ବିଜେଡ଼ି କର୍ପୋରେଟର ଅମରେଶ ଜେନାଙ୍କ ନାଁରେ ସାଂଘାତିକ ଅଭିଯୋଗ

ବିଜେଡ଼ି କର୍ପୋରେଟର ଅମରେଶ ଜେନାଙ୍କ ନାଁରେ ସାଂଘାତିକ ଅଭିଯୋଗ

ଲକ୍ଷ୍ମୀସାଗର ଥାନାରେ ଏତଲା ରୁଜୁ

ଭୁବନେଶ୍ୱର, ୨୪/୦୭: ବିଜେଡ଼ି କର୍ପୋରେଟର ଅମରେଶ ଜେନାଙ୍କ ନାଁରେ ସାଂଘାତିକ ଅଭିଯୋଗ ଆଣିଛନ୍ତି ଲକ୍ଷ୍ମୀ ସାଗର ଅଞ୍ଚଳର ଜଣେ ଯୁବତୀ‌। ବିବାହ କରିବାକୁ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ଓ ପରେ ମହିଳାଙ୍କୁ ପ୍ରତାରଣା ସହ ଭୃଣ ହତ୍ୟା ଓ ହତ୍ୟା ଧମକ ଦେଉଥିବା ଅଭିଯୋଗ ଆଣିଛନ୍ତି ଯୁବତୀ।

https://youtube.com/@coastalnewsodia?si=AB2TB8we6wtbHMXy

ଏ ନେଇ ସେ ଲକ୍ଷ୍ମୀସାଗର ଥାନାରେ ଲିଖିତ ଅଭିଯୋଗ କରିଛନ୍ତି। ମାମଲା ରୁଜୁ ପରେ ଧାରା ୧୮୩ ଆଧାରରେ ଯୁବତୀଙ୍କ ବୟାନ ରେକର୍ଡ ହୋଇଛି। ଯୁବତୀଙ୍କ ବୟାନ ରେକର୍ଡ ସହ ଡାକ୍ତରୀ ମାଇନା କରିବାକୁ ମେଡିକାଲ ପଠାଇଛି ପୋଲିସ।

ସୂଚନା ଅନୁଯାୟୀ, ୨୦୨୩ ରଜ ମହୋତ୍ସବରେ ପୀଡ଼ିତାଙ୍କ ସହିତ ତାଙ୍କର ପରିଚୟ ହୋଇଥିଲା। ଯୁବତୀଙ୍କୁ ସେ ଏକ ମୋବାଇଲ ଫୋନ୍ ମଧ୍ୟ ଦେଇଥିଲେ। ଭିନ୍ନ ପ୍ରଲୋଭନ ଦେଖାଇ ପୁରୀ ନେଇଥିଲେ ଅମରେଶ। ତେବେ ଏହି ଅଭିଯୋଗ ସଂକ୍ରାନ୍ତରେ ଅମରେଶ ଜେନାଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ।

ପାକିସ୍ତାନ ର କମୁଛି ସମର୍ଥନ, କମୁଛି ଶକ୍ତି

ଆମେରିକା ବଳରେ ବଳୀୟାନ ପାକିସ୍ତାନକୁ ଶକ୍ତ ଝଟକା

କମୁଛି ସମର୍ଥନ, କମୁଛି ଶକ୍ତି

ନୂଆଦିଲ୍ଲୀ, ୦୯/୦୫: ପାକିସ୍ତାନ ବାରମ୍ବାର ଭାରତ ସହିତ ଲଢେ଼ଇ କରୁଛି। ଯେତିକି ଥର ପାକିସ୍ତାନ ଭାରତର ସାମ୍ନା କରିଛି, ସେତେବେଳେ ଆମେରିକାର ଶରଣ ପଶିଛି। ପାକିସ୍ତାନର ମନରେ ଆମେରିକାର ସାହସ ନେଇ ଭାରତ ସହ ଲଢିଥାଏ। କିନ୍ତୁ ଏଥର ପାକିସ୍ତାନର ଭରସାଯୋଗ୍ୟ ଲାଇଫଲାଇନ ଆମେରିକା ତା’ର ସାଥ୍ ଛାଡିଦେଇଛି। କୌଣସି ମତ୍ତେ ପାକିସ୍ଥାନକୁ ସମର୍ଥନ କରିବ ନାହିଁ ବୋଲି ସିଧା ଶୁଣାଇ ଦେଇଛି। ଭାରତର ‘ଅପରେସନ ସିନ୍ଦୂର’ ପରେ ପାକିସ୍ତାନ ପାଇଁ ଆମେରିକାର କୋଳ ଖାଲି ହୋଇଯାଇଛି।

ପୂର୍ବରୁ କାର୍ଗିଲ ଯୁଦ୍ଧ ବେଳେ ଭାରତ ଭିତରକୁ ରାଜସ୍ଥାନ ସୀମା ଦେଇ ପାକିସ୍ତାନ ଅନୁପ୍ରବେଶ କରିବାକୁ ଉଦ୍ୟମ କରିଥିବାର ଆମେରିକାର ସ୍ପାଏ ସାଟେଲାଇଟରେ ଦେଖିଥିଲା ଆମେରିକା। କିନ୍ତୁ ସାର୍ବଜନୀନ ଭାବେ ପାକିସ୍ତାନର ତତ୍କାଳୀନ ପ୍ରଧାନମନ୍ତ୍ରୀ ନୱାଜ ସରିଫ ସିଧାସଳଖ କାର୍ଗିଲରେ ପାକିସ୍ତାନର ଭୂମିକାକୁ ସିଧାସଳଖ ଏଡାଇ ଯାଇଥିଲେ। କିନ୍ତୁ ସରିଫ ଏ ବିଷୟରେ ଅବଗତ ଥିବାରୁ ସେ ଆମେରିକାର ତତ୍କାଳୀନ ରାଷ୍ଟ୍ରପତି ବିଲ୍ କ୍ଲିଣ୍ଟନଙ୍କ ଶରଣ ପଶିଥିଲେ। ପରେ ସରିଫ କାର୍ଗିଲରୁ ନିଜ ଦେଶର ସୈନ୍ୟଙ୍କୁ ଫେରି ଆସିବାକୁ ନିର୍ଦ୍ଦେଶ ଦେଇଥିଲେ ଏବଂ ଅନୁପ୍ରବେଶକାରୀହାନେ ଆଉ କାର୍ଗିଲରେ ରହିବା ଉଚିତ୍ ନୁହେଁ ବୋଲି କହିଥିଲେ। ଯାହା ପରେ ଯୁଦ୍ଧ ଥମିଥିଲା।

ସେହିପରି ୧୯୭୧ ମସିହାରେ ହୋଇଥିବା ଭାରତ-ପାକିସ୍ତାନ ଯୁଦ୍ଧ ବେଳେ ଆମେରିକାର ପରମାଣୁ ଶକ୍ତି ଚାଳିତ ବିମାନବାହୀ ଜାହାଜ ୟୁଏସଏସ ଏଣ୍ଟରପ୍ରାଇଜ ନେତୃତ୍ୱରେ ବଙ୍ଗୋପସାଗରରେ ସ୍ଥଳ ସୀମାରୁ ଆକ୍ରମଣ କରିଥିଲା ପାକିସ୍ତାନ।

ସେହିପରି ୨୦୦୧ରେ ଭାରତର ସଂସଦ ଭବନ ଉପରେ ଆତଙ୍କବାଦୀ ଆକ୍ରମଣ ସମୟରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ଯାହା ପରେ ସମସ୍ୟାର ସମାଧାନ ପାଇଁ ଆମେରିକା ତା’ର ରାଷ୍ଟ୍ରଦୂତଙ୍କୁ ନୂଆଦିଲ୍ଲୀ ପଠାଇଥିଲା।

କିନ୍ତୁ ଆମେରିକାର ଉପରାଷ୍ଟ୍ରପତି ଜେଡି ଭାନ୍ସ ସିଧାସଳଖ ପାକିସ୍ତାନକୁ ସମର୍ଥନ କରିବେ ନାହିଁ ବୋଲି କହି ଦେଇଛନ୍ତି। ଆମେ ଯାହା କରିପାରିବା ତାହା ହେଉଛି ଏହି ଲୋକମାନଙ୍କୁ ଟିକିଏ ଉତ୍ତେଜନା ହ୍ରାସ କରିବାକୁ ଉତ୍ସାହିତ କରିବାକୁ ଚେଷ୍ଟା କରିବା। କିନ୍ତୁ ଆମେ ଏକ ଯୁଦ୍ଧ ମଝିରେ ସାମିଲ ହେବୁ ନାହୁଁ। ଆମେରିକା ଭାରତ କିମ୍ବା ପାକିସ୍ତାନକୁ ଅସ୍ତ୍ରଶସ୍ତ୍ର ନ ଉଠାଇବାକୁ କହିପାରିବୁ ନାହିଁ। କାରଣ ଏହା ଆମର ବ୍ୟକ୍ତିଗତ ଘଟଣା ନୁହେଁ ବୋଲି ଜେଡି ଭାନ୍ସ କହିଛନ୍ତି।

ଅନ୍ୟପଟେ ପାକିସ୍ତାନର ଏହି ଯୁଦ୍ଧ ମଧ୍ୟରେ ବେଲୁଚିସ୍ତାନକୁ ମଧ୍ୟ ଫାଇଦା ମିଳୁଛି। ବେଲୁଚିସ୍ତାନ ସ୍ୱତନ୍ତ୍ର ଭାବେ ଅଲଗା ରାଷ୍ଟ୍ର ଗଠନ ପାଇଁ ଦାବି କରି ଆସୁଥିବାରୁ ବିଏଲଏ ଆକ୍ରମଣ କରୁଛି। ବର୍ତ୍ତମାନ ସୁଦ୍ଧା ପାକିସ୍ତାନକୁ କେବଳ ଚୀନ, ତୁର୍କୀ ଓ ଆଜରବାଇଜାନ ସମର୍ଥନ କରୁଥିବା ବେଳେ ଅନ୍ୟ‌ କୌଣସି ରାଷ୍ଟ୍ର ପାକିସ୍ତାନର ସହଯୋଗ କରୁ ନାହାନ୍ତି। କିନ୍ତୁ ଭାରତକୁ ଆରବ ଦେଶଗୁଡ଼ିକ ସମର୍ଥନ କରୁଛନ୍ତି।

ଔଷଧ ବିକଳରେ ତାଟିଆ କାମୁଡିବା ଭଳି ପାକିସ୍ତାନ ସହଯୋଗ ପାଉନଥିବାରୁ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରୁଛି ପାକିସ୍ତାନ। ପାକିସ୍ତାନର ପୁରୁଣା ରେକର୍ଡ ରହିଛି ଯେ, ଯେତେବେଳେ ବି ଭାରତ ସହ ଉତ୍ତେଜନା ଲାଗି ରୁହେ ସେ ପରମାଣୁ ଆକ୍ରମଣର‌ ଧମକ ଦିଏ ନହେଲେ, ଅନ୍ତର୍ଜାତୀୟ ମଧ୍ୟସ୍ଥତାର ସହଯୋଗ ଲୋଡ଼େ ଏବଂ ଆମେରିକାର ଶରଣ ପଶେ। ଯାହା ଚଳିତ ଥର ସମ୍ଭବପର ହୋଇପାରିନାହିଁ।

https://youtube.com/@coastalnewsodia?si=AB2TB8we6wtbHMXy

କେନ୍ଦ୍ର ଶକ୍ତି ମନ୍ତ୍ରୀଙ୍କୁ ସାକ୍ଷାତ କଲେ ଉପମୁଖ୍ୟମନ୍ତ୍ରୀ

ଓଡ଼ିଶା ବିଦ୍ୟୁତ୍ କ୍ଷେତ୍ରର ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଅନୁକୂଳ ବିଚାର ପାଇଁ ଅନୁରୋଧ କରିଥିଲେ 

https://youtube.com/@coastalnewsodia?si=AB2TB8we6wtbHMXy

ଭୁବନେଶ୍ୱର, ୨୯/୦୭: ମାନ୍ୟବର ଉପମୁଖ୍ୟମନ୍ତ୍ରୀ ଆଜି ଦିଲ୍ଲୀରେ ମାନ୍ୟବର କେନ୍ଦ୍ର ଶକ୍ତି, ଗୃହ ଏବଂ ସହରୀ ବ୍ୟାପାର ମନ୍ତ୍ରୀ ଶ୍ରୀ ମନୋହର ଲାଲଙ୍କୁ ସାକ୍ଷାତ କରିଛନ୍ତି । ଏହି ଅବସରରେ ଓଡ଼ିଶା ବିଦ୍ୟୁତ୍ କ୍ଷେତ୍ରର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗକୁ ନେଇ ଆଲୋଚନା କରିଛନ୍ତି ଏବଂ ସେହି ପ୍ରସଙ୍ଗଗୁଡ଼ିକ ଉପରେ ଅନୁକୂଳ ବିଚାର ପାଇଁ ଅନୁରୋଧ ମଧ୍ୟ କରିଛନ୍ତି ।

ପ୍ରସଙ୍ଗ ଗୁଡ଼ିକ ମଧ୍ୟରେ, ପୁନର୍ବିନ୍ୟାସ କ୍ଷେତ୍ର ଯୋଜନା (RDSS) ଅଧୀନରେ ୩୦୬୯ କୋଟି ଟଙ୍କାର ପାଣ୍ଠି ମଞ୍ଜୁର ଆଲୋଚନା ରହିଛି । ସେହିଭଳି, ଓଡ଼ିଶା ବାରମ୍ବାର ଘୂର୍ଣ୍ଣିଝଡ଼ ଏବଂ ବନ୍ୟାର ସମ୍ମୁଖୀନ ହେଉଥିବାରୁ, ବିପର୍ଯ୍ୟୟ ପ୍ରତିରୋଧୀ ଭିତ୍ତିଭୂମି ପାଇଁ ମିଳିତ (CDRI) ଉପକୂଳରୁ ଚୟନିତ ସ୍ଥାନରେ ଭୂତଳ କେବୁଲ ବିଶେଷ କରି ଉପକୂଳବର୍ତ୍ତୀ ୩୦ କିଲୋମିଟର ସହିତ ବିପର୍ଯ୍ୟୟ ପ୍ରତିରୋଧୀ ବିଦ୍ୟୁତ୍ ଭିତ୍ତିଭୂମି ପ୍ରସ୍ତାବ ରହିଛି । ଏହାକୁ କାର୍ଯ୍ୟକାରୀ କରିବା ନିମନ୍ତେ ଓଡ଼ିଶାକୁ ବିପର୍ଯ୍ୟୟ ପ୍ରତିରୋଧୀ ବିଦ୍ୟୁତ୍ ଭିତ୍ତିଭୂମି ପାଇଁ ତୁରନ୍ତ କେନ୍ଦ୍ରୀୟ ଆର୍ଥିକ ସହାୟତା ଯୋଗାଇଦେବାକୁ ଅନୁରୋଧ କରିଛନ୍ତି ଉପମୁଖ୍ୟମନ୍ତ୍ରୀ ଶ୍ରୀ ସିଂହଦେଓ । ଏହାବ୍ୟତୀତ ସୁନ୍ଦରଗଡ଼ ଜିଲ୍ଲା ଏବଂ ଏହାର ପାର୍ଶ୍ଵବର୍ତ୍ତୀ ଅଞ୍ଚଳରେ ବିଦ୍ୟୁତ୍ ଚାହିଦା ବୃଦ୍ଧି ପାଉଥିବାରୁ, ଏନଏଲସି ତଲାବିରା ଦ୍ଵିତୀୟ ପର୍ଯ୍ୟାୟ ପ୍ରକଳ୍ପରୁ ଓଡ଼ିଶାକୁ ୮୦୦ ମେଗାୱାଟ ବିଦ୍ୟୁତ୍ ଆବଣ୍ଟନ କରିବାକୁ ଅନୁରୋଧ କରିଛନ୍ତି ଉପମୁଖ୍ୟମନ୍ତ୍ରୀ । ଏହା ଦ୍ଵାରା ସମୁଦାୟ ୩୨୦୦ ମେଗାୱାଟ ପ୍ରକଳ୍ପ କ୍ଷମତାରୁ ୧୨୦୦ ମେଗାୱାଟ ଓଡ଼ିଶା ପକ୍ଷରେ ରହିବ। ଏନଏଲସି ତଲାବିରା ପ୍ରଥମ ପର୍ଯ୍ୟାୟରେ ୪୦୦ ମେଗାୱାଟ କ୍ଷମତା ଓଡ଼ିଶାକୁ ଆବଣ୍ଟନ କରାଯାଇଥିଲା ।

ଓଡ଼ିଶା ଏହାର ବିଦ୍ୟୁତ୍ କ୍ଷେତ୍ର ବିକାଶରେ ଉଲ୍ଲେଖନୀୟ ଅଗ୍ରଗତି କରୁଛି। ଏହି ମଞ୍ଜୁରୀ ଦ୍ୱାରା ଓଡ଼ିଶା କେବଳ ଏହାର ଜନସାଧାରଣଙ୍କୁ ଲାଭବାନ କରିବ ନାହିଁ ବରଂ ସାରା ଦେଶରେ ନିର୍ଭରଯୋଗ୍ୟ ଓ ସ୍ଥାୟୀ ବିଦ୍ୟୁତ୍ ଭିତ୍ତିଭୂମି ସୁନିଶ୍ଚିତ କରିବା ଲକ୍ଷ୍ୟରେ ମଧ୍ୟ ଯୋଗଦାନ କରିବ ।

ଭୁବନେଶ୍ୱରରେ ଅନୁଷ୍ଠିତ ହେବ ପାର୍ଲାମେଣ୍ଟ/ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଅନୁସୂଚିତ ଜାତି ଓ ଜନଜାତି କଲ୍ୟାଣ କମିଟି ଅଧ୍ୟକ୍ଷ ସମ୍ମିଳନୀ

ଭୁବନେଶ୍ୱରରେ ଅନୁଷ୍ଠିତ ହେବ ପାର୍ଲାମେଣ୍ଟ/ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଅନୁସୂଚିତ ଜାତି ଓ ଜନଜାତି କଲ୍ୟାଣ କମିଟି ଅଧ୍ୟକ୍ଷ ସମ୍ମିଳନୀ

କାର୍ଯ୍ୟକ୍ରମରେ ଯୋଗ ଦେବେ ୨୫୦ରୁ ଉର୍ଦ୍ଧ୍ବ ପ୍ରତିନିଧି

ଭୁବନେଶ୍ୱର, ୨୯/୦୭: ଆସନ୍ତା ଅଗଷ୍ଟ ମାସ ୨୯ ଓ ୩୦ ତାରିଖରେ ଭୁବନେଶ୍ୱରଠାରେ ପାର୍ଲାମେଣ୍ଟ/ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ଅନୁସୂଚିତ ଜାତି ଓ ଜନଜାତି କଲ୍ୟାଣ କମିଟିର ଅଧ୍ୟକ୍ଷଙ୍କ ସମ୍ମିଳନୀ ଅନୁଷ୍ଠିତ ହେବାକୁ ଯାଉଛି । ଏହି ପରିପ୍ରେକ୍ଷୀରେ ଆଜି ବାଚସ୍ପତି ଶ୍ରୀମତୀ ସୁରମା ପାଢ଼ୀଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଉପବାଚସ୍ପତି ଶ୍ରୀ ଭାବନୀଶଙ୍କର ଭୋଇ, ସଂସଦୀୟ ବ୍ୟାପାର ମନ୍ତ୍ରୀ ଡଃ ମୁକେଶ ମହାଲିଙ୍ଗ, ମୁଖ୍ୟ ସଚେତକ ଶ୍ରୀ ସରୋଜ ପ୍ରଧାନ ପ୍ରମୁଖ ଉପସ୍ଥିତ ରହି ସମ୍ମିଳନୀର ପ୍ରସ୍ତୁତି ସମ୍ପର୍କରେ ସୁଚିନ୍ତିତ ମତ ରଖିଥିଲେ ।

*https://youtu.be/BM9q3K5n-3o?si=i7uiZKCA85lwxfQ6*

ବୈଠକରେ ଆଲୋଚନା ଅନୁଯାୟୀ ଏହି ଜାତୀୟ ସମ୍ମିଳନୀରେ ଲୋକସଭାର ବାଚସ୍ପତି ଶ୍ରୀ ଓମ୍‌ ବିର୍ଲା, ରାଜ୍ୟସଭାର ଉପାଧ୍ୟକ୍ଷ ଡ. ହରିବଂଶ, ସାଂସଦ ଓ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କମିଟି ଅଧ୍ୟକ୍ଷ ଓ ପ୍ରତିନିଧିମାନେ ଯୋଗଦେବାର କାର୍ଯ୍ୟକ୍ରମ ରହିଛି । ଏହି ଅବସରରେ ବାଚସ୍ପତି ଓଡ଼ିଶାକୁ ଏଭଳି ଏକ ମର୍ଯ୍ୟାଦାଜନକ ଜାତୀୟ ସମ୍ମିଳନୀର ଆୟୋଜନ ପାଇଁ ସୁଯୋଗ ଦେଇଥିବାରୁ ଲୋକସଭାର ବାଚସ୍ପତିଙ୍କୁ ଆନ୍ତରିକ ଧନ୍ୟବାଦ ପ୍ରଦାନ କରିଥିଲେ । ସେ କହିଥିଲେ ଯେ କାର୍ଯ୍ୟକ୍ରମରେ ପ୍ରାୟ ୨୫୦ରୁ ଊର୍ଦ୍ଧ୍ୱ ପ୍ରତିନିଧି ଯୋଗଦେବେ । ଓଡ଼ିଶା ‘ଅତିଥି ଦେବୋ ଭବଃ’ ନୀତିକୁ ସବୁବେଳେ ପ୍ରାଥମିକତା ଦେଇଥାଏ । ଏଣୁ ଏଥିରେ ଯୋଗଦେବାକୁ ଥିବା ଅତିଥିମାନଙ୍କ ଚର୍ଚ୍ଚାରେ ଯେପରି କୌଣସି ତ୍ରୁଟି ନ ରହେ ତାହା ଉପରେ ବାଚସ୍ପତି ଗୁରୁତ୍ୱାରୋପ କରିଥିଲେ ।

ଏହି ଦୁଇଦିନିଆ କାର୍ଯ୍ୟକ୍ରମର ଉଦ୍‌ଘାଟନୀ ଉତ୍ସବରେ ମୁଖ୍ୟମନ୍ତ୍ରୀ ଯୋଗଦେବାକୁ ଥିବାବେଳେ ଉଦ୍‌ଯାପନୀ ଉତ୍ସବରେ ରାଜ୍ୟପାଳ ଯୋଗଦେବାର କାର୍ଯ୍ୟକ୍ରମ ରହିଛି । ସମ୍ମିଳନୀ ପରେ ଅତିଥିମାନେ ପୁରୀ ଓ କୋଣାର୍କ ପରିଦର୍ଶନ କରିବେ ।

ଏହିସବୁ କାର୍ଯ୍ୟକ୍ରମର ପ୍ରସ୍ତୁତି ସମ୍ପର୍କରେ ତଦାରଖ କରିବା ପାଇଁ ଲୋକସଭାର ନିର୍ଦ୍ଦେଶକ ଡ. ୟମ୍‌ନାମ୍‌ ଅରୁଣ କୁମାରଙ୍କ ସହ ଏକ ଉଚ୍ଚସ୍ତରୀୟ ଅଧିକାରୀ କମିଟି ଓଡ଼ିଶା ଗସ୍ତରେ ଅଛନ୍ତି । ପ୍ରସ୍ତୁତି ବୈଠକରେ କମିଶନରେଟ୍‌ ପୋଲିସ, ସଂସଦୀୟ ବ୍ୟାପାର ବିଭାଗ, ଗୃହ ବିଭାଗ, ଅର୍ଥ ବିଭାଗ, ପର୍ଯ୍ୟଟନ ବିଭାଗ, ପୂର୍ତ୍ତ ବିଭାଗ, ସୂଚନା ଓ ଲୋକସମ୍ପର୍କ ବିଭାଗର ବରିଷ୍ଠ ଅଧିକାରୀ ଯୋଗଦେଇଥିବାବେଳେ ବିଧାନସଭାର ସଚିବ ଶ୍ରୀ ସତ୍ୟବ୍ରତ ରାଉତ ଓ ଅନ୍ୟ ବରିଷ୍ଠ ଅଧିକାରୀ ପ୍ରମୁଖ ଉପସ୍ଥିତ ଥିଲେ ।

୩୫ ତମ ଡ୍ୟାସବୋର୍ଡ ସମୀକ୍ଷାସ୍ମାର୍ଟ ଗଭର୍ଣ୍ଣାନ୍ସ – ତ୍ୱରିତ କାର୍ଯ୍ୟାନ୍ୱୟନ ଉପରେ ଗୁରୁତ୍ଵ

୩୫ ତମ ଡ୍ୟାସବୋର୍ଡ ସମୀକ୍ଷା

ସ୍ମାର୍ଟ ଗଭର୍ଣ୍ଣାନ୍ସ – ତ୍ୱରିତ କାର୍ଯ୍ୟାନ୍ୱୟନ ଉପରେ ଗୁରୁତ୍ଵ

ଭୁବନେଶ୍ୱର, ୦୯/୦୭: ଗୃହନିର୍ମାଣ ଓ ନଗର ଉନ୍ନୟନ ବିଭାଗର ୩୫ତମ ଡ୍ୟାସବୋର୍ଡ ସମୀକ୍ଷା ବୈଠକ ବିଭାଗର ପ୍ରମୁଖ ସଚିବ ଶ୍ରୀମତୀ ଉଷା ପାଢୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏହି ବୈଠକରେ ନାଗରିକ-କୈନ୍ଦ୍ରିକ ଶାସନ ଉପରେ ଗୁରୁତ୍ୱ ସହିତ ମୁଖ୍ୟ ସହରାଞ୍ଚଳ ବିକାଶ ପଦକ୍ଷେପଗୁଡ଼ିକରେ ପ୍ରଗତିକୁ ତ୍ୱରାନ୍ୱିତ କରିବା ଉପରେ ଗୁରୁତ୍ଵ ଦିଆଯାଇଥିଲା।

ସେହିପରି ସମନ୍ୱିତ ନିର୍ଦ୍ଦେଶ ଏବଂ ନିୟନ୍ତ୍ରଣ କେନ୍ଦ୍ର ଯାହାକୁ ଅଭିଯୋଗ ସମାଧାନ, ବାସ୍ତବ-ସମୟ ସହରାଞ୍ଚଳ ତଦାରଖ ଏବଂ ବିଭାଗଗୁଡ଼ିକ ମଧ୍ୟରେ ସୁଗମ ସମନ୍ୱୟ ପାଇଁ ସ୍ନାୟୁ କେନ୍ଦ୍ର ଭାବରେ ଅବସ୍ଥାପିତ କରାଯାଉଛି। ନାଗରିକଙ୍କ ଆବଶ୍ୟକତା ପ୍ରତି ପ୍ରତିକ୍ରିୟାଶୀଳତା ବୃଦ୍ଧି କରିବା ପାଇଁ ଆଇ ସି ସି ସିର କାର୍ଯ୍ୟକୁ ଆହୁରି ସୁଗମ କରିବାର ଆବଶ୍ୟକତା ଉପରେ ଶ୍ରୀମତୀ ପାଢୀ ଗୁରୁତ୍ୱାରୋପ କରିଥିଲେ।

ବୈଠକରେ ବିଭିନ୍ନ ସହରାଞ୍ଚଳ ଯୋଜନା ଅଧୀନରେ ବଜେଟ୍ ବ୍ୟବହାରର ସମୀକ୍ଷା , ସମୟୋଚିତ କାର୍ଯ୍ୟାନ୍ୱୟନ ଏବଂ ସେବା ପ୍ରଦାନ ସୁନିଶ୍ଚିତ କରିବା ପାଇଁ ପାଣ୍ଠି ବିନିଯୋଗକୁ ତ୍ୱରାନ୍ୱିତ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି । ସହରାଞ୍ଚଳ ପରିମଳ, ଜଳ ଯୋଗାଣ, କଠିନ ବର୍ଜ୍ୟବସ୍ତୁ ପରିଚାଳନା ଏବଂ ଡିଜିଟାଲ୍ ସେବା ପ୍ରଦାନ ଉପରେ ଅଧିକ ଧ୍ୟାନ ଦିଆଯାଇଥିଲା।

ସାମ୍ପ୍ରତିକ କ୍ଷେତ୍ର ପରିଦର୍ଶନରୁ ମିଳିଥିବା ଅନ୍ତର୍ଦୃଷ୍ଟି ଏବଂ ମତାମତ ଉପସ୍ଥାପନ କରାଯାଇ ଆଲୋଚନା କରାଯାଇଥିଲା, ଯାହା ଭୂମିଗତ ଚ୍ୟାଲେଞ୍ଜ ଏବଂ ଉନ୍ନତିର ସମ୍ଭାବ୍ୟ କ୍ଷେତ୍ରଗୁଡ଼ିକୁ ଚିହ୍ନଟ କରିବାରେ ସାହାଯ୍ୟ କରିବ। ପ୍ରମୁଖ ସଚିବ ଶ୍ରୀମତୀ ପାଢ଼ୀ ଅଧିକାରୀ ମାନଙ୍କୁ ନବସୃଜନଶୀଳ ଅଭ୍ୟାସ ଗ୍ରହଣ କରିବା, ଆନ୍ତଃ-ଏଜେନ୍ସି ସମନ୍ୱୟକୁ ସୁଦୃଢ଼ କରିବା ଏବଂ ସମସ୍ତ ସ୍ତରରେ ଦାୟିତ୍ୱ ବଜାୟ ରଖିବା ପାଇଁ ଉତ୍ସାହିତ କରିଥିଲେ।

ଶ୍ରୀମତୀ ଉଷା ପାଢୀ ସଶକ୍ତ ସହର ଏବଂ ସ୍ଥିର ସହରାଞ୍ଚଳ ବ୍ୟବସ୍ଥା ପ୍ରତି ବିଭାଗର ପ୍ରତିବଦ୍ଧତାକୁ ପୁନର୍ବାର ଦୋହରାଇଥିଲେ, ସମସ୍ତ ଅଂଶୀଦାରମାନଙ୍କୁ “ବିକଶିତ ଓଡ଼ିଶା @୨୦୩୬” ର ଦୃଷ୍ଟିକୋଣ ସହିତ ସମନ୍ୱୟ ରକ୍ଷା କରି କାମ କରିବାକୁ ପରାମର୍ଶଦେଇଥିଲେ ।

ଝାରସୁଗୁଡ଼ାରେ ଅଟକ ୪୪୪ ସନ୍ଦିଗ୍ଧଙ୍କୁ ବଙ୍ଗୀୟ ଶ୍ରମିକ ବୋଲି ଦାବି କଲା ଟିଏମସି

ଝାରସୁଗୁଡ଼ାରେ ଅଟକ ୪୪୪ ସନ୍ଦିଗ୍ଧଙ୍କୁ ବଙ୍ଗୀୟ ଶ୍ରମିକ ବୋଲି ଦାବି କଲା ଟିଏମସି

ମହୁଆ ମୋଇତ୍ରା ଆଣିଲେ ସଙ୍ଗୀନ ଅଭିଯୋଗ

https://youtube.com/@coastalnewsodia?si=AB2TB8we6wtbHMXy

ଝାରସୁଗୁଡ଼ା, ୦୯/୦୭: ଝାରସୁଗୁଡାରେ ୪୪୪ ଜଣ ସନ୍ଦିଗ୍ଧ ବାଂଲାଦେଶୀ ଏବଂ ରୋହିଙ୍ଗ୍ୟା ପ୍ରବାସୀଙ୍କୁ ଯାଞ୍ଚ ପାଇଁ ଅଟକ ରଖିବାର ଦିନକ ପରେ ତେଜିଲା ରାଜନୀତି। ପଶ୍ଚିମବଙ୍ଗର ଶାସକ ଦଳ ତୃଣମୂଳ କଂଗ୍ରେସ ଅଭିଯୋଗ କରିଛି ଯେ ସେମାନେ ପଶ୍ଚିମବଙ୍ଗର ପ୍ରବାସୀ ଶ୍ରମିକ ଥିଲେ।

ଏହାର ଜବାବରେ, ଝାରସୁଗୁଡ଼ାରେ ସନ୍ଦିଗ୍ଧଙ୍କୁ ଜାତୀୟ ସ୍ୱାର୍ଥ ଏବଂ ନିରାପତ୍ତାକୁ ଦୃଷ୍ଟିରେ ରଖି ଓଡ଼ିଶା ସରକାର ଏହି ନିଷ୍ପତ୍ତି ନେଇଛନ୍ତି ବୋଲି ରାଜ୍ୟ ସରକାର କହିଛନ୍ତି।

ପୂର୍ବରୁ ପଶ୍ଚିମବଙ୍ଗର କୃଷ୍ଣନଗରର ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା ଅଭିଯୋଗ କରିଥିଲେ ଯେ, ପଶ୍ଚିମବଙ୍ଗର ୪୪୪ ଜଣ ବଙ୍ଗାଳୀ ଭାଷା କହୁଥିବା ପ୍ରବାସୀ ଶ୍ରମିକଙ୍କୁ ଝାରସୁଗୁଡ଼ାରେ ଅବୈଧ ଭାବରେ ଅଟକ ରଖାଯାଇଛି। ତାଙ୍କ ନିର୍ବାଚନମଣ୍ଡଳୀର ପାଣିଘାଟା ଅଞ୍ଚଳର ୨୩ ଜଣ ଶ୍ରମିକଙ୍କୁ ବୈଧ ପ୍ରମାଣପତ୍ର ଯାଞ୍ଚ କରାଯାଉଥିବା ବେଳେ ସେମାନଙ୍କୁ ଓଡ଼ିଶାରେ ଅଟକ ରଖାଯାଇଛି, ଯେତେବେଳେ କି ସେମାନଙ୍କ ନିକଟରେ ବୈଧ କାଗଜପତ୍ର ଅଛି। ଅଟକ ରଖା ଯାଇଥିବା ବେଳର ଭିଡ଼ିଓ ଓଡ଼ିଶାର ମୁଖ୍ୟମନ୍ତ୍ରୀ, ମୁଖ୍ୟ ସଚିବ ଏବଂ ଓଡ଼ିଶାର ଡିଜିପି ତୁରନ୍ତ ଦୃଷ୍ଟି ଦେବା ଆବଶ୍ୟକ ବୋଲି ସେ କହିଛନ୍ତି।

ସେହିପରି, ଟିଏମସି ରାଜ୍ୟସଭା ସାଂସଦ ସମିରୂଲ ଇସଲାମ ଦାବି କରିଛନ୍ତି ଯେ ଓଡ଼ିଶା ସରକାର ସମ୍ପ୍ରତି ପଶ୍ଚିମବଙ୍ଗର ବିଭିନ୍ନ ଜିଲ୍ଲା ମୁର୍ଶିଦାବାଦ, ବୀରଭୂମି, ମାଲଦା, ନାଦିଆ, ପୂର୍ବ ବର୍ଦ୍ଧମାନ ଏବଂ ଦକ୍ଷିଣ ୨୪ ପ୍ରଗଣାରୁ ୨୦୦ରୁ ଅଧିକ ପ୍ରବାସୀ ଶ୍ରମିକଙ୍କୁ ବାଂଲାଦେଶୀ ନାଗରିକ ସନ୍ଦେହରେ ଅଟକ ରଖିଛନ୍ତି।

ଅନ୍ୟପଟେ, ଉତ୍ତର ରେଞ୍ଜ ଆଇଜି ହିମାଂସୁ କୁମାର ଲାଲ କହିଛନ୍ତି ଯେ, ଅଟକ ୪୪୪ ଜଣଙ୍କ ପାଖରେ ବାସସ୍ଥାନ କିମ୍ବା ନାଗରିକତା ପ୍ରମାଣପତ୍ର ନାହିଁ। ତେଣୁ ଦେଶର ସୁରକ୍ଷା ଦୃଷ୍ଟିରୁ ସେମାନଙ୍କର ଯାଞ୍ଚ କରିବା ଆବଶ୍ୟକ। ସେମାନଙ୍କୁ ଖାଦ୍ୟ ପାନୀୟ ବ୍ୟବସ୍ଥା ସହିତ ରଖାଯାଇଛି। ଯେଉଁମାନଙ୍କ ପାଖରେ ବୈଧ କାଗଜପତ୍ର ଥିଲା, ସେମାନଙ୍କୁ ଛାଡି ଦିଆଯାଇଛି। ଅଧିକ ବିବରଣୀ ପାଇଁ କିମ୍ବା କୌଣସି ବିଷୟରେ ଅବଗତ ହେବା ପାଇଁ, ସ୍ଥାନୀୟ କର୍ତ୍ତୃପକ୍ଷଙ୍କୁ ମୋବାଇଲ୍ ଫୋନ୍ ନମ୍ବର 9437178799 ରେ ଯୋଗାଯୋଗ କରାଯାଇପାରିବ ବୋଲି ସେ କହିଛନ୍ତି।

ୟମନରେ କେରଳର ନର୍ସ ନିମିଷାଙ୍କ ମୃତ୍ୟୁଦଣ୍ଡ ରଦ୍ଦ: ଭାରତର ଗ୍ରାଣ୍ଡ ମୁଫତିଙ୍କ ଦାବି

ୟମନରେ କେରଳର ନର୍ସ ନିମିଷାଙ୍କ ମୃତ୍ୟୁଦଣ୍ଡ ରଦ୍ଦ: ଭାରତର ଗ୍ରାଣ୍ଡ ମୁଫତିଙ୍କ ଦାବି

ସାନା: ୟମନରେ ମୃତ୍ୟୁଦଣ୍ଡର ସମ୍ମୁଖୀନ ହେଉଥିବା କେରଳର ନର୍ସ ନିମିଷା ପ୍ରିୟାଙ୍କ ମୃତ୍ୟୁଦଣ୍ଡ ରଦ୍ଦ ହୋଇଥିବା ନେଇ ଭାରତର ଗ୍ରାଣ୍ଡ ମୁଫତି କାନ୍ଥାପୁରମ ଏପି ଅବୁବକର ମୁସଲିୟାରଙ୍କ କାର୍ଯ୍ୟାଳୟ ଦାବି କରିଛି। ୟମନର ରାଜଧାନୀ ସାନାରେ ଅନୁଷ୍ଠିତ ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଥିବା ସୂଚନା ମିଳିଛି। ତେବେ ଏ ସମ୍ପର୍କରେ ୟମନ ସରକାର କିମ୍ବା ଭାରତ ସରକାରଙ୍କ ତରଫରୁ ଏପର୍ଯ୍ୟନ୍ତ କୌଣସି ଆଧିକାରିକ ଘୋଷଣା କରାଯାଇ ନାହିଁ।

ଗ୍ରାଣ୍ଡ ମୁଫତିଙ୍କ କାର୍ଯ୍ୟାଳୟର ଜଣେ ନିକଟତର ଅନୁଗାମୀ ଜାଓ୍ଵାଦ ମୁସ୍ତଫାଓ୍ଵି କହିଛନ୍ତି ଯେ, ଏହି ନିଷ୍ପତ୍ତି ଭାରତୀୟ ଗ୍ରାଣ୍ଡ ମୁଫତିଙ୍କ ହସ୍ତକ୍ଷେପ ଯୋଗୁଁ ସମ୍ଭବ ହୋଇଛି। ଗ୍ରାଣ୍ଡ ମୁଫତି ୟମନର ପ୍ରସିଦ୍ଧ ସୁଫି ବିଦ୍ଵାନ ଶେଖ ଉମର ହଫିଜ ଥାଙ୍ଗଲଙ୍କୁ ୟନୀ ବିଦ୍ଵାନମାନଙ୍କର ଏକ ପ୍ରତିନିଧିମଣ୍ଡଳୀ ପଠାଇବାକୁ ଅନୁରୋଧ କରିଥିଲେ।

ନିମିଷାଙ୍କ ମାମଲା କ’ଣ?
କେରଳର ପାଲକ୍କଡ଼ ଜିଲ୍ଲାର ନିମିଷା ପ୍ରିୟା ୨୦୦୮ରେ ନର୍ସ ଭାବେ କାମ କରିବା ପାଇଁ ୟମନ ଯାଇଥିଲେ। ୨୦୧୫ରେ ସେ ୟନୀ ନାଗରିକ ତଲାଲ ଅବଦୋ ମହଦୀଙ୍କ ସହ ମିଶି ଏକ ମେଡିକାଲ କ୍ଲିନିକ ଆରମ୍ଭ କରିଥିଲେ। କିନ୍ତୁ ୨୦୧୭ରେ ମହଦୀଙ୍କ ଶବ ଏକ ଜଳ ଟାଙ୍କିରେ ମିଳିଥିଲା ଏବଂ ତାଙ୍କ ହତ୍ୟାର ଅଭିଯୋଗ ନିମିଷାଙ୍କ ଉପରେ ଲାଗିଥିଲା। ଅଭିଯୋଗ ଅନୁଯାୟୀ, ନିମିଷା ନିଜ ପାସପୋର୍ଟ ଫେରାଇ ଆଣିବା ପାଇଁ ମହଦୀଙ୍କୁ ନିଦ ଔଷଧର ଅତ୍ୟଧିକ ମାତ୍ରା ଦେଇଥିଲେ, ଯାହା ଫଳରେ ତାଙ୍କର ମୃତ୍ୟୁ ହୋଇଥିଲା।

୨୦୧୮ରେ ନିମିଷାଙ୍କୁ ହତ୍ୟା ଅଭିଯୋଗରେ ଦୋଷୀ ସାବ୍ୟସ୍ତ କରାଯାଇଥିଲା ଏବଂ ୨୦୨୦ରେ ୟମନୀ ଅଦାଲତ ତାଙ୍କୁ ମୃତ୍ୟୁଦଣ୍ଡ ଶୁଣାଇଥିଲା। ୨୦୨୩ରେ ତାଙ୍କର ଅନ୍ତିମ ଆପିଲ ମଧ୍ୟ ଖାରଜ ହୋଇଥିଲା। ନିମିଷା ବର୍ତ୍ତମାନ ସାନା ଜେଲରେ ବନ୍ଦୀ ଅଛନ୍ତି।

ଗ୍ରାଣ୍ଡ ମୁଫତିଙ୍କ ହସ୍ତକ୍ଷେପ
ଗ୍ରାଣ୍ଡ ମୁଫତି କାନ୍ଥାପୁରମ ଏପି ଅବୁବକର ମୁସଲିୟାରଙ୍କ ଅନୁରୋଧରେ ୟମନର ସୁଫି ବିଦ୍ଵାନ ଶେଖ ଉମର ହଫିଜ ଏକ ପ୍ରତିନିଧିମଣ୍ଡଳୀ ପଠାଇଥିଲେ, ଯେଉଁମାନେ ମୃତକ ତଲାଲଙ୍କ ପରିବାର ସହ ଆଲୋଚନା କରିଥିଲେ। ଏହି ଆଲୋଚନାରେ ଉତ୍ତର ୟମନର ଶାସକ ଅଧିକାରୀ ଏବଂ ଆନ୍ତର୍ଜାତୀୟ କୂଟନୀତିଜ୍ଞମାନେ ମଧ୍ୟ ଅଂଶଗ୍ରହଣ କରିଥିଲେ। ଏହା ପୂର୍ବରୁ ଜୁଲାଇ ୧୬, ୨୦୨୫ରେ ନିମିଷାଙ୍କ ଫାଶୀକୁ ଅସ୍ଥାୟୀ ଭାବେ ସ୍ଥଗିତ ରଖାଯାଇଥିଲା।

ବ୍ଲଡ ମନି ଓ ଆଲୋଚନାଯମନୀ ଶରିଆ ନିୟମ ଅନୁଯାୟୀ, ମୃତକଙ୍କ ପରିବାର ବ୍ଲଡ ମନି (କ୍ଷତିପୂରଣ) ଗ୍ରହଣ କରି ଦୋଷୀଙ୍କୁ କ୍ଷମା କରିପାରନ୍ତି। ନିମିଷାଙ୍କ ମାମଲାରେ ମଧ୍ୟ ଏହି ବିକଲ୍ପ ଉପରେ ଆଲୋଚନା ହୋଇଥିଲା। କେରଳର ବ୍ୟବସାୟୀ ଯୁସୁଫ ଅଲୀ ଏବଂ ବବି ଚେମ୍ମାନୁରଙ୍କ ସମେତ ‘ସେଭ୍ ନିମିଷା ପ୍ରିୟା ଇଣ୍ଟରନ୍ୟାସନାଲ ଆକ୍ସନ କାଉନସିଲ’ ପକ୍ଷରୁ ଏକ କୋଟି ଟଙ୍କାର କ୍ଷତିପୂରଣ ପ୍ରସ୍ତାବ ଦିଆଯାଇଥିଲା। କିନ୍ତୁ ମହଦୀଙ୍କ ପରିବାର ଏହା ଗ୍ରହଣ କରିବାକୁ ମନା କରିଦେଇଥିଲେ।

ଭାରତ ସରକାରଙ୍କ ଭୂମିକା
ଭାରତ ସରକାର ମଧ୍ୟ ନିମିଷାଙ୍କୁ ବଞ୍ଚାଇବା ପାଇଁ କୂଟନୀତିକ ଓ ଧାର୍ମିକ ଉପାୟରେ ପ୍ରୟାସ ଜାରି ରଖିଥିଲେ। ୟମନରେ ଭାରତୀୟ ଦୂତାବାସ ନଥିବା ହେତୁ ସଉଦୀ ଆରବ ମାଧ୍ୟମରେ ୟମନୀ ଅଧିକାରୀଙ୍କ ସହ ଯୋଗାଯୋଗ କରାଯାଇଥିଲା। ଭାରତୀୟ ଅଧିକାରୀମାନେ ୟମନୀ ଜେଲ ଅଧିକାରୀ ଏବଂ ଅଭିଯୋଗକାରୀ କାର୍ଯ୍ୟାଳୟ ସହ ନିୟମିତ ଯୋଗାଯୋଗରେ ଥିଲେ

ପିଜିଟି ଶିକ୍ଷକଙ୍କ ପାଞ୍ଚ ଦିନିଆ ପ୍ରଶିକ୍ଷଣ କାର୍ଯ୍ୟକ୍ରମର ଆୟୋଜନ

ପିଜିଟି ଶିକ୍ଷକଙ୍କ ପାଞ୍ଚ ଦିନିଆ ପ୍ରଶିକ୍ଷଣ କାର୍ଯ୍ୟକ୍ରମର ଆୟୋଜନ

ଛାତ୍ରଛାତ୍ରୀଙ୍କ ଚରିତ୍ର ଗଠନ ନିମନ୍ତେ ଶିକ୍ଷକ ଓ ଶିକ୍ଷୟିତ୍ରୀଙ୍କ ଭୂମିକା ଉପରେ ଗୁରୁତ୍ୱାରୋପ

ଭୁବନେଶ୍ୱର, ୨୮/୦୭: ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ଅଧିନ ବେସରକାରୀ ଅନୁଦାନପ୍ରାପ୍ତ ଉଚ୍ଚ ମାଧ୍ୟମିକ ବିଦ୍ୟାଳୟରେ ନିଯୁକ୍ତି ପାଇଥିବା ଇତିହାସ ଓ ଇଂରାଜୀ ବିଷୟର ସ୍ନାତକୋତ୍ତର ବା ପିଜିଟି ଶିକ୍ଷକ-ଶିକ୍ଷୟିତ୍ରୀମାନଙ୍କ ପାଇଁ ୫ ଦିନିଆ ପ୍ରଶିକ୍ଷଣ ଶିରିପୁରସ୍ଥିତ ଇମେଜ୍ ଠାରେ ଆୟୋଜିତ କରାଯାଇଛି । ଏହି ପ୍ରଶିକ୍ଷଣରେ ୧୦୦ ଜଣ ପିଜିଟି ଶିକ୍ଷକ-ଶିକ୍ଷୟିତ୍ରୀ ଯୋଗ ଦେଇଛନ୍ତି । ଉଦଘାଟନୀ ଅଧିବେଶନରେ ବିଦ୍ୟାଳୟ ଓ ଗଣଶିକ୍ଷା ବିଭାଗର ଅତିରିକ୍ତ ଶାସନ ସଚିବ ଶ୍ରୀମତୀ ଶୁଭଶ୍ରୀ ନନ୍ଦ, ଉଚ୍ଚ ମାଧ୍ୟମିକ ନିର୍ଦ୍ଦେଶାଳୟର ଯୁଗ୍ମ ନିର୍ଦ୍ଦେଶିକା ଶ୍ରୀମତୀ ସସ୍ମିତା ମାଳି, ଶ୍ରୀମତୀ ସ୍ନିଗ୍ଧା ମିଶ୍ର, ଶ୍ରୀମତୀ ଜୁଲି ମଙ୍ଗରାଜ ଓ ଉପ-ନିର୍ଦ୍ଦେଶକ ଶ୍ରୀ ଜିତେନ୍ଦ୍ର ନାୟକ ଉପସ୍ଥିତ ଥିଲେ ।

https://youtube.com/@coastalnewsodia?si=AB2TB8we6wtbHMXy

ଉଦଘାଟନୀ ଅଧିବେଶନରେ ଯୋଗ ଦେଇ ଅତିରିକ୍ତ ଶାସନ ସଚିବ ଶ୍ରୀମତୀ ନନ୍ଦ କହିଛନ୍ତି, ଛାତ୍ରଛାତ୍ରୀମାନଙ୍କର ସର୍ବାଙ୍ଗୀନ ଉନ୍ନତି ଓ ସେମାନଙ୍କର ଚରିତ୍ର ଗଠନ ନିମନ୍ତେ ଶିକ୍ଷକ-ଶିକ୍ଷୟିତ୍ରୀମାନଙ୍କୁ ନମ୍ର ହେବାକୁ ପଡ଼ିବ । ଛାତ୍ରଛାତ୍ରୀମାନଙ୍କର ମାନସିକ ଚାପକୁ ହ୍ରାସ କରିବା ପାଇଁ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ଶିକ୍ଷା ପ୍ରଦାନ କରିବା ସହ ଅଭିଭାବକମାନଙ୍କୁ ମଧ୍ୟ ସଚେତନ କରାଇବାର ଆବଶ୍ୟକତା ରହିଛି । ଏଥିସହ ଏକବିଂଶ ଶତାବ୍ଦୀର ଶିକ୍ଷାର ଆବଶ୍ୟକତାକୁ ଦୃଷ୍ଟିରେ ରଖି ଜାତୀୟ ଶିକ୍ଷା ନୀତିରେ ଥିବା ଧନ୍ଦାମୂଳକ, ବୈଷୟିକ, ଦକ୍ଷତା ବିକାଶ ଓ ଡିଜିଟାଲ୍ ଶିକ୍ଷାକୁ ପ୍ରାଧାନ୍ୟ ଦେବା ପାଇଁ ଶ୍ରୀମତୀ ନନ୍ଦ ଗୁରୁତ୍ବ ଦେଇଥିଲେ । ସେହିପରି ଯୁଗ୍ମ ନିର୍ଦ୍ଦେଶିକା ଶ୍ରୀମତୀ ସସ୍ମିତା ମାଳି ସ୍ବାଗତ ଅଭିଭାଷଣ ପ୍ରଦାନ କରିବା ସହ ପିଜିଟି ଶିକ୍ଷକ-ଶିକ୍ଷୟିତ୍ରୀମାନଙ୍କୁ ତାଲିମ୍ କାର୍ଯ୍ୟକ୍ରମରେ ଉଦ୍ଦେଶ୍ୟ ସମ୍ପର୍କରେ ସୂଚନା ଦେଇଥିବା ବେଳେ ଯୁଗ୍ମ ନିର୍ଦ୍ଦେଶିକା ଶ୍ରୀମତୀ ସ୍ନିଗ୍ଧା ମିଶ୍ର ଧନ୍ୟବାଦ ଅର୍ପଣ କରିଛନ୍ତି ।

ଏହି ପାଞ୍ଚ ଦିନିଆ ତାଲିମ୍ କାର୍ଯ୍ୟକ୍ରମରେ ପିଜିଟିମାନଙ୍କ ଦକ୍ଷତା ବିକାଶ ଉପରେ ପ୍ରାଧାନ୍ୟ ଦିଆଯିବ । ଓଡ଼ିଶା କ୍ୟାରିୟର ପୋର୍ଟାଲ୍ ପରିଚାଳନା, ଶିକ୍ଷକମାନଙ୍କ ବୃତ୍ତିଗତ ବିକାଶ, ଶ୍ରେଣୀଗୃହ ପରିଚାଳନା ଓ ଶିକ୍ଷଣ ଦକ୍ଷତା ବିକାଶ, ଗ୍ରୁପ୍ ଆକ୍ଟିଭିଟି, ଆକାଂକ୍ଷା ବିଦ୍ୟାଳୟର ଗଠନ ଆଦି ସମ୍ପର୍କରେ ତାଲିମ୍ ଦିଆଯିବ । ଏଥିସହ ପୂର୍ବରୁ କରାଯାଇଥିବା ତାଲିମ୍ କାର୍ଯ୍ୟକ୍ରମରୁ ମତାମତ ଗ୍ରହଣ କରିବା ପରେ ଚଳିତ ତାଲିମ୍ କାର୍ଯ୍ୟକ୍ରମରେ ଆଇ-ଜିଓଟି କର୍ମଯୋଗୀ ଆପ୍ ର ବ୍ୟବହାର, ଧନ୍ଦାମୂଳକ ଶିକ୍ଷା, ଛାତ୍ରବୃତ୍ତି, ସୁସ୍ଥ ଶ୍ରେଣୀଗୃହ ପାଇଁ ବ୍ୟକ୍ତିଗତ ପୁଷ୍ଟିସାରସ୍ତର ବୃଦ୍ଧି ଓ ସ୍ୱାସ୍ଥ୍ୟର ଉନ୍ନତି, କ୍ଲାଇମେଟ୍ ରେଜିଲିଏଣ୍ଟ ବିଦ୍ୟାଳୟ ଆଦି ସମ୍ପର୍କରେ ତାଲିମ୍ ଦିଆଯିବ ।

୫ ଜଣଙ୍କୁ ଗୁଳି କରି ନିର୍ମମ ହତ୍ୟାସନ୍ଦିଗ୍ଧ ବନ୍ଧୁକଧାରୀ ଯୁବକ ମଧ୍ୟ ମୃତ

୫ ଜଣଙ୍କୁ ଗୁଳି କରି ନିର୍ମମ ହତ୍ୟା

ସନ୍ଦିଗ୍ଧ ବନ୍ଧୁକଧାରୀ ଯୁବକ ମଧ୍ୟ ମୃତ

ନ୍ୟୁୟର୍କ, ୨୯/୦୭: ନ୍ୟୁୟର୍କରେ ଆଖିବୁଜା ଗୁଳିମାଡ଼ରେ ୫ ଜଣଙ୍କ ମୃତ୍ୟୁ ହୋଇଛି। ସୋମବାର ଦିନ ଜଣେ ବନ୍ଧୁକଧାରୀ ମାନହାଟନର ଏକ ବିଲ୍ଡିଂରେ ଭିତରେ ଗୁଳି ଚଳାଇବାରୁ ନ୍ୟୁୟର୍କର ଜଣେ ପୋଲିସ ଅଧିକାରୀଙ୍କ ସମେତ ଚାରି ଜଣ ପ୍ରାଣ ହରାଇଥିଲେ ଏବଂ ଅନେକ ଆହତ ହୋଇଥିଲେ। ଏହା ସହ ନିଜ ଗୁଳିରେ ସେନ୍ ଟାମୁରା ନାମକ ୨୭ ବର୍ଷୀୟ ସନ୍ଦିଗ୍ଧ ବନ୍ଧୁକ ଧାରୀ ଯୁବକର ମଧ୍ୟ ମୃତ୍ୟୁ ହୋଇଥିଲା।

ସନ୍ଧ୍ୟା ସମୟରେ ପ୍ରାୟ ୬.୩୦ ସମୟରେ ଟାମୁରା ଏକ ରାଇଫଲ୍ ଧରି ୪୪ ମହଲା ବିଶିଷ୍ଟ ଏକ ବିଲ୍ଡିଂରେ ପ୍ରବେଶ କରିଥିଲେ। ଯାହା ବ୍ଲାକଷ୍ଟୋନ୍ ଏବଂ NFL ମୁଖ୍ୟାଳୟ ଅଟେ।

“ଏହି ସମୟରେ, ଘଟଣାସ୍ଥଳକୁ ନିୟନ୍ତ୍ରଣ କରାଯାଇଛି, ଏବଂ ଏକମାତ୍ର ଗୁଳିଚାଳକକୁ ନିଷ୍କ୍ରିୟ କରାଯାଇଛି,” ନ୍ୟୁୟର୍କ ପୋଲିସ କମିଶନର ଜେସିକା ଡିସ୍ଚ X ରେ ନିଶ୍ଚିତ କରିଛନ୍ତି।

୩୪୫ ପାର୍କ ଆଭେନ୍ୟୁରେ ଥିବା କୋଠା ବାହାରେ ଥିବା ସିସିଟିଭି ଫୁଟେଜରେ ବନ୍ଧୁକଧାରୀ ଜଣକ ଚଷମା ପିନ୍ଧି ଏବଂ ଏକ ରାଇଫଲ୍ ଧରି କୋଠା ବିଲ୍ଡିଂ ମାଡ଼ି ଆସୁଥିବାର ଦେଖାଯାଇଛି।

ନ୍ୟୁୟର୍କ ଅଗ୍ନିଶମ ବିଭାଗକୁ ସନ୍ଧ୍ୟା ପ୍ରାୟ ୬.୩୦ ରେ ଗୁଳିକାଣ୍ଡ ବିଷୟରେ ପ୍ରଥମେ ସତର୍କ କରାଯାଇଥିଲା, ଯାହା ପରେ ଜରୁରୀକାଳୀନ କର୍ମଚାରୀମାନଙ୍କୁ ପାର୍କ ଆଭେନ୍ୟୁ କାର୍ଯ୍ୟାଳୟ ବିଲ୍ଡିଂକୁ ପଠାଯାଇଥିଲା।

ନ୍ୟୁୟର୍କ ପୋଲିସ ଏବଂ ମେୟର ଏରିକ୍ ଆଡାମ୍ସ ଜନସାଧାରଣଙ୍କୁ ପାର୍କ ଆଭେନ୍ୟୁ ଏବଂ ଲେକ୍ସିଂଟନ୍ ଆଭେନ୍ୟୁ ମଧ୍ୟରେ ପୂର୍ବ ୫୨ ଷ୍ଟ୍ରିଟ୍ ନିକଟବର୍ତ୍ତୀ ସ୍ଥାନକୁ ନ ଯିବାକୁ ଅନୁରୋଧ କରିଥିଲେ।

ଏହି କୋଠାଟି ନ୍ୟୁୟର୍କର ସବୁଠାରୁ ପୁରୁଣା ଏବଂ ବୃହତ୍ ରିଅଲ୍ ଇଷ୍ଟେଟ୍ ଫାର୍ମ ମଧ୍ୟରୁ ଗୋଟିଏ।

ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀଏକକାଳୀନ ୧୦ଟି ସ୍ଥାନରେ ରେଡ୍

ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀ

ଏକକାଳୀନ ୧୦ଟି ସ୍ଥାନରେ ରେଡ୍

ଭୁବନେଶ୍ୱର, ୨୯/୦୭: ଭିଜିଲାନ୍ସ ଜାଲରେ R&B ଡିଭିଜନ୍‌ର ସହକାରୀ ଯନ୍ତ୍ରୀ। ସହକାରୀ ଯନ୍ତ୍ରୀ ରାଜକିଶୋର ଜେନାଙ୍କ ଘରେ ରେଡ୍ କରିଛି ଭିଜିଲାନ୍ସ। ରାଜକିଶୋରଙ୍କ ସହ ଜଡ଼ିତ ଏକକାଳୀନ ୧୦ଟି ସ୍ଥାନରେ ଭିଜିଲାନ୍ସ ଟିମ୍‌ର ଚଢ଼ାଉ ଜାରି ରହିଛି। କେବଳ ଭୁବନେଶ୍ବରରେ ୮ଟି ସ୍ଥାନରେ ଭିଜିଲାନ୍ସ ରେଡ୍ ହୋଇଛି। ନୟାଗଡ଼ର ୨ଟି ସ୍ଥାନ ଯଥାକ୍ରମେ ପୈତୃକ ଗାଁ ଓ ଶ୍ବଶୂର ଘରେ ରେଡ୍ ଚାଲିଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢ଼ାଉ କରିଛି ଭିଜିଲାନ୍ସ।

ଭୁବନେଶ୍ବର ସ୍ୱତନ୍ତ୍ର ବିଚାରପତି, ଭିଜିଲାନ୍ସଙ୍କ ଦ୍ୱାରା ଜାରି ହୋଇଥିବା ସର୍ଚ୍ଚ ୱାରେଣ୍ଟ ବଳରେ ୭ଜଣ ଡିଏସପି, ୫ ଜଣ ଇନ୍ସପେକ୍ଟର, ୧୧ଜଣ ଏଏସଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଏହି ଚଢ଼ାଉ ଚାଲିଛି।

୧) ପ୍ଲଟ୍ ନମ୍ବର ୨୨୬, ସେକ୍ଟର-୫, ନୀଳାଦ୍ରି ବିହାରରେ ଥିବା ତିନି ମହଲା କୋଠା।

୨) ଫ୍ଲାଟ୍ ନମ୍ବର ଇ-୦୮୩, ଅଷ୍ଟମ ମହଲା, କସମୋପଲିସ୍

୩) ଦୋକାନ ନମ୍ବର ୧୬, ସିମ୍ଫନି ମଲ୍, ପାହାଳ

ଆହୁରି ପଢ଼ନ୍ତୁ...

୪), ନୟାଗଡ଼ର ଜଗନ୍ନାଥପ୍ରସାଦରେ ଥିବା ପୈତୃକ ଘର।

୫) ରାଜକିଶୋରଙ୍କ କାର୍ଯ୍ୟାଳୟ ଚାମ୍ବର।

୬) ପଟିଆରେ ଥିବା ତାଙ୍କ ଶ୍ୱଶୁରଙ୍କ ଘର।

୭) ନୟାଗଡ଼ର ଶିବାଜୀନଗରରେ ଥିବା ତାଙ୍କ ଶ୍ୱଶୁରଙ୍କ ଅନ୍ୟ ଏକ ଘର।

୮) ଫ୍ଲାଟ୍ ନମ୍ବର ଏଚ୍-୧୬୪, ଟାୱାର ଏଚ୍ କସମୋପଲିସ୍

9) ପ୍ଲଟ୍ ନମ୍ବର ୫୪୯/୩୧୭୭/୩୩୬୮ଡୁମଡୁମା, ଭୁବନେଶ୍ୱର।

୧୦) ଜାଗମରାରେ ୬୧୭ ନଂ ପ୍ଲଟ୍ ସ୍ଥିତ ମେସର୍ସ ଏଏସଏନ୍ ଇନଫ୍ରାଷ୍ଟ୍ରକ୍ଚର ପ୍ରାଇଭେଟ୍ ଲିମିଟେଡ।

ଅନିଶ୍ଚିତତା ଘେରରେ ନିମିଷାଙ୍କ ଭାଗ୍ୟ

ନିମିଷା ପ୍ରିୟାଙ୍କ ଫାଶୀ ଦଣ୍ଡାଦେଶ ପ୍ରତ୍ୟାହାର ଦାବିକୁ ଖଣ୍ଡନ କଲା ବୈଦେଶିକ ମନ୍ତ୍ରାଳୟ

ଫାଶୀ ଦଣ୍ଡାଦେଶ ପାଇଁ ଅଡି ବସିଛନ୍ତି ତଲାଲଙ୍କ ଭାଇ

ଅନିଶ୍ଚିତତା ଘେରରେ ନିମିଷାଙ୍କ ଭାଗ୍ୟ

ନୂଆଦିଲ୍ଲୀ, ୨୯/୦୭: ୟେମେନରେ ୨୦୧୭ ମସିହାରେ ହୋଇଥିବା ଏକ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିବା କେରଳର ନର୍ସ ନିମିଷା ପ୍ରିୟାଙ୍କ ମୃତ୍ୟୁଦଣ୍ଡକୁ ୟେମେନୀ କର୍ତ୍ତୃପକ୍ଷ ସମ୍ପୂର୍ଣ୍ଣ ଭାବରେ ରଦ୍ଦ କରିଛନ୍ତି ବୋଲି ସୋମବାର ଗ୍ରାଣ୍ଡ ମୁଫ୍ତି ଅଫ୍ ଇଣ୍ଡିଆ କଣ୍ଠପୁରମ୍ ଏପି ଆବୁବାକର ମୁସଲିୟାରଙ୍କ କାର୍ଯ୍ୟାଳୟ ପକ୍ଷରୁ କୁହା ଯାଇଥିଲା। ହେଲେ ଏହି ଦାବିକୁ ପରବର୍ତ୍ତୀ ସମୟରେ ଖଣ୍ଡନ କରିଛନ୍ତି ଭାରତ ସରକାର। ବୈଦେଶିକ ମନ୍ତ୍ରାଳୟ ପକ୍ଷରୁ ଏହି ଦାବିକୁ ମିଥ୍ୟା ବୋଲି କୁହାଯାଇଛି। ଏହି ସୂଚନା ଭୁଲ ବୋଲି କହିଛି ବୈଦେଶିକ ମନ୍ତ୍ରାଳୟ।

ସୋମବାର ଗ୍ରାଣ୍ଡ ମୁଫ୍ତି ଅଫ୍ ଇଣ୍ଡିଆ ୟେମେନର ରାଜଧାନୀ ସାନାରେ ମାସ ମାସ ଧରି ଅନୁଷ୍ଠିତ ଉଚ୍ଚସ୍ତରୀୟ କୂଟନୈତିକ ମଧ୍ୟସ୍ଥତା ଏବଂ ବାରମ୍ବାର ବୈଠକ ପରେ ଏହି ନିଷ୍ପତ୍ତି ନିଆଯାଇଥିଲା ବୋଲି ଘୋଷଣା କରିଥିଲେ। ନିମିଷାଙ୍କ ମୃତ୍ୟୁଦଣ୍ଡକୁ ପୂର୍ବରୁ ଅସ୍ଥାୟୀ ଭାବରେ ସ୍ଥଗିତ ରଖାଯାଇଥିଲା।

ତଥାପି, କାର୍ଯ୍ୟାଳୟ ସ୍ପଷ୍ଟ କରାଯାଇଥିଲା ଯେ ଏହା ଏପର୍ଯ୍ୟନ୍ତ ୟେମେନି ସରକାରଙ୍କଠାରୁ ସରକାରୀ ଲିଖିତ ନିଶ୍ଚିତକରଣ ପାଇନାହିଁ।

ନିମିଷାଙ୍କ ମୃତ୍ୟୁଦଣ୍ଡ ମୂଳତଃ ଜୁଲାଇ ୧୬ ରେ ସ୍ଥିର କରାଯାଇଥିଲା କିନ୍ତୁ ଗ୍ରାଣ୍ଡ ମୁଫତି ମୁସଲିୟାରଙ୍କ ଦ୍ୱାରା ୟେମେନି ଅଧିକାରୀମାନଙ୍କୁ ସିଧାସଳଖ ଆବେଦନ କରିବା ପରେ ମାତ୍ର ଗୋଟିଏ ଦିନ ପୂର୍ବରୁ ସ୍ଥଗିତ ରଖାଯାଇଥିଲା।

ସୂଚନାଯୋଗ୍ୟ, ନିମିଷା ପ୍ରିୟା (୩୮) କେରଳର ପାଲକ୍କଡ ଜିଲ୍ଲାର ବାସିନ୍ଦା ଏବଂ ୨୦୦୮ରେ ଭଲ ନର୍ସ ଭାବେ କାମ କରିବା ପାଇଁ ୟେମେନକୁ ଚାଲି ଯାଈଥିଲେ। ସେ ଜଣେ ତାଲିମପ୍ରାପ୍ତ ନର୍ସ। ସେ ପରେ ୟେମେନି ନାଗରିକ ତଲାଲ ଆବଦୋ ମହଦିଙ୍କ ସହିତ ଏକ ବ୍ୟବସାୟିକ ସହଭାଗୀତା କରିଥିଲେ ଏବଂ ମିଳିତ ଭାବରେ ରାଜଧାନୀ ସାନାରେ ଏକ କ୍ଲିନିକ୍ ଚଲାଇଥିଲେ।

କିନ୍ତୁ ୟେମେନୀ ନାଗରିକ ଜଣକ ନିମିଷାଙ୍କୁ ନିଜ ପତ୍ନୀର ପରିଚୟ ଦେଉଥିଲେ। ଯାହା ପରେ ଉଭୟଙ୍କ ମଧ୍ୟରେ ସମ୍ପର୍କ ଖରାପ ହେଲା। ଏହା ପରେ ମହଦି ତାଙ୍କୁ ହଇରାଣ କରିବା ଆରମ୍ଭ କରିଥିଲେ ଏବଂ ତାଙ୍କ ପାସପୋର୍ଟ ଜବତ କରିଥିଲେ – ତାଙ୍କୁ ଫେରିବାକୁ ବାଧା ଦେଇଥିଲେ।

ନିମିଷା ତାଙ୍କ ଡକ୍ୟୁମେଣ୍ଟଗୁଡ଼ିକୁ ପାଇବା ପାଇଁ ପ୍ରିୟା ୨୦୧୭ ମସିହାରେ ମହଦିଙ୍କୁ ନିଶା ଔଷଧ ଦେଇଥିଲେ। ହେଲେ ମହଦିଙ୍କୁ ନିଶା ଔଷଧର ମାତ୍ରାଧିକ ଡୋଜ ଦେବା ଯୋଗୁଁ ତାଙ୍କର ମୃତ୍ୟୁ ହୋଇଥିଲା। ୨୦୧୮ ମସିହାରେ ତାଙ୍କୁ ହତ୍ୟା ଅଭିଯୋଗରେ ଗିରଫ କରାଯାଇ ଦୋଷୀ ସାବ୍ୟସ୍ତ କରାଯାଇଥିଲା ଏବଂ ୨୦୨୦ ମସିହାରେ ଏକ ୟେମେନି କୋର୍ଟ ତାଙ୍କୁ ମୃତ୍ୟୁଦଣ୍ଡ ଦେଇଥିଲା।

୨୦୨୪ ମସିହାର ଶେଷ ଭାଗରେ ଏବଂ ୨୦୨୫ ମସିହାର ପ୍ରାରମ୍ଭରେ ୟେମେନି ରାଷ୍ଟ୍ରପତି ରଶାଦ ଅଲ-ଆଲିମି ଏବଂ ହୁଥି ନେତା ମହଦି ଅଲ-ମାଶାତ ଯଥାକ୍ରମେ ମୃତ୍ୟୁଦଣ୍ଡକୁ ଅନୁମୋଦନ କରିଥିଲେ। ତଥାପି, ଭାରତ ସରକାରଙ୍କ ନିରନ୍ତର କୂଟନୈତିକ ହସ୍ତକ୍ଷେପ ପରେ ଦଣ୍ଡାଦେଶ ସ୍ଥଗିତ ରଖାଯାଇଥିଲା। କିନ୍ତୁ ଏବେ ନିମିଷାଙ୍କ ଫାଶୀ ଦଣ୍ଡାଦେଶକୁ ପୂର୍ଣ୍ଣ ରୂପେ ବାତିଲ୍ କରାଯାଇ ନାହିଁ।

ଦୁର୍ଗମ ଅଞ୍ଚଳରେ ଜୀବନ ରକ୍ଷକ ସାଜୁଛି ‘ନିରୋଗଶାଳା’

ଦୁର୍ଗମ ଅଞ୍ଚଳରେ ଜୀବନ ରକ୍ଷକ ସାଜୁଛି ‘ନିରୋଗଶାଳା’

ଉନ୍ନତମାନର ସ୍ୱାସ୍ଥ୍ୟସେବା ଯୋଗାଉଛି ୟୁଏଆଇଏଲ

ରାୟଗଡା ୨୯/୦୭(ଦର୍ଶନ ନ୍ୟୁଜ): ଆଦିତ୍ୟ ବିର୍ଲା ଗ୍ରୁପ୍‍ର ହିଣ୍ଡାଲ୍‍କୋର ଏକ ସହଯୋଗୀ କମ୍ପାନୀ ଉତ୍କଳ ଆଲୁମିନା ଇଣ୍ଟରନ୍ୟାସନାଲ ଲିମିଟେଡ (ୟୁଏଆଇଏଲ୍‍) ‘ନିରୋଗଶାଳା’ ପ୍ରଚଳନ କରିଛି । ଏହି ସିଏସ୍‍ଆର ପ୍ରୟାସ ଓଡ଼ିଶାର ରାୟଗଡା ଜିଲ୍ଲାର ଦୁର୍ଗମ ଗ୍ରାମଗୁଡିକରେ ଜନସାଧାରଣଙ୍କ ଦ୍ୱାରଦେଶରେ ସେମାନଙ୍କୁ ଉଭୟ ପ୍ରତିଷେଧକ ଏବଂ ଆରୋଗ୍ୟକାରୀ ସ୍ୱାସ୍ଥ୍ୟଯତ୍ନ ସେବା ଯୋଗାଇ ଦେଉଛି । ନିରୋଗଶାଳା ସ୍ୱାସ୍ଥ୍ୟଯତ୍ନ ପ୍ରକଳ୍ପ ନୀରବରେ ତୃଣମୂଳ ସ୍ତରରେ ଜୀବନଗୁଡିକରେ ରୂପାନ୍ତରଣ ଆଣିଛି । ଏହା କାଶୀପୁର ବ୍ଲକର ପାଇକକୁପଖାଲ, ଅଣ୍ଡିରାକଞ୍ଚ ଏବଂ ଗୋପିନାଥପୁର ଆଦି ଦୂର ଦୂରାନ୍ତ ଗ୍ରାମରେ ସ୍ୱାସ୍ଥ୍ୟ ଡିସ୍‍ପେନସାରୀ ସ୍ଥାପନ କରିଛି । ପ୍ରାୟ ୨୦,୦୦୦ ଗ୍ରାମବାସୀ ଏହି ସେବାର ସୁଯୋଗ ନେଉଛନ୍ତି । ଅଞ୍ଚଳ

https://youtube.com/@coastalnewsodia?si=AB2TB8we6wtbHMXy

ଶ୍ରୀ ରବି ମିଶ୍ର, ୟୁନିଟ ହେଡ, ୟୁଏଆଇଏଲ, କହିଛନ୍ତି, “ନିରୋଗଶାଳା ଏକ ଅତ୍ୟନ୍ତ ବାସ୍ତବ ଏବଂ ଜରୁରୀ ଆବଶ୍ୟକତାରୁ ସୃଷ୍ଟି ହୋଇଥିଲା । ଏହି ସମସ୍ତ ଦୁର୍ଗମ ସ୍ଥାନଗୁଡିକରେ ଚିକିତ୍ସାଗତ ଜରୁରୀ ସ୍ଥିତି ସୃଷ୍ଟିହେଲେ ବିନା ସହାୟତାରେ ମାଇଲ ମାଇଲ ଚାଲିଚାଲି ଯିବାକୁ ହୁଏ । ଆମେ ଏକ ସୁସଂଗଠିତ, ମାଗଣା ସ୍ୱାସ୍ଥ୍ୟଯତ୍ନ ସେବା ଜନସାଧାରଣଙ୍କ ଦ୍ୱାରଦେଶକୁ ଆଣି ସମୟୋଚିତ ସହାୟତା ଆଉ ଏକ ବିଳାସର ବିଷୟ ହୋଇ ରହିନାହିଁ- ବରଂ ଏକ ଅଧିକାର ବୋଲି ସୁନିଶ୍ଚିତ କରୁଛୁ । ସୁବିଧା ଅଭାବରୁ କୌଣସି ଜୀବନ ହାନି ଯେଭଳି ନହୁଏ ତାହା ସୁନିଶ୍ଚିତ କରିବା ଆମର ଲକ୍ଷ୍ୟ ।”

ପ୍ରତ୍ୟେକ ନିରୋଗଶାଳାରେ ରୋଗ ନିରୂପଣକାରୀ ସମର୍ଥନ ବ୍ୟବସ୍ଥା ଏବଂ ଆମ୍ବୁଲାନ୍ସ ସୁବିଧା ସହିତ ଓପିଡି ସୁବିଧା ରହିଛି, ଏଠାରେ ମଧ୍ୟ ମୌଳିକ ଚିକିତ୍ସା ଭିତ୍ତିଭୂମି ରହିଛି । ଆଭ୍ୟନ୍ତରୀଣ ବ୍ୟବସ୍ଥାରେ ପୂର୍ଣ୍ଣକାଳୀନ ଫାର୍ମାସିଷ୍ଟ, ସ୍ୱାସ୍ଥ୍ୟ ସହାୟକ ଏବଂ ପ୍ରତି ତିନିଦିନ ଅଦଳ ବଦଳ ଭିତ୍ତିରେ ଏମ୍‍ବିବିଏସ୍‍ ଡାକ୍ତରମାନଙ୍କର ଉପସ୍ଥିତି ଏହି ଅତ୍ୟାବଶ୍ୟକ ସ୍ୱାସ୍ଥ୍ୟ ଯତ୍ନ ବ୍ୟବସ୍ଥାକୁ ଉକତ ଅଞ୍ଚଳର ଜନସାଧାରଣଙ୍କ ନିକଟରେ ଉପଲବ୍ଧ କରାଉଛି । ପ୍ରତ୍ୟେକ କେନ୍ଦ୍ର ମାସିକ ହାରାହାରି ୭୦୦-୮୦୦ ରୋଗୀଙ୍କୁ ଚିକିତ୍ସା ସେବା ଯୋଗାଇ ଦେଉଛି ବୋଲି ଶ୍ରୀ ମିଶ୍ର ପ୍ରକାଶ କରିଛନ୍ତି ।

ମାଇକଞ୍ଚ ପଞ୍ଚାୟତର ସରପଞ୍ଚ ଶ୍ରୀ ମସ୍ତରାମ ମାଝୀ ବିସ୍ତୃତ ଭାବରେ ଉଲ୍ଲେଖ କରି କହିଥିଲେ, “ନିରୋଗଶାଳା ସମସ୍ତ ନିକଟବର୍ତ୍ତୀ ଗ୍ରାମଗୁଡିକୁ ମାଗଣାରେ ସ୍ୱାସ୍ଥ୍ୟଯତ୍ନ ସେବା ଯୋଗାଇ ଦେଉଛି । ମାଇକଞ୍ଚ ଗ୍ରାମ ପଞ୍ଚାୟତର ଜନସାଧାରଣ ଆର୍ଥିକ ଦୃଷ୍ଟିରୁ ଦୁର୍ବଳ ଏବଂ ସେମାନେ ଡାକ୍ତରୀ ଚିକିତ୍ସା କରାଇବାକୁ ଅସମର୍ଥ । ୟୁଏଆଇଏଲ୍‍କୁ ଧନ୍ୟବାଦ ଯେ, ସେମାନେ ଆବଶ୍ୟକ କରୁଥିବା ଗ୍ରାମବାସୀଙ୍କୁ ସ୍ୱାସ୍ଥ୍ୟଯତ୍ନ ସେବା ଏବଂ ଜୀବନ ରକ୍ଷାକାରୀ ଔଷଧଗୁଡିକ ଆବଶ୍ୟକ ସମୟରେ ବିନା ମୂଲ୍ୟରେ ଯୋଗାଇ ଦେଉଛନ୍ତି ।”

ଅଣ୍ଡିରାକଞ୍ଚ ଗ୍ରାମର ଜଣେ ବାସିନ୍ଦା କମଳ ଲୋଚନା ଝୋଡିଆ କହିଥିଲେ, “କୁରାଢୀରେ କାମ କରୁଥିବା ସମୟରେ ଦୁର୍ଯୋଗକୁ ଅନ୍ୟମନସ୍କ ହୋଇଯିବାରୁ ମୋର ପାପୁଲିରେ ଆଘାତ ଲାଗିଥିଲା । କ୍ଷତ ଗଭୀର ଥିଲା ଏବଂ ମୁଁ ତୁରନ୍ତ ଅଣ୍ଡିରାକଞ୍ଚରେ ଥିବା ନିରୋଗଶାଳାକୁ ଯାଇଥିଲି । ସେଠାରେ ଥିବା ଫାର୍ମାସିଷ୍ଟ ମୋର ପ୍ରାଥମିକ ଚିକିତ୍ସା କରିବା ସହିତ ଉପଯୁକ୍ତ ଭାବରେ କ୍ଷତ ସ୍ଥାନକୁ ବ୍ୟାଣ୍ଡେଜ୍‍ କରିଥିଲେ । ସେହି ନିରୋଗଶାଳାରୁ ନିର୍ଦ୍ଧାରିତ ଔଷଧ ମୋମେ ସମ୍ପୂର୍ଣ୍ଣ ମାଗଣାରେ ମିଳିଥିଲା । ଧନ୍ୟବାଦ ଦେବି ଯେ ନିରୋଗଶାଳାରେ ଯୋଗାଇ ଦିଆଯାଇଥିବା ଉପଯୁକ୍ତ ଯତ୍ନ ଏବଂ ଔଷଧ ସହିତ ଚିକିତ୍ସା ଦ୍ୱାରା ମୋର ପାପୁଲିରେ ହୋଇଥିବା କ୍ଷତ ଅଳ୍ପ ଦିନରେ ଭଲ ହୋଇଗଲା ଏବଂ ମୁଁ ଏବେ ପୂର୍ଣ୍ଣ ସୁସ୍ଥ ହୋଇସାରିଛି ଏବଂ ମୋ ହାତରେ ପୁନର୍ବାର କାମ କରିବାକୁ ସମର୍ଥ ।”

ୟୁଏଆଇଏଲ୍‍ର ସିଏସଆର ଟିମ୍‍ ଦ୍ୱାରା ମାସିକ ଭିତ୍ତିରେ ନିରୀକ୍ଷଣ ଏବଂ ସ୍ୱାଧୀନ ଭାବରେ ପରିଚାଳିତ ନିରୋଗଶାଳା ଏକ ଡିସ୍‍ପେନସାରୀ ଠାରୁ ଯଥେଷ୍ଟ ଅଧିକ ସେବା ଯୋଗାଉଛି ।

 

ଏକ ଦାୟିତ୍ୱସମ୍ପନ୍ନ କର୍ପୋରେଟ ସଂସ୍ଥା ଭାବରେ ଏବଂ ସମାଜ ପ୍ରତି ଅବଦାନ ରଖିବାର ନିରନ୍ତର ପ୍ରେରଣାରେ ପରିଚାଳିତ ହୋଇ ଆଦିତ୍ୟ ବିର୍ଲା ଗ୍ରୁପ୍‍ ଓଡ଼ିଶାରେ ୫ ଲକ୍ଷରୁ ଅଧିକ ଲୋକଙ୍କ ନିକଟରେ ପହଞ୍ଚୁଛି ଏବଂ ୧୨୮ଟି ଗ୍ରାମରେ ୨ ଲକ୍ଷରୁ ଅଧିକ ଲୋକଙ୍କ ଜୀବନକୁ ସ୍ପର୍ଶ କରୁଛି । ଗ୍ରୁପ୍‍ର ସିଏସଆର କାର୍ଯ୍ୟ ଶ୍ରୀମତୀ ରାଜଶ୍ରୀ ବିର୍ଲାଙ୍କ ଅଧ୍ୟକ୍ଷତାରେ ଆଦିତ୍ୟ ବିର୍ଲା ସେଣ୍ଟର ଫର୍‍ କମ୍ୟୁନିଟି ଇନିସିଏଟିଭସ୍‍ ଆଣ୍ଡ ରୁରାଲ ଡେଭେଲପମେଣ୍ଟ ଅଧୀନରେ ପରିଚାଳିତ ହେଉଛି । ଗ୍ରୁପ୍‍ର ଦୂରଦୃଷ୍ଟି ହେଉଛି ଏହା ନିଜର ବ୍ୟବସାୟିକ କାର୍ଯ୍ୟ ପରିଚାଳନା କରୁଥିବା ଅଞ୍ଚଳର ଜନସମୁଦାୟଙ୍କର ସାମାଜିକ ଓ ଆର୍ଥିକ ବିକାଶ ପ୍ରତି ସକ୍ରିୟ ଅବଦାନ ରଖିବା । ଏହା ଦ୍ୱାରା ସମାଜର ଦୁର୍ବଳ ବର୍ଗଙ୍କ ନିମନ୍ତେ ଏକ ଉତ୍ତମ, ଦୀର୍ଘସ୍ଥାୟୀ ଜୀବନ ଧାରଣା ପନ୍ଥା ସୃଷ୍ଟି ସହିତ ରାଷ୍ଟ୍ରର ମାନବ ବିକାଶ ସୂଚକରେ ଉନ୍ନତି ଅଣାଯାଉଛି । ଗ୍ରୁପ୍‍ର ସିଏସଆର୍‍ ଦୂରଦୃଷ୍ଟି ଦାରିଦ୍ର୍ୟ ଦୂରୀକରଣ ଏବଂ କ୍ଷୁଧାରୁ ମୁକ୍ତି ସୁନିଶ୍ଚିତ କରିବାକୁ ୟୁଏନଏସ୍‍ଡିଜି ଲକ୍ଷ୍ୟସମୂହ ସହିତ ମେଳ ଖାଉଛି ।

ଏମ୍ସରେ ମହିଳା ଆଟେଣ୍ଡାଣ୍ଟଙ୍କୁ ଅସଦାଚରଣନର୍ସିଂ ଷ୍ଟାଫଙ୍କ ଗିରଫ ଦାବିରେ ଧାରଣା

ଏମ୍ସରେ ମହିଳା ଆଟେଣ୍ଡାଣ୍ଟଙ୍କୁ ଅସଦାଚରଣ

ନର୍ସିଂ ଷ୍ଟାଫଙ୍କ ଗିରଫ ଦାବିରେ ଧାରଣା

ଭୁବନେଶ୍ୱର, ୨୮/୦୭: ଏମ୍ସ ଭୁବନେଶ୍ୱରର ଜଣେ ଆଟେଣ୍ଡାଣ୍ଟ ଭାବେ କାମ କରୁଥିବା ଯୁବତୀଙ୍କୁ ହସ୍ପିଟାଲର ଜଣେ ନର୍ସିଂ ଷ୍ଟାଫଙ୍କ ଦ୍ୱାରା ଅସଦାଚରଣ କରାଯାଇଥିବା ଅଭିଯୋଗ ଆଣିଛନ୍ତି। ତାଙ୍କ ଗିରଫ ଦାବି କରି କାର୍ଯ୍ୟବନ୍ଦ ଆନ୍ଦୋଳନ ଆରମ୍ଭ କରିଛନ୍ତି।

ଆଟେଣ୍ଡାଣ୍ଟ ଅଭିଯୋଗ କରିଛନ୍ତି ଯେ ନର୍ସିଂ ଅଧିକାରୀ ନାନୁ ରାମ ଚୌଧୁରୀ ଗତକାଲି ପ୍ରାୟ ୧୨.୩୦ ସମୟରେ ତାଙ୍କୁ ଡାକ୍ତରଙ୍କ ରୁମକୁ ଡାକିବା ପରେ ତାଙ୍କ ସହିତ ଅସଦାଚରଣ କରିଥିଲେ।

ତଥାପି, ସେ ନାନୁ ରାମଙ୍କଠାରୁ ଖସି ପଳାଇବାରେ ସଫଳ ହୋଇଥିଲେ ଏବଂ ହସ୍ପିଟାଲର ନିୟନ୍ତ୍ରଣ କକ୍ଷକୁ ଫୋନ୍ କରି ଘଟଣା ବିଷୟରେ ଜଣାଇଥିଲେ। କିନ୍ତୁ ତାଙ୍କୁ ଥାନାରେ ଆନୁଷ୍ଠାନିକ ଅଭିଯୋଗ ଦାଖଲ କରିବାକୁ ପରାମର୍ଶ ଦିଆଯାଇଥିବାରୁ, ସେ ଆଜି ସକାଳେ ଖଣ୍ଡଗିରି ଥାନାରେ ଅଭିଯୋଗ କରିଥିଲେ।

କିନ୍ତୁ, ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ ନକରିବାରୁ, ଠିକା କର୍ମଚାରୀମାନେ ହସ୍ପିଟାଲ ସମ୍ମୁଖରେ ଧାରଣା ଦେଇଛନ୍ତି। ଅଭିଯୁକ୍ତ ନର୍ସିଂ ଷ୍ଟାଫଙ୍କ ଗିରଫ କରିବାକୁ ଦାବି କରିଛନ୍ତି। କାର୍ଯ୍ୟାନୁଷ୍ଠାନ ଗ୍ରହଣ ନ କରିବା ପର୍ଯ୍ୟନ୍ତ ଏମର୍ଜେନ୍ସି ବିଭାଗ ବ୍ୟତୀତ ଅନ୍ୟ ବିଭାଗରେ କାର୍ଯ୍ୟ ବନ୍ଦ ରହିବ ବୋଲି ହସ୍ପିଟାଲର ମୁଖ୍ୟ ଫାଟକ ସମ୍ମୁଖରେ ଧାରଣାରତ ଆନ୍ଦୋଳନକାରୀ କହିଛନ୍ତି।

ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀଏକକାଳୀନ ୧୦ଟି ସ୍ଥାନରେ ରେଡ୍

ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀ

ଏକକାଳୀନ ୧୦ଟି ସ୍ଥାନରେ ରେଡ୍

ଭୁବନେଶ୍ୱର, ୨୯/୦୭: ଭିଜିଲାନ୍ସ ଜାଲରେ R&B ଡିଭିଜନ୍‌ର ସହକାରୀ ଯନ୍ତ୍ରୀ। ସହକାରୀ ଯନ୍ତ୍ରୀ ରାଜକିଶୋର ଜେନାଙ୍କ ଘରେ ରେଡ୍ କରିଛି ଭିଜିଲାନ୍ସ। ରାଜକିଶୋରଙ୍କ ସହ ଜଡ଼ିତ ଏକକାଳୀନ ୧୦ଟି ସ୍ଥାନରେ ଭିଜିଲାନ୍ସ ଟିମ୍‌ର ଚଢ଼ାଉ ଜାରି ରହିଛି। କେବଳ ଭୁବନେଶ୍ବରରେ ୮ଟି ସ୍ଥାନରେ ଭିଜିଲାନ୍ସ ରେଡ୍ ହୋଇଛି। ନୟାଗଡ଼ର ୨ଟି ସ୍ଥାନ ଯଥାକ୍ରମେ ପୈତୃକ ଗାଁ ଓ ଶ୍ବଶୂର ଘରେ ରେଡ୍ ଚାଲିଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢ଼ାଉ କରିଛି ଭିଜିଲାନ୍ସ।

ଭୁବନେଶ୍ବର ସ୍ୱତନ୍ତ୍ର ବିଚାରପତି, ଭିଜିଲାନ୍ସଙ୍କ ଦ୍ୱାରା ଜାରି ହୋଇଥିବା ସର୍ଚ୍ଚ ୱାରେଣ୍ଟ ବଳରେ ୭ଜଣ ଡିଏସପି, ୫ ଜଣ ଇନ୍ସପେକ୍ଟର, ୧୧ଜଣ ଏଏସଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଏହି ଚଢ଼ାଉ ଚାଲିଛି।

ନିମ୍ନଲିଖିତ ୧୦ଟି ସ୍ଥାନରେ ଏକକାଳୀନ ଚଢ଼ଉ କରାଯାଉଛି।

୧) ପ୍ଲଟ୍ ନମ୍ବର ୨୨୬, ସେକ୍ଟର-୫, ନୀଳାଦ୍ରି ବିହାରରେ ଥିବା ତିନି ମହଲା କୋଠା।

୨) ଫ୍ଲାଟ୍ ନମ୍ବର ଇ-୦୮୩, ଅଷ୍ଟମ ମହଲା, କସମୋପଲିସ୍

୩) ଦୋକାନ ନମ୍ବର ୧୬, ସିମ୍ଫନି ମଲ୍, ପାହାଳ

୪), ନୟାଗଡ଼ର ଜଗନ୍ନାଥପ୍ରସାଦରେ ଥିବା ପୈତୃକ ଘର।

୫) ରାଜକିଶୋରଙ୍କ କାର୍ଯ୍ୟାଳୟ ଚାମ୍ବର।

୬) ପଟିଆରେ ଥିବା ତାଙ୍କ ଶ୍ୱଶୁରଙ୍କ ଘର।

୭) ନୟାଗଡ଼ର ଶିବାଜୀନଗରରେ ଥିବା ତାଙ୍କ ଶ୍ୱଶୁରଙ୍କ ଅନ୍ୟ ଏକ ଘର।

୮) ଫ୍ଲାଟ୍ ନମ୍ବର ଏଚ୍-୧୬୪, ଟାୱାର ଏଚ୍ କସମୋପଲିସ୍

9) ପ୍ଲଟ୍ ନମ୍ବର ୫୪୯/୩୧୭୭/୩୩୬୮ଡୁମଡୁମା, ଭୁବନେଶ୍ୱର।

୧୦) ଜାଗମରାରେ ୬୧୭ ନଂ ପ୍ଲଟ୍ ସ୍ଥିତ ମେସର୍ସ ଏଏସଏନ୍ ଇନଫ୍ରାଷ୍ଟ୍ରକ୍ଚର ପ୍ରାଇଭେଟ୍ ଲିମିଟେଡ।

ପହଲଗାମ ଆକ୍ରମଣ ମାଷ୍ଟରମାଇଣ୍ଡ ହାସିମ୍ ମୁସା ଏନକାଉଣ୍ଟର଼୍

ପହଲଗାମ ଆକ୍ରମଣ ମାଷ୍ଟରମାଇଣ୍ଡ ହାସିମ୍ ମୁସା ଏନକାଉଣ୍ଟର଼୍

ହାସିମ୍ ମୁସା ଉପରେ ଥିଲା ୨୦ ଲକ୍ଷର ପୁରସ୍କାର ରାଶି

ଏନକାଉଣ୍ଟର ବେଳେ ତମ୍ବୁ ଭିତରେ ଶୋଇଥିଲେ ୩ ଆତଙ୍କବାଦୀ

ନୂଆଦିଲ୍ଲୀ, ୨୮/୦୭: ଭାରତୀୟ ସେନା, ଜମ୍ମୁ-କାଶ୍ମୀର ପୋଲିସ ଏବଂ CRPF ର ମିଳିତ ଆତଙ୍କବାଦୀ ବିରୋଧୀ ଅଭିଯାନର “ଅପରେସନ୍ ମହାଦେବ”ରେ ଆଜି ୩ ଜଣ ଆତଙ୍କବାଦୀ ନିପାତ ହୋଇଛନ୍ତି। ଏମାନଙ୍କ ମଧ୍ୟରେ ପହଲଗାମ୍ ଆକ୍ରମଣର ମାଷ୍ଟରମାଇଣ୍ଡ୍ ମଧ୍ୟ ନିପାତ ହୋଇଛି। ଜମ୍ମୁ ଏବଂ କାଶ୍ମୀରର ଲିଡୱାସ୍ ଅଞ୍ଚଳରେ ଚିନାର କର୍ପସ ଦ୍ୱାରା ଏହି ଅଭିଯାନ ଆରମ୍ଭ କରାଯାଇଥିଲା।

ପହଲଗାମ୍ ଆକ୍ରମଣର ମୁଖ୍ୟ ମାଷ୍ଟରମାଇଣ୍ଡ ଲସ୍କର-ଇ-ତୋଏବା (LeT) କମାଣ୍ଡର ହାସିମ୍ ମୁସାଙ୍କୁ ସଶସ୍ତ୍ର ବାହିନୀ ଗୁଳି କରି ଏନକାଉଣ୍ଟର କରିଛନ୍ତି।

https://youtube.com/@coastalnewsodia?si=AB2TB8we6wtbHMXy

ଦିନ ୧୨:୩୭ ସମୟରେ, ଚିନାର କର୍ପସ ଏକ୍ସରେ କହିଥିଲା ଯେ ଲିଡୱାସରେ ଆତଙ୍କବାଦୀଙ୍କ ସହ ଗୁଳି ବିନିମୟ ହୋଇଥିଲା ଏବଂ ଗୋଟିଏ ଘଣ୍ଟାରୁ କମ୍ ସମୟ ମଧ୍ୟରେ ଡ୍ରୋନ୍ ଫୁଟେଜରେ ତିନୋଟି ମୃତଦେହ ଦେଖାଯାଇଥିଲା, ଯାହା ନିଶ୍ଚିତ କରିଥିଲା ଯେ ତିନି ଜଣ ଆତଙ୍କବାଦୀ ନିପାତ ହୋଇଥିଲେ।

ଦାଚିଗାମ ଜଙ୍ଗଲରେ ଆତଙ୍କବାଦୀ ବିରୋଧୀ ଅଭିଯାନ ଦୁଇ ଦିନ ଧରି ଚାଲିଥିଲା। ସ୍ଥାନୀୟ ଯାଯାବର ଲୋକମାନେ ମଧ୍ୟ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଥିଲେ, ଯାହା ସନ୍ଦିଗ୍ଧଙ୍କୁ ଚିହ୍ନଟ କରିବା ସହଜ ହୋଇ ପାରିଥିଲା।

ଆଜି ସକାଳ ପ୍ରାୟ ୧୧:୩୦ ସମୟରେ, ୨୪ ରାଷ୍ଟ୍ରୀୟ ରାଇଫଲ୍ସ ଏବଂ ୪ ପାରାର ଏକ ମିଳିତ ଦଳ ତିନି ଜଣ ଆତଙ୍କବାଦୀଙ୍କ ଏକ ଗୋଷ୍ଠୀକୁ ଠାବ କରିଥିଲେ ଏବଂ ସେମାନଙ୍କୁ ନିପାତ କରିଥିଲେ।

ସୂତ୍ର ଅନୁଯାୟୀ ଏହି ଆତଙ୍କବାଦୀମାନେ ଲସ୍କର-ଏ-ତୋଏବା ଏବଂ ଜୈଶ-ଏ-ମହମ୍ମଦର ଏକ ମିଳିତ ଟିମ୍ ସଦସ୍ୟ ଥିଲେ। ଗତ ୧୪ ଦିନ ଧରି ସୁରକ୍ଷା ବାହିନୀ ଏମାନଙ୍କ ଉପରେ ନଜର ରଖିଥିଲା। ଏହି ଗୋଷ୍ଠୀରେ ୫ ରୁ ୭ ଜଣ ସଦସ୍ୟ ଥିବା ଅନୁମାନ କରାଯାଉଛି। ଏହି ତିନି ଜଣ ଘଞ୍ଚ ଜଙ୍ଗଲରେ ଏକ ଗଛ ତଳେ ଏକ ଅସ୍ଥାୟୀ ଶିବିର ସ୍ଥାପନ କରି ରହିଥିଲେ। ଏହି ଆତଙ୍କବାଦୀମାନେ ଏକ ତମ୍ବୁ ଭିତରେ ଶୋଇବା ସମୟରେ ଧରାପଡ଼ିଥିଲେ। ଏହି ଆଡ୍ଡା ଭିତରେ ଥିବା ଆତଙ୍କବାଦୀଙ୍କୁ ତୁରନ୍ତ ଚିହ୍ନଟ କରି ଅବିଳମ୍ବେ ଗୁଳି ଚଳାଇଥିଲେ ସୁରକ୍ଷାବାହିନୀ। ଯାହା ଏକ ବଡ ସଫଳତା।

ଆତଙ୍କବାଦୀଙ୍କ ମଧ୍ୟରୁ ଜଣେ ହାସିମ୍ ମୁସା ଓରଫ ଆବୁ ସୁଲେମାନ ଭାବରେ ଚିହ୍ନଟ ହୋଇଛି। ଅନ୍ୟ ଦୁଇଜଣ ୟାସିର୍ ଏବଂ ହମଜା ଓରଫ ହାରିସ୍। ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି, ହାସିମକୁ କେହି ନ ଚିହ୍ନ ପାରିବା ପାଇଁ ହାସିମ୍ ମୁସା ତାର ଓଜନ ବହୁତ ହ୍ରାସ କରିଥିଲା।

ଅପରେସନରେ ସୁଲେମାନଙ୍କ ମୃତ୍ୟୁକୁ ସେନା ପାଇଁ ଏକ ବଡ଼ ସଫଳତା ଭାବରେ ବିବେଚନା କରାଯାଉଛି। ପହଲଗାମ ଆକ୍ରମଣ ପରେ, ଜମ୍ମୁ-କାଶ୍ମୀର ପୋଲିସ ସୁଲେମାନ ବିଷୟରେ ସୂଚନା ଦେଲେ ୨୦ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲା।

ସେପ୍ଟେମ୍ବର ୨୦୨୩ ରେ ସୁଲେମାନ ଭାରତରେ ଅନୁପ୍ରବେଶ କରିଥିଲା ଏବଂ ଦକ୍ଷିଣ କାଶ୍ମୀରରେ ଆତଙ୍କବାଦୀ କାର୍ଯ୍ୟକଳାପ ଆରମ୍ଭ କରିଥିଲା। ଅକ୍ଟୋବର ୨୦୨୪ ରେ ସେ ଏକ ଆକ୍ରମଣ କରିଥିଲା, ଯେଉଁଥିରେ ସାତ ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା। ସେ ବାରାମୁଲ୍ଲାରେ ହୋଇଥିବା ଏକ ଆକ୍ରମଣରେ ମଧ୍ୟ ସାମିଲ ଥିଲା। ସେ ଅତି କମରେ ବହୁ ବଡ ବଡ଼ ଛଅଟି ଆତଙ୍କବାଦୀ ଆକ୍ରମଣରେ ସାମିଲ ଥିଲା।

ରାଜ୍ୟ କାର୍ଯ୍ୟାଳୟରେ ମିଶ୍ରଣ ପର୍ବ

ରାଜ୍ୟ କାର୍ଯ୍ୟାଳୟରେ ମିଶ୍ରଣ ପର୍ବ

ବିଜେପିରେ ଯୋଗ ଦେଲେ ଚାନ୍ଦବାଲୀ ବିଧାନସଭା ମଣ୍ଡଳୀ ଅନ୍ତର୍ଗତ ନାନ୍ଦପୁର ବ୍ଲକର ନିର୍ବାଚିତ ଜନପ୍ରତିନିଧି

ବିଜେଡି ସମର୍ଥିତ ସରପଂଚଙ୍କ ସମେତ ଅନେକ ବିଜେଡି କର୍ମୀଙ୍କ ବିଜେପିରେ ଯୋଗଦାନ

ଭୁବନେଶ୍ୱର, ୨୭/୦୭: ରାଜ୍ୟ ସରକାରଙ୍କ ଜନାଭୀମୁଖୀ କାର୍ଯ୍ୟ ପ୍ରତି ଓଡିଶାବାସୀଙ୍କ ସମର୍ଥନ ବୃଦ୍ଧି ପାଇଚାଲିଛି । ଅନ୍ୟ ପଟେ ବିଜେଡି ଏବଂ କଂଗ୍ରେସର ଜନାଧାର ଆହୁରି ହ୍ରାସ ପାଇବାକୁ ଲାଗିଛି । ଏପରିକି ଦଳୀୟ କର୍ମୀମାନେ ମଧ୍ୟ ଆସ୍ଥା ହରାଉଛନ୍ତି । ଆଜିର ଏହି ମିଶ୍ରଣ ପର୍ବ ହେଉଛି ଏହାର ଏକ ପ୍ରତିଫଳନ । ଆଜିର ମିଶ୍ରଣ ସ୍ଥାନୀୟ ଅଂଚଳର ବିକାଶକୁ ଆଗେଇ ନେବା ପାଇଁ ସହାୟକ ହେବା ସହିତ ଦଳୀୟ ସଂଗଠନକୁ ଆହୁରି ସୁଦୃଢ କରିବ ବୋଲି କହିବା ସହିତ ସ୍ଥାନୀୟ ପଂଚାୟତର ମୈାଳିକ ସମସ୍ୟାର ସମାଧାନ ଓ ବିକାଶ ପାଇଁ ସମସ୍ତେ ଏକାଠି ହୋଇ କାମ କରିବାକୁ ରାଜ୍ୟ ସଭାପତି ଶ୍ରୀ ସାମଲ ଆହ୍ୱାନ ଦେଇଛନ୍ତି ।

ଓଡ଼ିଶାକୁ ବିକଶିତ ରାଜ୍ୟ ଭାବେ ଗଢ଼ି ତୋଳିବାକୁ ବିଜେପି ସରକାର ବଦ୍ଧପରିକର । ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ କେନ୍ଦ୍ର ସରକାର ଏବଂ ରାଜ୍ୟରେ ବିଜେପି ସରକାର ଉପରେ ଓଡ଼ିଶାବାସୀଙ୍କ ଆସ୍ଥା ଓ ବିଶ୍ୱାସ ବୃଦ୍ଧି ପାଇବାରେ ଲାଗିଛି । । ବିଜେଡି ଉପରୁ ଆସ୍ଥା ହରାଇ ଚାନ୍ଦବାଲୀ ନିର୍ବାଚନମଣ୍ଡଳୀର ଅନେକ ବିଜେଡି ନେତୃବୃନ୍ଦ ଓ କର୍ମୀ ବିଜେପିରେ ଯୋଗଦାନ କରିଛନ୍ତି । ଚାନ୍ଦବାଲୀ ନିର୍ବାଚନମଣ୍ଡଳୀ ଅନ୍ତର୍ଗତ ନାନ୍ଦପୁର ଗ୍ରାମ ପଂଚାୟତର ସରପଂଚ ଶାରଳା ବିଶ୍ୱାଳ, ବରିଷ୍ଠ ବିଜେଡି ନେତା ଗଣେଷ ବିଶ୍ୱାଳ, ଓ୍‌ôାର୍ଡ ମେମ୍ବର ରଂଜନ ପଣ୍ଡା, ବାବାଜୀ ଚରଣ ସେଠୀ, ଅମୁଲ୍ୟ ଦାସ, କୃଷ୍ଣ ଓଝା ପ୍ରମୁଖଙ୍କ ସମେତ ଶତାଧିକ ବିଜେଡି କର୍ମୀ ଓ ନେତା ଆନୁଷ୍ଠାନିକ ଭାବେ ବିଜେପିରେ ଯୋଗଦାନ କରିଛନ୍ତି । ରାଜ୍ୟ ସଭାପତି ଶ୍ରୀ ମନମୋହନ ସାମଲ ସମସ୍ତ ନୂତନ ସଦସ୍ୟଙ୍କୁ ଟୋପି ଓ ଉତରୀୟ ପ୍ରଦାନ କରି ସ୍ୱାଗତ ଜଣାଇଥିଲେ ।

ଏହି ଅବସରରେ ପୂର୍ବତନ କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁ, ଶାସକ ଦଳର ମୁଖ୍ୟ ସଚେତକ ସରୋଜ ପ୍ରଧାନ, ରାଜ୍ୟ ଉପସଭାପତି ଶ୍ରୀ ବିରଂଚି ନାରାୟଣ ତ୍ରିପାଠୀ, ରାଜ୍ୟ ସଂପାଦକ ସରୋଜ କର ପ୍ରମୁଖ ଉପସ୍ଥିତ ଥିଲେ ।

ଶିକ୍ଷାନୁଷ୍ଠାନରେ ଆତ୍ମହତ୍ୟା ରୋକିବାକୁ ସୁପ୍ରିମକୋର୍ଟଙ୍କ ୧୫ ସୂତ୍ରୀ ନିର୍ଦ୍ଦେଶନାମା

୯୦ ଦିନ ଭିତରେ ରିପୋର୍ଟ ଦାଖଲ କରିବେ କେନ୍ଦ୍ର ସରକାର

https://youtube.com/@coastalnewsodia?si=AB2TB8we6wtbHMXy

ନୂଆଦିଲ୍ଲୀ, ଦେଶରେ ଶିକ୍ଷାନୁଷ୍ଠାନରେ ଆତ୍ମହତ୍ୟା ରୋକିବା ପାଇଁ ସୁପ୍ରିମକୋର୍ଟ ଆଣିଛନ୍ତି ୧୫ ସୂତ୍ରୀ ନିର୍ଦ୍ଦେଶନାମା। ଶୁକ୍ରବାର ଦିନ ସୁପ୍ରିମକୋର୍ଟ ସ୍କୁଲ, କଲେଜ ଏବଂ କୋଚିଂ ସେଣ୍ଟରରେ ଛାତ୍ରଛାତ୍ରୀଙ୍କ ମାନସିକ ସ୍ୱାସ୍ଥ୍ୟର ସୁରକ୍ଷା ପାଇଁ ବ୍ୟାପକ ନିର୍ଦ୍ଦେଶାବଳୀ ଜାରି କରିଛନ୍ତି।

ଜଷ୍ଟିସ୍ ବିକ୍ରମ ନାଥ ଏବଂ ସନ୍ଦୀପ ମେହେଟ୍ଟାଙ୍କ ଖଣ୍ଡପୀଠ ଭାରତରେ ଛାତ୍ରଙ୍କ ଆତ୍ମହତ୍ୟା ପ୍ରସଙ୍ଗ ଉପରେ ବିଚାର କରି ୧୫ ଟି ବାଧ୍ୟତାମୂଳକ ନିର୍ଦ୍ଦେଶାବଳୀ ଜାରି କରିଛନ୍ତି। ଏହି ଗାଇଡଲାଇନ ଦେଶର ସମସ୍ତ ସ୍କୁଲ, କଲେଜ, ବିଶ୍ୱବିଦ୍ୟାଳୟ, କୋଚିଂ ସେଣ୍ଟର ଓ ଟ୍ରେନିଂ ସେଣ୍ଟରରେ ଲାଗୁ ହେବ। ମାନସିକ ଅବସାଦ, ପାଠପଢ଼ାର ବୋଝ ଓ ପରୀକ୍ଷା ଚାପ ପାଇଁ ଅଧିକାଂଶ ଛାତ୍ରଛାତ୍ରୀ ଆତ୍ମହତ୍ୟା କରୁଥିବା ସର୍ବୋଚ୍ଚ ଅଦାଲତ କହିଛନ୍ତି।

ମାନସିକ ସ୍ଵାସ୍ଥ୍ୟ କାଉନସେଲିଂ, ଗ୍ରୀଭାନ୍ସ ରିଡ୍ରେସାଲ ସିଷ୍ଟମ କାର୍ଯ୍ୟକ୍ଷମ ଓ ନିୟମିତ ତଦାରଖ ବାଧ୍ୟତାମୂଳକ କରାଯାଇଛି। ୯୦ ଦିନ ମଧ୍ୟରେ ଅନୁପାଳନ ରିପୋର୍ଟ ଦାଖଲ କରିବେ କେନ୍ଦ୍ର ସରକାର।

ସୁପ୍ରିମକୋର୍ଟ ଦେଇଥିବା ନିର୍ଦ୍ଦେଶାବଳୀ ହେଉଛି:-

ମାନସିକ ସ୍ଵାସ୍ଥ୍ୟ ନୀତି:- ସବୁ ଶିକ୍ଷାନୁଷ୍ଠାନକୁ ଏକୀକୃତ ମାନସିକ ସ୍ୱାସ୍ଥ୍ୟ ନୀତି ଗ୍ରହଣ କରିବାକୁ ନିର୍ଦ୍ଦେଶ ରହିଛି। ଏହି ନୀତିର ପ୍ରତିବର୍ଷ ସମୀକ୍ଷା କରାଯିବ। ଅନୁଷ୍ଠାନରେ ୱେବସାଇଟ ଓ ନୋଟିସ୍ ବୋର୍ଡରେ ଏହା ପ୍ରକାଶ ପାଇବ।

କାଉନସେଲର ନିଯୁକ୍ତି:- ୧୦୦ରୁ ଅଧିକ ଛାତ୍ରଛାତ୍ରୀ ଥିବା ଅନୁଷ୍ଠାନ କାଉନସେଲର, ମନୋବିଜ୍ଞାନୀ କିମ୍ବା ସାମାଜିକ କର୍ମୀଙ୍କୁ ନିଯୁକ୍ତ କରିବେ। ସମ୍ପୃକ୍ତ କାଉନସେଲର ଶିଶୁ ଓ କିଶୋର ମାନସିକ ସ୍ୱାସ୍ଥ୍ୟ କ୍ଷେତ୍ରରେ ପ୍ରଶିକ୍ଷଣ ପ୍ରାପ୍ତ ହୋଇଥିବେ।

ନିରାପଦ ପରିବେଶ:- ଆବାସିକ ଅନୁଷ୍ଠାନଗୁଡିକୁ ଟାମ୍ପର-ପ୍ରୁଫ ସିଲିଂ ଫ୍ୟାନ ଓ ଅନ୍ୟ ନିରାପତ୍ତା ଉପକରଣ ସ୍ଥାପନ କରିବେ। ଛାତ ଓ ବାଲକୋନୀରେ ପ୍ରବେଶ ସୀମିତ ରଖିବାକୁ ନିର୍ଦ୍ଦେଶ ରହିଛି।

ଅନ୍ୟାୟ ଆଚରଣ ରୋକିବା:- ଶିକ୍ଷାନୁଷ୍ଠାନ ଗୁଡିକ ଯୌନ ନିର୍ଯାତନା, ରାଗିଂ, ଉତ୍ପୀଡନ ରୋକିବା ପାଇଁ ଜାତି, ବର୍ଣ୍ଣ ଓ ଧର୍ମ ନିର୍ବିଶେଷରେ ଗୋପନୀୟ ଓ ସହଜଲଭ୍ୟ ଅଭିଯୋଗ ପଦ୍ଧତି ଗ୍ରହଣ କରିବାକୁ କୁହାଯାଇଛି। ଅଭିଯୋଗକାରୀଙ୍କ ବିରୋଧରେ ପ୍ରତିଶୋଧ ମୂଳକ କାର୍ଯ୍ୟ ପାଇଁ ଶୂନ୍ୟ ସହନଶୀଳତା ନୀତି ପାଳନ କରାଯିବ।

କୋଚିଂ ସେଣ୍ଟର ପାଇଁ ନିୟମ:- କୋଚିଂ ହବ୍ ଗୁଡିକୁ ଉନ୍ନତ ମାନସିକ ସ୍ଵାସ୍ଥ୍ୟ ସୁରକ୍ଷା ଓ ନିବାରଣ ପଦକ୍ଷେପ ଗ୍ରହଣ କରିବାକୁ ନିର୍ଦ୍ଦେଶ ରହିଛି। ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଥିବା କୋଚିଂ ସେଣ୍ଟର ଗୁଡିକ ଛାତ୍ର ସୁରକ୍ଷା ନିୟମ ଓ ଅଭିଯୋଗ ନିରାକରଣ ପଦ୍ଧତି ସୁନିଶ୍ଚିତ କରିବେ।

 ପରୀକ୍ଷା ନିୟମ ହ୍ରାସ:- ଶିକ୍ଷାନୁଷ୍ଠାନ ଗୁଡ଼ିକୁ ଛାତ୍ରଛାତ୍ରୀଙ୍କ ଶିକ୍ଷାଗତ ପ୍ରଦର୍ଶନ ଆଧାରରେ ବ୍ୟାଚ ବିଭାଜନ ସର୍ବସାଧାରଣରେ ଅପମାନ କରି ପାରିବେ ନାହିଁ।

 ସହାୟତା ଓ ସଚେତନତା:- ସବୁ ଅନୁଷ୍ଠାନରେ ଟେଲି ପରାମର୍ଶ ସମେତ ଆତ୍ମହତ୍ୟା ନିବାରଣ ହେଲ୍ପଲାଇନ ନମ୍ବର ପ୍ରଦର୍ଶନ ହେବ। ଶିକ୍ଷକ ଓ ଅଣଶିକ୍ଷକ କର୍ମଚାରୀଙ୍କୁ ବର୍ଷକୁ ଅତି କମରେ ଦୁଇ ଥର ମାନସିକ ସ୍ୱାସ୍ଥ୍ୟ ସମ୍ବନ୍ଧୀୟ ପ୍ରଶିକ୍ଷଣ ଦିଆଯିବ।

ସଂଘ କାହିଁକି ନୀରବ

*ସଂଘ କାହିଁକି ନୀରବ*

ଆଜି ଯେତେବେଳେ ମୁଁ ପ୍ରାତଃ ଭ୍ରମଣ ପାଇଁ ବାହାରକୁ ଯାଇଥିଲି, ଜଣେ ବନ୍ଧୁ, ଜଣେ କଠୋର ରୀତିମତ ହିନ୍ଦୁ ଭଦ୍ରଲୋକ ମୋ ସହିତ ଆସିଥିଲେ। ଜାତୀୟ ଏବଂ ଅନ୍ତର୍ଜାତୀୟ ପ୍ରସଙ୍ଗ ଏବଂ ରାଜନୀତି ଉପରେ ଆଲୋଚନା ଆଜିକାଲି ସମସ୍ତଙ୍କର ପ୍ରିୟ ବିଷୟ, ତେଣୁ ସେ ମଧ୍ୟ କାଶ୍ମୀରରୁ କୈରାନା ଏବଂ କେରଳରୁ ବଙ୍ଗଳା ପର୍ଯ୍ୟନ୍ତ ପରିସ୍ଥିତି ବିଷୟରେ କହିବାକୁ ଲାଗିଲେ। ମୁଁ ଚୁପ୍ ଚାପ୍ ଶୁଣୁଥିଲି। ହଠାତ୍ ସେ କହିଲେ, "ଏହି ସ୍ଥାନଗୁଡ଼ିକରେ ହିନ୍ଦୁମାନେ ଅସୁବିଧାରେ ପଡ଼ିଛନ୍ତି। ସଂଘ କାହିଁକି ନୀରବ? ଏହି ମାମଲାରେ ସଂଘ କ'ଣ କରୁଛି?"

ଏବେ ମୋତେ ଉତ୍ତର ଦେବାକୁ ପଡିଲା। ମୁଁ ପଚାରିଲି, "ସଂଘ କ'ଣ?"

ସେ କହିଲେ, "ହିନ୍ଦୁମାନଙ୍କର ଏକ ସଂଗଠନ।"

ମୁଁ ପୁଣି ପଚାରିଲି, "ତେବେ ତୁମେ ଜଣେ ହିନ୍ଦୁ?"

ସେ କହିଲେ, "ଏହା କି ପ୍ରକାରର ପ୍ରଶ୍ନ? ମୁଁ ଜଣେ କଠୋର ସନାତନ ହିନ୍ଦୁ।"

ତା'ପରେ ମୁଁ ପଚାରିଲି, "ତେବେ ତୁମେ ସଂଘ ସହିତ ଜଡିତ କି?"

ସେ କହିଲେ, "ନା।"

ମୁଁ ପୁଣି ପଚାରିଲି, "ତୁମର ପୁଅ, ନାତି, ପ୍ରପୌତ୍ର କିମ୍ବା କୌଣସି ସମ୍ପର୍କୀୟ କ'ଣ ସଂଘ ସହିତ ଜଡିତ?"

ସେ କହିଲେ, "ନା। ମୋ ପୁଅ ତା'ର ଚାକିରିରେ ବ୍ୟସ୍ତ, ମୋ ନାତିନାତୁଣୀମାନେ ବିଦେଶରେ ରହୁଛନ୍ତି, ଏବଂ ମୋ ସମ୍ପର୍କୀୟମାନେ ବଡ଼ ବ୍ୟବସାୟୀ। ମୋ ପିଲାମାନେ କୋଚିଂରେ ବ୍ୟସ୍ତ।"

ମୁଁ କହିଲି, "ଏହାର ଅର୍ଥ କ'ଣ RSS ତୁମ ଏବଂ ତୁମ ପରିବାର ବ୍ୟତୀତ ସମସ୍ତ ହିନ୍ଦୁଙ୍କ ପାଇଁ ଏକ ସଂଗଠନ?"

ସେ ବିରକ୍ତିରେ କହିଲେ, "ଆଜି ତୁମର କଣ ହୋଇଛି? ତୁମେ କ'ଣ କହୁଛ? ଏହା ଏକମାତ୍ର ପରିସ୍ଥିତି ନୁହେଁ ଯାହା ମୁଁ ଦେଖୁଛି, ଦେଶର 90% ଲୋକ ସେମାନଙ୍କ କାମରେ ବ୍ୟସ୍ତ। ତୁମେ ମୋ ଉପରେ କାହିଁକି ଅଙ୍ଗୁଳି ଉଠାଉଛ?"

ମୁଁ ଉତ୍ତର ଦେଲି, "ତେବେ ତୁମ ଅନୁସାରେ କେବଳ 10% ହିନ୍ଦୁ RSS ସହିତ ଜଡିତ?"

ସେ କହିଲେ, "ନା, ଆମ ୱାର୍ଡରେ ସମସ୍ତେ ହିନ୍ଦୁ, ଜନସଂଖ୍ୟା ପ୍ରାୟ 10,000। କିନ୍ତୁ ସକାଳେ RSS ଶାଖାରେ କେବଳ 10-15 ଜଣ ଲୋକ ଦେଖାଯାଆନ୍ତି, ବାକିମାନେ କେବଳ ପର୍ବପର୍ବାଣୀରେ ଦେଖାଯାଆନ୍ତି।"

ମୁଁ ପଚାରିଲି, "ତୁମେ କେବେ ସେମାନଙ୍କୁ ଭେଟିଛ କି?"

ସେ କହିଲେ, "ନା।"

ମୁଁ ପଚାରିଲି, "ତୁମେ କେବେ ସେମାନଙ୍କୁ ସାହାଯ୍ୟ କରିଛ କି?"

ସେ କହିଲେ, "ନା।"

ମୁଁ ପଚାରିଲି, "ତୁମେ କେବେ ତାଙ୍କ କାର୍ଯ୍ୟକ୍ରମରେ ଅଂଶଗ୍ରହଣ କରିଛ?" 

ସେ କହିଲେ, "ନା।" 

ତା'ପରେ ମୁଁ କହିଲି, "ତେବେ ସଂଘଠାରୁ ଏତେ ଆଶା କାହିଁକି? ସଂଘର ସମସ୍ତ ଲୋକ କି ବେକାର? ସେମାନଙ୍କର କ'ଣ କୌଣସି କାମ କିମ୍ବା ପରିବାର ନାହିଁ? ତୁମେ ତୁମର ପରିବାର ଏବଂ କାମ ବିଷୟରେ ଚିନ୍ତିତ ହୁଅ, ଏବଂ ସେ ମଧ୍ୟ ତୁମ ପରି ଲୋକଙ୍କ ସହିତ ତାଙ୍କ ପରିବାର ଏବଂ କାମ ବିଷୟରେ ଚିନ୍ତିତ ହେବା ଉଚିତ?" 

ଏହା ଶୁଣି ସେ ଟିକେ ବିରକ୍ତ ହେଲେ। ମୁଁ ତା'ପରେ କହିଲି, "ସେ ଭାରତ ମାତା କି ଜୟ ଏବଂ ବନ୍ଦେ ମାତରମ୍ କହୁଥିବାରୁ, ତୁମେ କ'ଣ ତାଙ୍କଠାରୁ ସବୁକିଛି ଆଶା କରୁଛ? ସକ୍ଷମ ହେବା ସତ୍ତ୍ୱେ ତୁମେ ଯାହା କରିବାକୁ ଚାହୁଁନାହଁ, ତାହା ସଂଘର ଲୋକମାନେ କରିବା ଉଚିତ?" 

"ତୁମ ପରି ସଂଘର ଲୋକମାନେ କାହିଁକି ନୀରବ କିମ୍ବା ନିରପେକ୍ଷ ରହିବେ? ସେମାନେ କାହିଁକି ନିଜ ଘର ଏବଂ ପରିବାର ଛାଡି କେବଳ ତୁମ ପାଇଁ ବଞ୍ଚିବେ?" 

"ଯେତେବେଳେ ସେମାନେ ତୁମଠାରୁ ସମର୍ଥନ ଆଶା କରନ୍ତି, ତୁମେ ସେମାନଙ୍କୁ ଅଳସୁଆ ମନେ କର, ସେମାନଙ୍କୁ ଅଣଦେଖା କର, ସେମାନଙ୍କୁ ସାମ୍ପ୍ରଦାୟିକ କହି ଦୁର୍ବ୍ୟବହାର କର। ତୁମେ ତୁମର ପିଲାମାନଙ୍କର ଭବିଷ୍ୟତ ଗଢ଼ିବାରେ ବ୍ୟସ୍ତ ରୁହ, କିନ୍ତୁ ସମାଜ ଏବଂ ଦେଶ ପାଇଁ ସମୟ ବାହାର କର ନାହିଁ। ଯଦି ସେମାନେ ହିନ୍ଦୁ ସଂଗଠନରୁ ଆସିଛନ୍ତି, ତେବେ ତୁମେ ମଧ୍ୟ ଜଣେ ହିନ୍ଦୁ, ତେବେ ତୁମେ ସେମାନଙ୍କର କର୍ତ୍ତବ୍ୟ କାହିଁକି କରୁନାହଁ?"

"ମନେରଖ, ଭଗତ ସିଂହ ଏବଂ ଆଜାଦଙ୍କୁ ମୃତ୍ୟୁର ସମ୍ମୁଖୀନ ହେବାକୁ ପଡ଼ିଥିଲା କାରଣ ତୁମ ପରି 90% ଲୋକ ଏହି ଦୃଶ୍ୟ ଦେଖୁଥିଲେ। ଯଦି ଏହି 90% ହିନ୍ଦୁ ସେତେବେଳେ ଜାଗ୍ରତ ହୋଇଥାନ୍ତେ, ତେବେ ବ୍ରିଟିଶମାନେ ସେମାନଙ୍କୁ ଫାଶୀ ଦେବାକୁ ସାହସ କରିନଥାନ୍ତେ।"

"ଯଦି ଆଜିର ହିନ୍ଦୁମାନଙ୍କର ଟିକିଏ ସଚେତନତା ଥାଆନ୍ତା, ତେବେ କିଛି ଲୋକଙ୍କର ବନ୍ଦେ ମାତରମ୍ ଏବଂ ଭାରତ ମାତା କି ଜୟକୁ ବିରୋଧ କରିବାର ସାହସ ହୋଇନଥାଆନ୍ତା।"

---

ଲୋକେ କୁହନ୍ତି ଯେ ପୂର୍ବରୁ ମୁଁ ନିଜେ ପ୍ରତିଦିନ ଶାଖାକୁ ଯାଉଥିଲି, କିନ୍ତୁ ଏବେ ନା ମୁଁ ଯାଉଅଛି, ନା ମୋ ପୁଅ। କିନ୍ତୁ ଆମେ ଆଶା କରୁଛୁ ଯେ ଦେଶ ପରିବର୍ତ୍ତନ ହେବ। କିନ୍ତୁ ପରିବର୍ତ୍ତନ କିଏ ଆଣିବ? ଏହି ଲେଖାଟିକୁ କେବଳ ପଢି ଛାଡିଦିଅ ନାହିଁ, ଚିନ୍ତା କର ଏବଂ ପ୍ରତିଫଳିତ କର, ଯଦି ସମ୍ଭବ ହୁଏ, ତେବେ ତୁମର *ସଂଘ କାହିଁକି ନୀରବ*

ଆଜି ଯେତେବେଳେ ମୁଁ ପ୍ରାତଃ ଭ୍ରମଣ ପାଇଁ ବାହାରକୁ ଯାଇଥିଲି, ଜଣେ ବନ୍ଧୁ, ଜଣେ କଠୋର ରୀତିମତ ହିନ୍ଦୁ ଭଦ୍ରଲୋକ ମୋ ସହିତ ଆସିଥିଲେ। ଜାତୀୟ ଏବଂ ଅନ୍ତର୍ଜାତୀୟ ପ୍ରସଙ୍ଗ ଏବଂ ରାଜନୀତି ଉପରେ ଆଲୋଚନା ଆଜିକାଲି ସମସ୍ତଙ୍କର ପ୍ରିୟ ବିଷୟ, ତେଣୁ ସେ ମଧ୍ୟ କାଶ୍ମୀରରୁ କୈରାନା ଏବଂ କେରଳରୁ ବଙ୍ଗଳା ପର୍ଯ୍ୟନ୍ତ ପରିସ୍ଥିତି ବିଷୟରେ କହିବାକୁ ଲାଗିଲେ। ମୁଁ ଚୁପ୍ ଚାପ୍ ଶୁଣୁଥିଲି। ହଠାତ୍ ସେ କହିଲେ, "ଏହି ସ୍ଥାନଗୁଡ଼ିକରେ ହିନ୍ଦୁମାନେ ଅସୁବିଧାରେ ପଡ଼ିଛନ୍ତି। ସଂଘ କାହିଁକି ନୀରବ? ଏହି ମାମଲାରେ ସଂଘ କ'ଣ କରୁଛି?"

ଏବେ ମୋତେ ଉତ୍ତର ଦେବାକୁ ପଡିଲା। ମୁଁ ପଚାରିଲି, "ସଂଘ କ'ଣ?"

ସେ କହିଲେ, "ହିନ୍ଦୁମାନଙ୍କର ଏକ ସଂଗଠନ।"

ମୁଁ ପୁଣି ପଚାରିଲି, "ତେବେ ତୁମେ ଜଣେ ହିନ୍ଦୁ?"

ସେ କହିଲେ, "ଏହା କି ପ୍ରକାରର ପ୍ରଶ୍ନ? ମୁଁ ଜଣେ କଠୋର ସନାତନ ହିନ୍ଦୁ।"

ତା'ପରେ ମୁଁ ପଚାରିଲି, "ତେବେ ତୁମେ ସଂଘ ସହିତ ଜଡିତ କି?"

ସେ କହିଲେ, "ନା।"

ମୁଁ ପୁଣି ପଚାରିଲି, "ତୁମର ପୁଅ, ନାତି, ପ୍ରପୌତ୍ର କିମ୍ବା କୌଣସି ସମ୍ପର୍କୀୟ କ'ଣ ସଂଘ ସହିତ ଜଡିତ?"

ସେ କହିଲେ, "ନା। ମୋ ପୁଅ ତା'ର ଚାକିରିରେ ବ୍ୟସ୍ତ, ମୋ ନାତିନାତୁଣୀମାନେ ବିଦେଶରେ ରହୁଛନ୍ତି, ଏବଂ ମୋ ସମ୍ପର୍କୀୟମାନେ ବଡ଼ ବ୍ୟବସାୟୀ। ମୋ ପିଲାମାନେ କୋଚିଂରେ ବ୍ୟସ୍ତ।"

ମୁଁ କହିଲି, "ଏହାର ଅର୍ଥ କ'ଣ RSS ତୁମ ଏବଂ ତୁମ ପରିବାର ବ୍ୟତୀତ ସମସ୍ତ ହିନ୍ଦୁଙ୍କ ପାଇଁ ଏକ ସଂଗଠନ?"

ସେ ବିରକ୍ତିରେ କହିଲେ, "ଆଜି ତୁମର କଣ ହୋଇଛି? ତୁମେ କ'ଣ କହୁଛ? ଏହା ଏକମାତ୍ର ପରିସ୍ଥିତି ନୁହେଁ ଯାହା ମୁଁ ଦେଖୁଛି, ଦେଶର 90% ଲୋକ ସେମାନଙ୍କ କାମରେ ବ୍ୟସ୍ତ। ତୁମେ ମୋ ଉପରେ କାହିଁକି ଅଙ୍ଗୁଳି ଉଠାଉଛ?"

ମୁଁ ଉତ୍ତର ଦେଲି, "ତେବେ ତୁମ ଅନୁସାରେ କେବଳ 10% ହିନ୍ଦୁ RSS ସହିତ ଜଡିତ?"

ସେ କହିଲେ, "ନା, ଆମ ୱାର୍ଡରେ ସମସ୍ତେ ହିନ୍ଦୁ, ଜନସଂଖ୍ୟା ପ୍ରାୟ 10,000। କିନ୍ତୁ ସକାଳେ RSS ଶାଖାରେ କେବଳ 10-15 ଜଣ ଲୋକ ଦେଖାଯାଆନ୍ତି, ବାକିମାନେ କେବଳ ପର୍ବପର୍ବାଣୀରେ ଦେଖାଯାଆନ୍ତି।"

ମୁଁ ପଚାରିଲି, "ତୁମେ କେବେ ସେମାନଙ୍କୁ ଭେଟିଛ କି?"

ସେ କହିଲେ, "ନା।"

ମୁଁ ପଚାରିଲି, "ତୁମେ କେବେ ସେମାନଙ୍କୁ ସାହାଯ୍ୟ କରିଛ କି?"

ସେ କହିଲେ, "ନା।"

ମୁଁ ପଚାରିଲି, "ତୁମେ କେବେ ତାଙ୍କ କାର୍ଯ୍ୟକ୍ରମରେ ଅଂଶଗ୍ରହଣ କରିଛ?" 

ସେ କହିଲେ, "ନା।" 

ତା'ପରେ ମୁଁ କହିଲି, "ତେବେ ସଂଘଠାରୁ ଏତେ ଆଶା କାହିଁକି? ସଂଘର ସମସ୍ତ ଲୋକ କି ବେକାର? ସେମାନଙ୍କର କ'ଣ କୌଣସି କାମ କିମ୍ବା ପରିବାର ନାହିଁ? ତୁମେ ତୁମର ପରିବାର ଏବଂ କାମ ବିଷୟରେ ଚିନ୍ତିତ ହୁଅ, ଏବଂ ସେ ମଧ୍ୟ ତୁମ ପରି ଲୋକଙ୍କ ସହିତ ତାଙ୍କ ପରିବାର ଏବଂ କାମ ବିଷୟରେ ଚିନ୍ତିତ ହେବା ଉଚିତ?" 

ଏହା ଶୁଣି ସେ ଟିକେ ବିରକ୍ତ ହେଲେ। ମୁଁ ତା'ପରେ କହିଲି, "ସେ ଭାରତ ମାତା କି ଜୟ ଏବଂ ବନ୍ଦେ ମାତରମ୍ କହୁଥିବାରୁ, ତୁମେ କ'ଣ ତାଙ୍କଠାରୁ ସବୁକିଛି ଆଶା କରୁଛ? ସକ୍ଷମ ହେବା ସତ୍ତ୍ୱେ ତୁମେ ଯାହା କରିବାକୁ ଚାହୁଁନାହଁ, ତାହା ସଂଘର ଲୋକମାନେ କରିବା ଉଚିତ?" 

"ତୁମ ପରି ସଂଘର ଲୋକମାନେ କାହିଁକି ନୀରବ କିମ୍ବା ନିରପେକ୍ଷ ରହିବେ? ସେମାନେ କାହିଁକି ନିଜ ଘର ଏବଂ ପରିବାର ଛାଡି କେବଳ ତୁମ ପାଇଁ ବଞ୍ଚିବେ?" 

"ଯେତେବେଳେ ସେମାନେ ତୁମଠାରୁ ସମର୍ଥନ ଆଶା କରନ୍ତି, ତୁମେ ସେମାନଙ୍କୁ ଅଳସୁଆ ମନେ କର, ସେମାନଙ୍କୁ ଅଣଦେଖା କର, ସେମାନଙ୍କୁ ସାମ୍ପ୍ରଦାୟିକ କହି ଦୁର୍ବ୍ୟବହାର କର। ତୁମେ ତୁମର ପିଲାମାନଙ୍କର ଭବିଷ୍ୟତ ଗଢ଼ିବାରେ ବ୍ୟସ୍ତ ରୁହ, କିନ୍ତୁ ସମାଜ ଏବଂ ଦେଶ ପାଇଁ ସମୟ ବାହାର କର ନାହିଁ। ଯଦି ସେମାନେ ହିନ୍ଦୁ ସଂଗଠନରୁ ଆସିଛନ୍ତି, ତେବେ ତୁମେ ମଧ୍ୟ ଜଣେ ହିନ୍ଦୁ, ତେବେ ତୁମେ ସେମାନଙ୍କର କର୍ତ୍ତବ୍ୟ କାହିଁକି କରୁନାହଁ?"

"ମନେରଖ, ଭଗତ ସିଂହ ଏବଂ ଆଜାଦଙ୍କୁ ମୃତ୍ୟୁର ସମ୍ମୁଖୀନ ହେବାକୁ ପଡ଼ିଥିଲା କାରଣ ତୁମ ପରି 90% ଲୋକ ଏହି ଦୃଶ୍ୟ ଦେଖୁଥିଲେ। ଯଦି ଏହି 90% ହିନ୍ଦୁ ସେତେବେଳେ ଜାଗ୍ରତ ହୋଇଥାନ୍ତେ, ତେବେ ବ୍ରିଟିଶମାନେ ସେମାନଙ୍କୁ ଫାଶୀ ଦେବାକୁ ସାହସ କରିନଥାନ୍ତେ।"

"ଯଦି ଆଜିର ହିନ୍ଦୁମାନଙ୍କର ଟିକିଏ ସଚେତନତା ଥାଆନ୍ତା, ତେବେ କିଛି ଲୋକଙ୍କର ବନ୍ଦେ ମାତରମ୍ ଏବଂ ଭାରତ ମାତା କି ଜୟକୁ ବିରୋଧ କରିବାର ସାହସ ହୋଇନଥାଆନ୍ତା।"

---

ଲୋକେ କୁହନ୍ତି ଯେ ପୂର୍ବରୁ ମୁଁ ନିଜେ ପ୍ରତିଦିନ ଶାଖାକୁ ଯାଉଥିଲି, କିନ୍ତୁ ଏବେ ନା ମୁଁ ଯାଉଅଛି, ନା ମୋ ପୁଅ। କିନ୍ତୁ ଆମେ ଆଶା କରୁଛୁ ଯେ ଦେଶ ପରିବର୍ତ୍ତନ ହେବ। କିନ୍ତୁ ପରିବର୍ତ୍ତନ କିଏ ଆଣିବ? ଏହି ଲେଖାଟିକୁ କେବଳ ପଢି ଛାଡିଦିଅ ନାହିଁ, ଚିନ୍ତା କର ଏବଂ ପ୍ରତିଫଳିତ କର, ଯଦି ସମ୍ଭବ ହୁଏ, ତେବେ ତୁମର ମୂଲ୍ୟବାନ ସମୟରୁ କିଛି ବାହାର କରି ଏପରି ଲୋକଙ୍କୁ ସମର୍ଥନ ଏବଂ ଉତ୍ସାହିତ କର ଏବଂ ଏହି ଦିଗରେ ଚେଷ୍ଟା କର। 😊🙏...

ନିଜ ସମୟରୁ କିଛି ବାହାର କରି ଏପରି ଲୋକଙ୍କୁ ସମର୍ଥନ ଏବଂ ଉତ୍ସାହିତ କର ଏବଂ ଏହି ଦିଗରେ ଚେଷ୍ଟା କର। 😊🙏...

@gpanigrahi01

ବାଳ ଭୋଗ

*🙏ବାଳ ଭୋଗ 🙏*

🙏ଭକ୍ତ ତିଳଚ୍ଛ ମହାପାତ୍ର 🙏

👉ପୁରୁଷୋତ୍ତମ କ୍ଷେତ୍ର ରେ ଜଣେ ଭକ୍ତ ଥିଲେ ତାଙ୍କ ନା ତିଳଚ୍ଛ ମହାପାତ୍ର....

ତିଳଚ୍ଛ ମହାପାତ୍ର ସକାଳ ରୁ ରାତି ଶୋଇବା ପର୍ଯ୍ୟନ୍ତ ତାଙ୍କ କାମ ହେଉଛି ଗୋଟିଏ.... ପ୍ରଭୁଙ୍କର ସେବା... 🙏

ତିଳଚ୍ଛ ମହାପାତ୍ର ସବୁବେଳେ ଗୀତା, ଭାଗବତ ପଢ଼ନ୍ତି....

ଧର୍ମ କାର୍ଯ୍ୟ ରେ ସବୁବେଳେ ମନ...

ଅନାଥ ଆତୁର ଦିନ ଭିକାରି ଙ୍କୁ ଭୋଜନ ଦେବା ଯେତିକି ପୁଣ୍ୟ କାମ ସବୁ ଗୁଡିକ ତିଳଚ୍ଛ ମହାପାତ୍ର କରନ୍ତି ଏବଂ ତିଳଚ୍ଛ ମହାପାତ୍ର ସକାଳ ରୁ ସନ୍ଧ୍ୟା ପର୍ଯ୍ୟନ୍ତ ଖାଲି କେମିତି ପ୍ରଭୁଙ୍କର ସେବା କରିବି....

ମହାପ୍ରଭୁ ଙ୍କର ଯେତିକି ସେବା ସବୁ ସେବା ଗୁଡିକ ତିଳଚ୍ଛ ମହାପାତ୍ର କରନ୍ତି....

ଦିନକର କଥା ସେତେବେଳେ ରାଜା ଥାନ୍ତି ପ୍ରତାପ ରୁଦ୍ର ଦେବ, ନିୟମ ଥିଲା ରାଜା ଯେତେବେଳେ ମହାପ୍ରଭୁ ଙ୍କ ପାଖକୁ ଆସିବେ ସେତେବେଳେ ଜଗନ୍ନାଥ ଙ୍କ ମୁଣ୍ଡରେ ଯେଉଁ ଫୁଲ ମାଳା ଟି ଥିବ ଏ ଫୁଲ ମାଳ ଦିଆଯିବ ରାଜା ଙ୍କୁ....

ସେଦିନ ଯେତେବେଳେ ପ୍ରତାପ ରୁଦ୍ର ଦେବ ଆସିଲେ ମହାପ୍ରଭୁ ଙ୍କୁ ଦର୍ଶନ କରିବା ପାଇଁ, ଚାରିଆଡେ କୋଳାହଳ ପଡିଗଲା ରାଜା ବିଜେ କରୁଛନ୍ତି....

ଯିଏ ଯାହାର ସେବା ଠିକ ଠିକ ଆରମ୍ଭ କରିଦେଲେ ରାଜା ଆସୁଛନ୍ତି ବୋଲି....

ତିଳଚ୍ଛ ମହାପାତ୍ର ଦେଖିଲେ ଜଗନ୍ନାଥ ଙ୍କ ମୁଣ୍ଡରୁ ତ ଫୁଲ ମାଳ ରାଜା ଙ୍କୁ ଦବା କଥା.... ମହାପ୍ରଭୁ ଙ୍କ ମୁଣ୍ଡରେ ତ ଫୁଲ ମାଳ ନାହିଁ.... ଫୁଲ ମାଳ ଲାଗି ହେଇନି ଏ ପର୍ଯ୍ୟନ୍ତ....

ମହାରାଜ ଆସିଲେ ତାଙ୍କୁ ତ ଫୁଲ ମାଳ ଦେବାକୁ ପଡିବ.....

ତିଳଚ୍ଛ ମହାପାତ୍ର ଚିନ୍ତା କଲେ ଠାକୁରେ ରାଗ କରିବନି ଠାକୁରେ ମୋତେ ବଞ୍ଚେଇବା ପାଇଁ ସମସ୍ତଙ୍କୁ ବଞ୍ଚେଇବା ପାଇଁ ଗୋଟିଏ ଭୁଲ କାମ କରିବାକୁ ଯାଉଛି....

ଏତିକି କହି ନିଜ ମୁଣ୍ଡରେ ଯେଉଁ ଫୁଲ ମାଳ ଟି ଗୁଡେଇ ପିନ୍ଧିଥିଲେ,,,, ଫୁଲ ମାଳ ଟି ନିଜ ମୁଣ୍ଡରୁ ଖୋଲି ଜଗନ୍ନାଥ ଙ୍କ ମୁଣ୍ଡରେ ଚଢେଇ ଦେଲେ....

ଚଢେଇ ଦେଇକି ଭାବୁଛନ୍ତି ତିଳଚ୍ଛ ମହାପାତ୍ର ସମସ୍ତେ କହନ୍ତି କୁଆଡେ ଛଡା ଫୁଲ ଠାକୁର ଙ୍କୁ ଲାଗି କରାଯାଏନି....

କିନ୍ତୁ ଠାକୁରେ ମୋ ମୁଣ୍ଡରେ ପିନ୍ଧିଥିବା ଫୁଲ ମାଳ କୁ ତମ ମୁଣ୍ଡରେ ଚଢେଇ ଦେଲି.....

ରାଗିବ ଠାକୁର ମୋ ଉପରେ ନା....?

ରାଗ ତମେ,, କଣ କରିବି ଉପାୟ କିଛି ନାହିଁ ନା.....

👉ପୁଅ ତା ବାପା କୁ ବାପା ବୋଲି ଡାକେ, ବାପା କଣ ତା ପୁଅ କୁ କେବେ ବାପା ବୋଲି ଡ଼ାକେନି..? 👈

ହେ ଠାକୁରେ ତମେ ଗତି ମୁକ୍ତି ଦାତା ଜାଣିଛି....

ତମେ ଉପର ଦେଖନି ତମେ ଭିତର ଦେଖ ତମେ ବାହାର ଦେଖନି ତମେ ହୃଦୟ ଦେଖ, ତମେ ଅନ୍ତର କୁ ଚିହ୍ନ ବୋଲି ତମ ନା ହେଉଛି ଅନ୍ତର୍ଯ୍ୟାମୀ, ତମେ ଭାବ କୁ ବୁଝିପାର ବୋଲି ତମେ ହେଉଛ ଭାବଗ୍ରାହୀ....

ହେ ପତିତ ତାରଣ, ପତିତ ପାବନ ଅପରାଧ କରୁଛି ସାଆନ୍ତେ ରାଗ କରିବନି ମୁଣ୍ଡ ରୁ ଫୁଲ ମାଳ ଟି ଖୋଲି ଜଗନ୍ନାଥ ମହାପ୍ରଭୁ ଙ୍କ ମୁଣ୍ଡରେ ଗୁଡେଇ ଦେଲେ....

ମହାରାଜ ବିଜେ କଲେ ମହାବାହୁ ଙ୍କ ଆଗରେ....

ରାଜା ପ୍ରତାପରୁଦ୍ର ଦେବ ହାତ ଯୋଡି ଠିଆ ହେଲେ... 🙏🙏

ତିଳଚ୍ଛ ମହାପାତ୍ର ମହାପ୍ରଭୁ ଙ୍କ ମୁଣ୍ଡରୁ ଫୁଲ ମାଳ ଟି ଆଣି ମହାରାଜ ଙ୍କୁ ବଢ଼େଇ ଦେଲେ....

ରାଜା ଆନନ୍ଦ ସହିତ ଆଦର ସହିତ ପ୍ରଭୁ ଙ୍କ ପ୍ରସାଦ ବୋଲି ଜ୍ଞାନ କରି ହାତରେ ଧରି ଉଆସ କୁ ଫେରିଗଲେ....

ଉଆସରେ ଯେତେବେଳେ ଜଗନ୍ନାଥ ମହାପ୍ରଭୁ ଙ୍କ ଫୁଲ ମାଳ କୁ ରାଜା ଦେଖନ୍ତି ତା ଭିତରେ ଗୁଡିଏ ଲମ୍ବା ଲମ୍ବା ବାଳ ସବୁ ଲାଗିଛି....

ତିଳଚ୍ଛ ମହାପାତ୍ର ଙ୍କ ମୁଣ୍ଡରେ ଲମ୍ବା ଲମ୍ବା ବାଳ ଥିଲା ତ ଏ ଯେତେବେଳେ ଫୁଲ ମାଳ ଟିକୁ ଗୁଡେଇ ଥିଲେ,, ତିଳଚ୍ଛ ମହାପାତ୍ର ଯେତେବେଳେ ଜଗନ୍ନାଥ ଙ୍କ ମୁଣ୍ଡରେ ତର ତର ହୋଇ ଥୋଇଦେଲେ ଗୁଡିଏ ଲମ୍ବା ଲମ୍ବା ବାଳ ତା ଭିତରେ ଲାଗିଛି...

ରାଜା ଅନେଇଲେ ଫୁଲ ମାଳ କୁ ଧରି ଡାକିଲେ ପଦେ ତିଳଚ୍ଛ ମହାପାତ୍ର ଶୁଣିବ.....

ତିଳଚ୍ଛ ମହାପାତ୍ର ଠିଆ ହେଲେ ଆଜ୍ଞ୍ୟା ମଣିମା.....

ମୋତେ କହିଲ ଜଗନ୍ନାଥ ମହାପ୍ରଭୁ ଙ୍କ ମୁଣ୍ଡରେ କେବେ ଠୁ ବାଳ ଉଠିଲାଣି....

ତିଳଚ୍ଛ ମହାପାତ୍ର ଅନେଇ କି କହିଲେ ଆପଣ ଜାଣିନାହାନ୍ତି କି ମହାରାଜ.....

ରାଜା ପ୍ରତାପରୁଦ୍ର ଦେବ ଆଶ୍ଚର୍ଯ୍ୟ ହେଇ କହିଲେ କଣ କହିଲ ତମେ ତିଳଚ୍ଛ ମହାପାତ୍ର ଜଗନ୍ନାଥ ଙ୍କ ମୁଣ୍ଡରେ କେଶ ହେଲାଣି,, ଏତେ ଦିନ ଯିବା ଭିତରେ ମୁଁ ଦେଖିନି,, ଓଡିଶା ସାରା ଲୋକ, ଭାରତ ସାରା ଲୋକ, ପୃଥିବୀ ସାରା ଲୋକ, ଦେବତା ମାନେ କେହି ଦେଖିନାହାନ୍ତି ପ୍ରଭୁ ଙ୍କ ମୁଣ୍ଡରେ କେଶ ହେବା....

ତମେ କହୁଛ କେଶ ହେଇଛି.....

ତିଳଚ୍ଛ ମହାପାତ୍ର କହିଲେ ହଁ ଆଜ୍ଞା ଆପଣ ଜାଣିନାହାନ୍ତି ପ୍ରଭୁ ଙ୍କ ମୁଣ୍ଡରେ କେଶ ଅଛି ପରା....

ରାଜା କହିଲେ ପୁଣି କହୁଛ କେଶ ଅଛି....

ତିଳଚ୍ଛ ମହାପାତ୍ର କହିଲେ ହଁ କେଶ ଅଛି ଆଜ୍ଞା,, ଏଇଠି ପ୍ରତାପରୁଦ୍ର ଦେବ କହିଲେ ଠିକ ଅଛି ଯଦି କହୁଛ ତମେ ପ୍ରଭୁଙ୍କ ମୁଣ୍ଡରେ କେଶ ଅଛି,,,, ଶୁଣ ଏ ତିଳଚ୍ଛ ମହାପାତ୍ର ଆସନ୍ତା କାଲି ମନ୍ଦିର କୁ ଯିବି ମୋତେ ଦେଖେଇ ଦେବ ପ୍ରଭୁ ଙ୍କ ମୁଣ୍ଡରେ କେଶ ଅଛି ବୋଲି.....

ତିଳଚ୍ଛ ମହାପାତ୍ର କହିଲେ ହଁ ଆଜ୍ଞା ଦେଖେଇଦେବି....ଆପଣ ମନ୍ଦିର କୁ ଆସନ୍ତୁ ମୁଁ ଦେଖେଇଦେବି....

ଯେତେବେଳେ ଏତିକି କହିଲେ ପ୍ରତାପରୁଦ୍ର ଦେବ ଆଶ୍ଚର୍ଯ୍ୟ ହେଇଗଲେ ଏ କଣ କହୁଛ ହଉ ଠିକ ଅଛି ସକାଳୁ ଗଲେ କଥା ହେବା.....

ଆଉ ଘରକୁ ଫେରିଲେନି ମନ୍ଦିର ସାମ୍ନାରେ ଠିଆ ହୋଇଛନ୍ତି ତିଳଚ୍ଛ ମହାପାତ୍ର, ହାତକୁ ଯୋଡ଼ିଛନ୍ତି କାଳିଆ ସାଆନ୍ତ କୁ ଅନେଇ,, ହେ ଠାକୁରେ ହେ ମହାପ୍ରଭୁ ତମକୁ ନପଚାରି ତମ ନାଁରେ କେତେବଡ କଥା ଟି କହିଦେଲି ଠାକୁରେ ତମକୁ ଜଣେଇନି ମୁଁ ତମକୁ ପଚାରିନି..... ସାଆନ୍ତେ...... 🙏

ଏତିକି କହି ତିଳଚ୍ଛ ମହାପାତ୍ର ହାତକୁ ଯୋଡି ସେଇଟି ଘୁମେଇ ପଡିଲେ....

ଯେତେବେଳେ ଘୁମେଇ ପଡିଛନ୍ତି ନା,, ନିଦ୍ରା ଆସି ଯାଇଛି ଏଇଠି ମହାପ୍ରଭୁ ସ୍ବପ୍ନ ରେ ଡାକିଛନ୍ତି ତିଳଚ୍ଛ ମହାପାତ୍ର କୁ....

ଡାକିଲେ ମହାପାତ୍ରେ......

ତିଳଚ୍ଛ ମହାପାତ୍ର ଯେମିତି କନେଇଲା ଭଳିଆ ଶୁଣୁଛନ୍ତି.....

ମହାପ୍ରଭୁ କହିଲେ ଶୁଣ ଆରେ ମୋ ସେବା ଯିଏ କରେ ସେ ସଂସାରରେ କାହାକୁ ଡରେ...

 (ଡର କାହାକୁ ଭୟ କାହାକୁ ଠାକୁରେ ଅଛନ୍ତି ଚଉବାହାକୁ )

କାହାକୁ ଡରୁଛୁ ତୁ ହେ ମହାପାତ୍ରେ ଶୁଣ କୋଟିଏ ରାଜା ଯଦି ଆସନ୍ତି ତୋର କେହି କିଛି କ୍ଷତି କରିପାରିବେନି ମନେରଖ ମହାପାତ୍ରେ.....

ମୋ ମୁଣ୍ଡରେ କେଶ ଅଛି ଚିନ୍ତା କାଇଁ କରୁଛୁ.....

ରାତି ପାହିଲା ପ୍ରତାପରୁଦ୍ର ଦେବ ଆସି ପହଞ୍ଚିଗଲେ ତିଳଚ୍ଛ ମହାପାତ୍ର ପାଛୋଟି ଆଣିଲେ ଆସନ୍ତୁ ମଣିମା....

ମହାପ୍ରଭୁ ଙ୍କ ସାମ୍ନାରେ ଠିଆ ହୋଇ ଅନେଇଲେ ମହାରାଜ ଲମ୍ବିଛି କେଶ ଗୁଚ୍ଛ... ମନେ ମନେ ଭାବିଲେ ବୋଧେ ତିଳଚ୍ଛ ମହାପାତ୍ର ଯଉ ଅଠା ପଠା ଦେଇ କି ଲଗେଇ ଦେଇଛି ବୋଧେ ଏମିତି ଚିନ୍ତା କରି କରି କେଶ ଧରି ଜଗନ୍ନାଥ ଙ୍କର ଟାଣି ଦେଲେ....

ଠପ ଠପ ରକ୍ତ ଖସି ପଡିଲା,, ଘୁଞ୍ଚି ଗଲେ ତିନି ହାତ ପଛକୁ.....

ହାତକୁ ଯୋଡ଼ିଲେ ମହାପ୍ରଭୁ ଙ୍କ ପାଦ ତଳେ ପଡିବେ କଣ ତିଳଚ୍ଛ ମହାପାତ୍ର ଙ୍କ ପାଦ ତଳେ ପଡିଗଲେ.....

ରକ୍ଷା କର ମୋତେ ରକ୍ଷା କର.....

ସେଇ ତିଳଚ୍ଛ ମହାପାତ୍ର ଙ୍କ ପାଇଁ ନାମ ଅନୁସାରେ ମନ୍ଦିରରେ ପ୍ରଚଳିତ ହେଲା ବାଳ ଭୋଗ......

*🙏ଜୟ ଜଗନ୍ନାଥ 🙏*

ଗରିମା ଜାତୀୟ କର୍ମଶାଳା’ରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା

‘ଗରିମା ଜାତୀୟ କର୍ମଶାଳା’ରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା

ବିଷୟବସ୍ତୁ ‘ପ୍ରମୁଖ ପରିମଳ କାର୍ଯ୍ୟର ରୂପାନ୍ତରୀକରଣ- ସୁରକ୍ଷା, ସମ୍ମାନ ଓ ସମାବେଶନ'ରେ ଯୋଗ ଦେଲେ ମୁଖ୍ୟମନ୍ତ୍ରୀ। ୭ଟି ରାଜ୍ୟରୁ ଯୋଗଦେଲେ ଅଧିକାରୀ ଓ ପରିମଳ କର୍ମଚାରୀ।

୧୦ ଲକ୍ଷ ଟଙ୍କାର ଜୀବନ ବୀମା, ଜୀବନହାନୀ ପାଇଁ ୩୦ ଲକ୍ଷ ଟଙ୍କାର ସହାୟତା

ଭୁବନେଶ୍ୱର, ୨୬/୦୭: ଆଜି ଆୟୋଜିତ ହେଉଥିବା କର୍ମଶାଳା କେବଳ ଏକ ବୈଠକ ନୁହେଁ, ଏହା ଆମ ସହରକୁ ନିରନ୍ତର ଭାବରେ ପରିଚ୍ଛନ୍ନ ରଖୁଥିବା ପରିମଳ କର୍ମଚାରୀଙ୍କ ସୁରକ୍ଷା ଓ ସମ୍ମାନ ପ୍ରତି ଆମର ପ୍ରତିବଦ୍ଧତା। ସେମାନଙ୍କୁ ନ୍ୟାୟ, ସୁରକ୍ଷା ଓ ମର୍ଯ୍ୟାଦା ପ୍ରଦାନ କରିବା ହେଉଛି ଆମର ନୈତିକ ଦାୟିତ୍ୱ ବୋଲି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ସଫେଇ କର୍ମଚାରୀ ମାନଙ୍କ ପାଇଁ ଉଦ୍ଦିଷ୍ଟ ଏକ ଜାତୀୟ କର୍ମଶାଳାରେ ମୁଖ୍ୟ ଅତିଥି ଭାବେ ଯୋଗଦେଇ କହିଛନ୍ତି। ଏହି ଦୁଇ ଦିନିଆ କର୍ମଶାଳାର ବିଷୟବସ୍ତୁ ହେଉଛି ‘ପ୍ରମୁଖ ପରିମଳ କାର୍ଯ୍ୟର ରୂପାନ୍ତରୀକରଣ- ସୁରକ୍ଷା, ସମ୍ମାନ ଓ ସମାବେଶନ (Transforming Core Sanitation Work- Safety, Dignity & Inclusion)।

ଭୁବନେଶ୍ୱର ଲୋକସେବା ଭବନର କନ୍‌ଭେନ୍‌ସନ ସେଣ୍ଟରରେ ଆୟୋଜିତ ଏହି ଜାତୀୟ କର୍ମଶାଳାରେ ମୁଖ୍ୟମନ୍ତ୍ରୀ କେତେକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ସେଗୁଡିକ ହେଲା ପରିମଳ କାର୍ଯ୍ୟରେ ନିୟୋଜିତ ଥିବା ପ୍ରମୁଖ ପରିମଳ କର୍ମଚାରୀ (ସ୍ୱରେଜ ଓ ସେଫ୍‌ଟିକ୍ ଟାଙ୍କି ସଫେଇ କର୍ମଚାରୀ) ଙ୍କ ପାଇଁ ୧୦ ଲକ୍ଷ ଟଙ୍କାର ଜୀବନ ବୀମା, କର୍ମ କ୍ଷେତ୍ରରେ ଜୀବନହାନୀ ପାଇଁ ୩୦ ଲକ୍ଷ ଟଙ୍କାର ସହାୟତା ରାଶି ପ୍ରଦାନ, ପ୍ରମୁଖ ପରିମଳ କର୍ମୀଙ୍କୁ ମୋବାଇଲ ଫୋନ ପ୍ରଦାନ, ପ୍ରଧାନମନ୍ତ୍ରୀ ଆବାସ (ସହରୀ) ଯୋଜନାରେ ବାସଗୃହ ପ୍ରଦାନ ଏବଂ ପରିମଳ କାର୍ଯ୍ୟକ୍ରମକୁ ଆହୁରି ବ୍ୟାପକ କରିବା ପାଇଁ ଅଗଷ୍ଟ ୧୫ରୁ ୩୦ ତାରିଖ ପର୍ଯ୍ୟନ୍ତ ୧୫ ଦିନିଆ ରାଜ୍ୟବ୍ୟାପୀ IEC Activity କରାଯିବ। ଏହା ସହିତ ପ୍ରତିବର୍ଷ ଓଡିଶାରେ ଏ ସମ୍ପର୍କିତ ଜାତୀୟ କର୍ମଶାଳା ଆୟୋଜନ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି।

ମୁଖ୍ୟମନ୍ତ୍ରୀ ୭ଟି ରାଜ୍ୟ ଏବଂ ଓଡିଶାର ବିଭିନ୍ନ ଜିଲ୍ଲାରୁ ଆସିଥିବା ସରକାରୀ ଅଧିକାରୀ ଓ ସଫେଇ କର୍ମଚାରୀମାନଙ୍କୁ ଉଦ୍‌ବୋଧନ ଦେଇ କହିଥିଲେ ଯେ, ଆମ ଜଗନ୍ନାଥ ସଂସ୍କୃତିରେ ସ୍ୱଚ୍ଛତା ବିଷୟରେ ମଧ୍ୟ ଦର୍ଶାଯାଇଛି। ରଥଯାତ୍ରା ସମୟରେ ଛେରାପହଁରା ଏହାର ଏକ ପ୍ରମୁଖ ଉଦାହରଣ। ଏଥିରେ ସଫେଇ କାର୍ଯ୍ୟର ମର୍ଯ୍ୟାଦା ଉପରେ ଗୁରୁତ୍ୱ ଆରୋପ କରାଯାଇଛି। ସେ କହିଥିଲେ ଓଡିଶାର ଗରିମା ଯୋଜନା ପରିମଳ କର୍ମଚାରୀଙ୍କ ସୁରକ୍ଷା, ମର୍ଯ୍ୟଦା ଓ ସାମାଜିକ ସୁରକ୍ଷାକୁ ସୁନିଶ୍ଚିତ କରୁଛି। ଗରିମା ଯୋଜନା ଜାତୀୟ ପରିମଳ ଲକ୍ଷ୍ୟକୁ ପୂରଣ କରିବା ସହିତ ଅନେକ ରାଜ୍ୟ ପାଇଁ ପ୍ରେରଣାଦାୟୀ ହୋଇଛି।

ସେ ପୁଣି କହିଥିଲେ ଯେ, ପରିମଳ କର୍ମଚାରୀ ମାନଙ୍କ ସୁରକ୍ଷା ଓ ସମ୍ମାନ ପ୍ରଦର୍ଶନ କ୍ଷେତ୍ରରେ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଜୀଙ୍କ ନାମ ସର୍ବାଗ୍ରେ ରହିବ। ମୋଦୀଜୀ ଦେଶର ଆର୍ଥିକ ବିକାଶ ସହିତ ପରିମଳ ପରି ଏକ ନଜର ଅନ୍ଦାଜ ବିଷୟ ଉପରେ ମଧ୍ୟ ଗୁରୁତ୍ୱ ଦେଇ ୨୦୧୪ ଅଗଷ୍ଟ ୧୫ ତାରିଖରେ ସ୍ୱଚ୍ଛ ଭାରତ ଆନ୍ଦୋଳନ ଜରିଆରେ ଘରେ ଘରେ ଶୌଚାଳୟ ନିର୍ମାଣ ପାଇଁ ଆହ୍ୱାନ ଦେଇଥିଲେ। ମୋଦୀଜୀଙ୍କ ଦୂରଦୃଷ୍ଟି ସମ୍ପନ୍ନ ଚିନ୍ତାଧାରା ଥିଲା ଯେତେଦିନ ପର୍ଯ୍ୟନ୍ତ ପ୍ରତ୍ୟେକ ଘରେ, ପ୍ରତ୍ୟେକ ସହରରେ ଓ ପ୍ରତ୍ୟେକ ଗାଁରେ ପରିମଳ ବ୍ୟବସ୍ଥା ନ ହୋଇଛି, ସେତେଦିନ ପର୍ଯ୍ୟନ୍ତ ଦେଶର ସାମାଜିକ ଓ ଅର୍ଥନୀତି ଅଭିବୃଦ୍ଧି ଅସମ୍ଭବ।

ଓଡିଶାରେ କାର୍ଯ୍ୟକାରୀ ହେଉଥିବା ଗରିମା ଯୋଜନା ବିଷୟରେ ଆଲୋକପାତ କରି ମୁଖ୍ୟମନ୍ତ୍ରୀ କହିଥିଲେ ଯେ, ଏହି ଯୋଜନାରେ ପରିମଳ କର୍ମୀଙ୍କୁ ଚିହ୍ନଟକରଣ ଓ ପରିଚୟ ପ୍ରଦାନ, ସୁରକ୍ଷା ଉପକରଣ ପ୍ରଦାନ, ଦକ୍ଷତା ବିକାଶ, ଆପତକାଳୀନ ପରିମଳ ସେବା ୟୁନିଟ ସ୍ଥାପନ, ସାମାଜିକ ସୁରକ୍ଷା ଏବଂ ଅନ୍ୟାନ୍ୟ ସୁବିଧା ପ୍ରଦାନ କରାଯାଉଛି। ରାଜ୍ୟର ୧୧୫ଟି ସହରର ୧୦ ହଜାର ରୁ ଅଧିକ ପରିମଳ କର୍ମଚାରୀଙ୍କୁ ଚିହ୍ନଟ କରି ସେମାନଙ୍କୁ କୁଶଳୀ ଓ ଅତିକୁଶଳୀ କର୍ମଚାରୀ ଭାବେ ସ୍ୱୀକୃତି ପ୍ରଦାନ କରାଯାଇଛି। ଆଜିର ଏହି କର୍ମଶାଳା ଏକ ଗୁରୁତ୍ୱପୂର୍ଣ୍ଣ ମଞ୍ଚ। ଏହି ମଞ୍ଚରୁ ବିଭିନ୍ନ ରାଜ୍ୟରୁ ଆସିଥିବା ପରିମଳ କର୍ମୀମାନେ ପରସ୍ପର ମଧ୍ୟରେ ଭାବ ବିନିମୟ ଓ ଅନୁଭୂତିରୁ ବହୁତ କଥା ଶିଖି ପାରିବେ। ସମସ୍ତଙ୍କ ଅନୁଭବ ଓ ଶ୍ରେଷ୍ଠ ଚିନ୍ତାଧାରା ନେଇ ଆମେ ଆଗକୁ ବଢିବା ଓ ଏକ ସମାବେଶୀ ଓ ବିକଶିତ ଭାରତ ନିର୍ମାଣରେ ନିଜି ନିଜର ଯୋଗଦାନ ରଖିବା ବୋଲି ସେ କହିଥିଲେ।

ଏହି ଅବସରରେ କର୍ମଶାଳା ପରିସରରେ ଆୟୋଜିତ ପରିମଳ କାର୍ଯ୍ୟ ସମ୍ପର୍କିତ ଆଧୁନିକ ଉପକରଣ ଏବଂ ସୁରକ୍ଷା ଉପକରଣର ପ୍ରଦର୍ଶନୀ ମୁଖ୍ୟମନ୍ତ୍ରୀ ଉଦ୍‌ଘାଟନ କରି ବୁଲି ଦେଖିଥିଲେ। କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ପ୍ରମୁଖ ପରିମଳ କର୍ମୀମାନଙ୍କୁ ସମ୍ବର୍ଦ୍ଧିତ କରିଥିଲେ।

କାର୍ଯ୍ୟକ୍ରମରେ ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ଡ. କୃଷ୍ଣଚନ୍ଦ୍ର ମହାପାତ୍ର କହିଥିଲେ ଯେ, ପ୍ରମୁଖ ପରିମଳ କର୍ମଚାରୀମାନେ ହେଉଛନ୍ତି ଆମ ସହରର ଓ ଗ୍ରାମର ଅଦୃଶ୍ୟ ନାୟକ । ସେମାନେ ବର୍ଷ ବର୍ଷ ଧରି ଆମ ପାଇଁ ଅତ୍ୟନ୍ତ ଆବଶ୍ୟକ ସେବା ଯୋଗାଇ ଆସୁଛନ୍ତି । ଅଧିକାଂଶ ସମୟରେ ସେମାନେ ଅତ୍ୟନ୍ତ ବିପଦପୂର୍ଣ୍ଣ ପରିସ୍ଥିତିରେ କାର୍ଯ୍ୟ ମଧ୍ୟ କରୁଛନ୍ତି। ତେଣୁ ସେମାନଙ୍କ ଅଧିକାର, ସୁରକ୍ଷା ଓ ସମ୍ମାନକୁ ସୁନିଶ୍ଚିତ କରିବା ଆମ ସମସ୍ତଙ୍କ ଦାୟିତ୍ୱ। ଆଜିର ଏହି କର୍ମଶାଳା ମାଧ୍ୟମରେ ଆମେ ଦେଶର ବିଭିନ୍ନ ରାଜ୍ୟ, ସହର ଓ ସଂସ୍ଥା ଗୁଡିକୁ ଏକତ୍ରିତ କରିଛୁ, ଯାହାଦ୍ୱାରା ଆମେ ଆମର ଅନୁଭବକୁ ବାଣ୍ଟି ପାରିବା, ଶିଖିବା ଓ ସହଯୋଗ ମଧ୍ୟ କରିପାରିବା।

ମୁଖ୍ୟ ଶାସନ ସଚିବ ଶ୍ରୀ ମନୋଜ ଆହୁଜା କହିଥିଲେ ଯେ, ପରିମଳ କ୍ଷେତ୍ରରେ ଆଜି ଓଡିଶାର ଦେଶରେ ନାଁ ଅଛି। ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ଯେଉଁ ସବୁ ପଦକ୍ଷେପ ନିଆଯାଉଛି, ତାକୁ କାର୍ଯ୍ୟକାରୀ କରିବା ପାଇଁ ସମସ୍ତଙ୍କର ସହଯୋଗ ଦରକାର। ସହରାଞ୍ଚଳ ସହିତ ଆମକୁ ଗ୍ରାମାଞ୍ଚଳର ପରିମଳ ବ୍ୟବସ୍ଥାକୁ ମଧ୍ୟ ସୁଦୃଢ କରିବାକୁ ପଡିବ।

କେନ୍ଦ୍ର ସରକାରଙ୍କ ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରାଳୟର ସଚିବ ଶ୍ରୀ ଅମିତ ଯାଦବ କହିଲେ ଯେ, ଓଡିଶା ସରକାର ପରିମଳ କର୍ମଚାରୀ ମାନଙ୍କ କଲ୍ୟାଣ ପ୍ରତି ପ୍ରତିବଦ୍ଧ ଅଛନ୍ତି। ପରିମଳ ବ୍ୟବସ୍ଥା ଆମ ସମସ୍ତଙ୍କ ପାଇଁ ବହୁ ଗୁରୁତ୍ୱପୂର୍ଣ୍ଣ । କେନ୍ଦ୍ର ସରକାରଙ୍କ ପକ୍ଷରୁ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ସମ୍ପର୍କରେ ଆଲୋକପାତ କରି ସେ କହିଥିଲେ ଆମ ସମସ୍ତଙ୍କର ନୈତିକ ଦାୟିତ୍ୱ ହେଉଛି ପରିମଳ କର୍ମଚାରୀଙ୍କୁ ଉପଯୁକ୍ତ ସମ୍ମାନ ଓ ସୁରକ୍ଷା ପ୍ରଦାନ କରିବା।

ଅର୍ବାନ ମ୍ୟାନଜମେଣ୍ଟ ସେଣ୍ଟର ପ୍ରତିଷ୍ଠାତା ନିର୍ଦ୍ଦେଶକ ମନ୍ୱିତା ବରାଡି କହିଥିଲେ ଯେ, ଓଡିଶା ସରକାରଙ୍କ ଗରିମା ଯୋଜନାକୁ ଆଜି ଦେଶର ଅନ୍ୟ ରାଜ୍ୟମାନେ ଅନୁସରଣ କରୁଛନ୍ତି। ଗରିମା, ପରିମଳ କର୍ମଚାରୀ ମାନଙ୍କର କେବଳ ଦକ୍ଷତା ବିକାଶ କରୁନାହିଁ ବରଂ ସେମାନଙ୍କୁ ସଶକ୍ତ ମଧ୍ୟ କରୁଛି।

କାର୍ଯ୍ୟକ୍ରମରେ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ଶ୍ରୀମତୀ ଉଷା ପାଢୀ ସମସ୍ତଙ୍କୁ ସ୍ୱାଗତ କରିଥିଲେ ଏବଂ ଅତିରିକ୍ତ ସଚିବ ଶ୍ରୀମତୀ ଦୁର୍ଗେଶ ନନ୍ଦିନୀ ସାହୁ ଧନ୍ୟବାଦ ଅର୍ପଣ କରିଥିଲେ।

ଥାଇଲାଣ୍ଡ-କାମ୍ବୋଡିଆ ମଧ୍ୟରେ ଯୁଦ୍ଧତୀବ୍ର ହେଉଛି ସଂଘର୍ଷ

ଥାଇଲାଣ୍ଡ-କାମ୍ବୋଡିଆ ମଧ୍ୟରେ ଯୁଦ୍ଧ

ତୀବ୍ର ହେଉଛି ସଂଘର୍ଷ

୭ ପ୍ରଦେଶ ନ ଯିବାକୁ ଭାରତର ପରାମର୍ଶ

ବ୍ୟାଙ୍କକ, ୨୫/୦୭: ପଶ୍ଚିମ ଏସିଆ ପରେ ଏବେ ଦକ୍ଷିଣ-ପୂର୍ବ ଏସିଆ ଅଶାନ୍ତ। ଦକ୍ଷିଣ-ପୂର୍ବ ଏସୀୟ ରାଷ୍ଟ୍ର ଥାଇଲାଣ୍ଡ ଓ କାମ୍ବୋଡିଆ ମଧ୍ୟରେ ସଂଘର୍ଷ ତୀବ୍ର ରୂପ ନେବାରେ ଲାଗିଛି। ଥାଇ-କାମ୍ବୋଡିଆନ୍ ସୀମାରେ ଭୟଙ୍କର ସଂଘର୍ଷ ଘଟିବା ଫଳରେ ଥାଇଲ୍ୟାଣ୍ଡ ଓ କାମ୍ବୋଡିଆର ସୀମାନ୍ତବର୍ତ୍ତୀ ଅଞ୍ଚଳରେ ଅତି କମରେ ୧୫ ଜଣ ସାଧାରଣ ନାଗରିକ ଓ ସୈନିକଙ୍କ ମୃତ୍ୟୁ ଘଟିଛି। ଏହା ସହ ୧୫ ଜଣ ସୈନିକ ଏବଂ ୩୦ ଜଣ ସାଧାରଣ ନାଗରିକ ଆହତ ହୋଇଥିଲେ। ହଜାର ହଜାର ଲୋକଙ୍କୁ ସେମାନଙ୍କ ଘରୁ ଛାଡି ପଳାଇବାକୁ ବାଧ୍ୟ କରାଯାଇଛି।

ଗୁରୁବାର ହିଂସା ତୀବ୍ରତର ହୋଇଛି ଯେତେବେଳେ ଉଭୟ ରାଷ୍ଟ୍ର ଗୁଳି ବିନିମୟ କରିଥିଲେ। ବୁଧବାର ଠାରୁ କୂଟନୈତିକ ସମ୍ପର୍କ ଗୁରୁତର ଭାବରେ ଖରାପ ହୋଇଛି, ଯାହା ଫଳରେ ଥାଇଲ୍ୟାଣ୍ଡ କାମ୍ବୋଡିଆ ସହିତ ସମସ୍ତ ସ୍ଥଳ ସୀମା କ୍ରସିଂକୁ ସିଲ୍ କରିଛି।

ମେ ମାସରେ ଏକ ମୁକାବିଲାରେ ଜଣେ କାମ୍ବୋଡିଆନ୍ ସୈନିକଙ୍କ ମୃତ୍ୟୁ ହେବା ପରଠାରୁ ପରିସ୍ଥିତି ଖରାପ ହେଉଛି। ଜାତୀୟତାବାଦୀ ଭାବନା ଉଭୟ ପାର୍ଶ୍ୱରେ ଉତ୍ତେଜନା ସୃଷ୍ଟି କରୁଛି। ଏହି ଯୁଦ୍ଧରେ ଗୁଳି ବର୍ଷଣ ଏବଂ ରକେଟ୍ ଆକ୍ରମଣ ହୋଇଛି। ଥାଇଲ୍ୟାଣ୍ଡ କାମ୍ବୋଡିଆ ଉପରେ ବିମାନ ଆକ୍ରମଣ କରିଛି। ଶୁକ୍ରବାର ଦିନ, ଥାଇ ସେନା ଚାରୋଟି ସୀମାନ୍ତ ପ୍ରଦେଶରେ ଅନେକ ଥର ଯୁଦ୍ଧ ହୋଇଥିବା ସୂଚନା ଦେଇଛି। ଥାଇ ସେନା ଦାବି କରିଛି ଯେ କାମ୍ବୋଡିଆ ସୈନ୍ୟମାନେ ଭାରୀ ତୋପ ଏବଂ ରୁଷିଆ ନିର୍ମିତ BM-21 ରକେଟ୍ ଲଞ୍ଚର ବ୍ୟବହାର କରିଛନ୍ତି।

ଥାଇ ସାମରିକ ସୂତ୍ରଗୁଡ଼ିକ ସି ସା କେଟ୍ ପ୍ରଦେଶରେ ସର୍ବାଧିକ ମୃତାହତ ହୋଇଥିବା ରିପୋର୍ଟ କରିଛନ୍ତି, ଯେଉଁଠାରେ ଏକ ପେଟ୍ରୋଲ ପମ୍ପ ଉପରେ ଆକ୍ରମଣ ସମୟରେ ଛଅ ଜଣ ଲୋକ ମୃତ୍ୟୁବରଣ କରିଛନ୍ତି। ତିନୋଟି ସୀମାନ୍ତ ପ୍ରଦେଶରେ ଅନ୍ୟ ୧୪ ଜଣ ଆହତ ହୋଇଛନ୍ତି।

ଥାଇ ସେନା କାମ୍ବୋଡିଆର ସାମରିକ ସ୍ଥଳ ଉପରେ ବିମାନ ଆକ୍ରମଣ କରିବା ଯୋଗୁଁ ସଂଘର୍ଷ ବୃଦ୍ଧି ପାଇଥିଲା। କାମ୍ବୋଡିଆ ଐତିହାସିକ ପ୍ରିହ ଭିହର୍ ମନ୍ଦିର ନିକଟରେ ଥାଇ ଜେଟ୍ ବୋମା ମାଡ଼ କରିଥିବା ରିପୋର୍ଟ କରିଛି।

ଥାଇ ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ର ସୁରସାନ୍ତ କଙ୍ଗସିରି ଅତି କମରେ ଛଅଟି ସୀମାନ୍ତ ଅଞ୍ଚଳରେ ଚାଲିଥିବା ସଂଘର୍ଷକୁ ନିଶ୍ଚିତ କରିଛନ୍ତି। ଗୁରୁବାର ପ୍ରାରମ୍ଭିକ ସଂଘର୍ଷ ଥାଇଲ୍ୟାଣ୍ଡର ସୁରିନ୍ ପ୍ରଦେଶ ଏବଂ କାମ୍ବୋଡିଆର ଓଡାର୍ ମିଞ୍ଚେ ପ୍ରଦେଶ ମଧ୍ୟରେ ସୀମାନ୍ତରେ ଥିବା ପ୍ରାଚୀନ ଟା ମୁଏନ୍ ଥମ୍ ମନ୍ଦିର ନିକଟରେ ଘଟିଥିଲା।

ଥାଇଲ୍ୟାଣ୍ଡ-କମ୍ବୋଡିଆ ସୀମାରେ ବୃଦ୍ଧି ପାଉଥିବା ହିଂସା ମଧ୍ୟରେ ଭାରତୀୟ ନାଗରିକମାନଙ୍କୁ ସାତଟି ପ୍ରଦେଶକୁ ଯାତ୍ରା କରିବାରୁ ନିବୃତ୍ତ ରହିବା ପାଇଁ ଥାଇଲ୍ୟାଣ୍ଡସ୍ଥିତ ଭାରତୀୟ ଦୂତାବାସ ଶୁକ୍ରବାର ଦିନ ଏକ ଆଡଭାଇଜରି ଜାରି କରିଛି। ଦୀର୍ଘ ମାସ ଧରି ବିବାଦୀୟ ଅଞ୍ଚଳରେ ସଶସ୍ତ୍ର ସଂଘର୍ଷର ତୀବ୍ର ତୀବ୍ରତା ପରେ ଏହି ପରାମର୍ଶ ଦିଆଯାଇଛି, ଯେଉଁଠାରେ ମାସ ମାସ ଧରି ଉତ୍ତେଜନା ଲାଗି ରହିଛି। ଉବୋନ୍ ରାତ୍ଚାଥାନି, ସୁରିନ୍, ସିସାକେଟ୍, ବୁରିରାମ, ସା କାଏଓ, ଚାନ୍ଥାବୁରି ଏବଂ ତ୍ରାଟ୍ ସମେତ ଅନେକ ପ୍ରଦେଶର ୨୦ ରୁ ଅଧିକ ସ୍ଥାନକୁ ଯାତ୍ରା ନକରିବାକୁ ପରାମର୍ଶ ଦେଇଛନ୍ତି।

ଥାଇଲ୍ୟାଣ୍ଡର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ପ୍ରଭାବିତ ପ୍ରଦେଶଗୁଡ଼ିକରେ ୫୮,୦୦୦ ରୁ ଅଧିକ ଲୋକଙ୍କୁ ବିସ୍ଥାପିତ କରାଯାଇଛି, ଯେତେବେଳେ କାମ୍ବୋଡିଆ କର୍ତ୍ତୃପକ୍ଷ କହିଛନ୍ତି ଯେ ସୀମା ନିକଟବର୍ତ୍ତୀ ଅଞ୍ଚଳରୁ ୪,୦୦୦ ରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଛି।

କାମ୍ବୋଡିଆର ପ୍ରଧାନମନ୍ତ୍ରୀ ହୁନ୍ ମାନେଟ୍ ଘୋଷଣା କରିଛନ୍ତି ଯେ ତାଙ୍କ ଦେଶ ନିରନ୍ତର ଶାନ୍ତିପୂର୍ଣ୍ଣ ସମାଧାନ ପାଇଁ ଚେଷ୍ଟା କରୁଥିବା ବେଳେ, “ସଶସ୍ତ୍ର ଆକ୍ରମଣ ବିରୁଦ୍ଧରେ ସଶସ୍ତ୍ର ବଳରେ ଜବାବ ଦେବା ବ୍ୟତୀତ ଆମର ଅନ୍ୟ କୌଣସି ବିକଳ୍ପ ନାହିଁ”।

ଗୁରୁବାର ଦିନ, କାମ୍ବୋଡିଆ ଥାଇଲ୍ୟାଣ୍ଡ ସହିତ କୂଟନୈତିକ ସମ୍ପର୍କକୁ ଚ୍ଛିନ୍ନ କରିଛି। ଥାଇ ରାଷ୍ଟ୍ରଦୂତଙ୍କୁ ବହିଷ୍କାର କରିଥିଲା ଏବଂ ବ୍ୟାଙ୍କକରୁ ସମସ୍ତ କାମ୍ବୋଡିଆ ଦୂତାବାସ କର୍ମଚାରୀଙ୍କୁ ଫେରାଇ ଆଣିଛି। ଏହି କାର୍ଯ୍ୟାନୁଷ୍ଠାନ ପରେ ଥାଇଲ୍ୟାଣ୍ଡ ଏହାର ରାଷ୍ଟ୍ରଦୂତଙ୍କୁ ପ୍ରତ୍ୟାହାର କରିଥିଲା ଏବଂ ବୁଧବାର ଦିନ ଏକ ଲ୍ୟାଣ୍ଡମାଇନ୍ ବିସ୍ଫୋରଣର ପ୍ରତିବାଦରେ କାମ୍ବୋଡିଆର ରାଷ୍ଟ୍ରଦୂତଙ୍କୁ ବହିଷ୍କାର କରିଛି। ଏହି ବିସ୍ଫୋରଣରେ ପାଞ୍ଚ ଜଣ ଥାଇ ସୈନିକ ଆହତ ହୋଇଥିଲେ। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଥାଇ ସୈନିକଙ୍କ ଆଲୋଚନା ପ୍ରୟାସ ସତ୍ତ୍ୱେ, କାମ୍ବୋଡିଆର ସୈନ୍ୟମାନେ ପ୍ରଥମେ ଗୁଳି ଚଳାଇଥିବା ଅଭିଯୋଗ ହୋଇଛି।

ଚଳନ୍ତା ଆମ୍ବୁଲାନ୍ସରେ ଯୁବତୀଙ୍କୁ ଗଣଦୁଷ୍କର୍ମ https://youtube.com/@coastalnewsodia?si=AB2TB8we6wtbHMXy

ଚଳନ୍ତା ଆମ୍ବୁଲାନ୍ସରେ ଯୁବତୀଙ୍କୁ ଗଣଦୁଷ୍କର୍ମ

ହୋମଗାର୍ଡ ଶାରୀରିକ ପରୀକ୍ଷାରେ ଅଚେତ ହୋଇ ହସ୍ପିଟାଲକୁ ଯାଉଥିଲେ

https://youtube.com/@coastalnewsodia?si=AB2TB8we6wtbHMXy

ପାଟନା, ୨୬/୦୭: ବିହାରର ବୋଧଗୟା ପୋଲିସ ଷ୍ଟେସନ ଅଞ୍ଚଳରେ ଏକ ଜଘନ୍ୟ କାଣ୍ଡ ସାମନାକୁ ଆସିଛି। ଚିକିତ୍ସା ପାଇଁ ଯାଉଥିବା ବେଳେ ଜଣେ ଯୁବତୀଙ୍କୁ ଗଣ-ଦୁଷ୍କର୍ମର ଶିକାର ହୋଇଛନ୍ତି। BMP-3 ପରେଡ୍ ଗ୍ରାଉଣ୍ଡରେ ହୋମଗାର୍ଡ ନିଯୁକ୍ତି ପ୍ରକ୍ରିୟାରେ ଅଂଶଗ୍ରହଣ କରିଥିବା ଜଣେ ମହିଳାଙ୍କୁ ହସ୍ପିଟାଲକୁ ନେବା ସମୟରେ ଆମ୍ବୁଲାନ୍ସ ଡ୍ରାଇଭର ଏବଂ ଟେକ୍ନିସିଆନ ଦୁଷ୍କର୍ମ କରିଥିଲେ।

ଜୁଲାଇ ୨୪ ରେ ହୋମଗାର୍ଡ ଶାରୀରିକ ପରୀକ୍ଷା ବେଳେ ମହିଳା ଜଣକ ଦୌଡ଼ ପ୍ରତିଯୋଗିତା ସମୟରେ ଅଚେତ ହୋଇଯାଇଥିଲେ ଏବଂ ତାଙ୍କୁ ଘଟଣାସ୍ଥଳରେ ରଖାଯାଇଥିବା ଏକ ଆମ୍ବୁଲାନ୍ସରେ ହସ୍ପିଟାଲକୁ ପଠାଯାଇଥିଲା। ସେହି ସମୟରେ ଚଳନ୍ତା ଆମ୍ବୁଲାନ୍ସରେ ଉକ୍ତ ଯୁବତୀଙ୍କୁ ଗଣଦୁଷ୍କର୍ମ କରାଯାଇଥିଲା।

ଏ ନେଇ ଯୁବତୀଙ୍କ ଅଭିଯୋଗ ଆଧାରରେ ଆମ୍ବୁଲାନ୍ସ ଡ୍ରାଇଭର ବିନୟ କୁମାର ଏବଂ ଟେକ୍ନିସିଆନ୍ ଅଜିତ କୁମାରଙ୍କୁ ଦୁଇ ଘଣ୍ଟା ମଧ୍ୟରେ ଗିରଫ କରାଯାଇଥିଲା। ମାମଲା ପରିଚାଳନା ପାଇଁ ବୋଧଗୟା ଏସଡିପିଓ ସୌରଭ ଜୟସୱାଲଙ୍କ ନେତୃତ୍ୱରେ ଏକ ସ୍ୱତନ୍ତ୍ର ତଦନ୍ତ ଦଳ ଗଠନ କରାଯାଇ ତଦନ୍ତ ଆରମ୍ଭ କରାଯାଇଛି।