ବଟି ମାଗୁଥିଲେ ଟ୍ୟୁସନ୍‌ ସାର୍‌

COASTAL NEWS ODIA 1367

ବଟି ମାଗୁଥିଲେ ଟ୍ୟୁସନ୍‌ ସାର୍‌

ଢେଙ୍କାନାଳ - (CNO) ଭଞ୍ଜ ବିହାରୀ ମହାନ୍ତି - କାହାକୁ ଲକ୍ଷେ ତ କାହାକୁ ୫୦ ହଜାର ଟଙ୍କା। ଆଉ କାହାକୁ ଦୁଇ ଲକ୍ଷ ଟଙ୍କା। ଦୁର୍ଦ୍ଦାନ୍ତ ଡି’ ବ୍ରଦର୍ସଙ୍କ ନାଁରେ ଏମିତି ବଟି ମାଗୁଥିଲେ ଟ୍ୟୁସନ୍‌ ସାର୍‌। ଏପରି ଅଭିଯୋଗ ଆସିଛି l ଏନେଇ ଅଭିଯୋଗ ହେବା ପରେ କମିଶନରେଟ୍‌ ପୁଲିସ୍‌ ମାମଲା ରୁଜୁ କରି ଟ୍ୟୁସନ୍‌ ସାର ଓ ତାଙ୍କ ସାଥୀଙ୍କୁ ଗିରଫ କରିଛି।

ଢେଙ୍କାନାଳ ସଦର ଥାନାଅଞ୍ଚଳର ଦିଲ୍ଲୀପ ଦାସ ଓରଫ ବାବୁ ପେଶାରେ ଜଣେ ଶିକ୍ଷକ। ଟ୍ୟୁସନ୍‌ କରି ପରିବାର ଭରଣ ପୋଷଣ କରନ୍ତି। ହେଲେ ଅଭାବରେ ଚଳୁଥିବା ଦିଲ୍ଲୀପ ଲୋଭରେ ବଶବର୍ତ୍ତୀ ହୋଇଥିଲେ। ସେଥିପାଇଁ ସେ ଅପରାଧ ଦୁନିଆରେ ପାଦ ଥାପିଥିଲେ। ତାଙ୍କୁ ସହଯୋଗ କରିଥିଲେ ଜଗତସିଂପୁରର କମଳାକାନ୍ତ ବାରିକ ଓରଫ ମଣ୍ଟୁ। ଉଭୟ ମିଶି ଫୋନ୍‌ କରି ବଟୁ ମାଗୁଥିଲେ। ଡନ୍‌ ଧଳ ସାମନ୍ତ ବ୍ରଦର୍ସଙ୍କ ନାଁରେ ଧମକଚମକ ଦେଇ ବଟି ବାଗୁଥିଲେ। ପରେ ନିଜେ ଯାଇ ଟଙ୍କା ଆଦାୟ କରୁଥିଲେ।

ଗତ ଜୁନରେ ଉଭୟ କଟକ ଛତ୍ରବଜାରରେ ଜଣେ ଗ୍ରୋସରୀ ଦୋକାନୀଙ୍କୁ ଫୋନ୍‌ କରିଥିଲେ। ବଟି ମାଗିଥିଲେ। ମନା କରିବାକୁ ଧମଚମକ ଦେଇଥିଲେ। ଗ୍ରୋସରୀ ଦୋକାନୀଙ୍କ ପତ୍ନୀ ଏନେଇ ଚାଉଳିଗଞ୍ଜ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି କମିଶନରେଟ୍‌ ପୁଲିସ ମାମଲା ରୁଜୁ ଘଟଣାର ତଦନ୍ତ ଆରମ୍ଭ କରିଥିଲା।

ପୁଲିସ୍‌ ପ୍ରଥମେ ଦୁଇ ଅଭିଯୁକ୍ତଙ୍କ ମୋବାଇଲ୍‌ ନମ୍ୱରକୁ ଟ୍ରାକ୍‌ କରିଥିଲା। ସେହି ସମୟରେ ତାଙ୍କ ଲୋକେସନ୍‌ ମିଳିଥିଲା। ଏହା ପରେ ପୁଲିସ ଉଭୟଙ୍କୁ ଢେଙ୍କାନାଳରୁ ଗିରଫ କରିଥିଲା। ସେମାନଙ୍କଠାରୁ ପୁଲିସ୍‌ ନଗଦ ୯୨ ହଜାର ଟଙ୍କା, ଦୁଇଟି ବାଇକ ଓ ୫ଟି ମୋବାଇଲ ଫୋନ ଜବତ କରିଛି। ଜବତ ଦୁଇ ବାଇକ୍‌ ଭିତରୁ ଗୋଟିଏ ଚୋରା ବାଇକ୍‌ ବୋଲି ସ୍ପଷ୍ଟ କରିଛି ପୁଲିସ୍‌। ଗିରଫ ଦୁଇ ଅଭିଯୁକ୍ତଙ୍କ ନାଁରେ ଢେଙ୍କାନାଳ, ଲକ୍ଷ୍ମୀସାଗର, ଧଉଳି ଓ ଚାଉଳିଆଗଞ୍ଜ ଥାନାରେ ମାମଲା ରହିଛି।

ଜନ୍ମଦିନରେ ଦିନିକିଆରେ ଶତକ ଅର୍ଜନ କରିବାରେ କୋହଲି ବିଶ୍ୱର ୭ତମ ଖେଳାଳି

COASTAL NEWS ODIA 1366

କୋହଲି ତାଙ୍କର 49 ତମ ODI ଶତକ ହାସଲ କରିଛନ୍ତି

ସେ ତାଙ୍କ 35 ତମ ଜନ୍ମଦିନରେ, ସଚିନଙ୍କ ସଫଳତା ସହିତ ସମାନ ରେକର୍ଡ ହାସଲ କରିଛନ୍ତି  

କୋଲକାତା,୫।୧୧: (CNO) ଭଞ୍ଜ ବିହାରୀ ମହାନ୍ତି - ବିରାଟ କୋହଲି ଆଜି ତାଙ୍କର ୩୫ତମ ଜନ୍ମଦିନ ପାଳନ କରୁଛନ୍ତି।ଏହି ଅବସରରେ ସେ ତାଙ୍କ ନାମରେ ଏକ ସ୍ବତନ୍ତ୍ର ରେକର୍ଡ ସୃଷ୍ଟି କରିଛନ୍ତି। ଏହି ରେକର୍ଡ ବିଶ୍ୱକପରେ ଆସିଛି, ତେଣୁ ଏହାର ଗୁରୁତ୍ୱ ଅଧିକ। ବିରାଟ କୋହଲି ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ଚାରିଥର ବିଶ୍ୱକପ ଖେଳିଛନ୍ତି। ତାଙ୍କର ପ୍ରଥମ ବିଶ୍ୱକପ ୨୦୧୧ରେ ହୋଇଥିଲା। ଏଥିରେ ଭାରତ ଚାମ୍ପିଅନ ହୋଇଥିଲା। ଏହା ପରେ ବିରାଟ ୨୦୧୫,୨୦୧୯ ଏବଂ ବର୍ତ୍ତମାନ ୨୦୨୩ ରେ ଦିନିକିଆ ବିଶ୍ୱକପ ଖେଳିଛନ୍ତି। ଏଭଳି ପରିସ୍ଥିତିରେ ବିରାଟ କୋହଲି ଗତ ତିନୋଟି ଦିନିକିଆ ବିଶ୍ୱକପ୍‌ରେ କେବେବି ୫୦୦ ରନ ସଂଗ୍ରହ କରିନାହାଁନ୍ତି, କିନ୍ତୁ ଏଥର ବିରାଟ କୋହଲି ବିଶ୍ୱକପ୍‌ ଭଲ ଫର୍ମରେ ଅଛନ୍ତି।

ସେ ଅଷ୍ଟ୍ରେଲିଆ ବିପକ୍ଷ ପ୍ରଥମ ମ୍ୟାଚରୁ ରନ ସ୍କୋର କରିବା ଆରମ୍ଭ କରିଥିଲେ ଏବଂ ଆଜି ଦକ୍ଷିଣ ଆଫ୍ରିକା ବିପକ୍ଷ ଅଷ୍ଟମ ବିଶ୍ୱକପ ମ୍ୟାଚରେ ମଧ୍ୟ କୋହଲିଙ୍କ ବ୍ୟାଟ ବନ୍ଦ ହୋଇନାହିଁ। ବିରାଟ ଏହି ବିଶ୍ୱକପର ୮ ଇନିଂସରେ ୫୪୩ ରନ ସଂଗ୍ରହ କରିଛନ୍ତି। ଏହି ଅବଧିରେ ସେ ୨ ଶତକ ଏବଂ ୪ ଅର୍ଦ୍ଧଶତକ ହାସଲ କରିଛନ୍ତି ଏବଂ ତାଙ୍କର ଶ୍ରେଷ୍ଠ ସ୍କୋର ୧୦୩ ରନ ଆଉଟ ହୋଇନାହିଁ। ଏହି ବିଶ୍ୱକପରେ କ୍ୱିଣ୍ଟନ ଡି କକ ପରେ ବିରାଟ ଦ୍ୱିତୀୟ ସର୍ବାଧିକ ରନ ସ୍କୋରର୍‌ ଅଟନ୍ତି। ଦକ୍ଷିଣ ଆଫ୍ରିକାର ଓପନିଂ ବ୍ୟାଟ୍ସମ୍ୟାନ କ୍ୱିଣ୍ଟନ ଡି କକ ଏହି ବିଶ୍ୱକପରେ ଏପର୍ଯ୍ୟନ୍ତ ୫୫୦ ରନ ସଂଗ୍ରହ କରିଛନ୍ତି।

ଜନ୍ମଦିନରେ ‘ମହାରେକର୍ଡ’ ହାସଲ କରି ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କ ସହ ସମକକ୍ଷ ହୋଇଛନ୍ତି ବିରାଟ କୋହଲି। ବିଶ୍ୱକପ୍‌ ୨୦୨୩ରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍‌ରେ କୋହଲି ୪୯ ତମ ଶତକ ହାସଲ କରିଛନ୍ତି। ୪୫୨ ଇନିଂସରେ ସଚିନ ୪୯ଟି ଶତକ ଅର୍ଜନ କରିଥିଲେ। କୋହଲି ୨୭୭ ଇନିଂସରେ ଏହା କରି ଦେଖାଇଛନ୍ତି।

ଜନ୍ମଦିନରେ ଦିନିକିଆରେ ଶତକ ଅର୍ଜନ କରିବାରେ କୋହଲି ବିଶ୍ୱର ୭ତମ ଖେଳାଳି। ଏହାପୂର୍ବରୁ ସନଥ ଜୟସୂରିୟା, ଶମ ଲାଥମ, ରସ୍‌ ଟେଲର, ବିନୋଦ କାମ୍ବଲୀ, ସଚିନ ତେନ୍ଦୁଲକର ଏବଂ ମିଚେଲ ମାର୍ଶ ଏପରି କାର୍ଯ୍ୟ କରିସାରିଛନ୍ତି।

ସ୍କୁଲରେ ଛାତ୍ରଛାତ୍ରୀଙ୍କୁ ଲଭ୍‌ର ଫର୍ମୁଲା ଶିଖାଉଛନ୍ତି ଶିକ୍ଷକ

COASTAL NEWS ODIA 1365

ସ୍କୁଲରେ ଛାତ୍ରଛାତ୍ରୀଙ୍କୁ ଲଭ୍‌ର ଫର୍ମୁଲା ଶିଖାଉଛନ୍ତି ଶିକ୍ଷକ

ବାସୁଦେବପୁର - (CNO) ଭଞ୍ଜ ବିହାରୀ ମହାନ୍ତି - ସ୍କୁଲରେ ଛାତ୍ରଛାତ୍ରୀଙ୍କୁ ଲଭ୍‌ର ଫର୍ମୁଲା ଶିଖାଉଛନ୍ତି ଶିକ୍ଷକ! ସାର୍‌ଙ୍କ ଫର୍ମୁଲାକୁ ପ୍ରୟୋଗ କରି ଯେଉଁମାନେ ସଫଳ ହେଉଛନ୍ତି, ସେମାନଙ୍କୁ ଭାଇରାଲ୍‌ କରିଦେବାର ଧମକ ଦେଉଛନ୍ତି। ଏଥିସହ ରାତି ଅଧିଆ ଛାତ୍ରୀଙ୍କ ସହିତ ଅଶ୍ଲୀଳ ଚାଟିଂ କରୁଛନ୍ତି। ଏପରି ଅଭିଯୋଗ ଭଦ୍ରକ ଜିଲ୍ଲାରୁ ଆସିଛି। ଏନେଇ ଅଭିଯୋଗ ହେବା ପରେ ଗଣିତ ଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ବାସୁଦେବପୁର ବ୍ଲକ୍‌ ଶିକ୍ଷା ଅଧିକାରୀ।

ବାସୁଦେବପୁର ଅଞ୍ଚଳର ପ୍ରଥମ 5-T ସ୍କୁଲ ମୁଣ୍ଡାଇଛି କଳଙ୍କର ବୋଝ। ଉକ୍ତ ସ୍କୁଲର ଗଣିତ ଶିକ୍ଷକ କଳ୍ପତରୁ ମଳିକ ଓ ହିନ୍ଦି ଶିକ୍ଷକ ହରିଶ୍ଚନ୍ଦ୍ର ପଣ୍ଡାଙ୍କ ନାଁରେ ଆସିଛି ସଙ୍ଗୀନ ଅଭିଯୋଗ। ଅଭିଯୋଗ ଅନୁସାରେ ସେମାନେ ଛାତ୍ରଛାତ୍ରୀଙ୍କୁ ପାଠ କମ୍‌ ପଢ଼ାଉଛନ୍ତି, ବେଶୀ ସାଠ ପଢ଼ାଉଛନ୍ତି। ରାତି ଅଧିଆ ଛାତ୍ରୀଙ୍କ ସହିତ ଅଶ୍ଲୀଳ ଚାଟିଂ କରୁଛନ୍ତି। ବଡ଼ ବଡ଼ ଝିଅଙ୍କୁ ଲଙ୍ଗଳା ଭିଡିଓ ଦେଖାଉଛନ୍ତି। ଛାତ୍ର ଓ ଛାତ୍ରୀଙ୍କୁ ପ୍ରେମର ପାଠ ଶିଖାଉଛନ୍ତି। ଆଉ ପ୍ରେମରେ ପଡ଼ିଗଲା ପରେ ବ୍ଲାକମେଲିଂ କରୁଥିବା ଅଭିଯୋଗ ହୋଇଛି।

ବିଜ୍ଞାନ ଲାବୋରେଟାରୀରେ ଛାତ୍ରଙ୍କୁ ସିଗାରେଟ୍‌ ଟାଣିବା ମଧ୍ୟ ଶିଖାଉଥିବା ଅଭିଯୋଗ ହେଉଛି। ଦୁଇ ଶିକ୍ଷକଙ୍କ କାର୍ଯ୍ୟରେ ଅତିଷ୍ଠ ହୋଇ ଛାତ୍ରଛାତ୍ରୀମାନେ ଅଭିଭାବକଙ୍କୁ ଜଣାଇଥିଲେ। ଏହା ପରେ ଅଭିଭାବକମାନେ ବ୍ଲକ ଶିକ୍ଷା ଅଧିକାରୀ(ବିଇଓ)ଙ୍କ ପାଖରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ବିଇଓ ଘଟଣାର ତଦନ୍ତ ପାଇଁ ଅତିରିକ୍ତ ବ୍ଲକ ଶିକ୍ଷା ଅଧିକାରୀ(ଏବିଇଓ)ଙ୍କୁ ନିର୍ଦ୍ଦେଶ ଦେଇଥିଲେ।

ଏବିଇଓ ଘଟଣାର ତଦନ୍ତ କରି ସତ୍ୟାସତ ଜାଣିବାକୁ ପାଇଥିଲେ। ଏଥିସହ ବଭିନ୍ନ ଅଶ୍ଳୀଳ ଚାଟିଂ ଓ ଅଶ୍ଳୀଳ ଅଡିଓ ପାଇଥିଲେ। ଏବିଇଓଙ୍କ ରିପୋର୍ଟ ଅନୁସାରେ ବିଇଓ ଜଗବନ୍ଧୁ ସାହୁ ଗଣିତ ଶିକ୍ଷକ କଳ୍ପତରୁ ମଳିକଙ୍କୁ କାର୍ଯ୍ୟରୁ ନିଲମ୍ବିତ କରିଛନ୍ତି। ଏଥିସହ ହିନ୍ଦୀ ଶିକ୍ଷକ ହରିଶ୍ଚନ୍ଦ୍ର ପଣ୍ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଜିଲ୍ଲା ଶିକ୍ଷା ଅଧିକାରୀଙ୍କୁ ରିପୋର୍ଟ ପ୍ରଦାନ କରିଛନ୍ତି। ଶିକ୍ଷାର ମନ୍ଦିରରେ ଏପରି ଘୃଣ୍ୟ କାର୍ଯ୍ୟକୁ ନିନ୍ଦା କରିଛନ୍ତି ବ୍ଲକ ଶିକ୍ଷା ଅଧିକାରୀ ଜଗବନ୍ଧୁ ସାହୁ।

ସେପଟେ ଗଣିତ ଶିକ୍ଷକ କଳ୍ପତରୁ ମଳିକଙ୍କ ବିରୋଧରେ ଅସିଥିବା ଅଭିଯୋଗ ଏହା ପ୍ରଥମ ନୁହେଁ। ୨୦୨୨ ମସିହାରେ ସେ ଅନ୍ୟ ଏକ ସ୍କୁଲରେ ଛାତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଥିଲା। ସେହି ମାମଲାରେ ସେ ନିଲମ୍ବିତ ହେବା ସହ ପୋସ୍କୋ ଆକ୍ଟରେ ବନ୍ଧା ହୋଇଥିଲା। ପରବର୍ତ୍ତୀ ସମୟରେ ଛାତ୍ରୀଙ୍କ ପରିବାର ଲୋକଙ୍କୁ ମୋଟା ଅଙ୍କର ଟଙ୍କା ଦେଇ ମାମଲା ରଫାଦଫା କରିଥିବା ଚର୍ଚ୍ଚା ହେଉଥିଲା।

ସେହିପରି ଅନ୍ୟ  ଏକ ସ୍କୁଲରେ ଗଣିତ ଶିକ୍ଷକ କଳ୍ପତରୁ ମଳିକ ଅଶ୍ଳୀଳ କାରନାମା ପାଇଁ ତଡା ଖାଇଥିଲା। ତେବେ ଏଠି ପ୍ରଶ୍ନ ଉଠୁଛି, ଏଭଳି ରସିକିଆ ଶିକ୍ଷକ ବାରମ୍ୱାର ବିବାଦରେ ଛନ୍ଦିହୋଇ ଚାକିରି ହରାଉଛି। ହେଲେ କେମିତି ପୁନର୍ବାର ଚାକିରିରେ ନିୟୋଜିତ ହେଉଛି?

ଜେରୁଜେଲମ୍‌ ବିଶ୍ୱର ତିନୋଟି ପ୍ରମୁଖ ଧର୍ମ ଖ୍ରୀଷ୍ଟିଆନ, ଇସଲାମ ଏବଂ ଯିହୁଦୀର ର ଉତ୍ପତ୍ତି ସ୍ଥଳ

COASTAL NEWS ODIA 1364

ଜେରୁଜେଲମ୍‌  ବିଶ୍ୱର ତିନୋଟି ପ୍ରମୁଖ ଧର୍ମ ଖ୍ରୀଷ୍ଟିଆନ, ଇସଲାମ ଏବଂ ଯିହୁଦୀର ର ଉତ୍ପତ୍ତି ସ୍ଥଳ 

ଇସ୍ରାଏଲ - (CNO) ଭଞ୍ଜ ବିହାରୀ ମହାନ୍ତି - ହମାସ ସହ ଯୁଦ୍ଧ ଯୋଗୁ ଏବେ ଇସ୍ରାଏଲ୍ ଚର୍ଚ୍ଚାରେ ରହିଛି । ଲୋକମାନେ ଏହି ଛୋଟିଆ ଦେଶ ଏବଂ ଏହାର ନାଗରିକମାନଙ୍କ ବିଷୟରେ ସବୁକିଛି ଜାଣିବା ପାଇଁ ଚାହୁଁଛନ୍ତି। ହେଲେ ଆଜି ଆମେ ଆପଣଙ୍କୁ ଏହି ଦେଶ କିମ୍ବା ଏହାର ନାଗରିକମାନଙ୍କ ବିଷୟରେ ନୁହେଁ, ବରଂ ଏହାର ଏକ ସହର ‘ଜେରୁଜେଲମ୍‌’ରେ ଥିବା ଏକ ସିଡି ବିଷୟରେ ଜଣାଇବୁ। କୁହାଯାଏ ଯେ ୨୭୩ ବର୍ଷ ହେବ ଏହି ସିଡିକୁ ୧ ଇଞ୍ଚ ମଧ୍ୟ ଘଞ୍ଚାଯାଇ ପାରି ନାହିଁ । ସବୁଠାରୁ ବଡ କଥା ହେଉଛି, ଏହି କାଠ ସିଡିକୁ ନେଇ କୌଣସି ପ୍ରକାରର ଧାର୍ମିକ ବିଶ୍ୱାସ ମଧ୍ୟ ନାହିଁ । ଆସନ୍ତୁ ଜାଣିବା, ଏହା ବିଷୟରେ…

ସହରର ବିବାଦ :

ଯେତେବେଳେ ବିଶ୍ୱରେ କୌଣସି ବିବାଦୀୟ ସ୍ଥାନ ବିଷୟରେ କଥା ଆସିବ, ସେତେବେଳେ ସର୍ବପ୍ରଥମେ ଜେରୁଜେଲମ୍‌ର ନାମ ହିଁ ଆସିବ। ବାସ୍ତବରେ, ଜେରୁଜେଲମ୍‌ ବିଶ୍ୱର ସବୁଠୁ ବିବାଦୀୟ ସ୍ଥାନ ମଧ୍ୟରୁ ଅନ୍ୟତମ। ଗୋଟିଏ ପଟେ ଇସ୍ରାଏଲ୍ ଏହାକୁ ନିଜର ରାଜଧାନୀ କହୁଥିବା ବେଳେ ଅନ୍ୟ ପଟେ ପାଲେଷ୍ଟାଇନ ଏହାକୁ ନିଜର ବୋଲି ଦାବି କରି ଆସୁଛି । ଏହି ସହରକୁ ନେଇ ଦଶନ୍ଧି ଧରି ଏହି ଦୁଇ ଦେଶ ମଧ୍ୟରେ ଯୁଦ୍ଧ ଚାଲିଛି । ଏବେ ପ୍ରଶ୍ନ ଉଠୁଛି ଯେ ଏହି ସ୍ଥାନ କାହିଁକି ଗୁରୁତ୍ୱପୂର୍ଣ୍ଣ? ବାସ୍ତବରେ, ଏହି ସ୍ଥାନରୁ ହିଁ ବିଶ୍ୱର ତିନୋଟି ପ୍ରମୁଖ ଧର୍ମ ଖ୍ରୀଷ୍ଟିଆନ, ଇସଲାମ ଏବଂ ଯିହୁଦୀର ଆରମ୍ଭ ହୋଇଥିଲା ।

ଚର୍ଚ୍ଚକୁ ନେଇ ବିବାଦ :

ଏହି ସହରରେ ଏକ ଚର୍ଚ୍ଚ ଅଛି, ଯାହାର ନାମ ‘Church of the Holy Sepulchre’ । ଖ୍ରୀଷ୍ଟିଆନମାନେ ବିଶ୍ୱାସ କରନ୍ତି ଯେ ଯୀଶୁ ଖ୍ରୀଷ୍ଟଙ୍କୁ ଏଠାରେ କ୍ରୁଶରେ ଚଢାଯାଇଥିଲା ଏବଂ ପରେ ଏଠାରେ ସେ ଅବତାର ନେଇଥିଲେ। ଯଦିଓ ଏହି ଚର୍ଚ୍ଚକୁ ନେଇ ଖ୍ରୀଷ୍ଟିଆନ ଧର୍ମର ବିଭିନ୍ନ ଦଳ ମଧ୍ୟରେ କିଛି ପ୍ରସଙ୍ଗରେ ବିବାଦ ଚାଲିଛି। ବର୍ତ୍ତମାନ ଖ୍ରୀଷ୍ଟିଆନ ଧର୍ମର ୬ଟି ଦଳ ଏହାକୁ ଏକତ୍ର ପରିଚାଳନା କରିଆସୁଛନ୍ତି । ସେଠାରେ ସେହି ଅନନ୍ୟ ସିଡି ରହିଛି, ଆସନ୍ତୁ ଜାଣିବା ଏହାର କାହାଣୀ।

ଗୋଟିଏ ସିଡି ଏବଂ ୨୭୩ ବର୍ଷର ବିବାଦ :

ଏହି ବିବାଦୀୟ ସିଡି ‘ଦି ହୋଲି ସେପୁଲଚର୍’ ଚର୍ଚ୍ଚର ଏକ ଅଂଶରେ ରହିଛି । ୧୭୫୦ ମସିହା ପରଠାରୁ ଏହି ସିଡି ଏଠାରେ ପଡ଼ି ରହିଛି । ଏହି ଚର୍ଚ୍ଚକୁ ନେଇ ଏତେ ବଡ଼ ବିବାଦ ହୋଇଛି ଯେ ଆଜି ପର୍ଯ୍ୟନ୍ତ କେହି ବି ଏହି ସିଡିକୁ ୧ ଇଞ୍ଚ ମଧ୍ୟ ଘୁଞ୍ଚାଇବାକୁ ସାହସ କରି ନାହାନ୍ତି । ଆଜି ଯାଏ ଚର୍ଚ୍ଚରେ ଯେତେ ବି ମରାମତି ହୋଇଛି, କିନ୍ତୁ ଏଠାକାର କୌଣସି ଜିନିଷକୁ କେହି ଛୁଇଁବା ପାଇଁ ଚେଷ୍ଟା କରିନାହାନ୍ତି । ଏଠାରେ ସମସ୍ତ ଜିନିଷ ପୂର୍ବରୁ ଯେପରି ଥିଲା, ସେହିପରି ରହିଛି ।

ମିକ୍ସ ମାର୍ଶଲ ଆର୍ଟ (MMA)

COASTAL NEWS ODIA 1362

ମିକ୍ସ ମାର୍ଶଲ ଆର୍ଟ (MMA)

ନୂଆଦିଲ୍ଲୀ - (CNO) ଭଞ୍ଜ ବିହାରୀ ମହାନ୍ତି - ମିକ୍ସ ମାର୍ଶଲ ଆର୍ଟ (MMA) ତାଲିମ ସମୟରେ ମେଟା ସିଇଓ ମାର୍କ ଜୁକରବର୍ଗଙ୍କ ଆଣ୍ଠୁରେ ଆଘାତ ଲାଗିଛି । ଏନେଇ ସେ ଆଣ୍ଠୁରେ ଏକ ସର୍ଜରୀ କରିଛନ୍ତି । ଆସନ୍ତା ବର୍ଷ ଆରମ୍ଭରେ ଜୁକରବର୍ଗ ଏକ ପ୍ରତିଯୋଗିତାମୂଳକ ଲଢ଼େଇ ପାଇଁ ପ୍ରସ୍ତୁତ ହେଉଥିବା ଇନଷ୍ଟାଗ୍ରାମ ଏବଂ ଫେସବୁକରେ ଘୋଷଣା କରିଛନ୍ତି ।

ସୂଚନା ଥାଉକି ଜୁକରବର୍ଗ ୨୦୨୦ ଠାରୁ ମାର୍ଶଲ ଆର୍ଟ ଅଭ୍ୟାସ କରୁଛନ୍ତି । ସେ ହସ୍ପିଟାଲ ବେଡରେ ଥିବା ସମୟରେ ନିଜର ଏକ ଫଟୋ ସେୟାର କରିଛନ୍ତି । ସେ ଏହି ପୋଷ୍ଟରେ ଡାକ୍ତର ଏବଂ ତାଙ୍କ ଟିମକୁ ଧନ୍ୟବାଦ ଜଣାଇଛନ୍ତି । ସେ ହସ୍ପିଟାଲ ବେଡରେ ଥିବା ସମୟରେ ନିଜର ପୋଷ୍ଟ ସେୟାର କରିଥିବାରୁ ତାଙ୍କ ଫ୍ୟାନ୍ସମାନେ ଦୁଃଖ ପ୍ରକାଶ କରିଛନ୍ତି । ସେୟାର ହୋଇଥିବା ପୋଷ୍ଟରେ ସେ କହିଛନ୍ତି ଯେ, ସ୍ପ୍ୟାରିଙ୍ଗ ସମୟରେ ସେ ଆଘାତ ପାଇଥିଲେ। ତେଣୁ ତାଙ୍କର ସର୍ଜରୀ କରାଯାଇଥିବା ସେ କହିଛନ୍ତି । ତାଙ୍କର ଯତ୍ନ ନେଉଥିବା ଡାକ୍ତର ଏବଂ ଟିମକୁ ସେ ଧନ୍ୟବାଦ ଜଣାଇଛନ୍ତି ।

ଗତ ମାସରେ ଜୁକରବର୍ଗ ଇନଷ୍ଟାଗ୍ରାମରେ ଏକ ସେଲଫି ପୋଷ୍ଟ କରିଥିଲେ ଯେଉଁଥିରେ ତାଙ୍କ ଚେହେରା ଫୁଲିଥିଲା, ଆଖି ତଳେ ଏବଂ ନାକ ଉପରେ କ୍ଷତ ହୋଇଥିବା ଦେଖାଯାଇଥିଲା । ଫାଇଟିଙ୍ଗ କଣ୍ଟ୍ରୋଲ ବାହାରକୁ ଆସିବା ପରେ ଏଭଳି ଘଟିଥିବା ମେଟା ସିଇଓ କହିଛନ୍ତି । ସେ କହିଥିଲେ ଯେ କମ୍ପିଟିଶନ ଟିକେ କଣ୍ଟ୍ରୋଲ ବାହାରକୁ ଯାଇଛି । ମୋର ଅବତାର ଅପଡେଟ୍ ହେବାର ଆବଶ୍ୟକ ହୋଇପାରେ ।

ଜୁକରବର୍ଗ ଦୀର୍ଘ ସମୟ ଧରି MMA ଏବଂ ଜିୟୁ-ଜିତ୍ସୁ ପରି ଖେଳରେ ସାମିଲ ରହିଛନ୍ତି । ନିକଟରେ ଜୁକରବର୍ଗଙ୍କୁ ତାଙ୍କ ପ୍ରଶିକ୍ଷକ ପ୍ରଫେସର ଡେଭ୍‌ କ୍ୟାମାରିଲୋଙ୍କ ଦ୍ୱାରା ବ୍ରାଜିଲର ଜିୟୁ-ଜିତ୍ସୁରେ ଏକ ବ୍ଲୁ ବେଲ୍ଟରେ ସମ୍ମାନିତ କରାଯାଇଥିଲା ।

ବିଶ୍ୱରେ ଲୋକପ୍ରୀୟ ରେଭ୍‌ ପାର୍ଟି

COASTAL NEWS ODIA 1362

ବିଶ୍ୱରେ  ଲୋକପ୍ରୀୟ ରେଭ୍‌ ପାର୍ଟି

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ସାରା ବିଶ୍ୱରେ  ଲୋକପ୍ରୀୟତା  ଅର୍ଜନ କରିଛି ରେଭ୍‌ ପାର୍ଟି । ପ୍ରାୟତଃ ଯୁବପିଢୀଙ୍କ ପ୍ରଥମ ପସନ୍ଦ ହୋଇଥାଏ ଏହି ପାର୍ଟି।  ବହୁ ହାଇଫାଇ ଯୁବକ ଆଉ ଯୁବତୀଙ୍କୁ ଏହି ରେଭ୍‌ ପାର୍ଟିରେ ଦେଖିବାକୁ ମିଳିଥାଏ।   ଗୋଟିଏ   ଅର୍ଥରରେ କହିବାକୁ କଷ୍ଟଲି ପାର୍ଟି ହେଉଛି  ରେଭ ପାର୍ଟି।  ଏହି ପାର୍ଟିକୁ ଯିବାକୁ ହେଲେ  ପ୍ରଚୁର ଅର୍ଥ ଖର୍ଚ୍ଚ କରିବାକୁ ପଡିଥାଏ।  ସାଧାରଣ ଲୋକ ଏହି ରେଭ୍‌ ରେ ଯିବା କଥା ଭାବି ବି ପାରିବେନି। 

ତେବେ ରେଭ ପାର୍ଟିରେ  ଯୁବକ ଯୁବତୀ  ବିଭିନ୍ନ ପ୍ରକାର ନିସା ସେବନ କରିଥାନ୍ତି ।   ଯେଉଁ  ନିସା ଗୁଡିବୁ କିଛି ଦେଶରେ ମଧ୍ୟ ବ୍ୟାନ କରାଯାଇଛି।   କେବଳ ଏହି କାରଣରୁ ଭାରତରେ ଏହି ପ୍ରକାର  ରେଭ୍‌ ପାର୍ଟିଗୁଡିକୁ  ବ୍ୟାନ କରାଯାଇଛି।  କିନ୍ତୁ ଏହା ପରେ ମଧ୍ୟ କିଛି ଲୋକ ଏହି ପାର୍ଟି ମାନଙ୍କର ଆୟୋଜନ କରିଥାନ୍ତି। 

 

ରେଭ ପାର୍ଟିରେ  କଣ ହୋଇଥାଏ

 

ସାଧାରଣ ପାର୍ଟି ମାନଙ୍କ ପରି  ରେଭ ପାର୍ଟିରେ ଲୋକ ମାନେ  ନାଚ, ଗୀତ, ଖାଦ୍ୟ ଖାଇ ଏନଜୟ କରିନଥାନ୍ତି,   ବରଂ  ଏହି ପାର୍ଟିରେ  ପ୍ରଚୁର ନିସା କରିଥାନ୍ତି ବ୍ୟକ୍ତି । ପାର୍ଟିରେ  ଡ୍ରଗ୍ସ ପାଖରୁ ଆରମ୍ଭ କରି ଚରସ, ଅଫିମ ଏବଂ   ସାପ ବିଷର ବ୍ୟବହାର କରାଯାଇଥାଏ।   ରେଭ ପାର୍ଟିରେ ଏପରି ମାହୋଲ  ସୃଷ୍ଟି କରାଯାଇଥାଏ ଯେପରି  ଲମ୍ବା ସମୟ ପର୍ଯ୍ୟନ୍ତ   ନିସାରେ ବୁଡି ରହି ଝୁମି ପାରିବେ ଯୁବକ ଯୁବତୀ।   ଯୁବକ ଯୁବତୀ ସମ୍ପୂର୍ଣ୍ଣ ଭାବେ ନିସାରେ ବୁଡି ରହିଥାନ୍ତି। 

 

ଭାରତରେ ରେଭ ପାର୍ଟି ବ୍ୟାନ ?

 

ଭାରତରେ  ଏହି ପ୍ରକାର ରେଭ ପାର୍ଟିକୁ ବ୍ୟାନ କରାଯାଇଛି।  କିନ୍ତୁ କିଛି ବ୍ୟକ୍ତି ଅବୈଧ ଭାବେ  ଏହି ପାର୍ଟିର ଆୟୋଜନ କରି ନିସା କରିଥାନ୍ତି। ଯଦି କୌଣସି ବ୍ୟକ୍ତି ଏପରି ପାର୍ଟିକୁ ଯାଆନ୍ତି କିମ୍ବା ଏହାକୁ ଆୟୋଜନ କରନ୍ତି, ଆଉ ଧରାପଡିଯାଅନ୍ତି  ତାଙ୍କୁ  ଦଣ୍ଡ ଦେବାର  ବ୍ୟବସ୍ଥା ମଧ୍ୟ ରହିଛି । ଏହି କାରଣରୁ ନାର୍କୋଟିକ୍ସ ବିଭାଗ ଦେଶର ବିଭିନ୍ନ ଅଞ୍ଚଳରେ ଏଭଳି ପାର୍ଟି ଉପରେ  ଚଢାଉ କରିଥାଏ।  ।  

 

ରେଭ ପାର୍ଟୀରେ ସାପର ବିଷ କିପରି ବ୍ୟବହାର କରାଯାଏ? 

 

ସାପ ବିଷରୁ K-72 ଏବଂ K-76 ନାମରେ ଡ୍ରଗ୍ସ ପ୍ରସ୍ତୁ କରାଯାଇଥାଏ। 

୫୦୦ ମି.ଲି ବିଷରୁ ପ୍ରସ୍ତୁତ  ଏହି ପାଉଡର ର ବ୍ୟବହାର ଏକ ହଜାର  ଲିଟର   ମାଦକ ଦ୍ରବ୍ୟରେ ମିସା ଯାଇଥାଏ।  

 ତେବେ  ଏକ ରିପୋର୍ଟରୁ ପ୍ରକାଶ K-72 ଏବଂ K-76 ର ମୂଲ୍ୟ 20 ରୁ 25 ହଜାର ଟଙ୍କା ମଧ୍ୟରେ ହୋଇଥାଏ।  

 ମଦର ଗୋଟିଏ ପେଗରେରେ   ଚିମୁଟାଏ  K-72  ବା K-76 ପାଉଡର ର ବ୍ୟବହାର କରାଯାଇଥାଏ।   

 ଯୁବପୀଢିକୁ ଅବାଟକୁ ନେବାପାଇଁ ରେଭ ପାର୍ଟି ହେଉଛି ଏକ ବଡ ମାଧ୍ୟମ। 

କୁକୁର ମନ୍ଦିର ପଛରେ କିଛି ଅଦ୍ଭୁତ ଅଲୌକିକ ଏବଂ ରହସ୍ୟମୟ କିମ୍ବଦନ୍ତି

COASTAL NEWS ODIA 1361

କୁକୁର ମନ୍ଦିର ପଛରେ କିଛି ଅଦ୍ଭୁତ ଅଲୌକିକ ଏବଂ ରହସ୍ୟମୟ କିମ୍ବଦନ୍ତି

କର୍ନାଟକ - (CNO) ଭଞ୍ଜ ବିହାରୀ ମହାନ୍ତି - ଭାରତରେ ଥିବା ପ୍ରତିଟି ଛୋଟ ବଡ ମନ୍ଦିର ପଛରେ କିଛି ଅଦ୍ଭୁତ ଅଲୌକିକ ଏବଂ ରହସ୍ୟମୟ କିମ୍ବଦନ୍ତି ଲୁଚି ରହିଥାଏ। ସେଥିମଧ୍ୟରୁ ଏକ ମନ୍ଦିର ହେଉଛି କର୍ଣ୍ଣାଟକର ଚଣାପାଟଣା ସହରରେ ଥିବା କୁକୁର ମନ୍ଦିର। ଏହା ଆଗ୍ରାହାରା ଭାଲାଗେରାହଲ୍ଲୀ ଗ୍ରାମରେ ରହିଛି। ଏହି ମନ୍ଦିର ସ୍ଥାନୀୟ ଭାଷାରେ ନାଇ ଦେବସ୍ଥାନ ନାମରେ ପ୍ରସିଦ୍ଧ। କନ୍ନଡ଼ରେ ନାଈର ଅର୍ଥ ‘କୁକୁର’। ଏହି ମନ୍ଦିରଟି ୨୦୧୦ ମସିହାରେ ରମେଶ ନାମକ ଜଣେ ବ୍ୟବସାୟୀଙ୍କ ଦ୍ୱାରା ନିର୍ମିତ ହୋଇଥିଲା ।

ଏହି ମନ୍ଦିର ନିର୍ମାଣ ପଛରେ କ'ଣ ରହିଛି ରହସ୍ୟ ? ଆଉ କାହିଁକି ଏହି ମନ୍ଦିରରେ କୁକୁରଙ୍କୁ ପୂଜା କରାଯାଏ ? ଜାଣନ୍ତୁ ପୂରା ତଥ୍ୟ, ଏହି ଗ୍ରାମର ଗ୍ରାମଦେବୀ ଭାବେ ପୂଜା ପାଉଥିଲେ, ମା' କେମ୍ପାମା। ସ୍ଥାନୀୟ ଲୋକଙ୍କ କହିବା ଅନୁସାରେ ଜଣେ ସଫଳ ବ୍ୟବସାୟୀ ରମେଶ ଦେବୀ କେମ୍ପାମାଙ୍କୁ ସମ୍ମାନ ଜଣାଇ ଏକ ମନ୍ଦିର ନିର୍ମାଣ କରିବା ପାଇଁ ଗାଁକୁ ଟଙ୍କା ଦାନ କରିଥିଲେ। ଯେତେବେଳେ ମନ୍ଦିର ତିଆରି କାମ ଆରମ୍ଭ ହେଲା ସେତେବେଳେ କେଉଁଠାରୁ ଦୁଇଟି ଅଜଣା କୁକୁର ଆସି ମନ୍ଦିର ଆଖ ପାଖରେ ବୁଲିବାକୁ ଲାଗିଲେ। ଏହା ଦେଖି ଗ୍ରାମର ଲୋକମାନେ ଟିକେ ଆଶ୍ଚର୍ଯ୍ୟ ହୋଇଗଲେ ଏବଂ କଥା ହେବାକୁ ଲାଗିଲେ କି ଆକସ୍ମିକ ଭାବରେ ଏହି ଦୁଇଟି କୁକୁର କୁଆଡୁ ଆସିଲେ।

ପରେ ଲୋକମାନେ ଆଉ ସେଥିରେ ଧ୍ୟାନ ନଦେଇ ମନ୍ଦିର ତିଆରି କାର୍ଯ୍ୟରେ ବ୍ୟସ୍ତ ରହିଗଲେ ଆଉ ସେହି ଅଜଣା କୁକୁରଙ୍କୁ ନିୟମିତ ମନ୍ଦିର ଆଖପାଖରେ ଦେଖିବା ଅଭ୍ୟାସରେ ପରିଣତ ହୋଇଗଲା। କିନ୍ତୁ ଆଶ୍ଚର୍ଯ୍ୟଜନକ ଘଟଣା ସେତେବେଳେ ଘଟିଲା, ଯେତେବେଳେ ଗ୍ରାମବାସୀ ଦେଖିଲେ ଯେ ମନ୍ଦିର ତିଆରି କାମ ସରିଲା ବେଳକୁ ସେହି ଦୁଇଟି କୁକୁର ରହସ୍ୟମୟ ଭାବରେ କୁଆଡେ ଅଦୃଶ୍ୟ ହୋଇଗଲେ।

ଏହି ଘଟଣା ଘଟିବାର କିଛି ଦିନ ବିତିଗଲା ପରେ ଦିନେ ଗ୍ରାମ ଦେବତୀ କେମ୍ପାମା ଜଣେ ଗ୍ରାମ ବାସୀର ସ୍ବପ୍ନରେ ଦେଖାଦେଲେ ଏବଂ ଅଦୃଶ୍ୟ ହୋଇଯାଇଥିବା ସେହି ଦୁଇଟି କୁକୁର ମନ୍ଦିରର ସୁରକ୍ଷା ପାଇଁ ଖୋଜି ବାହାର କରିବାକୁ ଆଦେଶ ଦେଲେ । ଯେତେବେଳେ ଗ୍ରାମର ଲୋକମାନେ ଆଉ ତାଙ୍କୁ ଖୋଜିକି ପାଇଲେନାହିଁ ସେମାନେ ମାତା କେମ୍ପାମାଙ୍କ ନିର୍ଦ୍ଦେଶ ଅନୁଯାୟୀ ଏକ କ୍ଷୁଦ୍ର ମନ୍ଦିର ନିର୍ମାଣ କରିବାକୁ ସ୍ଥିର କଲେ ଏବଂ ଦୁଇଟି କୁକୁର ପରସ୍ପର ପାଖରେ ଠିଆ ହୋଇଥିବାର ଏକ ମୂର୍ତ୍ତି ତିଆରି କରାଗଲା । 

ସେବେଠାରୁ ଲୋକମାନେ ବିଶ୍ୱାସ କରନ୍ତି ଯେ ଏହି ଦୁଇଟି କୁକୁର ଗ୍ରାମକୁ ସମସ୍ତ କୁଦୃଷ୍ଟିରୁ ରକ୍ଷା କରିଥାନ୍ତି ଏବଂ ସେମାନେ ବହୁତ୍ ଶ୍ରଦ୍ଧା ଆଉ ଭକ୍ତିର ସହିତ ତାଙ୍କୁ ପୂଜା କରୁଛନ୍ତି।

ଅବିଶ୍ୱସନୀୟ ହେଲେ ବି ସତ ଗୋଟିଏ ସହରର ଜନସଂଖ୍ୟା ପ୍ରାୟ ୩୦

COASTAL NEWS ODIA 1360

ଅବିଶ୍ୱସନୀୟ ହେଲେ ବି ସତ ଗୋଟିଏ ସହରର ଜନସଂଖ୍ୟା ପ୍ରାୟ ୩୦

କ୍ରୋଏସିଆ - (CNO) ସାଧାରଣତଃ ଗୋଟିଏ ପରିବାର ସଂଖ୍ୟା ୩୦ରୁ ଅଧିକ ହେଉଥିବା ବେଳେ ଗୋଟିଏ ସହରର ଜନସଂଖ୍ୟା ମାତ୍ର ୨୧ ବୋଲି ୨୦୧୧ ଜନଗଣନା ରେ ଜଣାଯାଇଥିଲା । ୨୦୨୧ରେ ଏହି ସଂଖ୍ୟା ୨୭ ହୋଇଥିବାବେଳେ ଏବେ ୩୦ ପାଖାପାଖୁ ହେବ ବୋଲି କୁହାଯାଏ ।

ଏଠାରେ ମାତ୍ର ଦୁଇଟି ରାସ୍ତା ଅଛି ଏବଂ ପାଦରେ ଚାଲି ସମ୍ପୁର୍ଣ୍ଣ ସହର ବୁଲିହେବ । କ୍ରୋଏସିଆର ରାଜଧାନୀ ଜାଗ୍ରେସଠାରୁ ଅଳ୍ପ ଦୂରରେ ଥିବା ଏହି ସହରକୁ ସ୍ଥାନୀୟ ଲୋକେ 'ସମ୍ ବୋଲି ଜାଣନ୍ତି । ଏହା ବିଶ୍ଵର ସବୁଠାରୁ ଛୋଟ ସହର ମାନ୍ୟତା ପାଇଛି । କୁହାଯାଏ, ୧୧୩୨ ଖ୍ରୀଷ୍ଟାବ୍ଦରେ ଏହି ସହର ସମ୍ପର୍କରେ ପ୍ରଥମେ ଜଣାପଡିଥିଲା । ସେତେବେଳେ ଏହାର ନାମ ଥିଲା କୋମ୍ । କୌଣସି ପ୍ରାଚୀନ ଶାସକ ଏଠାରେ ପୁରୁଣା ଶୈଳୀରେ ପଥର ପ୍ରାଚୀର କରାଇଥିଲେ। 

ସୁରକ୍ଷା ଦୃଷ୍ଟିରୁ ଏଠାରେ ଟାୱାର ମଧ୍ୟ ନିର୍ମାଣ କରାଯାଇଥିଲା । କେତେକ ସୈନିକ ଏଠାରେ ବସତି ସ୍ଥାପନ କରିବାକୁ ଆସିଥିଲେ ମଧ୍ୟ କୌଣସି କାରଣରୁ ରହିପାରିଲେ ନାହିଁ । ଏଠାରେ ଥିବା ଘରଗୁଡିକ ବି ପୁରୁଣା ଶୈଳୀରେ ନିର୍ମାଣ କରା ଯାଇଛି ।

ବିଚିତ୍ର ଦାନ୍ତ

COASTAL NEWS ODIA 1359

ବିଚିତ୍ର ଦାନ୍ତ 

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ପୃଥିବୀପୃଷ୍ଠରେ ଅନେକ ଜୀବଙ୍କ ବିଚିତ୍ର ଶାରୀରିକ ଗଠନ ମଣିଷକୁ ଆଶ୍ଚର୍ଯ୍ୟ କରିଥାଏ। ଆସନ୍ତୁ ଜାଣିବା କେତେକ ଜୀବଙ୍କ ଦାନ୍ତ ସମ୍ପର୍କରେ କିଛି ଅଜବ କଥା

ଲୁହା ଦାନ୍ତ ଥିବା ଜୀବ: କ୍ରିପ୍ଟୋସିଟନ୍‌ ଷ୍ଟେଲେରି ବା ଓଣ୍ଡରିଂ ମିଟ୍‌ଲୋଫ୍‌ ନାମକ ଜୀବର ଦାନ୍ତ ଲୁହାରେ ତିଆରି। ସାଧାରଣତଃ ଦାନ୍ତ କ୍ୟାଲସିୟମ୍‌ରେ ତିଆରି ହୋଇଥିବା ବେଳେ ଏହି ଜୀବର ଦାନ୍ତ ଆଇରନ୍‌ ବା ଲୁହାରେ ତିଆରି ହୋଇଥିବା ଏକ ବୈଜ୍ଞାନିକ ଗବେଷଣାରୁ ଜଣାପଡ଼ିଛି।

ଏହି ଭୟଙ୍କର ଜୀବଟି ନିଜ ଦାନ୍ତ ଦ୍ୱାରା ଅତି କଠିନ ଶିକାର ମଧ୍ୟ କରିପାରେ। ଏମିତିକି ଏହା ପଥରକୁ ମଧ୍ୟ ସହଜରେ ଦାନ୍ତରେ ଚୋବାଇ ଖାଇପାରେ। କେବଳ ଏତିକି ନୁହେଁ, ନିଜର ଶକ୍ତ ଦାନ୍ତ ପାଇଁ ଏହା ବଡ଼ ବଡ଼ ପଥରରେ ସୁଡ଼ଙ୍ଗ ମଧ୍ୟ କରିପାରେ। ଏହା ଦେଖିବାକୁ ହାଲୁକା ଲାଲ୍‌ ଏବଂ ମାଟିଆ ରଙ୍ଗର ହୋଇଥିବା ବେଳେ ଏହାକୁ ହଠାତ୍‌ ଦେଖିଲେ ତଳେ ପଡ଼ିଥିବା ମାଂସ ପିଣ୍ଡୁଳାର ଭ୍ରମ ସୃଷ୍ଟି କରିଥାଏ।

ସାରା ଜୀବନ ବଢ଼େ ଦାନ୍ତ: ଗୁଣ୍ଡୁଚି ମୂଷା, ଠେକୁଆ ଆଦିଙ୍କର ଦାନ୍ତ ବଢିବା କେବେ ବନ୍ଦ ହୋଇ ନ ଥାଏ। ତେଣୁ ଏହାକୁ ସାଧାରଣ ଆକାର ରଖିବା ପାଇଁ ସେମାନେ ସବୁ ସମୟରେ କିଛି ନା କିଛି ଚୋବାଇଥାନ୍ତି।

ସବୁଠୁ ବଡ଼ ପ୍ରାଣୀର ଦାନ୍ତ ନାହିଁ: ପୃଥିବୀର ବୃହତ୍ତମ ସ୍ତନ୍ୟପାୟୀ ପ୍ରାଣୀ ହେଉଛି ନୀଳ ତିମି ବା ବ୍ଲ୍ୟୁ ହ୍ବେଲ୍‌। ହେଲେ ଆଶ୍ଚର୍ଯ୍ୟର କଥା ହେଉଛି ଏହି ବିଶାଳକାୟ ପ୍ରାଣୀର ଦାନ୍ତ ନାହିଁ।

୧୪ ହଜାର ଦାନ୍ତ: ମଣିଷର ଦାନ୍ତ ସଂଖ୍ୟା ୩୨। ଅନ୍ୟ ଜୀବମାନଙ୍କ ଦାନ୍ତ ସଂଖ୍ୟା ଏହାଠାରୁ କମ୍‌ ବେଶୀ ହୋଇଥାଏ। ହେଲେ କ’ଣ ଗୋଟିଏ ଜୀବର ଦାନ୍ତ ସଂଖ୍ୟା ୧୪ ହଜାର ହୋଇପାରେ! ଆଶ୍ଚର୍ଯ୍ୟ ଲାଗୁଥିଲେ ବି ସତ। ଗେଣ୍ଡାମାନଙ୍କର ଏତେ ସଂଖ୍ୟାର ଦାନ୍ତ ଥିବାରୁ ସେମାନଙ୍କୁ ପୃଥିବୀର ସର୍ବାଧିକ ଦାନ୍ତ ଥିବା ପ୍ରାଣୀ ବୋଲି ଗ୍ରହଣ କରାଯାଏ।

ଆଇଓସିଏଲ୍‌ ଡିଜେଲ ପାଇପ୍ ଲାଇନ୍ ଲିକ୍ ମରାମତି ଜାରି

COASTAL NEWS ODIA 1358

ଆଇଓସିଏଲ୍‌ ଡିଜେଲ ପାଇପ୍ ଲାଇନ୍ ଲିକ୍ ମରାମତି ଜାରି 

ଆଳି - (CNO) ଆଇଓସିଏଲ୍‌ ଡିଜେଲ ପାଇପ୍ ଲାଇନ୍ ଆଳି ବ୍ଲକ ର ପ୍ରାୟ ଦଶ କିଲୋମିଟର ରୁ ଅଧିକ ଚାଷ ଜମି ଦେଇ  ଅତିକ୍ରମ କରିଛି। ପାରାଦୀପରୁ ପଶ୍ଚିମବଙ୍ଗର ହଳଦିଆକୁ ଯାଇଥିବା ଡିଜେଲ ପାଇପ୍ ଲାଇନ୍ ଆଳି ତହସିଲ ଅନ୍ତର୍ଗତ ନରେନ୍ଦ୍ରପୁର ର ଏକ୍ରେ ଚାଷଜମି ଉପରେ କୌଣସି କାରଣରୁ ଲିକ୍ ହୋଇ ଯାଇଥିଲା ।ଫଳରେ ଡିଜେଲ ବାହାରି ପାଖ ଖାଲରେ ଭର୍ତ୍ତି ହୋଇ ଯାଇଥିଲା । 

ସୌଭାଗ୍ୟବଶତଃ ଏଥୁଯୋଗୁଁ କୌଣସି ଦୁର୍ଘଟଣା ଘଟି ନାହିଁ । ସ୍ଥାନୀୟ ଲୋକଙ୍କ ନିକଟରୁ ଖବର ପାଇ ଆଇଓସିଏଲ୍ କର୍ମଚାରୀମାନେ ପହଞ୍ଚି ଥିଲେ l ଏବେ ଯୁଦ୍ଧକାଳୀନ ଭିତ୍ତିରେ ମରାମତି କାର୍ଯ୍ୟ ଜାରି ରହିଛି ।

ଯନ୍ତାରେ ପଡ଼ିଲା ନୂଆପଡ଼ାରେ ଆତଙ୍କ କଲରା ପତରିଆ ବାଘ

COASTAL NEWS ODIA 1357

ଯନ୍ତାରେ ପଡ଼ିଲା ନୂଆପଡ଼ାରେ ଆତଙ୍କ  କଲରା ପତରିଆ ବାଘ

ନୂଆପଡ଼ା - (CNO) ଭଞ୍ଜ ବିହାରୀ ମହାନ୍ତି - ଯନ୍ତାରେ ପଡ଼ିଲା ନୂଆପଡ଼ାରେ ଆତଙ୍କ ଖେଳାଇଥିବା କଲରା ପତରିଆ ବାଘ। ନୂଆପଡ଼ା ଜିଲ୍ଲା ସଦର ରେଞ୍ଜ ଧରମବନ୍ଧା ଅଞ୍ଚଳର କୋଦୋପାଲିରୁ ଧରାପଡ଼ିଛି ଏହି ମଣିଷଖିଆ କଲରାପତରିଆ ବାଘ।

ଏକ ଘରର ଛାତ ଉପରେ ଗତକାଲି ରାତିରେ ବାଘ ବସିଥିବା ଦେଖି ଲୋକେ ଆତଙ୍କିତ ହୋଇପଡ଼ିଥିଲେ। ଏହାପରେ ବାଘକୁ ଯନ୍ତା ପକାଇ ଧରିବା ପାଇଁ ଉଦ୍ୟମ କରିଥିଲା ବନ ବିଭାଗ। ରାତି ପ୍ରାୟ ୧୧ଟା ବେଳେ ବନ ବିଭାଗକୁ ମିଳିଥିଲା ସଫଳତା। ବାଘଟି ଯନ୍ତାରେ ପଡ଼ିଥିଲା। ଯନ୍ତାରେ ପଡ଼ିବା ପରେ ଗତକାଲି ବିଳମ୍ବିତ ରାତିରେ ବାଘକୁ ନୂଆପଡ଼ା ରେଞ୍ଜ ଅଫିସ୍‌କୁ ଅଣାଯାଇଥିଲା।

ଏହି କଲରାପତରିଆ ବାଘ ଗତ ୫ ଦିନ ମଧ୍ୟରେ ଦୁଇ ଜଣଙ୍କୁ ମାରିଥିବା ବେଳେ ଜଣଙ୍କୁ ଆକ୍ରମଣ କରି ଗୁରୁତର କରି ଦେଇଥିଲା। ଶୁକ୍ରବାର ସିଲିଆରିବାହାରା ଗାଁର ଜଣେ ମହିଳା ଜଙ୍ଗଲକୁ ଯାଇ ଆଉ ଫେରି ନଥିଲେ। ଗତକାଲି ବାଘଟି ତାଙ୍କୁ ମାରି ଖାଉଥିବାର ଲୋକେ ଦେଖିଥିଲେ।

ସେହିପରି ଗତକାଲି ସନ୍ଧ୍ୟାରେ କୋଦୋପାଲି ଗାଁର ଜଣେ ୮ ବର୍ଷର ବାଳକକୁ ବାଘ ଝାମ୍ପି ନେଇଥିଲା। ତେବେ ଗ୍ରାମବାସୀ ବାଘକୁ ଦୌଡ଼ାଇ ଥିଲେ। ଏକାଧିକ ଲୋକଙ୍କୁ ଦେଖି ବାଘ ବାଳକକୁ ପକାଇ ଜଙ୍ଗଲକୁ ପଳାଇ ଯାଇଥିଲା। ବାଳକ ଜଣଙ୍କ ଅଳ୍ପକେ ବର୍ତ୍ତି ଯାଇଥିଲେ ହେଁ ଗୁରୁତର ଭାବେ ଆହତ ହୋଇଛନ୍ତି।

ଏହା ପୂର୍ବରୁ ଗତ ୩୦ ତାରିଖରେ ବାଘଟି ନୂଆପଡ଼ା ଜିଲ୍ଲା ସୁନାବେଡ଼ା ଅଭୟାରଣ୍ୟ କଟିଙ୍ଗପାଣି ଗାଁ ଗୋଧସପଡ଼ାରେ ଏକ ୮ ବର୍ଷର ନାବାଳକକୁ ମାରି ଦେଇଥିଲା ଏହି କଲରାପତରିଆ ବାଘ।

ଗତକାଲି କୋଦୋପାଲି ଗାଁରେ ବାଘଟି ଧରାପଡ଼ିବା ପରେ ଲୋକେ ତାକୁ ଛାଡ଼ୁ ନଥିଲେ। ସେମାନେ ଯନ୍ତା ଭିତରେ ଥିବା ବାଘକୁ ଆକ୍ରମଣ କରିଥିବା ଦେଖିବାକୁ ମିଳିଥିଲା। ତେବେ ବନ ବିଭାଗ କର୍ମଚାରୀମାନେ ଲୋକଙ୍କୁ ବୁଝାସୁଝା କରି ବାଘକୁ ସେଠାରୁ ନୂଆପଡ଼ା ରେଞ୍ଜ ଅଫିସ୍‌କୁ ଆଣିଥିଲେ।

ଅଦାଲତ ରାୟକୁ ପ୍ରତ୍ୟାଖ୍ୟାନ କରିପାରିବ ନାହିଁ ବିଧାନପାଳିକା: ଡି.ୱାଇ ଚନ୍ଦ୍ରଚୂଡ଼

COASTAL NEWS ODIA 1356

ଅଦାଲତ ରାୟକୁ ପ୍ରତ୍ୟାଖ୍ୟାନ କରିପାରିବ ନାହିଁ ବିଧାନପାଳିକା: ଡି.ୱାଇ ଚନ୍ଦ୍ରଚୂଡ଼

ନୂଆଦିଲ୍ଲୀ - (CNO) ଅଦାଳତ ରାୟକୁ  ବିଧାନପାଳିକା ପ୍ରତ୍ୟାଖ୍ୟାନ କିମ୍ବା ଖାରଜ କରିପାରିବେ ନାହିଁ । ଆଇନ୍ର ରେ କିଛି ତ୍ରୁଟି ରହିଥିଲେ ତାହା ପୂରଣ କରିବା ପାଇଁ ନୂଆ ଆଇନ ଅଣିପାରିବେ । ନ୍ୟାୟପାଳିକା ଓ ବିଧାନପାଳିକା ମଧ୍ୟରେ ଏକ ବିଭାଜନ ରେଖା ରହିଛି । କିଏ କ'ଣ କରିପାରିବେ ବା ନପାରିବେ ସେ ସମ୍ପର୍କରେ ସମ୍ବିଧାନ ମାର୍ଗଦର୍ଶନ କରିଛି । ଅଦାଲତ ରାୟ କ୍ଷେତ୍ରରେ ବିଧାନପାଳିକା କ'ଣ କରିପାରିବେ ବା ନପାରିବେ ତାହା ମଧ୍ୟ ନିଶ୍ଚିତ ହୋଇଛି । 

କୌଣସି ପ୍ରସଙ୍ଗରେ ଅଦାଲତ ଦେଇଥିବା ରାୟରେ ବିଧାନପାଳିକା କିଛି ଆଇନଗତ ଅଭାବ ଅନୁଭବ କରୁଥିଲେ ତାହା ପୂରଣ କରିବା ପାଇଁ ନୂତନ ଆଇନ ଆଣିପାରିବେ । ଏହା ବିଧାନପାଳିକା ପାଇଁ ସବୁବେଳେ ଉନ୍ମୁକ୍ତ ରହିଛି । ସାମ୍ବିଧାନିକ ନୈତିକତା ଆଧାରରେ ବିଚାରପତିମାନେ ରାୟ ଦେଉଛନ୍ତି, ମାନବୀୟ ନୈତିକତା ଆଧାରରେ ନୁହେଁ । ବିଚାରପତିମାନେ ଲୋକପ୍ରତିନିଧୂଙ୍କ ଭଳି ନିର୍ବାଚିତ ନହେବା ଆମର ଅଭାବ ନୁହେଁ, ବରଂ ଶକ୍ତି ।ସେ ଦୃଷ୍ଟିରୁ ଅଦାଲତର ରାୟକୁ ସିଧାସଳଖ ପ୍ରତ୍ୟାଖ୍ୟାନ କରାଯାଇପାରିବ ନାହିଁ । ଏଭଳି ମତ ରଖୁଛନ୍ତି ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡ଼ । 

ଅଗ୍ରଣୀ ଇଂରାଜୀ ଗଣମାଧ୍ୟମ ‘ହିନ୍ଦୁସ୍ତାନ ଟାଇମ୍ଭ’ର ଏକ କାର୍ଯ୍ୟକ୍ରମରେ ଉଦ୍‌ବୋଧନ ଦେଲାବେଳେ ପ୍ରଧାନ ବିଚାରପତି କହିଛନ୍ତି ଯେ ରାୟକୁ ଆମ ସମାଜ କିପରି ଗ୍ରହଣ କରିବ ତାହା ବିଚାରପତିମାନେ ଚିନ୍ତା କରନ୍ତି ନାହିଁ ।କେବଳ ସରକାରଙ୍କର ବିଭିନ୍ନ ଅଙ୍ଗ ଏପରି ମନେ କରନ୍ତି । ସାଧାରଣତଃ ବିଧାନପାଳିକା କିଛି କରି ନପାରିଲେ ରାୟ ଭ୍ରମାତ୍ମକ ବୋଲି କୁହାଯାଏ ତେଣୁ ଆମେ ରାୟକୁ ଖାରଜ କରିଥାଉ। ଏହା ବିଧାନପାଳିକା କରିପାରିବ ନାହିଁ । 

ସର୍ବୋଚ୍ଚ ନ୍ୟାୟାଳୟ ହେଉଛି ଦେଶବାସୀଙ୍କ ଅଦାଲତ । ଲୋକଙ୍କ ଆପତ୍ତି ଅଭିଯୋଗ ଶୁଣିବା ଏହାର ପ୍ରଧାନ କର୍ତ୍ତବ୍ୟ ତେଣୁ ଆମେରିକା ସୁପ୍ରିମକୋର୍ଟଠାରୁ ଏହା ଭିନ୍ନ ବୋଲି ସେ ମତ ଦେଇଛନ୍ତି । ଆମେରିକା ସୁପ୍ରିମକୋର୍ଟ ବର୍ଷକରେ ମାତ୍ର ୮୦ଟି ମାମଲାର ବିଚାର କରିଥାଏ କିନ୍ତୁ ଆମେ ଚଳିତ ବର୍ଷ ୭୨ହଜାର ମାମଲାର ବିଚାର ଶେଷ କରିଛୁ ବୋଲି ସେ କହିଛନ୍ତି ।

BCI ର ନିର୍ବାଚନ ସ୍ଥଗିତ ନିଷ୍ପତ୍ତିକୁ ନିନ୍ଦା

COASTAL NEWS ODIA 1355

BCI ର ନିର୍ବାଚନ ସ୍ଥଗିତ ନିଷ୍ପତ୍ତିକୁ ନିନ୍ଦା

କଟକ - (CNO) ଓଡ଼ିଶା ଷ୍ଟେଟ୍‌ ବାର୍‌ କାଉନସିଲ ସଦସ୍ୟ ପ୍ରତିନିଧି ନିର୍ବାଚନ ସ୍ଥଗିତ ପ୍ରସଙ୍ଗ।

ପ୍ରତିକ୍ରିୟା ରଖିଲେ ଷ୍ଟେଟ ବାର୍‌ କାଉନସିଲ୍‌ ନିର୍ବାଚିତ ସଦସ୍ୟ।

ବାର୍‌ କାଉନସିଲ୍‌ ଅଫ୍‌ ଇଣ୍ଡିଆର ନିଷ୍ପତ୍ତିକୁ ନିନ୍ଦା କରୁଛୁ କହିଲେ!.

ଖୁବଶୀଘ୍ର ଏହା ବିରୋଧରେ ଆଇନର ଆଶ୍ରୟ ନେବୁ’। 

BCI ଚେୟାରମ୍ୟାନଙ୍କ ନାଁରେ ମାନହାନୀ ମାମଲା ପାଇଁ ବିଚାର କରୁଛୁ’।

ଏନେଇ ସୂଚନା ଦେଲେ ବରିଷ୍ଠ BCI ସଦସ୍ୟ ସୌରଚନ୍ଦ୍ର ମହାପାତ୍ର!

ଆଜିର ରାଶିଫଳ

COASTAL NEWS ODIA 1354

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୦୫ ତାରିଖ ୨୦୨୩ ମସିହା(ରବିବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉*

*ଆଜି ବନ୍ଧୁମିଳନରୁ ଆନନ୍ଦିତ ହେବେ ଓ ଆନୁଷ୍ଠାନିକ କାମରେ ବ୍ୟସ୍ତ ରହିବେ ସମସ୍ୟା ସମାଧାନ ସକାଶେ ବନ୍ଧୁଙ୍କ ସହ ଅଧିକାଂଶ ସମୟ ଆଲୋଚନା କରିପାରନ୍ତି। ଅପରାହ୍ନେ ଖୋଜୁଥିବା ଜିନିଷଟି ପାଇ ଖୁସୀ ହୋଇଯିବେ। ବ୍ୟବସାୟ ଏବଂ ବାଣିଜ୍ୟ କ୍ଷେତ୍ରରେ ସମସ୍ୟା ମଧ୍ୟ ଦୂରହୋଇଯିବ।*

*✧═════•❁❀❁•═════✧*

*🌹ବୃଷ🌹👉*

*ଶାରୀରିକ ଅସୁସ୍ଥତା ମଧ୍ୟରେ କାମ କରିବାକୁ ବାଧ୍ୟ ହେବେ । ପରିବାର, ଯାନବାହନ, ପରିବହନ ଏବଂ ବାଣିଜ୍ୟ, ଶିଳ୍ପ କ୍ଷେତ୍ରରେ ମଧ୍ୟ ଶିଥିଳତା ଦେଖାଦେଇପାରେ। ବିଗତ ଦିନର ସମସ୍ୟାଗୁଡ଼ିକର ସମାଧାନ ସକାଶେ ବିଭିନ୍ନ ପ୍ରକାର ଚିନ୍ତା ମନକୁ ଆନ୍ଦୋଳିତ କରିବ। ଖଳଲୋକଙ୍କ କଥାକୁ ସତ ମଣି ଘରେ ଝଗଡ଼ା ହେବ।*

*✧═════•❁❀❁•═════✧*

*🌹ମିଥୁନ🌹👉*

*ଆଜିର ଯାତ୍ରା ସମୟରେ ଅପରିଚିତ ବ୍ୟକ୍ତିଙ୍କଠାରୁ ଦୂରେଇ ରହିବା ଭଲ । ଅନ୍ୟମନସ୍କ ହେତୁକ କୌଣସି ଭୁଲ୍‌ କାମ କରି ଅନୁତପ୍ତ ହୋଇପାରନ୍ତି। ହାତକୁ ନେଇଥିବା ଅସମ୍ପୂର୍ଣ୍ଣ କାମକୁ ସମ୍ପୂର୍ଣ୍ଣ କରିବେ । ବ୍ୟବସାୟ ଓ ବାଣିଜ୍ୟ କ୍ଷେତ୍ର ମନ୍ଦ ହେବନି, ତଥାପିି ରୋଜଗାରଠାରୁ ଖର୍ଚ୍ଚ ବଳିଯିବ।*

*✧═════•❁❀❁•═════✧*

*🌹କର୍କଟ🌹👉*

*କୌଣସି କ୍ଷେତ୍ରରେ ତରବରିଆ ପଦକ୍ଷେପ ନେଲେ ଅସୁବିଧାରେ ପଡ଼ିବେ। ଦୀର୍ଘଦିନର ଆଶା ଫଳବତୀ ହେବାରେ କୌଣସି ଅସୁବିଧା ରହିବ ନାହିଁ କିନ୍ତୁ ବିବାଦୀୟ ପରିସ୍ଥିତି କିମ୍ବା ମାଲି ମକଦ୍ଦମାରେ ସଫଳତା ପାଇବେ ନାହିଁ । ଉଚ୍ଚ ପଦାଧିକାରୀଙ୍କ ନିକଟରେ ନିଜର ମନର ଭାବକୁ ପ୍ରକାଶ କରିବାରେ ପଛେଇଯିବେ।*

*✧═════•❁❀❁•═════✧*

*🌹ସିଂହ🌹👉*

*ପରୋକ୍ଷ ଶତ୍ରୁତା କାରଣରୁ କାର୍ଯ୍ୟ ସାଧନରେ ନିଜର ଲୋକମାନଙ୍କ ତରଫରୁ ସହଯୋଗ ପାଇବେନି । ଯାନବାହନ, ବ୍ୟବସାୟ ଓ ବାଣିଜ୍ୟରୁ ଲାଭବାନ୍‌ ହେବେ । ନିର୍ମାଣାଧୀନ ଗୃହ, ରାସ୍ତାକାମ, ହଠାତ୍‌ କିଛିଦିନ ସକାଶେ ଅଟକି ରହିଯାଇପାରେ । ଲେଖାପଢ଼ା, ଆଲୋଚନା, ଚୁକ୍ତିପତ୍ର କ୍ଷେତ୍ରରେ ସୁଫଳ ପାଇବେ ।*

*✧═════•❁❀❁•═════✧*

*🌹କନ୍ୟା🌹👉*

*ସ୍ବାସ୍ଥ୍ୟାବସ୍ଥାରେ ଉନ୍ନତି ଘଟିବା କାରଣରୁ ମନ ଏକ ପ୍ରକାର ହାଲୁକା ହୋଇଯିବ। ବାଣିଜ୍ୟ, ବ୍ୟବସାୟ ଓ ପରିବହନରେ ବିଶେଷ ଉନ୍ନତି କରିବେ। କୌଣସି ଗୃହ, ଜମିଜମା ସମ୍ବନ୍ଧୀୟ ବିଷୟରେ ଯୋଗାଯୋଗ କଲେ ଅବଶ୍ୟ ଉପକୃତ ହେବେ। ଧାରକରଜ କରି ଆବଶ୍ୟକତା ପୂରଣ କରିବା ପାଇଁ ମନସ୍ଥ କରିପାରନ୍ତି।*

*✧═════•❁❀❁•═════✧*

*🌹ତୁଳା🌹👉,*

*ବିଭିନ୍ନ ପ୍ରକାର କାମରେ ଅନୁପ୍ରବେଶକରି ମନକୁ ଭାରାକ୍ରାନ୍ତ କରିପାରନ୍ତି। କର୍ମକ୍ଷେତ୍ରରେ ଏକ ସାଧାରଣ ଘଟଣାରେ ଉଚ୍ଚବାଚ ଓ ବିତର୍କ ଘଟିପାରେ। ଖର୍ଚ୍ଚଭାର ଯୋଗୁ ଚିନ୍ତାପ୍ରକଟ କରିବେ, କିନ୍ତୁ କୌଣସି ଉପାୟ ପାଇବେ ନାହିଁ । ପାଖ ପଡ଼ୋଶୀଙ୍କ ସହ ସୁସମ୍ପର୍କ ରକ୍ଷା କରିବାରେ ସମର୍ଥ ହେବେ ।*

*✧═════•❁❀❁•═════✧*

*🌹ବିଛା🌹👉*

*ଆଶା କରୁଥିବା ଦିଗରୁ ଅର୍ଥ ପାଇବେ, କିନ୍ତୁ ଏଥିପାଇଁ ଆପଣଙ୍କୁ ସାମାନ୍ୟ କଷ୍ଟ ସ୍ବୀକାର କରିବାକୁ ପଡ଼ିବ। ଅତି ଭଲ ସମ୍ପର୍କ ରହିଥିବା ବନ୍ଧୁମାନଙ୍କ ଆଚରଣରେ ଅସନ୍ତୁଷ୍ଟ ରହିବେ। ପରିବାରର ଆବଶ୍ୟକତା ପୂରଣ କରିବା ସକାଶେ ପର ପାଖରେ ମୁଣ୍ଡ ନୂଆଁଇବାକୁ ବାଧ୍ୟ ହୋଇପାରନ୍ତି।ସୁସ୍ବାଦୁ ଭୋଜନ ଉପୋଭୋଗ କରିବେ।*

*✧═════•❁❀❁•═════✧*

*🌹ଧନୁ🌹👉*

*କୌଣସି କାର୍ଯ୍ୟସାଧନ କ୍ଷେତ୍ରରେ ଟେନ୍‌ସନ ଲାଗି ରହିବା କାରଣରୁ ମାନସିକ ସ୍ଥିତି ଠିକ୍‌ ରହିବନାହିଁ। କିନ୍ତୁ କାରବାର ବୃଦ୍ଧି ହେତୁ ଆର୍ଥିକ ସ୍ବଚ୍ଛଳତା ଫେରି ଆସିବା କାରଣରୁ ସାମୟିକ ଆମତ୍ତୃପ୍ତି ଲାଭ କରିବେ। ଆଧ୍ୟାତ୍ମିକ ଭାବଧାରାରେ ଉଦ୍‌ବୁଦ୍ଧ ହେବେ। ସଭାସମିତିରେ ଆଲୋଚନାରେ ଏକମତ ହେବାକୁ ବାଧ୍ୟ ହେବେ ।*

*✧═════•❁❀❁•═════✧*

*🌹ମକର🌹👉*

*ଆପଣଙ୍କ ପରାମର୍ଶ ବନ୍ଧୁମାନଙ୍କ ମନକୁ ବେଶ୍‌ ପାଇବ, ଫଳରେ ପ୍ରଶଂସା ପାଇ ଖୁସୀ ହେବେ। ପ୍ରକାଶନ, ଏଜେନ୍ସିପ୍‌, ଆଇନ ଅଦାଲତ କ୍ଷେତ୍ରରେ ଶୁଭଫଳ ପାଇପାରନ୍ତି। ଉପରିସ୍ଥଙ୍କ ନିର୍ଦ୍ଦେଶରେ ହଠାତ୍‌ ଯାତ୍ରା କରିବାକୁ ପଡ଼ିପାରେ। ମାତ୍ର ରାସ୍ତାରେ ଅପରିଚିତ ବ୍ୟକ୍ତିବିଶେଷ ଚିନ୍ତାର କାରଣ ହୋଇପାରନ୍ତି।*

*✧═════•❁❀❁•═════✧*

*🌹କୁମ୍ଭ🌹*

*କର୍ମକ୍ଷେତ୍ରରେ ଲୋକସମ୍ପର୍କ ବୃଦ୍ଧି ସକାଶେ ନୂତନ ଉପାୟ ଖୋଜି ବାହାର କରିବାରେ ସମର୍ଥ ହେବେ। ପ୍ରତୀକ୍ଷା କରିଥିବା କୌଣସି ଖବର  ପାଇ ଖୁସି ହୋଇପାରନ୍ତି। ପାରିବାରିକ ସମସ୍ୟା, ହଜିଯାଇଥିବା ଜିନିଷ ପାଇଁ ବ୍ୟସ୍ତତା ବଢ଼ିଯିବ। ଅଫିସରେ ଛୋଟ ଘଟଣାକୁ ଚିନ୍ତା କରି ଟେନ୍‌ସନରେ ରହିପାରନ୍ତି।*

*✧═════•❁❀❁•═════✧*

*🌹ମୀନ🌹👉*

*ଆଜିର ଆନୁଷ୍ଠାନିକ କାମରେ ସମ୍ମାନନୀୟ ବ୍ୟକ୍ତି ବିଶେଷ ସହାୟତା କରିବେ। ସାହିତ୍ୟ, ସାମ୍ବାଦିକତା କାମରେ ଉଚ୍ଚ ପ୍ରଶଂସା ପାଇବେ। କଥା କଟାକଟି କାରଣରୁ ପରିବାରରେ ଅଶାନ୍ତ ପରିସ୍ଥିତି ସୃଷ୍ଟି ହେବା ସମ୍ଭାବନାକୁ ଏଡ଼ିହେବ ନାହିଁ। ଆର୍ଥିକ ସ୍ଥିତି ସେତେଟା ଭଲ ନ ଥିଲେ ମଧ୍ୟ କୌଣସି କାମ ଅଟକିବ ନାହିଁ।*

*✧═════•❁❀❁•═════✧*

ଛାତ ଉପରେ ଶୋଇଛି ମଣିଷ ଖିଆ ବାଘ

COASTAL NEWS ODIA 1353

ଛାତ ଉପରେ ଶୋଇଛି ମଣିଷ ଖିଆ ବାଘ

ନୂଆପଡ଼ା - (CNO) ଭଞ୍ଜ ବିହାରୀ ମହାନ୍ତି - ମଣିଷ ଖିଆ ବାଘ ଘରର ଛାତ ଉପରେ ଶୋଇଛି। ଗାଁରେ ଭୟର ବାତାବରଣ। ଟ୍ରାଙ୍କୁଲାଇଜ୍‌ ଟମ୍‌ ସହ ଘର ପାଖରେ ଜଗିଛି ବନ ବିଭାଗ। ହେଲେ ଗାଁ ଲୋକଙ୍କ ଆକ୍ରୋଶ ଯୋଗୁ ବାଘକୁ କାବୁ କରିପାରୁନି ବନ ବିଭାଗ। ନୂଆପଡା ସଦର ରେଞ୍ଜ ଧରମବନ୍ଧା ସେକସନ୍‌ର କୋଦପାଲି ଗାଁରେ ଦେଖିବାକୁ ମିଳିଛି ଏପରି ଚିତ୍ର। ଗାଁରେ ଏବେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି।

ଆଜି ସନ୍ଧ୍ୟା ବେଳେ କୋଦପାଲି ଗାଁ ଦାଣ୍ଡରେ ଛୋଟ ଛୋଟ ପିଲାମାନେ ଖେଳୁଥିଲେ। ମୌଜ ମଜ୍‌ଲିସ୍‌ କରୁଥିଲେ। ହସ୍‌ ଖୁସିରେ ମାତିଥିଲେ। ହଠାତ୍‌ ପିଲାମାନଙ୍କ ଉପରକୁ ଲମ୍ଫ ମାରିଲା ଗୋଟିଏ କଲରାପତରିଆ ବାଘ। ଆଉ ଆଖି ପିଛୁଳାକେ ଝାମ୍ଫିନେଲା ବଲକରାମ ବରିହାଙ୍କ ୮ ବର୍ଷର ପୁଅ ନୀଳକଣ୍ଠକୁ। ବାଘଟି ନୀଳକଣ୍ଠକୁ ମୁହଁରେ କାମୁଡ଼ି ଧରି ଦ୍ରୁତ ଗତିରେ ଧାଇଁ ପଳାଇ ଯାଉଥିଲା।

ସନ୍ଧ୍ୟାର ଶାନ୍ତ ପରିବେଶ ଭିତରେ ହଠାତ୍‌ କୋଳାହଳ ମୟ ହୋଇ ଉଠିଥିଲା। ବାଘ... ବାଘ... ଚିତ୍କାରରେ ଫାଟି ପଡ଼ିଲା ଗାଁର ପାଣି ପବନ। ଆଉ ତା’ପରେ କିଏ ହାତରେ ବାଡ଼ି ଧରିଲା ତ ଆଉ କିଏ ଧାରୁଆ ଅସ୍ତ୍ର ଧରିଲା। ତା’ପରେ ବାଘ ପଛେପଛେ ଧାଇଁଲେ। ଗାଁ ଲୋକଙ୍କ ଏ ଉଗ୍ର ରୂପ ଦେଖି ଡ଼ରି ଯାଇଥିଲା ବାଘ ମାମୁ। ନୀଳକଣ୍ଠକୁ ପକାଇଦେଇ ଜଣଙ୍କ ଘରର ଛାତ ଉପରକୁ ଚଢ଼ି ଯାଇଥିଲା। ଗାଁ ଲୋକେ ବାଘକୁ ଘଉଡାଇଥିଲେ। ଏହା ପରେ ବାଘଟି ଜଣଙ୍କ ଘର ଭିତରକୁ ପଶି ଯାଇଥିଲା। ସୌଭାଗ୍ୟକୁ ଘର ଭିତରେ କେହି ନଥିଲେ।

ବାଘଟି ବର୍ତ୍ତମାନ ସେହି ଘରର ଛାତ ଉପରେ ରହିଛି। ଏ ଖବର ପ୍ରଚାରିତ ହେବା ପରେ ଗାଁରେ ଚାପା ଉତ୍ତେଜନା ପ୍ରକାଶ ପାଇଛି। ଖବର ପାଇ ନୂଆପଡା ଏସିଏଫ୍‌ଙ୍କ ନେତୃତ୍ୱରେ ଏକ ଟିମ୍‌ ଗାଁରେ ପହଞ୍ଚିଛି। ଛାତ ଉପରେ ବାଘ ଶୋଇଥିବା ଦେଖି ଗାଁ ଲୋକଙ୍କୁ ବୁଝାସୁଝା କରୁଛି। ହେଲେ ବୁଝିବା ଅବସ୍ଥାରେ ନାହାନ୍ତି ଗାଁ ଲୋକ। ଗାଁ ଲୋକଙ୍କୁ ସୁରକ୍ଷା ଯୋଗାଇଦେବାକୁ ଦାବି କରିଛନ୍ତି। ପରେ ଗାଁରେ ଟ୍ରାଙ୍କୁଲାଇଜ୍‌ ଟିମ୍‌ ପହଞ୍ଚିଛି। ବାଘକୁ ଧରିବା ପାଇଁ ଘରେ ଚାରି ପାର୍ଶ୍ୱରେ ଜାଲ ବିଛାଇବା ସହିତ ଟ୍ରାଙ୍କୁଲାଇଟ୍‌ ଟିମ୍‌ ସଜାଗ ହୋଇ ବସିଛି।

ହେଲେ ଗାଁ ଲୋକେ ବାଘ ଥିବା ଘରକୁ ଛାଡ଼ି ଯାଉନାହାନ୍ତି। ଧୀରେ ଧୀରେ ଗହଳି ବଢୁଛି। ଯେଉଁଥିପାଇଁ ବନ ବିଭାଗ ସମସ୍ୟା ବଢ଼ୁଛି। ବାଘକୁ କେମିତି କାବୁ କରିବ, ସେହି ଚିନ୍ତାରେ ବନ ବିଭାଗ ପଡ଼ିଯାଇଛି। ଗହଳି ବଢ଼ୁଥିବାରୁ ଧରମବନ୍ଧା ଥାନାକୁ ଖବର ଦେଇଥିଲା ବନ ବିଭାଗ। ପୁଲିସ ଗାଁରେ ପହଞ୍ଚି ଲୋକଙ୍କ ଘଉଡାଉଛି।  ବନ ବିଭାଗ ବାଘକୁ ଧରିବାରେ ସଫଳ ହୋଇନାହିଁ। ବାଘଟି ଛାତ ଉପରେ  ଶୋଇଛି।

ସେପଟେ ବାଘ ମୁହଁରୁ ନୂଆ ଜୀବନ ପାଇଥିବା ନୀଳକଣ୍ଠକୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି। ସେଠାରେ ତାଙ୍କର ଚିକିତ୍ସା ଚାଲିଛି। ବର୍ତ୍ତମାନ ତାଙ୍କର ସ୍ୱାସ୍ଥ୍ୟ ଅବସ୍ଥା ଉଦ୍‌ବେଗଜନକ ରହିଛି।

ଇଡି ଅଧ୍ୟାକାରୀଙ୍କୁ ବାନ୍ଧିଲା ରାଜସ୍ଥାନ ପୁଲିସ

COASTAL NEWS ODIA 1352

ଇଡି ଅଧ୍ୟାକାରୀଙ୍କୁ ବାନ୍ଧିଲା ରାଜସ୍ଥାନ ପୁଲିସ

ଜୟପୁର,୨୧୧- (CNO) ବିଧାନସଭା ନିର୍ବାଚନ ପରିପ୍ରେକ୍ଷୀରେ ରାଜସ୍ଥାନରେ ଇଡି କାର୍ଯ୍ୟାନୁଷ୍ଠାନ ଜୋର୍‌ଦାର ହୋଇଛି। ରାଜ୍ୟ ପୁଲିସ ଗୁରୁବାର ଏହାର ମୁକାବିଲା ସ୍ଵରୂପ ଇଡି ଅଧିକାରୀ ନଭଲ କିଶୋର ମୀଣାଙ୍କୁ ଗିରଫ କରିଛି । ଚିଟ୍‌ଫଣ୍ଡ ମାମଲାର

ରଫାଦଫା ପାଇଁ ମୀଣା ୧୫ ଲକ୍ଷ ଟଙ୍କା ଲାଞ୍ଚ ନେଉଥିବା ସମୟରେ ପୁଲିସର ଦୁର୍ନୀତି ବିରୋଧୀ ବାହିନୀ ଏସିବି ଦ୍ବାରା (ଏସିବି) ହାତରେ ଧରାପଡ଼ିଛନ୍ତି । ତାଙ୍କ ସହଯୋଗୀ ବାବୁଲାଲ ମୀଣା ମଧ୍ୟ ଗିରଫ ହୋଇଛନ୍ତି। ଜଣେ ମଧ୍ୟସ୍ଥି ମାଧ୍ୟମରେ ସେମାନେ ଲାଞ୍ଛ ଟଙ୍କା ଗ୍ରହଣ କରୁଥିଲେ। 

ଚିଟ୍‌ଫଣ୍ଡ ମାମଲାକୁ ଖାରଜ ସହ ଅଭିଯୁକ୍ତଙ୍କୁ ଗିରଫ ନ କରିବା ଓ ସେମାନଙ୍କ ସମ୍ପତ୍ତି ବାଜ୍ୟାପ୍ତ ନକରିବା ପାଇଁ ଦୁଇ ଅଧିକାରୀ ୧୭ଲକ୍ଷ ଟଙ୍କା ଉନ୍ମୋଚ ଦାବି କରିଥିଲେ । ମଧ୍ୟସ୍ଥଙ୍କ ମାଧ୍ୟମରେ ଏହା ୧୫ ଲକ୍ଷରେ ତ୍ରୁଟିଥିଲା। ରାଜସ୍ଥାନ ଏସିବି ଏହି ମାମଲାରେ ରାଜ୍ୟର ବିଭିନ୍ନ ସ୍ଥାନରେ ଚଡ଼ର କଳାବେଳେ ନଭଲ କିଶୋରଙ୍କ ବିରୋଧରେ ଆୟ ବହିଭୂତ ସମ୍ପଇ ଦୁଇ ମାମଲା ମଧ୍ୟ ଦାୟର କରିଛି ।

189

ଆଇପିଏସ୍‌ ଅଫିସର ସ୍ତରରେ ଛୋଟ ଧରଣର ଅଦଳବଦଳ

COASTAL NEWS ODIA 1351

ଆଇପିଏସ୍‌ ଅଫିସର ସ୍ତରରେ ଛୋଟ ଧରଣର ଅଦଳବଦଳ

ଭୁବନେଶ୍ୱର,୪ା୧୧ (CNO) ଭଞ୍ଜ ବିହାରୀ ମହାନ୍ତି - ରାଜ୍ୟ ସରକାର ଆଇପିଏସ୍‌ ଅଫିସର ସ୍ତରରେ ଛୋଟ ଧରଣର ଅଦଳବଦଳ କରିଛନ୍ତି। ଏ ନେଇ ଶନିବାର ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି। ପ୍ରକାଶିତ ବିଜ୍ଞପ୍ତି ଅନୁଯାୟୀ, ମୟୂରଭଞ୍ଜ ଏସ୍‌ପି ତଥା ୨୦୧୧ ବ୍ୟାଚ୍‌ର ଆଇପିଏସ୍‌ ଅଫିସର ବି. ଗଙ୍ଗାଧରଙ୍କୁ ରାଜ୍ୟ ସରକାର ପୋଲିସ ମୁଖ୍ୟାଳୟକୁ ବଦଳି କରିଛନ୍ତି। ତାଙ୍କ ସ୍ଥାନରେ ନବରଙ୍ଗପୁର ଏସ୍‌ପି ୨୦୧୮ ବ୍ୟାଚ୍‌ର ଆଇପିଏସ୍‌ ଅଫିସର ଏସ୍‌. ସୁଶ୍ରୀଙ୍କୁ ମୟୂରଭଞ୍ଜ ଏସ୍‌ପି ଭାବେ ବଦଳି କରାଯାଇଛି। 

ବାଲିଗୁଡ଼ା ଏସ୍‌ଡିପିଓ ତଥା ୨୦୧୯ ବ୍ୟାଚ୍‌ ଆଇପିଏସ୍‌ ଅଫିସର ରୋହିତ ବର୍ମାଙ୍କୁ ନବରଙ୍ଗପୁର ଏସ୍‌ପି ଭାବେ ବଦଳି କରାଯାଇଛି।

ଆଜିର ରାଶିଫଳ

COASTAL NEWS ODIA 1350

*🌹🌼👉ମହାବୀର ପଞ୍ଜିକା👈🌼🌹*

*ଓଡ଼ିଶା ବ୍ରାହ୍ମଣସମାଜ ଦ୍ଵାରା ଅନୁମୋଦିତ* *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୦୪ ତାରିଖ ୨୦୨୩ ମସିହା(ଶନିବାର)*

*✧═════•❁❀❁•═════✧* 

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ* 🌹👇

 *ଆଜି ବିଭିନ୍ନ ଦିଗରୁ ଅର୍ଥର ସମାଗମ ହେବ, କିନ୍ତୁ ସମସ୍ୟା ଛାଡ଼ିବ ନାହିଁ । ସାହିତ୍ୟ, ସାମ୍ବାଦିକତା, ସଙ୍ଗଠନ ଓ ରାଜନୀତିରେ ଦୃଢ଼ ପୃଷ୍ଠପୋଷକତା ଯୋଗୁ ଆଗେଇଯିବେ। ସନ୍ତାନଙ୍କ ବୈବାହିକ କର୍ମ ପରିପ୍ରେକ୍ଷୀରେ ନୂତନ ବନ୍ଧୁ ପ୍ରସ୍ତାବ ସ୍ଥିରୀକୃତ ହୋଇପାରେ। ସ୍ବାସ୍ଥ୍ୟରେ ଉନ୍ନତି ପରିଲକ୍ଷିତ ହେବା ସୂଚନା ରହିଛି ।* 

*✧═════•❁❀❁•═════✧*

*🌹ବୃଷ🌹👇*

*ଆଜି ଆନୁଷଙ୍ଗିକ ସାହାଯ୍ୟ ସହଯୋଗ ଲାଭକରିବା କଷ୍ଟକର ହୋଇପାରେ। ଫଳରେ ନିକଟ ସମ୍ପର୍କୀୟମାନଙ୍କ ଚକ୍ରାନ୍ତରୁ କେତେକ ଅପୂରଣୀୟ ଆଶା ମନରେ ଦୁଃଖ ଦେଇପାରେ। ପରିବହନ ଓ ଆମଦାନୀ ବାଣିଜ୍ୟରେ ଉନ୍ନତି କରିବେ। ପାରିବାରିକ କ୍ଷେତ୍ରରେ ଅନ୍ତର୍ଦ୍ୱନ୍ଦ୍ୱ ସୃଷ୍ଟି ହୋଇ ଭ୍ରାତୃ ସମ୍ପର୍କରେ ଅବନତି ଘଟିବ।*

*✧═════•❁❀❁•═════✧*

*🌹ମିଥୁନ🌹👇*

*ଆଜି  ଆପଣଙ୍କ ଅଭିଳାଷ ପୂରଣ  ଓ ନୂତନ ଭାବରେ ଆରମ୍ଭ କରିଥିବା କାର୍ଯ୍ୟ ହାସଲ ପାଇଁ ଚେଷ୍ଟାକଲେ ନିଶ୍ଚିତ ଉପକୃତ ହେବେ। କର୍ମକ୍ଷେତ୍ରରେ ପଦସ୍ଥ ବ୍ୟକ୍ତିଙ୍କ ସାନ୍ନିଧ୍ୟ ଲାଭ କରିପାରନ୍ତି, ଯାହାକି ପରିସ୍ଥିତିକୁ ସରଳ କରିବାରେ ସହାୟକ ହେବ। ପ୍ରତିବନ୍ଧକ କାରଣରୁ ବ୍ୟବସାୟୀମାନଙ୍କ ପାଇଁ ଦିନଟି ଭଲରେ କଟିବ ନାହିଁ।*

*✧═════•❁❀❁•═════✧*

*🌹କର୍କଟ🌹👇*

*ଆଜି ଆପଣ ଯାହା ଚାହୁଁଛନ୍ତି ତାହା ପାଇବାରେ ଅସୁବିଧା ଦେଖାଦେବ। କିନ୍ତୁ କର୍ମକ୍ଷେତ୍ରରେ ଭୁଲ୍‌ ଖବର ପାଇ ସାମୟିକ ଭାବରେ ବିବ୍ରତ ହୋଇପାରନ୍ତି। ଦୂରଯାତ୍ରାରେ କାର୍ଯ୍ୟସିଦ୍ଧି ଘଟିବ, ମାତ୍ର ହୁଏତ ସୁଯୋଗ ପାଇବା ସହଜ ହୋଇ ନ ପାରେ। ପାରିବାରିକ ଜୀବନରେ ପକ୍ଷପାତିତା ଅଶାନ୍ତିର କାରଣ ହେବ।*

*✧═════•❁❀❁•═════✧*

*🌹ସିଂହ🌹👇*

*କର୍ମକ୍ଷେତ୍ରରେ ସ୍ଥଗିତ କାର୍ଯ୍ୟର ଅଗ୍ରଗତି ଘଟିବ, କିନ୍ତୁ  କେତେକ କାମରେ ପଶ୍ଚାତାପ ଜନିତ ମନସ୍ତାପ କରିପାରନ୍ତି। ପରିବାରରେ ଅଶାନ୍ତିକର ପରିବେଶ ସୃଷ୍ଟି ହେବାର ସୂଚନା ରହିଛି । ଦେହ ଭଲ ରହିବା ସାଙ୍ଗକୁ କର୍ମକ୍ଷେତ୍ରରେ ପ୍ରଶଂସିତ ହେବେ। ଆଶା କରିଥିବା ଜିନିଷ ବିଳମ୍ବରେ ପାଇବେ।*

*✧═════•❁❀❁•═════✧*

*🌹କନ୍ୟା🌹👇*

*ନିଜ ଲୋକମାନଙ୍କ ସହଯୋଗ ଲାଭ କରି ନୂତନ କର୍ମାରମ୍ଭ କରିବାରେ ସମର୍ଥ ହେବେ। ଭଲ ସମ୍ପର୍କ ନ ଥିବା ବନ୍ଧୁଙ୍କ ଛଳନାମତ୍କ କଥାକୁ ଠିକ୍‌ ଭାବେ ବୁଝି ପାରିବେନି । ସାହିତ୍ୟ, ଚିତ୍ର୍ରକଳା, ଲେଖାପଢ଼ା ତଥା ପ୍ରକାଶନ କ୍ଷେତ୍ରରେ ଶୁଭଫଳ ପାଇବେ। ଗୃହ, ଭୂମି, ଗାଡ଼ିମୋଟର ସମ୍ପର୍କିତ ଦୁଶ୍ଚିନ୍ତା ଆସିବ ।*

*✧═════•❁❀❁•═════✧*

*🌹ତୁଳା🌹👇*

*ଅର୍ଥନୈତିକ ଅଭିବୃଦ୍ଧି ସହ ସାମାଜିକ ପ୍ରତିଷ୍ଠା ବୃଦ୍ଧି ଅନୁଭବ କରି ଖୁସୀ । ବନ୍ଧୁଙ୍କ ଜରିଆରେ କୌଣସି ବିଭ୍ରାନ୍ତିକର ଖବର ପାଇ ସାମୟିକ ଭାବରେ ବିବ୍ରତ ହୋଇପାରନ୍ତି। କର୍ମକ୍ଳାନ୍ତ ଶରୀର ସାଙ୍ଗକୁ ଦୈହିକ ଦୁର୍ବଳତା କର୍ମକ୍ଷେତ୍ରକୁ ମନ୍ଥର କରିପାରେ। ମନକୁ ନ ପାଇବା ହେତୁ କିଣି ଆଣିଥିବା ଜିନିଷ ବଦଳାଇବା ପାଇଁ କଷ୍ଟକର ହେବା ସୂଚନା ରହିଛି ।*

*✧═════•❁❀❁•═════✧*

*🌹ବିଛା🌹👇*

*ଆଜି ଲକ୍ଷ୍ୟହୀନ ଭ୍ରମଣ ସାଙ୍ଗକୁ କାର୍ଯ୍ୟ କ୍ଷେତ୍ରକୁ ଶୃଙ୍ଖଳିତ ରହିବ ନାହିଁ। ଆଶା କରୁଥିବା ଅର୍ଥ ପାଇବା ସହଜ ହେବନାହିଁ ବରଂ ଖର୍ଚ୍ଚାନ୍ତ ହୋଇ ମନସ୍ତାପ କରିବେ। ପରୋକ୍ଷ ଶତ୍ରୁତା କାରଣରୁ କର୍ମକ୍ଷେତ୍ରର ଘଟଣା ଗୁଡ଼ାକ ଅସାଧାରଣ ମନେହେବ। ପରିବାରରେ ନିଜ ଜିଦ୍‌ରେ ଅଟଳ ରହି ସମସ୍ୟାକୁ ନିମନ୍ତ୍ରଣ କରିପାରନ୍ତି।*

*✧═════•❁❀❁•═════✧*

*🌹ଧନୁ🌹👇*

*ଆଜି ଅର୍ଥ ସମ୍ପର୍କିତ ସମସ୍ୟା ଦୁଶ୍ଚିନ୍ତାର କାରଣ ପାଲଟି ଯିବ । ଅବଶ୍ୟ ଆଶାନୁରୂପକ ସଫଳତା ହାସଲ କରିବାରେ ଜଣେ ବିଜାତୀୟ ବନ୍ଧୁ ସାହାଯ୍ୟ କରିବେ ।କେତେକ କ୍ଷେତ୍ରରେ ସୁଯୋଗ ପାଇଲେ ମଧ୍ୟ ସଦ୍‌ବ୍ୟବହାର କରିବା କାଠିକର ପାଠ ହୋଇପାରେ। ସ୍ବାସ୍ଥ୍ୟ ପ୍ରତି ସାବଧାନତା ଅବଲମ୍ବନ ନ କଲେ ପଶ୍ଚାନ୍ତେ ଅନୁତାପ କରିବାକୁ ପଡ଼ିପାରେ।*

*✧═════•❁❀❁•═════✧*

*🌹ମକର🌹*👇

*ଆପଣଙ୍କୁ ବନ୍ଧୁଙ୍କ ପ୍ରତି ଅନୁରକ୍ତି ସୃଷ୍ଟିକରି ପାରିବାରିକ କଳହ ଦେଖାଦେଇପାରେ । ଅଫିସ୍‌ କାମରେ ଫାଇଲ୍‌ କାମ ଅଟକି ରହିଥିବା ସକାଶେ ଅନୁତାପ କରିବାକୁ ପଡ଼ିପାରେ । ଆଜିର ଯାତ୍ରାର ଲକ୍ଷ୍ୟ ପୂରଣ ହେବ । ପୂର୍ବ ଶତ୍ରୁତାକୁ ନେଇ ଈର୍ଷା ମନୋଭାବ ପୋଷଣ କରି ଆତ୍ମୀୟସ୍ବଜନ ଦୂରେଇଯାଇପାରନ୍ତି।*

*✧═════•❁❀❁•═════✧*

*🌹କୁମ୍ଭ🌹👇*

*ଆନୁଷଙ୍ଗିକ ସାହାଯ୍ୟ ଲାଭକରି ଅଟକି ରହିଥିବା କାମକୁ ସମ୍ପନ୍ନ କରିବାରେ ସମର୍ଥ ହେବେ। ଅତୀତର ବିବାଦୀୟ ଘଟଣା ମନକୁ ବିବ୍ରତ କରିପାରେ । ଯେତେ ଭଲ କାମ କଲେ ମଧ୍ୟ ଅନ୍ୟମାନେ ଦୋଷ ଖୋଜି ବୁଲିବେ । ଏଣୁ ସାବଧାନତା ନିତାନ୍ତ ଦରକାର। ଯାତ୍ରା, ପ୍ରଶାସନ, ଆଇନ, କଳା, ସାହିତ୍ୟ କ୍ଷେତ୍ର ମନ୍ଦ ହେବନି।*

*✧═════•❁❀❁•═════✧*

*🌹ମୀନ🌹👇*

*ଆଜିର ଜୀବନଯାତ୍ରା ପାଇଁ ଅନୁକୂଳ ରହିବ। ଆଶା କରୁଥିବା ବନ୍ଧୁଙ୍କଠାରୁ ସାହାଯ୍ୟ ଓ ସହଯୋଗ ପାଇ ସ୍ଥଗିତ କାମକୁ ତ୍ୱରାନ୍ବିତ କରିବେ । ଯାତ୍ରା ସମୟରେ ଅଜଣା ଅଶୁଣା ବ୍ୟକ୍ତିଙ୍କଠାରୁ ଦୂରେଇ ରହିବା ଭଲ। ଆର୍ଥିକ ଅଭାବ ଓ ଅନଟନ କେତେକ କାମକୁ ସ୍ଥଗିତ ରଖିଦେଇପାରେ।*

*✧═════•❁❀❁•═════✧*

ଆଜିର ରାଶିଫଳ

COASTAL NEWS ODIA 1349

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ନଭେମ୍ବର ମାସ ୦୩ ତାରିଖ ୨୦୨୩ ମସିହା(ଶୁକ୍ରବାର)*

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*ମେଷ*👉 : *ଆଜି  ଦିନଟି  ନିଜର କ୍ୟାରିୟର ସୁଧାର ପାଇଁ   ଭଲ ହେବ। କୌଣସି ଅନୁବନ୍ଧ ପାଇଁ ଭଲ ସୁଯୋଗ ମିଳିବ। ପାରିବାରିକ କାର୍ଯ୍ୟରେ ପରିବାରର ସବୁ ସଦସ୍ୟଙ୍କ ସହଯୋଗ ପାଇବେ। ପ୍ରେମରେ ସଫଳତା ମିଳିବ।* 

*✧═════•❁❀❁•═════✧*

*ବୃଷ:👉ଆଜି ଆପଣଙ୍କ ଭାବନା  ରଚନାତ୍ମକ ରହିବ। ସମ୍ମାନିତ ଲୋକଙ୍କ ଠାରୁ ସମ୍ମାନ ପାଇବେ। ବ୍ୟବସାୟରୁ ସହକର୍ମୀଙ୍କ ମାଧ୍ୟମରେ ଲାଭ ପାଇବେ। ମହିଳାମାନେ ଜରୁରୀ ଜିନିଷପତ୍ର କିଣିବାରେ ବ୍ୟସ୍ତ ରହି ପରନ୍ତି।* 

*✧═════•❁❀❁•═════✧*

*ମିଥୁନ:👉* *ଆଜି ନିଜର ନୂଆ ବିଚାର ଆର୍ଥିକ ଉନ୍ନତି ଲାଗି ଲାଭଦାୟକ ରହିବ। ବ୍ୟବସାୟରେ ଜୀବନସାଥୀଙ୍କ ସହଯୋଗ ମିଳିବ। ଅଫିସରେ କୌଣସି ଖୁସି ଖବର ମିଳିବ। ପ୍ରେମ ବ୍ୟାପାର ଲାଗି ଦିନଟି ଭଲ।* 

*✧═════•❁❀❁•═════✧*

*କର୍କଟ: 👉ଆଜି ଦିନଟି ଆପଣଙ୍କ ଲାଗି ଅନୁକୂଳ। ସାହସିକ ଫଇସଲାରେ ସଫଳତା ମିଳିବ। ଜୀବନସାଥୀଙ୍କ ସହିତ ଉତ୍ତମ ସମ୍ବନ୍ଧ ବଜାୟ ରହିବ। ଛାତ୍ରଙ୍କ କ୍ୟାରିୟରରେ ନୂଆ ମୋଡ଼ ଆସିପାରେ।* 

*✧═════•❁❀❁•═════✧*

 *ସି˚ହ:👉 ଆଜି ଆପଣ କୌଣସି ନିଷ୍ପତି ତରବରିଆ ଭାବେ କଲେ କ୍ଷତିରେ ପଡିପାରନ୍ତି। ସନ୍ତାନଙ୍କ ପକ୍ଷରୁ ଭଲ ଖବର ପାଇବେ। ପରିବାରରେ ଏକତା ଓ ସୁଖ ବୃଦ୍ଧି ହେବ। ବନ୍ଧୁଙ୍କ ସହିତ ଭ୍ରମଣରେ ଯିବା ପାଇଁ ଯୋଜନା କରିବେ।* 

*✧═════•❁❀❁•═════✧*

 *କନ୍ୟା: 👉ଆଜି ଦିନଟି ଆପଣଙ୍କ ଲାଗି ଠିକ୍‌ଠାକ୍‌ ରହିବ। ସାମାଜିକ ଓ ରାଜନୈତିକ କାର୍ଯ୍ୟରେ ସମୟ କଟିବ। ମିତ୍ରଙ୍କର ପୂରା ସହଯୋଗ ପାଇବେ। ହଠାତ୍ ଧନପ୍ରାପ୍ତି ଯୋଗ ରହିଛି। ପାରିବାରିକ ଜୀବନ ସୁଖମୟ ହେବ।* 

*✧═════•❁❀❁•═════✧*

*ତୁଳା:*👉 *ଆଜି ଦିନଟି ଆପଣଙ୍କ ପାଇଁ ସବୁ ଦୃଷ୍ଟିରୁ ଭଲରହିବ । ଖୁବ୍‌ ମଜା କରିବେ ଓ ଖୁସି ରହିବେ। ପ୍ରିୟବନ୍ଧୁଙ୍କ ସହିତ ସମ୍ବନ୍ଧ ମଧୁର ହେବ। ଅଫିସରେ ଆପଣଙ୍କର କର୍ତ୍ତୃତ୍ବ ବଜାୟ ରହିବ। ବ୍ୟବସାୟୀଙ୍କୁ ଅଚାନକ ଧନଲାଭ ସୁଯୋଗ ମିଳିବ।* 

*✧═════•❁❀❁•═════✧*

 *ବିଛା:👉 କୌଣସି ରଚନାତ୍ମକ କାମରେ ଆଜି ଆପଣଙ୍କର ନାମ ଚର୍ଚ୍ଚା ରେ ରହିବ। ବ୍ୟବସାୟରେ ନୂଆ କୌଶଳ ପ୍ରୟୋଗ କରିବେ ଯାହା ଦ୍ବାରା ଭବିଷ୍ୟତରେ ଲାଭ ମିଳିବ। ପରିବାର ଲୋକେ ଆପଣଙ୍କ ଉପରେ ବହୁତ ଭରସା କରିବେ।* 

*✧═════•❁❀❁•═════✧*

*ଧନୁ:👉 ଆପଣ ଅନ୍ୟମାନଙ୍କ ଭାବନା ପ୍ରତି ଆଜି ବିଶେଷ ଯତ୍ନବାନ ରହିପାରନ୍ତି। ଧର୍ମ ସମ୍ବନ୍ଧିତ ପୁସ୍ତକ ପଢ଼ିବାରେ ରୁଚି ବଢ଼ିବ। ସ୍ଥଗିତ ଥିବା କାର୍ଯ୍ୟ କୌଣସି ବନ୍ଧୁଙ୍କ ଦ୍ବାରା ପୂରା ହେବ। ସ୍ବାସ୍ଥ୍ୟ ପ୍ରତି ସଚେତ ରହନ୍ତୁ।* 

*✧═════•❁❀❁•═════✧*

*ମକର:*👉 *ଆପଣ ନିଜ କାମରେ ଆଜି ପ୍ରଶ˚ସା ଓ ପୁରସ୍କାର ପାରନ୍ତି ।ବାଣିଜ୍ୟ କରବାର ବୃଦ୍ଧି ଲାଗି ଦିନଟି ବିଶେଷ ଶୁଭ। ଧନ ସ˚ପତ୍ତି ବୃଦ୍ଧି ହେବ। ରାଜନୀତିରେ ଆଧିପତ୍ୟ ବଢ଼ିବ। ପରିବାର ସହିତ ହସଖୁସିରେ ସମୟ କଟିବ।* 

*✧═════•❁❀❁•═════✧*

 *କୁମ୍ଭ:👉ଆଜି ଇଷ୍ଟଦେବୀ ଙ୍କ ଆରାଧନାରେ ମନରେ ସକାରାତ୍ମକ ଶକ୍ତି ସ˚ଚାର ହେବ। ପ୍ରସ୍ତୁତ କରିଥିବା ଯୋଜନା ଅନୁସାରେ କାମ କରିବେ। ଅଫିସରେ ସହକର୍ମୀଙ୍କ ସହଯୋଗ ମିଳିବ। ଦାମ୍ପତ୍ୟ ଜୀବନରେ ମଧୁରତା ବଢ଼ିବ।* 

*✧═════•❁❀❁•═════✧*

 *ମୀନ:👉ଦିନଟି ଆପଣଙ୍କୁ ଆଜି ଶୁଭାଶୁଭ ମିଶ୍ରିତ ଫଳ ପ୍ରଦାନ କରିବ। ବଡ଼ ବ୍ୟବସାୟ ଲାଗି କୌଣସି ବ୍ୟକ୍ତିସହ ଚୁକ୍ତି କରିପାରନ୍ତି। ଭାବିଚିନ୍ତି ଖର୍ଚ୍ଚ ନକଲେ ଅସୁବିଧାରେ ପଡ଼ିପାରନ୍ତି। କୋର୍ଟ କଚେରି ମାମଲାରେ ଚିନ୍ତା ବଢ଼ି ପାରେ •❁❀❁•═════✧*

ଡାଇବେଟିସ ପୀଡିତ ଲୋକମାନଙ୍କ ପାଇଁ ଛୁଞ୍ଚିମୁକ୍ତ ଇନସୁଲିନ ଓରାଲ ସ୍ପ୍ରେ

COASTAL NEWS ODIA 1347

ଡାଇବେଟିସ ପୀଡିତ ଲୋକମାନଙ୍କ ପାଇଁ ଛୁଞ୍ଚିମୁକ୍ତ ଇନସୁଲିନ ଓରାଲ ସ୍ପ୍ରେ 

ହାଇଦ୍ରାବାଦ,୨।୧୧ - (CNO) ଭଞ୍ଜ ବିହାରୀ ମହାନ୍ତି - ଡାଇବେଟିସ ସମସ୍ୟାରେ ପୀଡିତ ଲୋକେ ଏବେ ଆଉ ଇନସୁଲିନ ଇଞ୍ଜେକଶନ ନେବାକୁ ଭୟ କରିବାର ଆବଶ୍ୟକତା ନାହିଁ। ଖୁବ ଶୀଘ୍ର ବଜାରରେ ଇନସୁଲିନ ସ୍ପ୍ରେ ବିକ୍ରି ହେବାକୁ ଯାଉଛି। ଆସନ୍ତା ଦୁଇ-ତିନି ବର୍ଷ ମଧ୍ୟରେ ଇନସୁଲିନ ସ୍ପ୍ରେ ଉପଲବ୍ଧ ହେବାର ସମ୍ଭାବନା ଅଛି । ଏହା ସାହାଯ୍ୟରେ ଲୋକେ ଇଞ୍ଜେକଶନବ୍ୟବହାର କରିବା ପରିବର୍ତ୍ତେ ସ୍ପ୍ରେ ଦ୍ୱାରା ଇନସୁଲିନ ଗ୍ରହଣ କରି ପାରିବେ।

ଏକ ମିଡିଆ ରିପୋର୍ଟ ଅନୁଯାୟୀ, ଦୁଇ ବର୍ଷ ପୂର୍ବେ ଆରମ୍ଭ ହୋଇଥିବା ନିଡଲଫ୍ରି ଟେକ୍ନୋଲୋଜି ପ୍ରାଇଭେଟ ଲିମିଟେଡ ଛୁଞ୍ଚିମୁକ୍ତ ଇନସୁଲିନ ଓରାଲ ସ୍ପ୍ରେ ବିକଶିତ କରିବାକୁ ଦାବି କରୁଛି। କୁହାଯାଉଛି ଏହା ହେଉଛି ବିଶ୍ୱର ପ୍ରଥମ ଇନସୁଲିନ ସ୍ପ୍ରେ, ଯାହାର ନାମ ଓଜୁଲିନ ରଖାଯାଉଛି। ହାଇଦ୍ରାବାଦ ଭିତ୍ତିକ ଗବେଷଣା ଏବଂ ବିକାଶ କମ୍ପାନୀ ଟ୍ରାନ୍ସଜେନ ବାୟୋଟେକ ଲିମିଟେଡ ଭାବରେ କମ୍ପାନୀ ଆରମ୍ଭ ହୋଇଥିଲା।

ବର୍ତ୍ତମାନ କମ୍ପାନୀ ପରବର୍ତ୍ତୀ ପରୀକ୍ଷା ପାଇଁ ଅନୁମତି ମାଗିଛି। ସୁରକ୍ଷା ଅଧ୍ୟୟନର ଅନୁମୋଦନ ପାଇଁ କମ୍ପାନୀ ସେଣ୍ଟ୍ରାଲ ଡ୍ରଗ ଷ୍ଟାଣ୍ଡାର୍ଡ କଣ୍ଟ୍ରୋଲ ନିକଟକୁ ଆସିଛି।

ଏହା ପରେ, ସ୍ପ୍ରେର ମାନବ କ୍ଲିନିକାଲ ପରୀକ୍ଷା କରାଯିବ। ଅଷ୍ଟିଓପୋରୋସିସ ଏବଂ ଆଲଜାଇମର ଭଳି ସମସ୍ୟା ପାଇଁ କମ୍ପାନୀ ଓରାଲ ସ୍ପ୍ରେ ପ୍ରସ୍ତୁତ କରିବା ଦିଗରେ ମଧ୍ୟ କାର୍ଯ୍ୟ କରୁଛି।

ଓଜୋନ୍ ସ୍ତରରେ ଏକ ନୂତନ ଛିଦ୍ର

COASTAL NEWS ODIA 1347

ଓଜୋନ୍ ସ୍ତରରେ ଏକ ନୂତନ ଛିଦ୍ର

​ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ବୈଜ୍ଞାନିକମାନେ ଦାବି କରିଛନ୍ତି ଯେ ପୃଥିବୀର ଓଜୋନ୍ ସ୍ତରରେ ଏକ ନୂତନ ଛିଦ୍ର ମିଳିଛି, ଯାହା ପୃଥିବୀର ଅର୍ଦ୍ଧାଧିକ ଲୋକଙ୍କ ପାଇଁ ଚର୍ମ କର୍କଟ ଏବଂ ଅନ୍ୟାନ୍ୟ ରୋଗ ହେବାର ଆଶଙ୍କା ସୃଷ୍ଟି କରିଥାଏ। ଏହି ନୂତନ ଆବିଷ୍କାର ବିଷୟରେ ସୂଚନା ଏକ ଜର୍ଣ୍ଣାଲରେ ଦିଆଯାଇଛି। ଆବିଷ୍କାର କହିଛି ଯେ ଆଣ୍ଟାର୍କଟିକା ଉପରେ ମିଳିଥିବା ନଅ ନିୟୁତ ବର୍ଗ ମାଇଲ ଗର୍ତ୍ତଠାରୁ ଏହି ନୂତନ ଗର୍ତ୍ତ ସାତଗୁଣ ବଡ଼। 

ଓଜୋନ୍ ସ୍ତର ପୃଥିବୀ ପାଇଁ ପ୍ରତିରକ୍ଷା ଢାଲ ଭାବରେ କାର୍ଯ୍ୟ କରେ। ଏହା ପୃଥିବୀଠାରୁ ପ୍ରାୟ ୨୪ କିଲୋମିଟର ଦୂରରେ ଅବସ୍ଥିତ ଏବଂ ଆମକୁ ଅତି-ବାଇଗଣୀ ରଶ୍ମିରୁ ରକ୍ଷା କରିଥାଏ ଯାହା ଚର୍ମ କର୍କଟ ସୃଷ୍ଟି କରିଥାଏ। ଯଦି ନୂତନ ଛିଦ୍ର ବିଷୟରେ ଦାବିଗୁଡିକ ନିଶ୍ଚିତ ହୁଏ, ତେବେ ଏହା ଚର୍ମ କର୍କଟ ଏବଂ ମୋତିଆବିନ୍ଦୁ ସମେତ କୋଟି କୋଟି ଲୋକଙ୍କୁ ବିପଦରେ ପକାଇବ।

ମଣିଷର ରୋଗ ପ୍ରତିରୋଧ ଶକ୍ତିକୁ ଦୁର୍ବଳ କରିପାରେ ବୋଲି ଗବେଷକ ମୁଖ୍ୟ କହିଛନ୍ତି, ‘ଓଜୋନ୍ ଛିଦ୍ରର ଉପସ୍ଥିତି ଏକ ବିଶ୍ୱସ୍ତରୀୟ ଚିନ୍ତାର କାରଣ ହୋଇପାରେ। ଓଜୋନ୍ ସ୍ତରରେ ଅବନତି ପୃଥିବୀରେ ୟୁଭି ବିକିରଣକୁ ବଢ଼ାଇପାରେ, ଯାହା ଚର୍ମ କର୍କଟ ଏବଂ ମଣିଷରେ ମୋତିଆବିନ୍ଦୁ ହେବାର ଆଶଙ୍କା ବୃଦ୍ଧି କରିବାର ଆଶଙ୍କା ରହିଛି।

୧୯୮୦ରୁ ରହିଛି ଗର୍ତ୍ତ ବୈଜ୍ଞାନିକ ଲୁ କହିଛନ୍ତି, ‘ବର୍ତ୍ତମାନର ଆବିଷ୍କାରରେ ଓଜୋନ୍ ହ୍ରାସ, ୟୁଭି ବିକିରଣର ପରିବର୍ତ୍ତନ, ଚର୍ମ କର୍କଟ ହେବାର ଆଶଙ୍କା ଏବଂ ସ୍ୱାସ୍ଥ୍ୟ ଏବଂ ଇକୋସିଷ୍ଟମ ଉପରେ ଅନ୍ୟାନ୍ୟ ନକାରାତ୍ମକ ପ୍ରଭାବ ଉପରେ ଅଧିକ ଗଭୀର ଅଧ୍ୟୟନ ଆବଶ୍ୟକ।’ ବିଶ୍ୱାସ କରାଯାଏ ଯେ ଏହି ଗର୍ତ୍ତ ୧୯୮୦ରୁ ବିଦ୍ୟମାନ ଥିବାବେଳେ ବର୍ତ୍ତମାନ ଚିହ୍ନଟ ହୋଇଛି।

ଚନ୍ଦ୍ରରେ ମାନବ ବସତି ସ୍ଥାପନ ପାଇଁ ନାସାର ପ୍ରକଳ୍ପ

COASTAL NEWS ODIA 1346

ଚନ୍ଦ୍ରରେ ମାନବ ବସତି ସ୍ଥାପନ ପାଇଁ ନାସାର ପ୍ରକଳ୍ପ 

ନୂଆଦିଲ୍ଲୀ _(CNO) ଭଞ୍ଜ ବିହାରୀ ମହାନ୍ତି - ଚନ୍ଦ୍ରରେ ମାନବ ବସତି ସ୍ଥାପନ ପାଇଁ ନାସାର ପ୍ରକଳ୍ପ ବିଷୟରେ ପୃଥିବୀବାସୀ ଅଳ୍ପବହୁତେ ଅବଗତ ଅଛନ୍ତି। ବର୍ତ୍ତମାନ ଅନ୍ୟ ଏକ ମହାକାଶ ସଂସ୍ଥା ଚନ୍ଦ୍ର ପୃଷ୍ଠରେ ମହାକାଶଯାନ ପାଇଁ ଏକ ରାସ୍ତା ଏବଂ ଲ୍ୟାଣ୍ଡିଂ ପ୍ୟାଡ୍ ନିର୍ମାଣ କରିବାକୁ ନିଷ୍ପତ୍ତି ନେଇଛି। ବୈଜ୍ଞାନିକମାନେ ମଧ୍ୟ ଏହା ଉପରେ କାର୍ଯ୍ୟ ଆରମ୍ଭ କରିଛନ୍ତି। 

ବର୍ତ୍ତମାନ ଏହି ପ୍ରକଳ୍ପ ପାଇଁ ଯୋଜନା ପ୍ରସ୍ତୁତ ହେଉଛି। ଏହି ଯୋଜନା କାର୍ଯ୍ୟକାରୀ କରିବାକୁ କେତେ ସମୟ ଲାଗିବ ତାହା ଆକଳନ କରିବା କଷ୍ଟକର। ୟୁରୋପୀୟ ସ୍ପେସ୍ ଏଜେନ୍ସି ଚନ୍ଦ୍ରରେ ରାସ୍ତା ଏବଂ ଲ୍ୟାଣ୍ଡିଂ ପ୍ୟାଡ୍ ନିର୍ମାଣ କରିବାକୁ ଚାହୁଁଛି। ଚନ୍ଦ୍ରର ପୃଷ୍ଠକୁ ଅଧିକ ବାସଯୋଗ୍ୟ କରିବା ପାଇଁ ଏହି ସଂସ୍ଥା ଏକ ଉଚ୍ଚାଭିଳାଷୀ ପ୍ରକଳ୍ପ ମଧ୍ୟ ଆରମ୍ଭ କରିଛ।

ଏହି ପ୍ରକଳ୍ପର ନାମ ପାଭେର୍ ରଖାଯାଇଛି। ଏହି ପଦକ୍ଷେପଟି ଶକ୍ତିଶାଳୀ ଲେଜର ବ୍ୟବହାର କରି ଚନ୍ଦ୍ର ଧୂଳିକୁ ଏକ ଗ୍ଲାସ ପରି କଠିନ ପୃଷ୍ଠରେ ତରଳାଇ ରାସ୍ତା ଏବଂ ଲ୍ୟାଣ୍ଡିଂ ପ୍ୟାଡ୍ ସମେତ ଚନ୍ଦ୍ରରେ କାର୍ଯ୍ୟକଳାପର କ୍ଷେତ୍ରକୁ ମଜବୁତ କରିବାକୁ ଲକ୍ଷ୍ୟ ରଖିଛି। ପାଭେର୍ ପ୍ରକଳ୍ପ, ଜର୍ମାନୀର କ୍ଲାଷ୍ଟାଲ୍ ଟେକ୍ନୋଲୋଜି ୟୁନିଭରସିଟିରେ ମହାକାଶ ପଦାର୍ଥ ସାମଗ୍ରୀ ପଦାର୍ଥ ବିଜ୍ଞାନ ପ୍ରତିଷ୍ଠାନର ସହଯୋଗରେ ପରିଚାଳିତ ହେଉଛି। 

ନାସା ବୈଜ୍ଞାନିକମାନେ ଜଣାଇଛନ୍ତି ଯେ ଚନ୍ଦ୍ର ଧୂଳି ହେତୁ ଅନେକ ଚନ୍ଦ୍ର ମିଶନ ବହୁତ ଅସୁବିଧାର ସମ୍ମୁଖୀନ ହୋଇଥିଲା, ଆପୋଲୋ ୧୭ ଚନ୍ଦ୍ର ମିଶନ ମଧ୍ୟ ଧୂଳିପାଇଁ ଅସୁବିଧାରେ ପଡ଼ିଥିଲା। ଏହା ଯୋଗୁଁ ସ୍ପେସ୍‌ ସୁଟ୍‌ଗୁଡ଼ିକ ନଷ୍ଟ ହୋଇଥିଲା। ଏଣୁ ଭଲଭାବେ ଅନୁଧ୍ୟାନ କରାଯିବା ପରେ ଚନ୍ଦ୍ରରେ ରାସ୍ତା ନିର୍ମାଣ କରାଯିବ, ଯାହାର ପ୍ରାରମ୍ଭିକ ପର୍ଯ୍ୟାୟ ପରୀକ୍ଷଣ ଚାଲିଛି।