କେନ୍ଦୁଝର ଏସପିଙ୍କ ସଫଳତା: ୨୧୩ ଗ୍ରାମ ବ୍ରାଉନ ସୁଗାର ଜବତ

କେନ୍ଦୁଝର ଏସପିଙ୍କ ସଫଳତା: ୨୧୩ ଗ୍ରାମ ବ୍ରାଉନ ସୁଗାର ଜବତ

ଲକ୍ଷାଧିକ ଟଙ୍କା ସହ ୨୧ ଗିରଫ

ଘସିପୁରା/ଆନନ୍ଦପୁର, ୩୧/୦୭(ଦର୍ଶନ ନ୍ୟୁଜ): କେନ୍ଦୁଝର ଏସପି ନୀତିନ କୁଶଲକର ଦାଗୁଡୁଙ୍କ ଏକ ଘଟଣାରେ ସଫଳତାକୁ ନେଇ ଅଞ୍ଚଳବାସୀ ଖୁସି ବ୍ୟକ୍ତ କରିଥିବା ବେଳେ କେନ୍ଦୁଝର ପୋଲିସକୁ ଧନ୍ୟବାଦ ଦେଇଛନ୍ତି l ବିଶେଷ କରି ଗ୍ରାମାଞ୍ଚଳରେ ପୋଲିସର ଏପରି ପଦକ୍ଷେପ କେନ୍ଦୁଝର ପୋଲିସ ଇତିହାସରେ ପ୍ରଥମ ବୋଲି କୁହାଯାଇଛି l ଏସପି ନୀତିନ ବିଛାଇଥିବା ଜାଲରେ ଅଭିଯୁକ୍ତ ମାନେ ଧରାପଡ଼ି ଗିରଫ ହୋଇଛନ୍ତି l ଏସପି ନୀତିନଙ୍କ ନିର୍ଦ୍ଦେଶକ୍ରମେ ସ୍ପେଷାଲ ସ୍କ୍ୱାର୍ଡ ପକ୍ଷରୁ ଗତ ମଙ୍ଗଳବାର ରାତିରୁ ଆନନ୍ଦପୁର ଉପଖଣ୍ଡ ଘଷିପୁରା, ଆନନ୍ଦପୁର, ରାମଚନ୍ଦ୍ରପୁର ଏବଂ ନନ୍ଦିପଦା ଥାନା ଅଞ୍ଚଳରେ ଚଢାଉ କରାଯାଇଥିଲା l ଘଟଣାରେ ଆନନ୍ଦପୁର ଡ଼ିଏସପି ପ୍ରଶାନ୍ତ ବେହେରା ଜଣେ ଦକ୍ଷ ଅଧିକାରୀ ଭାବେ ଜଣାଶୁଣା ଅଛନ୍ତି l କିନ୍ତୁ ଉକ୍ତ ଘଟଣାରେ ତାଙ୍କର ପ୍ରମୁଖ ଭୂମିକା ଏବଂ ଅକ୍ଲାନ୍ତ ପରିଶ୍ରମ ଅଭିଯୁକ୍ତଙ୍କୁ ଧରିବାରେ ଆହୁରି ସହାୟକ ହୋଇଥିଲା l ତେବେ ବ୍ରାଉନ ସୁଗାର କାରବାର କରୁଥିବା ଅଭିଯୋଗ ରେ ବିଭିନ୍ନ ଥାନା ଅଞ୍ଚଳରୁ ମୋଟ ୨୧ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି l ସେମାନଙ୍କ ଠାରୁ ୨୧୩ ଗ୍ରାମ ବ୍ରାଉନ ସୁଗାର , ନଗଦ ୮ ଲକ୍ଷ ୩୦ ହଜାର ଟଙ୍କା ସହ ୧୨ ଟି ମୋବାଇଲ ଜବତ କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ କେନ୍ଦୁଝର ଅତିରିକ୍ତ ଏସପି ପ୍ରତ୍ୟୁଷ ମହାପାତ୍ର ସୂଚନା ଦେଇଛନ୍ତି l ବିଭିନ୍ନ ସମୟରେ ଆନନ୍ଦପୁର ଉପଖଣ୍ଡ ରେ ବ୍ରାଉନ ସୁଗାର କାରବାର ନେଇ ଅଭିଯୋଗ ହୋଇଆସୁଥିଲା । ଅଭିଯୋଗ ଆଧାରରେ ଶାଳପଡା ହାଟ ପଡିଆ, ଶାଳବଣି ଛକ ଆଦି ସ୍ଥାନରେ ଏହି କାରବାର ହେଉଥିବା ପୋଲିସ ପ୍ରକାଶ କରିଛି। ଏହି ବ୍ରାଉନ ସୁଗାର କାରବାର ରେ ଆହୁରି ଅନେକ ବ୍ୟକ୍ତି ସଂପୃକ୍ତ ଅଛନ୍ତି ସେମାନଙ୍କୁ ଗିରଫ କରାଯିବା ସହ ଚଢାଉ ଜାରି ରହିବ ବୋଲି ସାମ୍ବାଦିକ ସମ୍ମିଳନୀରେ ଅତିରିକ୍ତ ଏସପି ମହାପାତ୍ର ସୂଚନା ଦେଇଛନ୍ତି l ଉକ୍ତ ସାମ୍ବାଦିକ ସମ୍ମିଳନୀରେ ଆନନ୍ଦପୁର ଏସଡିପିଓ ପ୍ରଶାନ୍ତ କୁମାର ବେହେରା,ସଦର ଏସଡିପିଓ ସୁଦର୍ଶନ ଗଙ୍ଗୋଇ, ଘସିପୁରା ଥାନା ଅଧିକାରୀ ମାନସ ରଞ୍ଜନ ବାରିକ ପ୍ରମୁଖ ଉପସ୍ଥିତ ଥିଲେ l ଘସିପୁରା ଥାନାରେ କେସ ନଂ ୨୯୭/୩୦.୭.୨୦୨୫ ରେ ଏକ ମାମଲା ରୁଜୁ ହୋଇଥିବା ଆନନ୍ଦପୁର ଏସଡିପିଓ କହିଛନ୍ତି l ଏସପି ନୀତିନ କୁଶଲକର ଦାଗୁଡୁ କହିଛନ୍ତି ଯେ ଆଗକୁ ଆହୁରି ଚଢ଼ାଉ ହେବ ଏବଂ ଜନସାଧାରଣ ସହଯୋଗ ସଦାସର୍ବଦା ଦରକାର l ଗ୍ରାମାଞ୍ଚଳରେ ଏପରି ଘଟଣାକୁ ନେଇ ସାଧାରଣ ଲୋକ ପୋଲିସକୁ ଧନ୍ୟବାଦ ଦେଇଛନ୍ତି l

ସମାଜସେବା ଦିଗରେ ଅତୁଳନୀୟ ଅବଦାନ

ସମାଜସେବା ଦିଗରେ ଅତୁଳନୀୟ ଅବଦାନ

ଡକ୍ଟରେଟ ପାଇଲେ ଶ୍ରୀଯୁକ୍ତ ସୁରେଶ କୁମାର ରାଉତ

ନୂଆଦିଲ୍ଲୀ, ୩୧/୭: ଆଜି ପଲ୍ଲୀବିକାଶର ସମ୍ପାଦକ ତଥା ପ୍ରତିଷ୍ଠାତା ଶ୍ରୀଯୁକ୍ତ ସୁରେଶ କୁମାର ରାଉତ, ଚଲାନ ପଡାଙ୍କୁ ନୂଆଦିଲ୍ଲୀ ଚାଣକ୍ୟପୁରୀ ସ୍ଥିତ ଦି ଅଶୋକ ହୋଟେଲ ଠାରେ ସମାଜସେବା ପାଇଁ ଆନ୍ତର୍ଜାତୀୟ ସଂସ୍ଥା ୱାଲ୍ଡ ହ୍ୟୁମାନ ରାଇଟ ପ୍ରୋଟେକଶନ କମିଶନ ଓ ଅନୋରାରୀ ଡକ୍ଟରେଟ ଆୱାର୍ଡ କାଉନସିଲ ପକ୍ଷରୁ ସମ୍ମାନସୂଚକ ଡକ୍ଟରେଟ ପ୍ରଦାନ କରାଯାଇଛି । ଏହି ବର୍ଣ୍ଣାଢ଼୍ୟ ସମାରୋହରେ ଦେଶର ବିଭିନ୍ନ ପ୍ରାନ୍ତରୁ ଚୟନ ହୋଇଥିବା ପ୍ରତିଭାଙ୍କୁ ଡକ୍ଟରେଟ୍ ସମ୍ମାନରେ ସମ୍ମାନୀତ କରାଯାଇଛି। ଦେଶର ବିଭିନ୍ନ ସ୍ଥାନରୁ ଆସିଥିବା ସମସ୍ତ ୧୩୪ ପ୍ରତିଭା ମାନଙ୍କୁ ଅତିଥିମାନେ ମାନପତ୍ର, ଟ୍ରଫି ଓ ଉପଢ଼ୌକନ ଦେଇ ସମ୍ମାନିତ କରିଥିଲେ।

ଶ୍ରୀଯୁକ୍ତ ରାଉତଙ୍କ ପରି ତୃଣମୂଳ ସ୍ତରର ଜଣେ କର୍ମୀଙ୍କୁ ମନୋନୟନ କରି ସମ୍ମାନିତ କରିଥିବାରୁ ଉଭୟ ସଂସ୍ଥା ଖୁସି ବ୍ୟକ୍ତ କରିଛନ୍ତି। ସେହି ପରି ଉଭୟ ସଂସ୍ଥା ଓ ପରିଷଦର କର୍ତ୍ତୃପକ୍ଷଙ୍କୁ ମଧ୍ୟ ନିଜର କୃତଜ୍ଞତା ଜଣାଇଛନ୍ତି । ନୂଆପଡା ଓ କଳାହାଣ୍ଡି ଜିଲ୍ଲା ବ୍ୟତୀତ ପଡୋଶୀ ଜିଲ୍ଲା ଗୁଡିକରେ ୧୯୯୯ ମସିହାରୁ ବର୍ତ୍ତମାନ ଯାଏ ତୃଣମୂଳ ସ୍ତରରେ ବିଭିନ୍ନ ସଂଗଠନ ମାଧ୍ୟମରେ ସମାଜ ସେବା କାର୍ଯ୍ୟ କରିଆସୁଛନ୍ତି। ଗ୍ରାମାଞ୍ଚଳରେ ଉଦେଶ୍ୟ ମୂଳକ ସଂଗଠନ ସୃଷ୍ଟି ଓ ସୁଦୃଢୀକରଣ କରିବା ସହ ସାଧାରଣ ଲୋକଙ୍କ ସମସ୍ୟାର ସମାଧାନ କ୍ଷେତ୍ରରେ ତାଙ୍କର ଭୂମିକା ରହିଛି। ଗ୍ରାମାଞ୍ଚଳରେ ମହିଳା ସଶକ୍ତିକରଣ , ଛୋଟ ଛୋଟ ଉଦ୍ୟୋଗ ବିକାଶ ,କୃଷି ଭିତ୍ତିକ ଜୀବନ ଜୀବିକା ଅଭବୃଦ୍ଧି , କରୋନା ସମୟରେ ରିଲିଫ ସହାୟତା କ୍ଷେତ୍ରରେ ତାଙ୍କର ଭୂମିକା ଅତୁଳନୀୟ ଅଟେ।

ନୂଆପଡା ମାଟିର ଏକ କ୍ଷୁଦ୍ର ପଲ୍ଲୀ ଗ୍ରାମ ଚଲାନ ପଡାରେ ଜନ୍ମ ସହ ନିଜର ଶିକ୍ଷା ଯାତ୍ରା ଆରମ୍ଭ କରି ଆନ୍ତର୍ଜାତୀୟ ସ୍ତର ସଂସ୍ଥା ପକ୍ଷରୁ ଡକ୍ଟୋରେଟ ପାଇବା ସୌଭାଗ୍ୟର ବିଷୟ ବୋଲି ଶ୍ରୀ ରାଉତ କହିଛନ୍ତି । ଏହା ତାଙ୍କୁ ସମାଜ ପାଇଁ ଆହୁରି ଅଧିକ କାର୍ଯ୍ୟ କରିବା ନିମନ୍ତେ ପ୍ରେରଣା ଯୋଗାଇବ ବୋଲି ସେ କହିଛନ୍ତି ।

ଏହି ସମାରୋହରେ ଭାରତ ସରକାର ତଥା ୭ ଟି ବିଭିନ୍ନ ଦେଶର ଆମ୍ବା ସେଡ଼ର, ଆସାମର ପୂର୍ବତନ ରାଜ୍ୟପାଳ ତଥା ଭାରତୀୟ ଜନତା ପାର୍ଟିର ବରିଷ୍ଠ ରାଜନେତା ଶ୍ରୀଯୁକ୍ତ ଜଗଦୀଶ ମୁଖୀ , ଭାରତୀୟ ବଲିଉଡ ଅଭିନେତ୍ରୀ ନୁସରତ ଭାରୁଚା ସହ ଆୟୋଜକ କର୍ତ୍ତୃପକ୍ଷ ମଞ୍ଚାସୀନ ଥିଲେ । ଏହା ଶୁଣିବା ପରେ ସାଙ୍ଗ ସାଥି , ଗୁରୁଜନ , ସମ୍ପର୍କୀୟ, ସହକର୍ମୀ ଓ ପ୍ରଶଂସକମାନେ ଶ୍ରୀଯୁକ୍ତ ରାଉତଙ୍କୁ ଶୁଭେଚ୍ଛା ଜଣାଉ ଥିବା ଦେଖିବାକୁ ମିଳିଛି । ଏହି ଯାତ୍ରାରେ ମୋର ପରିବାର ସହ ମୋ ସାଥିରେ ଥିବା ସମସ୍ତ ଲୋକଙ୍କୁ ମୁଁ ହୃଦୟରୁ ଧନ୍ୟବାଦ ସହ କୃତଜ୍ଞତା ପ୍ରଦାନ କରୁଛି ବୋଲି ଶ୍ରୀ ରାଉତ ପ୍ରକାଶ କରିଛନ୍ତି ।

ମଣ୍ଡଳ ରେଳ ପ୍ରବନ୍ଧକଙ୍କ ଦ୍ୱାରା ୟାର୍ଡ ପୁନଃ ନବୀକରଣ କାର୍ଯ୍ୟ ନିରୀକ୍ଷଣ

ମଣ୍ଡଳ ରେଳ ପ୍ରବନ୍ଧକଙ୍କ ଦ୍ୱାରା ୟାର୍ଡ ପୁନଃ ନବୀକରଣ କାର୍ଯ୍ୟ ନିରୀକ୍ଷଣ

ୟାର୍ଡ ପୁନଃ‌ର୍ଗଠନ ହେଲେ ବୃଦ୍ଧି ହେବ ମାଲ ପରିବହନ ଏବଂ ଯାତ୍ରୀ ସେବା

ସମ୍ବଲପୁର, ୩୦/୦୭: ଭାରତୀୟ ରେଳବାଇ ବର୍ଦ୍ଧିତ ଯାତ୍ରୀ ଚାହିଦା, ଆଞ୍ଚଳିକ ବିକାଶ ଏବଂ ଜାତୀୟ ଲଜିଷ୍ଟିକ୍ସ ଆବଶ୍ୟକତା ସହିତ ଭିତ୍ତିଭୂମି ଉନ୍ନତିକରଣ ପାଇଁ ପ୍ରତିବଦ୍ଧ। ଦେଶବ୍ୟାପୀ ପ୍ରମୁଖ ଷ୍ଟେସନଗୁଡ଼ିକୁ ଉନ୍ନତ ଏବଂ ଆଧୁନିକୀକରଣ କରିବା ପାଇଁ ଭାରତୀୟ ରେଳବାଇର ମହାନ ଯୋଜନାର ଅଂଶ ଭାବରେ, ସମ୍ବଲପୁର ରେଳ ଷ୍ଟେସନରେ ଗୁରୁତ୍ୱପୂର୍ଣ୍ଣ ୟାର୍ଡ ପୁନର୍ଗଠନ କାର୍ଯ୍ୟ କରାଯାଉଛି। ଏହି ପ୍ରକଳ୍ପର ଲକ୍ଷ୍ୟ ପୂର୍ବ ତଟ ରେଳପଥ ଜୋନର ରେଳ ନେଟୱାର୍କର ଏକ ପ୍ରମୁଖ କେନ୍ଦ୍ର ଏହି ଗୁରୁତ୍ୱପୂର୍ଣ୍ଣ ଷ୍ଟେସନରେ କାର୍ଯ୍ୟକ୍ଷମ ଦକ୍ଷତା ବୃଦ୍ଧି ଏବଂ ଟ୍ରେନ୍ ପରିଚାଳନାକୁ ଉନ୍ନତ କରିବା। ଏହି ଆଧୁନିକୀକରଣ ପ୍ରକଳ୍ପ କେବଳ ଷ୍ଟେସନର ପରିଚାଳନା କ୍ଷମତା ବୃଦ୍ଧି କରିବ ନାହିଁ ବରଂ ଯାତ୍ରୀ ଏବଂ ମାଲ ପରିବହନ ପାଇଁ ଏକ ଅଧିକ ସୁଗମ, ଦକ୍ଷ ରେଳ ସେବା ମଧ୍ୟ ସୁନିଶ୍ଚିତ କରିବ। ଏହି କାର୍ଯ୍ୟ ସମାପ୍ତ ହେବା ପରେ, ଯାତ୍ରୀମାନେ ସୁଗମ ଟ୍ରେନ୍ ପରିଚାଳନା, ଅପେକ୍ଷା ସମୟ ହ୍ରାସ ଏବଂ ସାମଗ୍ରିକ ସେବା ଗୁଣବତ୍ତା ବୃଦ୍ଧି ଆଶା କରିପାରିବେ।

ମଣ୍ଡଳ ରେଳ ପ୍ରବନ୍ଧକ, ସମ୍ବଲପୁର, ଶ୍ରୀ ସୁବାଷ ଚନ୍ଦ୍ର ଚୌଧୁରୀ ବୁଧବାର ଦିନ ସମ୍ବଲପୁର ୟାର୍ଡରେ RVNL ଦ୍ୱାରା କାର୍ଯ୍ୟକାରୀ ହେଉଥିବା ୟାର୍ଡ ପୁନଃବିକାଶ କାର୍ଯ୍ୟର ଏକ ବ୍ୟାପକ ଯାଞ୍ଚ କରିଥିଲେ। ମାଲ ପରିବହନ ଏବଂ ଯାତ୍ରୀ ସେବା ଉଭୟକୁ ବୃଦ୍ଧି କରିବା ପାଇଁ ଲକ୍ଷ୍ୟ ରଖାଯାଇଥିବା ଭିତ୍ତିଭୂମି ଉନ୍ନତିକରଣ ସମୀକ୍ଷା କରିବା ଉପରେ ଏହି ଯାଞ୍ଚ କେନ୍ଦ୍ରିତ ଥିଲା। ଶ୍ରୀ ଚୌଧୁରୀଙ୍କ ସହିତ ସିପିଏମ/ଆରଭିଏନଏଲ ଏବଂ ମଣ୍ଡଳର ଅନ୍ୟାନ୍ୟ ବରିଷ୍ଠ ଶାଖା ଅଧିକାରୀମାନେ ଉପସ୍ଥିତ ଥିଲେ। ନିରୀକ୍ଷଣ ସମୟରେ, ଶ୍ରୀ ଚୌଧୁରୀ ନିର୍ମାଣ ଏବଂ ଯାତ୍ରୀ-କୈନ୍ଦ୍ରିକ ସୁବିଧାର ସମସ୍ତ ଦିଗରେ ଗୁଣବତ୍ତା ସୁନିଶ୍ଚିତ କରିବା ପାଇଁ ସୁରକ୍ଷା ମାନଦଣ୍ଡ ପାଳନ ସହିତ ପ୍ରକଳ୍ପର ସମୟସୀମା ସମାପ୍ତ ଉପରେ ଗୁରୁତ୍ୱାରୋପ କରିଥିଲେ।

ସମନ୍ୱିତ ଗ୍ଲୋବାଲ୍ ଫାଇନାନ୍ସିଆଲ୍ ଟେକ୍ନୋଲୋଜି କ୍ଷମତା ହବର ଆନୁଷ୍ଠାନିକ ଶୁଭାରମ୍ଭ ଘୋଷଣା

ସମନ୍ୱିତ ଗ୍ଲୋବାଲ୍ ଫାଇନାନ୍ସିଆଲ୍ ଟେକ୍ନୋଲୋଜି କ୍ଷମତା ହବର ଆନୁଷ୍ଠାନିକ ଶୁଭାରମ୍ଭ ଘୋଷଣା

ବିଶ୍ୱସ୍ତରରେ ଡିଜିଟାଲ୍ ପ୍ରତିଭା କେନ୍ଦ୍ର ଭାବରେ ଓଡ଼ିଶାର ଭୂମିକାକୁ ସୁଦୃଢ଼ କରିବ: ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ଡ଼ଃ ମହାଲିଙ୍ଗ

ଭୁବନେଶ୍ଵର, ୩୧/୦୭ : ଓଡିଶା ସରକାରଙ୍କ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ବିଭାଗ ଏବଂ ଉଚ୍ଚଶିକ୍ଷା ବିଭାଗ ସିଙ୍ଗାପୁର ସ୍ଥିତ ଗ୍ଲୋବାଲ୍ ଫାଇନାନ୍ସ ଆଣ୍ଡ୍ ଟେକ୍ନୋଲୋଜି ନେଟୱାର୍କ (GFTN) ସହଭାଗିତାରେ ସମନ୍ୱିତ ଗ୍ଲୋବାଲ୍ ଫାଇନାନ୍ସିଆଲ୍ ଟେକ୍ନୋଲୋଜି କ୍ଷମତା ହବ୍ (I-GFTCH) ର ଆନୁଷ୍ଠାନିକ ଶୁଭାରମ୍ଭ ୨୧ ଅଗଷ୍ଟ ୨୦୨୫ରେ ଅନୁଷ୍ଠିତ ହେବ । ଏ ସଂପର୍କରେ କୃଷି ଭବନସ୍ଥିତ ଅଡ଼ିଟୋରିଅମରେ ଆନୁଷ୍ଠାନିକ ଭାବେ ଘୋଷଣା କରାଯାଇଛି ।

ଓଡ଼ିଶାର ଯୁବକଯୁବତୀମାନଙ୍କ ଦକ୍ଷତା ଯେତେ ବୃଦ୍ଧି ହେବ ଓଡ଼ିଶାର ଅର୍ଥନୀତି ସେତେ ସୁଦୃଢ ହେବ । ସେକଥାକୁ ହୃଦୟଙ୍ଗମ କରି “NUS(National University of Singapore) ସହଭାଗିତାରେ ଓଡ଼ିଶାର ଯୁବପିଢ଼ିଙ୍କ ଦକ୍ଷତା ବିକାଶ ଉପରେ ରାଜ୍ୟ ସରକାର ପ୍ରାଧାନ୍ୟ ଦେଉଛନ୍ତି । 1.8 ଟ୍ରିଲିୟନ ଡଲାର କ୍ଷମତା ବିଶିଷ୍ଟ ବିଶ୍ୱ ଡିଜିଟାଲ୍ ଅର୍ଥନୀତିର ଏକ ଅଗ୍ରଣୀ ଅଂଶୀଦାର ହେବା ପାଇଁ ଆମେ ଆମ ଯୁବକଯୁବତୀଙ୍କୁ ପ୍ରସ୍ତୁତ କରୁଛୁ, ବିଶ୍ୱସ୍ତରରେ ଡିଜିଟାଲ୍ ପ୍ରତିଭା କେନ୍ଦ୍ର ଭାବରେ ଓଡ଼ିଶାର ଭୂମିକାକୁ ଏହି ଭବିତବ୍ୟ ପଦକ୍ଷେପ ସୁଦୃଢ଼ କରିବ ଏବଂ ଓଡିଶା ଜିଡିପି ସଶକ୍ତ ହେବ ବୋଲି ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଡ଼ଃ ମୁକେଶ ମହାଲିଙ୍ଗ ଆଶାବ୍ୟକ୍ତ କରିଛନ୍ତି । ଗ୍ଲୋବାଲ୍ ଫାଇନାନ୍ସିଆଲ୍ ଟେକ୍ନୋଲୋଜି କାପାବିଲିଟି ହବ୍ ରେ ପିଲାମାନେ ବିଶ୍ୱସ୍ତରୀୟ ଶିକ୍ଷାଲାଭ ପାଇବେ ଯାହାଦ୍ୱାରା ତାଙ୍କର ଚାହିଦା ବିଶ୍ବବଜାରରେ ଆଶାତୀତ ଭାବେ ବଢିବ ବୋଲି ସେ କହିଛନ୍ତି ।

ଆମ ସରକାର ପ୍ରଯୁକ୍ତି ବିଦ୍ୟା ଉପରେ ବିଶେଷ ପ୍ରାଧାନ୍ୟ ଦେଉଛନ୍ତି । ପ୍ରଯୁକ୍ତି ବିଦ୍ୟା ସହାୟତାରେ ପ୍ରତିଭା ନିର୍ମାଣ କରିବାକୁ ସରକାର ପ୍ରତିବଦ୍ଧ । ଏହି ନବସୃଜନ ମାନେ ଆଗାମୀ ଦିନରେ ଓଡ଼ିଶାର ଅର୍ଥନୀତିକୁ ସମୃଦ୍ଧ କରିବାରେ ପ୍ରମୁଖ ଭୂମିକା ନିର୍ବାହ କରିବେ ବୋଲି ଉଚ୍ଚଶିକ୍ଷା ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୂରଜ ମତ ପ୍ରକାଶ କରିଛନ୍ତି ।

ଇଲେକ୍ଟ୍ରୋନିକ୍ସ ଏବଂ ଆଇଟି ବିଭାଗର ପ୍ରମୁଖ ଶାସନ ସଚିବ ଶ୍ରୀ ଵିଶାଲ ଦେବ ସ୍ୱାଗତ ଭାଷଣ ଏବଂ ଉଚ୍ଚଶିକ୍ଷା ବିଭାଗର କମିଶନର ତଥା ସଚିବ ଶ୍ରୀ ଅରବିନ୍ଦ ଅଗ୍ରୱାଲ ଧନ୍ୟବାଦ ଅର୍ପଣ କରିଥିଲେ । ଆଭାଷୀ ମାଧ୍ୟମରେ GFTN ର ଗ୍ରୁପ୍ ସିଇଓ ଶ୍ରୀ ସୋପନେନ୍ଦୁ ମହାନ୍ତି ଏବଂ GFTN ଫୋରମ୍ସର ସହ-ସିଇଓ ଜେମ୍ସ ବୋଏ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ ବିଦ୍ୟାଳୟ ଏବଂ ମହାବିଦ୍ୟାଳୟର ଶହେରୁ ଉର୍ଦ୍ଧ ଏବଂ ଅଭାସି ମାଧ୍ୟମରେ ରାଜ୍ୟର କୋଣ ଅନୁକୋଣର ୨୦୦ ରୁ ଉର୍ଦ୍ଧ ଶିକ୍ଷାନୁଷ୍ଠାନ ରୁ ଛାତ୍ର ଛାତ୍ରୀ , ଅଧ୍ୟାପକ ଅଧ୍ୟାପିକା ଉପସ୍ଥିତ ଥିଲେ ।

ସୂଚନା ଯୋଗ୍ୟ ଯେ, ଭବିଷ୍ୟତ-ପ୍ରମାଣ ଆର୍ଥିକ ପ୍ରଯୁକ୍ତିବିଦ୍ୟା ଏବଂ ବୀମା ପ୍ରଯୁକ୍ତିବିଦ୍ୟା ବୃତ୍ତିଗତ ପ୍ରମାଣପତ୍ର କାର୍ଯ୍ୟକ୍ରମ ଆରମ୍ଭ କରିବା ପାଇଁ ଓଡ଼ିଶା ସିଙ୍ଗାପୁର ଜାତୀୟ ବିଶ୍ୱବିଦ୍ୟାଳୟର ଏସିଆନ୍ ଇନଷ୍ଟିଚ୍ୟୁଟ୍ ଅଫ୍ ଡିଜିଟାଲ୍ ଫାଇନାନ୍ସ (NUS-AIDF) ଏବଂ GFTN ସହିତ ସହଭାଗୀତାରେ ପାଞ୍ଚ ମାସର ହାଇବ୍ରିଡ୍ ପାଠ୍ୟକ୍ରମ – ଅନଲାଇନ୍ ମଡ୍ୟୁଲ୍, ଭୁବନେଶ୍ୱରରେ ଦୁଇ ସପ୍ତାହର କ୍ୟାମ୍ପସ୍ ଅଧିବେଶନ, ଇଣ୍ଟର୍ନସିପ୍ ସୁଯୋଗକୁ ମିଶ୍ରଣ କରି – ଶିଳ୍ପ-ପ୍ରାସଙ୍ଗିକ ଏବଂ ନିଯୁକ୍ତି-ମୁଖୀ ହେବା ପାଇଁ ଡିଜାଇନ୍ କରାଯାଇଛି। ଏହି ପଦକ୍ଷେପ ଫଳରେ ସମସ୍ତ ଜିଲ୍ଲାରୁ 7,000 ରୁ ଅଧିକ ଛାତ୍ରଛାତ୍ରୀଙ୍କୁ ଆର୍ଥିକ ପ୍ରଯୁକ୍ତିବିଦ୍ୟା ଏବଂ ବୀମା ପ୍ରଯୁକ୍ତିବିଦ୍ୟା କ୍ଷେତ୍ରରେ ପ୍ରଯୁକ୍ତିବିଦ୍ୟା, ନିୟାମକ ଢାଞ୍ଚା ଏବଂ ବ୍ୟବସାୟିକ କାର୍ଯ୍ୟ ସମ୍ବନ୍ଧୀୟ ବାସ୍ତବ ବିଶେଷଜ୍ଞତା ସହିତ ସଶକ୍ତ କରିବ । ଏହି କାର୍ଯ୍ୟକ୍ରମ ଜାତୀୟ ଶିକ୍ଷା ନୀତି ଆଧାରରେ ପ୍ରସ୍ତୁତ କରାଯାଇଛି ।

ପୋଶ ଆଇନ ୨୦୧୩ ସମ୍ବନ୍ଧରେ ରାଜ୍ୟସ୍ତରୀୟ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ

ପୋଶ ଆଇନ ୨୦୧୩ ସମ୍ବନ୍ଧରେ ରାଜ୍ୟସ୍ତରୀୟ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ

ପୋଶ ଆଇନ ସମ୍ବନ୍ଧରେ ବିସ୍ତୃତ ବିବରଣୀ ଦେଲେ ମିଳିତ ଜାତି ସଂଘ ଜନସଂଖ୍ୟା ପାଣ୍ଠିର ପ୍ରକଳ୍ପ ପରିଚାଳକ

ଭୁବନେଶ୍ୱର, ୩୧/୦୭: ଆଜି ମହିଳା ଓ ଶିଶୁ ବିକାଶ ବିଭାଗ ଆନୁକୂଲ୍ୟରେ ଭୁବନେଶ୍ୱରସ୍ଥିତ ରାଜ୍ୟ ମହିଳା ଓ ଶିଶୁ ପ୍ରତିଷ୍ଠାନରେ କର୍ମକ୍ଷେତ୍ରରେ ମହିଳାମାନଙ୍କ ପ୍ରତି ଯୌନ ଉତ୍ପୀଡନ(ସୁରକ୍ଷା, ନିଷେଧ ଓ ନିବାରଣ) ଆଇନ ୨୦୧୩ ସମ୍ବନ୍ଧରେ ଏକ ସମ୍ବେଦନଶୀଳ ଓ ଦକ୍ଷତା ବୃଦ୍ଧି କର୍ମଶାଳା ଅନୁଷ୍ଠିତ ହୋଇଯାଇଛି ।

ଜିଲ୍ଲାସ୍ତରୀୟ ମାଷ୍ଟର ଟ୍ରେନରମାନଙ୍କୁ ପ୍ରଶିକ୍ଷିତ କରି ସମସ୍ତ ଜିଲ୍ଲାରେ ଥିବା ଆଭ୍ୟନ୍ତରୀଣ ସମିତି(ଇଣ୍ଟରନାଲ କମିଟି)ସଦସ୍ୟମାନଙ୍କୁ ପ୍ରଭାବଶାଳୀ ଭାବରେ ପୋଶ ଆଇନ ବିଷୟରେ ଶିକ୍ଷା ଦେବା ଏହି ପ୍ରଶିକ୍ଷଣର ମୁଖ୍ୟ ଉଦ୍ଦେଶ୍ୟ ।

ମହିଳା ଓ ଶିଶୁ ବିକାଶ ବିଭାଗର ଅତିରିକ୍ତ ସଚିବ ଏହି କର୍ମଶାଳାକୁ ଉଦଘାଟନ କରି ସମସ୍ତ ସରକାରୀ କର୍ମକ୍ଷେତ୍ରକୁ ମହିଳାମାନଙ୍କ ପାଇଁ ଏକ ନିରାପଦ କର୍ମକ୍ଷେତ୍ର ଭାବେ ପରିପ୍ରକାଶ କରିବା ପାଇଁ ଉଦବୋଧନ ଦେଇଥିଲେ । କାର୍ଯ୍ୟକ୍ରମରେ ମିଳିତ ଜାତି ସଂଘ ଜନସଂଖ୍ୟା ପାଣ୍ଠିର ପ୍ରକଳ୍ପ ପରିଚାଳକ ମିସ ଅନୁଜା ଗୁଲାଟି ଯୋଗ ଦେଇ ରାଜ୍ୟସ୍ତରୀୟ ମାଷ୍ଟର ଟ୍ରେନରମାନଙ୍କୁ ପୋଶ ଆଇନ ସମ୍ବନ୍ଧରେ ଖୋଲା ଆଲୋଚନା କରିବା ସହ ବିଭିନ୍ନ ପ୍ରଶ୍ନର ଉତ୍ତର ଦେଇ ପୋଶ ଆଇନ ସମ୍ବନ୍ଧରେ ବିସ୍ତୃତ ବିବରଣୀ ପ୍ରଦାନ କରିଥିଲେ ।

ଏହି କାର୍ଯ୍ୟକ୍ରମରେ ମାଷ୍ଟର ଟ୍ରେନର ଭାବେ ବିଭିନ୍ନ ଜିଲ୍ଲାର ଉପ ଜିଲ୍ଲାପାଳ, ଡେପୁଟି କଲେକ୍ଟର, ପ୍ରକଳ୍ପ ଅଧିକାରୀ ଏବଂ ଏଲସି, ଆଇସିର ସଦସ୍ୟମାନେ ଅଂଶଗ୍ରହଣ କରିଥିଲେ ।

୫ ଆଇଏଏସ ଅଫିସରଙ୍କୁ ଅତିରିକ୍ତ ଦାୟିତ୍ୱ

୫ ଆଇଏଏସ ଅଫିସରଙ୍କୁ ଅତିରିକ୍ତ ଦାୟିତ୍ୱ

ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ

ଭୁବନେଶ୍ୱର, ୩୧/୦୭: ଗୁରୁବାର ଦିନ ରାଜ୍ୟ ସରକାର ୫ ଜଣ ଆଇଏଏସ୍ ଅଧିକାରୀଙ୍କୁ ଅତିରିକ୍ତ ଦାୟିତ୍ୱ ନ୍ୟସ୍ତ କରିଛନ୍ତି। ଓଡ଼ିଶା ସରକାରଙ୍କ ସାଧାରଣ ପ୍ରଶାସନ ବିଭାଗ ପକ୍ଷରୁ ଜାରି ହୋଇଛି ବିଜ୍ଞପ୍ତି।

ବର୍ତ୍ତମାନ ଓଡ଼ିଶା ଶିଳ୍ପ ନିର୍ଦ୍ଦେଶକ ଭାବରେ କାର୍ଯ୍ୟରତ ଆବୋଲି ସୁନୀଲ ନାରଭାଣେଙ୍କୁ କଟକର ପରିଚାଳନା ନିର୍ଦ୍ଦେଶକ ଭାବରେ ଅତିରିକ୍ତ ଦାୟିତ୍ୱରେ ରହିବାକୁ ଅନୁମତି ଦିଆଯାଇଛି।

ସେହିପରି, ରାଉରକେଲାର ଏଡିଏମ୍ ଧୀନା ଦସ୍ତାଗୀରଙ୍କୁ ରାଉରକେଲା ନଗର ନିଗମର କମିଶନର, ରାଉରକେଲା ସ୍ମାର୍ଟ ସିଟି ଲିମିଟେଡର ସିଇଓ ଏବଂ ରାଉରକେଲା ଉନ୍ନୟନ କର୍ତ୍ତୃପକ୍ଷର ସଚିବ ଭାବରେ ଅତିରିକ୍ତ ଦାୟିତ୍ୱରେ ରହିବାକୁ ଅନୁମତି ଦିଆଯାଇଛି।

କଟକ ମହାନଗର ନିଗମ (ସିଏମସି)ର କମିଶନର କିରଣଦୀପ କୌର ସହୋତାଙ୍କୁ ସିଡିଏ ଉପାଧ୍ୟକ୍ଷ ଭାବରେ ଅତିରିକ୍ତ ଦାୟିତ୍ୱରେ ରହିବାକୁ ଅନୁମତି ଦିଆଯାଇଛି।

ସେହିପରି, ସମ୍ବଲପୁର ମ୍ୟୁନିସିପାଲ୍ କର୍ପୋରେସନର କମିଶନର ଭାବରେ କାର୍ଯ୍ୟରତ ଆଇଏଏସ୍ (RR-2021) ରେହାନ ଖତ୍ରୀଙ୍କୁ ସମ୍ବଲପୁର ଉନ୍ନୟନ ପ୍ରାଧିକରଣର ଉପାଧ୍ୟକ୍ଷ ଭାବରେ ଅତିରିକ୍ତ ଦାୟିତ୍ୱରେ ରହିବାକୁ ଅନୁମତି ଦିଆଯାଇଛି।

ବର୍ତ୍ତମାନ ବ୍ରହ୍ମପୁର ମହାନଗର ନିଗମର କମିଶନର ଭାବରେ କାର୍ଯ୍ୟରତ ପ୍ରଥମେଶ ଅରବିନ୍ଦ ରାଜଶିର୍କେ ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷର ଉପାଧ୍ୟକ୍ଷର ଅତିରିକ୍ତ ଦାୟିତ୍ୱ ବହନ କରିବେ।

ଡ୍ୟାଶକ୍ୟାମ୍

ଲୁଟ୍ କରିବା ପାଇଁ ଗାଡ଼ି ଆଗରେ ପିଟି ହେଉଛନ୍ତି ଲୁଟେରା : କାର୍ ଆଗରେ ଲଗାନ୍ତୁ ଏହି ଗୋଟିଏ ଉପକରଣ , ଧନ ସହ ବଞ୍ଚିଯିବ ଜୀବନ

ଗାଡ଼ି କିଣିବା ପରେ ଅନେକ ଲୋକ କାରରେ ବିଭିନ୍ନ ପ୍ରକାରର ଉପକରଣ ଲଗାନ୍ତି । ସେହିଭଳି ଏକ ଉପକରଣ ହେଉଛି ଡ୍ୟାଶକ୍ୟାମ୍, ଯାହା ଆଜିକାଲି ସୁରକ୍ଷା ପାଇଁ ନିହାତି ଉପଯୋଗୀ 

କନକ ବ୍ୟୁରୋ : ଜୀବନରେ ଗୋଟିଏ ଗାଡ଼ି କିଣିବାର ସ୍ବପ୍ନ ପ୍ରାୟତଃ ସମସ୍ତଙ୍କର ଥାଏ । ଆଉ ଗାଡ଼ି କିଣିବା ପୂର୍ବରୁ ହିଁ କାରରେ କେଉଁ ପ୍ରକାରର ଉପକରଣ ଲଗାଇବେ ଏ କଥା ଉପରେ ଗୁରୁତ୍ବ ଦେଇଥା’ନ୍ତି ଚାଳକ । ଗାଡ଼ି କିଣିବା ପରେ ଅନେକ ଲୋକ କାରରେ ବିଭିନ୍ନ ପ୍ରକାରର ଉପକରଣ ଲଗାନ୍ତି । ସେହିଭଳି ଏକ ଉପକରଣ ହେଉଛି ଡ୍ୟାଶକ୍ୟାମ୍, ଯାହା ଆଜିକାଲି ସୁରକ୍ଷା ପାଇଁ ବହୁତ ଅଧିକ ପସନ୍ଦ କରାଯାଉଛି । ଯାହା ସୁରକ୍ଷା ଦୃଷ୍ଟିରୁ ବହୁତ ଭଲ । ତେବେ ଆସନ୍ତୁ ଜାଣିବା କ’ଣ ଏହି ଡ୍ୟାଶକ୍ୟାମ୍ ଏବଂ ଏହା କିଣିବା ପୂର୍ବରୁ କେଉଁ କଥା ଉପରେ ଗୁରୁତ୍ବ ଦିଆଯିବା ଦରକାର । 

ଡ୍ୟାଶକ୍ୟାମ୍ କ'ଣ ହୋଇଥାଏ ?

ଡ୍ୟାଶକାମ୍ ହେଉଛି ଏକ ପ୍ରକାରର କ୍ୟାମେରା, ଯାହାକୁ ଗାଡ଼ିର ଡ୍ୟାଶବୋର୍ଡ କିମ୍ବା ୱିଣ୍ଡଶିଲ୍ଡରେ ସହଜରେ ଲଗାଯାଇପାରିବ । ଗାଡ଼ିରେ ଯାତ୍ରା କରିବା ସମୟରେ ଏହାର ସାହାଯ୍ୟରେ ବାହାର ଭ୍ୟୁକୁ ରେକର୍ଡ କରାଯାଏ । ଯାହା ଦ୍ୱାରା କୌଣସି ଦୁର୍ଘଟଣା ସମୟରେ ଗାଡ଼ିରେ ବସିଥିବା ଲୋକଙ୍କୁ ବହୁତ ସାହାଯ୍ୟ ମିଳିଥାଏ ।

ଡ୍ୟାଶକ୍ୟାମ୍ କାହିଁକି ଲଗାଇବେ?

ଗାଡ଼ି କିଣିବା ପରେ ଲୋକମାନେ ଏହାକୁ ସୁରକ୍ଷିତ ରଖିବା ପାଇଁ ଅନେକ ପ୍ରକାରର ଉପକରଣ ଲଗାନ୍ତି । କିନ୍ତୁ ଗାଡ଼ି ଚଳାଇବା ସମୟରେ ଯଦି ଦୁର୍ଘଟଣା ଘଟିଯାଏ ତେବେ ନିଜକୁ ନିର୍ଦ୍ଦୋଷ ପ୍ରମାଣ କରିବା ବହୁତ କଷ୍ଟକର ହୋଇଯାଏ । ଏପରି ପରିସ୍ଥିତିରେ ବଜାରରେ ଡ୍ୟାଶକ୍ୟାମ୍ ମିଳିଥାଏ ଯାହାକୁ ଗାଡ଼ିରେ ସହଜରେ ଲଗାଯାଇପାରିବ ।

କିଣିବା ପୂର୍ବରୁ ଧ୍ୟାନ ଦିଅନ୍ତୁ :

ଯଦି ଆପଣ ମଧ୍ୟ ଆପଣଙ୍କ ଗାଡ଼ି ପାଇଁ ଡ୍ୟାଶକ୍ୟାମ୍ କିଣିବାକୁ ମନସ୍ଥ କରିଛନ୍ତି ତେବେ କିଛି କଥା ଜାଣି ରଖନ୍ତୁ । ବଜାରରେ ଅନେକ ପ୍ରକାରର ଡ୍ୟାଶକ୍ୟାମ୍ ମିଳିଥାଏ କିନ୍ତୁ ଭଲ କ୍ୱାଲିଟି ଏବଂ ଅଧିକ ବଡ଼ ବ୍ୟାଟେରୀ ସହିତ ଅଧିକ ଷ୍ଟୋରେଜ୍ କ୍ଷମତା ଥିବା ଡ୍ୟାଶକ୍ୟାମ୍ ବହୁତ ଉପଯୋଗୀ ହୋଇଥାଏ । ଭଲ କ୍ୱାଲିଟି ହେତୁ ରେକର୍ଡ କରାଯାଇଥିବା ଭିଡିଓରେ ଅନ୍ୟ ଗାଡ଼ିଗୁଡ଼ିକର ସୂଚନା ନେବା ବହୁତ ସହଜ ହୋଇଯାଏ । ଏହା ସହିତ ଅଧିକ ଷ୍ଟୋରେଜ୍ ଥିବା ହେତୁ ବହୁତ ପୁରୁଣା ଭିଡିଓ ମଧ୍ୟ ଦେଖିପାରିବେ ।

ଏହି କଥାଗୁଡ଼ିକ ଉପରେ ମଧ୍ୟ ଧ୍ୟାନ ଦିଅନ୍ତୁ :

ବଜାରରେ ଅନେକ ପ୍ରକାରର ଫିଚର୍ସ ସହିତ ଡ୍ୟାଶକ୍ୟାମ୍ ମିଳିଥାଏ କିନ୍ତୁ ୱାୟାରଲେସ୍ କନେକ୍ଟିଭିଟି, ଜିପିଏସ୍ ଏବଂ ଡିସପ୍ଲେ ସହିତ ଆସୁଥିବା ଡ୍ୟାଶକ୍ୟାମ୍ ବ୍ୟବହାର କରିବା ବହୁତ ଅଧିକ ସହଜ ହୋଇଥାଏ ।

ଏହାର ମୂଲ୍ୟ କେତେ ?

କ୍ୱାଲିଟି ଏବଂ ଫିଚର୍ସ ଅନୁସାରେ ଅନେକ କମ୍ପାନିଗୁଡ଼ିକ ତରଫରୁ ଡ୍ୟାଶକ୍ୟାମ୍ କିଣାଯାଇପାରିବ । ଅନଲାଇନ୍ ସହିତ ବଜାରରେ ଏହାର ମୂଲ୍ୟ ପ୍ରାୟ ତିନି ହଜାର ଟଙ୍କାରୁ ଆରମ୍ଭ ହୋଇଯାଏ । ଏହାପରେ ଫିଚର୍ସ ବଢ଼ିବା ସହିତ ମୂଲ୍ୟରେ ମଧ୍ୟ ବୃଦ୍ଧି ହୋଇଯାଏ ।

https://youtube.com/@coastalnewsodia?si=AB2TB8we6wtbHMXy

ଏକ୍ ପେଡ୍ ମା କେ ନାମ୍-୨.୦: ପ୍ରଧାନମନ୍ତ୍ରୀଙ୍କ ୭୫ତମ ଜନ୍ମଦିନରେ ଓଡିଶାରେ ଲାଗିବ ରେକର୍ଡ ସଂଖ୍ୟକ ୭୫ ଲକ୍ଷ ଗଛ

ଏକ୍ ପେଡ୍ ମା କେ ନାମ୍-୨.୦: ପ୍ରଧାନମନ୍ତ୍ରୀଙ୍କ ୭୫ତମ ଜନ୍ମଦିନରେ ଓଡିଶାରେ ଲାଗିବ ରେକର୍ଡ ସଂଖ୍ୟକ ୭୫ ଲକ୍ଷ ଗଛ

ଜିଲ୍ଲା ମାନଙ୍କରେ ଜଳବାୟୁ ଉପଯୋଗୀ ବୃକ୍ଷ ରୋପଣ ପାଇଁ ମୁଖ୍ୟମନ୍ତ୍ରୀଙ୍କ ପରାମର୍ଶ

ଏହା ହେବ ପ୍ରଧାନମନ୍ତ୍ରୀଙ୍କ ପ୍ରତି ଓଡିଶାବାସୀଙ୍କ ଉପହାର: ମୁଖ୍ୟମନ୍ତ୍ରୀ

ଭୁବନେଶ୍ୱର, ୩୧/୦୭: ଚଳିତ ବର୍ଷ ସେପ୍ଟେମ୍ବର ୧୭ ତାରିଖରେ ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଜୀ ୭୫ ବର୍ଷରେ ପ୍ରଦାର୍ପଣ କରିବାକୁ ଯାଉଛନ୍ତି। ଦେଶପ୍ରତି, ବିଶେଷକରି ଓଡିଶା ପ୍ରତି, ପ୍ରଧାନମନ୍ତ୍ରୀଙ୍କ ଅନେକ ଅବଦାନ ରହିଛି। ଗତ ବର୍ଷ ପ୍ରଧାନମନ୍ତ୍ରୀ ତାଙ୍କ ଜନ୍ମଦିନରେ ଓଡିଶା ଆସି ଆମର ମା ମାନଙ୍କ ସମ୍ମାନରେ ସୁଭଦ୍ରା ଯୋଜନା ଆରମ୍ଭ କରିଥିଲେ। ଓଡିଶାର ବିକାଶ ପ୍ରତି ପ୍ରଧାନମନ୍ତ୍ରୀଙ୍କ ପ୍ରତିବଦ୍ଧତା, ଓଡିଶାବାସୀଙ୍କ ପ୍ରତି ସଦିଚ୍ଛାର ସମ୍ମାନ ଜଣାଇ ଏକ୍ ପେଡ୍ ମା କେ ନାମ୍ ଅଭିଯାନରେ ସେପ୍ଟେମ୍ବର ୧୭ ତାରିଖରେ ଓଡିଶାରେ ଗୋଟିଏ ଦିନରେ ଲାଗିବ ୭୫ ଲକ୍ଷ ଗଛ। ଏହା ହେବ ପ୍ରଧାନମନ୍ତ୍ରୀଙ୍କ ପ୍ରତି ଓଡିଶାବାସୀଙ୍କ ଉପହାର।

ଆଜି ଲୋକସେବା ଭବନରେ ଏକ୍ ପେଡ୍ ମା କେ ନାମ୍ ଅଭିଯାନ ସମ୍ପର୍କରେ ଏକ ପ୍ରସ୍ତୁତି ବୈଠକରେ ଅଧ୍ୟକ୍ଷତା କରି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଏହି ଘୋଷଣା କରିଛନ୍ତି। ସୂଚନା ଯୋଗ୍ୟ ଯେ, ଗତବର୍ଷ ପ୍ରଧାନମନ୍ତ୍ରୀଙ୍କ ଦ୍ୱାରା ଏକ୍ ପେଡ ମା କେ ନାମ୍ ଅଭିଯାନ ଆରମ୍ଭ ହୋଇଥିଲା। ଚଳିତବର୍ଷ ଜୁନ୍ ୫ରୁ ସେପ୍ଟେମ୍ବର ୩୦ ତାରିଖ ପର୍ଯ୍ୟନ୍ତ ଏହାର ଦ୍ୱିତୀୟ ସଂସ୍କରଣ ଏକ ପେଡ୍ ମା କେ ନାମ୍ ୨.୦ ଚାଲିବ। ଦ୍ୱିତୀୟ ସଂସ୍କରଣର ଏହି କାର୍ଯ୍ୟକ୍ରମରେ ସର୍ବନିମ୍ନ ୭.୫ କୋଟି ଚାରା ରୋପଣ ପାଇଁ ରାଜ୍ୟ ସରକାର ଲକ୍ଷ୍ୟ ରଖିଛନ୍ତି।

ପ୍ରସ୍ତୁତି ବୈଠକରେ ମୁଖ୍ୟମନ୍ତ୍ରୀ କହିଥିଲେ ଯେ, ଏକ୍ ପେଡ୍ ମା କେ ନାମ୍ କାର୍ଯ୍ୟକ୍ରମ ଏକ ଜନଆନ୍ଦୋଳନରେ ପରିଣତ ହୋଇଛି। ଗତବର୍ଷ ଏହି କାର୍ଯ୍ୟକ୍ରମରେ ଓଡିଶା ତା’ର ଲକ୍ଷ୍ୟ ଅତିକ୍ରମ କରି ୬.୭୨ କୋଟି ଗଛ ଲଗାଇ ସାରା ଦେଶରେ ଚତୁର୍ଥ ସ୍ଥାନ ଅଧିକାର କରିଥିଲା। ଏ ବର୍ଷ ୭.୫ କୋଟି ଗଛ ଲଗାଇବାର ଲକ୍ଷ୍ୟ ରଖାଯାଇଛି ଏବଂ ତା ସହିତ କେବଳ ଗୋଟିଏ ଦିନରେ ୭୫ ଲକ୍ଷ ଗଛ ଲାଗିବ ବୋଲି ମୁଖ୍ୟମନ୍ତ୍ରୀ କହିଥିଲେ। ଏହା ଏକ ରେକର୍ଡ ହେବ ବୋଲି ସେ କହିଥିଲେ।

କାର୍ଯ୍ୟକ୍ରମକୁ ସଫଳ କରିବା ପାଇଁ ପରାମର୍ଶ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ ଜଙ୍ଗଲ ବିଭାଗ ଏବଂ କୃଷି ଓ କୃଷକସଶକ୍ତି କରଣ ବିଭାଗର ଏଥିରେ ପ୍ରମୁଖ ଦାୟିତ୍ୱ ରହିଥିଲେ ମଧ୍ୟ ଏହି ପ୍ରକ୍ରିୟାକୁ ଆହୁରି ବ୍ୟାପକ କରିବା ପାଇଁ ଏହି ଅଭିଯାନରେ ବିଭିନ୍ନ ସରକାରୀ ବିଭାଗ ସହିତ ପିଏସୟୁ, ଏନ୍.ଜି.ଓ ସଂସ୍ଥା, ବିଭିନ୍ନ ଯୁବସଂଘ, ସ୍ୱେଚ୍ଛାସେବୀ ଅନୁଷ୍ଠାନ ମାନଙ୍କୁ ଅଧିକରୁ ଅଧିକ ସାମିଲ କରାଯିବାର ଆବଶ୍ୟକତା ରହିଛି । ପଞ୍ଚାୟତ ପ୍ରତିଷ୍ଠାନ, ସ୍କୁଲ, କଲେଜ, ସ୍ୱୟଂ ସହାୟିକା ଗୋଷ୍ଠୀ ପ୍ରମୁଖଙ୍କର ଏଥିରେ ଗୁରୁତ୍ୱପୂର୍ଣ୍ଣ ଭୂମିକା ରହିବ ବୋଲି ମୁଖ୍ୟମନ୍ତ୍ରୀ କହିଥିଲେ। ଏଥିପାଇଁ ବ୍ୟାପକ ପ୍ରଚାର ପ୍ରସାର କାର୍ଯ୍ୟକ୍ରମ କରିବା ପାଇଁ ସୂଚନା ଓ ଲୋକ ସମ୍ପର୍କ ବିଭାଗକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ। ଏହି କାର୍ଯ୍ୟକ୍ରମର ପ୍ରଚାର ପ୍ରସାର ଅତ୍ୟନ୍ତ ପ୍ରଭାବୀ ଢଙ୍ଗରେ ହେବା ଉଚିତ। ପ୍ରଚାର ପ୍ରସାର କେବଳ ଏକ କାର୍ଯ୍ୟକ୍ରମର ନୁହେଁ, ଏହା ପରିବେଶ ସୁରକ୍ଷା ପାଇଁ ଏକ ଜନ ଆନ୍ଦୋଳନ ହେବା ଉଚିତ ବୋଲି ସେ ମତ ଦେଇଥିଲେ।

କେବଳ ଗଛ ଲଗାଇଦେଲେ ହେବ ନାହିଁ, ଏହି ଗଛକୁ କିଭଳି ଉତ୍ତମ ଭବିଷ୍ୟତ ମିଳିବ ତା’ର ମଧ୍ୟ ଦାୟିତ୍ୱ ନେବା ଆବଶ୍ୟକ ବୋଲି ମତ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ ବୃକ୍ଷ ରୋପଣ ପରେ ଏହାର ରକ୍ଷଣା ବେକ୍ଷଣ ଓ ଯତ୍ନ ପାଇଁ ପ୍ରତ୍ୟେକ ସରକାରୀ କର୍ମଚାରୀ ଏବଂ ଜନସାଧାରଣ ଦାୟିତ୍ୱବାନ ହେବା ଆବଶ୍ୟକ। ଗୋଷ୍ଠୀ-ଜଙ୍ଗଲ, ଗ୍ରାମ୍ୟ ଜଙ୍ଗଲ, ପଥପାର୍ଶ୍ଵ ଚାରା ରୋପଣ ଏବଂ ବ୍ୟକ୍ତିଗତ ବୃକ୍ଷ ରୋପଣ ପାଇଁ ନିମ୍ବ, କରଞ୍ଜ, ତେନ୍ତୁଳି, ଫାସୀ, ଅର୍ଜୁନ, ହରିଡା, ବାହାଡା, ପଣସ, ତାଳ, ପିଜୁଳୀ, କୃଷ୍ଣଚୁଡା, ପିପଳ, ବରବଛା, ଅଶୋକ, ଜାମୁ, କଦମ୍ବ, ଅଁଳା, ଦେବଦାରୁ, ସୁନାରୀ, କରଞ୍ଜ, ଚାକୁଣ୍ଡା ଇତ୍ୟାଦି ଗଛ ଚୟନ କରାଯାଇପାରିବ ବୋଲି ମୁଖ୍ୟମନ୍ତ୍ରୀ କହିଥିଲେ। ଏଥି ସହିତ ବୃକ୍ଷ ରୋପଣର ଫଟୋ ଓ ଡାଟା ମେରି ଲାଇଫ ପୋର୍ଟାଲରେ ଅପଲୋଡ କରାଯିବା ପାଇଁ ସେ କହିଥିଲେ। ବୃକ୍ଷରୋପଣ କାର୍ଯ୍ୟକ୍ରମରେ ଗ୍ରାମାଞ୍ଚଳରେ ପଞ୍ଚାୟତ ଅଧିକାରୀ ମାନେ ଏହି କାର୍ଯ୍ୟକୁ ତ୍ୱରାନ୍ୱିତ କରିବା ସହିତ ଏହାର ତଦାରଖ କରିବେ। ଭଲପ୍ରଦର୍ଶନ କ୍ଷେତ୍ରରେ ବ୍ୟକ୍ତିଗତ ଓ ଗୋଷ୍ଠୀଗତ ସ୍ତରରେ ପୁରସ୍କାର ବ୍ୟବସ୍ଥା କରାଯିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ। ଏଥିସହିତ ଯେଉଁ ଅଞ୍ଚଳରେ ଯେଉଁ ଫଳ ଭଲ ଉତ୍ପାଦନ ହେଉଛି ସେହିଭଳି ଚାରା ଲୋକମାନଙ୍କୁ ଯୋଗାଇ ଦେବାପାଇଁ ମୁଖ୍ୟମନ୍ତ୍ରୀ କହିଥିଲେ।

ବୈଠକରେ ମୁଖ୍ୟ ଶାସନ ସଚିବ ଶ୍ରୀ ମନୋଜ ଆହୁଜା, ଉନ୍ନୟନ କମିଶନର ଶ୍ରୀମତୀ ଅନୁ ଗର୍ଗ, ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ସତ୍ୟବ୍ରତ ସାହୁ, ସୂଚନା ଓ ଲୋକ ସମ୍ପର୍କ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ହେମନ୍ତ ଶର୍ମା, ମୁଖ୍ୟମନ୍ତ୍ରୀଙ୍କ ପ୍ରମୁଖ ଶାସନ ସଚିବ ଶ୍ରୀ ଶାଶ୍ୱତ ମିଶ୍ର, ପ୍ରଧାନମୁଖ୍ୟ ବନ ସଂରକ୍ଷକ ତଥା ଜଙ୍ଗଲ ବାହିନୀ ମୁଖ୍ୟ ଶ୍ରୀ ସୁରେଶ ପନ୍ଥ, ପ୍ରଧାନମୁଖ୍ୟ ବନ ସଂରକ୍ଷକ (ବନ୍ୟପ୍ରାଣୀ) ଶ୍ରୀ ପି.କେ ଝା, ମହିଳା ଓ ଶିଶୁ ବିକାଶ ବିଭାଗର ପ୍ରମୁଖ ଶାସନ ସଚିବ ଶ୍ରୀମତୀ ଶୁଭା ଶର୍ମା, ପଞ୍ଚାୟତି ରାଜ ଓ ପାନୀୟ ଜଳ ବିଭାଗର କମିଶନର ତଥା ଶାସନ ସଚିବ ଶ୍ରୀ ଏସ.ଏନ ଗିରିଶ, ବିଦ୍ୟାଳୟ ଓ ଗଣଶିକ୍ଷା ବିଭାଗର କମିଶନର ତଥା ଶାସନ ସଚିବ ଶ୍ରୀମତୀ ଶାଳିନୀ ପଣ୍ଡିତ, ସୂଚନା ଓ ଲୋକ ସମ୍ପର୍କ ବିଭାଗର ନିର୍ଦ୍ଦେଶକ ଶ୍ରୀ ଅନୁଜ ଦାସ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।

ଓଏଏସ ସ୍ୱାମୀଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଲେ ଇଞ୍ଜିନିୟର ପତ୍ନୀ

ଓଏଏସ ସ୍ୱାମୀଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଲେ ଇଞ୍ଜିନିୟର ପତ୍ନୀ

ମହିଳା ଥାନାରେ ଦେଲେ ଏତଲା

ଭୁବନେଶ୍ୱର, ୩୧/୦୭: ବର୍ତ୍ତମାନ OSDMAରେ କାର୍ଯ୍ୟରତ ଜଣେ OAS ଅଧିକାରୀଙ୍କ ବିରୁଦ୍ଧରେ ସାଂଘାତିକ ଅଭିଯୋଗ ଆଣିଛନ୍ତି ତାଙ୍କ ସ୍ତ୍ରୀ। ଡେପୁଟି ଜେନେରାଲ ମ୍ୟାନେଜର (DGM)ଙ୍କ ପତ୍ନୀ ତାଙ୍କ ଏବଂ ତାଙ୍କ ନବଜାତ ଶିଶୁ ପ୍ରତି ନିଷ୍ଠୁର ଏବଂ ଦାୟିତ୍ୱହୀନ ଆଚରଣର ଭଳି ସାଂଘାତିକ ଅଭିଯୋଗ ଆଣିଛନ୍ତି।

ସେ ମହିଳା ଥାନାରେ ନ୍ୟାୟ ମାଗିଛନ୍ତି ଏବଂ ତାଙ୍କ ସ୍ୱାମୀ ସାର୍ଥକ ସୌରଭ ମହାପାତ୍ର, ତାଙ୍କ ଶାଶୁ ଏବଂ ତାଙ୍କ ନଣନ୍ଦଙ୍କ ବିରୁଦ୍ଧରେ ଅଭିଯୋଗ କରିଛନ୍ତି। ଅଭିଯୋଗକାରୀ ହେଉଛନ୍ତି ଅର୍ଚ୍ଚନା ଦାଶ। ସେ ଏବେ ଓଡ଼ିଶା ସରକାରଙ୍କ ପଞ୍ଚାୟତିରାଜ ଏବଂ ପାନୀୟ ଜଳ ବିଭାଗରେ ସହକାରୀ ନିର୍ବାହୀ ଯନ୍ତ୍ରୀ ଭାବରେ କାର୍ଯ୍ୟ କରୁଛନ୍ତି। ତାଙ୍କ ସ୍ୱାମୀଙ୍କ ବିରୁଦ୍ଧରେ ତାଙ୍କୁ ଏବଂ ତାଙ୍କ ନବଜାତ ଶିଶୁକୁ ଅବହେଳା ଓ ମାନସିକ ନିର୍ଯାତନା ଦେଉଥିବା ଅଭିଯୋଗ ଆଣିଛନ୍ତି।

ଅଭିଯୋଗ ଅନୁଯାୟୀ, ଦୁହେଁ ସେମାନଙ୍କ ପରିବାର ସଦସ୍ୟଙ୍କ ସମ୍ମତିରେ ବିବାହ କରିଥିଲେ। କିନ୍ତୁ ବିବାହର କିଛି ମାସ ପରେ, ତାଙ୍କ ଶ୍ୱଶୁର ଘର ଲୋକଙ୍କ ଦ୍ୱାରା ତାଙ୍କୁ ନିର୍ଯାତନାର ଶିକାର ହେବାକୁ ପଡିଥିଲା। ତାଙ୍କ ସ୍ୱାମୀ ତାଙ୍କ ପ୍ରସବ ପରେ ତାଙ୍କୁ ଏବଂ ସେମାନଙ୍କ ନବଜାତ ଶିଶୁକୁ ଡାକ୍ତରଖାନାରେ ଛାଡି ପଳାଇ ଥିଲେ। ତାଙ୍କ ପିଲାଟି ୩ ମାସର ହୋଇଥିଲେ ମଧ୍ୟ ମହାପାତ୍ର ସେମାନଙ୍କୁ ଭେଟି ନାହାଁନ୍ତି କିମ୍ବା ଯୋଗାଯୋଗ କରିନାହାଁନ୍ତି ଏବଂ ତେଣୁ ସେ ମହିଳା ଥାନାରେ ଅଭିଯୋଗ କରିଛନ୍ତି।

ଭାରତ ଉପରେ ୨୫% ଟାରିଫ, ସଙ୍କଟରେ ୮୭ ବିଲିଅନ ଡଲାର ରପ୍ତାନୀ

ଭାରତ ଉପରେ ୨୫% ଟାରିଫ, ସଙ୍କଟରେ ୮୭ ବିଲିଅନ ଡଲାର ରପ୍ତାନୀ

ରୁଷ ସହ ସମ୍ପର୍କ ଥିବାରୁ ଭାରତକୁ ଅତିରିକ୍ତ ଜରିମାନା

ସବୁଠୁ ଉପରେ ରାଷ୍ଟ୍ରୀୟ ସ୍ବାର୍ଥ: ଭାରତର ପ୍ରତିକ୍ରିୟା

ନୂଆଦିଲ୍ଲୀ, ୩୧/୦୭: ଭାରତ ଉପରେ ଦାଉ ସାଧିଲେ ଟ୍ରମ୍ପ। ରୁଷ ସହିତ ବାଣିଜ୍ୟ କରୁଥିବାରୁ ଭାରତକୁ ଦେବାକୁ ପଡିବ ଦେୟ। ଭାରତ ଉପରେ ୨୫ ପ୍ରତିଶତ ଟାରିଫ ଲଗାଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଭାରତରୁ ଆମେରିକାକୁ ରପ୍ତାନୀ ହେଉଥିବା ୮୭ ବିଲିଅନ ଡଲାର ମୂଲ୍ୟର ଦ୍ରବ୍ୟ ଏବେ ପ୍ରଭାବିତ ହେବ। ଟ୍ରମ୍ପ ବୁଧବାର ଏହି ବର୍ଦ୍ଧିତ ଟାରିଫ ଘୋଷଣା କରିଥିବା ବେଳେ ଆସନ୍ତା ଅଗଷ୍ଟ ୧ ତାରିଖରୁ ଲାଗୁ ହେବ। ଯାହା ଫଳରେ ଭାରତ ଅତ୍ୟନ୍ତ ପ୍ରଭାବିତ ହେବ।

ଟ୍ରମ୍ପ ସୋସିଆଲ ମିଡ଼ିଆ ସାଇଟ୍ ଟ୍ରୁଥରେ କହିଛନ୍ତି, ଭାରତ ଆମେରିକାର ଏକ ଭଲ ବନ୍ଧୁ। କିନ୍ତୁ ଭାରତ ସବୁବେଳେ ଚଢା ଶୁଳ୍କ ଲାଗୁ କରୁଛି। ଯାହା ଫଳରେ ଆମେରିକା ଭାରତ ସହିତ କମ୍ ବ୍ୟବହାର କରୁଛି। ସେହିପରି ରୁଷ ଏବେ ୟୁକ୍ରେନ ଉପରେ ଯୁଦ୍ଧ କରୁଥିବାରୁ ରୁଷକୁ କୋଣଠେସା କରିବାକୁ ଚାହୁଁଛି ବିଶ୍ୱ। କିନ୍ତୁ ଭାରତ ରୁଷ ସହିତ ବ୍ୟବସାୟିକ ସମ୍ପର୍କ ରଖୁଥିବାରୁ ତାହା ହୋଇ ପାରୁନାହିଁ। ଯେଉଁଥିପାଇଁ ଯୁଦ୍ଧ ପାଇଁ ପାଣ୍ଠି ପାଉଛି ରୁଷ। ଯାହାର ପରିଣାମ ଏବେ ଭାରତକୁ ଭୋଜିକୁ ପଡ଼ିବ। ଏବଂ ଅତିରିକ୍ତ ଜରିମାନା ଦେବାକୀ ପଡ଼ିବ ବୋଲି ଟ୍ରମ୍ପ କହିଥିଲେ।

ଅନ୍ୟପଟେ ଭାରତ ଉପରେ ଟାରିଫ ବୃଦ୍ଧି ଦ୍ୱାରା ଘୋର‌ ସଙ୍କଟରେ ପଡ଼ିଯାଇଛି ଭାରତର ଶିଳ୍ପାୟନ। ଏହି ଶୁଳ୍କ ବୃଦ୍ଧି ତାଲିକାରେ ରହିଛି ଅଟୋ ମୋବାଇଲ, ଅଟୋ ଯନ୍ତ୍ରାଂଶ, ଷ୍ଟିଲ, ଆଲୁମିନିୟମ, ସ୍ମାର୍ଟ ଫୋନ, ସୋଲାର ମଡ୍ୟୁଲ, ସାମୁଦ୍ରିକ ଉତ୍ପାଦ, ରତ୍ନ ପଥର, ଗହଣା ଏବଂ ପ୍ରକ୍ରିୟାକରଣ ଖାଦ୍ୟ ଓ କୃଷି ଦ୍ରବ୍ୟ। ଯଦିଓ ଏଥିରୁ ଔଷଧ, ସେମି କଣ୍ଡକ୍ଟର ଏବଂ ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ ବାଦ୍ ପଡିଛି।

ଏ ନେଇ ପ୍ରତିକ୍ରିୟା ରଖିଛି ଭାରତ। ଭାରତ କହିଛି ଯେ, ରାଷ୍ଟ୍ରୀୟ ସ୍ୱାର୍ଥକୁ ଦୃଷ୍ଟିରେ ରଖି ଯାହା ଆବଶ୍ୟକ ପଦକ୍ଷେପ ନେବାକୁ ପଡ଼ିବ ଆମେ ତାହା ନେବୁ। ସରକାର ଏହାକୁ ଗୁରୁତ୍ୱ ଦେଇଛନ୍ତି ଏବଂ ଏହାକୁ ନେଇ ଅନୁଧ୍ୟାନ କରୁଛନ୍ତି। ଦେଶର ଚାଷୀ, ଉଦ୍ୟୋଗୀ ଓ ଏମଏସଏମଇଙ୍କ ସ୍ୱାର୍ଥକୁ ସୁରକ୍ଷା ଦେବା ପାଇଁ ସରକାର ନିର୍ଦ୍ଦିଷ୍ଟ ପଦକ୍ଷେପ ନେବେ ବୋଲି ସରକାର କହିଛନ୍ତି।

ଓ ଟି ଇ ଟି OTET ପ୍ରଶ୍ନପତ୍ର ଲିକ୍: ୬ ଗିରଫ

ଓ ଟି ଇ ଟି OTET ପ୍ରଶ୍ନପତ୍ର ଲିକ୍: ୬ ଗିରଫ

ଗିରଫଦାରୀ ନେଇ ସୂଚନା ଦେଲେ କ୍ରାଇମବ୍ରାଞ୍ଚ ଡିଜି

ଭୁବନେଶ୍ୱର, ୩୦/୦୭: ମାଧ୍ୟମିକ ଶିକ୍ଷା ପରିଷଦ (BSE), ଓଡିଶା ଆନୁକୁଲ୍ଯରେ ଆୟୋଜିତ ହେବାକୁ ଥିବା OTET-2025 ପରୀକ୍ଷାର ପ୍ରଶ୍ନପତ୍ର ଲିକ୍ ଘଟଣାର ପର୍ଦ୍ଦାଫାସ କରିଛି କ୍ରାଇମବ୍ରାଞ୍ଚ, । ଏହି ଘଟଣାରେ ସମ୍ପୃକ୍ତ ଥିବା ଛଅ ଜଣ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ଗିରଫ କରିଛି ବୋଲି ଏକ ସାମ୍ବାଦିକ ସମ୍ମିଳନୀରେ ଡିଜିପି, କ୍ରାଇମବ୍ରାଞ୍ଚ, ଶ୍ରୀ ବିନୟତୋଷ ମିଶ୍ର ସୂଚନା ଦେଇଛନ୍ତି।

ଗିରଫ ଅଭିଯୁକ୍ତ ମାନେ ହେଉଛନ୍ତି ମାଧ୍ଯମିକ ଶିକ୍ଷା ପରିଷଦର ଡାଟା ଏଣ୍ଟ୍ରି ଅପରେଟର (୧) ଜିତନ ମହାରଣା ,କଛାପଡା, ସିମୁଳିଆ, ବାଲେଶ୍ଵର (୨) ବିଜୟ କୁମାର ମିଶ୍ର, ରାଜ୍ୟ ପୂର୍ବତନ କ୍ୟାଡର ଶିକ୍ଷକ ସଂଘର କାର୍ଯ୍ୟକାରୀ ସଭାପତି, କୋମାସାହି, ଆମ୍ବୋଡିଆ, ରାୟଗଡା (୩) ସନାତନ ବିଶୋୟୀ, କୋରାପୁଟ ଜିଲ୍ଲା ପୂର୍ବତନ କ୍ୟାଡର ଶିକ୍ଷକ ସଂଘର ସଭାପତି, ସାଗରଗୁଡା, କୁନ୍ଦ୍ରା, କୋରାପୁଟ, (୪) ରାମଜୀ ପ୍ରସାଦ ଗୁପ୍ତା, ନାରାୟଣ ଲେନ, ଗୁପ୍ତା ନିବାସ, ବାଦାମବାଡି, କଟକ (୫) ଅଜୟ କୁମାର ସାହୁ, ଲିଙ୍ଗିପାଲି କେଶବନଗର (ପଞ୍ଚମ ଲେନ), ବିଦ୍ୟାଧରପୁର, ଗଞ୍ଜାମ (୬) ଜୟନ୍ତ କୁମାର ରାଉତ, ଜୁକାନନ୍ଦୀ, ରୂପସା, ବାଲେଶ୍ଵର ।

ପୋଲିସ ସେମାନଙ୍କ ନିକଟରୁ ମୋବାଇଲ୍ ଫୋନ୍ ଏବଂ ଲିକ୍ ହୋଇଥିବା ପ୍ରଶ୍ନପତ୍ର ସମେତ ଇଲେକ୍ଟ୍ରୋନିକ୍ ଗ୍ୟାଜେଟ୍ ଜବତ କରାଯାଇଛି। ଏହା ସହ ଅଭିଯୁକ୍ତ ଜିତନ୍ ମହାରଣାଙ୍କ ଆକାଉଣ୍ଟକୁ ୨,୫୦,୦୦୦ ଟଙ୍କା ଫୋନ ପେ ମାଧ୍ୟମରେ ଆର୍ଥିକ କାରବାର ହୋଇଥିବା ସଂକ୍ରାନ୍ତରେ କ୍ରାଇମବ୍ରାଞ୍ଚର ପ୍ରାଥମିକ ତଦନ୍ତରୁ ଜଣାପଡିଛି । ସମସ୍ତ ଅଭିଯୁକ୍ତଙ୍କ ଆକାଉଣ୍ଟ ବର୍ତ୍ତମାନ ଯାଞ୍ଚ କରାଯାଉଛି ଏବଂ ତଦନ୍ତ ଜାରି ରହିଛି।

ଏହି ମାମଲାରେ ସମ୍ପୃକ୍ତ ଥିବା ଅନ୍ୟ ଅଭିଯୁକ୍ତଙ୍କୁ ଗିରଫ କରିବା ପାଇଁ ଅଧିକ ତଦନ୍ତ ଜାରି ରହିଛି ବୋଲି DGP ଶ୍ରୀ ମିଶ୍ର ଗଣମାଧ୍ୟମକୁ ସୂଚନା ଦେଇଛନ୍ତି।

ଡିଜିପି, କ୍ରାଇମବ୍ରାଞ୍ଚଙ୍କ ସୂଚନା ଅନୁଯାୟୀ, ସାରା ରାଜ୍ୟର ବିଭିନ୍ନ ପରୀକ୍ଷା କେନ୍ଦ୍ରରେ ଗତ ୨୦ ଜୁଲାଇରେ OTET ପରୀକ୍ଷା ଅନୁଷ୍ଠିତ ହେବାର ଥିଲା। ୧୯ ଜୁଲାଇ ୨୦୨୫ ରାତି ପ୍ରାୟ ୧୦.୪୫ ସମୟରେ କିଛି ହାତଲେଖା ପ୍ରଶ୍ନପତ୍ର ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେବାର ଦେଖିବାକୁ ମିଳିଥିଲା। ଏହା ଜାଣିବା ପରେ ମାଧ୍ୟମିକ ଶିକ୍ଷା ପରିଷଦ Establishment Officer ଶ୍ରୀମତୀ ବୁଲବୁଲ ବେହେରା, ଅଭିଯୋଗ ଦାଖଲ କରିଥିଲେ। ମାମଲାଟି ଅତ୍ୟନ୍ତ ସମ୍ବେଦନଶୀଳ ଥିବାରୁ କ୍ରାଇମବ୍ରାଞ୍ଚକୁ ତଦନ୍ତ ଦାୟିତ୍ଵ ଦିଆଯାଇଥିଲା। ଡିଆଇଜି, କ୍ରାଇମବ୍ରାଞ୍ଚ, ବି. ଗଙ୍ଗାଧରଙ୍କ ନେତୃତ୍ବରେ ଏକ ସ୍ଵତନ୍ତ୍ର ଟିମ ଗଠନ କରାଯାଇ ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ଗିରଫ କରିବାକୁ ଚଢଉ ଆରମ୍ଭ ହୋଇଥିଲା।

କ୍ରାଇମବ୍ରାଞ୍ଚ ପକ୍ଷରୁ ତଦନ୍ତ ସମୟରେ BSE ଅଫିସରେ ଡାଟା ଏଣ୍ଟ୍ରି ଅପରେଟର ଭାବେ ଚାକିରି କରୁଥିବା ଜିତନ ମହାରଣା BSE ଉପାଧ୍ୟକ୍ଷଙ୍କ ଲାପଟପରୁ ବେଆଇନ ଭାବରେ ପ୍ରଶ୍ନପତ୍ର ହାସଲ କରିଥିବା ଜାଣିବାକୁ ମିଳିଥିଲା। ପରବର୍ତ୍ତୀ ସମୟରେ ଜିତନ ଏହି ପ୍ରଶ୍ନପତ୍ର ଗୁଡ଼ିକୁ ବିଜୟ କୁମାର ମିଶ୍ର, ସନାତନ ବିଶୋୟୀ ଏବଂ ଅନ୍ୟମାନଙ୍କ ନିକଟକୁ ପଠାଇ ବିକ୍ରି କରିଥିଲେ।

ଏଠାରେ ଉଲ୍ଲେଖଯୋଗ୍ୟ ଯେ, ଚାକିରୀରେ ନିୟମିତତା ଏବଂ ଦରମା ବୃଦ୍ଧି ଭଳି ସୁବିଧା ପାଇଁ ଯୋଗ୍ୟତା ହାସଲ କରିବାକୁ ଚାହୁଁଥିବା ଶିକ୍ଷକମାନଙ୍କୁ ଅଭିଯୁକ୍ତମାନେ ଟାର୍ଗେଟ କରିଥିଲେ।

ଏହି ସାମ୍ବାଦିକ ସମ୍ମିଳନୀରେ ଡିଆଇଜି (କ୍ରାଇମବ୍ରାଞ୍ଚ) ଶ୍ରୀ ବାତୁଳା ଗଙ୍ଗାଧର ଉପସ୍ଥିତ ଥିଲେ।

ବିଭିନ୍ନ ଶ୍ରମ ଆଇନ ଉପରେ ସହକାରୀ ଶ୍ରମ ଅଧିକାରୀ ମାନଙ୍କୁ ୩ ଦିନିଆ ତାଲିମ କାର୍ଯକ୍ରମ ଉଦ୍ଘାଟିତ

ବିଭିନ୍ନ ଶ୍ରମ ଆଇନ ଉପରେ ସହକାରୀ ଶ୍ରମ ଅଧିକାରୀ ମାନଙ୍କୁ ୩ ଦିନିଆ ତାଲିମ କାର୍ଯକ୍ରମ ଉଦ୍ଘାଟିତ

ଯୋଗ ଦେଲେ ୪୦ ସହକାରୀ ଶ୍ରମ ଅଧିକାରୀ

ଭୁବନେଶ୍ୱର, ୨୯/୦୭: ରାଜ୍ୟ ଶ୍ରମ ବିଭାଗ ଦ୍ୱାରା ବିଭିନ୍ନ ଶ୍ରମ ଆଇନ ଉପରେ ସହକାରୀ ଶ୍ରମ ଅଧିକାରୀ ମାନଙ୍କୁ ଏକ ୩ ଦିନିଆ ତାଲିମ କାର୍ଯକ୍ରମ ରାଜ୍ୟ ଶ୍ରମ ସଂସ୍ଥାନର ସମ୍ମିଳନୀ କକ୍ଷରେ ଉଦ୍ଘାଟିତ ହୋଇଯାଇଛି।

ଏହି ତାଲିମ କାର୍ଯକ୍ରମକୁ ଶ୍ରମ ଆୟୁକ୍ତ ଶ୍ରୀ ଇନ୍ଦ୍ରମଣୀ ତ୍ରିପାଠୀ, ଆଇ.ଏ.ଏସ. ଉଦଘାଟନ କରିଥିଲେ । ଶ୍ରମ ବିଭାଗର ଅତିରିକ୍ତ ଶାସନ ସଚିବ ତଥା ନିର୍ଦେଶକ, ରାଜ୍ୟ ଶ୍ରମ ସଂସ୍ଥାନ ଶ୍ରୀ ନୀତି ରଞ୍ଜନ ଶେନ ଉଦ୍ଘାଟନୀ କାର୍ଯକ୍ରମକୁ ସଂଚାଳନା କରିଥିଲେ । ଅନ୍ୟାନ୍ୟ ଅତିଥି ଭାବେ ଶ୍ରୀ ନରେଶ ଚନ୍ଦ୍ର ସାହୁ, ପୂର୍ବତନ ଯୁଗ୍ମ ଶ୍ରମ ଆୟୁକ୍ତ ଯୋଗଦାନ କରିଥିଲେ । ଶ୍ରୀ ବିଘ୍ନଜିତ ମହନ୍ତ ମହାପାତ୍ର, ଯୁଗ୍ମ ଶ୍ରମ ଆୟୁକ୍ତ ଧନ୍ୟବାଦ ଅର୍ପଣ କରିଥିଲେ ।

ପୁଣି ଖୋଲିବ ସୁଭଦ୍ରା ପୋର୍ଟାଲ ୨୧ ବର୍ଷ ହୋଇଥିବା ମହିଳାମାନେ ଏଥର ଆବେଦନ କରିପାରିବେ

ପୁଣି ଖୋଲିବ ସୁଭଦ୍ରା ପୋର୍ଟାଲ

ଆବେଦନ କରିବେ ହିତାଧିକାରୀ: ଉପମୁଖ୍ୟମନ୍ତ୍ରୀ

ଭୁବନେଶ୍ୱର, ୩୦/୦୭: ପୁଣି ଖୋଲିବ ସୁଭଦ୍ରା ପୋର୍ଟାଲ। ଆବେଦନ କରି ପାରିବେ ବାଦ ପଡିଥିବା ମହିଳା ହିତାଧୀକାରୀ। ୨୧ ବର୍ଷ ହୋଇଥିବା ମହିଳାମାନେ ଏଥର ଆବେଦନ କରିପାରିବେ ବୋଲି ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା।

ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା କହିଛନ୍ତି, ଅଗଷ୍ଟ ୯ରେ ମିଳିବ ସୁଭଦ୍ରା ଯୋଜନାର ତୃତୀୟ କିସ୍ତି ଟଙ୍କା ଏହା ପରେ ପୋର୍ଟାଲ ଖୋଲିବ। ୯୩ ହଜାର ମହିଳାଙ୍କୁ ୬୦ ବର୍ଷ ହେଲାଣି। ୬୦ ବର୍ଷ ପୂରୁଥିବାରୁ ଭତ୍ତା ପାଇବା ପାଇଁ ସେମାନଙ୍କ ନାଁ ପଠାଯାଇଛି। ତେଣୁ ବାଦ ପଡିଥିବା ୨ ଲକ୍ଷ ମହିଳା ହିତାଧୀକାରୀ ଏଥିରେ ଯୋଡ଼ି ହେବେ।

https://youtube.com/@coastalnewsodia?si=AB2TB8we6wtbHMXy

ପୁରାତନ ମନ୍ଦିର ଗୁଡିକର ଉନ୍ନତିକରଣ ଓ ସଂରକ୍ଷଣ ନେଇ ସମୀକ୍ଷା ବୈଠକ

ଶୃଙ୍ଖଳିତ ରୀତିନୀତି, ପୁରାତନ ମନ୍ଦିର ଗୁଡିକର ଉନ୍ନତିକରଣ ଓ ସଂରକ୍ଷଣ ନେଇ ସମୀକ୍ଷା ବୈଠକ

ରାଜ୍ୟରେ ସର୍ବୋତ୍ତମ ମନ୍ଦିର ପରିଚାଳନା ନେଇ ଆସିବ ମାର୍ଗଦର୍ଶିକା: ପୃଥ୍ୱୀରାଜ ହରିଚନ୍ଦନ

ଭୁବନେଶ୍ୱର, ୩୦/୦୭: ରାଜ୍ୟରେ ଥିବା ପୁରାତନ ମନ୍ଦିର ଗୁଡିକର ଶୃଙ୍ଖଳିତ ରୀତିନୀତି ଓ ପରିଚାଳନା ନେଇ ସର୍ବୋତ୍ତମ ନୀତି ଆସିବ I ଏଥି ସହିତ ମନ୍ଦିରର ଉନ୍ନତିକରଣ ଓ ସଂରକ୍ଷଣକୁ ମଧ୍ୟ ଗୁରୁତ୍ୱ ଦିଆଯିବ I ଏଥିଲାଗି ଅନ୍ୟ ରାଜ୍ୟ ଯଥା ଉତ୍ତରପ୍ରଦେଶ, ଉତ୍ତରାଖଣ୍ଡ, ଆନ୍ଧ୍ରପ୍ରଦେଶ ଏବଂ ତାମିଲନାଡୁ ଭଳି ପ୍ରମୁଖ ରାଜ୍ୟ ଗୁଡିକରେ ମନ୍ଦିର ପରିଚାଳନାକୁ ଅନୁଧ୍ୟାନ କରାଯାଇ ଓଡିଶା ଲାଗି ସର୍ବୋତ୍ତମ ନୀତି ପ୍ରଣୟନ କରାଯିବ ବୋଲି ଆଇନ, ପୂର୍ତ୍ତ ଓ ଅବକାରୀ ବିଭାଗ ମନ୍ତ୍ରୀ ଶ୍ରୀ ପୃଥ୍ୱୀରାଜ ହରିଚନ୍ଦନ ମତବ୍ୟକ୍ତ କରିଛନ୍ତି I

ଆଜି ଆଇନ ବିଭାଗ ସମ୍ମିଳନୀ କକ୍ଷରେ ଅନୁଷ୍ଠିତ ବୈଠକରେ ମନ୍ତ୍ରୀ ଶ୍ରୀ ହରିଚନ୍ଦନ ଅଧ୍ୟକ୍ଷତା କରି କହିଲେଯେ ଦେବୋତ୍ତର ବିଭାଗର ଅଧିକାରୀମାନେ ବିଭିନ୍ନ ଅଂଚଳ ଗସ୍ତକରି ରାଜ୍ୟରେ ଥିବା ପୁରାତନ ମନ୍ଦିର ସ୍ଥିତି ସମ୍ପର୍କରେ ତଥ୍ୟ ହାସଲ କରିବାକୁ ପଡିବ I ଯାହାକୁ ଆଧାର କରି ମନ୍ଦିରର ଶୃଙ୍ଖଳିତ ରୀତି ନୀତି ସହ ଖରାପ ଅବସ୍ଥାରେ ଥିବା ମନ୍ଦିର ଗୁଡିକର ମରାମତି ଓ ସଂରକ୍ଷଣ ସମ୍ଭବ ହୋଇ ପାରିବ I

ସେହିଭଳି ସାଧାରଣ ଲୋକଙ୍କ ଲାଗି ଆବଶ୍ୟକ ସମସ୍ତ ତଥ୍ୟ ଉପଲବ୍ଧ ହେବା ଭଳି ଦେବୋତ୍ତର କମିଶନରଙ୍କ ୱେବସାଇଟର ଆଧୁନିକୀକରଣ, ଦେବୋତ୍ତର ତଥା ବ୍ୟକ୍ତିଗତ ମାଲିକାନାରେ ଥିବା ମନ୍ଦିର ଗୁଡିକର ସଠିକ ନୀତିକାନ୍ତି, ପର୍ବପର୍ବାଣୀ ଆୟୋଜନ, ମନ୍ଦିର ପରିଚାଳନା ପାଇଁ ସ୍ୱତନ୍ତ୍ର ଅନୁଦାନ, ସତ୍ଵଲିପି ଅନୁଯାଇ ସେବାପୂଜା ଅଧିକାର, ଟ୍ରଷ୍ଟ ବୋର୍ଡର ଦାୟିତ୍ୱ ଓ କର୍ତ୍ତବ୍ୟ, OHRE Act 1951 ର ପ୍ରାବଧାନ ଅନୁସାରେ ହିନ୍ଦୁ ଧାର୍ମିକ ଅନୁଷ୍ଠାନ ଗୁଡିକର ସୁପରିଚାଳନା, ଦେବୋତ୍ତର ନିରୀକ୍ଷକଙ୍କ ଦାୟିତ୍ୱ ଏବଂ ସରକାରୀ କାର୍ଯ୍ୟକୁ ତ୍ୱରିତ ଢଙ୍ଗରେ ଆଗେଇ ନେବା ପାଇଁ ନୂତନ ନିଯୁକ୍ତି ନେଇ ବୈଠକରେ ଆଲୋଚନା ହୋଇଥିଲା I

ସବୁ ଧାର୍ମିକ ଅନୁଷ୍ଠାନ ଉନ୍ନତି ପାଇଁ ମାନ୍ୟବର ମୁଖ୍ୟମନ୍ତ୍ରୀ ଓ ରାଜ୍ୟ ସରକାର ଯେଉଁ ଲକ୍ଷ୍ୟ ରଖିଛନ୍ତି ତାହାକୁ କାର୍ଯ୍ୟକାରୀ କରିବା ପାଇଁ ସମସ୍ତଙ୍କୁ ଏକାଠି ହୋଇ କାର୍ଯ୍ୟ କରିବାକୁ ପଡିବ ବୋଲି ମନ୍ତ୍ରୀ ଶ୍ରୀ ହରିଚନ୍ଦନ ବିଭାଗୀୟ ଅଧକାରୀ ମାନଙ୍କୁ ପରାମର୍ଶ ଦେଇଥିଲେ I ବୈଠକରେ ଆଇନ ବିଭାଗ ପ୍ରମୁଖ ଶାସନ ସଚିବ ଶ୍ରୀ ମାନସ ରଞ୍ଜନ ବାରିକ, ଦେବୋତ୍ତର କମିଶନର ଶ୍ରୀ ଲଲାଟେନ୍ଦୁ ଜେନା, ସ୍ୱତନ୍ତ୍ର ଶାସନ ସଚିବ ଶ୍ରୀ ପ୍ରଣବ କୁମାର ପାତ୍ର, ଅତିରିକ୍ତ ଶାସନ ସଚିବ ଶ୍ରୀ ଶିବ ପ୍ରସାଦ ମହାପାତ୍ର ଓ ଶ୍ରୀ ଭଗବାନ ପ୍ରସାଦ ସାହୁଙ୍କ ସମେତ ଦେବୋତ୍ତର ବିଭାଗର ଅଧିକାରୀ ମାନେ ଉପସ୍ଥିତ ଥିଲେ I

https://youtube.com/@coastalnewsodia?si=AB2TB8we6wtbHMXy

ଅନ୍ତରୀକ୍ଷ ମିଶନ ‘NISAR’ ସଫଳ ଉତକ୍ଷେପଣ

ଅନ୍ତରୀକ୍ଷ ମିଶନ ‘NISAR’ ସଫଳ ଉତକ୍ଷେପଣ

ବିଶ୍ୱର ସବୁଠୁ ମହଙ୍ଗା ସାଟେଲାଇଟ। ପୃଥିବୀ ଉପରେ ରଖିବ ଟିକିନିଖି ନଜର।

ଜାଣନ୍ତୁ ସମଗ୍ର ବିଶ୍ୱ ପାଇଁ କାହିଁକି ଗୁରୁତ୍ୱପୂର୍ଣ୍ଣ ଏହି ସାଟେଲାଇଟ

ନୂଆଦିଲ୍ଲୀ, ୩୦/୦୭: ମହାକାଶ କ୍ଷେତ୍ରରେ ଇତିହାସ ରଚିଲା ଭାରତ। ମାଇଲଖୁଣ୍ଟ ଅତିକ୍ରମ କଲା ଇସ୍ରୋ। ବୁଧବାର ଶ୍ରୀହରିକୋଟାର ସତୀଶ ଧାୱନ ମହାକାଶ କେନ୍ଦ୍ରରୁ ନାସା-ଇସ୍ରୋ ସିନ୍ଥେଟିକ୍ ଆପର୍ଚର ରାଡାର (ନିସାର) ସାଟେଲାଇଟର ସଫଳ ଉତକ୍ଷେପଣ ହୋଇଛି।

୨୩୯୩ କିଲୋଗ୍ରାମ ଓଜନର ଏହି ସାଟେଲାଇଟ ଭାରତୀୟ ସମୟ ଅନୁସାରେ ସନ୍ଧ୍ୟା ୫:୪୦ ରେ ଇସ୍ରୋର ଜିଓସିଙ୍କ୍ରୋନାସ୍ ସାଟେଲାଇଟ୍ ଲଞ୍ଚ ଯାନ (GSLV) ଯୋଗେ ମହାକାଶକୁ ଉତକ୍ଷେପଣ ହୋଇଛି।

ନିସାର ମିଶନ, ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ଏବଂ ଯୁକ୍ତରାଷ୍ଟ୍ରର ନ୍ୟାସନାଲ ଏରୋନଟିକ୍ସ ଆଣ୍ଡ ସ୍ପେସ ଆଡମିନିଷ୍ଟ୍ରେସନ୍ (ନାସା) ର ଏହା ମିଳିତ ପ୍ରକଳ୍ପ। ଏଥିରେ ୧୦ ହଜାର କୋଟି ଖର୍ଚ୍ଚ ହୋଇଛି। ଏହି ସାଟେଲାଇଟ କେବଳ ଭାରତ ନୁହେଁ, ବରଂ ସାରା ବିଶ୍ୱରେ ଜଳବାୟୁ ମନିଟରିଂ ଏବଂ ବିପର୍ଯ୍ୟୟ ପୂର୍ବରୁ ଆଗୁଆ ସୂଚନା ଦେବ।

ନିସାର ହେଉଛି ବିଶ୍ୱର ପ୍ରଥମ ପୃଥିବୀ-ମ୍ୟାପିଂ ସାଟେଲାଇଟ୍ ଯାହା ପୃଥିବୀକୁ ନିରୀକ୍ଷଣ କରିବ। ନାସାର ଏଲ-ବ୍ୟାଣ୍ଡ ରାଡାର ଏବଂ ଇସ୍ରୋର ଏସ-ବ୍ୟାଣ୍ଡ ରାଡାରର ମିଳିତ ଭାବେ ନିସାର ପୃଥିବୀ ପୃଷ୍ଠରେ ଥିବା ଅତି ସାମାନ୍ୟ ପରିବର୍ତ୍ତନକୁ ଯେପରିକି ଜଙ୍ଗଲ ତଳେ, ବାଦଲ ତଳେ କିମ୍ବା ଅନ୍ଧାରରେ ମଧ୍ୟ ଆଂଶିକ ମିଲିମିଟର ପର୍ଯ୍ୟନ୍ତ ଛୋଟ ଗତିବିଧି ଚିହ୍ନଟ କରିବାକୁ ସକ୍ଷମ ହେବ।

ନିସାରକୁ ପ୍ରତି ୯୭ ମିନିଟରେ ଗ୍ରହକୁ ପରିକ୍ରମା କରିବା ପାଇଁ ଡିଜାଇନ୍ କରାଯାଇଛି। ୧୨ ଦିନରେ ପୃଥିବୀର ଗୋଟିଏ ପରିକ୍ରମା ଶେଷ କରିବ। ଏହି ସମୟରେ ପୃଥିବୀ ପୃଷ୍ଠରେ ହେବାକୁ ଥିବା ପରିବର୍ତ୍ତନ ବିଷୟରେ ଜଣାପଡ଼ିଯିବ। ଯାହା ଫଳରେ ପ୍ରତ୍ୟେକ ଦେଶରେ ବନ୍ୟା, ମରୁଡି, ଭୂସ୍ଖଳନ, ସୁନାମୀ ଓ ଆଗ୍ନେୟଗିରି ଭଳି ପ୍ରାକୃତିକ ବିପର୍ଯ୍ୟୟ ପାଇଁ ପୂର୍ବାନୁମାନ କରିବା ସହ ସମୟ ପୂର୍ବରୁ ସୂଚନା ଦେବ।

ପ୍ରାୟ ୧୦ ବର୍ଷ ପୂର୍ବରୁ ଏହି ସାଟେଲାଇଟ ପାଇଁ ମିଳିତ କାର୍ଯ୍ୟ ଆରମ୍ଭ କରିଥିଲେ ଇସ୍ରୋ ଓ ନାସା।

https://youtube.com/@coastalnewsodia?si=AB2TB8we6wtbHMXy

ବନ୍ୟା ଘେରରେ ୩ ଜିଲ୍ଲାର ୮୧ ଗାଁ: ଏରିଆଲ ସର୍ଭେ କଲେ ମୁଖ୍ୟମନ୍ତ୍ରୀ

ବନ୍ୟା ଘେରରେ ୩ ଜିଲ୍ଲାର ୮୧ ଗାଁ: ଏରିଆଲ ସର୍ଭେ କଲେ ମୁଖ୍ୟମନ୍ତ୍ରୀ

ବନ୍ୟା ପ୍ରଭାବିତ ଲୋକଙ୍କୁ ଆହୁରି ୭ ଦିନ ଦିଆଯିବ ରନ୍ଧାଖାଦ୍ୟ

ଭୁବନେଶ୍ୱର, ୩୦/୦୭: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଉତ୍ତର ଓଡ଼ିଶାର ବିଭିନ୍ନ ଜିଲ୍ଲାରେ ବନ୍ୟା ପ୍ରଭାବିତ ଅଞ୍ଚଳଗୁଡ଼ିକର ଆକାଶ ମାର୍ଗରେ ସର୍ଭେ କରିଥିଲେ। ସର୍ଭେ ପରେ ୩ଟି ଜିଲ୍ଲାର ୮୧ଟି ଗାଁ ବନ୍ୟା ପ୍ରଭାବିତ ହୋଇଛି ବୋଲି ମୁଖ୍ୟମନ୍ତ୍ରୀ ଜାଣିବାକୁ ପାଇଛନ୍ତି।

ଆକାଶ ମାର୍ଗରେ ମୁଖ୍ୟମନ୍ତ୍ରୀ ବାଲେଶ୍ୱର, ଭଦ୍ରକ ଏବଂ ଯାଜପୁର ଜିଲ୍ଲାର ବନ୍ୟା ପରିସ୍ଥିତି ଆକଳନ କରିଥିଲେ। ସର୍ଭେରୁ ଜଣାପଡିଛି ଯେ ବାଲେଶ୍ୱରର ୪ଟି ବ୍ଲକ, ଭଦ୍ରକର ୨ଟି ବ୍ଲକ ଏବଂ ଯାଜପୁରର ୨ଟି ବ୍ଲକ ପ୍ରଭାବିତ ହୋଇଛି। ମୋଟ ୮ଟି ବ୍ଲକର ୮୧ଟି ଗାଁର ପ୍ରାୟ ୩୦ ହଜାର ଲୋକ ପ୍ରଭାବିତ ହୋଇଛନ୍ତି। ଏହି ଅଞ୍ଚଳର କ୍ଷୟକ୍ଷତି ଆକଳନ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ, ଯାହା ପରେ କ୍ଷତିପୂରଣ ପ୍ରଦାନ କରାଯିବ।

ଘର, ରାସ୍ତା ଏବଂ ସେତୁର କ୍ଷୟକ୍ଷତି ପାଇଁ କ୍ଷତିପୂରଣ ରିପୋର୍ଟ ଦାଖଲ କରିବାକୁ ମୁଖ୍ୟମନ୍ତ୍ରୀ ସମ୍ପୃକ୍ତ ବିଭାଗଗୁଡ଼ିକୁ ନିର୍ଦ୍ଦେଶ ଦେଇଛନ୍ତି। ଏହା ସହ ବନ୍ୟା ପ୍ରଭାବିତ ଲୋକଙ୍କୁ ଆହୁରି ୭ ଦିନ ରନ୍ଧା ଖାଦ୍ୟ ଦିଆଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି

https://youtube.com/@coastalnewsodia?si=AB2TB8we6wtbHMXy

ପାକ୍ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମ ପଣ୍ଡ

ପାକ୍ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମ ପଣ୍ଡ

ସୁରକ୍ଷାକର୍ମୀଙ୍କ ଗୁଳିରେ କରିଲେ ୨ ଆତଙ୍କୀ

ଜମ୍ମୁ-କାଶ୍ମୀର, ୩୦/୦୭: ବୁଧବାର ଦିନ ଜମ୍ମୁ ଓ କାଶ୍ମୀରର ପୁଞ୍ଚ ଜିଲ୍ଲାରେ ନିୟନ୍ତ୍ରଣ ରେଖା (LoC) ନିକଟରେ ପାକିସ୍ତାନୀ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମକୁ ପଣ୍ଡ କରିବା ସହିତ ଦୁଇ ଜଣ ଆତଙ୍କବାଦୀଙ୍କୁ ନିହତ କରିଛନ୍ତି ସୁରକ୍ଷାବାହିନୀ।

ନିୟନ୍ତ୍ରଣ ରେଖା ନିକଟରେ ସନ୍ଦିଗ୍ଧ ବ୍ୟକ୍ତିଙ୍କ ଗତିବିଧି ଚିହ୍ନଟ ହେବା ପରେ ପୁଞ୍ଚର ଦେଘୱାର ସେକ୍ଟରରେ ବର୍ତ୍ତମାନ ଏକ ବଡ଼ ସର୍ଚ୍ଚ ଅପରେସନ୍ ଚାଲିଥିଲା। ଯେଉଁଯିରେ ଦୁଇ ଜଣ ଆତଙ୍କବାଦୀ ଏଲଓସି ନିକଟରେ ଭାରତୀୟ ସୀମା ଭିତରକୁ ପ୍ରବେଶ କରିବାକୁ ଚେଷ୍ଟା କରୁଥିବା ଦେଖା ଯାଇଥିଲା। ଏହି ଅପରେସନ୍ ଏବେ ବି ଜାରି ରହିଛି। ଏବଂ ଏହି ଅଞ୍ଚଳରେ ଅଧିକ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି।

ସୂଚନାଯୋଗ୍ୟ, ଗତ ୨୮ ତାରିଖରେ ଶ୍ରୀନଗରରେ ଅପରେସନ ମହାଦେବ ନାମରେ ଏକ ବଡ଼ ଧରଣର ଏନକାଉଣ୍ଟର କରାଯାଇଥିଲା। ଯେଉଁଥିରେ ୩ ଜଣ ଆତଙ୍କବାଦୀଙ୍କୁ ନିପାତ କରାଯାଇଥିଲା। ସେମାନଙ୍କ ମଧ୍ୟରେ ପହୱଗାମ ଆତଙ୍କବାଦୀ ଆକ୍ରମଣର ମୁଖ୍ୟ ଷଡ଼ଯନ୍ତ୍ରକାରୀ ମଧ୍ୟ ଥିଲା।

https://youtube.com/@coastalnewsodia?si=AB2TB8we6wtbHMXy

ରୁଷରେ ଶକ୍ତିଶାଳୀ ଭୂମିକମ୍ପ: ୧୩ ଫୁଟ ଯାଏଁ ମାଡ଼ି ଆସିଲା ସୁନାମୀ ଜୁଆର

ରୁଷରେ ଶକ୍ତିଶାଳୀ ଭୂମିକମ୍ପ: ୧୩ ଫୁଟ ଯାଏଁ ମାଡ଼ି ଆସିଲା ସୁନାମୀ ଜୁଆର

ବିଭିନ୍ନ ଦେଶକୁ ସୁନାମୀ ଆଲର୍ଟ, ଜାପାନରେ ପହଞ୍ଚିଲା ସୁନାମୀ ଜୁଆର

ପ୍ରବାସୀ ଭାରତୀୟଙ୍କ ପାଇଁ ହେଲ୍ପଲାଇନ ନମ୍ୱର ଜାରି

ମସ୍କୋ, ୩୦/୦୭: ବୁଧବାର ଦିନ ରୁଷିଆର ପୂର୍ବ କାମଚାଟକା ଉପଦ୍ୱୀପରେ ଏକ ଶକ୍ତିଶାଳୀ ଭୂମିକମ୍ପ ହୋଇଛି। ଭୂମିକମ୍ପର ତୀବ୍ରତା ୮.୮ ଥିଲା ବୋଲି ସୂଚନା ମିଳିଛି। ଯାହା ଫଳରେ ୪ ମିଟର (୧୩ ଫୁଟ) ଉଚ୍ଚ ଜୁଆର ସହିତ ସୁନାମି ଆସିଛି। ରୁଷିଆର କୁରିଲ ଦ୍ୱୀପ ଓ ଜାପାନର ଉତ୍ତର ଉପକୂଳରେ ଥିବା ହକାଇଡୋରେ ସୁନାମୀ ଆସିଛି।

ଅଧିକାରୀମାନେ କହିଛନ୍ତି ଯେ ଭୂମିକମ୍ପ ଯୋଗୁଁ ଲୋକମାନଙ୍କୁ ସ୍ଥାନାନ୍ତର କରାଯାଇଥିଲା ଏବଂ କୋଠାବାଡ଼ି କ୍ଷତିଗ୍ରସ୍ତ ହୋଇଥିଲା। ଏହା ଆମେରିକା, ଜାପାନ ଏବଂ ନିକଟବର୍ତ୍ତୀ ଅନ୍ୟାନ୍ୟ ଦେଶ ପାଇଁ ପ୍ରଶାନ୍ତ ମହାସାଗର ସୁନାମି ପରାମର୍ଶ ମଧ୍ୟ ଜାରି କରାଯାଇଛି।

ଆମେରିକାର ଭୂତତ୍ତ୍ୱ ସର୍ବେକ୍ଷଣ ରିପୋର୍ଟ କରିଛି ଯେ ଭୂମିକମ୍ପଟି ୧୯.୩ କିଲୋମିଟର (୧୨ ମାଇଲ) ଗଭୀରତାରେ ଘଟିଥିଲା ଏବଂ ଏହା ଆଭାଚା ବେରେ ପ୍ରାୟ ୧୬୫,୦୦୦ ଜନସଂଖ୍ୟା ବିଶିଷ୍ଟ ଏକ ଉପକୂଳବର୍ତ୍ତୀ ସହର ପେଟ୍ରୋପାଭଲୋଭସ୍କ-କାମଚାଟସ୍କିର ପୂର୍ବ-ଦକ୍ଷିଣପୂର୍ବରେ ପ୍ରାୟ ୧୨୫ କିଲୋମିଟର (୮୦ ମାଇଲ) ଅବସ୍ଥିତ ଥିଲା।

ଭୂମିକମ୍ପ ପରେ, କାମଚାଟକା ଅଞ୍ଚଳର କିଛି ଅଂଶରେ ୩ ରୁ ୪ ମିଟର ଉଚ୍ଚତାର ଜୁଆର ସୁନାମି ଆସିଥିଲା। ତେଣୁ ସମସ୍ତଙ୍କୁ ସମୁଦ୍ରରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି।

ସେହିପରି ଆମେରିକାର ଉତ୍ତର-ପଶ୍ଚିମ ହାୱାଇ ଦ୍ୱୀପପୁଞ୍ଜ ଏବଂ ରୁଷିଆର ଉପକୂଳରେ ଜୁଆର ସ୍ତରଠାରୁ ୩ ମିଟର (୧୦ ଫୁଟ) ଅଧିକ ଉଚ୍ଚତାରେ ଜୁଆର ଆସିବା ସମ୍ଭାବନା ରହିଛି।

ଜୁଆର ସ୍ତରଠାରୁ ୦.୩ ରୁ ୧ ମିଟର (୧ ରୁ ୩.୩ ଫୁଟ) ଉଚ୍ଚତାରେ ସୁନାମି ଲହରୀ ଚୁଉକ୍, କୋସରେ, ମାର୍ଶାଲ୍ ଦ୍ୱୀପପୁଞ୍ଜ, ପାଲାଉ ଏବଂ ଫିଲିପାଇନ୍ସର କିଛି ଅଂଶରେ ଛୁଇଁପାରେ। ଦକ୍ଷିଣ କୋରିଆ, ଉତ୍ତର କୋରିଆ ଏବଂ ତାଇୱାନ ଉପକୂଳରେ ଛୋଟ ସୁନାମି ଜୁଆର ସ୍ତରଠାରୁ ୦.୩ ମିଟର (ପ୍ରାୟ ୧ ଫୁଟ) କମ୍ ଉଚ୍ଚତାରେ ଆସିପାରେ ବୋଲି ପୂର୍ବାନୁମାନ କରାଯାଇଛି।

ଭୂମିକମ୍ପରୁ ଏପର୍ଯ୍ୟନ୍ତ କୌଣସି ଆହତଙ୍କ ରିପୋର୍ଟ ମିଳିନାହିଁ। ତଥାପି ଭୂମିକମ୍ପ ଏବଂ ସୁନାମି ବିପଦ ପରେ, ସାଖାଲିନ ଅଞ୍ଚଳର ସେଭେରୋ-କୁରିଲସ୍କ ନାମକ ଛୋଟ ସହରରୁ ବାସିନ୍ଦାଙ୍କୁ ସ୍ଥାନାନ୍ତର କରାଯାଉଛି।

ଅନ୍ୟପଟେ ରୁଷର କାମଚାଟକା ଉପଦ୍ୱୀପ ନିକଟରେ ୮.୮ ତୀବ୍ରତାର ଭୂମିକମ୍ପ ଆସିବା ପରେ ସାନ ଫ୍ରାନ୍ସିସ୍କୋସ୍ଥିତ ଭାରତୀୟ କନସୁଲେଟ୍ ଜେନେରାଲ ଆମେରିକାର ପଶ୍ଚିମ ତଟ ଏବଂ ହାୱାଇରେ ରହୁଥିବା ଭାରତୀୟ ନାଗରିକମାନଙ୍କ ପାଇଁ ଏକ ପରାମର୍ଶ ଜାରି କରିଛନ୍ତି। ପ୍ରଭାବିତ ଅଞ୍ଚଳର ଭାରତୀୟ ନାଗରିକମାନଙ୍କୁ ସ୍ଥାନୀୟ ସତର୍କତା ସୂଚନା ଅନୁସରଣ କରିବାକୁ, ଉପକୂଳ ଅଞ୍ଚଳରେ ନ ରହି ଉଚ୍ଚା ସ୍ଥାନକୁ ଯିବା ପାଇଁ ପରାମର୍ଶ ଦିଆଯାଇଛି। ଜରୁରୀକାଳୀନ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ପରାମର୍ଶ ଦିଆଯାଇଛି। କନସୁଲେଟ୍ ଏକ ଜରୁରୀକାଳୀନ ହେଲ୍ପଲାଇନ୍ ନମ୍ବର ଜାରି କରିଛନ୍ତି: +୧-୪୧୫-୪୮୩-୬୬୨୯।

https://youtube.com/@coastalnewsodia?si=AB2TB8we6wtbHMXy

ରୁଷରେ ଶକ୍ତିଶାଳୀ ଭୂମିକମ୍ପ: ୧୩ ଫୁଟ ଯାଏଁ ମାଡ଼ି ଆସିଲା ସୁନାମୀ ଜୁଆର

ରୁଷରେ ଶକ୍ତିଶାଳୀ ଭୂମିକମ୍ପ: ୧୩ ଫୁଟ ଯାଏଁ ମାଡ଼ି ଆସିଲା ସୁନାମୀ ଜୁଆର

ବିଭିନ୍ନ ଦେଶକୁ ସୁନାମୀ ଆଲର୍ଟ, ଜାପାନରେ ପହଞ୍ଚିଲା ସୁନାମୀ ଜୁଆର

ପ୍ରବାସୀ ଭାରତୀୟଙ୍କ ପାଇଁ ହେଲ୍ପଲାଇନ ନମ୍ୱର ଜାରି

ମସ୍କୋ, ୩୦/୦୭: ବୁଧବାର ଦିନ ରୁଷିଆର ପୂର୍ବ କାମଚାଟକା ଉପଦ୍ୱୀପରେ ଏକ ଶକ୍ତିଶାଳୀ ଭୂମିକମ୍ପ ହୋଇଛି। ଭୂମିକମ୍ପର ତୀବ୍ରତା ୮.୮ ଥିଲା ବୋଲି ସୂଚନା ମିଳିଛି। ଯାହା ଫଳରେ ୪ ମିଟର (୧୩ ଫୁଟ) ଉଚ୍ଚ ଜୁଆର ସହିତ ସୁନାମି ଆସିଛି। ରୁଷିଆର କୁରିଲ ଦ୍ୱୀପ ଓ ଜାପାନର ଉତ୍ତର ଉପକୂଳରେ ଥିବା ହକାଇଡୋରେ ସୁନାମୀ ଆସିଛି।

ଅଧିକାରୀମାନେ କହିଛନ୍ତି ଯେ ଭୂମିକମ୍ପ ଯୋଗୁଁ ଲୋକମାନଙ୍କୁ ସ୍ଥାନାନ୍ତର କରାଯାଇଥିଲା ଏବଂ କୋଠାବାଡ଼ି କ୍ଷତିଗ୍ରସ୍ତ ହୋଇଥିଲା। ଏହା ଆମେରିକା, ଜାପାନ ଏବଂ ନିକଟବର୍ତ୍ତୀ ଅନ୍ୟାନ୍ୟ ଦେଶ ପାଇଁ ପ୍ରଶାନ୍ତ ମହାସାଗର ସୁନାମି ପରାମର୍ଶ ମଧ୍ୟ ଜାରି କରାଯାଇଛି।

ଆମେରିକାର ଭୂତତ୍ତ୍ୱ ସର୍ବେକ୍ଷଣ ରିପୋର୍ଟ କରିଛି ଯେ ଭୂମିକମ୍ପଟି ୧୯.୩ କିଲୋମିଟର (୧୨ ମାଇଲ) ଗଭୀରତାରେ ଘଟିଥିଲା ଏବଂ ଏହା ଆଭାଚା ବେରେ ପ୍ରାୟ ୧୬୫,୦୦୦ ଜନସଂଖ୍ୟା ବିଶିଷ୍ଟ ଏକ ଉପକୂଳବର୍ତ୍ତୀ ସହର ପେଟ୍ରୋପାଭଲୋଭସ୍କ-କାମଚାଟସ୍କିର ପୂର୍ବ-ଦକ୍ଷିଣପୂର୍ବରେ ପ୍ରାୟ ୧୨୫ କିଲୋମିଟର (୮୦ ମାଇଲ) ଅବସ୍ଥିତ ଥିଲା।

ଭୂମିକମ୍ପ ପରେ, କାମଚାଟକା ଅଞ୍ଚଳର କିଛି ଅଂଶରେ ୩ ରୁ ୪ ମିଟର ଉଚ୍ଚତାର ଜୁଆର ସୁନାମି ଆସିଥିଲା। ତେଣୁ ସମସ୍ତଙ୍କୁ ସମୁଦ୍ରରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି।

ସେହିପରି ଆମେରିକାର ଉତ୍ତର-ପଶ୍ଚିମ ହାୱାଇ ଦ୍ୱୀପପୁଞ୍ଜ ଏବଂ ରୁଷିଆର ଉପକୂଳରେ ଜୁଆର ସ୍ତରଠାରୁ ୩ ମିଟର (୧୦ ଫୁଟ) ଅଧିକ ଉଚ୍ଚତାରେ ଜୁଆର ଆସିବା ସମ୍ଭାବନା ରହିଛି।

ଜୁଆର ସ୍ତରଠାରୁ ୦.୩ ରୁ ୧ ମିଟର (୧ ରୁ ୩.୩ ଫୁଟ) ଉଚ୍ଚତାରେ ସୁନାମି ଲହରୀ ଚୁଉକ୍, କୋସରେ, ମାର୍ଶାଲ୍ ଦ୍ୱୀପପୁଞ୍ଜ, ପାଲାଉ ଏବଂ ଫିଲିପାଇନ୍ସର କିଛି ଅଂଶରେ ଛୁଇଁପାରେ। ଦକ୍ଷିଣ କୋରିଆ, ଉତ୍ତର କୋରିଆ ଏବଂ ତାଇୱାନ ଉପକୂଳରେ ଛୋଟ ସୁନାମି ଜୁଆର ସ୍ତରଠାରୁ ୦.୩ ମିଟର (ପ୍ରାୟ ୧ ଫୁଟ) କମ୍ ଉଚ୍ଚତାରେ ଆସିପାରେ ବୋଲି ପୂର୍ବାନୁମାନ କରାଯାଇଛି।

ଭୂମିକମ୍ପରୁ ଏପର୍ଯ୍ୟନ୍ତ କୌଣସି ଆହତଙ୍କ ରିପୋର୍ଟ ମିଳିନାହିଁ। ତଥାପି ଭୂମିକମ୍ପ ଏବଂ ସୁନାମି ବିପଦ ପରେ, ସାଖାଲିନ ଅଞ୍ଚଳର ସେଭେରୋ-କୁରିଲସ୍କ ନାମକ ଛୋଟ ସହରରୁ ବାସିନ୍ଦାଙ୍କୁ ସ୍ଥାନାନ୍ତର କରାଯାଉଛି।

ଅନ୍ୟପଟେ ରୁଷର କାମଚାଟକା ଉପଦ୍ୱୀପ ନିକଟରେ ୮.୮ ତୀବ୍ରତାର ଭୂମିକମ୍ପ ଆସିବା ପରେ ସାନ ଫ୍ରାନ୍ସିସ୍କୋସ୍ଥିତ ଭାରତୀୟ କନସୁଲେଟ୍ ଜେନେରାଲ ଆମେରିକାର ପଶ୍ଚିମ ତଟ ଏବଂ ହାୱାଇରେ ରହୁଥିବା ଭାରତୀୟ ନାଗରିକମାନଙ୍କ ପାଇଁ ଏକ ପରାମର୍ଶ ଜାରି କରିଛନ୍ତି। ପ୍ରଭାବିତ ଅଞ୍ଚଳର ଭାରତୀୟ ନାଗରିକମାନଙ୍କୁ ସ୍ଥାନୀୟ ସତର୍କତା ସୂଚନା ଅନୁସରଣ କରିବାକୁ, ଉପକୂଳ ଅଞ୍ଚଳରେ ନ ରହି ଉଚ୍ଚା ସ୍ଥାନକୁ ଯିବା ପାଇଁ ପରାମର୍ଶ ଦିଆଯାଇଛି। ଜରୁରୀକାଳୀନ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ପରାମର୍ଶ ଦିଆଯାଇଛି। କନସୁଲେଟ୍ ଏକ ଜରୁରୀକାଳୀନ ହେଲ୍ପଲାଇନ୍ ନମ୍ବର ଜାରି କରିଛନ୍ତି: +୧-୪୧୫-୪୮୩-୬୬୨୯।

ଜିଲ୍ଲା ମତ୍ସ୍ୟ ଅଧିକାରୀଙ୍କ ସମୀକ୍ଷା ବୈଠକ ଅନୁଷ୍ଠିତ https://youtube.com/@coastalnewsodia?si=AB2TB8we6wtbHMXy

ଜିଲ୍ଲା ମତ୍ସ୍ୟ ଅଧିକାରୀଙ୍କ ସମୀକ୍ଷା ବୈଠକ ଅନୁଷ୍ଠିତ

MMKY ଏବଂ PMMSY ଅଧିନରେ କାର୍ଯ୍ୟକ୍ଷମ ଯୋଜନାର ଅଗ୍ରଗତି ଉପରେ ସମୀକ୍ଷା

ଭୁବନେଶ୍ୱର, ୨୯/୦୭: ଆଜି ସ୍ଥାନୀୟ କୃଷିଭବନ ଅଡିଟୋରିଅମଠାରେ ମାନ୍ୟବର ମତ୍ସ୍ୟ ଓ ପ୍ରାଣୀସମ୍ପଦ, ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରୀ ଶ୍ରୀ ଗୋକୁଳନନ୍ଦ ମଲ୍ଲିକଙ୍କ ଅଧ୍ୟକ୍ଷତାରେ ଜିଲ୍ଲା ମତ୍ସ୍ୟ ଅଧିକାରୀମାନଙ୍କର ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଏହି ସମୀକ୍ଷା ବୈଠକରେ ୩୦ ଗୋଟି ଜିଲ୍ଲାର ଜିଲ୍ଲା ମତ୍ସ୍ୟ ଅଧିକାରୀ ଯୋଗ ଦେଇଥିଲେ ।

ଏଥିରେ ମାନ୍ୟବର ମନ୍ତ୍ରୀ ରାଜ୍ୟରେ କାର୍ଯ୍ୟକାରୀ ହେଉଥିବା ପ୍ରମୁଖ ଯୋଜନା ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନା (MMKY) ଏବଂ ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା (PMMSY) ଅଧୀନରେ କାର୍ଯ୍ୟକ୍ଷମ ସମସ୍ତ ଯୋଜନାର ଅଗ୍ରଗତି ଉପରେ ସମୀକ୍ଷା କରିଥିଲେ । ୨୦୨୫-୨୬ ଆର୍ଥିକ ବର୍ଷରେ ହିତାଧିକାରୀଙ୍କଠାରୁ ଦରଖାସ୍ତ ଗ୍ରହଣ କରି ତୁରନ୍ତ କାର୍ଯ୍ୟାଦେଶ (Go-Ahead) ପ୍ରଦାନ କରିବାକୁ ମାନ୍ୟବର ମନ୍ତ୍ରୀ ଜିଲ୍ଲା ମତ୍ସ୍ୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ । ଏଥି ସହିତ କିସାନ କ୍ରେଡିଟ୍ କାର୍ଡ (KCC), ଭିତ୍ତିଭୂମି ବିକାଶ , ମାଛ ଚାଷୀଙ୍କ ପ୍ରଶିକ୍ଷଣ ଓ ଦକ୍ଷତା ବୃଦ୍ଧି ଉପରେ ସବିଶେଷ ସମୀକ୍ଷା କରିଥିଲେ ।

ରାଜ୍ୟରେ ଉନ୍ନତ ମାନର ଗୁଣାତ୍ମକ ଯାଆଁଳ ଉତ୍ପାଦନ ଓ ସଠିକ ସମୟରେ ମାଛ ଚାଷୀଙ୍କ ନିକଟରେ ଏହାର ଉପଲବ୍ଧତା ଉପରେ ମାନ୍ୟବର ମନ୍ତ୍ରୀ ଗୁରୁତ୍ୱାରୋପ କରିଥିଲେ । ଜଳକୃଷି ବୀମା ନିମନ୍ତେ ଜାତୀୟ ମତ୍ସ୍ୟ ଡିଜିଟାଲ ପ୍ଲାଟଫର୍ମ (NFDP) ରେ ରେଜିଷ୍ଟ୍ରେସନ ଉପରେ ପ୍ରାଧାନ୍ୟ ଦେବା ନିମନ୍ତେ ନିର୍ଦ୍ଦେଶ ଦିଆଯାଇଥିଲା । ସରକାରୀ ମାଛ ଯାଆଁଳ ଉତ୍ପାଦନ କେନ୍ଦ୍ର ଗୁଡିକର ଭିତ୍ତିଭୂମି ବିକାଶ ଉପରେ ଧ୍ୟାନ ଦେବା ନିମନ୍ତେ ଅଗ୍ରାଧିକାର ଦିଆଯାଇଥିଲା ।

KCC ମାଧ୍ୟମରେ ମାଛ ଚାଷୀଙ୍କୁ ଋଣ ପ୍ରଦାନ ନିମନ୍ତେ ସମସ୍ତ ଜିଲ୍ଲା ମତ୍ସ୍ୟ ଅଧିକାରୀଙ୍କୁ ଦରଖାସ୍ତ ସଂଗ୍ରହ କରି ବ୍ୟାଙ୍କ କୁ ପଠାଇବାକୁ ନିର୍ଦ୍ଦେଶ ଦିଆଯାଇଥିଲା।

ଏହି ବୈଠକରେ ମତ୍ସ୍ୟ ଓ ପ୍ରାଣୀସମ୍ପଦ ବିକାଶ ବିଭାଗ ପ୍ରମୁଖ ଶାସନ ସଚିବ ଶ୍ରୀ ସୁରେଶ କୁମାର ବଶିଷ୍ଠ , ମତ୍ସ୍ୟ ନିର୍ଦ୍ଦେଶାଳୟର ନିର୍ଦ୍ଦେଶକ ମହମ୍ମଦ ସାଦିକ୍ ଆଲାମ୍, ଆପିକଲର ପରିଚାଳନା ନିର୍ଦ୍ଦେଶକ ଶୁଭ୍ରାଂଶୁ ମିଶ୍ର, ଓ ବରିଷ୍ଠ ଅଧିକାରୀ ପ୍ରମୁଖ ଉପସ୍ଥିତ ଥିଲେ ।

https://youtube.com/@coastalnewsodia?si=AB2TB8we6wtbHMXy

ଶିଳ୍ପ ମନ୍ତ୍ରୀଙ୍କ ଜଗତପୁର ଓ ଚୌଦ୍ୱାର ଶିଳ୍ପାଞ୍ଚଳ ପରିଦର୍ଶନ

ଶିଳ୍ପ ମନ୍ତ୍ରୀଙ୍କ ଜଗତପୁର ଓ ଚୌଦ୍ୱାର ଶିଳ୍ପାଞ୍ଚଳ ପରିଦର୍ଶନ

ଅଂଚଳର ବ୍ୟାପକ ଉନ୍ନତିକରଣ ଓ ନିଯୁକ୍ତି ସୁଯୋଗ ସୃଷ୍ଟି ଉପରେ ଗୁରୁତ୍ୱାରୋପ

ଭୁବନେଶ୍ୱର, ୨୯/୦୭: ଓଡିଶା ସରକାରଙ୍କ ଶିଳ୍ପ, ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ମନ୍ତ୍ରୀ ଶ୍ରୀ ସମ୍ପଦ ଚନ୍ଦ୍ର ସ୍ୱାଇଁ ଆଜି ଜଗତପୁର ଓ ଚୌଦ୍ୱାର ଶିଳ୍ପାଞ୍ଚଳ ପରିଦର୍ଶନରେ ଯାଇ ବିଭିନ୍ନ ଶିଳ୍ପ ଅନୁଷ୍ଠାନ ଓ ଉଦ୍ୟୋଗ ଗୁଡିକୁ ବୁଲି ଦେଖିବା ସହ ସ୍ଥାନୀୟ ଅଂଚଳର ବ୍ୟାପକ ଉନ୍ନତିକରଣ ଓ ଅଧିକରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ଉପରେ ସେ ଗୁରୁତ୍ୱାରୋପ କରିଛନ୍ତି ।

ମନ୍ତ୍ରୀ ଶ୍ରୀ ସ୍ୱାଇଁ ଇନ୍ଦ୍ରାଣୀ ପାଟଣାରେ କେନ୍ଦ୍ର ଏବଂ ରାଜ୍ୟ ସରକାରଙ୍କ ସହଯୋଗରେ ପରିଚାଳିତ କମନ ଫାସିଲିଟି ସେଣ୍ଟର ତାସହ ସୁଶାନ୍ତ ମିନେରାଲ, ଗ୍ଲେଜ ପ୍ଲାଷ୍ଟିକ, ସ୍ୱସ୍ତିକ ଇଣ୍ଡଷ୍ଟ୍ରିଜ, ହିନ୍ଦୁସ୍ତାନ ଟେକ୍ନୋଲୋଜି, ଓଡିଶା ପ୍ଲାଷ୍ଟଓ, ପ୍ରଗତି କ୍ଷୀର, ପଶୁପତି ଆଗରୋଭେଟ ଭଳି ରାଜ୍ୟର ଅଗ୍ରଣୀ ଉଦ୍ୟୋଗ ଗୁଡିକୁ ବୁଲି ଦେଖିବା ସହ ସେମାନଙ୍କର ଉନ୍ନତିକରଣ ଓ ଆବଶ୍ୟକୀୟ ସରକାରୀ ସହଯୋଗ ସମ୍ପର୍କରେ ଆଲୋଚନା କରିଛନ୍ତି । ଏହାସହିତ ୱେଲସ୍ପୁନ ଲିମିଟେଡ଼ର ପ୍ରସ୍ତାବିତ ହସ୍ତତନ୍ତ ପ୍ରକଳ୍ପ ଏବଂ ଲଜିସ୍ଟିକ ପାର୍କ ବୁଲି ଦେଖିଥିଲେ ।

ପରିଦର୍ଶନ ପରେ ମନ୍ତ୍ରୀ ଶ୍ରୀ ସ୍ୱାଇଁଙ୍କ ଅଧ୍ୟକ୍ଷତାରେ ଆୟୋଜିତ ସମୀକ୍ଷା ବୈଠକରେ ସ୍ଥାନୀୟ ସମସ୍ୟା, ଜମି ଆବଣ୍ଟନ ଓ ଜମିର ସମୁଚିତ ବ୍ୟବହାର ସମ୍ପର୍କରେ ଅବଗତ ହେବା ସହିତ ଆନ୍ତରିକତା ସହିତ ଉଦ୍ୟୋମିତା କରୁଥିବା ଅନୁଷ୍ଠାନ ଗୁଡିକୁ ରାଜ୍ୟ ସରକାର ସବୁମତେ ସାହାଯ୍ୟ କରିବାପାଇଁ ପ୍ରତିଶୃତିବଦ୍ଧ । ଓଡ଼ିଶାରେ ଯେତେ ଅଧିକ ଉଦ୍ୟୋଗ ସ୍ଥାପନ ହେବ ସେତେ ଅଧିକ ଯୁବକ ଯୁବତୀ ଆମର ନିଯୁକ୍ତି ପାଇବେ ବୋଲି ସେ ପ୍ରକାଶ କରିଛନ୍ତି ।

ଓଡିଶା ଶିଳ୍ପ ଅନୁଷ୍ଠାନର କର୍ମକର୍ତ୍ତାମାନେ ଏହି ଗସ୍ତ ସମୟରେ ମନ୍ତ୍ରୀଙ୍କୁ ସାକ୍ଷାତ କରି ଜଗତପୁର ଓ ଚୌଦ୍ୱାର ଶିଳ୍ପାଞ୍ଚଳର ଦୈନନ୍ଦିନ ସମସ୍ୟା, ଉନ୍ନତିକରଣ, କଠିନ ଓ ତରଳ ବର୍ଜ୍ୟବସ୍ତୁ ପରିଚାଳନା ସମ୍ପର୍କିତ ଦାବିପତ୍ର ପ୍ରଦାନ କରିଥିଲେ । ସେ ସମ୍ପର୍କରେ ସରକାର ସଚେତନ ଅଛନ୍ତି ଆଗାମୀଦିନରେ ସରକାରଙ୍କ କାର୍ଯ୍ୟାନ୍ୱୟନର ସୁଫଳ ଆପଣମାନେ ପାଇବେ ବୋଲି ମନ୍ତ୍ରୀ ଶ୍ରୀ ସ୍ୱାଇଁ କହିଛନ୍ତି ।

ଏହି ଗସ୍ତ ସମୟରେ ଇଡ଼କୋ ମୁଖ୍ୟ ପରିଚାଳକ ଶ୍ରୀ ପ୍ରଶାନ୍ତ କୁମାର ରେଡ୍ଡୀ, ସିଜିଏମ ଶ୍ରୀ ସୁବାଷ ଚନ୍ଦ୍ର ନାଥଶର୍ମା, ସିଜିଏମ ଶ୍ରୀ ଅରବିନ୍ଦ ତ୍ରିପାଠୀ, ଜମି ଅଧିକାରୀ ଶ୍ରୀମତୀ ଅରୁନ୍ଧତୀ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।

ବୁଣାକାର ସେବା କେନ୍ଦ୍ର ସହ ମିଶନ ଶକ୍ତିର ବୁଝାମଣାପତ୍ର ସ୍ୱାକ୍ଷରିତ

ବୁଣାକାର ସେବା କେନ୍ଦ୍ର ସହ ମିଶନ ଶକ୍ତିର ବୁଝାମଣାପତ୍ର ସ୍ୱାକ୍ଷରିତ

ମହିଳା ନେତୃତ୍ୱାଧୀନ ବୟନ ଉଦ୍ୟୋଗକୁ ପ୍ରୋତ୍ସାହନ

ଓଡ଼ିଶାର ବୟନ ପରମ୍ପରାକୁ ମହିଳା ସ୍ଵୟଂ ସହାୟକ ଗୋଷ୍ଠୀ ଆଗକୁ ନେଉଛନ୍ତି: ଉପମୁଖ୍ୟମନ୍ତ୍ରୀ

ଭୁବନେଶ୍ୱର, ୨୯/୦୭: ଓଡ଼ିଶାର ବୟନ ପରମ୍ପରାକୁ ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟାମାନେ ଆଗକୁ ନେଉଛନ୍ତି ବୋଲି ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡା ମତବ୍ୟକ୍ତ କରିଛନ୍ତି । ଆଜି ମିଶନ ଶକ୍ତି ଭବନର ଅଡିଟରିୟମ ହଲରେ ଉପ-ମୁଖ୍ୟମନ୍ତ୍ରୀ ଶ୍ରୀମତୀ ପରିଡାଙ୍କ ଉପସ୍ଥିତିରେ ବୁଣାକାର ମା ଓ ଭଉଣୀମାନଙ୍କୁ ସଶକ୍ତ କରିବା ଉଦ୍ଦେଶ୍ୟରେ ମିଶନ ଶକ୍ତି ବିଭାଗ ସହ କେନ୍ଦ୍ର ସରକାରଙ୍କ ହସ୍ତତନ୍ତ ବିକାଶ ଆୟୋଗ ଅଧୀନରେ ଥିବା ବୁଣାକାର ସେବା କେନ୍ଦ୍ର(weavers’ service centre)ର ଏକ ବୁଝାମଣା ପତ୍ର ସ୍ଵାକ୍ଷରିତ ହୋଇଯାଇଛି । ଏହି ବୁଝାମଣାପତ୍ର ରାଜ୍ୟର ବୁଣାକାର ସ୍ଵୟଂ ସହାୟକ ଗୋଷ୍ଠୀକୁ ନୂତନ ଡିଜାଇନ, ତାଲିମ ଓ ଦକ୍ଷତା ବିକାଶ ସହ ଜାତୀୟ ଓ ଅନ୍ତର୍ଜାତୀୟ ବଜାର ଉପଲବ୍ଧ କରେଇବାରେ ସହାୟକ ହେବ ବୋଲି ଶ୍ରୀମତୀ ପରିଡା ମତ ପ୍ରକାଶ କରିଛନ୍ତି । ନିକଟରେ ମନ କୀ ବାତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଲ୍ଲେଖ କରିଥିବା ମୟୂରଭଞ୍ଜର ସାନ୍ତାଳି ବୟନ ଶିଳ୍ପର ପୁନରୁଦ୍ଧାର ଓ କେଉଁଝର ଜିଲ୍ଲାର ମହିଳା ସଂକୀର୍ତ୍ତନ କଥାକୁ ଦୋହରାଈ ଶ୍ରୀମତୀ ପରିଡା କହିଲେ ଯେ ଆଜି ଓଡ଼ିଶାର ମା ମାନେ ସମଗ୍ର ଦେଶରେ ଓଡ଼ିଶା ପାଇଁ ଗର୍ବ ଆଣିଛନ୍ତି । ଲକ୍ଷପତି ଦିଦି ସୃଷ୍ଟି ଲକ୍ଷ୍ୟକୁ ପୂର୍ଣ୍ଣ ଭାବେ ହାସଲ କରିବାପାଇଁ ଆମେ ସ୍ଵୟଂ ସହାୟକ ଗୋଷ୍ଠୀଙ୍କୁ ସହଜ, ସୁବିଧା ଓ ସୁଖଦ ରୋଜଗାର ପନ୍ଥା ବାଛିବାକୁ ସୁଯୋଗ ଦେଉଛୁ । ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ଦିଗଦର୍ଶନରେ ଆମେ ଲକ୍ଷପତି ଦିଦି ମା’ ମାନଙ୍କୁ ଏବେ କୋଟିପତି କରିବାକୁ ପ୍ରୟାସ ଜାରି ରଖିଛୁ ବୋଲି ଶ୍ରୀମତୀ ପରିଡା ଦୃଢ ମତ ରଖିଛନ୍ତି ।

ଏହି କାର୍ଯ୍ୟକ୍ରମରେ ମିଶନ ଶକ୍ତି ବିଭାଗର କମିଶନର ତଥା ଶାସନ ସଚିବ ଶ୍ରୀମତୀ ଶାଳିନୀ ପଣ୍ଡିତ, ବିଭାଗୀୟ ନିର୍ଦ୍ଦେଶିକା ମୋନିକା ପ୍ରିୟଦର୍ଶିନୀ, ବୁଣାକାର ସେବା ସଂଘର ଉପନିର୍ଦ୍ଦେଶକ ବିକାଶ କୁମାର ଓ ବିଭାଗୀୟ ବରିଷ୍ଠ ଅଧିକାରୀ, ବୟନ ବିଶେଷଜ୍ଞ ଏବଂ ପ୍ରତିନିଧିମାନେ ଉପସ୍ଥିତ ଥିଲେ ।

ଓଡ଼ିଶାର ଉଦ୍ୟୋଗୀ ମହିଳାଙ୍କ ପାଇଁ ହସ୍ତତନ୍ତ ଏବଂ ବୟନ ଶିଳ୍ପ ଏକ ଉଦୀୟମାନ କ୍ଷେତ୍ର ଅଟେ। ହଜାର ହଜାର ଏସଏଚଜି ସଦସ୍ୟା ତନ୍ତ ବୁଣା, ସିଲାଇ, ଏମ୍ବ୍ରୋଇଡାରି ଏବଂ ଘରୋଇ ଉତ୍ପାଦକୁ ନିଜର ଜୀବନ ଜୀବିକା ଭାବେ ଗ୍ରହଣ କରିଥିବା ବେଳେ ଏହି ବୁଝାବଣା ପତ୍ର ଆଧୁନିକ, ଡିଜାଇନ୍ ଏବଂ ବଜାର ପ୍ରସ୍ତୁତ ଇକୋସିଷ୍ଟମ ନିର୍ମାଣ ଦିଗରେ ସହାୟକ ହେବ ବୋଲି ବିଭାଗୀୟ କମିଶନର ତଥା ଶାସନ ସଚିବ ଶ୍ରୀମତୀ ଶାଳିନୀ ପଣ୍ଡିତ କହିଛନ୍ତି ।

ବିଭାଗୀୟ ସହଭାଗିତାରେ ଏହି ପଦକ୍ଷେପ ଡିଜାଇନ୍ ମେଣ୍ଟରସିପ୍, ନମୁନା ସହାୟତା ଏବଂ ବଜାର ସଂଯୋଗ ପ୍ରଦାନ କରିବ ସହ , ଏକ ସ୍ଥାୟୀ ମହିଳା-ନେତୃତ୍ୱାଧୀନ ବୟନ ଉଦ୍ୟୋଗ ନିର୍ମାଣ ଏବଂ ବୟନ ମୂଲ୍ୟ ଶୃଙ୍ଖଳ ଗଢ଼ିବାରେ ସହାୟକ ହେବ ବୋଲି ବିଭାଗର ନିର୍ଦ୍ଦେଶକ, ଡ. ମୋନିକା ପ୍ରିୟଦର୍ଶିନୀ କାର୍ଯ୍ୟକ୍ରମର ଉଦ୍ଦେଶ୍ୟଗୁଡ଼ିକୁ ଆଲୋକପାତ କରି ମତ ପ୍ରକାଶ କରିଥିଲେ।

ଏହି ଅବସରରେ ଶ୍ରୀ ବିକାଶ କୁମାର,ଉପନିର୍ଦ୍ଦେଶକ, ବୁଣାକାର ସେବା କେନ୍ଦ୍ର କହିଛନ୍ତି ଯେ ଓଡ଼ିଶା ବୟନ ପ୍ରତିଭାର ଅନେକ କାରିଗର ଜାତୀୟସ୍ତରରେ ସ୍ୱୀକୃତି ପାଇଛନ୍ତି। ରାଜ୍ୟ ସରକାରଙ୍କ ସହିତ ଏହି ସହଭାଗିତା, ଓଡ଼ିଶା ବୟନ ସୃଜନଶୀଳତାକୁ ନୂଆ ରୂପ ଦେବା ସହ ଜାତୀୟ ବୟନ ଓ ହସ୍ତତନ୍ତ ମାନଚିତ୍ରକୁ ଆହୁରି ସଶକ୍ତ କରିବ ।

ଓଡ଼ିଶା ଆଜି ମହିଳା ନେତୃତ୍ୱାଧୀନ ବିକାଶରେ ଜାତୀୟ ସ୍ତରରେ ଏକ ଅଗ୍ରଣୀ ରାଜ୍ୟ ଭାବେ ଉଭା ହୋଇଛି । ୧୬ ଲକ୍ଷରୁ ଅଧିକ ଲକ୍ଷପତି ଦିଦି ସୃଷ୍ଟି ଏବଂ ସୁଭଦ୍ରା ଶକ୍ତି ମେଳା, ସୁଭଦ୍ରା ଶକ୍ତି କାଫେ, ଏବଂ ଏକ ଜିଲ୍ଲା ଏକ ଉତ୍ପାଦ କ୍ଲଷ୍ଟର ଭଳି ଅଗ୍ରଣୀ ମଡେଲ ସହିତ, ଓଡିଶା ଆଜି ଭାରତ ସରକାରଙ୍କ ଲକ୍ଷପତି ଦିଦି ପଦକ୍ଷେପ ଅଧୀନରେ ସର୍ବଶ୍ରେଷ୍ଠ ପ୍ରଦର୍ଶନକାରୀ ଭାବେ ପ୍ରତିଷ୍ଠିତ ହୋଇଛି । ରାଜ୍ୟସରକାରଙ୍କ ହସ୍ତକ୍ଷେପଗୁଡ଼ିକ କୃଷି, ଖାଦ୍ୟ ପ୍ରକ୍ରିୟାକରଣ, ଶିଳ୍ପ ଏବଂ ବସ୍ତ୍ର କ୍ଷେତ୍ରରେ ମହିଳାଙ୍କ ପାଇଁ ଆର୍ଥିକ ସୁଯୋଗର ବାଟ ଖୋଲିଛି।

ଏହି ସହଭାଗିତା ଅଧୀନରେ, ବୁଣାକାର ସେବା କେନ୍ଦ୍ର ଘରୋଇ ଏବଂ ବିଶ୍ୱସ୍ତରୀୟ ଗ୍ରାହକଙ୍କ ବିକଶିତ ରୁଚି ଅନୁସାରେ ପୋଷାକ ଏବଂ ସାଜସଜ୍ଜା ସାମଗ୍ରୀ ପାଇଁ ‘ମଲ୍ଟିପଲ କଲରୱେ’ରେ ମୌଳିକ କାଗଜ ଡିଜାଇନ୍ ବିକଶିତ କରିବ । ନମୁନା ଏବଂ ପ୍ରୋଟୋଟାଇପ୍ ବିକାଶକୁ ସମର୍ଥନ କରାଯିବ, ଏବଂ ଏସଏଚଜି ସଦସ୍ୟାମାନଙ୍କୁ ଡିଜାଇନ୍ ରେ ସୌନ୍ଦର୍ଯ୍ୟ, ଫିନିସିଂ ମାନଦଣ୍ଡ ଏବଂ ଉଦ୍ୟୋଗ ପ୍ରସ୍ତୁତତା ଉପରେ ପରାମର୍ଶ ଦିଆଯିବ। ଏହି ସହଭାଗିତା ମାଧ୍ୟମରେ ଅନଲାଇନ୍ ଏବଂ ଅଫଲାଇନ୍ ଦୃଶ୍ୟମାନତା ବୃଦ୍ଧି ପାଇଁ ସେମାନଙ୍କ ପ୍ରସ୍ତୁତ ଉତ୍ପାଦର ପେସାଦାର ଫଟୋଗ୍ରାଫି ଏବଂ ଡିଜିଟାଲ୍ କାଟାଲଗ୍ ବିକାଶରେ ସହାୟତା ମଧ୍ୟ ଅନ୍ତର୍ଭୁକ୍ତ ରହିଛି ।

ଏହି ପଦକ୍ଷେପ ପାରମ୍ପାରିକ ବସ୍ତ୍ର ପ୍ରସ୍ତୁତି ଦକ୍ଷତାକୁ ଗଠନମୂଳକ ଉଦ୍ୟୋଗରେ ରୂପାନ୍ତରିତ କରିବାରେ ଏକ ବିଶେଷ ଭୂମିକା ଗ୍ରହଣ କରିବ । ଏସଏଚଜି ସଦସ୍ୟାମାନଙ୍କ ସୃଜନଶୀଳ ସାମର୍ଥ୍ୟକୁ ବୁଣାକାର ସେବା କେନ୍ଦ୍ରର ବିଶେଷଜ୍ଞ ମାର୍ଗଦର୍ଶନ ସହିତ ଯୋଡ଼ି, ଏହି ବୁଝାମଣାପତ୍ର ଉନ୍ନତ ଜୀବିକା ସୃଷ୍ଟି, ଉତ୍ପାଦର ବ୍ୟାପାରିକ ଶକ୍ତି ବିକାଶ ଏବଂ ଦୀର୍ଘମିଆଦି ମୂଲ୍ୟ ସୃଷ୍ଟି ପାଇଁ ମଞ୍ଚ ପ୍ରସ୍ତୁତ ପ୍ରଦାନ କରିବ ।

https://youtube.com/@coastalnewsodia?si=AB2TB8we6wtbHMXy