା ଜନ୍ମ କରି ଚର୍ଚ୍ଚାକୁ ଆସିଛନ୍ତି । କ୍ଲୋଇଆଣ୍ଡବିନ୍ସ ନାମକ ଏକ ଆକାଉଣ୍ଟରୁ ଉକ୍ତ ମହିଳା ଏକ ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି । ଯାହା ବର୍ତ୍ତମାନ ଭାଇରାଲ ହେଉଛି ।

କୌଣସି ବିବାହିତ ମହିଳାଙ୍କ ପାଇଁ ମା ହେବାର ଅନୁଭୂତି ସ୍ୱତନ୍ତ୍ର ଥାଏ । କିନ୍ତୁ ଯେତେବେଳେ ଏହି ଅନୁଭବ ଥରେ ରୁ ଦୁଇଥର ହୁଏ, ସେତେବେଳେ ମା’ ବାପାଙ୍କ ଜୀବନ କଷ୍ଟକର ହୋଇପଡ଼େ । ପିଲାମାନଙ୍କ ପାଳନ ପୋଷଣରେ ମା’ ମାନେ ଥକି ପଡ଼ନ୍ତି । କିନ୍ତୁ ଅଷ୍ଟ୍ରେଲିୟାର ଜଣେ ମହିଳା ଅଛନ୍ତି ଯିଏ ୯ଟି ସନ୍ତାନର ମା’ ଏବଂ ବର୍ତ୍ତମାନ ଆଉ ଏକ ପିଲା ଜନ୍ମ ଦେବାକୁ ପ୍ରସ୍ତୁତ ହେଉଛନ୍ତି । ଏନେଇ ସୋସିଆଲ ମିଡିଆରେ ଲୋକମାନେ ତାଙ୍କୁ ବହୁତ ଟ୍ରୋଲ କରୁଛନ୍ତି ।

ଦ ସନ୍ ୱେବସାଇଟର ରିପୋର୍ଟ ଅନୁଯାୟୀ, ଅଷ୍ଟ୍ରେଲିଆର ବାସିନ୍ଦା କ୍ଲୋଇ ଗତ ୭ବର୍ଷ ଧରି ଲଗାତାର ପ୍ରେଗନାଣ୍ଟ ହେଉଛନ୍ତି । ଅର୍ଥାତ ସେ ପ୍ରତିବର୍ଷ ଗର୍ଭଧାରଣର ଅନୁଭବ ନେଉଛନ୍ତି । ତାଙ୍କର ୯ଟି ସନ୍ତାନ ଅଛନ୍ତି ଏବଂ ସେ ଫେବୃଆରୀ ୨୦୨୪ରେ ତାଙ୍କର ଦଶମ ସନ୍ତାନକୁ ଜନ୍ମ ଦେବାକୁ ଯାଉଛନ୍ତି । ନିକଟରେ କ୍ଲୋଇ ତାଙ୍କ କ୍ଲୋଇଆଣ୍ଡବିନ୍ସ ନାମକ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ପୋଷ୍ଟ କରିଥିଲେ ଯେଉଁଥିରେ ସେ ନିଜ ପିଲା ଏବଂ ସ୍ୱାମୀଙ୍କ ସହ ପୋଜ୍ ଦେଇଥିଲେ ଏବଂ ଅଲଟ୍ରାସାଉଣ୍ଡ ଇମେଜ ମାଧ୍ୟମରେ ତାଙ୍କର ଦଶମ ସନ୍ତାନକୁ ଦେଖାଇଥିଲେ। ଭାଇରାଲ ହୋଇଥିବା ଭିଡିଓରେ ଆପଣମାନେ ଗୋଟିଏ ପରେ ଗୋଟିଏ ପିଲାମାନେ ଆଗକୁ ଆସୁଥିବା ଦେଖିପାରିବେ । ତାଙ୍କ କହିବା ଅନୁସାରେ ଦଶମ ପିଲା ଫେବୃଆରୀ ୨୦୨୪ରେ ଜନ୍ମ ନେବ ।

କ୍ଲୋଇ ଏବଂ ତାଙ୍କ ସ୍ୱାମୀ ପିଲାମାନଙ୍କୁ ନେଇ ବହୁତ ଖୁସି ଅଛନ୍ତି, କିନ୍ତୁ ବୋଧହୁଏ ସୋସିଆଲ ମିଡିଆ ବ୍ୟବହାରକାରୀମାନେ କ୍ଲୋଇଙ୍କ ସନ୍ତାନ ଜନ୍ମ କରିବା ନିଷ୍ପତ୍ତିରେ ଖୁସି ନାହାନ୍ତି । ଭାଇରାଲ ହୋଇଥିବା ଭିଡିଓକୁ ଅନେକ ଲୋକ ଦେଖିଥିବା ବେଳେ ଏହାକୁ ଲାଇକ ମଧ୍ୟ ମିଳିଛି । ଅନେକ ୟୁଜର ଭିନ୍ନ ଭିନ୍ନ କମେଣ୍ଟ ମଧ୍ୟ ଦେଉଛନ୍ତି । ପୃଥିବୀରେ ଜନସଂଖ୍ୟା ବଢ଼ୁଥିବାବେଳେ ମହିଳାଙ୍କ ଏପରି ଭାବେ ପିଲା ଜନ୍ମ କରିବା ଜନସଂଖ୍ୟାକୁ ବୃଦ୍ଧି କରୁଛି ବୋଲି ଅନେକ ମତ ଦେଇଛନ୍ତି । କ୍ଲୋଇ ନିଜ ପିଲାଙ୍କୁ ନେଇ ଖୁସି ଥିବା ବେଳେ ସେ ଜନ୍ମ ଦେବାକୁ ଥିବା ପିଲାକୁ ନେଇ ଉତ୍ସାହିତ ଅଛନ୍ତି ।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ସଫଳତା ପୂର୍ବକ ଉତକ୍ଷେପଣ ହେଲା ଆଦିତ୍ୟ-ଏଲୱାନ୍

 COASTAL NEWS Odia 578

ସଫଳତା ପୂର୍ବକ ଉତକ୍ଷେପଣ ହେଲା ଆଦିତ୍ୟ-ଏଲୱାନ୍

ନୂଆଦିଲ୍ଲୀ - ଶ୍ରୀହରିକୋଟା ସତୀଶ ଧାବନ ଲଞ୍ଚ୍ ପ୍ଯାଡରୁ ସଫଳତା ପୂର୍ବକ ଉତକ୍ଷେପଣ ହୋଇଛି ଆଦିତ୍ୟ-ଏଲୱାନ୍। ରକେଟ ପିଏସଏଲଭି-ସି57 ମାଧ୍ୟମରେ ମହାକାଶକୁ ଯାଇଛି ଏହି ମହାକାଶଯାନ। ପୂର୍ବ ନିର୍ଦ୍ଧାରିତ ସମୟ ଅନୁସାରେ ଆଜି ପୂର୍ବାହ୍ନ 11ଟା 50 ମିନିଟରେ ଆଦିତ୍ୟ-ଏଲୱାନ୍ ଉତକ୍ଷେପଣ କରାଯାଇଛି।

ଏହି ମିଶନ୍ ମାଧ୍ୟମରେ ଅନେକ ଲକ୍ଷ୍ୟ ରଖିଛି ଇସ୍ରୋ। ଚନ୍ଦ୍ରଯାନର ସଫଳ ଯାତ୍ରା ପରେ କିପରି ସୌର ମିଶନ ସଫଳ ହେବ ସେଥିପାଇଁ ବୈଜ୍ଞାନିକଙ୍କ ସମେତ ପୂରା ଦେଶବାସୀ ଆଶାବାଦୀ ଅଛନ୍ତି। ଉତକ୍ଷେପଣର 127 ଦିନ ପରେ ଲକ୍ଷ୍ୟପଥରେ ପହଞ୍ଚିବ ଆଦିତ୍ୟ-ଏଲୱାନ୍। ଅର୍ଥାତ୍ ବୈଜ୍ଞାନିକମାନେ ଯେଉଁ ରହସ୍ୟ ଜାଣିବାକୁ ଆଶା ରଖିଛନ୍ତି ତାହା ଆଗାମୀ 4 ମାସ ପରେ ଅର୍ଥାତ୍ ଜାନୁଆରୀରେ ପୂରା ହୋଇପାରିବ। 

କାରଣ, ବର୍ତ୍ତମାନ ଆଦିତ୍ୟ-ଏଲୱାନ୍ କକ୍ଷପଥରେ ଅବସ୍ଥାପିତ ହେବ। ସେଠାରୁ ପୃଥିବୀକୁ ଚାରି ଥର ପରିକ୍ରମା କରି ଲକ୍ଷ୍ୟ ସ୍ଥଳ ଲାଗ୍ରାଞ୍ଜ ପଏଣ୍ଟ ଦିଗରେ ଅଗ୍ରସର ହେବ। ଏହା ପରେ ହାଲୋ ଅର୍ବିଟରେ ରହି ସୂର୍ଯ୍ୟଙ୍କ ଉପରେ ଅନୁଧ୍ୟାନ କରିବ। ଲାଗ୍ରାଞ୍ଜ ପଏଣ୍ଟର ଚତୁର୍ପାଶ୍ୱକୁ ହାଲୋ ଅର୍ବିଟ ବୋଲି କୁହାଯାଏ। ଆଦିତ୍ୟା-ଏଲୱାନ ସମ୍ପୂର୍ଣ୍ଣ ରୂପେ ସୂର୍ଯ୍ୟଙ୍କ ନିକଟକୁ ଯିବ ନାହିଁ। ଏହା ପ୍ରଥମ ଲାଗ୍ରାଞ୍ଜ ପଏଣ୍ଟରେ ରହି ଅନୁଧ୍ୟାନ କରିବ।

ପୃଥିବୀଠୁ ସୂର୍ଯ୍ୟଙ୍କ ଦୂରତା 15 କୋଟି କିଲୋମିଟର ହୋଇଥିବା ବେଳେ ଏହା 15 ଲକ୍ଷ କିଲୋମିଟର ଦୂରରୁ ରହି ଅନୁସନ୍ଧାନ କରିବ। ଏହି ପଏଣ୍ଟକୁ ଲାଗ୍ରାଞ୍ଜ ପଏଣ୍ଟ ବୋଲି କୁହାଯାଏ। ପୃଥିବୀ ଓ ସୂର୍ଯ୍ୟ ମଧ୍ୟରେ ପାଞ୍ଚଟି ଲାଗ୍ରାଞ୍ଜ ପଏଣ୍ଟ ରହିଛି। ପ୍ରଥମ ଲାଗ୍ରାଞ୍ଜ ପଏଣ୍ଟର ଦୂରତା 15 ଲକ୍ଷ କିଲୋମିଟର।

ଲାଗ୍ରାଞ୍ଜ ପଏଣ୍ଟ ହିଁ ପୃଥିବୀ ଓ ସୂର୍ଯ୍ୟ ମଧ୍ୟରେ ଥିବା ଏକ ସ୍ଥାନ, ଯେଉଁଠାରେ ଦୁଇ ବସ୍ତୁ ମଧ୍ୟରେ ମାଧ୍ୟାକର୍ଷଣ ଶକ୍ତି କାମ କରିଥାଏ। ଫଳରେ କୌଣସି ବସ୍ତୁ ଦୀର୍ଘ ସମୟ ପର୍ଯ୍ୟନ୍ତ ସେହିଠାରେ ସନ୍ତୁଳିତ ଅବସ୍ଥାରେ ରହି କାର୍ଯ୍ୟ କରିପାରିବ। ଏହିଠାରୁ ହିଁ ଆଦିତ୍ୟ-ଏଲୱାନ୍ ସୂର୍ଯ୍ୟଙ୍କ ରହସ୍ୟ ଭେଦିବ ଏବଂ ଇସ୍ରୋକି ଗୋଟିଏ ପରେ ଗୋଟିଏ ସୂଚନା ଦେବ।

ଆଦିତ୍ୟ-ଏଲୱାନ୍ ଜରିଆରେ ମହାକାଶକୁ 7ଟି ପେ'ଲୋଡ୍ ମଧ୍ୟ ପଠାଯାଇଛି। ଏହି ପେ'ଲୋଡ୍ ମଧ୍ୟରୁ 4ଟି ପେ'ଲୋଡ୍ ସୂର୍ଯ୍ୟଙ୍କ ଉପରେ ଏବଂ ଅନ୍ୟ 3ଟି ଲାଗ୍ରାଞ୍ଜ ପଏଣ୍ଟ ଏଲୱାନ ଉପରେ ପରୀକ୍ଷା ନିରୀକ୍ଷା କରିବ। ଏହାପରେ ସୂର୍ଯ୍ୟଙ୍କ ଫଟୋସ୍ଫିୟର୍, କ୍ରୋମୋସ୍ଫିର୍ ସହ ସୂର୍ଯ୍ୟଙ୍କ ବାହ୍ୟ ସ୍ତର କରୋନା ଓ ସୌର ବାୟୁ ଉପରେ ଅନୁଧ୍ୟାନ କରିବ। ବିଶେଷ କରି ସୌରଝଡର ଆକଳନ ଓ ମୁକାବିଲା ଦିଗରେ ଏହି ମିଶନ୍ ସହାୟକ ହୋଇପାରେ ବୋଲି ଆଶା ରଖିଛି ଇସ୍ରୋ। ସେହିପରି ମହାକାଶରେ କିପରି ଜଳବାୟୁ ଓ ପାଣିପାଗ ରହିଥାଏ ତାହା ଜଣାପଡିବ।

ସୂର୍ଯ୍ୟଙ୍କ ଉପରେ ଅନୁସନ୍ଧାନ କ୍ଷେତ୍ରରେ ଏହା ହେଉଛି ଇସ୍ରୋର ପ୍ରଥମ ପଦକ୍ଷେପ। ଏହା ପୂର୍ବରୁ ଆମେରିକା ସ୍ପେଶ୍ ଏଜେନ୍ସି ନାସା, ୟୁରୋପିୟ ସ୍ପେସ୍ ଏଜେନ୍ସି ଏବଂ ଜର୍ମାନ ସ୍ପେଶ୍ ଏଜେନ୍ସି ଭଳି ଖୁବ୍ କମ୍ ମହାକାଶ ଅନୁସନ୍ଧାନ ସଂସ୍ଥାନ ଏହି ଅନୁସନ୍ଧାନ କରିଛନ୍ତି। ଏହି ମିଶନ ସଫଳ ହେଲେ ମହାକାଶ ଅନୁସନ୍ଧାନ କ୍ଷେତ୍ରରେ ଇସ୍ରୋ ଏକ ମାଇଲଖୁଣ୍ଟ ଅତିକ୍ରମ କରିବ। ଅଗଷ୍ଟରେ ମଧ୍ୟ ଇସ୍ରୋର ମୁନ୍ ମିଶନ୍ ସଫଳ ହୋଇଛି। ବର୍ତ୍ତମାନ ଚନ୍ଦ୍ରଯାନ-3 ଚନ୍ଦ୍ରମାରେ ଅନେକ ରହସ୍ୟ ଭେଦୁଛି। ଚଳିତ ମାସ ଗଗନଯାନ ଉତକ୍ଷେପଣ କରିବାକୁ ଲକ୍ଷ୍ୟ ରଖିଛି ଇସ୍ରୋ।

#public #cuttack #Kendrapara #AUL#Odisha #jajpur #Bhadraknews #berhampurnews #news #Bhadraknews #kendraparanews #rourkelanews #PuriNews #ସମ୍ବଲପୁର୍ #Dhenkanal #Jagatsinghpur #Bhubaneswar #Baleswar 

ଭାରତ ସୂର୍ଯ୍ୟ ମିଶନ ଆଦିତ୍ୟ L1 ସଫଳତାପୂର୍ବକ ଉତକ୍ଷେପଣ କରାଯାଇଛି

 COASTAL NEWS Odia 577

ଭାରତ ସୂର୍ଯ୍ୟ ମିଶନ ଆଦିତ୍ୟ L1 ସଫଳତାପୂର୍ବକ ଉତକ୍ଷେପଣ କରାଯାଇଛି

ନୂଆଦିଲ୍ଲୀ - ଭାରତ ସୂର୍ଯ୍ୟ ମିଶନ ଆଦିତ୍ୟ L1 ସଫଳତାପୂର୍ବକ ଉତକ୍ଷେପଣ କରାଯାଇଛି । ଦେଶର ପ୍ରଥମ ସୂର୍ଯ୍ୟ ମିଶନ ଆନ୍ଧ୍ରପ୍ରଦେଶ ଶ୍ରୀହରିକୋଟା ସ୍ପେସ ସେଣ୍ଟରୁ ଆଜି ୧୧.୫୦ ମିନିଟ ସମୟରେ ସଫଳତାପୂର୍ବତ ଉତକ୍ଷେପଣ କରାଯାଇଛି । PSLV-C57 ରେ ଆଦିତ୍ୟ L1 କୁ ଉତ୍‌କ୍ଷେପଣ କରାଯାଇଛି ।

୧୪୮୦ କିଲୋଗ୍ରାମ ଓଜନ ଆଦିତ୍ୟ L1 ଇସ୍ରୋର ବାହୁବଳୀ କହାଯାଉଥିବା ରକେଟ ପିଏସଏଏଭି ଜରିଆରେ ଲଞ୍ଚ କରାଯାଇଛି । ଏହା ପିଏସଏଲଭିର ୫୯ତମ ଲଞ୍ଚ । ଏହି ରକେଟର ସଫଳତା ୯୯ ପ୍ରତିଶତ ।

ଆଦିତ୍ୟ ଏଲ ୧ ମିଶନ ଏକ ଏପରି ମିଶନ ଯାହା ୧୫ ଲକ୍ଷ କିଲୋମିଟର ଯାତ୍ରା କରିବା ପରେ ସୂର୍ଯ୍ୟ ନିକଟରେ ଏକ ସ୍ୱତନ୍ତ୍ର ଦୂରତା ରକ୍ଷା କରି ପହଞ୍ଚିବ । ତାହା ଏଥି ପାଇଁ କରାଯିବ କାରଣ ଆଦିତ୍ୟ ଏଲ ୧ ସୂର୍ଯ୍ୟ ନିକଟରେ ପହଁଚିଲେ ଏହା ଜଳି ନଷ୍ଟ ହେବାର ସମ୍ଭାବନା ରହିଛି ।

ପୃଥିବୀଠୁ ସୂର୍ଯ୍ୟ ପ୍ରାୟ ୧୫ କୋଟି କିଲୋମିଟର ଦୂରରେ ଥିବା ବେଳେ ଏହାର ଶହେ ଭାଗରୁ ୧ ଭାଗ ଦୂରତା ଅତିକ୍ରମ କରିବ ଆଦିତ୍ୟ ଏଲ -୧। ଅର୍ଥାତ ପୃଥିବୀଠାରୁ ୧୫ ଲକ୍ଷ କିଲୋମିଟର ଦୂରତାରେ ରହି ସୂର୍ଯ୍ୟଙ୍କ ସମ୍ପର୍କରେ ତଥ୍ୟ ସଂଗ୍ରହ କରିବାକୁ ଇସ୍ରୋ ଲକ୍ଷ୍ୟ ରଖିଛି।

ଇସ୍ରୋ ପକ୍ଷରୁ ଆଦିତ୍ୟ ଏଲ-୧ ପୃଥିବୀଠୁ ୧୫ ଲକ୍ଷ କିଲୋମିଟର ଦୂରରେ ଥିବା ଆର୍ଥ-ସନ୍ ସିଷ୍ଟମର ପ୍ରଥମ ଲଗରାଞ୍ଜିଆନ୍ ପଏଣ୍ଟ୍ ବା ଏଲ-୧ର ଏକ ହାଲୋ ଅର୍ବିଟରେ ଅବସ୍ଥାପିତ ହେବ। ସେଠାକୁ ଯିବା ପାଇଁ ପ୍ରାୟ ୪ ମାସ ସମୟ ଲାଗିବ।

ସୌର ପୃଷ୍ଠରେ ହେଉଥିବା ପରିବର୍ତ୍ତନ, ସୌରଝଡ଼ ବିକିରଣ ଓ କଣିକା ଉପରେ ଅଧ୍ୟୟନ କରିବା ଆଦିତ୍ୟ L1ର ମୂଳ ଲକ୍ଷ୍ୟ ।

ଡେଙ୍ଗୁ ନିୟନ୍ତ୍ରଣ ବେଳକୁ ଅଣାୟତ୍ତ ହେଲାଣି ମ୍ୟାଲେରିଆ: ଆକ୍ରାନ୍ତଙ୍କ ତାଲିକାରେ ଦେଶରେ ଓଡ଼ିଶା ଦ୍ବିତୀୟ

 COASTAL NEWS Odia 576

ଡେଙ୍ଗୁ ନିୟନ୍ତ୍ରଣ ବେଳକୁ ଅଣାୟତ୍ତ ହେଲାଣି ମ୍ୟାଲେରିଆ: ଆକ୍ରାନ୍ତଙ୍କ ତାଲିକାରେ ଦେଶରେ ଓଡ଼ିଶା ଦ୍ବିତୀୟ

 

ଭୁବନେଶ୍ବର: ମଶାଙ୍କ ଆକ୍ରମଣରେ ଛଟପଟ ହେଉଛନ୍ତି ରାଜ୍ୟବାସୀ। ସହରରେ ଡେଙ୍ଗୁ ମାତିଥିବା ବେଳେ ଗ୍ରାମାଞ୍ଚଳରେ ମ୍ୟାଲେରିଆ କବଳିତ କଲାଣି। ରାଜ୍ୟ ସରକାରଙ୍କ ସର୍ବା‌ଧିକ ଫୋକସ୍ ଏବେ ଡେଙ୍ଗୁ ଉପରେ ରହିଥିବା ବେଳେ ପୂର୍ବରୁ ବଦନାମ କରିଥିବା ମ୍ୟାଲେରିଆ ଚଳିତବର୍ଷ ମୁଣ୍ଡ ଟେକିଲାଣି। ଅଗଷ୍ଟ ମାସ ଶେଷ ବେଳକୁ ରାଜ୍ୟରେ ଡେଙ୍ଗୁ ରୋଗୀଙ୍କ ସଂଖ୍ୟା ସାଢ଼େ ୩ହଜାର ହୋଇଥିବା ବେଳେ ମେ’ ମାସ ବେଳକୁ ମ୍ୟାଲେରିଆ ଆକ୍ରାନ୍ତଙ୍କ ସଂଖ୍ୟା ୧୦ହଜାର ଛୁଇଁଛି। ଚଳିତବର୍ଷ ଶେଷ ବେଳକୁ ଏହି ସଂଖ୍ୟା ଗତବର୍ଷର ସଂଖ୍ୟାକୁ ଟପିଯିବା ନେଇ ଏକପ୍ରକାର ସ୍ପଷ୍ଟ ଚିତ୍ର ମିଳିଲାଣି। ମ୍ୟାଲେରିଆ ନିୟନ୍ତ୍ରଣରେ ପ୍ରମୁଖ ଭୂମିକା ଗ୍ରହଣ କରୁଥିବା ଔଷଧୀୟ ମଶାରିର ଅବଧି ଶେଷ ହୋଇଯାଇଥିବାରୁ ରାଜ୍ୟ ସରକାରଙ୍କ ପାଇଁ ଚିନ୍ତାର କାରଣ ପାଲଟିଛି। କେନ୍ଦ୍ର ସରକାର ଔଷଧୀୟ ମଶାରୀ କେବେ ପଠାଇବେ ତାହାକୁ ରାଜ୍ୟ ସରକାର ଚାହିଁ ବସିଛନ୍ତି। ମଶାରୀ ଆସିବ ଯେତେ ବିଳମ୍ବ ହେବ ମ୍ୟାଲେରିଆ ରାଜ୍ୟ ସରକାରଙ୍କ ପାଇଁ ସେତେ ବଦାନମ ଆଣିବ ବୋଲି ବିଭାଗରେ ଆଲୋଚନା ହେଉଛି।

୨୦୧୬ ମସିହାରୁ ରାଜ୍ୟରେ ମ୍ୟାଲେରିଆ ସଂଖ୍ୟା କ୍ରମାଗତଭାବେ ହ୍ରାସ ପାଇବାରେ ଲାଗିଛି। ୨୦୨୦ କୋଭିଡ୍‌ ବର୍ଷରେ ଏଥିରେ କିଛିଟା ବୃଦ୍ଧି ହୋଇଥିଲେ ହେଁ ପରବର୍ତୀ ବର୍ଷଗୁଡ଼ିକରେ କମି କମି ଚାଲିଛି। ମାଚ୍ର ଚଳିତବର୍ଷର ମ୍ୟାଲେରିଆ ରାଜ୍ୟ ସରକାରଙ୍କ ପୂର୍ବରୁ ହୋଇଥିବା ସମସ୍ତ ଉଦ୍ୟମକୁ ପାଣି ଫୋଟକା ଭଳି ମିଳାଇଦେଇଛି। ଏନ୍‌ଭିବିଡିସିପି ସୂତ୍ରରୁ ମିଳିଥିବା ସୂଚନା ଅନୁସାରେ, ଗତବର୍ଷ ମେ’ ମାସ ସୁଦ୍ଧା ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୫୦୯୫ ଥିବା ବେଳେ ଚଳିତବର୍ଷ ଏହା ୯୯୦୭କୁ ବୃଦ୍ଧି ପାଇଛି। ଆକ୍ରାନ୍ତଙ୍କ ସଂଖ୍ୟାରେ ୯୫% ବୃଦ୍ଧି ହୋଇଛି। ଯାହାକି ଚିନ୍ତାଜନକ। ଏହାଭିତରେ ୩ମାସ ବିତିଥିବା ବେଳେ ଏହି ସଂଖ୍ୟା ଆହୁରି ବୃଦ୍ଧି ପାଇବା ନେଇ ଆଶଙ୍କା କରାଯାଉଛି। ଦେଶରେ ଛତିଶଗଡ଼ ପରେ ଆକ୍ରାନ୍ତଙ୍କ ତାଲିକାରେ ଓଡ଼ିଶା ଦେଶରେ ଦ୍ବିତୀୟ ସ୍ଥାନରେ ରହିଛନ୍ତି। ରାଜ୍ୟରେ ମ୍ୟାଲେରିଆ ସ୍ଥିତି ଅତ୍ୟନ୍ତ ଗମ୍ଭୀର ଥିବା ବେଳେ ସରକାରଙ୍କ ପକ୍ଷରୁ ଏହା ସଂପର୍କରେ ସ୍ପଷ୍ଟ ଚିତ୍ର ଦିଆଯାଉନାହିଁ। ମେ’ମାସ ସୁଦ୍ଧା ଦେଶରେ ମ୍ୟାଲେରିଆରେ ୨ଜଣଙ୍କ ମୃତ୍ୟୁ ହୋଇଥିବା ଘୋଷଣା ହୋଇଛି। ଏଥିରେ ଗୋଟିଏ ମୃତ୍ୟୁ ଓଡ଼ିଶାରୁ ରହିଛି। ଗତବର୍ଷ ରାଜ୍ୟରେ ୫ଜଣଙ୍କ ମ୍ୟାଲେରିଆରେ ସରକାରୀଭାବେ ମୃତ୍ୟୁ ହୋଇଥିଲା।

ଅପରପକ୍ଷରେ ମ୍ୟାଲେରିଆ ନିୟନ୍ତ୍ରଣ ଯେଉଁ ପ୍ରମୁଖ କେତୋଟି ଦିଗ ରହିଛି ତହିଁରେ ଔଷଧୀୟ ମଶାରି ଗୁରୁତ୍ବପୂର୍ଣ୍ଣ। ୨୦୧୮ ମସିହାରେ ରାଜ୍ୟରେ ଔଷଧୀୟ ମଶାରି ବଣ୍ଟନ କରାଯାଇଥିଲା। ଏହି ମଶାରିର ଅବଧି ୩ବର୍ଷ ଥିଲା। ଗତବର୍ଷ ଡିସେମ୍ବରରେ ଏହାର ଅବଧି ଶେଷ ହୋଇଯାଇଛି। କେନ୍ଦ୍ର ସରକାର ଯଦି ଏହି ମଶାରି ପ୍ରଦାନରେ ବିଳମ୍ବ କରନ୍ତି ତାହାଲେ ରାଜ୍ୟରେ ମ୍ୟାଲେରିଆ ସ୍ଥିତି ସଙ୍ଗୀନ ହୋଇପାରେ। ମ୍ୟାଲେରିଆ ସଂଖ୍ୟା ଥରେ ବଢ଼ିଗଲେ ସବୁଠାରୁ କମ୍ ଆକ୍ରାନ୍ତ ଚିହ୍ନଟ ହୋଇଥିବା ୨୦୨୨ ସ୍ଥିତି ଫେରାଇ ଆଣିବାକୁ ରାଜ୍ୟକୁ ଆହୁରି ୫-୭ବର୍ଷ ଲାଗିଯିବ ବୋଲି ବିଶେଷଜ୍ଞମାନେ ମତ ଦେଉଛନ୍ତି। ଏହାସହ ରାଜ୍ୟରେ ସ୍ବତନ୍ତ୍ରଭାବେ ମ୍ୟାଲେରିଆ ନିୟନ୍ତ୍ରଣ ପାଇଁ ‘ଦମନ’ କାର୍ଯ୍ୟକ୍ରମ ଚାଲୁଛି। କୋଟି କୋଟି ଟଙ୍କା ଖର୍ଚ୍ଚ କରିବା ପରେ ମ୍ୟାଲେରିଆ ସଂଖ୍ୟା ବଢ଼ିବା ‘ଦମନ’ର କାର୍ଯ୍ୟକାରିତା ଉପରେ ପ୍ରଶ୍ନବାଚୀ ଲଗାଇଛି।

ରାଜ୍ୟ ଭିବିଡିର ଯୁଗ୍ମ ନିର୍ଦେଶକ ଡା.ଶୁଭାଶିଷ ମହାନ୍ତି କହିଛନ୍ତି, ରାଜ୍ୟରେ ମ୍ୟାଲେରିଆକୁ ନିୟନ୍ତ୍ରଣ କରିବା ପାଇଁ ଉଦ୍ୟମ ଜାରି ରହିଛି। ଦକ୍ଷିଣ ଓଡ଼ିଶାର ଯେଉଁ ଜିଲ୍ଲାଗୁଡ଼ିକରେ ଆକ୍ରାନ୍ତଙ୍କ ସଂଖ୍ୟା ଅଧିକ ରହିଛି ସେସବୁ ଜିଲ୍ଲାରେ ମାଇକ୍ରୋପ୍ଲାନିଂ କରାଯାଇ ଏହାକୁ କିଭଳି ନିୟନ୍ତ୍ରଣ କରାଯିବ ତାହାକୁ ଗୁରୁତ୍ବ ଦିଆଯାଉଛି। ପାଣିପାଗ ମଧ୍ୟ ମ୍ୟାଲେରିଆ ନିୟନ୍ତ୍ରଣରେ ଖଳନାୟକ ସାଜୁଛି। ଗରମ କାରଣରୁ ଲୋକମାନେ ସାଧାରଣଭାବେ ମଶାରି ଭିତରେ ଶୋଇବାକୁ ପସନ୍ଦ କରି ନ ଥାନ୍ତି। ଏ ଦୃଷ୍ଟିରୁ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ବଢ଼ିଛି। ଔଷଧୀୟ ମଶାରି ଯୋଗାଇଦେବା ପାଇଁ କେନ୍ଦ୍ର ସରକାରଙ୍କୁ ଯୋଗାଯୋଗ କରାଯାଇଛି। କେନ୍ଦ୍ର ସରକାର ମଧ୍ୟ ମଶାରି ଯୋଗାଇଦେବେ ବୋଲି କହିଛନ୍ତି, ମାତ୍ର କେଉଁ ମାସରେ ଦେବେ ତାହା ସ୍ପଷ୍ଟ କରିନାହାନ୍ତି। ତେଣୁ ସଚେତନତା କାର୍ଯ୍ୟକ୍ରମକୁ ଜୋରଦାର କରାଯାଇଥିବା ଡା.ମହାନ୍ତି ସୂଚନା ଦେଇଛନ୍ତି।

ବାହୁବଳି ‘ମହେନ୍ଦ୍ରଗିରି’ର ହେଲା ଜଳାବତରଣ

COASTAL NEWS Odia 575

ବାହୁବଳି ‘ମହେନ୍ଦ୍ରଗିରି’ର ହେଲା ଜଳାବତରଣ, 

ମୁମ୍ବାଇ : ଭାରତୀୟ ନୌସେନାର ନୂଆ ଯୁଦ୍ଧପୋତ ଆଇଏନଏସ୍ ମହେନ୍ଦ୍ର ଗିରିର ଶୁକ୍ରବାର ଜଳାବତରଣ ହୋଇଛି। ଉପରାଷ୍ଟ୍ରପତି ଜଗଦ୍ଦୀପ ଧନଖଡ ଓ ତାଙ୍କ ପତ୍ନୀ ସୁଦେଶ ଧନଖଡଙ୍କ ଉପସ୍ଥିତିରେ ମୁମ୍ବାଇର ମଝଗାଓଁ ଡକ୍ ସିପ୍ ବିଲ୍ଡର୍ସ ଲିମିଟେଡରେ ଏହି ଜଳାବତରଣ ହୋଇଛି। ଏହା ପ୍ରେଜେକ୍ଟ-୧୭-ଏର ସପ୍ତମ ଯୁଦ୍ଧପୋତ। ଏହା ପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଗଷ୍ଟ ୧୭ ତାରିଖରେ ଏହି ପ୍ରକଳ୍ପର ଷଷ୍ଠ ଯୁଦ୍ଧପୋତ ବିନ୍ଧ୍ୟଗିରିକୁ ଲୋକାର୍ପିତ କରିଥିଲେ।

ପ୍ରୋଜେକ୍ଟ ୧୭-ଏରେ ନିର୍ମିତ ଏହି ଯୁଦ୍ଧପୋତରେ ଅନେକ ପ୍ରକାରର ବିଶେଷତା ରହିଛି। ଏଥିରେ ଉନ୍ନତ ଶ୍ରେଣୀର ଅସ୍ତ୍ରଶସ୍ତ୍ର ସମେତ ସେନସର ଓ ପ୍ଲାଟଫର୍ମ ମ୍ୟାନେଜମେଣ୍ଟ ସିଷ୍ଟମ ରହିଛି। ଏହା ସହିତ ଯୁଦ୍ଧପୋତର ଗୋପନୀୟତା ସମ୍ପର୍କିତ ଅନ୍ୟ ଫିଚର୍ସ ଉପରେ ମଧ୍ୟ ଧ୍ୟାନ ଦିଆଯାଇଛି। ପ୍ରୋଜେକ୍ଟ ୧୭-ଏ ଅନ୍ତର୍ଗତ ୫ଟି ଯୁଦ୍ଧପୋତକୁ ୨୦୧୯ରୁ  ୨୦୨୨ ମଧ୍ୟରେ ଲଞ୍ଚ କରାଯାଇଥିଲା।

ପ୍ରଥମତଃ ଏହି ଯୁଦ୍ଧପୋତର ଆକାର ଅତି ବିଶାଳକାୟ ଓ ବହୁତ ଶକ୍ତିଶାଳୀ। ଅଧିକାରୀଙ୍କ ଅନୁସାରେ ଏହା ୧୪୯ ମିଟର ଲମ୍ବା ହୋଇଥିବା ବେଳେ ୧୭.୮ ମିଟର ଚୌଡା। ଏହାର ସର୍ବାଧିକ ବେଗ ୨୮ ନଟ୍‌ ରହିବ। ପ୍ରୋଜେକ୍ଟ ୧୭-ଏ ର ମହେନ୍ଦ୍ରଗିରି ଶେଷ ଯୁଦ୍ଧପୋତ। ପ୍ରକଳ୍ପ ଅନୁସାରେ ୪ଟି ଯୁଦ୍ଧପୋତ ମଝଗାଓଁ ଡକ୍‌ରେ ନିର୍ମିତ ହୋଇଛି। ଏହା ଛଡା ଅନ୍ୟଗୁଡିକୁ ଗାର୍ଡନରିଚ୍ ଶିପ ବିଲ୍ଡର୍ସ ଆଣ୍ଡ ଇଞ୍ଜିନିୟର୍ସ (ଜିଆରଏସଇ) କୋଲକାତାରେ ନିର୍ମାଣ କରାଯାଇଛି।

ପ୍ରୋଜେକ୍ଟ ୧୭-ଏର ସବୁ ଯୁଦ୍ଧପୋତ ବର୍ତ୍ତମାନ ନିର୍ମାଣର ଅଲଗା ଅଲଗା ଅବସ୍ଥାରେ ଅଛନ୍ତି। ଆଶା କରାଯାଉଛି ୨୦୨୪ରୁ ୨୦୨୬ ମଧ୍ୟରେ ଏ ଗୁଡିକୁ ନେଭିକୁ ଦେଇ ଦିଆଯିବ। ଏକ ବୟାନରେ ଭାରତୀୟ ନୌସେନା କହିଛନ୍ତି ଯେ ବୈଷୟିକ ରୂପେ ମହେନ୍ଦ୍ରଗିରି ଏକ ଉନ୍ନତ ଯୁଦ୍ଧପୋତ। ଉଲ୍ଲେଖଯୋଗ୍ୟ ଯେ ଏହି ଯୁଦ୍ଧପୋତ ଏପରି ଏକ ସମୟରେ ଲୋକାର୍ପିତ ହୋଇଛି ଯେତେବେଳେ ଭାରତ ସରକାର ପ୍ରତିରକ୍ଷା କ୍ଷେତ୍ରକୁ ଆତ୍ମନିର୍ଭର କରିବା ପାଇଁ ଅଣ୍ଟା ଭିଡିଛନ୍ତି। ଏହା ଛଡା ଚୀନ୍‌ ସେନାର ବଢୁଥିବା ଦବଦବାରେ ହୀନ୍ଦ ମହାସାଗର କ୍ଷେତ୍ରରେ ପାୱାର ଡାୟନାମିକ୍ସ ମଧ୍ୟ ବଦଳୁଛି।

ଓଡିଶା ପାଇଁ ଗର୍ବ ଓ ଗୌରବର ବିଷୟ ଏହାର ନାମକରଣ ଗଜପତି ଜିଲ୍ଲାର ବିଖ୍ଯାତ ପାହାଡ଼ ମହେନ୍ଦ୍ରଗିରି ନାମରେ ନାମିତ କରାଯାଇଛି ବୋଲି ବିଶେଷ ସୂତ୍ରରୁ ଜଣାପଡିଛି l

କାଇ ଚଟଣି କୁ ଜି ଆଇ ଟ୍ୟାଗ

 COASTAL NEWS Odia 574

କାଇ ଚଟଣି କୁ ଜି ଆଇ ଟ୍ୟାଗ

ଭୁବନେଶ୍ବର - ଓଡ଼ିଶାର ଆଉ ୨ ସାମଗ୍ରୀକୁ ମିଳିବ ଜିଆଇ ଟ୍ୟାଗ ମାନ୍ୟତା। ମୟୂରଭଞ୍ଜ ଜିଲ୍ଲାର କାଇ ଚଟଣୀ ଓ ନୟାଗଡ଼ ଜିଲ୍ଲା କଣ୍ଟିଲୋ କଣ୍ଟେଇମୁଣ୍ଡି ବାଇଗଣକୁ ମିଳିବ ଜିଆଇ ଟ୍ୟାଗ ମାନ୍ୟତା।

ମୟୂରଭଞ୍ଜ ଜିଲ୍ଲା ଆଦିବାସୀ ମାନଙ୍କ ପ୍ରମୁଖ ଖାଦ୍ୟ କାଇ ଚଟଣୀକୁ ଜିଆଇ ମାନ୍ୟତା ପାଇଁ ଯଶିପୁର କୃଷି ବିଜ୍ଞାନ କେନ୍ଦ୍ର ପକ୍ଷରୁ ଓୟୁଏଟି ମାଧ୍ୟମରେ ଆବେଦନ କରାଯାଇଥିଲା।  ଏବେ ଜିଆଇ ଟ୍ୟାଗ ମାନ୍ୟତା ନେଇ କେନ୍ଦ୍ର ସରକାରଙ୍କ ଜିଓଗ୍ରାଫିକାଲ ଆଇଡେଣ୍ଟିଫିକେସନ ଜର୍ନାଲରେ ପ୍ରକାଶିତ ହୋଇଛି। କାଇ ଚଟଣୀରେ ବହୁ ଔଷଧୀୟ ଗୁଣ ରହିଥିବା ଦାବି କରି ଆସୁଛି ମୟୂରଭଞ୍ଜ କାଇ ସୋସାଇଟି।

ଆଜି ସୂର୍ଯ୍ୟାଭିମୁଖୀ ଆଦିତ୍ୟ-ଏଲ୍‌୧ ମିଶନ

 COASTAL NEWS Odia 573

ଆଜି ସୂର୍ଯ୍ୟାଭିମୁଖୀ ଆଦିତ୍ୟ-ଏଲ୍‌୧ ମିଶନ

 

ଶ୍ରୀହରିକୋଟା,୨ା୯: ଭାରତର ପ୍ରଥମ ସୂର୍ଯ୍ୟ ମିଶନ ‘ଆଦିତ୍ୟ-ଏଲ୍‌୧’ ଶନିବାର ସୂର୍ଯ୍ୟ ଅଭିମୁଖେ ଯାତ୍ରା ଆରମ୍ଭ କରିବ। ଏଥିପାଇଁ ଅବଗଣନା ଆରମ୍ଭ ହୋଇଯାଇଛି ବୋଲି ଭାରତୀୟ ମହାକାଶ ଗବେଷଣା ସଂସ୍ଥା(ଇସ୍ରୋ) ପକ୍ଷରୁ କୁହାଯାଇଛି। ଶନିବାର ପୂର୍ବାହ୍ନ ୧୧.୫୦ ମିନିଟ୍‌ରେ ଏହା ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତିଶ ଧାଓ୍ବନ ମହାକାଶ କେନ୍ଦ୍ରରୁ ଉତ୍‌କ୍ଷେପଣ କରାଯିବ। ଚନ୍ଦ୍ରୟାନ-୩ର ସଫଳତା ପରେ ଭାରତ ସୂର୍ଯ୍ୟ ମିଶନ ଆରମ୍ଭ କରିବାକୁ ଯାଉଛି। ଇସ୍ରୋ ପକ୍ଷରୁ ଶୁକ୍ରବାର ମଧ୍ୟାହ୍ନ ୧୨.୧୦ରେ ଏକ ଟୁଇଟ୍‌ରେ କୁହାଯାଇଛି, ସୂର୍ଯ୍ୟ ମିଶନ ଆରମ୍ଭ ହେବା ଲାଗି ଆଉ ୨୩ ଘଣ୍ଟା ୪୦ ମିନିଟ୍‌ ରହିଲା। ଏହି ମିଶନ ତା’ର ଲକ୍ଷ୍ୟସ୍ଥଳରେ ପହଞ୍ଚିବା ପାଇଁ ୧୨୫ ଦିନ ଲାଗିବ ବୋଲି ଇସ୍ରୋ ମୁଖ୍ୟ ଏସ୍‌. ସୋମନାଥ କହିଛନ୍ତି। ମିଶନ ଆରମ୍ଭ ଲାଗି ସମସ୍ତ ପ୍ରସ୍ତୁତି ଶେଷ ହୋଇଛି। ସୌରଜଗତର ସବିଶେଷ ତଥ୍ୟ ଯେପରି ମିଳିପାରିବ ତାକୁ ଦୃଷ୍ଟିରେ ରଖି ଏଲ୍‌-୧କୁ ବିକଶିତ କରାଯାଇଛି।

ସୂର୍ଯ୍ୟ ବିଷୟରେ ଅଧ୍ୟୟନ କରିବାର ଆବଶ୍ୟକତା ବିଷୟରେ ବର୍ଣ୍ଣନା କରିବାକୁ ଯାଇ ଇଣ୍ଡିଆନ୍‌ ଇନଷ୍ଟିଚ୍ୟୁଟ୍‌ ଅଫ୍‌ ଆଷ୍ଟ୍ରୋଫିଜିକ୍ସ(ଆଇଆଇଏ)ର ବୈଜ୍ଞାନିକ ଡ. ଆର୍‌. ରମେଶ କହିଛନ୍ତି, ପୃଥିବୀର ଭୂକମ୍ପ ଭଳି ସୌରଜଗତରେ ମଧ୍ୟ ଝଡ଼ ସୃଷ୍ଟି ହେଉଛି। ଏହାକୁ ସୌର କମ୍ପନ ବା କୋରୋନାଲ୍‌ ମାସ୍‌ ଇଜେକସନ୍‌(ସିଏମ୍‌ଇ) ବୋଲି କୁହାଯାଉଛି। ଏହି ପ୍ରକ୍ରିୟାରେ ଅନେକ ନିୟୁତ ଟନ୍‌ର ସୌର ଉପାଦାନ ମହାକାଶ ଆଡ଼କୁ ଆସିଥାଏ। ଏଗୁଡ଼ିକର ଗତି ପ୍ରତି ସେକେଣ୍ଡରେ ୩ ହଜାର କି.ମି. ରହିଥାଏ। ସେଥିମଧ୍ୟରୁ କିଛି ଉପାଦାନ ପୃଥିବୀ ଆଡ଼କୁ ମଧ୍ୟ ଆସିଥାନ୍ତି। ଏହା ପୃଥିବୀ ପୃଷ୍ଠରେ ପହଞ୍ଚିବା ପାଇଁ ପ୍ରାୟ ୧୫ ଘଣ୍ଟା ସମୟ ଲାଗିଥାଏ। ସେ କହିଛନ୍ତି, ପୂର୍ବରୁ ୟୁରୋପିୟନ ମହାକାଶ ସଂସ୍ଥା(ଇଏସ୍‌ଏ) ଏବଂ ନ୍ୟାଶନାଲ ଏରୋନାଟିକ୍ସ ଆଣ୍ଡ ସ୍ପେଶ ଆଡମିନିଷ୍ଟ୍ରେଶନ(ନାସା) ପକ୍ଷରୁ ଏଭଳି ମିଶନ କରାଯାଇଛି। ହେଲେ ଭାରତର ଆଦିତ୍ୟ ମିଶନ ସେଗୁଡ଼ିକଠାରୁ ସ୍ବତନ୍ତ୍ର ରହିବ। ପ୍ରଥମତଃ ଏହି ମିଶନ ଜରିଆରେ ଆମେ ସୌର ମଣ୍ଡଳର ଆଲୋକବଳୟ କେଉଁଠାରୁ ଆରମ୍ଭ ହେଉଛି ସେହି ବିଷୟରେ ଅନୁଧ୍ୟାନ କରାଯାଇପାରିବୁ। ସେହିପରି ସୌରମଣ୍ଡଳରେ ଚୁମ୍ବକୀୟ ଶକ୍ତି କେଉଁ ପରିସ୍ଥିତିରେ ପରିବର୍ତ୍ତନ ହେଉଛି ସେନେଇ ମଧ୍ୟ ଜ୍ଞାନ ଆରୋହଣ କରାଯାଇପାରିବ।

ଭିଜିଲାନ୍ସ ଜାଲରେ ରାଜସ୍ୱ ନିରୀକ୍ଷକ

 COASTAL NEWS Odia 572

ଭିଜିଲାନ୍ସ ଜାଲରେ ରାଜସ୍ୱ ନିରୀକ୍ଷକ

ରାଇରଙ୍ଗପୁର- ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଲେ ଲାଞ୍ଚୁଆ ରାଜସ୍ୱ ନିରୀକ୍ଷକ । ଜମି ମାପଚୁମ କରିବା ବାବଦକୁ ୫ ହଜାର ଟଙ୍କା ଲାଞ୍ଚ ନେବାବେଳେ ମୟୂରଭଞ୍ଜ ଜିଲ୍ଲା ବାଦାମପାହାଡ଼ ତହସିଲ ଅନ୍ତର୍ଗତ ଜୟପୁର ସର୍କଲର ରାଜସ୍ୱ ନିରୀକ୍ଷକ ରାକେଶ କୁମାର ପାତ୍ରଙ୍କୁ  ଭିଜିଲାନ୍ସ  ଗିରଫ କରିଛି ।

ସୂଚନା ଅନୁଯାୟୀ, ରାଇରଙ୍ଗପୁର ନିବାସୀ ରାମଦାସ ସାହୁ ୫ଟି ଜାଗାର ମାପଚୁପ କରିବା ପାଇଁ ପୂର୍ବରୁ ଆରଆଇ ଅଫିସରେ ଆବେଦନ କରିଥିଲେ । ଏନେଇ ଜୟପୁର ଆରଆଇ ରାକେଶ କୁମାର ପାତ୍ର ତାଙ୍କୁ ୫ ହଜାର ଟଙ୍କା ଲାଞ୍ଚ ମାଗିଥିଲେ। ତେବେ ରାମଦାସ ସାହୁ ବାଲେଶ୍ବର ଭିଜିଲାନ୍ସ ବିଭାଗରେ ଏକ ଅଭିଯୋଗ କରିଥିଲେ । 

ଘଟଣାକୁ ଭିତ୍ତିକରି ଭିଜିଲାନ୍ସ ବିଭାଗର ଏକ ଟିମ ରେଭେନ୍ୟୁ ଇନ୍ସପେକ୍ଟର ରାକେଶ କୁମାର ପାତ୍ରଙ୍କୁ ଧରିବାକୁ ଯୋଜନା କରି  ରାଇରଙ୍ଗପୁର ସହର ସ୍ଥିତ ଦୁର୍ଗା ମଣ୍ଡପ ଛକ ଠାରେ  ନିରୀକ୍ଷକ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ପୂର୍ବରୁ ଜଗିରହିଥିବା ଅଫିସର ତାଙ୍କୁ କାବୁ କରିବାରେ ସଫଳ ହୋଇଥିଲେ l 

ବାଲେଶ୍ବର ଭିଜିଲାନ୍ସ ବିଭାଗ ପକ୍ଷରୁ କେଶ ନମ୍ବର ୨୪/୨୦୨୩ରେ ଏକ ମାମଲା ରୁଜୁ କରି ତଦନ୍ତ ପ୍ରକ୍ରିୟା ଜାରି ରହିଥିବା ସୂଚନା ମିଳିଛି। ଏଥ୍ ସହିତ ଭିଜିଲାନ୍ସ ଟିମ ଅଭିଯୁକ୍ତ ରେଭେନ୍ୟୁ ଇନ୍ସପେକ୍ଟର ରାକେଶ କୁମାର ପାତ୍ରଙ୍କ ଜୟପୁର କାର୍ଯ୍ୟାଳୟ ସ୍ଥିତ ସରକାରୀ ବାସଭବନ, ରାଇରଙ୍ଗପୁର ଓ ବାରିପଦାର ମୁର୍ଗାବାଡ଼ି ଭଡା ଘରେ ଚଢାଉ ଜାରି ରଖୁଛନ୍ତି ବୋଲି ବାରିପଦା ଭିଜିଲାନ୍ସ ବିଭାଗ ସୂଚନା ଦେଇଛି । 

ଏହି ଭିଜିଲାନ୍ସ ଚଢ଼ାଉରେ ଅତିରିକ୍ତ ଏସପି ହରେକୃଷ୍ଣ ମାଝୀଙ୍କ ନେତୃତ୍ବରେ ଇନ୍ସପେକ୍ଟର ଦୁଷ୍ମନ୍ତ ନାୟକ ଓ ଅନ୍ୟାନ୍ୟ ବାଲେଶ୍ବର ଭିଜିଲାନ୍ସ ବିଭାଗ କର୍ମଚାରୀ ମାନେ ସାମିଲ ହୋଇଥିଲେ । ତେବେ ରାକେଶ କୁମାର ପାତ୍ରଙ୍କ ଘର ବଡ଼ସାହି ଥାନା ଅନ୍ତର୍ଗତ ସିଙ୍ଗଟିଆ ଗ୍ରାମରେ ଥିବାବେଳେ ସେ ବର୍ତ୍ତମାନ ବାରିପଦା ସହର ସ୍ଥିତ ମୁର୍ଗାବାଡ଼ିରେ ଘର ଭଡା ନେଇ ରହୁଛନ୍ତି ।

ନାଳରେ ଗାଧୋଉଥିବା ବେଳେ ବୁଡ଼ି ଯିବାରୁ ଜଣେ ବୃଦ୍ଧ

 COASTAL NEWS Odia 571

ନାଳରେ ଗାଧୋଉଥିବା ବେଳେ ବୁଡ଼ି ଯିବାରୁ ଜଣେ ବୃଦ୍ଧ

ସମ୍ବଲପୁର - ନାଳରେ ଗାଧୋଉଥିବା ବେଳେ ବୁଡ଼ି ଯିବାରୁ ଜଣେ ବୃଦ୍ଧଙ୍କର ମୃତ୍ୟୁ ଘଟିଥିବା ବେଳେ ତାଙ୍କ ପତ୍ନୀଙ୍କ ଅବସ୍ଥା ଗୁରୁତର ରହିଛି। ସୁବର୍ଣ୍ଣପୁର ଜିଲ୍ଲା ମୁର୍ଷୁଣ୍ଢି ପଞ୍ଚାୟତର କର୍ଡ଼ାପାଲ ଗାଁରେ ଘଟିଛି ଏହି ଘଟଣା।

ମୃତକ ଜଣକ ହେଉଛନ୍ତି ସମ୍ବଲପୁର ଜିଲ୍ଲା ଚାରମାଳ ବିଶ୍ଵନାଥପୁର ଗାଁର ଉଦ୍ଧବ ପଧାନ (୭୦)। ଗୁରୁତର ଥିବା ତାଙ୍କ ପତ୍ନୀଙ୍କ ନାଁ ମାଳତି ପଧାନ (୬୫)।

ଉଦ୍ଧବ ଓ ତାଙ୍କ ପତ୍ନୀ କର୍ଡ଼ାପାଲ ସ୍ଥିତ ସେମାନଙ୍କ ଝିଅ-ଜ୍ୱାଇଁଙ୍କ ଘରକୁ ଆସିଥିଲେ। ଆଜି ଗାଁ ପାଖ ପାଣିଖିଆ ନାଳକୁ ଗାଧୋଇବାଜୁ ଯାଇଥିବାବେଳେ ଘଟିଥିଲା ଏହି ଅଘଟଣ।

ନାଳରେ ଗାଧୋଉ ଥିବାବେଳେ ହଠାତ୍ ଉଦ୍ଧବଙ୍କ ଗୋଡ଼ ଖସି ଯିବାରୁ ସେ ବୁଡ଼ି ଯାଇଥିଲେ। ତାଙ୍କୁ ଉଦ୍ଧାର କରିବାକୁ ଯାଇ ପତ୍ନୀ ମାଳତି ବି ବୁଡ଼ି ଯାଇଥିଲେଣି। ତେବେ ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ତାଙ୍କୁ ବୀରମହାରାଜପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ବୀରମହାରାଜପୁର ପୁଲିସ ଘଟଣାର ତଦନ୍ତ କରୁଛି।