COASTAL NEWS Odia 500
ବଲାଙ୍ଗିର ଜିଲ୍ଲା ସଇଁତଲା ଥାନାର ମହିଳା ଏସଆଇ କାଜଲ ବାଗ ବିଷ ପିଇବା ଘଟଣା
ବଲାଙ୍ଗିର: ବଲାଙ୍ଗିର ଜିଲ୍ଲା ସଇଁତଲା ଥାନାର ମହିଳା ଏସଆଇ କାଜଲ ବାଗ ବିଷ ପିଇବା ଘଟଣା। ପୋଲିସ ଓ ମେଡିକାଲ କତୃପକ୍ଷଙ୍କ ଭିତରେ ରହୁନି ତାଳମେଳ। ବୟଫ୍ରେଣ୍ଡ ସହ ଝଗଡା ପରେ ସଇଁତଲାର ଭଡା ଘରେ ବିଷ ପିଇଲେ ମହିଳା ଏସଆଇ। ସଇଁତଲା ଥାନାର ଦୁଇଜଣ ମହିଳା କର୍ମଚାରୀ ଓ ପଡୋଶୀ ତାଙ୍କୁ ଉଦ୍ଧାର କରି ବଲାଙ୍ଗିର ଭୀମଭୋଇ ମେଡିକାଲରେ ଭର୍ତ୍ତି କରିଥିଲେ। ହେଲେ ସକାଳୁ ମେଡିକାଲରେ ଗଣମାଧ୍ୟମ ପ୍ରତିନିଧି ପହଞ୍ଚିବା ପୂର୍ବରୁ କୁଆଡେ ମେଡିକାଲରୁ ଉଭାନ ହୋଇଗଲେ ମହିଳା ଏସଆଇ।
ଏପରିକି ବୟଫ୍ରେଣ୍ଡ ମେଡିକାଲର ଉଠାଇ ନେଇଥିବା ଚର୍ଚ୍ଚା ହେଉଛି। ସକାଳେ ଡାକ୍ତର ରାଉଣ୍ଡ ସମୟରେ ଅନୁପସ୍ଥିତ ମହିଳା ଏସଆଇ ଏବଂ ଦିନ ଗୋଟାଏ ରାଉଣ୍ଡ ସମୟରେ ଓ ରାତିରେ ରାଉଣ୍ଡ ସମୟରେ ମଧ୍ୟ ଅନୁପସ୍ଥିତ। ଏନେଇ ମେଡିକାଲ ସୁପରିଟେଣ୍ଡଣ୍ଟ ମିସିଙ୍ଗ ରିପୋର୍ଟ ଦେଇଛନ୍ତି। ମାତ୍ର ପୋଲିସ କହୁଛି ଡାକ୍ତରଖାନାରେ ଅଛନ୍ତି ମହିଳା ଏସଆଇ। ଜଣେ ମହିଳା ପୋଲିସକୁ ବଞ୍ଚାଇବାକୁ ଯାଇ ମିଛ କହୁନି ତ ପୋଲିସ। କୁଆଡେ ଗଲେ ଲେଡି ଏସଆଇ କାଜଲ ବାଗ। ତାଙ୍କର ସ୍ବାସ୍ଥ୍ୟାବସ୍ଥା ବର୍ତମାନ କେମିତି ଅଛି?। ସାଧାରଣ ଲୋକ ବିଷ ପିଇଥିଲେ ମାମଲା ରୁଜୁ କରିସାରନ୍ତାଣି ୂ ମାତ୍ର ମହିଳା ପୋଲିସ ବିଷ ପିଇବା ଘଟଣାରେ ମାମଲା ରୁଜୁ କରିଛି କି ପୋଲିସ?