ଆଜିର ରାଶିଫଳ

COASTAL NEWS ODIA 1460

*🌹🌼👉ମହାବୀର ପଞ୍ଜିକା👈🌼🌹*

*ଓଡ଼ିଶା ବ୍ରାହ୍ମଣସମାଜ ଦ୍ଵାରା ଅନୁମୋଦିତ* *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୧୭ ତାରିଖ ୨୦୨୩ ମସିହା(ଶୁକ୍ରବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

   *✧═════•❁❀❁•═════✧*

*ମେଷ* 👉

*ଅଭାବ ଲାଗି ରହିଥିଲେ ମଧ୍ୟ ଧାରକରଜ କରି କାମ ତୁଲାଇନେବାକୁ ବାଧ୍ୟ ହୋଇପାରନ୍ତି। କାଳେ ଦେବାକୁ ପଡ଼ିବ, ଏହି ବିଷୟ ମନରେ ଚିନ୍ତାକରି ସମ୍ପର୍କୀୟମାନେ ପାଖ ମାଡ଼ିବେ ନାହିଁ।  ପରିବାର ଓ ପରିବହନ ତଥା ବ୍ୟବସାୟିକ ଦିଗରୁ ଲାଭବାନ୍‌ ହେବେ। ଯାନବାହନରେ ସତର୍କ ରୁହନ୍ତୁ, ଅନ୍ୟଥା ସମସ୍ୟା ଆସିପାରେ।* 

*✧═════•❁❀❁•═════✧*

 *ବୃଷ* 👉

 *ପାରିବାରିକ କ୍ଷେତ୍ରରେ କାହାର ଛୋଟ କଥାକୁ ଧରି ବସିବା ଠିକ୍‌ ହେବନାହିଁ। ଆଜିର ବନ୍ଧୁମିଳନ ପ୍ରକୃଷ୍ଟ ସମୟ କହିଲେ ଅତ୍ୟୁକ୍ତି ହେବନାହିଁ। ବ୍ୟବସାୟ, କଚେରି ମାମଲା, ପରିବହନ ଦିଗରୁ ଲାଭବାନ୍‌ ହେବେ। ଆଜି କର୍ମକ୍ଷେତ୍ର କିମ୍ବା ଆନୁଷ୍ଠାନିକ କାମରେ ଦୃଢ଼ ପଦକ୍ଷେପ ଗ୍ରହଣ କରି କାମ ହାସଲ କରିବେ।* 

*✧═════•❁❀❁•═════✧*

 *ମିଥୁନ*👉 

 *ଆକସ୍ମିକ କୌଣସି ବ୍ୟକ୍ତିଙ୍କ ଉପସ୍ଥିତି ଆପଣଙ୍କ ସକାଶେ କିଛି ଅସୁବିଧା ସୃଷ୍ଟି ହୋଇପାରେ। ବହୁଦିନରୁ ରହିଯାଇଥିବା ଅର୍ଥ ଆଦାୟ କରିବାରେ ସକ୍ଷମ ହେବେ।  ବାକ୍‌ ଅସଂଯମତା ଯୋଗୁ ସୁସମ୍ପର୍କ ବ୍ୟାହତ ହୋଇପାରେ। ବ୍ୟବସାୟରେ ଲାଭ ମିଳିବ, ମାତ୍ର ପରିସ୍ଥିତିବଶତଃ ଅନ୍ୟ ବାଟରେ ବ୍ୟୟ ହୋଇଯିବା ସୂଚନା ରହିଛି।* 

 *✧═════•❁❀❁•═════✧*

 *କର୍କଟ* 👉

 *ଆଜି ବିଭିନ୍ନ ପ୍ରକାର ଘଟଣା ପ୍ରବାହଜନିତ ମାନସିକ ଅସ୍ଥିରତା କାରଣରୁ ଲାଗି ରହିବ।  ପରୋକ୍ଷଭାବେ ଶତ୍ରୁତା କରୁଥିବା ଲୋକ ବିଷୟରେ ବନ୍ଧୁଙ୍କ ସହ ଆଲୋଚନା ଜାରି ରଖିଲେ ଉପକୃତ ହୋଇପାରିବେ। କୌଣସି ବନ୍ଧୁ ସ୍ବତଃପ୍ରବୃତ୍ତ ଭାବରେ ସାହାଯ୍ୟ କରିବାକୁ ଆଗେଇ ଆସିବା ସମ୍ଭାବନା ରହିଛି।* 

*✧═════•❁❀❁•═════✧*

 *ସିଂହ* 👉

 *ରାଜନୈତିକ କ୍ଷେତ୍ରରେ ଅସଫଳ କାମଗୁଡ଼ିକର ସମୀକ୍ଷା କରିପାରନ୍ତି। ଆଶା କରୁ ଥିବା ଖବରଟି ଆଜି ଅପରାହ୍ନେ ପାଇପାରନ୍ତି। ଆଗାମୀ କାଲିର ମାଙ୍ଗଳିକ କାର୍ଯ୍ୟ ସକାଶେ ପ୍ରସ୍ତୁତିପର୍ବ ଜୋର୍‌ଦାର କରିପାରନ୍ତି। କୌଣସି ଆତ୍ମୀୟଙ୍କ ଅସହଯୋଗ ଓ ପରୋକ୍ଷ ସମାଲୋଚନାରେ କ୍ଷୁବ୍ଧ ହୋଇପାରନ୍ତି।* 

*✧═════•❁❀❁•═════✧*

 *କନ୍ୟା* 👉

 *ଆଜି ବନ୍ଧୁଙ୍କ ପରାମର୍ଶାନୁଯାୟୀ କିଛି ନୂତନ କାମ ଆରମ୍ଭ କରିବା ସକାଶେ ଚେଷ୍ଟା କରିପାରନ୍ତି। ପାରିବାରିକ କ୍ଷେତ୍ରରେ କୌଣସି ସମସ୍ୟାକୁ ସହଜରେ ସମାଧାନ କରିବାରେ ସଫଳ ହେବେ।  ସାଙ୍ଗଠନିକ ସ୍ତରରେ ନେତୃତ୍ୱ ନେଇ କିମ୍ବା ପ୍ରଶାସନିକ ସ୍ତରରେ ଦକ୍ଷତାଭିତ୍ତିକ ପ୍ରଶଂସନୀୟ କାମ କରିବେ।* 

*✧═════•❁❀❁•═════✧*

 *ତୁଳା* 👉

 *ପ୍ରତ୍ୟେକ ସ୍ତରରେ ସମସ୍ତ ପ୍ରକାର ସୁବିଧା ଥିଲେ ମଧ୍ୟ କେତେକ କାମ ଅଧୁରା ରହିଯିବା ଆଶଙ୍କା ଦେଖାଦେବ। ବ୍ୟବସାୟ,ପରିବହନ ,କ୍ରୀଡ଼ା ଓ ଚଳଚ୍ଚିତ୍ରରେ, ସଭାସମିତିରେ ସମସ୍ୟା ସମାଧାନ ହେବ। ପୁଷ୍ୟା ନକ୍ଷତ୍ରର ବୃଦ୍ଧ ପିତାମାତାଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି ଘଟିବାରୁ ସାମୟିକ ଆଶ୍ୱସ୍ତି ଅନୁଭବ କରିବେ।* 

*✧═════•❁❀❁•═════✧*

 *ବିଛା* 👉

 *ଆପଣ ଯେତେ ପ୍ରକାର ସୁବିଧା ସୁଯୋଗ ସୃଷ୍ଟି କଲେ ମଧ୍ୟ ପାରିବାରିକ ସ୍ଥିରତା ହଠାତ୍‌ ଆସି ନ ପାରେ। ସତର୍କ ନରହିଲେ ବିବାଦ  ପଡ଼ିପାରନ୍ତି। ବୁଦ୍ଧିଜୀବୀମାନଙ୍କ ଦ୍ୱାରା ସାହିତ୍ୟ, କଳା, ବୈଷୟିକ କ୍ଷେତ୍ରରୁ ପ୍ରଶଂସିତ ହେବେ। ହଠାତ୍‌ କୌଣସି କ୍ଷେତ୍ରରେ ପ୍ରତିକ୍ରିୟାଶୀଳ ହୁଅନ୍ତୁ ନାହିଁ।* 

*✧═════•❁❀❁•═════✧*

 *ଧନୁ*👉 

 *ଆଜି ଆପଣ ଆତ୍ମୀୟସ୍ବଜନ କିମ୍ବା ପାଖ ପଡ଼ୋଶୀଙ୍କ ଠାରୁ ସହଯୋଗ ଲାଭକରି କାମଟିକୁ ପୂରା କରିପାରିବେ। ଅପରାହ୍ନରେ ଜମିଜମା, ଗୃହସୀମା କିମ୍ବା ଘରଭଡ଼ାକୁ କେନ୍ଦ୍ରକରି ସାମାନ୍ୟ ଝଗଡ଼ା ସୃଷ୍ଟି ହୋଇପାରେ। ଯାନ୍ତ୍ରିକ ଶିଳ୍ପ ଓ ପରିବହନ କ୍ଷେତ୍ରରେ ଆଶା ଅନୁରୂପ ଫଳ ପାଇବେ। ଖର୍ଚ୍ଚ ପରିମାଣ କ୍ରମଶଃ ବୃଦ୍ଧି ପାଇପାରେ।* 

*✧═════•❁❀❁•═════✧*

 *ମକର*👉 

 *ଆଜି ଏଣୁତେଣୁ ଗୁଡ଼ାଏ କଥା ମନରେ ସ୍ଥାନ ଦେବା କାରଣରୁ କୌଣସି ଅଭାବ ନ ଥାଇ ମଧ୍ୟ ମନଟା ଭଲ ଲାଗିବ ନାହିଁ। ପିଲାଙ୍କ ଆଚରଣରେ ପରିବର୍ତ୍ତନ ଆସିପାରେ,ଏଣୁ ମନଟା ସାମୟିକ ଭାବରେ ଗୋଳମାଳିଆ ରହିବ।  ପରିବାରରେ ସୁଖଶାନ୍ତି ସାଙ୍ଗକୁ ସ୍ଥଗିତ କାର୍ଯ୍ୟ ତ୍ୱରାନ୍ବିତ ହୋଇପାରିବ।* 

*✧═════•❁❀❁•═════✧*

 *କୁମ୍ଭ*👉 

 *ଅନ୍ତର୍ନିହିତ ଉଦ୍ଦେଶ୍ୟକୁ ଗୋପନ ରଖି ମନ ବୁଝିଲା ଭଳି କଥା କହି ବନ୍ଧୁମାନଙ୍କୁ ଆପଣେଇ ନେବାରେ ସମର୍ଥ ହେବେ ! ମନୋରଞ୍ଜନ, ବନ୍ଧୁ ମିଳନ, ଆଲୋଚନା, ସମିତି କିମ୍ବା ଯାତ୍ରା ପାଇଁ ଆଗ୍ରହୀ ହୋଇପାରନ୍ତି। କର୍ମକ୍ଷେତ୍ରରେ ସାଧାରଣ କଥାକୁ କେନ୍ଦ୍ରକରି ମଧ୍ୟାହ୍ନରେ ଟେନ୍‌ସନ ବଢ଼ିପାରେ।* 

*✧═════•❁❀❁•═════✧*

 *ମୀନ*👉 

*ଯୋଜନାକୁ କାର୍ଯ୍ୟକାରୀ କରିବା ବିଷୟରେ ବନ୍ଧୁଙ୍କ ସହ ଖୋଲାଖୋଲି ଆଲୋଚନା କରିବା ଭଲ ହେବ। ବିବାଦୀୟ ଘଟଣା ସକାଶେ ଯେଉଁଥିପାଇଁ ଆଶଙ୍କା କରୁଛନ୍ତି, ସେଥିରେ କିଛି ହେବ ନାହିଁ। ଯାତ୍ରା ସମୟରେ କଥା ଦେଇଥିବା ବନ୍ଧୁଙ୍କୁ ନ ପାଇ ବ୍ୟସ୍ତ ହୋଇ ପାରନ୍ତି। ପ୍ରତ୍ୟେକ କ୍ଷେତ୍ରରେ ଭାବିଚିନ୍ତି କାମ କରିବା ଭଲ ହେବ* ।

ଗ୍ୟାସ୍ ଟାଙ୍କି ଫାଟି ଅଗ୍ନିକାଣ୍ଡ

COASTAL NEWS ODIA 1459

ଗ୍ୟାସ୍ ଟାଙ୍କି ଫାଟି ଅଗ୍ନିକାଣ୍ଡ

ରାଜକନିକା - (CNO): ରାଜକନିକା ଥାନା ଅନ୍ତର୍ଗତ ବରାଡିଆ ଲଞ୍ଚ ଘାଟଠାରେ ନିର୍ମାଣ ସ୍ଥଳରେ ଥିବା ଟେଣ୍ଟ ରେ ଆଜି ଭୟାବହ ଅଗ୍ନିକାଣ୍ଡ ଘଟିଛି କିନ୍ତୁ ଏଠାରେ ଥିବା ଶ୍ରମିକମାନେ ଅଳ୍ପକେ ବର୍ତି ଯାଇଛନ୍ତି। ବିଦ୍ୟୁତ୍ ସର୍ଟସର୍କିଟରୁ ଅଗ୍ନିକାଣ୍ଡ ଘଟିଥିବା ବେଳେ ଗ୍ୟାସ୍ ଓ ଅକ୍ସିଜେନ୍ ଟାଙ୍କି ଫାଟିଯିବାରୁ ପ୍ରଚଣ୍ଡ ବିସ୍ଫୋରଣ ହୋଇଥିଲା।  

ରାଜକନିକା ବ୍ଲକ ଅନ୍ତର୍ଗତ ବରାଡିଆ ଗ୍ରାମ ପାଖରେ ଥିବା ବୈତରଣୀ ନଦୀକୂଳ ପାଖରେ ଅନ୍ତର୍ଦେଶୀୟ ଜଳପଥ ପରିବହନ ବିଭାଗ ପକ୍ଷରୁ ଲଞ୍ଚ ଘାଟ ଜେଟି ନିର୍ମାଣ ଚାଲିଛି। ଏଠାରେ ଶ୍ରମିକମାନେ ରହୁଥିବା ଏକ ଟେଣ୍ଟରେ ବୁଧବାର ସନ୍ଧ୍ୟା ସମୟରେ ବିଦ୍ୟୁତ୍ ସର୍ଟସର୍କିଟ୍ ହୋଇଥିଲା । ଏଥିଯୋଗୁଁ ରନ୍ଧନ ଗ୍ୟାସ୍ ଟାଙ୍କି ଓ ଅକ୍ସିଜେନ ଟାଙ୍କି ପ୍ରଚଣ୍ଡ ଶବ୍ଦ କରି ଫାଟିଯାଇଥିଲା। ବିସ୍ଫୋରଣର ଶବ୍ଦ ଏତେ ପ୍ରଚଣ୍ଡ ଥିଲା ଯେ, ଆଖପାଖ ଅଞ୍ଚଳ ଥରି ଉଠିଥିଲା। ଶବ୍ଦ ଶୁଣି ଲୋକେ ସେଠାରେ ରୁଣ୍ଡ ହୋଇଯାଇଥିଲେ।  

ଏହି ସମୟରେ ଲଞ୍ଚ ଘାଟରେ କାମ କରୁଥିବା ୩୦ ଜଣ ଶ୍ରମିକ ବରାଡ଼ିଆ ବଜାରକୁ ଯାଇଥିଲେ। ଟେଣ୍ଟରେ ପ୍ରାୟ ୧୦ ଜଣ ଶ୍ରମିକ ଥିଲେ। ନିଆଁ ଲାଗିବା ଦେଖି ସେମାନେ ଜୀବନ ବିକଳରେ ବାହାରକୁ ଦୌଡ଼ି ପଳାଇଥିଲେ। ଟେଣ୍ଟ ଭିତରେ    ଥିବା ଲକ୍ଷାଧିକ ଟଙ୍କାର ଯନ୍ତ୍ରାଂଶ ଜଳି ଯିବା ସହ ଅନ୍ୟାନ୍ୟ ସାମଗ୍ରୀ ପୋଡ଼ି ପାଉଁଶ ହୋଇଯାଇଥିଲା । ଖବର ପାଇ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲା।

ବିଶ୍ୱକପ ଫାଇନାଲରେ ପହଞ୍ଚିବା ପାଇଁ ଅଷ୍ଟ୍ରେଲିଆର ସଂଘର୍ଷପୂର୍ଣ୍ଣ ଯାତ୍ରା

COASTAL NEWS ODIA 1458

ବିଶ୍ୱକପ ଫାଇନାଲରେ ପହଞ୍ଚିବା ପାଇଁ ଅଷ୍ଟ୍ରେଲିଆର ସଂଘର୍ଷପୂର୍ଣ୍ଣ ଯାତ୍ରା

ମ୍ୟାଚ୍ 1:: ଚେନ୍ନାଇରେ ଅଷ୍ଟ୍ରେଲିଆ 6 ଟି ୱିକେଟ୍ ରେ ଭାରତ ଠାରୁ ପରାସ୍ତ ବରଣ କରିଛି l

ମ୍ୟାଚ୍ 2:  ଲକ୍ଷ୍ନୌ ରେ ଅଷ୍ଟ୍ରେଲିଆ ଦକ୍ଷିଣ ଆଫ୍ରିକାକୁ 134 ରନ୍ର ରେ ହରାଇଲା |

ମ୍ୟାଚ୍ 3:: ଅଷ୍ଟ୍ରେଲିଆ ଲକ୍ଷ୍ନୌ ରେ ଶ୍ରୀଲଙ୍କାକୁ 5 ୱିକେଟରେ ପରାସ୍ତ କରିଛି

ମ୍ୟାଚ୍ 4: ବେଙ୍ଗାଲୁରୁରେ ଅଷ୍ଟ୍ରେଲିଆ ପାକିସ୍ତାନକୁ 62 ରନ୍‌ରେ ପରାସ୍ତ କରିଛି |

ମ୍ୟାଚ୍ 5: ଅଷ୍ଟ୍ରେଲିଆ ଦିଲ୍ଲୀରେ 309 ରନ୍‌ରେ ନେଦରଲ୍ୟାଣ୍ଡକୁ ପରାସ୍ତ କରିଛି |

ମ୍ୟାଚ୍ 6:: ଅଷ୍ଟ୍ରେଲିଆ  ଧର୍ମଶାଳା ରେ ନ୍ୟୁଜିଲ୍ୟାଣ୍ଡକୁ ପରାସ୍ତ କରିଛି

ମ୍ୟାଚ୍ 7: ଅହମ୍ମଦାବାଦରେ ଅଷ୍ଟ୍ରେଲିଆ ଇଂଲଣ୍ଡକୁ 33 ରନ୍ରେ ପରାସ୍ତ କରିଛି |

ମ୍ୟାଚ୍ :: ପୁଣେରେ ଅଷ୍ଟ୍ରେଲିଆ ଆଫଗାନିସ୍ତାନକୁ 3 ୱିକେଟରେ ପରାସ୍ତ କରିଛି

ମ୍ୟାଚ୍ 9: ପୁଣେରେ ଅଷ୍ଟ୍ରେଲିଆ ବାଂଲାଦେଶକୁ 8 ୱିକେଟରେ ପରାସ୍ତ କରିଛି

ସେମିଫାଇନାଲ: କୋଲକାତାରେ ଅଷ୍ଟ୍ରେଲିଆ ଦକ୍ଷିଣ ଆଫ୍ରିକାକୁ 3 ୱିକେଟରେ ପରାସ୍ତ କରିଛି।

ମୁଣ୍ଡରେ ବନ୍ଧୁକ ଲଗାଇ ଲୁଟ୍‌ ମାମଲା ପୁଲିସ କବ୍‌ଜାରେ ଡେଙ୍ଗା-ଗେଡ଼ା ଗ୍ୟାଙ୍ଗ ର ଦୁର୍ଦାନ୍ତ ଅପରାଧୀ ବାବୁଲି

COASTAL NEWS ODIA 1457

ମୁଣ୍ଡରେ ବନ୍ଧୁକ ଲଗାଇ ଲୁଟ୍‌ ମାମଲା ପୁଲିସ କବ୍‌ଜାରେ ଡେଙ୍ଗା-ଗେଡ଼ା ଗ୍ୟାଙ୍ଗ ର ଦୁର୍ଦାନ୍ତ ଅପରାଧୀ ବାବୁଲି

କେନ୍ଦ୍ରାପଡ଼ା (CNO ): ଜମଧର ନିକଟରେ ଜଣେ ବାଇକ୍ ଚାଳକଙ୍କଠାରୁ ହୋଇଥିବା ଲୁଟ୍‌ ମାମଲାରେ ସଂପୃକ୍ତ ଅପରାଧୀ ଡେଙ୍ଗା-ଗେଡ଼ା ଗ୍ୟାଙ୍ଗ ର ଦୁର୍ଦାନ୍ତ ଅପରାଧୀ ବାବୁଲି କୁ ପୁଲିସ ଧରିଛି । 

ଗିରଫ ଅଭିଯୁକ୍ତ ଜଣକ ହେଉଛନ୍ତି ଆଳି ଥାନା ମହାକୁଳ ଗ୍ରାମର ବାବୁଲି ଓରଫ ପ୍ରଭାତ ମହାକୁଳ ପୁଲିସ ତା ନିକଟରୁ ବଂଧୁକ, ବାଇକ୍ ସମେତ ନଗଦ ୯ହଜାର ଟଙ୍କା ଜବତ କରିଛି। ଅଭିଯୁକ୍ତ ବାବୁଲି ଜଣେ ଦୁର୍ଦ୍ଧାନ୍ତ ଅପରାଧୀ ଓ ତା ନାଁରେ ଲୁଟ୍, ଡକାୟତି, ଚୋରି ଭଳି ଅନେକ ସଂଗିନ୍ ଅପରାଧ ଜନିତ ମାମଲା ରହିଛି। ଏକଦା କଟକରେ ବାବୁଲି ଓ ତାର ଅନ୍ୟ ଜଣେ ସହଯୋଗୀ ଡେଙ୍ଗା-ଗେଡ଼ା ଗ୍ୟାଙ୍ଗ ଭାବେ ପରିଚିତ ଥିଲେ। କଟକ ପୁଲିସ ପାଇଁ ମୁଣ୍ଡବ୍ୟଥାର କାରଣ ହୋଇଥିଲା ଏହି ଡେଙ୍ଗା ଗେଡା ଗ୍ୟାଙ୍ଗ ର କାରନାମା l

ପୁଲିସ ସୂଚନାନୁଯାୟୀ, କୁଦାନଗରୀ ଥାନା ଜମପଡ଼ା ଅଂଚଳର ଅଜୟ ପରିଡ଼ା ବାଣ ଧରି ଘରକୁ ଆସୁଥିବା ବେଳେ ଜମଧର-ଜଣ୍ଟିଲୋ ରାସ୍ତାରେ ଅଭିଯୁକ୍ତ ବାବୁଲି ତାଙ୍କ ବାଇକ୍‌କୁ ଅଟକାଇବା ସହିତ ମୁଣ୍ଡରେ ବଂଧୁକ ଲଗାଇ ବାଣ ସମେତ ନଗଦ ୧୪ହଜାର ଟଙ୍କା ଲୁଟି ଫେରାର୍ ହେବାକୁ ଉଦ୍ୟମ କରୁଥିଲା। ଏହି ସମୟରେ ସ୍ଥାନୀୟ ଲୋକେ ତାର ପିଛା କରିବାରୁ ସେ ରାସ୍ତାରେ ବାଇକ୍ ଫିଙ୍ଗି ବିଲରେ ଦୌଡ଼ି ଫେରାର ହେଇଯାଇଥିଲା। 

ଲୁଟ୍‌ର ଶିକାର ହେଇଥିବା ଶ୍ରୀ ପରିଡ଼ା ଏ ସଂକ୍ରାନ୍ତରେ ଗତ ୮ତାରିଖରେ ସଦର ଥାନାରେ ଅଭିଯୋଗ କରିବା ପରେ ପୁଲିସ କେସ ନଂ ୭୯୯/୨୩, ଦଫା ୩୪୧, ୨୯୪, ୩୯୨, ୨୫ଆଇପିସି ଓ ୨୭ଆର୍ମସ୍‌ ଆକ୍ଟରେ ମାମଲା ରୁଜୁ କରି ତଦନ୍ତ ଚଳାଇଥିଲା ।

ODI ରେ ଅଧିକାଂଶ ରେକର୍ଡ କରିଥିବା ଖେଳାଳି

COASTAL NEWS ODIA

ODI ରେ ଅଧିକାଂଶ ରେକର୍ଡ କରିଥିବା ଖେଳାଳି |

ନୂଆ ଦିଲ୍ଲୀ - ( CNO) 

ODI ରେ ଅଧିକାଂଶ ଶତକ ସ୍କୋର କରିଥିବା ଖେଳାଳି

ବିରାଟ କୋହଲି - 279 ଇନିଂସ - 50 ଶତକ |

ସଚିନ ତେନ୍ଦୁଲକର - 452 ଇନିଂସ - 49 ଶତକ |

ରୋହିତ ଶର୍ମା - 253 ଇନିଂସ - 31 ଶତକ |

 ରିକି ପଣ୍ଟିଂ - 365 ଇନିଂସ - 30 ଶତକ |

ସନାଥ ଜୟସୁରିଆ - 433 ଇନିଂସ - 28 ଶତକ |

ବିଶ୍ୱକପ୍ ମ୍ୟାଚ୍ ରେ ଅଧିକାଂଶ ଛକା ର ରେକର୍ଡ |

33 - ଇଂଲଣ୍ଡ ବନାମ ଆଫଗାନିସ୍ତାନ, ମଞ୍ଚେଷ୍ଟର, 2019 |

32 - ଅଷ୍ଟ୍ରେଲିଆ ବନାମ ନ୍ୟୁଜିଲ୍ୟାଣ୍ଡ, ଧରମଶାଲା, 2023

31 - ନ୍ୟୁଜିଲ୍ୟାଣ୍ଡ ବନାମ ୱେଷ୍ଟଇଣ୍ଡିଜ୍, ୱେଲିଙ୍ଗଟନ୍, 2015 କ୍ୱାର୍ଟରଫାଇନାଲ୍ |

31 - ଦକ୍ଷିଣ ଆଫ୍ରିକା ବନାମ ଶ୍ରୀଲଙ୍କା, ଦିଲ୍ଲୀ, 2023

30 - ଭାରତ ବନାମ ନ୍ୟୁଜିଲ୍ୟାଣ୍ଡ, ମୁମ୍ବାଇ, 2023 ସେମିଫାଇନାଲ |

ବିଶ୍ୱକପ୍ ମ୍ୟାଚ୍ ରେ ସର୍ବାଧିକ ସ୍କୋର

 (ଉଭୟ ଇନିଂସ ମିଳିତ) 

771 - ଅଷ୍ଟ୍ରେଲିଆ ବନାମ ନ୍ୟୁଜିଲ୍ୟାଣ୍ଡ, ଧର୍ମଶାଲା, 2023

754 - ଦକ୍ଷିଣ ଆଫ୍ରିକା ବନାମ ଶ୍ରୀଲଙ୍କା, ଦିଲ୍ଲୀ, 2023

724 - ଭାରତ ବନାମ ନ୍ୟୁଜିଲ୍ୟାଣ୍ଡ, ମୁମ୍ବାଇ, 2023 ସେମିଫାଇନାଲ |

ଗୋଟିଏ ବିଶ୍ୱକପ୍‌ରେ ଅଧିକାଂଶ ମ୍ୟାଚ୍ ଜିତିବାର ରେକର୍ଡ |

 11 - ଅଷ୍ଟ୍ରେଲିଆ (2003)

 11 - ଅଷ୍ଟ୍ରେଲିଆ (2007)

 10 * - ଭାରତ (2023)

 9 - ଭାରତ (2003)

 8 - ଶ୍ରୀଲଙ୍କା (2007)

 8 - ନ୍ୟୁଜିଲ୍ୟାଣ୍ଡ (2015)

ପରିତ୍ୟକ୍ତ ରାସ୍ତାରୁ ଆବର୍ଜନା ସଫା କଲେ ଗୌଡ ପାଟଣା ଗ୍ରାମ ଯୁବଗୋଷ୍ଠୀ

COASTAL NEWS ODIA 1455

ପରିତ୍ୟକ୍ତ ରାସ୍ତାରୁ ଆବର୍ଜନା ସଫା କଲେ ଗୌଡ ପାଟଣା ଗ୍ରାମ ଯୁବଗୋଷ୍ଠୀ

ଆଳି, ୧୫/୧୧(CNO ): ଆଳି ବ୍ଲକ ଅନ୍ତର୍ଗତ ନିଆଳ ଗ୍ରାମ ପଞ୍ଚାୟତ ଅନ୍ତର୍ଗତ ଗୌଡ଼ପାଟଣା ଗ୍ରାମ ର ପଶ୍ଚିମ ପାର୍ଶ୍ୱରେ ଆଳି ବସଷ୍ଟାଣ୍ଡ ବ୍ଯାଙ୍କ ବଡ ବଡ ମଲ୍ଲ୍ରା ଓ ବ୍ୟବସାୟ ପ୍ରତିଷ୍ଠାନ ପୂର୍ବପଟେ ଷ୍ଟେଟ୍ ବ୍ଯାଙ୍କ ବଡ଼ ବଡ଼ ମଲ୍ଲ୍ସ୍ତା ବହୁ ସଂଖ୍ୟାରେ ବ୍ୟବସାୟ ପ୍ରତିଷ୍ଠାନ ସହିତ ଆଳିର ସର୍ବ ପୁରାତନ ଆଳି ହାଇ ସ୍କୁଲ କିନ୍ତୁ କୌଣସି ପଟରେ ଆଳି ବଜାରକୁ ସଂଯୋଗ କରିବା ପାଇଁ ଗୋଟେ ରାସ୍ତା ନାହିଁ l ବଜାରକୁ ଯିବା ପାଇଁ ଦଶ ମିଟର ରାସ୍ତା ବି ସେମାନଙ୍କ ପାଇଁ ଉପଲବ୍ଧ ନାହିଁ l 

ଗ୍ରାମର ପ୍ରବେଶ ପଥରେ ଆଳି ପୋଷ୍ଟ ଅଫିସ, ମାର୍କେଟ କମ୍ପ୍ଲେକ୍ସ୍ ଶହ ମାଛ ମାର୍କେଟ ସହିତ ଶହ ଦୋକାନ ଥିଲେ ମଧ୍ଯ ମାତ୍ର କୋଡ଼ିଏ ମିଟର ରାସ୍ତା ନିର୍ମାଣ ହୋଇ ନଥିବାରୁ ଲୋକେ ବଜାରକୁ ଯିବା ପାଇଁ ଗଉଡ ପାଟଣା ଗ୍ରାମ ଭିତରର ଅଙ୍କାବଙ୍କା ଭଙ୍ଗା ତୁଟା ରାସ୍ତା ଦେଇ ସହଦେବ ବାଳିକା ବିଦ୍ୟାଳୟ ବାଟେ ଅଧକିଲୋମିଟର ରାସ୍ତା ଅତିକ୍ରମ କରି ନିଜ କାମ ପାଇଁ ବଜାରକୁ ଯାଆନ୍ତି l 

ସରପଞ୍ଚ ଙ୍କୁ ତଥା ଉଚ୍ଛ ଅଧିକାରୀଙ୍କୁ ବାରମ୍ବାର ଜଣାଇଲେ ମଧ୍ଯ ବର୍ଷ ବର୍ଷ ଧରି ଏହି ଗ୍ରାମର ମୁଖ୍ୟ ପ୍ରବେଶ ପଥ ଅଗମ୍ଯ ହୋଇ ପଡ଼ି ରହିଛି l ଆଳି ବସ ଷ୍ଟାଣ୍ଡ ହେବାପରେ ଆଳି ବଜାରର ବର୍ଜ୍ୟ ଅପରିଷ୍କାର ଜଳ ବର୍ଷାଜଳ ସହିତ ମିଶି ଏହି ରାସ୍ତା ଉପରେ ଜମି ରହୁଛି l ଆଣ୍ଠୁଏ ପଚା ପାଣିରେ ଯିବା ଆସିବା ବର୍ଷାଦିନେ ବନ୍ଦ ହୋଇ ଯାଏ l ବର୍ଷକ ବାରମାସ ଆଳି ବଜାରରେ ଥିବା ହୋଟେଲ ଚା ଦୋକାନ ଅଣ୍ଡା କୁକୁଡା ପରିବା ଦୋକାନ ଗୁଡିକର ବର୍ଜ୍ୟବସ୍ତୁ ଦୋକାନୀ ମାନେ ଏହି ରାସ୍ତାରେ ପକେଇ ଦିଅନ୍ତି l 

ରାଜନୈତିକ ଇଚ୍ଛା ଶକ୍ତି ଅଭାବରୁ ନିଆଳ ଓ ଦେମାଳ ଗ୍ରାମ ପଞ୍ଚାୟତର ବଫର ଜୋନ୍ ରେ ଥିବା ଏହି ଗ୍ରାମର ପ୍ରବେଶ ପଥ ଉପରେ କାହାରି ନଜର ନାହିଁ l ଏହି ପ୍ରବେଶ ପଥରେ ଆବର୍ଜନାରେ ଭର୍ତ୍ତି ହୋଇ ରହିଥିଲା। 

ନୂଆବଜାରର ଡେଲିମାର୍କେଟ, ମାଛବଜାର ଦେଇ ଯାଇଥିବା ଏହି ଗୁରୁତ୍ବପୂର୍ଣ୍ଣରାସ୍ତା ଦେଇ ଯାତାୟତ କରିବା ବେଳେ ଦୁର୍ଗନ୍ଧରେ ନାକ ଫାଟି ଯାଉଥିଲା ।

ଏଭଳି ଦୁରବସ୍ଥା ଦେଖି ରାସ୍ତା ସଫେଇ କରିବାକୁ ଏକାଠି ହୋଇଥିଲେ ଏହି ରାସ୍ତା ଉପରେ ନିର୍ଭରଶୀଳ ଗାଁର ସଚେତନ ଯୁବକ ସୌଭାଗ୍ୟ ରଞ୍ଜନ ଦାସ, ଜିତେଶ ପାଣ୍ଡବ, ସତ୍ୟ ରଞ୍ଜନ ମଲିକ, ସୂର୍ଯ୍ୟଜିତ ମହାଳିକ, ଧୀରେନ୍ଦ୍ର ମହାରଣା, ସୁବ୍ରତ ମହାରଣା, ଚନ୍ଦନ ଦାସ, ଫକୀର ଓଝା, କୈଳାସ ପାଣ୍ଡବ, ସୌରଭ ପାତ୍ର, ସତ୍ୟରଞ୍ଜନ ମହାରଣା, ତାପସ ପାଣ୍ଡବ, ସୌମ୍ୟ ରଂଜନ ମହାରଣା ପ୍ରମୁଖ ସଂପୃକ୍ତ ଯୁବକମାନେ ରାସ୍ତାରୁ କୁଢକୁଢ ଆବର୍ଜନା ସଫେଇ କରିଥିଲେ। ସରକାରୀ ଅବହେଳାର ଶିକାର ଏହି ରାସ୍ତାର ଉନ୍ନତିକରଣ ଓ ଜଳନିଷ୍କାସନ ପାଇଁ ଡ୍ରେନ୍ ନିର୍ମାଣ ପାଇଁ ଏହି ଯୁବକମାନେ ସରକାରଙ୍କ ପାଖରେ ଦାବି ଜଣାଇଛନ୍ତି l

ଡୋଡା ବସ ଦୁର୍ଘଟଣାରେ ମୁତ୍ୟ ସଂଖ୍ୟା ୩୬ ଛୁଇଁଲା, ୨୨ ଆହତ, ବସ କାଟି ବାହାର କରାଗଲା ୨୫ ମୃତଦେହ, ମୃତ୍ୟୁ ସଂଖ୍ୟା ବଢ଼ିବା ଆଶଙ୍କା

COASTAL NEWS ODIA 1454

ଡୋଡା ବସ ଦୁର୍ଘଟଣାରେ ମୁତ୍ୟ ସଂଖ୍ୟା ୩୬ ଛୁଇଁଲା, ୨୨ ଆହତ, ବସ କାଟି ବାହାର କରାଗଲା ୨୫ ମୃତଦେହ, ମୃତ୍ୟୁ ସଂଖ୍ୟା ବଢ଼ିବା ଆଶଙ୍କା

 

ଶ୍ରୀନଗର,୧୫।୧୧ : ଭଞ୍ଜ ବିହାରୀ ମହାନ୍ତି - ଜମ୍ମୁ-କଶ୍ମୀରର ଡୋଡା ଜିଲାରେ ଏକ ବଡ଼ ସଡ଼କ ଦୁର୍ଘଟଣା ଘଟିଛି। କିସ୍ତୱାଡରୁ ଜମ୍ମୁକୁ ଯାଉଥିବା ଏକ ବସ ଡୋଡାର ଆସାର ଅଞ୍ଚଳର ଟ୍ରୁଙ୍ଗାଲ ନିକଟରେ ୩୦୦ ଫୁଟ ଖାଲରେ ଖସି ପଡିଥିଲା। ସୂଚନା ଅନୁଯାୟୀ, ବସରେ ୫୫ଜଣ ଯାତ୍ରୀ ଥିଲେ। ବସରେ୫୨ ସିଟ ଥିବା ପୋଲିସ କହିଛି। ଏହି ଦୁର୍ଘଟଣାରେ ୩୬ ଜଣଙ୍କର ମୃତ୍ୟୁ ହୋଇଥିବାବେଳେ ୨୨ ଜଣ ଆହତ ହୋଇଛନ୍ତି। ପୋଲିସ ଏବଂ ଉଦ୍ଧାରକାରୀ ଦଳର ଘଟଣାସ୍ଥଳରେ ଉପସ୍ଥିତ ରହିଛନ୍ତି।

ଚେନାବ ନଦୀର ଖାଇରେ ବସ ଖସି ପଡ଼ିଛି। କିଛି ଯାତ୍ରୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ କିଛି ଯାତ୍ରୀଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ଆହତମାନଙ୍କୁ ଆସାରର ପ୍ରାଥମିକ ସ୍ବାସ୍ଥ୍ୟ ସେବା କେନ୍ଦ୍ରରେ ଭର୍ତ୍ତି କରାଯାଇଛି, ଯେଉଁଠାରେ ଡାକ୍ତରମାନେ ଚିକିତ୍ସା କରୁଛନ୍ତି। ବରିଷ୍ଠ ପୋଲିସ କର୍ମଚାରୀ ଘଟଣାସ୍ଥଳରେ ପହଞ୍ଚି ଦୁର୍ଘଟଣାର କାରଣ ଅନୁସନ୍ଧାନ କରୁଛନ୍ତି।

ଉଦ୍ଧାର କାର୍ଯ୍ୟରେ ନିୟୋଜିତ ଥିବା ଲୋକମାନେ କହିଛନ୍ତି ବସ କାଟିବା ପରେ ଭିତରେ ଫସି ରହିଥିବା ଲୋକ ଏବଂ ମୃତଦେହକୁ ବାହାରକୁ ଅଣାଯାଇଥିଲା। ଆହତମାନଙ୍କୁ କିସ୍ତୱାଡର ଜିଲା ଡାକ୍ତରଖାନା ଏବଂ ଡୋଡା ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି। ଗୁରୁତର ଆହତଙ୍କୁ ଜମ୍ମୁ ନିଆଯାଇଛି। ମୃତ୍ୟୁ ସଂଖ୍ୟା ବଢ଼ିବାର ଆଶଙ୍କା ରହିଛି। ଇତିମଧ୍ୟରେ ୨୫ ମୃତଦେହ ଉଦ୍ଧାର କରାଯାଇଛି। ଅନ୍ୟ ମୃତକଙ୍କ ଉଦ୍ଧାର ପାଇଁ କାର୍ଯ୍ୟ ଜାରି ରହିଛି।

ଏହି ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଏବଂ ଏଲଜି ମନୋଜ ସିହ୍ନା ଦୁଃଖ ପ୍ରକାଶ କରିଛନ୍ତି।

ଜମ୍ମୁ କଶ୍ମୀରର ଏଲଜି ମନୋଜ ସିହ୍ନା ଟୁଇଟ କରି କହିଛନ୍ତି ଦୁର୍ଘଟଣା ମୃତକଙ୍କ ଶୋକସନ୍ତପ୍ତ ପରିବାରବର୍ଗଙ୍କୁ ମୋର ହୃଦୟରୁ ସମବେଦନା ଏବଂ ଦୁର୍ଘଟଣାରେ ଆହତଙ୍କ ଶୀଘ୍ର ଆରୋଗ୍ୟ କାମନା କରୁଛି। ପ୍ରଭାବିତ ଲୋକଙ୍କୁ ସମସ୍ତ ଆବଶ୍ୟକୀୟ ସହାୟତା ପ୍ରଦାନ କରିବାକୁ ବିଭାଗୀୟ କମିଶନର ଏବଂ ଜିଲା ପ୍ରଶାସନ ନିର୍ଦ୍ଦେଶ ଦିଆଯାଇଛି।

ବାଳକର ପେଟ ଚିରି ଅନ୍ତଃବୁଜୁଳା ବାହାର କରି ପକାଇଲେ ପଲେ ମାଙ୍କଡ଼

COASTAL NEWS ODIA 1453

ବାଳକର ପେଟ ଚିରି ଅନ୍ତଃବୁଜୁଳା ବାହାର କରି ପକାଇଲେ ପଲେ ମାଙ୍କଡ଼ 

ଗାନ୍ଧୀନଗର: ଭଞ୍ଜ ବିହାରୀ ମହାନ୍ତି - ମଙ୍ଗଳବାର ଦିନ ଗୁଜରାଟର ଗାନ୍ଧୀନଗର ଅନ୍ତର୍ଗତ ସାଲ୍‌କି ଗାଁ’ରେ ପଲେ ମାଙ୍କଡ଼ ଜଣେ ୧୦ ବର୍ଷିୟ ବାଳକର ପେଟ ଚିରି ଅନ୍ତଃବୁଜୁଳା ବାହାର କରି ପକାଇବାରୁ ତା’ର ମୃତ୍ୟୁ ଘଟିଥିବା କଥା ପୁଲିସ କହିଛି।

ବନ ଅଧିକାରୀମାନେ କହିଛନ୍ତି ଯେ, ଦେହଗାମ ତାଲୁକ ଅନ୍ତର୍ଗତ ଗୋଟାଏ ମନ୍ଦିର ନିକଟରେ ଏହି ମାଙ୍କଡ଼ ଆକ୍ରମଣ ଘଟଣା ଘଟିଛି। ମୃତ ବାଳକ ହେଉଛି ଦୀପକ ଠାକ‌ୋର। ଗୁରୁତର ଆହତ ଅବସ୍ଥାରେ ଦୀପକକୁ ଡାକ୍ତରଖାନା ନିଆଯାଇଥିଲା। କିନ୍ତୁ, ଡାକ୍ତରମାନେ ଆସି ଚିକିତ୍ସା ଆରମ୍ଭ କରିବା ପୂର୍ବରୁ ତା’ର ମୃତ୍ୟୁ ଘଟିଲା।

ପୁଲିସ ଓ ବନ ବିଭାଗ ଅଧିକାରୀମାନେ କହିଛନ୍ତି ଯେ, ଦୀପକ ତା’ର ସାଥୀମାନଙ୍କ ସହିତ ଛୋଟ ଗାଁ ସାଲ୍‌କିରେ ଖେଳୁଥିଲା ବେଳେ କୁଖ୍ୟାତ ମାଙ୍କଡ଼ପଲ ହାବୁଡ଼ରେ ପଡ଼ିଯାଇଥିଲା। ମାଙ୍କଡ଼ପଲ ଦୀପକ ଉପରକୁ କୁଦିପଡ଼ି  କାମୁଡ଼ା କାମୁଡ଼ି କରି ରାମ୍ପି ପକାଇବା ସହିତ ତା’ର ପେଟକୁ ଚିରି ପକାଇଥିଲେ। ଫଳରେ ତା’ର ଅନ୍ତଃବୁଜୁଳା ବାହାରି ପଡ଼ିଥିଲା। ତୁରନ୍ତ ଦୀପକକୁ ତା’ର ଘରକୁ ଓ ଘରୁ ଡାକ୍ତରଖାନାକୁ ନିଆଯାଇଥିଲା। କିନ୍ତୁ, ଡାକ୍ତରଖାନରେ ପହଞ୍ଚୁ ପହଞ୍ଚୁ ତା’ର ମୃତ୍ୟୁ ଘଟିଥିବା କଥା ଡାକ୍ତରମାନେ କହିଛନ୍ତି।

ଅନିଷ୍ଟକାରୀ ମାଙ୍କଡ଼ପଲକୁ ଧରିବା ପାଇଁ ବନ ଉଦ୍ୟମ ଚାଲିଥିବା କଥା ବନ ବିଭାଗ ଅଧିକାରୀ ବିଶାଳ ଚୌଧୁରୀ କହିଛନ୍ତି। ସେ କହିଛନ୍ତି, ଆକ୍ରମଣରେ ଲିପ୍ତ ଥିବା ୪ଟି ପ୍ରାପ୍ତ ବୟସ୍କ ମାଙ୍କଡ଼ ସମେତ ଏ ଗାଁରେ ଥିବା ମାଙ୍କଡ଼ପଲରେ ବହୁସଂଖ୍ୟକ ମାଙ୍କଡ଼ ଅଛନ୍ତି। ସପ୍ତାହେ ତଳେ ଆମେ ୨ଟି ହନୁମାଙ୍କଡ଼ଙ୍କୁ ଧରିଥିଲୁ। ଆଉ ଗୋଟାଏ ହନୁକୁ ଧରିବା ପାଇଁ ଯନ୍ତା ବସାଯାଇଛି।

ବିରାଟ କୋହଲିଙ୍କ ବ୍ୟାଟରୁ ବାହାରିଛି ଐତିହାସିକ ଶତକ

COASTAL NEWS ODIA 1452

ବିରାଟ କୋହଲିଙ୍କ ବ୍ୟାଟରୁ ବାହାରିଛି ଐତିହାସିକ ଶତକ

ମୁମ୍ବାଇ - ଭଞ୍ଜ ବିହାରୀ ମହାନ୍ତି - ମୁମ୍ବାଇର ୱାଙ୍ଖେଡେର ବିରାଟ କୋହଲିଙ୍କ ବ୍ୟାଟରୁ ବାହାରିଛି ଐତିହାସିକ ଶତକ। ଦିନିକିଆରେ ବିରାଟ ମାରିଛନ୍ତି ୫୦ତମ ଶତକ। ଏଥିସହ ସେ ବିଶ୍ୱର ସବୁ କ୍ରିକେଟରଙ୍କୁ ପଛରେ ପକାଇ ଦେଇଛନ୍ତି। ସଚିନ ତେନ୍ଦୁଲକରଙ୍କ ଆଗରେ ବିରାଟ ତାଙ୍କର ସର୍ବକାଳୀନ ଶତକ ରେକର୍ଡ ମଧ୍ୟ ଭାଙ୍ଗି ଦେଇଛନ୍ତି।

ବିରାଟଙ୍କ ୧୧୩ ବଲରେ ୧୧୭ ରନ ବଳରେ ଭାରତ ନିର୍ଦ୍ଧାରିତ ୫୦ ଓଭରରେ ୪ଟି ୱିକେଟ ହରାଇ ୩୯୭ ରନ କରିଛି। ଫଳରେ ନ୍ୟୁଜିଲ୍ୟାଣ୍ଡକୁ ଏହି ମ୍ୟାଚ୍‌ ଜିତିବା ପାଇଁ ବିଶାଳ ୩୯୮ ରନର ଟାର୍ଗେଟ ମିଳିଛି। ବିରାଟଙ୍କ ବ୍ୟତୀତ ଶ୍ରେୟସ ଆୟର ମଧ୍ୟ ଆଜିର ମ୍ୟାଚ୍‌ରେ ଶତକ ହାସଲ କରିଛନ୍ତି। ୨୦୧୯ ବିଶ୍ୱକପ ସେମି ଫାଇନାଲରେ ନ୍ୟୁଜିଲ୍ୟାଣ୍ଡ ୧୮ ରନରେ ଭାରତକୁ ହରାଇଥିଲା। ଏବେ ୨୦୨୩ ବିଶ୍ୱକପ ସେମି ଫାଇନାଲରେ ଏହାର ମଧୁର ପ୍ରତିଶୋଧ ନେବାକୁ ଭାରତ ପାଖରେ ସୁଯୋଗ ରହିଛି।

ଟସ୍‌ ଜିତି ପ୍ରଥମେ ବ୍ୟାଟିଂ କରୁଥିବା ଭାରତ ପାଇଁ ରୋହିତ ଶର୍ମା ଓ ଶୁବମନ ଗିଲ ବିସ୍ଫୋରକ ଆରମ୍ଭ କରିଥିଲେ। ବିଶେଷ କରି ରୋହିତଙ୍କ ବ୍ୟାଟରୁ ବଡ଼ବଡ଼ ଶଟ ଦେଖିବାକୁ ମିଳିଥିଲା। ସେ ୨୯ ବଲରେ ୪୭ ରନ କରି ଆଉଟ ହୋଇଥିଲେ। ଏହାପରେ ବିରାଟ କୋହଲି ଓ ଗିଲ୍‌ ସ୍ଥିତି ସମ୍ଭାଳିଥିଲେ। ଉଭୟ ନିଜ ନିଜର ଅର୍ଦ୍ଧଶତକ ହାସଲ କରିଥିଲେ। ଗିଲ ନିଜର ଶତକ ଆଡ଼କୁ ମଧ୍ୟ ଯାଉଥିଲେ। କିନ୍ତୁ ମାଂସପେଶୀ ଜନିତ ସମସ୍ୟା ଯୋଗୁ ତାଙ୍କୁ ରିଟାର୍ଡ ହର୍ଟ ହୋଇ ପ୍ୟାଭିଲିୟନ ଫେରିବାକୁ ପଡ଼ିଥିଲା। ଡ୍ରେସିଂ ରୁମକୁ ଫେରିବା ବେଳେ ଗିଲ୍‌ ୬୫ ବଲରେ ୭୯ ରନ କରିଥିଲେ। ଗିଲ୍‌ ଫେରି ଯିବାରୁ ଶ୍ରେୟସ ଆୟର ଆସିଥିଲେ। ସେ ବିରାଟଙ୍କ ସହ ମିଶି ଦ୍ରୁତଗତିରେ ଦଳୀୟ ସ୍କୋରକୁ ଆଗକୁ ନେଇଥିଲେ।

ଗିଲ୍‌ ଆହତ ହେବା ବେଳେ ଦଳୀୟ ସ୍କୋର ୧୬୪ ଥିଲା। ହେଲେ ବିରାଟ ଓ ଆୟର ନ୍ୟୁଜିଲ୍ୟାଣ୍ଡକୁ ଆଉ କୌଣସି ବିପର୍ଯ୍ୟୟ ଘଟାଇବା ଦେଇଥିଲେ। ଉଭୟ ବଡ଼ବଡ଼ ଶଟ ଖେଳି ଚାଲିଥିଲେ। ବିରାଟ ମଧ୍ୟ ନିଜ ଦିନିକିଆ କ୍ୟାରିୟରର ୫୦ତମ ଶତକ ହାସଲ କରିଥିଲେ। ଶତକ ହାସଲ କରିବା ପରେ ସେ ବଡ଼ ଶଟ ମାରିବାକୁ ଚେଷ୍ଟା କରିଥିଲେ। କିନ୍ତୁ ୧୧୭ ରନ କରି ସେ ଆଉଟ ହୋଇଯାଇଥିଲେ। ବିରାଟ ୧୧୩ ବଲରେ ୧୧୭ ରନର ଇନିଂସ ଖେଳିଛନ୍ତି। ଏହି ଇନିଂସରେ ୯ଟି ଚୌକା ଓ ୨ଟି ଛକା ମାରିଛନ୍ତି।

ବିରାଟ ଆଉଟ ହେବା ବେଳକୁ ଦଳୀୟ ସ୍କୋର ୩୨୭ ଥିଲା। ଏତିକି ବେଳେ ଶ୍ରେୟସ ଆୟର ଓ କେଏଲ ରାହୁଲ ଭାରତର କମାଣ ସମ୍ଭାଳିଥିଲେ। ଉଭୟ କେବଳ ୱିକେଟ ରଖି ନଥିଲେ। ବରଂ ଦ୍ରୁତଗତିରେ ରନ ସଂଗ୍ରହ କରି ଚାଲିଥିଲେ।

ଆୟର କ୍ରମାଗତ ଦ୍ୱିତୀୟ ଶତକ ହାସଲ କରିବାର ଅତି ନିକଟରେ ପହଞ୍ଚି ଯାଇଥିଲେ। ୪୭ ଓଭର ସୁଦ୍ଧା ଭାରତର ସ୍କୋର ୩୫୪ ରନରେ ପହଞ୍ଚି ଯାଇଥିଲା। ଏତିକି ବେଳେ ଶ୍ରେୟସ ୯୩ ଓ ରାହୁଲ ୧୦ ରନ କରିଥିଲେ।

୪୮ତମ ଓଭର ବୋଲିଂ କରିବାକୁ ଆସିଥିଲେ ଟିମ ସାଉଦି। ତାଙ୍କର ପ୍ରଥମ ବଲକୁ ଆୟର ଛକା ମାରିଥିଲେ। ଦ୍ୱିତୀୟ ବଲରେ ସେ ୧ ରନ ନେଇ ନିଜର ଶତକ ହାସଲ କରିଥିଲେ। ଆୟର ୬୭ ବଲରେ ଶତକ ହାସଲ କରିଛନ୍ତି। ତଥାପି ଏହି ଓଭରରେ ସାଉଦି ୧୨ ରନ ଦେଇଥିଲେ। ଭାରତର ସ୍କୋର ମଧ୍ୟ ୩୬୬ ରନରେ ପହଞ୍ଚି ଯାଇଥିଲା।

୪୯ତମ ଓଭର ନେଇ ଆସିଥିଲେ ଟ୍ରେଣ୍ଟ ବୋଲ୍ଟ। ତାଙ୍କର ପ୍ରଥମ ବଲକୁ କେଏଲ ରାହୁଲ ବାଉଣ୍ଡରୀ ବାହାରକୁ ପଠାଇ ଦେଇଥିଲେ। ଦ୍ୱିତୀୟ ବଲରୁ ତାଙ୍କୁ ଚୌକା ମାରିଥିଲେ। ଏହି ଓଭର୍‌ରୁ ମୋଟ୍‌ ୩୯୭ ରନ୍‌ କରିଥିଲା ଭାରତ। 

ଆଜିର ରାଶିଫଳ

COASTAL NEWS ODIA 1451

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୧୬ ତାରିଖ ୨୦୨୩ ମସିହା(ଗୁରୁବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*  *✧═════•❁❀❁•═════✧*

*ମେଷ : 👉ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ଉତ୍ତମ ହେବ । କର୍ମରେ ଉନ୍ନତି ଓ ସମସ୍ତ କର୍ମରେ ଆଶାତୀତ ସଫଳତା ପାଇବେ । ନୂତନ କର୍ମାରମ୍ଭ କିମ୍ବା ନୂତନ ନିଯୁକ୍ତିର ସମ୍ଭାବନା ରହିଛି । ସହକର୍ମୀ ଓ ପରିବାରର ସମସ୍ତ ସଦସ୍ୟ ସାହାଯ୍ୟ ଓ ସହାନୁଭୂତିର ହାତ ବଢ଼ାଇବେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ପରିଶ୍ରମ ଜାରି ରଖିବେ । ମହିଳାମାନେ କର୍ତ୍ତବ୍ୟ ପ୍ରତି ସଚେତନ ହେବେ ।* 

*✧═════•❁❀❁•═════✧*

 *ବୃଷ : 👉ଆଜି ବାଣିଜ୍ୟ, ବ୍ୟବସାୟ ରେ ଆୟ ସ୍ୱଳ୍ପ ରହିବ । କର୍ମସ୍ଥାନରେ ସହକର୍ମୀଙ୍କ ସହ ମତାନ୍ତର ଓ ଉପରିସ୍ଥ କର୍ମଚାରୀଙ୍କ ରୋଷର ଶିକାର ହେବେ । ବାପାମା’ଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ ହେବେ କିମ୍ବା ତାଙ୍କ ସହ ମତଭେଦ ଘଟିପାରେ । ପରିବାରରେ ଅଶାନ୍ତି ଓ ବନ୍ଧୁଙ୍କଠାରୁ ଅପମାନ ପାଇପାରନ୍ତି । ବିଦ୍ୟାର୍ଥୀ କର୍ମରେ ଅବହେଳା କରିବେ । ମହିଳାମାନଙ୍କର ଗୁରୁଜନଙ୍କ ସହ ବିବାଦ ହେବ ।* 

*✧═════•❁❀❁•═════✧*

 *ମିଥୁନ : 👉ବାଣିଜ୍ୟ, ବ୍ୟବସାୟରେ ଆୟ ମଧ୍ୟମ ହେବ । କର୍ମ ପ୍ରତି ଅନାଗ୍ରହ ଓ ଆଳସ୍ୟତା ପ୍ରକାଶ ପାଇବ । ମନ ଅସ୍ଥିର ରହିବ ଓ ପରିବାରରେ ବିବାଦ ଦେଖାଦେବ । ସମସ୍ତ କର୍ମରେ ଅଯଥା ବିଳମ୍ବ ଓ ବାଧାବିଘ୍ନ ଉପୁଜିବ । ବିଦ୍ୟାର୍ଥୀ, କ୍ରୀଡ଼ାବିତ୍‌ ସ୍ୱକର୍ମରେ ଅବହେଳା କରିବେ । ମହିଳାମାନେ ବିଷାଦଗ୍ରସ୍ତ ହେବେ ।* 

*✧═════•❁❀❁•═════✧*

 *କର୍କଟ: 👉ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ମଧ୍ୟମ ରହିବ। କର୍ମସ୍ଥାନରେ ଉଚ୍ଚ ପ୍ରଶଂସିତ ହେବେ ଓ ମହିଳା ସହକର୍ମୀଙ୍କ ସାହାଯ୍ୟ ଓ ସହଯୋଗ ପାଇବେ । ସହଧର୍ମିଣୀଙ୍କ ସହଯୋଗ ପାଇବେ ଓ ସ୍ତ୍ରୀ ହେତୁକ ଧନପ୍ରାପ୍ତିର ଯୋଗ ରହିଛି । ବିଦ୍ୟାର୍ଥୀ, କ୍ରୀଡ଼ାବିତ୍‌ ଅସ୍ଥିରମନା ହେବେ । ମହିଳାମାନେ ସ୍ୱାମୀଙ୍କ ସେବା ଓ ପରିବାରର ସେବାରେ ଦିନଟି ବିତାଇବେ ।* 

*✧═════•❁❀❁•═════✧*

 *ସିଂହ : 👉ଆଜି ସ୍ୱାସ୍ଥ୍ୟଗତ ସମସ୍ୟା ଓ ଦୁର୍ଘଟଣା ଘଟିବାର ସମ୍ଭାବନା ରହିଛି। ବାଦବିବାଦ ପ୍ରତି ସତର୍କ ରହିବେ ଓ ଗ୍ୟାସ ହିଟର ବ୍ୟବହାର କାଳରେ ସାବଧାନ ରହିବେ । ବାଣିଜ୍ୟ, ବ୍ୟବସାୟରେ ଆୟ ସ୍ୱଳ୍ପ ରହିବ ଓ କର୍ମରେ ଆଳସ୍ୟତା ଏବଂ ଅନାଗ୍ରହଭାବ ପ୍ରକାଶ ପାଇବ । ଶତ୍ରୁମାନଙ୍କ ଦ୍ୱାରା ପୀଡ଼ା ପାଇବେ ଓ ପରିବାରରେ ବିବାଦ ଦେଖାଦେଇପାରେ। ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମ ପ୍ରତି ଅନାଗ୍ରହୀ ହେବେ । ମହିଳାମାନଙ୍କର ଗୁରୁଜନଙ୍କ ସହ ବିବାଦ ହେବ ।* 

*✧═════•❁❀❁•═════✧*

 *କନ୍ୟା: 👉ଅପମାନ, ଅପଯଶ, ଅପବାଦ ପାଇପାରନ୍ତି। ପୁତ୍ର, କନ୍ୟା ଅବଜ୍ଞା କରିବେ ଓ ସେମାନଙ୍କ କର୍ମକୁ ନେଇ ଚିନ୍ତିତ ହେବେ । ବାଣିଜ୍ୟ, ବ୍ୟବସାୟରେ ଆୟ ମଧ୍ୟମ ହେବ ଓ କର୍ମସ୍ଥାନରେ ବାଧାବିଘ୍ନ ଏବଂ ସହକର୍ମୀ, ଉପରିସ୍ଥ କର୍ମ•ରୀ ଅପମାନ ଦେଇପାରନ୍ତି । ବାପାମା’ଙ୍କ ସହ ମତାନ୍ତର କିମ୍ବା ତାଙ୍କ ସ୍ୱାସ୍ଥ୍ୟଗତ ସମସ୍ୟା ଦେଖାଦେଇପାରେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ଅବହେଳା କରିବେ । ମହିଳାମାନେ ପରିବାରରେ ଅସମ୍ମାନିତ ହେବେ ।* 

*✧═════•❁❀❁•═════✧*

 *ତୁଳା :👉 ବନ୍ଧୁବାନ୍ଧବ, ସହକର୍ମୀ ଓ ପରିବାରର ସମସ୍ତ ସଦସ୍ୟଙ୍କ ସାହାଯ୍ୟ ଏବଂ ସହଯୋଗ ପାଇବେ। ବ୍ୟବସାୟରେ ଆୟ ମଧ୍ୟମ ହେବ । କର୍ମସ୍ଥାନରେ ପ୍ରଶଂସିତ, ସଫଳତା ଓ ସୁବିଧା ସୁଯୋଗ ହାସଲ କରିବେ। ମୂଲ୍ୟବାନ ଧାତୁ, ଭୂମି କିମ୍ବା ଯାନବାହନ କ୍ରୟ କରିପାରନ୍ତି । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ସଫଳତା ପାଇବେ। ମହିଳାମାନେ ଅତିଥି ସତ୍କାର କରିବେ।* 

*✧═════•❁❀❁•═════✧*

 *ବିଛା :👉 କର୍ମ ପ୍ରତି ଆଗ୍ରହ, ଏକାଗ୍ରତା ଓ ଆନ୍ତରିକତା ବୃଦ୍ଧି ପାଇବା ହେତୁ ସମସ୍ତ କର୍ମରେ ଆଶାତୀତ ସଫଳତା ପାଇବେ। ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ମଧ୍ୟମ ହେବ। ନୂତନ କର୍ମାରମ୍ଭ କିମ୍ବା ନୂତନ ନିଯୁକ୍ତିର ସମ୍ଭାବନା ରହିଛି। ଭ୍ରାତୃ ଓ ଭଗ୍ନିଙ୍କର ସାହାଯ୍ୟ ଏବଂ ପରିବାରର ସାହାଯ୍ୟ ପାଇବେ।* 

*✧═════•❁❀❁•═════✧*

 *ଧନୁ : 👉ଆର୍ଥିକ କ୍ଷତି, ବାଣିଜ୍ୟ ଓ ବ୍ୟବସାୟରେ କ୍ଷତି ପହଞ୍ଚିବ। କର୍ମର ଅନାଗ୍ରହ ଓ ବିଘ୍ନ ସୃଷ୍ଟି ହେବ । ମୂଲ୍ୟବାନ ପଦାର୍ଥ ନଷ୍ଟ ବା ଖରାପ ହୋଯାଇପାରେ । ଧନକୁ ନେଇ ବିବାଦ ଓ ପରିବାରରେ ଅଶାନ୍ତି ଦେଖାଦେବ । ବିଦ୍ୟାର୍ଥୀ, କ୍ରୀଡ଼ାବିତ୍‌ ଅସ୍ଥିରମନା ହେବେ। ମହିଳାମାନେ ବଦଖର୍ଚ୍ଚି ହେବେ ।* 

*✧═════•❁❀❁•═════✧*

 *ମକର : 👉ବ୍ୟୟ ହେଲେ ମଧ୍ୟ ଆଜି ଦିନରେ ସୁୁଖାଦ୍ୟ, ସୁବ୍ୟସନ ପ୍ରାପ୍ତି ହେବ । ଯଶ, ସମ୍ମାନ ଓ ସାମାଜିକ ପ୍ରତିଷ୍ଠାରେ ବୃଦ୍ଧି ଘଟିବ। ବାଣିଜ୍ୟ, ବ୍ୟବସାୟରେ ଆୟ ମଧ୍ୟମ ହେବ ।   କର୍ମରେ କିଛି ବିଘ୍ନ ଘଟିପାରେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ପ୍ରଶଂସିତ ହେବେ । ମହିଳାମାନେ ପରିବାରର ଆଦର ପାଇବେ ।* 

*✧═════•❁❀❁•═════✧*

 *କୁମ୍ଭ : 👉ଅଟକିଥିବା କାମ ପୁଣି ଆରମ୍ଭ କରିବା ପାଇଁ ମନସ୍ଥ କରିବେ । ବାଣିଜ୍ୟ, ବ୍ୟବସାୟରେ ଆୟ ଅଧିକ ହେବ । ବ୍ୟୟ ଭାର କମ୍‌ ରହିବ । ହୃତଧନ ଫେରିପାଇବେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ଆଗ୍ରହୀ ହେବେ । ମହିଳାମାନେ ଘରକରଣା ଜିନିଷ କ୍ରୟ କରିବେ ।*

*✧═════•❁❀❁•═════✧*

*ମୀନ : 👉କର୍ମରେ ଉନ୍ନତି ଓ ସଫଳତା ପାଇବେ । ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ଉତ୍ତମ ହେବ । ଆକସ୍ମିକ ଧନଲାଭ ଓ କୌଣସି  ସୂତ୍ରରୁ ଧନପ୍ରାପ୍ତିର ଯୋଗ ରହିଛି । ମୂଲ୍ୟବାନ ଧାତୁ କିମ୍ବା ଭୂମି କ୍ରୟ କରିବା ପାଇଁ ଯୋଜନା କରିବେ । ବିଦ୍ୟାର୍ଥୀ କର୍ମରେ ପରିଶ୍ରମ ଜାରି ରଖିବେ । ମହିଳାମାନେ ଆନନ୍ଦିତ ହେବେ ।*

*✧═════•❁❀❁•═════✧*

ହୁ ହୁ ହୋଇ ଜଳିଲା ଯାତ୍ରୀବାହୀ ବସ୍‌

COASTAL NEWS ODIA 1450

ହୁ ହୁ ହୋଇ ଜଳିଲା ଯାତ୍ରୀବାହୀ ବସ୍‌

ନଏଡା- ଭଞ୍ଜ ବିହାରୀ ମହାନ୍ତି - ହଠାତ୍‌ ବସ୍‌ରେ ଲାଗିଲା ନିଆଁ। ହୁ ହୁ ହୋଇ ଜଳିଲା ଯାତ୍ରୀବାହୀ ବସ୍‌। ତେବେ କିଛି ଅଘଟଣା ଘଟିବା ପୂର୍ବରୁ ଅଳ୍ପକେ ବର୍ତ୍ତିଗଲେ ଯାତ୍ରୀ। ଏଭଳି କିଛି ଘଟଣା ଘଟିଛି ନଏଡା ଏକ୍ସପ୍ରେସ୍‌-ଓ୍ୱେରେ।

ଏକ ଭୋଲବୋ ବସ୍‌ ବୁଧବାର ୬୦ ଯାତ୍ରୀଙ୍କୁ ନେଇ ବିହାର ଯାଉଥିଲା। ସମସ୍ତ ଯାତ୍ରୀ ଛଟ୍ଟ୍‌ ପୂଜା ପାଇଁ ଘରକୁ ଯାଉଥିଲେ। ଏତିକି ବେଳେ ନଏଡା-ଗ୍ରେଟେର୍‌ ନଏଡା ଏକ୍ସପ୍ରେସ-ଓ୍ୱେର ସେକ୍ଟର ୧୨୬ରେ ଏହି ଦୁର୍ଘଟଣା ଘଟିଛି। ସେକ୍ଟର ୯୬ରେ ଥିବା ଅଣ୍ଡରପାସ୍‌ ଦେଇ ଏହି ଯାତ୍ରୀବାହୀ ବସ୍‌ଟି ଯାଉଥିବା ବେଳେ ଏଥିରେ ହଠାତ୍‌ ନିଆଁ ଲାଗିଯାଇଥିଲା। ଦେଖୁ ଦେଖୁ ଏହି ନିଆଁ ବିକଟାଳ ରୂପ ନେଇଥିଲା।

ତେବେ ସୌଭାଗ୍ୟବଶତଃ ଏଥିରେ ଥିବା ୬୦ ଯାତ୍ରୀ କୌଣସି ଦୁର୍ଘଟଣା ଘଟିବା ପୂର୍ବରୁ ବସ୍‌ ଭିତରୁ ବାହାରକୁ ଚାଲି ଆସିଥିଲେ। ଫଳରେ ବିର୍ତ୍ତି ଯାଇଛନ୍ତି। ଅନେକ ଯାତ୍ରୀଙ୍କୁ ଏମରଜେନ୍ସି ଗେଟ୍‌ ଦେଇ ବସ୍‌ରୁ ବାହାରକୁ ବାହାର କରାଯାଇଛି। ସେପଟେ ଘଟଣାସ୍ଥଲରେ ଅଗ୍ନିଶମ ବାହିନୀର ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଛି।

ଗୋରଖଧାମ ନାମକ ଏହି ବସ୍‌ ନଏଡା ସେକ୍ଟର-୩୭ରୁ ବିହାରର ସିବନା ଯାଉଥିଲା। ଶର୍ଟ ସର୍କିଟ୍‌ ଯୋଗୁ ବସ୍‌ରେ ନିଆଁରେ ଲାଗିଥିବା ସନ୍ଦେହ କରାଯାଉଛି। ବସ୍‌ରେ ନିଆଁ ଲାଗିବା ଯୋଗୁ ଏକ୍ସପ୍ରେସ୍‌-ଓ୍ୱେରେ ଅନେକ ଗାଡ଼ି ଫଶି ରହିଥିଲା। ଫଳରେ ଟ୍ରାଫିକ୍ ସମସ୍ୟା ସୃଷ୍ଟି ହୋଇଥିଲା।

ଆଇସିସି ବିଶ୍ବକପ ଫାଇନାଲରେ ପ୍ରବେଶ କରିଛି ଟିମ ଇଣ୍ଡିଆ

COASTAL NEWS ODIA 1449

ଆଇସିସି ବିଶ୍ବକପ ଫାଇନାଲରେ ପ୍ରବେଶ କରିଛି ଟିମ ଇଣ୍ଡିଆ 

ମୁମ୍ବାଇ : ଭଞ୍ଜ ବିହାରୀ ମହାନ୍ତି - ଆଇସିସି ବିଶ୍ବକପ ଫାଇନାଲରେ ପ୍ରବେଶ କରିଛି ଟିମ ଇଣ୍ଡିଆ । ଅର୍ଥାତ୍ ବିଶ୍ବ ଚାମ୍ପିଅନ ହେବାଠାରୁ ଆଉ ମାତ୍ର ଗୋଟିଏ ବିଜୟ ବାକି ରହିଛି ।

ବୁଧବାର ଖେଳାଯାଇଥିବା ସେମିଫାଇନାଲ ମ୍ୟାଚରେ ଭାରତ ନ୍ୟୁଜିଲାଣ୍ଡକୁ ୭୦ ରନରେ ପରାସ୍ତ କରିଛି । ଭାରତ ଦ୍ବାରା ରଖାଯାଇଥିବା ୩୯୮ ରନ ଲକ୍ଷ୍ୟ ଜବାବରେ ନ୍ୟୁଜିଲାଣ୍ଡ ୩୨୭ ରନ କରି ଅଲଆଉଟ ହୋଇଯାଇଥିଲା । ଦଳ ପକ୍ଷରୁ ଡାରିଲ ମିଚେଲ ୧୩୪ରନ, କେନ ଓ୍ବିଲିୟମସନ ୬୯ ରନ ଓ ଗ୍ଲେନ ଫିଲିପ୍ସ ୪୧ରନ କରିଥିଲେ । ଭାରତ ପକ୍ଷରୁ ମହମ୍ମଦ ସମି ଘାତକ ବୋଲିଂ କରି ୭ଟି ଓ୍ବିକେଟ ନେଇଥିଲେ ।

ଏହି ମ୍ୟାଚରେ ଭାରତ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦୁଇ ଓପନର ରୋହିତ ଶର୍ମା ଓ ଶୁଭମନ ଗିଲ୍ ଏକ ବଡ଼ ସ୍କୋର ପାଇଁ ଏକ ଭଲ ମୂଳଦୁଆ ପକାଇଥିଲେ । ରୋହିତ ବିସ୍ଫୋରକ ବ୍ୟାଟିଂ କରିଥିଲେ ବି ଅଳ୍ପକେ ଅର୍ଦ୍ଧଶତକରୁ (୪୭ ରନ) ବଞ୍ଚିତ ହୋଇଥିଲେ । ସେହିପରି ଶୁଭମନ ଗିଲ୍ ୭୯ ରନ କରି ଏକ ଶତକ ଆଡକୁ ଗତି କରୁଥିବାବେଳେ ସେ ରିଟାୟାର୍ଡ ହଟ୍ ହୋଇ ପାଭିଲିୟନ ଫେରିଥିଲେ । 

ତେବେ ଶେଷ ଓଭରରେ ସେ ପୁଣି ଥରେ ଫେରିଥିଲେ । କିନ୍ତୁ ଆଜି ମ୍ଯାଚର ମୁଖ୍ୟ ଆକର୍ଷଣ ଥିଲା ବିରାଟ କୋହଲିଙ୍କ ୫୦ ତମ ଶତକ ଓ ଶ୍ରେୟସ ଆୟରଙ୍କ ବିସ୍ଫୋରକ ଶତକ । ବିରାଟ ୧୧୭ ରନ ଓ ଆୟର ୧୦୫ କରି ଆଉଟ ହୋଇଥିଲେ । ଭାରତ ନିର୍ଦ୍ଧାରିତ ୫୦ ଓଭରରେ ୪ ଓ୍ବିକେଟ ହରାଇ ୩୯୭ ରନ କରିଥିଲା ।

ତିନି ଦିନରେ ପହଞ୍ଚିଛି ଚାର୍ ଧାମ ଟନେଲ୍ ଟ୍ରାଜେଡ଼ି

COASTAL NEWS ODIA 1448

ତିନି ଦିନରେ ପହଞ୍ଚିଛି ଚାର୍ ଧାମ ଟନେଲ୍ ଟ୍ରାଜେଡ଼ି 

ଉତ୍ତରକାଶୀ- ଭଞ୍ଜ ବିହାରୀ ମହାନ୍ତି - ତିନି ଦିନରେ ପହଞ୍ଚିଛି ଚାର୍ ଧାମ ଟନେଲ୍ ଟ୍ରାଜେଡି। ଏବେ ବି ଟନେଲ ତଳେ ଫସି ରହିଛନ୍ତି ୪୦ ଜଣ ଶ୍ରମିକ। ସମସ୍ତ ଶ୍ରମିକଙ୍କୁ ସୁରକ୍ଷିତ ଉଦ୍ଧାର ପାଇଁ ପ୍ରାଣପ୍ରଣେ ଉଦ୍ୟମ କରୁଛନ୍ତି ଉଦ୍ଧାରକାରୀ ଟିମ୍। ପାଇପ୍ ଯୋଗେ ଖାଦ୍ୟ, ପାନୀୟଠୁ ଅମ୍ଳଜାନ ପଠାଯାଉଛି। 

ଭୁଶୁଡିଥିବା ୨୦୦ ମିଟର ଅଞ୍ଚଳରେ ପଡିଥିବା ପଥର କାଟିବାରେ ସାମାନ୍ୟ ଅଗ୍ରଗତି ହୋଇଛି। ଉଦ୍ଧାରକାରୀମାନେ ଫସିଥିବା ଶ୍ରମିକଙ୍କ ନିକଟରେ ପହଞ୍ଚିବା ପାଇଁ ଏକ ରାସ୍ତା ତିଆରି କରିବାକୁ ଚେଷ୍ଟା କରୁଛନ୍ତି, ଯାହାର ଦୂରତା ପ୍ରାୟ ୪୦ ମିଟର। ସୁରକ୍ଷା ଅଧିକାରୀଙ୍କ ସୂଚନା ଅନୁସାରେ, ଟନେଲକୁ ଅବରୋଧ କରୁଥିବା ପ୍ରାୟ ୨୧ ମିଟର ସ୍ଲାବକୁ ହଟାଇ ଦିଆଯାଇଛି, ଆଉ ୧୯ ମିଟର ରାସ୍ତା ସଫା ହେବା ବାକି ରହିଛି।

ଉଦ୍ଧାରକାରୀ ଟିମ୍ ପ୍ରଥମେ ୩୦ ମିଟର ପଥର କାଟିବାରେ ସକ୍ଷମ ହୋଇଥିଲେ, କିନ୍ତୁ କିଛି ମାଟି ପୁଣି ଭଶୁଡି ରାସ୍ତା ଅବରୋଧ କରିଥିଲା, ବର୍ତ୍ତମାନ ସେମାନେ ୨୧ ମିଟର ରାସ୍ତା ସଫା କରିବାରେ ସକ୍ଷମ ହୋଇଥିବା ସୁରକ୍ଷା ଅଧିକାରୀ ସୂଚନା ଦେଇଛନ୍ତି।

ଅନ୍ୟପଟେ ଉଦ୍ଧାରକାରୀ ଟିମ୍ ହାଇଡ୍ରୋଲିକ୍ ଜ୍ୟାକ୍ ବ୍ୟବହାର କରି ଶ୍ରମିକମାନଙ୍କ ନିକଟକୁ ୯୦୦ ମିଲିମିଟର ବ୍ୟାସ ବିଶିଷ୍ଟ ଏକ ପାଇପ୍ ସଂଯୋଗ କରିବାକୁ ଯୋଜନା କରୁଛନ୍ତି। ସ୍ଲାବ୍ ଭୁଶୁଡି ପୋତି ହୋଇଥିବା ଆବର୍ଜନାକୁ ସଫା କରିବା ପାଇଁ ଆଗର୍ ମେସିନର ବ୍ୟବହାର ମଧ୍ୟ କରିବେ। ଏଥିପାଇଁ ଘଟଣାସ୍ଥଳରେ ଆବଶ୍ୟକୀୟ ସମସ୍ତ ସାମଗ୍ରୀ ଏବଂ ଯନ୍ତ୍ରପାତି ପହଞ୍ଚିଛି।  ଅପରେସନରେ ଜଳସେଚନ ବିଭାଗର ବିଶେଷଜ୍ଞମାନେ ମଧ୍ୟ ସାମିଲ୍ ହୋଇଛନ୍ତି।

ରବିବାର ଭୋର ପ୍ରାୟ ୫ଟା ସମୟରେ ଉତ୍ତରାଖଣ୍ଡ ଉତ୍ତରକାଶୀ ଜିଲ୍ଲାର ବ୍ରହ୍ମଖାଲ-ଯମୁନୋତ୍ରୀ ଜାତୀୟ ରାଜପଥରେ ଏକ ନିର୍ମାଣାଧୀନ ଟନେଲ ଆଂଶିକ ଭୁଶୁଡି ପଡିଥିଲା। ଏଥିରେ କାମ କରୁଥିବା ୪୦ ଜଣ କର୍ମଚାରୀ ଫସି ରହିଥିଲେ। ଚାର୍ ଧାମ ରୋଡ୍ ପ୍ରକଳ୍ପ ଅଧୀନରେ ଏହି ନିର୍ମାଣ ଚାଲିଥିଲା। ଉତ୍ତରକାଶୀରୁ ଯମୁନୋତ୍ରି ଧାମ ପର୍ଯ୍ୟନ୍ତ ଯାତ୍ରାକୁ ୨୬ କିଲୋମିଟର ହ୍ରାସ କରିବାକୁ ଲକ୍ଷ୍ୟ ରଖାଯାଇ ଏହି ଟନେଲ୍ ନିର୍ମାଣ କରାଯାଉଥିଲା।

ଆଜିର ରାଶିଫଳ

COASTAL NEWS ODIA 1447

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୧୪ ତାରିଖ ୨୦୨୩ ମସିହା(ମଙ୍ଗଳବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

           *✧═════•❁❀❁•═════✧*

*🌹ମେଷ🌷👉କର୍ମକ୍ଷେତ୍ରରେ ସହକର୍ମୀମାନଙ୍କୁ ସୁପରାମର୍ଶ ଓ ପ୍ରେରଣା ଦେଇ କର୍ମକ୍ଷେତ୍ରରେ ପ୍ରଶଂସିତ ହେବେ। ଦୀର୍ଘ ସମୟ ଧରି ଅପେକ୍ଷା କରିଥିବା ବନ୍ଧୁଙ୍କୁ ଭେଟିପାରନ୍ତି। ସାଧାରଣ କଥାକୁ ନେଇ ପାରିବାରିକ ଅସହଯୋଗରୁ ଶେଷ ପର୍ଯ୍ୟାୟରେ କାମ ଗୁଡିକ ଅଧାରେ ଅଟକିଯିବ। ପାରିବାରିକ ଚାପ ଦୃଷ୍ଟିରୁ ମାନସିକ ସ୍ତରରେ କଷ୍ଟ ସ୍ବୀକାର କରିବେ।*

*✧═════•❁❀❁•═════✧*

*🌹ବୃଷ🌷👉ଆଜି ଆପଣଙ୍କର ମାନସିକ ସ୍ବାସ୍ଥ୍ୟ କେତେକାଂଶରେ ଭଲ ରହି ନପାରେ। ଅଭାବ ନଥିଲେ ମଧ୍ୟ ଆକସ୍ମିକ ଆବଶ୍ୟକତା ପୂରଣ କ୍ଷେତ୍ରରେ ଅସୁବିଧା ମନେ କରିବେ। କର୍ମକ୍ଷେତ୍ରରେ ଅନ୍ୟକୁ ସାହାଯ୍ୟ କରିବାକୁ ଯାଇ ନିଜେ ହଇରାଣରେ ପଡିପାରନ୍ତି। ପଡୋଶୀଙ୍କ କଥାରେ ପ୍ରଭାବିତ ହୋଇ କୌଣସି ଭୁଲ୍‌ କାମ କରିପାରନ୍ତି।*

*✧═════•❁❀❁•═════✧*

*🌹ମିଥୁନ🌷👉ବନ୍ଧୁମାନଙ୍କ ସାହାଯ୍ୟରେ ଭାଙ୍ଗି ପଡିଥିବା ସ୍ବାସ୍ଥ୍ୟରେ ଉନ୍ନତି ଘଟିପାରେ। ସହକର୍ମୀଙ୍କ କାର୍ଯ୍ୟାବଳୀ ଓ ଅଫିସ୍‌ର ପ୍ରତ୍ୟେକ ଘଟଣାକୁ ସନ୍ଦେହ ଦୃଷ୍ଟିରେ ଦେଖିବେ। ପ୍ରତୀକ୍ଷିତ ଖବରଟି ଆଜି  ପାଇପାରନ୍ତି। ବନ୍ଧୁଙ୍କ ପ୍ରତିଶ୍ରୁତି ଦେଇ ଶେଷ ରେ ନାସ୍ତିବାଣୀ ଶୁଣାଇବେ। କର୍ମକ୍ଷେତ୍ରରେ ସୁବିଧାରେ କାମ ହାସଲ କରିବା କଷ୍ଟକର ହୋଇପଡିବ।*

*✧═════•❁❀❁•═════✧*

*🌹କର୍କଟ🌷👉ଭାବପ୍ରବଣତାବଶତଃ ଅନ୍ୟଦ୍ୱାରା ପ୍ରଭାବିତ ହୋଇ ମରିଚିକା ପଛରେ ଦୌଡି ପରିଶେଷରେ ଅନୁତାପ କରିପାରନ୍ତି। ବନ୍ଧୁଗହଣରେ ବାକ୍‌ ଅସଂଯମତା ଯୋଗୁ ସୁସମ୍ପର୍କ ବ୍ୟାହତ ହୋଇପାରେ। ବିଭିନ୍ନ ପ୍ରକାରର ଆଶା ଓ ଆଶଙ୍କାରେ ବ୍ୟବସାୟକୁ ସଙ୍କୁଚିତ କରିନେଇ ପାରନ୍ତି।*

*✧═════•❁❀❁•═════✧*

*🌹ସିଂହ🌷👉ନିକଟ ଅତୀତରେ ସୃଷ୍ଟି ହୋଇଥିବା ପରିସ୍ଥିତିକୁ ସମ୍ଭାଳି ନେବାପାଇଁ ପଡୋଶୀଙ୍କ ସାହାଯ୍ୟ ଆବଶ୍ୟ ମନେ କରିବେ। କର୍ମକ୍ଷେତ୍ରରେ ଅଯଥା ମିଥ୍ୟା ଅଭିଯୋଗ ସକାଶେ ଅନ୍ୟ ଉପରେ ବିରକ୍ତି ପ୍ରକାଶ କରିପାରନ୍ତି। ପରିବାରର ବ୍ୟୟ ବୃଦ୍ଧି ଯୋଗୁ କିମ୍ବା ପରିବହନରେ ସମସ୍ୟା କାରଣରୁ ବ୍ୟସ୍ତ ରହିପାରନ୍ତି।*

*✧═════•❁❀❁•═════✧*

*🌹କନ୍ୟା🌷👉ପାରିବାରିକ ସ୍ତରରେ ବନ୍ଧୁଙ୍କ ବ୍ୟବହାରରେ ଅସନ୍ତୁଷ୍ଟ ହୋଇ ଆଲୋଚନା କାଳରେ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। କର୍ମକ୍ଷେତ୍ରରେ ଶେଷ ସମୟରେ ସୁଯୋଗ ହରାଇବା ସକାଶେ ବ୍ୟଥିତ ହୋଇପାରନ୍ତି। ଅପରାହ୍ନରେ ପୁରାତନ ରୋଗର ପୀଡା ଅନୁଭବ କରି ପାରନ୍ତି। ସାହିତ୍ୟ,କଳା, କ୍ଷେତ୍ରରୁ ପ୍ରଶଂସିତ ହେବେ।*

*✧═════•❁❀❁•═════✧*

*🌹ତୁଳା🌷👉ଆନୁଷ୍ଠାନିକ କାମରେ ସାଙ୍ଗଠନିକ କାର୍ଯ୍ୟରେ ନେତୃତ୍ୱ ନେଇ ପ୍ରଶଂସିତ ହେବେ। ସାମାଜିକ ସ୍ତରରେ ସମ୍ମାନ ଲାଭ ଓ ପଦମର୍ଯ୍ୟାଦା ବୃଦ୍ଧି ପାଇବ। ପ୍ରତ୍ୟେକ କ୍ଷେତ୍ରରେ ଜିଦ୍‌ଖୋର ମନୋଭାବ ତ୍ୟାଗ କଲେ କେତେକାଂଶରେ ଉପକୃତ ହୋଇପାରନ୍ତି। ପ୍ରତ୍ୟୁଷ ଯାତ୍ରା ସମୟରେ ଯାନ୍ତ୍ରିକ ତ୍ରୁଟି ଯୋଗୁ ଯାତ୍ରାରେ ବିଳମ୍ବ ଘଟିପାରେ।*

*✧═════•❁❀❁•═════✧*

*🌹ବିଛା🌷👉ସାଧାରଣ କଥାକୁ କେନ୍ଦ୍ରକରି ମଧ୍ୟାହ୍ନେ ମନରେ ବିରକ୍ତିଭାବ ସୃଷ୍ଟି ହୋଇପାରେ। ସଭାସମିତିରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇପାରିବ। ପାରିବାରିିକ ସମସ୍ୟାର ସରଳ ସମାଧାନ କରିବାରେ ପଡୋଶୀଙ୍କ ଅବଦାନ ସ୍ମରଣୀୟ ରହିବ। ଗତକାଲି ଠାରୁ ଭାବୁଥିବା କାମଟିକୁ ଆଜିହିଁ ଶେଷ କରିପାରିବେ।*

*✧═════•❁❀❁•═════✧*

*🌹ଧନୁ🌷👉ସାମାନ୍ୟ ଶାରୀରିକ ଅସୁସ୍ଥି ଅନୁଭବ କରିବା ସହ ପ୍ରିୟଜନଙ୍କ ସହ ସମ୍ପର୍କ ହାନି ଯୋଗୁ ଚିନ୍ତିତ ହେବାକୁ ପଡିବ। ଘରେ ଭୁଲ୍‌ ବୁଝାମଣା ହେତୁ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। ଆଜିର ପ୍ରତ୍ୟୁଷ ଯାତ୍ରାରେ ସଫଳତା ମିଳିବ। ବିବାଦୀୟ ପରିସ୍ଥିତିରେ ଘଟଣାର ଗୁରୁତ୍ୱ ନବୁଝି ଅଯଥା କ୍ରୋଧ ପ୍ରକାଶ କରିପାରନ୍ତି।*

*✧═════•❁❀❁•═════✧*

*🌹ମକର🌷👉ବନ୍ଧୁଙ୍କ ଆନ୍ତରିକତାର ପରାମର୍ଶକୁ ନିର୍ବିବାଦରେ ଗହଣ କରିନେଲେ ବିଭିନ୍ନ ଦିଗରୁ ଉପକୃତ ହୋଇପାରିବେ। କର୍ମକ୍ଷେତ୍ରରେ ଉପରିସ୍ଥଙ୍କ ସାହାଯ୍ୟ ଲାଭକରି ସ୍ଥଗିତ କାମକୁ ପୂରା ଦମରେ କରିବାପାଇଁ ନିଷ୍ପତି ନେଇପାରନ୍ତି। ପ୍ରତ୍ୟେକ କ୍ଷେତ୍ରରେ ନୀରବଦ୍ରଷ୍ଟା ଭଳି କାମ କରି ସମସ୍ୟା ସମାଧାନ କରିପାରିବେ।*

*✧═════•❁❀❁•═════✧*

*🌹କୁମ୍ଭ🌷👉ସରଳ ଭାବରେ କୌଣସି କଥାକୁ ଗ୍ରହଣ ନ କରି ପରୀକ୍ଷା କରି କାମରେ ଲଗାଇଲେ ଉପକୃତ ହୋଇପାରିବେ। ଅଫିସରେ ବାଦବିବାଦ କ୍ରମେ ଜଟିଳ ହେବ କିନ୍ତୁ ଆପଣ ଅବଶ୍ୟ ସଫଳତା ହାସଲ କରିବେ। ଜମିଜମା ବ୍ୟବସାୟରେ ଉନ୍ନତି କରିବା ସହ ନିକଟ ସମ୍ପର୍କୀୟଙ୍କ ସହ ସମ୍ପର୍କରେ ଉନ୍ନତି ପରିଲକ୍ଷିତ ହେବ।*

*✧═════•❁❀❁•═════✧*

*🌹ମୀନ🌷👉ଆଜିର ନିଜଲକ୍ଷ୍ୟ ପୂରଣ ହେବାରେ ଜଣେ ଅଜଣାବନ୍ଧୁଙ୍କ ସାହାଯ୍ୟ ଅବିସ୍ମରଣୀୟ ରହିବ। କୈାଣସି କ୍ଷେତ୍ର୍ରରେ ଆଜି ତରବରିଆ ପଦକ୍ଷେପ ନେବା ଠିକ୍‌ ହେବ ନାହିଁ। ଅସମର୍ଥିତ ସୂତ୍ରରୁ ଶୁଣାକଥାକୁ ବିଶ୍ୱାସ କଲେ ଅସୁବିଧାର ସମ୍ମୁଖୀନ ହୋଇପାରନ୍ତି। ପାରିବାରିକ ଅଶାନ୍ତି ଦେଖାଦେଇପାରେ।*

*✧═════•❁❀❁•═════✧*

ଲିଗ୍ ପର୍ଯ୍ୟାୟରେ ଅପରାଜିତା ରହିଲା ଭାରତ

COASTAL NEWS ODIA 1446

ଲିଗ୍ ପର୍ଯ୍ୟାୟରେ ଅପରାଜିତା ରହିଲା ଭାରତ

ବେଙ୍ଗାଲୁରୁ - ଭଞ୍ଜ ବିହାରୀ ମହାନ୍ତି - ଲିଗ୍ ପର୍ଯ୍ୟାୟରେ ଅପରାଜିତା ରହିଲା ଭାରତ । ରବିବାର ଟିମ୍‌ ଇଣ୍ଡିଆ ନେଦରଲାଣ୍ଡ ବିପକ୍ଷରେ ୧୬୦ ରନରେ ବିଜୟ ହାସଲ କରି କୋଟି କୋଟି ଭାରତୀୟମାନଙ୍କୁ ଦୀପାବଳି ଉପହାର ଦେଇଛି। ଚଳିତ ବିଶ୍ବକପ୍‌ରେ ଖେଳିଥିବା ସମସ୍ତ ଲିଗ୍‌ ମ୍ୟାଚରେ ବିଜୟୀ ହେବା ସହିତ ରୋହିତ ଶର୍ମାଙ୍କ ନେତୃତ୍ବରେ ଭାରତୀୟ ଟିମ୍‌ ନେଦରଲାଣ୍ଡକୁ ୪୭.୫ ଓଭରରେ ଅଲ୍‌ଆଉଟ୍‌ କରିଛି। ୪୧୧ ରନ୍‌ର ବିଜୟ ଲକ୍ଷ୍ୟ ନେଇ ବ୍ୟାଟିଂ କରିଥିବା ନେଦରଲାଣ୍ଡ ଟିମ୍‌ ୨୫୦ ରନ୍‌ରେ ଅଟକି ଯାଇଛି ।

ଏମ୍‌ ଚିନ୍ନାସ୍ବାମୀ ଷ୍ଟାଡିୟମରେ ନେଦରଲାଣ୍ଡର ବ୍ୟାଟରଙ୍କ ଆଗରେ ବିରାଟ ଲକ୍ଷ୍ୟ ଥିବାରୁ ସେମାନେ ଚାପଗ୍ରସ୍ତ ହୋଇ ବ୍ୟାଟିଂ କରିଥିଲେ। ଦଳ ପାଇଁ ତେଜା ନିଦାମନରୁ ସର୍ବାଧିକ ବ୍ୟକ୍ତିଗତ ସ୍କୋର ୫୪ ରନ୍‌ କରିଥିଲେ। ସେ ୩୯ଟି ବଲ୍‌ ଖେଳି ଗୋଟିଏ ଚୌକା ଓ ୬ଟି ଛକା ମାରିଥିଲେ। ସିବ୍ରାଣ୍ଡ ଏଙ୍ଗେଲବ୍ରେଚ୍‌ଟ ୮୦ଟି ବଲ୍‌ ଖେଳି ୪ଟି ଚୌକା ସହାୟତାରେ ୪୫ ରନ୍‌ କରିଥିଲେ। କୋଲିନ ଏକେମାନ୍‌ ୩୫ ରନ୍‌ କରିଥିବା ବେଳେ ଅନ୍ୟ ବ୍ୟାଟରମାନେ ବ୍ୟକ୍ତିଗତ ଭାବେ ୨୦ ରନ୍‌ ସଂଗ୍ରହ କରିପାରି ନଥିଲେ।

ଭାରତୀୟ କ୍ରିକେଟ୍‌ ଟିମ୍‌ର ଖେଳାଳିମାନେ ଆଜି ଉଭୟ ବ୍ୟାଟିଂ ଓ ବୋଲିଂରେ ଚମକପ୍ରଦ ପ୍ରଦର୍ଶନ କରିଥିଲେ। ବ୍ୟାଟିଂ ପାଳିରେ ପ୍ରଥମେ ଦୁଇ ଜଣ ଖେଳାଳି ଶତକ ଓ ତିନି ଜଣ ଅର୍ଦ୍ଧଶତକ ବଳରେ ବୃହତ୍‌ ସ୍କୋର କରିଥିଲେ। ଭାରତ ନିର୍ଦ୍ଧାରିତ ୫୦ ଓଭରରେ ମାତ୍ର ୪ଟି ୱିକେଟ୍‌ ହରାଇ ୪୧୦ ରନ୍‌ କରିପାରିଥିଲା।

ଦୀପାବଳିରେ ଗୁଗଲ ଦେଲା ବଡ଼ ଝଟକା, ଏହି ଆକାଉଣ୍ଟକୁ ବନ୍ଦ କରିବାକୁ ଯାଉଛି କମ୍ପାନୀ

COASTAL NEWS ODIA 1445

ଦୀପାବଳିରେ ଗୁଗଲ ଦେଲା ବଡ଼ ଝଟକା, ଏହି ଆକାଉଣ୍ଟକୁ ବନ୍ଦ କରିବାକୁ ଯାଉଛି କମ୍ପାନୀ

 

ନୂଆଦିଲ୍ଲୀ,୧୩।୧୧: ଭଞ୍ଜ ବିହାରୀ ମହାନ୍ତି - ଦୀପାବଳିରେ ଲକ୍ଷ ଲକ୍ଷ ଜିମେଲ ବ୍ୟବହାରକାରୀଙ୍କୁ ଗୁଗଲ ଏକ ବଡ଼ ଝଟକା ଦେଇଛି। ବାସ୍ତବରେ, କମ୍ପାନୀ ଲକ୍ଷ ଲକ୍ଷ ନିଷ୍କ୍ରିୟ ଜିମେଲ ଆକାଉଣ୍ଟ ବନ୍ଦ କରିବାକୁ ଯାଉଛି, ଏହି ପ୍ରକ୍ରିୟା ଡିସେମ୍ବର ୧ରୁ କାର୍ଯ୍ୟକାରୀ ହେବ, ଯେଉଁଥିରେ ଦୀର୍ଘ ଦିନ ଧରି ନିଷ୍କ୍ରିୟ ଥିବା ଜିମେଲକୁ ସବୁଦିନ ପାଇଁ ବନ୍ଦ କରାଯିବ। 

ଯଦି ଆପଣ ମଧ୍ୟ ଜଣେ ଜିମେଲ ବ୍ୟବହାରକାରୀ ଅଟନ୍ତି ଏବଂ ଦୀର୍ଘ ସମୟ ଧରି ଆପଣଙ୍କର ଜିମେଲ ଆକାଉଣ୍ଟ ଖୋଲି ନାହାଁନ୍ତି, ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ, କାରଣ ଯଦି ଆପଣଙ୍କର ଜିମେଲ ଆକାଉଣ୍ଟ ବନ୍ଦ ହୋଇଯାଏ, ତେବେ ଆପଣ ଲଗ ଇନ କରି ଆପଣଙ୍କର ଆଣ୍ଡ୍ରଏଡ ସ୍ମାର୍ଟଫୋନ ବ୍ୟବହାର କରିପାରିବେ ନାହିଁ। 

ଗୁଗଲ ଆକାଉଣ୍ଟ ସାହାଯ୍ୟରେ ଜିମେଲ ଏବଂ ଅନ୍ୟାନ୍ୟ ଅନେକ ଆକାଉଣ୍ଟ ରକ୍ଷଣାବେକ୍ଷଣ କରାଯାଏ । ଯଦି ଆପଣଙ୍କର ଜିମେଲ ଆକାଉଣ୍ଟ ଡିଲିଟ୍‌ ହୋଇଯାଏ, ତେବେ ଆପଣଙ୍କୁ ସେହି ଅନ୍ୟ ସେବାଗୁଡିକ ମଧ୍ୟ ହରାଇବାକୁ ପଡିବ।

ଆଜିର ରାଶିଫଳ

COASTAL NEWS ODIA 1444

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୧୩ ତାରିଖ ୨୦୨୩ ମସିହା(ସୋମବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

 *✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌷👉ଆଜି ବନ୍ଧୁଙ୍କ ସହ ଯାତ୍ରା ଆରମ୍ଭ କରି ଖୁସି ମନେଇବେ। ବକେୟା ଅର୍ଥ ଲାଭ, ଶାରୀରିକ ସୁସ୍ଥତା, ବନ୍ଧୁଙ୍କ ପରାମର୍ଶ କାମକୁ ଆସିବ। ପ୍ରତିଦ୍ୱନ୍ଦ୍ୱିତା କିମ୍ବା ପ୍ରତିଯୋଗିତାରେ ସଫଳତା ମିଳିବ। ଅଫିସ୍‌ କାମରେ ଯୁକ୍ତିଯୁକ୍ତ କଥା କହି ବିବାଦ ଭିତରକୁ ପଶିଯାଇପାରନ୍ତି।*

*✧═════•❁❀❁•═════✧*

*🌹ବୃଷ🌷👉ଆଜି ସହକର୍ମୀ କିମ୍ବା ପଡ଼ୋଶୀଙ୍କ ସାହାଯ୍ୟ, ସମର୍ଥନ ଲାଭ କରାଇବ। ଆପଣ ଭଲ କଥା କହିଲେ ମଧ୍ୟ ଅନ୍ୟମାନେ ଭୁଲ୍‌ ବୁଝିବେ। ବାରମ୍ବାର ଚେଷ୍ଟା ବିଫଳତା ଜନିତ ମନରେ ସବୁବେଳେ ଟେନ୍‌ ସନ ଲାଗି ରହିବ। ଆକସ୍ମିକ ଆବଶ୍ୟକତା କାରଣରୁ ଖର୍ଚ୍ଚ ପରିମାଣ ବୃଦ୍ଧି ପାଇବ।*

*✧═════•❁❀❁•═════✧*

*🌹ମିଥୁନ🌷👉ଆଜି ଆପଣଙ୍କ କଥାବାର୍ତ୍ତା ଓ ବ୍ୟବହାର ଅନ୍ୟମାନଙ୍କ ପସନ୍ଦଯୋଗ୍ୟ ନ ହେବା କାରଣରୁ ସମସ୍ୟା ଉପୁଜିପାରେ। ବିଭିନ୍ନ ପ୍ରକାର ଧନ୍ଦା କରିବା ସକାଶେ ବନ୍ଧୁମାନେ ପ୍ରୋତ୍ସାହିତ କରିପାରନ୍ତି। ନି କଟସ୍ଥ ଜଣାଶୁଣା ବ୍ୟକ୍ତି ମାନଙ୍କ ଦ୍ୱାରା ପରିବହନ କ୍ଷେତ୍ରରେ ସମସ୍ୟା ସମାଧାନ ହେବ।* 

*✧═════•❁❀❁•═════✧*

*🌹କର୍କଟ🌷👉ଆଜି ନିଜ ପରିସରରେ ସାଧାରଣ କଥାକୁ ବଡ଼ କରି ନିକଟସ୍ଥ ବ୍ୟକ୍ତି ଜଣେ କଳହର ମାତ୍ରାକୁ ବଢ଼ାଇବେ। ଅବଶ୍ୟ ପରକ୍ଷଣରେ ପରସ୍ପର ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ କରିବାରେ ସମର୍ଥ ହେବେ । ସରକାରୀ ସ୍ତରରୁ ହଠାତ୍‌ ଆଶା କରୁଥିବା ଶୁଭ ଖବର ଶୁଣି ଖୁସି ହେବେ।*

*✧═════•❁❀❁•═════✧*

*🌹ସିଂହ🌷👉ଆଜି ଯେତେ ପ୍ରକାର ସୁବିଧା ସୁଯୋଗ ସୃଷ୍ଟି ହେଲେ ମଧ୍ୟ ଅନ୍ୟମାନେ ସନ୍ତୁଷ୍ଟ ହେବେ ନାହିଁ ବରଂ ଓଲଟି ନିନ୍ଦାଗାନ କରିବେ। ଘରେ ବନ୍ଧୁମିଳନ ଓ ନୂତନ ଅତିଥିଙ୍କ ଆଗମନ ଯୋଗୁ ହସଖୁସିର ସୁଅ ଛୁଟିବ। ମାଲିମକଦ୍ଦମା,ଜମିଜମା ସମସ୍ୟା, ଚୁକ୍ତିପତ୍ର ପ୍ରଭୃତିରେ ସୁଫଳ ପାଇବେ।*

*✧═════•❁❀❁•═════✧*

*🌹କନ୍ୟା🌷👉ଆଜି ଅର୍ଥ, ସମ୍ମାନ ଓ ବିଳାସବ୍ୟସନ ଦିଗ ପାଇଁ ବହୁତ ଭଲ ହେବ। ବହୁ ଦିନରୁ ଟଙ୍କା ବାକି ରଖିଥବା ଲୋକଟି ଆପଣଙ୍କୁ ଖୋଜି ଖୋଜି ଶେଷରେ ଘରେ ଆସି ଟଙ୍କା ଦେଇଯାଇପାରେ। ଆଗାମୀ ମାଙ୍ଗଳିକ କାମ ସକାଶେ ଗୃହସଜ୍ଜା,ଗାଡ଼ି ମରାମତି, ପୁରୁଣା ଘରକୁ ସଜାଡ଼ିବାରେ ମନୋନିବେଶ କରିପାରନ୍ତି।*

*✧═════•❁❀❁•═════✧*

*🌹ତୁଳା🌷👉ଆଜି  ଦିନଟି ଆପଣଙ୍କ ପାଇଁ ବହୁ ଶୁଭଦାୟକ ରହିବେ। ଫଳରେ ଯାହା କଲେ ମଧ୍ୟ କୌଣସି କାମ ସ୍ଥଗିତ ରହିବ ନାହିଁ। କିନ୍ତୁ ମାନସିକ ଅଶାନ୍ତି ଲାଗି ରହିବା କାରଣରୁ କୌଣସି କାମ ଉତ୍ସାହପ୍ରଦ ହେବ ନାହିଁ। ଅବଶ୍ୟ ମାଲିମକଦ୍ଦମାରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇଯିବ।*

*✧═════•❁❀❁•═════✧*

*🌹ବିଛା🌷👉ଆଜି ମନ ଖୁସି ରହିଲେ ମଧ୍ୟ କାର୍ଯ୍ୟବ୍ୟସ୍ତତା ଅନୁଭବ କରିବେ ।  ଅଭାବ ଦୂରେଇବାର ପ୍ରୟାସକଲେ ମଧ୍ୟ ଧାର କରଜ କରି ଆବଶ୍ୟକତା ଚଳାଇନେବେ। କ୍ରୀଡ଼ା, କଳା କ୍ଷେତ୍ରରେ ସମସ୍ୟାର ସରଳ ସମାଧାନ କରିପାରିବେ।କୌଶଳ ଅବଲମ୍ବନକରି ଲକ୍ଷ୍ୟପୂରଣରେ ସମର୍ଥ ହୋଇପାରନ୍ତି।*

*✧═════•❁❀❁•═════✧*

*🌹ଧନୁ🌷👉ବନ୍ଧୁଙ୍କ ମନାନ୍ତର କାରଣରୁ ମନ ଭଲ ନ ଥିବା ହେତୁ କୌଣସି କାମରେ ମନଯୋଗୀ ରହିପାରିବେ ନାହିଁ। ତେଣୁ ମନ ଖୁସିରେ ରହିପାରିବେ ନାହିଁ। ଶିଳ୍ପ, ବାଣିଜ୍ୟକାରବାର କ୍ଷେତ୍ରରେ ବେଶ୍‌ ଖୁସୀ ରହିବେ। ରାଜନୀତିରେ ଓ ସାଙ୍ଗଠନିକ ବିବିନ୍ନ କାମ ହାତକୁ ନେଇ ପ୍ରଶଂସିତ ହୋଇପାରନ୍ତି।*

*✧═════•❁❀❁•═════✧*

*🌹ମକର🌷👉ଆଜି ବନ୍ଧୁ ଓ ପାରିବାରିକ ସମର୍ଥନରେ ଅଗ୍ରଗାମୀ ହୋଇପାରନ୍ତି । ଧନିଷ୍ଠା ନକ୍ଷତ୍ର ସକାଶେ ସାଧାରଣ କଥାକୁ ନେଇ ସମ୍ପର୍କୀୟ ମାନଙ୍କ ଆକ୍ଷେପୋକ୍ତି ମନରେ ଭାବାନ୍ତର ସୃଷ୍ଟି କରିବ। ବିଳାସବ୍ୟସନ ପ୍ରତି ବିଶେଷ ଅନୁରକ୍ତି ଜାଗ୍ରତହେବା ମଉକା ପାଇପାରିବେ।*

*✧═════•❁❀❁•═════✧*

*🌹କୁମ୍ଭ🌷👉 *ଆଜି ପରିବାରରେ ସନ୍ଦେହ ଓ ଭୁଲ୍‌ ବୁଝାମଣା ହେତୁ ସମସ୍ୟା ବଢ଼ିପାରେ। ଦୂରସ୍ଥାନକୁ ଯାତ୍ରା ନୂତନ କର୍ମନିଯୁକ୍ତି ପାଇଁ ଅନୁକୂଳ ବାତାବରଣ ସୃଷ୍ଟି ହୋଇପାରେ  ବ୍ୟବସାୟରେ ବକେୟା ଅର୍ଥ ଆଦାୟ କରିବାରେ ସକ୍ଷମ ହେବେ। ଭୂସମ୍ପତ୍ତିକୁ କେନ୍ଦ୍ରକରି ପରିବାର ସଦସ୍ୟଙ୍କ ମଧ୍ୟରେ କଳହର ସୂଚନା ରହିଛି ।* 

*✧═════•❁❀❁•═════✧*

*🌹ମୀନ🌷👉 ଆଜି ବାଣିଜ୍ୟ, ବ୍ୟବସାୟ, ମାଲି ମକଦ୍ଦମାରେ ସଫଳତା ପାଇବେ। କିନ୍ତୁ ସଙ୍ଗଠନ ଓ ନୂତନ ସମ୍ପର୍କ ସ୍ଥାପନ କ୍ଷେତ୍ରରେ କାରବାରରେ କିଛିଟା ସାମୟିକ ସମସ୍ୟା ଲାଗି ରହିବ। କଳା, ପ୍ରଶାସନ ଓ ରାଜନୈତିକ କ୍ଷେତ୍ରରେ ସ୍ଥିତିକୁ ସୁଦୃଢ଼ ରଖିବାରେ ସମର୍ଥ ହେବେ।*

*✧═════•❁❀❁•═════✧*

ଶ୍ରୀନଗରର ଡାଲ ଲେକ୍‌ରେ ବଡ଼ ଅଘଟଣ

COASTAL NEWS ODIA 1443

ଶ୍ରୀନଗରର ଡାଲ ଲେକ୍‌ରେ  ବଡ଼ ଅଘଟଣ

ଶ୍ରୀନଗର - ଭଞ୍ଜ ବିହାରୀ ମହାନ୍ତି - ଶ୍ରୀନଗରର ଡାଲ ଲେକ୍‌ରେ  ବଡ଼ ଅଘଟଣ ଘଟିଛି। ଏଠାରେ ଥିବା ଅନେକ ହାଉସ ବୋଟ୍‌ ନିଆଁରେ ପୋଡ଼ି ପାଉଁଶ ହୋଇଯାଇଛି। ଏହି ପୋଡ଼ା ହାଉସ ବୋଟ ଭିତରୁ ୩ ଜଣ ପର୍ଯ୍ୟଟକଙ୍କ ମୃତଦେହ ମିଳିଛି। ପ୍ରଶାସନ ଏବେ ମୃତକଙ୍କ ପରିଚୟ ଖୋଜିବାରେ ଲାଗିଛି।

୩ ମୃତକଙ୍କ ମଧ୍ୟରୁ ଜଣେ ପୁରୁଷ ଓ ଜଣେ ମହିଳା। ହେଲେ ତୃତୀୟ ମୃତକଙ୍କ ଲିଙ୍ଗ ଏଯାଏ ଜଣାପଡ଼ିନି। କାରଣ ନିଆଁରେ ମୃତଦେହ ଗୁଡ଼ିକ ପୂରା ପୋଡ଼ି ଯାଇଛି। ସେହିପରି ଅଗ୍ନିକାଣ୍ଡ ଯୋଗୁ କୋଟି କୋଟି ଟଙ୍କାର ସମ୍ପତ୍ତି ମଧ୍ୟ ନଷ୍ଟ ହୋଇଛି। ନିଆଁରେ ୫ଟି ହାଉସ ବୋଟ ଓ ଏହାକୁ ଲାଗି ରହିଥିବା ସମାନ ସଂଖ୍ୟକ ମାଟିର ଘର ମଧ୍ୟ ପାଉଁଶ ହୋଇଯାଇଛି।

ଅଗ୍ନିଶମ ସେବାର ଷ୍ଟେସନ ହାଉସ ଅଫିସର ଫାରୁକ ଅହମଦ କହିଛନ୍ତି, ନିଆଁ ଲାଗିବା ମାତ୍ରେ ଆମକୁ ଖବର ମିଳିଥିଲା। ତୁରନ୍ତ ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।

ଅଗ୍ନିକାଣ୍ଡ ବେଳେ ଅନେକ ପର୍ଯ୍ୟଟକ ବିଭିନ୍ନ ହାଉସ ବୋଟରେ ଥିଲେ। ସେମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ଉଦ୍ଧାର କାର୍ଯ୍ୟ ପାଇଁ ଲୋକ କମ ପଡ଼ିବାରୁ ଶ୍ରୀନଗରରେ ଥିବା ଜିଲ୍ଲା ମୁଖ୍ୟାଳୟରୁ ମଧ୍ୟ ଅନେକ କର୍ମଚାରୀଙ୍କ ଘଟଣାସ୍ଥଳକୁ ଅଣା ଯାଇଥିବା ସେ କହିଛନ୍ତି।

ପ୍ରଥମେ ଗୋଟିଏ ହାଉସ ବୋଟରେ ନିଆଁ ଲାଗିଥିଲା। ଏହାପରେ ଅନ୍ୟ ହାଉସ ବୋଟ ଓ ମାଟି ଘରକୁ ଏହା ବ୍ୟାପି ଯାଇଥିଲା। ତେବେ ଅଗ୍ନିକାଣ୍ଡର କାରଣ ଏଯାଏ ଜଣାପଡ଼ିନାହିଁ।

ମୃତ ଘୋଷିତ ବାଳକ ସର୍ବୋଚ୍ଚ ନ୍ୟାୟାଳୟରେ ହାଜର

COASTAL NEWS ODIA 1442

ମୃତ ଘୋଷିତ ବାଳକ ସର୍ବୋଚ୍ଚ ନ୍ୟାୟାଳୟରେ ହାଜର

ନୂଆଦିଲ୍ଲୀ: ଭଞ୍ଜ ବିହାରୀ ମହାନ୍ତି - ଉତ୍ତର ପ୍ରଦେଶର ଜଣେ ମୃତ ଘୋଷିତ ବାଳକ ସର୍ବୋଚ୍ଚ ନ୍ୟାୟାଳୟରେ ହାଜର ହୋଇ ନିଜେ ଜୀବିତ ଓ ସୁସ୍ଥ ଅଛି ବୋଲି କହିଛି। ଶନିବାର ପିଲ୍‌ଭିଟ୍‌ର ଏହି ବାଳକ ଅଭୟ ସିଂହ ତା’ର ହତ୍ୟା ସମ୍ପର୍କିତ ମାମଲାର ବିଚାର ସମୟରେ ବାଳକ ହାଜର ହୋଇ ନିଜେ ବଞ୍ଚିଥିବା ଦର୍ଶାଇଛି। ଅଭୟ ଶନିବାର ସର୍ବୋଚ୍ଚ ନ୍ୟାୟାଳୟରେ ସଶରୀର ହାଜର ପରେ ସେ ଜୀବିତ ଥିବା ଅଦାଲତଙ୍କ ହୃଦୟଙ୍ଗମ ହୋଇଛି। ଅଭୟ ଓ ତା’ର ଅଜାଙ୍କ ବିରୋଧରେ ପରବର୍ତ୍ତା ଆଦେଶ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବା ପାଇଁ ଅଦାଲତ ନିର୍ଦେଶ ଦେଇଛନ୍ତି।

ସୂଚନାନୁଯାୟୀ, ୧୧ ବର୍ଷୀୟ ଅଭୟକୁ ତା’ର ଅଜା ହତ୍ୟା କରିଥିବା ବାପା ଅଭିଯୋଗ କରିଥିଲେ। ଅଭୟ ବଞ୍ଚିଥିବା ପ୍ରମାଣ କରିବା ଓ ତା’ର ହତ୍ୟା ମାମଲା ବନ୍ଦ କରିବାକୁ ବହୁ ଉଦ୍ୟମ କରି ମଧ୍ୟ ବିଫଳ ରହିଥିଲା। ଏମିତିକି ସେ ଆଲ୍ଲାହାବାଦ ଉଚ୍ଚ ନ୍ୟାୟାଳୟରୁ ମଧ୍ୟ ନ୍ୟାୟ ପାଇନଥିଲା। ତା’ର ଆବେଦନ ସେଠାରେ ଖାରଜ ହୋଇଯିବା ପରେ ଅଭୟ ସର୍ବୋଚ୍ଚ ନ୍ୟାୟାଳୟଙ୍କ ଦ୍ବାରସ୍ଥ ହୋଇଥିଲା। ସେ ଅଜାଙ୍କ ସହିତ ରହିବାକୁ ଚାହୁଁଥିବା ଅଦାଲତକୁ ଜଣାଇଛି। 

ଏ ସମ୍ପର୍କରେ ସର୍ବୋଚ୍ଚ ନ୍ୟାୟାଳୟ ଉତ୍ତର ପ୍ରଦେଶ ସରକାରଙ୍କଠାରୁ ରିପୋର୍ଟ ତଳବ କରିଛନ୍ତି। ସୂଚନାଯୋଗ୍ୟ ଯେ ଅଭୟର ମା’ଙ୍କୁ ବାପା ଯୌତୁକ ନିର୍ଯାତନା ଦେଉଥିଲେ। ସେଥିପାଇଁ ମା’ ନିଜ ଘରେ ୨୦୧୩ରୁ ରହୁଥିଲେ। ଅଜାଙ୍କୁ ଦୋଷୀ ଦର୍ଶାଇବା ପାଇଁ ଅଭୟର ବାପା ମିଛ ହତ୍ୟା ଅଭିଯୋଗ ଆଣିଥିଲେ।

ଶୁକ୍ର ଗ୍ରହରେ ଅମ୍ଳଜାନ

COASTAL NEWS ODIA 1441

ଶୁକ୍ର ଗ୍ରହରେ ଅମ୍ଳଜାନ

ହାୱାଇ - (ଭଞ୍ଜ ବିହାରୀ ମହାନ୍ତି) ପୃଥିବୀପୃଷ୍ଠରେ ମନୁଷ୍ୟ ସମେତ ପ୍ରାୟ ସମସ୍ତ ପ୍ରାଣୀ ଜୀବିତ ରହିବାକୁ ଅମ୍ଳଜାନ ଉପରେ ନିର୍ଭର କରନ୍ତି। ସୌରମଣ୍ଡଳରେ ଥିବା ଅନ୍ୟ ଏକ ଗ୍ରହ ଶୁକ୍ର ବାୟୁମଣ୍ଡଳରେ କିନ୍ତୁ ୯୬.୫% ଅଙ୍ଗାରକାମ୍ଳ ଅଛି। ସେଠାରେ ଅଳ୍ପ ପରିମାଣର ନାଇଟ୍ରୋଜେନ ଏବଂ ଅନ୍ୟାନ୍ୟ ଗ୍ୟାସ୍‌ ଥିବାବେଳେ କିନ୍ତୁ ଅମ୍ଳଜାନ ପ୍ରାୟ କେଉଁଠାରେ ନଥିବା ଅନୁମାନ କରାଯାଉଥିଲା। ବୈଜ୍ଞାନିକମାନେ ପୂର୍ବରୁ ଶୁକ୍ର ଗ୍ରହ ଉପରେ ଏତେଟା ଧ୍ୟାନ ଦେଇନଥିବାରୁ ସେହି ଗ୍ରହ ସମ୍ପର୍କିତ ବିଶେଷ ତଥ୍ୟ ହସ୍ତଗତ ହୋଇନଥିଲା।

ହାୱାଇରେ ବୈଜ୍ଞାନିକମାନେ ସୋଫିଆ ବାୟୁବାହୀ ପର୍ୟ୍ୟବେକ୍ଷଣକାରୀରେ ଏକ ସ୍ୱତନ୍ତ୍ର ଏକ ଇନଫ୍ରାରେଡ୍ ଟେଲିସ୍କୋପ ବ୍ୟବହାର କରିଛନ୍ତି। ଏହି ପର୍ୟ୍ୟବେକ୍ଷଣକାରୀ ନାସା ଏବଂ ଜର୍ମାନ ଏରୋସ୍ପେସ୍ କେନ୍ଦ୍ର ମଧ୍ୟରେ ଏକ ସହଯୋଗୀ ଭାବେ କାର୍ଯ୍ୟ କରିଥାଏ ଯାହା ପ୍ରଥମ ଥର ପାଇଁ ଶୁକ୍ରରେ ସିଧାସଳଖ ଅମ୍ଳଜାନ ଚିହ୍ନଟ କରିଛି। ସମସ୍ତେ ଏହା ବି ଜାଣିବା ଜରୁରୀ ଯେ ଏହି ପାରମାଣବିକ ଅମ୍ଳଜାନ ଆମେ ନିଶ୍ୱାସ ନେଉଥିବା ଅମ୍ଳଜାନ ସହିତ ସମାନ ନୁହେଁ।

ସୌରମଣ୍ଡଳରେ ଦ୍ବିତୀୟ ଗ୍ରହ ଶୁକ୍ର। ସେଠିକା ବାୟୁମଣ୍ଡଳରେ ଦିନବେଳା ଅମ୍ଳଜାନ ସୃଷ୍ଟି ହୁଏ, ଯେତେବେଳେ ସୂର୍ୟ୍ୟର ଅତିବାଇଗଣି ରଶ୍ମି ଅଙ୍ଗାରକାମ୍ଳ ଏବଂ କାର୍ବନ ମନୋକ୍ସାଇଡ୍ ଭାଙ୍ଗି ଅମ୍ଳଜାନ ପରମାଣୁ ଏବଂ ଅନ୍ୟାନ୍ୟ ପଦାର୍ଥ ସୃଷ୍ଟି କରେ। ଶୁକ୍ରରେ ମେଘର ଏକ ସ୍ତର ଅଛି ଯେଉଁଥିରେ ସଲଫୁରିକ୍ ଏସିଡ୍ ଥାଏ, ଯାହା ଏହାର ପୃଷ୍ଠରୁ ପ୍ରାୟ ୪୦ମାଇଲ ପର୍ୟ୍ୟନ୍ତ ବିସ୍ତାର କରିଛି। ପୂର୍ବରୁ, ଶୁକ୍ର ଗ୍ରହରେ ଅମ୍ଳଜାନ ଖୋଜିବା ପାଇଁ ବୈଜ୍ଞାନିକମାନେ ପରୋକ୍ଷ ପଦ୍ଧତି ବ୍ୟବହାର କରିଥିଲେ। ସେମାନେ ଫଟୋକେମିକାଲ୍ ମଡେଲ ସହିତ ଅନ୍ୟ ଅଣୁଗୁଡ଼ିକର ମାପ ଉପରେ ନିର୍ଭର କରି ଅନୁସନ୍ଧାନ ଚଳାଇଥିଲେ। ଶୁକ୍ର ପୃଥିବୀଠାରୁ ଆକାରରେ ଛୋଟ, ଏହାର ବ୍ୟାସ ପ୍ରାୟ ୭,୫୦୦ ମାଇଲ। ଆମର ସୌର ପ୍ରଣାଳୀରେ ପୃଥିବୀ ‘ବାସଯୋଗ୍ୟ ସ୍ଥଳ’ ରେ ଅବସ୍ଥିତ।

ବେକାର ଯୁବକ ଯୁବତୀଙ୍କୁ ନିଯୁକ୍ତି ଦେବାକୁ କହି ଠକେଇ ଅଭିଯୋଗରେ ଯୁବକ ଗିରଫ

COASTAL NEWS ODIA 1440

ବେକାର ଯୁବକ ଯୁବତୀଙ୍କୁ ନିଯୁକ୍ତି ଦେବାକୁ କହି ଠକେଇ ଅଭିଯୋଗରେ ଯୁବକ ଗିରଫ 

କଟକ - ଭଞ୍ଜ ବିହାରୀ ମହାନ୍ତି - କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପିଏ ଓ ପୂର୍ବତନ ମନ୍ତ୍ରୀ ରଘୁନାଥ ମହାନ୍ତିଙ୍କ ଭଣଜା ବୋଲି ନିଜକୁ ପରିଚୟ ଦେଇ ଠକେଇ କରିଥିବା ଅଭିଯୋଗରେ କଟକ ସାଇବର ଥାନା ପୁଲିସ ଜଣେ ଯୁବକଙ୍କୁ ଗିରଫ କରିଛି। ସଂପୃକ୍ତ ଯୁବକଙ୍କ ନାଁ ସନ୍ତୋଷ ମହୁରୀ। ତାଙ୍କ ଘର ବ୍ରହ୍ମପୁରରେ।

ବେକାର ଯୁବକ ଯୁବତୀଙ୍କୁ ରେଲୱେ, ଡିଆରଡିଓ, ଆଇଓସିଏଲ ଓ ପ୍ରତିରକ୍ଷା ଆଦି ବିଭାଗରେ ଚାକିରି କରାଇ ଦେବାର ମିଛ ପ୍ରତିଶ୍ରୁତି ଦେଇ ସେ ପ୍ରାୟ ୬୦ ଲକ୍ଷ ଟଙ୍କାର ଠକେଇ କରିଥିବା ଅଭିଯୋଗ ହୋଇଥିଲା। ମିଛ କହି କଟକର ୭ ଜଣଙ୍କୁ ଏଭଳି ଚୁନା ଲଗାଇଥିଲେ ସନ୍ତୋଷ। ଅଭିଯୋଗର ତଦନ୍ତ କରି ପୁଲିସ ତାଙ୍କୁ ଗିରଫ କରିଛି।

ସନ୍ତୋଷଙ୍କଠାରୁ ଡିଆରଡିଓ ଓ ଭିଜିଲାନ୍ସର ନକଲି ସାର୍ଟିଫିକେଟ ସହ ଭାରତୀୟ ବାୟୁସେନାର ନକଲି ପରିଚୟ ପତ୍ର, ଲ୍ୟାପଟପ, ୨ଟି ପେନ୍ ଡ୍ରାଇଭ, ୮ଟି ମୋବାଇଲ ଫୋନ, ୧୩ଟି ସିମ୍ କାର୍ଡ, ୫ଟି ବ୍ୟାଙ୍କ ପାସବୁକ୍ ଓ ଚେକ୍ ଆଦି ଜବତ କରିଛି ପୁଲିସ।

କିଛି ମାସ ପୂର୍ବରୁ ସନ୍ତୋଷ କଟକର ଜଣେ ସାଧୁଙ୍କ ସଂସ୍ପର୍ଶରେ ଆସିଥିଲା। ଏହାପରେ ସେହି ସାଧୁବାବାଙ୍କ ଆଶ୍ରମକୁ ଆସୁଥିବା ଲୋକଙ୍କୁ ସେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପିଏ ଓ ପୂର୍ବତନ ମନ୍ତ୍ରୀ ରଘୁ ମହାନ୍ତିଙ୍କ ଭଣଜା ବୋଲି ପରିଚୟ ଦେଉଥିଲେ ଏବଂ ବେକାର ଯୁବକ ଯୁବତୀଙ୍କୁ ନିଯୁକ୍ତି ଦେଇ ପାରିବେ ବୋଲି କହୁଥିଲେ।

ଚାକିରି ଦେବା ଆଳରେ ୭ ଜଣଙ୍କ ଠାରୁ ସନ୍ତୋଷ ମୋଟ ୬୦ ଲକ୍ଷ ଟଙ୍କା ନେଇ ସମସ୍ତଙ୍କୁ ଜାଲ ପ୍ରମାଣ ପତ୍ର ଦେଇ ଫେରାର ହୋଇଯାଇଥିଲେ।ଏନେଇ ସାଇବର ଥାନାରେ ଅଭିଯୋଗ ହେବା ପରେ ପୁଲିସ ଘଟଣାର ତଦନ୍ତ କରି ସନ୍ତୋଷକୁ ଗିରଫ କରି କୋର୍ଟ ଚାଲାଣ କରିଛି।

ଗାଁ ଲୋକେ ନିଜ ଉଦ୍ୟମରେ ତିଆରି କଲେ ବାଉଁଶ ପୋଲ

COASTAL NEWS ODIA 1439

ଗାଁ ଲୋକେ ନିଜ ଉଦ୍ୟମରେ ତିଆରି କଲେ ବାଉଁଶ ପୋଲ

କୁଳିଅଣା - ଭଞ୍ଜ ବିହାରୀ ମହାନ୍ତି - ଅଭିଯୋଗ କରି କରି ଥକି ଗଲେ। କିନ୍ତୁ ଶୁଣିଲାନି ପ୍ରଶାସନ। ଫଳରେ ଗାଁ ଲୋକେ ନିଜ ଉଦ୍ୟମରେ ତିଆରି କଲେ ବାଉଁଶ ପୋଲ। ସରକାରୀ ଅବହେଳାର ଏମିତି ଏକ ନମୂନା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲାର କୁଳିଅଣା ବ୍ଲକର ମୁଣ୍ଡାକଟା ଗାଁରେ।

ଏହି ଗାଁରେ ପ୍ରାୟ ୨୦୦ ଲୋକ ବସବାସ କରନ୍ତି। ସମସ୍ତେ ପ୍ରାୟ ଦିନ ମଜୁରିଆ। ଏହି ଗାଁରୁ ଖଇରବଣି, ପୁରୁଣାପାଣି, କୋରକୋଚିଆ ଓ ବୈଦପୁରକୁ ସଂଯୋଗ କରୁଥିଲା ଏକ ପୋଲ। ଦୀର୍ଘ ୮/୧୦ ବର୍ଷ ହେବ ପୋଲଟି ଭାଙ୍ଗି ଯାଇଛି। ତେଣୁ ଏହି ରାସ୍ତାରେ ଯା’ଆସ କରିବାରେ ଲୋକେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। ଛାତ୍ରଛାତ୍ରୀମାନେ ସ୍କୁଲ ଯିବାରେ ସମସ୍ୟା ହେଉଛି। ଗାଁକୁ ଆମ୍ବୁଲାନ୍ସ ବା କୌଣସି ଗାଡ଼ିମୋଟର ଆସିପାରୁନି।

ପୋଲଟିଏ ନିର୍ମାଣ କରିବା ପାଇଁ ମୁଣ୍ଡାକଟା ଗ୍ରାମବାସୀ ପ୍ରଶାସନକୁ ବାରମ୍ବାର କହିଥିଲେ। ହେଲେ କୌଣସି ସୁଫଳ ମିଳିଲା ନାହିଁ। ଶେଷରେ ନିଜସ୍ୱ ଉଦ୍ୟମରେ ଏକ ବାଉଁଶ ପୋଲ ତିଆରି କରିବା ପାଇଁ ସେମାନେ ନିଷ୍ପତ୍ତି ନେଇଥିଲେ।

ଗ୍ରାମବାସୀ ଏକାଠି ହୋଇ ଚାନ୍ଦା ଆଦାୟ କରିଥିଲେ। ପରେ କାଠ ଗଣ୍ଡି ଓ ବାଉଁଶ ଆଦି ଆଣି ପୋଲ କାମ ଆରମ୍ଭ କରିଥିଲେ। ପୋଲ ତିଆରି କରିବା ପାଇଁ ସେମାନଙ୍କୁ ୭ ଦିନ ଲାଗିଥିଲା।

ମୁଣ୍ଡାକଟାର ବାସିନ୍ଦା  କହିଛନ୍ତି, ଏଇ ରାସ୍ତା ଦେଇ ଆମେ ସବୁ ଦିନେ ଯା’ଆସ କରୁ। ଗାଁର ଛାତ୍ରଛାତ୍ରୀମାନେ ଏହି ବାଟ ଦେଇ ପୁରୁଣାପାଣିରେ ଥିବା ସ୍କୁଲକୁ ଯାଆନ୍ତି। କିନ୍ତୁ ପୋଲଟି ଭୁଶୁଡ଼ି ପଡ଼ିବା ପରେ ନୂଆ ପୋଲ କରିଗଲା ନାହିଁ। ଯେତେ ଦାବି କଲେ ମଧ୍ୟ କେହି କିଛି ଶୁଣିଲେନି। ତେଣୁ ବାଧ୍ୟ ହୋଇ ଗାଁ ଲୋକ ଏକାଠି ହୋଇ ବାଉଁଶ ପୋଲ ତିଆରି କରିଛୁ।

ପୁରୁଣା ପୋଲ ଭୁଶୁଡ଼ି ପଡ଼ିବା ପରେ ଏହି ବାଟରେ ଲୋକେ ପାଣି, କାଦୁଆରେ ପଶି ଯା’ଆସ କରିବାକୁ ବାଧ୍ୟ ହେଉଥିଲେ। ଏବେ ଅସ୍ଥାୟୀ ପୋଲ ହୋଇଥିବାରୁ ଲୋକେ ଅପେକ୍ଷାକୃତ ଭଲରେ ଯିବାଆସିବା କରିପାରୁଛନ୍ତି। ତେବେ ଆଗକୁ ସ୍ଥାୟୀ ପୋଲ ନିର୍ମାଣ ନେଇ ସରକାର ପଦକ୍ଷେପ ନନେଲେ ଗ୍ରାମବାସୀ ରାଜରାସ୍ତାକୁ ଓହ୍ଲାଇବେ ବୋଲି କହିଛନ୍ତି l

ମୁଣ୍ଡାକଟା ଗାଁଟି ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡିଙ୍କ ନିର୍ବାଚନ ମଣ୍ଡଳୀରେ ଯାଉଛି। ରାଜ୍ୟ ସରକାର ଗାଁକୁ ଭଲ ରାସ୍ତା, ବିଜୁ ସେତୁ ଯୋଜନା ଆଦିର ଡିଣ୍ଡିମ ପିଟୁଥିବା ବେଳେ ମୁଣ୍ଡାକଟା ଗାଁ ଉପରେ ଏତେ ବର୍ଷ ହୋଇଗଲାଣି କାହିଁକି ନଜର ଦେଇ ନାହାନ୍ତି ବୋଲି ପ୍ରଶ୍ନ ଉଠିଛି। ସରକାର ଓ ପ୍ରଶାସନ ଏବେ ସଜାଗ ହେବେ ନା ସେମିତି ହାତ ବାନ୍ଧି ବସି ରହିବେ, ତାହା ଆଗାମୀ ଦିନରେ ଜଣାପଡ଼ିବ।