ରାଜଧାନୀରେ ମହିଳାଙ୍କୁ ବିଭତ୍ସ ହତ୍ୟା

COASTAL NEWS ODIA 1099

ରାଜଧାନୀରେ ମହିଳାଙ୍କୁ ବିଭତ୍ସ ହତ୍ୟା

ଭୁବନେଶ୍ଵର :- ରାଜଧାନୀ ଭୁବନେଶ୍ଵର ରେ ଘଟିଯାଇଛି ଅଭାବନିୟ ଘଟଣା l ଗୋଟିଏ ଘର ଭିତରେ ମହିଳାଙ୍କୁ ହତ୍ୟା କରିବା ଭଳି ଦୃଶ୍ୟ ଦେଖିବାକୁ ମିଳିଛି l ରାଜଧାନୀରେ ମହିଳାଙ୍କୁ ବିଭତ୍ସ ହତ୍ୟାକାଣ୍ଡର ପର୍ଦ୍ଦାଫାସ୍ । ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ମହିଳାଙ୍କ ମୃତଦେହ ପଡ଼ିଥିବା ଘରୁ ଗୁରୁତର ଅବସ୍ଥାରେ ଉଦ୍ଧାର ଯୁବକ ହିଁ ସଂପୃକ୍ତ ମହିଳାଙ୍କୁ ହତ୍ୟା କରିଛି । ମହିଳା ଓ ତାଙ୍କର ଏକ ଛୋଟ ପୁଅକୁ ହତ୍ୟା କରିବାକୁ ଉଦ୍ୟମ କରିଥିବା ବେଳେ ସୌଭାଗ୍ୟବଶତଃ ପିଲାଟି ଅଭିଯୁକ୍ତ କବଳରୁ ବର୍ତ୍ତିଯାଇଛି । ଏହି ଘଟଣାରେ ଅଧିକ ଛାନଭିନ୍ ଜାରି ରଖିଛି ପୋଲିସ ।

ରାଜଧାନୀରେ ମହିଳାଙ୍କୁ ବିଭତ୍ସ ହତ୍ୟା । ହୋସ୍ ଆସିବା ପରେ ସତ ମାନିଲା ଅଭିଯୁକ୍ତ । ଭୁବନେଶ୍ବର ଭୀମଟାଙ୍ଗି କଲୋନୀ ଫେଜ୍ ଓ୍ଵାନରେ ସଂପୃକ୍ତ ମହିଳାଙ୍କ ସହ ତାଙ୍କର ଏକ ଛୋଟ ପୁଅକୁ ମଧ୍ୟ ହତ୍ୟା କରିବାକୁ ଆସିଥିଲା ଅଭିଯୁକ୍ତ ଜଗନ୍ନାଥ ପ୍ରଧାନ । ଜଗନ୍ନାଥର ଘର ଯାଜପୁରର ବଡ଼ମଙ୍ଗଳା ଅଂଚଳରେ । ଉଭୟ ମାଆ ପୁଅଙ୍କୁ ମାରିବାକୁ ଆସିଥିଲା ଜଗା ।

ତେବେ ଘର ମାଲିକଙ୍କ ଘରେ କୁନି ପୁଅଟି ରହିଯାଇଥିବାରୁ ହତ୍ୟାକାରୀ କବଳରୁ ସେ ଅଳ୍ପକେ ବର୍ତ୍ତି ଯାଇଥିଲା । ରାଜଧାନୀରେ ଏହି ମହିଳାଙ୍କୁ ମର୍ଡ଼ର ପ୍ଲଟର ଖୁଲାସା କରିଛନ୍ତି ଭୁବନେଶ୍ଵର ଡିସିପି ।

ମୃତ ମହିଳାଙ୍କ ନାଁ ପ୍ରିୟଦର୍ଶିନୀ ସାହୁ । ତାଙ୍କ ସହ ଅଭିଯୁକ୍ତ ଜଗନ୍ନାଥ ପ୍ରଧାନଙ୍କ ସମ୍ପର୍କ କ’ଣ ତାହା ସ୍ପଷ୍ଟ ହୋଇନି । ତେବେ ଅଭଯୁକ୍ତ ଜଗା ପ୍ରଧାନ ସଂପୃକ୍ତ ମହିଳାଙ୍କୁ ହତ୍ୟା ପରେ ନିଜେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲା । ଘଟଣାସ୍ଥଳରୁ ଏକ ସୁଇସାଇଡ୍ ନୋଟକୁ ମଧ୍ୟ ଜବତ କରିଛି ପୋଲିସ । 

ଏଠି ପ୍ରଶ୍ନ ଉଠୁଛି ମହିଳାଙ୍କ ହତ୍ୟାବେଳେ ତାଙ୍କ ସ୍ଵାମୀ ଓ ପରିବାର ଲୋକ କେଉଁଠି ଥିଲେ ? କ’ଣ ପାଇଁ ସଂପୃକ୍ତ ମହିଳା ଓ ତାଙ୍କ ଛୋଟ ପୁଅକୁ ମାରିବାକୁ ଯୋଜନା କରିଥିଲା ଅଭିଯୁକ୍ତ ? ଏସବୁ ପ୍ରଶ୍ନର ଉତ୍ତର ଖୋଜୁଛି ପୋଲିସ

ଏସଡ଼ିଜେଏମ କୋର୍ଟରେ ସରିଲା ଜେରା, ୧୮ରେ ମାମଲାର ପରବର୍ତ୍ତୀ ଶୁଣାଣି

COASTAL NEWS ODIA 1098

ଏସଡ଼ିଜେଏମ କୋର୍ଟରେ ସରିଲା ଜେରା, ୧୮ରେ ମାମଲାର ପରବର୍ତ୍ତୀ ଶୁଣାଣି

କଟକ :  ଭଞ୍ଜ ବିହାରୀ ମହାନ୍ତି - କଟକ ଏସଡ଼ିଜେଏମ ଅଦାଲତରେ ଆଜି ବର୍ଷା ପ୍ରିୟଦର୍ଶିନୀଙ୍କ ଦାୟର ଘରୋଇ ହିଂସା ଆବେଦନର ଶୁଣାଣି ଥିବା ବେଳେ ଅଦାଲତରେ ହାଜର ହୋଇଥିଲେ ଉଭୟ ସାଂସଦ ସୁପରଷ୍ଟାର ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀ। 

ଆଜି ବର୍ଷାଙ୍କୁ ଅନୁଭବ ଓକିଲଙ୍କ ୧୦ ପ୍ରଶ୍ନ ପଚାରିଥିବା ବେଳେ ଆଜି ପାଇଁ ଏସଡ଼ିଜେଏମ କୋର୍ଟରେ ଜେରା ସରିଛି। ପ୍ରାୟ ୨ ଘଣ୍ଟା ଧରି ବର୍ଷାଙ୍କୁ ଜେରା କରିଥିଲେ ଅନୁଭବଙ୍କ ଓକିଲ।ଏସଡ଼ିଜେଏମଙ୍କ ଅଦାଲତରେ ବର୍ଷା ପ୍ରିୟଦର୍ଶିନୀଙ୍କ ପକ୍ଷରୁ ଏକ ନୂଆ ପିଟିସନ ଦାୟର କରାଯାଇଛି। ସୋସିଆଲ ମେଡିଆରେ ଅନୁଭବ ବର୍ଷାଙ୍କର ଚରିତ୍ର ସଂହାର ବନ୍ଦ କରନ୍ତୁ ବୋଲି ଏଥିରେ ସେ ଆବେଦନ କରିଛନ୍ତି। ଏହି ଏସଡିଜେଏମ କୋର୍ଟ ପିଟିସନର ଶୁଣାଣି ଶେଷ କରିଥିବା ବେଳେ  ପରବର୍ତ୍ତୀ ତାରିଖରେ ଏହାର ନିର୍ଦ୍ଦେଶନାମା ଦେବେ ବୋଲି ଧାର୍ଯ୍ୟ କରିଛନ୍ତି।

ଆସନ୍ତା ୧୮ରେ ମାମଲାର ପରବର୍ତ୍ତୀ ଶୁଣାଣି ହେବ ବୋଲି ସ୍ଥିର ହୋଇଛି। ସେଦିନ ମଧ୍ୟ ହାଜର ହେବେ ଉଭୟ ସାଂସଦ ଅନୁଭବ ଓ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ହାଜର ହେବେ ବୋଲି ଜଣାପଡିଛି। ସାଂସଦ ଅନୁଭବଙ୍କ ବିରୁଦ୍ଧରେ ପତ୍ନୀ ବର୍ଷା ଦାୟର କରିଥିବା ଘରୋଇ ହିଂସା ମାମଲାରେ ଆଜି ଉଭୟ ଅନୁଭବ ଓ ବର୍ଷା ହାଜର ହେବାକୁ ପୂର୍ବରୁ ନିର୍ଦେଶ ହୋଇଥିଲା। ପୂର୍ବରୁ ସାଂସଦ ଅନୁଭବଙ୍କ ପକ୍ଷରୁ କଟକ ଏସ ଡି ଜେ ଏମ କୋର୍ଟରେ ଆଉ ଏକ ପିଟିସନ ଦାୟର କରାଯାଇଥିଲା।

ମନ୍ଦ ଉଦ୍ଦେଶ୍ୟ ରଖି ବର୍ଷା ତାଙ୍କ ବିରୁଦ୍ଧରେ ପାରିବାରିକ ହିଂସା ମାମଲା ଦାୟର କରିଛନ୍ତି, ଯାହା ତାଙ୍କ ରାଜନୈତିକ କ୍ୟାରିଅରକୁ ପ୍ରଭାବିତ କରିବା ଲାଗି ଉଦ୍ଧିଷ୍ଟ ବୋଲି ଅନୁଭବ ନିଜ ପିଟିସନରେ ଉଲ୍ଲେଖ କରିଛନ୍ତି। ତେଣୁ ବର୍ଷାଙ୍କ ଆବେଦନ ଉପରେ ଶୀଘ୍ର ଶୁଣାଣି କରିବାକୁ ସେ କୋର୍ଟଙ୍କୁ ପ୍ରାର୍ଥନା କରିଛନ୍ତି। ଅନୁଭବ ଆହୁରି ମଧ୍ୟ ଉଲ୍ଲେଖ କରିଛନ୍ତିଯେ, ବର୍ଷା ରାଜନୀତି କ୍ଷେତ୍ରରେ ନିଜକୁ ଜଣେ ପୀଡିତା ଦର୍ଶାଇ ସୁବିଧା ନେବାକୁ ଚେଷ୍ଟା କରୁଛନ୍ତି। ଗତ ମାସ ୨୫ ତାରିଖରେ ଉଭୟ ବର୍ଷା ଏବଂ ଅନୁଭବ କାଉନସେଲିଂ ଉଦ୍ଦେଶ୍ୟରେ ଏସ ଡି ଜେ ଏମ କୋର୍ଟରେ ଉପସ୍ଥିତ ହୋଇଥିଲେ। କିନ୍ତୁ ସେହି କାଉନସେଲିଂ ସଫଳ ହୋଇ ପାରି ନ ଥିଲା।

୫ଦିନର ଶିଶୁକନ୍ୟାର ତଣ୍ଟିଚିପି ହତ୍ୟା କଲା ମା

COASTAL NEWS ODIA 1097

୫ଦିନର ଶିଶୁକନ୍ୟାର ତଣ୍ଟିଚିପି ହତ୍ୟା କଲା ମା 

ଯାଜପୁର - ଭଞ୍ଜ ବିହାରୀ ମହାନ୍ତି - ମା’ ଶବ୍ଦରେ ଭରି ରହିଛି ସଂସାରର ସମସ୍ତ ସ୍ନେହ,ମମତା ଓ ନିଶ୍ୱାର୍ଥପରତା। ଦୁନିଆର ସବୁଠୁ ନିଆରା ସମ୍ପର୍କ ମାଆ ସହ ତା’ ସନ୍ତାନର। ମାଆର କୌଣସି ତୁଳନା ନାହିଁ। ସବୁ ଭାବନା, ସବୁ ସମ୍ପର୍କଠୁ ସେ ଉପରେ। କିନ୍ତୁ ଯେତବେଳେ ମାଆ ରାକ୍ଷସୀ ପାଲଟିଯାଏ, ନିଜ ଛୁଆକୁ ମାରିଦିଏ ସେତେବେଳେ ଏହି ଶବ୍ଦର ଅର୍ଥ ବଦଳିଯାଏ। ଏପରି ସମାନ ଘଟଣା ଘଟିଛି ଯାଜପୁର  ଜିଲ୍ଲାର ଟମକା ଥାନା ଚମ୍ପାଝର ପାର୍କ ନିକଟ ବସ୍ତିରେ ଜଣେ ମହିଳା ନିଜର ୫ଦିନର ଶିଶୁକନ୍ୟାର ତଣ୍ଟିଚିପି ହତ୍ୟା କରିଥିବା ଅଭିଯୋଗ ହୋଇଛି। ପୁଲିସ ସଂପୃକ୍ତ ମହିଳାଙ୍କୁ ଗିରଫ କରିଛି। 

ସୂଚନା ଅନୁସାରେ,ଚମ୍ପାଝର ପାର୍କ ନିକଟ ବସ୍ତିରେ ରୁହନ୍ତି ରବିନ୍ଦ୍ର ମହାନ୍ତ। ଗତ ୪ତାରିଖ ଦିନ ରବିନ୍ଦ୍ରଙ୍କ ସ୍ତ୍ରୀ କନ୍ୟା ସନ୍ତାନକୁ ଜନ୍ମ ଦେଇଥିଲେ। ପୂର୍ବରୁ ଗୋଟିଏ ଝିଅ ଥିଲା। ପରିବାର ଲୋକେ ପୁଅ ଆଶା ରଖିଥିବା ବେଳେ ଝିଅଟିଏ ଜନ୍ମ ହେବାରୁ ସମସ୍ତଙ୍କ ମନ ଦୁଃଖ ଥିଲା। ରବିନ୍ଦ୍ରଙ୍କର ମନ ମଧ୍ୟ ଦୁଃଖ ଥିଲା। ୯ ତାରିଖରେ ରବିନ୍ଦ୍ର ସ୍ତ୍ରୀ ଶିଶୁକନ୍ୟାର ନାକ ଚିପି ହତ୍ୟା କରିଥିଲେ। ପରେ ଶିଶୁକନ୍ୟା ଘରେ ଶୁଆଇ ଦେଇଥିଲେ।

ଶିଶୁକନ୍ୟାଟି ନ ଖାଇବାରୁ, ନ କାନ୍ଦିବାରୁ ପରିବାର ଲୋକଙ୍କର ସନ୍ଦେହ ହୋଇଥିଲା। ତା’ ଦେହ ଭଲ ନଥିବା  ଭାବି ଡାକ୍ତରଖାନା ନେଇ ଯାଇଥିଲେ। ସେଠାରେ ଡାକ୍ତର ଶିଶୁକନ୍ୟାଟିକୁ ମୃତ ଘୋଷଣା କରିଥିଲେ। ଶିଶୁ କନ୍ୟାର ମୃତ୍ୟୁକୁ ନେଇ ପରିବାର ଲୋକ ଓ ପଡ଼ୋଶୀଙ୍କର ରବିନ୍ଦ୍ରଙ୍କ ସ୍ତ୍ରୀଙ୍କ ଉପରେ ସନ୍ଦେହ ହୋଇଥିଲା। ପୁଲିସ  ପହଞ୍ଚି ରବିନ୍ଦ୍ରଙ୍କ ସ୍ତ୍ରୀଙ୍କୁ ଶିଶୁ କନ୍ୟାର ମୃତ୍ୟୁକୁ ନେଇ ପଚରାଉଚରା କରିଥିଲା। ପରେ ରବିନ୍ଦ୍ରଙ୍କ ସ୍ତ୍ରୀ ନିଜ ଝିଅକୁ ହତ୍ୟା କରିଥିବା ମାନିଥିଲେ। ପୁଲିସ ଗତକାଲି ତାଙ୍କୁ ଗିରଫ କରିଥିବା ଜଣାପଡ଼ିଛି। ଏପରି ଘଟଣାକୁ ଅଞ୍ଚଳବାସୀ ନିନ୍ଦା କରିଛନ୍ତି।

ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ଚିକିତ୍ସାଳୟ ରେ ଅବହେଳା

COASTAL NEWS ODIA 1096

ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ଚିକିତ୍ସାଳୟ ରେ ଅବହେଳା

 ପଟ୍ଟାମୁଣ୍ଡାଇ,୧୧।୧୦:   ଭଞ୍ଜ ବିହାରୀ ମହାନ୍ତି - ପଟ୍ଟାମୁଣ୍ଡାଇ ଉପଖଣ୍ଡ ସ୍ତରୀୟ ଚିକିତ୍ସାଳୟ ଏବେ ଅବ୍ୟବସ୍ଥା ଓ ଅବହେଳାକୁ ନେଇ ଚର୍ଚ୍ଚାରେ। ଉନ୍ନତମାନର ସେବା ପ୍ରଦାନ ସମସ୍ୟାକୁ ନେଇ ଅଭିଯୋଗର ତାଲିକା ଲମ୍ବା ହୋଇଚାଲିଛି। ରୋଗୀଙ୍କୁ ଔଷଧ ପ୍ରଦାନରେ ଚିକିତ୍ସାଳୟର କର୍ତ୍ତୃପକ୍ଷ କୌଣସି ଦୃଷ୍ଟି ଦେଉ ନ ଥିବା ରୋଗୀ ଓ ସେମାନଙ୍କ ସମ୍ପର୍କୀୟ ଅଭିଯୋଗ କରିଛନ୍ତି। ଚିକିତ୍ସାଳୟର ନିରାମୟ କେନ୍ଦ୍ରରେ ଅଧିକାଂଶ ଔଷଧ ମିଳୁନାହିଁ। ଡାକ୍ତର ଲେଖୁଥିବା ଔଷଧ ପାଇଁ ରୋଗୀଙ୍କୁ ବାହାର ଔଷଧ ଦୋକାନ ଉପରେ ନିର୍ଭର କରିବାକୁ ପଡୁଛି। ଏଥିସହ ନିରାମୟ କେନ୍ଦ୍ରର ସୂଚନା ଫଳକ ଲଗାଯାଇ ନ ଥିବାରୁ ରୋଗୀ ଔଷଧ ପାଇଁ ହଇରାଣ ହେଉଥିବା ଅଭିଯୋଗ ହେଉଛି।

ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ରୋଗୀଙ୍କୁ ମାଗଣାରେ ଔଷଧ ଯୋଗାଇବା ପାଇଁ ୨୦୧୫ରେ ନିରାମୟ ଯୋଜନା ଆରମ୍ଭ ହୋଇଥିଲା। ଏଥିରେ ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ଚିକିତ୍ସାଳୟ ଅନ୍ତର୍ଭୁକ୍ତ ହୋଇ ଗୋଟିଏ କାଉଣ୍ଟର ଖୋଲାଯାଇଛି। ଏହି ଚିକିତ୍ସାଳୟ ଉପରେ ପଟ୍ଟାମୁଣ୍ଡାଇ ଅଞ୍ଚଳ ସମେତ ରାଜନଗର, ଆଳି, ରାଜକନିକା ଓ ମହାକାଳପଡ଼ା ବ୍ଲକର ରୋଗୀମାନେ ନିର୍ଭର କରୁଛନ୍ତି। ଏହି ଚିକିତ୍ସାଳୟକୁୁ ଆସୁଥିବା ଶହ ଶହ ରୋଗୀ ଅଧିକାଂଶ ଔଷଧ ନିରାମୟ କେନ୍ଦ୍ରରେ ମିଳୁ ନ ଥିବା ଅଭିଯୋଗ କରୁଛନ୍ତି।  ଚିକିତ୍ସାଳୟର ନିରାମୟ କେନ୍ଦ୍ରରେ କେଉଁ ଔଷଧ ଉପଲବ୍ଧ ରହିଛି ତାହା ସର୍ବସାଧାରଣଙ୍କୁ ସୂଚିତ କରାଯିବା ପାଇଁ ସେଠାରେ ଏକ ତାଲିକା ଲଗାଯିବା କଥା। ଉପଲବ୍ଧ ଥିବା ଔଷଧ ପାଶର୍‌ବରେ ଠିକ୍‌ ଚିହ୍ନ ମରାଯିବା କଥା, ମାତ୍ର ଏହି ଚିକିତ୍ସାଳୟରେ ଔଷଧ ସମ୍ପର୍କରେ କୌଣସି ତାଲିକା ମରାଯାଇନାହିଁ।  ଡାକ୍ତର ଔଷଧ ଚିଠା ଲେଖିବା ବେଳେ ସାଦା କାଗଜ ଚିରୁକୁଟିରେ ବାହାର କମ୍ପାନୀ ଔଷଧ ଲେଖୁଛନ୍ତି। କହୁଛନ୍ତି ସବୁ ନିରାମୟରେ ମିଳୁନାହିଁ। ଯେଉଁ ଔଷଧ ସବୁ ବାହାରୁ କିଣିବାକୁ ପଡ଼ୁଛି ତାହାର ଦାମ୍‌ ଯଥେଷ୍ଟ ଅଧିକ ରହୁଛି। ଡାକ୍ତରଙ୍କ ଡ୍ୟୁଟି ପରେ ଆଉ ଯେଉଁ ଡାକ୍ତର ଆସୁଛନ୍ତି ସେ ପୁଣି ଅଲଗା କମ୍ପାନୀର ଔଷଧ ଲେଖୁଛନ୍ତି। ଗରିବ ରୋଗୀଙ୍କ ପାଇଁ ଅଧିକ ଦାମ୍‌ରେ ଔଷଧ କିଣିବା ସମ୍ଭବ ହେଉନାହିଁ।  ପଟ୍ଟାମୁଣ୍ଡାଇ ଉପଖଣ୍ଡ ସ୍ତରୀୟ ଚିକିତ୍ସାଳୟ ନିରାମୟ କେନ୍ଦ୍ରରେ କେଉଁ ଔଷଧ ଉପଲବ୍ଧ ଅଛି ତାହା ମଧ୍ୟ ସୂଚିତ କରାଯାଉନାହିଁ। ଏଠାରେ ପ୍ରାୟ ୨୭୧ ପ୍ରକାର ଔଷଧ ମିଳିବା କଥା। ବିଭିନ୍ନ ରୋଗର ଔଷଧକୁ ଯେପରି ଆଣ୍ଟିବାୟୋଟିକ୍‌, ଆନାଲଜେସିକ, ଆଣ୍ଟି ମ୍ୟାଲେରିଆ, କୃମି ଔଷଧ, ଥଣ୍ଡା କାଶ ଔଷଧ, ଚର୍ମ, ପେଟରୋଗ ସମ୍ପର୍କିତ, ଝାଡ଼ା, ଭିଟାମିନ୍‌ ମିନେରାଲ, ସ୍ନାୟୁ, ସର୍ଜିକାଲ, ଶ୍ୱାସ, ପେଟ ବ୍ୟଥା, ଆଣ୍ଟି ଡାଇବେଟିକ୍‌, କୁଷ୍ଠ ରୋଗୀଙ୍କ ପାଇଁ ଔଷଧ, ଆଖି, ରକ୍ତ ଶୂନ୍ୟତା ଓ ଅନ୍ୟ ଔଷଧ ରୋଗୀଙ୍କ ପାଇଁ ଚିକିତ୍ସାଳୟରେ ନିରାମୟ ସୂଚନା ଫଳକ ଲଗା ହେବା କଥା। ମାତ୍ର ଏଠାରେ ସୂଚନା ଫଳକ ଲଗାଯାଇନାହିଁ। ରୋଗୀଙ୍କ ଅଜାଣତରେ ସେଥି ମଧ୍ୟରୁ ବହୁ ଔଷଧ ମିଳୁ ନ ଥିବା କହି ବାହାରୁ ଆଣିବା ପାଇଁ ଡାକ୍ତର ଚିଠା ଦେଉଥିବା ରୋଗୀମାନଙ୍କ ସମ୍ପର୍କୀୟ ପ୍ରକାଶ କରିଛନ୍ତି। ଚିକିତ୍ସାଳୟରେ ଥିବା ନିରାମୟ କେନ୍ଦ୍ରରେ କିଛି ହାତଗଣତି ଔଷଧ ମିଳୁଛି। ଫଳରେ ରୋଗୀମାନେ ବାହାରୁ ଔଷଧ କିଣିବାକୁ ବାଧ୍ୟ ହେଉଛନ୍ତି I

ପଟ୍ଟାମୁଣ୍ଡାଇ,୧୧।୧୦:   ଭଞ୍ଜ ବିହାରୀ ମହାନ୍ତି - ପଟ୍ଟାମୁଣ୍ଡାଇ ଉପଖଣ୍ଡ ସ୍ତରୀୟ ଚିକିତ୍ସାଳୟ ଏବେ ଅବ୍ୟବସ୍ଥା ଓ ଅବହେଳାକୁ ନେଇ ଚର୍ଚ୍ଚାରେ। ଉନ୍ନତମାନର ସେବା ପ୍ରଦାନ ସମସ୍ୟାକୁ ନେଇ ଅଭିଯୋଗର ତାଲିକା ଲମ୍ବା ହୋଇଚାଲିଛି। ରୋଗୀଙ୍କୁ ଔଷଧ ପ୍ରଦାନରେ ଚିକିତ୍ସାଳୟର କର୍ତ୍ତୃପକ୍ଷ କୌଣସି ଦୃଷ୍ଟି ଦେଉ ନ ଥିବା ରୋଗୀ ଓ ସେମାନଙ୍କ ସମ୍ପର୍କୀୟ ଅଭିଯୋଗ କରିଛନ୍ତି। ଚିକିତ୍ସାଳୟର ନିରାମୟ କେନ୍ଦ୍ରରେ ଅଧିକାଂଶ ଔଷଧ ମିଳୁନାହିଁ। ଡାକ୍ତର ଲେଖୁଥିବା ଔଷଧ ପାଇଁ ରୋଗୀଙ୍କୁ ବାହାର ଔଷଧ ଦୋକାନ ଉପରେ ନିର୍ଭର କରିବାକୁ ପଡୁଛି। ଏଥିସହ ନିରାମୟ କେନ୍ଦ୍ରର ସୂଚନା ଫଳକ ଲଗାଯାଇ ନ ଥିବାରୁ ରୋଗୀ ଔଷଧ ପାଇଁ ହଇରାଣ ହେଉଥିବା ଅଭିଯୋଗ ହେଉଛି।

ଏନ୍.ସି.ସି ମହାନିର୍ଦେଶକ ଲେଫନେନ୍ସ ଜେନେରାଲ ଗୁର୍‌ବିର୍‌ପାଲ୍‌ ସିଂ, ଏ ଭି ଏସ ଏମ, ଭି ଏସ ଏମଙ୍କ ଓଡିଶା ଏନ୍.ସି.ସି ନିର୍ଦ୍ଦେଶାଳୟ ଓ ଗୋପାଳପୁର ମିଲିଟାରୀ ଷ୍ଟେସନ ପରିଦର୍ଶନ

COASTAL NEWS ODIA 1095

ଏନ୍.ସି.ସି ମହାନିର୍ଦେଶକ ଲେଫନେନ୍ସ ଜେନେରାଲ ଗୁର୍‌ବିର୍‌ପାଲ୍‌ ସିଂ, ଏ ଭି ଏସ ଏମ, ଭି ଏସ ଏମଙ୍କ ଓଡିଶା ଏନ୍.ସି.ସି ନିର୍ଦ୍ଦେଶାଳୟ ଓ ଗୋପାଳପୁର ମିଲିଟାରୀ ଷ୍ଟେସନ ପରିଦର୍ଶନ

ଗୋପାଳପୁର - ଏନ୍.ସି.ସି. ମହାନିର୍ଦେଶକ ମ୍ୟୁନାନ୍ସ ଜେନେରାଲ ଗୁର୍‌ବିର୍‌ପାଲ୍ ସିଂ, ଅତି ବିଶିଷ୍ଟ ସେବା ମେଡାଲ୍, ବିଶିଷ୍ଟ ସେବା ମେଡାଲ୍ ଚଳିତ ମାସ ୯ ଓ ୧୦ ତାରିଖ ଦୁଇଦିନିଆ ଓଡିଶା ଗ୍ରସ୍ତରେ ଆସି ରାଜ୍ୟ ଏନ୍.ସି.ସି ନିର୍ଦ୍ଦେଶାଳୟରେ ପହଞ୍ଚିଥିଲେ । ସେଠାରେ ଏନ୍.ସି.ସିର ଉପମହାନିର୍ଦେଶକ କମୋଡର ଜେ. ସୁରେଶ ରାଜ୍ୟ ଏନ୍.ସି.ସି ସମ୍ପର୍କରେ ସୂଚନା ପ୍ରଦାନ କରିଥିବା ବେଳେ ଓଡିଶାରେ ଥିବା ତିନୋଟି ଏନ୍.ସି.ସି ଗ୍ରୁପ୍ ଯଥା ବ୍ରହ୍ମପୁର, କଟକ ଓ ସମ୍ବଲପୁରର ଗ୍ରୁପ୍‌ କମାଣ୍ଡରମାନେ ନିଜ ନିଜ ଗ୍ରୁପରେ କାର୍ଯ୍ୟକାରୀ କରାଉଥିବା ଏନ୍.ସି.ସିର ବିଭିନ୍ନ କାର୍ଯ୍ୟକ୍ରମ ସହିତ ସ୍କୁଲ ଓ କଲେଜରେ ପ୍ରଦାନ କରାଯାଉଥିବା ଏନ୍.ସି.ସି ତାଲିମ ସମ୍ପର୍କରେ ମହାନିର୍ଦ୍ଦେଶକଙ୍କୁ ଅବଗତ କରାଇଥିଲେ l

  

ଜେନେରାଲ୍ ସିଂ ଗୋପାଳପୁର ସ୍ଥିତ ମିଲିଟାରୀ ଷ୍ଟେସନରେ।ବ୍ରହ୍ମପୁର ଏନ୍.ସି.ସି ଗ୍ରୁପ ଅଧୀନସ୍ଥ ୨ୟ ଓଡିଶା ବାଟାଲିୟନ୍ ଏନ୍.ସି.ସି ୟୁନିଟ୍ ଦ୍ବାରା ପରିଚାଳିତ ଏକ୍ ଭାରତ୍ ଶ୍ରେଷ୍ଠ ଭାରତ ଶିବିର ପରିଦର୍ଶନ ସମୟରେ ବାୟୁ ରକ୍ଷା ମହାବିଦ୍ୟାଳୟର କମାଣ୍ଡନ୍ନ ଲୁଟ୍‌ନାନ୍ସ ଜେନେରାଲ୍ ୟୁ.ଭି.ତାଲୁର୍‌ଙ୍କ ସହିତ ସୌଜନ୍ୟମୂଳକ ସାକ୍ଷାତ କରିଥିଲେ । ଜେନେରାଲ୍ ସିଂ ପୁରୀସ୍ଥିତ ୬ଷ୍ଠ ଓଡିଶା ଏନ୍.ସି.ସି ବାଟାଲିୟନ୍ ଓ ଚିଲିକା ନାଭାଲ୍ ସେନ୍ସର ଠାରେ ନୌସୈନିକ କ୍ୟାମ୍ପ ପରିଦର୍ଶନ କରି ସନ୍ତୋଷ ବ୍ୟକ୍ତ କରିଥିଲେ । 

ବ୍ରହ୍ମପୁର ଜିଲ୍ଳା ର ଗୋପାଳପୁର ମିଲିଟାରୀ ଷ୍ଟେସନରେ ଅନୁଷ୍ଠିତ ଏକ୍ ଭାରତ୍ ଶ୍ରେଷ୍ଠ ଭାରତ ଓ ଆର୍ମୀ ଆଟାଚମେନ୍ନ ଶିବିର ପରିଦର୍ଶନ କରି ଶିବିରାର୍ଥୀମାନଙ୍କ ସହିତ ଭାବ ବିନିମୟ କରିଥିଲେ । ଜାତୀୟ ସମର ଶିକ୍ଷାର୍ଥୀ ବାହିନୀ ପ୍ରତି ନିସ୍ବାର୍ଥପର ସେବାର ନିଦର୍ଶନ ସ୍ବରୂପ ଯୋଗ୍ୟତା ସମ୍ପନ୍ନ ଜଣେ କ୍ୟାଡେଟ୍, ଜଣେ ଆସୋସିଏଟ୍ ଏନ୍.ସି.ସି ଅଫିସର ଓ ଜଣେ ଗାର୍ଲ୍ କ୍ୟାଡେଟ୍‌ ଇନ୍‌ଷ୍ଟ୍ରକ୍ଟରଙ୍କୁ ଡି.ଜି ଏନ୍.ସି.ସି ମେଡାଲ୍ କମେଣ୍ଡେସନ୍ କାର୍ଡ/ପ୍ଲାକ୍ ଦ୍ବାରା ସମ୍ମାନୀତ କରିଥିଲେ ।

ବାହାନଗା ଟ୍ରାଜେଡିର ଅପରିଚିତ ୨୮ ମୃତଦେହର ସଂସ୍କାର

COASTAL NEWS ODIA 1094

ବାହାନଗା ଟ୍ରାଜେଡିର ଅପରିଚିତ ୨୮ ମୃତଦେହର ସଂସ୍କାର 

ଭୁବନେଶ୍ବର - ଭଞ୍ଜ ବିହାରୀ ମହାନ୍ତି - ବାହାନଗା ଟ୍ରାଜେଡିର ଅପରିଚିତ ୨୮ ମୃତଦେହର କରାଯାଇଛି ସଂସ୍କାର। ରାଜଧାନୀର ଭରତପୁର ଶ୍ମଶାନରେ ୨୮ ମୃତଦେହର ସଂସ୍କାର କରାଯାଇଛି। ବିଏମସି ଅଧିକାରୀଙ୍କ ଉପସ୍ଥିତିରେ ସଂସ୍କାର କାମ ଶେଷ ହୋଇଛି।

ବାହାନଗା ରେଳ ଦୁର୍ଘଟଣାରେ ୨୮ ମୃତଦେହର ପରିଚୟ ମିଳି ନଥିଲା। ଡିଏନଏ ଟେଷ୍ଟ ପରେ ସାଢ଼େ ୪ ମାସ ହେବ ଭୁବନେଶ୍ୱର ଏମ୍ସ ପରିସରରେ କଣ୍ଟେନରରେ ୨୮ଟି ମୃତଦେହ ରଖାଯାଇଥିଲା। ତେବେ କେହି ଦାବିଦାର ନ ଆସିବାରୁ ଏହି ସବୁ ମୃତଦେହକୁ ସଂସ୍କାର କରାଯାଇଛି। ।

ଜୁନ୍ ୨ ବାହାନଗା ଟ୍ରେନ୍ ଟ୍ରାଜେଡି ପରେ ବିଭିନ୍ନ ପର୍ଯ୍ୟାୟରେ ଆସିଥିବା ୧୬୨ଟି ମୃତଦେହକୁ ଭୁବନେଶ୍ୱର ଏମ୍ସରେ ସଂରକ୍ଷିତ ରଖାଯାଇଥିଲା। ଫିଜିକାଲ ଭେରିଫିକେସନ ପରେ ସେଥିରୁ ୮୧ଟି ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ତା’ ସତ୍ତ୍ୱେ ଅନେକ ମୃତଦେହ ଚିହ୍ନଟରେ ସମସ୍ୟା ଉପୁଜିବାରୁ DNA ଟେଷ୍ଟ କରାଯାଇଥିଲା। ଯାହାଦ୍ୱାରା ଆଉ ୫୩ଟି ମୃତଦେହ ସେମାନଙ୍କ ପରିବାର ଲୋକଙ୍କୁ ହସ୍ତାନ୍ତର କରିବା ସମ୍ଭବ ହୋଇଥିଲା। ହେଲେ ୨୮ଟି ମୃତଦେହର କୌଣସି ପରିଚୟ ମିଳିନଥିଲା। ପରିବାର ଲୋକେ କେହି ଏହି ମୃତଦେହ ନେବାକୁ ଆସିନଥିଲେ।

ସୂଚନାଯୋଗ୍ୟ, ଜୁନ୍ ୨ ତାରିଖରେ ବାହାନଗାରେ ଭୟଙ୍କର ଟ୍ରେନ ଦୁର୍ଘଟଣା ଘଟିଥିଲା। ଦୁର୍ଘଟଣାରେ ୨୭୫ ଜଣଙ୍କର ମୃତ୍ୟୁ ଘଟିଥିବା ବେଳେ ୧୨୦୮ ଲୋକ ଆହତ ହୋଇଥିଲେ। ଆହତମାନଙ୍କୁ ବିଭିନ୍ନ ହସପିଟାଲରେ ଚିକିତ୍ସାଧୀନ ଥିଲେ। କେତେଜଣ ସୁସ୍ଥ ହୋଇ ଘରକୁ ଯାଇଥିବା ବେଳେ ଆଉ କେତେଜଣଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା।

ସ୍କୁଟି ଚଢ଼ିବେ ମିଶନ ଶକ୍ତି ମହିଳା

COASTAL NEWS ODIA 1093

ସ୍କୁଟି ଚଢ଼ିବେ ମିଶନ ଶକ୍ତି ମହିଳା, ଶୁଭାରମ୍ଭ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର : ଭଞ୍ଜ ବିହାରୀ ମହାନ୍ତି - ସଶକ୍ତ ମହିଳା । ସଶକ୍ତ ଓଡ଼ିଶା । ଗତିଶୀଳତା ହିଁ ସଶକ୍ତିକରଣ । ମିଶନ ଶକ୍ତି ସ୍କୁଟର ଯୋଜନାର ଶୁଭାରମ୍ଭ । ଲୋକସେବା ଭବନ କନଭେନସେଣ୍ଟରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଶୁଭାରମ୍ଭ କରିଛନ୍ତି । ବିଏଲଏଫ ଓ ଡିଏଲଏଫଙ୍କ ପାଇଁ କରାଯାଇଛି ଗାଡି ବ୍ୟବସ୍ଥା । ୧୫ ହଜାର ମାଆଙ୍କୁ ସ୍କୁଟର ପ୍ରଦାନ କରାଯାଇଛି । ଏହି ଅବସରରେ ରାଜ୍ୟବାସୀଙ୍କୁ ଉଦବୋଧନ ଦେଇ କହିଛନ୍ତି, ଗତି ହିଁ ଶକ୍ତି । ସ୍କୁଟର ଯୋଜନା ମାଆଙ୍କ ଗତିକୁ ଶକ୍ତିଶାଳୀ କରିଛି । ଓଡ଼ିଶା ପାଇଁ ମାଆମାନେ ଆଣିଛନ୍ତି ନୂଆ ଗତି, ଶକ୍ତି ଓ ପ୍ରଗତୀ ।

ମୁଖ୍ୟମନ୍ତ୍ରୀ କହିଛନ୍ତି, ‘ମହିଳା ସଶକ୍ତିକରଣରେ ଆଜିର ଦିନ ଗୁରୁତ୍ବପୂର୍ଣ୍ଣ । ମାଆମାନେ ଭଲ କାମ କରୁଛନ୍ତି । ୧୫ ହଜାର ମାଆଙ୍କୁ ସ୍କୁଟର ଦିଆଯାଇଛି । ଆଗାମୀ ଦିନରେ ୨ ଲକ୍ଷ ମାଆ ସ୍କୁଟର ପାଇବେ ।’ କାର୍ଯ୍ୟକ୍ରମରେ ମା’ ମାନଙ୍କୁ ପ୍ରସଂଶା କରିଛନ୍ତି ମିଶନଶକ୍ତି ସଚିବ ସୁଜାତା କାର୍ତ୍ତିକେୟନ । ସେ କହିଛନ୍ତି, ‘ଆଜି ଏକ ଯୁଗାନ୍ତକାରୀ ପଦକ୍ଷେପର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ପ୍ରଥମ ପର୍ଯ୍ୟାୟରେ ୧୫ ହଜାର ମାଆ ସ୍କୁଟର ନେଇଛନ୍ତି । ଆଗକୁ ୨ ଲକ୍ଷ ମିଶନ ଶକ୍ତି ସଦସ୍ୟାଙ୍କୁ ଏହି ସ୍କୁଟର ମିଳିବ ।

ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ମିଶନ ଶକ୍ତି ସ୍କୁଟର ଯାେଜନାକୁ ଅନୁମୋଦନ ମିଳିଥିଲା । ମହିଳା ସଶକ୍ତିକରଣ ସାଙ୍ଗକୁ ଗମନାଗମନ ସୁବିଧା ପାଇଁ ମିଶନ ଶକ୍ତି ସ୍କୁଟର ଯୋଜନା କରାଯାଇଛି । କମ୍ୟୁନିଟି ସପୋର୍ଟ ଷ୍ଟାଫ ଏବଂ ଇସି ସଦସ୍ୟାମାନଙ୍କ ପାଇଁ ବୈଦ୍ୟୁତିକ ସ୍କୁଟର ପାଇଁ ସହାୟତା ଯୋଗାଇ ଦିଆଯିବ ।

ଏହି ଯୋଜନା ଅଧିନରେ ସ୍କୁଟର କ୍ରୟ ପାଇଁ ବ୍ୟାଙ୍କ ଋଣ ଉପରେ ସମ୍ପୂର୍ଣ୍ଣ ସୁଧ ରିହାତି ପ୍ରସ୍ତାବ ଦିଆଯାଇଛି । ଦକ୍ଷତା ବୃଦ୍ଧି ତାଲିମ, ଜୀବିକା ପ୍ରୋତ୍ସାହନ ଏବଂ ବଜାର ସଂଯୋଗୀକରଣ ଦିଗରେ ଗୁରୁତ୍ବପୂର୍ଣ୍ଣ ସେବା ଯୋଗାଇ ଦେଉଛନ୍ତି । ରାଜ୍ୟରେ ମହିଳା ସଶକ୍ତିକରଣ ଦିଗରେ ସେମାନଙ୍କର ଅବଦାନକୁ ସୀକୃତି ଦେବା ସହ ସେମାନଙ୍କୁ ନିଜ କାର୍ଯ୍ୟ ତୁଲାଇବାକୁ ଆହୁରି ସୁଗମ କରିବା ପାଇଁ ରାଜ୍ୟ ସରକାର ସ୍କୁଟର କିଣିବା ଉପରେ ଋଣର ସୁଦ୍ଧ ଛାଡ଼ ଘୋଷଣା କରାଯାଇଛି । ଏକ ଲକ୍ଷ ଟଙ୍କା ପର୍ଯ୍ୟନ୍ତ ବିନା ସୁଧରେ ଋଣ ଦିଆଯିବ । ଏଥିପାଇଁ ଚଳିତ ଆର୍ଥିକ ବର୍ଷରେ ୫୦ କୋଟି ଟଙ୍କାର ବଜେଟ ଆବଣ୍ଟନ ପ୍ରସ୍ତାବ ରଖାଯାଇଛି । ମିଶନ ଶକ୍ତି ମା’ଙ୍କୁ ଗତବର୍ଷ ୧୧ ହଜାର କୋଟି ଟଙ୍କାର ଋଣ ଦିଆଯାଇଛି । ୨୫୦ କୋଟିରୁ ଅଧିକ ଟଙ୍କାର ସୁଧ ପ୍ରଦାନ କରାଯାଇଛି ।

ବର୍ତ୍ତମାନ ରାଜ୍ୟରେ ୭୫ ହଜାର କମ୍ୟୁନିଟି ସପୋର୍ଟ ଷ୍ଟାଫ୍ କାର୍ଯ୍ୟରତ ଅଛନ୍ତି । ସେହିପରି ୧ ଲକ୍ଷ ୨୫ ହଜାର ଗ୍ରାମ ପଞ୍ଚାୟତ, ୱାର୍ଡ, ବ୍ଲକ୍, ସଦର ଏବଂ ଜିଲ୍ଲାସ୍ତରୀୟ ମହାସଂଘର କାର୍ଯ୍ୟନିର୍ବାହୀ ସଦସ୍ୟା ଅଛନ୍ତି । ସରକାରଙ୍କ ‘ମିଶନ ଶକ୍ତି ସ୍କୁଟର ଯୋଜନା’ ରେ ଏମାନେ ଉପକୃତ ହେବେ । ଉକ୍ତ ଯୋଜନା ପାଇଁ ଆଗାମୀ ୫ ବର୍ଷ ମଧ୍ୟରେ ୫୨୮.୫୫ କୋଟି ଟଙ୍କାର ବଜେଟ୍ କରାଯାଇଛି ।

ଆଳି ବଜାର ଶାନ୍ତି କମିଟି ବୈଠକ ଅନୁଷ୍ଠିତ

COASTAL NEWS ODIA 1092

ଆଳି ବଜାର ଶାନ୍ତି କମିଟି ବୈଠକ ଅନୁଷ୍ଠିତ

ଆଳି - ଆଳିରେ ଅନୁଷ୍ଠିତ ହେବାକୁଥିବା ପ୍ରସିଦ୍ଧ ଦୁର୍ଗାପୂଜା 

ଶାନ୍ତିଶୃଙ୍ଖଳାର ସହ ଶେଷ କରିବା ପାଇଁ ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ଯ ଶାନ୍ତି କମିଟି ବୈଠକ ଅନୁଷ୍ଠିତ ହୋଇଯାଇଛି ।କେବଳ ଔପଚାରିକାତା ଦୃଷ୍ଟିରୁ ପ୍ରଶାସନ ପକ୍ଷରୁ ବୈଠକ ଡକାଯାଇ ଆଲୋଚନାରେ ଏହା ସୀମିତ ରହୁଛି। ଏହି ଅଂଚଳରେ ଥିବା ପୂଜା କମିଟିର ସଭାପତି, ସମ୍ପାଦକ ଓ ଗଣମାଧ୍ୟମ ପ୍ରତିନିଧୂମାନେ ବୈଠକରେ ଉପସ୍ଥିତ ରହୁଥିବା ବେଳେ ଯେଉଁ ବିଭାଗୀୟ ଅଧିକାରୀମାନଙ୍କୁ ଡକାଯାଉଛି, ସେମାନେ ଏହି ବୈଠକ କୁ ଅଣଦେଖା କରି ଆସୁନାହାନ୍ତି। ତେଣୁ ଶାନ୍ତି କମିଟି ବୈଠକ ଏକ ପ୍ରହସନରେ ପରିଣତ ହେଉଛି ବୋଲି ମତ ପ୍ରକାଶ ପାଇଛି। 

ଆଳି ପଞ୍ଚାୟତ ସମିତି ସଭାଗୃହରେ ତହସିଲଦାର ଦେବୀ ପ୍ରସାଦ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆଳି ବିଡିଓ ମିନତି ଜଗଦେବ, ଆଳି ବ୍ଲକ ଚେୟାରମ୍ଯାନ ମନୋରଞ୍ଜନ ସାମଲ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ। ଥାନା ଆଇଆଇସି ସବ୍ୟସାଚୀ ଶତପଥୀଙ୍କ ଶାନ୍ତିଶୃଙ୍ଖଳାର ସହ ଶେଷ କରିବା ପାଇଁ ପ୍ରତିଶୃତି ଦେଇଥିଲେ l 

ଯାନ୍ତ୍ରିକ ବିଭାଗରୁ କେବଳ ବିଦ୍ୟୁତ୍ ବିଭାଗ ଜେଇ ପ୍ରେମାନନ୍ଦ ବେହେରା ଉପସ୍ଥିତ ଥିଲେ। ଅନ୍ୟ ବିଭାଗୀୟ ଯନ୍ତ୍ରୀମାନଙ୍କୁ ଡକା ଯାଇଥିଲେ ମଧ୍ୟ କେହି ଆସି ନଥିଲେ। ଅଧିକାଂଶ ସଭ୍ୟ ଡିଜେ ବଜାଇବାକୁ ବିରୋଧ କରିଥିଲେ। ପତ୍ରପୁର ସେତୁଠାରୁ ଗଡ଼ଗଡ଼ି ପର୍ଯ୍ୟନ୍ତ କଟକ-ଚାନ୍ଦବାଲି ରାସ୍ତା ଉପରେ ଗାଈଗୋରୁଙ୍କ ଅବାଧ ବିଚରଣ ଅନେକ ଲୋକଙ୍କ ଜୀବନ ନେଲାଣି । ତେଣୁ ଗାଈଗୋରୁଙ୍କୁ ରାସ୍ତାରୁ ତଡ଼ିବା ପାଇଁ ଦାବି ହୋଇଥିଲା। ଏ ବିଷୟରେ ପ୍ରଶାସନିକ ଅଧିକାରୀମାନେ କୌଣସି ପଦକ୍ଷେପ ନେବାକୁ ପ୍ରତିଶ୍ରୁତି ଦେଉନଥିବା ଓ କାର୍ଯ୍ୟାନୁଷ୍ଠାନ ନେଉ ନଥିବାରୁ ଉଦ୍‌ବେଗ ପ୍ରକାଶ ପାଇଥିଲା। 

ଆଳି ବଜାର ପରିବେଷ୍ଟିତ ଗୌଡପାଟଣା ଗ୍ରାମ ଉତ୍ତର ପଟେ ଆଳି ମୁଖ୍ୟ ବଜାର ପୂର୍ବ ପଟେ ବ୍ଯାଙ୍କ ବଡବଡ ମାର୍କେଟିଂ ମଲ୍ ଓ ଶତାଧିକ ଦୋକାନ l ପଶ୍ଚିମରେ ବସ ଷ୍ଟାଣ୍ଡ ଓ ବଡ଼ ବଡ଼ ମଲ ବ୍ଯାଙ୍କ ଓ ବଜାର ଥିବା ବେଳେ ଜଳ ନିଷ୍କାସନ ବ୍ୟବସ୍ଥା ନଥିବାରୁ ମୁଖ୍ୟ ରାସ୍ତା ଓ ବଜାରରୁ ଏ ଗାଁ ବିଛିନ୍ନ ରହୁଛି ଟୋପେ ବର୍ଷାର ପାଣି ମାସମାସ ଧରି ଜମି ରହିଛି l ବଜାରର ଅଳିଆ ଆବର୍ଜନା କୁକୁଡା ମାରି ବିକ୍ରି କରୁଥିବା ବ୍ୟବସାୟୀ ଓ ମାଛ ମାର୍କେଟରେ ବଳି ପଡୁଥିବା ପଚା ସଢ଼ା ଅଳିଆ କୁ ମୁଖ୍ୟ ପ୍ରବେଶ ରାସ୍ତାରେ ଜମା କରିଦିଆଯାଉଛି l ଫଳରେ ରାସ୍ତା ଉପରେ ଜମିଥିବା ପାଣି ବିଷାକ୍ତ କର୍ଦ୍ଦମାକ୍ତ ଓ ନର୍ଦ୍ଦମା ର ପୁତି ଗନ୍ଧମୟ ପରିବେଶ ଗାଁ ଓ ବଜାର ପରିବେଶ କୁ ଦୂଷିତ କରୁଛି l ଏହାର ନିରାକରଣ ପାଇଁ ଓ ଗଉଡପାଟଣା ଗ୍ରାମକୁ ସବୁଦିନିଆ ପକ୍କା ରାସ୍ତା ପାଇଁ ଆଡଭୋକେଟ୍ ଅକ୍ଷୟ ମଲିକ ଙ୍କ ପ୍ରଶ୍ନର କୌଣସି ଉତ୍ତର ମିଳିନଥିଲା l ମୋଟାମୋଟି ଭାବେ ଏହି ଶାନ୍ତି କମିଟି ବୈଠକ ଏଜ ଆବଶ୍ୟକୀୟ ଅନୌପଚାରିକ ଆୟୋଜନ ଥିଲା ବୋଲି ଆଲୋଚନା ହେଉଛି l

ଆଜିର ଖବର

COASTAL NEWS ODIA 1091

*ଖବର ଆଜିର*

*ତାରିଖ ୧୧/୧୦/୨୦୨୩,ବୁଧବାର*

ଆଉ ୩ ଦିନ ବଢିଲା ସଞ୍ଜୟ ସିଂହଙ୍କ ରିମାଣ୍ଡ ଅବଧି, ଏବେ ଅକ୍ଟୋବର ୧୩ ପର୍ଯ୍ୟନ୍ତ ରହିବେ ED ହାଜତରେ ।

ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ପକ୍ଷରୁ ବ୍ୟାଙ୍କ ଅଫ୍ ବରୋଦା (ବିଓବି)ର ମୋବାଇଲ୍ ଆପ୍ ‘ବିଓବି ୱାର୍ଲ୍ଡ’ରେ ନୂଆ ଗ୍ରାହକ ଯୋଡ଼ିବା ଉପରେ ପ୍ରତିବନ୍ଧକ ଲଗାଯାଇଛି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍‌ ନେତାନ୍ୟାହୁଙ୍କ ଠାରୁ ଫୋନ୍‌ କଲ ପାଇ ତାଙ୍କ ସହ କଥା ହୋଇଛନ୍ତି।

ଭାରତର ପ୍ରଥମ ନମ୍ବରବିହୀନ କ୍ରେଡିଟ୍ କାର୍ଡର ଶୁଭାରମ୍ଭ ପାଇଁ ଆକ୍ସିସ୍ ବ୍ୟାଙ୍କ ଓ ଫାଇବ୍ ମଧ୍ୟରେ ସହଯୋଗିତା ।

୨୦୧୦ ମସିହାର ଭାଷଣ ମାମଲାରେ ଅରୁନ୍ଧତୀ ରାୟଙ୍କ ବିରୋଧରେ ବିଚାରଣ ଚାଲିବ ।

ଟେଲି ଅଭିନେତ୍ରୀ ମଧୁରାଙ୍କ ଭଉଣୀ-ଭିଣୋଇଙ୍କୁ ନିର୍ମମ ଭାବେ ହତ୍ୟା କଲେ ହମାସ ଆତଙ୍କବାଦୀ ।

ଗାଜାରେ ୧୫୦୦ ଆତଙ୍କବାଦୀଙ୍କୁ ମାରିଛୁ : ଇସ୍ରାଏଲ୍ ।

ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ସଚିବଙ୍କୁ ବ୍ୟକ୍ତିଗତ ଭାବେ ହାଜର ହେବା ନେଇ ହାଇକୋର୍ଟଙ୍କ ନିର୍ଦ୍ଦେଶ। 

ଏସିଆଡ୍ ପଦକ ବିଜେତାଙ୍କୁ ପ୍ରଧାନମନ୍ତ୍ରୀଙ୍କ ସମ୍ବର୍ଦ୍ଧନା, ଡ୍ରଗ୍ ମୁକ୍ତ ଭାରତ ପାଇଁ ଖେଳାଳିଙ୍କୁ ଆହ୍ୱାନ ।

ହାଇକୋର୍ଟଙ୍କ ନିର୍ଦ୍ଦେଶ: ବିବାହ ପ୍ରମାଣପତ୍ର ଦେଇ ପାରିବେନି ନୋଟାରି ।

ଇସ୍ରାଏଲ-ହମାସ ଯୁଦ୍ଧ ଆଜି ତୃତୀୟ ଦିନରେ ପହଞ୍ଚିଛି। ଏହି ଯୁଦ୍ଧ ଭିତରେ ଓଡ଼ିଶାର ବହୁ ଛାତ୍ରଛାତ୍ରୀ ଫସି ରହିଥିବା ଜଣାପଡ଼ିଛି। ତେବେ ଇସ୍ରାଏଲ୍‌ର ବିଭିନ୍ନ ବିଶ୍ବବିଦ୍ୟାଳୟରେ ପ୍ରାୟ ୫୦ଜଣ ଓଡ଼ିଆ ଛାତ୍ରଛାତ୍ରୀ ପାଠ ପଢ଼ୁଛନ୍ତି ବୋଲି ଇସ୍ରାଏଲରେ ଗବେଷଣାରତ ରାଉରକେଲାର ଜଣେ ଛାତ୍ରୀଙ୍କ ସୂଚନାରୁ ଜଣା ପଡ଼ିଛି।

ଇସ୍ରାଏଲ ଯୁଦ୍ଧ ଆରମ୍ଭ କରିନି, କିନ୍ତୁ ଶେଷ କରିବ: ନେତାନ୍ୟାହୁ ।

ଆଜି ହାଇକୋର୍ଟରେ ହାଜର ହେବେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ସଚିବ ।

ଶ୍ରୀଲଙ୍କା ବିପକ୍ଷରେ ବିସ୍ଫୋରକ ବ୍ୟାଟିଂ କରି ଐତିହାସିକ ବିଜୟର ଅଧିକାରୀ ହୋଇଛି ପାକିସ୍ତାନ । ଓପନର ଅବଦୁଲ୍ଲା ଶାଫିକ୍ ଏବଂ ମହମ୍ମଦ ରିଜୱାନଙ୍କ ଶତକ ଶ୍ରୀଲଙ୍କାକୁ ଚକମା ଦେଇ ମ୍ୟାଚକୁ ନିଜ କବଜାରେ ନେଇଛି ।

          

ସକାଳ ବେଳା ଖବର

COASTAL NEWS ODIA 1090

*🌄ସକାଳର ଖବର, ୧୧-ଅକ୍ଟବର -୨୦୨୩, ବୁଧବାର*

ରଜନି କାନ୍ତ ବକ୍ସି

➡️୧-ଆମ ଓଡ଼ିଶା ନବୀନ ଓଡ଼ଶା କାର୍ଯ୍ୟକ୍ରମର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ରାଜ୍ୟବ୍ୟାପୀ ଖର୍ଚ୍ଚ ହେବ ୩୩୯୭ କୋଟି ଟଙ୍କା l ପ୍ରଥମ ଦିନରେ କେନ୍ଦୁଝର ଓ ଭଦ୍ରକ ଜିଲ୍ଲାରେ ହେଲା ଯୋଜନାର ଶୁଭାରମ୍ଭ l

➡️୨-ଦିଲ୍ଲୀ ମେଜର ଧ୍ୟାନଚାନ୍ଦ ଷ୍ଟାଡିୟମରେ ଏସୀୟ କ୍ରୀଡ଼ାରେ ପଦକ ବିଜୟୀ ଖେଳାଳିଙ୍କୁ ଭେଟି ସମ୍ବର୍ଦ୍ଧନା ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ l ସାରା ଦେଶବାସୀଙ୍କ ପକ୍ଷରୁ ଜଣାଇଲେ ଅଭିନନ୍ଦନ l

➡️୩-ଏଥର କୁମାର ପୂର୍ଣ୍ଣିମାରେ ଆସନ୍ତା ୨୮ ତାରିଖରେ ରାହୁଗ୍ରସ୍ତ ଖଣ୍ଡଗ୍ରାସ ଗ୍ରହଣ (ଚନ୍ଦ୍ର ଗ୍ରହଣ) । ଶ୍ରୀମନ୍ଦିରରେ ଅନୁଷ୍ଠିତ ହେବ ସ୍ବତନ୍ତ୍ର ନୀତି, ଚକ୍ରରାଜଙ୍କ ହେବ ଚାରି ଆଶ୍ରମ ପରିକ୍ରମା ।

➡️୪-ଏଥର ନଭେମ୍ବର ୧୯ରୁ ୨୭ ତାରିଖ ପର୍ଯ୍ୟନ୍ତ ନୂଆଦିଲ୍ଲୀସ୍ଥିତ ପ୍ରଗତି ମୈଦାନରେ ୪୨ତମ ଭାରତ ଅନ୍ତର୍ଜାତୀୟ ବାଣିଜ୍ୟ ମେଳା-୨୦୨୩ ଅନୁଷ୍ଠିତ ହେବ l ଓଡ଼ିଶା ମଣ୍ଡପ ହେବ ଆକର୍ଷଣୀୟ l

➡️୫-ନବୀନ ପଟ୍ଟନାୟକ ପୁରୀରୁ ଛିଡା ହେବା ପାଇଁ ଦାବୀ କଲେ ଦଇତାପତି ରାମକୃଷ୍ଣ ଦାସ ମହାପାତ୍ର l

➡️୬-ଇସ୍ରାଏଲ-ହମାସ ଯୁଦ୍ଧ ଭୟଙ୍କର ରୂପ ନେଉଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ସହ ଫୋନରେ ହେଲେ କଥା l

➡️୭-ଭାରତର ପ୍ରଥମ ନମ୍ବରବିହୀନ କ୍ରେଡିଟ୍ କାର୍ଡର ଶୁଭାରମ୍ଭ ପାଇଁ ଆକ୍ସିସ୍ ବ୍ୟାଙ୍କ ଓ ଫାଇବ୍ ମଧ୍ୟରେ ହେଲା ସହଯୋଗିତା l

➡️୮-ଏଣିକି ବ୍ୟାଙ୍କ୍‌ ଅଫ୍ ବରୋଦାର ‘BoB World’ ସହ ଯୋଡ଼ି ହୋଇପାରିବେନି ନୂଆ ଗ୍ରାହକ, ରୋକ୍‌ ଲଗାଇଲା ଆରବିଆଇ l

➡️୯-ତାଞ୍ଜାନିଆର ପ୍ରଥମ ମହିଳା ରାଷ୍ଟ୍ରପତି ଡକ୍ଟର ସାମିୟା ସୁଲୁହୁ ହସନଙ୍କୁ ମିଳିଲା ଜବାହରଲାଲ ନେହରୁ ବିଶ୍ୱବିଦ୍ୟାଳୟ (ଜେଏନୟୁ) ଦ୍ୱାରା ସମ୍ମାନଜନକ ଡକ୍ଟରେଟ୍ ଉପାଧି l

➡️୧୦-ଟେଲି ଅଭିନେତ୍ରୀ ମଧୁରାଙ୍କ ଭଉଣୀ-ଭିଣୋଇଙ୍କୁ ନିର୍ମମ ଭାବେ ହତ୍ୟା କଲେ ହମାସ ଆତଙ୍କବାଦୀ l

➡️୧୧-ସୋସିଆଲ ମିଡିଆରେ ଆନନ୍ଦ ମହିନ୍ଦ୍ରାଙ୍କୁ ପଛରେ ପକାଇଲେ ରତନ ଟାଟା, ‘X’ରେ ତାଙ୍କ ଫଲୋଅର୍ସଙ୍କ ସଂଖ୍ୟା ହେଲା ୧୨.୬ ମିଲିୟନ l

➡️୧୨-ଭାରତରେ ହମାସ ଭଳି ଆକ୍ରମଣର ଧମକ ଦେଲା ଖଲିସ୍ତାନୀ ଆତଙ୍କବାଦୀ ପନ୍ନୁନ୍‌ l

➡️୧୩-ମଧ୍ୟପ୍ରଦେଶ ଶାହଡୋଲରେ ସଭା କରି ବିଜେପି ଓ ଆରଏସଏକୁ ଟାର୍ଗେଟ କଲେ କଂଗ୍ରେସ ସାଂସଦ ରାହୁଲ ଗାନ୍ଧୀ । କହିଲେ, ଆଦିବାସୀଙ୍କୁ ହୃଦୟରୁ ଘୃଣା କରେ ବିଜେପି l

➡️୧୪-ଆଦାନି ସ୍କିଲ ଡେଭେଲପମେଂଟ ସେଂଟରକୁ ମିଳିଲା ବେଷ୍ଟ ପ୍ରାକ୍ଟିସ ଇନ ଡିଜିଟାଲ ଟ୍ରାନ୍ସଫର୍ମେସନ ପୁରସ୍କାର l

➡️୧୫-ହୁରୁନ ଧନୀ ତାଲିକାରେ ୧ନଂ ସ୍ଥାନ ଗ୍ରହଣ କଲେ ଅମ୍ବାନୀ, ଦ୍ବିତୀୟରେ ରହିଛନ୍ତି ଗୌତମ ଅଦାନୀ ଓ ତୃତୀୟରେ ରହିଲେ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ପ୍ରତିଷ୍ଠାତା ସାଇରସ୍ ଏସ୍ ପୁନାୱାଲା l

➡️୧୬-ପଞ୍ଚମ ଦିନରେ ଇସ୍ରାଏଲ-ପାଲେଷ୍ଟାଇନ ଯୁଦ୍ଧ । ୧୫ଶହରୁ ଅଧିକ ହମାସ ଆତଙ୍କବାଦୀ ନିହତ, ଆତଙ୍କୀଙ୍କୁ ଖୋଜିଖୋଜି ମାରୁଛି ଇସ୍ରାଏଲ l

➡️୧୭-ଇସ୍ରାଏଲ ଉପରେ ହମାସ ଆକ୍ରମଣ । ଇରାନର ଭୂମିକା ନେଇ ଉଠିଲା ପ୍ରଶ୍ନ, ଦୁଇ ମାସ ପୂର୍ବରୁ ଷଡ଼ଯନ୍ତ୍ର ରଚିଥିବା ନେଇ ହେଲା ଚର୍ଚ୍ଚା l

➡️୧୮-ଦିନିକିଆ ବିଶ୍ବକପ୍‌ : ଆଜି ଆଫ୍‌ଗାନିସ୍ତାନକୁ ନୂଆଦିଲ୍ଲୀରେ ଭେଟିବ ଟିମ ଭାରତ l

➡️୧୯-୧୪ ତାରିଖରେ ହେବାକୁ ଥିବା ଭାରତ-ପାକିସ୍ତାନ ହାଇ ଭୋଲ୍ଟେଜ ମ୍ୟାଚ ପାଇଁ ବଢିଲା ସୁରକ୍ଷା ବ୍ୟବସ୍ଥା, ଗୁଜରାଟ ପୋଲିସ ପକ୍ଷରୁ ବଡ଼ ପଦକ୍ଷେପ l ପୋଲିସ ପ୍ରଶାସନ ପକ୍ଷରୁ ୭ ହଜାର ପୋଲିସ କର୍ମୀଙ୍କୁ ମୁତୟନ କରାଯାଇଛି ।

➡️୨୦-ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମଠାରେ ଗତକାଲି ଖେଳାଯାଇଥିବା ଆଇସିସି ବିଶ୍ୱକପର ଏକ ମ୍ୟାଚରେ ଶ୍ରୀଲଙ୍କାକୁ ୬ ୱିକେଟରେ ପରାସ୍ତ କଲା ପାକିସ୍ତାନ l

COASTAL NEWS ODIA 1089

ଆଳି ବ୍ଲକରେ ଜିଲାପାଳଙ୍କ ମିଳିତ ଜନଶୁଣାଣି ଶିବିର

ଆଳି - ଆଳି ବ୍ଲକ କାର୍ଯ୍ୟାଳୟ ପରିସରରେ ଜିଲାପାଳଙ୍କ ମିଳିତ

ସୋମବାର

ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି।

ଏହି ଶିବିରରେ ୪୬ଟି ଅଭିଯୋଗ

ହୋଇଛି। ସେଥ୍ମଧ୍ୟରୁ ୪୨ଟି ବ୍ୟକ୍ତିଗତ

ଅଭିଯୋଗ ଥିବା ବେଳେ ୪ଟି ସାମୂହିକ

ଅଭିଯୋଗ ରହିଛି। କେନ୍ଦ୍ରାପଡ଼ା ଜିଲାପାଳ

ଅମୃତ ଋତୁରାଜ, ଏସ୍‌ପି ମଡକର ସନ୍ଦୀପ

ସମ୍ପାଦଙ୍କ ଉପସ୍ଥିତିରେ ଏହି ଅଭିଯୋଗ

ଶୁଣାଣି ଶିବିର ଅନୁଷ୍ଠିତ ହୋଇଥିଲା।

ଏହି ଅଭିଯୋଗ ମଧ୍ୟରେ ରାଶନ କାର୍ଡ,

ଆବାସ ଯୋଜନା, ଭତ୍ତା ଯୋଜନାରୁ

ବଞ୍ଚିତ ହୋଇଥିବା ହିତାଧିକାରୀମାନେ

କରିଥିଲେ। ସାମୂହିକ

ଆବେଦନ

ଅଭିଯୋଗ ମଧ୍ୟରେ ପଦନପୁର ଗ୍ରାମରେ

ନଳକୂପ ଖନନ, ଟୁଙ୍ଗା ଗ୍ରାମରେ ଏକ

ବୃକ୍ଷ କାଟିବା, ବୈଦିମାଳ ଗାଁକୁ ରାସ୍ତା

ନିର୍ମାଣ ସହ ପତ୍ରପୁର ପଞ୍ଚାୟତର

ଏକ ବିଦ୍ୟାଳୟରୁ ପ୍ରଧାନ ଶିକ୍ଷକଙ୍କୁ

ବଦଳି କରିବା ଅଭିଯୋଗ ହୋଇଛି।

ସେହିପରି ଆଳି ବ୍ଲକ ସରପଞ୍ଚ ସଂଘ

ପକ୍ଷରୁ ମଧ୍ୟ ଜିଲାପାଳଙ୍କ ଉଦ୍ଦେଶ୍ୟରେ

ସେମାନଙ୍କର ୧୫ ଦଫା ଦାବି ପତ୍ର

ପ୍ରଦାନ କରିଛନ୍ତି। ଏହି ଜନଶୁଣାଣିରେ

ଆଳି ବିଡି ଓ ମିନତି ଜଗଦେବ,

ତହସିଲଦାର ଦେବୀପ୍ରସାଦ ଆଚାର୍ଯ୍ୟ,

ପଟ୍ଟାମୁଣ୍ଡାଇ ଏସ୍‌ଡିପିଓ କ୍ଷମାସାଗର

ପଣ୍ଡା, ଆଇଆଇସି

ସବ୍ୟସାଚୀ

ଶତପଥୀଙ୍କ ସମେତ ବିଭିନ୍ନ ବିଭାଗର

ଅଧିକାରୀମାନେ ଉପସ୍ଥିତ ଥିଲେ।

ଆଜିର ରାଶିଫଳ

COASTAL NEWS ODIA 1088

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ ୧୧ ତାରିଖ ୨୦୨୩ ମସିହା(ବୁଧବାର)*

*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌷ମେଷ🌷👉 : ବ୍ୟବସାୟୀ ମାନଙ୍କ ପାଇଁ ଆଜିର ଦିନ ଲାଭଦାୟକ ହେବ। ଆର୍ଥିକ ଲାଭ ମିଳିବ। ଲମ୍ବା ସମୟର ଆର୍ଥିକ ଆୟୋଜନ ମଧ୍ୟ କରି ପାରିବେ। ଶରୀର ଏବଂ ମନ ସୁସ୍ଥ ରହିବ। ମିତ୍ରମାନଙ୍କ ଏବଂ ପାରିବାରିକ ସଦସ୍ୟମାନଙ୍କ ସହିତ ଆନନ୍ଦରେ ଦିନ କଟିବ।* 

*✧═════•❁❀❁•═════✧*

*🌷ବୃଷ🌷👉 : ଆଜି ଲୋକମାନଙ୍କ ସହିତ ସୌହାର୍ଦ୍ୟପୂର୍ଣ୍ଣ ସମ୍ବନ୍ଧ ରହିବ। ବୌଦ୍ଧିକ ଚର୍ଚ୍ଚା କିମ୍ବା ବାଦ-ବିବାଦରେ ସଫଳତା ମିଳିବ। ବିଦ୍ୟାର୍ଥିମାନଙ୍କ ପାଇଁ ଭଲ ସମୟ ଅଟେ। ପରିଶ୍ରମ ଅନୁପାତରେ କମ ସଫଳତା ମିଳିବ। ପାଚନତନ୍ତ୍ରର ସମସ୍ୟାରେ ସ୍ୱାସ୍ଥ୍ୟ ଖରାପ ହେବାର ଆଶଂକା ଅଛି।*

*✧═════•❁❀❁•═════✧*

*🌷ମିଥୁନ🌷👉 :ସମସ୍ତ କାର୍ଯ୍ୟରେ ଆପଣ ଦ୍ୱନ୍ଦ୍ୱ ଅନୁଭବ କରିବେ। ମାତା ଏବଂ ମହିଳାମାନଙ୍କ ମାମଲାରେ ଅଧିକ ସମ୍ବେଦନଶୀଳ ହେବେ। ବିଚାରର ଭରମାରରେ ମାନସିକ ଆଳସ୍ୟ ଅନୁଭବ କରିବେ। ଅନିଦ୍ରା କାରଣରୁ ଶାରୀରିକ ଅସୁସ୍ଥତା ହୋଇପାରେ। ପାଣି କିମ୍ବା ଅନ୍ୟ ତରଳ ପଦାର୍ଥ ଭୟାନକ ପ୍ରମାଣିତ ହୋଇପାରନ୍ତି।* 

*✧═════•❁❀❁•═════✧*

*🌷କର୍କଟ🌷👉 : କାର୍ଯ୍ୟସଫଳ ପାଇଁ ଆଜିର ଦିନ ଭଲ ରହିବ। ମିତ୍ରମାନଙ୍କ ତଥା ସ୍ଵଜନମାନଙ୍କ ସହିତ ସାକ୍ଷାତକରି ଆପଣ ଖୁସି ରହିବେ। ଲଘୁ ଯାତ୍ରାର ଯୋଗ ଅଛି। ଭାଇ-ବନ୍ଧୁମାନଙ୍କସହ ମିଳାମିଶା ରହିବ।  ଆର୍ଥିକ ଲାଭ ତଥା ସମାଜରେ ଆଦର ସମ୍ମାନ ମିଳିବ। ବିରୋଧିମାନଙ୍କୁ ପରାଜିତ କରି ପାରିବେ।*

*✧═════•❁❀❁•═════✧*

*🌷ସିଂହ🌷👉 : ଦୂରରେ ବାସ କରୁଥିବା ସ୍ନେହୀଜନ ତଥା ମିତ୍ରମାନଙ୍କ ସହିତ ସନ୍ଦେଶ ବ୍ୟବହାରରେ ଆପଣଙ୍କୁ ଲାଭ ହେବ। ପରିବାରରେ ସୁଖ-ଶାନ୍ତି ରହିବ। ଉତ୍ତମ ଭୋଜନର ପ୍ରାପ୍ତି ହେବ। ନିର୍ଦ୍ଧାରିତ କାମରେ ସଫଳତା ମିଳିବ। ମହିଳା ମିତ୍ର ଆପଣଙ୍କୁ ସହାୟକ ପ୍ରମାଣିତ ହେବେ।*

*✧═════•❁❀❁•═════✧*

*🌷କନ୍ୟା🌷👉 : ଆଜି ଆପଣ ସୌହାର୍ଦପୂର୍ଣ୍ଣ ସମ୍ବନ୍ଧ ବିକସିତ କରି ନିଜର କାମ କାଢ଼ି ପାରିବେ। ବ୍ୟବସାୟ ଦୃଷ୍ଟିରେ ଆଜିର ଦିନ ଲାଭଦାୟକ ପ୍ରମାଣିତ ହେବ। ଆପଣଙ୍କ ସ୍ଵାସ୍ଥ୍ୟ ଭଲ ରହିବ ଏବଂ ମନ ମଧ୍ୟ ସୁସ୍ଥ ରହିବ। ପରିଜନମାନଙ୍କ ସହିତ ସାକ୍ଷାତକରି ଏବଂ ସୁଖ-ଆନନ୍ଦ ପ୍ରାପ୍ତି ହେବ। ଧନ ଲାଭ ତଥା ପର୍ଯ୍ୟଟନର ଯୋଗ ଅଛି।*

*✧═════•❁❀❁•═════✧*

*🌷ତୁଳା🌷👉 : ଆଜି  ଆପଣ ଅନ୍ୟ ବ୍ୟକ୍ତି  କିମ୍ବା କୁଟୁମ୍ବଜନମାନଙ୍କ ସହିତ ଉଗ୍ର ବାର୍ତ୍ତାବିନିମୟ ହେବାର ସଂଭାବନା ଅଛି। ପରୋପକାର ବଦଳରେ ଉପକାର ମିଳିପାରେ। ଆୟ ଅପେକ୍ଷା ଖର୍ଚ୍ଚର ମାତ୍ରା ବଢ଼ିବ। ଦ୍ୱନ୍ଦ୍ୱ ଏବଂ ସମସ୍ୟା ମନର ଶାନ୍ତି ଭଙ୍ଗ କରିବ। ଆଧ୍ୟାତ୍ମିକ ବଚନ କିମ୍ବା ଈଶ୍ଵରଙ୍କର ନାମ ସ୍ମରଣ ଶାନ୍ତି ଦେବ।*

*✧═════•❁❀❁•═════✧*

*🌷ବିଚ୍ଛା🌷👉 : ଆଜି ଆପଣଙ୍କ ଗୃହସ୍ଥଜୀବନରେ ସୁଖ ଏବଂ ସନ୍ତୋଷର ଅନୁଭୂତି ମିଳିବ। ପତ୍ନୀ ତଥା ପୁତ୍ରଙ୍କ ତରଫରୁ ଶୁଭ ସମାଚାର ମିଳିବ। ମାଙ୍ଗଳିକ କାର୍ଯ୍ୟ ହେବ। ବିବାହ ପାଇଁ ସଂଯୋଗ ବନିବ। ଚାକିରି ଧନ୍ଦାରେ ଭଲ ଅବସର ଆସିବ। ଆୟରେ ବୃଦ୍ଧି ହେବ। ମହିଳା ମିତ୍ରମାନଙ୍କଠାରୁ ଲାଭ ହେବାର ଯୋଗ ଅଛି।* 

*✧═════•❁❀❁•═════✧*

*🌷ଧନୁ🌷👉: ଆଜି  ଆପଣଙ୍କ କାର୍ଯ୍ୟ ସଫଳତା ପୂର୍ବକ ସଂପନ୍ନ ହେବ। ପରୋପକାର ଭାବନା ଆଜି ବଲବତ୍ତର ରହିବ। ଆମୋଦ- ପ୍ରମୋଦ ସହିତ ଆପଣଙ୍କ ଦିନ କଟିବ। ଚାକିରି-ବ୍ୟବସାୟରେ ମାନ-ସମ୍ମାନ ପ୍ରାପ୍ତି ହେବ। ଗୃହସ୍ଥଜୀବନରେ ଆନନ୍ଦ ବ୍ୟାପ୍ତି ରହିବ।*

*✧═════•❁❀❁•═════✧*

*🌷ମକର🌷👉 : ଆପଣଙ୍କ ଆଜିର ଦିନ ମିଶ୍ର ଫଳଦାୟକ ପ୍ରମାଣିତ ହେବ। ବୌଦ୍ଧିକ କାର୍ଯ୍ୟଗୁଡ଼ିକରେ ଏବଂ ବ୍ୟବସାୟରେ ନୂଆ ବିଚାରଧାରା ଉଦ୍ରେକ ହେବ।  ତଥାପି ମଧ୍ୟ ମନର କୌଣସି କୋଣରେ ଆପଣ ଅସୁସ୍ଥତା ଅନୁଭବ ହୋଇପାରେ।ସନ୍ତାନମାନଙ୍କ ସମସ୍ୟା ବିଷୟରେ ଚିନ୍ତା ସୃଷ୍ଟି ହୋଇପାରେ।*

*✧═════•❁❀❁•═════✧*

*🌷କୁମ୍ଭ🌷👉 : ନକାରାତ୍ମକ ବିଚାରରେ ମନରେ ହତାସା ସୃଷ୍ଟି ହୋଇପାରେ। ଏହି ସମୟ ମାନସିକ ଉଦ୍ଵେଗ ଏବଂ କ୍ରୋଧର ଭାବନା ଅନୁଭବ କରିପାରନ୍ତି। ବାଣୀ ଉପରେ ନିୟନ୍ତ୍ରଣ ନ ରହିବା କାରଣରୁ ପରିବାରରେ ମନମାଳିନ୍ୟ ଏବଂ ଝଗଡ଼ା ହେବାର ଆଶଂକା ଅଛି। ସ୍ଵାସ୍ଥ୍ୟ ଖରାପ ହୋଇପାରେ ।*

*✧═════•❁❀❁•═════✧*

 *🌷ମୀନ🌷👉 : ଆଜିର ଦିନ ସୁଖ-ଶାନ୍ତିରେ କଟିବ। ବ୍ୟାପାରିମାନଙ୍କ ଉତ୍ତମ ସମୟ ଅଟେ। ପତି-ପତ୍ନୀଙ୍କର ମଧ୍ୟରେ ଦାମ୍ପତ୍ୟ ଜୀବନରେ ନିକଟତା ଅନୁଭବ ହେବ। ମିତ୍ରମାନଙ୍କ ତଥା ସ୍ଵଜନମାନଙ୍କ ସହିତ ମିଳନ ତଥା ସାକ୍ଷାତ ସାର୍ବଜନିକ ଜୀବନରେ ପ୍ରସିଦ୍ଧି ମିଳିବ। ଉତ୍ତମ ବୈବାହିକ ସୁଖ ପ୍ରାପ୍ତି ହେବ।*

*✧═════•❁❀❁•═════✧*

୨୨ ଜାନୁଆରୀ ୨୦୨୪ରେ ଅଯୋଧ୍ୟାରେ ପ୍ରଭୁ ରାମଚନ୍ଦ୍ରଙ୍କ ଭବ୍ଯ ରାମ ମନ୍ଦିର ପ୍ରତିଷ୍ଠା ନିମିତ୍ତ ପ୍ରସ୍ତୁତି

COASTAL NEWS ODIA 1086

*୨୨ ଜାନୁଆରୀ ୨୦୨୪ରେ ଅଯୋଧ୍ୟାରେ ପ୍ରଭୁ ରାମଚନ୍ଦ୍ରଙ୍କ ଭବ୍ଯ ରାମ ମନ୍ଦିର ପ୍ରତିଷ୍ଠା ନିମିତ୍ତ ପ୍ରସ୍ତୁତି...* 

*🚩 ଉଦଘାଟନର ଏକ ମାସ ପୂର୍ବରୁ ସମଗ୍ର ଭାରତର ୧ ଲକ୍ଷରୁ ଉର୍ଦ୍ଧ୍ବ ମନ୍ଦିରରେ ରାମ ସ୍ତୁତିର ଆୟୋଜନ ହେବ ।*

*🚩 ଅଯୋଧ୍ୟା ଦେଶ ବିଦେଶର ପର୍ଯ୍ୟଟକଙ୍କ ମୁଖ୍ଯ ଆକର୍ଷଣ ହେବାକୁ ଯାଉଛି ।*

*🚩ଏହା ଏକ ଆନ୍ତର୍ଜାତୀୟ କାର୍ଯ୍ୟକ୍ରମ ହେବାକୁ ଯାଉଛି ।*

*🚩 ୧୬୦ ଦେଶରୁ ଭକ୍ତ ଏହି ସମାରୋହରେ ଉପସ୍ଥିତ ରହିବେ ।*

*🚩 ଏହି ଭବ୍ଯ ଆୟୋଜନକୁ ପ୍ରସାରଣ କରିବା ପାଇଁ ବର୍ତ୍ତମାନ ସୁଧା ବିଶ୍ବର ୬୫୦୦ ଚ୍ଯାନେଲ ନିଜକୁ ପଞ୍ଜିକୃତ କରାଇଛନ୍ତି ।*

*🚩 ପ୍ରଥମ ବର୍ଷ ୫ କୋଟି ଭକ୍ତ ପ୍ରଭୁ ରାମଚନ୍ଦ୍ରଙ୍କ ଦର୍ଶନ ପାଇଁ ଅଯୋଧ୍ୟା ଆସିବାର ଆକଳନ କରାଯାଇଛି ।*

*🚩 ବହୁ ସଂଖ୍ୟାରେ 3-ଷ୍ଟାର ଓ 5-ଷ୍ଟାର ହୋଟେଲ ଅତିଥିଙ୍କର ସ୍ବାଗତ ପାଇଁ ପ୍ରସ୍ତୁତ, ଆହୁରି ଅନେକ ତିଆରି ବି ଚାଲିଛି ।*

*🚩 ଅଯୋଧ୍ୟାରେ ବିମାନ ବନ୍ଦର ଓ ରେଳ ଷ୍ଟେସନ୍ ଅତ୍ୟାଧୁନିକ ସୁବିଧା ସହ ପ୍ରସ୍ତୁତ ।*

*🚩ପବିତ୍ର ସରୟୁ ନଦୀ ତଟ ବି ପୁନରୁଦ୍ଧାର କରାଯାଇଛି, ଯାହା ଅଯୋଧ୍ୟାର ଶୋଭାକୁ ଦ୍ବିଗୁଣିତ କରିଛି ।*

*🚩 ସମ୍ପୂର୍ଣ୍ଣ ଅଯୋଧ୍ୟା ଓ ଆଖପାଖ ସ୍ଥାନ ଲକ୍ଷ ଲକ୍ଷ ଆଲୋକ ମାଳାରେ ଆଲୋକିତ ।*

*🙏ଏତିକି ଅନୁରୋଧ, ରାମ ଦରବାର ଦର୍ଶନ ପାଇଁ ଭାରତୀୟ ବେଶଭୂଷାରେ ଯାଆନ୍ତୁ ଓ ରାମ ମନ୍ଦିରର ଭବ୍ଯତାକୁ ଗାରିମାମୟ ବନାନ୍ତୁ ...*

ଆଜିର ରାଶିଫଳ

COASTAL NEWS ODIA 1085

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 

*✧═════•❁❀*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼  *✧═════•❁❀❁•═════✧*

*🌷ମେଷ🌷👉ବାଣିଜ୍ୟ, ବ୍ୟବସାୟ ରେ ଆୟ ମଧ୍ୟମ ହେବ । କର୍ମରେ ଉନ୍ନତି କରିବେ ଓ କର୍ମସ୍ଥାନରେ ସମସ୍ତ ବାଧାବିଘ୍ନ ଦୂର ହେବ । ଅଟକି ରହିଥିବା କାମ ସମ୍ପୂର୍ଣ୍ଣ କରିବାର ସୁଯୋଗ ଆସିବ । ହୃତଧନ ଫେରିପାଇବେ । ଆୟ ଅପେକ୍ଷା ବ୍ୟୟ କମ୍‌ ରହିବ । ଋଣମୁକ୍ତ ହେବା ପାଇଁ ଚେଷ୍ଟା କରିବେ । ମହିଳାମାନେ ଘରକରଣା ଜିନିଷ କ୍ରୟ କରିବେ ।*

*✧═════•❁❀❁•═════✧*

*🌷ବୃଷ🌷👉 ଆକସ୍ମିକ ଧନଲାଭ ଓ ଆର୍ଥିକ ଅବସ୍ଥାରେ ଉନ୍ନତି ଘଟିବ । ବାଣିଜ୍ୟ, ବ୍ୟବସାୟରେ ଆୟ ଉତ୍ତମ ହେବ । କର୍ମରେ ଉନ୍ନତି ଓ ଦରମାରେ କିଛି ବୃଦ୍ଧି ଘଟିପାରେ । ମୂଲ୍ୟବାନ ଧାତୁ କିମ୍ବା ଭୂମି କ୍ରୟ କରିପାରନ୍ତି । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ମନୋନିବେଶ କରିବେ । ମହିଳାମାନେ ସଞ୍ଚୟ କରିବେ ।*

*✧═════•❁❀❁•═════✧*

*🌷ମିଥୁନ🌷👉କର୍ମରେ ଉନ୍ନତି କରିବା ପାଇଁ ଯୋଜନା କରିବେ ଓ ସେଥିରେ ସଫଳ ହେବାର ସମସ୍ତ ଦିଗକୁୁ ଅନୁଧ୍ୟାନ କରିବେ । ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ମଧ୍ୟମ ହେବ । ନୂତନ କର୍ମାରମ୍ଭ କିମ୍ବା ନୂତନ ନିୁକ୍ତିର ସମ୍ଭାବନା ରହିଛି । କର୍ମରେ ଆଗ୍ରହ ଓ ଆନ୍ତରିକତା ବୃଦ୍ଧି ପାଇବ ଏବଂ ପରିବାରର ସମସ୍ତ ସଦସ୍ୟଙ୍କ ସାହ୍ୟା ଓ ସହୋଗ ପାଇବେ ।*

*✧═════•❁❀❁•═════✧*

*🌷କର୍କଟ🌷👉ବାଣିଜ୍ୟ, ବ୍ୟବସାୟ ଓ ପରିବହନରେ କ୍ଷତି ପହଞ୍ଚିବ । କର୍ମରେ ଅସ୍ଥିରତା ଓ ବାଧାବିଘ୍ନ ଏବଂ ଉପରିସ୍ଥ କର୍ମଚାରୀଙ୍କ ରୋଷର ଶିକାର ହେବେ । ବାପାମା’ଙ୍କ ସ୍ୱାସ୍ଥ୍ୟକୁ ନେଇ ଚିନ୍ତାଗ୍ରସ୍ତ ହେବେ ଓ ସ୍ୱଜନ ପ୍ରିୟଜନଙ୍କ ସହ ମତାନ୍ତର କିମ୍ବା ତାଙ୍କଠାରୁ ଅପମାନ ପାଇପାରନ୍ତି । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ଅନାଗ୍ରହୀ ହେବେ । ମହିଳାମାନଙ୍କର ଗୁରୁଜନଙ୍କ ସହ ବିବାଦ ହୋଇପାରେ ।*

*✧═════•❁❀❁•═════✧*

*🌷 ସିଂହ🌷👉 ଆଜି କଷ୍ଟ ହେଲେ ମଧ୍ୟ ବାଣିଜ୍ୟ, ବ୍ୟବସାୟରେ ଆୟ ମଧ୍ୟମ ହେବ । କର୍ମରେ ଅନାଗ୍ରହ ଓ ସମସ୍ତ କର୍ମରେ ଅଯଥା ବିଳମ୍ବ ପରିଲକ୍ଷିତ ହେବ । ପରିସ୍ଥିତି ଖରାପ ନ ଥିଲେ ମଧ୍ୟ ମନ ଅଶାନ୍ତ ରହିବ । ବିନା କାରଣରେ ଆଜି ବହୁତ ବ୍ୟସ୍ତ ରହିବେ ଓ ପରିବାରର କୌଣସି ସଦସ୍ୟଙ୍କ ସ୍ୱାସ୍ଥ୍ୟଗତ ସମସ୍ୟା ଦେଖାଦେଇପାରେ । ବିଦ୍ୟାର୍ଥୀ, କ୍ରୀଡ଼ାବିତ୍‌ ଅସ୍ଥିରମନା ହେବେ । ମହିଳାମାନେ ବିଷାଦଗ୍ରସ୍ତ ହେବେ ।*

*✧═════•❁❀❁•═════✧*

*🌷କନ୍ୟା🌷 👉ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ଉତ୍ତମ ହେବ । କର୍ମରେ ଉନ୍ନତି ଓ ସଫଳତା ପାଇବେ । ମହିଳା ସହକର୍ମୀ ସହୋଗ କରିବେ । ପରିବାରର ସମସ୍ତ ସଦସ୍ୟ ଓ ସହଧର୍ମିଣୀଙ୍କ ସାହ୍ୟା ଏବଂ ସହାନୁଭୂତି ପାଇବେ । ଘରକରଣା, ଇଲେକ୍ଟ୍ରିକ ସରଞ୍ଜାମ ଓ ବସନଭୂଷଣ କ୍ରୟ କରିପାରନ୍ତି । ବିଦ୍ୟାର୍ଥୀ ଅସ୍ଥିରମନା ହେବେ । ମହିଳାମାନେ ସ୍ୱାମୀ ଅନୁରକ୍ତା ହେବେ ।*

*✧═════•❁❀❁•═════✧*

*🌷ତୁଳା 🌷 👉କର୍ମସ୍ଥାନରେ ସମସ୍ତ ବାଧାବିଘ୍ନ ଦୂର ହେବ ଓ ସହକର୍ମୀଙ୍କ ସହୋଗରେ ସମସ୍ତ କର୍ମରେ ସଫଳତା ଏବଂ ପ୍ରଶଂସା ପାଇବେ । ବାଣିଜ୍ୟ, ବ୍ୟବସାୟ ଠିକ୍‌ରେ ଚାଲିବ ଓ  ଆୟ ହେବ । ପୁରାତନ ରୋଗରୁ ଆରୋଗ୍ୟଲାଭ କରିବେ, ଶତ୍ରୁମାନେ ମିତ୍ର ହେବେ ଓ ଋଣମୁକ୍ତ ହେବା ପାଇଁ ଚେଷ୍ଟା କରିବେ । ବିଦ୍ୟାର୍ଥୀ, କ୍ରୀଡ଼ାବିତ୍‌ ପ୍ରଶଂସିତ ହେବେ । ମହିଳାମାନେ ଧାର୍ମିକ ର୍କ୍ୟାରେ ଆଗ୍ରହୀ ହେବେ ।**✧═════•❁❀❁•═════✧*

*🌷ବିଛା 🌷 👉ମାନସମ୍ମାନ ହାନି ଓ ଇତର ଜନଠାରୁ ଅପମାନ ପାଇପାରନ୍ତି । ମାନସିକ, ପାରିବାରିକ ଅଶାନ୍ତି ଓ କର୍ମସ୍ଥାନରେ ଅପଯଶ ଏବଂ ଅପମାନିତ ହୋଇପାରନ୍ତି । ପୁତ୍ର, କନ୍ୟା ଅବଜ୍ଞା କରିବେ ଓ ତାଙ୍କ କର୍ମକୁ ନେଇ ଚିନ୍ତାଗ୍ରସ୍ତ ହେବେ । ବାପାମା’ଙ୍କ ସହ ମତଭେଦ କିମ୍ବା ତାଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ ହେବେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ଅବହେଳା କରିବେ । ମହିଳାମାନେ ବିଷାଦଗ୍ରସ୍ତ ହେବେ ।*

*✧═════•❁❀❁•═════✧*

*🌷ଧନୁ🌷:👉 ଆଜି ବାଦବିବାଦ ଓ ଯାନବାହନ ଆରୋହଣ କାଳରେ ସତର୍କ ରହିବେ । ବାଣିଜ୍ୟ, ବ୍ୟବସାୟରେ କ୍ଷତି ପହଞ୍ଚିବ । କର୍ମସ୍ଥାନରେ ବାଧାବିଘ୍ନ ଓ ବିବାଦ ସୃଷ୍ଟି ହେବ । ଯାନବାହନରେ କ୍ଷତି ଓ ମୂଲ୍ୟବାନ ପଦାର୍ଥ ନଷ୍ଟ ବା ହଜିପାରେ । ବନ୍ଧୁବାନ୍ଧବଙ୍କ ସହ ଅପ୍ରିୟତା କିମ୍ବା ମାଲିମକଦ୍ଦମାରେ ପଡ଼ିପାରନ୍ତି । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ଆଳସ୍ୟତା ପ୍ରକାଶ କରିବେ । ମହିଳାମାନେ ଉଦର ଯନ୍ତ୍ରଣା ପାଇବେ ।*

*✧═════•❁❀❁•═════✧*

*🌷ମକର 🌷 👉ବାଣିଜ୍ୟ, ବ୍ୟବସାୟ ଓ ପରିବହନରେ ଆୟ ଭଲ ହେବ । କର୍ମରେ ଉନ୍ନତି ଓ ସମସ୍ତ କର୍ମରେ ଆଶାତୀତ ସଫଳତା ପାଇବେ । ନୂତନ କର୍ମାରମ୍ଭ କିମ୍ବା ନୂତନ ନିୁକ୍ତିର ସମ୍ଭାବନା ରହିଛି । ପରିବାରର ସମସ୍ତ ସଦସ୍ୟ, ସହକର୍ମୀ ଓ ଭ୍ରାତୃଭଗ୍ନିଙ୍କର ସାହ୍ୟା ଏବଂ ସହଯୋଗ ପାଇବେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ପ୍ରଶଂସିତ ହେବେ । ମହିଳାମାନେ ଆତ୍ମସନ୍ତୋଷ ଲାଭ କରିବେ ।* 

*✧═════•❁❀❁•═════✧*

*🌷 କୁମ୍ଭ🌷:👉 ଆର୍ଥିକ କ୍ଷତି ଓ ବ୍ୟବସାୟରେ କ୍ଷତିର ସମ୍ଭାବନା ରହିଛି । କର୍ମ ପ୍ରତି ଅନାଗ୍ରହ ହେତୁ ସମସ୍ତ କର୍ମରେ ବାଧାବିଘ୍ନ ଓ କର୍ମରେ ଅସଫଳ ରହିବେ । ମୂଲ୍ୟବାନ ପଦାର୍ଥ ନଷ୍ଟ ଓ ଚୋରି ଯିବ । ଧନକୁ ନେଇ ବିବାଦ କିମ୍ବା ମାଲିମକଦ୍ଦମା ହୋଇପାରେ । ବିଦ୍ୟାର୍ଥୀ, କ୍ରୀଡ଼ାବିତ୍‌ କର୍ମରେ ଆଳସ୍ୟତା ପ୍ରକାଶ କରିବେ । ମହିଳାମାନେ ବଦଖର୍ଚ୍ଚି ହେବେ ।*

*✧═════•❁❀❁•═════✧*

*🌷 ମୀନ 🌷👉 ଆଜି ଆପଣଙ୍କୁ ସୁ ଖାଦ୍ୟ ,ସୁବସନ ପ୍ରାପ୍ତି ହେବ । ଯଶ, ସମ୍ମାନ ଓ ସାମାଜିକ ପ୍ରତିଷ୍ଠାରେ ବୃଦ୍ଧି ଘଟିବ । ବାଣିଜ୍ୟ, ବ୍ୟବସାୟରେ ଉତ୍ତମ ଆୟ ଏବଂ କର୍ମରେ ଉନ୍ନତି ଓ କର୍ମସ୍ଥାନରେ ପ୍ରଶଂସିତ ହେବେ । ଲକ୍ଷ୍ମୀଙ୍କର କୃପା ରହିବ । ମାନସିକ, ପାରିବାରିକ ଶାନ୍ତି ଓ ଶାରୀରିକ ସୁସ୍ଥତା ଲାଭ କରିବେ ।*

*✧═════•❁❀❁•═════✧*

୧୮୫ କିଲୋ ଓଜନର ରୁଟି

COASTAL NEWS ODIA 1084

୧୮୫ କିଲୋ ଓଜନର ରୁଟି

 

ଜୟପୁର: ଭଞ୍ଜ ବିହାରୀ ମହାନ୍ତି - ଘରେ ରୁଟି ତିଆରି ହେଉଥିବା ତ ସମସ୍ତେ ଦେଖିଥିବେ। ହେଲେ ଜଣେ ବ୍ୟକ୍ତି ତାଙ୍କ ଜନ୍ମଦିନରେ ଏପରି ଏକ ରୁଟି ପ୍ରସ୍ତୁତ କରିଛନ୍ତି, ଯାହା ଗିନିଜ୍‌ ବୁକ୍‌ ଅଫ୍‌ ୱାଲର୍‌ଡ ରେକର୍ଡରେ ସାମିଲ ହୋଇଛି। ରାଜସ୍ଥାନର ଭିଲୱାଡା ସହରର କୈଳାସ ସୋନି ତାଙ୍କ ଜନ୍ମଦିନକୁ ଭିନ୍ନ ଢଙ୍ଗରେ ପାଳିଛନ୍ତି। ସେ ୧୮୫ କିଲୋ ଓଜନର ଏକ ବଡ଼ ରୁଟି ତିଆରି କରିଛନ୍ତି। 

ପୂର୍ବରୁ ଜାମନଗରର ଜଣେ ବ୍ୟକ୍ତି ୧୪୫ କିଲୋ ଓଜନର ଏକ ରୁଟି ପ୍ରସ୍ତୁତ କରି ଏହି ରେକର୍ଡ କରିଥିଲେ। ଅନେକ ବ୍ୟକ୍ତି ତାଙ୍କ ଜନ୍ମଦିନକୁ ମନେରଖିବା ପାଇଁ ଭିନ୍ନ ଭିନ୍ନ ଉପାୟ ଅବଲମ୍ବନ କରୁଥିବାବେଳେ କୈଳାସ ନିଜ ସହରର ନାମ ରଖିବାକୁ ସେ ବିଶ୍ୱର ସବୁଠୁ ବଡ଼ ରୁଟି ତିଆରି କରିବାକୁ ନିଷ୍ପତ୍ତି ନେଇଥିଲେ। ଏଥିପାଇଁ ଦେଶର ବିଭିନ୍ନ ରାଜ୍ୟରୁ ୨୧ ଜଣ କାରିଗର ନିଯୁକ୍ତ ହୋଇଥିଲେ। ରୁଟି ପାଇଁ ୨ ହଜାର ଇଟାରେ ମଧ୍ୟ ଚୁଲି ପ୍ରସ୍ତୁତ କରାଗଲା। ଏଥିରେ ୨ ହଜାର କିଲୋ କୋଇଲା ଏବଂ ଶୁଦ୍ଧ ମାଟି ମଧ୍ୟ ମିଶାଯାଇଥିଲା। 

ରୁଟି ପାଇଁ ୧୭୧ କିଲୋ ଅଟା ଏବଂ ମଇଦା, ୧୫ କିଲୋ ଦେଶୀ ଘିଅ, ୫୦ ଲିଟର ପାଣିର ବ୍ୟବହାର କରାଯାଇଥିଲା। ରୁଟିକୁ ତିଆରି ସକାଳୁ ଆରମ୍ଭ ହୋଇଥିବାବେଳେ ଅପରାହ୍ନ ୫ଟା ୩୦ ସମୟରେ ସରିଥିଲା। ହରି ସେବା ଉଦାସୀନ ଆଶ୍ରମରେ ରୁଟି ପ୍ରସ୍ତୁତ ହେବା ପରେ ଏଠାକୁ ଆସିଥିବା ଭକ୍ତଙ୍କୁ ଏକ ତରକାରି ସହିତ ରୁଟିକୁ ପ୍ରସାଦ ରୂପରେ ବଣ୍ଟାଯାଇଥିଲା।

ସୁନ୍ଦରୀଙ୍କ ମାୟାଜାଲରେ ଫସିଗଲେ ଦୁଇ ବିଏସ୍‌ଏଫ୍‌ ଯବାନ

COASTAL NEWS ODIA 1083

ସୁନ୍ଦରୀଙ୍କ ମାୟାଜାଲରେ ଫସିଗଲେ ଦୁଇ ବିଏସ୍‌ଏଫ୍‌ ଯବାନ

ପୁରୀ - ଭଞ୍ଜ ବିହାରୀ ମହାନ୍ତି - ଓଡ଼ିଆ ସୁନ୍ଦରୀଙ୍କ ମାୟାଜାଲରେ ଫସିଗଲେ ଦୁଇ ବିଏସ୍‌ଏଫ୍‌ ଯବାନ। ଖାଲି ଫସିଗଲେନି, ଖୋଳ ହୋଇଗଲେ। ବାପାଙ୍କ ଦେହ ଖରାପ ହୋଇଛି କହି ଦୁଇ ବିଏସ୍‌ଏଫ୍‌ ଯବାନଙ୍କଠାରୁ ଲକ୍ଷାଧିକ ଟଙ୍କା ଠକି ନେଇଗଲେ ସୁନ୍ଦରୀ। ଆଉ ଏବେ ଧରାଛୁଆଁ ଦେଉନାହାନ୍ତି। ଏପରି ଅଭିଯୋଗ ଆସିଛି ଭଦ୍ରକ ଗ୍ରାମାଞ୍ଚଳ ଥାନା ଅଞ୍ଚଳରୁ। ଏନେଇ ଥାନାରେ ଅଭିଯୋଗ ହେବା ପରେ ପୁଲିସ ଘଟଣାର ତଦନ୍ତ ଚଳାଇଛି।

ପୂରା ଘଟଣା ଏମିତି। ପୁରୀ ଜିଲ୍ଲା କୃଷ୍ଣପ୍ରସାଦ ଥାନା ଉଦୟଗିରି ଗାଁର ସନ୍ତୋଷ କୁମାର ରଣସିଂହ। ସେ ହେଉଛନ୍ତି ଜଣେ ବିଏସ୍‌ଏଫ୍‌ ଯବାନ। ଫେସ୍‌ବୁକ୍‌ରେ ଭଦ୍ରକ ଗ୍ରାମାଞ୍ଚଳ ଥାନା ଅଞ୍ଚଳର ପଦ୍ମାରାଣୀ(ଛଦ୍ମନାମ)ଙ୍କ ସହିତ ତାଙ୍କର ବନ୍ଧୁତା ଗଢ଼ି ଉଠିଥିଲା। ଉଭୟଙ୍କ ଭିତରେ ଚାଟିଂ ଚାଲିଥିଲା। ୨୦୨୨ ମସିହା ନଭେମ୍ବରରେ ସନ୍ତୋଷଙ୍କୁ ଫୋନ୍‌ କରିଥିଲେ ପଦ୍ମାରାଣୀ। କଥା ବାର୍ତ୍ତା ଭିତରେ ଦୁର୍ଘଟଣାରେ ବାପା ଆହତ ହୋଇଥିବା ପଦ୍ମାରାଣୀ କହିଥିଲେ। ତାଙ୍କ ଚିକିତ୍ସା ପାଇଁ ୫ ଲକ୍ଷ ଟଙ୍କା ମାଗିଥିଲେ ପଦ୍ମାରାଣୀ। ତାଙ୍କ ସରଳ କଥାକୁ ବିଶ୍ୱାସ କରି ୨୦୨୩ ଏପ୍ରିଲ୍‌ ୨୩ ତାରିଖରେ ପଦ୍ମାରାଣୀଙ୍କ ମାଆଙ୍କ SBI ଏକାଉଣ୍ଟରେ ଦୁଇ ଲକ୍ଷ ଟଙ୍କା ଜମା କରିଥିଲେ ସନ୍ତୋଷ।

ତା’ପରେ ପଦ୍ମାରାଣୀ ଆଉ କିଛି ଟଙ୍କା ମାଗିଥିଲେ। ଏଥର ମଧ୍ୟ ବାପାଙ୍କ ଚିକିତ୍ସାର ବାହାନା କରିଥିଲେ। ତେଣୁ ସନ୍ତୋଷ ଫୋନ୍‌ ପେ’ ମାଧ୍ୟମରେ କେତେବେଳେ ୫୦ ହଜାର ତ ଆଉ କେତେବେଳେ ୬୦ ହଜାର ଟଙ୍କା ଦେଇଥିଲେ। ଆଉ କେତେବେଳେ ୪୦ ହଜାର ଟଙ୍କା ଫୋନ୍‌ ପେ’ ମାଧ୍ୟମରେ ସନ୍ତୋଷ ଦେଇଥିଲେ। ମୋଟ୍‌ ୪ ଲକ୍ଷ ଟଙ୍କା ସନ୍ତୋଷ ଦେଇଛନ୍ତି। ପରେ ସନ୍ତୋଷ ଛୁଟିରେ ଘରକୁ ଆସିଥିଲେ। ଘରେ ପହଞ୍ଚିବା ପରେ ପଦ୍ମାରାଣୀଙ୍କୁ ଟଙ୍କା ମାଗିଥିଲେ।

ଟଙ୍କା ନେବା ପାଇଁ ଅଣ୍ଡେଇପଲ୍ଲୀ ଗାଁକୁ ଡାକି ଥିଲେ ପଦ୍ମାରାଣୀ। ସନ୍ତୋଷ ତାଙ୍କ ଘରକୁ ଯାଇଥିଲେ। ପାଖରେ କ୍ୟାସ୍‌ ନଥିବାରୁ ଚେକ୍‌ ଦେଇଥିଲେ ପଦ୍ମାରାଣୀ। ପଦ୍ମାରାଣୀ ଚେକ୍‌ ଦେଇଥିଲେ। ସେହି ଚେକ୍‌କୁ ଧରି ଫେରିଥିଲେ ସନ୍ତୋଷ। ପରବର୍ତ୍ତୀ ସମୟରେ ସେ ବ୍ୟାଙ୍କରେ ଜମା କରିଥିଲେ ଚେକ୍‌। ହେଲେ ସେହି ଚେକ୍‌ ବ୍ରାଉନ୍ସ ହୋଇଥିଲା। ସନ୍ତୋଷ ଏନେଇ ଗତ ଶନିବାର ରାତିରେ ଭଦ୍ରକ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରିଥିଲେ।

ସନ୍ତୋଷଙ୍କ ପରି ସମାନ ଢଙ୍ଗରେ ଠକାମୀରେ ଶିକାର ହୋଇଛନ୍ତି ସମର କୁମାର ନାୟକ। ଭଦ୍ରକ ଗ୍ରାମାଞ୍ଚଳରେ ତାଙ୍କ ଘର। ସେ ହେଉଛନ୍ତି ଭାରତୀୟ ସେନାର ଜଣେ ଯବାନ। ଏବେ ଜମ୍ମୁରେ ଚାକିରି କରୁଛନ୍ତି। ପଦ୍ମାରାଣୀ ତାଙ୍କୁ ଫସାଇଛନ୍ତି। ବିପୁଳ ଟଙ୍କା ଠକି ନେଇଛନ୍ତି। ନଗଦ ୧୨ ଲକ୍ଷ ଓ ଋଣ ଆକାରରେ ୪ ଲକ୍ଷ ୬୦ ହଜାର ଟଙ୍କା ପଦ୍ମାରାଣୀ ନେଇ ଯାଇଛନ୍ତି। ହେଲେ ସେହି ଟଙ୍କା ଫେରାଉ ନାହାନ୍ତି। ରବିବାର ସକାଳେ ସମର ଏନେଇ ଗ୍ରାମାଞ୍ଚଳ ଥାନାରେ ଲିଖିତ ଅଭଯୋଗ କରିଛନ୍ତି।

ସନ୍ତୋଷ ଓ ସମରଙ୍କ ଅଭିଯୋଗକୁ ଗ୍ରହଣ କରି ପୁଲିସ୍‌ ମାମଲାର ତଦନ୍ତ ଚଳାଇଛି। ଠକେଇ କରିଥିବା ଯୁବତୀଙ୍କୁ ଥାନାକୁ ଡାକି ଘନ ଘନ ପଚରାଉଚରା କରୁଛି। ଗତ ଦୁଇ ଦିନ ହେଲା ପୁଲିସ୍‌ ତାଙ୍କୁ ଜେରା କରୁଛି। ହେଲେ ତାଙ୍କ ବୟାନ୍‌ରେ ତାଳମେଳ ରହୁଥିବା ଅଭିଯୋଗ ହେଉଛି। ଯୁବତୀ ଜଣକ କେତେବେଳେ କହୁଛନ୍ତି ସେ ସମରଙ୍କୁ ବିବାହ କରିଛନ୍ତି ତ ଆଉ କେତେବେଳେ କହୁଛନ୍ତି ସମର ତାଙ୍କୁ ଦୁଷ୍କର୍ମ ଉଦ୍ୟମ କରିଛନ୍ତି। ଦୁଷ୍କର୍ମ ଉଦ୍ୟମ ନେଇ ସେ ସମରଙ୍କ ନାଁରେ ଥାନାରେ ଏତଲା ମଧ୍ୟ ଦେଇଛନ୍ତି। ହେଲେ ସନ୍ତୋଷଙ୍କଠାରୁ ନେଇ ଥିବା ଟଙ୍କା ସମ୍ପର୍କରେ ଯୁବତୀ ଜଣକ ମୁହଁ ଖୋଲୁନାହାନ୍ତି।

ନାବାଳିକାକୁ ବୃଦ୍ଧଙ୍କ ବିବାହ ନେଇ ଅଭିଯୋଗ

COASTAL NEWS ODIA 1082

ନାବାଳିକାକୁ ବୃଦ୍ଧଙ୍କ ବିବାହ ନେଇ ଅଭିଯୋଗ

 

ଭଦ୍ରକ, ୯।୧୦ :ଭଞ୍ଜ ବିହାରୀ ମହାନ୍ତି - ଭଦ୍ରକ ଚରମ୍ପା ଅଞ୍ଚଳରେ ଜଣେ ବୃଦ୍ଧ ଜଣେ ନାବାଳିକାଙ୍କୁ ବିବାହ କରିଥିବା ନେଇ ଭଦ୍ରକ ବ୍ଲକ ସିଡିପିଓ ରାଜଶ୍ରୀ ଗୋସ୍ବାମୀ ସୋମବାର ଟାଉନ ଥାନାରେ ଅଭିଯୋଗ କରିଛନ୍ତି।

ସୂଚନାଯୋଗ୍ୟ, ପଶ୍ଚିମବଙ୍ଗର ମା’, ଝିଅ ଚରମ୍ପାରେ ରହୁଥିବା ବେଳେ ୪ ଦିନ ତଳେ ବରାଳପୋଖରୀ ଅଞ୍ଚଳର ଉକ୍ତ ବୃଦ୍ଧ ନାବାଳିକାଙ୍କୁ ତାଙ୍କ ଘରେ ବିବାହ କରିଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହି ଭିଡିଓ ଦେଖିବା ପରେ ଶନିବାର ସିଡିପିଓ ଏବଂ ଆସିଆନାର କର୍ମକର୍ତ୍ତା ଟାଉନ ପୋଲିସ ସହାୟତାରେ ଉଭୟଙ୍କୁ ଶିଶୁ ମଙ୍ଗଳ କମିଟି ହାଜର କରାଇଥିଲେ। ନାବାଳିକାଙ୍କୁ ଆସିଆନାର ମୁକ୍ତାଶ୍ରୟ କେନ୍ଦ୍ରକୁ ପଠାଇ ଦିଆଯାଇଥିବା ବେଳେ ବୃଦ୍ଧଙ୍କୁ ଟାଉନ ଥାନାରେ ହାଜର କରାଯାଇଥିଲା। କୌଣସି ଅଭିଯୋଗ ହୋଇ ନ ଥିବାରୁ ପଚରାଉଚରା ପରେ ତାଙ୍କୁ ଛାଡ଼ି ଦିଆଯାଇଥିବା ଟାଉନ ଥାନାଧିକାରୀ ବିରେନ୍ଦ୍ର କୁମାର ସେନାପତି କହିଥିଲେ। ସୋମବାର ସିଡିପିଓ ଏନେଇ ଟାଉନ ଥାନାରେ ଚିଠି ନଂ. ୧୨୩୯ ଅନୁସାରେ ଅଭିଯୋଗ କରିଛନ୍ତି।

ଜୁଆଣିଆ କୃଷି ସେବା ସମବାୟ ସମିତି ଉପରେ ରହିତାଦେଶ

COASTAL NEWS ODIA 1081

ଜୁଆଣିଆ କୃଷି ସେବା ସମବାୟ ସମିତି ଉପରେ ରହିତାଦେଶ

ଆଳି- ଆଳି ବ୍ଲକ୍ ଜୁଆଣିଆ ପ୍ରାଥମିକ କୃଷି ସେବା ସମବାୟ ସମିତିର କାର୍ଯ୍ୟ ଉପରେ ମଧ୍ୟବର୍ତ୍ତୀକାଳୀନ ରହିତାଦେଶ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ ନୂତନ ଭାବେ ହୋଇଥିବା ଜୁଆଣିଆ ପ୍ରାଥମିକ ସେବା ସମବାୟ ସମିତିର ବୈଧତାକୁ ନେଇ ଗୋବିନ୍ଦପୁର ପ୍ରାଥମିକ କୃଷି ସେବା ସମବାୟ ସମିତିର ସଭାପତି ଧନରଞ୍ଜନ ବୋଷ ରାଜ୍ୟ ସମବାୟ ପ୍ରବନ୍ଧକଙ୍କ ନିକଟରେ ଏକ ଅଭିଯୋଗ ଦାଏର କରିଥିଲେ । ଏହି ଅଭିଯୋଗ ପରେ ଗତ ଅଗଷ୍ଟ ୨୩ ତାରିଖରେ ଜୁଆଣିଆ ସମିତି ପାଇଁ ନିଯୁକ୍ତ ସଂପାଦକଙ୍କୁ ସମସ୍ତ ନଥିପତ୍ର ଓ କ୍ଷମତା ଦିଆଯିବା ପାଇଁ ଆଦେଶ ହୋଇଥିଲା । ଏହି ସମିତିର ଅନୁବନ୍ଧନ, ରସିଦ ବହି ପ୍ରଦାନ ଓ ସଂପାଦକଙ୍କୁ କ୍ଷମତା ଅର୍ପଣ ଆଦେଶ ବିରୋଧରେ ଶ୍ରୀ ବୋଷ ଓଡିଶା ଉଚ୍ଚ ନ୍ୟାୟାଳୟରେ ରିଟ୍‌ ପିଟିସନ୍‌ ନମ୍ବର ୨୯୬୭୮/୨୦୨୩ରେ ଏକ ମାମଲା ଦାଏର କରିଥିଲେ। 

ଏହି ମାମଲାକୁ ଉଚ୍ଚ ନ୍ୟାୟାଳୟ ଗ୍ରହଣ କରିବା ପ୍ରକାଶ ଯେ, ଆଳି ବ୍ଲକ ୩୪ ଗ୍ରାମ ପଞ୍ଚାୟତରେ ପୂର୍ବରୁ ସମୁଦାୟ ୧୧ ପ୍ରାଥମିକ କୃଷି ସେବା ସମବାୟ ସମିତି ରହିଥିଲା। ସରକାରଙ୍କ ନୂତନ ନିୟମ ଅନୁଯାୟୀ ନୂତନ ଭାବେ ଜୁଆଣିଆ ସମେତ ନିଆଳ, ସଂସିଧା, ଚଣ୍ଡିଆଗଡ, କୋଳିଡିହ, ଏକମାଣିଆ, ନୂଆପଡା, ପେତପଡା, ସହିରା, ଏରଡଙ୍ଗ ଆଦି ୧୦ଟି ପ୍ରାଥମିକ କୃଷି ସେବା ସମବାୟ ସମିତି ଖୋଲିଥିଲା। ଗତ ଅଗଷ୍ଟ ମାସ ୨୩ ତାରିଖରେ ଏହି ୧୦ଟି ସମିତିର ନବନିଯୁକ୍ତ ସଂପାଦକମାନଙ୍କୁ ରସିଦବହି ଓ ଅନ୍ୟାନ୍ୟ ନଥିପତ୍ର ଦିଆଯାଇ ସମିତିଗୁଡିକୁ କାର୍ଯ୍ୟକ୍ଷମ କରାଯାଇଥିଲା। ଏବେ ଉଚ୍ଚ ନ୍ୟାୟାଳୟଙ୍କ ଏହି ଆଦେଶ ପରେ ଜୁଆଣିଆ ସମିତିର କାର୍ଯ୍ୟକାରୀତାରେ ପ୍ରତିବନ୍ଧକ ଦେଖାଦେଇଛି।ଏହା ସହିତ ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ଜୁଆଣିଆ ପ୍ରାଥମିକ କୃଷି ସେବା ସମବାୟ ସମିତିର କାର୍ଯ୍ୟ ଉପରେ ମଧ୍ୟବର୍ତ୍ତୀ କାଳୀନ ରହିତାଦେଶ ନିର୍ଦ୍ଦେଶ ଦେଇଛନ୍ତି।

ଏଠାରେ ସୂଚନା ଥାଉକି ଜୁଆଣିଆ ସମବାୟ ସମିତି ଗଠନ ହେବା ଦିନଠାରୁ ଉଚ୍ଚ ନ୍ୟାୟାଳୟ ରେ ପିଟିସନ ଦାୟର ହୋଇଛି। ଏହା ଜାଣି ମଧ୍ୟ କେଉଁ ନିର୍ଦ୍ଦେଶ ବଳରେ ସେହି ସମିତିରେ ଋଣ ପ୍ରଦାନ କରାଯାଇଛି କେଉଁ କେଉଁ କେତେ ଟଙ୍କା ଋଣ ନେଇଛନ୍ତି । ରଣ ଟଙ୍କା କାହା ଜମା ଖାତାକୁ ଯାଇଛି ତାହା ତଦନ୍ତ କରାଯାଉ ବୋଲି ଜୁଆଣିଆ ପଞ୍ଚାୟତବାସୀ ଦାବି କରୁଛନ୍ତି । ରାଜ୍ୟ ସରକାର ନିୟମକୁ ସମ୍ପୂର୍ଣ୍ଣ ଉଲ୍ଲଙ୍ଘନ କରି ଜିଲା ସମବାୟ ସମିତିର ମୁଖ୍ୟ ଅଧିକାରୀ କେବଳ ଆଳି ବ୍ଲକ ପାଇଁ ସ୍ବତନ୍ତ୍ର ନିୟମ ଜାରି କରାଯାଇଛି ।

ସମବାୟ ପରିଚାଳନା ସୁବ୍ୟବସ୍ଥିତ କରିବା ପାଇଁ ରାଜ୍ୟ ସରକାର ଆଉ କିଛି ନୂତନ ସମବାୟ ସମିତି ଗଠନ ପାଇଁ ନିଷ୍ପରି ନେଇଥିଲେ। କେନ୍ଦ୍ରାପଡା ଜିଲାରେ ମୋଟ ୧୭ଟି ନୂତନ ସମବାୟ ସମିତି ଗଠନ ପାଇଁ ଅବେଶ ଦେଇଥିଲେ । ସେଥି ମଧ୍ୟରୁ ଆଳି ବ୍ଲକରେ ନୂତନ ସମବାୟ ସମିତି ଗଠନ ପାଇଁ ପାଳିମି ଓ ଏରଡଙ୍ଗକୁ ନେଇ ଏରଡଙ୍ଗ ସମବାୟ ସମିତି, ଜୁଆଣିଆ ଓ ସଂସିଧା ଗ୍ରାମ ପଞ୍ଚାୟତ କୁ ନେଇ ଜୁଆଣିଆ ସମବାୟ ସମିତି ନୂଆପଡ଼ା ଓ ସହିରା କୁ ନେଇ ନୂଆପଡା ସମବାୟ ସମିତି ଅରେହିକଣା ଓ ଚଣ୍ଡିଆଗଡି ଗ୍ରାମ୍ ପଞ୍ଚାୟତକୁ ନେଇ ଚଣ୍ଡିଆଗଡ଼ି ସମବାୟ ସମିତି, ପଦନୀପାଳ ଓ ଦଶୀପୁର ଗ୍ରାମ ପଞ୍ଚାୟତ କୁ ନେଇ ଦଶୀପୁର ସମବାୟ ସମିତି, ଏକମାଣିଆ ଓ କୋଳଢ଼ିହ କୁ ନେଇ କୋଳଢ଼ିହ ସମବାୟ ସମିତି ଗଠନ କରିବାକୁ ଅଦେଶ ଦେଇଥିଲେ । ଆଳି ବ୍ଲକରେ ଆଗରୁ ଥିବା ୧୧ଟି ସମବାୟ ସମିତିକୁ ମିଶାଇ ୩୪ଟି ପଞ୍ଚାୟତରେ ୧୭ ଗୋଟି ସମବାୟ ସମିତି ଗଠନ ପାଇଁ ନିଷ୍ପତ୍ତି ନିଆଯାଇଛି।

ଏହି ପତ୍ରରେ ମଧ୍ୟ ଉଲ୍ଲେଖ ରହିଛି ଯେଉଁ ଛଅଟି ସମବାୟ ସମିତି ଗଠନ ହେବ ତାହା ସଂପୂର୍ଣ୍ଣ ରୂପେ ଯେଉଁ ସମବାୟ ସମିତିରୁ ଅଲଗା ହୋଇଛନ୍ତି ସେମାନ ସେହି ସମବାୟ ସମିତି ଅଧୀନରେ କାର୍ଯ୍ୟ କରିବା ସହିତ ଆନୁସଙ୍ଗିକ ଜିନିଷପତ୍ର ଓ କାଗଜପତ୍ର ନେଇ ଗ୍ରାମ ପଞ୍ଚାୟତ କାର୍ଯ୍ୟାଳୟ କିମ୍ବା କୌଣସି ଘର ଭଡ଼ା ନେଇ ସମବାୟ ସମିତି ଚଳେଇବାପାଇଁ ନିର୍ଦ୍ଦେଶ ଦିଆଯାଇଥିଲା l

ଏଠି ପ୍ରଶ୍ନ ଉଠୁଛି ରାଜ୍ୟ ସରକାରଙ୍କ ନିୟମ ପୁରା ରାଜ୍ୟ ପାଇଁ ଗୋଟେ ଆଳି ବ୍ଲକ ପାଇଁ ଗୋଟେ ଏହା କିପରି ସମ୍ଭବ ଅନ୍ୟ ପଟରେ ଏହି ଅନିୟମତା ହୋଇ ନୂତନ ସମବାୟ ସମିତି ଗଠନ ମଧ୍ୟରୁ ଚାରିଗୋଟି ସମବାୟ ସମିତି ନାମରେ ଉଚ୍ଚତମ ନ୍ୟାଳୟୟରେ ପିଟିସନ ଦାୟର କରାଯାଇଥିଲା। 

ନୂତନ ସମିତି ଗଠନର ଆବଶ୍ୟକତା ନେଇ ନିଯୁକ୍ତି ପ୍ରକ୍ରିୟା ବିଜ୍ଞାପନ ଓ ମନୋନୟନ ମାଧ୍ୟମରେ ଆରମ୍ଭ କରାଯିବ । ହେଲେ କିଛି ସମବାୟ ସମିତିର ଅବସରପ୍ରାପ୍ତ କର୍ମଚାରୀ ଙ୍କ ଚଞ୍ଚକତାରେ ନୂତନ ଛଅଟି ସମବାୟ ସମିତି ଗଠନ ବଦଳରେ ୧୧ଟି ସମବାୟ ସମିତି ଗଠନ ନେଇ ପ୍ରକ୍ରିୟା ଆରମ୍ଭ ହୋଇଛି ଯାହା ସଂପୂର୍ଣ୍ଣ ଭାବରେ ଅନିୟମିତତାକୁ ଦର୍ଶାଉଛି l ଆଳି ଧୋୟାଞ୍ଚଳ ର ଗୋଟେ ସମବାୟ ସମିତି ର ଜଣେ ଅବସରପ୍ରାପ୍ତ କର୍ମଚାରୀ ନିଜର ଦୁଇ ପୁଅ ଓ ପୁଅର ଶଳା ଙ୍କୁ ବେଆଇନ୍ ଭାବେ ନିଯୁକ୍ତି କରିଥିବା ଆରଟିଆଇ ମାଧ୍ୟମରେ ଜଣାପଡ଼ିଥିଲା ଓ କାର୍ଯ୍ୟାନୁଷ୍ଠାନ ପାଇଁ ଉଚ୍ଚ କର୍ତ୍ତୃପକ୍ଷ ଙ୍କୁ ଅଭିଯୋଗ କରାଯାଇଥିଲା l ହେଲେ ଏ ପର୍ଯ୍ୟନ୍ତ ଅଭିଯୋଗ ପ୍ରାଶାସନିକ ଥଣ୍ଡା ବସ୍ତା ରେ ପଡି ରହିଥିବା ଅଭିଯୋଗ ହେଉଛି l

ଆଜିର ଖବର

COASTAL NEWS ODIA 1080

🌼ଖବର ଆଜିର,ତାରିଖ ୦୯/୧୦/୨୦୨୩ ସୋମବାର🌼

*୦୧- ଏମ୍‌ଏ ଚିଦାମ୍ବରମ୍‌ କ୍ରିକେଟ ଷ୍ଟାଡିୟମରେ ରବିବାର ଖେଳାଯାଇଥିବା ୨୦୨୩ ବିଶ୍ୱକପ୍‌ର ପଞ୍ଚମ ମ୍ୟାଚ୍‌ରେ ବିରାଟ କୋହଲି ଏବଂ କେ.ଏଲ୍‌ ରାହୁଲଙ୍କ ଦମ୍‌ଦାର ଅର୍ଦ୍ଧଶତକ ବଳରେ ଭାରତ ୬ ଉଇକେଟରେ ବିଜୟୀ ହୋଇଛି।*

*୦୨- ବିଶ୍ୱକପରେ ଭାରତ ନିଜର ପ୍ରଥମ ମ୍ୟାଚ୍‌ରେ ଅଷ୍ଟ୍ରେଲିଆକୁ ହରାଇ ବିଶ୍ୱକପ୍‌ ଅଭିଯାନ ଆରମ୍ଭ କରିଛି।*

*୦୩- ଚଳିତ ବର୍ଷ ପାର୍ବଣ ସମୟରେ କଟକ ମହାନଗର ନିଗମ ଅଞ୍ଚଳରେ ସାର୍ବଜନୀନ ପୂଜା ଉତ୍ସବ ପାଇଁ ଗ୍ରାଉଣ୍ଡ ରେଣ୍ଟ ଆଦାୟ ନ କରିବାକୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି।*

*୦୪-:୨୪ ଘଣ୍ଟା ଯୁଦ୍ଧରେ ଗଲାଣି ୯୦୦ରୁ ଅଧିକ ଜୀବନ; ଇସ୍ରାଏଲ୍‌କୁ ଆମେରିକାର ମିଲିଟାରି ସହାୟତା, ଇରାନ କହିଲା-ମୁସ୍ଲିମ ଦେଶ ହମାସକୁ ଦିଅ ସମର୍ଥନ ।*

*୦୫- ଅକ୍ଟୋବର ୧୦ ତାରିଖରୁ ଅନିର୍ଦ୍ଧିଷ୍ଟ କାଳ ପାଇଁ ରାଜ୍ୟରେ ଘରୋଇ ବସ୍‌ ଧର୍ମଘଟ ।*

*୦୬- କଟକର ପୁରୀ-ଅନୁଗୁଳ ବସଷ୍ଟାଣ୍ଡ ବାଦାମବାଡ଼ି ରେ ବିଶ୍ୱନାଥ ପଣ୍ଡିତଙ୍କ ସ୍ମୃତିରେ ହେବ ଅତ୍ୟାଧୁନିକ ଲାଇବ୍ରେରୀ ଓ ରିଡିଂ ହଲ ।*

*୦୭- ଓଡ଼ିଶାର ହକି ତାରକା ଦୀପଗ୍ରେସ ଏକ୍କାଙ୍କ ପାଇଁ ୫୦ ଲକ୍ଷ ଟଙ୍କାର ପୁରସ୍କାର ଘୋଷଣା । ଏସୀୟ କ୍ରୀଡ଼ାରେ ଚମତ୍କାର ପ୍ରଦର୍ଶନ ପାଇଁ ତାଙ୍କୁ ଏହି ପୁରସ୍କାର ରାଶି ପ୍ରଦାନ କରାଯିବାକୁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।*

*୦୮- ବାହାନଗା ରେଳ ଦୁର୍ଘଟଣାରେ ଚିହ୍ନଟ ହୋଇ ନଥିବା ୨୮ଟି ମୃତଦେହର ସଂସ୍କାର ହେବ । ସମ୍ପୂର୍ଣ୍ଣ ପ୍ରକ୍ରିୟାର ହେବ ଭିଡିଓଗ୍ରାଫି ।*

*୦୯- ରାଜ୍ୟରେ ଆଇଏଏସ ସ୍ତରରେ ଅଦଳବଦଳ.. ବିଷ୍ଣୁପଦ ସେଠୀ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗର ପ୍ରମୁଖ ସଚିବ.. ଭାସ୍କର ଜ୍ୟୋତି ଶର୍ମା ଲ୍ୟାଣ୍ଡ ରେକର୍ଡସ ଓ ସେଟେଲମେଣ୍ଟ କମିଶନର ।ଜ୍ୟୋତିପ୍ରକାଶ ଦାସ ପଞ୍ଚାୟତିରାଜ ବିଭାଗ ନିର୍ଦ୍ଦେଶକ.. ରାମାଶିଷ ହାଜରା ମାଧ୍ୟମିକ ଶିକ୍ଷା ପରିଷଦର ସଭାପତି(ଅତିରିକ୍ତ ଦାୟିତ୍ୱ) ।*

*୧୦- ଯୁଦ୍ଧ ପାଇଁ ଇସ୍ରାଏଲକୁ ଉଡ଼ିବନି ଭାରତର ଏୟାର ଇଣ୍ଡିଆ ବିମାନ, ୧୪ ଅକ୍ଟୋବର ପର୍ଯ୍ୟନ୍ତ ଚଳାଚଳ ସ୍ଥଗିତ ।*

*୧୧- ଇସ୍ରାଏଲରୁ ଫେରିଲେ ବଲିଉଡ ଅଭିନେତ୍ରୀ ନୁସରତ ଭରୁଚା । ସ୍ୱତନ୍ତ୍ର ବିମାନ ଯୋଗେ ଆସି ସେ ମୁମ୍ବାଇରେ ପହଞ୍ଚିଛନ୍ତି। ଇସ୍ରାଏଲରେ ଯୁଦ୍ଧ ଲାଗି ରହିଥିବା ବେଳେ ନୁସରତ ସେଠାରେ ଫସି ରହିଥିଲେ।*

*୧୨- ଭାରତ-ଅଷ୍ଟ୍ରେଲିଆ ମ୍ୟାଚ୍ ମଝିରେ ମୈଦାନରେ ପଶିଲେ ଜ୍ରାଭୋ ୬୯ । ଚିଡିଗଲେ କୋହଲି, ଆଙ୍ଗୁଠି ଦେଖାଇ ଫେରି ଯିବାକୁ କହିଲେ ରାହୁଲ ।*

*୧୩- ୧୪ରୁ ଖୋଲିବ ଶିମିଳିପାଳ ଜାତୀୟ ଅଭୟାରଣ୍ୟ, ପର୍ଯ୍ୟଟକଙ୍କ ପାଇଁ କରାଯାଇଛି ସ୍ୱତନ୍ତ୍ର ଗାଇଡ୍ ବ୍ୟବସ୍ଥା ।*

*୧୪- ଚଳିତ ବର୍ଷ ଡିସେମ୍ବର ୩୧ ସୁଦ୍ଧା ରାଜ୍ୟ ସରକାରଙ୍କର ବିଭିନ୍ନ ବିଭାଗରେ ୧ ଲକ୍ଷ ୨୯ ହଜାର ୨୨୭ଟି ପଦ ଖାଲି ପଡିବ। ସେଥିମଧ୍ୟରୁ ସରକାର ୯୮ ହଜାର ୭୫ଟି ପଦରେ ନିଯୁକ୍ତି ମନୋନୟନକାରୀ ସଂସ୍ଥା ଗୁଡିକ ଦ୍ବାରା ନିଯୁକ୍ତି ଦିଆଯିବାର ଲକ୍ଷ୍ୟ ରହିଛି।*

*୧୫- ୟୁଏଇରେ ବଢ଼ିଲା ଭାରତୀୟ ବାସୁମତି ଚାଉଳ, ଚିକେନ ଓ କ୍ଷୀର ଆଦି ସାମଗ୍ରୀର ଡିମାଣ୍ଡ: ସହଯୋଗ ଲୋଡ଼ିଲେ ଆରବ ଦେଶ ।*

*୧୬- ବିଭିନ୍ନ ସରକାରୀ ବ୍ୟାଙ୍କ୍ ପାଇଁ ୧୨ କାର୍ଯ୍ୟକାରୀ ନିର୍ଦ୍ଦେଶକଙ୍କ ନିଯୁକ୍ତିକୁ ମଞ୍ଜୁରୀ ।*

*୧୭-:ସରିଛି ୨୦୦୦ ଟଙ୍କିଆ ନୋଟ୍‌ ବଦଳ କିମ୍ବା ଜମା କରିବାର ଡେଡଲାଇନ୍‌। ଭାରତୀୟ ରିଜର୍ଭ ବ୍ୟାଙ୍କ (RBI) ପ୍ରଥମେ ଏହି ତାରିଖ ସେପ୍ଟେମ୍ବର ୩୦ ପର୍ଯ୍ୟନ୍ତ ରଖିଥିଲା। ଯାହାକୁ ପରେ ଅକ୍ଟୋବର ୭ ପର୍ଯ୍ୟନ୍ତ ବଢ଼ାଯାଇଥିଲା।*

ବନ୍ଧୁଙ୍କୁ ପଠାଇଲେ ୨ ହଜାର ଟଙ୍କା, କିଛି ସମୟ ପରେ ଆକଉଣ୍ଟରେ ଆସିଗଲା ୭୫୩ କୋଟି ଟଙ୍କା: ସମସ୍ତେ ଆଶ୍ଚର୍ଯ୍ୟ

COASTAL NEWS ODIA 1079

ବନ୍ଧୁଙ୍କୁ ପଠାଇଲେ ୨ ହଜାର ଟଙ୍କା, କିଛି ସମୟ ପରେ ଆକଉଣ୍ଟରେ ଆସିଗଲା ୭୫୩ କୋଟି ଟଙ୍କା: ସମସ୍ତେ ଆଶ୍ଚର୍ଯ୍ୟ

 

ଚେନ୍ନାଇ,୯।୧୦: ଭଞ୍ଜ ବିହାରୀ ମହାନ୍ତି - ତାମିଲନାଡୁରେ ପୁଣି ଥରେ ବ୍ୟାଙ୍କ ଆକାଉଣ୍ଟକୁ କୋଟି ଟଙ୍କା ଟ୍ରାନ୍ସଫର ମାମଲା ସାମ୍ନାକୁ ଆସିଛି। ଚେନ୍ନାଇରେ ଜଣେ ବ୍ୟକ୍ତି ନିଜ ବନ୍ଧୁଙ୍କ ଆକାଉଣ୍ଟକୁ ୨ ହଜାର ଟଙ୍କା ପଠାଇଥିଲେ। ଏହା ପରେ ସେ ତାଙ୍କ ବ୍ୟାଙ୍କ ଆକାଉଣ୍ଟ ବାଲାନ୍ସ ଚେକ କରିବାରୁ ଆଶ୍ଚର୍ଯ୍ୟ ହୋଇଯାଇଥିଲେ। ତାଙ୍କ ଆକାଉଣ୍ଟରେ ଉପଲବ୍ଧ ବାଲାନ୍ସ ୭୫୩ କୋଟି ଟଙ୍କା ଦେଖାଉଥିଲା।

ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଫାର୍ମାସିରେ କାମ କରୁଥିବା ମହମ୍ମଦ ଇଦ୍‌ରିସଙ୍କ ସହ ଏହି ଆଶ୍ଚର୍ଯ୍ୟଜନକ ଘଟଣା ଘଟିଛି। ଇଦ୍‌ରିସ କହିଛନ୍ତି ଯେ, ସେ କୋଟାକ ମହିନ୍ଦ୍ରା ବ୍ୟାଙ୍କ ଜରିଆରେ ନିଜ ବନ୍ଧୁଙ୍କୁ ୨,୦୦୦ ଟଙ୍କା ଟ୍ରାନ୍ସଫର କରିଛନ୍ତି। ଏହା ପରେ ବାଲାନ୍ସ ଚେକ୍‌ କରିବାରୁ ଆକାଉଣ୍ଟରେ ୭୫୩ କୋଟି ଟଙ୍କା ଦେଖାଉଥିଲା। ଏହି ଅସ୍ବାଭାବିକ ଘଟଣାକୁ ନେଇ ସେ ତାଙ୍କ ବ୍ୟାଙ୍କ ସହିତ ଯୋଗାଯୋଗ କରିଥିଲେ ଏବଂ ତାଙ୍କ ଆକାଉଣ୍ଟ ଫ୍ରିଜ କରି ଦିଆଯାଇଥିଲା।

ତାମିଲନାଡୁରେ ଏହା ହେଉଛି ତୃତୀୟ ଘଟଣା। ଏହାପୂର୍ବରୁ ରାଜକୁମାର ନାମକ ଜଣେ କ୍ୟାବ ଡ୍ରାଇଭରଙ୍କ ସହ ସମାନ ଘଟଣା ଘଟିଥିଲା। ଭୁଲରେ ତାଙ୍କ ଆକାଉଣ୍ଟକୁ ୯ ହଜାର କୋଟି ଟଙ୍କା ଟ୍ରାନ୍ସଫର କରାଯାଇଥିଲା। ଏହା ବ୍ୟତୀତ ଥାନଜଭୁରର ଗଣେଶ ନାମକ ଜଣେ ବ୍ୟକ୍ତିଙ୍କ ସହ ମଧ୍ୟ ସମାନ ଘଟଣା ଘଟିଥିଲା। ତାଙ୍କ ଆକାଉଣ୍ଟରେ ୭୫୬ କୋଟି ଟଙ୍କା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ।

ବାଜିଲା ବିଗୁଲ୍: ନଭେମ୍ବର ୭ରୁ ୫ ରାଜ୍ୟ ବିଧାନସଭା ନିର୍ବାଚନ

COASTAL NEWS ODIA 1078

ବାଜିଲା ବିଗୁଲ୍: ନଭେମ୍ବର ୭ରୁ ୫ ରାଜ୍ୟ ବିଧାନସଭା ନିର୍ବାଚନ

ନୂଆଦିଲ୍ଲୀ - ଭଞ୍ଜ ବିହାରୀ ମହାନ୍ତି - ନିର୍ବାଚନ ହେବାକୁ ଥିବା ୫ ରାଜ୍ୟ ହେଉଛି ମିଜୋରାମ, ଛତିଶଗଡ଼, ମଧ୍ୟ ପ୍ରଦେଶ, ରାଜସ୍ଥାନ ଓ ତେଲେଙ୍ଗାନା। 

କେବଳ ଛତିଶଗଡରେ ଦୁଇଟି ପର୍ଯ୍ୟାୟରେ ଭୋଟିଂ

ନଭେମ୍ବର ୩୦ରେ ସରିବ ମତଦାନ

ଡିସେମ୍ବର ୩ରେ ସବୁ ରାଜ୍ୟର ଭୋଟ୍ ଗଣତି

ବାଜିଲା ନିର୍ବାଚନୀ ବିଗୁଲ୍। ଘୋଷଣା ହେଲା ୫ ରାଜ୍ୟ ବିଧାନସଭା ନିର୍ବାଚନ ତାରିଖ। ନଭେମ୍ବର ୭ରୁ ମତଦାନ ଆରମ୍ଭ। ବିଭିନ୍ନ ପର୍ଯ୍ୟାୟରେ ହେବ ମତଦାନ। ଆଜି ସାମ୍ୱାଦିକ ସମ୍ମିଳନୀରେ ତାରିଖ ଘୋଷଣା କରିଛନ୍ତି ଇଲେକ୍ସନ୍ କମିଶନର ରାଜିବ କୁମାର। 

ତେବେ ନିର୍ବାଚନ ହେବାକୁ ଥିବା ୫ ରାଜ୍ୟ ହେଉଛି ମିଜୋରାମ, ଛତିଶଗଡ଼, ମଧ୍ୟ ପ୍ରଦେଶ, ରାଜସ୍ଥାନ ଓ ତେଲେଙ୍ଗାନା। ଏହି ୫ ରାଜ୍ୟର ନିର୍ବାଚନ ପ୍ରକ୍ରିୟା ନଭେମ୍ବର ୭ରୁ ଆରମ୍ଭ ହୋଇ ଡିସେମ୍ବର ୩ ମଧ୍ୟରେ ସରିବ। କେବଳ ଛତିଶଗଡରେ ଦୁଇଟି ପର୍ଯ୍ୟାୟରେ ନିର୍ବାଚନ କରାଯିବ। ଏହା ବ୍ୟତୀତ ଅନ୍ୟ ସମସ୍ତ ରାଜ୍ୟରେ ଗୋଟିଏ ପର୍ଯ୍ୟାୟରେ ସରିବ ମତଦାନ।

ଭୋଟିଂ ପ୍ରକ୍ରିୟା ନଭେମ୍ବର ୩୦ସୁଦ୍ଧା ଶେଷ ହେବ ବୋଲି ଘୋଷଣା କରାଯାଇଛି। ପ୍ରଥମେ ନଭେମ୍ବର ୭ରେ ମିଜୋରାମ ଓ ମଧ୍ୟ ପ୍ରଦେଶରେ ଭୋଟିଂ ହେବାକୁ ଥିବାବେଳେ ନଭେମ୍ବର ୨୩ରେ ରାଜସ୍ଥାନ ଏବଂ ୩୦ରେ ତେଲେଙ୍ଗାନାରେ ମତଦାନ ସରିବ। ଛତିଶଗଡ ବିଧାନସଭା ନିର୍ବାଚନ ୨ଟି ପର୍ଯ୍ୟାୟରେ ଅନୁଷ୍ଠିତ ହେବ। ପ୍ରଥମ ନଭେମ୍ବର ୭ରେ ଏବଂ ଦ୍ୱିତୀୟ ପର୍ଯ୍ୟାୟ ନଭେମ୍ବର ୧୭ରେ ହେବ।

ମତଦାନ ପରେ ଡିସେମ୍ବର ୩ରେ ପ୍ରକାଶ ପାଇବ ଫଳାଫଳ। ଡିସେମ୍ବର ୫ ସୁଦ୍ଧା ସମସ୍ତ ପ୍ରକ୍ରିୟା ସାରିବାକୁ ଘୋଷଣା କରିଛନ୍ତି ନିର୍ବାଚନ କମିଶନର ରାଜିବ କୁମାର।  

ବିଶ୍ୱାସର ସାଥୀ ଡାକଘର

COASTAL NEWS ODIA 1077

ବିଶ୍ୱାସର ସାଥୀ ଡାକଘର

 

ଭୁବନେଶ୍ବର - ଭଞ୍ଜ ବିହାରୀ ମହାନ୍ତି - ଆଜିର ଦିନରେ ୧୯୨ ସଭ୍ୟ ରାଷ୍ଟ୍ର ଥିବା ଜାତିସଂଘର ଦ୍ୱିତୀୟ ସର୍ବପୁରାତନ ସଂସ୍ଥା ୟୁନିଭର୍ସାଲ ପୋଷ୍ଟାଲ ୟୁନିୟନ ବା ‘ବିଶ୍ୱ ଡାକ ସଂଘ’ ୯ ଅକ୍ଟୋବର ୧୮୭୪ରେ ପ୍ରତିଷ୍ଠିତ ଯାହାର ମୁଖ୍ୟାଳୟ ସୁଇଜରଲାଣ୍ଡର ରାଜଧାନୀ ବର୍ନଠାରେ ଅବସ୍ଥିତ। ବିଶ୍ୱ ଡାକ କଂଗ୍ରେସର ୧୯୬୯ ଟୋକିଓ ଘୋଷଣାନାମା ଅନୁଯାୟୀ ବିଶ୍ୱ ଡାକ ସଂଘର ପ୍ରତିଷ୍ଠା ଦିବସ ୯ ଅକ୍ଟୋବରକୁ ଏହି ସଭ୍ୟ ରାଷ୍ଟ୍ରମାନେ ‘ବିଶ୍ୱ ଡାକ ଦିବସ’ ଭାବେ ପାଳନ କରିଥାନ୍ତି। ଭାରତୀୟ ଡାକ ପ୍ରତିବର୍ଷ ୯ ଅକ୍ଟୋବରରୁ ଏକ ସପ୍ତାହ ବ୍ୟାପୀ ଜାତୀୟ ଡାକ ସପ୍ତାହ ପାଳନ କରେ। ଭାରତୀୟ ଡାକ ବିଭାଗ ଏବର୍ଷ ୧୦ରୁ ୧୩ ଅକ୍ଟୋବରକୁ ଯଥାକ୍ରମେ ବିତ୍ତୀୟ ସଶକ୍ତୀକରଣ ଦିବସ, ଫିଲାଟେଲି ଦିବସ, ମେଲ୍‌ ଓ ପାର୍ସଲ ଦିବସ ଏବଂ ଅନ୍ତ୍ୟୋଦୟ ଦିବସ ଭାବରେ ପାଳନ କରୁଛି। ବିଭିନ୍ନ କାର୍ଯ୍ୟକ୍ରମ ଜରିଆରେ ଗାଁର ଶାଖା ଡାକଘରୁ ଡାକ ନିର୍ଦ୍ଦେଶାଳୟ ପର୍ଯ୍ୟନ୍ତ ଏବଂ ମଣ୍ଡଳ ସ୍ତରରୁ ସର୍ବଭାରତୀୟ ସ୍ତର ପର୍ଯ୍ୟନ୍ତ ଡାକ ବିଭାଗ ଯୋଗାଇଦେଉଥିବା ଡାକଘର ସ୍ପଳ୍ପ ସଞ୍ଚୟ ଯୋଜନା, ଡାକ ଜୀବନ ବୀମା, ବିଭିନ୍ନ ଲାଭଦାୟକ ଓ ଡିଜିଟାଲ ସେବା ଉପରେ ଜନ ସଚେତନତା ସୃଷ୍ଟି କରି ଡାକ ସେବାକୁ ଅଧିକ ଲୋକାଭିମୁଖୀ କରେଇବା ବିଶ୍ୱ ଡାକ ଦିବସ ଓ ଜାତୀୟ ଡାକ ସପ୍ତାହର ମୂଳ ଲକ୍ଷ୍ୟ।

ବିଶ୍ୱ ଡାକ ଦିବସର ବିଷୟବସ୍ତୁ ହେଉଛି, ”ବିଶ୍ବାସ ପାଇଁ ସାଥିରେ, ସୁରକ୍ଷିତ ଓ ସଂଯୁକ୍ତ ଭବିଷ୍ୟତ ଲାଗି ସହଯୋଗିତା“। କହିବା ବାହୁଲ୍ୟ ଯେ ଗୁରୁତ୍ୱପୂର୍ଣ୍ଣ ଯୋଗାଯୋଗ, ବ୍ୟବସାୟିକ, ସାମାଜିକ, ଅର୍ଥନୈତିକ ଓ ଡିଜିଟାଲ ସେବାର ଉପଲବ୍ଧ କରାଇ ଡାକଘର ସଂଯୋଗଶୀଳ, ସମନ୍ବିତ ଓ ସଂଯୁକ୍ତ ସମ୍ପ୍ରଦାୟ ପାଇଁ ଏକ ଆବଶ୍ୟକ କେନ୍ଦ୍ର ହିସାବରେ କାମ କରେ। ବିଶେଷ ଭାବେ ଅପହଞ୍ଚ ଅଞ୍ଚଳରେ ଏହା ଏକମାତ୍ର ଜନସେବା ପ୍ରଦାନକାରୀ ମାଧ୍ୟମ କହିଲେ ଅତ୍ୟୁକ୍ତି ହେବନାହିଁ। ପିଢ଼ି ପରେ ପିଢ଼ି ଡାକ କର୍ମଚାରୀମାନେ ଦୈନିକ ଦୁଆରେ ଦୁଆରେ ସେବା ପ୍ରଦାନ କରି ଜନସାଧାରଣଙ୍କର ଚିର ପରିଚିତ ତଥା ବିଶ୍ବାସଯୋଗ୍ୟ ବନ୍ଧୁ ହିସାବରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ବିଶ୍ୱବାସୀଙ୍କର ଏହି ବିଶ୍ୱାସ ଓ ଭରସା ହିଁ ଶତାବ୍ଦୀ ଶତାବ୍ଦୀ ଧରି ଡାକଘରର ସଫଳତାର ମୂଳମନ୍ତ୍ର ହୋଇରହିଛି। ଆଜିର ଦିନରେ ବିଶ୍ୱର ୬.୫ ଲକ୍ଷ ଡାକଘରର ୫୦ ଲକ୍ଷରୁ ଊର୍ଦ୍ଧ୍ୱ କର୍ମଚାରୀ ଖବର, ଚିଠି, ଉପହାର, ଅର୍ଥ, ଔଷଧପତ୍ର ଓ ଅନେକ ଅତ୍ୟାବଶ୍ୟକ ଦ୍ରବ୍ୟ ଦେଣନେଣ କରି ସୁରକ୍ଷା ଓ ନିରାପତ୍ତାର ଦୃଢ଼ ପ୍ରତିଶ୍ରୁତି ବଳରେ ବିଶ୍ୱବାସୀଙ୍କର ବିଶ୍ୱାସଭାଜନ ହୋଇପାରିଛନ୍ତି। ଉଭୟ କର୍ମଚାରୀ ଓ ସେବା ସମୂହର ସୁରକ୍ଷା ଓ ନିରାପତ୍ତା ପାଇଁ ଭାରତୀୟ ଡାକ ସହ ବିଶ୍ୱର ସମସ୍ତ ଡାକ ସଂସ୍ଥା ନିରବଚ୍ଛିନ୍ନ ଭାବେ କାର୍ଯ୍ୟରତ।

ବିଶେଷ ଭାବେ, ଯୁଦ୍ଧ ଓ ମହାମାରୀ ଭଳି ଆକସ୍ମିକ ବିପତ୍ତି ସମୟରେ ବିଶ୍ୱର ସମସ୍ତ ଡାକ ସଂସ୍ଥାର କର୍ମଚାରୀମାନେ ସର୍ବାଗ୍ରେ ସହଯୋଗର ହାତ ବଢ଼ାଇଥା’ନ୍ତି। ସମୁଦ୍ର ପତ୍ତନଠାରୁ ୪୪୪୦ ମିଟର ଉଚ୍ଚରେ ସିକିମ୍‌ଠାରେ ବିଶ୍ୱର ସର୍ବୋଚ୍ଚ ଡାକଘରଠାରୁ ପ୍ରଶାନ୍ତ ମହାସାଗରର ହାଇଡୱେରେ ବିଶ୍ୱର ପ୍ରଥମ ପାଣିତଳ ଡାକଘର ପର୍ଯ୍ୟନ୍ତ ଏବଂ ଚିର ବରଫାବୃତ୍ତ ଆଣ୍ଟାର୍କଟିକାର ପୋର୍ଟଲକରୁ ଶ୍ରୀନଗରର ଡାଲ୍‌ ହ୍ରଦରେ ଥିବା ଭାସମାନ ଡାକଘର ପର୍ଯ୍ୟନ୍ତ ସବୁ ଡାକଘର ସର୍ବତ୍ର କରୋନା ମହାମାରୀ ସମୟରେ ଅତ୍ୟନ୍ତ ନିଷ୍ଠାର ସହ ଦାୟିତ୍ୱ ନିର୍ବାହ କରିଛନ୍ତି।

ଉଦାହରଣ ସ୍ବରୂପ, ଆୟର୍ଲାଣ୍ଡ ଡାକ ବିଭାଗ ବୟସ୍କ ଓ ସଂକ୍ରମିତଙ୍କ ପରୀକ୍ଷଣ କରେଇ ପୋଷ୍ଟମ୍ୟାନମାନଙ୍କ ଜରିଆରେ ଔଷଧପତ୍ର ବିତରଣ କରିଥିଲା ବେଳେ ଟ୍ୟୁନିସିଆ ଡାକ ବିଭାଗ ପେନ୍‌ସନଭୋଗୀଙ୍କ ନିକଟରେ ସେମାନଙ୍କ ପେନ୍‌ସନ୍‌ ରାଶି ପହଞ୍ଚେଇଥିଲା। ଅଷ୍ଟ୍ରେଲିଆ, ଫିଲିପାଇନ୍ସ, ବାଂଲାଦେଶ ଡାକ ବିଭାଗ, ସ୍ବାସ୍ଥ୍ୟ କେନ୍ଦ୍ର, ସ୍ବାସ୍ଥ୍ୟ କର୍ମୀ ଓ ଜନସମୁଦାୟଙ୍କ ପାଖରେ ବିଭିନ୍ନ ସ୍ବାସ୍ଥ୍ୟ ସେବା ତଥା ବ୍ୟକ୍ତିଗତ ସୁରକ୍ଷା ଉପକରଣ ଓ କୋଭିଡ୍‌ ପରୀକ୍ଷଣ ସରଞ୍ଜାମ ପହଞ୍ଚେଇଥିଲା ବେଳେ କେନିଆ ଓ ଚେକୋସ୍ଲୋଭାକିଆ ଭଳି ରାଷ୍ଟ୍ରର ଡାକଘରଗୁଡିକ ଅପହଞ୍ଚ ଅଞ୍ଚଳର ଲୋକମାନଙ୍କୁ ଖାଦ୍ୟପଦାର୍ଥ ଓ ଅତ୍ୟାବଶ୍ୟକ ସାମଗ୍ରୀ ଯୋଗାଉଥିଲେ। ଉଲ୍ଲେଖଯୋଗ୍ୟ ଯେ ୧.୫୯ ଲକ୍ଷ ଡାକଘର ସହ ୫ ଲକ୍ଷ କର୍ମଚାରୀଙ୍କୁ ନେଇ ସାଧାରଣ ସମୟରେ ଦିନକୁ ହାରାହାରି ୨୫ ହଜାର କିଲୋମିଟର ଯାତାୟାତ ସହ ୭୫ ଟନ୍‌ରୁ ଅଧିକ ଚିଠିପତ୍ର ଓ ପାର୍ସଲ ବାଣ୍ଟୁଥିବା ବିଶ୍ୱର ସର୍ବବୃହତ୍‌ ଡାକ ସଂସ୍ଥା ଭାରତୀୟ ଡାକ, ତାଲାବନ୍ଦର ତୃତୀୟ ପର୍ଯ୍ୟାୟ ଶେଷ ସୁଦ୍ଧା ୨୦୦୦ ଟନ୍‌ରୁ ଅଧିକ ଓଜନର ଔଷଧପତ୍ର ଓ ସ୍ବାସ୍ଥ୍ୟସେବା ଉପକରଣ ବିତରଣ କରିଥିଲା। ଖାଲି ସେତିକି ନୁହେଁ, ଡିଜିଟାଲ ସାମର୍ଥ୍ୟର ସୁଯୋଗ ନେଇ ବିଶ୍ୱର ଅଧିକାଂଶ ଡାକ ବିଭାଗ ଦୁଆରମୁହଁରେ ଟଙ୍କା ସହ ବିଭିନ୍ନ ସେବା ଯୋଗାଇଦେବାରେ ସକ୍ଷମ ହୋଇଛିି। ମହାମାରୀ ସମୟରେ ଅହର୍ନିଶ ନିରବଚ୍ଛିନ୍ନ ସେବା ପ୍ରଦାନ କରି ବିଶ୍ୱର ପ୍ରତ୍ୟେକ ଡାକ ସଂସ୍ଥା ଜନମାନସରେ ସେମାନଙ୍କର ବିଶ୍ୱାସ ଓ ଭରସାକୁ ବହୁଗୁଣିତ କରିଛନ୍ତି।

ସହ ଡାକଘରର ଏହି ବିଶ୍ୱାସ ଓ ଭରସାଯୋଗ୍ୟ ସମ୍ପର୍କକୁ ଆହୁରି ଦୃଢୀଭୂତ କରି ଗଢ଼ିତୋଳିବା ଉଦ୍ଦେଶ୍ୟରେ ବିଶ୍ୱର ସମସ୍ତ ଡାକ ସଂସ୍ଥା ସେମାନଙ୍କର ବ୍ୟାପକ ଭୌତିକ ଡାକ ବ୍ୟବସ୍ଥାକୁ ଏକ ବିଶାଳ ଡିଜିଟାଲ କ୍ଷେତ୍ରରେ ରୂପାନ୍ତରଣ କରିବା ପାଇଁ ଅହରହ ଚେଷ୍ଟିତ।

ପ୍ରତ୍ୟେକ ଦିନ ବିଶ୍ୱର ଅନୂ୍ୟନ ୮୦ କୋଟି ଲୋକଙ୍କ ପାଖରେ ନିରାପଦ ଓ ସୁରକ୍ଷିତ ଡାକସେବା ପହଞ୍ଚାଉଥିବା ୬.୫ ଲକ୍ଷ ଡାକଘର ମଧ୍ୟରୁ ପାଖାପାଖି ୧ଲକ୍ଷ ଡାକଘରେ ଆବଶ୍ୟକ ଇଣ୍ଟରନେଟ ସୁବିଧା ଉପଲବ୍ଧ ନାହିଁ। ସାମ୍ପ୍ରତିକ ପରିସ୍ଥିତିରେ ଲୋକେ ଶାରୀରିକ ଓ ହସ୍ତକୃତ ସେବାରୁ ମୁହଁ ବୁଲେଇ ସୁରକ୍ଷିତ ଓ ନିରାପଦ ଡିଜିଟାଲ ସେବା ପ୍ରାପ୍ତି ପାଇଁ ବେଶି ତତ୍ପର। ତେଣୁ ସମ୍ପୂର୍ଣ୍ଣ ଡିଜିଟାଲ ରୂପାନ୍ତରଣ ପାଇଁ ବିଶ୍ୱ ଡାକ ସଂସ୍ଥା ‘କନେକ୍ଟ ଡଟ୍‌ ପୋଷ୍ଟ’ ଜରିଆରେ ୨୦୩୦ ସୁଦ୍ଧା ସମସ୍ତ ଡାକଘରକୁ ଇଣ୍ଟରନେଟ ସୁବିଧା ଉପଲବ୍ଧ କରେଇବା ପାଇଁ ପ୍ରୟାସ ଜାରି ରଖିଛି।